2005 年 3 月 20 日 星期日 【陰晴不定】

琴晚將個被袋拎左出離掛左係牆到，跟住貼晒０的相上去，真係超靚．．．．．之後訓教好舒服，好耐都冇試過訓得咁舒服了。今朝八點起身，換好晒衫諗住戴帽出去上堂，誰不知發覺漏左係屋企唔記得拎．．．唯有係咁意ｓｅｔ，超樣衰．．．．琴晚食完最後一次藥，都應該好番好多．．．．

今朝測錯別字，琴晚基本上都溫到滾瓜爛熟，今朝連續寫左廿個字諗都唔洗諗就做晒廿題，超快，呢五分係不容有失的！！測完之後就上左一小堂，跟住就去左食早飯。然後番房。原本拎晒０野諗住去圖書館溫習，不過最後都係番左房溫。開頭都溫得好成功，又唔眼訓，不過天意弄人，冇啦啦俾我整番好個ｗｉｎｄｏｗ　ｍｏｖｉｅ　ｍａｋｅｒ，於是就將呢半年來０既片段逐少逐少咁剪輯成一段片，雖然仲未完成，但係都好好笑，最正係阿ｍａｙ同震西０既合作，簡直係一流呀！！

跟住去左偉衡打籃球，０的三分今日好準，不過打左一個鐘就腳軟了．．．然後落左去做ｇｙｍ，唔想舉手臀，好辛苦又冇咩成效咁．．．．之後食食物，原本諗住食燒春雞，不過又冇晒，頂佢個肺，唯有食燒味，馮穎華冇啦啦要多豉油，攪到之後個個都多豉油，鹹到仆街！！！！！接著去上體操堂，今堂玩倒立，撻到灘灘腰．．我地係咁扮勁唔需要人保護，入廠０既咪就係呢０的囉！！！跟住玩跳馬，好鬼勁，有一０野係完美落地，超正，拍左好多片，準備加入我０既ｐｅｒｍ’ｓ　ｌｉｆｅ～

上完堂之後就番ｈａｌｌ沖涼，今日好累，全日都係到勞動，又早起身。沖完涼剃鬚跟住著西裝，至唔鐘意著西裝嫁喇，攪到好唔舒服，結婚都唔著呀！！六點幾就出左去銅鑼灣南洋酒店。今晚０的食物其實唔算太好，不過食得飽已經算係好滿意嫁喇。之後播左段新莊宣傳片，真係唔錯，幾攪笑。今日影到部相機爆晒記憶體，我地扭晒０的衫鈕然後拎左老迪個十字架扮神父，肥華再次憑住慈父０既本色成功演繹神父一式，真係超似，好正！！之後玩左０的遊戲，抽獎時我先發覺原來一入場０個張０野就係抽獎券，頂！！我掉鬼左呀！！！又唔講清楚！！！！之後好多人都抽到現金獎，正呀！不過最正都係最後個大大大大大大大獎，扮晒抽咁，原來今日係阿蚊生日，佢地扮抽獎送禮物，真係堅正！！！

食完飯之後去左食九龍城食甜湯，ｔｏｔａｌ有＄２５０現金獎呀！！強呀！！再次食左紅豆芝麻加湯圓，好味，不過間０野好熱又冇冷氣，出汗呀仆街！！！食完之後番ｈａｌｌ洗衫，堆衫臭到呢．．．．真係會咳，唔係講笑嫁．．．．今日真係好好累，全日都好勞動，要早０的休息喇，唔係又病過嫁喇

>>March 21, 2005 at 5:39:37 PM GMT+8

2005 年 3 月 19 日 星期六 【陰晴不定】

琴晚冇啦啦俾我砌０下砌０下砌番好隻ｍｏｕｓｅ，真係神奇。今日十二點就起身，跟住就食左個包然後食藥．．．．食完藥真係好「牛」，心情都脾氣都好差，成個人都好抆，不過冇計啦，＄１７０點都要寫晒去！之後就沖涼然後執左０的０野出去打活木球。

係火車到溫錯別字，唔可以再有任何差池，聽日一定要０岩晒全取５分。食完藥又好眼訓，攪到好冇心機，又全身乏力，真係唔想講０野．．．好耐都冇試過食真藥了，呢種感覺唔好受，成個世界忽然間好似得番黑同白兩隻顏色，好唔想講０野，剩係好想無焦點咁向前望．．．．成左藥又口淡淡．．．．一臉病容再加上成面鬚根，只能以滄桑兩個字來形容．．．．．．

去到彩虹之後買左個弄沙包同埋一袋小包，諗住四點鐘食藥前食，都唔明點解食藥前要食０野，唔食又會點，真係莫名其妙．．．之後等埋大佬、切雞、ｅｓｔｈｅｒ又搭小巴去ＵＳＴ。落左車之後見到鄧ＳＩＲ，車埋我地上去，唔洗行。今日鄧ＳＩＲ都離左打，佢勁鐘意講沮喪，好好笑～個場都好多人。經過指點之後進步左好多，開始覺得真係幾好玩，雖然睇落好悶，但係原來都有樂趣，不過０的長波始終唔夠力，大力打又會出界。跟住打左場比賽，成績都唔錯，我地決心要入頭三名！！

打到六點先走人，原本約左朋友食飯，但係冇咩心機就唔去，廢時出到離又呆０下呆０下咁冇癮。番到上水去左天平村到拎西裝，條欄杆加高左唔俾人橫過馬路，但係睬佢都有味，落隧道耐幾多呀！於是就強行跨過．．．但係著住牛仔褲，拉親條肌，好彩冇咩事，如果唔係就淤爆．．．．頂！！拎完西裝行番屋企，好想係條街到大聲講粗口宣洩情緒，真燥底喇今次真係，食完藥真係會燥０的，點一點都著火呀！！！！！！！！

番到屋企安頓左０的０野之後飲左碗湯，然後就執埋０的０野番ＨＡＬＬ，好唔想番ＨＡＬＬ，快０的放假就好了，好多無形０既壓力迫埋離，生活好糜爛．．．．忽然間好討厭呢個世界，與其說唔開心，不如話抑鬱貼切０的．．．．好多０野想講，但係又唔知點講，好想０野想做，但又唔知應唔應該做，好多０野應該做，但又唔知做唔做得到．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

每一天　世界都在變
看不到　只因沒遇見

>>March 20, 2005 at 5:22:49 PM GMT+8

2005 年 3 月 18 日 星期五 【陰晴不定】

琴晚趕排球ｐｒｏｊｅｃｔ，做到好眼訓。今朝十點半就起身，跟住沖涼洗頭，然後落左樓下睇醫生，目的都係拎左醫生紙，不過個病始終都未清，我諗都需要根治一下，誰不知落到去鬼練咁多人，唔通住彩園村０的人特別容易病？？？？
陸醫生瘦左好多，唔知道以為佢有病ｔｉｍ呀！唉．．．最後咁就用左＄１７０，洗錢真係好容易．．．

跟住同肥華去左新街市食食物，如果九龍塘０的０野都係咁０既價錢同質素就真係一流喇。食完之後食藥，一直都唔明白點解一定要用清水食藥，用凍檸茶唔得嫁咩？！一次過啪左４粒藥，細個時候一粒都食唔到，而家真係型，啪慣丸啦擺到明～！～支藥水出奇地好飲，勁似可樂糖隻味，正～～

然後搭火車去旺角做ｈｅｌｐｅｒ，去到麥花臣室內運動場，我先知道原來一直以來旺角都有個咁０既運動場．．．平時行過都冇留意呢棟０野．．．今日０既工作超級無聊，剩係掛起０的橫額同埋貼０的嘉賓席，真係好無聊，開波之後同平常人無異咁係到睇波，不過又有錢收，傳說好似話有差唔多＄３００～兩點鐘頭場女仔打先，ｐｏｌｙ　ｖｓ　ｉｖｅ，女仔始終都係少人睇０的，不過０的女仔都幾勁～睇到半路超級眼訓，成個人都軟晒，０的藥力發作喇，嘩．．．食西藥就係有呢０的副作用嫁喇．．．．

跟住三點半到男仔決賽，ｂｕ　ｖｓ　ｉｖｅ，雖然好多人都吶喊助威，但係最後都輸３分，好唔開心ｔｉｍ，差少少就得嫁喇，不過冇計啦，冠軍只得一個，。
之後折番晒０的０野就走得，完全唔覺得有０野做。跟住就番屋企，真係好好好好累，未睇醫生都冇咁病，食完藥之後反而成個人病晒，完全係呆滯．．．．頂，都唔知俾０的咩藥我食，食完仲唔舒服過未食！！

番到屋企頂唔順，即刻訓落床，好好訓喎又衰鬼～食完藥訓教原來係咁舒服的。訓到八點鐘又食藥，跟住食完飯係到溫錯別字。玩玩０下電腦唔小心扯左隻滑鼠落地，咁就壞左．．．仆街，冇得用滑鼠，唯有用ｋｅｙｂｏａｒｄ頂住先，超級唔方便呀！！！然後十點十五分出左去同ｒｅｇｉｎｅ食甜湯。買左去區場後面食，然後行左去向左走向右走公園坐左一陣就番屋企．．．食完藥真係好病．．．點解會咁／？！

>>March 20, 2005 at 3:54:21 PM GMT+8

2005 年 3 月 17 日 星期四 【陰晴不定】

今朝八點十五分起床，曾經一度萌生起放棄０既意念，但係最後都憑住無堅不摧０既意志力成功咁起到身。之後阿釗雖然遲左，但係都總叫做起左身。由於琴日ｔｅｓｔ左，今日有十幾個冇番，上星期都係咁。不過好慶幸今日起到身，因為ｄｏｃｔｏｒ　ｌｅｕｎｇ寫晒我地０的名加分俾我地，真係好開心，呢個世界都仲算叫做公平．．．．．

落堂之後同肥華食早飯，朝早冇得食燒春雞．．．跟住去左搵ｄｏｃｔｏｒ張傾時間去幼稚園，佢冇啦啦讚我：「原來你都好勤力溫書嫁喎～加油呀」，原來阿釗同佢講的～呵呵～然後番房，之前ｄｌ左兩日兩夜０既全套鋼之煉金術師，不過睇唔到，抆到我呀！！好彩華哥幫我攪番掂，唔洗個個禮拜等ｌｕ～不過依然係冇人整得番個ｗｉｎｄｏｗ　ｍｏｉｖｅ　ｍａｋｅｒ，其實我都好想剪片的。

之後咱們一行人係房到傾秘密，所謂秘密冇分大少，秘密就是秘密～不過都真係有少少吃一驚～跟住傾到忘左形唔記得左去拎相，好彩都拎到。海旁０個張夜景晒左出離超靚呀～～好似明信片咁呀～！～好迷人，跟住有好多相，係時候要換一換間房０既佈置．．．．近日來十個入離４１４，有十一個都話好臭．．．．．今日發現應該係個廁所臭，但係廁所ｓｈａｒｅ嫁麻，點可以ｏｎｌｙ話咱們ｄｉｒｔｙ！！！！！！！！

上完ｍｏｔｏｒ之後又要死去上英文堂，好彩係一個鐘頭，豪比佢啦，唔知點解今日好眼訓，上咩堂都恰眼訓，真係唔知點解．．．落堂之後又同家怡走，每逢星期五全日都幾乎對住佢。跟住上ｅｘｅｒｃｉｓｅ　ｐｈｙｓｉｏ，今日唔洗做ｌａｂ，上一個鐘ｏｎｌｙ～之後就去左食食物，好ｑ肚餓，但係又冇燒春雞，唯有食叉雞飯啦～！食完之後番左房恰左一陣，然後去左客串拍宣傳片．．．

之後訓到六點幾，冇晒心機去跑，但係又好想番屋企，不過根本唔應該番屋企，聽日又要出番離．．．．唉．．．最後都番屋企，ｈｏｍｅｓｉｃｋ呀～！番到去見到黑炭，攬實左佢係咁卒，好鬼死肉緊～之後ｍａｙ問我拎番張回鄉證，俾佢發現左個ＬＶ．．．佢夠膽死問：「你係大陸買嫁？」．．．我頂，真係當我咩呀而家！！當我講出事實之後，卻換來一個殘酷事實．．．．「死蠢！！叫阿姨買埋，佢係到做有七折呀！！」．．．ＳＨＩＴ．．．．堅ＳＨＩＴ，仆街！！！！玩我呀而家！！！

跟住食完飯家姐番離．．．佢．．．佢．．佢．．．俾左＄５００我做生日禮物．．．簡直就係沙漠中的綠州．．．正正係我財政拮据時打救我，多謝．．．．多謝呀！！！！！！！！！
之後做左陣排球，然後懲罰自己今日偷懶唔練跑，落去跑左個１０ＫＭ，今次開頭冇再扮狼，總算完成左，條氣好順，好舒服～

之後番到屋企，我又俾人ＣＵＴ線，頂．．．．好鬼狗嫁！＠＃＄％＾＆！＠＃！＄＃＄＠％＄

>>March 20, 2005 at 3:53:42 PM GMT+8

2005 年 3 月 16 日 星期三 【晴】

兩日冇打日記，覺得ｍｉｓｓ左好多０野咁，其實有０的唔想打，總係覺得活得好死板，冇咩新挑戰．．．唔知係咪因為病唔清，都仲有幾聲咳，唉．．．．病向「錢」中醫，又唔想益０的死人醫生，不過都係死死地氣番去上水睇醫生啦．．．好辛苦呀喉嚨．．．．攪到呢排都冇咩心機生活，皮質醇又偏高，個人都好冇活力。

今朝八點十五分先起身，跟住又死０下死０下咁刷牙然後去上八半，我有叫醒阿釗嫁，不過佢又冇起身。於是我又懷著浪蕩０既心情走去上ａｄｍｉｎ。仆佢個街真係唔俾ｎｏｔｅｓ人，又係到抄，抄抄０下先知原來佢講緊上次０個０的．．．唉．．．好撚抆呀真係！！！呢排都好抆呀！！跟住諗落堂前又ｓｕｄｄｅｎ　ｔｅｓｔ，算啦，執得一分得一分．．．

跟住上完又要上排球堂，今堂豬、ｍａｙ、大佬同沛都冇上，攪到好冇癮，早知就集體走堂訓教啦．．．唉．．．生活逼人．．．咩都要講分．．．真係好撚麻煩．．．今堂排球堂０岩０岩１８條友分左３隊，跟住鬥波，其實都唔係咁好玩，我地０的平均技術都唔夠，剩係接開波都有排接，邊個開波叻少少都拎左唔少直接發球得分～小李ｓｉｒ今日係到講飲酒，當飲到細胞上瘾０既時候就係最高境界，亦都係越快死．．．．．不過最後總結係每日飲一杯對身體有益喎原來～～好事呀～

落堂之後同肥華去左小做ｇｙｍ，瘦左呀冇做一排，真係好唔開心，唔知係咪著黑色衫個人會瘦０的嫁呢睇落．．．唉．．．．近來事事都好似不如意咁，真係好大壓力，好想顛番晚，不過星期日先０岩０岩顛完．．．做完一陣就去左食食物，今日食左燒春雞，都幾好味喎，如果多０的意粉同薯條就好喇，如果唔洗錢就仲好呀！！！！！食完之後番左房，今日又偷南華早報，我就快連自己都呃埋，以為真係有訂．．．．．．番到房坐左坐馬桶沉思，呢排唔知點解好似冇咁鐘意個馬桶．．．唉．．．呢排咩都唔妥呀真係！！！之後沖左個涼ｒｅｌａｘ０下，然後假做ｌａｂ　ｒｅｐｏｒｔ，對住部電腦完全係呆左．．．．咩離嫁．．．要做０的咩呀到底！！！！！好抆呀！！！！！！！！！！！！！

跟住出左去拎番套老西俾文文，然後陪佢食食物，今日ｐｏｌｙ有好多政府工０既資料，我就拎左離睇，抄底晒０的網上申請ｗｅｂ－ｓｉｔｅ，我而家就去考龜先，如果收左我唔撚讀喇真係！！就算唔得都當拎個經驗，反正第時畢左業都係去考嫁啦！跟住又番ｈａｌｌ，天氣開始熱，出一出去都出左汗，條底褲都濕濕地，仆街．．．．

番到去又對住部電腦嘗試做ｌａｂ－ｒｅｐｏｒｔ，但係都不得要領，仲坐左係到釣魚，差０的撞親個頭．．．之後到七點鐘都仲係冇料到．．．又肚餓，唯有提早食飯啦．．．於是去左桃源閣，食左滑蛋雞飯．．．．仆街．．．今次０的飯勁濕，０的汁咁多把撚咩，真係火滾，事事都不如意呀！！！好想出波炸毀呢個地球呀！！！！！！！

食完之後再次番房，之後又再做ｌａｂ－ｒｅｐｏｒｔ．．．．唉．．．．好悲呀．．．．．跟住去ｐｒｉｎｔ　ｎｏｔｅｓ．．．！＠＃＄％＾＆今次又ｃｌｉｃｋ錯制，又ｐｒｉｎｔ左一張一個ｓｉｄｅ．．．．唉．．．我真係冇０野好講．．．．仲要ｃｌｉｃｋ錯兩次．．．．真係灰到震．．．．跟住仲要發現原來ｐｒｉｎｔ唔齊，又ｃｌｉｃｋ多次，越攪越混亂，仆你個街，ｐｒｉｎｔ三份ｎｏｔｅｓ都攪到一ｐａｔ屎咁！！！之後做掌上壓，放左兩舊沿係背，辛苦左呀．．．．之後谷谷０下均同ｅｌｌａ入左來，我送左０的超大咪ｎｏｔｅｓ俾佢地，睇見就眼冤呀真係．．．
由於早食飯，夜晚肚子餓就食杯面．．．睇番創世紀．．．唉．．．．好耐都冇睇過電視．．．好脫節呀真係．．．．有時諗諗０下都有０的想番屋企．．．．．．唉．．．．悲悲．．．．／．＼．

>>March 18, 2005 at 8:41:25 AM GMT+8

2005 年 3 月 13 日 星期日 【微冷】

今日係我生日亦都係豬豬生日，上年０既生日又係番大陸渡過．．．唉．．歲月不留人．．．廿一歲了．．．唔係咁想過廿歲ｔｉｍ．．．．今朝訓到十點鐘就起身，跟住又沖涼換番衫然後就去左食食物。狂歡左成晚，成個人都謝晒．．．不過ｔｏｔａｌ都係用左＄２ｘｘ，價值超值啦～跟住去左食味千拉面，呢個係每次番大陸０既必然行程。

食飽飽之後就番香港，今朝走左堂八點半，不過冇計啦，一年一次０者。首先番上水，因為要買底褲，ｈａｌｌ０的底褲又冇洗到，呢條ｃｋ已經著左成兩日，所以一心諗住去街市買一打菊花牌著算嫁喇．．．點不知竟然冇．．．頂．．．唯有去左百佳買兩條頂住先啦．．．．．

跟住又搭火車番ｈａｌｌ，係火車到真係頂唔住，要訓一陣先．．．．好彩都記得落車．．．
番到宿舍二話不說換左件衫就訓落床．．．但係訓唔著，真係玩０野．．．有床偏偏就訓唔著．．．．跟住馮恒入左離，然後俾左個ｐａｔｒｉｃｋ　ｃｏｘ銀包佢睇。訓訓０下迪君入左來．．．話：「個蛋糕係我雪櫃喎！」．．．．當佢醒覺０既時候我已經覺得好好笑～假睡眠到兩點鐘就去左上體操堂。今堂係到睇左陣帶，然後就練習集體動作～落堂之後番ｈａｌｌ，番到宿舍叫我同豬豬係樓下等．．．．．．．．．．．．．．

上到去係個ｌｏｕｎｇｅ到食蛋糕，個蛋糕寫住志仔同肥豬，哈哈！！！！肥豬呀！！！！好衰呀！！！！食完蛋糕之後收左份禮物，學名係咩我真係唔知，總之就鍛鍊啦要來！！！之後俾人ｃｏｎ左落到門到．．．．差０的真係爆袋呀．．．．跟住總算叫做假強姦左君君，我同佢俾人互ｃｏｎ．．．但係我依然覺得係被佢強姦左咁．．．．．ａｎｙｗａｙ，ｈａｐｐ　ｂｉｒｔｈｄａｙ～

擾攘完一輪之後就去左沖涼，然後出左去舊校諗住睇醫生，點不知個護士話關左！！！ＥＬＬＡ講大話呀！！！！！今日我拎埋個超巨咪腳架出去，因為我要去海旁影夜景～首先同小女友去左尖沙咀，我已經決定左唔用個ＰＡＴＲＩＣＫ　ＣＯＸ，雖然好多人都話拎上網拍賣，但係．．．好衰咁喎，我寧願埋藏左去算喇，一係益０下家姐啦～如果ＲＥＧＩＮＥ用男仔送俾佢０既銀包，我都會唔係咁開心啦，雖然冇咩呢個可能～點都唔係咁好０既，反正我都想要個虛榮ＬＶ，所以咱們就去左買ＬＶ銀包～入到去好多人，個ＦＥＥＬ　ＣＨＥＡＰ晒呀，又有０的大陸Ｂ係到，最後買左個＄１９５０～又用信用卡俾錢，俾阿ＭＡＹ見到我個新銀包，肯定唔知講０的咩呀又～

買完之後去左太空館隔離坐底左，之後又收到生日禮物～～有一張自製生日蛋糕ＣＡＲＤ，好靚喎真係，跟住有個ＧＲＥＧＯＲＹ袋～呵呵，好鬼開心ＴＩＭ真係～！～仲有一支ＨＡＮＤ　ＣＲＥＡＭ，隻手老爆麻～ＴＨＸ～～跟住去住鋸扒，至鬼鐘意食０的餐包，搽牛油一流～～～～食飽之後行左去海旁，今日唔大風唔凍又唔落雨，實在太好了，嘩．．．用個腳架照左幅海旁夜景，較左夜景模式．．．．影出離好過上次係山頂好多好多．．香港真係好靚，影左張夜景，嘩．．．．真係好鐘意呢張相．．跟住咱們合照，晒出離放係小ＬＶ銀包先～～～係住係到食左一陣風就番歸～

番到ＨＡＬＬ，好累了真係，跟住整理左一陣之後用放塊威化餅係地，然後奉獻出我至愛的可瑞安巧克力蛋糕係面，再插支小蠟燭係面點著～同大佬去主席到唱首生日歌．．．．．感覺好奇怪．．．０個頭俾人慶祝完，突然１８０度轉變左同人慶祝～跟住一起過左離參觀我０的戰利品～我將所有禮物放係床到，然後影左張相．．．當然唔少得我對新跑鞋啦，只不過係早左少少買０者～跟住將張生日蛋糕貼左係房門，不過冇晒位．．．．唯有叫阿嬌讓一讓步了～

雙魚座生日快樂～～～～～～～～～～～～

>>March 14, 2005 at 6:37:17 PM GMT+8

2005 年 3 月 12 日 星期六 【晴】

今朝十點鐘就起身，因為要趕番ｈａｌｌ換衫打活木球。唉．．．番左離一陣又走，好似有０的掛住屋企．．．今日唔知點解好撚凍，０的天氣真係好反常，不過凍都好過熱０既，如果要死，我寧願凍死ｌｕ～番到宿舍就換左套運動裝，然後同大佬落左去食食物，跟住就去彩虹等Ｅｓｔｈｅｒ。係我心目中，西貢係無論點樣去都要好ｑ耐０既一個地方，但係原來咁近咋喎！～！～係彩虹捨一陣小巴就到科大了～

去到個活木球場，有０的似ｇｏｌｆ咁上下，不過真係幾似阿伯玩意，但係都要技術０既。跟住佳佳同ｍａｙｍａｙ都離埋，我地就係活木球校隊了，哈哈！＠！＠！之後係到練習，其實都唔係好悶０者，遊遊閒閒咁幾寫意呀～係就係冷門左０的～不過出左零滴汗，等我仲換晒裝束，早知就訓晏０的喇，原來著咩衫都得嫁！！係後面見到有人放風箏，我都好想放呀，超好玩，如果可以同人鬥砌線就仲正啦！～之後震西都來埋，佢個樣超級唔開心，又ｄｏｗｎ，都未見過佢咁０既樣，好可憐啊，心事重重．．．真係慘呀～

玩完之後就去左食食物，然後就番ｈａｌｌ。跟住０都０都０都同埋阿邊個邊個係到休息左一陣，大家都為震西０既煩惱而煩惱，好驚呀，佢忽然間變得好臭串，平時都唔係咁的，不過ｍａｎ左好多喎咁樣～之後七點幾就著番件大咪羽絨番上水．．．係火車到我就打電話俾震西同佢傾計仔，我好型呀，我好認真咁講左一堆０野呀～！～！痴線嫁，好耐冇試過用抱住咁認真０既態度同人講０野喇～不過大家都係大學生，又有腦袋，如果佢知道咁做會帶離０既後果同埋影響而仍然堅持的話，我覺得已經冇問題，起碼有用個腦分析過～雖然我好認真，不過全部都係歪理～～

番到上水，高妹話買左份禮物俾我，佢話叫我收左去咁就唔再諗我．．．．．首先番屋企拎回鄉ｃａｒｄ，ｍａｙ媽已經冇能力阻止我出國了，佢仲一炮過俾左＄７００我，驚死我玩唔死咁～之後去左百人一朱．．．．唉．．．早知就唔要啦，送左個ｐａｔｒｉｃｋ　ｃｏｘ銀包過來，有冇咁ｑ呀，知道我想要銀包．．．．唉．．．有０的唔開心，好唔好意思．．．攪到我都唔知點咁，收左又冇理由俾番佢，用又唔知會唔會俾人殺死．．．ａｎｙｗａｙ，多謝佢，我都幾鐘意呢份禮物０既其實．．．．．跟住就會合一班烏合之眾，然後就番大陸。

番到去都成十點鐘，跟住去左食食物，仆街，今次入左間差０野，唔好食０既都，不過算，反正都係好平。食食０下途中我拎左翔個ＬＶ銀包離燒，傳說話ＬＶ係唔怕火燒．．．．點不知我一燒．．．唔夠兩秒有陣燒焦味道．．．．跟住個面有少少黑左．．．．之後佢就話：「屌你啦，人地話燒個邊呀！！」跟住佢就拎起個火機燒個邊．．．唔夠一秒．．．冒煙．．．哈哈！！！！！！！！好撚好笑呀！！～！～！再燒耐０的著火ＴＩＭ喇！原來只係傳說．．

跟住去左劈酒，嘩．．．．飲左好多，個個一入到離就話生日快樂，跟住又要飲晒．．．超辛苦呀飲到，醉到隻ｘ咁呀痴線，成個人好似曉飛天咁，跟住係舞池好蒙咁跳舞，好耐都未試過咁迷０既境界，真係玩得好開心～不過嘔左兩鑊呀陰公．．．．把聲沙到仆街．．．又食左煙，唉．．．太壞喇，成個月冇食嫁喇，不過算啦，生日由去啦，下次唔好喇～跟住去按摩，落到去開一開個電話，原來冇電熄左，有好多人ｓｅｎｄ　ｓｍｓ來，原來個感覺好好嫁喎～！～！～有０的冇咩聯絡０既人都記得呀，好開心～～！～！～

去到夏威夷桑拿，個人已經差０的暈左，個頭又勁痛，係個浴池浸住０的熱水幾乎爆血管．．．之後坐左係到做腳板按摩．．．直播緊皇馬．．．仆街，次次睇親皇馬都係輸波，廢嫁真係！！！坐係到０既時候攬住個咕恤，陣味勁似阿竇，好有親切感。之後做左個法式推拿，條女問我隻手帶住０個兩條係咩，講你都唔識嫁啦！！！！

黃志騰生日快樂～～～～

>>March 14, 2005 at 5:10:38 PM GMT+8

2005 年 3 月 11 日 星期五 【乍寒還暖】

琴晚訓教０既時候，我都仲係有一種好唔舒服０既感覺，一路訓個人都好唔知點咁．．．但係，突然之間我按到脈搏，異常地快，雖然冇正式測到，但係好明顯知道靜止心跳率比平時快好多！跟住所有迷就解開了，我真係個心臟唔舒服，跳得快左，攪到好唔知點，仆街喇．．．唔會係我亂食藥所致麻？！？！

今朝十二點起身，俾肥強噪醒左，其實兩分鐘前已經有人入過離開門，不過我扮訓教冇起到身，亦都唔知係邊個～跟住馮恆入左來冇啦啦話去食飯，原本我都諗住唔食就咁去做ｈｅｌｐｅｒ，結果就好急咁係到剃鬚沖涼換衫出左去食個咖哩豬扒飯，今日天氣唔好．．．落住微微細雨．．．．．

去到偉衡先知道原來今日要做０既０野就係幫０的跳舞人做０的體適能０既ｒｅｓｅａｒｃｈ，好鬼ｅａｓｙ，仲ｆｅｅｌ到自己好冗員。然後就走左去上左一堂ｃｈａ－ｃｈａ～之前係溫哥華學過０下，所以都記得少少，今次同阿婷學足成堂，都叫做跳到個形，好玩呀～跟住又幫第二班人做ｒｅｓｅｒａｃｈ，然後又上多堂，今次就學ｔａｎｇｏ～我同個唔識０既女性跳，要攬住佢背同胸之間咁上下，好鬼死尷尬，好彩冇摸到０的唔應該摸０既０野～今次工作都唔錯，又有錢，又可以免費上兩堂，抵呀～

跟住番左宿舍，拎左個大咪腳架出去幫０的莊員影相。係條死人樓梯到派位，其實應該日頭影最好，夜晚影都唔夠光，如果有得打埋燈就真係ｐｒｏ喇！～主席個咀今日好似好左少少，唔知琴晚係咪番屋企接受左療程～影完團體又要影個人獨照，有０的人天生識得對鏡頭，有０的人就唔識，所以影出離總係覺得怪怪地，咁又係，對住鏡頭笑其實好難，相反扮型就好容易，不過阿林０個張影得幾靚，都幾上鏡～

影完之後就同小女友去街，佢係大學打離我已經行出去，但係都唔夠佢快，好明顯係個司機超速啦！！跟住去左旺角食食物，雖然落住小雨點，但係呢個世界有雨傘麻～食０野０野時候條友送左碟油菜俾我地冇收錢～因為佢要咱們食食０下移位。之後去左中環，坐覽車上山頂～嘩～第一次坐覽車，原來好鬼斜～好靚呀望出窗，不過好快就到，仆街！！上到山頂好靘呀真係，雖然落雨，但係完全冇影響香港迷人０既夜景～真係好好好好好好好好好好靚，不過亦都好好好好好好好好好好好好凍，痴孖根嫁，又大風喎，如果唔係一定超級正呀！！最衰冇拎個大咪腳架離，如果唔係實影到好靚０既夜景，但係憑住我聰明０既腦袋，將部ｄｃ放左係個望遠鏡上見面影，一樣掂～～吹咩～影左張合照，憑我自拍多次ｗａｌｌｐａｐｅｒ０既經驗，相中人必須偏右，左邊就係香港０既夜鏡，至少用一個月呀呢張ｗａｌｌｐａｐｅｒ！！

跟住十一點落山，然後搭地鐵，轉火車番上水。番到上水好凍呀痴線，著得好少衫，我係樓下已經估到阿ｍａｙ第一句會講咩，去到門口先知唔記得拎ＫＥＹ番離，唯有按門鐘，阿炭第一個係信箱同我打招呼，我都有０的掛住佢，跟住真係如所料，幾乎ｅｘｃａｔｌｙ每隻字都一樣：「痴鬼線！！！！著咁少衫，有衫又唔走去著！！！」．．．．．．．開門俾我入去先講啦．．頂．．．．

跟住沖左個熱底涼，然後睇左陣波，死低ｂ，一開波冇耐就俾人入波，聽日要打活木球～打大專啊～～～呵呵～～～

>>March 12, 2005 at 6:18:35 PM GMT+8

2005 年 3 月 10 日 星期四 【陰晴不定】

今朝又係要上八半堂，起身都已經係八點十分，跟住叫醒阿釗，然後梳洗，個頭唔知點解可以訓到成個雞冠咁，不過我都冇戴帽。病情開始慢慢轉變為乾咳，我諗係時候要及早去睇一睇醫生方為上策．．．．跟住電話都冇拎就去上堂，因為一心諗住上完就即刻番房訓～

今堂ａｄｍｉｎ得好少人上，因為琴日冇啦啦係到測驗，所以今日一定唔會再測。跟住ｄｏｃｔｏｒ　ｌｅｕｎｇ教書，佢冇俾ｎｏｔｅｓ我地，但係又話考試會出，教到好ｑ無聊咁係到抄ｐｏｗｅｒｐｏｉｎｔ．．．．．．冇離上堂就冇得抄，佢都冇腦０既，人地唔識問人借番離抄０既，戇ｘｘ！又成日講埋０的唔好笑０既笑話．．．．越離越發佢真係有少少變態．．

上完一個鐘就番房如常訓教，呢兩日唔知點解一訓醒個人就好呆滯，個腦好似好多水浸係咁實晒好唔舒服。訓左個幾鐘頭之後就去左上堂，今日終於都去番Ｒ１上堂，不過我都係見唔到ＲＥＧＩＮＥ，緣盡了～由於買左個死人樽，係又飲唔係又飲，攪到幾兩日勁痾尿，今堂上上０下超級急尿．．．．尿到要彎腰，個膀胱赤赤痛，原來急尿係辛苦過急屎嫁！之後忍唔住走左去痾．．．痾左好耐好耐，但係出得好慢好慢，好似關唔實水喉咁流出離．．．

落堂之後去左上英文堂，家怡話羅菁俾左條友評說式閱讀４分．．．．冇喇．．．種種跡象都顯示０個個係我喇．．．．我直覺話我知我奶０野喇．．．頂．．．．仆街羅菁．．．．．唉．．．．攪到我上英文堂都冇晒心機，仲恰眼訓ＴＩＭ～好彩係上一個鐘頭０者．．．．落堂之後又去左許士芬ＱＵＩＺ　ＥＸＥＲＣＩＳＥ　ＰＨＹＳＩＯ，咱們係第二輪，諗入去之前收到ＥＬＬＡ　ＳＭＳ講晒０的答案，跟住話晒俾人知，呵呵～咱們都有３分了～這就是團體精神～

跟住去左食食物，我又食左兩個下午茶，跟住番左房小休，近期唔知係咪怒飲水．．．０的屎變左淺黃色．．．．跟住就去左做ＬＡＢ．．．唉．．．諗住又係好似之前咁做ＶＯ２ＭＡＸ０個０的，點不知今次度心電圖．．．．攪到要剝晒衫俾人係到貼０野，俾人又睇又摸，蝕晒底喇～！～！～！～！～！～！～做完之後就番左房私人補習神經系統，頂．．．都唔明邊個發明０的咁０既０野．．．我就離迷失係呢個人體世界嫁喇！～～～！跟住幫０的人對番０的ＣＡＲＤ片資料，然後做左填字遊戲，唔知點解又好眼訓，八點左右訓，訓到九點幾，一起身好辛苦．．．．成個人都好唔舒服，個頭好唔自然，但係又形容唔到．．．．一路食飯一路係咁托住個頭，真係好實．．．．食完之後又係到休息．．．跟住傾左一個鐘頭電話，然後落左去跑０下步出身汗．．．．

跑完之後好左少少，望住０的汗係咁滴落地下真係覺得好鬼死ＭＡＮ，番到房睇左陣報紙，忽然有０的唔捨得董伯伯，０的報紙態度唔知點解好似變晒，以前就不停咁鬧，但係而家又寫到好似冇咁ＮＥＧＡＴＩＶＥ。冇啦啦落台，就好似一個憎左七年０既仇人，突然同你道歉一樣．．．．感覺好奇怪．．．．夜晚，阿邊個邊個又ＳＥＮＤ　ＳＭＳ俾我，我今次回覆佢：「你唔好再諗我喇」，好型啊，阿騰～做人要決絕０的，如果唔係佢唔會死心嫁，就算我講左佢唔死心，都唔關我事啦，係我魅力太大０者～～～我都唔想喎～～～～～

沖完涼之後就做排球，雖然我ＯＮＬＹ坐係到好耐，但係我個腦已經ＷＯＲＫ左好耐，最後構思左一個遊戲，不過唔知ＷＯＲＫ唔ＷＯＲＫ呢．．．

唉．．．好想去旅行，好想去散心，唔想讀書喇，讀書永遠都係最痛苦，無論小學、中學、大學都一樣，根本就冇變到．．．．．天呀！～！～做咩你要俾我升到呀？！原來你係玩我０既，等我當時仲鬼咁開心！！你好撚毒呀，仆街！！！！！

雖然凡事最壞的結果都只不過是死亡．．．．但原來不怕死並非無敵。既然死是最壞的打算，誰有人會希望出現最壞的結果？換句話說，不怕死並不代表想死．．．出現最壞的結果時，我們只能無何奈何地去死，就算不怕亦只是情非得意．．．欠下巨債跳樓自盡，他不怕死，但他欠下巨債，不得不死．．．．事實上沒有人會突然喜歡死亡．．．．結論就是世界上，沒有無敵．．．．．．．唉．．．．．．．．．．．．．．．．．．．．．．．．．．．．．．．


































請相信我不再兒戲
即使經過病與死
廿年後的祝福更想給你
這城市轉得很快
當晚電視機
傳著重大消息之時
我捉緊你

>>March 11, 2005 at 7:36:41 PM GMT+8

2005 年 3 月 9 日 星期三 【晴】

琴晚冇訓到教，直鏟到三點四十五分睇祖記，出到ｌｏｕｎｇｅ見到ｊｅｆｆｙ係到做緊０野，真係忙．．．．不過我睇左廿幾分鐘開始眼訓，尼維特又傷左，開始釣魚，最後頂唔順番左房訓教。

今朝要上八點半，八點鐘起身０個一刻真係好有衝動咁走堂．．．不過，最後憑著意志力戰勝一切，但係阿釗就輸左！！病情並未見好轉，可以有咳嗽出現．．幾聲乾咳．．．今朝又飲左小蒙牛同食左可瑞安巧克力蛋糕，仲裝左ｌＬ水～～原來阿洋個樽同我一樣的～今堂死八婆明明講到明話唔會ＱＵＩＺ，點不知又出爾反爾！！好彩天有眼，俾我起到身！不過我都唔識．．．．．但係主席講左０的唔知０岩唔０岩０既答案我知．．．

落堂之後去左上排球堂，今堂係到學戰術，有點兒難度。開波唔知點解總係冇咩力水咁．．．今日拎左部相機影左０的相同埋拍左０的咱們殺波的ＭＯＩＶＥ～落堂之後同肥華去左做ＧＹＭ，今個星期密左，但係好似功效唔太顯著。然後去左小桃源，又食滑蛋豬排飯，今次叫左個０靚仔俾多０的飯，連隻碗都唔同左！～食完之後先發覺我碗面豉湯俾人收左！我都未飲！！於是就舉手叫佢俾番碗我！佢試０下唔俾呀！！

食完飯之後就番房，一入去就見到燕妙同震西係到．．．．用電腦ＯＮＬＹ，然後我小沖涼，跟住就做ＬＡＢ　ＲＥＰＯＲＴ．．．做到大約四點鐘完成左７０％，於是我就訓教，訓到六點幾先有知覺，當我一有知覺望一望隻錶，女朋友就打離，ＴＩＭＩＮＧ真係好準好準！！～
七點鐘真起身，然後繼續完成我０既ＬＡＢ　ＲＥＰＯＲＴ。跟住同同學落左去ＨＡＬＬ　ＣＡＮ食食物，食完之後再番去終極完成功課。

跟住係房到無聊左一陣，然後十一點鐘ＪＯＨＮＮＹ煲左糖水，我拎左我個大咪強水樽起勢咁裝，裝左６００ＭＬ紅豆沙～～然後落左去同主席、阿釗一齊ＰＲＩＮＴ　ＮＯＴＥＳ．．．仆你個街．．．唉．．．又ＣＬＩＣＫ錯左．．．一頁一個ＳＬＩＤＥ．．．頂．．．次次都係ＰＲＩＮＴ　ＤＯＣＴＯＲ　ＣＨＯＩ　０的ＮＯＴＥＳ出事０既．．．．ＳＨＩＴ！！！

夜晚俾阿邊個邊個鬧，好彩佢冇發爛渣０者，至怕人發爛渣，又煩又討厭！！跟住主席小講解ＥＸＳＲＣＩＳＥ　ＰＨＹＳＩＯ．．．．佢個咀唔知中左咩病毒，一夜之間由廚師腸變左做德國肉腸．．．．佢會唔會變到功夫入面俾蛇咬完０個個周星馳咁嫁！～！～！～！～！～！

>>March 10, 2005 at 6:44:54 PM GMT+8