2004 年 10 月 24 日 星期日 【晴】

今朝成五點先訓，菜菜子訓左阿釗張床，阿釗就訓地下，不過佢地係到好似鬼食泥咁講０野，開頭我都有聽，之後都訓著左。但係訓０下又甦０下，因為佢地一路都係咁傾，對我０既精神狀態做成一定程度上０既滋擾．．．訓到七點幾八點，我忍受唔到佢地０既纏綿，於是就去左菜菜子間房同黑妹一齊訓。不過中肯０的講句，佢張被同枕頭真係幾舒服。訓到十點幾左右，我又番番自己張床訓，真係好頻能。

跟住十二點幾打左俾肥華叫佢買飯俾我食，食完之後諗住痾屎，不過廁所冇水，但係由於尿可可忍，屎不可忍０既道理，我照痾．．．．擁有豐富痾屎經驗０既我，對馬桶都有一定程度０既認識。我用裝水０既水壺逐壺逐壺咁倒落個馬桶到，等０的水滿晒一０野沖走晒，勁呀！！

跟住就去游水，今日我笠左頂黑色鴨仔帽。泳池０的水超凍，凍到我諗起鐵達尼號：「ｏｈ，ｊａｃｋ，ｄｏｎ”ｔ　ｓｌｅｅｐ．．．，ｊａｃｋ！」跳水０既時候，阿俊都甩左泳褲，嘩哈哈！！！！～之後就去番宿舍，家怡做小老師係到教我同豬豬，因為聽日要測驗，再唔溫我真係會死亡．．．不過經過速成班之後，我都有番０的信心角逐尾十名０既位置。

之後阿沛游完番離，四條友係房到傾左一陣淫０野，跟住走左出去睇抱抱良音，不過請埋０的咩鄭融、周國賢，如果有阿嬌就好喇，一定飛上台，冒險同佢來一張合照。跟住去左練跑，堅唔開心囉，唉．．．．雖然我都知道係咁短時間內係冇可能跑番之前０既時間嫁喇，但係當要接受現實０既時候，難免係有０的傷心０既．．．．．我已經知道冇可能係三十日前回復最隹水準嫁喇．．．．．不過我鐘意田徑，因為高低分明，只要你跑得快、跳得遠、又或者擲得遠就係強者，十分客觀，係冇輩份高低之分！

跟住番左宿舍，舉左陣啞鈐同做左幾廿０下掌上壓先沖涼。之後就去左樓下ｃａｎｔｅｅｎ食飯，食完之後番上離溫書。聽日測驗目標係唔要第尾！！！！

>>October 25, 2004 at 4:48:59 PM GMT+8

2004 年 10 月 23 日 星期六 【晴】

琴晚訓得唔係咁好，屋企張床變得好單調好陌生．．．今朝十點起身，不過一早就俾阿爺個電話噪甦左，佢話今晚入離食飯。跟住就洗頭執埋０野又去左跑馬地踢丙組賽事。由於身上真係一蚊都冇，八達通又負錢，於是我就問左阿根拎＄１００增值。去到上水火車站，今日得我、ｒａｙ佬、阿勳同阿滔去，其他人傷０既傷，死０既死。

去到跑馬地開波，個西領隊成日都出晒０的黑鬼，只要唔係香港人佢就覺得係勁人，成隊波中前場勁多人，但係後防就人手不足，睇離如果改踢後面出場機會一定大增。但係好唔好彩，上半場已經俾人領先３球，阿勳踢得好差，俾０的阿ｓｉｒ勁屌，真係慘．．．下半場阿滔受傷，於是我終於可以出場。有幾球如果個尼泊爾佬同黑鬼肯傳過離，就唔會單刀唔入啦，真係唔抵。最後慘死４：０．．．．真係肉酸。跟住沖完涼都好熱，我係銅鑼彎鬧市赤裸裸咁行，不過去到時代廣場附近就著番件衫。之後去左ｍ記食０野，因為呢間有得０都八達通，犀利！

之後我地搭尖東站番上水，原本我諗住可以睇風景，點不知全程都係地下．．．．仲要超快到紅碪．．．．跟住係火車到訓左一教，超安詳訓得。跟住番左屋企，睇左陣報紙又訓，呢排唔知點解報紙都唔見阿嬌，真係有０的掛住佢．．．．訓訓０下教唔知係咪因為太累，又俾鬼壓，但係次次發生都係係屋企張床，到底係真係疲勞過度定．．．．．．嚴格離講我覺得係元神出竅先０岩，因為我ｆｅｅｌ到自己望到張床０的０野，雖然好模糊，但係我真係好似見到張床，個ｖｉｅｗ係由上望落離，但係我都唔驚。

跟住阿爺離左食飯，真係好無聊，冇啦啦離食飯，但係又冇咩０野講。今日做少林足球，好攪笑，睇左一陣就番宿舍。突然之間好有心水咁買左條３串１＄１００，贏左都有五六百。跟住番宿舍，番到去睇曼聯ｖｓ阿仙奴，唉．．．真係好唔開心，雖然我冇買呢場，但係人地保找左成４９場不敗，咁就化為烏有．．．唉．．．．曼聯真係好撚仆街，成撚日扮晒０野，食撚屎。之後條中左兩關．．．偏偏又係奶一關．．．．唉．．．．天意．．．非戰之罪，天亡我也．．．．．

之後番左房到．．我毅然鼓起勇氣溫心理，因為星期二要測。之後菜菜子入左離。我地三個係到攪間房。阿釗今日舖左０的ａｂｃ膠塊係地下．．．．跟住我地用０的字母砌英文名，但係唔成功，因為貼係牆會甩，跟住我地用牛皮膠紙貼左ＰＥＲＭ係門口，超型，跟住又貼埋我地張學生相落去，簡直潮爆！！！

好想睇楚漢嬌雄，好鐘意項羽，好正，江華做古裝戲好好睇～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

花自飄零水自流。 一種相思，兩處閑愁。 此情無計可消除， 才下眉頭，卻上心頭。

　　　　　　　　　　　　　　　　　　　　　　　　　　　　　　　　　

>>October 24, 2004 at 9:00:41 PM GMT+8

2004 年 10 月 22 日 星期五 【晴】

今朝九點鐘就起身，因為要番工，但係阿ｍａｙ都起左身，我估佢應該又係要番工．．．．．刷完牙之後小沖個頭，跟住就等到阿ｍａｙ走左先出門口。佢問我咁者佢邊到，我就講大話話幫學校整０野。跟住我就係樓下買左一個腸仔包、一個雞尾包同一個菠蘿波食。係火車到聽我０既ｍｐ３，聽聽０下我唱０既生還者原來都幾ｏｋ。不過我真係好累，係火車到差０的訓過龍。

去到馬會十一點，阿沛條撚樣遲到，攪到冇得一齊坐，又捕唔到同０的女一齊坐，次次都係０的麻甩佬．．．．勁悶。而家次次番工都勁爆眼訓，今日幫人可左戶口之後特然休克左五至十秒，好在係女人，如果唔係實俾人屌到仆街！今日番十一點，我坐左一陣忍唔住去左廁所高速痾左一半屎，不過都幾大碌。跟住十二點鐘食飯，我就食我０的包，我真係一個刻苦０既大學生。食完包之後痾埋另外一半。我發現左男廁最入０個格０既磁磚上貼左好多毛，好短，我諗應該係鼻毛，勁核突，我一望全身毛管棟，我記得之前已經見過，真係好肉酸，唔知發生咩事。

放工之後就番屋企，食完飯之後一個識左廿年，即是一出世就一齊玩０既朋友打離，真係可以講一句一條底褲兩份著。不過大過左之後都疏左好多，佢之前又攪大左條女個肚，不過好彩佢冇選擇到結婚，都算佢醒目，但係就用左成萬蚊落肚．．．仲要問財務公司借．．．諗諗０下我而家其實都幾幸福，不過如果可以有多０的錢洗就仲幸福～～我銀包真係一張港幣都冇，不過下星期我深信一定會好轉的。

接著出左去送禮物俾廖家寶，今日係佢生日，我送左支香水俾佢，女人先要用香水，意味住佢長大了，我真係好有深度。不過佢送番個鬚刨俾我，好似幾型咁，但係我都係唔可以成日剃，如果唔係就冇左我０既風格。同埋之前係心誠合唱拎左個西獎，等我拎番宿舍擺ｓｈｏｗ０下先！

跟住就番屋企，今日都ｏｋ累，拎住０的ｎｏｔｅｓ番離諗住溫，但係看起來都係冇可能嫁喇，之後著著地做左１００下掌上壓，唔知有冇可能可以一次過做呢？！然後電視播大隻佬，睇到最尾我都係唔明套０野講咩，好似好有０野想講咁。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我係一條牛仔褲，我鐘意左一條裙。 條裙唔鐘意我既質地，將我改為質地比較柔軟既布。條裙又唔鐘意我線頭顏色，又將我改為較暗色既線。 最後，我發覺我已經唔係一條牛仔褲，而係變成一條西褲。到我認為自己已經係西褲果陣，條裙已經唔鐘意西褲．．．．．．

>>October 23, 2004 at 4:28:58 PM GMT+8

2004 年 10 月 21 日 星期四 【晴】

琴晚嚇完人之後，我地就係宿舍劈酒。係到打ｗｉｎｎｉｎｇ，每輸一球就要飲半杯，黃牌紅牌又要飲，打和兩個一齊飲。飲到超醉，係到醉酒打機，感覺飄飄然，實在好玩。玩到成五點幾六點先訓，聽到雀仔聲。

今朝訓到十一點幾有少少知覺，跟住一點幾先起身。起左身之後去左痾屎，呢幾日痾屎我都係睇小王子，簡單得離又有道理，真係好０岩我。跟住就洗衫同埋洗床單，當我剝左阿寶個套０既時候，我發覺佢憔悴左好多，佢條腰一邊就離爛，真係好驚有一日佢會分開兩邊．．．．洗完衫之後番上離阿釗先差唔多起身，跟住就三點幾落左去買飯食。係個休息室到食，跟住同ｊｏｈｎｎｙ講番琴晚０的有趣０野～

之後番房我就鼓起勇氣去拎地拖拖地，不過冇洗地０既０野，我用洗潔精頂住先。然後繼續灌錄我地０既ｓｔａｒｔ　ｕｐ，然後好快就五點幾，於是我就執０野番屋企。我將我地０的歌放左落ｍｐ３機到聽，好過癮。番到屋企阿ｍａｙ係到打緊麻雀，阿根話琴晚拎左包貓草番離，即刻貓０既大麻，俾黑炭聞，之後黑炭就係地下碌來碌去，佢話如果食左會好似飲醉酒咁，超級變態呀！！！！！！！！！！

跟住去打邊爐，我坐假姑丈車去．．．行到去彩蒲苑後面個十字路口，我腦海又浮現番當日０既情景．．．．．唉．．．．．．．打完邊爐之後去左天平村拎髮泥，因為唔記得左拎番離。係六樓後座吹水，敏宏下星期二話買車，跟住俾我考之前０個晚去渣。然後點幾先行番屋企。

呢幾日唔知點解覺得女仔好煩，我開始懷疑到底係自己唔鐘意講電話等還是係有其他原因，總之每次有女仔打離我都唔係咁想聽同埋講０野，但係我又對佢地冇咩特別唔鐘意，之後我收到ｍｅｓｓａｇｅ鬧我，話我次次講電話都唔理人地講０既０野，冇咩反應，剩係顧住自己。事實上我都認同０既，我都唔鐘意聽人地講佢０既０野，成日講阿邊個邊個做左０的咩好好笑咁，我又唔識阿邊個阿邊個，我只會覺得好悶，唔會覺得好笑。所以我係唔鐘意拍拖，亦都唔會，我絕對會係一個衰公！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

雖然我和你只隔著一條馬路，你跨過這條馬路，可能僅需要十幾秒鐘。但這一刻，卻讓我等了三年．．．
　

>>October 22, 2004 at 6:37:28 PM GMT+8

2004 年 10 月 20 日 星期三 【晴】

琴晚間房又係到開ｐａｒｔｙ，噪到仆街，夜晚晚係到唱ｋ，超型。跟住就睇波，不過睇左半場就訓教。今朝八點半起身，由於琴晚冇沖涼洗頭，所以今朝就要沖一沖，之後輸左＄５０。九點半走左去上堂，呢排上堂冇咩訓到教，可能多０野講左，唔記得要訓教。跟住上完兩個鐘就去左上Ｉ．Ｔ．

上完之後去左飲茶，叫左好多食物，跟住超級急屎，番到房急不及待去左痾屎，呢趟屎好掂，又多又整齊，軟硬適中，不過都唔夠琴日０個條，真係又長又粗，好難得。跟住發現唔見左隻叮噹，琴晚ｊｅｆｆｙ攬住離訓，肯定拎埋番去！然後就去左訓教豬，不過今日唔係訓左好耐，訓到六點幾就起身。睡夢中，ｐａｉｎｏ打左俾我話識得用ｃｏｏｌｅｄｉｔ錄音．．．雖然最後我都冇問佢，不過亦都因為咁引發左起我０既思緒，我係網上是但打０的０野就搵到點錄，就係咁．．．．埋下了今晚０既伏線．．．．．．嘿嘿．．之後ｊｅｆｆｙ冇啦啦攬住我隻叮噹番離，琴晚佢攬埋番房訓。

之後七點幾去左訓練跑步，原本今日好累，但係我都要堅持。以前一條友練雖然好型，不過好悶，而家有人陪，開心０的。今日連續跑左四十五分鐘０既１００ｍ快１００ｍ慢，好撚辛苦，不過好滿足．．．我ｆｅｅｌ到有番少少０既狀態，不過都仲係好廢．．．練完之後番左宿舍，食左個飯就沖涼，沖完之後就開始錄我地０既ｓｔａｒｔ　ｕｐ專輯。首先錄左首心寒，仆你個街，錄左成個幾鐘先錄完．．之彼錄左幾首獨唱．．．玩到好開心．．．．特然間．．．．嘿嘿嘿．．．．．俾我諗到一樣０野．．．．嘿嘿．．．．我地錄左０的歌以ｍｐ３格式．．．我靈機一觸，就咁錄我地０既聲音再轉落部電話做鈐聲．．．．當然．．．唔係咁簡單．．．係深夜三點幾．．．我錄左「嗚．．．．嗚．．．．嗚．．．」，越離越大聲．．．完全係嚇鬼，之後我地整好鈴聲就出去休息室。我同阿沛裡應外合，我預先將部電話放左係到，用報紙掩住。阿釗同兩條女係到整緊０野，於是我地就按計劃進行。阿沛扮傻坐左入去睇報紙，我就出左去打電話俾自己，跟住個電話一響，好陰森咁係到「嗚．．．．」，雖然我睇唔到，但係我聽到佢地好撚驚，嘩哈哈！！！！！！！！！！好撚好笑又想打叫呀，條女嚇到青晒呀！！！！！！！哈哈！！！！ｙｅａｈ！！！！！！！！！！！！！！！

之後三點幾，有人發現我張床有飛蛾．．．．好撚恐怖．．．．邊有咁ｄｉｒｔｙ嫁．．．．

>>October 21, 2004 at 7:37:07 PM GMT+8

2004 年 10 月 18 日 星期一 【晴】

今日係星期二，又係一個星期最痛苦０既一日。首先起身就要剃鬚，好耐都冇剃過鬚，唔知點解用剃刀剃永遠都係冇咁乾淨同埋生得快０的。跟住就去左ｐｒｉｎｔ　ｎｏｔｅｓ，諗住自己ｐｒｉｎｔ，但係攪左好耐都唔得。之後就去左上解剖，第二堂要去ｌａｂ，阿佳同馮英祺剝晒衫俾人睇骨架～之後就番番去課室上心理，今堂馮英祺同個唔知邊個講０野，我聽聽０下就失去左知覺，跟住ｆｅｅｌ到個頭鐘０下鐘０下就甦左．．．．．

之後上英文堂，今堂我肩負起一個任務，就係要拎三位女同學０既ｉｃｑ．．．．但係我真係好失敗，最後一個都拎唔到，因為我莫彊．．．．ｓｈｉｔ．．．．．．．．之後就去左食食物，然後又上ｕ－ｌｉｆｅ。經過上星期逃走失敗一役，我今次汲取教訓，再接再厲。首先照常咁０都左入去，一睇到機會就行番出離，而事實上係冇機會，不過我強行爆破，一路講電話一路扮傻行番出去，之後有條友跟住我話去廁所要放低學生證，跟住我就好型咁同佢講話我唔係去廁所，然後繼續講電話，佢又唔知點解唔理我，於是我就成功逃走。

逃走完之後就番宿舍，行到去衛衡見到個阿叉，琴晚做完ｇｙｍ又見到佢，佢撩我傾計．．．今日又見到佢，今次佢又叫我，我又應佢，但係佢冇啦啦搭我膊頭，又用少少力渣一渣，超驚，差０的想叫救命，死啦．．．好恐怖呀．．．．．．跟住番左宿舍痾屎，然後訓教，轉身望一望阿嬌，發覺佢個胸多左０的０野，唔知邊條仆街將我張證件相貼係佢個胸到，九成九係肥豬做，實在太可惡，完全冒犯我０既女神！！一訓訓到成七點鐘，痴撚線嫁！！起左身之後同阿沛去左做ｇｙｍ，個阿叉又企係到，佢日日都企係到唔知做咩，超驚，於是兜路行。做完ｇｙｍ又去左練跑，超累，小腿勁痛，不過開始有番少少態，但係都係好廢．．．．

番到宿舍沖完涼係到玩錄歌，不過唔識用個ｐｒｏｇａｍｍｅ，之後落左九龍城食食物。望見個小巴佬轉彎，我又諗係自己所犯０既錯誤，又再次勾起傷痛０既回憶。仲有七堂要上，但係而家完全冇ｍｏｏｄ再去學，唉．．．．．暫時拋埋一邊先啦．．．．．印象中好似係第一次食吉列牛扒，都唔錯。之後就行番宿舍，係秋高氣爽又夜晚晚０既時候，真係份外浪漫，但係好可借身邊兩個都係男人．．．．番到宿舍就係到傾計，傾傾０下多左兩個女仔，之後又多多一倨女仔，跟住又多多兩個仔，最後ｊｏｈｎｎｙ又入埋離，間房就係咁迫爆左。一路係到傾計，傾到三點幾我死左出去睇祖記。

今場好有信心，買左＄３００單ｗｉｎ，但係上半場仲係０：０，不過戰到７５分鐘，我０既愛將「戰神」尼維特幫我贏左＄２７０番離。然後差唔多五點先訓。

張床開始好似有０野咬，我諗係時候要換一換床單．．．．．．．．．．

>>October 19, 2004 at 9:21:15 PM GMT+8

2004 年 10 月 17 日 星期日 【晴】

今朝係骨場訓到十一點幾先起身，跟住就係到玩左陣茶道，飲左幾杯龍井，但係個肚想痾屎，我都唔明白，點解中國人０既地方幾乎係冇馬桶，中國人真係好奇怪．．．於是我就係到擺左個好型０既ｐｏｓｔ痾屎！

痾完屎之後就去左食味千，唉．．．琴晚換人民幣時，收左張假銀紙，輸經驗，冇辦法．．．係琛圳食味千好抵，我地係到勁叫食物，食到好飽好飽。跟住就留香港，我冇直接番宿舍，番左上水，去左石湖墟，嘿嘿嘿嘿．．．．．．．跟住去左百人一朱食雪糕，唔洗俾錢～食咩都唔洗俾錢～不過因為食到好飽，所以剩係食雪糕。跟住俾欣欣強搶左我隻小鞋子，佢死都唔肯俾番我，於是攪到成四點我終於放棄左．．．送左俾佢．．．．其實我ｆｅｅｌ到佢仲鐘意我０既，不過唔知點解佢好似靚左咁。

之後先番宿舍，原本諗住去上游水堂，但係都已經趕唔切．．．．．不過之後先知原來今堂係泳池玩獨木舟，哎呀～好想玩呀！跟住六點半我去左做ｇｙｍ，第一次正式咁去ｇｙｍ　ｒｏｏｍ，做左個幾鐘跟住就去左田徑場練跑。我要操番起０的狀態先，但係唔可以再慢慢來，要係呢兩個禮拜內谷盡！之後練完勁撚累，跟住番左ｈａｌｌ沖涼，然後同阿沛落左樓下食食物，然後見到阿坤、其宇，係到吹水，好開心，不過因為關門俾人趕走。

之後番到上房，有人煲白果腐竹糖水，我因為一時貪念，我拎左個水壺去裝，但係我先諗番起原來雪櫃有碗阿ｍａｙ整０既楊支金露，跟住飲完之後係咁請人飲，個個都話超正。不過．．０個壺腐竹湯水就．．．．唉．．．但係拎左番離又冇理由倒晒咁賤，於是我地就三條友係到劈糖水，輸左飲一大杯．．．．．終於都飲晒．．．．．

之後發現左間房地下有蟑螂．．．．唉．．．死喇，好ｄｉｒｔｙ．．．．

>>October 18, 2004 at 4:53:43 PM GMT+8

2004 年 10 月 16 日 星期六 【晴】

今日要番工，十點鐘就起身，一起身兩隻小腿好酸痛，跟住就執左０的０野就出去番工。雖然訓左一教，但係都仲係好累。上左小巴時，個小巴佬係斜路停車居然溜後．．．．我屌．．．呢個世界實在太唔公平．．．．跟住搭火車去火炭，係火車到有個阿姑成日將個頭整落我隻錶到，跟住俾我隻錶夾住佢０的頭髮，抵撚死！！

去到火炭就行去馬會，我腦海裡依然對０個個十字路口轉彎位耿耿於懷．．．唉．．．．番到去又第一時間叫人食飯，正一仆街．．．食飯０既時候好都冇咩心機再理會見唔見到阿ｍａｙ，買左個咖哩牛腩飯食，原來可以自己拎０野飲，之前真係七左。食完之後用十五分鐘去痾屎，唔知係咪唔夠休息，呢兩日０的屎都好唔正常，有０的濕熱，不過都要痾晒出離，如果唔係就會積住係個人身體內。痾完之後洗手時，見到件衫後面有黃色０野，到底係咖哩汁等係屎
積都唔係好知，不過照道理咖哩汁唔會整到後面．．．．．．唉．．．咁即係屎啦．．．ｓｈｉｔ！

跟住又係到展開工作，雖然＄４０一個鐘，但係都幾悶０下，隔離次次都唔係靚女，完全係悲晒，攪到０的時間過得好沉悶。不過有錢就算啦。放工０既時候行番火炭，見到好多馬迷，有個衰公一定係輸左錢係撚咁爆粗鬧個老婆行錯路，真係衰佬，我諗我第時都會係咁～不過真係好想打七條八公。之後先記得睇賽果，你老味個西，真係斷撚左一場，仆你個街，中撚埋成千幾蚊呀，而家得０個兩百幾，我真係屌你老味咩，唉，著撚晒火呀真係！！！跟住係街邊買左串雞腎食，但係好大陣石油氣味，痴撚線嫁！！！！！！！跟住就搭火車番上水食飯。

番到屋企去左食ｐｉｚｚａ，行出去天橋到又見到一對中年夫婦鬧交，個佬冇爆粗，我隱約聽到佢話咩有就唔好跟住我，各有各行，跟住個婆又追番上去要一齊行，個佬又即係調頭話唔想見到佢，我第八感話俾我知係個婆出去勾佬，賤婦！！！！！！

之後食完ｐｉｚｚａ，我決定離開香港呢個傷心地，番大琛圳散散心。由於我係大學生，我照直同阿ｍａｙ阿根講話番大陸，不過我講大話話同大學同學番～之後佢地好ｑ多叮囑，攪到好似出國流浪咁，又咩事事要小心，唔好多事，我頂．．．．之前鬼撚鼠鼠番過唔知幾多次啦！
食完之後去左上水廣場痾屎，睇離我個肚有０的問題。

跟住同阿小福番左上去，去左骨場。間０野０的裝修都唔錯，用電腦選女，同之前阿滔０個間一撚樣，我地點左１２７同埋１７１，真係幾索喎！！間０野有個睡眠區，真係好正，勁有日本ｆｅｅｌ，一格格，裡面同青山０個０的房一樣，四面都有軟「箭」～好正呀！！～我地兩個迫埋係一格，然後商量好去左第二間。入到去就見到髮型屋兩條友，如果老闆兩隻手都有紋身，好驚啊～～！～～～！～～～～

唉．．．．我依然對自己所犯０既錯，耿耿於懷．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
＜耿耿於懷＞　（特別版）

我　最近仍很怕　望見那銀城的彎
最近　近乎日日練　我冇心去撞嫁
真想帶你見見　我剛考過的彎
我想聽你意見　這算是「七」吧？？？？？？？？？？？？？？？？？？？？？？？
為何無論我　願意怎道歉　怎樣也
不可不撞那大巴？．．．．．．．．．．

難道是練習太耐　扭呔先扭不回來
試圖再　努力過　也顯得不自在
不懂得如何重考過．．．
還是我太介意　對再試也看不開

難道是視力阻礙　扭呔的心不能開
阿騰也　嚇呆了　留在座椅上在　
期待　看見了我的錯　難怪車牌也　再度要考過．．．．．．．

>>October 18, 2004 at 10:01:55 AM GMT+8

2004 年 10 月 15 日 星期五 【晴】

今朝七點鐘就起身．．．．之後就準備去考牌．．．．．唉．．．．呢兩日都好奔波，唔係好夠訓，係火車到都恰眼訓．．．唔知點解一０的都唔驚，因為我覺得冇咩問題．．．．．點知就．．．．屌．．．．．．九點鐘去到，之後準備０的０野試埋車就上車等條撚樣離。首先就考泊位．．．．我比較冇信心係呢關，但係上堂經過改良，已經好左好多．．．．最後我慢到成隻龜咁泊，吹撚漲呀！！泊到呀，吹波呀！！！！！跟住就窄路調頭，完全係強項．．．．
然後斜路開車停車。之後就要出街．．．

出到去行銀城線．．．準備轉第一個彎０既時候我原全知道應該入邊條線．．．．但係一到綠燈０既時候．．．．見到有０的整路０既欄好似放左係到，之後我就神推鬼撞咁入左隔離條線．．．但係原來我條線係冇封到．．．結果就同架巴士打茄輪．．．個考牌西官就踩我腳制．．．我已經知道奶０野．．．．唉．．．．．好撚悲．．．．一開波就仆街．．．佢老味，人地都講左唔好意思，你老母都總要ＴＩＣＫ尻人，正一尻撚屎，食屎啦！！！我好有信心嫁麻，而家衰左喇！！！好撚悲呀！！！我寧願俾架巴士撞撚死冇咁嬲呀！！！

考完之後都知道咩事．．．唉．．．受到重０大既打擊，印象中我充滿信心０既考試係未試過失手．．．因為我冇幾何會充滿知心．．．唉．．好ＤＯＷＮ呀ＭＡＮ．．．仲要俾多＄３１００補考，簡直係弁取暴利．．．唉．．．冇啦啦又要阿ＭＡＹ俾咁多錢，個心真係好唔舒服．．．．唉．．．點解會咁！？！？！？ＷＨＹ　ＭＥ？！？！？！？！？？！我打ＧＴ明明好撚狼．．．點解＞？？？？

跟住就戅尻尻咁番考宿舍先．．．唉．．．見到條街咁多人渣車．．．點解我考唔到．．．．我真係好冇用．．．．我做唔到ＳＫＹ哥哥，我連趴地都不如．．．．唉．．．跟住話左俾阿ＭＡＹ知叫佢過錢俾我交，唉．．．我都冇晒ＭＯＯＤ喇．．．之後係架巴士到訓教，一個人黑起上離真係有條引．．．．架車明明寫九龍塘地鐵站，但係我唔撚知點解一張開眼就係信和囉，唉．．．我訓過龍喇，我真係身心俱疲，弱少０既心靈受到重大創傷．．．．．．．

跟住搭地鐵去九龍塘番宿舍，好唔開心咁係到諗０野．．．為左懲罰自己０既不中用，我罰自己係跑步機怒跑３０分鐘反省一下。之後番到房就怒舉啞鈐．．．唉．．．我仲係耿耿於懷．．．其實係我自己０既錯．．．．．雖然好想打尻個考牌官，再強姦佢老婆．．．但係．．唉．．．作為一個大學生都要講０下道理０既．．．我唯有剩係詛咒佢０的子子孫孫考親牌都死火啦．．．．

之後洗完衫，為左配合咁傷感０既氣氛，走左去彈傷信．．．之後就訓教，我真係需要休息下．．但係訓得個幾鐘又要起身去番沙田交錢．．．唉．．．．望住０個三張一千蚊紙，我知道完全因我０既疏忽而白白咁送左俾人．．．呢＄３０００已經可以夠我去上海交流喇．．．唉．．．雖然話錢解決到０既問題唔係問題．．．但係．．．唉．．．．

跟住就番屋企食飯，循例上都要交代一下點解會收皮．．．跟住係電腦到睇曼聯，好撚廢，又和波。為左彌補番自己所惹０既禍，我買左條４串５，希望可以中番千幾蚊．．．．如果中左我下兩個禮拜應該會唔開口叫阿ＭＡＹ拎錢，所以，天呀，你有性０既就保佑我中啦！！！！
諗走前我都拎左＄５００，不過我已經好好咁拎少左＄５００，琴日人情我都冇問佢拎番，當我自己出番＄５００，都算有０的人性啦，所以天呀，你都要有０的人性呀！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

邊個話．．．．．．只有會考唔合格先會跳樓自殺嫁？．．．．．．．？．．．．．．

>>October 16, 2004 at 4:16:43 PM GMT+8

2004 年 10 月 14 日 星期四 【晴】

琴晚係威威結婚前夕，我番左上水，夜晚去左石頭吧飲酒，雖然唔係飲左好耐，但係都飲左頗多，醉到西咁，差０的炒車，最後落車慢慢行番屋企。番到屋企暈到仆街，咩都冇攪就訓，係到亂尻咁打電話，不過好彩冇亂尻咁講０野。

今朝六點鐘就起身，跟住就沖涼洗頭，前所未有咁著到咁正，咁大個仔都算今日最型，著起西裝都幾靚仔，不過呢０的０野唔可以成日著，如果唔係就會變得好老餅。ｓｅｔ好晒０的０野之後就過天平，著到個看更都呆撚左，為免見到熟人，我選擇左搭的士。首先去左大司徒屋企，條撚樣唔知甦，好彩我打左俾佢噪甦佢。跟住就同佢去左ｍ記食食物。然後就等左一陣幫０的車扮靚靚。飲完茶之後出車，我地七個兄弟坐敏宏架車，佢０岩０岩重考ｐａｓｓ左，第一次渣車就要出到去深水步接新娘，俾著我都唔係咁夠膽。起初我都冇咩０野，但係坐落發覺有０的問題，新牌仔唔識路好正常，渣得唔穩都可以接受，但係上到高速公路，０的撚樣唔再係學車０個時咁知我地學車仔，出去０既時候行過條兩條行車線轉做一條行車線，隔離架大貨櫃差少少就炒埋離，好在福星高照逃過一劫。

去到深水步接新娘，循例上都要俾開門利是，不過由於時間關係冇咩俾人玩到就接到新娘。跟住回程時就出事。由於唔識路，係個分叉路口突然緊張扭呔，車頭撞左埋架的士到，成盞車頭燈飛左出離。之後個的士佬落車傾陪錢．．．．跟住叫左０的大人離講，最後個的士佬跟左番上水整．．．．．聽日就要考牌．．．真係好唔老利．．．．唉．．．有０的陰影。

番到上水，食完飯之後等左好耐先等到４點鐘，敏宏架車整番好之後再到出發去沙田明星海鮮坊。今次雖然冇意外，但係由於我地又唔識路，所以行左０的冤枉路．．．．．去到酒樓五點幾六點，係到等到成九點先有得食。我地係到勁玩新娘同埋新郎。我負責做司儀，首先要佢地食百力支，一人咬一邊，唔可以斷，食到兩個咀仔要掂到～之後就玩埋０的兄弟姊妹，每邊派個代表出離玩，阿雀同江敏婷俾我地內定老屈，超級好笑～～跟住食食０下又玩食紫菜，好似掌門人咁鬥吸，今次捉埋伴郎伴娘出離玩，為免０的人癩皮，輸左０個兩條友要一人一邊食朱古力手指～～最後威威同勇勇兩個男人係到錫錫～～～～之後就迫新娘哥企係張ｃｈａｉｒ到，然後要新娘將條蕉由左邊褲筒塞入，右邊褲筒拎番～～然後再一人一邊食埋條蕉，嘩哈哈！！！！！！之後我地又屈左阿滔出離俾人攪～～

最後就將我地預先買０既孖煙通俾新娘著係面，前後都有兩個大心，係我剪爛酒樓０的布貼上去，剪到我隻手勁痛～～著完之後就情心款款咁讀我親筆書寫０既愛的宣言：「老婆，今日係咁多親朋戚友面前我有０的０野想同你講，我唔介意著住呢條前後都貼左心心０既孖煙通，我亦都唔介意０的兄弟姊妹玩我、笑我，因為我剩係想同你講一句：『我愛你～～』，如果愛你係一種負擔，我甘願背負一生一世～」，好肉麻啊～～～不過好唔好彩，基於我玩得人太多，結果俾人迫我企上去，然後兩條友鬥快塞蕉穿過我，兩條仆街係咁塞，成條蕉爛晒，仲塞到入我條孖煙通入面，真係掂到我條０野！好彩唔洗食咋，唔係真係死俾佢地睇！！

玩完之後就飲左少少酒，但係都好撚暈，之後搭車番上水，勁撚急尿，番到屋企衫都唔除，企都企唔到，坐左係到痾尿，痾得勁耐。雖然我仲有排都未打算結婚，但係到我結婚０個日，我一定要我老婆係全場最靚～


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

祝一對新人百頭對老，ｂｂ仔快高長大，讀到大學，入浸大，讀體育系，強身健體～～

>>October 15, 2004 at 5:48:48 PM GMT+8