2004 年 11 月 5 日 星期五 【晴】

琴晚爆夜訓，今朝十點幾就要起身，０個種感覺真係要了我的命，但係再難涯都要頂住，因為男人大丈夫，應承左十一點去到就要十一點去到！起身之後就叫甦埋阿釗，一齊浩浩蕩蕩咁去泳池參加小型水運會。

今日十一點就要玩，係咁比賽０的小型賽事，係咁怒游２５ｍ。但係都贏唔到０既，一包公仔面都拎唔到！！不過我同鈞玩雙人花式撻水贏左～之後游左好耐，又玩水球，又有接力，又有狗仔式，都幾好玩０既～游完之後成三點幾四點，先食食物，去左舊ｃａｎｔｅｅｎ食燒肉叉光飯，食完之後就番ｈａｌｌ，真係超級眼訓，番到ｈａｌｌ即刻訓，原本我好有信心訓到夜晚，但係由於七點半要去沙田食飯，九姑姐生左個ｂｂ女，即係我多左個表妹～但係我起身０既時候，我真係感覺到我支撐唔住，我個頭勁痛，周公係咁同我角力，我一度有想放棄，但係最後我提升左我０既ａｒｏｕｓａｌ　ｌｅｖｅｌ，毅然起身沖涼，都係０個句，男子漢應承左人０既０野一定要做到！！！當我沖涼０既時候，一路沖，一路合埋眼，差０的訓著左．．．

去到沙田京都酒樓，望住個ｂｂ女，又一個小生命誕生．．．當我抱住佢０既時候，我感覺到為人父母０個份責任同埋負擔，雖然係好辛苦，但係都係無私咁奉獻俾ｂｂ，真係好偉大。小表妹就好似一張白紙咁，佢將會隨住時間而被填上顏色，係呢個時代，望子成龍固然令人開心，但係最重要都係健健康康，無病無痛，唔好學壞咁就得喇。雖然我未必會結婚，但係如果真係結左，我一定要好錫我老婆，好彩有埋ｂｂ，我一定會好好管教佢，雖然我假假地都係一個大學生，但係我都只希望佢能夠做一個頂天立地０既男子漢就足夠了！唔好彩生女０既就唔鬼理佢～～呵呵～

食食０下飯，阿根就冇啦啦話俾我知上水機舖有人斬人，叫我唔好咁夜係到行。於是我都呆左一呆，就ＳＥＮＤ個ＳＭＳ俾中哥哥問個明白。原來包丞同粟米得罪左人俾人斬，連佢都話夜晚要小心０的，廢事俾人點錯相，好驚啊～～～～食完飯之後就去左旺角飲０野，今日阿ＣＨＲＩＳ生日，之後去左樓上ＣＡＦＥ傾計．．．唉．．俾０的同學仔冤枉我拍拖，即係等於屈個盲０既偷睇人沖涼．．．．之後學左０的小魔術，個老闆話會開班如果夠十人，於是我就留低左電話～識魔術會型好多，可以用離識女仔～

跟住搭的士番ＨＡＬＬ，個的士佬正一廢物，浸大宿舍同城大宿舍都唔撚識分，好彩阿洋係到，如果唔係都唔知點算。

番到宿舍，ＣＨＥＣＫ　Ｅ－ＭＡＩＬ，真係有人覆喎，實在太開心，計埋沛公同我有８個人喇，可能聽日會越離越多人，實在太好喇！～

>>November 6, 2004 at 7:00:24 PM GMT+8

2004 年 11 月 4 日 星期四 【晴】

琴晚最後係房到溫到四點幾先訓教，原本教左七點半起身溫書，但係最後都頂唔住八點半先起身。起身睇賽果，頂你個肺，又斷一關，個天就係鐘意玩０野，成日都斷一關。不過因為輸錢，所以贏錢先會咁開心，有痛苦，先有快樂．．．．

跟住就去左上堂。ｄｏｃｔｏｒ　ｃｈｅｕｎｇ話我地今年０既學生學習態度有問題，同埋冇責任感，我地一年級生開始面臨壓力．．．受到各界批評。之後就上歷史堂，今日要ｍｉｄ－ｔｅｒｍ　ｅｘａｍ，託上天０既鴻福，今次總算冇白費琴晚０既心機，合格就緊嫁喇！！咪真係當我流！！！上完之後０的人癩低我去左游水，因為我要上英文堂。然後就番房食飯，豬豬同大佬都一齊來。一點半就去左上英文堂，豬豬又獨個兒係到破壞，諗走前我下令佢將我隻杯同刀洗好！

英文堂要測ｌｉｓｔｅｎｉｎｇ，唉．．．．我開始有０的念頭走去尊理補英文．．．俾人知道唔知會唔會拍住我個頭離笑呢．．．．．．．．．之後原本要上ｆｉｔｎｅｓｓ堂，但係男人大丈夫要講信用，既然同老大、老三同老四達成協議走堂，就唔可以一個人去上堂！！於是就一齊番ｈａｌｌ打機。辛苦左幾日，今日決定要放浪形駭一日！不過次次同肥華打ｗｉｎｎｉｎｇ都燥底，都贏唔到佢０既！！！！！！！！！！

然後六點幾，練波０既練波，番工０既番工，個個走ｑ晒，得番黃某一人。之後ＺＵＫＩ冇啦啦上左離溫書，傾左一陣計阿妹又落埋離，間房就有兩個女仔。之後阿ＭＡＹ冇啦啦打離話聽日食飯，跟住俾佢聽到有女仔聲，係咁係到問邊個。八點鐘，又走左出去睇楚漢驕雄，項羽今集都好型，呢排有０的衝動拎番會考本精讀離睇０下劉成項敗的原因。睇完之後係房到等阿釗番離一齊食食物。阿狗今日考車牌ＰＡＳＳ左．．．唉．．．真係好唔開心．．．雖然好衰，但係真係唔開心嫁麻．．．．俾佢一次考到．．．型過我啦實．．．．．

跟住沛公番緊離，我地係窗口大叫歡迎佢，超級好玩。然後就一齊搭的士落左九龍城食食物。食完之後就送ＺＵＫＩ搭巴士，然後我地又番ＨＡＬＬ。番到ＨＡＬＬ舉行左ＷＩＮＮＩＮＧ三人聯賽，你老味．．．今日狀態奇差．．．全日打ＷＩＮＮＩＮＧ一場都未贏過．．．悲到冇朋友．．．．之後同蚊香斷斷績績咁傾電話，然後又打ＷＩＮＮＩＮＧ。打打０下海哥落左離，我地四條麻甩佬係ＬＯＵＮＧＥ到傾上莊０的０野，我地一年級學生唔可以再咁頹廢，要做番場好戲，攪好個ＰＥＲＭ　ＳＯＣＩＥＴＹ，於是我又ＡＤＤ晒所有人入ＡＤＤＲＥＳＳ　ＢＯＯＫ，然後同阿沛擬寫電郵呼籲有志者參與。

唔知點解忽然擔心自己第時冇老婆，真係唔想番大陸是但執件。總覺得賢妻難求，試問點會有人永遠都愛自己而自己又愛佢嫁？對住幾廿年都唔變呀？真伙好難嫁喎，但係望見街上咁多老夫老妻，又好似唔係絕對，真係莫名其妙，或者去到呢個境界，佢地已經係唔愛對方，而只係一種承諾，一種責任。如果真係咁樣的話，結婚仲有意思咩，跟本冇人會愛一個人一生一世，總然我都唔相信老豆總係好似後生仔咁愛阿媽。如果兩個人一齊冇左愛的話，咁仲有咩意思呀？？？？？？？？？？？？？？？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

冰霜薄，人情更薄；華山險，人心更險。

>>November 5, 2004 at 10:34:35 PM GMT+8

2004 年 11 月 3 日 星期三 【晴】

今朝一早唔係好記得幾多點，個電話老練咁大聲咁係到「出前一丁麻油面，出前一丁麻油面，出前一丁麻油面～～」，係到我彈甦左，係堅彈甦左。跟住原來係原居民打離，琴晚三點幾ｓｅｎｄ左個ｓｍｓ俾佢問佢借實驗室袍。跟住甦完左訓過。起身之後就睇０下琴日０既賽果，果然，個天始終對我不離不棄，每次當我兵糧將盡，破斧沉舟咁一訓，都俾我番到身～

沖完涼就死左去上Ａ＆Ｐ，今日出左去做個貓拱背，平時睇黑炭做得多，原來自己做完全做唔到．．．Ａ＆Ｐ呢科將會成為我學習生涯０既一個大難關．．．．唉．．．．之後上完就去左上Ｉ．Ｔ．次次上親Ｉ．Ｔ．都會冒然起火，因為個阿ＳＩＲ係咁自己講，完全唔理會我地０既生死，幸好黃某天資聰穎，先可以逢凶化吉。跟住十二點幾就落左堂，一心諗住行去新校等原居民拎袍，誰不知佢又行左去舊校諗住俾我，害我白行一趟．．．

跟住就去左又一城負責買朱古力俾ＰＯＬＹ條唔知嘜水，我同ＡＮＧＥＬ去左間唔Ｑ記得咩名０既０野買，貴到仆街，１２粒死人０野要成＄２ＸＸ！！跟住我地都買左兩粒離試，我食左粒威士忌朱古力，一咬入去真係有好多酒飛出離，超過癮～跟住就去左ＫＦＣ食食物，今日食左葡撻，不過趕時間，所以冇好好品嚐．．．．．

之後搭火車去ＰＯＬＹ睇屍體，係火車到成班噪到仆街，又係到照相大叫，好似小學生去旅行咁。去到ＰＯＬＹ唔知點解好似冇咩人氣，０的人冇咩生氣，不過０的女好似幾ＯＫ。跟住就著起件袍，咁大個仔第一次著呢０的袍。入到去睇０的手手腳腳，開頭都有０的核突，不過之後都唔驚，係到成隻腳拎去，係咁渣０的肌肉，都幾好玩，不過聞到陣味有０的想嘔。

睇完屍體去左樂富同沛公寄０野，之後去左惠康買ＭＩＮＩ－ＭＥＥＴ０的獎品，然後去街市買左一磅肥牛同埋脆皮腸食。跟住搭的士番ＨＡＬＬ。番到去成五點幾，跟住就上左十九樓自修，但係效果唔係咁好，斷斷續續咁訓，跟住到八點鐘就落番去食食物同埋睇楚漢驕雄～

睇完之後九點鐘，有０的想賴皮，不過最後都鼓起勇氣繼續溫。呢次就有０的料到，開始似樣少少，知道自己溫緊咩。睇離我係時候要發力，如果唔係就會俾人睇少，我都可以好勁的，０的人讀過識有咩咁巴閉０者！！！！！跟住溫溫０下同原居民傾左一陣電話，其實都唔算係一陣，都成個半鐘，回上起對上０個次同人傾超過半個鐘都唔記得左係幾時０既事。

之後又怒溫到一點幾先落番去，然後沖涼，又買左＄１００，跟住老豬兩點幾冇啦啦打離睇０下我死得未，跟住係咁問我問題難為我，攪到我好似完全唔識咁．．．．唉．．．原來我都仲係未識．．．．．．．

>>November 4, 2004 at 7:02:58 PM GMT+8

2004 年 11 月 2 日 星期二 【微冷】

琴晚同一個外系０既女仔玩ｉｃｑ，佢好唔開心，又係因為一０的感情事。雖然聽佢講左好多０野，又係到問可以點做，其實，根本就冇０野可以做，都叫左０的人唔好去拍拖嫁啦，倒頭來咪又係辛苦自己，咁又何必呢？鐘意人又唔一定代表要拍拖０既，拍拖只可以同一個，但係鐘意就可以鐘意好多個，咁唔拍拖唔係更好咩？！

今朝起身之後就沖涼ｓｅｔ頭，然後上堂。琴晚冇訓身，但係全部中晒，真係火都離麻。之後上堂，老大今日竟然冇番學，係開學以來首次０既逃學，大家都有０的衝動打俾佢問佢咩事。今堂上ｈｉｓｔｒｏｙ，差少少就訓著左。跟住上完堂就番左房食食物，然後睇番琴日集楚漢驕雄。睇睇０下好多人一齊睇，豬豬好鬼噪，係到騷擾。今集有韓信，原本韓信係我心目中係好撚型，點不知係黎耀翔做。韓信好慘要受跨下之辱，忍能人所不能忍，咁先至係做大事，不過我諗我做唔到大事，如果我係韓信一定拎把刀斬撚死班仆街！！

睇完之後又要去ｇｙｍ　ｒｏｏｍ老中原來琴晚睇歐聯所以逃學。跟住做左一個鐘頭就落堂，然後就去番宿舍，跟住又要上游水。今日要上成兩個鐘，要扮學生俾０的同學做老師教游水，一個字「凍」，凍撚到仆街。一開波拉筋時，阿沛條仆街望到一０的唔應該望０既０野．．．好彩我望唔到咋．．．．．．游完之後去左問ｍｉｓｓ　ｍａｋ俾唔俾星期六唔番ｍｉｎ－ｍｅｅｔ，但係佢好臭串！！

之後就去左食食物，然後傾左陣我地教水０的０野，跟住就番左上去諗住溫書。點不知溫左一陣開始有０的睡意，跟住諗住玩陣電腦精神０下先再溫，但係點不知一路玩一路釣魚，最後又不甦人事．．．．之後訓到八點鐘，身體０既細胞突然跳動，原來又係睇電視０既時候。好多人都一齊睇，頗為熱鬧～

睇完之後同梁沛恆去左食飯，今日我地出左糧，而家我０既身家已經昇華到＄５ｘｘｘ，於是就小訓身，今晚又有我０既愛將，不死戰神拚命三郎鐵漢尼維特～呢排佢近況大勇，真係好令人高興～然後去左食食物，食金菇牛肉卷飯，不過０的菇唔係好熟．．．食完之後就番ｈａｌｌ，諗住溫書．．．結果又走左去睇歐聯精華．．．唉．．．．．．

４樓搬左個中國人入離同ｋｉｎｇ　ｋｏｎｇ一齊住．．．個中國人０的頭髮係四方形，仲成日叫埋０的中國人朋友離，攪到而家呢層有好多四方形係到行來行去。佢地好恐怖，令我成日諗起堔圳０的人，好似想老笠咁．．．真係好驚，今日仲冇啦啦衝入離，好彩我見慣大場見面．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
談戀愛就好似痾屎一樣，係忍無可忍、要來便來的。但我們其實享受的只是當中的過程，試問又有誰會欣賞痾出來的排泄物。但我們必須知道，這個過程並不是絕對的快樂，有人會因為腸胃好而痾得舒暢，但亦有人因為攪肚子而痾得死去活來，由此可見，雖然明知是痛苦，但屎是不能不痾，而愛亦是不能不談．．．．可悲可悲．．．．

>>November 3, 2004 at 5:24:28 PM GMT+8

2004 年 10 月 31 日 星期日 【晴】

今朝凡點幾九點就俾０的打樁聲噪甦左，痴鬼線，差０的想大叫佢地停工，仲要住４樓，完全係精神折磨！！之後十點四十五分就起左身，因為要去搵ｄｏｃｔｏｒ　ｆｕｎｇ講關於十一月七日去八鄉０的０野。原來０個日係要我地做測試，好似消防員咁係到做ｔｅｓｔ，爬雲剃又唔知呢樣０個樣，好似好辛苦咁。

跟住就番左去ｈａｌｌ　ｃａｎ食食物，食完之後番左房小休，放左一陣就起身走去游水。跳極都跳唔到去紅線，真係麻撚煩。自由式又唔掂．．．唉．．０的水又凍，想凍死人咩！！！

游完之後係到用熱水沖身，沖到唔願走，跟住又去ｈａｌｌ　ｃａｎ到傾教游水０的０野，然後就番左去房到。等到八點鐘走左出去睇楚漢驕雄，越離越好睇～跟住就同信、沛叫左外賣，一路食一路睇天國的階梯，都唔知講嘜ｑ！跟住阿沛開始對我阿嬌動心，佢話用ｓｔｅｐｈｙ同我交換一張，我堅拒左，邊有人將自己老婆跳交換嫁！

跟住就係到一路玩ｉｃｑ一路溫書，不過咩都溫唔到，星期五就要測了．．．．

>>November 1, 2004 at 5:50:51 PM GMT+8

2004 年 10 月 30 日 星期六 【晴】

琴晚飲醉左訓教，特別易訓。今朝十點幾就俾阿ｍａｙ叫甦，因為要去拜阿公。於是就死死氣咁起左身。之後就痾左０的屎，不過好唔ｏｋ，因為飲左酒，令到０的屎變得唔結實。之後就落左樓下飲茶。對腳板底起左兩個水泡，跟住０的肌肉又痛，真係好辛苦，行路都要就住就住。飲完茶搭火車去九龍塘，問左阿ｍａｙ拎錢增值～ｙｅａｈ！～

係又一城轉車上左慈雲閣，我去左點一大紮香，超級攻眼。見到０的人係到燒呢樣０個樣，又放０野食係台到，其實都唔知仙人係咪真係收到，定還是係我地一廂情願０既諗法。不過諗深一層，大家都可能知道係冇用，不過都以示一種懷念，可能就係所謂０既慎終追遠。之後落去睇隻稀有毛龜，細個眕佢好鬼細仔，而家變到超大，０的毛超長，不過好似好假咁～

跟住就番上水。番到上水就去左上水廣場馬拉松，決定左買０個件ｃｈａｍｐｉｏｎ縷，於是就ｃａｌｌ左高欣落離。之後落左六福玩０下０的朱二繩。然後五點鐘就去左剪頭髮，而家對於剪頭髮冇左以前０既恐懼感，都係多得肥平所赐～我話過每次都要攪０的新意思，今次就把心一橫離個革新～仲記得一年前，短呢個字係我心目中同七頭係冇咩分別，但係，今日我真係覺得唔錯，呢個髮型易打理又唔七，好！

剪完之後番屋企食飯，王傑係樓下間實惠到賣鑊，阿ｍａｙ叫左佢上離食飯。去到睇左佢ｓａｌｅ鑊一陣，真係好撚好笑，又好假！之後就等佢收完檔上左屋企。好耐都未試過一齊食飯。次次探阿婆都問起佢，０的人話老人家越離越老０既時候，思想就會慢慢倒退番以前０既事，我開始慢慢咁相信．．．．食完飯之後就陪佢落左去搭火車，之後又番屋企。

之後睇左一陣波，然後就去左買＄１００。然後就執０野番宿舍，問阿ｍａｙ拎左＄１０００！！因為要交錢，不過其實唔洗咁多～於是我就落左百佳入番０的貨。番到宿舍，有雪櫃了，即刻放０的０野飲入去，跟住就拖０下個地，然後就舉起啞鈴就舉，谷番０的０野出離先，之前荒廢左成幾日，舉完又做掌上壓，對住塊鏡０個刻感覺真係好好～

之後就唔經唔覺咁一點幾，走左去砌面，食完面就訓教，聽日開始有好多０野做了。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

你來的時候，沒有帶來一點色彩，你離開那天，卻帶走了所有顏色。

>>October 31, 2004 at 6:25:50 PM GMT+8

2004 年 10 月 30 日 星期六 【晴】

昨晚睇完反斗奇兵２先訓，呢幾日都超級疲勞，肌肉酸痛，於是今朝訓到成十二點幾先起身。今日係學校０既陸運會，起左身之後就食左盒飯，不過冇食晒。跟住就同老大、三弟一齊去運動場。基本上冇以前中學０的陸運會咁熱鬧，因為唔需要強迫出席，亦冇以前０的啦啦隊。好耐都未試過抱住一個咁消極０既心態去跑，咁都正常０既，跑步呢家０野好均爭，邊個有練到就邊個勁嫁啦，我頹廢左咁耐根本無論幾有鬥志都冇用。雖然跑第四，但係個時間真係不堪入目，簡直丟架！作為體育系，雖然我地四年級加埋人數唔係好多，但係如果連陸運會都稱霸唔到，簡直塊為體育系學生啦，結果我地團體都好理想當然咁贏晒～

之後真係筋疲力盡，兩隻腳板底經過連日來０既磋跎，起左好多水泡，０的關節位仲係好痛．．．唉．．我老喇．．．．根住就沖涼，但係底褲仲未乾，於是我就用風筒吹乾。沖完涼之後執好０野就番屋企。呢個禮拜好似好長咁，有０的掛住黑炭。出房門時見到有部雪櫃係到，晏０的有人離裝，終於間房都有雪櫃用喇！！！！可以買多０的罐裝飲品喇！！跟住一路行一路聽ｍｐ３，由九龍塘我個腦海就係咁係到誋０的白痴０野，但係超級入神，發白日夢真係好開心。

番到屋企食飯．．．．唉．．．．．終於紙都包唔住火．．．上星期封掛號信寄左離．．．我叫阿ｍａｙ去拎．．．點不知係．．．係．．．係強積０金的０野．．．．係顧主係．．．．ｈｏｎｇ　ｋｏｎｇ　ｊｏｃｋｅｙ　ｃｌｕｂ．．．．唉．．．．．於是我就扮傻話０岩０岩ｔｒａｉｎ完，下星期開始番工．．．唉．．．俾佢知道左ｔｉｍ．．．．之後佢又係到扮狼．．．講呢樣０個樣，扮晒經驗豐富咁．．．唉．．．冇喇．．．冇喇．．

之後見到黑炭係到訓我張床，唔係一般咁走入去兜兩個圈，而係堅訓，佢之前連走入去都甚少，而家係到訓埋，佢一定係知道我唔係住，所以訓左落去，以前佢知道０個張床係我，所以唔訓入去，除左行雷驚先走入離一齊訓，原來貓都有性，雖然佢平時好頑劣，但係都有靈性嫁．．．．

十點鐘左右，落左去同小福食０野。去左０的非一般地方打邊爐，好似黑社會咁，不過就欠個炭爐，飲左幾支啤酒，食左幾支煙，都帶有幾分醉意，跟住又亂咁ｓｅｎｄ　ｓｍｓ，好彩冇亂講０野，如果唔係又有排煩，不過一人地話酒醉都有三分甦，都唔知係咪真。跟住係石湖墟胡混到兩點幾先番屋企。

當年楚漢相爭，項羽力能舉鼎，勇猛無比人所共知，號令各方義士，理應為王，但係偏偏就輸俾個市井之徒劉邦，不能不蓋嘆一句時也命也。雖然項羽真係好型，但係我知道我根本唔會係項羽，亂打亂撞又升到中六，胡裡胡塗仲俾我入埋大學，咁同符符碌碌得天下０既劉邦有咩分別／？如果大學生係未來社會０既棟樑，我諗我絕對唔會係一個稱職０既大學生，如果一個撩事鬥非、打打殺殺、連群結黨、收陀地、落的士高、食ｆｉｎｇ頭、吸大麻０既一個小頭目都係社會棟樑０既話，呢個社會定必係當年０既暴秦，只會係被義士推番０既一個社會。

．．．次次飲大左都係到亂吹水，要好好記住每一日，定將來有咩意外死ｑ左，都可以俾親戚朋友、爸爸媽媽知道原來佢個仔係幾咁戇尻．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

愛情就好似珍寶珠咁，有好多款可以任你揀。其中有d係好甜o既，亦有d係甜中帶酸o既。食珍寶珠就好似享受愛情咁，如果你發現o個隻味唔岩你咁你咪試過第二粒囉！兩蚊之嘛！忘記之前，又再從新享受﹔正如果個女仔唔適合你o既，咁咪去搵個適合架囉！每食一枝珍寶珠就代表一段新感情，你話幾開心呢！但每枝珍寶珠都會有食完o既一刻。正如愛情一樣，就算兩個人點樣好過，始終會有分離o既一日。你依家明未﹖唔明呀﹖食枝珍寶珠就明架喇！
　　　　　　　　　　　　　　　　　　　　　　　　　　　　　　　

>>October 30, 2004 at 7:25:06 PM GMT+8

2004 年 10 月 28 日 星期四 【晴】

今日八點幾就起左身，之後刷完牙洗完面就落左去同阿釗食早餐，好耐都冇試過食早餐了。之後就去左上堂，今日上心理，超悶，不過冇咩訓到教。跟住就去左上ｈｉｓｔｏｒｙ，仲悶。然後食飯。食完之後又上英文堂。上完之後去左上ｆｉｔｎｅｓｓ，原來星期五係最多堂０既一日，不過我都係覺得星期二慘０的。

之後上完去左食食物，然後番左宿舍睇楚漢驕雄。跟住六點幾去左踢波，琴日扭親小小隻腳，所以要用繃帶紮住。琴日踢完波超累，全身都酸痛，所以今日冇咩表現。

踢完之後番ｈａｌｌ，又睇楚漢驕雄，然後沖涼，０的底褲冇晒，所以冇得著。跟住出左九龍城食食物，然後番番離洗衫，跟住就睇反斗奇兵２，都ｏｋ好笑，好鐘意巴斯光年同索黑天王，打交０個幕～

>>October 29, 2004 at 6:10:18 PM GMT+8

2004 年 10 月 27 日 星期三 【晴】

琴晚去左睇波，一路睇一路溫書，不過都係唔識。之後四點幾先訓教，門都唔關，不過呢個教訓得好好。但係起身之後就要面對死亡。起身之後知道就快要死，頭都唔洗唔ＳＥＴ，笠頂西帽就出去。今日要測Ａ＆Ｐ．．．心理學都還可以溫，我身為一介文弱書生，善於詩詞歌賦，琴棋書畫，冇啦啦叫人讀埋０的ＢＩＯ０野，雖然我好撚強０者，但係都唔掂嫁，呢個世界真係唔公平．．．結果測完之後我都可以大謄講句再次收皮．．．．唉．．．

跟住就負責統籌十一月七日去八鄉消防局０既事，我完全係熟路啦０個到，以前成日去０個頭探阿婆，又近屋企，不過要番學校搭旅遊巴去。原來有＄３００收，做幾個鐘頭，真係超正～～上左Ａ＆Ｐ就去左上Ｉ．Ｔ，次次做親Ｉ．Ｔ．都做到火起，不過最後都憑住我０既電腦智慧解決左。跟住就去左食食物，同肥華、阿沛去左又一城食肯德基。跟住行左一陣，睇到好多０野想買，之後超級急屎，但係又唔俾痾，要忍到番ＨＡＬＬ先可以痾。痾完之後就睇套楚漢驕雄，我真係覺得項羽好型，項羽已經係一個英雄，江華又做得型，真係超正，不過如果俾我做就更正！！！早排同阿沛商量過，如果我地都係古代人，我覺得我會係起義份子，但係佢條仆街竟然話要做昏君！！睇完之後同阿釗等人打ＷＩＮＮＩＮＧ，係時候要舉辦ＷＩＮＮＩＮＧ大賽，呢層０的人開始越離越多人玩。之後阿沛講番原來琴日隻馬死鬼左．．．所以我地遲收工，隻馬仲要叫．．．．．「飛黃騰達」．．．．．

五點鐘去左九龍仔踢波，我先發覺原來我仲係冇氣冇力，仲以為自己ＦＩＴ番．．．原來都只不過係一廂情願０既想法。踢左兩個鐘到，超累．．．．隻腳有少少扭親，雖然冇大礙，但係有０的陰陰痛。之後番左宿舍，去左沖涼，跟住落左樂富食０野。唔知係咪頭先踢波太激，攪到０的腸有０的痛，食完０野勁想痾屎，雖然未痾得出，但係對於擁有豐富痾屎經驗０既我離講已經知道會係爛屎。痾完之後都仲係好唔舒服。跟住落左去影印消防０的０野，作為一個英明０既班長，我要幫六位組員整好晒０的０野。跟住我首先去十六樓還書俾坤哥，跟住行落十三樓俾ＦＯＲＭ阿妹，再行落九樓俾立明．．．之後行落四樓番房休息。呢排勁鐘意首尼古丁，係咁係到唱，個旋律同歌詞都好正～

夜晚十一點幾同阿沛、馮恆睇ＴＯＹ　ＳＴＯＲＹ，ＯＫ好笑，０的玩具識得講０野，唔知我間秀０的公仔玩具會唔會趁我唔係到傾計呢？～？？～？～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

雖然緣份只安排我們相遇,，沒安排我們在一起，但我仍慶幸我們曾互相取過暖、相依過．．．
那一刻的歡愉可能不長久,但最少我可把這份感覺暗暗埋在心底的最深處．．．至少當妳脆弱的時候，妳想起我，我會來到妳的身邊。我不用妳掛念我，只要妳有一秒想起我曾給妳的溫暖，
感受到我們曾快樂過。那種甜蜜．．．便足夠我回味一輩子．．．．．

>>October 28, 2004 at 6:08:53 PM GMT+8

2004 年 10 月 26 日 星期二 【晴】

琴晚夜晚一點幾落左街幫Ｃａｒｍａｎ　ｐｒｉｎｔ　ｎｏｔｅｓ，不過我唔識攪，ｐｒｉｎｔ左差唔多成粒鐘先番上離，跟住係到唱歌，之後同阿釗去左菜菜子間房到玩ｏｕｔ，順便幫佢搬埋部電腦，都唔記得左幾點先訓。

今朝起身之後就好快手咁執好晒０野，跟住就打俾ｃａｒｍａｎ俾ｎｏｔｅｓ，他係佢遲到，九點三十五分先離到！遲左五分鐘。今日上ｈｉｓｔｏｒｙ，唔知點解好似好耐冇上過咁，上到一半到就頂唔住就離死咁，真係好眼訓。落堂之後ｄｏｃｔｏｒ　ｆｏｎｇ離左講關於十一月七日去幫消防員做測試０的０野，但係都唔知佢講咩，頂．．．早知就唔舉手話係班長啦，好鬼煩呀！！

跟住番左宿舍食飯，梁沛恆條仆街今朝冇上堂，痾唔到屎，真係慘，食完飯之後唔去游水，你老味咁撚凍落水，攪到我病ｑ左，超級大傷風，超慘。由於聽日測驗，我就係到溫書，不過溫溫０下特然間失去知覺，醒番０既時候已經係四點幾，要起身番工。唉．．．我有預感聽日０既測驗會再度仆街．．．．．．

跟住就番工，首先去圖書館還書，我明明遲左還，但係佢都冇罰我錢。呢兩日都病病地，天氣實在太反覆，番親屋企都唔記得拎０的長衫番離，攪到我飽受煎熬．．．．今日番工都好眼訓，雖然０岩０岩訓甦先番工，但係都抵受唔住。好耐都癟俾人屌過，因為熟左，不過今日有條仆街撚樣打離玩電話，一打離就爆粗跟住ｃｕｔ線，緊無聊囉，死傻仔，食撚屎啦！！！

放工之後又帶著沈重０既步伐同ｒｏｎｎｙ和ｋｅｎ番宿舍。作為一個清貧０既大學生，杯面係不可或缺０既東西，我地一齊係到食杯面，跟住有兩個人係到打緊ｗｉｎｎｉｎｇ，之後就跟隊俾佢地睇０下咩叫打機！之後菜菜子又放工番離，同黑妹係到煮飯，結果我地好多人咁十二點幾係到食飯．．．．

食完飯之後又溫書．．．．不過我都係唔識．．．唉．．上堂冇聽書，而家又唔明．．．實死啦．．．．屌．．．．．．．

>>October 27, 2004 at 7:11:22 PM GMT+8