2005 年 2 月 25 日 星期五 【微冷】

琴晚訓教０既時候係個櫃到拎多張被出離，結果訓得異常好。一路訓到十二點先起身，然後就去左沖涼執０野番ｂｕ睇大專籃球。一點鐘約左肥華係火車站等，但係佢遲到十五分鐘，因為為左去賭！！！成日掛住賭！！運動唔係要來賭博嫁！！！！

去到九龍塘開始有０的死人雨粉，天文台話又會轉涼，真係開心，我寧願凍都唔要再見到個廁所變左做仙境。兩點鐘去左睇女子比賽，佔有主場之利的我們聲勢浩大，不過最後都險敗兩分．．．唉．．．真係唔開心，打左咁耐氣都輸左，好灰，不過比賽總有贏有輸０既，其實都已經打得好好嫁喇，兩分ｏｎｌｙ．．．．．

睇完之後再睇埋男子組ｉｖｅ對珠海，ｉｖｅ好似好勁咁喎真係，個個都咁鬼死大件頭，又準，好強呀！！！！跟住睇到第四節走左去食食物，因為已經大局已定了。今次又去左聯福，不過冇食Ａ餐，叫左兩個下午茶食，飲左兩杯熱柯華田，超爽～跟住又番番去睇波，又變番做女仔，個場爆晒，不過０的人都唔係為左呢場來睇嫁喇。完左女仔之後又到ＢＵ男仔，強呀，大勝城大殺入決賽！！如果男女都贏晒冠軍就威喇真係！～唉．．．．

睇完之後去左南山村食食物，間死人０野雖然唔算難食，但亦都唔見得非常好味，不過就好似去飲咁逐樣逐樣上，食都食得唔自在，等得又耐，頂！！食完之後行左去火車站，跟住搭２５Ｍ番ＨＡＬＬ。

番到去真真正正咁做埋中文，麻鬼煩又唔可以過２１００字，攪到我強行宿到２０６８，跟住扮狼幫阿沛打左篇中文．．．．但係原來都唔係想像中咁容易，好似大概打左一個鐘頭多０的先打完。之後落左去幫ＲＥＧＩＥＮＰ　ＰＲＩＮＴ中文功課，然後順便幫阿沛ＰＲＩＮＴ埋啦。今日佢又拍到成點鐘先番屋企，再咁落去佢會以為自己係明星嫁喇。你就想呀！！

．．．聽日要去渣打做ＨＥＬＰＥＲ．．．．５：３０去到灣仔．．．都唔知點算，訓好定唔訓好呢？．．．．

>>February 26, 2005 at 6:40:48 PM GMT+8

2005 年 2 月 24 日 星期四 【陰晴不定】

昨晚訓左一個好飽滿０既教，不過呢幾日唔知點解次次都訓到中途堅急尿，可能係膀胱有事．．．由於ｄｏｃｔｏｒ　ｌｅｕｎｇ死左去開唔知咩會，所以今朝０既八點半堂決定取消～～～嘿嘿，一路訓到十一點先起身，雖然都唔係咁想起身嫁喇。然後沖完涼就換左套整齊０既ｓｏｃ縷ｓｏｃ褲去許士芬做ｌａｂ，所以去唔到Ｒ２，撞唔到ＲＥＧＩＮＥ了～

都唔知邊Ｑ個話要換ＳＰＯＲＴ　ＬＯＯＫ做ＬＡＢ．．．．冇一樣０野係會出汗囉．．．不過好多都幾過癮，唔錯唔錯，咁又玩左一堂，真係開心喇～之後又要去上英文堂，今日０的堂唔知做咩事，全部都調課室０既，去到九樓見到ＣＡＲＭＥＮ成舊飯咁企係門口話冇人，攪到我仲以為老鼠先生病左鬼咁開心，但係阿狗冇啦啦打離提我轉左去電腦室，佢唔知點解佢忽然咁好死．．．．．英文堂又係玩電腦０的英文ＧＡＭＥ，超爽～～落左堂之後就去左買個叉燒燒肉飯食，真係好唔掂囉今次，０的叉燒都還可以，但係０的燒肉真係好撚難食，仆街，又乾又冇皮，變撚態嫁０的人真係．．．．．．

食完之後又痾屎，不過呢幾日產量都唔係咁豐富，可能係食得少飯有關。跟住再去上ＰＨＹＳＩＯ做ＬＡＢ，今次得阿釗一個做最大攝氧量，一定跑得好辛苦喇陰撚公公～～～～今日根本上全部堂都係過得十分之輕鬆，完全係抵呀！～可能個天知道咱們琴晚玩完，庇佑我們～～跟住去左拎本死人書俾ＤＯＣＴＯＲ　ＦＵＮＧ，但係佢又唔係到，明明係ＯＦＦＩＣＥ　ＨＯＵＲ都可以唔係到．．．頂．．．．．．

番到房聽左一陣歌，跟住執行架生準備去練跑，原本諗住唔番屋企，但係由於琴日洗０的底底全部都唔乾，加上又無晒襪著，焗住要番去．．．．．今日轉左場去ＩＥＤＵ練，你老味真係把幾火，係大埔搭小巴去，同個小巴佬講左話新翠山莊俾我落床，點不知坐左好耐唔對路，見到「歡迎光臨沙田」個牌．．．知道不妙．．．條廢物唔記得叫我落車．．．．於是我就坐到去沙田再搭番去大學一帶．．．一落車人跡罕見．．．四周都係樹，又黑又靜，０的風吹到０的樹係到搖０下搖０下．．超級陰森．．．一路係咁行．．．行左成三四個字先到．．仆街，呢個都唔知咩場離，起係０的咁偏僻０既地方，痴線，唔係人到嫁真係！！

今日衝左８個１２０Ｍ，然後又跳欄，我終於知道之前個左右屎忽肌點解會咁痛，原來就係做０個０的死人欄所致．．今日又唔算極度辛苦０既，不過叫做跑番０下。其實田徑真係最悶０既運動，係個場到跑來跑去都冇意思，又唔係鐘意，但係又想跑，真係好鬼死矛盾。

練完之後搭ＩＥＤＵ架車番左大埔火車站，然後番到屋企十點幾，跟住砌左個餃子蝦乾煱蛋面，正～然後ＲＥＧＩＮＥ終於拍完戲番離，呢排佢日日都要幫人拍ＯＮ－ＰＲＯＪＥＣＴ，攪到真係好似明星咁，原來明星０既生活係咁忙碌，所以就算我真係同左阿嬌一齊都未必會咁開心．．．都係默默地係背後守護佢方為上策～～之後十一點幾出左去同佢食食物，其實我都食飽左嫁喇，不過見咁夜又係上水佢又住咁近，護一護佢啦！～！行到新都見到盧耀翔，佢真係好鬼噪，跟住係牛丸大王食０野又見到阿ＢＩ，上水真係好細．．．．．

番到屋企同黎家怡傾左一陣電話，佢話搭火車經過ＩＥＤＵ運動場時見到我跑步，都唔知堅定流。跟住又同禤德慧講左兩句，聽日浸大男女子籃球都有賽事，必勝～！

>>February 25, 2005 at 7:39:24 PM GMT+8

2005 年 2 月 23 日 星期三 【炎熱】

連續兩晚０既歐聯大戰令到身心俱疲，前晚皇馬慘勝祖記１：０，尼維特剛剛傷愈又再受傷被換離場，真係慘。琴晚睇晒住場，成六點鐘先訓教，我一訓落床已經好眼訓，但係好辛苦咁一路釣魚一路ｓｅｎｄ左個ｓｍｓ，嘩．．．．都未試過ｓｅｎｄ得咁辛苦．．．最恐怖０既就係今日要上８：３０．．．．．痴線嫁，完全係體能上０既終極挑戰，不過小騰都依然起到身．．．．．．．唉．．．好累．．．

今朝上兩堂ａｄｍｉｎ，真係好難頂，對眼好似被火燒咁，眼訓但係又訓唔到，之後測左一個小驗，然後上完再要上兩個鐘頭排球，好彩係上排球咋，如果唔係真係死俾佢睇．．．呢排行去偉衝我都避開左ｒｉｃｋｙ，因為０的人話我遲早會俾佢雞姦，我都開始有０的驚，因為佢個樣笑起上離真係好淫．．．．

上完排球之後就番左ｈａｌｌ，食左個十蚊飯慳０的錢，然後去沖涼。真係好憎春天呢０的咁０既死人潮濕天氣，仆街，成個廁所一沖完涼就好似去左仙景咁，煙霧迷離．．．．．跟住０的地下又濕濕地咁，西到爆．．．．照鏡時仲以為自己影緊沙龍．．．．．仆街．．．好黑人憎呀，潮濕令到我０的ｐｏｓｔｅｒ同相變形呀，０的紙梅晒呀，好唔開心真係，春天真係好仆街．．．沖完涼之後家怡幫我拆晒利是，ｔｏｔａｌ應該過２０００，不過純利是就得＄８４０．．．然後發覺原來我仲未幫潘ｓｉｒ俾本書ｄｏｃｔｏｒ　ｆｕｎｇ呀仆街！！！～然後就睡眠．．．

午睡真係人間一大樂事，完全係唔會輾轉反側，從來午睡都係一訓就訓得著。訓左一個鐘頭真係堅急尿，迫於無耐起左身，跟住再訓．．．到我訓醒ｆｅｅｌ到曾經抽過根．．．不過唔知點解冇醒到，好奇妙，唔通肥華幫我拉根！？！？！冇咁０既可能啦。呢一教真係補充了不少，挽回我條狗命．．．然後打番去馬會，因為琴晚放工唔記得拎部ｍｐ３走，好彩有人執左咋～～跟住就出發去呢個燒烤活動。

首先我同競哥、阿信去大埔，然後等埋阿林同佢ｂｆ就搭ｖａｎ入大尾篤，然後去左燒烤王。我喜愛燒烤，但係天氣唔可以太熱，咁就ｐｅｒｆｅｃｔ喇。跟住燒左一陣震西、假ｍａｙ、大佬、切雞入左來，然後肥華、沛、ｅｌｌａ、ｗｉｎｎｉｅ、釗八點幾到達，都算係咁了，ｔｏｔａｌ有１４條粉皮。燒０野食最好玩都係透爐，好鬼死鐘意透爐，特別係撥０個０下，超好玩～～今日撥到對手勁軟，無形中又可以鍛鍊了。今日星期四，所以冇咩人，個場到有一隻靈狗，都幾可愛，不過就好似冇咩精神咁，俾左塊牛扒佢食，佢真係識食喎！！然後同ｅｌｌａ夾左兩個公仔，每個都係要＄１０先夾到，應該唔會咁巧合，隻小猴子勁得意呀～～
跟住咱們嘗試係一分鐘內吞晒一塊方包．．．．結果．．．係冇人成功，其實之前都玩過，根本都唔知有冇可能～由於係任食０既關係，又唔會唔夠食物，又唔會多左食物，實在係環保。跟住幫阿婆執汽水罐，然後玩左一個遊戲，當一隻腳用力踩住個汽水罐，然後第二條友用兩隻手指篤一篤個罐，個罐就會自己貶左，好神奇，呢個世界有好多０野都好神奇～

燒完０野食十二點左右去左大埔食糖水，胡迪同馮英麒都來了，食完之後就搭死亡快ｖａｎ番九龍塘．．．三個字咋只需要．．．．．．顛嫁你老味．．．．番到ｈａｌｌ又係好潮濕，真係好撚麻煩。沖涼時候我係到洗底褲．．．．係咁用腳踩，廢時又落去洗，跟住又要等．．．
之後開左冷氣，唔係因為凍，係因為潮濕！！！！春天，我要收你皮呀！！！！！！！！！

>>February 24, 2005 at 6:54:45 PM GMT+8

2005 年 2 月 21 日 星期一 【乍雨乍晴】

今朝八點五十分就起身，因為要去食呢個勁食早餐，一起身．．．．．我彷彿被萬人狠狠地圍毆了一頓，全身經脈盡斷．．．嘩．．．腹肌同兩條腿所有肌肉都好似唔屬於自己咁．．．不過呢種感覺痛得好ｈｉｇｈ～刷完牙之後係個洗手盤到假洗頭，然後就再著件大羽絨出去，有左呢件防禦力加１００的羽絨，真係再冷也不怕～

落到去食到好飽，以＄１０呢個價錢真係算係唔錯嫁喇～又有得飲果汁先生，正～食完之後去左上ｍｏｔｏｒ－ｌｅａｒｎｉｎｇ．．．跟住落堂要留底傾社盾，咱們要表演少林足球跌士巴拿０個一幕呀！～！～！跟住又去上羅菁堂，今日開始講辯論，我諗大概係文雅地跟別人噪交。今堂唔算悶，因為聽佢解釋０的題目都幾有趣。休息０既時候去左廁所痾屎，不過痾唔到，一心諗住今朝食左咁多０野一定會好勁，但係我剩係ｆｅｅｌ到個肚谷住谷住咁。

上完中文堂，原本要上兩個鐘英文，不過今日英文堂改左做聽一個ｔａｌｋ～一點鐘開始，咱們十二點半就去左食食物，ｗａ～又唔洗錢有０野食喇，正呀～又有得飲果汁先生～唉．．原本係唔洗去聽都可以的，因為根本就唔會ｔｉｃｋ到ａｔｔｅｎｄｅｎｃｅ，咁咪周圍同人講囉，誰不知當我鬼死咁大聲咁同死人袁嘉雯講０既時候，老鼠先生企正我後面．．．．．．．又係到扮老鼠咁笑．．．我就話：「講笑咋，唔聽都唔離啦～」，之後笑到仆街，哎呀，好七呀．．．由於呢個死人ｔａｌｋ計ｕ－ｌｉｆｅ，所以阿沛同阿華都去左。阿沛都話英文ｓｉｒ似老鼠，證明我冇冤枉佢啦～

聽左一個鐘頭多少少就完，之後番左房，原本諗住溫習，但係最終都同肥華係到假睇功夫．．．跟住到四點左右又食食物，去左食滑蛋豬排飯，佢今次又俾左碗凍０既面豉湯我，我緊係唔肯過佢啦！食完之後就打俾０的人問去唔去ｂｂｑ，真係好鬼麻煩，去又唔講，唔去又唔講，０下０下都要問，自動自覺合作０的咁就唔洗咁麻煩啦，叫左ｒｅｐｌｙ又唔ｒｅｐｌｙ，好似哎契弟咁哎０的人去，頂！！去就一個字，唔去就兩個字，爽爽怏怏麻！攪左０的人又唔去，唔攪又話冇活動，就得呢個又唔就得０個個，呢個話近０個個又話遠，邊有可能就晒咁多個嫁，咁緊係以大局為單位嫁啦！

食完之後又番房假溫ａｄｍｉｎ，坐係床到係咁釣魚，跟住仲一０野砰左落張台到，原來肥華都伏左係到訓教．．．．佢終於都識得訓教了．．．雖然訓左兩三個字，但係竟然都有發夢．．．痴線嫁．．．．跟住八點左右去左ＪＳＣ等埋０的人就去左九龍城食食物，去左一個廢物茶餐廳。某人爸爸有事入左醫院，開頭都有０的擔心，不過好彩冇咩事，健康真係無價０既，所以趁健康用多０的錢先．．．．食完之後就去左訐留山食糖品，然後行番ＨＡＬＬ。

>>February 22, 2005 at 7:21:01 PM GMT+8

2005 年 2 月 20 日 星期日 【乍雨乍晴】

琴晚飲到成ｐａｔ０野咁就番房訓教，差少少，堅差少少我又亂咁ＳＥＮＤ　ＳＭＳ，好彩控制到咋，如果唔係都唔知會變成點ＬＵ．．．．．今朝仲要上８：３０。我腦海裡沒有放棄的念頭，我要保持今個ｓｅｍ不走堂的驕人記錄。今朝七點四十五分起左身，成塊面覺得好腫咁，跟住沖左個熱水涼蒸一蒸發酒精，然後執埋０野就出發。經過琴日０既打擊，我決定件小棒球縷係房著，因為其實十分保暖，無謂浪費。今日又著住件大羽絨出去，個身暖到呢～不過個頭同對手都好凍。

晨早流流又見到羅菁，雖然佢好臭串，不過其實又唔太憎佢０既，佢又冇對咱們做過０的咩，做人又唔好太過主觀，佢講０既０野其實都有ｐｏｉｎｔ的。上完堂之後又去左舊ｃａｎ食食物，老實說真係唔好味，痴撚線，０的食物凍嫁，我仲耿耿於懷一次食過０既冰蛋冰腸．．．食完之後去左圖書館還書，呢本西書特別巴閉，只可以借兩個鐘頭，遲左一個鐘頭罰＄２！！
原本今日係要去溫書，但係經過昨晚０既戰鬥，我決定今日０既溫習要取消，番左ｈａｌｌ休息。睇左一陣明星賽，跟住就再進入夢鄉。

訓醒之後就去左上體操堂。今堂學倒立，有０的難度，個頭好似腦沖血咁。跟住跳呢個墊，亦都唔係咁容易，仲俾震西一腳踢左落隻手到，好彩冇咩大礙．．．．不過因為佢０既動作太具侵略性，所以ｄｏｃｔｏｒ張禁止佢練習。今堂研制出一種新形坦克車模仿方法，加埋苗準器更加迫真～～

上完堂之後去左食食物，６個人食６個Ａ餐，個死八婆次次都俾幾條薯條，仆佢個街，俾多幾條唔洗死呀，咁度都唔知做嘜春！！然後番左ＨＡＬＬ執埋０的０野就出發去體院練跑。係火炭等埋ＲＡＹ佬就一齊行去，去到見到張軒，好耐都冇見到了。今日係草地到跑，起初跑４次，每次大約六七米，跟住加上去五次六次七次八次九次．．．．．．．．又未至於要死０既，不過真係有０的累啦，今朝起身已經全身痛痛地．．．跑跑０下發覺兩隻手肘好痛，左邊因為之前上排球堂踩波車，右邊我諗係因為今日中左腳飛毛腿．．．．．夜少少先見到潘ＳＩＲ來教班弱智運動員，佢地認得我上次去左拜年，雖然有少少聽唔清楚佢地講咩，但係都覺得佢地好友善～不過呢個社會好現實０既，莫講話弱智人仕，就連正常人都成日受到不公平待遇。跟住佢俾左包０野我，叫我俾ＤＯＣＴＯＲ　ＦＵＮＧ，三唔識七冇啦啦走上去俾０野佢都唔知點算．．．．．跑完之後又跳欄，真係有０的累．．．跟住沖涼，０的水都唔夠熱０既，都係教院０個到舒服～

跟住搭火車，竟然有話，安安定定咁坐底先覺得累，但係累得好舒服，條氣管好似有０的通左咁，條氣都順番晒～呢排好鐘意食朱古力，因為食完會覺得唔肚餓。番到宿舍十點半竟然仲有食物賣，但係０的兩餸飯真係好似豬哨．．．但係肚餓冇計啦～然後一路食一路睇殘酷一叮，都唔係咁好笑０者．．．．．．

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

>>February 21, 2005 at 4:44:36 PM GMT+8

2005 年 2 月 19 日 星期六 【乍雨乍晴】

琴晚全晚都訓唔到教，因為天氣實在太寒冷。我諗連天橋底個ｂｅｇｇｅｒ張被都厚過我屋企張床０個張．．．．阿ｍａｙ自己就有兩張大被，於是我就著晒冷衫咁訓，上身雖然冇事，但係下體就仍然係好凍，唯有好似蝦米咁縮埋一舊。

幾經辛苦先至到天光，跟住俾電話噪醒左，然後講左一陣就起身沖涼。凍到仆街囉。沖完之後阿根拎左件新買０既黑色羽絨俾我著，超暖呀真係唔好講笑，正！！琴晚如果一早拎出離就唔洗攪到冇教好訓啦！！！於是就執埋０野出去同肥華去左街市食食物。

行到去商場，我心靈上受到徹底性的打擊。曾經我至愛０既ｃｈａｍｐｉｏｎ小捧球縷已經被我遺棄，因為幾乎平均每日都見到２．５個人著住．．．但係今次呢個死０靚ｋｅｎ，去到我心口０既一個小朋友居然都著住．．．．嘩．．．．ｃｈｅａｐ晒喇．．．．．．堅悲．．．唉．．．．．

食完個雲吞牛腩河加底再叫凍檸茶都只不過係＄１９．．．．一個字：超值！喝３呎４坍山３去大埔火車站集合，然後去教院。去到見到ａｎｇｅｌ件小背心同我之前係上水買０個件一樣的，＄３９　ｏｎｌｙ～跟住搭巴士上去，教院環境優美，風景怡人，真係一片樂土，點解人地０個０的校園可以咁正嫁？？！？０個景望出去好似去左郊外咁．．．痴線嫁！！！！

之後踢聯校挑戰杯，第一場險敗教院１：０．．．哎呀，ｍｉｓｓ左幾個老機呀，頂！全場都按住來攻嫁喇，不過入唔到波就係輸嫁啦！～第二場好彩大勝中大４：１，都算係有個交代。踢完之後係０個到沖埋涼，真係超超超級舒服呀，０的水夠力又夠熱，真係正呀！！跟住就番屋企先，超級眼訓呀！！但係都係到做左陣評說式閱讀，做左十幾分鐘就寫左過千字，不過還需有待修改，之後搵番本文化書出離，正啦完全，篇傳統科學同要做篇０野好有聯繫，不過好零碎，有待組織。

夜晚番ｈａｌｌ，仆你個街，又訓到去旺角．．．．頂！！冇飲酒嫁啦已經！！跟住番到去坐左一陣去左吳多泰迪迪仔生日會。去到見到個雪櫃真係有點兒嚇親，有１６支大啤呀痴線！！原本諗住上去切一切蛋糕就走嫁喇，但係美女與酒當前又點能夠抵擋得住。於是分左兩隊玩，仆街．．．．．係咁輸，男子組都唔知飲左幾多支喇．．．．堅頂唔順，又飲得多又飲得快．．．好辛苦呀，不過震西確實好型啊～

>>February 22, 2005 at 6:57:31 PM GMT+8

2005 年 2 月 18 日 星期五 【乍雨乍晴】

琴晚成五點先訓，不過今朝唔知幾點又噪醒左，一醒左就訓唔番，呢排唔知點解成鬼日都訓得唔晏，真係好唔開心。最後差唔多兩點鐘起身，跟住沖完涼去左食食物，食左個滑蛋牛肉飯，跟住就去左ｐｒｉｎｔ中文ｎｏｔｅｓ。番到上去之後執埋０野去左圖書館，借左本閱讀報告０既原書番離，死人羅菁懶到仆街，又唔用ｗｏｒｄ打篇０野出離，就咁ｓｃａｎ本書當圖片俾我地，睇西到呀仆你個街！！

之後睇左一陣，然後小溫左少少ａｄｍｉｎ，但最後都訓左教。五點幾番番宿舍堅發火，自己有房又唔死番去打，係都要走離人地間房打，仆你個街，我一心諗住做功課係到，粒聲唔出走過又坐我張床，ｆｒｉｅｎｄ底都話０者，識你老鼠呀，仲好意思係到講係唔阻住你～我屌你呀，你話呢，冇腦嫁，仆你個街！去麻雀館打呀仆街，我唔係睇住阿釗份上我拎起個啞鈴就車埋去呀你老母西，嘩～抆撚到我呢執埋包袱番上水算，反正聽日又去大埔踢波，我連續三腳用盡力爆落到防煙門到，都唔知幾耐未試過咁谷氣，真係想係街是但搵條友就打呀！！！

番上水途中我依然好撚抆，咩歌都聽唔入耳，對眼就離要噴火，落左火車番到自己地方更加視無忌憚，火上加火，我怒啤所有行過０既人，恨不得有人同我開火，我就可以發洩！！但係行左無耐電話就響起，聽完電話忽然怒氣全消，仲好輕挑，相隔唔夠五分鐘，０個種情緒上０既轉變真係大到得人驚。原本諗住去染頭髮，不過俾人游說左唔去，之後就同禾惠係上水行左個圈，咱們都係８：３０閃人係上水食飯～實在太夾了。

跟住去左食煲仔飯，雖然等左好耐，但係真係幾好味。夜晚真係好凍，又大風，痴孖根，差０的支持唔住。食完飯去左江師奶到坐左一陣，睇左少少套唔知咩節目，咩上網預知未來，好撚白痴．．．．跟住堅頂唔順，打的番左屋企。

>>February 19, 2005 at 5:10:15 PM GMT+8

2005 年 2 月 17 日 星期四 【乍雨乍晴】

今日又係八點半，上完堂之後番左房小睡，不過訓唔係幾到。跟住再上ｍｏｔｏｒ－ｌｅａｒｎｉｎｇ，先發現好耐都未試過四個人一齊坐了，突然好有親切感。跟住落堂食左蛋糕，今日係坦克車生日，係就係寒酸左０的，不過佢唔會介意０既。之後食完就駕駛住架坦克車去左舊校上英文堂。今日只係上個鐘頭，大家都開始唔再怕老鼠先生。

落堂之後又番番去ｈａｌｌ，砌左個面之後又再去做ｌａｂ，然後一心去ｉｎ　ｍａｇｉｃ　ｃｌｕｂ，但係０的人太唔守時，我準時六點鐘到竟然一個人都冇，真係十分失望。於是番左上水剪頭髮，入到去又見到禾惠係到剪緊，剪短左幾靚呀，我都剪左個新髮型。

剪完頭番左屋企，ｍａｙ又係到打麻雀，跟住係房到玩電腦，突然有人打噴嚏，嚇到我仆街，以為真係邪到咁，搭火車跟到我番屋企啦，點知原來係黑炭仔打噴嚏，哎呀，佢凍呀～～書台上面有份東方日報體育版「心誠名師出高徒　終嘗總冠軍滋味」，終於都贏到了，我最後一屆其實都已經好強，但係始終飲恨，我一路睇內容都好感觸原本都猶豫緊去唔去練番跑，睇完之後０個股熱血係到沸騰緊，冇理由入左體育系反而會身體差左嫁麻！跟住去左海港打邊爐，食到好撚飽，然後十一點幾去番宿舍。

打左俾潘ｓｉｒ，佢叫我星期一開始落體院搵唔知邊叉個。番到宿舍，玩左一陣就同馮恆行去九龍城篤波，傾左０的感情事，有少少打通左任篤二脈。跟住阿釗來麻，篤到四點鐘走人。

>>February 22, 2005 at 6:57:13 PM GMT+8

2005 年 2 月 16 日 星期三 【陰晴不定】

琴晚真真正正咁失眠，到今朝七點先算係真真正正咁訓得著。由於近日天氣異常潮濕，所以開左冷氣訓教。今朝八點鐘先起身，跟住就覺得好凍．．．．今日冇洗到頭，帶住頂帽就出去上堂。唔知點解呢幾日訓得咁少但係上堂都冇恰眼訓。好彩今日有上八點半，因為又有ｅｘｅｒｃｉｓｅ。

上完之後去左上排球堂。未正式上堂時就鬥波，我開左一個摧毀性發球，將黎家怡隻手弄傷，實在太強喇我，可憐佢堂都未上就要坐埋一旁。今日上堂學殺波，阿ｓｉｒ叫我地兩個人一組對住牆殺，我同肥華發現有個插蘇位，於是就苗住離係咁打，諗住打爆佢，但係最後只係打到佢又開又關．．．．不過之後發現有個牌係到，於是用盡全力殺落去，成個牌飛左０的０野出離～但係好不幸地，由於熱愛足球，上上０下堂因為賣弄腳法，唔小心踩波車．．．．來一個大仆街．．．．．左手手肘傷左呀．．．好撚痛呀．．．．

上完堂之後就自己玩左一陣，跟住落左去做ｇｙｍ。原來諗住做ｂｕｔｔｅｒｆｌｙ，但係隻手肘一貼埋去就超痛！所以剩係舉啞鈴，舉到隻手好似著火咁，屈都屈唔埋，不過超腫漲，好型啊～然後去左食食物，食左個咖哩雞扒飯。

之後番左房訓教，睇左一陣功夫，哈哈～「後生仔後生仔，,唔好行住～～嘩～～不得了呀～不得了呀～你有道靈光由天靈蓋噴出離，你知唔知嫁？年紀輕輕就有一身橫練0既筋骨，簡直係百年一見0既練武奇材，如果有一日，俾你打通任督二脈，你仲唔曉飛天呀？正所謂：我不入地獄，誰入地獄？警惡懲奸，維護世界和平呢個任務就交俾你啦好唔好？！？」然後沖左個涼，開埋冷氣就訓教．．．．訓訓０下教我好清楚咁感覺到有人用０野整我條頸，好似係絲狀０既０野．．．．跟住我好大咁抽蓄兩下，我好記得我真係好大動作，朦朧間我見到有個人係到笑，跟住我就火火地講叫佢唔好撚攪．．．．．然後有陣小笑聲．．．我一直都以為係雷超，但係佢同肥華都發晒毒誓咁話冇．．．．死啦．．．唔知咩離ｔｉｍ嫁．．．．．．．．

六點鐘起身ｓｅｔ頭，不過整極都唔滿意，要剪喇真係．．．跟住去左又一城玩具反斗城，我買左兩支公仔玫瑰花，好靚呀真係，不過可惜只係得小玫瑰～跟住去左廢物商場食壽司，等左成兩個鐘頭，痴線嫁，期間我見到家姐，我先記得原來我係有家姐，我都唔知幾耐冇同佢講過０野ｌｕ．．．．其實０的０野真係ｏｋ唔好食，不過平就冇計啦．．．唉．．今日手風好唔順呀，猜輸晒．．．食左舊超核突０既飯呀．．．都唔知會唔會肚痾呀又．．．．．．今日０個兩部死人大雪櫃係咁係到唱明目張膽，又講人家０的０野，好鬼黑人憎，真係想打爆佢兩個個頭，不知幾咁無耐，都係馮力行最好人，既然係咁，等我張黎家怡張相移埋去荒島陪豬豬！

跟住搭的士番ｈａｌｌ，男子漢唔應該咁絲絲縮縮，於是我就一針見血咁講晒要講０既０野，如果我鐘意你，你唔鐘意我，又或者你鐘意我，我唔鐘意你咁就咩事都冇啦，但係偏偏就我鐘意你時你又鐘意我喎，我應該開心定唔開心呢～～？？～？～既然已經灘晒牌，咁就冇得話當冇事發生嫁喇．．．．點解我咁麻撚煩嫁，可能我真係一隻冇腳０既雀仔～

夜晚，馮力行冇啦啦開一開到門話：「我訓喇．．．．」．．．．我呆左．．．我話：「你訓咪訓囉，做咩同我講呀？！？？」～～～唔係拍拖先要臨訓前同對方講嫁咩～？？好笑呀真係！

唔知點解，講左之後好似打通左任督二脈咁，雖然未完全解決，但係個心已經舒服左好多．．．

>>February 17, 2005 at 6:11:12 PM GMT+8

2005 年 2 月 15 日 星期二 【陰晴不定】

琴晚訓教０既時候，我發覺阿寶有陣臭味，我諗應該係因為前幾日唔小心流口水所致，於是換左個套再訓。發左個惡夢，夢見立晒樽同人講數，誰不知人地渣槍．．．．結果就嚇醒左．．．今朝未到九點就起左身沖涼，唔知點解ｏｋ精神。沖沖０下先記得要叫阿釗起身，於是就係廁所叫破喉嚨先叫得醒佢。之後就剃左鬍子．．．唉．．．髮泥竟然留左係屋企，我千想萬想有咩未執，估唔到就係呢一樣０野，於是就用其他人０個０的，我完全掌握唔到，加上個頭又長．．．．．周未要去剪髮了。

起身之後拎左三包可瑞宴巧克力蛋糕上堂。今日剩係得兩個鐘０既ｐｈｙｓｉｏｌｏｇｙ。張台四隻腳不平衡，左搖又擺，頂佢個肺。上完之後去左又一城同盈食食物。我再次發現呢個世界０既渺少，原來咱們一向都係搵同一個人剪頭髮～下次要話俾肥平聽先，好攪０野呀呢種感覺，聽唔聽到呀盧耀翔江敏婷，佢竟然係去你地間髮絲舍呀～～之後去左食面，然後係又一城打滾左個幾鐘，期間見到好多同學，平時又唔見咁又緣，連ｙｅａｒ２　０個０的都見到，都唔知係好彩定唔好彩ｌｕ。又一城今日有舞獅睇，開頭都幾好睇０既，不過之後覺得越離越噪，噪到仆街！０的獅子要採晒有掛菜０既舖頭，真係替佢地辛苦～

跟住番左宿舍，入左去４０５室，真係好邪，今日去玩具反斗城先冇得買朵公仔玫瑰，但係就見到阿君塊大樹葉底下插左一朵，原來真係好靚嫁！！！哎呀，好後悔冇買到呀，０個刻差０的想偷左去，不過又唔夠佢打．．．．之後番房係床到拎左０的ｎｏｔｅｓ來睇，睇睇０下突然進入左休克狀態，醒番先知成隻青蛙咁伏左係張床到訓，仲要冇關門，都唔知有幾多人經過左．．．．．．跟住就起身番工，我今日都醒嫁喇，著左件短袖衫，仆佢個街，最憎０既春天同夏天又離喇我ｆｅｅｌ，好唔開心呀！！！！

番到馬會又係先食飯。今日全日都冇打瞌睡～開頭幾場我計劃緊一個行動。我將０的廁紙塞入組長插聽筒個ｌｏｗｎ到～然後等機會整蠱個肥仔蕃薯組長～～我同魚翅係到幻想佢個樣已經笑到停不了～～一路等待到第６場最後五分鐘，故意亂開ａｃｃｏｕｎｔ，跟住舉手話開唔到，佢一插入去插唔到，跟住係咁用力，然後兩隻手紮行馬係咁推入個ｌｏｗｎ到，嘩～！～～忍笑忍到我仆街呀！！～痴撚線，佢個樣青到就快要標屎咁～～我個心係到笑到呢～～～～～最後佢用蠻力竟然真係俾佢插左入去．．．．之後佢仲同其他人講我個ｌｏｗｎ有問題，但係個個插入去都冇事，因為０的紙俾佢硬生生咁整晒出離喇！！！！！！嘩哈哈！！！！！！

放工之後我一條友番ｈａｌｌ，感覺唔錯，如果火車站同宿舍距離可以自由調教遠近就好了，不過夏天就快到，睇離呢種咁寫意０既晚間漫步好快會成為過去．．．．．番到宿舍去左一樓買杯面同賓紛樂，跟住去左彈一陣琴，哀怨的琴聲與矛盾的心情產生了共嗚。番到房，阿沛話見到大佬係到鬼鬼鼠鼠偷蕃薯咁整我到門，原來佢大膽地移動我０的相！！！跟住貼埋胡迪張相上去，又多一個了～我再入佢間房唔見左朵花喇，佢話阿競拎左呀！！！早知我偷左去先啦！！！！～！～！～！～！～！～！～！～！～！～！～！～！～！～！～！～！～！～！

跟住係房小鍛鍊，然後再洗衫，我終於知道點解０的衫會臭．．．原來係支柔順劑呀．．．．夜晚過左對面打左麻雀，一番一拳～我開始知道點樣計番了，都幾好玩呀，不過我都係覺得將０的麻雀搭骨牌或者砌金字塔好玩０的～

近日來好煩，煩一些唔應該去煩的事。發現自己好女人，婆婆媽媽，唔知自己想點，剩係知道自己唔想點，我竟然想去做一樣我唔想做０既０野，０個種感覺就好似急屎急到忍無可忍０既時候，但係發現只可以係路中心痾一樣咁矛盾。做人太多顧忌，呢個都唔係日記版，明明有０的好想寫０既０野，但係又唔可以咁做，已經唔再係我的日記，而係為別人而寫的日記。我真係好想豁出去，寫晒我諗緊０既０野。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

和你一同笑過的人，你可能把他忘掉。但是和你一同哭過的人，你卻永遠不忘。
　　　　　　　　　　　　　　　　　　　　　　　　　　　　　　　　　　　－－－ 紀伯倫

>>February 16, 2005 at 7:43:13 PM GMT+8