2005 年 8 月 20 日 星期六 【陰】

明天就是最後工作天，組長聽日就放假，今日就係我地最後合作０既一日。放工之後，我地去左天橋到吹左一陣水，我終於都將個秘密話左俾佢。有時候真係低估左人興人之間０既感情。三個月０既時間雖然唔算好耐，但係人與人之間０既感情並非用時間去衡量。我覺得好感慨，聽日就係最後一日番工，好開心可以唔洗再帶住面具做人。好開心可以識多一班朋友。唔知點解三個月時間都會有一種依依不捨０既感覺。我雖然冇勇氣親口講，但係我拎左張學生證出離俾佢睇，我成個人當堂鬆晒，好好的幹多一天．．．．．．．．

>>August 21, 2005 at 5:14:59 PM GMT+8

2005 年 8 月 18 日 星期四 【乍寒還暖】

今日十點零五分先起身，跟住就沖涼洗頭，然後著左新鞋仔番工～今日又下著微微細雨，但係都同與我無關。女朋友今日去左ｏ’ｃａｍｐ，琴晚我借左個潮爆ｏｋａｙ背包俾佢去ｏ’ｃａｍｐ，佢老味竟然話似龜背，又唔知型到震，唉．．．執到寶都唔識笑，真係冇佢咁好氣．．．．．我都未聽過去Ｏ’ＣＡＭＰ會係學校宿舍攪．．．．不過我仲衰，我連去邊同幾時去都仲未清楚．．．．．．今日去到上水廣場之後走左去數碼通，睇係佢開門未，原來開十點，不過冇入到去，因為差點兒遲到。

琴日生意激差，得八萬幾蚊，真係好好好好差，經理今日有０的火氣都係人之常情．．．成間舖又變左做中銀ｐｒｏｍｏｔｉｏｎ，你老味部ｎｏｋｉａ３２２０五五折呀陰公，不過真係好好好好好好好好好撚樣衰，成隻蟑螂咁，我都真係唔好意思叫人買，十個有九個第一句都話好肉酸．．．．．．琴晚整左好多歌落張５１２ｍｂ　ｃａｒｄ到，跟住係到播，今日拎公司０的ｗ８００ｉ試，原來部部都係咁樣，但係我都發現左部機有少少問題，所以我都落左數碼通要求換機。

落左去同佢講，佢話換個部俾我，不過就未有貨，要一兩日先有，所以冇咩所謂，加上我都冇帶盒，原本我已經諗好晒０的台詞，雖然我知道佢一定會換俾我，但係未免會有好多籍口，但係出乎我意料之外，鬼死咁順灘，可能佢知我係電話部，一定唔夠我拗嫁喇～今日生意好番少少啦，都唔算太好。時間越離越少，心情都越來越輕鬆，冇咩壓力．．．．今日阿ＴＩＭ都知道左我０既真正身份，雖然係阿揚同佢講，但係佢馬後炮話之前已經見到我張ＢＵ　ＶＩＳＡ。心情更加開心，其實我都好想講俾佢地聽。ＬＩＮＥ長成日都以為我搵到新工唔講，佢見我買咁撚多０野以為我有好路數，我只可以苦笑．．．．今日何寶怡離左搵我，佢０岩０岩睇完醫生，好耐都冇同佢咁近距離傾過計，如果當年佢真係做左女朋友，我諗而家都應該分左手了，但係我真係估唔到佢同佢男朋友可以一齊都而家，雖然當年我真係好唔甘心，但係如果佢真係咁幸福，我都會祝福佢．．．仆街，我竟然講０的咁ＬＥＡＲＮ０既０野．．．ＳＨＩＴ，但係我而家最幸福～～～

放工之後番左屋企，唔見左條鎖匙．．．．．唉．．．一定留左係公司喇，唔知搵唔搵得番呢．．．．頂．．．．阿ＭＡＹ同家姐唔知去左邊到，我按左門鐘勁耐都冇人應，打電話番屋企又冇人聽，於是打俾阿根，頂佢個肺原來訓緊教，有冇咁懶訓呀真係！！！之後又玩ＩＣＱ，ＥＬＬＡ買左隻金毛尋回狗＄２０００，好型呀，不過黑炭型０的，需要佢唔貴，但係佢型加上有性格！！

呢三個月話長唔長話短唔短，但係個感覺好似番番去以前，見番好多好耐冇見０既人，知道番好多大學以外０既人０既事，做人有時真係好難，身處唔同位置就會忽略左其他位置，到我開學０既時候，又要離鄉別井。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

安慰的說話根本不會令人好過一些，能夠做的就是送你一句：「再難過，始終會過。」
治療傷口的不是甚麼靈丹妙藥，而是時間。（頂！又好ＬＥＡＲＮ　ＴＩＭ！！）

>>August 19, 2005 at 6:28:45 PM GMT+8

2005 年 8 月 17 日 星期三 【晴】

今日係我係百老匯最後的休息日，我十點半就起左身，跟住去左沖涼。著左件衫新同埋拎左個新袋出去同女朋友仔食食物。咱們首先拎左隻ｄｉｒｔｙ到爆０既蕉公仔去乾洗，然後去左廣成冰城一心諗住食呢個一柱擎天紅豆冰，誰不知要十二點後先有得食．．．頂．．．女朋友隻手淤左一大ｐａｔ，超級明顯，好似俾人打腫左咁，心痛死了～

食完之後就去左買電話，最後都係去左數碼通買＄３９８０．．．我拎左部機離叫佢俾我自己來試，見佢雞手鴨腳咁都抆！其實我好清楚知道根本有好多０野都係試唔到，試一部電話只可以好基本咁試０下影唔影到相，打唔打得出，真正０既問題要真係用過先知道，所以我都係咁意打左個電話，反正係樓下，有咩事都可以番離換～咁又冇啦啦碌左＄３９８０，我發覺我已經欠左＄５ｘｘｘ幾ｃａｒｄ數．．．．不過故意唔俾ｃａｓｈ，因為有積分麻～～

之後番屋企放低部機，然後拎晒兩部舊機出去賣，但係俾阿ｍａｙ發現左，佢威迫我賤賣部ｋ７５０ｉ＄２０００俾佢，講到我唔俾就係衰仔一樣，於是我諗住俾佢聽０下個聽筒位有０的問題，但係可能唔記得熄機，攪到個底板燒撚左．．．唉．．．好撚麻煩，跟住就拎埋０的０野出去．．．第一站要去交ｇｒａｎｔ　ｌｏａｎ，今日雖然放假，但係都好忙碌．．．．
等左半個鐘先攪掂晒０的０野，然後去左旺角愛立信專門店整電話，又要等四小時，於是我就去左買鞋，不過首先要買把雨傘，你老味，個死人天係到落雨，攪到我好鬼狼狽！！！！

然後好果斷咁買左對鞋，又碌多＄８９９，但係我已經好累，跟住去左沙田ｌｅｖｉｓ，空歡喜一場，原來佢留０個條係５２２．．．．不過隻色都幾靚，但係著上身完全唔夠０個條舒服．．．唉．．．買唔到褲ｔｉｍ．．．跟住係沙田到尻遊，去左ｍ記食小食物，然後玩電話。好鐘意呢部新電話，我愛護佢，拎上手都唔敢咁大力，同ｋ７５０ｉ簡直天壤之別，呢種感覺好好～之後行到好累又眼訓，走左去廁所坐左一陣，新城市０的廁所改善左好多，不過冷氣都仲係唔夠，係廁格到痾左屎，跟住小睡左一陣又出去行，不過一個人行又冇目的咁好悶。

之後七點鐘又去番旺角拎電話，但係佢話要同我換過塊新底板，但係冇底板係到，要等多幾日．．．．開頭火火地鬧鬼佢，一早又唔撚講，害我白白等左成４個鐘頭，不過算啦，我係咪都要等女朋友放工，加上佢同我換過塊新底板仲好～～然後去新世紀搵女朋友，行過百老匯見到阿豪，佢出左離旺角拎貨，話今日生意好差好差～聽日開始又有ｂａｎｋ　ｐｒｏｍｏｔｉｏｎ，今次到中銀～好彩今日放假０者，唔係又有排攪喇要～～

夜晚去左食百人一朱，唔知點解今日好想食～雖然之前做過但係都未正正式式咁係到做客人，不過早知番上水食啦，可以大份０的，今日食完都唔係好飽咁。之後就番上水，去左銀行查數，俾佢發現左個密碼仲用緊前前女朋友個生日日期，跟住係到發老脾，其實都冇咩特別意思，用開廢事轉，驚唔記得，不過算啦，最後都改左，仲一改要改兩張～

跟住搭倒頭車，次次放假番屋企都係火車到訓著，仲要係熟睡，實在太好訓了～～番到屋企又俾人見到隻新鞋。呢排買左好多身外物，我已經冇咩感覺，我唔覺得我好幸福，因為呢０的身外物全部都係我辛辛苦苦咁換番來，係等價交換，我犧牲左好多係呢兩個幾三個月，所以就算係呢一大堆０野我覺都都仲未彌補得到！

夜晚發現部機有少少問題，有０的擔心，但係唔知係咪部部機都係咁，聽日番去要徹底比較一下先，始終都係係公司買安全感強０的，但係數碼通都唔怕，佢敢玩０野我實行ｃａｌｌ齊手足鏟撚平佢上水分店～～不過我呢０的一向先禮後兵，大學生離嫁麻～～

>>August 18, 2005 at 6:04:20 PM GMT+8

2005 年 8 月 16 日 星期二 【乍寒還暖】

琴晚訓教前真係玩得好好好開心～好好玩，下次再玩過先～今朝又係十點零五分起身，唔知係咪因為琴晚飲左酒，今朝起身痾爛屎。之後梳洗完又出發去番工。朝早又係食一個菠蘿包。今日而氣唔係幾好，我每日都長時間係室內工作，都唔知到出面０既天氣係點。

今朝一早就收到寫字樓寄落離封０野，我正式咁簽左份０野．．．然後再ｓｅｎｄ番上去。賓尼再一次同我講：「而家唔走我仲可以截得住．．．」，同事仔都問我０既去向，諗住做０的咩．．．我已經好開心了，走的終需走，唯獨是阿ｔｉｍ最型，佢好叻我覺得，佢分析到我走係有原因，並唔係因為時間太長，但係佢冇追問我，佢話適當時候我會自然講佢知，我覺得佢好型，型過我，我諗我真係有可能會話俾佢聽．．．．

呢幾日生意都唔錯，ｇｐ％都幾好。唔知係咪心態上唔同左，番工唔再係捱，因為我知道已經係倒數０既階段，世事往往不如人意，偏偏呢幾日時間過得好似特別快咁．．．今日又食鮮茄焗豬扒飯，食到好飽，跟住去左痾屎。痾屎時打左俾家怡，好耐都冇食過秘密，估唔到一連食兩個，兩個都要係大學朋友的秘密，好飽！～不過一個是喜、一個是悲．．．．．．我諗我係時候適應番未來０既生活環境．．．

今日李寶瑜拎左張保護貼來俾我貼，琴日先癩左屎，幫人貼部Ｅ６８０ｉ貼到好樣衰，拎個塊新俾人．．．．所以今日我好小心，不過其實好ｑ驚，一陣整得唔靚佢企係到喊都唔知點算，不過好彩ｋ７５０ｉ好鬼易貼０者，之後我就解釋俾同事仔知點解我要買咁多塊保護貼，大家都係到大笑，嘩哈哈！！！！！！！！！！！

夜晚係咁執貨，好ｑ多貨要執，攪到冇時間買電話，我已經講明聽日要扮顧客番去ｌａｍ佢地！～放工之後就番屋企，今日有蠔食，好好味，補一補蛋白質先～之後填左份免入息，你老味聽日又要好奔波喇！～！～

明天行程：
１．）買電話
２．）交ｆｏｒｍ
３．）賣電話
４．）買鞋
５．）買褲

唔知有幾多樣可以完成呢？？？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

愛一個人時，可以完全沒有原因；不愛一個人時，卻好像有千萬個理由。

其實，不愛一個人時就只得一個原因，原因就只是不愛罷了。

>>August 17, 2005 at 6:49:48 PM GMT+8

2005 年 8 月 15 日 星期一 【晴】

琴晚放工終於遇上上水廣場廁所狂徒！！第一日番工時已經聽同事講過，我開頭仲以為係吹水，誰不知親眼目到！！夜晚收工去廁所，一行到入去就見到全部尿兜都有一張好長０既廁紙吊左係到，勁恐怖呀，見慣大場面０既我都不自覺咁誇左一聲！！我又驚又喜咁衝番舖頭話俾人知。之後同事話廁紙狂徒係ＰＩＺＺＡ　ＨＵＴ對面賣手鍊個老闆，佢痾尿時會將條褲除到落膝頭然後先痾，好驚呀我真係～～～～

今朝十點零五分先起身，跟住就唔知點解好急屎．．．．痾左幾粒就要趕住沖涼洗頭，然後再出發番工。係樓下買包時俾左＄１００紙去買一個菠蘿包～跟住又開工。今日組長放假，我地係到作反～今日輪到我落貨，超級多貨呀陰公，百幾個ＮＯＫＩＡ３２２０，要逐盒開ＣＨＥＣＫ０下有冇機，冇撚啦啦又番咁大批廢機，因為就快又有銀行做優惠．．．．．．搬撚到我出晒汗，個屎忽濕撚晒呀陰公，之後去左廁所到抹屎忽，用廁紙墊左係底褲到，好似著左Ｍ巾咁～～

今日係咁用籃芽互對手機，睇０下可唔可以瀏覽人地手機，結果發現愛立信可以同愛立信，但係得Ｋ７００可以睇人地０的０野，最新０個兩隻反而唔得，真係好失望～之後又發現左個搖控功能，傳說話可以用手機籃芽搖控電腦！～！今日四點幾就食食物，食左個好大０既鮮茄焗豬排飯，好好味，食完飯後去左痾屎，見悶悶地加添新意，拎左部機出離合埋眼選一個電話打，結果選中左家怡，但係佢唔撚聽，之後再選，選中左ＥＬＬＡ，佢又係唔撚聽，０的同學唔得我嫁喇！！！當我死左嫁喇而家！！咁難得有幾分鐘搵個人都冇！！

之後又繼續工作，樂樂都開口讚我做得好好叫我唔好走，佢地都話未搵到工就咁走好冒險．．講得０岩０既其實．．．．如果真係未搵到工就走．．．不過．．．唉．．．．係咁講大話忽然覺得自己好虛偽ＴＩＭ．．．呢兩晚都食葡撻，真係好好好好好鐘意食，但係又好好好好好好好好少食，因為我太度喇，＄５．３一個實在太貴，不過可能因為咁所以好先咁鐘意食。琴晚電視播小林尊食叉燒包．．．佢老味１２分鐘食１００個．．．．．不過我有信心可以同佢鬥食葡撻！！！！！！！！！！！！！！！！

放工之後後傾計，我一直都疑惑緊點解賣＄４２８０都會有人買，明明人地賣＄３９８０．．．原來香港人唔係傻嫁，出面０個０的好多都冇貨，雖然係＄３９８０，但係要訂貨，所以先咁多人離買．．．．由於呢隻貨太新，貨源唔係咁夠，不過阿ＴＩＭ話都可以同採購講＄３９８０現買，所以我決定聽日就買了，唔想再咁多猶豫，好煩，錢係要來用的，冇錢買就話煩０者，有都煩０既話就講唔通喇真係，所以唔再諗喇！！！！！！

放工之後去左彩園食食物，叫左兩隻乳鴿，京都骨，雜菜煲，好味！！跟住番屋企玩。一路睇電視一路玩ＩＣＱ，新０個套酒店風雲好似好撚正咁，所以ＤＬ左～

唔知點解忽然間好掛住０的同學仔，唔知０的新同學仔會係點，真係好期待，不過最掛住都係女朋友仔～佢又幫我搵番條３２腰０既ＬＥＶＩＳ　５２３，等我放假去試０下ＦＩＴ唔ＦＩＴ先～不過連ＥＤＩＳＯＮ都可以著到咁型，我諗應該冇問題嫁喇～～

>>August 16, 2005 at 6:50:00 PM GMT+8

2005 年 8 月 13 日 星期六 【晴】

今日一樣要番十點十五分，訓到九點四十分先起身，跟住去左沖涼假剃鬚。然後去左買包食。誰不知唔夠錢．．．一個腸仔包要＄３．．．我身上得＄２．５．．．．．．之後諗住要菠蘿包，點不知又冇．．．最後我欠＄０．５．．．佢話聽日俾番佢，我竟然欠人五毫子債．．．．ｓｈｉｔ！！！

今朝繼續工作，開頭個心有０的難過，阿ｌｏｋ唔係好睬我咁，Ｐｅｎｎｙ話佢唔係嬲我唔做，係嬲我唔係第一個同佢講．．．．我都好無奈，如果唔係機緣巧合，根本就唔會有人知道事情０既真相。之後照常工作．．．開頭都有０的唔知點咁，跟住慢慢就搵番節奏。然後打破左沉默，０個種「情」真係好莫名其妙，我真係有０的想喊，痴線嫁！！

今日係星期日，人流好多，個場都幾旺，不過生意唔算太多。去到六點鐘先食食物，今日食左仙茶居。一路食飯見到阿揚左倉，佢俾客人投訴，人地一家大細離睇０野，個ＢＢ仔坐住ＢＢ車仲咬住奶咀，ＢＢ仔成日係到大叫，唔知呢個係畸胎，叫到越離越大聲，之後佢叫個阿媽帶個ＢＢ出去先，ＢＢ可能肚餓，個老豆就發晒火爆晒咀，攪到經理都離埋．．．．．

全日簡唔中都有一兩句叫我留低，考慮清楚，出面搵唔到咁好，過左試用期好好多之如此類０既說話，不過又如何，留低０既可能性仲低過零．．．．之後ＢＡＣＫ　ＵＰ時候ＲＥＳＥＴ０的ＴＲＡＤＥ－ＩＮ機，然後偷睇客人唔記得ＤＥＬＥＴＥ０既訊息，超級好笑，不過真係好詩情畫意，原來個個人都懂得用文字去溝女。不過真係好好笑。放工之後去左火車站等女朋友一齊番屋企，佢好大膽咁走左去大浪灣滑浪，仲撞到隻手淤晒！！！！！！

有少少衝動想出Ｗ８００Ｉ，我同而家部機完全擦唔出火花，真係唔知點解，可能始終佢唔係新機，冇左一種愛護佢、想保護佢０既感覺．．．．原本諗住用台價＄３９８０買，但唔記得左自己可以用九三折係百老匯買，最後都係一樣錢，我仲可以試到清清楚楚，拎埋０的贈品走～～番到屋企沖完涼之後，拎左成盒Ｋ７００Ｉ出離，然後按左一個制機內所有０野全部冇晒

．．．．．．．花了一年儲回來的東西，不消一秒鐘就煙消雲散．．．．．．．．．．．

>>August 14, 2005 at 6:33:33 PM GMT+8

2005 年 8 月 12 日 星期五 【驟雨】

琴晚諗訓教０既時候同左前度女朋友傾電話，我好大膽咁同第二個女仔講左成個幾鐘頭電話。我有０的唔係咁開心，原來從一個旁觀者的角度去觀看一件事情，跟自己置身其中係咁唔同。
最令我感到無奈０既係我都覺得好慚愧，雖然好多０野想講，但係我知道我冇資格，亦都冇說服力講出口。我唔會容許自己重蹈覆轍，唯一可以做的就是好好對ＢＢ。

「愛不是兒戲，兒戲的人卻喜歡愛人。」

今朝要番十點十五分，我九點幾就起左身，之後去左沖涼洗頭。今日心情好唔同．．．０的時間過得好似好慢．．．．今日我將要面對重大０既決定．．．開完會之後入左去同經理講辭職，我個心跳得好快好快好快．．．．我好耐未試過咁驚．．．．回想起對上０個次示愛同劈友都冇咁驚．．．當我講完之後消息好快咁傳開左。電話部０既同事慢慢咁知道晒。雖然一開門都幾多人，但係我都同組長蛇左入倉到傾計．．．．佢開口挽留我，覺得好可惜，其實我清楚知道我賣得幾好，仲有半個月到就到試用期，我都知道會有好多錢．．．．我０既原因係工作時間太長，見唔到屋企人．．．．．．講到佢都眼濕濕，我覺得好內疚，人地交心咁關心，我就句句都係大話，佢越係想挽留，我就越難受。之後來了一個深情擁抱，原來我千算萬算，算漏左一樣０野．．．．．．．我再次欺騙多一次別人的感情．．．．

之後出番去工作，當哥哥同ＴＩＭ知道之後都好不知所惜．．．．阿豪同阿揚係唯一知道真相０既人．．．我都興幸至少都仲可以講真話。今日阿ＬＯＫ放假，一手一腳教我出離０既佢都打番離問我，我覺得好感動．．．．．．之後處理左一系列０既程序，我唯一可以做０既就係寫一封辭職信。最後又同人事部聯絡．．．最後工作天係２２號，因為２０號係星期五，我決定幫埋星期六日．．．．．

最後呢幾日０既工作我會更加努力．．．．今日生意算係咁，我完全感覺到０個種唔捨得，個個都問我係咪做得唔開心．．．．唉．．．我唔係．．．．我好開心，不過我真係要走喇．．
之後經理話隨時都可以改變主意．．．叫我考慮一下．．．．．．．今日時間好似過得好快好快．．．．唉．．．．．五點幾食食物，之後又工作。夜晚出左門口掛住部ｗ８００ｉ係到俾人睇，之後見到西ｂｉ，同佢吹左一陣水．．．．

夜晚放工之後去左食食物，原本其他同事都去，但係我扭扭擰擰咁閃左人．．．我同左阿豪、阿揚三個條友去食，因為如果有第三者係到的話，所有０野都只會再變成大話，我唔想再講大話了．．．．唉．．．明天又要面對小師父，咩都係佢教我，但係一句都冇鬧過我，又要連累佢重新教過一個新人．．．．

夜晚番屋企，同女朋友傾電話，報告番琴晚同女仔傾電話０既事情，呢０的咪誠實囉，當年林肯就係肯承認斬撚左棵櫻桃樹而做左總統０者麻！～！～！～之後玩左陣ｉｃｑ同整左陣部電話，唔知點解唔鐘意部ｋ７５０ｉ，每次望親佢個心都好唔舒服．．．真係唔知點解．．．之後同大師姐玩ｉｃｑ，好鬼掛住佢，以為佢死ｑ左，剩係聽佢阿妹話晚晚都好早訓＠

「日子不再難過，但心卻很難過．．．．．．．．．．．」

>>August 13, 2005 at 6:34:04 PM GMT+8

2005 年 8 月 11 日 星期四 【酷熱】

呢幾日發生左好多事情。我終於都用左＄２３００買左部ｋ７５０ｉ，但係聽電話有時有少少沙沙聲，不過都唔算太大問題。但係拎住部極祗ＧＰ產品時，心入面唔知點解冇咩高興，仲好唔慣，因為咩都冇晒．．．．唔知點解有０的想用番舊０個部機．．．．真係好犯賤。我諗就算我換左Ｗ８００Ｉ都未必好開心．．．．．．．好唔習慣．．．

今朝一早發生左一件好驚險０既事，好想講，不過唔講得，好想回味！今朝天文台掛左一號風球，雖然好馬後砲，但係幾日前我望見天上０既雲已經估到，早知前幾日打日記，咁我而家就好型啦！！！我同冬菇講，佢又唔信我，算！！之後同女朋友去左上水廣場食食物，然後出旺角行街。拎左部Ｋ７５０去愛立信維修，跟住要等４小時。我就自己一個人係旺角行街。首先拎左部Ｋ７００Ｉ去問街邊收幾錢，佢老味開＄９５０，我即刻唔撚理佢啦，我叫佢拎番來，屌你，百老匯都收＄１１００，你高唔過我一定唔會賣俾你！之後佢話一定高過＄１１００，叫我拎離ＣＨＥＣＫ０下新唔新，我都廢撚事睬佢。原來部Ｋ７５０Ｉ係專門店ＴＲＡＤＥ－ＩＮ有＄２５００．．．．．反而賺左喎我～

跟住去左睇０下有冇ＬＥＶＩＳ．．．唉．．都預左冇嫁喇，真係冇．．．．要到九月先有，真係好後悔冇買到．．．．然後係波鞋街同朗豪坊兩邊走左好多次係到睇ＮＢ，最後睇中左兩對，不過又心大心細唔知買邊對好．．．．都係問左女朋友先買喇．．．．行到腳都斷呀真係。之後見到肥豬華，又撞到阿ＪＡＣＫ，真係好耐都冇見過。

然後又去左Ｋ２，行行０下又唔甘心冇用到錢，買左件衫，真係好撚貴，碌卡遲早仆街．．．
五點幾去拎番部機，好似冇咩分別，看來我都係買部Ｗ８００Ｉ算喇，唔好煩，廢事一陣ＳＥＮＤ晒０的０野落７５０Ｉ到又要重新再ＳＥＮＤ多次．．．．下星期放假拎晒兩部一齊去ＴＲＡＤＥ－ＩＮ，屈佢老味＄４０００咁就好喇！！！！！不過睇個樣又好似黑色型０的，不過算喇，新款潮０的始終！

之後五點幾係尖沙咀等女朋友，佢成日冇啦啦係到發爛渣，遲早我都要發番一鑊勁０既！！！
跟住去左老銅，行左去買ＰＯＲＴＥＲ，唔撚諗喇，又用左＄１３００．．．．好！！！！
今日最遺憾始終都係買唔到鞋，真係好唔甘心，！不收穫都算唔錯，下星期再度努力！！！！

之後女朋友又胃痛，佢就好似一個計時器，如果冇戴錶０既話一見到佢肚餓就知道幾多點．．．．．今日早左回程，因為要請屋企人食食物，去左粉嶺食客家０野．．．．總共食左＄４０７家姐問洗唔洗夾番俾我，我好豪咁話唔洗，不過係扮出離０既．．．．頂．．．．．
今日冇啦啦左用成＄２０００呀！！！！ＳＨＩＴ！！！！！！

番到屋企之後好累．．．．跟住又用籃芽ＳＥＮＤ番０的電話簿落手機，ＳＥＮＤ左成粒鐘，真係好麻煩呀！！然後哥哥同阿ＴＩＭ打電話來話聽日番早．．．佢地兩個都好似好開心咁，其實私底下真係幾好傾．．．不過．．．．聽日我就要面對我初時最期待０既一刻．．．．或者好無聊．．．過份透身感情了，不過我清楚知道自己係一個咩人，只要一起相處０既時候，可以好交心，但係一離開之後，我唔會再搵佢地，小學係，中學係，百人一朱係，今次都會係！！唔同階段會有唔同０既人，我清楚知道自己真正處身０既地方，此處絕非藏龍處！！但係我最唔開心０既係我永遠都只會講大話呃佢地，真係好想同佢地講，其實我係大學生．．．

夜晚係到試袋，阿ＭＡＹ問我幾錢，我講完之後佢話完全唔知咩牌子．．．．成日係到潑冷水，頂佢！！！


或者我想得太多，太過自負，可能我離開根本對其他人影響不大呢。

>>August 12, 2005 at 3:48:21 PM GMT+8

2005 年 8 月 8 日 星期一 【酷熱】

琴日出左去銅鑼灣，真係好沮喪，一心諗住去買ｐｒｏｔｅｒ．．．最後搵到又關左門．．．諗住買條ｌｅｖｉｓ．．．竟然賣斷晒，全部ｂａｕｈａｕｓ都冇．．．．嘩．．悲撚到呢．．．．一蚊都用唔到，０個種感覺真係好難受．．．唉．．．原來真係蘇州過後冇船搭．．．．０個時有又唔撚買，不過算啦，星期五又放假，星期四晚唔玩通頂就可以早０的起身出去行街。

琴晚真係訓得好舒服～不過今朝要九點十五分起身，因為番十點鐘。每次放完假我都好似老左十年咁，捱一晚通頂真係好難補得番．．．．今朝起身沖涼，０的皮膚好差．．．．跟住出門口買左個菠蘿包．．．．行過上水ｂａｕｈａｕｓ但係又未開門．．．．唉．．．之後又繼續工作。孖歡話星期四拎部ｋ７５０ｉ俾我，琴日見到條Ｇｕｃｃｉ電話繩，諗住幾百蚊都買鬼左去啦，點不知＄１０８０．．．．我頂呀，一部ｎｏｋｉａ　６０３０都只係＄１０３８，你老味條電話繩仲貴過電話．．．仲有王法０既？！

下午兩點幾去銀行入數，又見到至柔。跟住入完數又番工。下午食左個雞扒腸仔飯。之後行過ｂａｕｈａｕｓ入去問０下條褲，佢拎左條３６腰出離話得番一條．．．．．我屌呀．．．．然後拎條黑色出離話都好靚，拎住ｅｄｉｓｏｎ張相話佢都暮得好靚．．．．佢唔撚著都咁靚嫁啦．．．．．

今日提早左收工，諗收工有個阿叔入左離大發雷霆，係撚咁屌，買左部機番去壞左，但係又過左十日，跟住係咁爆噪，好彩唔係我應付，如果唔係我真係唔知自己控唔控制到情緒，佢係我地頭講粗口鬧我如果我仲ｓａｙ　ｓｏｒｒｙ我仲洗出離行０既？！你睇我屌唔屌到佢反艇再搵人係下面伏尻佢！！不過仲好，咁樣就可以提早被解顧～～

夜晚去左樓下食食物，睇新聞先知聽日係會考放榜，今日係大學放榜，唔知點解呢０的事情好似距離自己好遠．．．．跟住番到屋企就沖涼然後玩電腦，死肥坦係到提我做ｐｅｅｒ　ｍｅｎｔｏｒ．．．．攪到我好煩，又要番工．．．．攪左好耐又打俾阿沛．．．．．最後好徬徨之際上左去十世冇去過０既ｂｕ網ｃｈｅｃｋ　ｅ－ｍａｉｌ．．．你老味，原來好耐好耐之前有個ｅ－ｍａｉｌ．．．話咩　　ｒｅｇｒｅｔ．．．咩ｕｎｓｕｃｃｅｓｓｆｕｌ．．．睇左好耐先明白佢話唔接受我０既申請．．．根本就唔洗去做ｍｅｎｔｏｒ．．．佢一定係話我ｇｐａ低啦０個時，佢而家肯定好後悔呀話你知！！！心情好矛盾．．都唔知開心定唔開心好．．．

之後又ｃｈｅｃｋ　ｔｉｍｅ－ｔａｂｌｅ．．．出左十世都冇睇．．．一睇先發覺唔撚對路．．．．空空如也．．．都唔似係要番學０既．．．打俾肥坦又傻０下傻０下咩都唔知，佢最叻就係講０野離兇我，但係次次都俾佢兇到．．．ｆｕｃｋ！！！之後打俾阿釗，勁人永遠係唔同０的，問一句，答一句就完全清楚明白晒．．．．．唉．．．．鬆一口氣．．．真係麻煩，人地仲未打ｗｉｎｎｉｎｇ９呀．．．．今晚有排捱喇真係．．．．

我女朋友ｃｈｅｃｋ左我ｔｉｍｅ－ｔａｂｌｅ都唔話我知有０的咁０既問題，等我嚇餐飽，聽日要好好懲罰佢先！～～

>>August 9, 2005 at 6:17:36 PM GMT+8

2005 年 8 月 6 日 星期六 【酷熱】

琴日係星期六，電話部總共轟入左十七萬生意。今朝起身之後沖完涼又再次出發，買左個菠蘿包同埋雞尾包，從少至大我都好想知道，到底雞尾包入面０個０的係咩來．．．點解又叫雞尾包唔叫雞頭包？．．．．有人話我知就好，厚酬。今朝開門做生意全力怒推ｓｏｎｙ　ｅｒｉｃｓｓｏｎ　ｗ８００ｉ！！出面全部賣緊＄３９８０，百老匯炒價＄４２８０！！但係仍然有好多人離買，有時候真係唔係好明白．．．．．

大部份人離到都係ｇｉｖｅ　ｍｅ　ｏｎｅ　ｐｌｓ，根本就唔需要叫佢買。ｋ７５０ｉ同ｗ８００ｉ只限差少少，但係個ｇｐ就真係天堂與地獄．．．．豪華版１ＧＢ　ＣＡＲＤ仲有埋個至潮線控．．．．不過依我推斷，不出一星期必定會變番做＄３９８０，點傻仔一定後悔！個背櫃放左成行Ｗ８００Ｉ，忽然間成間舖都好橙．．．．唔知係咪掛係頸掛得耐左，加上又玩得太多，好似又冇咩特別，不過唔緊要，機就一定要換嫁喇，再唔換到時壞Ｑ左部Ｋ７００Ｉ連ＴＲＡＤＥ　ＩＮ都冇就真係七撚蒙蒙喇～

唔知係咪呢兩日叫得太大聲，喉嚨沙沙地，即刻去左萬寧買喉糖，跟住過大Ｆ到ＣＨＥＣＫ０下佢老味，又係到跟風送充電套裝，不過個愛立信ＰＲＯＭＯＴＯＲ好橙，著左件Ｗ８００Ｉ　Ｔ－ＳＨＩＲＴ，加埋佢個腰包真係襯到絕，我都不得不注視左兩秒鐘。今日生意都算旺場，加上Ｗ８００Ｉ高ＡＭＯＵＮＴ高ＧＰ，聽日條數一定好好睇～然後兩點幾三點就食食物，食左個蝦仁叉燒炒蛋飯～我發覺左如果０個日食兩個包，朝早就一定頂唔住去左痾屎，攪到食完飯就冇得痾，ＳＨＩＴ！！！！不過我都照去坐一坐，入到去，ＯＨ　ＭＹ　ＧＯＤ！要跟隊？？？？機舖呀仆街？？！洗唔洗放一蚊係門口到跟機呀！？我睬佢都有味，上左四樓痾，經過百人一朱廚房門口，有０的想入去睇睇～

痾完屎之後又工作，樓下唔知攪嘜春ＰＲＯＭＯＴＥ，兩日都噪到仆街，叫極都唔撚夠佢大聲，今日又旺到唔知時間。之後試試０下隻Ｄ５０８，見到肥豬冇啦啦走上離，我先記得仲係讀緊書，０個種感覺就好似夜神月掂番死亡筆記，有番晒所有記憶一樣！！原來Ｖ嘩鬼叫，噪喧巴閉就係地！不過講左兩句都冇佢就走左，不過如果佢企耐０的就好喇，可以塞住０的位冇咁多人滲到入離，哈哈～～～～～～～～～～～～～～～～～～～～～～～～～～～～～～～

直到夜晚，全日唯一一隻０既Ｋ７５０Ｉ．．．係我．．．．條友個腦都唔知諗咩，見佢拎住個ＰＯＲＴＥＲ以為佢好潮啦，講極都唔明，買嘜ＱＫ７５０Ｉ０者，成隻Ｗ８００Ｉ係到，雖然＄４２８０，剩係張５１２ＭＢ　ＣＡＲＤ都要＄５５０啦，識唔識計數呀！我真係好抆，痴撚線．．．．．跟住隔離有個買Ｗ８００Ｉ，０的同事即刻係到暗串佢：「緊係Ｗ８００Ｉ啦，傻豬離０既，剩係個聽筒都要＄２４０呀係愛立信買，功能又多０的，張ＣＡＲＤ都值番係到啦，傻豬離０既～」佢真係傻豬，不過算啦，佢要傻，我咪俾佢傻啦，有時候唔需要咁執著０既，如果站番係客人０既角度，雖然有時候佢地真係好ＬＡＭ好黑人憎，但係自己買０野都係咁．．．我好清楚知道，我再去買電話一定會係一個最最最最ＬＡＭ０既人，我一定會試最黑人憎０既籃芽功能，同埋超必右星左左星左星！！！

放工之後番左屋企食食物，跟住去左沙田篤波．．．．．放假仲累過番工喇又．．．．

>>August 8, 2005 at 7:51:56 AM GMT+8