2008 年 6 月 29 日 星期日 【晴】

2008年歐州國家杯冠軍 - 西班牙~!~!~!~!~!~!~!~!
德國隊實在太令人失望,原本我都覺得佢地會贏,全隊個個都高人成個頭,誰不知就出事了。成條中場線好似食左屎咁,唔夠人搶不特止,仲任人魚肉,中場完全輸晒,前鋒就固然唔會有好運行,更何況德國隊0的前鋒係全冇個人突破能力,只夠輸送,咁就死得啦。明明打高空波會有絕對優勢,誰不知人家更高,地面組織一流,成班德國後防高大衰,轉身慢,俾人玩到殘。德國自己唔爭氣,發揮唔到自己展處,斬波斬到冇雷公咁遠,唯一的板斧都冇埋,唔輸就怪,今屆西班牙的確係實至名歸的,中場發揮一流,恭喜恭喜~~~~!~

今日訓到一點半先起身,因為昨晚睇波。琴晚做完gym,肌肉再次充滿生機,再次復活,看來都係買個啞鈴番屋企化算。做gym時見到tim師兄,做到打洋的時候,佢兩袖清風就咁離開,原來佢住係沙田河畔,咁都算,佢番工番康文署總部,又係沙田,健美又係沙田,咁樣真係玩晒兼屈機。今日起身之後就去了醫院,因為老父終於可以出院,不過有排休養。去到醫院辦理手續,跟住等拎藥,然後call 八折的番上水。期間見到陳家健係醫院出現,原來佢剛剛生左個仔,點解我身邊的朋友越來越多人做左父母,我好驚,好似好老咁~!~!~!~~

番到屋企之後我去左剪頭髮,好憎幫人剪七頭的\飛髮佬,正仆街來的,上次條仆街剪到我個頭勁七,不過今次終於重捨自信。夜晚睇<向世界出發>,見到0的婆婆隻腳紮到超細隻,真係好驚好驚,中國人真係好奇怪,點解會有呢0的咁變態的傳統,腳細就等於嫁得出,簡直是荒天下之大謬,不過佢地有個好處,就係唔洗剪腳甲~哈哈~!~~!~!!~夜晚去了女友屋企,我同佢玩獎門人其中一個GAME,就係抱住佢係到轉,睇下可以轉到幾多個圈,結果.............係一個............頂,實在太廢,不過唔係我,係佢,要好好再鍛鍊一下先得。

大前日星期五晚去了李鄭屋游泳池中的跳水池上第一堂的潛水堂。由於ｆｒｉｅｎｄ底的關係，我地實在是十分亂來，因為正常要上完一堂理論，學習了基本的手號和安全知識先可以落水，不過我地０的暴風青年當然係以實踐為主。去到泳池原來有好多人，有好多班人都學潛水，其中一個是唐寧，佢搵左私人教練單對單授課，睇得唔係好清楚，剩係見到佢件泳衣係大露背，不過唔係三點式。著晒裝備原來都真係好鬼重。今日學左水底清鏡，即是係水底時個潛水鏡入左水點樣清番晒０的水。然後就係個氧氣樽咬咀如果係水底甩左應該點做。平時係泳池游水就游得多，不過原來潛左落水底之後個感覺真係好唔同，如果用身體語言來表達自己係咁難０既事情，真係唔錯，期待下次的出海旅程～







昨天看報紙,蓋茨呢個人真係好強,如果只用錢來衡量佢0既成就,實在是太失禮了。我最佩服就係點解佢可以將佢0個筆以數百億為單位的財產全部撥晒去私人的慈善基金,仲一個仙都唔留俾仔女,呢一點真係好令人敬佩。搵到錢固然係叻,學會放手真係好難0既事,更何況佢仲屬壯年。呢個世界有好多有錢佬,但係能夠改變世界的人並不多,如果說蓋茨改變了這個世界,相信不會有人反對。的而且確,視窗軟件真係好無敵,改變了整個世界,能夠成為一個改變世界的男人,真係好型好型,好偉大。APPRECIATE!!!!








梁武帝問菩提達磨：「朕即位已來，造寺、寫經、度僧不可勝紀，有何功德？」師曰：「並無功德。」

>>June 30, 2008 at 3:27:49 PM GMT+8

2008 年 6 月 25 日 星期三 【雨】

黑氣仍然纏繞黃某身。手提電腦舊電壞q左，而家永遠都要連住個火牛，變相等同一部桌上型電腦，喪失了一路痾屎一路上網的佳能。話說黃某患了急性腸胃炎，睇完醫生之後都已經止痾，我一直以為只有感冒藥先會令人眼訓，估唔撚到腸胃炎都會咁眼訓，訓左全日，仲要係手軟腳軟，落街行兩步都差０的俾風吹走，又好似伯金遜症咁係到手震，實在太唔似樣。今日又再倒楣，原本今日唔洗番工，但係我番到去先知唔洗番工，因為今日係我放假，我竟然會犯上這個滔天大罪，實在罪無可恕，要拉出去斬。番到去之後又冇理由番番屋企咁七頭，但我已是一個不折不扣的七頭。

打完八號風球，再加上滂沱大雨，我的小島現命名為慘不忍「島」，攀石牆０的木飛撚左幾條出來，全地都係狂風落葉，猶幸我隻小黑狗依然健步如飛。雖然今日已經病好，但係藥力好似未散，個人都仲係好累，又唔可以健美，明天又要學潛水，之後星期六日都要做ｔｒａｉｎｉｎｇ，所以我應該會變做鄧兆尊，今次奶晒野。離緊０既暑假，我都要參加暑期班，我要學拯溺、中級獨木舟和潛水～～ｙｏｙｏｙｏ～～

今日下午好豪咁去左西貢鋸扒，每人＄１３８，算啦，我對錢已經冇咩感覺，反正我都代支左＄６６６９．５係大大少少的事務當中。之後去左睇海鮮，見到全記門口０個兩條大龍躉，如果潛水潛潛下見到隻咁０既野，唔知會唔會即時嚇撚死左。０的海鮮真係好豐富，又貴，打劫金舖就大把人諗過，唔知有冇人諗過打劫海鮮～

下午番到上水，係天橋到有個阿叔好撚大聲咁叫：「咪走呀！！咪走呀！！！」，我呢０的憑傲氣、硬漢子緊係即刻做野，咁樣叫得十成九都係有人搶野，我就渣撚住把遮諗住劈友之際，個阿叔終於捉到個男人，跟住好撚大聲好撚惡咁話：「你踩到我隻腳呀！！！！」，我屌都屌唔切佢，你冇撚野呀阿叔，落咁大雨都著涼鞋，抵撚你死啦，雖然踩親你條仆街都係串串貢，但係都唔洗老練咁遠鬼練咁大聲叫麻？！之後好多人圍觀，我都廢撚事睬佢，你見血先搵番我吧。有時候真係懷疑０的阿叔係咪有超能力。

番到屋企，琴日睇新聞，０的人話五隻福娃係咪人落左詛咒，仲一一應驗，我心諗０的人都戇撚尻，熊貓０個隻又話代表四川地震，火０個隻就話聖火受阻，羚羊又話代表西藏，仲有一隻我唔知點解會關山東火車事，ｕｐ得就ｕｐ，不過原來貝貝係中華鱘，咁又有少少邪，不過都要屌曾蔭權，雖然唔關佢事，但係唔撚妥佢條廢柴，佢橫掂都係俾人話廢，不如開多個位俾我，搵我做做康樂及文化事務署政治助理，益下我都好麻～～

>>June 26, 2008 at 1:56:46 PM GMT+8

2008 年 6 月 23 日 星期一 【晴】

琴日係十分不幸和倒楣的一日。

下午四點幾食左一碗變壞的豆腐花,之後都相安無事。直到晚上八點幾,去完醫院探老父,和女友在新城市廣場食食物時,未開始食就已經覺得肚子不適,於是就痾屎,但係全部都係屎水。痾完之後以為冇事,跟住開始食食物,食左一陣間又覺得不適,跟住又痾屎水......以為今次痾清晒,繼續食,誰不知又離料,我開始洞悉到有問題出現。不斷咁痾令到我開始唔係咁妥,冒冷汗,又面青口唇白,又暈暈地。最後我唔食,但係都停止唔到痾屎水呢個動作。最後係商場到搵職員幫手,call左白車入番去威爾斯急症室。

去到之後其實我又唔係嚴重到不醒人事,但係就真係好似肛門缺堤咁。急症室永遠都係咁多人係到等,唔到死0個刻都唔好諗住可以見到醫生。於是我就打算離開,自己睇私家醫生,但係好不幸我女友俾左$100,最後點都唔肯退番,因為已經分流,唉...香港0的公立醫院真係好鬼死廢,以前成日都覺得醫療問題跟自己是風馬牛不相及,我都唔明白0的kind子點解要坐係到等咁多個鐘,急症服務都要俾$100,點解唔睇私家醫生?見到0的人整親手手腳腳,都要係到等,等六個小時先有得見醫生,0個0的咁0既仆街傷風感冒又走過來睇,0的人到底係咩心態?係咪變態嫁?仆街!!!!

跟住坐火車番上水,今次坐頭等,因為想有位坐,但估唔到頭等都幾乎full左,到底香港人係咪真係咁撚有錢?「朱門酒肉臭 路有凍死骨」坐到番上水,我唔覺意扔走左張急症室收據,唉........連一半錢都冇埋..........what the fuck! 之後去左廿四小時診所,但係夜晚唔知點解要$200,我覺得佢坐地起價,所以唔撚妥佢,決定唔睇,第二朝先睇。但係番到屋企有少少後悔,其實都係相差$30,唉....早知就豪俾佢。番到屋企都痾左三四次,又冇喇叭牌正露丸。之後唔覺意搵到盒藥,呢盒野一直我都唔知係咩藥,因為係外國牌子,可能係姨媽之前係加拿大拎回來,我記得diarrhea好似係解腹瀉,但又唔係好sure,於是夜晚晚拎本超大牛津字典出來查,最後又查埋個chew字,「細個唔讀書,大個做運輸」,唔識英文真係廢。

不過食完之後唔覺得有咩改善,終於捱過左一晚,今朝一起身又痾屎水,痾完之後八點幾落街睇醫生,個醫生明明話八半開門,係就係開左門,但個醫生要九點幾先番,醫生大撚晒呀而家?!冇錯,醫生的確係大撚晒,我仲記得小學0既時候志願係要做個醫生,仆街,做條毛咩而家,中醫可能會做到0既,西醫真係唔得,太多野要背,仲要係英文。腸胃炎....食白粥..........唉.............這麼一來,呢鑊肯定輕番幾磅,今次真係前功盡廢,肌肉收縮.......唉..........

十點鐘食完藥之後就訓教,真係好番好多,跟住兩點幾又起身食藥,然後又訓教。明天原本約左船家食海鮮,佢仲話去漁排買條五斤大魚番來(我都唔知五斤有幾大」,睇離都係食條毛.........


我唔明白點解痾水都會痾到個屎眼好似火燒咁,真係好熱好熱,唔知幾時先可以痾番0的正常屎。當我好番之後,我要掃撚左樓下間豆腐舖,佢老味死撚梗呀!!!!!!!

>>June 24, 2008 at 11:57:56 AM GMT+8

2008 年 6 月 18 日 星期三 【晴】

前晚半夜兩點九忍痛睇埋意大利ｖｓ法國。另一邊廂又有羅馬尼亞ｖｓ荷蘭，雖然我多次打算安裝ｎｏｗ，但係我發覺非法網上睇波感覺都唔錯，我可以開晒兩個視窗，同一時間睇兩場波，一隻眼睇一場，超強的一心二用，有潛質學周伯通的左右互搏之術。其實我好撚想羅馬尼亞贏，咁呢兩隊世界杯冠亞軍就可以收皮番歸，奈何羅馬尼亞唔爭氣，輸撚左俾荷蘭，意大利又贏法國，法國真係食屎大，不撚知所謂，冇左施丹之後形同大專聯隊。唉．．．意大利過左呢關，有預感可能會贏冠軍．．．．．

今日九點半起身，之後番工。自從老父訓醫院之後，我就每朝都肩負買報紙的重任，我曾經嘗試買明報扮有深度，但係我頂唔貴，真係悶撚到揪根，雖然真係好中立，但係冇晒０的「煲呔曾」、「周一鑊」，我真係唔掂，不過最重要都係每天多用＄６。我發覺原來我係好撚窮，雖然每個月有約一萬七千元，但係每個月還一萬蚊學費，所以我人工只有七千元，ｓｈｉｔ！！！不過唔緊要，錢對我離講唔重要，暫時～

今日坐火車，一上車成功霸位，有個師拉斗膽挑戰我，我讓佢單胸唔谷都得啦。坐低之後睇報紙，之後發覺唔對路，我眼眉跳一跳，我頂！！！！！！！！！！！！！！又有人醃豬扒呀！
我啤佢一啤，佢其實都唔自然，可能佢都明白自己唔０岩，但係又要繼續，先打粉，跟住搽唇膏，然後又拎個掃出來掃自己塊面、畫眉，唉．．．．．我差少少就大叫：「Ｉｔ’ｓ　ｅｎｏｕｇｈ！！！！！！！」，佢由粉嶺站化到去大學站．．．．

今日做TRAINING,對象唔係邊青，而係ＰＲＥＦＥＣＴ！！ｗｏｗｏｗ～！風紀呀～～最攪笑呀２８人，得６個係男生，唔知係咪呢個年頭０的女仔乖０的～？～？～今日又係玩竹筏，不過呢班高中生又係ｐｒｅｆｅｃｔ，冇可能咁輕易俾佢過關，要攪攪新意思。首先，每組８人，我只會教其中三個人紮。其次，又會話俾其中三個知０的物資放係邊，同埋邊０的先係正確物資。第三，就係話俾餘下０既人知最後要點樣處理用完０既０野。咁樣佢地每人都可以輪流做ｌｅａｄｅｒ的角色。之後事先划左隻獨木舟出去，放左三隻雞蛋係個海上的大塔上，要佢地安全地拎番來。

夜晚又過三星灣，我先行去ｓｅｔ野，因為落左好多雨，０的草生到好似熱帶雨林咁，我要拎住把剪草剪一路行一路剪。咀咀跟住來，去到三星灣，見到平時出現的野狗，咀咀好撚勇咁以一敵四，仲要係自己跑過去撩人，我幾驚佢俾人打撚死，０的狗有跑得快，一路跑就一路打，喝極都唔停，最後好彩拎住把交剪兇走０的野狗，而家０既形勢絕對是狗在人在，狗亡人亡。
隻雞蛋要佢地一路ｋｅｅｐ住，要佢地係大自然執任何物資，跟住成功地番到學院，然後用物姿包好隻蛋，跟住從一個指定地方扔出去，要唔爛～然後一樣，今次我剩係會話俾一個人知道行番學院條路的提示，咁樣就可以考驗到佢地的ｌｅａｄｅｒｓｈｉｐ。其實我好想將考督察的ｌｅａｄｅｒｓｈｉｐ　ｅｘｅｒｃｉｓｅ化做一個ｔｒａｉｎｉｎｇ，不過一定要係至少有我四成質素的參加者先可以做到～

夜晚玩ｆａｃｅｂｏｏｋ，居然小學０個班同學開左個ｇｒｏｕｐ，仲ｐｏｓｔ晒以前０的旅行相出來，痴撚線，好ｋｉｎｄ下全部人都～～救命呀～！～！今個星期日聚會，可以見番好多小學同學，不過我個頭比較七，要諗諗去～

>>June 19, 2008 at 5:39:39 PM GMT+8

2008 年 6 月 14 日 星期六 【晴】

法國、意大利,世界杯冠亞軍,簡直令人失望,踢到不撚知所謂,希望羅馬尼亞出線,梅度又唔撚爭氣,射失十二碼,我成日都唔明白,個籠門咁撚大,係咪真係有可能會射唔入呀?唔通壓力真係會有咁大影響?

琴日去左考飛行服務隊筆試,一見到份卷呆撚左,基本上所有0既筆試我都試過晒,不外乎都係中英作文,最多都係有埋中英文M.C., 不過今次真係考起我,佢老母我第一條已經O撚晒咀,45條全英MC題,第一題係俾左一個八號風球的標誌,然後問代表邊面風......................呢0的我小學社會堂好似學過,之後又問香港第三高0既山係咩? 最大水塘係邊個,我夠知係萬宜啦,我唔撚知萬宜水庫英文係咩0個到含撚呢!!!仲有0的急救問題,跟住有一題好撚深印象,麥理浩夫人徑的起點和終點.......仲有獅子山以下係邊到...........最後十幾題要睇地圖作答.......所以真係有機會FAIL,不過唔緊要,都真係幾有新觧感唔錯唔錯。考試坐我隔離條撚樣好撚熟口面,原來係周記,估唔到佢都可以過到驗眼、體能和初步面試,不過有我呢0的咁英明的師兄,師弟都唔會太削。

今日朝早七點幾起身,因為又要去考試,今次係獨木舟,又要去0個條城門河。今日原來係國際龍舟邀請賽,亦都相信係龍舟總會班仆街唯一一年的活動。今日划獨木舟,唔知係咪因為琴日過份健美,攪到冇晒力,不過都係巡例划下,咁又拎多張CERT,樣樣掂下咁樣就攪到好似嘜尻都識~反正都唔洗錢~

之後番工沖涼,食左醫生0的藥加埋搽藥膏,臉部明顯得到改善,但都仲未見得人,應該要過多幾日先可以。之後下午四點幾和女伴去左慈氏護老院探阿婆。之後再去威爾斯探父親大人。佢琴日做左手術,而家休養中,受傷真係好麻煩,係醫院一定好悶,如果換左係我,我會帶NOTEBOOK,跟住裝TV CARD,然後打WINNING,其實只要有電腦,就可以解決好多問題,不過佢都應該要休息番半年。

今日睇頭條新聞,真係好同意有一段。曾蔭權真係越來越無能,政府真係越來越無效率,大澳單0野攪咁撚耐都仲未攪撚掂,老曾學人搭直昇機去視察,我腦海裡立刻浮現出一個四字成語「東施效顰」。係到扮嘜撚0野溫總0者,人地留係災區幾日幾夜,你老味就去左十幾分鐘,係到扮關心,人地去到不知幾受人民歡迎,幾有鼓舞作用,你老味你去到俾人指住離笑,指住來投訴,呢0的咪政治魅力囉。人地汶川咁撚嚴重,地勢又險要,都只係用左三日時間就打通,你?! SHIT!! 收皮啦曾蔭權,縮頭龜,政治助理單野都仲未同你計呀!!!!廢物!!!!!!!!



我終於都記得有一樣好重要0既事情要講,我鄭重要求所有女人唔好係火車到化妝,我好明白一塊豬扒要醃過先好味,但係試問大家有冇見過人去燒烤,係途中先醃豬扒嫁?!緊係係屋企醃好晒先出街嫁啦,好味0的嫁咩係街到醃?!?!0的女人都完全唔理人幾咁難受,成尻日係架火車到化妝,大佬呀,你死埋一邊先攪啦,唔通我又係架火車到拎個鬚刨出來剃喇喎?!唔好咁撚樣衰啦,0的港女真係好撚KIND,不知所謂。當然,豬扒始終都係醃過先好命。



明天和後天都放假,又連放四天~不過下星期有兩個兩日一夜的TRAINING~



呢排0的人講親話祈禱,我都會諗起千嬅首<悲歌之王>其中一句「神只會歧視我~禱告假裝聽不到~」

>>June 15, 2008 at 3:00:41 PM GMT+8

2008 年 6 月 1 日 星期日 【綿綿細雨】

Impromptu talk topic :
Air pollution (3 minutes preparation and present 3 minutes)


Interview Board content:
1. Please describe your job duty
2. What is adventure training?
3. What is discipline?
4. Any method to solve the salary gap problem in Hong Kong?
5. If a prison punch you, what will you do?
6. If you are employed, what kind of training programme will you provide to our young offenders?
7. I give you 2 minutes to tell us why you are capable to be an officer?
8. There are many correctional institution, can you mention them and give examples?
9. I think you are weak in working with a team, do you think so?



今日晨早六點半起身,之後梳洗換衫,然後就出發。先去大快活食左個早餐,然後就去搭火車。見慣風浪、飽歷風霜的我已經唔知道咩野叫做緊張,我只係好想快0的去到show time。我再次由北區去南區,去到香港島的青蛙腳0既赤柱,我真係連一0的緊張都冇,心境已經昇華到去另一個更高的層次。我亦都冇咩準備到,因為我根本就好清楚需要0的咩,而家唔係in員佐級,背熟晒0的資料係冇用0既,最重要係有做將軍0既character。加上我對佢地0既問題已經略知一二,冇咩新鮮。

懲教署即係遺才戰,試問如果有一個人考到海關、警察、消防等等,又點會願意去做懲教,所以佢0既招聘廣告都出得好有技巧,係所有紀律部隊之後,因為如果佢一早請晒一班最top0既人,0的人之後又去考其他,成功的話一定會放棄懲教個offer,到時佢地就仆街,請左等於冇請。相反放到最後就唔同,大把好似我呢0的咁0既遺才,嘜尻都fail晒之後,如果懲教掂左,咁就冇得走,仲有可能會有知遇之恩。

雖然好老土,亦都唔係第一次講,不過今次我真真真係有強烈0既感覺,我會成功,今次我真係感覺到係收成的時候,我好有信心。過去0既野由得佢過去,亦唔想再諗,我剩係覺得呢次一定會掂,一定會,我對自己好有信心。除左救護主任之外,我所有紀律部隊都試過晒,雖然唔係0的咩光彩0野,因為冇樣得,但係唔知點解我真係覺得咁樣好型。或者引用黃偉文的一句說話:「我寧願拎唔到獎會有人覺得我唔抵,總好過我拎左獎有人話我唔值。」我都一樣,我寧願今日有人會同我講「今次我對你好有信心」,總好過如果我第一次就考到實會有人話我「附撚碌」,「你都考到呀?」之如此類0既說話。

如果今次馬會開盤賭我懲教主任掂唔掂的話,我會唱李克勤0既<先賭為快>:「我~夠膽孤注一擲 完全~~沒~有顫抖」
如果今次我再失敗,我會唱陳奕迅0既<淘汰>:「只能說我輸了~~」再加多首何韻詩0既<再見露絲瑪莉>:「准我今生~平平淡淡~完了~~~」




不過,到最後都會唱番:「永不放棄~~~~停住眼淚~~~鼓起勇氣~~~永遠奮鬥就似沒有盡期~我跌下!再翻起!!!!!!!!!!」




咁就一年,上年呢個時候又係苦等兩個月之後知道入境主任宣佈失敗,不過今次唔會重蹈覆徹,一定唔會!!! I swear!!!!







連續放左五日假,聽日終於要番工,如果我有信心到聽朝即刻劈炮,然後走去去旅行的話,咁就真係型lu~

>>June 2, 2008 at 1:49:55 PM GMT+8

2008 年 5 月 31 日 星期六 【晴】

Date　: 2/6/2008
Time　: 0950
Department　: Correctional Services Department
Post　:　　　 Officer
Address　: Staff Training Institute, Correctional Services Department
Activity　: Final Interview


因為有希望，人才有生存的動力。每次失敗之後都總會有另一個機會．．．機會．．．．要好好珍惜，今次來個了斷吧！

今個星期不停落雨，番工見到好多蝸牛貼晒係牆上面，細心０的睇，原來佢地係有移動的，一步一步向上爬，雖然好慢，但終會爬到頂。我也要做一隻蝸牛！




十騰，我送你一句說話：

「我試過成功、我試過失敗，但我從沒有試過放棄！」

>>June 1, 2008 at 1:00:01 PM GMT+8

2008 年 5 月 29 日 星期四 【晴】



琴日係女友屋企,笑撚死我,著左佢條牛仔褲,跟住整亂晒個頭扮周星馳,不過而家唔可以再扮,因為我又剪番短,變左個七頭,今次應該係本年度最後一次七頭。

>>May 30, 2008 at 5:28:12 PM GMT+8

2008 年 5 月 25 日 星期日 【綿綿細雨】

還有一星期,那怕是最後一次,也要好好的幹。

>>May 26, 2008 at 3:55:56 PM GMT+8

2008 年 5 月 16 日 星期五 【晴】

今日收到study group個沙展的e-mail,有點兒感動:


「We share the same goal & the same tears! Being an inspector has been my dream for more than 15 years. So, I hope you may feel better when you think of me. We do it is not because it is easy, but because it is difficult!!!」


考一生都考

>>May 17, 2008 at 5:30:01 PM GMT+8