2005 年 1 月 24 日 星期一 【微冷】

今日九點鐘起身，跟住沖涼洗頭，然後就ｓｅｔ好個頭出發上堂。今日朝早上ｍｏｔｏｒ　ｌｅａｒｎｉｎｇ，今堂係到勁睇０的ＢＢ　ＭＯＩＶＥ，超級可愛呀！今朝係到食合桃蛋糕，阿沛妄想地想分一杯羹，佢係我朋友，我當然俾最好０既佢啦，於是我俾左一合桃蛋糕０既精華佢，就係０個塊細少０既合桃～～跟住上完一個小時之後就去左上中文堂，咱們一行五個人已經成為中文堂０既大黨。

今堂中文堂超級悶，條死仆街係到自己作左篇０野然後就講解左成兩堂，講埋晒０的白痴０野，之後派左篇關於梅?芳０既論文，都ＯＫ難明，不過我會番去慢慢研究。跟住落堂之後，假ＭＡＹ因為上堂訓教所以俾老師罰留堂訓話，哈哈，死傻仔，咁大個人仲俾人罰留堂～～～

英文堂。今堂同阿狗一齊坐，又見到ＣＡＲＭＥＮ，佢個頭好似細左冇之前咁似個煲蓋。上英文堂冇以前個死鬼婆咁悶，雖然呢個ＭＲ．　ＣＨＡＮ呆０下呆０下咁，又成個ＫＩＮＤ子，不過勝在唔瀉佢，夠好恰’然後上到兩點十五分，我就去左重考Ｉ．Ｔ．唉．．．我真係唔想再講喇，考完之後．．．．唉．．．好撚煩，唔想再提喇真係，０的人係到問識唔識，我都想知識唔識呀！！唉．．．明明開心又略帶憂患，唔開心中其實又暗藏高興．．．唉．．．呢種矛盾心情真係好難頂．．．

考完之后番左去房，由０９３０到０４３０都未食過０野呀陰撚公公．．．．跟住係房砌奶食可可米～０的奶又飲晒喇，呢排好鐘意飲奶，越多蛋白質越好。然後就洗０下塊面．．．唉．．．呢排０的皮膚差左好多．．生暗瘡呀又．．．跟住出左去搵ＲＥＧＩＮＥ。又有多個人讚我件新風縷靚喇，咁又真係幾靚，襯埋對ＮＩＫＥ鞋，簡直係一絕，百事超人～～

然後去左銅鑼灣行街，不過都冇咩野行，但係就超級肚餓,又食左串炸大腸,嘩~~呢串真係超級好味呀,好耐都冇試過咁好味0既炸大腸。跟住去左元祿食食物，今次係我生平第一次去元祿食壽司，我再次感受到咩叫眼闊肚窄喇！不過超飽喎又！埋單＄１８０，俾＄２００佢諗住佢找＄２０紙啦，點不知賤撚到找一張十蚊紙，跟住全部散紙，仆佢個街，加左一都屈人俾貼士，超級賤呀！！！

番到ｈａｌｌ之後又再次感到好撚悶，呢兩日唔知點解夜晚都好ｑ悶，咱們諗住叫人去食糖水，但係又冇人離，就係呢個時候，突然靈機一觸，用部ＤＣ係到拍段片，拍左兩個春心篇同迷魂篇，真係好好好好好好好好好好無聊呀！！！！！！不過又真係好好笑，笑到甩碌呀，嘩哈哈！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

由我初識你到現在，你真的乖了很多。ｋｅｅｐ　ｏｎ　ｂｅｉｎｇ乖，ｕ　ｗｉｌｌ　ｂｅｍｏｒｅ　ａｔｔｒａｃｔｉｖｅ～

>>January 26, 2005 at 6:50:53 PM GMT+8

2005 年 1 月 23 日 星期日 【微冷】

琴晚半夜起身走左入廁所，跟住講電話講到差唔多四點先訓教，原來個人可以坐係馬桶到，跟住雙腳伸直剛剛好撐住度門，好鬼舒服～唔知係咪冇舖床單，攪到呢兩晚都訓得唔好。跟住今朝又要上八點半，但係又只係小懶床，可能係因為生理時鐘要以四小時為一個循環，所以０岩０岩好訓左四個鐘頭。今朝起身洗頭沖涼，然後執埋０的ＮＯＴＥＳ就同沛去上堂。一路行０既時候，都十分期待一個呵欠，因為對眼實在太乾了。

今日又上中文堂，好彩只係一個鐘頭，不過做左０的好悶０既０野。然後０９３０就去左食早飯。跟住就去左找咭數．．．．找完又好似冇咩特別感覺咁～然後就去左圖書館溫ｉ．ｔ．圖書館靜得好恐怖，真係係到攪０野都冇人知。不過睇睇０下就訓著左，訓醒又再睇．．．唉．．總係覺得唔知點咁．．．唉．．．真係得個睇字嫁咋，不過上次睇都冇睇過都差少少合格，今次希望ｐａｓｓ啦．．．．

之後一點幾就番ｈａｌｌ，番到房係到搵對技巧鞋，唔見左喇，唔知邊個偷撚左！之後就摺好０的衫然後假ｍａｙ，切雞、老迪、沛、釗、肥華係到，咱們聽緊「吻別的位置」，「唇邊輕吻是友好的表示　額頭上不只友誼」，為左證明咱們的關係是不只友誼，所以就猜猜情尋～～輸左要錫贏左０個個０既額頭～～結果切雞吻左肥華一下．．．好嘔心呀真係！！～！！！～

跟住走左去上體操，今堂學左側手翻～不過細個都識識地嫁喇，之後上堂前拍左套ｍｏｖｉｅ扮ｄａｎｃｅ　ｓｏ～～哈哈～～好笑呀～今堂整左套自選動作，好鬼攪笑～上完堂之後去左食食物，食左個小肉燥飯又死左去圖書館．．．不過都係溫左一個鐘左右．．唉．．．．好撚麻撚煩呀ｉｔ．．．．聽日合格左一定要焚書！！！

番到ｈａｌｌ之後又係到勉強咁睇０的ｎｏｔｅｓ，睇完都好似冇咩睇過咁。然後舖番床單。之後十點先砌面，恒仔連續食左兩個公仔０面，痴撚線嫁，鬼唔望佢中膠毒死呀！！！今日個夜晚好悶，三條友係間房到ｋｉｎｄ．．．跟住十二點正一齊用擴音器打俾阿妹同佢講生日快樂，之後再打埋俾仔仔，原來佢兩個係同一日生日嫁，好似我同阿翠咁～～

>>January 24, 2005 at 4:53:58 PM GMT+8

2005 年 1 月 22 日 星期六 【微冷】

琴晚唔知點解訓極都訓唔著，訓極都唔熟睡。今朝十點起身，起左身之後就走左去沖涼洗頭，我發覺如果我認認真真咁整個頭係可以型到爆登。整完個頭之後就執拾細軟準備番屋企。今日行出去０既時候冇之前咁ｅｎｊｏｙ，因為個死人太陽鬼死咁猛，行到好熱，加上日光日白，完全冇氣氛．．．．．

番到馬會之後又等埋魚翅先拎位。今日超肚餓，但係都係要食０的西飯．．．食完之後就開始工作。今日我用大佬個水樽裝左一樽大水番去飲，我唔可以再俾０的蒸餾水荼毒我０既生命。由於琴晚訓得唔好，攪到冇咩精神，頭三場我差０的以為自己過唔到．．．．不過．．．再難過，始終會過．．．．幾經辛苦終於都到放工時間。

搭火車０既時候打俾阿根，佢竟然番左上大陸，把聲死０下０死下咁，都唔知攪咩係到。番到上水就去左龍豐買泥。坊間流傳好多髮泥，０的升斗小民一廂情願咁以為個牌子勁、貴就係好０野，咁樣實在太天真。作為一個資深髮泥使用者，已經嘗試過無數款色，到最後我只鍾愛一隻唔知牌子，亦都只係＄４８的髮泥。一隻好０既髮泥最重要就係用左等於冇用到，摸落０的頭髮唔會覺得「立」，夠「錏」，同埋用完之後摸落去要ｓｏｆｔ，但係偏偏又要固定到，洗就要容易洗，的貴０野雖然定到型，但係洗到頭都甩都係「立」痴痴，乎合以上條件咁至為之上品。

買完之後就番屋企，番到去好似家破人亡咁，鬼影都冇隻，等隻貓係到守門口。黑炭唔知食左咩，我一行埋去就發晒顛咁係到奔馳．．．唉．．．家變喇．．．．．．跟住決定左出去同中哥哥、福仔、福女打邊爐。打邊爐飲啤酒真係爽，個啤酒妹又ｏｋ，不過對腳就瘦左少少。呢排成日飲酒，飲到傻０下傻０下，我諗我已經升左ｌｅｖｅｌ，由酒徒榮升為酒鬼！飲得酒咁緊係少不免要煲煙，係上水吸啖煙都好似特別爽過人。之後飲到矇撚左，為左證實真金不怕洪爐火，咱們將０的金戒指扔落個煲到．．．．痴撚線嫁，不過真係冇試喎，仲好似靚左ｔｉｍ～

飲到三魂唔見七魄，但係都要番ｈａｌｌ，因為聽日要０８３０。但係問題就出現喇，我一路行一路擔心自己會番唔到。一上到火車我就攬住個背包係到訓．．．．訓到半路張一張開眼已經係火炭．．．．跟住再訓．．．諗住起到身．．．點不知再開眼０既時候已經係旺角，之後矇０下矇０下咁落左車．．．．然後飄過對面月台再搭．．．．等火車０既期間坐左係到．．．跟住又訓著左．．．．最後成功上左火車，為免有番番去上水０既危機，我企左係到，牛咁眼咁望實．．．之後成功落車．．．．但係原來係旺角往上水方向咁落車條路係同上水往尖咀落車條路唔同．．．．．本身已經係一個路痴．．．加上ｗｉｎｇ０下ｗｉｎｇ０下，我迷失左係又一城一帶。跟住行行０下有０的火起，差０的諗住坐係公園仔到訓教．．．不過行左一陣終於俾我搵到條路。但係危機仲未解除，我一條友由火車站行番ｈａｌｌ，好似係到玩緊盲人遊戲咁，合埋眼就咁行，行左一陣又張開眼，次次都差０的撞埋條柱到．．．．
之後行到去窩打老道，我發覺飲大左真係咩都夠膽死．．．明明係紅燈，我都可以合埋眼約無其事咁直行過去，仲要連過兩條馬路．．．．死左都唔知咩事呀！！！！！

最後成功番到ｈａｌｌ，我由上水番ｈａｌｌ足足用左兩個小時．．．．痴撚線嫁．．．一番到房放低個背包，二話不說咁訓左係張床到．．．．咩都冇除，好似條咸魚咁。我嗅到自己隻手好大陣煙味，勾起細個時驚俾阿ｍａｙ知道食煙，所以要用個衫夾夾住支煙離食０既情境。跟住訓左大約十幾分鐘，俾耳朵０既歌聲噪醒左，之後就去沖左一個熱水涼，咁先清醒番少少。

今日先發覺，原來明目張膽仲好聽仲正．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

若有一天公開明目張膽的愛　我怕會讓你太意外
我的愛　只願縮到最小彷彿不存在
就算我最愛你情願好好遮蓋　化作了密碼不公開
我一向　都慣自言自語沒別人愛
難道你發覺我志在　就會肯滿足這期待

「如若我也有權愛　同樣我也有權　不必被愛
　如若我也有權愛　同樣我也有權　揀怎樣愛」

>>January 23, 2005 at 6:22:17 PM GMT+8

2005 年 1 月 21 日 星期五 【乍雨乍晴】

飲酒真係一件十分快樂０既事情，０個種七分醉三分醒０既感覺實在令人感到飄飄然，有煩惱會變為冇煩惱，開心會變會興奮，酒精真係一樣奇妙的東西。作為一個酒徒，點可以冇個開樽器係身，上次係廟街新買０個個真係流流地，琴晚開左四次０者麻，就已經蝕晒喇，好ｃｈｅａｐ呀！！！！

今日最終四點先起身，縱然期間有唔知幾多個電話同ｓｍｓ騷擾我，我都排除萬難照訓可也。跟住四點鐘起左身就去剃鬚，好耐都冇剃過喇，成個野人咁，剃完之後．．．嘩．．．靚仔左十倍，真係唔可以成日剃，如果唔係仲得了０既～～～～～跟住沖完涼執埋０野就同阿釗一齊去偉衡睇波。梁沛恆次次玩完一鑊甘之後，每次都俾我一種一夜情０既感覺，第二朝總係唔見左人．．．．．．去到偉衡又見到ｒｉｃｋｙ，佢越離越情，今日佢捉住左我隻手係到講０野，又攬實我，我真係有０的做鴨０既感覺．．．．．．．．．

上到去見到大王同ａｎｇｅｌ等地，當時比數已經拗離左ｌｕ，好強呀ｂｕ有個女仔～之後睇完就去左圖書館溫ｉｔ．．．．．好阻礙呀真係，快０的過左星期二就好喇，不過一定要ｐａｓｓ呀，唔係就真係浪費晒我０的時間。

之後七點鐘就走人，番左房繼續睇０的ｎｏｔｅｓ，然後自己落左去ｈａｌｌ　ｃａｎ買飯食。食完之後又睇多陣．．．．跟住好好好眼訓，上左床假睡眠．．．．．然後十一點醒左，跟住就心血來潮換衫落左去跑步，一路聽住ｍｐ３機一路跑，不過個耳筒成日跌左落離～係咁由宿舍來回跑去天橋，過左ｗａｔｅｒｌｏｏ　ｒｏａｄ，去到火車站，然後又跑番宿舍，輕輕鬆鬆咁跑０下都幾舒服呀～最後跑到十二點半先番去。

>>January 22, 2005 at 6:23:22 PM GMT+8

2005 年 1 月 20 日 星期四 【乍雨乍晴】

今朝八點半又要上堂，上完堂之後去左食早餐，跟住就番房訓左一陣，但係馮穎華係咁係到講０野，到最後我一陣都冇訓到。然後又去左上兩個鐘頭０既ｍｏｔｏｒ－ｌｅａｒｎｉｎｇ，有大約十分鐘差０的支持唔住訓著左，不過最後都冇訓。

上完之後去左小矮人痾屎，一路痾又一路聽歌。跟住就同家怡行左去舊校上英文堂。去到舊校見到ｒｅｇｉｎｅ，原來佢個同學係黎家怡０既朋友，呢個世界真係細少。英文堂個阿ｓｉｒ細細粒粒又係中國人，所以完全唔驚佢，加上佢都幾隨和。

上完之後又番番去新校做ｌａｂ，係差唔多同一位置又撞到同一個人，好邪呀！今日要測ｅｘｃｅｒｉｓｅ　ｐｈｙｓｉｏｌｏｇｙ，雖然只係十條ｔｒｕｅ　ｏｒ　ｆｌａｓｅ　ｑｕｅｓｔｉｏｎ，但係都並不容易。今次測驗０既感覺須好，縱然唔係好勁，但起碼我都知自己做緊０的咩，錯左都知點解係錯～下次要更加厲害！！

然後抽左最後一組先做ｌａｂ，結果去左食食物。食完係到呆坐到四點半，真係好無聊。之後要踩部單車機去測最大攝養量。踩到出晒汗，但係個ｒｅｓｕｌｔ唔係咁好，睇離都要操番ｆｉｔ０的先得。

跟住就去左開班會，開完個感覺好似唔係咁好，次次都唔知點解好似好凝重咁，同埋實在好空談無根，可能係我地０既溝通唔夠，希望慢慢會好落去啦。原本我都好想參與０既，不過咁驕人０既成績令到我都有０的猶豫。坐左大約半個鐘就同阿沛阿信走先去左練波。踢波都幾好玩呀，唔知點解總覺得籃球隊０的人個個都好兇咁，足球隊就低ｂ好多～～～０岩我～～～

踢完之後同阿坤、其汝、華ｄ、阿沛係ｈａｌｌ食食物，是是但但食左一餐之後就番左上房，見到門口有張ｍｅｍｏ，阿釗同馮恆去左打籃球，呆在囉，馮恆做運動呀！！！然後就沖涼，嘩．．．．．差０的又奶０野呀，好彩我包住左下體０者，如果唔係又俾人睇蝕晒嫁喇！！！

之後就洗衫，洗左好多好多好多衫，換埋阿寶個套同床單，但係一機唔夠，於是放晒入ｅｌｌａ０個機到洗。然後真係好累，訓左一陣間，唔知邊條仆街係到玩０野，貼左我舊屎係天花板，訓訓０下跌左落離，嚇ｑ死我！！！

浪完衫之後就準備出去，原本諗住去九龍城食糖水，但最後改變主意去左旺角ｃａｆｅ。就係呢個ｍｏｍｅｎｔ，阿沛話琴晚佢都「俾鬼壓」，仲要連續兩次！！！攪到真係好似有鬼咁，正呀～！～！如果真係有鬼就真係正喇！！但係唔好殺我呀！～

跟住咱們五人一起打的落旺角飲０野，係街邊食臭豆腐，好耐都冇食過喇，正呀！！！！！之後坐到兩點幾人地關門就走人番ｈａｌｌ，但係意猶未盡，於是買左四支大啤同花生番ｈａｌｌ，ｅｌｌａ聽日要打波所以就訓教先。於是咱們四個麻甩佬就係４１４室到開ｐ，熜晒０的燈．．．．結果就好黑．．．大王上次０個０的ｃａｎｄｌｅ原來真係好靚，於是我左少少門有少少燈光透入離，然後細細聲開左０的歌聽，都幾有氣氛啦。之後傾左頗多０野，麻甩佬都可以傾０下心事、講０下感性０野０既，特別係飲完酒之後～跟住都唔知幾點先去訓喇

其實「人非草木，誰孰無情？」，邊有人真係會唔鍾意人，不過我依然堅信，鍾意一個人又唔等於一定要追佢，同佢拍拖０既，或者你可能會話而家先廿歲，拍０下拖又唔係結婚有咩所謂？咁都０岩０既，不過如果我唔係好愛一個人，我知道自己絕對唔會係一個好男朋友、好情人，到最後只會傷心收場。假如我跟你只是朋友關係，我聽到你的聲音、看到你的笑容、嗅到你的氣味便已經心滿意足。對住相同０既人，我可以做你的好朋友，但絕對唔會係你的好男朋友。

>>January 22, 2005 at 6:25:34 PM GMT+8

2005 年 1 月 19 日 星期三 【微冷】

琴晚訓教０既時候，我又再次「俾鬼壓」，我好清楚感覺到個腦海係諗緊０野，不過就真係動彈不得。其實訓訓０下都聽到張書台有０的聲，我好肯定係鉛筆移動０既聲音，但可能係有風吹到咁０者，不過之後又聽到阿釗書台有０的聲。當我不能移動０既時候，我竟然係到諗般若波羅密多心經．．．．．之後好用力咁掙扎先冇事。然後就起身去廁所，０個時好清楚睇到係四點鐘。如勿論有冇鬼都好，我都慣嫁啦，難我唔到喎～～～我唔怕嫁喎～

今朝八點起身，為免阿釗嚇親，我冇同佢講。起身一痾尿．．．．嘩．．．你老味真係臭到呢．．．琴晚０的屎同０的水已經混為一體，再見唔到有屎，但係有一潭絕望的死水，黃中帶跟臭．．．．痴撚線嫁真係．．．．跟住就去上堂，今日我真係覺得自己著得好七．．．．頭又冇ＳＥＴ又唔戴帽，又著左條死人運動長褲加對死人陳年籃球鞋．．．嘩．．想點呀．．．落到樓下先至後悔，雖然個人魅力可以彌補，但係我都接受唔到。上左兩個鐘頭０既ＯＲＧＡＮＩＳＡＴＩＯＮ之後就即刻去上排球。

上排球堂真係好好玩，成Ｑ日係到鬥波，阿ＳＩＲ講０野又少，做適合我地呢０的過度活躍０既大學生。不過今堂打下手打到對手腫撚晒，仆街，０的微絲血管爆晒啦～！～！由上個ＳＥＭ開學到而家，０的老師都係插我地居多，今日李ＳＩＲ居然讚我地好，一係佢矇左，一係我未訓醒啦！～！～一落堂就即刻鬥波，跟住去左飲茶。

飲完茶０既時候係茶樓諗住痾埋屎先番去，廢時冇水沖．．．天曉得連茶樓都冇水沖．．．難道成個浸大都冇水？？？？？？？？跟住番左房，大佬同阿ＭＡＹ佔領左我間房，然後我就睇ＥＸＣＥＲＳＩＥ　ＰＨＹＳＩＯＬＯＧＹ．．．．都唔知係到講嘜Ｑ．．．．但係經過左梁同學０既悉心教導之後，「一理通～～百理明～明白了～～計算可變簡單～～」，強呀！！聽日０既ＱＵＩＺ合格有突喇應該！其實冇話唔得０既，「不為也，非不能也」～

跟住五點鐘去左聽海嘯，因為計一次Ｕ－ＬＩＦＥ～原本諗住訓番一陣，八點起身到五點都冇訓到，不過我發現雖然八點半堂好撚辛苦，但係其實咁早起身令到每日０既感覺都好似長左好多咁，都唔錯０者～～聽完之後又番ＨＡＬＬ。

呢幾日愛上了如無意外呢首歌，番到房開大喇叭，係到睇住歌站聽真係別人一番感受。０的歌詞又正，有好多比喻，慢慢咁理解呢首歌講咩，真係幾好聽。跟住八點半出左去同阿梁食食物，一路行出去一齊剖析呢首歌０既主旨同重點。之後食Ｍ記，我又食我０既ＢＩＧ　ＭＡＣ，之後行左去ＴＡＳＴＥ入貨，買左＄１４２．．．．．

番到房之後就休息左一陣．．．跟住走左去梁同學間房諗住搵佢．．．我一開門．．．見到冇人．．．跟住入左廁所．．．．對住塊鏡撥０下頭髮．．．．沖涼０個度門冇關到，但係掩埋左．．．．．．．之後突然．．．突然．．．．度門開左．．．．我見到．．．我見到．．．我．．．見．．．到．．．一個全身赤裸裸０既男人．．．．．將０的衫拋出離．．．．ＯＨ　ＭＹ　ＧＯＤ．．．我要去洗眼喇．．．．．．．．救命呀！！！！！！！！！！！！！！
！！！！！！！！！！！！！！！！！！！！！！！！！！！！！！！！！！！！！！！！！

之後講左俾阿釗、馮恆同ＥＬＬＡ聽，笑撚死我喇～！～！其實我先至係受害者呀陰公．．．
跟住就集體研習ＰＨＹＳＩ，然後再由阿釗講解一下ＡＤＭＩＮ．．．今日０既生活總算唔錯．．．．．

>>January 20, 2005 at 7:06:49 PM GMT+8

2005 年 1 月 18 日 星期二 【晴】

琴晚訓教．．．．竟然發生左一件怪事．．．我發覺身體動彈不得．．．早排係屋企經常發生０既「俾鬼壓」情況竟然係ｈａｌｌ都發生，不過一向經驗豐富０既我絕對有能力ｈａｎｄｌｅ到．．．．今朝一早起身０既時候，阿釗又話琴晚俾鬼壓，我即時和應，結果就真係好似攪到有鬼咁．．．．．

一早就上呢個ｅｘｃｅｒｉｓｅ　ｐｈｉｓｏｌｏｇｙ．．．．雖然我冇訓教，但係我完全迷失左係呢個ｂｉｏ０既世界．．．．縱然我好努力咁嘗試去聽，換來只有失望和沮喪．．．．跟住落左堂之後就去左食食物，食左個大碗飯。之後番房諗住溫Ｉ．Ｔ．，但係溫溫０下就頂唔順訓著左，今次係第二個ＳＥＭ０既第一次午睡，真係好舒服，一訓落床唔洗五分鐘就訓著左。

然後四點鐘起身，痾左篤屎，不過冇水沖．．．．跟住就ＳＥＮＤ首如無意外同埋披著羊皮的狼落ＭＰ３機，真係好好聽～然後就行去番工。行出去０既時候真係好舒服，我故意早０的出門口，跟住放慢腳步，享受一個人冥想０既時間，真係諗左好多０野，好想繼續行．．．．

去到馬會同番魚翅坐，食左個咖哩雞飯，不過好Ｑ辣，食左幾啖就冇食到。今日由於訓左午睡，所以一０的都唔辛苦，總鬼打咁精神ＴＩＭ．．．跟住放工番到九龍超，買左三個豆沙餅食，然後又建議行番去ＨＡＬＬ．．．番到去又猜煮面，結果阿沛又輸左．．．．但係佢煮到個面難食到西咁，都唔知係咪有心，最後食左幾啖冇食到。不過好不幸地，最後我猜事左要洗晒０的碗。

番到去痾尿，仲係冇水沖．．．嘩．．．個屎桶臭到仆街．．．好大陣尿味．．．．跟住嘗試溫Ｉ．Ｔ．．．．呢科西０野真係好Ｑ麻煩，阻住晒我０的研習進度！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

其實漂亮與否都只在乎你的看法，現今每個人都話要瘦身，在遠古唐朝時代，誰會喜歡女子瘦身？！中國四大美人之一的楊貴妃也是珠圓玉潤，在當時「胖」才算是有福氣、才算是美女。以前每個千金少姐、黃花閨女都要紮腳才算高貴、才算有氣質，你試試現在叫你的女朋友紮腳會有甚麼結果？所以唔同時代就有唔同定義，咱們又何需理會世俗人的眼光。我有我的時代，我的時代你是最美的。

>>January 20, 2005 at 11:08:46 AM GMT+8

2005 年 1 月 17 日 星期一 【晴】

今朝九點鐘先起身，真係好眼訓呀～！～！～鬧鐘都按熜埋，次次都係阿釗個鬧鐘嘈醒我，但係佢次次都唔起身。跟住梳洗完笠左頂帽出去上堂。由於今日係星期二，我將會面臨體能上的挑戰。由九點半直踩到四點半，期間冇時間休息或食飯，所以我就一朝早買左個咸牛肉三文治來吃。

今日上ｍｏｔｏｒ　ｌｅａｒｎｉｎｇ＆ｄｅｖｅｌｏｐｍｅｎｔ，冇訓到教，仲頗留心咁係到聽書，我要醒醒定定咁渡過呢個ｓｅｍ，只要上堂留心０的，每星期都清晒０的０野，咁考試就唔會咁辛苦嫁喇，不過呢排首要都係溫Ｉ．Ｔ．先，但係個個都話睇一次．．．．仆街，都唔知係真定假，上次就係因為睇一次就攪成咁．．．．其實個個都係敵人，靠人地不如靠自己好過，自從我老母隱瞞跌左部相機落地單０野，我已經明白到當有利益衝突時，任何人都係信唔過．．．．．

上完一個鐘之後就五個人浩浩蕩蕩咁行去舊校到上中文堂，終於可以上中文堂喇，最有信心都係呢科，我已經決定訓身呢科，因為我好有信心拎到好成績。上堂０既時候做左好多中文０野，我覺得好有親切感，好似見番好耐冇見０既朋友咁樣，雖然係兩個鐘頭，但係都冇想訓教０既意圖．．．．上堂０既時候講左之前新作０既冷笑話俾肥華同梁恆聽，佢地居然笑喎！～～～～

上完兩個鐘中文又上兩個鐘英文堂．．．．見到好耐冇見０既阿狗、ＣＡＲＭＥＮ、ＺＵＫＩ等地，個阿ＳＩＲ都好似幾好恰咁～不過真係好悶，同頭先相比簡直係天堂和地獄．．．個肚又唔知點解係到攪０下攪０下咁，勁想放屁，好多氣積住係條腸到．．．．之後終於落堂，就將左ＲＥＧＩＮＥ係樓下拎番０的０野，跟住又買多個咸牛肉蛋三文治食．．．．然後就入去聽Ｕ－ＬＩＦＥ．．．

嘩．．．你老味．．悶到我呢．．．終於可以訓教．．．我訓到好似食左ＦＩＮＧ頭咁係咁鐘前鐘後，訓得幾個鐘咋每日都．．．陰公呀阿騰．．．．之後Ｕ－ＬＩＦＥ完左就去長沙灣政府合署交０野．．阿ＭＡＹ冇照足我吩咐去做，佢用一張Ａ４紙ＣＯＰＹ左兩個ＩＤ　ＣＡＲＤ　ＣＯＰＹ．．頂，要每個ＣＯＰＹ一張Ａ４紙嫁麻，好彩我醒遮住其中一個再去影印，然後冒簽．嘿嘿嘿．．．．．

去到政府合署，我一直都以為係五點五十分關，點不知原來係五點十五分．．．好彩趕得切咋！！正當我以為個天都幫我０既時候．．．原來我先發覺．．．個天係好討厭我．．．０的０野填錯晒，又冇交到行政費．．．頂．．．聽日又要去過呀仆街．．．

跟住番番去宿舍．．．見到肥華佢地係到打機，之後落去買簿同埋ＦＩＬＥ，見到ＫＩＮＧ　ＫＯＮＧ，原來佢ＧＰＡ得１．２．．．．．．．．．．．．．．．．佢Ｉ．Ｔ．連ＲＥ－ＥＸＡＭ都冇．．．０個一刻，我彷彿找到知音人，係ＨＡＬＬ樓下情不自禁咁緊緊地攬在一起，差在未咸出離咋陰公．．．．．

跟住痾完屎就去睇佢地打波，今日痾左一條好好好好好好好好勁０既，但係好可惜我睇住佢跌落馬桶０既時候，唔知係咪太重，直接自己沖走左．．．．好失望囉真係，影唔到！之後去左睇打波，兩隻手凍到超級乾，又甩皮，好肉酸。又同ＥＬＬＡ講左我今日個冷笑話，佢都笑喎～～睇離可以升級做笑話喇！！然後番去食食物，碗飯超級大碗，食到差０的反肚。

跟住同朋友一齊落九龍城陪他們食食物，然後吃甜湯。落去０既時候又話盲人遊戲，今次終於可以到我扮盲，原來真係幾慘，活在漆黑一片０既世界真係不是味兒，好多０野咱們都以為係理想當然，其實係錯嫁！！！飲左杯柯華田冰沙勁飽，之後仲食左幾粒糖不甩。由於ＷＩＮＮＩＥ整親隻腳，所以佢地搭的士走左先，我同大王、阿均、ＥＬＬＡ就玩新０既盲啞遊戲鬥快番ＨＡＬＬ．．．都真係幾好玩，之前睇過小Ｑ，每逢一到馬路或者有「博」０既地方我都會停係到，開頭我同ＥＬＬＡ贏緊，不過大直路佢兩條友係到怒跑．．．．結果輸左成條街．．．．．．’

番到房沖完涼就睇Ｉ．Ｔ．ＮＯＴＥＳ，哎呀．．．．快０的ＰＡＳＳ左，等我可以專心溫其他科啦！～！～！～！～！！～！～！～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

燕窩雖然矜貴，但當肚子餓的時候，我寧可選擇豬扒。

>>January 18, 2005 at 6:12:49 PM GMT+8

2005 年 1 月 16 日 星期日 【乍雨乍晴】

今日又要八點半起身去上中文堂，好在有阿沛同我一班，今日冇洗頭，但係都有ｓｅｔ頭，不過總係整得唔靚。八點半起身真係令人有點吃不消。去到舊校原來同假ｍａｙ、馮英奇一班，今堂剩係係到玩０的無聊０野介紹自己。之後上完一個鐘頭就落堂去，同奇哥交流左一陣學術，之後就番ｈａｌｌ。我發現左我部Ｚ５５「笠」左呀有個位，就好似係我身上割去一塊肉咁！！！個角位仲花左呀！！！十分十係係阿ＭＡＹ跌左落地啦！！！！我都話唔借嫁啦，實出事嫁！！！！！！妖！！！！！！！！！！！

番到去十點都未夠，又訓唔番，不過好辛苦。然後就係到溫ｉｔ，但係都唔係點明白，又冇咩心機溫，可能未食早餐，唔夠葡萄糖。之後家怡上左離唔知做咩，然後到十一點半就去左九龍城食食物。去０既途中同阿沛玩盲人遊戲，望住係行條大直路冇人都係到驚真係好笑～～有０的好少好少好少０既不平坦道路佢都嚇到仆街，嘩哈哈！～！～！之後上的士，個司機係到望，以為佢真係盲，跟住偷聽咱們講０野先知係玩遊戲，俾我見到佢偷笑～

食完食物同阿沛猜，輸左０個個要食晒阿妹食剩０個碗意粉，結果當然係佢輸。近來食食物都食到隻碟同隻碗好乾淨，因為如果唔係第時會娶個豆皮老婆～寧可信其有呀～之後走左去買技巧鞋上體操，超級樣衰呀著左之後！！跟住番到去一點幾，番左房到佈置，我張咱們０的學生相貼晒係我張肺片到～跟住間房又越離越多人，好熱鬧。之後胡迪係我張床食飯，又成日攻擊我要害，我遲早衝入去佢間房強姦佢！然後我去痾屎，佢俾著隻ｓｐｏｏｎ我，叫我筆舊屎俾佢食．．．我真係拎住隻ｓｐｏｏｎ一路痾一路豆住條屎，跟住拎上離．．．嘩．．．．．真係好好好好好好好好好好好好好好好好撚核突．．．好嘔心．．．連我都頂唔順呀，我又輸左一仗．．．．．．．

跟住上體操，我同阿沛夾好著左件白色底衫，然後張條長褲優到上肚腩，超級攪笑～～同ｄｏｃｔｏｒ張一模一樣嫁個ｌｏｏｋ！～！～！今堂學左０的基本手部動作、前滾翻咁上下，平時睇電視見到０的人做得好容易，但係原來自己做就真係好難，０的根硬到仆街，如果細個時候拉開根就好喇，等我第時迫我個仔每日都要拉一字馬，咁佢大過左就會好強，見到０的男仔係到做埋０的咁０既動作，真係好嘔心呀～～～～雖然要上三個小時，但係都唔覺上左咁耐啊～好好玩，好新鮮，平時接觸０個０的來來去去都係打波游水跑步，等我好好磨練一下技術。

上完之後諗住去食食物，擾攘完一輪先至去左食日本０野，跟住就番左ｈａｌｌ，叫到阿坤，叫我一齊去練波。於是就番ｈａｌｌ先，然後又溫ｉｔ．．．溫溫０下上左床．．．．然後．．．．失去左知覺．．．．跟住俾阿沛噪醒左，執０好野就去左ＪＳＣ，好耐都冇踢過草喇，踢波都幾好玩呀，根據阿騰０既統計，足球係球類運動之中得分後興奮度最高０既一種運動，我真係好想試一次係十一人０既草場上面感受一下呢種感覺．．．．．

踢完波之後番左ＨＡＬＬ，然後叫外賣，個白痴婆送到離之後又話係停車場，害咱們行到老練咁遠，原來係南座個入口到，頂佢個肺！！次次叫親吉列牛扒都俾左吉列豬扒，仆街，我成功食過一次咋！！！我唔要豬扒呀．．．唔制呀．．．．．．．．．．．．．跟住我打番屋企，我質問佢係咪整跌過，佢係到奸笑承應，仲話：「跌落華地０者麻，邊有笠左咁誇張呀～」，我頂呀！！唔係「笠」左我點知呀！！！我好心痛呀真係！！！！

今日要多謝ＲＥＧＩＮＥ夜晚晚都幫我去屋企拎ＧＲＡＮＴ＆ＬＯＡＮ０的ＦＯＲＭ、仲有＄３００買書費，個人身份證、健身彈弓一條，真係唔該晒佢啊～～夜晚就係到溫ＩＴ．．．好多呀．．．痴線，不過好在仲有時間，慢慢睇一次啦．．．應該唔會有事掛．．．．．近期愛上了「披著羊皮的狼」，好鍾意０的歌詞，個比喻我覺得好正，雖然首歌又唔係十分好聽～

跟住又痾屎，不過今次玩左０的新０野，拎左部ＤＣ入去影０的屎，嘩．．．．好嘔心呀，我決定以後每日都影低，睇０下有咩變化，哈哈！～～之後仲ＳＥＴ埋做ＷＡＬＬＰＡＰＥＲ～～哈哈！！！！！！！！！！！！！！！！！！！！！！！！睇０下仲有冇人咁係我張台食食物！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我喜歡痾屎，不等於喜歡食屎；我喜歡妳，不等於喜歡跟妳拍拖。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>January 17, 2005 at 7:11:35 PM GMT+8

2005 年 1 月 15 日 星期六 【乍雨乍晴】

嘩．．．你老味．．琴晚嚴重失眠，唔係因為唔眼訓，其實係好眼訓，不過好凍，張床已經係地下，張被仲要簿到好似張紙咁．．．縮到好似粒蝦米咁．．．跟住起身著晒０的縷訓，但係都係感覺好差，我終於感受到露宿街頭０既感覺。就係咁唔知幾多點我先失去知覺，但係十點鐘就要起身番工．．．嘩．．．好慘呀．．．唔番屋企喇真係．．．

起左身之後先發覺唔記得拎帽番離，焗住要去洗頭。跟住出發番工，今次唔知點解又可以四十五分鐘番到去。今日係馬會見到有個女仔件衫同我一模一樣，真係好撚黑人憎，人買佢又買，食屎啦！！之後等埋魚翅一齊坐。琴晚小注＄３０中左，上天就係咁鐘意作弄人，訓身０個時佢又唔俾你中，呢０的咁０既雞仔數就中．．．但係我身上都係一蚊都冇，唯有問人借＄２０食食物．．．唉．．．

今日魚翅報左早走，未夠兩點就走鬼左．．．攪到我超悶，又眼訓，隔離條死八婆又成日去痾尿，女仔之家成日痾尿，正一死八婆，仆街！！！阻撚住晒！！！！！！！女人真係好麻煩！！！跟住今日０的馬又唔聽話，成日都唔入閘，攪到延遲晒，死馬！！！！！！！！今日真係好難捱，我差０的以為自己唔可以支持到放工．．．．

終於六點幾放工，我就番上水，去到上水火車站見到有ｐｒｏｍｏｔｅ曼聯信用卡，都幾型啊，於是就申請左，拎左份小禮物。然後唔知點樣簽多個名又多一張小騰騰一族０既信用卡，雖然好女仔，但係是但啦，反正都係簽個名～之後就去左套現番０的人仔，有番＄１３ｘ，然後上馬會再將琴日連本帶利０既＄７０訓落祖記，尼維特，我相信你！！～！～！我要再次咸魚翻生！！然後就番屋企執番晒０的０野，拎埋部相機去太和阿叔到食食物。

細佬讀到中四打算唔讀中五走去讀展翅．．．雖然我係大學生，但係我邊有資格俾意見佢呀．．．．我都係虛有其表，不過事實上點都應該讀埋中五０既．．．食完之後就緊係做最重要０既事，就係問阿ｍａｙ拎錢，填補國庫。去到九龍塘，有２５ｍ我都唔鬼搭，吹波呀，一個人行路都幾開心～

番到宿舍又要搵看更開門，到門仲未整番好，聽日先可以換電．．．．．之後坐係電腦前安頓左一陣，然後上左去ｅｌｌａ到拎Ｉ．Ｔ．　ｎｏｔｅｓ．．．．跟住順便去競哥到叫佢ｓｅｎｄ番張籃球照俾我，ｕｐｌｏａｄ番０的相。原來個相簿有個ｐｒｏｇｒａｍｍｅ可以隨意調０的相０既先後．．．等我之前仲逐０下ｃｌｉｃｋ咁戇居～接著就溫Ｉ．Ｔ．．．．．唉．．．睇完一份，但係都唔知點解好似冇咩安全感咁．．．．

>>January 16, 2005 at 6:41:06 PM GMT+8