2008 年 8 月 20 日 星期三 【清涼】

你說：「我的信心不夠。」
神說：「我所分給各人的信心，是我量度過的。」（羅12:3）

>>August 22, 2008 at 1:16:45 AM GMT+8

2008 年 8 月 17 日 星期日 【晴】

今朝十一點起身, 一心諗住睇劉翔跨欄。見到上屆亞軍美國條友仔唔知點解一開波就抽根, 覺得佢好撚戇尻, 唔撚識得拉筋, 咁基本0既常識都冇, 除非佢一早有傷, 但唔係囉。之後睇劉翔, 見到佢熱身完之後就心知不妙, 其實我一早就已經預計佢唔可能衛冕, 但係我冇諗過個結果會係咁。雖然十三億人民好失望, 但我諗最失望0個個都係劉翔本人, 唉......不過永遠都係咁嫁喇, 做運動員總會有低潮, 但下屆劉翔都差唔多三十........我諗中國人的田徑夢應該要醒了。我諗佢應該一早就預計到結果會係咁, 但又唔想辜負所有人的期望, 直到最後一刻真係唔掂先黯然告退, 又係睇住個背影, 個感覺就好似施丹係06世界盃紅牌出場一樣。

今日放假, 但係冇咩活動, 我又要準備睇醫生, 對上一次睇係12/6 , 次次食完醫生0的藥塊面就會立刻好番, 跟住過左差唔多個半月, 藥膏搽晒後, 又開始出問題, 醫生話係毛囊炎, 唔係暗瘡, 咁都唔知點算, 唔通永遠都要咁樣食藥咩, 屌你老母臭西, 火撚滾呀真係。下午去左女友屋企睇奧運, 之後三點幾番屋企, 來一個午睡, 很討厭放假冇野做, 我要充實一點。

夜晚八點鐘去左學拯溺, 第一堂。首先係水試, 5分鐘游200m, 跟住再踩水3分鐘, 雙手手腕要露出水面, 真係好甘, 踩完水後已經想嘔。跟住又學嘜撚野背蛙, 側蛙, 我屌, 真係好撚累, 成個人散晒, 不過唔緊要, 我都係當去操fit 0的自己, 唔知道菲比斯有冇學到拯溺, 佢會唔會覺得辛苦呢。

明天又放假, 要去唱個k-lunch先

>>August 18, 2008 at 4:02:23 PM GMT+8

2008 年 8 月 17 日 星期日 【晴】



福娃........原來係人扮嫁!!!!!!!!!!~~~~~~~~!~~~~~~~~~~~

>>August 18, 2008 at 10:52:46 AM GMT+8

2008 年 8 月 17 日 星期日 【晴】



福娃........原來係人扮嫁!!!!!!!!!!~~~~~~~~!~~~~~~~~~~~

>>August 18, 2008 at 10:52:29 AM GMT+8

2008 年 8 月 17 日 星期日 【晴】



福娃........原來係人扮嫁!!!!!!!!!!~~~~~~~~!~~~~~~~~~~~

>>August 18, 2008 at 10:52:21 AM GMT+8

2008 年 8 月 12 日 星期二 【晴】

從來蝙蝠俠、蜘蛛俠呢0的美國英雄人物都不是我杯茶, 某程度來講我對BATMAN完全冇好感, 但係如果要EITHER 內衣少年 OR BATMAN, 我會選擇一套投資比較大, 場面比較壯觀的一套, 而事實上證明了我的選擇是絕對正確, 亦都令我對BATMAN有所改觀, 雖然係遲左少少先睇, 但係真慶幸最後都冇錯過, 真係超級好睇。

成套戲我相信十個入場, 十個都會認同JOKER的演繹是登峰造極, 希夫列達將小丑呢個角色發揮得淋漓盡致, 0個種人格分裂, 扭曲人性, 犯罪心理描繪得十分細膩。開頭諗住呢套戲係純粹英雄打怪獸0個0的例牌野, 但係有好深層0既意義。蝙蝠俠唔係英雄, 佢自己唔想做英雄, 今集蝙蝠俠是一個被人遺棄, 叫罵的一個醜人, 蝙蝠俠發現自己的弱點, 由以往被視為英雄淪落到人叫人喊的過街老鼠。但蝙蝠俠堅守自己的信念, 甚至乎直到劇終, 佢都甘願犧牲自己的名聲, 在市民心中留下一個「壞人」的形象, 默默地守護這個城市, 這才是真英雄, 但永遠沒有人知道。

小丑呢個角色雖然係反派, 但係佢絕對唔係瘋子, 佢帶出好多人性醜陋的問題, 用歪理來扭曲了人性, 令一個嫉惡如仇的檢察總長在一瞬間變為大反派, 將人性醜惡的人面引發出來。雖然小丑最後都係被捕, 但係勝利始終都係屬於佢。小丑製造出多個令人性醜陋浮現的場面, 他要求BATMAN自首, 否則的話不斷殺害無辜市民, 在小丑的瘋狂行為之下, 人的價值觀開始改變。雙面人的出現, 證明小丑是對的, 為了不讓市民知道過去正義的白騎士檢察總長也變成視人命為草介的壞人, 蝙蝠俠背上殺人之名, 也要捍衛檢察總長這個正義的形象, 讓人們心中仍有希望。

希夫列達做JOKER實在太好, 但佢咁早殺實在可惜, 我諗以後都唔會有人夠膽挑戰呢個角色, 實在太完美。

>>August 13, 2008 at 4:50:46 PM GMT+8

2008 年 8 月 11 日 星期一 【晴】

1. 向英勇殉職的消防員致敬, SALUTE!!!!!!!!!!!!

2. 完成兩日一夜的訓練, 不知還有多少個兩日一夜。

3. 奧運會好好睇, 中國的跳水、體操兵兵波點解可以咁勁? 但我最想睇的都是田徑。

4. 打算買鱷魚鞋買多好耐, 但係都搵唔到純白色或迷彩綠, 點解佢出咁多色, 偏偏最簡單的白色就
咁難搵。

5. 今天和兩隻狗沖涼時, 陽光普照, 0的水花射到上天, 劃出了一條大彩虹, 之後不停射, 有好多彩虹, 好靚。

6. 琴晚過夜自己係禮堂訓TENT, 我唔會再訓教練室, 因為每次都失眠, 我認為係有鬼, 訓宿舍次次都可以熟睡, 訓教練室就永遠都失眠。

7. 星期日去了潛水, 今次0的水清左好多, 仲見到海星, 超開心, 不過俾隻小丑魚咬親隻手, 頂佢個肺。第一次沒有教練帶領底下自己去玩。

>>August 12, 2008 at 3:25:12 PM GMT+8

2008 年 8 月 7 日 星期四 【晴】

對於不平等的待遇, 我們經過商討之後, 決定按程度將行動升級。

1. 在沒有保安的情況底下如常工作, 沒有任何人留宿, 因為保安是保安, 我是我, 我不是保安, 清潔阿姐也不是保安, 技工也不是保安。一係俾埋保安員份錢俾我我就留。

2. 集體辭工



對於我來說辭工係最好的決定, 起初我打算幫下手, 等阿max可以唔洗咁辛苦, 但如今既然大家都去意已決, 咁倒不如連埋技工集體請辭, 任你係一間公司裡面再高級又如何, 我唔撈我就係王者, 我就係霸主, 我去埋ICAC告發所有貪污工程都仲可以, 天經地義, 反正我地都識東方編輯, 叫佢來寫一篇頭版好過報ICAC。成日都當我地係傻仔, 三個KIND子都勝過一個諸葛亮啦, 更何況我係KIND子之中0既霸者。呢個世界最惡0既唔係上司, 係劈炮唔撈的人。

>>August 9, 2008 at 8:38:25 AM GMT+8

2008 年 8 月 6 日 星期三 【晴】

歷史不斷重複又重複, 話說最初最初0既時候, 我係需要和max化身為一名看更, 一個人在孤島上, 與兩隻狗共存亡。之後持續左大約個幾月之後, 請到個技工, 傳說話佢願意四晚留宿, 意思即係話, 14:00番工, 22:00放工, 但係放工之後唔可以番屋企, 要係個島到訓教, 訓到第二朝八點鐘有人回去, 佢就可以離開, 細心一諗, 邊會有人願意, 合約又冇寫名, 當技工上班後再次反抗。之後就三條友輪流做看工, 直到終於搵到個保安公司, 咁就正式解決左個問題。

故事發展到咁, 大家都以為一切安然無恙, 結果, 歷史的巨輪再次轉動。又邊個唔想搵到一個技工加看更的二合一, 洗頭水都想用二合一好過番開兩次, 結果再次請到一個聲稱願意放工之後唔番屋企, 繼續係到訓教, 第二朝先放工的人, 咁就順理成章地唔要保安公司, 結果.............0個條仆街浩南叔, 佢老味番左兩日工唔撚番, 話太長時間, 我頂你個肺, 咁你當初知嫁麻, 仆街, 你明知就咪撚應承啦, 即係玩野0者,浩南大撚晒呀, 呢到係西貢唔係銅鑼灣呀!!! 當一個人唔撈的時侯, 任你係天王老祖佢都唔會怕, 而最後誕生的結果就係.................大家再做看更............shit..................

總之就立立亂, 攪到我都有0的想立刻辭工, 反正都係審查, 之後body check, 上年我都pass晒仲差少少就做埋個消防員, 所以我知道一定冇問題。不過, 我又想繼續番工, 嚴格來說我係絕對喜愛番工的, 好舒服, 好桃花島feel。今日我的靚女上司和同事係總會入左來探我地, 買左蛋撻和曲奇餅, 都算有少少安慰, 不過都係要做看更, 咁即係點, 冇所謂0既, 我呢0的暴風少年, 唔番屋企有咩所謂, 我寧願連爆三日三夜唔番屋企, 跟住狂放假去旅行仲好tim, 再唔係拎埋部ps2番去, 半夜打機打天光~~wowo!~~

今日我地番工, 去到個碼頭一望落個海...............「點解.....會有.......兩支竹係個碼頭到.......咁似紮竹筏0的竹0既.............」每次打完八號風球或者黑雨, 我都會諗, 我地個繩網or攀石牆有冇倒下來。番到去..........嘩..........打完仗一樣, 連個招牌都吹左落海, 跟住0的竹真係我地的。


放工之後和女友去了傳說中的太平館食食物, 去太平館只會食三樣野, 乾炒牛河、瑞士雞翼和燒乳鴿。說實在, 瑞士雞翼係好味, 但係同阿媽整0個0的豉油雞翼分別不大囉.......三樣0野加埋你估幾多錢!??!?!? 係$428呀!!!!!!!!! 你試過食咁貴0既乾炒牛河未?!? 康熙話「永不加賦」, 我而家話「永不幫襯」




北京奧運明天開幕, 我希望恐怖份子如果要炸, 就來炸死香港0的馬, 唔好攪亂北京, 話晒香港都有精銳部隊, 要俾少少考驗呢班冇咩實戰經驗的香港紀律部隊, 再加上駐港解放軍都有機會出動, 都算係好事, 咁當然希望順順利利啦, 不過我覺得馬術真係好低能。近日阿妹不斷上電視, 感覺好奇怪, 成日都見到一個自己識的人出現, 好想話俾0的人知我識佢, 佢由電波聖火令做到變埋奧運主持, 真係好似係讀完體育, 咁先係讀體育嫁麻, 我都係一樣, 畢業之後我先覺得自己係讀體育~

>>August 7, 2008 at 4:33:47 PM GMT+8

2008 年 8 月 2 日 星期六 【晴】

終於番到屋企, 上星期實在太瘋狂, 現在患上了獨木舟恐懼症。見到獨木舟都標冷汗, 上星期用放左好多日假, 全部拎晒去上獨木舟中級班, 連續多日都划獨木舟, 頭三日都好開心, 籃天與白雲, 但之後好似頂唔順, 每日都老練咁早起身, 實在是體力透支。第五日出旅程, 係城門河到爬到去大尾督, 去0個時已經覺得好痛苦, 去到大尾督見到micheal師兄, 咁都見到, 做人真奇妙。之後番番去0個程真係想死, 突然間風高浪急, 逆風而行, 好撚七辛苦呀真係, 爬左成粒鐘都好似冇爬過咁, 但係一停就飄撚到冇雷公咁遠, 我再次發現大自然的威力, 跟自己相比簡直就是以卵擊石, 最後好不容易終於番到去城門河, 我真係怕怕了。平時係陸地上俾差佬查身份證都算正常, 估唔到日日划獨木舟都要俾龜逗, 因為奧運馬術場地就係隔離, 0的水警長駐係城門河, 一出一入都要拎身份證, 呢個經驗都幾珍貴, 奧馬收撚皮, 冇人睇的項目, 攪到香港七國咁亂, 麻叉煩, 霍震霆多撚餘, 不知所謂。隻馬仲矜貴過個人, 痴撚線, 如果我係恐怖份子, 一定殺晒0的馬然後拎來鐵板燒!~!~!~!

最後一日獨木舟考試, 有兩個肥左, 我都緊緊合格, 開頭諗住食住個勢玩埋高級, 不過都係遲0的先, 因為我真係怕怕。考完試之後去左灣仔懲教招募組, 拎左份vetting form, 填完之後盡快交回, 又係呢0的form, 之前我都填過好幾次, 不過每次都冇晒下文, 我都唔明點解police 要係final in之前就填, 填完又唔撚pass我, 浪費晒我0的墨水, 應該好似懲教、入境咁, pass左先叫人填, 免得叫人空歡喜麻! 拎完form之後直接番西貢, 我同老母講我會四日三夜唔番來, 佢以為我吹水死去旅行, 我都覺得有點兒誇張, 番工番到四日三夜唔番屋企。話說上星期咀咀因為咬傷左一個小朋友, 好彩人家沒有報警, 其實我地都有責任, 因為冇綁起佢。不過其實一向都冇綁, 佢係好醒目的一隻狗, 次次佢都知道邊0的係入侵者, 邊0的唔係, 今次發生事件係因為0個班係小學生。0的貓貓狗狗最唔鐘意就係小朋友, 因為佢地見慣大人, 忽然間有0的咁細粒0既人類, 佢地唔知0個0的係唔係人類, 我屋企隻貓都係咁, 見到0的小朋友就會發惡, 咁0岩今次事件, 0的小朋友又鐘意發出超高分貝0既尖叫聲, 咁樣嚇一嚇, 咀咀就咬鬼佢, 真係好好好好彩冇報警, 如果唔係魚農署就會強行帶佢走, 坐監7日.....一定好可憐。

於是呢四日三夜都要綁起佢, 但係我真係覺得佢好慘, 你試0下俾人綁住四日三夜, 活動範圍得一條繩咁長, 所以我周不時猜佢散步, 連夜行都拎條狗帶拖住佢行, 咁先冇咁痛苦。不過佢咬人始終唔0岩, 但係我又體諒佢, 畢竟呢個世界係唔公平, 更何況佢係一隻狗, 更加冇自由可言。


如無意外我都會通過今次審查, body check緊加冇問題, 十月應該入班, 到時就會告別西貢, 轉戰赤柱, 又係向海.......不過都有少少唔捨得, 畢竟而家做呢份工都係開心多過唔開心, 所有唔開心0既0野都係來自一個人, 近排我學會了跟其他人一齊說是非, 所以更加開心, 不過都要預早通知, 好來好去, 我有一種感覺, 就係愛祖國的山河風光, 但討厭腐敗的政權。明天交vetting form, 事成之後, 我要去一去旅行, 再看看世界, 然後先入班, 暫時想去東歐, 但又想去埃及~

ESTHER陷家又去左長隆, 我都想玩埋過山車0個邊, 一定超刺激。自從我做左呢份工作, 我已經對高度沒有感覺, 有時食完飯飯氣攻心, 就爬到去最高最高, 跟住坐係到睇下風景, 咩都醒晒~不過唔怕高又唔代表唔怕離心力~我愛離心力~~~正呀!!!!




當身邊的朋友仔打來叫我黃sir, 個感覺就好似聽到自己的BB識得叫爸爸一樣咁令人感動, 呵呵呵

>>August 3, 2008 at 2:36:09 PM GMT+8