2004 年 9 月 21 日 星期二 【晴】

琴晚兩點幾訓訓０下教，突然之間火警鐘巳響起，成棟宿舍都響，噪撚到仆街，但係冇人諗過係火燭，個個都估緊今次又發生０的咩ｋｉｎｄ０野，原來３樓有人用微波爐叮０野食叮焦左，夜晚晚發生一段小插曲。

今朝起身沖涼，阿釗唔知點解係到懶床唔起身，於是我就自己出發。首先上兩個鐘頭０既哲學，跟住又死番宿舍食飯，買左個焗飯食，好好味。同學仔買左外賣上離一齊食。食完之後去痾屎，今次一路痾一路打兵兵波，拎住塊板係咁將個波打落到門到，好鬼過癮。痾痾０下屎有人拎左我排賓妢樂食，係門底申左一條俾我，一路痾屎一路食朱古力０既感覺原來唔係想像中咁難頂～

之後就上健身班，阿ｓｉｒ叫我地自己試做０的器材，做０岩個位同姿勢。之後去左打兵兵波，三打三超好玩，不過有個阿叔係到攪事，行入離話兵兵波唔可以三打三，都戇撚尻，關佢撚事咩，之後照打。打到兩點半去左游水。我發現我０既泳術得到改善，不過要游１００ｍ都仲係差０的，今日跳水姿勢得到改良，冇左整親小騰騰，泳褲亦都冇甩得厲害。

游完水之後原本諗住去燙字，但係條友話聽晚先有貨，於是係到訓教，超舒服，一訓就訓得著。訓到八點就起身，之後好悶咁上左十六樓同ｗｉｎｎｉｅ＆ａｎｇｅｌ食公仔面。好耐都冇睇過電視，皆大歡喜真係好撚無撚聊。之後差唔多十一點去左百佳入番０的貨，再一次明白點解阿媽以前成日話要特價先買。原本我買左排維他菊花茶，但最後都變左做楊協成菊花茶．．．．．．頂．．．．

番到房又玩０下啞鈐，之後就出左去打ｗｉｎｎｉｎｇ，打到兩點到番去沖涼，之後就抄功課．．．．．．。

>>September 22, 2004 at 7:10:05 PM GMT+8

2004 年 9 月 20 日 星期一 【晴】

琴晚踢完波真係好累，雖然早左訓教，但係累到訓唔到，係張床到輾轉反側，難以入睡。最後半睡半甦咁訓著左。今朝起身都ｏｋ辛苦，跟住沖完涼ｓｅｔ好頭就著左我件新寵波衫出去，好耐之前已經有０的唔係咁鐘意件舒夫真高，因為好似好短咁，而家佢開始失寵。

頭兩堂上解剖堂，雖然都係唔識，不過我冇訓教，唔知點解唔眼訓，仲好多０野講。阿ｍａｙ整左本０野俾佢已經分左手０既男朋友，當中一句最正：「需婆！需要你呀，老婆～」　上完解剖就上心理學。今日係暴力星期二，又係直踩到兩點幾，好在ｗｉｎｎｉｅ整左件三文治，如果唔係一定會餓死。上完心理學之後，大家去食飯，我就同大佬行去舊校上英文堂，真係陰撚公公。阿狗借左套心誠校服俾我今晚學生之夜，好耐都冇著過校服了。兩堂英文堂話易唔易話難唔難，最後都過去左。

兩點幾一落堂就死左去ｃａｎｔｅｅｎ食飯，食左個雞脾飯，之後又死左去上ｕ－ｌｉｆｅ．．．．．係禮堂到呆坐左兩個鐘，坐坐下都不知不覺間訓著左，訓甦之後就已經走得。跟住就去左銀行拎番張有名提款卡，然後就去左蓋印地鐵乘車證，我而家搭地鐵多過搭火車，真係好開心，因為搭地鐵有半價～如果火車都有就好了！！跟住同肥華番左宿舍，ｒｅｇｉｎｅ又上埋離唱ｋ，六點幾之後，肥華ｄｌ左首ｅａｓｏｎ演唱會版０既一生中最愛，我聽完之後真係以為譚詠倫離左做嘉賓，但原來係ｅａｓｏｎ自己扮聲，真係扮得超似呀！！好撚攪笑呀！！！之後阿超佢地係出面打機，我就係房到同家恰傾計，跟住阿超入左離話有條仆街係到噪我地，話我地成日打機，仲串七七咁，不過我見唔到係邊個，唔係實屌尻佢！！！

七點半去左偉衝參加個咩學生之夜，大部份人都著左校服，超攪笑，華ｄ同震宇扮低能仔著住ｐｅ衫，將條褲拉到差唔多上心口，超攪笑！！我著住心誠套校服，原來我已經忘記左當衫對呢件校服０既抗拒，個個見到都不約而同咁話我套校服樣衰。我扣晒所有扭，又好整齊咁著套校服，扮到勁似一個好學生～～之後睇番ｏ’ｃａｍｐ０的ｖｉｄｅｏ，好好笑，最後我得到個獎，唔知咩最純樸學生，超低能～～開頭唔係咁想去，不過去左都幾開心。

之後番到宿舍，條仆街係個ｂｏａｒｄ到話我地成日打機，於是阿超就寫番上去還擊，係到罵戰。邊有理由唔俾人打機嫁，痴撚線，部電視唔係你用就我用嫁啦，想睇電視又唔撚出聲，冇離禮拜，都唔知咩大學生。跟住等話事人ｊｏｈｎｎｙ番離調停．之後阿超行過條仆街房門．．．原來係柔道學會主席．．．．．．．．看來今次只能智取．．．．不宜力敵．．．．真係不宜力敵．．．俾佢撻一０野，條腰真係以後唔洗攪０野．．．．．

於是夜晚ｊｏｈｎｎｙ同條撚樣傾左，佢都承認自己有０的無禮，原來佢係ｙｅａｒ　３學生，唔撚得知咁撚串，不過ｙｅａｒ３又點撚樣，咪又係大兩年０者麻．．．不過柔道高手就．．．．．算．．．．．唔同佢噪．．．．．．．

>>September 21, 2004 at 5:55:06 PM GMT+8

2004 年 9 月 19 日 星期日 【晴】

今日係星期一，得一堂要上，仲要係兩點半，ｆｉｔ到爆！！於是我訓到十二點先起身。起身二話不說拎埋副七巧板去左痾屎，我開始容忍唔到個馬桶冇敏屎紙，次次都要拎包７ｄａｙ入去，憑住係馬桶上０既靈感，終於俾我諗到點樣用七巧板砌出「沒有秩序」呢個抽象慨念。就見到佢地已經係到打ｐｓ２，跟住同老馮落左去樓下買飯食。不過好撚多人，我只係買左一盒白飯，因為我琴晚拎左乳鴿同埋係酒樓食剩０的餸。

食完飯之後仲有０的屎冇痾得清，於是又再痾多鑊。然後就執０野去游水。成班鴨仔又學游水，不過今日係到緊跳水，跳到條０野好撚痛，都唔知點解會咁，左丸痛完到右丸，一定係我姿勢唔０岩，個個都話冇事。其中一跳成條０野露左出離，好彩冇人係水底望，之後跳親條泳褲都甩左一半，真係好麻煩，下次要綁實先得！

游完水之後番左房冬眠，眠到六點鐘先起身，其間有人拍左兩次門。跟住又去練波。練到超累，成身都散晒。條腰原來都仲有０的事，不過我諗係０的肌肉拉親，應該唔大問題，但係唔知會唔會有風濕呢。自從我話晒俾人知件波衫後，個個都話要買，到時咪成個ＰＥＲＭ都著晒車路士？！？！？所以要低調０的，唔係就會成日撞衫。跟住帶住疲乏０既身體去左ＣＡＮＴＥＥＮ食飯，然後就番房，超累．．．

>>September 21, 2004 at 6:10:11 PM GMT+8

2004 年 9 月 18 日 星期六 【晴】

琴晚番左上水，一到步就去左聽兩個幾鐘頭０既訓勉說話。今朝起身梳洗完之後就著住件超值波衫出街。出去之前買左副七巧版，要用０的圖形砌出ｅｘｃｈａｎｇｅ同埋沒有秩序兩個意思，真係非常高深。之後搭巴士去到葵涌，不過都係冇得出場，如果唔係有錢收打死都唔離。踢完之後就番屋企。

姑姐姑丈過左離食食物，之後出左去石湖墟食，阿ｍａｙ好識做咁自動俾錢。我背住個新背包，裝到好多０野，超型。食完飯之後就將０的食剩０既０野打包番宿舍。火車特別多人，攪到冇位坐。

番到宿舍就見到ｊｏｅ，野都冇放低就去左睇波，咁０岩就係車路士，我就望住十幾個人著住同自己一樣０既衫係到比賽，０的人一定誤會我係ｆａｎｓ。之後諗住下星期去燙番個人名上件衫到，不過仲未諗到印邊個。之後番左上房放低０的０野，仔仔幫我ｓｅｔ左一個ｐｒｏｇｒａｍｍｅ舉啞鈴，原來一未死舉係冇用，要有ｆｏｒｍ，佢粗略咁幫我定左一個，我發覺效果真係好好多，唔怪得知人地要去搵健身教練。

之後１：３０ａｍ又去睇巴塞隆納。琴晚條３串４，差一關又贏成千蚊，結果斷一關贏得百蚊，燥得我，好彩我唔係睇ｌｉｖｅ，原來係領先２：０，臨尾俾人連入兩球，真係食撚屎！
今日又輸＄５０，我仲係相信一個月終會中到一次０大野的。

呢排成日都好夜先訓，攪到冇咩ｍｏｏｄ打日記，次次都好眼訓。

>>September 19, 2004 at 7:53:59 PM GMT+8

2004 年 9 月 16 日 星期四 【晴】

琴晚同盧翔萵左太子飲酒，飲到成三點幾先番ｈａｌｌ，超醉。傾左一０的愛情０既問題，天下男兒都是會經過呢個階段，原來呢０的０野往往係一個循環。由參與者變成旁觀者往往都係好逍遙豁達，瀟洒不羈。一舉手一投足都好似睇緊錄影帶咁，感覺好奇怪。番到ｈａｌｌ之後，係廳見到阿超仲係到打機．．．．痴撚線嫁，之後我牙都冇刷就訓左教。

今朝我原本諗左天打雷劈都唔起身，但係出奇頭鬼打都冇咁精神咁甦左。之後就死左去上堂。今日０的堂每個都係一個鐘，所以好易過。之後第二堂去左聽講座，完全提供一個舒適０既環境給予睡眠，雖然唔可以做首名睡眠運動員，但係我係最遲起身０既一個！之後再上歷史堂，然後就去左食飯，食完飯超級急屎，番左宿舍痾。間房個廁所出現左一個好奇怪０既情況，就係長期都唔會放廁紙係到，次次我都自備一卷拎入去，然後又拎番出離。

之後行左去舊校上英文堂，同班有幾個女仔都幾靚。然後就去左ｇｙｍ　ｒｏｏｍ上ｆｉｔｎｅｓｓ堂，阿ｓｉｒ教晒所有器械點用，之後做左幾０下個擴胸機，對波即時現左出離。上完之後去左隔離泳池搵個救生員，佢話個袋要＄９５０，於是同阿競一齊去左拎錢，佢買左副太陽眼鏡。但係唔知點解俾錢條友時總係覺得佢個樣古古惑惑．．．唔知會唔會呃我錢．．．．

跟住同阿沛等人去馬會練飛，係沙田食左ｍ記先去，去到馬會都有幾個靚女。今日要ＥＸＡＭ，開頭真係好驚，有幾個人第一個ＥＸＡＭ已經俾人ＯＵＴ左。魚翅今日坐我隔離，琴日係房到無意中邂逅左佢。最後測試都有好多人唔得，不過我地四個精英都順利勝出，真係有驚冇險。跟住簽完約之後就去左沙田食食物。然後係九龍塘搭的士番ＨＡＬＬ，番到去第一時間洗衫，之後三條友係房到進行特訓，阿ＳＩＲ今日解釋左原來對手分開０的做掌上壓係會付令對波勁０的，合埋０的就手臂勁０的。

之後唔知係咪０的０野唔乾淨，個肚唔係咁舒服，但係又冇屎痾，之後又冇刷牙咁訓著左，訓訓下對手勁累。

>>September 18, 2004 at 6:25:34 AM GMT+8

2004 年 9 月 14 日 星期二 【晴】

琴晚半夜係到整接駁鈴聲，最後選左ｔｗｉｎｓ首受之有愧，原來可以整好多首，可惜偶像接駁鈐聲冇阿嬌，得０的廢物。雖然睇完波，但係今朝都冇唔願起身。起身之後整理好儀容就食左個包。之後就出發去上歷史堂。

訓幾個鐘頭反而冇咁辛苦，上堂都冇咩嚴重渴睡證出現。不過一上完兩個鐘就番左宿舍訓教。但係好多人係到打躉，於是我有我訓，另外一張床又有其他人係到訓。訓左一個鐘左右就俾人噪醒左，被迫買飯食。食完之後又走ｉｔ堂，然後又訓。訓到兩點鐘走左去上游水堂。熱身０既時侯，唔小心拉一拉條腰，攪到條腰痛痛地，雖然唔係好嚴重，但係我知道的確係出左事，妥腰骨－既０野可大可少，真係好鬼死驚．．．．

上完游水堂已經好累，但係而被迫死左去打網球，打完之後我感覺到係到燃燒緊自己０既生命，之後就沖涼訓教。訓到差唔到十二點起身，跟住等睇波，條腰真係傷左．．．．．

>>September 15, 2004 at 7:44:21 PM GMT+8

2004 年 9 月 13 日 星期一 【晴】

琴晚雖然好累，但係唔知點解訓得唔好，係張床到輾轉反側。今朝起身早左，我決定執正０的個樣上堂，我用左刀片剃鬚，雖然成面剃鬚膏好撚型，但係真係得個型字，完全剃得唔乾淨。跟住又沖涼洗頭，然後ｓｅｔ番好個頭就出發。

今日係全星期最喪０既一日，我要直踩到兩點半先有得食飯。頭兩堂解剖學等於想殺死我，根本就唔知佢講０岩，完全未學過囉，釣魚成條大魚上離～跟住又上心理學，情況唔見得好好多。上到十二點半又要係舊校飛左去新校。去到新校，又唔記得左係邊個課室上堂，於是又周圍搵，最後遲左十分鐘先搵到，真係好頻能。之後連續上兩個鐘頭英文堂，期間居然冇休息。但係好彩最後兩點十分就走得，於是就走左食０野，係ｃａｎｔｅｅｎ見到喪Ｂ，佢竟然以為我大過佢幾年，我個樣似咁老咩！！！！係然後就同阿信同埋肥華一齊去左觀塘倉到買０野，係ＡＤＤＩＤＡＳ到買左件皇馬Ｔ－ＳＨＩＲＴ～

之後就去沙田接受馬會訓練，係沙田撞到阿ＭＡＹ，超驚！！！！！坤佢話去食飯，之後佢幫我買左支去泥洗頭水，超正！！原來我真係負責賽馬，我都唔識賭馬，不過好彩天生一名賭徒，身體內流著博彩０既血液，加上多年０既賭博經驗，令我係短時間內上到手，開頭０的練習雖然有一定難度，但係我睇番先知道，我係最ＦＩＴ０既一個！！不過事如願違，投注戶口將會被關閉，作為一名賭徒，冇戶口點能夠生存，但係冇可能阻止到我，因為我已經有左解決方法．．．嘿嘿嘿嘿．．．．之後見到魚翅，原來佢都係受訓，結果就一齊去左沙田肯德基食食物，一心諗住可以食葡撻，點不知就賣晒，真係天意弄人．．．．

跟住同阿沛係惠康買左０的乾糧就番宿舍。番到去又致力改善身驅，之後就洗頭，個頭終於可以得到真正０既清潔，感覺真係渙然一新～之後又投注＄１００，買左兩條，原本贏＄９ＸＸ，而家又變番＄３ＸＸ，數字遊戲真係好麻煩，今晚一定ＷＩＮ！！！！！！！！！！！！

夜晚係網上睇新聞，好耐都冇試過咁認真咁睇港聞，長毛真係正爆，第二日就走去示威叫人落台，真係冇投錯佢票，起碼佢肯做一０的人地唔敢做０既０野。長毛雖然只係金文泰中六畢業，但係佢數十年來精研政治理論，對政治認識比現任議員更出色，淨係睇佢在論壇表現就知佢有料！！！相反蔡素玉大學畢業口齒不清，呢個乜撚野世界！！！！？？？？？？？？？？
。跟住睇娛樂，田亮條大陸哩都唔知有咩咁好，楊秀成條傻西咩都簽，仲話叫佢同ＴＷＩＮＳ拍廣告，真係俾佢照衰晒！近來有條撚樣成日係到話綁架阿嬌，俾我知道係邊個就好喇，叫佢俾我參加埋一份～～～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

田北俊！！知唔知邊到買香蕉平呀！！？！街市平過超級市場呀！！！！！！！！！！！！！

>>September 14, 2004 at 6:08:16 PM GMT+8

2004 年 9 月 12 日 星期日 【晴】

今日訓到十二點幾先起身，今日得一堂游水堂，起左身之後同阿沛落左ｈａｌｌ　ｃａｎｔｅｅｎ食飯，食完之後走左去舊校攪銀行０的０野就去游水。我發覺游得越離越快。佢地以為我琴晚張相係張自己ｋｅｙ左落第二條友到，真係好慘．．．．．

游完水之後番左ｈａｌｌ到訓教，訓訓０下佢地上左離，跟住等到六點幾出左去踢波，今日終於鬥波，算係幾好玩。踢完之後好累，跟住就番ｈａｌｌ沖涼，沖完涼出左去九龍城食食物．之後就番ｈａｌｌ，今晚要早０的訓～

>>September 13, 2004 at 4:35:15 PM GMT+8

2004 年 9 月 11 日 星期六 【晴】

今朝十點幾起身，之後就要出去跑馬地踢波，其實原本唔係咁想去，不過起左身就照去。之後搭火車出去，行到出去先知今日係投票日，見到有好多旗海。係便利店到換左本意甲。今次係九龍塘轉地鐵去銅鑼灣。去到馬場就換衫踢波，不過今日冇得出場，好冇癮，早知就訓晏０的好過。最後打成２：２。之後就番屋企，行行０下肥紅打離，佢話見到我。之後唔知點解個電話係咁有人打離，總要係０的平時唔會打來０既人，真係好奇怪。廖ｍｉｎｇ１７號生日，敏宏話去唱ｋ，佢考路試肥左，雖然我係車神，但係都唔可以掉以輕心。

跟住阿強打離問有冇投票，我覺得呢個問題同佢好格格不入，之後佢話上頭要全世界投六號，但係連六號係邊個都唔知。最後我思索過，民建聯勾結黑社會，根本就係壞人！！！番到上水，雖然好累，但係我都去左投票。跟住番左屋企，買左兩條２串１，每條＄５０！但係最後屌佢老母臭西，兩邊都斷一關，黑撚到仆街真係！！！不過好彩，我同阿ｍａｙ傾掂左，之後０既零用錢係＄５００一星期～ｙｅａｈ！～～夜晚番ｈａｌｌ時，我拎左個啞鈴，重到仆街，又驚個ｂａｇ爛，於是雙手捧住咁行，超辛苦，行到天橋激多人，又係０的人係咁拉票，跟住見到小魚做助選團。行行０下見到前面有一個咩都冇、冇旗、冇助選團，自己企係到派傳單０既長毛，真係好型，於是我谷恆隻手，單手拎住個啞鈴接佢張宣傳單！

去到九龍塘，我先知道原來我一直以來落車都行左一大段冤枉路！！真係好唔抵呀！！！撚樣！！！！！！！！！！番到ｈａｌｌ之後，我拎左個啞鈴出離怒做，跟住又做掌上壓，呢次真係怒做，做完之後我擺晒ｐｏｓｔ俾人睇，個個都話點解咁勁，因為０岩０岩做完，所以胸肌同手臂都漲晒，之後仲影左張相ｓｅｎｄ俾其他人睇，個個都唔信！～！～！～

>>September 12, 2004 at 7:15:56 PM GMT+8

2004 年 9 月 10 日 星期五 【晴】

琴晚十點幾出左去打邊爐，跟住落左太子警署隔離０的酒吧到飲０野。好耐都冇試過飲得咁暢快，玩到三點幾搭的士番去，個個都稍有醉意。原來係太子搭的士番ｈａｌｌ＄２０都唔洗。之後阿婷諗住屈蛇，但係俾看更識破左，雖然看更冇講出口，但係個個都知衰左，最後唯有番屋企。番到宿舍，由於飲大兩杯，又唔記得拎鎖匙就關左門，攪到又要落去搵看更，衫都冇著咁走落去，拎住阿沛條鎖匙扮開唔到，同個看更講壞左，之後佢真係幫我開門，慳番＄２０。

今朝一點起身，個頭痛痛地暈暈地，成個人都好累，之後食左盒公仔點心就換衫去左深水埗買ｒａｍ，最後買左兩條１２８ｍｂ，都要成＄４８０，不過番到去部機快左咁多都係值得０既。今日星期六，個個都番晒屋企，我唯有都執野番屋企。連部ｐｓ２都拎埋番離，但係拎唔到阿寶．．．．

係火車到好眼訓，我冇想像到原來自己可以企係到都釣魚，差０的成個撻左落地下．．．．．最後番到屋企，係樓下見到阿ｍａｙ同阿根，佢地出去食飯，番到屋企好開心一個人都冇。同黑炭擁抱左一陣之後，個人都仲係好似好唔舒服咁。跟住打左陣機，成熙燒左隻廣東話幔０既ｗｉｎｎｉｎｇ俾我，聽到０的旁述真係超級攪笑～今日又用左＄１００投資，不過全軍覆沒．．．．．．．

之後煮左個面食，然後電視做緊火山高校，套戲真係戇９到爆！呢排鐘意左千嬅首傻仔，我覺得０的歌詞好正，好與別不同，我已經睇厭左林夕寫０既０野，越離越冇新意。夜晚阿ｍａｙ番左離，叫我幫佢燒碟，佢竟然會聽英皇精選，跟住佢一路睇一路唱下一站天后．．．．我真係好想死．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

愛的簡體字是「爰」。「心」都沒有還算得上愛嗎？？

>>September 12, 2004 at 4:54:51 PM GMT+8