2008 年 7 月 28 日 星期一 【晴】

「黃志騰先生, 我地係懲教署打來, 關於你投考懲教主任一職, 麻煩你有時間打番俾我地。」

從來沒有想過, 原來留言信箱是會令人如此這般興奮, 呢種感覺就好似西班牙勇套歐州國家杯, 激動到我有少少想喊, 終於爭番一口氣...........前陣子有一刻我真係好驚, 我懷疑到底我係咪未夠班去考? 而今日我清楚知道答案是 NO!!! 或者有人比我叻, 有人比我更勝任, 但一切都唔再重要, 今日我終於可以堂堂正正的被人叫一聲黃SIR!!!!!無言感激懲教署的知遇之恩。


開心過去, 有一種失落, 雖然真心多謝懲教署, 但奈何我唔會放棄投考督察。我會係受訓期間證明自己係絕對勝任的, 從來都未試過認真讀書, 今次我好期待, 我要考第一。

>>July 29, 2008 at 12:25:14 PM GMT+8

2008 年 7 月 22 日 星期二 【晴】

今個暑假過得好精彩, 好ENJOY, 去完長隆之後, 又去潛水。上星期潛完最後一堂, 今次去左西貢橋咀, 不過0的水真係好差, 綠色的, 雖然我借埋部防水殼加相機, 但係0的水綠色的, 頂, 對上一次明明好靚好清的。不過今次我都睇到水母、小丑魚等, 仲有蟹~之後今個星期又放幾日, 其實我都真係幾鐘意而家呢份工作, 今個星期番31小時, 下星期就番57小時, 因為要過夜, 但係我寧願每日都陽光與海灘, 都好過日日坐係到對住部電腦打字, 真係人都顛, 眼都盲, 賓州都縮, 命都短幾年。

今日我想談一談天氣。呢兩個星期天氣都熱到爆春袋, 如果換轉平日火爆的我, 一定屌撚到仆街合家產, 但我偏偏沒有, 因為天氣雖然熱, 但係熱得來好舒服, 因為濕度唔高, 好有0個時係美國的感覺, 真係好舒服。不過可能因為我住在上水, 工作在西貢, 所以點都好過市區, 亦都可能係我番工踢拖、沙灘褲, 仲赤裸上身, 實在太完美。但係可能係因為之前落左好撚好撚好撚好撚多雨, 空氣中的懸浮粒子沖走晒, 大家有冇發覺香港而家有籃天呀!??~?!?~?!?~好驚呀, 我連續幾日係小島的上空望到一望無際的籃天, 一舊雲都冇, 真係好靚, 希望下一代都見到, 廖秀冬~香港終於有籃天喇~!~!~!~

今日係我五天獨木舟中級課程的第一天, 九點鐘照舊去到沙田獨木舟訓練中心, 見到兩個初級班時的同學, 一個係退休肥叔叔, 一個係year2的中大建築系, 感覺良好, 好開心, 加上連沙田都有籃天, 一齊都很美好。今日我重裝防曬, 拎左阿媽頂師奶防晒必備之一的, 蒙面超人太陽帽, 即係塊舌位可以拉落離遮晒成塊面0個0的, 而師奶們會自行改裝, 係塊黑色透明舌面再加鍚紙, 防曬度上升了10點。今日同學中有一個假師妹, 又係讀SPORT, 不過係BU ASSOCIATE DEGREE, 其實我都分唔清咩SRS, 咩CIE, 我真係唔知係咩, 我剩係知成日YEAR 2時都會有0的插班生。上完中級之後, 可以食住個勢九月上埋個高級, 不過我想報請溺多0的, 因為我最終目標其實都係想要獨木舟救生員。

放學之後要去買裝備, 坐左退休叔叔架環保車, 好型, 一半用電, 一半用電油, 架車識得自行調節幾時用電幾時用油, 一路行時又會自行充電, 慳油高達50%, 唔錯唔錯。今日買左好多野, 有防浪裙、拖繩、急救包、背包式防水袋、暴寒膠袋等, 全部都係我地打算買的東西, 因為平時工作都需要用到, 所以一次過買。

呢排唔知行咩黑運, 屋企成日出現問題。全部都係因我而起。第一, 上星期我照常痾完屎, 唔知係咪太過起勁, 稍為大力左少少沖廁, 個水箱俾我整壞左, 佢唔識得停, 一路儲水儲到瀉晒。第二, 天氣咁熱我當然開冷氣, 開左唔夠一個鐘有管理員打來投訴, 話冷氣機滴水, 再唔撚解決扣尻我分, 仆街, 成部冷氣機要換。第三, 剛剛一回家, 我一插個三腳插諗住開電腦, 跟住「BOMB!!!!!!!!!!!!!!!!!!!!!!!」, 我幾撚驚係昆明爆炸炸撚到來上水, 我以為自己隻手斷左嫁喇, 好彩冇事, 痴撚線嫁真係, 嚇鬼咩, 有冇咁撚黑呀, 不過嚇我唔到的, 我拎飯煲條線插落火牛再用, 夠彊就聽日爆撚埋我煲飯, 仆街 (講下笑, 千期唔好)






今日夜晚係上水火車站連接上水廣場的天橋上見到自由黨的田北俊和民主黨的黃成智在叫陣, 我行過去同田北俊講

黃:「我想問你上年係咪都係選新界東?」
田:「係呀~係呀~」
(我講左第一句, 佢身邊0的幕僚即係上前, 以為我係長毛係到攪事)
黃:「我想問你知唔知上水火車站水貨客0既問題, 我應該係向區議員投訴定還是向立法會投訴, 你地係咪唔會理呢0的問題?」
(此時田先生好似唔知我講緊咩, 佢0的幕僚即刻幫佢答, 話嘜撚野有呀, 我地成日有反映。
黃:「佢地成日走水貨, 塞住晒0的路, 投訴過好多次都冇人理」
田:「塞住條天橋呀佢地?!」
我O撚晒咀, 佢完全唔知我講緊咩, 佢真係完全唔識嫁原來。跟住佢0的幕僚好緊張咁同佢講, 「火車站隔離, 火車站隔離.........」



田北俊我又唔係好憎0既, 不過我真係愕然佢企係上水火車站都拉票, 竟然連最簡單, 最COMMON的問題都唔識囉, 靠佢真係食得屎。

>>July 23, 2008 at 3:24:47 PM GMT+8

2008 年 7 月 17 日 星期四 【晴】

放假跟上水彩園邨組成的代表團去了廣州長隆水上樂園遊玩, 每次北上都十分慶幸自己住係上水火車站隔離, 雖然係耕田的鄉下仔, 但係節省的時間實在太多。首先搭火車去到羅湖站, 然後過關, 去到深圳之後就坐大巴直達廣州每位$65, 坐左差不多兩小時就到了。之後再轉十分鐘的士, 共$50就到處長隆水上樂園的大門口, 到達時間約十二點。入場費每位$180。入到去之後要用$20租locker, 之後就展開探水之旅。

今日天公造美, 雖然太陽伯伯冇咩路面, 但係亦都冇落雨, 唔太曬。第一樣玩0既就緊係鎮園之寶的大喇叭~今日的探水之旅多了一個好拍檔, 就係由代表團之一提供sony數碼相機連防水殼一個, 實在太美妙。所有大活動都係以四人為一組, 所以我地剛剛好, 樂園雖然多人, 但係每次排隊都係約廿分鐘左右, 比起海洋公園和迪迪尼實在是技術性擊倒。大喇叭的確係幾好玩, 我實在太強, 雖然好驚, 但係都單手拎住部相機係到影相, 但係唔撚知影左0的咩。之後玩0個個大滑板, 今次我醒目, 唔影相, 改拍movie, 不過估唔到大滑板都咁撚驚, 嚇到我標笑, 但係最撚最撚最撚好笑都係坐係對面0個個大嬸, 笑撚到我爆炸, 佢好似失去左知覺。

跟住去左玩巨獸碗, 同大喇叭差唔多, 不過唔係太驚, 冇咩料到。玩完巨獸碗之後就去左食食物。食完之後忽然下大雨, 又打雷, 所有人都迫晒係個更衣室到, 勁多人離場, 落左差唔多一粒鐘之後, 就雨過天晴, 但係有勁多人走左, 所以更加爽~之後去左玩類似五彩天梯的滑梯, 基本上係唔洗排隊,唔知係咪0的人太驚。有三條,一條黃, 一條藍, 一條橙。上到去之後冇人玩黃色0個, 因為太斜, 所以我一野就飛左落去, 又係好撚驚, 不過就係要驚先好玩, 如果唔係不如落樓下公園自己玩。之後再玩橙色0個條, 個個玩完都話條褲會入晒屎忽, 我都唔例外。最後冇玩藍色, 因為一睇就知係for kind子玩。

之後就用$20去租水泡玩漂流, 亦都係最無聊的一環, 休息時間, 係咪每個water park都會有呢樣野呢? 漂左唔知幾耐先漂完。之後去左玩人造浪, 痴撚線, 玩到勁撚累, 不停和大浪搏鬥, 但係永遠都唔可以衝到去最前, 0的浪實在太強, 衝都人都散晒。然後就開始影相, 不停地潛水然後拍水底相, 好好玩~~~換完衫沖完涼走人都成八點鐘。

之後去左食小肥羊, 總共$330, 不過叫左5碟肉, 冇一碟係食得晒, 實在太浪費了。然後去左代表團之一提供的地方過夜。大陸0的樓都幾靚, 又夠大, 不過0的水壓有少少問題。訓醒之後第二朝起身去飲茶, 又係好平, 我發現深圳已經唔再抵玩, 因為0的0野好貴, 和香港差不多, 以後要多0的深入內地~~~之後又坐大巴回深圳, 有時候真係頂唔順大陸播0的歌, 佢係到播leon的對不起我愛你, 點解佢地會停留係呢個年代的。










成段片的精髓在最後一秒, 看看那大嬸吧~

>>July 18, 2008 at 4:09:54 PM GMT+8

2008 年 7 月 14 日 星期一 【晴】

有時候都唔知道0的香港人個腦係咪裝屎的, 你地係咪戇撚尻嫁!!!係到拉排隊訓街買奧運鈔, 我不知幾想落大雨打雷劈撚死你班傻西, 有金執咩戇尻, 0的阿婆有時真係好心你路都未行得穩就番屋企訓啦, 而家唔係輪米呀, 唔好人排你又排好唔撚好, 你知唔知奧運係邊到舉辦呀今年, 睇到新聞到燥。係喇喎, 真係咁撚有心諗住留念喇喎, 我屌你啦, 個撚個咪諗住拎去炒, 香港人的排隊文化真係好撚戇尻, 點解香港人咁鐘意浪費時間去排隊。我真係睇唔起0個0的睇戲排隊買即場0個0的粉皮, 係呢個年代仲邊有人排隊買票嫁, 痴撚線, 時間多呀? 俾多幾蚊上網訂啦, 冇錢就咪撚學人睇戲啦, 塞撚住晒間戲院, 有時候見到呢0的情況真係好撚抆。

每日見到個股市跌個心都好撚開心, 好想佢跌到去番一萬點, 上年三萬點, 一路就跌撚到而家得番二萬一千幾點, 回想當日全民皆股, 個撚個都以為自己係股神, 我屌你老母啦, 當日0個0的所謂股神而家唔知死撚晒去邊, 0的白痴師奶係應該要輸的, 人買你又買, 抵撚你死。最撚好笑係0個時0的人工都唔撚做走去炒股, 我而家真係好心涼, 好撚開心, 希望輸撚死呢0的白痴仔~~嘩哈哈~!~!~!~
~!~!~

今日全日都鑽研高空繩網的技術, 呢兩日都係高空工作, 教練和地盤佬只係一線之差~不過終於俾我摸熟晒所有工具, 作為一個駐場教練, 當然要清楚了解每一個拯救工具的用法。上午練完沖左一次涼, 跟住下午又玩, 沖多一次涼, 出汗的感覺實在太好, 不過當然係要有衫換加有涼沖。今日終於多左一隻狗, 沙皮加唐狗, 佢個樣好攪笑, 好似一個人好煩惱的樣子, 不過要佢適應呢到都需要一段時間。當佢主人離開的時候, 佢係到悲鳴, 我都有少少想喊, 呢0的人真係好撚仆街, 你唔撚照顧人就咪撚領養啦, 就係因為呢0的三分鐘熱度的主人, 攪到不少動物被遺棄, 我真係好撚想屌醒呢0的仆街, 唔好成日用埋0的冠冕堂皇的藉口啦, 你生撚左個仔出來可唔可以搵到一個令人接受的理由去遺棄佢呀? 唔撚得嫁係!!! 讓動物前請先想想, 你會否照顧牠一生一世!有報應嫁!!!





First of may 一首經典英文歌, 我嚐到一種甜味~

>>July 15, 2008 at 3:55:54 PM GMT+8

2008 年 7 月 13 日 星期日 【晴】

終於再有機會執筆而作, 上星期實在是太忙。唔知點解沙咀張床真係訓唔到, 上星期唔知點解又感冒, 真係麻叉煩, 成日都冇啦啦病, 但又唔係病入高肓, 不過就成個人周身骨痛, 對眼又好似被火燒咁, 成日都好似訓唔醒咁, 頂, 又要用錢睇醫生, 不過唔知點解醫生開0的藥真係一食即好, 食幾多幸福傷風素都冇用。 琴日係星期日, 雖然係放假, 但係我都六點幾起身, 因為我要八點半去到西貢碼頭學潛水。係西貢碼頭坐左大半個鐘頭船, 去到果州群島, 原來香港都會有咁靚的地方, 平時成日係石屎森林, 真係冇諗過大自然係咁美麗。係真海潛水跟泳池真係兩回事, 我開頭都有少少緊張, 不過好快就適應。今日再學埋幾個skill, 就係當自己或人地個氧氣樽有問題時應該點做, 跟住再學係水底解除所有裝備, 然後著番。

lunch之後開始fun dive, 真係冇諗過香港的海底都會咁靚, 我見到好多好多好多好大好大的海膽, 0的刺好長, 有0的又好細仔, 真係驚俾佢刺親。又見到一大群小丑魚, 好撚鐘意啄尻人, 之後又有一大群火點~~仲有珊瑚~水母~~~正呀!!!!之後人地話見到粒好大好厚的海星, 有本字典咁厚, 不過好可惜我睇唔到~~當我上完lecture之後, 我終於明白點解早排烏克蘭沉船咁難攪, 因為原來水壓對人體有好大的傷害, 基本上一個正常人潛入30m 後只可維持約20分鐘, 得20分鐘時間, 仲要搵入口入船倉救人, 真係好高難度,難怪會束手無策。 潛完水之後, 有0的人出現不適, 因為佢地唔習慣口吸口呼, 所以個胃吸入左好多氣, 跟住就嘔, 不過其實稍為有做下帶氧運動, 口吸口呼其實問題不大。

潛完水之後已經超撚累, 不過仲要去沙田睇詹瑞文的<男人之虎>。原本係跟女友去睇, 不過佢甩尻我底, 於是由電車華補上。上半部份好撚好笑, 痴撚笑, 係撚咁爆粗, 人真係好奇怪, 如果平時係街或搭火車有條撚樣係撚咁爆撚晒粗, 屌撚晒老母咁, 一定俾人仇視, 但係去睇show, 表演者一句「我屌你老母臭西呀」, 全場發笑, 如果咁講, 我去開場棟篤笑咪好撚收得?~?~不過我都係鐘意黃子華多0的, 詹瑞文0的雖然好笑, 但太難明, 都唔知佢想講咩, 雖然我知道佢係言之有物。

今日八點鐘起身, 十點鐘番到去西貢, i am 西貢之子~ 今日老總終於入來, 好耐冇見過佢, 佢唔知點解變左好人, 同我地開左個半鐘頭會之後走左, 不過好多野都係老生常談, 但今次受落好多, 我亦有少少反思。今日難得有太陽, 於是我和小狗沖涼, 佢其實好唔鐘意水, 不過佢又太過忠心, 不敢違抗~~講起狗, 上星期五玩竹筏的時候, 十幾人係個海到, 跟住有隻遊艇經過, 船上有隻牧羊狗不斷吠尻我地, 0的小朋友又撩鬼佢, 然後隻狗超型咁飛撲跳海, 正常人都覺得隻狗係識游水嫁啦, 如果唔係點會拎晒姿勢分咁跳落海, 誰不知佢主人叫我地救佢, 話佢唔識游水。只見佢不停踩水, 頭路出水面悲鳴, 之後我就划獨木舟過去救佢, 埋到去佢就自己爬上來我隻獨木舟, 然後我就攬住佢, 佢就不停係到震~~~

下午就試練高空繩網, 作為一個駐場教練, 我必須要掌握參加者的心理, 所以我都要不時玩一玩。之後不停研究高空繩網的拯救技術, 唔鬼記得左0個組rescue點樣set, 研究左兩粒幾鐘都仲係差少少, 明天再來~ 明天會有一隻新狗加入我們的大家庭, 不過佢唔屬於童軍會, 係我地自己收養, 所以萬一死左都唔洗奶野~

星期三去長隆~~~yoyoyo~~~


點解我次次戴親帽個頭都可以七到呢個程度?



>>July 14, 2008 at 2:27:17 PM GMT+8

2008 年 7 月 6 日 星期日 【晴】

比爾蓋茨的身家

1、蓋茨每秒賺250美元，即每天賺2000萬美元，一年賺78億美元。

2、假如蓋茨丟了1000美元，他才懶得去撿，因為他去撿要花掉四秒鐘，這一彎腰他已賺回1000美元。

3、美國的國家債務約56200億美元，如果由蓋茨來還，他能在少於10年內償還美國的債務。

4、如果蓋茨將錢捐給地球上每個人15美元，到頭來他還剩下500萬美元的零用錢。

5、米高佐敦是美國收入最高的運動員，如果他不喝不吃，將3000萬美元的年收入存起來，他必須存上277年，才能像蓋茨現在這樣有錢。

6、假如蓋茨是一個國家，他將是地球上第37個最富有的國家，或是美國第13家大公司，甚至比IBM還大。

7、如果將蓋茨所有的錢換成一美元，你可以建一條路連接地球和月亮，來回14次，但你必須用1400年不停地建造這條路，而且用713架B747飛機來運這些錢。

8、蓋茨今年45歲，假設他能再活35年，他必須每天花678萬美元，才能在上天堂前花完他所有的錢。








9、不過如果微軟視窗的用戶每次在電腦死機時可以向蓋茨索賠1美元，蓋茨會在三年內破產。

>>July 7, 2008 at 3:49:50 PM GMT+8

2008 年 7 月 5 日 星期六 【乍寒還暖】

又渡過了兩日一夜的小島生活,不過今次有少少唔同,首先性質唔係做training,而係借場俾童軍做訓練,即係做睇場only,但係有兩件事情必需要記錄。

1. 話說琴晚去食海鮮,大麻成去左魚排買了一條重六斤的青斑,不過我其實對六斤一0的概念都冇,佢剩係一味話一定食唔撚晒,我話食唔晒咁做咩又要買六斤,跟住佢話一定要大條炒球先好味,一味做炒球,一味做蚊骨。於是夜晚就過左去食飯,條魚$600,其實我都唔知正常一條六斤重的青斑要幾錢,不過佢話一定買唔到咁平,是但啦,有得食就食,反正佢出$800,我地包底。之後再叫了一碟聖子和扇貝食。首先重頭戲當然係碟西芹炒球,老實講,真係好味道,新鮮游水真係唔同0的,唔識得形容,總之就係鮮甜。碟炒球已經好大碟,但係又未去到我心想0個隻誇張,之後碟蚊骨離麻,真係好大碟好大碟,我終於知道一定食唔晒,但最恐怖0既就係原來只係食左條魚0既一半咋!!!!!!!!!!!!!!!!!!!!!!!!!!!條魚真係好撚好撚大條!!!!!!!!!!!!!!

2. 今日下午兩點鐘先食食物,又係坐船過番白沙灣碼頭食。食完之後就番番去碼頭等船,等左一陣之後有個師奶佢問我地係咪跌左銀包,之後望去後面,原來有個LV銀包係到,不過唔係我們的。之後個師奶就好快手咁執起左,我見到入面有好多好多錢係到。個師奶好快手咁拎左之後,佢話拎去警署,之後就同佢個仔、佢個仔條女一齊走左。佢真係好快,我地一話個銀包唔係我地佢就即刻執起左,然後話拎去警署。當佢地離開左我大約三十米之後,我覺得好唔妥。正常情況之後執到個銀包,又點會雞咁腳咁走,換住係我都搵下入面有冇物主的聯絡電話,又或者企係到等一陣睇0下有冇人搵啦,除非.......冇錯!!!除非佢想據為己有。當佢越行越遠,我就好似月經前不安一樣,雖然同伴都唔主張多事,但係我乃占卜星相、觀人於微、風流倜儻、自命不凡、竊玉偷香的唐伯虎,孔夫子話,打仗最緊要係出師有名,不平事,我就要管!!!!!!!!!!!!!!!!!!!!!!於是我向前行,諗住追上去,雖然我唔知上到前去應該點做,但雙腳不聽使喚。雖然我風觸殘年,但以我0既凌波微步,行左一陣都覺得距離冇縮減。

之後佢個仔條女回頭望,你老母,回頭望,一係作賊心虛,一係身有屎,我就加快步伐。我加快時佢又加快,你老味,仲唔撚係心中有鬼!!!!之後佢再回頭,我就肯定佢係圖謀不軌。於是我跑上次叫停左佢。佢師奶停低左先,佢兩個繼續行。我見到個師奶係驚樣,為正義之戰,又點會係呢0的樣子,於是我話:「我係對面童軍總會0既人,個碼頭有我地船家長駐,不如俾個銀包我,物主番轉頭都可以俾番佢,如果真係冇人離,我地拎去警署。」,個師奶係到猶豫,跟住再補多句:「你拎去警署都可以,不如留低個電話方便聯絡。」之後佢俾左四個字我,佢個仔就番轉頭問,然後佢叫番我留電話,話俾我地拎去警署。爽快俾個電話佢,然後佢就走左。我敢肯定佢一定唔係拎去警署,佢拎左我電話試都冇試打來就急急腳走人,如果佢老母俾左個號碼我,我一定會當場打一次睇0下堅定流,佢根本就係作賊心虛。雖然我幾日冇剃鬚,但我假假地都著住件童軍T-SHIRT,點睇都係好人啦。

拎番個銀包之後,就搵下入面有冇野,原來有三千幾蚊現金係到,嘩!!!!!!!!!!加埋個LV銀包,總值都差唔多五千蚊,都仲未記0的身份證、回鄉CARD、車牌等等。之後企係個碼頭到一陣間,物主終於出現。我忽然諗起童話故事中,樵夫跌左把木斧頭落河,仙子拎把銀斧頭問:「係唔撚係呢把呀?~」「唔係!!」,之後再拎把金斧頭出來,「又係唔撚係呢把呀?」,「都唔撚係!!!」,最後拎番把木斧頭出來:「你咁撚誠實,俾晒你啦~~」,當然,童話故事再次欺騙我~不過我覺得好開心,可能因為我之前都試過失而復得個銀包,原來做好人係有型咁多的~~~其實我開頭都有少少卻步,但我作為正義天使,又點可以視而不見,充耳不聞?


破案關鍵:
1. 佢地離開現場的速度實在太快,快得令人覺得可疑。
2. 回頭望兩次兼加速,一個正常人行路點會向後望?
3. 沒CHECK我個電話堅定流,根本唔有心幫人。



總結:

我係絕對正確。假如佢地據為己有,我當然做得0岩,但就算佢地拎去警署,我都係做得0岩。因為佢物主一定會番番去唔見0既地方搵,你拎去警署托七咩,緊係係碼頭實際啦!!!!~~~~


日行一善~希望明天有搶劫案發生

>>July 6, 2008 at 4:09:58 PM GMT+8

2008 年 7 月 3 日 星期四 【晴】

昨晚i-phone死左..........format之後,不死復活,重拾對i-phone的樂趣,發現很多新事物,我愛i-phone!!!

>>July 4, 2008 at 3:59:35 PM GMT+8

2008 年 7 月 3 日 星期四 【晴】

昨晚i-phone死左..........format之後,不死復活,重拾對i-phone的樂趣,發現很多新事物,我愛i-phone!!!

>>July 4, 2008 at 3:59:28 PM GMT+8

2008 年 6 月 30 日 星期一 【晴】

1.) 今日七一大遊行,我都想表達i-phone 3G 搵老襯呢個訴求,強烈反對i-phone 3G 呃尻人(好彩冇賣到自己部機0者)

2.) 下午去石硤尾踢波,懷念讀心誠時用不完的力氣,雖然冇肌肉,但無限體能為我帶來大量入球,今非昔比, 1500米 4'30 的黃金時代,俱往矣.....唉.....我和托利斯相差太遠了,連李健和都不如。
24歲,風燭殘年....SHIT..........

3.) 踢完波好撚累,玩老父支柺仗,唔洗用腳行路實在太好~

4.) 今朝收到電話,慘不忍島的消防鐘誤鳴,我都唔知點攪,得清潔阿姐一個,好彩有白沙灣譚華正水上活動中心的甘燊師兄,果然是有甘燊,冇來世~~人做師兄我做師兄,做到要幫0的師弟俾埋錢上COURSE,我都算戇撚尻,還錢!!!$100!!!!!!!

5.) 紮腳真係好撚恐怖,不過佢地有個好彩,我腦海裡第一時間聯想到佢地係唔需要剪腳甲,嘩哈哈!~!~!

6.) 畢業後的後遺症 - 搵唔到工,訓醒睇無線11點45分的劇集,然後連都市閒情、真情都唔放過,夜晚晚間新聞的重播劇集更是恩物,個個變晒電車男和毒男。然後總會有一段時間係到懷疑讀完體育及康樂管理之後,搵0既工全部唔可以過12K.....除左做老師、A2、SE~

7.) 夜晚發現了南華早報可以免費LOGIN 14天睇新聞,超正~~

8.) 羅嘉良,我好掛住你,你終於都回來了~~~

9.) 上水毒男聚會, 3/7 K-LUNCH 出席者: 電車華, 電車樂

10.) 技窮,但總覺得奉係LIST都應該係齊頭十項~

>>July 1, 2008 at 3:35:10 PM GMT+8