2004 年 8 月 29 日 星期日 【晴】

今朝七點幾就起身，由於係營到活動，我冇洗頭ｓｅｔ頭，著晒拖鞋咁玩。食過早點之後又落番去活動室玩集體遊戲。好多時都唔想玩，但係玩落又會好認真，因為唔想包尾。之後玩０個個奇人奇技大作戰真係好強，估唔到咁多奇人異事，有０的又係軟骨人，最恐怖係阿ｍａｙ舊骨可以移動，我真係睇到目定可呆．．．．．但係玩到其中一項時有人發生意外整親條腰，訓左係地下不能動，攪左好耐最後先ｃａｌｌ白車。之後就臨時終止左一陣就番左房。

自由時間中，我真係去左探阿婆。好耐冇見到佢，其實我覺得佢好慘，日日都訓０下張床到，又冇娛樂．．．．我真係有０的不忍。我諗佢唯一最開心０既就係見到有人離探佢，雖然只係短短個幾鐘，但係佢已經好開心。跟住開左罐頭餵佢食飯，佢知道我入左大學都叫我俾心機讀書。雖然阿ｍａｙ一星期都會離睇佢一次，但係我都覺得唔係好足夠。我設身處地咁諗就會明白０個種感覺，訓０下張床到雖然有人餵有人照顧，但係其實仲有冇意義係到．．．細個時阿婆好錫我，成日買玩具俾我，但係我都好認真咁諗，其實如果佢可以冇病冇痛咁一教訓左去，可能對佢離講先至係一種真正快樂．．．．．．

之後六點鐘食飯，然後又再玩定向奪寶，睇得出佢地好有心思，個氣氛就係幾好，真係有悉心咁準備過。雖然最後我地都搵唔到粒夢羅麗沙在君士坦丁堡流汗時掉下的淚，但係都好好玩。之後話要ｉｎｔｅｒｖｉｅｗ拍０野俾ｐｒｏｆｅｓｓｏｒ睇，逐個逐個入房ｉｎ，等左好耐好耐，我係最後一個。入到房好嚴肅咁坐左係到問問題，最後原來係一個大整蠱。入到離見到牆定人，見到人就ｃｏｎ人，見到牆就ｃｏｎ牆．．．．之後ｌｕｃｋｙ　ｎｏ係十號．．．就俾人ｃｏｎ十０下．．．完全係估唔到．．．．老馮超攪笑．．．ｌｕｃｋｙ　ｎｏ．係７７～～俾人ｃｏｎ左２０下仲欠５７下，哈哈！！～！～！～不過真係幾攪笑。

之後玩完番左房訓。佢地話去隔離傾計，我同老馮冇去訓左．．．．之後訓著左突然甦左，見到有幾個大漢入左離，其中一個大得恐怖０既係阿洋．．．結果俾人強迫地ｃｏｎ醒左．．．
之後又過埋隔離傾計，傾到四點幾先訓教，超級累。

>>August 31, 2004 at 5:13:29 PM GMT+8

2004 年 8 月 28 日 星期六 【晴】

今日係去營新迎０既日子，琴晚睇完女排成四點幾先訓，今朝就要一早八點幾番到學校。於是約左老馮係上水火車站到等。大家都係雙目冇神，烏０下烏０下咁。背住個死人斜袋，又大又重，真係好辛苦，去到九龍塘仲要落雨。之後番到去就要玩遊戲，玩到成十二點鐘先走。真係好累。

之後食完飯就要玩咩鬼定向搵ｃｅｈｅｃｋ　ｐｏｉｎｔ，係沙田到走來走去，又拎住個袋，真係好鬼死辛苦。最後完成晒０的任務就走左去小巴站到搭車。諗出發前一晚，阿ｍａｙ強迫地要我拎埋盒乾蘇餅同埋一罐罐頭梅菜鴨肉去，因為我０既目的地突破青年村原來係阿婆住緊慈善醫院０既對面．．．．於是我無奈地接受．．．不過我都好耐冇見過阿婆了。之後上到青年村，環境都唔錯，基本上我以前探阿婆時都知呢到幾靚，居高臨下可以望到馬場。之後就分房，我同老馮和阿沛三條人訓六張床，超正！～！～係今次０既入面我地會分四組比賽，輸左０個組要受大懲罰，係鬧市做０的變態０野。

第一個環節係天才表演，我地抽左李寧同米高積遜，要做一個短劇將佢地連埋。最後我地扮奧運直播站，我做老鼠安，講李寧贏左金牌，之後有人做體操，最後有人訪問，原來李寧ｂｂ仔時俾佢老豆米高積遜成日拋來拋去，所以０的空中轉體咁好。ｆｉｎａｌｌｙ我地第一，先拔頭籌。之後要聽０的師兄師姐講無聊０野。臨尾突然熜晒燈，跟住成班人衝入離拎住枕頭袋包包氣球係咁打我地，係黑暗之中我俾數個圍打，不過一向善於集體戰０既我當然冇事。之後我同其中一個玩武將單挑，我作為一個驍勇善戰０既蒙古人當然唔會輸洩！玩完之後就番房沖涼，好耐都冇訓到上格床，超開心。跟住ｒｅｇｉｎｅ打離話俾人整到全身濕晒，超恐怖，但係睇番本行程，聽日我地都要玩水戰。

>>August 31, 2004 at 4:47:39 PM GMT+8

2004 年 8 月 27 日 星期五 【晴】

今日終於可以有幾晏訓到幾晏。琴晚訓教原來唔記得左刷牙，今朝個口勁臭。一起身個腦諗０既０野就係訓身。琴晚半夜諗左好耐，到底好唔好怒訓阿根廷，最後都買左＄５００。由於呢排幾廿蚊咁輸，都輸左幾百，所以要訓一訓身補一補倉，原本諗住買晒＄１５００，但係又驚死，最後買得＄５００。晨早流流就訓身，跟住就梳洗。之後嘗試整隻ｓｐｅｃｉａｌ雞蛋，但係都唔得。之後又將０的燒鵝剪粒煮面食，再加蝦乾。

食完之後下午就直播阿根廷，睇左兩個鐘，最後贏一粒，不過都好驚。贏得＄２００。跟住又即刻拎＄１００，博一博。然後就找左兩個行李喼出離執０野搬屋。聽日要去ｃａｍｐ，所以又執埋０的０野。將０的阿嬌相拎晒出離，諗住到時貼晒係房門到～之後就打左陣機，然後就換衫出去駕駛學院上理論課。上完之後就番屋企。ｒｅｇｉｎｅ今日要去ｐｒｅ－ｃａｍｐ，真係好無聊，ｃａｍｐ都要ｐｒｅ，但係佢話有個ｙｅａｒ２好咸濕，成日秋女仔水，不過我諗佢地都冇咩好俾人秋嫁喇。番到上水同司徒立中去左食飯，佢個頭又唔知做咩剪到好怪．．佢次次都去樓０下剪，去江敏婷０個到剪咪幾好，剪左好似冇剪咁～～～

食完之後番屋企，０的０野好似執極都執唔到，部ｐｓ２又唔知點拎，個電腦低音炮又唔知點拎，真係好麻煩，睇離唔到搬０個日我都唔會積極執嫁喇。夜晚潘ｓｉｒ打離話有１５００、８００睇，０的仆街跑得超快，真係好強！聽日要八點四十五分番到學校，超早呀！！！！

>>August 28, 2004 at 6:18:48 PM GMT+8

2004 年 8 月 26 日 星期四 【晴】

今朝終於都冇左０的鑽牆聲，十一點幾就起身，跟住就沖涼痾屎。然後就煮左一味新菜色。首先左琴日食剩０既冷飯拎出離，然後將又係琴晚食剩０既燒餓切粒。之後就好似普通炒飯咁炒。然後攪混左兩隻雞蛋，加左０的鹽同埋豉油，跟住淋上面，等０的蛋熟左之後就變成一大塊炒飯庵列～食完之後就出發去跑馬地見工。

首先搭火車去到紅堪，呢排剩係增值都用左好多錢，跟住搭過海巴士去跑馬地。係巴士部電視機俾我睇到一樣好有趣０既０野。原來平時滾水緣熟０的蛋係可以整到蛋黃同蛋白位置調轉，一剝殼係黃色，跟住裡面係白色，超級攪０野！！！跟住去到馬場，上左去招募處。面試０既時候好驚，冇啦啦叫人讀英文，好在照住讀冇咩問題，但係之後要我用英文讀出０的數目，成十幾萬，而家諗番起好似讀錯左ｔｉｍ．．．．．大學生唔一定英文勁０既，勁就唔洗上ｅ仔班啦．．．之後係跑馬地搭巴士去沙田學車。去到沙田大約四點幾，之後行左一陣，去左ｄｅｌｉｆｒａｎｃｅ食０野，好鐘意食個２號餐。然後就行街，睇中左件祖記ｔ－ｓｈｉｒｔ，好靚，粉紅色字，深籃色底，不過冇買。跟住行到去ａｓｔｒｏ　ｂｏｙ，見到個斜咩小袋超靚超鐘意，又唔係好貴，原本想買，但係之前申請張阿童木信用卡如果一經批核，有＄３００現金卷去ａｓｔｒｏ　ｂｏｙ買０野，所以忍住先。跟住以為七點鐘，點不知一上車先知原來係六點鐘，早左成個幾鐘去到駕駛學院，於是落左車之後就太過漫步咁行過去，去到又慢動作咁預約課堂，但係都仲有成個鐘。跟住唯有坐係到訓教。

今日又係學兩堂，一開波就走出街。而家已經好狼，開到４０ｋｍ，入埋３波。為左表現俾個阿ｓｉｒ睇我係一個充滿天份０既颷車手，我以高速入彎，嚇到條仆街叫：「慢０的！慢０的！」。由於渣住架學車，左右其他車都當我流，係咁爬我頭，我差０的沉不住氣大力俾油，但係又驚發生意外．．．．不過都幾好玩，但係冇左阿ｓｉｒ係隔離應該會好大鑊。第二個鐘渣到去仲遠，唔知係咪因為出街，轉眼間就兩個鐘。

跟住就番屋企，肥光原本話飲酒，其實我都好想去，但係又要學車。番到上水去左ｍ記買個香辣雞腿包餐，番到屋企先記得冇拎泰式辣醬。每次食呢個包都會記得何寶怡，因為係佢教我加泰式辣醬，雖然０個時口講話佢低能，但奈何加左真係好食好多好多！！！！！！之後食完就買波，又買左＄６０，上次０個條差一關就贏＄６００！！！頂！！！！！！！！！！！！！
由於我成日諗住開學要被迫鍛鍊，攪到呢排懶散左好多好多，好唔滿意，於是今日認真咁做番０的舉啞鈴，明顯地弱左，不過舉完之後０個種疲倦好滿足，漲卜卜個感覺好好。

半夜睇田徑，劉翔好撚勁，拎第一仲要平埋世界紀錄。誰說黃皮膚不能跑在黑人之前？我鐘意ａｄｄｉｄａｓ今年個ｓｌｏｇａｎ，ｉｍｐｏｓｓｉｂｌｅ　ｉｓ　ｎｏｔｈｉｎｇ！！不過最想睇都係中長跑，但係次次都成四點幾先做，點睇呀！？

>>August 27, 2004 at 6:55:00 PM GMT+8

2004 年 8 月 25 日 星期三 【晴】

今朝早又俾０的工程０既鑽牆聲噪醒左。但係我依然堅持住繼續訓落去。訓到十一點四十五分先起身，一起身又爆石，爆左好多好多。但係個肚有０的唔舒服，攪腸沙，痾屎水。跟住沖涼剃鬚，由於而家要番學見人，所以剃得頻密左。但係個唇上又生左粒暗瘡，好鬼討厭。

換完衫又出發，落到街先知原來一號風球。日日都係咁樣真係好厭倦。今日冇食到０野，剩係食左０的乾糧。之後去到九龍塘又落雨，好在有遮，今次唔係好大雨，冇咩濕到。番到學校，見到部電梯停左，個心火火地，又要行！但係當我行到埋去，原來冇事，正當我滿腦子問號０既時候，我見到第二部電梯又係停左，今次我望得好清楚係停左，於是我行埋去，行到去自動開番，原來兩部電梯有感應，冇人行０既時候會停左慳電，好潮呀！！！

番到去去左廁所痾，今次真係肚痾，琴日唔知食過０的咩，攪到個人好冇精神，又冇食到０野，感覺到好虛弱，心口個位唔知點解好似之前屎忽舊肌肉咁係到跳０下跳０下，按極都係咁，又拉唔到，點算？！。琴晚知道左ｒｏｏｍ－ｍａｔｅ係邊個，原來係阿釗，真係編番同系０的人，唔知ｔｏｉｌｅｔ－ｍａｔｅ係０的咩人呢！～幾經辛苦又過左三小時，跟住就番上水。番到上水去左剪頭髮，個頭好厚好長，要修一修。我已經搵到一個可信賴０既髮型師，而家對於剪頭髮已經冇晒畏懼感，真係好開心。

剪完之後番屋企，呢兩日個喉嚨唔係咁舒服，加埋今日肚痾，成個人都唔知點咁。番到屋企餓到唔餓了，之後食飯，有燒餓食，不過唔係咁好味。之後就呃阿媽出去飲０野，其實就係去同潘建呂約會。同佢搭火車出九龍塘，傾左０的ｐｅ系０既０野，原來佢真係幾有料，成日覺得佢傻０下傻０下咁。跟住難免講０下佢今年班中六０既成績，當然我地勁啦，不過開頭都冇人估到我地咁勁０既，要睇耐０的。

之後去到港台，比我想像中簡陋，座０野又唔係好大座，我仲諗住好似電視城咁大。係門口我開始驚，但係都要頂硬上。入到去就要打天才波，咩都冇準備過，０個個咩錢佩卿話只要講番０的自己經歷就可以。於是我就講，講落又唔係好驚，基本上同平時講０野冇咩分別，都唔覺得係ｏｎ　ａｉｒ，轉眼間就過左半小時。之後搭的士番九龍塘，潘ｓｉｒ好豪咁拎張＄２０紙俾＄１５，叫人唔洗找，我有０的衝動叫個的士佬找俾我。跟住講左０的奧運０野先知道而家０的運動係咁黑暗．．．雖然香港隊奧運成績唔好，但係傷殘奧運都幾勁，遲０的係電視又會見到潘ｓｉｒ．．．．．跟住講左好多０野，我０既心境又好似唔同左，攪到有０的唔想做ｐａｒｔ－ｔｉｍｅ。暫時目標係要去代表浸大跑田徑，遲０下開左學定落離之後真係要去體院訓練！我要揚威大專賽，雖然仲有一段距離。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

G：Good-looking 美貌
I：Incomparable 無與倫比
L：Lovely 可愛
L：Lucky 幸運
I：Immaculate 完美
A：Angel 天使
N：Nice 美好

ＧＩＬＬＩＡＮ～～～～～～～～～～～

>>August 26, 2004 at 6:15:16 PM GMT+8

2004 年 8 月 24 日 星期二 【晴】

今日十一點就起左身，今朝家姐個電話冇再發顛，不過晨咁早就有人係到鑽０野，噪到仆街！呢幾日一起身都好急屎，但係一痾就係成堆唔太條狀０既屎，但係又唔係爛屎，可能原本係條狀，但係訓到咁晏，變到好似好爛咁。之後十二點幾就出發，諗出門口前買左條早飛４串１，呢幾日都冇贏到錢，我諗係時候離料。

首先去左匯豐銀行拎番張支票，琴日高妹竟然幫我入左落匯豐，分明玩０野。公司計多左我一日糧，真係開心。之後又行番去恒生入數，然後就出發去番ｅ仔班。係火車到，我又食巨無霸，原來係火車到食０野０既感覺係咁奇怪，好耐都冇見過有人係火車到食０野。之後到達左九龍塘，雖然今日冇落雨但係我都拎遮，因為好猛太陽。番到學校早左半個鐘，於是我就係ｃａｎｔｅｅｎ到嘆冷氣，原來學校周圍都有冷熱水機，等我咁傻仔入支水番學．．．．．

由於星期五要去馬會面試，番唔到學，咁０岩最後０個日又係要ｅｘａｍ，於是我就同ｍｉｓｓ講，好在佢俾我九月一日去第二班到補考～唔知點解今日０的時間過得好快，轉眼間就３個鐘頭。之後就去左又一城行０下諗住搵工，點不知有個女仔拍我，係０的咩星探，話我好ｓｐｏｒｔｙ，想影一輯硬照，雖然我明知係呃人，不過個心都飄飄然，仲俾左個電話佢。

然後就去左沙田，係東東雲吞面食左個鐵板炒面，辣到仆街。之後又去學車。等巴士時，有一架巴士０岩０岩埋站，點不知壞車，於是架巴士０的乘客被迫移去第二架，我就係呢個時候扮晒壞車乘客混水摸魚咁上車，咁又慳番幾蚊～去到駕駛學院，預約左星期五。今堂開始學泊車，原來冇ｗｅａｒ眼鏡有咁大影響，成架車直鏟上博，因為我睇唔到倒後鏡。之後第二個鐘出左馬路行，我都估唔到咁快，總係覺得好快。係馬路到我開到差唔多４０ｋｍ，勁左好多，之後有架大貨車係隔離爬頭嚇鬼，但係真係幾驚，好大咪，俾佢嚇親，不過都幾好玩，原來自己渣同做乘客分別都幾大。

琴日睇戲食左好多爆谷，攪到喉嚨痛，真係好慘。跟住番屋企，係馬王買左個粥餐。番到屋企，姨媽打離，又俾左＄５００我，真係好開心。之後阿賢話之前佢住宿舍砌多左部電腦，而家冇用，可以借俾我入ｈａｌｌ，咁樣又唔洗買，不過又唔係好開心，因為總覺得唔係咁好意思。開頭姑丈話送俾我，我同阿ｍａｙ講，如果佢唔出錢，我寧願自己買都唔洗人地送，我真係覺得自己好型，雖然度０者，但係我都仲有一份豪氣０既！

呢兩日黑炭開始頑劣番０的，但係夜晚見到佢係到ｆｉｎｇ頭，於是幫佢睇０下，點解仲會有蛩嫁．．．．明明已經做晒０野嫁啦，真係唔明，不過好在得一隻．．．．但係都仲係好唔安樂．．．．

>>August 25, 2004 at 6:02:50 PM GMT+8

2004 年 8 月 23 日 星期一 【晴】

今朝七點幾又俾家姐個電話噪醒左，連續幾日都係咁撚樣，攪左個鬧鐘又死左入去洗面，火都離埋將佢個電話熜左然後連埋個袋放左係地下，都唔撚知０的人嘜０野心態，聽日如果再係咁我就成個袋放係廁所門口示威！！！！之後訓到十一點幾十二點，個人訓到呆晒，明明醒左又唔想起身。之後焗住要起身沖涼出門口。

落到樓下買左個菠蘿包加一杯豆漿，對於金錢方面０既問題我仲係耿耿於懷，越離越唔妥，條氣就越唔順。之後搭火車去到九龍塘，落狗屎，見到０的人塞晒係樓梯出唔到去，本以為自己好型有拎遮，點不知有定於冇，成隻鞋都濕晒，條褲又甩色，攪到對鞋有０的籃色．．．真係好黑仔，番到學校對腳俾０的水浸住好唔舒服，成個人都好狼狽，點解個天要咁作弄我？！辛辛苦苦涯到三點半，走左去廁所除左對襪，然後用吹風機吹對鞋，不過都係吹唔乾。好撚悶咁到五點鐘走人，為左錢，我依然死死氣咁約左老母係沙田配眼鏡。就係我行緊去九龍塘途中，馬會打離叫我星期五去面試，如果成功的話就好喇，只要有錢，就唔洗再受氣了！

去到沙田，行左去一間相熟０既眼鏡舖，配完之後就去學車。我忍住心咁拎左一千蚊去交錢，我要有骨氣０的，我唔會再求佢地班人俾錢我，叫左一次唔俾就算，我有手有腳有樣有型有經驗有學歷有智慧唔信會搵唔到錢！！！就咁係沙田行都見到周圍貼左好多請ｐａｒｔ　ｔｉｍｅ，但係我要等個ｔｉｍｅ　ｔａｂｌｅ　ｃｏｎｆｉｒｍ左先可以ａｃｔｉｏｎ。諗去學車前買左個巨無霸食，我預早左一個鐘頭出發，因為我唔可以再咁奢侈搭的士去。

去到駕駛學院，依依不捨咁將一千俾左人．．．．．之後又學車，今堂個阿ｓｉｒ冇之前０個個咁好，串串地，我唔係咁鐘意佢，好彩只係一個鐘，於是我諗尾只係俾左３分佢。然後就番沙田睇餃子．．．開頭以為三級片係會好核突，我真係好失望，全程悶到嘔電，一套恐怖片居然可以有好多幕係成場人笑，問心講句真係一０的都唔好睇，楊千嬅完全唔掂，佢都係走去做番０的屎尿戲０岩０的，真係好失敗。

之後番屋企，係天橋到買左餃子食．．．．．．同埋一串雞翼、一串至愛煙肉腸和一串珍寶腸。番到屋企食完就沖涼，跟住度波，阿叔俾左０的心水我，我都信０下佢，不過馬會個網上投注好撚西，成撚日都ｌｏａｄ唔撚到，好在朕有電話投注！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

快樂不是因為擁有的比別人多，而是因為計較的比別人少。

>>August 24, 2004 at 6:23:38 PM GMT+8

2004 年 8 月 22 日 星期日 【晴】

唉．．如果當日考英文勁少少，拎個ｄ就唔洗今日一連５日都番去補英文．．．今日訓到十二點起身，跟住就沖涼，之後換衫就出發。今日著左條ｌｅｖｉｓ，就甩就甩咁樣．．．．係火車到唔知點解都好眼訓。琴晚踢完波，今日全身都好酸痛，體能真係下降左喇，開學０個一兩個星期一定會好辛苦嫁喇。去到九龍塘先知道我唔知係邊到上堂，之後就周圍打俾人先知係舊校，但係舊校咁大都唔知邊到。之後見到阿ｍａｙ，叫佢０既時候總係覺得怪怪地咁，好似叫緊阿媽咁。

入到個ｒｏｏｍ之後有個西洋女人，全房都應該係英文有缺陷０既同學，不過有０的都好似幾強咁。我開始懷疑，到底當日ａ－ｌｅｖｅｌ考試個ｍａｒｋｅｒ係咪改錯卷，點解我會合格到？我見到０的英文發覺同佢地係陌路人．．．上完個幾鐘跟住有個小休，我地全部ＰＥＲＭ０既同學仔去左ＣＡＮＴＥＥ食０野。食完之後以為四點鐘番去，點不知原來唔係，我地全部遲左。雖然呢三個鐘只需要講０野，但係都覺得好悶，唉．．．仲有四日咁多呀．．．．頂！

五點鐘走人，我去左旺角。係地鐵站到同譯偉洋度０下隻手，真係好大隻，０的手指隻隻都長我一節，好勁啊！！！去到旺角，走左入ＬＥＶＩＳ專門店買左條孖煙通，雖然唔係好貴，但係都不能夠咁奢侈。之後係旺角行左一陣，睇左０的波衫，去電腦中心睇０下０的電腦，點不知又申請多左張信用咭，因為張咭係小飛俠，好靚，又永久免年費。登記左任選一樣禮物，我拎左個小飛俠滑鼠墊。屋企有成套小飛俠漫畫，明明叫杜比，但係唔知點解呢到叫阿童木，真係唔明。

之後就番屋企。係火車到又訓著左，呢排同ＲＥＧＩＮＥ玩接歌詞遊戲，佢次次都輸，但係佢好狗咁整０的英文歌過來。幾經辛苦終於番到上水，之後係彩園村左騰右騰，首先去影印學生證。之後落左街市想買弄漿，點知又關左門。番到屋企睇男單兵兵球決賽，中國最終都收左皮。

夜晚係網到睇０下宿舍批左未，但係都仲未出，唔知幾時先有得睇呢。跟住睇莫探員，好地地一套喜劇，冇啦啦又變左做悲劇，仲要整埋０的至黑人憎０既懸念，真係好撚討厭，攪到唔拖唔水咁。之後好唔妥阿ｍａｙ，又唔肯出晒０的錢買電腦，成撚日要我自己出番０的，成日侯實人銀行０的錢，學車０個到諗住自己交埋九百幾蚊，跟住等佢買電腦都算係咁，頂佢個肺仲要我自己交埋！！！！！！！！！！！！！！！仆街！！！！！！！！到時０的錢冇晒，咪又要打回原形，實在太唔妥佢，如果真係咁的話最多搬左出去唔撚番離訓，再係出面搵份ｐａｒｔ－ｔｉｍｅ做！！！！！！！！！！！！！！！！！！！！以前番工又開心又有錢收，放工番離佢地又差唔多訓晒，不知幾開心，諗諗０下真係有０的後悔，早知升唔到一路做落去仲好呀！！！！！！！！！！！！！！！！！！！！！！！！！！！！！！！！！！！！！！！
！！！！！！！！！！！！！！！！！！！！！！！！！！！！！！！！！！！！！！！！！

好撚唔順氣呀！！！！！！！！！！！！！！！！！！！！！！！！！！！！！！！！！！！

>>August 23, 2004 at 3:52:36 PM GMT+8

2004 年 8 月 20 日 星期五 【乍寒還暖】

琴晚發左個夢，剩係記得好特別，不過已經唔記得左係咩。十一點幾就起身，跟住慢條斯理咁係間屋到冇所事事。之後就去沖涼。今日要拎黑炭出旺角沖涼。自己沖完涼之後就用膠袋將部電腦封好，又拎晒０的杯入廚房，之後就出發，等阿ｍａｙ負責開著個滅蛩器焗一焗間屋。

黑炭一出門口就好驚，不停咁係到咪，係個籠到係咁望住我咪，可能以為我想唔要佢。拎住個籠已經好異相，佢仲要係咁係到咪，攪到好多人都望住我。之後就搭火車，佢都係咁咪。不過可以理解０既，佢一向都係屋企，突然間見到咁多自己未見過０既０野，驚都好正常。於是我用條跳跳虎手巾仔遮住個頂，等佢望唔到冇咁驚。去到旺角站先聽到廣播，原來火車範圍內係唔可以攜帶寵物，不過我已經出左閘．．．．今日係咁落雨，黑炭又重，拎到我兩隻手都超累。又行錯路，貪心諗住行天橋唔洗拎遮，但係最後都要行番轉頭。一隻手拎遮，另一隻手又拎住個籠，都唔知平時俾咩佢食食到佢咁重。兩隻兩鼠仔輪流谷，谷到差０的爆，加埋落雨真係好頻能。最後都成功到達，黑炭一入到去寵物屋已經好驚，之後又唔敢出聲。ｊｏａｎｎｅ姨姨幫佢剪指甲時佢一０的都冇反抗，乖到唔信，只要一離開屋企，佢就變左做一隻純良０既小貓。其他貓仔嘗試接近黑炭，我諗佢都係第一次見到自己０既同類，但係佢就發惡兇人。

之後我就放低左佢係到，然後死左去睇千嬌變，阿嬌真係好正，但係俾房祖明條撚樣係咁抽水。但係唔知點解睇左套戲之後又好似冇咁憎房祖明，可能佢做得傻傻間間咁，都幾得意０既，但係佢打阿嬌主意就點都唔０岩嫁喇！！成套戲其實中肯０的講句就唔係咁好睇，好多打鬥場面，故事性唔夠強。

睇完之後又番番去拎黑炭，佢已經沖完涼乾淨晒。之後為免俾人禁止上車，用左個大膠袋包住個籠先走。今次走０既時候黑炭好似冇咁驚，冇再咪，去到火車站亦都好順利咁過到。之後番到屋企，黑炭就即刻走出離，但係佢好似變左，冇再咬人，抱佢又冇反抗，成個人都呆成，可能真係受驚過度，正面０的可以話乖左，負面０的可能真係嚇親，要幫佢喊驚至得～～

之後十點鐘０個０的球賽買唔切，但最後都買左一條４串５同埋一條２串１，夾埋用左＄１００，希望可以再中啦，中部電腦番離就好喇～～

>>August 21, 2004 at 5:39:15 PM GMT+8

2004 年 8 月 19 日 星期四 【晴】

今日終於唔洗番學，訓到十一點幾俾姨媽噪醒左。講左一陣收線，成日都叫我放假去溫哥華住，不過０個邊咁平淡０既生活都唔係咁適合我，佢問我想要０的咩送俾我當獎勵我入到大學，其實我想話要電腦，不過最後都冇講到～之後訓醒就打左陣機，然後幫房大掃除。預科０的書同ｎｏｔｅｓ多到仆街，攪到個櫃好混亂，於是把心一橫嘜撚都扔晒出街，成個櫃空左幾多，跟住發現左有一大包避孕套未開過，印象中好似唔係我的，然後又發左之前借左人０既漫畫，開頭仲死口話還番．．．原來真係仲我屋企．．．．．。之後又將０的唔著０既衫拎晒出離，等個衣櫃騰出０的空間，結果有兩大堆衫褲，有０的仲係著左一兩次，我實在太浪費了。然後就執埋上格床，搵到隻ｎｉｋｅ　ｂｂ鞋，掛左係個袋到。跟住就拎吸塵機出離吸塵。黑炭一見到吸塵機就雞飛狗走。攪掂晒０的０野跟住就拖地，攪到成三點幾四點先落街買叉鵝飯食。

食完之後玩電腦，ｃｕｔ走晒０的人聲就咁唱歌，不過唱得好難聽。之後潘ｓｉｒ打離話要星期四晚做ｌｉｖｅ．．．唔知點解有０的怕怕ｔｉｍ．．．．然後就打ｗｉｎｎｉｎｇ，但係食完０野之後飯氣攻心，訓左一陣，我發覺雖然冇番工，但係個生理時鐘仲係番工咁樣，連痾屎都係一樣。係ｉｃｑ知道有個同學原來同我同月同日生，一尾雙魚女，可以一齊慶祝生日了。跟住夜晚去左行樂軒食飯，阿ｍａｙ又再提起電腦０既問題，其實佢想買０既，不過我都明佢心痛嫁喇，之但係又就真要買喎。食完之後就要去學車，雖然學九點半，但係我八點半就出發，但係最終都係要搭的士。我實在太低估出去０既時間，成日以為一個鐘咩都得，點知次次都趕唔切要搭的士，下次唔再准許咁樣。

去到駕駛學院，開頭坐係隔離睇個阿ｓｉｒ渣，但係好快就俾左我渣。開頭好撚驚，但係之後慢慢就唔驚．．．最快都唔過２０ｋｍ．．．俾人知道ｓｋｙ哥哥開得咁慢以後仲點見人．．．不過個阿ｓｉｒ讚我強勁，頭兩堂０既０野已經掌握左，佢於是預先教埋第三堂０的０野，下次應該就可以出馬路了，不過如果開快０的可能會有０的問題。

之後搭巴士番火車站，係火車到有個醉酒漢發顛，剝晒衫訓左係另一名麻甩佬個大脾．．．．近日忽然鐘意左黃耀明同肥嬅合唱０既相逢何必曾相識，黃耀明的確係一位另類０既歌手。仲未買背包．．．錢呀．．．我需要錢呀．．．．我好鐘意錢呀．．．．．．

>>August 20, 2004 at 7:11:13 PM GMT+8