2004 年 9 月 8 日 星期三 【陰】

琴晚成四點幾先訓，今朝唔願起身，呢兩日都好累，訓得好少。今朝起左身開始頹廢，又冇洗頭又唔剃鬚，慢慢地又變番左乞兒仔。之後食左個包同飲左盒朱古力奶就落去上堂。第一堂上解剖學，又係完全唔識０既科目，跟住去左ｌａｂ睇骷髏骨頭模型，差０的唔唔記得左我係班長，今日ｄｏｃｔｏｒ叫我收功課，好似小學生咁。

上完解剖之後唔洗上ｉ．ｔ．，我地去左九龍城唱卡拉ｏｋ，好耐都冇去到唱ｋ，仲要係咁多人一齊唱真係好耐都冇試過，雖然成日爭咪，但係都好好。不過由於我要上英文堂，所以走先，得我一個要上真係好唔開心。於是我叫ｗｉｎｎｉｅ幫我轉左，將０的堂迫左係星期二，以後每個星期二都係超喪，因為九點半直踩到落兩點半，其間一個鐘休息都冇，所以星期一晚一定要早訓！！上完英文堂番左宿舍，首先同ｗｉｎｎｉｅ一齊ｐｒｉｎｔ左張新ｔｉｍｅ－ｔａｂｌｅ，跟住番ｈａｌｌ等肥華。然後認認真真咁執０下個樣，洗番個頭，成個人型番晒！！

夜晚七點半要學車，我早左０的出門口，去左又一城ｄｏｕｂｌｅ　ｐａｒｋ大特價，買左件衫＄１０５，超抵！！平左成半有多！！！跟住去到沙田，其實今日都痛停過，一直都好累，係巴士到鐵漢再次倒下．．．連坐巴士都可以釣魚，我要做真正０既釣魚王！之後學車，我對今日個導師唔係咁滿意，條撚樣個西樣又唔友善，加上坐到又串又唔撚出聲，幾乎都係我自己渣，佢完全好似透明人咁，好在ｓｋｙ哥哥天資聰穎！！最後俾分我俾兩分條撚樣！第二堂又對住條仆街，成個鐘係場內泊位調頭，悶到仆街，不過因為咁我練到好熟，我諗而家去考都應該冇問題。之後第三個鐘去上理論，又要聽書，我開始後悔做咩咁博編到咁密，體力已經不支。上完之後超肚餓，好似琴日０既情況一９樣。

去到沙田買左肯德基，見到我至愛的葡撻超平，＄１９．ｘ六個，但係唔知點解我次次都唔會買，可能就因為咁我先至咁鐘意，就好似阿嬌一樣，因為我永遠都得唔到，所以永遠都咁愛佢。跟住就慢慢爬番宿舍。食完０野之後都仲有０的累，但係歷史又重現，俗語說：「一日不打機，一日不吃飯」，結果又打機，打完之後仲點幾鐘走左落去打兵兵波，每場十一分，輸一球做兩下掌上壓，結果我再次成為掌上壓０既犠生品．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我第一次見到佢既時候就知道呢個場面終於都會出現。呢一秒鐘，呢架車裡面，佢望住我，我望住佢手上面既結婚介指．．．佢向我挨近一o的，我垂低手想隱藏自己０個陣，佢已經o黎到我面前，又停低。我望住同我只有六厘米之隔o既距離，佢眼神裡面有個問題，我心裡面有一個答案－－係咀唇。

>>September 9, 2004 at 7:06:46 PM GMT+8

2004 年 9 月 7 日 星期二 【晴】

今朝九點鐘先起身，個胸同對手都好痛，琴日０既掌上壓將０的乳酸迫晒出離。跟住就沖涼洗頭，然後問左廁所朋友借風筒吹頭。之後冇落去食０野，是但食左舊包就出去上堂。今日只係上一堂歷史堂，講古希臘奧運會。暫時來說對歷史呢科比較有興趣，其餘０個兩科都唔知係尻０野，讀埋晒０的理科０野完全唔識。

上完堂之後就決定走Ｉ．Ｔ．堂，番左屋企拎迷彩床單。係火車到超累，訓著左，去到上水臨關門一刻先彈一彈起身，如果唔係就去左羅湖。之後買左盒叉雞飯番屋企食。番到屋企見到黑炭，雖然我有一種好耐冇見０既感覺，但係佢好似冇咩特別反應，都唔似好掛住我咁，佢實在太過無情了。跟住食完飯拎左＄５００買書就好快要出門口攪其他０野，首先去左上水中心間恒行拎番張信用卡，之後去龍豐買去泥洗頭水，不過冇貨。之後就趕番學校２：３０游水堂。

咁０岩又落雨，真係好憎拎住０的０野又重，番到宿舍一度唔想去游，不過最後都去左。游完之後又趕快地去左旺角，同阿勳一齊上足總。香港足總真係好殘舊，完全反應出香港０既足球事業水平之低，跟住ＣＨＥＣＫ番０的資料就走人。然後去左睇背包，不過旺角冇咩心水。之涕就去左沙田，７：３０要學車。去到沙田中心先拎番副眼鏡，終於可以重見光明。然後走左去ＲＯＹＡＬ睇我背包，我已經決定左買邊個，雖然有七五折，但我諗折左都要成＄７ＸＸ－＄８ＸＸ，不過冇所謂啦，錢係要來用，反正我都諗住用晒去可以明正言順咁問阿ＭＡＹ拎。遲０的要再開到個銀行戶口，將０的身家轉晒落去，因為原來阿ＭＡＹ一直都ＫＥＥＰ住我本紅簿仔，所以我０既財政佢應該料如指掌。

然後去左ＤＥＬＩＦＲＡＮＣＥ食左個２號餐就去學車。今日要學兩堂渣車加一堂理論，加埋三粒鐘，由於有左副眼鏡，所以睇０野都清楚左好多，泊位調頭都好好。之後上理論課我已經出現疲態，係咁釣魚，唔知點解我成日都釣魚，我真係想戒，因為真係好辛苦。上完堂之後番番沙田惠康，買左兩包公仔點心同埋兩條朱古力奶～我終於明白點解０的師幼成日買０野都話要等特價，當自己出錢０既時候，慳得一蚊就一蚊．．．．．

十一點幾終於番到宿舍，之後就做功課，半抄半做咁做完就同六樓條友打左陣機，之後就訓教，唉．．．點解日日都好似好撚忙咁嫁．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

從前媽媽說：「不要跟大佬．．．」；現在媽媽說：「不要做大佬！」。可見我長大了。

>>September 8, 2004 at 7:19:38 PM GMT+8

2004 年 9 月 6 日 星期一 【晴】

踢完波之後超級疲勞，一點左右就訓左。之後訓到兩三點有人打離借風筒！跟住再訓番今朝雖然教左八點半，但係最終都係九點先起身。之後就沖涼洗頭，個頭越離越唔掂，再唔買番支去
泥洗頭水真係唔知點算。跟住飲左盒朱古力奶，然後落去ｃａｎｔｅｅｎ買左盒三文治就上堂。基本上到現時為止都唔知學左０的咩，上堂都唔知係上０的咩，堂堂都係到發夢，完全唔知做緊咩。上完兩堂之後去左搵ｒｅｇｉｎｅ食０野。

去到又一城超級多人，等左好耐位先有。食完之後又番番學校咩開學禮，但係個開學禮又係唔點名早知唔洗去。跟住又訓左大約一個鐘頭，完左之後又去左又一城買袋。買左好耐都未買到一個背包，個個都好似差唔多咁，又冇位邊個特別鐘意，真係唔知點算．．．然後去左ｆｏｏｄ　ｆｅｓｔ食左少少０野，之後就番宿舍。番到宿舍就休息左一陣，之後好悶，個個都唔係到，一係就出左去，一係就番屋企，於是我就好無聊咁自己食杯面。然後十一點左右落左去跑步做ｓｉｔ－ｕｐ加掌上壓。跟住番上去沖涼。

沖完涼上左十六樓，阿鈞生日，之後玩ｕｎｏ，最後我輸左，做左成５７下掌上壓，原本已經做唔到，仲要０岩０岩先跑完步更加係百上加斤，最後頂硬上咁做，做完之後隻手臂超粗，令我好滿意，如果日日都咁做一定會達到我所想０既效果。夜晚打左俾阿ｍａｙ，話佢知俾錢買書，聽日上完第一堂就番上水攪埋０的銀行０野，之後走Ｉ．Ｔ．堂，兩點半先再番學。

>>September 7, 2004 at 5:35:22 PM GMT+8

2004 年 9 月 5 日 星期日 【晴】

今朝一早諗住番上水中心恒生銀行拎番張信用卡同埋買泳褲，雖然較左鬧鐘，但係最後都癩皮唔番。跟住訓到差唔多十二點先起身，呢排個頭洗極都係唔乾淨，洗到火滾，我諗住０的泥整到咁，係時候要買番支去泥洗頭水先得。跟住就落左去交申請雪櫃張ｆｏｒｍ，然後就行過舊校到食飯。

去到舊ｃａｎｔｅｅｎ超爆多人，燒味部連叉燒都賣晒，四寶飯冇叉燒都係第一次。食完之後一點半，大家都去左上Ｉ．Ｔ．堂，我又再次走堂去左又一城買泳褲。買左條好似單車褲０既物體，跟住係皇室睇中左個ＯＫＥＹ袋，不過都好貴，要成＄６ＸＸ－＄１ＸＸＸ。跟住又行番去舊校，行到成身汗，超慘。然後就上游水堂，好耐都冇游過水喇，呢排冇舉啞鈴，望到自己隻手臀都好唔開心。要等到星期五先有ＦＩＴＮＥＳＳ堂上，之後先可以去真ＧＹＭ房，不過我都諗住聽日番屋企拎個啞鈴過來，不過呢個任務一定好艱辛。

止完游水堂就去左食小小食物，跟住番左上房，佢地又係到唱Ｋ，跟住七點鐘去左練波，同我想像中０既足球隊有０的唔同，之前去跟隊或者琴日去踢丙組都係去玩咁，但係練波又唔同鬥波。踢完之後真係累到仆街，番到房諗住沖涼又要開咩房住大會，等到成十一點先沖涼，又未食飯。跟住食左個杯面同埋０的零食，真係好累，體能受到嚴峻挑戰。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

是場遊戲，為何怒氣？做人認真只會苦了自己。

>>September 6, 2004 at 4:54:11 PM GMT+8

2004 年 9 月 4 日 星期六 【晴】

今日訓到十一點絃先起身，俾迪迪仔拍門噪醒左，跟住就落左去同阿洋、ｗｉｎｎｉｅ一齊食０野。食完０野之後就番上ｈａｌｌ，跟住就執０野去跑馬地踢波。今次係去試試腳踢丙組。下半場先有得踢，不過４５分鐘都好辛苦，０的人為左爭取表現所以好獨食，又唔交波，如果唔係我會有仲多機會。踢完之後成隻腳都幾痛，好累，最後都簽左，１２號就係第一場正式０既聯賽！

跟住就去左深水步買ｒａｍ，行到好累先知道到底部機係用咩ｒａｍ，之後就番宿舍，又累又痛，同ｗｉｎｎｉｅ係ｃａｎｔｅｅｎ食完飯就番上樓洗番，印象中好似係自己一個洗手，洗完之後番課，係間課到唱ｋ，熄晒０的燈超正～！之後係間房到掠衫。然後又上左十六樓行左陣，聽日要游水，但係我仲未買泳褲，真係唔知點算好了！

>>September 5, 2004 at 6:26:42 PM GMT+8

2004 年 9 月 2 日 星期四 【晴】

今朝成九點起身，食唔切早餐，好眼訓咁走左去上堂。唔知點解０的堂好似好無聊咁，聽完都唔知講咩。第一堂上到我勁釣魚，超辛苦。之後第二堂釣釣０下訓著左。上完兩堂之後十二點半，要等到四點半先再上。我就約左ｒｅｇｉｎｅ去又一城拎番０的０野，行到去又一城之後又行番去新校。去左ｃａｎｔｅｅｎ食飯之後番左上房。

番到上房有好多人係到，豬豬係到破壞我張床，又攪我０的公仔，係咁將０的公仔飛來飛去。之後又話阿寶好臭。跟住出左去廳打機，成熙同阿狗之後都上埋離。等到差唔多四點就出發，四個女仔訓晒係我地兩張床到，一個攬住我隻大ｂｅａｒｂｅａｒ，一個攬住隻叮噹，係咪所有女仔都要攬住０的０野先訓得著？？？！？跟住去左上ＩＴ，傳說話呢堂係可以唔上，因為係廢到爆，但係我地都好俾面咁上第一堂睇０下咩料。一入到去已經燥底，剩係教點入ＷＩＮＤＯＷＳ都已經講左成個字，跟住又教埋０的低能０野，完全冇人理會佢，我都擺到明訓教。

今日星期五，好多人都番左屋企。我就係宿舍到打左陣機，跟住訓左陣教，八點幾拎埋個喇叭番屋企。番到屋企放低０的０野跟住又出左去食飯，盧翔學人養貓，唔知係邊到拎左隻小貓番離，都ＯＫ得意，不過隻眼好似發炎，係咁流眼水同埋有０的好似龍０既０野。之後去左馬王打冷，０的０野食唔晒，好浪費，不過平過上次０個間好多。

番到屋企，我同阿ＭＡＹ講想買床單，不過要＄５ＸＸ，佢好醒咁即係問番我係咪低能到去買ＴＷＩＮＳ，不過我冇答佢，佢剩係話去日本城買俾我算．．．．．．．．跟住見到銀行寄信來，信用卡已經拎得，不過都唔係小飛俠０個張，我好想要阿童木，我要去買袋！

>>September 3, 2004 at 5:59:31 PM GMT+8

2004 年 9 月 2 日 星期四 【晴】

今朝成九點起身，食唔切早餐，好眼訓咁走左去上堂。唔知點解０的堂好似好無聊咁，聽完都唔知講咩。第一堂上到我勁釣魚，超辛苦。之後第二堂釣釣０下訓著左。上完兩堂之後十二點半，要等到四點半先再上。我就約左ｒｅｇｉｎｅ去又一城拎番０的０野，行到去又一城之後又行番去新校。去左ｃａｎｔｅｅｎ食飯之後番左上房。

番到上房有好多人係到，豬豬係到破壞我張床，又攪我０的公仔，係咁將０的公仔飛來飛去。之後又話阿寶好臭。跟住出左去廳打機，成熙同阿狗之後都上埋離。等到差唔多四點就出發，四個女仔訓晒係我地兩張床到，一個攬住我隻大ｂｅａｒｂｅａｒ，一個攬住隻叮噹，係咪所有女仔都要攬住０的０野先訓得著？？？！？跟住去左上ＩＴ，傳說話呢堂係可以唔上，因為係廢到爆，但係我地都好俾面咁上第一堂睇０下咩料。一入到去已經燥底，剩係教點入ＷＩＮＤＯＷＳ都已經講左成個字，跟住又教埋０的低能０野，完全冇人理會佢，我都擺到明訓教。

今日星期五，好多人都番左屋企。我就係宿舍到打左陣機，跟住訓左陣教，八點幾拎埋個喇叭番屋企。番到屋企放低０的０野跟住又出左去食飯，盧翔學人養貓，唔知係邊到拎左隻小貓番離，都ＯＫ得意，不過隻眼好似發炎，係咁流眼水同埋有０的好似龍０既０野。之後去左馬王打冷，０的０野食唔晒，好浪費，不過平過上次０個間好多。

番到屋企，我同阿ＭＡＹ講想買床單，不過要＄５ＸＸ，佢好醒咁即係問番我係咪低能到去買ＴＷＩＮＳ，不過我冇答佢，佢剩係話去日本城買俾我算．．．．．．．．跟住見到銀行寄信來，信用卡已經拎得，不過都唔係小飛俠０個張，我好想要阿童木，我要去買袋！

>>September 3, 2004 at 5:59:31 PM GMT+8

2004 年 9 月 1 日 星期三 【晴】

琴晚最後成四點先訓，今朝八點鐘就起身，雖然番九點半，但係約左人食早餐。起身之後又沖涼洗頭，宿舍０既花酒好過屋企０個個好多，洗個頭都特別乾淨。之後就落左ｃａｎｔｅｅｎ食早餐，超級累。食完之後就上解剖堂，第一堂就係到釣魚，超級辛苦。上完兩個鐘之後就番左宿舍一陣，打左一陣機，跟住去左食飯。

食完飯之後係宿舍ｈｅｉ左一陣就出左去跑馬地ｓｅｃｏｎｄ　ｉｎ做電腦測試，超級無聊０既一個測試，跟住之後就已經請左，不過要受訓三日，如果唔合格就冇得做，所以唔可以咁老定。之後就搭番巴士去九龍塘，去左樂富吉之島，見到有套ｔｗｉｎｓ床單被袋枕頭套超靚，不過要成＄５ｘｘ，好唔捨得買，擺到明屈機，超貴！～！～之後就落左旺角，行過信和買左幾張阿嬌相，真係好靚。跟住行左一陣，阿釗打離話今晚唔番，得番我一個。

番到宿舍食左個杯面，之後訓左一個幾鐘頭，然後去左ｇｙｍ　ｒｏｏｍ跑步，今日較快左，之後又做ｓｉｔ－ｕｐ，有器材０既幫助好左好多。之後番左房，叫ｗｉｎｎｉｅ俾個蛋糕我食，佢地又話打兵兵球，於是又落番去。

今日真係有０的累，要早０的訓。夜晚先發覺原來今日走左一堂，我仲未習慣到大學０既課堂生活，咩都要自動自覺，ｎｏｔｅｓ都要自己上網ｐｒｉｎｔ，又冇人叫你交功課，又冇人提０的重要０野，咩都要靠自己，真係好煩啊！

>>September 2, 2004 at 5:49:19 PM GMT+8

2004 年 8 月 31 日 星期二 【晴】

今日十二點幾先起身，跟住就執埋０的０野，執０下執０下越離越多，阿ｍａｙ買左兩個紅白籃ｓｉｚｅ０既袋俾我先夠用。於是我就拎住一個六粒星重０既斜袋、兩個八粒半星重０既大袋、一個裝住五對鞋０既膠袋、同埋一個唔重０既空姐行李喼落樓。阿ｍａｙ拎左執利是出離話係根仔俾我，叫我唔好用直到讀完大學，我諗應該係＄５００。落到樓下就見到阿浩停左架車係到等緊，於是將０的行李搬晒上車就出發。首先去左聯和虛食面，然後就去宿舍。

唔洗一個鐘頭已經到達，跟住見到肥雅，佢仲有番工。搬好晒０的０野之後就同佢地道別。我同新廁所睇離關係唔係咁好，個馬桶唔係咁鐘意我，我痾完尿之後一沖廁，０的水係咁湧出離，成個馬桶０的水滿到流晒出離。我好無奈咁同有關方面聯絡，跟住好快就有人離整。我就開始執拾我０既行李。屋企拎離張床單居然唔０岩用，細過頭攪到冇床單用，跟住拎晒０的阿嬌０野出離先，又拎晒０的叮噹公仔離放係張床，仲有一隻大ｂｅａｒｂｅａｒ，攪到成間ｒｏｏｍ好似女仔房咁。然後就ｓｅｔ番好部電腦。雖然唔算好勁，但係都勁過屋企０個部，又唔洗錢，，仲係ｌｃｄ　ｍｏｎ真係好開心。然後張阿嬌張大相貼左係門口，真係型爆，之後０的細相就貼晒係張書台到。我仲拎埋個低音炮來，係房到炸機，超正！！！但係阿ｍａｙ唔知點解成日都買錯０野，叫佢買一支洗頭水同謢髮素佢成日都買左兩支謢髮素。

之後就係間房到欣賞左一陣，然後就同阿沛去左打ｗｉｎｎｉｎｇ，成日同電腦玩真係好悶，就算贏唔到都好悶，因為電腦唔識變通，之後打到八點幾就去左又一城食飯，行左去城大ｃａｎｔｅｅｎ。食完之後就去左百佳買０野。當用自己０既錢時候，就會發現原來０的師奶成日左計右計係好有理，慳得就慳，買左０的杯面０野食、洗衣粉加加埋埋都成二百幾三百蚊。跟住搭小巴番宿舍，然後同阿釗、阿沛去左做ｇｙｍ，十一點幾做ｇｙｍ正，跑左十五分鐘步、踩左十五分鐘單車、拉左十五分鐘唔知咩，最辛苦係做ｓｉｔ－ｕｐ０個個０野。做完之後成身汗就番去沖涼。

沖完涼又打機，打到成兩點幾就番房，其間竟然唔記得左拎ｋｅｙ出離，第一晚就番唔到入房，攪到要俾＄２０開鎖費叫看更開番．．．真係倒霉．．．

>>September 1, 2004 at 6:36:41 PM GMT+8

2004 年 8 月 30 日 星期一 【晴】

琴晚成四點幾先訓著，今朝又七點幾起身，全身０既肌肉都好痛，唔只我一個，好多人都係咁。之後仲要玩埋ｌａｓｔ一個定向，真係好唔想玩。但係又冇辦法。不過一開波玩０既時候唔知點解就個個都好認真，唔記得左個累字，之後幾經辛苦先玩完，雖然最後都贏唔到，但係都好好玩。最終我地都唔係第尾，唔洗俾人罰。原本話輸左個組要係沙田鬧市中做埋０的奇怪動作，不過最後都只係係營舍範圍到做。之後諗尾ｙｅａｒ２　０的人分享，講到喊，真係幾感人，的而且確雖然有地方不足，但係真係睇到０個種心思同埋要攪一個咁有規模０既活動真係唔易，下年我地都唔知做唔做到～雖然開頭唔係咁想玩，但係到今日同０的同學真係熟左好多，好快建立左友誼。

食完飯就出ｃａｍｐ，搭的士去到沙田站，然後就出發去ｃｈｅｃｋ　ｉｎ宿舍。行到番學校，拎完０野之後就上課，一出升降機就見到阿超，佢已經執好０野，不過都陪我入去。佢用左叮噹床單，原來佢又係鐘意叮噹，真係好，之後佢趕時間走先。我就慢慢研究間房，我就嘗試０都左一蚊冷氣。跟住參觀左個廁所，都ｏｋ。阿超話見到廁所朋友係電腦系０既正常人．．．．．唔知同我地呢０的顛喪型一齊會擦出咩火花。之後君君入左離涼冷氣。坐多一陣就番屋企。之後英文老師打離好攪０野咁話叫我唔洗補測都俾我合格，問我有冇問題，我都疾左一疾．．．．．然後就同ａｎｇｅｌ行去九龍塘火車站。原來佢就係傳說中潘潘講０個個係體院練跳遠０既女仔，我已經計劃左開始我０既訓練，我要慢慢練番我０既速度，唯一一個稍為優勝少少０既強項一定唔可以俾佢消失！！

之後搭火車番到上水，買豬腸粉番到屋企食，食完就沖涼訓教，係張床到睇長毛篇選稿。雖然佢個ｌｏｏｋ顛顛喪喪，但係０的文筆真係好正，好多典故用左！最終意係０個句七年「建華之亂」，幽默得來又有諷刺意味，我決定投佢一票！睇完之後喪訓，訓到唔知幾點阿ｍａｙ叫我食飯都食唔到，但係原來訓得兩個鐘而已，八點幾九點就醒左，跟住就執埋０的行李。黑炭好鐘意走入我０的袋到，就離見唔到佢喇，唔知佢會唔會唔忍得我呢。

聽晚就正式搬家，衝出新界！！！！！！！！！！！！！！！！！！！！！！！！！！！

>>August 31, 2004 at 5:31:50 PM GMT+8