2004 年 11 月 15 日 星期一 【微冷】

琴晚一點幾就訓，但係今朝都係起唔到身去食自助早餐，浪費左我＄１０買卷。之後去左上堂，今日阿洋、婷、豬、怡要ｐｒｅｓｅｎｔ，暮晒套裝好似好型咁。今朝ｒｅｇｉｎｅ去左屋企幫我拎副眼鏡俾我，佢話阿ｍａｙ好靚，靚過阿邊個邊個，哈哈！～～！

之後番左宿舍到，不小心訓著左。今日好著力咁係到溫解剖，但係都冇咩成效，之後家怡教左一陣好似明左０的，睇離每日都要咁樣溫０下先追得番喇．．．．然後四點幾去左食食物，又係食番琴日個下午茶餐，四個人都係食同一個餐．．．．．

之後八點半學車，唔覺唔覺仲有後日就考試．．．真係好驚．．．今日渣０既時候都ｏｋ，不過臨尾犯左一個大錯攪到又俾人踩停左．．．．唉．．．．．死啦．．．．．．點算好．．．

跟住去左九龍城同釗、ｚｕｋｉ睇公主復仇記，阿嬌好靚啊～！～！～可以同佢拍番套戲就好了。之後睇完食左０的０野番ｈａｌｌ，然後睇埋楚漢先訓，好累啊．．．．．

>>November 16, 2004 at 7:25:14 PM GMT+8

2004 年 11 月 14 日 星期日 【晴】

琴晚好早就訓左教，好耐都未試過咁早訓，因為真係身心疲乏。今朝十點幾就甦左，終於都訓到一個好教，唔錯唔錯。起左身之後肥華就係到同阿釗傾ｐｒｏｊｅｃｔ，不過佢兩個最後都好似咩都冇講咁。然後起身走過去貝貝到睇，見到佢成隻豬咁訓左係到。跟住痾埋篤屎就叫亞佢一齊落去食食物。

食完食物之後就去左打籃球，嘩，真係好耐都冇試過打籃球了，以前係甲寅年成日都打，因為剩係得籃球玩～原來籃球都幾好玩０既，之後同人鬥波全場，我地贏左，我地都幾勁啊～不過肥華勁０的。打打０下唔小心俾條仆街手肘撞到隻牙．．．頗痛，唔知會唔會甩出離，好驚撚０呀！！！！！！！！！！！！！！！！！！！！！！！

跟住去左游水，而家開始堂堂都係考試，不過０的水真係好好好好撚凍，痴撚線嫁，好似冰咁，天氣又開始轉冷．．再咁落去我地會死亡嫁．．．．部飲水機０的水真係好似冰水，於是我就用口裝住０的水，然後噴落人地個身到～好玩啊～

打完波又游水，真係有０的鐵人耐力賽０既感覺，跟住就去左永隆個ｃａｎｔＥＥｎ食食物，０的下午茶都ｏｋ好食，又夠平，正！！然後番左宿舍，累到仆街，於是就熄晒燈訓晏教，訓到六點半就起身要沖涼準備去學車。沖完涼之後梁沛恆部電腦個火牛唔知點解冇啦啦燒左．．．哈，真係可憐，好地地都會燒，咁又冇左兩舊幾水．．．～

然後就出發去沙田，一出到門口就ｆｅｅｌ到秋冬來了，真係好開心，再凍０的仲好呀～！～！跟住就一路聽歌一路行。去到駕駛學院又要再上車，唉．．．唔知點解冇咩信心去考．．．如果可以唔洗考就好喇．．．早知一開始就唔學啦．．．咁咪唔洗考囉．．．．唉．．．．再肥佬真係冇瞼見人呀．．．．．．好大壓力。

學完之後就係學院０既餐廳食食物，一個人食０野，再加上秋風相伴，真係有幾分愁緒．．．
之後我專登搭巴士番九龍塘唔搭火車，因為可以坐耐０的。係巴士０既上層，一個人坐晒三人座位，相腳一字形咁放係到，然後倚著窗邊，望住街外五光十色０既霓虹燈，再加上迎面吹來的微微秋風，真係點綴了不少詩情畫意。雖然有一份莫名其妙０既蒼涼，但係呢種孤獨好舒服．．．．

然後番到ｈａｌｌ，左手手碗唔知係咪做掌上壓谷得太強，攪到小扭親．．．就ｄｌ番今日集楚漢驕雄，其實如果劉邦真係愛護老百姓，根本就唔應該再咁撚多事，亂世已經結束，暴秦又被滅，應該係時候安定落離。佢咁樣再起戰亂，最後受傷害０既只有黎民百姓，根本佢就係有野心，男人面對權力就係會受到蒙蔽，男人都係鍾意爭權０既動物，所謂共患難易，共富貴難真係冇錯．．．．

隻牙好痛呀你老味！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

曾經．．．將一顆心埋在這地．．．．．．．．．．．．．．．．．．．．

>>November 15, 2004 at 5:28:18 PM GMT+8

2004 年 11 月 14 日 星期日 【晴】

琴晚又係三點幾先訓。今朝起身好唔自在，可能琴晚飲左好多酒。之後執左０的便裝就出發番工。去到升降機門口先醒起琴日條４串５仲未完結，於是打去電話投注ｃｈｅｃｋ０下有幾多錢．．．．嘿嘿．．．．中埋．．．．＄９２１！！！呵呵！強勢呀！！！！跟住就去左買個ｍｐ３耳筒，舊０個個一邊壞左。不過唔知點解首找我整落ｍｐ３到勁疾，好失望．．．．．

番到馬會又要展開沉悶０既工作，真係有０的唔想做，因為真係好好好好好好好悶，痴鬼線，勁鐘眼訓係到，仲辛苦過上堂呀真係．．．．今日超辛苦，平時都係鐘左幾場就冇時，今日係由頭鐘到落尾，嘩．．．真係精神折磨．．．之後十二點就叫我地食飯，我就自己好孤獨咁去食飯。食完之後行行０下後面鬼練咁大聱咁叫：「細佬！！！」．．．．聽把聲都知係你啦ｍａｙ姐，洗唔洗咁大聲呀，想嚇ｑ死我咩．．．．一俾佢知道就即刻俾佢見到，都話個天冇眼嫁啦！！

然後上左去馬會好快咁痾左幾舊屎就開工．．．．我唔明點解幅牆仲係有０的鼻毛係到．．．好毛管棟呀見到真係！！超線嫁，好變態呀！！！跟住好辛苦咁同時間博鬥先至捱到放工，成個日都好似散左咁，痴撚線嫁．．．．個頭就快爆炸，呢份工真係唔係想像中咁好嫁咋．．．

放工之後就番上水．．．番到屋企一陣就出左去行樂軒．．．又係打邊爐．．係咪傻Ｑ左呀？！？！？！？！？唔知係咪個人累左，有０的想番屋企訓，掛住黑炭ＴＩＭ，不過隻死０野好似冇當我存在過！！食完之後就拎左錢交上海之旅０既費用，跟住就係火車到睇波經，唔知點解今日冇贏錢０既感覺，所以我決定忍一忍．．．係火車到不知不覺咁訓著左．．．真係太累了．．．．

番到宿舍，第一件事就係谷一谷，好耐都冇認真咁舉番兩０野，谷完之後０的紋出晒離，正呀！永遠都係咁就好ＬＵ！～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
斑馬深愛著小鹿，表達愛意時卻遭到拒絕。
斑馬大吼：為什麼？這一切都是為什麼？
小鹿 膽怯地說：「我媽說了，紋身的都是不良少年。 」

熊貓深愛著小象，表達愛意時卻遭到拒絕。
熊貓大吼：「為什麼？這一切都是為什麼？ 」
小象膽怯地說：「我媽說了，戴墨鏡的都是不良少年。 」

小雞深愛著小鴨，表達愛意時卻遭到拒絕。
小雞大吼：「為什麼？這一切都是為什麼？ 」
小鴨 膽怯地說：「我媽說了，叫「雞」的都不是好人。 」

蜘蛛深愛著螞蟻，表達愛意時卻遭到拒絕。
蜘蛛大吼：「為什麼？這一切都是為什麼？ 」

．．．．．．．．．．．．．．．．．．．．．
．．．．．．．．．．．．．．．．．．．．．
．．．．．．．．．．．．．．．．．．．．．

螞蟻膽怯地說：「我媽說了，成天在網上呆著的都不是好人。」

．．．．．．．．．
．．．．話緊你地呀！ ！！

>>November 14, 2004 at 4:17:08 PM GMT+8

2004 年 11 月 12 日 星期五 【晴】

琴晚總算叫做早左少少訓，三點幾上床～琴晚真係玩得幾開心。今朝雖然十點先起身，但係比起平時九點起身還要辛苦，可能冇左個上堂意識．．．起左身之後就洗頭執０野．．．再次踏上我０既征途。出到去見到架小巴，我以極速奔馳過去，佢老味但係唔等我，燥晒！之後部ｍｐ３機又聽聽０下冇電．．．．．

搭火車去沙田，冇位坐，得個企字．．．跟住搭巴士去駕駛學院，差０的又訓過龍～當我再次踏足呢片土地，心裡又泛起了百般感概．．．．上到車，我又要面對挑戰。一出門口，我又要係我跌底０既地方再次爬起身．．．我駛到去上次０既彎位．．．當日０既情景就好似用ｒｅａｌｐｌａｙｅｒ咁係我腦海裡播放．．．．．頭一個鐘我有０的騰雞，因為大大話話都差唔多成個月冇掂過手車．．．但係第二堂就好好多，我再次使出我０既超必，慢車二波拖落一波，換離導師讚賞．．．但係又有咩用．．．懷才不遇，我同韓信有咩分別！！？？！？今日個導師有０的問題，比較後生，教左我好多旁門左道，差在未教我點樣甩尾．．．．．．．．

學完車之後就番沙田，肥華出左離皇家運動換番件衫，沙田０個０的ｓａｌｅｓ好好人，原本我地冇得換，但係佢地都肯換，如果係又一城一定遭人羞辱！然後就去左食巨無霸餐，霸王當然要食巨無霸，原來一個巨無霸有成５００卡路里．．成年人一日只需２０００！！！！！！
食完之後就番ｈａｌｌ，跟住整左０的鈴聲．．．呢排小騰騰至愛情歌榜第一位由梁漢文０既找我佔據左，旋律優美，歌詞０岩ｆｅｅｌ～

之後打左陣ｗｉｎｎｉｎｇ，琴日０既苦練冇白費到，終於贏番一仗！然後就番上水，咁出發前收到個關心訊息，得知聽晚會降至１８度，所以就拎左我新買好鐘意０既ｃｈａｍｐｉｏｎ縷番上水。

番到屋企，黑炭唔係咁ｓｈｏｗ我，真係有０的唔開心，成日都以為佢會好熱情咁歡迎我，呢０的都係我一廂情願０既諗法．．．之後出左去同父母、假姑姐姑丈打邊爐。然後就去左劈酒！今日買左＄２５０波，係酒吧到先過一關，之後就係上水遊蕩，半夜三更唔知點解有０的驚．．．．

番到屋企睇賽果，ｙｅａｈ！！！贏錢，雖然仲有一關未過，但係已經穩袋＄１７０，如果過埋ｌａｓｔ０個關，成條４串５中晒！！後果真係不憾設想呀！！！！！！！！

近日唔知點解好似有個神秘人係身邊出現，好似係鼓勵緊我，到底係邊個呢，好神秘啊，原來有０的頭緒，但係個個都好似有可能，最重要係識得英文．．．．有邊個ｆｒｉｅｎｄ底會識英文呀．．．．．最勁．．．．．係．．．我．．．．．．．．．．．．．．．．．．．嫁喇喎．．．．．．．．．．．．．．．．．．．．．．．．．．．．．．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

拍咩拖呀，話左你地嫁啦，拍拍拍，開頭又講到幾好幾好，到最後咪又係一句：「如果俾我揀，我一個都唔要！」。不過我都差０的奶０野，好在我識得收放自如咋，唔係就自打咀巴喇！！！！！！！！！！！！！！！！！！！！！！！！！！！！！！！！！！！！！！！！

>>November 13, 2004 at 7:34:37 PM GMT+8

2004 年 11 月 11 日 星期四 【晴】

唉．．．痴撚線嫁，琴晚明明話要早０的訓，結果又係三點幾先訓。今朝九點先起身，越離越遲起床。洗完頭之後就出左去上堂，首先落左去買叉燒包食，見到阿鈞，０的收銀唔知點解好撚臭串，雖然唔係串我，但係我都好唔妥！！跟住就上心理學。今堂終於都覺得係讀心理，播住０的海浪聲，跟住就催眠我地，催催０下都訓鬼著左，超正～

之後就上ｈｉｓｔｏｒｙ，開始有０的睡意，勁係到恰眼訓．．不過最後都捱過左。之後就去左ｃａｎｔｅｅｎ食食物，食完之後就番左宿舍痾屎，終於都正常番喇０的屎，幾擔心之前有事。之後拎埋阿沛個舒夫真高同尼維特影相，然後就上英文堂。

上英文堂見到蚊香。之後就聽人ｐｒｅｓｅｎｔ，人地個個都做得好似好過我地好多咁．．．唉．．．我地實在太過馬虎喇．．．．之後就上ｆｉｔｎｅｓｓ堂，不過冇聽到佢講書，剩係係到玩，周圍問０的女仔會選邊個做老公．．．．好彩敵軍肯做我老婆，不過要地球上死剩我地幾個先至得．．．．．

之後就番左宿舍，同肥華激戰ｗｉｎｎｉｎｇ，兩場都係先領先兩球再俾人反超前一球輸波．．．．．唉．．．．開左勁多場３－２呀．．．．不過又係贏唔到．．．．好唔開心。之後就睇楚漢驕雄，今日終於有人陪我睇。今集講鴻門會，有０的令我失望，中五文學讀鴻門會明明好正嫁麻．．．但係佢拍到好急速，０的內容去到好快．．．．項羽越離越唔好喇，睇住佢變，權力真係會使人腐化．．．．

跟住就去左旺角食韓燒，今日ａｎｇｅｌ生日，十幾廿人去左食，超熱鬧，跟住玩得好開心，我同阿洋０既木頭公仔遊戲被廣泛流傳開去。之後係到勁扮ｅｌｌａ笑，條眉要呈八字狀，超好笑呀！～！～！～不過整到我塊面０的肌肉勁累囉！～！

食完之後又番ｈａｌｌ，聽日就要再搭上戰車，再次渣著呔盤，我要駕馭所有汽車！！！！！
跟住去左菜菜子間房拎馬會衫，０個時歐州國家杯成套ｔ－ｓｈｉｒｔ，後面印住足智狂熱，總共六件，我決定要日日著一件！哈哈～！～之後拎左本ｍｏｎｄａｙ睇，有阿嬌呀～真係好靚，好掛住佢．．．．俾我見０下佢、同佢傾０下計就夠嫁喇．．．

呢個世界好唔公平，越係上流就越虛偽，明明唔妥一個人，但係都要顧及好多０野而忍！！我寧願做一個野人，鐘意就攬！！！唔鐘意就打！！！咁先至夠痛快！！！唉．．．．如果冇讀到大學，就唔會係一個知識份子，每當我想爆０既時候，我都知道唔再同以前一樣，或者我真係唔再係鋼瓦，而係瓷器．．．唉．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

肉眼看見的東西並不一定是絕對的，正如抬頭看不見天上的星星，只是因為還未到黑夜而已。

>>November 12, 2004 at 6:23:03 PM GMT+8

2004 年 11 月 10 日 星期三 【晴】

琴晚又成買點先訓，係到睇楚漢驕雄．．．．痴線嫁。項羽開始轉衰喇，冇左之前０個種英雄感覺，變得有０的野蠻！亦都係精讀所講劉成項敗０既原因之一，佢的而且確有主宰天下０既能力，但係佢實在太有自信了，同埋太剛愎自用，唉．．．可惜可惜，歷史始終唔可以改寫．．．．

今朝又唔知醒起身，個鬧鐘到底係響到我地都聽唔到定還是真係壞左？．．．如果我地真係訓到咁昏迷真係幾恐怖．．．不過好在黃某一向有自覺能力，係差唔多九點之制突然起身，叫住又怒吼一聲叫醒阿釗，然後都趕得切洗頭，之後剃鬚，我０的羊咩鬚已經留左成個禮拜了，星期日就可以剃喇～～不過睇落都幾ｍａｎ呀～之後今日上解剖，縱使我有心去聽，但係我發覺我已經被遠遠拋離喇．．．．唉．．．之後同阿洋玩鬥啤唔笑．．．最後又輸左．．．不過今日我地好強，啤左好耐！！！跟住去左ｌａｂ，玩０的聽筒量血壓扮醫生，都幾過瘾～唔知點解訓得越少，上堂時反而又唔會訓教，人類真係好奇妙。

之後去左上ＩＴ堂，今次上ＩＴ冇咁燥，因為跟得到～上完之後去左飲茶，唔知點解係不知不覺間蹙逢星期四都會慣性飲茶，再次看到人類真係好奇妙．．．．飲茶時叫左炒貴Ｘ，我至愛，不過就辣左０的～食飽之後就係酒樓痾埋屎先走，不過得一個馬桶，要跟隊．．．悲晒．．．．然後就出沙田。我昂然地再次踏入新城市廣場０既駕駛學院分店，鼓起勇氣再次按那部課堂編排０既電腦．．．．．今次我採用餓波政策，自從肥左之後．．我一路都唔再掂車．．．最後呢個禮拜，我決定谷到盡，日日練！！！！！！！！呀哈！！！！！！！！！！！！！！！！！！！！！！！！！！！！
然後就同沛公、肥華係到行街，睇來睇去都係０個三篤屁．．．然後肥華走左，同沛公去觀塘拎０野，跟住去倉買左個尼維特波衫咕筍～仲要係新波衫，好靚呀～～超開心，沛豬又買左個舒夫真高～

然後就番ＨＡＬＬ，番到ＨＡＬＬ好眼訓，真係好累，不過我都冇訓到教。ＪＯＨＮＮＹ拎左訓問卷離，係調查０的大學生關於性０既問題，咩幾時發生性行為，有冇口交、雜交～０的問題超正，超好玩～～然後就打左陣ＦＭ～七點四十五分要去踢社科院，不過唔知點解個人好似軟手軟腳咁，於是我就走左入去用熱水沖涼，沖左好耐，成個人散晒，０的ＡＲＯＵＳＡＬ　ＬＥＶＥＬ極高！！然後就出去踢波。去到見到阿狗率領０既地理系陷於苦戰，最後仲輸埋．．不過佢地輸贏都可以晉級。

上半場冇得出，坐係後備席，我地ＰＥＲＭ雖然兩連勝，但係都係顯唔出霸氣，今場完全係強陣出擊，上半場分別由海少等人各入一球，３－０搖搖領先。由於成熙上場梅開二度，比佢以３球高椐射手榜。我今日見到佢話過要過佢頭！下半場開波，ＭＩＳＳ左幾個機會，一球踢空氣ＭＩＳＳ左，一球頂中柱．．開始有０的驚，以為腳風其差．．．但係最後俾我飛頂一球，個籠門雖然甩０下甩０下咁接實，不過個波已經入左，球證果然英明！！入左一球之後氣勢如虹，接應ＭＡＲＣＯ同肥斌０既傳送，怒轟入３球！！！最後阿坤傳中，人地擺烏龍埋齋，７－０大勝！！好強呀！！過左成熙頭喇！！好開心～～～

之後番左ＨＡＬＬ，今日同ＪＯＨＮＮＹ送別食ＰＩＺＺＡ，因為佢星期一就要離開我地去做實習老師．．．之後落左樓下打兵兵球，同阿釗私鬥，先輸三盤，最後反勝四比三！！跟住番左上去食面。作為體育人，體力當然重要，但係智力都唔可以少，於是我地係房到捉象棋。原本我軍大有優勢，但係因為行錯一步，結果輸左．．．．但係咁樣捉一捉，又成三點幾先訓．．唉．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
默 默 努 力 、 沒 有 掌 聲 又 何 妨 ？

>>November 11, 2004 at 7:12:25 PM GMT+8

2004 年 11 月 9 日 星期二 【晴】

今朝訓到唔知幾多點有人打離噪醒左，我都唔知０個時自己講左０的咩，剩係知道０個個係胡迪．．．之係好似失去左知覺咁．．．訓到突然起左身，跟住就大叫一聲，原來係九點十五分！於是我就怒吼一聲叫阿釗起身，佢彈起身話：「依家唔係八點十五分咩？．．．．．」．於是兩仔仆街就係到極速刷形，頭都冇ＳＥＴ就係咁笠頂帽就出去．．．

之後要拎ＮＯＴＥＳ俾蚊香，所以最後都遲左一兩個字入去。今堂歷史堂冇訓到教，真係好開心。上完堂之後就去左ＨＡＬＬ　ＣＡＮＴＥＥＮ，今日阿信生日，有個蛋糕同佢慶祝。琴日去買燒味飯時同個燒味仔差０的打交，佢老味係到扮狼，雖然我扮傻拎多杯汽水，但係佢串七七令我頗為不滿，加上呢排心情唔係咁好，屌尻佢即刻，佢再串真係打七佢！！！嬲得我呀真係！！不過今日再買我專登唔望佢躲係人背後，因為我驚佢斬少０的俾我～食完之後就去左上ＦＩＴＮＥＳＳ堂，呢排少左做肌肉訓練，瘦晒．．．．震西０的肌肉真係好迷人，又勁有線條～

做完之後同ＡＮＧＥＬ番左去ＨＡＬＬ到執番少少今日要交游水０個份０野，之後我又食左一個秘密。食秘密真係好開心，一來我夠八掛，二來又可以考驗我０既受信用能力～正呀，呢個星期已經食左兩個秘密，但係我都冇同人講過～

跟住就去游水，今堂開始要考試。首先要考跳水過線，跳左好多次先跳到，但係都係得六分，不過好多人都冇分，但係下堂都要再考過先得。係咁插水攪到個頭俾０的水壓整到好鬼死痛．．．．之後游完水又要番工，我感覺到今日番工一定會死亡。

搭火車０既時候，架火車唔知做咩冇停火炭，變左做馬場．．．成十蚊雞要，痴撚線，勁貴！跟住我問左個詢問處條仆街可唔可以行番落樓下馬會，佢條撚樣係到串七七，態度唔係咁好，燥到我，咪屌尻佢囉又，差０的又想打七佢嫁喇真係，火鬼滾呀真係！！！！慶過火屎呀！！！！！！！！
跟住番工，開頭勁眼訓囉真係．．．痴線，辛苦到呀，釣魚０既感覺真係好好好撚難受，仲要唔可以訓，嘩．．．真係呀．．．．不過唔知點解今日０的ＣＡＬＬ好似冇咁多．．．都算有０的安慰。

夜工之後番到宿舍，同沛公、馮恆砌面，跟住見到砌面王，今日而家見到佢砌左兩個面，好驚佢又發作，真係好恐怖，宿舍入面真係奇人異士特別多．．．．食完之後上左十三樓音樂人整左ＴＡＸＸＸＳＵＩ俾我地食，雖然苦苦地，不過都ＯＫ好食，但係食得太多好漏．．

唉．．．下星期考牌喇又．．．點算．．．仲未學過，我會唔會奶０野．．．．

>>November 10, 2004 at 7:43:12 PM GMT+8

2004 年 11 月 8 日 星期一 【晴】

琴晚四點先訓．．．好遺憾地今朝八點幾又起身．．．因為我要做一個負責任０既男子漢。琴晚拎左人地份ｎｏｔｅｓ，另外又整唔見左大佬份ｎｏｔｅｓ，於是我一心諗住早０的起身影印番俾大家．．．點不知一樓部影印機成撚日都壞，我起左身之後對眼一路都張唔開，一早個鼻係咁流鼻水，超辛苦！跟住落到去學生社堂諗住ｐｒｉｎｔ，但係又未有人．．．於是就真係有０的火起．．．．

最後拎住阿釗０個份還番俾ｚｕｋｉ，之後大佬話其實唔要都得，我先安心０的，但係我真係超眼訓，跟住就沖涼洗頭，然後九點十五分已經落左ｈａｌｌ　ｃａｎｔｅｅｎ食個菠蘿叉燒包。之後見到ａｎｇｅｌ同ｗｉｎｎｉｅ。之後就上解剖。今堂我係堂都係到預備個英文ｐｒｅｓｅｎｔ，完全冇上過堂，我真係真係真係真係要認認真真咁正視一下成績０既問題，我唔想下年要ｒｅｔａｋｅ呢科．．．．．．琴日０既六五事件令到大家好似有０的０野，阿競好唔開心，不過都可以理解，佢真係受左好多氣，我地真係唔係咁好意思．．．．但係事情已經過去，希望佢快０的回復番心情。

上次份心理ｑｕｉｚ差３分先合格，真係好唔開心．．．．唉．．．．不過都總比起上次好嫁喇，但係都係好差，雖然唔係包尾，但係意義不大，真係有０的唔開心．．．．咁鬼多０野要攪，溫書都冇時間啦，雖然就算有我都未必會溫。

之後就英文堂，我同個天講，如果你可以俾多次機會我０既話，我一定會好認真咁預備呢個ｐｒｅｓｅｎｔａｔｉｏｎ，但係．．．上天遺棄左我，佢最後都選中左我同阿狗．．．唉．．
不過算啦，總叫做了結左一個煩惱。

之後就番ｈａｌｌ，同沛公、肥華、肥釗、ｚｕｋｉ一齊食飯開會，唉．．．肥華件衫好慘，買左ＸＸＬ，但係拎番離係Ｌ，原本都可以換０既，不過係呢個時候又唔好意思再煩阿競，真係唔知點算．．．小大佬頂帽又係冇左，我仲賴型咁叫佢放心．．．．．．．．

之後佢地走０既走，死０既死，傷０既傷，我就係房同阿沛、ＺＵＫＩ玩。聽日要交教水份０野同埋個評估準則，阿妹同ＡＮＧＥＬ都唔得閒，結果我好型咁拍晒心口同ＡＮＧＥＬ講包係我身上．．．．就係因為一個型字，我同睡魔大戰數百回合，最後都冇訓教係到做！掂呀！之後做到六點幾七點都七七八八，原本可以輕微一下，但係我唔可以再浪費光陰，於是就毅然做ＨＩＳＴＲＯＹ個ＰＯＷＥＲＰＯＩＮＴ　ＰＲＯＪＥＣＴ。我選左滑板來做題目，講０下佢０既３起源、發展、技巧及玩法ＥＴＣ．．．．

做完之後就八點鐘睇電視，菜菜子係到煮飯俾我地食，食完之後就繼續整ＰＯＷＥＲＰＯＩＮＴ．．．夜晚唔知點解有人係咁玩電話．．．．不過我下意識感覺到係冇惡意．，．．．都唔知係邊個．．．之後沛公番左離，佢條仆街用信用卡買左部Ｓ７００Ｉ．．．分２４期．．．２年．．．．好羨慕呀頂！！！！！！！！！！！！！！！！


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

古語有云：「謠言止於智者．．．」

>>November 9, 2004 at 6:29:39 PM GMT+8

2004 年 11 月 7 日 星期日 【晴】

唉．．．冇打一日日記，我都記唔起做過０的咩，我發覺而家一日時間好似好漫長咁，每日都超夜先訓，但係又照係九點幾起身．．．．唉．．．我剩係記得今日游水堂要ｐｒｅｓｅｎｔ教水。跟住十二點半就開始傾番０的０野，然後兩點半就去到泳池。

今堂我地負責做老師教班仆街係到游水，是是但但咁就教完一個鐘。之後成班就去左又一城間皇家運動買０野，因為阿競個ｆｒｉｅｎｄ係到做有６５折！！！！於是去到我地就諗左好耐，睇左好耐，我買左好件ａｄｄｉｄａｓ縷，ｏｋ型！之後買多隊ｎｅｗ　ｂａｌａｎｃｅ鞋，然後就番左宿舍．．．

番到宿舍之後ｚｕｋｉ上左離，之後我係到苦惱緊聽日０既英文ｐｒｅｓｅｎｔ．．．．０個一刻我個腦真係就快爆炸，因為實在太多０野壓埋離，好耐未試過訓一個好教。之後諗住睇楚漢驕雄，但係都提唔起勁，於是就唔睇，等ｄｌ先睇　，不過個ｓｅｖｅｒ唔知點解ｄｏｗｎ左，ｄｌ唔到０野，好撚悲呀真係．．．．

之後出左去拎番今日大家掃貨０的０野番房。一大個紙皮盒裝住晒０的０野，然後同阿鈞拎左上的士。不過我對鞋買漏左．．．之後阿競唔係咁開心，因為我地今日買０野０既時候停留得太耐，試鞋時又試左幾對，不過最後唔買，其實我地都冇心玩０野，諗住試０岩０個碼先再寫好晒０的ｃｏｄｅ再買。不過就因為咁可能０的ｓｔａｆｆ覺得煩，累到阿競俾人鬧．．唉．．．．好唔好意思．．．

之後番左離，我都火火地，嘜撚都未做，睇０下隻錶原來已經係８號，仲有十日就考車牌，不過一堂都仲未學過．．．．唉．．．．如果今次再肥．．．真係愧對江東父老。

之後夜晚我四點先訓．．．．唉．．．好慘．．．．．

>>November 9, 2004 at 10:01:43 AM GMT+8

2004 年 11 月 6 日 星期六 【晴】

琴晚諗訓教０既時候買波，發覺個戶口多左錢，買左＄２００之後都仲有＄６ＸＸ！！！即係話原本有＄８ＸＸ，多左＄４ＸＸ！！！可能係之前落注條友落錯左，幫我贏錢，哈哈～～跟住買左祖記，然後睇左一陣巴塞，四點鐘先訓。今朝八點鐘就起身，係我入Ｕ以來最早起身０既一日，加上連續多晚唔夠訓，０個種掙扎真係好考驗我０既意志力．．．雙眼好似唔係自己咁，係咁用力先可以睜開。

跟住落左樓下食早餐，我真係唔明點解０的蛋凍０既都可以俾人食嫁囉！！！食完之後九點鐘就出車去八鄉消防訓練學校。仔仔、華ｄ、振宇佢地都有去，加添不少樂趣。係車到諗住訓一陣覺，誰不知真係訓得一陣，我唔知點解會咁快到囉，我明明記得係上水搭小巴入去都要三四個字嫁．．．去到八鄉，我背後彷彿播起左烈火雄心首主題曲。今日我地肩負起一個重任，就係要接受一連串０既消防訓練，提供數據俾消防局。０的ｔｅｓｔ雖然唔係好辛苦，但係好新鮮，都幾得意幾好玩。背住好多消防員裝備係到跑上跑落，真係似拍緊烈火雄心咁～不過最難都係有一個ｔｅｓｔ，要背住個假人，跟住派上雲梯，個假人有成１５０螃呀你老味！！！！
然後有一ｐａｒｔ怒爬雲梯，爬到老練咁高，超好玩～

然後又做左０的體能測試，呢個辛苦過之前０個ｐａｒｔ，又要做舉重、ｓｉｔ－ｕｐ，爬單槓，差０的斷手，最後仲要總要怒跑，我真係好累了．．．．唔係身體上０既疲勞，而係精神上０既疲累．．．我真係好想訓教了．．．

之後五點幾先走，我冇跟車番ｂｕ，我周沛公搭小巴番上水，跟住佢去左上水廣場搭巴士番屋企，我就行番屋企。之後就沖涼痾屎，近來我生理時鐘有０的問題，０的屎唔係咁聽過，又唔定時又唔豐收，唉．．．好悲．．．．然後睇波經，但係屋企一個人都冇，原來去左燒０野食，七點幾八點先番，買左碗牛腩河俾我食，早知唔番離啦，一０野番ｈａｌｌ訓教好過！之後係屋企好累，訓左一陣，差０的有衝動唔番ｈａｌｌ。跟住去番百人一朱拎件ｃｈａｍｐｉｏｎ，然後同小白落左馬拉松睇衫，見到有件ａｄｄｉｄａｓ衛衣ｏｋ靚。跟住係火車到見到原來件縷下面收埋左條黑色頸巾，原來佢織左條頸巾俾我，真係好人，不過條０野好長～

十點幾十一點先番到ｈａｌｌ，即刻去洗衫，底褲都唔夠著，番ｈａｌｌ時冇底褲，就咁著條波褲當孖煙通。之後同蚊香講左一陣電話就掠衫

>>November 7, 2004 at 5:22:27 PM GMT+8