2004 年 11 月 25 日 星期四 【微冷】

琴晚又俾人玩電話，不過今次佢好大意咁冇打１３３，之後俾我睇到個來電，但係佢之後又好攪笑咁打番１３３再玩我電話．．．之後我就諗住打去怒屌佢，點知一聽就係一把少女聲音，我就即刻收線，我諗佢冇兇意掛．．．但係個電話係３１６２ｘｘｘｘ唔知係邊到打離。

今朝一早就起身，跟住就換左套死人西裝去ｐｒｅｓｅｎｔ，鬼死咁唔自在。琴日番學校連續俾人問左幾次：「喂，你上堂係咪就咁係到跑嫁咋？」．．．．．ｓｈｉｔ．．．．我要讀書嫁．．．就算係做運動，都唔會就咁係到跑呀＞．＜？．．．．．今日同０的同學影相，因為ｗｉｎｎｉｅ、ａｎｇｌｅ佢地都係ｐｒｅｓｅｎｔ．．．終於都攪掂晒，不過離近０既考試又係要辛苦嫁喇．．．

之後上ｈｉｓｔｏｒｙ，聽完之後就去食食物。我地難得咁型，所以就要係ｃａｎｔｅｅｎ食，等多０的人望到～之後番左上去，係咁打籃球入樽，真係好好玩。唔知係咪著左西裝，今日竟然冇屎痾．．．食完飯都冇痾到．．有少少唔係咁開心．．．跟住上英文堂，難得著到咁ｆｏｒｍａｌ，所以就唔換衫，但係好可惜死人鬼婆又病左，又唔通知，攪到白行一趟．．．跟住番左去房睇楚漢，好撚憎韓信條仆街，串七七係到，開頭仲覺得佢幾型，而家真係好想打七佢。

睇完之後同朝偉打ｗｉｎｎｉｎｇ，第一場大勝４－１！！不過之後輸番３－５．．．．然後肥華上左離，成隻野猴咁係到拎住個波，係到係到射，一路射一路係到叫：「ｆｉｎｇｅｒ　ｒｏｌｌ，ｆｉｎｇｅｒ　ｒｏｌｌ」，係後面睇真係好好好好笑。之後佢好強咁幫我裝左三國志１０，琴晚馮恆攪到半夜都整唔到，終於有得玩了！！！！！之後整晒０的新武將，超好笑，整晒敵軍、肥華、馮恆全部落去，君主咁緊係我啦，佢地全部都係我旗下武將！！！

之後就訓左一陣，六點幾訓到九點，然後出左去九龍城食食物。行行吓收到一個不明人ｓｅｎｄ左個訊息離話叫做欣，想同寡人做朋友，我都唔知佢係邊個，於是打番去問但係又唔忌　電話，我到底係咪俾人整蠱呀？！？！？？！然後去左間上海店，好唔開心囉，好似俾人呃左咁，０的０野又貴又唔抵食，最火滾係最後碟豆沙鍋餅，仆街＄３３超細碟，真係懷念係上水間上海小館．．．．食完之後去左篤波，好ｑ耐都冇篤過喇，篤完之後又好似鐘意番咁。

聽晚Ｒｅｇｉｎｅ生日，於是我１１：３０ＰＭ打去同佢講生日快樂，跟住都覺得有０的奇怪，應該係１２：００ＡＭ打去先０岩，於是又再打去，生日真係開心，不過我唔想生日，因為好怕０個０的老土０野．．．．．篤完波去左食糖水，今日竟然冇芝麻糊，累我要食芒果西米露。跟住就番ＨＡＬＬ。半夜一點幾０既時候，我打番屋企問０野，

之後阿ＭＡＹ話：「你而家番離未呀？」
我：「吓？！？而家？一點喎？！」
ＭＡＹ：「你而家係邊呀？」
我：「宿舍囉！」
ＭＡＹ：「咁咪０岩囉，而家番離囉。」
我：「冇０野呀？！？一點喎而家，番離做咩呀，聽朝先啦！」　

呆晒．．．．佢今日去左飲，唔知係咪飲大醉，痴線，半夜一點幾叫我番去，俾架車我渣都唔番啦，一定係飲大左！

我同朝偉諗住去洗衫．．．．話說每次洗衫收費＄５，我倆一時貪念起．．．將一大堆衣物強行隊入部機到，憑我０既武力終於成功．．．．跟住一小時後落去拎衫．．．見到咱們部洗衣機底吓有一堆白泡沫．．．就好似係部洗衣機吃不消嘔出離一樣．．．我倆已感到不妙，但係都照拎番上房．．．．但係．．．０的衫因為太多，根本就洗唔到．．．．朝偉０的底褲仲有尿味，我件衫居然有泥．．．．條毛巾聞落去仲有汗味．．．唉．．．灰到仆街，太貪心喇．．．．於是唯有死死氣咁再洗過．．．．係同一個鐘頭我地做左兩次同一個動作．．．

洗完之後睇番今晚集楚漢，韓信條撚樣，底你之後俾人斬首，以前覺得佢冇啦啦俾人斬左好唔抵，但係估唔到佢係咁尻，底佢死！！一路睇一路敷個ＭＡＳＫ，超正，好多奶。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
從前從前有一個尼姑跟一個屠夫是好朋友 。尼姑天天早上要起來念經，而屠夫天天要起來殺豬
。為了不耽誤他們早上的工作，於是他們約定互相叫對方起床 。

多年以後．．．． 尼姑與屠夫相繼去逝了。屠夫上天堂去 了，而尼姑卻下地獄！

因為屠夫天天作善事，叫尼姑起來念經 ，相反地尼姑天天叫屠夫起來殺生。

>>November 26, 2004 at 8:52:53 PM GMT+8

2004 年 11 月 24 日 星期三 【炎熱】

琴晚同ｃａｒｍａｎ傾電話跟住訓教，我再次俾鬼壓，好耐都冇試過呢種感覺，每次都係係屋企張床到，而共通點都係夜晚傾電話傾到超眼訓．．．到底真係有鬼定還是係太累，都不得而知，不過琴晚真係有個感覺好似元神出竅，ｆｅｅｌ到自己好用力咁坐左起身，之但係又事實上仍然訓左係到．．．之前試過咁多次都唔驚，不過今次唔知點解有有心寒．．．

今朝八點幾起身，跟住換好衫番學校行畢業典禮。目的只為左一個錢字！今年真係有＄１５００，嘿嘿，好！拎完之後就番屋企，今日天氣唔知點解好悶熱，攪到好抆。跟住執左幾件衫就搭火車走人，拎住套西裝搭火車，好鬼唔方便！首先去長沙灣政府合署拎車牌，跟住先番ｈａｌｌ。

番到ｈａｌｌ沖完涼就訓教，好耐都冇試過訓晏教。訓醒之後又整頓埋ｐｓｙｓｃｈｏｌ０既０野。跟住因為大風度房門關左，攪到入唔番去，要等隔離房番離再由屎塔處過番去．．．跟住就作英文，然後做埋ｉ．ｔ．

夜晚食左個面，越離越憎用微波爐整０野食，０的０野好鬼難食。之後夜晚睇楚漢，然後就採排０下聽日０既ｐｒｅｓｅｎｔ。間房整左個籃球架，可以射吓波兼入樽，正！

四點幾先訓，累撚死，好撚眼訓．．．過埋今日冇事嫁啦．．．．．

>>November 25, 2004 at 8:20:12 PM GMT+8

2004 年 11 月 23 日 星期二 【微冷】

琴晚係到睇皇馬，班仆街廢到仆街，越離越憎佢地，踢到不知所謂，垃圾！跟住睇左半場就眼訓仔四點半走去訓教。祖記痴線嫁，５場全勝兼不失一球，好強啊！！！！今朝起身睇賽果，琴晚分散投資，羸得０個＄４０，冇意思！！冇意思！！！今日冇沖涼，因為好累，我就快會變做中年漢疲勞致死．．．．今朝早就要ｐｒｅｓｅｎｔ　ｈｉｓｔｏｒｙ，不過我地個ｐｏｗｅｒｐｏｉｎｔ因為小小０既誤會而冇拎落離，於是又番番上去拎。好耐都冇試過講咁多英文，中國人離嫁麻，講嘜Ｑ英文０者！！！！！燥晒！

之後就去左食食物，番到ＨＡＬＬ知道霑叔死左，跟住電視就起到做埋０的回顧，成日都係咁死左先離歌頌，冇意思，係到博收線，在生０既時候唔通個價值就比唔上死左？點解一定要人死左先至懶係天妒英才？！？！跟住諗住痾屎，但係俾阿釗搶先一步，於是去沛公到痾，佢起初頑抗，仲諗住收埋０的抆屎紙，不過我拎左佢條面巾威脅佢，最後都乖乖就範。呢兩日痾屎都係用部電話播住王力宏首唯一聽，好好聽～

琴晚家怡去左踢波，佢０個招飛跳擲界外球真係笑到我地仆街，嘩哈哈！！！！！！！！擲界外球飛跳，哈哈！！！！！！！！！！！！！！！！！！！！！！！！！！！！！！！！！！
跟住去左上ＦＩＴＮＥＳＳ，今日要考試。考試ＳＩＴ－ＵＰ．．．其實有時都覺得所謂０既大學生做０的０野同以前都冇分別，以前考體育咪又係考呢０的咁０既０野．．．．．．不過ＳＩＴ－ＵＰ做得４９吓，腹肌比較弱。之後就考番掌上壓，我做左３９吓，差一下就爆分嫁喇，唔制呀！！！！！！！！！！！！

跟住上ＩＴ，個講師痴撚線，勁鐘意講「ＯＫ？」，阿鈞用筆ＭＡＲＫ底左佢半個鐘講左４ＸＸ次「ＯＫ？」平均一分鐘有十幾次，傻嫁！！！！跟住就去游水，今日考埋１００蛙就可以攪掂晒。唔知點解好鐘意游１００蛙，游完都唔累，肥華比我快放，係後面飲水，嘿嘿，仲唔俾我擊敗佢一次！之後就番ＨＡＬＬ沖涼執０野番工。每次游完水都超眼訓囉，仲要番工，企係火車到恰眼訓鐘吓鐘吓差０的成個趴左落地，超樣衰呀！！！！！！！！！！！！！！！！

番到去又係先食飯，跟住又展開沉悶０既對答工作．．．．唉．．．我變左做金錢０既奴隸。呢份工真係好精神折磨呀，阿ＭＡＹ點可以忍受十年嫁！！！放工之後就番屋企，因為聽日要番心誠拎獎學金～～ＹＥＡＨ～～又見到黑炭，今次好次熱情左少少。食完飯之後就沖涼，唔知點解係屋企特別眼訓，一點幾就好想去訓．．．不過都睇左陣賠率，少少地玩０下咁啦～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
項羽：「莫講話我唔相信天命！！！！！！！就算虞姬真係一個不祥人！！！就算佢真係敗左朕０既江山，我都心！！！！！甘！！！！情！！！願！！！！！」

>>November 24, 2004 at 5:44:27 PM GMT+8

2004 年 11 月 22 日 星期一 【微冷】

琴晚訓教竟然發夢，好耐都冇試過發夢喇，仲要係發夢攬住條女係一個好黑好大風好大浪０既海灘到，一邊行雷閃電一邊落雨，其實係好恐怖０既一個環境，但係唔知點解呢個唔係一個惡夢，冇驚０既感覺。不過呢個夢真係怪怪地，發左好耐，一直到鬧鐘響起．．．．．

起左身之後就走去沖涼，然後換衫出發，ｄｏｃｔｏｒ周雖然話係突擊測驗，但係傻都知今日測啦，雖然琴晚溫熟左個心，但係其實作用唔大，基本就冇可能合格。之後一上堂果然係突擊測驗，雖然我都係唔合格嫁喇，不過今次個感覺好左，起碼有０的都叫做識做．．．有０的真係冇溫唔識都冇０野講．．．都仲好過之前如果俾我睇住ｎｏｔｅｓ我都冇信心搵番個答案咁恐怖．．．今日胡迪ＰＰＲＥＳＥＮＴ，著左套ＳＵＩＴ，但係唔係著裙，係著褲，我覺得如果俾多頂帽佢就同魔術師無異～

上完Ａ＆Ｐ就上心理，係到聽人ＰＲＥＳＥＮＴ，不過星期五就到我地，都仲未做好．．．．跟住十二點半去左上英文堂，今日只係考ＯＲＡＬ，所以超快，不過ＰＲＥＳＥＮＴ到成舊屎咁，好在ＤＩＳＣＵＳＳ好０的０者。原來英文老師有左～～鬼婆都會有左～唔知個老公係咪鬼佬呢～？～？～？～？

上完之後去左同阿狗食食物，佢話車房到五千唔洗可以有架ＨＯＮＤＡ，雖然一定係殘０野，但係要離玩０下都好，不過呢０的大事都係同阿ＭＡＹ商量０下先，如果用根仔個名出牌費保險應該唔會好貴的～～一定要認真處理！！食完之後番左宿舍，跟住阿釗係到睇楚漢驕雄，佢已經俾我感染左，ＹＥＡＨ！！！！！！！！！！跟住我痾屎，唔知係咪琴晚０個餐太強，今日０的屎多到不得了，但係好健康，滑而不爛，實中帶軟，濃而不臭，正！！痾痾０下想起琴日０既新聞，中年漢因為為左睇西班牙大戰而瓜鬼左，我真係不禁笑左出離，累就唔好起身睇波喇，係呢個年代都仲有人會累死，我真伙係好想笑～點知痾痾０下屎我真係笑左出離，因為有單新聞真係好好好好好好ＫＩＮＤ，大學生結婚後不育求助，原來佢地以為一齊訓係張床到咀０下咁就會有ＢＢ，痴撚線嫁，係唔撚係真嫁？！？？！唔好癮我笑啦仆街！！～！～！！

之後我地宋四雙虎一齊去搵ＤＯＣＴＯＲ周．．．原因係成績異常突出，極度不尋常．．．傾左大約一個鐘頭，佢講埋０的廢話，又話教我地，同肥華講０的０野有咩分別，鬼唔撚知背晒就得呀！？！？！ＳＨＩＴ！！！！影印機呀？！？！背晒！？？＠？！？跟住番ＨＡＬＬ，胡迪過左離搗蛋，我地暫定星期五晚去飛車～跟住係房到嘗試做ＰＲＥＳＥＮＴ，但係冇態，成個人都好似好累咁，痴痴呆呆，咩都諗唔到，想訓又冇訓．．．唉好辛苦．．．一路戇居居到八點，楚漢都好似冇咩ＭＯＯＤ睇咁，我諗係胰島素分泌有０的失條．．．之後食左盒課，睇家大歡喜見到條女ＯＫ靚．．．之後個人都仲係莫名其妙咁鬱鬱不得志．．．走左入黑妹間房，訓佢張床食薯片．．．唔知點解佢地張床真係特別軟熟，好舒服，訓左幾個字又死番去房．．．提起勁咁做左ＷＥＢ－ＳＩＴＥ　ＲＥＰＯＲＴ。跟住就打去ＣＨＥＡＣＫ０下上次偷番離０既戶口ＡＣＣＯＵＮＴ，ＣＨＥＣＫ０下佢有幾錢，哈哈，真係得喎～～～～～～～

然後我就買左＄１６０，分散投資，唔知有冇收鑊～夜晚高欣ＳＥＮＤ左０的訊息過離，我睇完之後有０的呆左一呆，原來佢ＫＥＥＰ左我好耐之前ＳＥＮＤ俾佢０既訊息．．．．０個刻我失意獨孤浪人都有０的動一動，不過只不過係碎料，兩分鐘後就照常工作～跟住聽到樓下老練咁噪，原來有兩條友係到玩搖控直升機，我伸個頭出窗跟住大叫同佢地傾計，不過唔知佢嘜水，但係佢話係佢自己整，雖然飛得唔唔高，但係都有飄浮，好強呀！

>>November 23, 2004 at 8:36:20 PM GMT+8

2004 年 11 月 21 日 星期日 【微冷】

今朝十二點幾先起身，肥華又上左離。之後起身食食物，然後就去游水，阿沛痾屎水，所以冇去到，佢應該係腸胃炎，雖然痾屎水好辛苦，但係一定要痾清先至好，因為０個０的其實係細菌病毒，只有痾乾淨晒先至會好番。

今日０的水凍到仆街，一條落水好似全身被冰包圍咁，開頭都還可以頂得住，但係過多一陣份身發冷，感覺就好似拍緊明日之後咁，真係好凍好凍。之後考埋大蛙手，游圭下堂就可以考晒唔洗游，真係好。

游完之後番ｈａｌｌ，推到華仔同喪ｂ，跟住同佢地去左聯福搵經理傾團年宴酒菜０的０野。之後就番宿舍休息。ｚｕｋｉ係隔離房走左過離，我就係到嘗試溫書，但係都係唔識．．５：３０ｐｍ就走左落去睇抱抱良音演唱會，請埋０的唔知咩人，剩係識得林一峰同佢個妹。睇睇０下走鬼左，０的歌都未聽過０既。跟住肥華同競哥上左離，一齊溫心臟，經過連串０既理解同解釋，我終於明白左心臟０既結構同埋運作，露出些微曙光．．．．．

之後去左元福食飯，我食左好多好多好多飯，肥華又俾０的我，跟住阿競０個碗我又幫佢食埋，食到好飽好飽，番到ｈａｌｌ坐坐０下有０的０野係喉嚨到湧上離，好恐怖。跟住又溫左陣ｍｕｓｃｌｅ，然後就舉啞鈐，遲０下放假一定要去怒操先得！

沖完涼原本諗住早０的訓教，不過最後都睇埋楚漢先訓，越離越緊張刺激了．．．不過亦都代表著就快完結。雖然成日都話好想睇好想睇，次次一做完就爆粗．．．但係終有做完０既一日．．．．．．．根本就唔係想睇個結局，而只係個過程．．．

原來ｓｅｎｄ訊息俾人而人地唔覆係咁唔舒服，等我仲成日都咁做．．．真係好鬼衰格．．．

>>November 22, 2004 at 6:32:22 PM GMT+8

2004 年 11 月 20 日 星期六 【晴】

琴晚諗訓前始終都係技癢，買左＄５０玩吓，睇離我要有少少病態賭徒０既跡象。今朝起身，伸一伸個懶腰，ｆｅｅｌ到對波酸痛，琴日０個１００吓冇白費到，有乳酸出現喇，原來痛都可以係咁開心。之後就梳洗換衫準備番工。之後一路聽ｍｐ３，聽多幾次又發覺，原來我也須想他都幾好聽嫁喎。

去到馬場先醒起琴晚條４串１，於是係入面部電腦睇賽果．．．．中左．．．之後就打電話去ｃｈｅｃｋ吓有幾多錢，今個星期真係達到我過千０既目標，真係好開心～～之前輸到最後＄２００，俾我離一招破斧沉舟，一直旺到而家，ｙｅａｈ！！！！今日番工都係同以往一樣咁悶，亦都好眼訓，不過可能琴晚係屋企訓就訓得好０的，冇平時咁辛苦，但係都係好惡頂．．．．尾場０既時候，我突然靈機一觸，抄底左人地個戶口號碼同密碼，雖然我拎唔到佢０的錢．．．．嘿嘿．．．但係．．．．我可以幫佢投注．．．．嘿嘿．．．．．幫佢輸晒去．．．．．嘿嘿嘿．．．但係咁做好似係犯法．．．．不過都冇人知係我做嫁啦，等過多幾日先試０下～

放工之後就番屋企，火車鬼咁多人，番到屋企嘗試ｆａｘ張ｆｏｒｍ，但係都係不得要領，應該係星期六日放假．．．唔知會唔會截止呢．．．希望唔會啦。跟住就出左去食食飯，我唔明白點解我老豆老父母咁鬼似０的籃球隊人，次次都話去打邊爐，好在陰差陽錯之後打唔成，不過都係係行樂軒食飯。呢餐好好味，好耐冇食過咁多０野，有我至愛０既酥炸生蠔～～正～～好好味啊～～跟住又有個士多啤梨骨，幾射別，有一大ｐａｔ士多啤梨ｃｒｅａｍ咁０既０野，跟住又有雲吞雞、燒鵝、羊腩煲、雜菜煲、芋頭蚊臘鴨煲，好好食呀真係！！！食到個胃漲左出離。之後食飽飽，拎埋錢就鬆人～～

番到九龍塘去左百佳同阿恆、阿奇入貨，買左＄１１０．７，ｈａｌｌ０既糧倉已經所剩無幾，得番一包好立克．．．．．然後番到ｈａｌｌ就萌生起清楚０既念頭，將所有０野飛晒出走廊離一次清洗太平地。我同阿奇係到拖地，之後一齊係沿室洗０的ａｂｃ膠板，然後俾敵軍見到我地一齊係冇著衫迫埋一格．．．．

跟住就認真地做ｐｓｙｃｈｏｌ　ｐｒｅｓｅｎｔ，我不１停咁係到整ｐｏｗｅｒｐｏｉｎｔ，阿恆就寫講０既０野，攪０下攪０下又整到成三點幾．．．．唉．．．．．今個星期過埋就可以好０的嫁喇．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

有時候，愛你就像纹身一樣，雖然很痛，但卻是一生一世。

>>November 21, 2004 at 8:12:48 PM GMT+8

2004 年 11 月 19 日 星期五 【晴】

琴日一朝起身就見到肥華著住套老西，今朝一張開眼睛就見到ａｎｇｅｌ個大頭。俾佢嚇一嚇之後又繼續訓，訓到成差唔多一點先起身。起身之後就去痾屎，今次個感覺好差，ｆｅｅｌ到係好硬同埋要谷先出離，仲要係得兩舊。間房嚴重缺衛生紙，起身之後勁多鼻水，攪到我要入去用水來洗鼻涕。之後就好認真咁係到整兩個ｐｏｗｅｒｐｏｉｎｔ準備下星期ｐｒｅｓｅｎｔ。

之後落左ｃａｎｔｅｅｎ買食物，由於冇咩胃口，買左碗啖啖面食，之後見到阿寰同阿ｍａｇ，佢地就上左離訓教，我就繼續默默咁工作。近來天氣乾燥，我個咀就開始爆裂，奈何又冇潤唇膏，真係生不如死．．塊面又乾，攪到０的皮膚差晒．．．．之後就沖涼番屋企，對住塊鏡用鬚刨剃鬚，個鬚刨好強，由拎番離到而家都冇叉過電，但係仲ｗｏｒｋ！！！不過剃左好耐先剃完，有０的位又剃唔到要用刀片。剃晒之後成個即刻靚仔晒～

跟住番屋企，琴晚得罪左ｒｅｇｉｎｅ因為應承左佢聽孫燕姿首我也很想他但係冇左件事，於是ｄｌ左落ｍｐ３到聽，都唔係好正０者，誇張！行到去九龍塘見到有人撞車，跟住有差佬到場調停賠償，唔知點解個心突然有０的寒一寒．．．．／．＼

番到上水，剩係覺得好眼訓。企係木門前見面，由信箱望到黑炭企左係門口，跟住番到屋就抱起佢玩弄，但係佢依然係咁臭串！！屋企漆黑一片，我番到屋繼續我０既ｐｏｗｅｒｐｏｉｎｔ，因為０的足球ｍｏｖｉｅ係屋企部電腦到。整整０下就出左去彈琴，好耐都冇彈過了。之後填好左輔警份ＦＯＲＭ，諗住ＦＡＸ去，但係ＦＡＸ極都冇人理會，好唔開心．．．

夜晚食飯時，原來屋企離左個大改革，轉食左紅米．．．．０的飯紅當當咁．．．傳說話紅米係好有益．．．但係．．．我地傳統中國人係食白飯嫁麻．．．．．跟住九點半睇Ｅ．Ｔ．睇到成十兩點，不過真係幾好睇，如果屋企冇人０既話我諗我會眼有淚光，０個幕以為Ｅ．Ｔ．死左真係有０的想喊．．．．

睇完之後就做左ＴＯＴＡＬ　１００吓掌上壓，近來真係太過懶散，做完之後去沖涼，對手舉唔起，洗頭都差０的洗唔到．．．．超累，但係唔痛．．．唉．．．我要痛呀，唔痛冇用嫁．．．．沖完涼之後就整左５粒湯園食，食完之後就肚痛．．．正一仆街．．．．唔知點解自從上次中完錢之後都冇咩意欲去賭，好似失去左贏錢０既感覺．．．．．．．

呢排唔知點解好想去纹身，但係如果纹左就唔可以去考警察．．．．如果唔係呢個志願，我諗好耐之前已經纹左隻０野係條腰到．．．．
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

小時候，每個人都曾經玩過孖寶兄弟。起初，人人都希望能闖過所有難關救到真正的公主。但當拯救了公主後，遊戲隨之完結，那時才會發現，你所追求的不是救了公主的大團圓結局，而是那充滿刺激和挑戰的冒險旅程。

>>November 20, 2004 at 5:53:54 PM GMT+8

2004 年 11 月 18 日 星期四 【微冷】

今朝九點鐘甦醒．．．一張開眼就見到肥華係到著住件粉紅色恤衫右黑色西褲，成個人頓時醒晒。今日佢同阿釗要ｐｒｅｓｅｎｔ　ｏｒａｌ，所以要著西裝。其實都好無聊，都唔明點解大學ｐｒｅｓｅｎｔ要著ｓｕｉｔ，對住０的人又識得，真係多鬼餘。之後就起身洗頭，呢幾日０既天氣實在令我感到舒暢，如果再凍多少少就好ｌｕ～

之後同阿沛落左去買少少食物，見到ＥＬＬＡ著住對拖鞋係到排隊，佢好型咁話買早餐食不過唔上堂，如果俾著我一定唔會咁健康落去買早餐食，寧願訓係張床賴皮好過。今日三個鐘都係要聽人地ＰＲＥＳＥＮＴ，循例上都要聽０下０的同學仔講咩。不過一堂之後我同阿沛感覺到危機逐漸迫近，於是就毅然立下退兵回ＨＡＬＬ預備我地個ＰＲＥＳＥＮＴＡＴＩＯＮ。無奈地我飢０既題目ＭＩＮＤ　ＰＯＷＥＲ（ＮＬＰ）實在非一般平民可以應付得離．．．．．．
做做０下忽然好急屎，真係好奇怪，今朝咩都冇食過，反而會有屎痾。琴晚將首找我放左落部電話到，可以一邊痾一邊聽～

跟住就上ＨＩＳＴＲＯＹ，又係聽人ＰＲＥＳＥＮＴ，然後就去搵ＤＯＣＴＯＲ　張問咩叫ＮＬＰ，佢講完一大壇０野都唔知佢講咩．．．之後就決定靠自己走左去圖書館搵。搵到去一個極為偏僻０既角落先搵到，鬼影都冇隻，係到痾舊屎都唔知要幾耐先有人發現．．．．０的中文俾人借晒，英文又睇唔明，睇睇０下同阿沛突然失去左知覺．．．．呢個教真係好好好強，原全係進入左深層睡眠狀態，個頭係完全冇鐘０下鐘０下咁～

然後上ＦＩＴＮＥＳＳ堂，個個都以層出不窮０既姿勢離訓教。上完之後就去左食食物，又係食Ａ餐，痴鬼線，全部都係Ａ餐。跟住番到離整Ｉ．Ｔ．，越整越火，因為有少少問題。然後一心諗住出去睇楚項，你老味，真係不得不爆過粗，冇撚啦啦係到做台慶，０的內容真係無撚聊到啦，火滾呀！！！跟住落左九邐城食食物，又做台慶，０的傻仔拎埋０的垃圾獎係到賴開心咁，真係好想星巴佢地！！

然後三個人一齊行番ＨＡＬＬ，由九龍城一路行到番ＨＡＬＬ樓下我地冇交談過一句，因為我地三個都各自拎係個電話係到講，呢個情景真係壯觀。番到宿舍．．．唉．．．．我一心以為自己個網整好左，但係番到離先至知道咩都ＬＩＮＫ唔到，個心真係想喊出離，整到我著著地火，但係又好抆，雖然唔係好靚，但係我自己做嫁麻，冇叫人幫手呀！！！！！好彩最後有微姨幫我手先ＵＰＬＯＡＤ到上去，如果唔係我０既心血就白費嫁喇．．．．．

下個星期真係好多０野要做，ＨＩＳＴＯＲＹ同ＰＳＹＣＨＯＬ都要ＰＲＥＳＥＮＴ，我同阿沛就一路係到傾，傾到四點先訓．．．唉．．．．邊個話讀大學好爽、唔洗做嫁．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

在那條只有燈黃色街燈照著的康莊大道上，秋風無情地打在我的臉上、黃葉隨風飄揚地落在我的頭上。我昂然地撥撥頭髮，揮揮衣袖，繼續走我要走的路。

>>November 19, 2004 at 8:23:26 PM GMT+8

2004 年 11 月 17 日 星期三 【晴】

琴晚老訓練咁早就上床訓教，今朝七點鐘就被我０既找我鬧鐘鈐聲響起。一個寒冷的清晨，我帶著若有所失０既心情走入浴室，一絲不掛咁來一個熱水浴，好讓我呆滯的腦袋得到舒緩，迎接今天重大的挑戰。雖然琴晚好早訓，但係基於七點鐘就起身，實在令我三魂唔見七魄。雖然我深信自己０既實力，但係為左避免一０的不公平０既對待，我故意唔ｓｅｔ頭，帶左頂帽出去，奈何．．我點扮都扮唔到ｋｉｎｄ子～

跟住一路行一路係腦海中冥想一下考試路線，寒冷的風無情地打在我的臉上，令我頓時清醒過來。搭火車期間，唔知係咪因為太過緊張，成日覺得拎漏０野．．．．之後搭巴士時，我好留心咁視察原途０既路面情況，一切都好正常，又唔係好多車。之後去到駕駛學院，老實說驚就唔係太驚，不過都總係有０的唔知點咁。之後終於正式考試，你老味，個天分明玩０野，頭先睇條路仲好地地，轉個頭就係到整路，好在我一向有實力，ｃｕｔ一ｃｕｔ線再來過，嚇鬼呀？！！之後去到上次犯錯０既彎，我牛咁眼咁望住條線轉入去，呢次再錯我決定撞埋欄算嫁喇！！之後行左一陣，你老味死人仆街小巴佬冇啦啦係後面飛上離ｃｕｔ我線排頭，好在本大爺反應值有１００者！！！

之後行到差唔多我問個考牌官係咪ＣＵＴ左線，嘩，你老母真係惡撚到唔講粗口屌佢都唔撚得嫁：「而家你考緊試，你自己決定，你唔好再問我任何問題呀！」，雖然我口講唔好意思，但係我個心詛咒緊佢世世代代考牌必入錯線！！最後有驚冇險咁番到入學校，狄車停底左，準備做最後一件事，就係熜匙入一波．．．．誰不知呢個時候就出事，我唔知發咩神經放左個離合器，跟住架車就死火．．．．．．之後我勁驚．．．．如果真係臨尾香，除左死我諗冇其他方法可以彌補到我心靈上０既創傷．．．好在．．．最後都吉人天相．．．．不過呢０的都係預料之內，所以都唔係特別開心，反而身邊０的人仲好似開心０的咁～ＹＥＡＨ！～

之後就搭巴士番學校，番到宿舍就睇番琴晚集楚漢～之後落左去開班會～最後做左庶務主管，我決定要改個型０的０既名俾自己，庶務實在太過打雜ＦＥＥＬ，叫特務主管型好多～～然後去左食食物，之後番宿舍一出升降機先留意到胡迪係塊ＢＯＡＲＤ到叫我加油，實在太好人了～～人就係咁奇怪，考試唔合格就好想周圍同人講，但係合格左又唔想講俾人知，真係實在太莫名其妙．．．．不過點都好，下一步就要諗０下點樣先可以有架車，雖然好似遙不可及，但係總有辦法０既～呢幾日我地個馬桶都係冇紙抆屎，都唔知出左咩問題，隔離兩個唔知係咪唔洗痾屎，攪到我次次痾屎都要自己拎幾格紙入去，等我聽日買番一條紙番離。

之後阿ＭＡＹ唔知幾多點先打離，我晏教都訓醒，佢先問我考成點，開頭諗住坤０下佢，不過廢時佢受驚之後唔俾錢我。然後佢叫我賣部Ｋ７００Ｉ俾佢，叫我自己買部新電話，我問佢幾錢，佢話＄１５００．．．．．．．．．．我呆Ｑ左，我話＄１５００唔得，你當你個仔低Ｂ呀！！賣出去都有差唔多＄２０００啦！！之後起左身就再做個Ｉ．Ｔ，我整到好靚，好開心，好有成功感，不過最後唔知點放上網，跟住家怡離左整，不過佢都唔係好識。

八點鐘終於可以睇番套楚漢驕雄ＬＩＶＥ，阿沛同左個異性去睇拉闊，阿釗又同阿媽慶祝生日，於是就享受一下清靜０既時刻。食完飯之後係到打機，今日有０的悶悶地，之後去左幫胡迪攪攪個Ｉ．Ｔ功課，我終於可以幫人做功課！～！～！！～強呀！！！

之後就係到打ＷＩＮＮＩＮＧ，原來打機０的時間係過得咁快０既～

恭喜晒小騰騰，你成為一個司機了。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

乞丐－－－可以說是一種職業，他們以行丐為生，從乞求別人來換取金錢。衣著以灰黑色為主，衫褲袖口位大多以ＰＡＹ口為佳。

露宿者－－－外型和衣著與乞丐相似，但不同的是他們不會乞求別人索取金錢，他們大多出沒於天橋底下。結予金錢露宿者是一種不敬的行為，但可以物質如食物，衣物等代替。

流浪漢－－－相對於前兩者，流浪漢大為不同。他們未必是衣衫襤褸，亦未必是無家可歸。他們可能是追求一些他們認為很有價值的事而不停流浪，甚至乎穿州過省，為的可能只是一些所謂的夢想。

>>November 18, 2004 at 7:48:04 PM GMT+8

2004 年 11 月 16 日 星期二 【晴】

琴晚睇完電視又係好夜先訓，不過今日堅要早起身，因為要去學車．．．最後的三小時。起身之後好似好凍咁，於是我就著左我件至愛ｃｈａｍｐｉｏｎ縷出去，但係奈何呢件０野０既禦寒能力實在太強了．．．著到我都有０的熱熱地，痴線嫁，睇離真係要冬天先著得．．．．跟住去到駕駛學院，用左十分鐘食左個吠味早餐。原來第一個鐘頭係模擬考試，不過我都唔驚，都話明模擬啦。唉．．．．渣得大致上都係超班，但係咁先令人擔憂．．．如果平時咁好．．．萬一聽日又奶０野，我都唔知點樣承受呢個打撃．．．．唉．．．模擬完之後有半小時，我用左離痾屎，原來食左早餐係特別舒暢，０的屎係滑而不爛，好好ｆｅｅｌ。之後再學車，學左兩個鐘頭，渣到麻木左．．．．．雖然大致上冇問題，不過有０的地方都會俾人肥佬．．．唉．．．好煩呀，明明係條街渣車０的人都唔守規則嫁啦．．．．

學完之後就番宿舍，我又搭巴士，呢排鐘意左坐巴士，因為坐得好舒服，又冇人騷擾，結果我迷迷糊糊咁訓著左．．．到甦番０既時候發覺冇晒人，架車又停左係到．．．原來到左九龍超地鐵站，之後我落下層，但係關晒門，司機都走埋．．．．我就咁樣被困係架巴士到．．．出面０的人等上車又望住我，攪到我好似隻動物園猩猩咁俾人圍觀．．．頂．．．．最後要等司機離救我．．．

之後番左去宿舍，然後再去游水。今堂考１００ｍ自由式，人類０既潛能真係深不可測，平時練０既時候游極都游唔到，今日一游就游到，真係好！不過今日０的水又係勁凍，凍到赤赤痛！！游完水之後又番工。

今日超累，我真係覺得好眼訓，今日俾個組長叫醒左我。之後係咁係到洗臉。一放工開電話，收左勁多訊息叫我加油聽日，真係好感動，不過．．．．咁樣令到我更加驚．．．唉．．．．上次衰左，我明明滿慨熱誠，一殼眼淚咁話再考多次一定得．．．但係而家唔知點解好慌．．．唉．．．．．．．我唔可以再衰．．．．．．．唔可以．．．唔可以．．．唔可以

>>November 17, 2004 at 4:05:33 PM GMT+8