2004 年 12 月 5 日 星期日 【晴】

天亡我也．．．．只差一關．．．只差一關就可以成大業．．．就可以宴請親朋．．．．偏偏就係斷一關．．．原本贏間廠．．．而家只係贏粒糖，天意呀！！！！！！！！！！！！！！
話說琴晚諗住訓個好教．．．誰不知一訓就訓到今日下午兩點鐘，係入ｈａｌｌ以來訓得最晏０既一次。雖然訓左好耐，但係效果卻強差人意，成個人都痴痴呆呆咁。跟住落左去買左個燒肉叉燒飯然後上十六樓食。

食完之後就諗住溫書，但係溫溫０下冇ｍｏｏｄ落番自己房。之後雖然我冇訓到教，亦都冇玩到電玩，但係我都ｆｅｅｌ到自己個魂魄唔係到．．．．但係我依然咁嘗試溫習。蠹眼間就已經六點幾入黑，由於遲起床，攪到時間好似過得好快咁．．．．雖然聽日考０個兩科唔係咁重要，但係我最擔心０既都係星期五考０既Ａ＆Ｐ．．．．唉．．．．我唔要ＲＥＴＡＫＥ呢科呀．．．．之後悶悶地再睇多次霸王別姬去到烏江自刎０個幕．．．．．．．．．．．

夜晚同阿沛上左去１３樓食食物，紫穎煮飯食，跟住睇左功夫足球，好撚白痴．．．真係好撚戇尻，不過有阿嬌～唔知第幾集先有呢～之後又落番去房到溫習，全日都係咁行屍走肉咁，唉．．．．．跟住有青紅蘿白煲花生湯飲，都幾好飲，又香～讀電腦０的人唔洗溫書，係到打機．．．唉．．．點解會咁嫁。

之後十一點幾落左去諗住ＰＲＩＮＴ交宿舍費張ＦＯＲＭ．．．結果做左一件喪盡天良０既事．．．．係Ｒ７沛公發現左人地冇ＬＯＧ　ＯＵＴ．．．．於是我地就係咁ＰＲＩＮＴ晒０的ＮＯＴＥＳ．．．我將之前ＰＲＩＮＴ錯０個份巨型Ａ＆Ｐ　ＮＯＴＥＳ重新ＯＲＩＮＴ過，再ＰＲＩＮＴ晒０的Ｉ．Ｔ　ＮＯＴＥＳ，嘿嘿嘿．．．．．冇辦法，時勢迫我咁做，我都唔想～

之後番上去又上左十六聽競哥略略解說一下游泳０既知識．．．唉．．．．冇心機了．．．．
唉．．．女性都係奇怪０既動物，有時候都唔知佢地諗０的咩，真係好難觸摸，我諗我激嬲左兩個女仔，都唔知點算。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

世界上有好多仆街，但也有王子，我就是一個扮仆街的王子～　

>>December 6, 2004 at 7:35:47 PM GMT+8

2004 年 12 月 4 日 星期六 【微冷】

今朝十二點起身，一起身超級急尿。琴晚又輸左＄２００．．痴撚線，黑到冇朋友，法甲得一場開大就偏偏癩左．．．．沖完涼煮左個「早餐」食就去左跑馬地「踢波」。今日派左套ａｄｄｉｄａｓ套裝，都ｏｋ型，好彩有去到０者。今日又係波皮都冇掂到，場都冇得出。不過我地迫和左榜首０既東方，都算有所交代。

踢完波之後去左食食物，然後係銅鑼彎搭去尖東站，係火車到又訓教，超好訓。跟住番到屋企又食飯。問阿ｍａｙ拎＄１８００去上海，跟住佢話我坤佢錢。成日問係咪學校攪，咁事實上都唔係學校攪，係ｙｅａｒ２　攪０者麻，而家大學仲邊有學校攪嫁，全部都係學生自己整嫁啦，不過算啦，佢地０既思想都仲停留係中小學階段。

跟住係屋企拎左０的衛生紙同埋一支雪梨水番ｈａｌｌ。今晚買左條４串５，番到ｈａｌｌ落左去睇祖記，我０既尼維特唔知點解冇出，不過都照贏！雖然過左三關，但係我有預感應該會最後一關斷．．．算啦．．．係要輸先會感受到贏０既喜悅。

夜晚好想溫書，但係唔能夠集中。呢兩晚番左屋企冇攬阿寶訓得唔好，今晚都係訓個好教再算

>>December 5, 2004 at 7:34:24 PM GMT+8

2004 年 12 月 3 日 星期五 【微冷】

有時真係唔到你唔信，琴晚係屋企訓教．．．訓到三點左右，全身又不能動彈，今次我個腦好有意識咁轉緊，但係我身體不受控制，我咁肯定絕非發夢，我集中意志力咁好用力轉身，最後雖然轉到，但係我ｆｅｅｌ到係好神智不清，對眼好似望到０野，但係好蒙．．．同埋我要不停咁轉來轉去，因為我ｆｅｅｌ到一靜止就會再次動彈不得。於是我就起身，走出廳飲杯水，然後伸展一下０的肌肉再訓．．．．．琴日咩都冇做過，一定唔係疲勞過度．．唔通？．．有．．．．．．．．

今朝原本較左九點半起身，諗住煮早點食，但係最後都癩皮到十點鐘。跟住就沖涼出發番工。一路聽住霆鋒一路搭車，係火車到又有位坐。番到馬會又要食食物．．．．０的０野真係好難食．．．不過又唔可以唔食，見到司徒臘肉，真係有緣。之後諗住請兩日假，一日要考試，一日要去上海，但係個天都幫我，咁ｑ呢兩日都有特別事唔洗跑馬，ｙｅａｈ！！！

今日開工坐左係個大肥婆隔離，真係好肥，我諗勁過肥姐，應該有七個豬豬咁肥！！好巨咪呀！！！今日除左頭場係到鐘眼訓之外，之後都算清醒。由第一日番工到而家，我都好唔妥０的人去痾尿係都要排晒隊等一格格０個０的，迫到個屎坑勁多人，明明有尿兜又唔痾，痴撚線，男人老狗唔係怕羞麻！！！！今日開左一個戶口有十幾萬，不過條友好臭串，又細聲，你老味，早知就記低你個戶口，幫你訓身十幾萬和其他！！！！！！！！！！！！！！！！

放工之後同勇仔番上水屋企食飯。又要食０個０的紅卜卜０既米。今晚阿根煮飯，有我至愛０既蠔餅，又有剪大頭蝦碌，仲有豬耳同蒸泥猛，全部都鐘意食。不過．．．蠔餅攪到林晒，失敗。０的米落得太多水，失敗。今晚係楚漢驕雄０既大結局，一路食飯就一路睇。真係好好睇，有０的想喊，實在太過投入角色喇。其中一幕０個個董公講０既０野完全道出我０既心聲，講得好！！！出爾反爾，好撚卑鄙！！！琴晚略略睇左＜項羽本紀＞尾０個到，發現同今日做０個０的幾乎一模一樣，連０的對白都係抄出離譯番做白話，真係睇得出係有做過資料搜集。臨尾江華死落地０既時候彈一彈隻腳，好正啊～

睇完之後就食完飯，跟住玩電腦。小穗ＳＥＮＤ０的相過離，新髮型好睇過之前。之後問我條手錬會唔會甩色。真係．．．頂．．真係．．．．ＳＨＩＴ！！居然問０的咁０既問題，我頂，真係．．．女人街買咩當我！！！！！！！！我會送０的ＣＨＥＡＰ０野俾人嫁咩，我唔送嫁麻！！！！！！！！！！！

然後出左去同阿立番天平村拎Ｖ－ＬＥＡＲＮＩＮＧ查字典。我部死人下載王都流流地，發音發到成ＰＡＴ屎咁！跟住去左彩虹食甜品，我請！！豪呀！！！考完試去買數碼相機先～～～

番到屋企，買左＄２００　３串１，之前事左＄５０，今日要中呀！！！！！！！！！

>>December 4, 2004 at 7:04:53 PM GMT+8

2004 年 12 月 2 日 星期四 【微冷】

琴晚睇完電視出左去打ｗｉｎｎｉｎｇ，打打吓不知不覺間已經係五點，跟住就訓教。之後有怪事發生。訓左一陣聽到０的卜卜聲，我其實聽到，不過冇咩意欲去查個明白，但係阿釗冇啦啦問起，就開始搵吓來源．．．最後好明顯係個架傳離，不過都唔知係０的咩發出離０既聲音．．．好彩五點幾清晨先訓，如果唔係實嚇，死雖然我唔怕鬼０者。

今朝完全冇諗過起身上堂，訓到十二點幾就起身，之後好多人上左離，房間變得十分擠擁。然後就食左舊包，飲左杯好立克。之涕燒埋０的功課就出發去ｆｉｔｎｅｓｓ　ｒｏｏｍ準備考試。

０的死人器材真係好得煩，又要人介紹點樣用，最後抽左部屈腹機，講完得１５分，不過不失咁啦。之後就去左食食物，又係食Ａ餐，冇０的新意。食完之後就番左房，唔知點解成日都傷風，我身體呾強壯冇理由成日都病，真係好唔開心，０的鼻水係撚咁流，抹到個鼻紅卜卜！！
跟住就去左洗衫，汲取過上次０既教訓，今次就唔再貪婪，只係洗番自己０個０的，之後望住部洗衣機係到轉，見到自己０的臭衫係到不停咁轉，覺得好過癮，於是坐左係張ＣＨＡＩＲ到望左一陣先走。

番到房之後又訓教，訓到六點鐘就起身。掠好衫之後就執拾細遠離開，移師上水。行到去小矮人發覺冇拎馬會工作證，於是又番轉頭拎同小雯傾左一陣電話。係火車到竟然俾我搵到個位，有個女人想同我掙，我就扮望唔到去兜個屎忽坐落去，死未！？！同我鬥快？？！係火車到一路歸心似箭咁番屋企，因為要睇楚漢驕雄ＬＩＶＥ。

係屋企睇都唔好睇０既，又有廣告，阿ＭＡＹ又係到講０野，破壞晒０的氣氛，都係係ＨＡＬＬ好睇０的。聽日就係大結局，睇完之後又要重回現實。呢幾年都冇咩點追過電視劇，對上０個次睇棟篤神探，好攪笑！睇完楚漢之後上網搵＜史記＞０既＜項羽本紀＞離睇，你老味，個時考中史都冇咁神心走去睇，但係發覺原來好多引文都係似曾相識的。記載入面，當年係烏江真係有個船夫叫項羽渡江，但係都唔知堅定流．．．．但係點講劉邦都係仆街嫁喇。往往成王敗寇，只要成功左就唔會有人記得你做過０既衰０野，明明出厭反爾，不仁不義，但係都可以話仁義之師，呢個世界冇公理嫁喇。唐太宗弒兄奪位，創造貞觀之治，精讀就讚到佢飛上天，都唔諗０下佢為左做皇帝殺阿哥係幾咁仆街！

夜晚係屋企到ＫＩＮＤ，唔知點解係屋企就會自自然然咁覺得眼訓，可能因為夜晚又冇人講０野，又唔可以大叫，加上又熄晒燈，營造出一種安息０既氣氛。跟住又爆左１００吓掌上壓，今次冇上次咁辛苦，做完之後對住塊鏡左谷谷右谷谷，真係好自滿～

沖完涼之後溫左陣Ａ＆Ｐ，睇離需要搵人問吓，憑我一人之力恐怕有０的有心無力。

一直以來都唔係好想戴銀色隻戒字，一離又唔０岩戴，游水打波都除底驚佢甩。二離隻金色同銀色撞埋好唔順眼。如果剩係戴金色我覺得會型０的，不過唔知點解我都仲戴住，或者係一個回憶，又或者係已經成為左習慣，都真係幾矛盾。


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

自古紅顏禍水，商朝紂王寵愛妲己而亡。吳王夫差亦愛褒姒而傾國。項羽為虞姬而死。一代戰神呂布亦因美人貂貚而敗。開元之治創下盛世的唐玄宗亦為楊貴妃而荒廢朝政。吳三桂為愛妾陳圓圓而引清兵入關，促成明亡。

>>December 4, 2004 at 3:00:03 PM GMT+8

2004 年 12 月 1 日 星期三 【微冷】

琴晚訓教０既時候居然失眠，好似唔想訓咁。之後輾轉間終於入睡。今朝九點鐘起身，跟住又沖涼，原本有０的癩皮，不過最後一堂ｐｓｙｃｈｏｌ，唯有上埋啦。原本有兩堂，不過上左一個鐘頭就走得。經住就番番宿舍，有好多人係到。今日背椎受到重創，敵軍一如以往以掌拍打我，但係黎家怡有樣學樣，又唔知自己力能舉鼎，兜鎚飛埋離，攪到我０的ｌｉｇａｍｅｎｔ受傷．．．

之後係到打ｗｉｎｎｉｎｇ，肥華終於１－２輸左俾阿沛，經住走左入ｔｏｉｌｅｔ，唔知係咪喊。經住阿釗再輸０－５．．．正係佢勢如破竹之際，９０分鍾迫和佢１－１，但係最終加時不敵，氣勢一時無倆，十分氣焰。之後去左飲茶，又叫左炒貴勺，不過好撚辣，食到噴火！碟咖哩炒飯都好撚辣。好在經理俾左兩碗白飯我地撈．．．但係碟０野賣相好不仁道．．．

食完之後番左宿舍，整左陣ｐｓｙｃｈｏｌ　ｗｅｂ－ｓｉｔｅ，其實都７７８８，不過我要整得美觀一０的。之後打三國志．．．馮穎華不忠地脫離我軍，跟左孫策，燥晒，遲０的一定出兵討伐佢，再斬首！！打左一陣又溫書，不過今日都冇咩溫到，但係都總算叫做溫左兩課，睇離還有一線生機．．．

夜晚八點左右同微姨，紫穎出左去九龍城食食物，去左夢幻西餐廳。叫０野食０既時候，個侍應好型咁唔洗寫低，剩係問我地然後走左，開始以為佢真係咁狼記得晒．．．誰不知湯又拎錯，意粉又變左飯．．．扮ｑ晒野咁。最後杯凍檸茶好巨咪，飲到差０的想嘔。

番到宿舍微姨幫我手整網頁，最後終於整到有隻蝴蝶跟住隻ｍｏｕｓｅ移動，ｙｅａｈ！！之後阿筠又幫我整番好個日記板，呢張阿嬌幾好，唔錯唔錯。沖涼之前同盈姬傾左兩咀，佢自稱盈姬．．嘿嘿．．真係笑大寡人個咀．．．．跟住又開始今集０既楚漢驕雄。就快去到高潮了．．．．不過都知道結局係點，如果可以改變就好喇．．．睇完之後我一直都有０的疑惑，呢套０野好似美化左劉邦，有０的誤導．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

力拔山兮氣蓋世！！！時不利兮騅不．．．．．逝....．
騅不逝兮可．．．奈何？虞兮．．．虞兮．．．奈若何？．．．．


　　　　　　　　　　　　　　　　　　　　　　　　　　　　　　＜垓下歌＞　項羽

>>December 3, 2004 at 2:24:21 PM GMT+8

2004 年 11 月 30 日 星期二 【晴】

琴晚諗住小睡一陣，點不知醒０既時候已經係四點半，我起身望一望阿釗，佢已經訓左，但係燈都冇熄。於是就熄燈再訓．．。訓訓０下突然聽到阿釗怒吼一聲，原來已經係九點廿五分，我已經冇能力再掙扎起床，於是就癩皮繼續訓．．．

訓到十一點幾先起身，起身食左可可米就係到同競哥溫習。係咁係到流鼻水，好辛苦．．溫到十二點幾就去左考引體上升。我做到六下，ｙｅａｈ！！勁過好多人，不過都係好廢。之後上左去打籃球，篤魚蛋．．．仲記得第一次篤魚蛋走左去睇鐵打．．．．跟住番左ｈａｌｌ沖涼，然後食左個杯面。琴日呢個時候考完２４００ｍ，我著住條高叉波褲加件背心，之後係四樓見到條友，問我：「你０岩０岩上完堂呀？」．．．．．．唉．．．．我話係．．．．．這麼一來．．．又再次加深佢對我地０既誤解．．．．．．．我已經決定左，下次再有人問我讀咩０既時候我要話康樂管理及體育．．．．

沖完涼之後係到聽霆鋒，好有ｆｅｅｌ．．．之後著左件新衫去聽游水ｔｈｅｏｒｙ．．．ｍｉｓｓ　ｍａｃ真係流流地，就咁派幾張紙俾我地，叫我地睇０下就ｏｋ，千萬唔好溫．．．不過都好，咁游水份ｐａｐｅｒ就一定唔會唔合格．．．之後上左半個鐘都冇就番ｈａｌｌ。
番到ｈａｌｌ又溫ａ＆ｐ，我終於發覺有一線曙光．．．．我開始識左一課喇．．．．．．．

係隔離房拎左粒藥食就番工，打左俾靜書傾左幾句。可能今日冇游水，又訓晏左，終於係火車到都冇鐘眼訓．．．番到去六點鐘就放食飯．．．點知坐對面條女係以前０的隔離班同學，叫做識得但係又唔熟，連佢個名都唔知．．．不過又要打招呼，食得勁尷尬．．．食完都係ｖｅｒｔｅｂｒａｌ　ｃｏｌｕｍｎ落番離．．．．．０的咖哩又辣，食到我係咁出汗．．．．

跟住今日工作，除左第一場同第二場有０的睡意，釣左一陣魚之外，其他都唔係太辛苦，原來游水係影響咁大０既．．．放工之後就番ｈａｌｌ，０的傷風好番左少少．．．唉．．．次次星期三放工都冇啖好食．．．十一點幾咩都關晒．．．又唔想去九龍城咁遠．．．於是番到ｈａｌｌ又砌面，今次我終於都食唔晒．．．食食吓仲有０的想作嘔ｔｉｍ．．．唉．．．．．

之後就做左一陣健身運動，呢排都係冇咩時間，不過下星期一考完試，ｓｅｍ　ｂｒｅａｋｅ０既時候一定要爆操！！沖完涼之後就同阿釘睇楚漢驕雄，連睇兩集，熄晒燈，超正．．．韓信個樣真係奸到呢．．．．．真係呢．．．．佢老味，邊有人咁撚臭串嫁．．．．真係想見鑊打鑊，講堅以前真係以為佢好型，都唔知佢係咁撚仆街．．．嘩．．．小器到呢．．．真係呢．．．

近日來，４１４室受到蚊患困擾，一熄燈就出沒。黎家怡話係因為ｔｏｌｉｅｔ０的底褲濕所以惹蚊．．．咁點０者，底褲唔濕就唔係底褲啦！！之後我一開燈，就見到隻西蚊係大脾到吸吮黃某血液，我好冷靜咁運用全身經脈一把就星佢老味臭西！！成隻蚊頓時跌左落地抽抽噎噎．．．我再用一隻手指卒佢老味，跟住有勁多血必出離，隻死０野吸左唔少血呀！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

近日來喜愛了霆鋒的無聲仿有聲，其中一句「我心痛但你聽到嗎？」好有感觸。的而且確，我心痛你又真的會聽到嗎？

>>December 1, 2004 at 7:11:40 PM GMT+8

2004 年 11 月 30 日 星期二 【微冷】

今日好似夢一般．．．唔知係咪唔舒服，好似咩都唔記得晒咁，剩係記得朝早起身好呆滯，跟住上堂同阿沛用震西個大書包笠住豬豬打，跟住震西拍低過程，勁似巴路坦星人．．．．

之後去左考２４００ｍ，剩係記得家怡跑完暈左係地下．．．．然後番ｈａｌｌ溫書．．．四點幾番到ｈａｌｌ我立心溫書，拎左０的ａＡ＆Ｐ出離睇，既然係避無不避，咁不如正視一下，於是我一路溫到七點幾，我已經將程序由睇書ＮＯＴＥＳ都唔識答變成睇住ＮＯＴＥＳ識答．．．．．．

原本七點鐘係４樓打邊爐，點不知勁撚多人，最後火火地一齊落左去食個西飯算。食完之後我對住個電腦係到整ＰＳＹＣＨＯＬ　ＷＥＢ－ＳＩＴＥ，整左唔知幾耐終於整完，我個腦好似爆炸咁，之後十點幾小休到十二點。一聽到ＡＮＧＥＬ把聲就醒左．．．之後諗住可以繼續溫習，但係點不知今日實在太疲勞．．．．．唔小心一點幾訓著左，諗住小休．．．．．

唉．．．寡人傷風，間房又缺衛生紙．．．好悲．．．

>>December 1, 2004 at 6:09:26 AM GMT+8

2004 年 11 月 28 日 星期日 【微冷】

琴晚三點半同阿梁落左去睇國米ｖｓ祖記，跟住見到水城。原本祖記領先兩球，但係國米之後作出變動，打４－２－４，破斧沉舟追番２－２．．．唉，真係唔抵。最後五點半先訓教。

不過今朝老練咁早十點就起身，唔係去上堂，而係去完成我的使命。沖完涼就剃鬚，我開始發現個鬚刨好似剃唔到咁，唔知係咪因為唔夠電，話晒咁耐都未試過叉．．．．之後搭火車番上水。然後去左上水廣場搵埋福頭去左ｉｃｅ買手錬，原本要＄ｘｘｘ，不過朋～友俾面，員工價！！＄ｘｘｘ！！！兄弟多！！！服唔服！！！！！！

買完之後就番左屋企，將琴日買番離隻Ｅ－ＹＯ拎出離，諗住將條手錬帶落佢條頸到，之後阿ｍａｙ係廚房出離見到，就係到好激到咁話：「你送０野俾女仔呀！！？！」，又話我出糧、拎獎學金都冇送過０野俾佢，之後佢見到個盒又冇我幾錢，之後解釋完係員工價佢就：「你要買多條俾我，唔理你！」．．．我好無奈．．．之後佢幫我將條錬用線繡左上去隻野個頭到，超靚，好似頂后冠咁！！！！！跟住就幫我包好埋，佢仲有心機過我，我就係到同黑炭踢波。

攪掂晒之後就走人，原本諗住拎番學校俾小穗，不過我乃天命所歸，咁０岩佢就逃學，於是就拎左去樓下俾佢，ｍｉｓｓｉｏｎ　ｃｏｍｐｌｅｔｅｄ！都算係咁啦，話晒都算係舊同學，又算係咁多年街坊，又係ｂｕ同學！不過原來整０的咁０既０野都幾好玩，下次睇０下邊個生日再諗過先～

跟住趕番學校上ｉｔ，傳說話今堂係講考試０的０野，又話要點名又成，你老味最後上左半個鐘就落堂，名又唔洗點，仆街，火都起埋，早知係屋企痾趟屎再訓個教夜晚先訓！！上完之後就去左食食物。個肚赤赤痛，不過我知道係急屎０既徵狀，跟住食完飯就番ｈａｌｌ痾屎。原本以為ｃａｌｌ得咁急一定好澎湃，誰不知令到寡人好失望．．．

之後梁仔好快咁考完游水番左離，咱們就同阿妹、阿寰一齊去荔枝角個ａｄｄｉｄａｓ倉睇０野。最後買左件Ｔ，都ＯＫ型，黑危底粉紅色字，＄８５，價值超值。然後就番左ＨＡＬＬ休息。ＤＯＷＮＬＯＡＤ左謝霆鋒好多歌離聽，舊０個０的真係幾正，跟住一路聽一路進入夢鄉，九點半先至甦醒過來。然後出左去砌面，阿ＭＡＮ佢地係到煮飯，偷左０的雞翼來吃。之後梁仔番左離，咱們決定煮飯，我用微電腦親手整左咖哩雞翼，雖然有少少失敗，但係都好好味。

今晚係天國的階梯大結局，係終於捨得大結局，我係咁易望左一陣，成分鐘都可以唔講０野冇對白．．．．．．．咩事呀．．．？．．．．．．？．．．．．之後火火地番左去房。ＣＡＲＭＡＮ話０岩０岩睇到喊．．．．．．．．．我Ｏ晒咀．．．．喊？！？！ＳＨＩＴ！！？！
之後海哥落左離傾左一陣Ａ＆Ｐ０的０野，不過冇咩得著，然後我就做埋個ＦＩＴＮＥＳＳ　ＰＯＷＥＲＰＯＩＮＴ．．．．原來．原來．．．．．原來．．．．．．．．下個星期就考試喇！！！！！！！！！！！！！！！！！！我會努力！！！！我唔要再咁低分，我一定要出番口烏氣，就算唔合格，都要轟轟烈烈！！！！

跟住同阿釗一齊睇楚漢驕雄，熜晒燈好浪漫。不過唔知點解有蚊係咁攪我隻腳，可能係太多腳毛。韓信條仆街，呢個真係正一打靶仔，真係想剝佢條褲用叉對佢屎忽！！睇完之後兩點半，係呢個深夜為左滅蚊，我地就拖地，半夜三更做０的咁０既０野都算經典了．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

下了一場非常大的雨，洪水開始淹沒城市，一個神父在教堂裡祈禱，眼看洪水已經淹到他的身體了，突然一個救生員駕著小艇跟神父說：「神父．．．快！快上來！不然洪水會把你淹死的！！」
神父說：「不！我要守著我的殿堂！我深信上帝會來救我的！！」

過了不久，洪水已經淹過神父的頭了，神父只好勉強站在桌子上。
這時又一個警察開著小艇跟神父說：「神父！快！快上來！不然洪水會把你淹死的！」
神父說：「不！我要守著我的殿堂！我深信上帝會來救我的！！」

又過了一會兒，洪水已經把教堂淹沒了，神父只好抓著教堂頂端的十字架。
一架直昇機緩緩飛過來，丟下繩梯之後，飛行員大叫：「神父！快！快上來！不然洪水會把你淹死的！！」
神父還是意志很堅定的 說：「不！我深信上帝會來救我的！」

最後，神父就被淹死了．．．神父上了天堂後，見了上帝就很生氣的問：「你是怎麼搞的呀？這樣你的子民還會相信你嗎 ？」
上帝說：「你到底想怎麼樣嘛？我已經派了兩艘小艇和一架直昇機去救你了，難道你要航空母艦才坐呀？」

我們希望對方這麼做，我們要求對方那麼做，或者應該說我們以為對方應該怎麼做。卻沒體會到對方其實都在做了，對方都有在付出，只是表達的方式不一樣．．．

>>November 29, 2004 at 8:03:02 PM GMT+8

2004 年 11 月 27 日 星期六 【晴】

今朝十一點幾醒一醒打番馬會問佢有冇批到假，不過以我０既狀態就算佢話唔批我都唔會番嫁喇。之後再訓到點幾先起身。唔知點解呢兩日都失去左預測賽果０既能力，一望住份波經個腦就一片空白，所以今個周末都冇投注．．．我唔可以失去呢份豪情壯志嫁！！！！！

之後食左個包，好耐都冇食個呢０的咁王道０既包，咁先至算係包麻，平時０個０的邊係人食。食完之後覺得有０的悶，諗住踢波又冇人和應，約人出旺角又推三推四，最後火火地自己出旺角買０野然後番ｈａｌｌ。係升降機到又見到小學時暗戀對象，佢拎條ｌｅｖｉｓ去過，我原本諗住好型咁同佢講有個同學有七折，但係點不知佢話佢阿哥係倉幫佢買半價．．．．好撚淤．．．．．．．．之後行到去火車站先知漏左隻錶係屋企，又番番轉頭，冇左隻錶總係周身唔自在。

跟住順利出到旺角，我去左食我兩樣至愛美食，分別係蕩氣回腸酥炸大腸同埋情意綿綿煙肉腸，原來我係咁鐘意食腸。今日旺角之旅肩負住一個重要機密使命。我周圍係咁行，嘜ｑ都摸吓睇吓，行到腳板條肌肉都痛痛地，但係又唔知係咩肌，番去搵吓書先。之後行行吓買左對白色ｃｏｎｓ，成條街都冇晒男仔碼，不過最後都俾我搵到，但係佢好撚仆街咁調高售價，原本＄１９９，而家就＄２３９，頂佢個肺。之後又買左支洗面膏、面膜同埋ｘｘｘｘ。行到累累地見到麥花臣有人鬥波，於是就同０的阿叔一齊坐係到睇，好廢、真係好廢．．．．．．．

之後搭火車去左又一城，諗住去買ｘｘｘｘ，點不知都係買唔到，最後去左間超級市場買奶，上個禮拜都仲係百佳，但係今日就變左做間唔知咩野，不過０的裝修冇咩分別，百佳點會執笠呀！？！

跟住拎住頗多野番ｈａｌｌ，番到去都成九點幾十點，之後食左個面就打機，然後同阿釗落左去跑步，跟住舉左陣啞鈐就去沖涼，然後睇左半場阿仙奴ｖｓ利物浦，阿仙奴真係好撚戇尻，９２分鐘先俾人入波，正一傻西！！！

>>November 28, 2004 at 7:25:57 PM GMT+8

2004 年 11 月 26 日 星期五 【微冷】

琴晚訓訓吓教痾夜尿，其實都唔算係夜尿，天都差唔多光，但係訓到蒙吓蒙吓，褲都未除晒就係到痾，結果攪到濕晒，燥晒．．．連拖鞋都濕撚埋，於是就係到洗拖鞋，然後浪左出窗．．之後再訓．．．

訓到今朝十一點鐘左右，阿ｍａｙ又打離問番去未．．．於是我就十二點起身沖涼換衫番屋企。之後諗住出發，但係對襪仲未乾，唯有痴呆地拎住個風筒吹對襪，琴晚對拖鞋仲未乾，好彩番屋企０者～跟住就同阿沛一齊行去地鐵站。

係火車到聽ＭＰ３，ＮＯ　ＭＵＳＩＣ　ＮＯ　ＬＩＦＥ！！之後心血來潮想去剪髮同埋染一染個頭，就打俾ＭＡＮＤＹ。番到上水後就買左碗牛腩河食。番到屋企黑炭好似發顛咁，飛離飛去，不停狂奔，好似食左ＦＩＮＧ頭咁。

三點左右，同阿ＭＡＹ、烈火一齊去嶺南同阿賢影畢業相。阿ＭＡＹ迫我賣部電話俾佢然後叫我自己買部Ｓ７００ｉ．．．．仲俾佢知道左我有＄１５００獎學金．．．不過我睬佢都有味！

去到嶺南，我覺得好有大自然氣色，傳說話係仿唐現代化建築，真係名不虛傳，有好多好靚０既花園，有山有水．．．．．相比之下，咱們個校園好似有０的遜色。之後係到影相，行行吓見到蕭ｓｉｒ，跟住傾左幾句，佢原來係到讀緊書。之後阿ｍａｙ以為佢係我同學，笑死吾～
跟住行左去ｈａｌｌ，嘩．．．人地個ｈａｌｌ四周環境真係好靚，一大片綠油油０既草地，仲要背住個山，真係好大自然．．．相反我就對住個死人中醫藥大樓．．．．日日受盡飄過離０既苦茶味所煎熬．．．．

影完之後番上水，係巴士不知不覺又失去左知覺。跟住六點幾去左剪頭髮，今次後面有少少變化，但係我唔夠長，達唔到我想０既效果，不過都ｏｋ０既。間０野有條新仔離左，條仆街傻嫁！！洗頭０個時係到冇啦啦「呠．．．．．」．．．．我都懷疑緊係咪佢放屁，跟住佢自己係到講話肚痾，所以忍唔住，痴撚線嫁，如果我唔係相熟真係著火呀，邊有人洗洗０下頭放屁嫁．．．之後上左去ｍａｎｄｙ屋企染頭髮，原本諗住染紅色加金色ｈｉｇｈ－ｌｉｇｈｔ，不過最後都係得紅色，都ｏｋ型０既後面睇。

九點幾一去左周中、福、威嫂、威妹、ｍａｎｄｙ打邊爐，係金香等位，好撚多人痴撚線嫁，諗住離開之際，高妹打離，跟住我係咁易話好多人冇位諗住走，佢就一句：「早講啦，轉頭打俾你！」，之後再打離叫我上去搵阿儀就有位．．．．．．．原來係佢家姐．．．．冇計．．．都係朋～～友俾面０者～～～～吹咩～！～飲左兩杯酒就醉醉地，然後係到傾楚漢驕雄，真係開心，所謂酒逢知己千杯少，話不投機半句多～難得大家都日日追，仲咁有見地。之後食到尾段，我係到整金姑牛肉卷，話說百人一朱諗住叫我聖誕節番去幫幾日手，我都冇所謂０既如果得閒，不過咁耐冇做，好驚生疏晒幫唔到。之後阿福將０的羊肉釀入舊生根到再滾，結果兩樣新穎菜飾都係食唔到．．．因為都整唔熟．．．．．．．

之後飲飽食醉就番屋企，聽日唔洗番工，因為請左假，ｙｅａｈ！～跟住夜晚同前前度女朋友仔傾左一陣電話，ｓｅｎｄ左ｈａｌｌ０的相俾佢睇，跟住佢係咁係到咩雨衣熊，我Ｒ晒頭，咩雨衣熊？？？？？？？？？？？？原來係我講隻大ＢＥＡＲ　ＢＥＡＲ，想當年我坤佢話呢隻叫雨衣熊，係日本好出名好ＨＩＴ好潮好流行，我一心只係講笑，我估唔到佢信到而家，嘩哈哈！！！！！！！雨衣熊！！！！！

之後筠筠好好人咁係咁幫我改日記版個阿嬌，又要將將相放上網跟住又整好多０野先改到，我仲係咁叫佢ＴＲＹ吓呢張０個張，實在太麻煩人家了，真係無言感激～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

世上沒有王子，只有仆街和扮王子的仆街。

>>November 27, 2004 at 6:51:00 PM GMT+8