2005 年 1 月 4 日 星期二 【微冷】

今朝十一點幾又咳醒左，咳到個人係彈起身，跟住又要去吐啖，就係好辛苦，越離越似個阿伯喇．．．．起身０個刻望過隔離床已經唔見左阿釗，由於太累我都冇理繼續訓教．．．一訓就訓到四點半．．．．．ＯＨ　ＭＹ　ＧＯＤ．．．四點半呀！！ＩＴ’Ｓ　Ａ　ＮＥＷ　ＲＥＣＯＲＤ！！！起身之後就極速沖涼換衫，因為要去番工。

番到去又即刻食飯，不過今次好開心，因為好肚餓。今日又同魚翅一齊坐，再加上我又訓到成四點半，所以今日都唔太辛苦，印象中好似冇恰到眼訓．．．今日又有個新仔坐係我地隔離，又係唔識得痾尿，於是我地就侵蝕佢０既時間，嘿嘿嘿嘿．．．．．．．

放工之後去左九龍城食食物，行左一陣最後去左間唔知嘜Ｑ泰國食物，０的串燒真係好好味道～！～個汁好正呀！！食完之後就行去篤波，係對面耿路見到ＥＬＬＡ行路．．．九龍城＄１００三個鐘，我地就一點篤到四點．．．．．跟住又上左大王間房玩，琴晚剩左０少少酒，飲完之後好唔夠喉，於是五點左右就同ＥＬＬＡ落左九龍城買．．．．跟住又係到放浪形駭到八點鐘．．．．ＯＨ　ＭＹ　ＧＯＤ＞．＜．．．．．．．．．

原來咁遲起身，０的時間係會過得咁快嫁～

>>January 6, 2005 at 9:53:35 AM GMT+8

2005 年 1 月 3 日 星期一 【微冷】

今日訓到十二點幾，又係咳醒，跟住就去吐啖，吐左出離舒服好多，唔知點解朝朝都係咁樣咳醒左．．．．之後再訓，跟住就俾阿ｍａｙ電話噪醒左，不過都好０既，佢問我食唔食０野。於是就食左碗牛腩河。ＭＡＹ用信用卡換左部ＭＰ３機番離，跟住係咁迫我幫佢入歌，學人聽流行歌，都一把年紀啦，仲係到聽小城大事、愛與誠．．．．之後就開始執０野番宿舍，由於之前去左上海，全部０野都係屋企，震西個大袋又拎左番ＨＡＬＬ，所以就要用個大膠袋。

我將阿寶放左係個大膠袋到，不過佢好大咪，突左個頭出離。諗走時問阿ＭＡＹ拎錢，誰不知佢係到舊話重提，要我送條鍊俾佢，我死都唔肯啦緊係，就俾佢話冇良心。最後佢好狗咁俾＄３００我，扣左我＄２００自己去買．．．．嘩．．．０個種感覺真係好似俾人用刀指住咁．．．．唉．．．算！！好彩之前０的人仔冇俾番佢，我都預左有此一著嫁喇，等我換番港紙都有百幾蚊。

跟住番ＨＡＬＬ，途人都望住又梅又爛０既枕頭，不過我一０的都冇覺得尷尬，仲一路行一路偷偷地聞０下，吹咩～～番到九龍塘，我已經唔再搭２５Ｍ架仆街車，我唔會再俾佢呃我０的錢嫁喇，我決定要行路，都唔係差好耐０者！

番到ＨＡＬＬ安頓左０的０野之後九點左右同大王、ＥＬＬＡ、阿釗等出左去旺角會合同學仔去食食物，去左食全日食，其實０的０野都唔係太好食，不過任食算係咁嫁喇。食完之後走左去篤波，篤完波買左０的酒番去ＨＡＬＬ飲。

係大王間房到熄晒爐，拉左兩舊０野出離，跟住係盤水上面點左三舊蠟燭，好靚呀真係，跟住傾計傾到成七點先訓．．．．．

>>January 6, 2005 at 9:44:30 AM GMT+8

2005 年 1 月 2 日 星期日 【乍雨乍晴】

琴晚訓訓０下教ｆｅｅｌ到有０野係張被到行．．．．原來係黑炭豬豬．．．跟住訓左係我隻腳隔離，佢凍喇真係，佢從來都未試過咁樣嫁！呢兩朝起身都有兩個同樣０既跡象，分別係好凍，凍到要縮埋，另一樣就係好急尿，亦都係急到宿埋一舊。於是就起身痾尿，但係可能太急，痾極都痾唔完，痾０下又停０下咁，痾到好抆！！最後決定痾到咁上下唔痾再訓多陣。

訓到一點幾就起身，屋企冇晒人，好冷靜。跟住就冇所事事咁上左網，但係冇人ｏｎｌｉｎｅ。之後打左陣機就決定換衫出去，由於我冇預計過會係家鄉住咁多日，所以我連續幾日都係著住同一套衫，但係覺得好型。跟住我就一條友落左樓下食食物，然後就去左剪頭髮。上次個變態放屁仔已經俾人炒左，今次呢個幫我洗頭０既女仔好勁，係香港離講，我從來來試過洗頭可以洗咁耐嫁，真係洗左好耐，我諗都差唔多半個鐘喇，跟住就開始剪頭髮，今次又剪番短兩邊，同埋髮尾都短左，唔想咁鬼長。

剪完之後就番左屋企，五點幾係到打ｗｉｎｎｉｎｇ，近來成日講打ｗｉｎｎｉｎｇ都講左做打ｗｉｎｎｉｅ，哈～開左個ｍａｓｔｅｒ　ｌｅａｇｕｅ玩，唔知點解好想玩ｉｃｑ，好想同人ｃｈａｔ，但係又冇人ｓｈｏｗ我．．．頂．．．之後打０下ｗｉｎｎｉｎｇ，又走入房睇０下有冇人ｈｉ我，哎呀～～好無聊呀真係！！然後維持到七點幾八點我的爸爸媽媽番左離就終止，全力入房撩人ｃｈａｔ。

跟住食飯，好肚餓呀陰公，今日都好似冇咩食過０野咁，０的紅米食落其實同普通米差唔多０者都。食完之後又坐係電腦前呆滯。我發覺每日０既夜晚八至十一點呢段時間係最難過，只要一去到半夜一點，０的時間就會好似箭咁飛逝。

我一路係到ｋｉｎｄ到十點，然後落左樓下同盧翔吹水，食左幾支煙，攪到喉嚨又唔係咁舒服，真係自作自受。阿ｍａｙ又話要去買１８ｋ金頸鍊，又叫我問人可以平幾多．．．０的女人就係咁麻煩。好耐都冇試過做童黨落街傾計，不過今日得知一覺令人驚訝的消息．．．世界真係好細好細．．．六福珠寶入面個師傅原來就係成日同佢老婆離打麻雀０個個男人．．．．唔怪得阿ｍａｙ識得．．．最恐怖０既就係成間六福０的人成日上大陸滾．．．．．我好彩冇去咋，如果去左大家見到面，嘩，一定好尷尬呀！！！！如果俾佢老婆知道佢上去滾，嘿嘿嘿，不過有邊個男人唔好色，最重要係識得番屋企．．．．．

番到屋企沖涼，今次冇玩海嘯，沖完之後又玩ｉｃｑ，玩玩０下０的人好似有夾定咁，個個都係到話：「唔ｔａｌｋ喇，ｖｅｒｙ眼訓，ｃｕ～」．．．．．．頂．．．．一個又一個咁走晒．．．Ｃａｒｍｅｎ聽日去交流團，唔知點解總覺得佢０個個會一０的都唔好玩～～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果拍拖０既時候，唔洗送女仔番屋企就好ｌｕ～
如果拍拖０既時候，唔洗成日傾電話就好ｌｕ～
如果拍拖０既時候，唔洗照顧女仔就好ｌｕ～
如果拍拖０既時候，唔洗被迫報到就好ｌｕ～
如果拍拖０既時候，唔洗嚴禁打ｗｉｎｎｉｎｇ就好ｌｕ～

如果咁多仲叫做拍指，咁就好ｌｕ～～～～～～～～～～嘩哈哈～～～～～～～～～

>>January 3, 2005 at 6:28:58 PM GMT+8

2005 年 1 月 1 日 星期六 【乍雨乍晴】

琴晚三點幾訓教，跟住訓到今朝唔知幾多點鐘，係半睡半醒０既情況地下從假姑姐手中接左＄５００，幫佢買兩條ｉｃｅ手鍊。然後ｆｅｅｌ到腳邊有舊０野訓左係到．．．原來係黑炭豬豬，佢呢幾日都凍嫁喇，但係又唔肯著衫，又唔俾人抱。當我十二點幾有知覺０既時候，先ｆｅｅｌ到原來真係有張＄５００，唔係發夢。跟住走左去痾屎，唔知係咪經過左幾日０既上海生活，每朝都食豐富早餐，０的屎都健康左好多好多。

起左身之後冇０野做，但係又唔想出街，因為個人都仲係呆若木雞。一起身就咳左兩舊濃啖，又黃又結，超級核突，俾＄１００唔知有冇人願意吞左去。咳完之後喉嚨舒服好多，不過個鼻始終係塞，加上有０的啖成日整到個喉嚨好唔舒服。之後食左個叉燒包，然後係到打ｗｉｎｎｉｎｇ。家姐又冇出街，如果間屋得番我一個人我會開心０的，個感覺私人好多。

跟住煮左０的水餃來食，然後就睇電視直播省廣杯，香港竟然贏２－０，都算有０的意外！呢幾日病ｑ左，忽然好想撤嬌，但係冇理由向老母撤嬌，唔俾佢鬧都嚇死佢啦．．．如果有間店舖可以出租女朋友就好喇，食左藥個人都好痴呆，好想將個頭係咁係人地個膊頭到轉來轉去然後訓教。唔知係咪病左特別想人關心，哎呀．．．呢０的係小學生先做０既０野離嫁，阿騰．．．

睇完波之後都成五點鐘，跟住就訓教，但係唔知咩事係咁俾電話轟炸，次次發到０的夢０既時候都俾電話噪醒左。訓到七點鐘起身洗左個頭就出左去食食物。首先去左六福俾錢，然後再過ｉｃｅ拎貨，江敏婷而家都去埋ｉｃｅ到做，不過都係低調０的好，成日咁樣買０野始終唔係咁好的。然後行左去海港食食物，呢兩日都食左好豐富０既晚餐，今晚有上湯龍蝦食，好味～雖然病左，但係依然係好有胃口。不過唔知係咪唔乾淨定還是我敏感，突然肚痾，痾左０的爛屎出離．．．．之後食左個椰皇燉雪烚，好味道～

然後番屋企，跟住就係到玩電腦。今晚同學仔出左去飲０野，原本我都想去的，不過大病未好，加上又咁夜先出，要番ｈａｌｌ訓，但係我又拎左阿寶番屋企，所以都係決定唔出，留番０的錢好過喇．．．之後一路好悶咁坐係電腦前玩ｉｃｑ同埋睇番之前０的新聞。到十二點幾去沖涼，我將０的沐浴露、洗頭水、洗面膏、護髮素一支支咁棟晒係地下，然後將一大盤水淋落去．．．．．全部訓低晒．．．．我諗海嘯大概係咁樣嫁喇．．．．．．．好恐怖．．．．
．．．．．．．．．．．我一沖沖左成個鐘，因為０的水好熱好舒服．．．．．．．．．．．

水．．．令我感到舒適．．．但卻帶給他們災難．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

為什麼嬰兒一出生便哭過不停？因為他們知道做人很辛苦。

>>January 2, 2005 at 6:05:30 PM GMT+8

2004 年 12 月 31 日 星期五 【乍雨乍晴】

今朝訓到十點幾鬧鐘響起，但係我冇起到身番工，因為唔舒服，所以我就打左去請假。之後訓到十二點幾先起身。訓左好耐時間，條腰都赤赤痛。之後起左身就玩左陣電腦，打番之前去左旅行０的日記。然後就煮左個公仔面食。唔知點解，明明香港冇理由比上海更凍，但係我反而覺得好凍，可能係因為我地係上海著到成隻種咁，番到離就唔會，所以就錯覺好似好凍咁。

食完個面就沖左個熱水涼，食左枇杷膏。跟住執番少少０野番去宿舍，番到宿舍就ｕｐｌｏａｄ左０的相上網，然後就係到繼續打番０的日記。之後又用個背包裝番部ｐｓ２同埋阿寶番屋企，咁樣做０既話應該可以係上水訓到幾日的。今日成個人都唔係咁有精神，一臉病樣咁，出面又凍，對手好彊硬。當我番到自己宿舍，我就諗番起係上海華東師範大學０既宿舍。相比之下，不論環境同埋設備都好過佢地好多好多好多，我發覺自己原來自己真係好幸福，我仲好記得佢地宿舍間房個地下係幾咁ｄｉｒｔｙ．．．不過我唔需要用一個同情０既心去對待佢地，因為對佢地離講，已經係比當地好多人還要好．．．要反省０既其實係我自己。有時好多０野都係由上天安排，好醜命生成，如果我唔係生於香港，可能連打網上日記咁簡單０既０野都冇可能。雖然好老土，但係幸福真係唔係必然．．．

Ｒｅｇｉｎｅ今日番左心誠隔離間教會，識左張佩儀，呢個世界真係好好好好好好好好好細少，有時都唔係好明白，係人都知道耶穌係假嫁啦，我都唔明點解仲會有人信，如果呢個世界真係有神來判斷是非，咁就唔會有咁多悲劇。世界亦都唔會有咁多災難。雖然呢幾日去左上海，但係都對印尼海嘯略有所聞。生命就係一樣咁奇怪的東西，有人就算患上重病亦可以奇蹟生還，偏偏就有人無病無痛，甚至四肢健全咁去旅行，就係因為個「天」，導致失去生命，如果真係有神的話，希望佢好好咁解釋一下．．．．．．

番到上水七點幾，之後去左客家好棧食食物同假姑姐姑丈食飯。阿Ｍａｙ又係到扮勁，不過冇辦法啦，如果唔係佢迫我拎頂帽、虧佬褲周埋０的超厚０既襪去，可能我已經冇命番離。原來上海有日係零下七度呀陰公，不過其實都凍到就算七度同十度都分唔到嫁喇。之後又係到講我琴晚咁早訓教，話從來未見過我咁早訓教．．．．．．唉．．．俾佢威啦今次就．．．．．．
阿ｍａｙ幫我買左盒我至愛０既可瑞安巧克力蛋糕，都唔知邊到先有得買離食。

之後食完就番屋企，然後又打日記，跟住就叫ｅｌｌａ　ｓｅｎｄ番０的相離，最靚０個０的落雪相係晒佢張ｃａｒｄ到。然後就睇叱吒。叱吒永遠都係最好睇，但係又講唔出點解，可能係公平同埋名乎其實掛。好一首愛與誠，仲記得０岩０岩係ｃｏｏｌｍａｎｍｕｓｉｃ個未出碟歌０個到ｄｏｗｎｌｏａｄ離聽０既時候，有０的人聽左一兩次就係到話唔好聽。當時我已經感覺得到呢首歌非池中之物，果然不鳴則已，一鳴驚人，真係有０的感動。

今次呢個交流團真係好多感受，雖然只係去左小小０既個地方，但係我已經深深感受到世界之大。雖然同是中國人，但係文化都已經可以咁唔同，可想而知西方文化更加是南轅北轍。好一句「讀萬卷書不如行萬里路」，中國人其實好厲害，好多說話其實都係金石良言，只不過係我地聽得太多，都覺得老土了。雖然成日想去旅行，但係好諷刺地連香港０既旅遊點都未去晒，我真係好想上山頂，睇一睇夜景，係呢個剩餘０既ｓｅｍ　ｂｒｅａｋ一定要完成！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我不喜歡照顧妳，因為想妳照顧我。
我不喜歡遷就妳，因為想妳遷就我。
我不喜歡約會妳，因為想妳約會我。

．．．．．．．．．．．．．我不喜歡妳，因為想妳喜歡我．．．．．．．．．．．．．．．

>>January 1, 2005 at 7:22:07 PM GMT+8

2004 年 12 月 30 日 星期四 【乍雨乍晴】

今朝七點鐘就集合，係最後一天。朝早我地冇再去大學學太極，留番係賓館學。終於都學晒２４式。然後就食埋最後一餐早飯。跟住就背好行李上車。我０既身體已經去到極限，成個人都好滄桑，成面鬚根，又唔夠訓，又病，一個字：「殘」！

上到車八點半左右，跟住出發去參觀唔知咩科學館，但係架旅遊車唔聽話，不過都唔關佢事０既，因為天氣太凍喇，個油缸凝固左。於是我地係架車到玩，後面好多人都訓左教，我都訓左陣，但係之後同阿坤係到玩，用部相機影合體照，一人一半樣，合埋超級好笑，跟住俾０的內地人睇，哈哈！！！～然後又同ＥＬＬＡ影左張上下合體，超爆樣衰呀！！～哈哈！！！！！

跟住係架車到唔覺唔覺已經等左成個幾兩個鐘，架車行０下又停０下。最後我地全部男子落車推車，真係好難忘，咁大個仔都未試過推車，仲要係漫天雪地、離鄉別井０既情況～推到去一個地方之後就決定左落車，我地已經趕唔切去參觀，要立刻打的去機場。跟住去左痾尿，女子要＄０．５，男子痾尿唔洗錢，都唔明祖國點解咁有趣，如果我出生於祖國，痾屎都唔知痾左幾多錢．．．．

之後打的成功去左機場，然後班機ＤＥＬＡＹ左好耐，係個機場到又痾屎，真係好巧合，落機同上機都要痾屎。痾完之後等左一陣就上到機，係機到好頹，真係好頹，成個人都係一臉倦容，不過真係幾開心０既，再病０的都值得。下年如果我地攪，都唔知會唔會攪得咁好．．．話晒我地都冇一個人可以有１００統率力．．．．．

差唔多去到香港，係半空中電話就響，超驚囉低Ｂ，一定要熜電話嫁麻，如果唔係攪到墬機就唔好啦，全體學生離難．．．．．之後隻耳仔超超超超超超痛，搭過幾次都未試過咁痛，個機師都唔知點駕駛！！之後鍊住個鼻，用力噴氣，兩隻耳仔開始通番，耳鼻喉果然相通呀！！！

落左機之後就拎番行李，跟住就同阿沛去拎番佢把刀．．．對上０個次去完旅行又係離呢到拎番把刀．．．０的朋友唔知點解咁鐘意拎刀上機．．．．然後我就搭巴士番上水。香港原來都好凍，但係相比之下都仲有一段距離．．．．番到屋企我第一時間沖涼洗頭，然後食飯，雖然係元旦，但係我都唔出去了，佢地仲話去咩愛心十二跑．．．簡直係向死神挑戰．．．食完飯九點半我就訓教．．．我都唔知幾耐未試過咁早訓教了．．．．．．．．．．．．．

>>January 1, 2005 at 7:22:34 PM GMT+8

2004 年 12 月 29 日 星期三 【乍雨乍晴】

琴晚發燒，跟住浸左個超熱０既熱水浴然後訓，今朝起身就好番，不過只係冇發燒，把聲仍然係咁沙啞。跟住又集合，不過今朝冇耍太極了，我地食完飯去左東方綠舟。呢到係一個公園０既物體，不過好大好靚。今日真係落雪喇，好靚，０的雪真係白色一粒粒咁降落地上，好迷人。

跟住同０的大學生一齊玩野外定向，我最憎就係玩野外定向，不過冇辦法。我同ｅｌｌａ同埋
一個內定人一組，開頭又話唔跑唔跑，點不知一開波就係到奔馳。係漫天飛雪底下跑步，真係好浪漫，０的雪係咁落，個景又靚。跑到我都熱晒，真係想剝晒０的衫咁跑。之後跑左一段路，個內地人好好人咁叫我地唔洗跑，企係到等佢番離。作為一個大丈夫，我點可以咁樣衰要一個同自己年紀一樣０既人去跑，於是我就叫ＥＬＬＡ等，我陪佢跑。

玩完之後勁熱，我係零下唔知幾多度著住件ＢＥＬＡＮＯ底衫ＯＮＬＹ！！！！全身好似練功咁係到出煙，超正呀！！！之後我地係個有蓋０既劇場物體到食野餐。我覺得佢地對我地好好，次次都買左好多０野俾我地食，可能佢覺得我地係富庶社會長大，驚我地唔捱得．．．．
食完之後我地係個劇場到玩，有個圓形０既物體，咱們ＹＥＡＲ　１同ＹＥＡＲ２係到玩相撲，之後玩玩０下０的內地人係到睇，然後我地拉埋佢地出離玩，超級開心，中港學生得到真正０既融洽相處。

玩完之後我地去左玩ＴＲＵＳＴ　ＦＡＬＬＩＮＧ，係一個寒冬之下玩都幾特別，呢個時候開始識得點樣整雪球。雪已經越落越多，好靚。跟住去左隔離攀石，攀完０的手指係好似斷晒咁，從來未試過呢種感覺，真係好恐怖。然後同阿沛、ＥＬＬＡ互相取暖先有番少少知覺。跟住一望向隔離，嘩～～～～～～～～好靚呀，一片白茫茫０既雪景，全地都係雪，０的樹木都變晒白色，真係浪漫死人。跟住係咁影相，然後同ＹＥＡＲ２展開雪球大戰，跟住又係咁係雪圩碌來碌去，玩得好好好好好好好好開心，生存左廿年都係第一次見到雪，之前兩次去溫哥華都係夏天，估唔到今次可以見到。當地人話上海一年只係落一兩次雪，所以我地好幸運。

顛完一輪之後就番去，一路行一路係到整蠱人，係咁塞雪俾人食，好開心～之後行０下又影０下相，攪到有０的行先，有０的行後，但係行行０下見到棵樹寫住「阿騰必死」、「大王之墓」，哈哈！！！！！！！！超好笑呀見到０個刻，超級明顯呀～～～～～～

跟住就番左去食飯，食完之後就去左行襄陽唔知咩Ｑ，一提起襄陽我就諗起郭靖～不過好多０野都關左門，但係我地去左食食物，終於食到０的真正０既上海０野，有痴飯啦、熱豆漿、小籠包，酒釀丸子～呢０的先係上海０野嫁麻！～跟住十點半就集合諗住番去，但係就冇車，行左好耐係條街到，不過我地玩得好開心，係條街到大叫又大笑。但係其實我地冇車番去，好彩有個好主席，總係覺得佢好有安全感，好有領導能力，如果係三國志入面，佢０既統率力一定有１００～

最後我地係百樂門門口，即係許文強死０既地方搵到的士番去。番到去一陣之後又過左水城間房到，因為幾個內地大學生因為我地０既遲回攪到冇得番宿舍，於是我地就陪佢地係到傾計，傾到三點左右就走人，但係冇訓教，係我地間房同阿沛，阿釗，大王，阿坤，ＥＬＬＡ，競哥玩話劇遊戲，好無聊呀真係！！！完全係小新玩０個０的遊戲，跟住執埋０野成四點幾先訓，不過今日真係好好好好開心～～～

>>January 2, 2005 at 6:13:27 PM GMT+8

2004 年 12 月 28 日 星期二 【乍雨乍晴】

從來冇諗過會係一個咁樣０既情況底下學唱校歌．．．有樣０野成日都唔記得左睇，就係行痛，由唔知幾時開始我已經好痛，我諗係出智慧齒，但係斷斷績績都出左幾個月，都仲係痛痛地，唉．．．都唔知想點，但係呢幾日特別痛，攪到我食０野都要就住就住。琴日開始就好喉嚨痛，我已經知道自己將會生病．．．

今朝又係六點十五分起身，跟住又係ｌｏｂｂｙ集合，然後落去再學太極其他招數，ｔｏｔａｌ我地要學２４式。太極呢樣０野真係好奇妙，動作咁慢但係一０的都唔易，耍完之後膝頭有０的酸痛．．．跟住又去番食早飯，其實每朝食白粥對身體真係好有益。

食飽之後我地就去左華東師範大學一間會議室到同０的上海大學生展開正式０既交流。場面好嚴肅真係好似開緊研討會咁，有一張長桌，跟住中港學生坐晒係到，朱老師坐係主席位。跟住其他人就圍住佢地坐係側邊。識普通話０既同學仔就坐係張長桌前。傾左一０的關於我地系係大陸同係香港出路等問題，雖然我地係香港並唔算係有好好０既出路，但係我發覺有好０大既唔同。佢地個個都唔係自願讀，佢地連自己都好似睇唔起自己咁呢一點同我地真係好唔同，或者係環境０既問題，我地有能力去以興趣離選擇讀０的咩，但係佢地就大多數係為未來打算。所以對佢地離講讀呢科係冇前途，甚至係俾人睇少。其中有一個女學生好似好唔鐘意我地咁，不停咁話兩地文代唔同，跟本冇必要討論，其實佢講０既０野係有ｐｏｉｎｔ，不過佢０既態度唔好，有０的敵視我地。不過只係冰山一角。

開左大概個幾鐘會議，好多人都頂唔住想入睡，我望到震宇個頭係到釣０下釣０下，佢仲要坐係長桌到，真係好攪笑。之後開完會就去左食食物。我覺得我地呢幾日食０既０野都好好，侍次０的菜都係多到食唔晒。食完之後番左賓館一陣，跟住就番番去華東大學到準備咱們０既表演。我地唱校歌唱到好攪笑，Ｃｏｎｍａｎ係到扮指揮，其實就係到做口型俾我地睇歌詞，哈哈！！Ａｎｄｒｅｗ就係到吹口琴伴奏。

我地第三組表演，開頭有個肥仔係到唱歌，佢唱左ＢＥＹＯＮＤ０既歌，好好聽，個肥仔仲好型，我好鐘意佢件棒球衫～之後我地都算成功唱左首校歌，然後播左０的上堂片段俾佢地睇，之後就跳左隻狂歡，然後拉埋佢地上離跳，勉勉強強都算係表演完。之後佢地０的表演好厲害，有太極、有ＨＩＰ－ＨＯＰ、有武術，好強勁又好好睇。跟住有一ＰＡＲＴ係到棟篤笑，佢地０的人就笑到仆街，我地幾乎訓著．．．．．都唔知佢地講咩．．．．

睇完之後就番番去換衫，因為要同佢地來一場籃球賽。呢場比賽都頗精彩，阿鈞好強勁，但係０的球證好有大陸作風．又偏幫又唔計時，不過最後都贏左佢地，因為佢地輕敵，到最後先０出的勁人，不過我地都算勁嫁喇，咁少人之中搵５個同佢地打。

跟住去左食食物，我把聲今日真係完全沙晒，已經喉嚨痛，跟住仲要係咁大叫，我講０野都幾乎講唔到，勁係到走音，超辛苦呀！～食完飯之後就行番去房，食左兩粒藥。跟住打左俾阿ｍａｙ，因為佢ｓｅｎｄ左ｓｍｓ來，我都知佢打左幾次離，不過我次次都聽唔到，又唔識得用自己部電話打番去。呢幾日都收到ｒｅｇｉｎｅ０既ｓｍｓ，雖然成日都收到，不過係上海收到有一種溫暖０既感覺。

今日十一點幾就訓左，超累．．．．．

>>January 1, 2005 at 1:45:20 PM GMT+8

2004 年 12 月 27 日 星期一 【乍雨乍晴】

琴晚臨訓時唔小心們瀉左杯水，攪到張床濕左，不過都唔理照訓，原來係上海都收到ｓｍｓ，不過就唔知點ｓｅｎｄ，但係就算有都一定好貴啦。

今朝六點十五分就起身，超級眼訓，起左身之後緊係唔會沖涼啦，未凍過咩！？跟住著左件羽衣就係樓下集合。我要收番琴日講過０既０野．．．．原來上海好撚凍．．．好彩有帶條虧佬褲離著先保得住。跟住就去左華東師範大學入面一個花園耍太極。其實我都幾鐘意耍太極，因為都幾型，唔好意為咁慢動作好容易，耍完之後成身都暖晒，仲有微汗出現．．．

之後就去番琴日間０野先早飯，有白粥同埋一０的生煎包等０既物體，同我想像中０既痴飯豆漿又有０的唔同．．．０的包係凍嫁．．．不過我諗唔關間０野事，只不過係天氣太凍，攪到０的０野食擺一陣就凍晒。食完之後就搭車去參觀Ｆ－１賽車場，連痾屎０既機會都冇，不過唔知點解我又冇急到屎。之後搭左個幾鐘車就到達，由於呢到係唔開放俾人參觀，所以要警車帶領。入到見到條跑道都，加上落雪，不過其實都唔係真落雪，因為得好少，夾住０的雨。可惜冇得自己係條跑道飛馳，但係就可以每人＄５０坐係架車到等０的人載我地。跟住同個警察話可唔可以平０的，佢話：「如果係政府的話就可以，但係呢０的係私人機構」．．．．ＯＨ　ＭＹ　ＧＯＤ．．．．政府就可以？！！？！？！跟住坐左係車頭，不過個司機都唔咁狼，開得都唔快，剩係直路開得０個１６０ＫＭ。坐完之後去左城隍廟到行，係０個到自己食食物。

呢到亦都係旅遊景點，我唔鐘意去旅遊景點，０的０野通常都係坤人。雖然咱們食左小籠包，但係都唔好食，０的皮好厚。睇離要自己去一０的街邊食店先搵到我想要０既０野。食完之後就行左去搭地鐵，同香港都差唔多，不過佢有個牌係到計時，好準，一到零就會開門！出左地鐵就係著明０既上海灘，見到和平飯店，呢到０的建築好靚，三十年代特色，真係幾浪漫。然後行左過去黃浦江，望住對岸０眉夜景，雖然係迷人，但係相比於尖東海旁其實仲有一泉距離，難怪香港係東方之珠，只不過係我地睇慣左先覺得冇咩特別～

跟住就去左行條唔記得左係咩街，見到好多地方都有熱烘烘０既包賣，呢０的先係美食嫁麻，又平喎，＄１個，但係只得三種，就係豆沙包、蔬菜包周埋個生肉包。之後行左０的商場，俾０的上海姑娘調戲～行到九點半就搭的士去一處地方食飯。成條街都唔見有的士，最後分頭搵，０的的士全部入晒酒店，我地亦都入埋酒店到等，最後終於都去到食飯０既地方。今日真係好累，行左好多地方，食完飯慢慢行番去訓教。

番到房見到有幾個未接來電，但係又冇來電，應該係阿ＭＡＹ打離，但係我冇打番俾佢，因為都唔知點打。之後收到珊０既ＳＭＳ，佢好似有０的唔開心．．．於是我就用ＥＬＬＡ個電話打俾佢，但係冇人聽，番左個言俾佢話我係上海。跟住要去水城間房到教校歌，聽日要去華東師範大學０個到參加佢地咩新年匯演咁上下，我地要表演一樣０野．．．於是就是但唱首校歌，點不知個個都唔識歌詞．．．．

跟住番到房先發現唔見左肥州張６４ＭＢ　ＣＡＲＤ，唉．．．．冇得影相喇．．．又要買過張俾佢，唉．．．太唔開心喇實在．．．今日真係超級疲勞呀！～

>>January 1, 2005 at 9:25:00 AM GMT+8

2004 年 12 月 26 日 星期日 【微冷】

今朝八點幾就起左身，跟住就沖涼洗頭，因為唔可以再帶帽了，所以要ｓｅｔ頭。之後嘗試聽阿ｍａｙ講話著住件羽擁出去，唔洗攪到個袋咁大咪，但係一著上身成舊飯團咁，痴撚線，七到爆，我都係背個大包好過。跟住阿ｍａｙ就起左身，我就順勢問佢拎錢～之後佢冇人仔係身就同我落左去提款。

首先去左樓下５金舖買個轉插可以叉電，之後去左火車站隔離０個到提款，原來０個部中銀櫃員機可以拎人仔的。然後我就獨個兒走左去上水廣場下面等Ａ４３。自從猜做機場之後，都好少再搭呢架死人貴車。上車前先自拍一張照片。上到車好多人，晨早就咁多人去機場，不過都有位坐。４５分鐘後就去到機場。

跟住去左Ｍ記食早餐，巧合地撞見梁仔，一齊食完個早餐就去左集合，見到好多同學仔。跟住係到影相，但住影左幾張之後就話記憶體已滿．．．ＳＨＩＴ．．．於是唯有ＤＥＬＥＴＥ之前０個０的相，好彩已經ＵＰＬＯＡＤ左上網。然後係機場輾轉左一陣，終於可以入閘，阿邊個邊個身藏萬用刀，俾海關扣留兼沒收．．．傻仔啊！～！～

最後都成功登機，不過ＤＥＬＡＹ左２０分鐘。當空姐派飛機餐時，佢地剩係用普通話，問要魚肉等雞肉，但係我聽錯左有牛肉．．．之後佢問我飲咩我就指住盒０野話橙汁，但原來係菠蘿汁．好樣丙呀．．．．當我食完一份再叫佢俾多份我食，唔洗錢麻～～

兩個多小時轉眼就過，飛機著陸成功，全機乘客安全。出到去機場，可能係有暖氣０既關係，所以都唔覺得太凍。跟住落左機拎完行李第一時間去左痾屎．．．痾完之後就著番件羽衣，帶左阿ＭＡＹ俾頂冷毛，佢頂帽成個頭笠住晒，剩係見到對眼，勁似去滑雪。

出左機場，都唔係好Ｑ凍０者，雖然係凍，但係都唔係想像中咁厲害，羽亡係無敵０既～然後坐左個幾鐘車去到華東師範大學隔離一間賓館，俾我想像中好好多，間房都ＯＫ０既，都唔算差。然後安頓左一陣就去左隔離到食食物，所謂上海食物，其實並唔係只得小籠包呀，上海粗炒呀０個０的．．．原來酒釀丸子係上海０既食物，我以前都未聽過有０的咁０既０野食。

食完飯之後就搭的士去左一個地方叫新天地。呢到明顯比較繁榮同埋靚，一睇就知係遊客區啦。不過都真係整得幾靚既。之後周圍行，影０下相，周圍都係０的酒吧同ＣＯＦＦＥＥ　ＳＨＯＰ，不過整得好靚。之後入左一間黑店，超貴呀！！侍應又西串，結果剩係叫左三個朱古力火煱．．．但係就唔係太好食．．

然後就番去沖個涼啦，一心諗住沖個舒舒服服０既熱水涼，誰不知個花酒０的水慢到呢．．．未沖完都凍死左啦．．於是改變戰術，開一大缸熱水，然後沉浴江，好舒服啊～不過０的洗頭水同沐浴露都係廢嫁．．．．都唔起泡．．．．

沖完之後去左同阿信阿釗阿鈞阿恆玩射籠門，贏左少少咁啦，得阿信一個輸錢～之後兩點幾就訓教了～

>>January 1, 2005 at 9:22:58 AM GMT+8