2004 年 12 月 15 日 星期三 【微冷】

琴晚四點幾先訓，今朝成點幾鐘先起身，係入ｈａｌｌ以來最遲起床０既一日。起左身之後係到迷０下迷０下咁，之後係張床到吹牧童笛，吹左十幾分鐘之後就落左去食台灣０野。

食完之後番左上房，跟住就去左九龍仔踢波，踢到六點鐘左右就番左去沖涼。跟住同小穗傾電話．．．．．唉．．．．．串左佢兩句，可能真係過火左．．．．攪到佢喊．．．跟住ｃｕｔ我線，唉．．．我冇心嫁．．．唔好嬲啦．．．．

之後出左去旺角，同沛仔去買ＤＣ，起初諗住買水貨，但係０的水貨舖好撚西，話就話＄２４ＸＸ，但係又要人買埋ＭＢ　ＣＡＲＤ，又要買保護貼，跟住火火地索性去百老匯買冇咁嬲，順便支持一０下阿嬌～最後買左部ＣＡＳＩＯ　Ｚ５５，送左四仔小飛俠杯，不過俾阿沛偷左一隻，都ＯＫ靚，之後有隻腳架，好型～！～！～終於可以用到信用卡，ＹＥＡＨ！！！！！

跟住食完飯番左去，沖完涼我輕輕力咁吱一吱粒瘤狀暗瘡，跟住再用少少力．．．．有劈０野咇左出離，跟住我再用力，咇左０的血，我諗呢０的係毒素，粒瘤即時好似謝左！

玩左陣相機又打機，今日打到五點幾．．．痴撚線嫁．．．．．會死嫁．．．

Ｐ．Ｓ．（對唔住呀，我堅冇惡意嫁．．．．．．．．．．．如果連你都嬲我，我就三個月激嬲左三個女仔，平均一個月一個嫁喇．．．．．．）

>>December 16, 2004 at 9:44:04 PM GMT+8

2004 年 12 月 14 日 星期二 【微冷】

琴晚０個一醉真係非少，剝光豬咁訓都覺得熱，成舊肉彈咁係張床上。但係今朝十點就起左身，每次飲完酒都訓唔得耐，一起身個頭好痛，加上０的腸胃都好唔舒服，原本有番杯回魂酒就冇問題，但係奈何雪櫃冇啤酒。於是沖左個熱水涼，但係都係成身唔自在。０的屎完全痾唔到出離，可能同０的酒精起左化學作用，感覺好差！

之後起左身玩左一陣遊戲機，洗完衫就同海哥、小奇、阿恆食拉面，食完之後番去又痾，不過都係痾爛屎。右邊太陽穴個位生左粒暗瘡，唔係一叟０既暗瘡，佢係一粒瘤咁，冇得吱，好恐怖，都幾大咪，好似０的粉瘤咁，驚驚．．．．．．食完掠好０的衫之後頂唔住，再訓教，訓到四點幾起身番工。呢次再起身精神左０的。

今日冇著襪，因為０的襪洗晒，攪到隻腳爭好痛。番到馬會同馮恒坐，唔知係咪因為訓醒再加上有人陪，今日都唔係好辛苦。我終於明白點解詩絲係咁叫我Ｒｏｎａｌｄ，因為我一直都以為佢講緊件車路士，原來佢係話我件朗拿度ｔ－ｓｈｉｒｔ，ｒｏｎａｌｄｏ～朗拿度都唔識，女仔同男仔的確係有０的差別。

食飯０既時候，有人係後面叫：「黃志騰」，我以為係邊個啦．．．．．點知原來係阿ｍａｙ．．．唉．．．唔開心呀，好淤皮呀俾阿媽見到．．．仲要坐正後面．．．．放工之後就番宿舍，行行０下又有人叫：「ｍａｙ仔～」．．．．原來係ｍａｙ０的同事．．．．．．ｓｈｉｔ！！！嘜ｑ　ｍａｙ仔呀，本王叫Ｔｅｒｅｎｃｅ！

番到九龍塘見到子信同信媽，車埋我地番宿舍，慳番＄３．３。番到宿舍又砌面。之後展開我地今晚０既活動。每人控制３隊打淘汰賽，起初我輸剩一隊．．．．最後俾我一關一關咁過，打入決賽，以ＡＣ米蘭大戰阿沛０既國際米蘭，我仲專登番房著埋件舒夫真高先打．．．．呢場賽事真係好刺激，個心差０的飛左出離，開波一分鐘同最後８９分鐘都俾人入波，天可太忍！！！？？？最後３－３打加時．．．．．嘩．．．．諗尾幾個機會可以追和，但係．．．天亡我也．．．個心ＵＰ到呢真係．．．．嘩．．．真係好唔開心．．．．唉．．．．．．．
咁樣玩一玩就四點鐘，不過都唔覺得眼訓。

放浪形駭的第一天就咁結束。

>>December 15, 2004 at 8:22:23 PM GMT+8

2004 年 12 月 13 日 星期一 【微冷】

今日係最後一日０既考試，懷著浪蕩０既心情走左考試。事實上琴晚我地剩係溫左４題，根本上都冇咩溫過０野，不過天不太忍，佢真係出左０個４題，好在琴日肥賓話俾咱們知三年來都係出０個０的．．．．．真係好，呢份卷都應該會係我考得最好０既一份嫁喇。

考完之後就番左去宿舍開班會，傾左個幾鐘之後就去左飲茶。呢排唔知點解成日都覺得身體機能出現左問題，可能同夜訓有關，加上唔洗上堂，缺少左堂上０既睡眠時間。飲完茶之後就番左房打機，咁樣做先至係一個名主。之後打到買點許就來一個抱頭大睡，訓到六點幾就起身，訓得好安詳，醒０個０下係自動醒，係訓到唔想訓咁樣醒的～

之後又打機，打到八點鐘就出左去旺角食火鍋，行左去睇水貨相機，平好撚多呀，差唔多有一千蚊呀！！之後係百老匯拎左張數碼相機日曆，張０野係林嘉欣部機０既外型，於是就扮買左部相機同人影相，佢地真係信喎！！！！好撚好笑呀，不過最後都俾人識破左。

食完之後去左飲砌酒，阿洋唔見左個銀包，應該係俾小偷偷左，係咪個西撚強死老豆老母，有家姐細妹就俾人迷姦，有阿哥細佬就俾人踢入黑社會，佢自己就一世溝豬排，生女似欣宜，生仔似八兩金！！！算啦，做人留下餘地，應驗咁多算啦！！

飲酒飲到好ｗｉｎｇ，實在太高興，大學生就係要放浪形駭咁先夠盡興。不過個頭超暈，番到房好似醉酒漢咁剝晒衫褲，剩係著住條孖煙通就達落床訓．．．．．

>>December 15, 2004 at 3:41:03 AM GMT+8

2004 年 12 月 12 日 星期日 【晴】

今朝十點幾就起身，我決心對Ｉ．Ｔ．呢科作出最後掙扎。但係我都係溫完等於冇溫，都唔撚知講咩ＤＡＴＡＢＡＳＥ，真係睇到著晒火，之後同阿釗食杯面，辣到仆街！！！之後換衫去考Ｉ．Ｔ．行到去Ｒ５睇ＦＩＴＮＥＳＳ成績，第２３ＯＮＬＹ．．．．ＧＯＤ　ＤＡＭＮ　ＩＴ！！！

去到試場坐底好撚七凍，我都未試過做ＭＣ答錯係要扣分０既，都唔撚知咩規則離嫁。好多都唔識，不過我諗都勉勉強強有三成掛．．．唉．．．點解入左大學反而仲頹嫁，０的考試又無聊．．．真係唔知想點。三年後唔知出離同０的中七生有咩分別！！原本諗住剩係做ＳＵＲＥ０個０的，其他ＭＣ漏空，廢事俾人扣分，每題０．３，不過最後阿鈞又同我講話撞晒著數０的。今日我地個位勁鬼，可以勁傾，不過奈何都唔撚識．．．．

測完之後去左食食物，又係食Ａ餐，好撚憎０的仆街成日俾少少薯條，俾多０的都唔洗死啦粉腸！！！！食完之後去左還書，遲左三日都係唔洗罰錢，都唔知咩圖書館離嫁！！之後番左房打ＦＭ．．．．嘩．．．真係好唔開心囉，原來我隊祖記已立於不敗之地，連ＡＣ米蘭都砌底埋，點不知．．．．唉．．．．尼維特傷左．．要逗成八個月呀陰撚公公．．．．．．．．．
之後唔小心訓左個幾鐘．．．起身已經八點半

跟住去左同阿釗食食物，食左個滑蛋牛肉飯，都係百人一朱好食０的～之後碗面浢湯係凍０既！！！係凍嫁！！！我咪同個八婆講囉，點不知佢話：「係呀，冇晒嫁喇０的湯，唔好意思。」，跟住就收左工。我條氣勁係唔撚順啦，於是埋單時我同個應該係老闆咁上下０既人講，佢就好客氣咁賠罪，跟住送左兩罐汽水過我地～我緊係扮唔要啦，但係最後咁就緊係要啦，佢試０下唔俾！！！！

跟住番到上房就溫習，都係是是但但咁溫，因為我地已經有好方針，之後溫到點幾就舉啞鈴，好耐冇操呀，瘦晒喇陰公！～之後打ＷＩＮＮＩＮＧ，我為報上次之恥，變陣出擊，排出一個比較保守０既陣容，最後加時隊撚爆粱沛恆！！！嘿嘿！！！

之後夜晚睇功夫足球，呢套０野真係好好好好好好好好好好好好好好好好好好撚無聊，不過！！嬌拔真係好好好好好好好好好好好好好好好好好好好好好好好好好好好好正呀！！！！

>>December 13, 2004 at 7:03:55 PM GMT+8

2004 年 12 月 11 日 星期六 【颳風】

我諗琴晚一定係太過掛住阿嬌，睇歡樂滿東華又見到佢唱粵曲，唱得幾好衰鬼，阿ｓａ就差０的，不過佢扮男聲都情有可原。之後又聽佢０既新碟，首追女仔幾好聽，０的歌詞好鬼得意～
所謂日有所思，夜有所夢，琴晚發夢見到阿嬌，不過今朝起身已經唔記得左係咩，剩係知道醒０個一刻個口好似含住左粒糖咁．．．．呢排痾屎都係到睇本孫子兵法，不過只係紙上談兵，如果運用唔到都係冇撚用，就好似ＰＳＹＣＨＯＬ０的死人理論咁．．．．．．．．．．

昨晚四點幾先訓，今朝十點就起左身番工。呢排０既作息唔定時，導致我荷爾蒙失調，起身望住塊鏡都嚇左一跳，個樣好殘．．．．唔靚仔喇．．．．．．成個人都好似由彩色電視變左做黑白機咁。之後好撚眼訓咁兩袖清風出左去番工。整個人都感到好有問題，個喉嚨又乾，０的腸胃又唔知想點，連個口都好似臭臭地．．．唉．．．

番到馬會見到魚翅，好撚耐都冇見到佢條仆街，於是今日就有個伴一齊坐。我先醒起，點解平時唔約埋一齊番。一番到去就食食物，食完之後係ｃａｎｔｅｅｎ兜左一個圈搵一個女子，之前見過ｏｋ靚，不過都係搵唔到。之後就開工。今日有九場馬ｏｎｌｙ，原來有個人一齊坐時間係過得好易同埋冇咁難涯，今日真係輕鬆好多，起碼有個人傾０下計。坐係我地隔離０個條友仔行為異常，佢由第一場馬到尾場都冇離開過佢座位，唔洗痾尿唔洗飲水，痴撚線嫁！！！不過仲好，我地可以霸埋佢ｂｒｅａｋｅ０既時間，這麼一來，今日又唔洗咁辛苦～

今日番馬會終於認識到新朋友仔，叫做王詩絲，佢問我叫咩名，
我話：「黃志騰。」～哈哈！～好型！
點不知佢問我：「你唔係有英文名嫁咩？」，我就ｒ撚晒頭！
續問：「之前我件你件波衫印左個英文名嫁。」
續答：「０個件車路士離嫁！！林柏特離嫁喎？？！？」
續問：「０下，我唔識嫁．．．．我以為０的人印自己個名０既ｔｉｍ．．」

哈哈！！！！好白痴呀，邊有咁攪笑嫁！！！！！！！！！之後話俾魚翅聽一齊係到笑餐飽～
放工行到出去０既時候，見到馬場放煙花，好撚靚啊～！～！～即刻拎部Ｋ７００Ｉ影啦，真係好靚，不過咁樣放一放，五分鐘都冇我諗已經放左成百萬走．．．．．之後睇番段片．．．仆街．．．唔拍冇咁嬲．．．拍出離完全唔係０個回事．．．．．．我已經厭棄部電話喇，開頭覺得影相好靚，但係．．．勁極佢都只係一部電話咋！！！！！！！！！！！！！！！！！

之後就番左上水，首先去左上水廣場豐澤睇ＤＣ，我拎左部＄４６９０離睇，先發覺ｉｔ　ｉｓ　ｎｏｔ　ｍｙ　ｃｕｐ　ｏｆ　ｔｅａ！！太巨咪喇，無論人同ＤＣ我都要嬌～～小玲瓏嫁麻～～之後睇中左三部，一訓係林嘉欣，一部係ＣＡＳＩＯ　Ｚ５５，一部又係ＳＯＮＹ，三部都好嬌～～小，亦都有個２．５吋ＭＯＮ，真係好難選擇～之後又去左百老匯睇，好多阿嬌，不過０的單張唔知點解得阿ＳＡ＞．＜　

睇完之後去左同父母家姐、假姑姐姑丈、梁生梁太等人．．．．．．．．．．打邊爐．．．．
．．．痴線嫁．．．成日都打．．．雖然又係去行樂車，不過今日上左天台，好靚，又有燈飾，又大風，別有一番風味，不過０的０野等左好耐先到！！

琴晚冇聽蘇斯黑柴０既勸告，自己係到扮晒勁咁度波，結果咪輸到仆街囉，仲要唔妥半夜博多博，咁咪ＨＩＧＨ晒０野囉．．．唉．．．．小騰騰國際賭博股份有限公司琴晚急跌５０個百份點．．．剩番＄４６Ｘ．．．．唉．．．咁今日咪聽囉，佢老味，信佢又唔撚中０既，唔信就中晒！！！玩我呀而家！！！！！！又輸喇仆街！！！！！！！！

番到ＨＡＬＬ玩左一陣就係到溫Ｉ．Ｔ．，聽日要測，個個都唔撚識，抵死嫁！！！走堂麻！！賴勁喇！！！而家０的ＮＯＴＥＳ長到仆街，點溫呀？！講呀！！你講呀！！點溫呀！！

唉．．．．．．咁都要溫０既．．．死死地氣溫到兩點幾．．最後得出結論：

　　　　「吾生也有涯，而知也無涯，以有涯隨無涯，殆已；已而為知者，殆而已矣。」

>>December 12, 2004 at 8:03:26 PM GMT+8

2004 年 12 月 10 日 星期五 【微冷】

唔撚開心呀今日！！！！！！！！！！！！唔撚寫呀！！！！！！！！！！

>>December 11, 2004 at 8:05:58 PM GMT+8

2004 年 12 月 9 日 星期四 【颳風】

今朝十點半起身，跟住溫Ａ＆Ｐ，之後同肥華係上水食食物，然後番學。今朝起身痾爛屎，唔知係咪琴晚０的ＰＩＺＺＡ有事。番到學校三點半先考ＬＡＢ　ＴＥＳＴ，考完之後有０的都唔識，不過都應該冇咩大礙。之後知道左原來０個日係ＪＵＤＹ幫我摺衫執房，唔係阿ＭＡＹ。

考完之後等到五點半再考Ａ＆Ｐ　ＰＡＰＥＲ，做得唔錯，我０既小努力冇白費。測測０下後面有把聲好似鬼咁：「．．．唔．．．係咁．．．樣．．．．呀．．．」，唔知仲以為真係撞鬼，原來係阿鈞係後面睇我份卷，全靠佢幫我拎番唔少分數，跟住佢係到對我０的ＭＣ，哈哈！！不過我好多都識嫁！！！！

測完之後已經七點半，跟住番左ＨＡＬＬ安頓然後去左食食物，呢排成日食日本０野，今次又食左滑蛋豬扒飯。就離要去上海，諗住下星期考完試去買數碼相機，睇中左ＳＯＮＹ最新０個部，超正，不過要＄４６９０！！但係真係潮爆，完全係ＤＣ同ＶＩＥＷ　ＣＡＭ０既結晶。

跟住想溫書，但係溫唔到，之後睇功夫足球最後０個ＰＡＲＴ　ＯＮＬＹ，因為今集有嬌拔～阿嬌鬧人好得意呀，個角色好正，好得想ＭＥＡＴ佢塊面呀，如果佢咁鬧我就好喇～～～～～
唔知係咪一時間由解剖轉去心理一時ＬＯＡＤ唔到，成個人好似中左咒咁．．．．之後落左一樓散心，去左彈０下琴，然後同阿釗一齊見到肥賓，吹到兩點幾再溫書，唉．．．．算啦，君子病無能賢，不病人之不己知也．．．．．．．．．．．．．．

唉．．．呢排０的尿唔知點解冇以前咁純潔，但係都係飲咁多水，可能ＨＡＬＬ０的水機水唔夠煲０個０的好．．．．０的尿痾出離好似啤酒咁．．．有泡嫁．．．．．

>>December 10, 2004 at 7:29:08 PM GMT+8

2004 年 12 月 8 日 星期三 【颳風】

琴晚成五點先訓，諗尾睇左一陣歐聯。皇馬對羅馬閉門進行，冇球迷入場睇，攪到好似ｗｉｎｎｉｎｇ　ｔｒａｉｎｉｎｇ　ｍｏｄｅ咁，剩係聽到個波拍指聲，超過癮。今朝九點半起身，跟住沖涼，然後去左測英文。朝頭早超凍，不過好在我有潮爆古著棒球縷一件，超級保曖。英文比我想像中容易，可能係我英文勁啦～

測完之後去左食食物，食左個滑蛋牛肉飯，又令我諗番起０個三個月０既大廚生涯，諗番起都幾好玩～食完之後超級急屎，老黎還番琴日部開心樂園餐部遊戲機俾我，不過樁左我地每人十蚊贊助佢去跑唔知咩鬼愛心跑．．．．跟住一路痾屎一路打機一路聽無聲仿有聲，正！！！！
然後玩左一陣，過左對面房拎住支小喇叭影左張相，型到冇朋友！～！～！～

兩點幾又再次退兵上水，係火車到小睡左片刻，不過仲眼訓．．．番到上水就去左溫書，準備都算ｏｋ喇掛我諗，我都冇諗過唔合格了而家，都係之前冇溫０者，生物０者麻，有咩咁難，大撻地０野離０者！溫到六點幾就番左屋企。

今日溫書個ｍｏｏｄ冇琴日咁好，番到屋企都係懶懶閒。之後ｓｅｎｄ左個神經系統ｐｏｗｅｒｐｏｉｎｔ俾鈴鈴，然後用電話剖釋，聽完一次就明晒，跟住係咁易串埋０的字就攪掂，要背唔係問題，最慘係唔明咁背先死０者～強呀！～！

之後夜晚食ｐｉｚｚａ，好鬼飽。然後諗住訓幾個字．．．不過怪事又發生．．．九點幾訓一訓，但係我又動彈不得．．．今次有０的恐怖，我係ｆｅｅｌ到有人同我對抗，跟住我個腦好清楚咁係到諗緊０野，我諗緊係咪有鬼，跟住好似好似聽到有喘聲！不過唔知係咪我自己，之後我係個心到講粗口鬧，我就ｆｅｅｌ到鬆左一下再壓番！！我嘗試睜開對眼，我見到好蒙０下０野，唔知係真係張開左對眼定還是係個腦海影像，最後我用意志力好好好集中咁轉身先冇事，醒左之後仲係蒙下蒙下，要企起到ｆｉｎｇ兩０野先醒番．．．．不過我都係唔信有鬼０既，係生理現象，睇０下醫生先考完試．．．．但係．．．冇理由剩係係屋企先會咁．．．．
咁０岩０者．．．．．．．．．．．．．．．．．．．．．．．．．．．．．．．．．．．．

沖完涼之後溫書．．．溫溫０下阿ｍａｙ唔舒服，十二點幾落街同佢去北區醫院睇急疾，去到好撚多人，上水有冇咁多人病呀仆街！！跟住先醒起有２４小時診所，睇完之後冇咩大礙番屋企，不過新界地區果然低幾廿度，著左件戰衣都有幾分寒意呀．．．．．．．．．．．．．．

作為一個大學生，我冇理由咁唔理智走去同人講間屋有鬼嫁？．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

假如每天都能夠講一個笑話逗你發笑，我已經感到滿足，但你要的卻只是幸福。

>>December 9, 2004 at 5:56:19 PM GMT+8

2004 年 12 月 7 日 星期二 【微冷】

今朝九點幾就起身．．．因為我約左老黎去大埔研習ＰＳＹＣＨＯＬＯＧＹ。雖然我好眼訓，但係都堅持起身。我地係吉之島附近間Ｍ記詳談，係大庭廣眾做０的咁０既０野真係有點兒尷尬。之後買左個開心樂園餐因為有部遊戲機送，咁大個人第一次買，不過係被迫的。係兩個鐘０既講解過程，令我有點茅塞頓開０既感覺，聽黎卿家一席話，勝讀十年書～

點幾番到屋企，之前去左日本城買左一個兩層高０既架，一個九格盒仔同埋一塊坐顫，我要幫我間房攪攪新意思。痾左一篤屎，我發現原來早起身跟住有食正常早餐的話，三個鐘頭來會出現排泄現象，相反就唔會，我苦思左好耐都諗唔通箇中玄機。跟住黑炭冇啦啦嘔左堆黃色０既０野，雖然佢簡唔中都會嘔，據說貓咪係會有咁０既現象，不過都令人擔心。之後睇賽果，琴晚買條４串５．．．．簡直係失禮．．．．買４場４場都唔中．．．真係有損我０既威名．．．唔中唔緊要，但都唔好咁七呀．．．．唉．．．．

之後唔小心訓著左，起身就夠鐘番工。我係樓下街市買左盒叉鵝飯，一路拎到去馬會。五點半番到就迫人食飯，於是我就拎盒飯出離，嘿嘿，對面條友仔係到食合味道，我望到佢鬼鬼鼠鼠、古古惑惑咁望住我盒飯，嘿！今日得七場馬，加上又有充足休息，都唔算太難頂，加上有兩個新仔坐係隔離，唔識得去痾尿，俾我霸晒離痾！！

放工之後同老梁番ＨＡＬＬ，一入房門見到張床居然接好張被，跟住０的衫都接好晒放係台面，好明顯有人執過啦，０個日諗走前得阿ＭＡＹ同巨豬兩個女仔係到，一定唔係豬啦！跟住去砌面，然後拎晒０的架生出離執到張書台超整齊，過多兩日番屋企張成隊法拉利車隊運過離，放係屋企到封晒塵，簡直係浪費！！

食完面去左沖涼，一路沖涼一路同阿釗講是非，然後就溫習．．．．原來只要有心，係邊到都溫到０既，溫到四點鐘就訓教，我一定唔會ＲＥＴＡＫＥ嫁喇，仲要ＧＰＡ過三！！！

>>December 8, 2004 at 8:30:15 PM GMT+8

2004 年 12 月 6 日 星期一 【微冷】

昨晚零晨，我在夜深人靜的宿舍房間．．．獨個兒坐在那倚著窗邊的書桌前。微弱的光線不禁令我增添幾分睡意。但我仍然默默地對著那份無情的ＮＯＴＥＳ，我恨不得將它撕個稀巴爛，然而，現實是不容許我這麼做的。那一刻我在想，如果多啦Ａ夢突然從擺放ＰＳ２的抽屜裡跳出來，我不會用他的時光機去偷睇試卷。我會從他的法寶袋裡拿出記憶面包，因為剛好有點兒肚子餓，一舉兩得。

今朝八點半起身，跟住就沖涼，天氣好冷，我就咁著左件短袖加風縷，很瀟洒。雖然今日兩份卷都係重要性不高，但係都有少許擔憂，話晒都係第一次０既ＰＡＰＥＲ　ＥＸＡＭ。第一份就係考ＳＷＩＭＭＩＮＧ，其實真係冇想像中咁難，不過可能係琴晚有睇過０下，我係覺得做得唔錯，最衰佔咁少分啦！我都唔明做咩要ＳＥＴ個半鐘咁耐，個個唔洗一個鐘就做完走人。跟住去左食個早餐，我解釋左＜垓下歌＞俾大家聽，記埋今次，已經有好幾個不同系０既同學仔問過我有關０既史料，咪當我流至得呀！雖然我唔識得排泄系統、呼吸系統０個０的死人蕃邦０野，但係我滿腹經論、滿肚墨水，死未！

然後番房玩左一陣，我同肥華係到度波。人地話三個女人一個墟，今日有４個，再加埋兩個八公，係到講是非，女人真係好恐怖呀．．．．之後諗走前係到話獎門人，「唔係阿麻，咁撚易～」，阿釗竟然唔識玩．．．．．．．．．．跟住又去考ＦＩＴＮＥＳＳ份ＰＡＰＥＲ，呢份有０的鬼祟，後面唔識做，不過前ＰＡＲＴ應該冇咩問題．．．測完之後又食飯．．．．跟住打ＷＩＮＮＩＮＧ，排錯陣，結果俾人怒炒０－５．．．．．．．ＦＵＣＫ．．．．．．．

之後同肥華一齊番上水。日頭出左太陽又鬼咁撚死熱，呢０的天氣真係好仆街。番到上水我去左久違了的圖書館自修室，感覺依然，依然係咁撚噪．．．．．．．．．．今日仲要個走火鐘壞撚左，係撚咁係到響，但係０的人都可以繼續溫書。於是我就毅然拎出本巨咪到好似黃頁０既Ａ＆Ｐ書．．．真係痴撚線，係九龍塘咩都番上水，我個ＳＨＯＵＬＤＥＲ　ＪＯＩＮＴ　幾乎甩出離。坐我隔離條友係昔日同一間學校隔離班０既同學，不過我連佢叫咩名都唔知，但係都有傾兩句：
「喂，聽講你入左大學喎，讀ＢＩＯ呀而家？」
「我讀．．．．．．ＰＥ．．．．．．」

但係我好天真，我以為單憑一己之力就可以征服呢一科．．．．正當寡人懊惱之際，背部突然受到掌力襲擊，從力度分析絕對去唔到敵軍個ＬＥＶＥＬ，原來見到故人．．．

就係呢一刻，我先記得原來我有朋友的，於是就拎撚晒０的０野出門口問。所謂一理通百理明，經過我不恥下問之後，Ａ＆Ｐ呢科經已露出三線曙光．．．正當我滿心歡喜之際．．．我先發覺原來ＰＳＣＨＯＬ我都係一竅不通．．．．ＢＵＬＬ．．．ＳＨＩＴ．．．

跟住落左去買個豬柳漢堡食，行行下見到條友仔見衫咁Ｑ熟口面，同我身上件東昇風縷一撚模樣，跟住啤多兩啤原來係滔滔，冇計，朋友多，隨處都撞到～

一路食個包悶悶地就諗到０野玩，按１３３打俾嘉雯，跟住扮聲話係佢以前男朋友，哈哈！！！！！！把聲變到勁怪，同平時完全唔同！～～之後又溫書，溫到差唔多十點走人。新界地區果然係勁０的，氣溫都低過人，難過新界人都係好打０的！番到屋企食完飯就做掌上壓，今次做左ＴＯＴＡＬ　１１０下，仲要快左好多，ＰＥＣＴＯＲＡＬＩＳ　ＭＡＪＯＲＳ同ＴＲＩＣＥＰＳ都超巨大，真係好迷人～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

世上最厲害的傷人武器不是坦克車、原子彈、核彈．．．而是「感情」。任你力能舉鼎、刀槍不入、無堅不摧，一旦受到「感情」攻擊，誰也招架不住。俗語說：「男兒有淚不輕彈，只因未到傷心處」。我想，每個男人一生之中至少也會為一個女人而流下眼淚，這樣的男人才是最感性的。

>>December 7, 2004 at 5:22:20 PM GMT+8