2005 年 7 月 22 日 星期五 【酷熱】

琴晚傾電話傾到成三點鐘，好耐都冇試過咁甜蜜，不過真係好ｑ眼訓，頂！！訓到今朝九點五十五分起左身，因為我要留少少時間剃鬍子。之後十點廿五分先出門口，你老母唔知邊撚個將升降機層層都按了，仆佢個街，火撚到我呢，害我浪費了不少時間，你老味，一定係０的死０靚仔做的！！

今日食左個包，之後又開工．．．生日都未算太好，係咁叫ＮＥＣ．．．但係好多人買三星．．．．好多手機減晒價，真係覺得買電話好唔抵，一０的都唔保值．．．．．一開波個勢唔錯，賣左好多主打機，不過之後就下滑。今日三點左右食飯，食左個椒鹽排骨飯，跟住去左痾屎，日日食完飯都去痾屎，係半個鐘時間完成咁多項目，到唔做０既時候我一定要好好咁慢慢享受大便０既樂趣。少左係馬桶上面沉思，個腦都遲鈍左好多。

夜晚放工要食蛋糕，因為經理生日．．．．好鬼死假，都唔係真心慶祝的，仲要用＄２０夾蛋糕．．．．放工之後番到屋企，有隻好０大既蒼蠅．．．大到好恐怖．．．．．今日真係有０的累．．．．．．．．．

>>July 23, 2005 at 4:52:44 PM GMT+8

2005 年 7 月 21 日 星期四 【酷熱】

雖然放左兩日假期，但係好遺憾，呢兩日都過得唔係太開心，唔知點解好冇精神，出到街都勁打呵欠，仲累過番工，攪到個人好冇ｍｏｏｄ，加上天氣又熱，真係好掃興。琴晚終於去左試車，深籃色０既車身比我想像中還要新，內裡都好整潔。久違了０既呔盤和引擎聲再次響起，雖然話架車０既離合器比較難控制，但係我反而覺得唔係問題．．．但係道路上的確好危險，如果我真係買左的話真係預左撞車．．．．

試完車之後去左飲酒，見到出面有架黃色法拉利，超型！！！飲到好醉，不過飲完之後好爽，好似得到解放．．．之後番到屋企超級眼訓，可能飲多左兩杯，講大好多真話，之後激嬲左女朋友，俾佢ｃｕｔ我ｍｓｎ，然後熜埋手提電話打唔通．．．．跟住我就半夜三更打去佢屋企響幾０下收線，如果佢唔打番離就噪醒晒佢全家，結果佢真係打番來．．．．之後逗番佢，用手提電話傾左成個幾鐘．．．．今次又爆電話費喇．．．．ｓｈｉｔ．．．

飲左太多酒，全晚訓唔到教，０的酒精係身體運行，全身發熱，個頭又痛．．．真係慘．．．
之後訓到唔知幾多點兩隻手０既三頭肌痛得好厲害．．．．之後訓到清晨行雷落雨，又俾黑炭豬豬騷擾，係門口不停咁吠，害我又要起身開門．．．．．我一路訓教一路求個天落大０的雨，咁就可以黑色暴雨唔洗番工，但係個天一向同我唔妥，到九點幾０既時候已經變番微微細雨．．．．．．起身時對眼好似著火咁．．．超辛苦．．．．

起身沖涼，然後懲罰左自己，跟住就出門口番工。去到聖安娜買左三交治食，然後番工。兩日冇番工，個場又唔同晒，０的位置移過晒。飲完酒喉嚨又痛又要叫．．．真係慘．．．之後又過左Ｆ仔到ＣＨＥＣＫ　價．．．死啦，咁攪法，第時唔撈百老匯走入去豐澤佢都一定當我係做間諜啦，ＳＨＩＴ！！！之後默默工作，今日冇咩客人，真係好悶，悶到想嘔泡．．．．

四點幾食食物，食左個清清地０既金銀蛋扒時蔬飯，之後去痾屎，但係又失敗，唔滿意！！之後女朋友離左探班，然後送左隻Ｍ記換０既黑貓俾我，等我俾黑炭當玩具玩先，跟住見到佢搽左手指甲，我真係覺得好Ｑ樣衰，至憎女仔搽指甲油，真係好想嘔，０的中年婦人先會咁做！！之後夜晚有個中年婦女著件Ｖ字衫離買０野，超大波！！！成條溝渠露晒出離，嚇到我嘩左一聲，勁驚呀！！！！！！！！！！然後捱到九點半又拉繩，跟住就ＢＡＣＫ　ＵＰ。阿豪今日因為做０野唔開心，不過冇辦法啦，佢呢０的做長工點同我呢０的風流ＪＯＢ呢～

放工之後番屋企，跟住食飯。珊珊打電話來傾左兩句，佢睇離好似好悶咁，估唔到佢都可以番工番咁耐。之後同阿ＭＡＹ剖心，佢０既態度比我想像中還要溫和，只係反對左兩句然後就話要俾姑丈同爸Ｂ試０下先可以買，跟住又問幾多錢，又話阿邊個邊個做車房，買左番離可以拎去整．．．．．我先發覺原來有人幫手個感覺係會好咁多，唔洗一個人背負咁多０野．．．．
這麼一來，距離越來越近．．．．．但係佢話一定要爸Ｂ陪我先可以渣．．．嘿嘿．．．我就緊係．．．．．．．話好啦．．．．．．．．嘿嘿．．．．．．．我睬你都唔叫彩園村金童啦！～！嘿嘿！！！

>>July 22, 2005 at 4:53:40 PM GMT+8

2005 年 7 月 18 日 星期一 【酷熱】

琴晚訓教時突然間行雷閃電，好似世界末日咁，０的雷又光又響，嚇到黑炭飛左入梳化底，之後我都即刻收線訓教。０的雷光到好似開左燈咁，好似打緊三國無雙出超必時一樣，好撚恐怖，行出去一定俾雷劈撚死。

今朝十點鐘起身，跟住又沖涼，捱埋今日就可以又放兩日假了～今日一早０的人就開始搬０野，我見到十分開心，因為佢地日頭搬定先，夜晚就唔洗攪咁多０野，可以快０的走人。琴日ｇｐ％極高，雖然生意少，但係賣親都係勁０野，我總共賣左３隻８４０同３隻８５０，ＮＥＣ之鬼！！！今日再力推Ｎ８４０，強呀！０的人傻嫁～～～之後今日賣左隻８８００俾個女人，送埋全上水百老匯獨家可口可樂收音機一大台，潮爆呀！！！！

琴日夜晚出現左一隻乳牛，超級大波，好撚好恐怖，痴撚線嫁，人仔細細超級大波，好驚真係．．．．起碼有Ｆ　ＣＵＰ，好想一腳踢爆去，真係好肉酸！！！！今日六點先食食物，盒飯都放左成粒鐘．．．夜晚又出現多一隻小乳牛，樣就差０的，不過見到個心口有紋身露左少少出離，上水好多乳牛出沒呢兩日，好危險！！！跟住去完痾屎見到肥華係門口到ＫＩＮＤ０下ＫＩＮＤ０下，琴晚又問ＭＰ３機有冇得平，而家就話你知＄１５８０減＄３００再八五折。

之後九點半就即刻欄繩唔俾人入，然後開始執０野．．．經過兩次０既苦戰，今次又打定輸數，開頭講到要兩三點先走，最後一點就走得，我竟然有一種開心０既感覺．．．ＯＨ　ＭＹ　ＧＯＤ，點可以有呢種喜悅，咁樣係唔健康嫁．．．．阿ＬＯＫ今日係咁痾屎水，經過我診斷之後佢應該係食左唔乾淨０既０野，但係屎水不能不痾，因為係細菌，無論幾辛苦都要痾，仲有唔可以再食流質食物，就多食殿粉與例如飯，最後食包，要多肉少菜，咁樣過兩日就會正常番．．．

唔知係咪呢兩日用左玻璃水抹台，攪到手指爛晒，係到甩皮．．．．．放工之後去左飲夜茶，一大班人去飲茶真係開心～之後又要去銀行拎錢，記埋借左出去０個一千蚊，仲有九千，點解我用得咁少０既～？！？～？～？～～聽日就放假了～今晚一定要好好咁玩番晚，不過番左屋企，玩條毛咩～！～！～！～！～

唔覺唔覺又就快兩個月喇．．．越離越驚唔知點開口講辭職．．．唉．．真係好難啟齒．．．
但係淺水又點可以浸蚊龍呢？哇呀！！！！！！！！！！！！！！！！！！！！！

>>July 19, 2005 at 6:41:45 PM GMT+8

2005 年 7 月 17 日 星期日 【清涼】

唔想打日記ＴＩＭ～！～！～！～！

聽晚放工時間將會係　３：００ＡＭ左右．．．．．．．我直踩左七日．．．．最後一日竟然仲要坤多半日．．．．不過算，之後放孖ＤＡＹ．．．

>>July 18, 2005 at 5:23:01 PM GMT+8

2005 年 7 月 16 日 星期六 【酷熱】

新一天，新的開始。呢幾日都係較左九點半鬧鐘，但係最後都十點起身。跟住又沖涼洗頭，然後又番工．．．．今日買左個芝士火腿包食，好好味．．．呢排起身塊面都好漲，好明顯係唔夠訓啦．．．

琴日ＧＰ好高，有１８．８％，真係好．．．今日係星期日，人流多左好多，不過唔見得生意好好，好多撚樣成日走入離睇．．．睇睇睇又唔撚係買．．．唔同角度原來真係可以睇到唔同０既０野．．．以前自己去睇０野０既時候總覺得係理所當然．．．而家就真係好撚憎０的人入離睇．．．．盡管佢幾有禮拜，我都好想屌尻佢，想買就買啦仆街，走入離係到睇，你一係係廚窗慢慢睇，成撚日入到離又話睇０下先，又唔撚知你棟係到睇０既時候我又要棟係你面前陪你睇，尻唔撚知你自己睇咩，唔通我幫你睇呀，可以０既話我話撚知你尻就啦仆街。唔同觀點真係可以睇到好多０野，站在客人立場，當然要睇清睇楚．．．．．唉．．．．孔子簡簡單單０既一句設身處地原來係咁難，不過如果真係做得到的話，我相信呢個世界會變得很美好，至少所有人都唔會再自私，但係人就係自私０既動物，縱使口講點樣明白，縱使真的明白，但到頭來始終只會從自己的窗子望出外面的世界。

今日六點幾先食飯，食左個黑椒牛仔骨飯，好好味，真係好鐘意食唔辣０既黑椒牛仔骨．．．
食完之後又同時間搏鬥．．．．好悶今日真係．．．星期日一家大細係到入離睇，我真係想屌佢老母，食飽飯冇０野做上樓上冒險樂園玩啦仆街！！我真係唔知到到底係上水０的人鐘意痾屎，定還是我大部份０既人生理時鐘係一樣，你老母，入親去痾屎都要跟隊０既仆街，明知條撚樣０岩０岩坐撚完都照坐落去，０個種暖笠笠０既感覺真係唔知點形容，係咪咁多人識痾屎呀而家！！！

今日提早左少少收工，因為總公司ＳＥＮＤ左個五磅０既蛋糕來表揚我地０４分店０既貨存記錄，係全百老匯最良好！！勁！！個蛋糕好撚大，好多芒果．．．．好好味．．．．之後夜工同ＴＩＭ、豪、揚去左食食物，原本都唔想去，咁０岩阿ＭＡＹ冇煮飯，咁０岩又去彩園食，冇理由唔去啦．．．．．．放工０既時候見到肥平，初步諗住買左佢架車，星期三放假去望一望，我都唔想再煩，我真係好怕煩，到我有錢我都唔知去邊到買，最好有個人幫我攪掂晒然後俾錢佢．．．如果佢架車唔太差都照殺啦，起碼叫做識得，都唔洗驚比人坤．．．．．有時候我都發覺有０的獨力難支，不過唔緊要啦，雖然我好想買個ＧＵＣＣＩ袋，好想買ＰＳＰ，好想買ＬＥＶＩＳ，好想買ＮＢ，好想買Ｋ７５０Ｉ．．．但係我始終認為買一架車比起以上任何一樣０野都有型．．．．做人冇他０既，最緊要型！！

有時候都好感慨，有好多０野明明簡簡單單兩行字就可以打晒，我０既日記要為左顧及其他人要有所避忌，我覺得真係好諷刺，越多字反而越婉轉，都唔知為咩。日記都算係歷史，著史者最大忌就係曲筆．．．．．係時候要學０下叛徒咁搬遷，寫我０既真日記～

如果有賢者之石的話，就可以無視等價交換原則．．．．．做人一定會更開心．．．．．

如果而家已經買左架車，我真係好想一個人坐係入面聽歌。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

當我走進街頭的甜品店吃白果腐竹糖水時，他問我要不要加雞蛋，我想了一會說：「不要！」。第二天，我走進街尾的甜品店吃白果腐竹糖水時，他問我要加一隻還是兩隻雞蛋，我想了一會說：「一隻．．．」

同樣的問題，同樣的人，不同的答法﹔同樣的世界，同樣的人，不同的想法。

>>July 17, 2005 at 5:38:03 PM GMT+8

2005 年 7 月 14 日 星期四 【酷熱】

兩日冇打日記，攪到記漏左好多０野。好似琴日係廁所痾左一篤ＩＱ博士屎，勁似軟雪糕０既形狀。自從做完創世紀之後就做找尋秦記，不過我控制自己唔好去睇，如果唔係又會墮入呢個電視陷阱，攪到好夜先訓。呢排個咀周圍生左幾粒青春豆．．．好鬼死黑人憎。自從０個日遲到之後，朝朝都有人ＭＯＲＮＩＮＧ　ＣＡＬＬ我，我都覺得好ＷＡＲＭ，所以呢兩日起身都先ＳＥＮＤ　ＭＳＧ去話起左身～

呢兩日都係十點先起身，我絕對唔會忘記上次死亡裝修廿四小時０既滋味．．．但係收到風下星期二又要離多鑊．．．今次仲可能會通頂．．．我星期三四放假，都唔知好彩定唔好彩．．．原本係二三嫁．．．．頂．．．．呢兩日都冇食肯德基，剩係買左個西包食，慳番０的錢。連續兩日生意都係好好好差，雖然個ＡＭＯＵＮＴ好高，但係個ＧＰ好低．．．．．但係算啦，反正都唔關我事。經過左時間洗禮之後，雖然都仲係好唔想番工，但係都冇左之前０個種抗拒感，起碼而家都做得好開心，有咁多個煉金術師同死神係到，真係有好多話題～

今日有兩個阿叔拎晒之前０的袋同埋ＰＡＣＫＡＧＥ番離話部６６８０開唔到機要換過部，我地呢０的講到明十日內有壞包換！跟住又發覺真係開唔到機．．．但係最後發現佢部係假機！！！！係我地０的模型機，不過將個ＭＯＮ塊貼紙拎走左，攪到個ＭＯＮ好似真係未開機咁，嘩～仆佢個街，好彩冇上當０者，之後仲係到扮傻，不過算，大家心知就算喇，俾個位佢落台！！

今日三點幾食完飯之後去左痾屎，痾左一把鐵劍！！又實又硬又粗，回頭望真係好有成功感，真係唔捨得沖走去．．．．我發覺到痾得越硬０既屎就越唔需要抆屎，真係好奇妙，明明好大碌，反而不用清潔，有時係痾少少糊仔，都要抆餐蒙！！！！！！！！由於生意又異常地差，於是我肩負起去隔離豐澤做間諜０既任務．．．．入到去有０的心跳０既感覺．．不過０的人都認得我，波波小姐仲同我打招呼～

夜晚新番左０的可口可樂０既收音機，超大部，暫時仲未知會買邊部機先有。跟住阿滔打枇問我借＄１０００，雖然我要買０野，但係０的錢放係到都係冇用，反正佢話七號出糧就還，咁就答應左佢．．．．．放工之後同盈去左飲夜茶，佢又係到學人睇死亡筆記，雖然好好睇，但係我發覺要好用心同埋要逐隻逐隻字咁睇晒先明白，睇一本可能要成粒鐘．．．我都冇咁０既時間去睇。之後去左中間點餵蚊．．．．．夜晚番到屋企一次過爆左４０下掌上壓，跟住再爆多３５下，唔知點解勁左！我個負磅方法果然有效，但係暫時目標都係ＫＥＥＰ住先，都冇奢望過會有所進步．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

當大便過後沒有紙巾，有人會勉強地穿上褲子，裝作若無其事、有人會用內褲來清潔，然後底面調轉再穿，但這些都只是逃避的方法。最理想的是用手來清潔，然後再去洗手，雖然很難受，但卻是最徹底的解決方法。

>>July 15, 2005 at 6:03:38 PM GMT+8

2005 年 7 月 11 日 星期一 【酷熱】

琴晚放工之後同阿揚去左旺角篤波，兩點鐘開始篤。去到隔離台原來係黎ｓｉｒ．．．最巧合係佢個ｆｒｉｅｎｄ係阿揚以前０的同事．．．呢個世界真係細少．．．老師其實都只不過是一個普通人，離開左學校之後可以做出任何事．．．咁講法，我都可以做到一個老師。激戰左４小時之後就番屋企，真係超級疲累，篤波實在太過用神了．．．．．

番到屋企成七點鐘，差０的暈低．．．跟住極速沖涼然後訓教．．．放假真係好，我要將一日假期變為一日半，如果我琴晚照常咁番屋企，根本就同第二日番工冇分別，所以我決定以後假期前一晚都要去蒲！！！琴晚拎左三本死亡筆記睇．．．日本漫畫實在太有趣了，我太過後知後覺，我要站在世界的最尖端！！訓到十二點幾打左俾女朋友，不過佢好串！之後一點幾先真起床，然後就睇創世紀．．．終於快電視一步睇晒！！無煙城終於都起好喇！！！睇完之後差唔多四點鐘，跟住換衫出去，拎番對ａｉｒ　ｆｏｒｃｅ１出離著，覺得好型，不過鞋邊變黃左．．．

係火車到睇死亡筆記，跟住去左旺角波鞋街，見到０的ＮＢ好撚貴，＄２ＸＸＸ呀要仆街，冇可能買啦．．．不過都好彩睇中左對＄１０９９，可以接受啦，跟住拎部相機出離影低，然後有人出離話唔好影相，但係我都照影，然後閃人～但係都冇買到．．．．雖然有錢，但係都總係有０的顧忌．．．．唉．．．ＳＨＩＴ．．．．之後又去ＬＥＶＩＳ睇多一次，呢兩樣０野我諗真係要買。下星期０既兩日假期，我要好好咁做番一份預算報告，將所有數字、程序整理，咁就可以將０的流動資金調配。跟住去左朗豪坊，諗住買條銀鍊，不過最後都搵唔到，因為夠鐘去接女朋友放工。

去到紅堪之後行左好撚耐，一處陌生０既地方，真係冇去過．．．之後又要搵路，俗語話：「路在口邊」，加埋我超強０既記憶力，最後都俾我搵到個嘜撚０野繽紛購物城，然後上左一樓搵埋間ＵＰ得補習社．．．成間０野同阿ＭＡＹ間房差唔多大．．．．超好笑．．．哈。跟住又去番旺角，去左夏雪食食物，但係冇咩特別，可能唔係太肚餓啦。食完飯之後就行左一陣街。去左影貼紙相．．．攪到一鑊屎咁．．．．影完之後最後選要邊張，打交叉０個０的代表唔要．．．．佢就以為代表要．．．結果住部要０個０的變晒做唔要．．．．．最後全部都係核突０個０的．．．．．．．．．之後唯有再影多次啦．．．頂．．．．．．．．．．．

之後搭火車番上水，我已經好累，琴晚可能實在消耗了大量ＨＰ，今朝起身好似想暈咁，０的皮膚又好差．．．係火車情不自禁咁訓著左．．．番到上水，由火車站行番屋企足足用左三十分鐘，強呀！！！！不過好熱，希望冬天快０的來臨，始終冬天都係浪漫０的！～

沖完涼之後幫阿ＭＡＹ整番好０的相，我自己都ＵＰＬＯＡＤ番０的相，然後將０的鋼之煉金術師ＳＥＮＤ去另一部電腦到，因為要燒俾同事，但係過程太過複雜，不易詳述。

>>July 12, 2005 at 5:56:19 PM GMT+8

2005 年 7 月 9 日 星期六 【酷熱】

琴晚心情好平靜，就像暴風雨降臨前一樣。有一種說不出的感覺，說是不高興又唔係、開心更加說不上，就好似將個呔盤扭死左去左邊，架車只識不停地打轉，當想找出路時，卻發覺無論向前或向後，車子都只是不停地打圈，結果唯有停下來。方法其實很簡單，只是扭呔而已。

今朝訓到十點鐘先起身，跟住又死左去沖涼．．．人就係這樣，唔受過傷，唔識堅強，當你試過訓得四個鐘頭，就會知道原來訓七個鐘頭係一件極美好０既事。當你試過番九點半０既時候，就會發覺原來番十點四十五根本就不是一回事．．．．之後又著左件新背心番工．．．今朝又去食丹麥條，慳番０的錢，琴日終於出左糧，但係我冇去理會，很平淡．．．係一件好事，如果可以的話，扣起晒我０的錢然後一砲先出俾我仲好～

經過擴建後０既電話部真係長左好多．．．．不過唔緊要，因為已經開始熟習，雖然簡唔中有錯，但係已經好左好多，個感覺亦都好左．．．今日係星期日，但係生意唔見得好好，我真係好開心．．不過暑假就快到，肯定好多撚樣係到無撚聊聊入離睇０野．．．呢排多左好多三星新機．．．個ｍｏｎ真係幾靚，０的韓國機真係做得唔錯，不過始終我最重視０既ｍｐ３鈴聲真係只有ｓｏｎｙ　ｅｒｉｃｓｓｏｎ先滿足到我０既要求。唔知點解ｎｏｋｉａ、ｍｏｔｏｒｏｌａ同ｓａｍｓｕｎｇ都總係咁撚細聲．．．ｋ７５０ｉ又再口術＄３６８０．．．呢部機０既熱潮實在太過強烈．．．但無奈ＧＰ真係低得要命．．．絕對係毒藥，所以一定唔可以俾０的人咁易買到．．．我真係好賤．．．明明係冇ＨＡＮＤ機，我都要話去ＨＡＮＤ機．．．明明係影相好撚清，我都要話象素０既０野係電話係睇唔出，要晒出離或者係電腦睇先分辯到．．．雖然係事實．．．但係人地個鏡頭做得好麻你老味，個ＭＯＮ又真係做得細緻．．．．點都係正．．．．．．．下午周麗琪離左上水廣場，曾幾何時我都好愛佢，於是接力出左去睇，因為冇ＷＥＡＲ眼鏡睇唔清楚，但係好似好高咁～都真係幾正～

琴日著住件百老匯衫去銀行入數，跟住有個人拍我，我望住佢完全唔認得係邊個．．．．跟住佢自我介紹先記得．．．原來佢係尖咀分店做．．．我連阿ＭＡＹ０的師奶０既仔都坤．．．坤佢話做長工，以免多個和尚唔知多嘜春～！～今日五點幾先食飯，食完之後繼續做０野。由於熟絡左．．．間唔中有講有笑，時間過得快左好多．．．．夜晚入左去執倉，將０的０野執到整整齊齊，真係好好ＦＥＥＬ，時間又過得快，實在太好了。呢兩日都係十一點幾放工．．．．．真係好好笑．．．明明係超過左放工時間．．．但係經過左兩晚恐怖之夜後，我發覺十一幾收真係好幸福。或者係一件好事，試過俾人亂刀斬到重傷之後，你就會覺得唔小心擦損手腳根本就是一件微不足道的事。

放工之後行左番屋企，琴晚黑炭隻死０野走左出門口，坐左係人地門口，我打到佢起飛！跟住一路食飯一路睇創世紀，我唔明白點解我０既集數同電視０既集數唔同．．．．番埋聽日就可以放假，我決定聽晚去玩，唔可以白白浪費左個夜晚。加油！！！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

真實的背後還有真實，人總不可能做到完全坦白。每個人的心中也有一個小盒子，只有自己才擁有開啟的鑰匙。

>>July 10, 2005 at 5:35:53 PM GMT+8

2005 年 7 月 8 日 星期五 【酷熱】

　　　　　　　　　　對與錯沒有精神去分辯，反正換來都只是一個感嘆符號。
　　　　　　　　　　
　　　　　　　　　　　　　　沒有感情的日記，不如沒有日記。

>>July 9, 2005 at 5:36:01 PM GMT+8

2005 年 7 月 6 日 星期三 【酷熱】

琴晚四點半左右先上床訓教．．．跟住今朝八點四十五分再起身。我發覺我正在挑戰死神，如果因為咁樣而瘁死的話，我相信真係一個大笑話，與其要死，我寧願選擇死得型０的．．．．
起身０既時候ｆｅｅｌ到塊面係脹，雙眼有火．．．今日冇食肯德基，買番丹麥條，因為甜甜地下火．．．

琴晚最後一批人三點先走．．．痴撚線嫁真係！！！入到去就係咁執０野，會都冇開，剩係執，好心咁多０野攪就放假一天俾０的師傅整撚好先開舖啦仆街，咁撚大間百老匯，賣少一日洗唔撚洗死呀真係！！冇撚啦啦又加多個玻璃櫃俾電話．．．攪到成個電話部一字長蛇陣，成條田徑跑道咁撚長，打保齡球呀而家！！ｆｕｃｋ！！！琴晚唔夠休息，今日都冇咩ｍｏｏｄ做生意，可以的話都唔大叫．．．今日唔知０的人食左咩屎．．．賣左４部８８００，係咪而家有錢冇地方洗？！成七千幾蚊買舊鐵番離？？！？！去五金舖買成車都得啦，０的人真係冇腦嫁，俾我買部ｏ２　ｍｉｎｉ好撚過，呢部真係潮，ｍｙ　ｄｒｅａｍ　ｍｏｂｉｌｅ～

一路捱到五點幾六點先食食飯．．．食完飯被派往石湖墟送貨，我不知幾撚開心，可以出去行過轉．．．雖然我住上水，但係個地址都唔知邊撚到．．．最後搵下搵０下原來係以前成日去探險０個頭．．．去到個嘉里倉竟然冇升降機搭！！要沿住停車場上三樓，你老味，我又唔係馬，做咩要我行馬路！！！送完貨之後我慢慢行番去，中途仲飲左杯廿四味下下火～

咁樣出一出去又去左九個字，日日都係咁真係唔錯。跟住八點左右女朋友又離左，０個時幫個死仆街增值張儲值ｃａｒｄ，佢等左一陣走左，如果佢等多三十秒，我真可以ｋｏ條友同佢玩。夜晚九點半又關門．．．關門時間早左．．．但係好諷刺地放工時間就夜左好撚多．．．又係到大執，ｍｐ３部要調過對面．．．．．唉．．．痴撚線嫁真係．．．一路係到執，成條電話線又要重新攪過．．．．陰撚公公真係．．．我真係唔明點解要編我入呢個最繁忙０既電話部．．．．唉．．．．最後成一點鐘先走人．．．經理同我講唔好意思．．．我又係到扮勁喇．．．．唉．．．人做大學生我做大學生，我都算失敗喇，點會番工番得咁撚辛苦嫁仆街．．．．．．．

夜工之後係天橋到買宵夜食，買左餃子食，十蚊六隻，不過我屈到佢俾撚晒我，佢都收工啦反正！！之後買左碗粥，呃人０既！！＄１８咁撚貴！！又唔係好味過人！！！！！番到屋企合家番晒離．．．．唉．．．．寧靜０既日子又過去了．．．．阿騰，頂撚住！！！！！！！！
離緊個ｓｅｍ唔想溫書０既時候，開番自己０的日記離睇，睇番番工係幾咁仆街，你就會好想番學嫁喇！！！！！

肥坦個叛徒，竟然背棄ｓｈｏｗｈａｐｐｙ投靠左ｘａｎｇａ！可惡．．．

>>July 7, 2005 at 6:23:49 PM GMT+8