2005 年 8 月 5 日 星期五 【酷熱】

琴晚訓教又發嬲，抆到升天，不過都係要訓教。呢兩晚都發夢，不過已經唔記得左係咩夢，剩係記得係好撚無聊同埋好長，即是反映出腦部得唔到充分休息．．．之後今朝十點鐘起身，然後就沖涼換衫。由於今日係星期六，雖然之前係好撚靜，但係我知道今日一定唔會好過，所以我食左一個叉燒包加一個菠蘿包，菠蘿包真係好好味，好脆～

果然今日一開門就好撚多人．．．．今日全力主打６２３０ｉ．．．開門頭幾個鐘我節節失利，所有主打機全部收晒皮，剩係賣到０的廢機。呢兩日都抆抆地，今日有個死肥婆離買機，佢老味係到買ｐａｎａｓｏｎｉｃ，我咪話ｎｏｋｉａ好０的，佢老味係到同我講樂聲都幾好，我火火地串佢老味：

「有幾好呀，ｎｏｋｉａ好過佢啦一定。」
「我部樂聲用左兩年幾呀！」
「你０個部０者，計平均數你估邊個用得耐０的呀！」
「我個ｆｒｉｅｎｄ都用左好耐！」
「十個客九個都話ｎｏｋｉａ好呀！平均數肯定多過你啦，唔緊要！！你鐘意買就買！」
「我地走！！！佢好ｈａｒｄ　ｓａｌｅ！！」

之後又有兩個死八婆係到試撚完機唔撚買，最撚憎呢０的粉皮，我真係除左制服姦佢老味！有部試範機係到又唔撚試，死仆街！！唔覺唔覺做左兩個幾月，而家都覺得幾開心，見番好多人，今日肥紅專程走來搵我，又拎佢同方力申條仆街０的合照來，都唔知條咸西有咩咁好，我仲型過佢啦，佢肥過我０者係！！！！跟住六點鐘先食飯，今日食左個金銀蛋扒時蔬飯。痾屎時我太過衝忙，忘記左最重要０既事情．．．就係觀察排泄環境．．．仆街一坐落去頓時成個人彈起，你老味個屎忽濕０既？！？！？！？一睇先知坐左落０的尿到，仆街！！！唔洗講０野，即刻爆句粗先！！！！！！之後換過格痾，邊有人痾尿痾得咁冇品嫁，真係抆呀！！！！

夜晚八點左右ｗ８００ｉ終於番貨，仲偷步先賣！！！真係潮爆，白色機身再襯橙色邊，型．．．．．．之後開左一張勁單，Ｄ５０８、６２３０Ｉ、再加上水百老匯首部Ｗ８００Ｉ！合共＄１０１４８！！！！！！好撚勁呀！！！之後我掛住部電話係頸出左去ＳＡＬＥＳ客，部機鬼練咁大聲，播住首浪漫拆屋主題曲，全部人目光投射係我身上，超正！！！！！！
之後再潮人再轟入多一部Ｗ８００Ｉ！！！臨俾錢時個女仔問我係咪讀甲寅．．．我都唔知佢係邊個，不過佢係粉皮翔０個班，加佢係女仔又一家人離，私人醒左好多贈品俾佢～

放工之後係到認真試部Ｗ８００Ｉ，好鐘意ＴＩＭ～跟住ＳＥＮＤ左好多歌入去，之後又幫李寶瑜買保護貼，上次俾佢０個張貼到ＰＡＴ屎咁，真係好好笑．．．．．我即刻諗起０的叔叔嬸嬸番離叫人幫佢貼保護貼時０既樣～

放工之後去左彩園食食物，見到第二真小白。飲左一杯啤酒，電視又播緊鋼煉。之後去左接女朋友番屋企，冷戰兩日之後終於都結束，一０的都唔好玩，冷戰好無聊，如果隻秋就好玩好多，不過佢係我女朋友我會讓佢唔起腳０既～算啦，我又點捨得打佢呢～之後阿叔打離話買Ｋ６００Ｉ好定６６８０好，我諗都唔諗就答佢６６８０啦，邊洗問嫁呢０的０野真係！！！

番到屋企見到阿ＭＡＹ個頭又電到唔知想點．．．頂．．．．．我真係問佢：「你個頭做咩０野呀．．．．．．．．」佢話未ＳＥＴ，咁我都認同０既，ＳＥＴ左同未ＳＥＴ真係差好遠～

>>August 8, 2005 at 7:28:35 AM GMT+8

2005 年 8 月 4 日 星期四 【酷熱】

琴晚同女朋友傾電話，最後都係不歡而散。真係好抆好抆，然後去左沖涼訓教。我都廢事去分析誰是誰非，只知道心情公仔係烏雲密佈。之後打左一個好長０既ｍｓｇ就訓教。今朝十點鐘過少少起身，跟住要剃鬚，攪到遲左少少出門口。但係都照樣買腸仔包食。今朝開會經理話公司會有新方案，食飯時間延長到四十五分鐘，跟住仲有１５分鍾ＴＥＡ　ＴＩＭＥ！超正呀．．．加埋輪班制度．．．．越離越做得過喇份工．．．．．．

今日生意都係一般，身體番左八成，只係間唔中喉嚨有０的痕。開門冇耐又收到ＭＳＧ，我真係好火滾，好抆！！！我覺得俾人歪曲事實，不過算，謠言止於智者，一０的冇結果０既爭論根本毫無意思。等於個客番離要換機，就算佢超過左十日，同佢噪完之後咪又撚係要換，噪離做咩？而家開始又唔洗賣ＮＥＣ住，可以主打番６２３０Ｉ～之後收到通知，Ｗ８００Ｉ只係會番普通版，但係都賣＄４３８０，換言之又係炒價．．．．真係好撚賤，但係我已經有晒全盤計劃！！之後兩點左右又去隔離中銀入數。埋到ＣＯＵＮＴＥＲ見到個女仔好面善，望０下個名超級熟悉，但係諗極都諗唔到係邊到聽過！最後先醒起係阿ＢＩ成日提起，跟住就開口問佢以前係咪讀陳融，原來真係！呢個世界真係細，不過上水又有幾大呢其實？

之後又去左痾屎，你老味臭西諗起琴日就冒然起火，０的撚樣都唔知點撚樣痾尿，又唔拎起塊廁所板，射到塊板好多尿．．．又唔撚飲水，０的尿黃金金．．．仆街，我再冇所謂都真係唔可以坐落去．．．．．跟住四點去左豐澤到ＣＨＥＣＫ價，見到部新番０既橙色３２３０，然後同波波小姐講左兩句就番番去企。到五點幾先食食物，今日食黑椒牛仔骨飯，好撚貴呀仆街！！＄３２！！！食完之後先倒瀉杯熱檸茶，ＳＨＩＴ！！

之後又去痾屎，不過痾唔出。然後打俾孖歡話佢知Ｋ７５０Ｉ　ＴＲＡＤＥ　ＩＮ　跌左＄１００，佢ＴＲＡＤＥ－ＩＮ俾我，咁我就可以用＄２３００買部Ｋ７５０Ｉ，跟住再放部Ｋ７００Ｉ，用多個幾月又再放部Ｋ７５０Ｉ，買部Ｗ８００Ｉ，如此一來，同樣０既價錢，但係我就可以同時用過兩部新機！！！ＮＩＣＥ　ＴＥＲＮＣＥ！！！！！！！！！！！！！！！

夜晚生意好淡，企係到差點兒訓著教．．．．之後又係到吹水，講ＮＢＡ．．．．然後拆左渣打條ＢＡＮＥＲ，剪剪貼貼，不如買部新嫁啦～～而家ＭＯＴＯＲＯＬＡ係到送多啦Ａ夢風之使者戲票，你老味全間百老匯所有０既電視機日撚日都播住首歌，就離人都顛！！！之後過左ＭＰ３部叫阿揚俾搞鬼甲蟲車戲飛兩張～～

夜晚放工係到玩部Ｏ２　ＭＩＮＩ，其實都冇咩特別，我而家已經唔鐘意呢部了～放工之後買左豬紅豬大腸番屋企食。



＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我不能令不買電話的人買電話，我只能令想買電話的人買我想賣的電話。

>>August 5, 2005 at 6:17:21 PM GMT+8

2005 年 8 月 3 日 星期三 【酷熱】

由古至今，人們都知道水是不可能捉緊的，所以我們會用器皿來盛載。後來還學會了放在低溫的地方讓它凝固。但是，冰塊不能離開零度以外的地方，否則只有溶掉；清水亦只能永遠留在盛水器皿之中。到頭來，水還是捉不緊的。盡管人們用盡他們引以為傲的腦袋去解決問題，始終敵不過世界的真理。人與神的分別就是神做到一些人做不到的事情，所以我不要再做人，我要做神！

漫畫主角吸引人之處莫過於他起伏不定的一生，正正因為有對比才顯得吸引。永遠勝利的主角不會有人喜歡，只有那些受過挫折再爬起來的才令人刻骨銘心。










沒有永遠的成功，沒有永遠的失敗，只有永遠的堅持。

>>August 4, 2005 at 6:35:15 PM GMT+8

2005 年 8 月 2 日 星期二 【晴】

早幾日我係到諗，雖然番工好辛苦，但係身體好似強壯左，雖然晏食飯，但係又叫做定時．．．有時候真係唔可以唔信邪．．．你老味好似撞邪咁，日頭仲好地地係到開工，跟住入夜突然間鼻水好似關唔實０既水喉咁．．．．嘩．．．辛苦到呢．．．同０的客傾兩句就要抹一抹．．．之後仲帶埋口罩．．．．．．放工之後番左屋企食食物，之後負傷出去篤波．．．．篤到朝早六點跟住就番屋企訓教。

琴晚去左漫畫節，家怡好型咁帶我地入場，七點鐘先去到，跟住行左一陣，好撚多人，有０的抆，原本諗住想搵愛德華公仔，但係搵唔到，剩係見到全職獵人．．．但係行行０下見到有個愛德華！！真係扮得好似，好想笑，我忍唔住要同佢影張合照。夜晚去左花園餐廳食食物，之後好早就訓教，不過訓得好抆！！！！

今朝早起身，喉嚨勁乾！但係好似鼻水少左．．．唉．．．雖然飲左好多水，但係都唔知有冇用。之後就沖熱水涼換衫。買左個＄１．８既菠蘿包，又大個又平～番到公司即刻帶番口罩．．．今日三星番左隻女人機，外型都幾靚，＄３１８０，功能唔算太特出，呢個價唔值，不過ｍｐ３０的聲幾靚，又夠大聲！今日生意都係悶撚到仆街！不過好在ｎｏｋｉａ６２３０ｉ高ｇｐ，咁都冇咁辛苦！

今日兩點幾就食飯，食左個雞扒腸仔飯，飲左好多水，攪到成日痾尿．．．．下午落左去六福找換人民幣，冇啦啦就換左隻新戒指．．．．都好０既，舊０個隻都唔再閃ｌｕ！～之後又企係到戇尻尻。五點幾六點０既時候真係差０的暈低左．．．．之後入黑我見到何寶兒，好耐好耐都冇見過佢了，我仲見到佢男朋友，我終於都見到一個我知道存在左四年但一直都未見過０既人．．．我帶住口罩佢都唔認得我嫁喇，加上佢又唔係睇電話，都冇叫到佢～

跟住收到通知，萬眾熱切期待０既ｅｒｉｃｓｓｏｎ　ｗ８００ｉ八月七日火熱登場！！＄４８８０！！加送１ＧＢ　ＣＡＲＤ，不過出面價＄３９８０！！但係得５１２ＭＢ！等我上台加ＴＲＡＤＥ　ＩＮ　換番部先，一年換一部都唔算好過份０者，做埋一年免息分期仲好～！

夜晚身體好似好番０的，飲左兩大支水，好撚顛，痾尿痾到仆街！！放工之後即刻番屋企，係到食飯，跟住又睇鋼煉，如果做人可以好似漫畫或者卡通片０的主角咁就好了，每日都係到冒險，永遠都唔會死，就算再大０既難關最後都可以解決．．．．成日都埋怨呢樣０個樣，其實自己已經好幸福．．．．物慾會使人蒙蔽，細個一對白飯魚可以周街去，點解而家會變左剩係踢波先會著？以前著菊花牌純情白色小底褲，點解而家要著同樣質料０既ｃｋ．．．．．．．
夜晚玩ｉｃｑ，見到何寶兒先知道原來佢病左．．．尾龍移左位仲要個個星期去上水廣場睇醫生．．．我個心好寒．．．．原來人類係可以咁脆弱．．．打不死只會出現係漫畫之中．．．仲要係主角先唔會死．．．．．相比之下．．．小小傷風感冒又變得不外如是．．．


．．．．．．忽然間又覺得自己很渺少．．．很微不足道．．．．

>>August 3, 2005 at 5:44:47 PM GMT+8

2005 年 7 月 31 日 星期日 【晴】

你老母．．．．病撚左．．．．好撚辛苦．．．．

>>August 2, 2005 at 3:53:48 PM GMT+8

2005 年 7 月 30 日 星期六 【乍寒還暖】

琴晚超級眼訓，好辛苦先打完ｓｍｓ去訓教，跟住唔知點解半夜有人打電話來，噪醒左我，但係唔知邊個，冇聽到，之後好無辜咁俾人鬧，真係火都離埋，不過超級眼訓，咩火都熄晒～！～今朝差少少就唔知醒起身，十點過少少先去沖涼洗頭，跟住出門去，天氣開始轉壞，有０的綿綿細雨，所以行左平時唔行０既路，經過平日唔會經過０既樓下包店，買左個菠蘿包同埋腸仔包，都只係＄４．８，實在抵過平時好多。

雖然呢幾日生意額都係奇差，不過到數就幾乎係冇問題，所以都冇咩壓力，亦都唔洗番早０的。一早開門豐澤０既波波小姐過左離ｃｈｅｃｋ價，大家各為其主亦都唔需要太過有敵意，加上我呢０的跟本唔係忠心０既將士，所以我就同佢建立左友誼。雖然今日係星期日，但係生意都不復當年勇，電話部０既皇朝不再，ｙｅａｈ！～！～！～關人撚事～不過我都唔希望咁，因為冇人買０野好悶．．．我寧願有人買０下０野搵個人俾錢我同我傾０下計好過～

跟住我又換衫去番刺探，又見番波波小姐，佢問我做咩唔著背心，肯定成日昅我啦！～！～！～之後我逗留左一陣走左去痾屎～呵呵～蛇０下王好過啦，ｃｈｅｃｋ咩呀ｃｈｅｃｋ，ｃｈｅｃｋ來ｃｈｅｃｋ去咪又係咁撚樣～之後輕輕鬆鬆咁番番去做０野。一路做到成六點鐘先有飯食，跟住去廁所打俾女朋友，佢實在太過冷淡，所以我決定直到放工之前都唔睬佢！！

今日係七月最後一日，應該又出左＄２６００．．．．又有一大筆資金了．．．唉．．不過而家真係好煩惱，好徬徨．．．．決心開始有０的動搖，我真係好想買架車玩．．．但係真係好多０野要攪，我發覺我冇精神同能力去一個人撐．．．咩都唔知頭唔知路，又冇時間．．．我諗我之前真係好天真．．．．而家真係好迷失，又怕日後應付唔離．．．．．好煩好煩好煩．．．．．．原來集齊七粒龍珠但係唔識用娜美星人話叫神龍出離個感覺係咁難受嫁！！！

今日放早左少少，因為係到數日。放工之後買左塊ｋ７５０ｉ保護貼，＄２０　ｏｎｌｙ，平左＄４５呀！！跟住我打番俾女朋友，我決定原諒佢，之後放左塊０野係李寶瑜信箱，不過唔知有冇放錯．．．．番到屋企食公仔面，之後落左去樓下，然後上左肥玖屋企打ｗｉｎｎｉｎｇ．．．．對電腦兩場竟然一球都入唔到．．．一負一和０既劣積真係好難受．．．四號就出ｗｉｎｎｉｎｇ９．．．一定要番大陸買離操一操！！今個月０既假期出左，我發覺其實唔放孖ｄａｙ０既話，可以番幾日就放假，個感覺真係會過得好好多．．．最後呢廿日我打散晒０的假期，番四五日就放假，一定過得好爽～～

>>July 31, 2005 at 5:48:30 PM GMT+8

2005 年 7 月 28 日 星期四 【乍寒還暖】

終於今日都要番工，七點鐘就唔知點解自己醒左一醒．．．潛意識想去做一０的０野，但係最後都係訓番教～跟住十點鐘就起身，然後沖涼同埋假剃鬚，之後就出發番工。今日下著綿綿細雨．．．．去到聖安娜買左個菠蘿包食，其實我都幾鐘意食熱洪洪、脆卜卜０既菠蘿包～

琴日０既生意額又再創新低，電話部陷入低潮．．．．今日一開波以為可以扭轉劣勢，但係都係不得要領．．．．生意差就冇客人，攪到都冇晒ｍｏｏｄ，仲係覺得個個人入親離都唔係買０野，攪到好憎見到有人入離。今日內地ｆｒｉｅｎｄ離左買ｍｐ３機，我運用左職員０既權利俾左個八五折佢，最衰肥揚放左假，唔係就好辦事，不過點都好，我終於成功用折頭買左貨物！！！然後去左豐澤ｃｈｅｃｋ價，跟住就番左去食食物，今日唔知點解好鬼肚餓，可能係琴日消耗左太多體力～～～～～～

琴晚諗訓教打左一個好長０既ｓｍｓ，打到我訓著左驚住又醒番．．．但係．．．結果竟然係收唔到，我真係好ｄｏｗｎ．．．．覺得好白費心機，我再次感受到挫折．．．．今日生意真係好差好差．．．．我覺得好辛苦．．．．好悶．．．遲０的百老匯有輪更制，即是每人番十個鐘頭左右．．．．如果真係就好喇，不過都唔關我事了．．．．如果真係咁呢份工就做得過喇。今日由於生意好好好差，我拎住部ｋ７５０ｉ走左出門口，一路勁播無賴一路拉客．．．竟然做埋企街．．．．．真係慘．．．．．．

夜晚收工執過０的所以飾櫃，因為聽日開始轉晒０的ｐｒｏｍｏｔｅ，呢０的贈品潮好多～跟住又夾左＄３０買蛋糕俾經理．．．．仆街，兩個生日咁撚近．．．．食完蛋糕之後又番屋企，途中見到阿ｂｉ，又走左去樓梯口吹左一陣水．．．打亂左我接女朋友０既計劃。番到屋企就食食飯，０岩０岩食完女朋友就打離話番屋企，於是就出去接佢，出得離行牙齒當金侯，言出必行，話左接就接嫁啦，不過遲左少少＞．＜　好彩佢又冇發老爛０者～

之後番屋企睇左個真小白ｓｅｎｄ來０既ｗｍｖ，好撚好撚好撚好笑我覺得真係，嘩哈哈！！！！！！！！！你一定要睇到最尾先好呀！！！

http://www.consumptionjunction.com/downloadsnew/cj_46463.wmv

>>July 29, 2005 at 5:24:08 PM GMT+8

2005 年 7 月 27 日 星期三 【酷熱】

琴晚打ｗｉｎｎｉｎｇ打到成三點幾先訓教，雖然今日唔洗番工，但係我仲早起身。朝早八點鐘上左去女朋友屋企到玩。由於佢要番工，所以要爭取見面０既時間。我見到好多好ｄｉｒｔｙ０既公仔，我諗如果用顯微鏡底下睇一地會有好多好多細菌。但係我最鐘意都係個廚房，好羨慕唔洗彎腰都可以撻爐，又可以用煎ｐａｎ．．．可憐我剩係可以用隻鑊離煎食物．．．

玩到十二點幾就番番屋企，累到仆街，之後去廁所坐一坐就去訓教。訓到咁上下又俾人噪醒左，訓得個半鐘頭．．．起身之後執齊０野去左游水，原本諗住渣朋友號去，但係發現條ｔｉｅ冇氣．．．．唯有慢慢行去。好耐都冇做運動，呢個節目的確唔錯。諗入場時，我問條撚樣學生係咪半價，佢好撚七串咁話要有學生證，我話我有！！之後又話要全日制，我係！！！！吹撚漲麼～～～～～＄８入場，半價，ｙｅａｈ！！～

做０下運動都幾好，游左唔知幾耐，泳池冇靚女，同年紀０既都應該番晒工，又點會離游泳，得番０的死０靚妹同師奶．．．之後霸左張ｃｈａｉｒ晒太陽，實在太過ｒｅｌａｘ喇～兩個鐘之後又番番上水，去左食炸雞脾下午茶～我發覺今日０既假期好漫長，因為我幾乎冇訓到教，充分用盡廿四小時～

跟住番到屋企又沖涼，然後出左去等女朋友番離。行過新都見到佐丹奴有好多迪士尼ｔ－ｓｈｉｒｔ，隻米奇老鼠超靚呀！！！！正當我諗住話俾佢知０既時侯，竟然俾佢搶先一步，這就是心靈相通，但好可惜冇碼，ｆｕｃｋ！！！之後去左築地食食物，其實我又係唔肚餓！～！之後我模仿左一樣０野，佢就真發嬲左大約五分鐘，好彩都俾我逗得番～嘿嘿～

九點半番左屋企，跟住等埋文太就去左試車．．．．我發覺自己０既渺少．．．．文太０既駕駛技術遠遠超出我０既想像。經過佢大約四十五分鐘０既測試，報告出好多我完全唔知０既事．．．我個心忽然間好動搖．．．我覺得呢個擔子好重好重．．．．我開始質疑自己是否有能力承受。之後去左飲酒，飲左一杯０者，就紅到好似關公咁．．．．之後行左去太平村個停車場問０野，然後先番屋企。

番到屋企０的人又大驚小怪，以為我飲左好多．．．．我都廢事ｓｉｄｅ氣話飲左一杯．．．因為連我自己都唔信．．．．跟住叫左阿ｍａｙ個車房朋友幫幫手０睇下有冇筍０野．．．．我開始感覺到當愛德華知道原來要煉製賢者之石，材料係要用大量活生生０既人類０既時候０個種打擊．．．．．．．

番到屋企原本想打機，但係最後節目改左做打電話～～一路傾到唔知幾點，呢一日假期好似變左兩日咁～～ｇｒｅａｔ！～！～！～今日真係好好好好好好好開心，如果日日都係咁就好ｌｕ～～～～嘿嘿嘿嘿嘿嘿嘿嘿嘿嘿嘿嘿嘿嘿嘿嘿嘿～～～～～好多０野想講ｔｉｍ，但係又唔講得，如果唔係實人頭落地呀！！！！！！！！！！！！

>>July 29, 2005 at 5:00:15 PM GMT+8

2005 年 7 月 26 日 星期二 【晴】

今朝早女朋友又打離叫醒我起身，雖然都係唔願意起身，但比起被鬧鐘噪醒真係開心得多～之後傾耐左，唯有極速沖涼洗頭，跟住出去番工。今日買左個菠蘿紅豆包食，都幾好味。琴日０既生意真係差撚到仆街．．．．．幾乎要拍烏蠅．．．．一早番去見到阿ＴＩＭ，佢同我講琴晚夢遺，真係笑到我仆街～～～今日都唔好得去邊，都係得小貓三四隻，悶撚到我呢．．．係咁企係到打呵欠．．．政策都改變左，只為生意額，高唔高ＧＰ都唔在乎了．．．．．

今日番左兩隻ＰＡＮＡＳＯＮＩＣ０既電話，１６００萬色０既超薄手機，照相又靚．．．衰左冇籃芽．．．而致命０既弱點就係．．．個ＭＰ３鈴聲細到仆街．．．．．唉．．可惜可惜．．．．．太可惜了．．．．呢兩日都冇咩ＭＯＯＤ做０野，有時仲想屌尻０的客．．．．反正都就離唔做，係一間公司，無論上司有幾惡都好，只要你唔撈，你就係最惡０個個，所以我都唔需要怕任何人！嘩哈哈！＠！＠！＠～！＠！我真係好撚憎０的撚樣成日走入離係到當展覽咁睇，食飽飯冇屎痾又走入離兜個圈，係到問呢樣問０個樣，一睇個死款就知唔撚買啦，都廢撚事睬佢，我已經專登棟係佢前面唔撚出聲趕佢走，佢仲要不知廉恥咁係到睇，好心啦，冇錢就過主啦。有０的仆街又係到彈呢樣０個樣，今日有位女仕走入離又係到叫人介紹，係到彈三彈四，又話部檮樣衰又呢樣０個樣，我真係幾撚想話：「襯晒你啦！！」，你唔鐘意還唔鐘意，唔准你彈我０的電話，仆你個街，電話都有感情，人地話你平胸腳粗屎忽大你都唔開心啦，所謂冤豬頭都有聞鼻菩薩，你老味講０野唔好咁刻薄好唔撚好！！！火都離埋，我即刻用布抹番一下Ｅ３７５安慰佢．．．．

今日食左個茄子火腩飯，都係食飯好，食完之後去痾屎，朋友仔又離左買ＭＰ３，我最支持人地買ＭＰ３，因為夠抵又有折，真係唔錯。之後又開工，要編定八月０既假期，開頭我諗住將所有假寫晒落２０號之前，咁就可以有最大０既回報，但係咁做一定惹人懷疑．．．所以我都好平均，算啦，豪俾佢．．．．．由於呢兩晚都冇咩生意，所以收工都唔洗點ＢＡＣＫ　ＵＰ，我就係到玩電話，幾鐘意三星新０個幾部機，個ＭＯＮ同聲音都唔差，三星機０的ＭＯＮ真係做得幾靚，Ｅ７３８個ＦＵＮＴＩＯＮ唔錯，不過外形唔係咁討好我，隻顏色用得唔好，俾我買我會買Ｄ５０８，而家又減價，每部手機都好似戀愛咁，一出０既時候全部都係叱吒一時０既寵兒，但係隨住時間同埋其他鄗款０既出現，慢慢就會被俾人遺棄．．．．當年紅透半邊天０既Ｋ７００Ｉ．．．．而家只剩番＄１７８０．．．．我真係好傷心．．．仲要唔番貨．．．．嘩．．．．太現實喇呢個世界真係．．．．

夜晚放工去左食食物，飲左少量酒精，今次好醒目咁叫到份量０岩０岩好，痾尿０既時候唔小心痾濕晒件衫，頂！！！然後暈暈地咁行番屋企～去到樓下又唔知密碼，真係好麻煩～～聽日放假，今晚一定要玩盡去～～～ＷＯ！！～～ＷＯ～～～

>>July 27, 2005 at 5:42:46 PM GMT+8

2005 年 7 月 24 日 星期日 【酷熱】

琴晚玩電腦玩到成三點鐘，因為真係好好玩，玩得好開心，真係好開心，唔單止係表面上０既開心，仲要係更深層０既開心，因為我真真正正咁感受到原來一個人係可以為一個人去做一０的自己從來都唔會做０既事，比起表面上０既開心，呢種感覺來得更美好，更令人雀躍。

今朝九點幾電話唔係響起平時鬧鐘聲０既無賴，而係女朋友０既ｆｏｒｅｖｅｒ　ｌｏｖｅ，原來咁樣樣起身個感覺好好多，比被鬧鐘噪醒好。之後十點鐘又沖涼，然後假剃鬚，我發覺都係用刀片剃先可以剃得乾淨。之後買左兩個菠蘿包食。阿揚終於放完大假，最開心０既並唔住佢０既回來，而係佢竟然好有我心咁拎埋本死亡筆記第六期俾我！～！～

今日係星期一，一開波好好手風，賣左幾台主打機，仲有三個鬚刨ｔｉｍ！之後ＮＥＣ８４０加送呢個懷舊可口可樂收音機一大台，超正真係，完全係不惜乎出任何代價都要轟入買８４０！！部０野要去電訊盈科唔知點先有，價值＄７４０！！有時候發覺呢個世界真係好講人夾人緣，有陣時０的撚樣就算好好好好有禮貌，又真係買機我都好撚想打七佢，又唔想理佢，不過有時又會好有ＨＥＡＲＴ咁解釋俾佢知。可能我只係做臨時售貨員，所以表現對我來說並唔重要，有兩種人我係唔會坤，第一種係老人家，之前有個阿婆連續四日朝早入離，拎住部ＭＰＸ２２０問點用，我睇見佢都覺得好陰公，幾廿歲人拎住部行ＷＩＮＤＯＷＳ　ＭＯＢＩＬＥ系統０既手提電話．．．．最後我地頂唔順都換番部簡簡單單俾佢．．．．第二種人係買俾女仔０既男人，今日有個死肥仔入左離，開頭都唔撚想理佢，但知道佢買俾女仔都算數，廢事佢拎住部怪獸送俾人，害佢一世．．．其實０的人都戇撚尻，買電話緊係自己買嫁啦，仲有！我呢世都唔會再信０的人ＳＡＬＥＳ０既０野，當年係百老匯買０個部相機，我明明係想買黑色，潮幾撚多，結果聽個仆街係到講埋晒０的西道理變左銀色，當時仲以為佢咁好人，而家先知咩事．．．．呢個世界實在太黑暗喇，再０大既公司．．．最終０既目的咪又係－－－「錢」

我慢慢適應左而家０既生活，無論幾點食完飯，我都訓練到可以立刻去痾屎，仲要唔係差，係靚痾，真係開心。今日全日做出左一個輝煌０既成績。琴日假ＭＡＹ冇啦啦打電話離話我知惠康蒙牛特價，完全呆晒，但係我又唔知點解真係打俾真ＭＡＹ叫佢幫我買。

夜晚放工之後去左食食物，三條友又係到講是講非，對我而言，任何０野我都唔在乎，因為就如浮雲一樣，我而家擔心只係點樣開口話唔做，開口之後０個個星期到底會點我都唔知，不過唔緊要，要走０既人遲終要走，孫悟空冇可能永遠壓在五指山！嘩！！！！！！！！！！！！

>>July 25, 2005 at 5:46:00 PM GMT+8