2005 年 9 月 9 日 星期五 【酷熱】

今朝十點鐘起身，雖然七點時冷氣停左要起身開窗，但係有風扇原來都好涼，唔洗開冷氣都可以繼續訓。起身之後去左沖涼洗頭，然後飲左盒蒙牛同埋食左舊蛋糕就出去做巨咪ｈｅｌｐｅｒ。係尖東站等埋阿釗同阿咪一齊出發去新世界中心。個所謂活動細型到仆街．．．．．．．
見到個咩Ｂ２０既ａｍｙ，我都唔知係邊個，不過好似有少少印象。

兩點鐘開ｓｈｏｗ，今日０既工作剩係負責影相，狂影整個ｓｈｏｗ就可以，遊閒到爆。個司儀係咩傅子欣，好熟，好似係兒童節目見過。今日個ｓｈｏｗ有好多小朋友係到表現，有體操、武術、ｈｉｐ－ｈｏｐ、跳繩、ｒｏｌｌｅｒ．．．．０的小朋友都幾勁，我諗冇一樣０野夠佢地來．．．．體操我都有上過嫁，雖然佢係咁做０的高難度動作，不過唔見佢做前滾翻，可能佢唔識做，但係我識～

影影０下相部相機冇電，都唔知０的人點樣ｐｒｅｐａｒｅ０的０野，不過佢話充滿左電，我諗佢冇講大話，因為佢０個部係ｓｏｎｙ，出撚晒名食電，加上我又係咁係到又影又睇又ｚｏｏｍ又ｄｅｌｅｔｅ，實在太差喇．．．．．跟住換左部ｃａｎｎｏ影，嘩．．．仲衰．．．慢到仆街，影完一張要等成４秒先可以再影，痴鬼線，冇晒ｍｏｏｄ即刻！！！！！！！！

三點幾完ｓｈｏｗ就走人，跟住唔甘心番屋企就去左沙田行街街。第一站去左廁所痾屎，但係五個廁格有三個壞撚左，痴撚線，一定係俾人痾爆左，痾屎都要跟隊？？！你估係上水廣場呀，睬你都有味，上多層慢慢痾。痾完之後去左ｌｅｖｉｓ睇褲，心思思想買，但係始終冇我想要０既０野，唯有退而求其次，試左條５０１洗水，但係又闊過頭，加上又驚一買左過兩日就有我０既至愛出現，個而專同我過唔去嫁啦，反正都等左咁耐，都唔差在等多陣啦心諗。

然後行左去ｂａｕｈａｕｓ，睇０下有冇靚褲，個ｓａｌｅｓ係隔離係咁問想搵咩，開頭都唔理佢，但係佢真係好撚煩，我就一句：「我搵５２３洗水呀！你有冇呀！」．．．跟住佢話有．．．．．之後我就話：「我唔係要深色０個條呀，我要淺色斷貨０個條呀！」，之後佢又話兩隻色都有。我開始有０的疑惑，再問落去：「３２腰喎．．．」，佢就話：「齊碼！」
ｏｈ！！！！！！！！！！！！！！！！！！！！！！ｗｈｙ？？？？？？？？？？？？？
０個刻０既心情真係難以形容，就好似去愛立信專門店買唔到Ｗ８００Ｉ，反而係百老匯買到一樣咁矛盾，不過唔好理，二話不說就入去試，然後就碌卡走人，近期買咁多０野呢條褲未必係最靚，但係真係最開心，終於等到喇．．．真係要勁著補番數！！

然後又周圍行，我發覺個心開始紅，我怕控制唔到自己，所以即刻番上水，以免又亂買０野，誰不知番到上水走左去ｉｃｅ買左條泰鋼手鍊．．．．冇辦法，四折０既魔力實在難以抗拒，之後上左百老匯玩新電話。部新ＮＥＣ　Ｌ１真係好撚型，又夠薄身，但係以我０既經驗話我知，外表永遠都唔可信．．．．經我測試之後都唔算太化算，＄３８８０真係唔值，不過如果買個款都可以，因為真係好型，仲薄過部Ｖ３．．．．．然後俾左張ＰＳ２　ＳＡＶＥ　ＣＡＲＤ阿ＴＩＭ叫佢幫我整ＳＡＶＥ。

跟住番左屋企，阿ＭＡＹ係到打麻雀，我冇０野好，最好就係唔打麻雀，至憎呢種活動，又噪！！跟住開左冷氣訓教，因為呢幾日都冇好好訓過，所以好累。訓醒之後去左打邊爐，食左我０既至愛生蠔，０的桶蠔超級大隻，有好濃烈０既聲味加海水味，正！！！食完之後番屋企，原本約左女朋友傾電話，但係又俾佢放飛機，雖然佢話番到屋企叫醒佢，但係我冇咁做，因為擾人清夢係十大我至討厭事情之一。雖然開左學之後成日都見到面，但係好似少左０野講，透過電話會多０野講好多，因為用電話通訊就一定要講０野，但係面就唔同，可以唔出聲就咁係到尻遊或者用身體語言。

聽日又要番馬會，又要同周公隻揪喇，隻公某程度上仲好揪過方面呀！！！聽晚要記住貼番個日曆，如果唔係俾人發現左就仆街了～

>>September 10, 2005 at 5:52:49 PM GMT+8

2005 年 9 月 8 日 星期四 【晴】

今朝九點半就起身上堂，阿釗一早拎左把風扇番離，原來多一把風扇係差咁遠，真係好涼～琴日終於完全左我地今個ｓｅｍ首個功課，呢個ｍａｔｃｈｉｎｇ０既方法真係好潮爆，由一開始就冇諗過用ｄｏｃｔｏｒ西０既方法，我覺得真係好有創意，反正都唔計分，攪攪新意思都幾好～

上堂時發覺組組都係ｔｉｃｋ同交叉，不過我地所比較０既０野真係少左０的，但係都好滿意。可惜花左太多時間去討論，最後都係講唔晒，要留代下一堂先可以講。跟住我收齊左同學們０既作品拎去ｄｏｃｔｏｒ西０既ｏｆｆｉｃｅ，途中見到ｄｏｃｔｏｒ張，佢永遠都用一個對小學生０既語氣對待我地，攪到我地好低ｂ咁～佢問我讀成點，我好型咁同佢講話我升左班，ｇｐａ有２．９１！！！！跟住佢係咁讚我，呵呵～～～ｙｅａｈ～～～

放好０的０野就去左同同學飲茶，整個ＢＵ０既食物質素及服務態度都普遍下降，第一碟來０既蘿蔔糕可以係凍同埋硬０既．．．．之後０的食物都好似唔係咁好食，又或者係我冇咩胃口．．．．．．食完飯之後就去左圖書館幫潘潘搵資料，搵搵０下超級急屎，係超級０個隻，為左唔好浪費時間，係圖書館搵左本書入去一路痾一路睇～好懷念係圖書館廁所大便０既感覺，好寧靜，好有私人空間，連舊屎跌落水０既聲音都特別清脆悅耳～

痾完之後又繼續搵，但係最終都失敗而回．．．．於是自己借左本諸葛亮去睇．．．．番到ＨＡＬＬ就打左一陣機，不過戰績唔係咁好．．．．打完之後就訓左一陣間，然後六點鐘就去踢波ＴＲＹ－ＯＵＴ。今日表現唔係咁好，被編左係隊弱旅，雖然同肥華＆主席一隊，但係佢兩個唔知做嘜撚０野俾阿ＳＩＲ編做後衛．．．．ＳＨＩＴ．．．我波都唔知點左有冇五次呀陰公．．．．．．．．

踢完之後又要跑番個３０００，好多人踢０個時都ＯＫ，但係原來跑都跑唔到．．．阿ＳＩＲ應該將個程序調轉，如果連跑少少都跑唔到，仲踢咩鬼波呀，星期一要再努力過．．．．．．
踢完之後就番左宿舍沖涼，然後去左樂富食食物，好多餸好好味，食到好飽，跟住番左ＨＡＬＬ，去左方面人房，佢拎左張ＯＳＩＭ按摩倚番離，我真係覺得好誇張，痴線嫁，肯定係前無古人喇．．．．成條路俾佢塞住左．．．佢恰死個大陸同房，香港肯定留左個壞印象俾國內同胞了，不過張倚真係好舒服，今期至潮真係非佢莫屬喇．．．．．

之後番左房間，然後同舊同學傾左一陣電話，之後過左ＴＯＩＬＥＴ－ＭＡＴＥ到同若干人開第一屆是非大會，真係好鬼死八公，歡迎任何人持是非入場。之後女朋友打來，係港台錄完０野就走，然後就落左去暗佢訓著左先至上番離～聽日要做巨咪ＨＥＬＰＥＲ，有＄５０一個鐘，正！！！不過得三個鐘頭做．．．．．

>>September 9, 2005 at 7:50:12 PM GMT+8

2005 年 9 月 6 日 星期二 【酷熱】

琴日下午去左谷胸，之後夜晚又做體能訓練，０的肌肉一下子谷得太強勁，有番少少波。夜晚又係ｃｏｍｍｏｎ　ｒｏｏｍ到大戰，打到好痛，全身傷晒，右手手腕整傷左，條筋勁痛，腫鬼左，攪到要去拎冰敷，手肘又勁流血，個傷口可能永遠都好唔番。

今朝起身沖涼，０的肌肉疲勞到連卒肥皂都卒唔到，超悲．．．起身沖完涼就出左去同女朋友上中醫堂。呢科都ｏｋ悶０既，不過勝在痛咩０野做，今日係到講０的中醫歷史，開頭我都有聽，不過真係太眼訓，連續三個鐘，加上全身劇痛，所以今日心情唔係幾好，有０的抆抆地。
跟住點左名提早一個鐘走人～女朋友話以後唔准玩打交，問我知唔知道，我好型咁話唔知道！
跟住佢話今個星期唔准再玩打交，我先話知道，定我養好傷先打爆方面人！！

放學之後自己一個去左食食物，食左個雜扒飯，心情唔係咁好。然後去左上呢個ｔｅｓｔ　＆　ｍｅａｓｕｒｅｍｅｎｔ。開始迷失係課堂之中．．．落堂之後番左房間。女朋友送俾我０既自製日曆受到好評，不過就麻煩左少少，要日日撕出離貼，但係咁樣就可以日日都想起佢。然後小睡左十五分鐘就俾巨咪、大咪同細咪噪醒左，係到睇人地肉搏０既短片。間房真係好熱，如果再冇一把風扇我地可能會燥死。

然後執好０野去上田徑堂。今年住宿舍最唔習憤就係要等，有時候都真係幾抆，等成個字先有得入ｌｉｐ，入到去仲要幾乎層層停，真係人都顛呀！！！！！上田徑堂好彩冇上足，今日第一堂只係上左一個鐘，之後番左宿舍換番衫再番工。唔知點解今日番工時間過得好慢好慢．．．唔知係咪經過左三個月係百老匯０既口部訓練，喉嚨而家完全唔痛，相俾起要大聲叫成日，不斷游說人地買０野，區區幾個鐘０既電話投注忽然變得很渺小。我諗呢三個月係我自出良胎以來講得最多０野０既三個月．．．．

夜晚放工之後係７仔買左個波仔飯，女朋友學人去洗衫但係又唔識，好彩撞到ａｎｇｅｌ幫佢解困。番到九龍塘搭２５ｍ．．．．真係黑到爆炸，一落車就落狗屎咁大雨！！！！你老味，超級狼狽咁跑番去ｈａｌｌ，最燥０既係係ｈａｌｌ門口見到肥華拎住把遮企係到話去食糖水．．．．．．

之後番房放低０野然後食波仔飯，見到阿澤，佢話ｙｅａｒ１上左明報，琴日開學禮成班係到訓教俾人影底左～哈，潮爆呀！！！成班好似中晒槍咁，超好笑！夜晚睇電視知道何韻詩出左新碟，超鐘意，好想去睇梁祝．．．．．．之後落左三樓搵女朋友，食左條香蕉又番番上去，聽日ｄａｙ　ｏｆｆ～今晚可以玩夜０的～ｙｅａｈ！！！！！！！！！！！

>>September 7, 2005 at 6:26:37 PM GMT+8

2005 年 9 月 4 日 星期日 【酷熱】

今朝九點幾起身，之後剃鬚同埋沖涼，然後換衫去番工。好耐都冇番過馬會，有少少唔記得左點樣做。一番到去又食飯，跟住就開工。冇啦啦改左痾尿制度，由三個一組變左六個人一組，每次只准一個痾，ＳＨＩＴ！！！！！！！！！！！！！咁樣即是剝奪咱們０既痾尿時間！！食撚屎嫁真係！！

開頭番工有０的唔習慣，之前三個月拎起個電話都係講：「上水百老匯～～～有咩幫到你～」，開頭都要ＬＯＡＤ好耐先講到「你好～電話投注～」～今日仲講左幾次多謝呀！！！！好彩冇俾人鬧咋！！可能係０岩０岩開鑼，所以冇咩恰眼訓，時間都過得ＯＫ快！！不過０的冷氣好撚大，凍撚到仆街，痴撚線嫁真係！！第一日番工就收ＷＡＲＮＩＮＧ　ＬＥＴＴＥＲ，因為之前有一日曠工，不過唔緊要啦，請左成個月工先換離一張ＷＡＲＮＩＮＧ，完全違反左等價交換原則～

放工之後我去左申請做組長，如果做到就會變做＄４９時薪了～ＹＥＡＨ！～之後見到魚翅，佢又學人報做組長～！然後從佢口中得知一個小真相，我覺得好唔開心，雖然完全唔關我事，但係如果佢知道左呢件事一定會好唔開心，所以我都唔會講出真相，唉．．．．放工之後去左沙田，一心諗住睇０下條褲，點不知都係未如人意，唔０岩心水．．．．

然後搭火車番上水，係沙田上車居然俾我霸到位，真係超強勁！！番到上水去左客家棧食食物，０的０野都唔係咁好味，又多油．．．．之後叫左０個０的嘜撚０野茶果，一０的都唔好食．．．．跟住去左實惠諗住買鞋架，但係又冇買到，想買貼牆掛鈎又冇一排．．．灰到爆炸！！

番到屋企痾左篤勁屎，跟住就執左０的行李番宿舍，拎左個啞鈴、ＰＳ２、阿寶ＥＴＣ，然後俾女朋友係咁摧我出門口。之後一齊拖住０的行李番ＨＡＬＬ，去到火車站見到百老匯之友，佢地０岩０岩放工，有０的懷念０個種生活．．．．．唔知點解．．．．．搭火車有個阿伯係到爭位，我係咁意鬧左佢兩句，真係俾足面佢，粗口都冇用！！！

番到宿舍又係到攪選科０既０野。唔知點解有０的擔心女朋友適應唔到，又驚佢會悶．．．．唉．．．．我知道佢一定會唔慣嫁喇，所以要花多０的時間陪０下佢，最衰就係佢同學仔唔記得交錢攪到冇左個ＲＯＯＭＡＴＥ，如果唔係有個人陪會好好多．．．．．．．

夜晚同佳佳玩打交，戴晒拳套，打到隻手肘爆光，上次Ｏ’ＣＡＭＰ到而家都仲未好番，而家又重創，之後將０的血整晒落眼角到，超級型～然後出左ＬＯＵＮＧＨ到打，開大冷氣，打交真係好需要氣，打到尾段真係唔係幾夠氣，０的拳完全冇力，不過好好玩，好耐都冇試過咁刺激了～

跟住沖完涼就打ＷＩＮＮＩＮＧ，同埋兩個ＹＥＡＲ　１一齊玩，玩到四點先訓教，不過個冷氣好鬼死熱．．．唉．．．．

>>September 5, 2005 at 4:37:07 PM GMT+8

2005 年 9 月 2 日 星期五 【晴】

琴晚玩到超級累，今朝就九點半被迫起身去食酒店０既自助早餐。朝早好似小朋友咁大家都唔願起身去梳洗，係都要對方洗完先～之後我決定讓佢，因為要沖涼先，之後偷左佢０的ｂｉｏｔｈｅｒｍ離洗面，都唔明有咩咁巴閉，咁鬼死貴，洗完又唔見得靚好多～～最後終於都係十點半前食到早餐。然後又即刻上番房訓教，訓到十一點四十五分先起身執０野走人，真係好眼訓呀～！～！～

之後又搭的士去大三巴，我發覺無論去邊到都可以搭的士，次次都係＄１ｘ。不過截的士就難少少，平時係香港周街都係，不過可能酒店區難截少少。去到大三巴之後就係到照相，跟住見到有條友企左係個牌坊隻窗到影相，超高，超型，於是我又諗住跟風，點不知行到上去係唔准走出去隻窗的，０個條友係違法！！之後行左陣街，買左０的豬肉乾同蛋卷，仲送左包香蕉糕～開頭都唔知係邊到買，但係先發覺原來周街都係，多到唔想要，不過好遺憾地搵唔到葡撻食呀你老味！！！！！！！！！！！！！！！！！！！！

跟住去左議政事前地，好有歐陸風味，好靚。見到有ｌｅｖｉｓ專門店，連澳門都冇我想要０既５２３洗水，冇辦法，天亡我也．．．．不過出發前沙田ｌｅｖｉｓ打左來話番左條新０既洗水５２３，同之前０個條差少少，不過都可以睇睇～跟住行左好耐，天氣又熱，又拎住０的０野，真係蠢左，應該最後先買０野食麻。人生路不熟０既感覺真係唔好，想搵間地道０的０既茶餐廳都唔知去邊到搵，不過可能我地生處於０的旅遊區，所以好難搵到０個０的０野的，就好似人地去香港旅行都唔會走入上水搵廣成冰室啦！～

澳門其實同大陸差唔多，不過可以用美化版０既琛圳來形容，環境同人都好好多，個感覺唔錯，最重要唔算太大，去邊都好方面～之後去左紅酒同賽車博物館～見到好多靚車，有好多都係好古老，同我０的模型一樣～跟住拎左一杯紅酒飲，紅酒博物館環境好正，個感覺好舒服，其實我都幾鐘意紅酒，不過只係睇，一０的都唔好飲，真係唔識得欣賞，總覺得隻隻都係一樣味道的，要我拎幾千蚊買支酒，我不如訓一舖大好過ｌｕ～

飲完酒之後又好抆咁搵左一陣路，之後去左間小餐廳食０野，今次食左個焗葡國雞、仲有個唔知咩海鮮飯，再食多次牛肋骨～今次冇咁貴，不過都幾好味，但係就等得耐左少少～之後五點幾就搭船番香港，一上船就訓教，真係超級眼訓，之後個銀包就俾人拎左去清理雜物，我都覺得好多垃圾，攪到個銀包一０的都唔型仔～

一小時後到左香港，真係累到有０的唔想落船，跟住搭地鐵去尖東站再轉火車，好彩有位坐，之後又係咁訓，原本諗住去到沙田落車睇褲，但係都打消左呢個念頭，反正聽日都要番工，放工去睇仲好啦～～跟住就番屋企，真係累到仆街，沖完之後就俾阿ｍａｙ發現左我去澳門，跟住我講大話話同成班同學一齊去，廢事佢係到煩煩共！之後收番佢＄２０００，佢係到學人要保護貼同埋要交大記憶卡．．．真係多多事幹，每次見到ｋ７５０ｉ，都會想起巨豬痛失左一部，如果俾著係我真係唔知點算，一定會仰天長嘯一聲粗口，０個種無從發洩０既感覺一定好難受，又唔知發邊個脾氣先０岩，真係好慘．．．．．．

夜晚原本諗住又八點幾訓教，不過要睇波，一路拉彈弓一路睇波，係時候要認認真真咁鍛鍊番鋼之身軀～

>>September 3, 2005 at 2:43:02 PM GMT+8

2005 年 9 月 1 日 星期四 【酷熱】

經過左兩日一夜０既澳門之旅，又見證了半周年０既記念日。出發前我將隻母明仔放左入個ｏｋａｙ到，仲有支經巨豬改良左０既珍寶珠花，諗住夜晚先送俾佢，誰不知事如願遺，最後出發前就係ｈａｌｌ到進行交換禮物儀式。我收到一條ｐａｔｒｉｃｋ　ｃｏｘ頸繩，仲要被迫扣埋隻史迪仔做情侶電話繩．．．交換完禮物之後就換番個輕便袋出發。

幾經波折終於去到港澳碼頭，唔知點解有少少緊張，自從唔知幾多歲之後都冇去過澳門～係船上面浪兩浪就見頭暈，於是就訓教，一個鐘之後就見ｘ仔橋。落船之後就搭的士去ｃｈｅｃｋ－ｉｎ，黑色０既的士只有係十月初五的月光中出現。早知之前睇到幾集，咁就可以做足預備。澳門的確比我想像中還要小。去到酒店，大堂都幾華麗，之後入左間套房，好大，如果呢間係我間屋就好了～～之後放低０的０野就出發，但係就俾人鬧左鑊甘，頂！！

首先去左個咩觀音塔睇觀音姐姐，但係關撚左，仆街！～之後係海邊行左一陣，望左兩眼條ｘ仔橋，夜晚都幾靚。然後七點幾就去左食第一餐。食左個燒牛肋骨、菠蘿焗海鮮飯、海鮮籃～
雖然貴左少少同埋細碟左０的，但係又真係幾好味～食飽之後去左觀光塔，同上海個東方明珠塔一撚樣的。上到５８樓睇夜景，飽覽澳門０既景色。行行０下有幾塊地板係透明，行係上面真係有０的腳仔軟～之後就走左去金沙賭場，但係入唔到去，因為著住件背心．．．．仆街，電視機金勝明明著住雞翼袖入去賭錢，當我冇睇電視呀！！！跟住唯有死死氣番酒店拎衫，但係又冇拎多件衫來，結果就強行著住女朋友件縷，窄到呢．．．．成個機佬咁～

入到賭場去左玩老虎機，都唔撚知點樣玩，按０下按０下贏左好多錢，不過最後都係太過貪心輸撚晒．．．仆街，輸左我＄１００！！同我想像中０既賭場好唔同，都冇人賭身家，又唔見有黑社會，又睇唔到有人係到玩ｓｈｏｗ　ｈａｎｄ！！！行完賭場就番左酒店，買左個豬扒包食，番到去超級疲累～沖完涼著左件沿袍，超級舒服，咁大個都未著過沿袍～然後睇尋秦記，不過部電視機收得唔係咁好，冇咩ｍｏｏｄ睇，最後玩到兩點幾先訓教～

>>September 3, 2005 at 2:43:21 PM GMT+8

2005 年 8 月 29 日 星期一 【酷熱】

終於都渡過了三日兩夜０既迎新營，身心都好疲累，全身增添了多處傷狠。首先玩七手八腳傷得最重，手肘同膝頭爬到即時爆光．．．．之後又玩水戰時又扮狼諗住一手拎起個紅Ａ膠筒笠人，誰不知個桶好Ｑ多水係到，唔撚夠力就扭傷手腕，仆街成日扭傷，都話至討厭係扭傷，我寧願俾人斬傷好過。跟住玩枕頭戰又俾人風左一拳，不過好好ＦＥＥＬ，好耐都未試過俾人打０既滋味，真係好ＨＩＧＨ，如果下年可以改用拳套互片就仲好玩了～番到上水走左去百老匯拎左張保護貼叫阿豪幫我貼埋，你老味，諗起都火滾，有咩理由會貼到咁樣樣？！？～

經過左三日兩夜０既Ｏ’ＣＡＭＰ，做組爸個感覺真係有０的唔同，時間真係過得好好好好快，轉眼間就ＹＥＡＲ２，要照顧帶住０的ＹＥＡＲ１，阿沛話要照顧佢地，我都唔知點樣先為之照顧，像風一樣的我又豈能停下來，幸好有個男人味極重的組媽。我亦都學識多幾個字，就係ＥＬＩＴＥ同埋ＴＲＥＡＳＵＲＥ　ＨＵＮＴ～眼見我組係咁輸真係有０的想喊，但係又唔可以加添佢地０既負擔，不過好彩佢地都好有後勁，贏左兩個勁０野，間屋仔０個四條膠紙真係好潮，卸走晒０的力～

經過一番辛勞之後．琴晚八點鐘諗住訓一陣之後起身睇尋秦記，誰不知一訓就訓到今朝十點半．．．．十四個半小時呀痴線！！！期間有兩個人打過來，我依稀想起是阿信和女朋友～
起身之後就痾屎，呢幾日都冇篤屎係痾得舒服０既，最忌就係熱麻，痾到我成身都係汗，勁唔舒服～之後阿ＭＡＹ買左肯德基番離食，食完之後就出左去沙田探阿婆。

之後係沙田等女朋友，去左櫃員機找ｃａｒｄ數，我完全唔知點解會有＄７７９８要找．．．好無奈咁一次過找左＄８０００．．．．ｓｈｉｔ！！！！跟住上左中旅社買套票２／９過大海，如果將剩餘０既資產去訓一舖大細，個最大心跳率唔知會去到邊到呢？～？～之後陪女朋友去左宜家買０野，都唔明０的女人點解咁鐘意行呢０的地方，細個又要同阿媽行，而家又要行，行到我差０的瞓著左，０的０野又貴又唔抵，都話日本城抵０的嫁啦，好彩佢肯聽我０既勸告，唔係喊都似！！

然後去左旺角拎番部ｋ７５０ｉ，你老味，佢竟然換左部新機俾我．．．．我唔知點解真係鐘意呢部多０的，ｗ８００ｉ都唔好按，攪到打訊息好慢，唉．．．．但係又冇理由唔用最潮０既部嫁，天理不容啦，唯有死死氣＄２０００賣俾阿Ｍａｙ啦．．．．跟住走左去兆萬睇公仔，見到鋼煉０的公仔好型～今日橋手０既時候勁俾女朋友整親個傷口，仲要俾人話我扮型唔貼膠布，傷口都可以扮型，我真係要記低先！！其實我都好想貼，不過搵唔到煉金術師膠布又唔想貼其他核突０野～之後去左食食物，原來女仔係要坐梳化位，我完全唔知道有條咁０既球例，不過眼見周圍又真係好似係咁樣，攪到我都有０的唔自在，咁點０者？唔坐都坐左洛，起身換位咪仲揚！！！

之後搭火車番屋企，我又好眼訓，係到訓教，佢就計劃緊行程，據了解澳門唔係好大嫁０者，應該冇問題０既，到時一定要怒爆葡撻！！！！！！！！！！！！！！！！！！！！！嘩！！
正呀！！！！！！！！！！！！番到屋企俾左部機阿ＭＡＹ，之後就開始認真鍛鍊一下０的肌肉，經過三個月０既洗禮，身體明顯弱左，真係刻不容緩，舉番幾組０野先去沖涼～跟住睇尋秦記，然後同阿釗傾左一陣間學術問題～

Ｅ～Ｅ～Ｅ～ＥＩＩＴＥ～～～～～～～～～～～～～～～～～～

>>August 30, 2005 at 6:29:34 PM GMT+8

2005 年 8 月 25 日 星期四 【晴】

琴晚係到玩電腦，忽然間牆上有一隻大得來好瘦貌似蜘蛛０既物體，我一望就知係傳說中０既金絲貓，但係唔知點解咁大仔，仲行到好似識飛咁，不過我又唔係好驚，中驚啦，冇蟑螂咁驚，但係我都叫左幫手。開頭黑炭好狼咁撲過去，之後見到人地識得飛就驚到奔跑入洗衣機．．．．．．．．．．．頂．．．．．．．．．．．．．．結果我用報紙拍到隻０野成ｐａｔ屎咁．．．．落床訓教０既時候，我痛到幾乎要叫幫手．．．痴線嫁，０的深層肌肉可能已經撕裂晒喇．．．．．

今日一點幾先起身，跟住就去左痾屎，痾得好唔舒服，仲好臭，我諗連自己都覺得臭０既時候就真係好臭．．．．之後同朋友去左廣成冰室食呢個擁有四十年歷史，全港唯一用人手刨冰做０既一柱擎天紅豆冰，闊別多年又可以再品嚐了，不過其實唔係好好味的～食完之後就番番屋企，之後又小訓教，然後落左街鬆圈．．．．一開始慢ｄｒｏｐ０既時候我真係０下拐０下，好似跛子跑步一樣．．．．之後狂拉筋拉鬆番０的肌肉，我咁樣成個阿伯咁聽日去ｏ’ｃａｍｐ肯定失禮死人啦．．．跑完之後去左拉引體上升．．．

番到屋企食左隻蛋，然後就沖涼，之後無無聊聊咁係到ｋｉｎｄ。夜晚係屋企食飯，三條友食唔知點解有咁多餸，不過冇咩胃口。夜晚係屋企貼螢幕保護貼，悲撚到拆天，痴撚線，貼到起泡，跟住噪到撕鬼走左，．．．．．哎呀．．．好悲呀真係，好彩＄２０咋，如果唔係真係想死，點解會咁嫁，上次幫小魚貼明明好勁嫁仆街！！！！！！！！！！！！！！！！！！！！
食完飯之後九點幾又訓教，訓到十一點出左去同同事食食物，我終於明白原來以前女朋友陪我夜晚食０野係咁慘．．．．因為一０的都唔肚餓．．．．０岩０岩先食完飯冇耐又食０野．．

十二點幾就番左屋企，跟住就執０野，好耐都冇著過短褲，有０的唔習慣．．．都唔知應該執０的咩去好．．．．．．．

>>August 26, 2005 at 6:01:54 PM GMT+8

2005 年 8 月 24 日 星期三 【晴】

琴日番左ＢＵ踢波，踢左成幾個鐘頭累撚到仆街，兩隻腳好似唔屬於自己咁，四頭肌、小腿、大脾內側，好似撕裂左咁．．．之後俾人坤左著左條波褲去唱Ｋ．．．．好耐都冇番過學校，有０的陌生，見番０的同學仔有仲久別重逢０既感覺。夜晚去左ＣＥＯ唱Ｋ，好鐘意佢個獨立廁所，唱到２：４５睇波，好彩有波睇，如果唔係一定會訓著教。下次都係唔好唱通頂Ｋ，去玩應該係ＨＡＰＰＹ唔係要捱，都係玩過第二樣０野。

今日訓到一點幾先起身，一起床全身經脈盡斷，行步路都行唔到，好似變左做機械人咁，真係超級辛苦。起左身之後就出左去剪頭髮，然後染左個頭。呢幾日唔知點解生活得好似冇咁開心，可能係因為環境０既轉變，加上又就離開學，有０的壓力。有少少唔係咁想開學，覺得好多０野要攪，唉．．．做人就係咁嫁喇，番工時又厭辛苦，到差唔多開學又有０的抗拒感。

兩點幾番左屋企，買左盒飯食，真係好辛苦，行步路都拐０下拐０下咁，真係好似一個阿伯。琴晚ＣＨＥＣＫ一ＣＨＥＣＫ信用卡．．．你老味竟然有成＄６９９９．．．．．痴撚線，邊到碌咁多番離呀？？！？！？食完飯之後出去接女朋友放工。突然諗起部Ｋ７５０Ｉ，音訊全無，於是打去問，你老味整番好又唔撚通知聲，屌撚到佢化即時！！

夜晚又去左呢個沙爹王食食物，跟住去左睇千杯不醉，有成堆買一送一優惠劵，不過都唔好睇０既，港產片真係好鬼無聊。之後搭火車番上水，我最鐘意０既都係部電話可以聽ＭＰ３，咁又唔洗買多部ＭＰ３機，其實對音質又冇咩要求，亦都唔係好識得分，所以都幾滿意。

番到屋企之後好痛，兩日冇睇項少龍忽然間又唔係咁想睇。之後阿沛話冇得做ＴＯＬＩＥＴ－ＭＡＴＥ，已經夠悲，仲話唔肯同層，唉．．．．唔做廁所人都唔係大問題呀，唔係同層
就真係有０的問題，咁攪法真係唔知點算，即時唔係咁想住ＨＡＬＬ。再加上唔知係咪呢幾個月係番屋企住，又唔係咁想搬，搬左之後又要重新適應番０的朋友，真係好鬼麻煩，點解做人會咁撚麻煩，咁撚多０野要煩？

夜晚馬會寄左信來，我都唔明白點解我請左一個月假佢都仲可以唔炒我，仲要有人工加，雖然加得一蚊機，一個月可能多＄５０都唔夠，不過好過冇，佢有咁０既心意我都開心。做人最緊要有心。過兩日就係Ｏ’ＣＡＭＰ，都唔知會變成點，冇啦啦又變左做ＹＥＡＲ２，時間過得真係快，不過算啦，快快讀多兩年畢業出離搵錢好過～讀咁多年書真係咁撚型求知識咩，咪又係為錢？！金錢奴隸！

>>August 25, 2005 at 5:43:24 PM GMT+8

2005 年 8 月 22 日 星期一 【酷熱】

琴晚番左大陸玩，累撚到仆街，鑊撚鑊番去都係咁，再加上放工之後上去，整整廿四個鐘冇教好訓。終於都完成左呢三個月來０既使命，雖然目標冇達成到，但係總算獲益良多。學到好多係學校學唔到０既０野，總算係一種體驗。琴日係大陸等的士０既時候，見到有個女人係到行乞，大陸好多呢０的丐幫行乞，但係佢地唔係一個普通０既乞丐，個女人抱住個細佬，個細佬鼻同咀都爛晒，我諗係燒傷或者滾傷，個細佬個樣真係好嚇人，要睇得好清楚先見到佢個口同鼻，我唔知佢點樣食０野．．．我覺得真係好殘忍，大陸好多呢０的人自己整到自己０的仔女殘缺不堪然後出離乞食賺錢，斷手斷腳、０的骨變晒型咩都有，如果我施捨俾佢，０的錢只會俾左佢阿媽，佢老母根本唔值得可憐，個細佬先至係真正受害者。見到太多呢０的變晒型０既「人」，我真係唔敢諗佢地大過左會點樣，咁樣就一世．．．．中國人有時候真係好得人驚．．．．．

今朝九點幾番左來上水，真係超級殘，鬚根又出晒離，個頭又超長，ｓｅｔ完都好厚，又係剪頭０既時候了。過關前買左兩隻ｗｉｎｎｉｎｇ　９，我又冒住俾人罰款兩萬蚊０既危險偷運光碟～之後食完早餐番左屋企訓教，一訓就訓到五點鐘，起身之後打左陣機就著拖鞋ｗｉｔｈ七頭出左去上水廣場，拎番０的制服俾公司，然後又番番屋企。

我真係好撚累，但係都落左去跑步，因為係時候要有番強健０既體魄，如果唔係就會俾ｙｅａｒ　１笑嫁喇！！跑左去粉嶺泳池，我谷得太快了，差０的暈左，狀態０既０野係要慢慢回升，唔係一朝一夕０既，番到匡屋企就食食物，好耐都冇一家四口一齊食飯了。食完之後頂唔順上左床訓教，真係太過累了，女朋友呢幾日去左ｏ’ｃａｍｐ好似消失左係地球上咁，不過算啦，如果我而家發佢老脾，到我去ｏ’ｃａｍｐ就有排受嫁喇，所以我就忍佢～～～

訓到十二點之後就醒左，不過個頭好痛．．．．．聽日要去踢波同唱ｋ，朝早要同女朋友食食物．．．．我要好好咁利用餘下０既時間．．．

>>August 23, 2005 at 4:24:26 PM GMT+8