2005 年 9 月 28 日 星期三 【酷熱】

琴晚睇波睇左半場就訓教，開左冷氣訓。訓到今朝十二點幾先起身，訓得好滿足０既一日。起身之後就打左陣機，然後寫左兩封信，一封俾馬會，一封俾ＡＲ。跟住等到兩點幾先去城大食ｔｅａ－ｂｕｆｆｅｔ。出發之前同震西阿ｍａｙ大佬去左ＡＲ攪一攪ＡＤＤ科０既０野，阿ＭＡＹ俾我激嬲左，變左身做情緒之鬼二號，發左一陣爛渣咁就變番正常人～你老味ＡＲ話要等佢電話，批左先可以ＡＤＤ，但係要俾多＄１００手續費，你老味臭西！！！

跟住去左城大食食物，上年又食，今年又食，不過今年有九個人，多左一個。人事變動都大左好多，阿邊個邊個又同阿邊個邊個咩左，阿邊個又同邊個咩左但又同阿邊個一齊左，阿邊個個又同阿邊個有０野，我又同阿邊個一齊左～～總之就一個字：「亂！」食左一陣之後就食完，又見到人地個泳池，我開始有點自悲，點解人人０既大學都咁撚正，又多資源，點解我地咁廢．．．．點解．．．．？／／＼＼

跟住去左ＴＳＴ海港城ＡＤＤＩＤＡＳ買０野，原本諗住大掃貨，因為有７折優惠，但最後都只是買左兩對襪子，一對自己一對俾女朋友。跟住大佬去左買ＩＰＯＤ　ＮＡＮＯ，但係冇貨，我一早就話潮爆嫁啦，真正０既潮人係永遠走在別人前面，但可惜我冇買到～買完０野之後就搭的士番ＢＵ，我地好撚臭咁係到問司機有冇折，我都未試過日光日白係到搭的士講價，都係ＣＡＥＳＡＲ唔好！！跟住搭左＄５０剛剛好每人十蚊，正！！！！番到房之後打左一陣ＷＩＮＮＩＮＧ，之後就想訓教，不過俾人迫起身上羽毛球速成班，然後就去做系際示線員．．．．．

ＰＥＲＭ順利贏波，但係我發現原來其他系０既人都有好多勁人，真係不容忽視。打完波之後又去左小島酒吧食食物，然後ＳＥＮＤ左個ＳＭＳ俾女朋友，一ＳＥＮＤ先之後連收三個ＳＭＳ，原來今日一直都收唔到，之後就俾人燥底，話我病左都唔理佢．．．．跟住即刻打番俾佢，但係又發脾氣，呢排０的女仔都好鐘意發脾氣，可能係受到地球磁場所影響．．．唉．．今朝先逗完一個，而家又要逗多一個，仲要逗都冇得逗，真係無奈。

番到宿舍之後又展開ＷＩＮＮＩＮＧ聯賽大戰，今日狀態極佳，錄得連勝紀錄，現時５勝一和排第二，但係氣勢唔夠肥華強，聽日就要對佢，據往績顯示絕無優勢，如果俾佢贏埋就真係無法無天了。


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

避孕套：「衛生巾！！每次遇見你都沒有我出場的份兒，看你多不受男人歡迎！！」
衛生巾：「雖然我不受歡迎，但每個女人都真心需要我，而每個男人卻只是被迫使用你！」

>>September 29, 2005 at 6:48:33 PM GMT+8

2005 年 9 月 27 日 星期二 【炎熱】

琴晚出左去拍拖，女朋友買左條比我更貴０既牛仔褲，佢真係太過大膽。之後夜晚係到教佢打ｗｉｎｎｉｎｇ，原來教一個完全唔識０既人玩係咁艱難，不過佢資質唔錯，假以時日應該可以陪我練習。跟住肥華等地入左離ＤＬ左首數波波，笑撚到我仆街啦！～琴晚開左冷氣訓教，訓得唔錯。今朝八點半又起身，中醫堂真係好撚眼訓，同之前學過０既０野好相似，雖然唔同，但係都好摧眠呀仆街，訓到個人都抆晒。之後一放ｂｒｅａｋｅ就閃人。明明都好夠訓，但係上完中醫真係頂唔住，一訓就訓到十二點，真係訓得好熟，一張開眼就見到肥釗同坦克隊長！雖然短短一個鐘，但係發左一個好長０既夢，仲好真實。

之後就上Ｔ＆Ｍ，今堂開始要留心上堂，感覺唔錯，一個鐘頭好快就過去。跟住就去左ＨＡＬＬ　ＣＡＮ買食物．．．．唉．．．又係咁撚多人，如果地球人可以死一半，咁呢個世界一定會變得更美好，生活得一定更舒適，說真的。買完飯就番上去ＬＯＵＧＮＥ到食食物，個微波爐壞左，都唔知係咪佢地整壞的。食飽飯之後去痾屎，但係不得要領。琴日痾屎睇報紙有單新聞真係好撚攪笑，７５歲０既何伯感冒初愈去嫖妓，沖涼時不治死撚左．．．．嘩哈哈！！！
唔知佢係叫完雞先沖涼等未叫呢，如果未叫就死左就真係陰公ＬＵ～

今日上田徑堂好撚曬，今日學習用起步器，之後玩接棒，其實田徑堂都幾悶，不過鄧ＳＩＲ好人，所以都冇咁惡頂。上完堂之後即刻番ＨＡＬＬ然後沖涼準備番工。前兩日天氣都涼涼地好舒服，但係今日又熱番，真係好唔開心．．．．今日番六點，一番到去又食食物，跟住又要展開工作。雖然真係好老土，但係真係好撚撚眼訓，今日直頭幫個客落左一半起飛然後訓著左，過左半分鐘先驚醒，條友又唔知點解咁ＫＩＮＤ係到等我，哈！～！～今日係咁ＣＵＴ人線，一打入離就ＣＵＴ佢老味，吹咩！！！！！幾經辛苦先至捱到十一點放工．．．．真係．．．好感動．．．．．．

放工之後買左石油氣雞脾食，跟住係火炭站個櫃員機到攪左好耐，一心諗住過錢落投注戶口．．．但係攪極都唔得，之後打去電話投注，有時候我發覺做人真係好難做到設身處地。當我番緊工０既時候就好撚憎０的人打離，但係自己打番去０既時候，我又好想用粗口屌尻佢地咁撚廢．．．唉．．．．好矛盾．．．最後都過唔到數，仲攪到冇埋２５Ｍ搭．．．要行番去。

番到房放低０野之後又食＄１０．５的７仔叮飯，不過都幾好味，但係要落１３樓叮，俾人整壞左呀！！！！食完之後去左洗衫，跟住打ＷＩＮＮＩＮＧ，肥華好黑人憎，成日係到贏波，破壞晒０的比賽氣氛！！

>>September 28, 2005 at 7:36:40 PM GMT+8

2005 年 9 月 25 日 星期日 【寒冷】

琴晚打機打到成三點幾四點先訓，夜深人靜０既時候ｃａｅｓａｒ好撚大聲咁係到講粗口。之後訓唔著，係張床到左滾右滾，唔知係咪因為琴晚訓得太多，加上冇開冷氣好唔慣，但天氣咁涼理應唔洗開冷氣。

今日訓到十二點幾起身，一起身就打機，然後就做埋０的ｓｃｏｒｉｎｇ　ｓｈｅｅｔ。之後痾左第一次屎就落去買０野食。你老味個ｈａｌｌ　ｃａｎ多人到想死，痴撚線，０的阿豬阿狗都入晒離食０野，賺到佢笑啦，咁撚難食都有爆場０既機會，真係好可憐。買左一個＄１５０既餐蛋飯，之後拎到上去一開發現係價值＄２２的熱狗餐，感覺好好，賺左～～食完之後痾左第二次屎，本諸葛亮放左係廁所都有一段日子，３０號就到期，下次要諗定借咩書睇，因為痾屎佔左人生好長０既時間，只要好好咁利用，就會有所得著。

之後ａｎｇｅｌ離拎番本書，但係佢嬲爆爆咁，個勢好似係我地做左０的０野激嬲佢。然後兩點幾去左許士芬到上堂，呢兩個鐘過得好快，如果堂堂都係咁係到做ｔｅｓｔ就好ｌｕ～～上完堂之後就去左食ｔｅａ，個四眼薯條哥哥勁好人，俾左好撚多薯條我地，咁先係嫁麻，薯條０的０野好死嫁０者，大家開心咪得囉，唔錯唔錯！～

食完之後去左上ｄａｎｃｅ堂，由於我冇ａｄｄ到，所以遲０的要去番ＡＲ到攪，不過唔知俾唔俾我ａｄｄ番．．．．上ｄａｎｃｅ都幾好玩，我同阿婷做拍檔，如果我唔成功ａｄｄ到，咁佢以後就會同立明做拍檔。今日學左隻俾幼稚園跳０既舞，好好玩。

落堂之後番房，一開門就見到兩條粉皮係到打機又唔開燈。之後打到八點幾去左偉衡做ｇｙｍ。出發前俾我搵番件ＡＤＤＩＤＡＳ，原來一直都係櫃筒，但我之前明明搵唔到，真係好邪！去到偉衡樓下見到阿差朋友，我今日真係好驚，佢攬住我好似我攬住女朋友咁攬，我勁驚俾佢就地正法．．．．．今日ＧＹＭ　ＲＯＯＭ勁多人，０的籃球隊落晒離做ＧＹＭ，做完之後上左去打羽毛球，原來我打羽毛球都幾勁秋，可以向呢方面發展一下～下次叫埋女朋友離打，狂猜佢八字等佢跑動一下！～

打完之後同阿釗、阿競、ＣＡＥＳＡＲ同大佬又去左酒吧食食物，雖然要＄３８，但係都算係咁，係衰左冷氣唔夠凍。食飽之後又番ＨＡＬＬ打機，打到天昏地暗，攪左個聯賽ＭＯＤＥ打。今日有０的眼訓，都係早點休息，聽日又去拍拖～～～再買０野先～～買呀買呀買呀～！

>>September 26, 2005 at 6:21:15 PM GMT+8

2005 年 9 月 24 日 星期六 【驟雨】

琴晚訓教時超累，累到訓唔撚著。今朝訓到十二點幾先起身，仲要係因為急尿急到忍冇可忍先起身。之後阿ｍａｙ同埋假姑姐姑丈、姨媽姨丈離打麻雀，黑炭又躲藏起來了。佢性格比較內向，唔鐘意見到咁多人，再加上佢膽少，所以鑊鑊都係咁。起身之後有ｍ記食，食左個最新０既餐，但係我覺得冇咩特別，廿尻幾蚊實在過份，只不過將薯條變左做薯塊就當出左新０野，ｆｕｃｋ！！

食完之後ｃｈｅｃｋ賽果，贏左＄９１，琴晚一時貪念串多左場拜仁，點不知就係奶撚左呢場，如果唔係就中左條３串就唔止呢個數。跟住打俾女朋友叫佢打上馬會問番我個投注戶口密碼同ａｃｃｏｕｎｔ　ｎｏ．　我要再展開我０既霸業！！呢兩日都勁大風，但係感覺唔錯，因為冇咁熱。兩點幾換左衫出去行街，因為係屋企實在太悶，又冇機打，廳又打緊麻雀．．．首先去左馬會收錢，然後將贏左０個０的入落ｔｅｌｅｂｅｔ，跟住出左沙田行街。一條友慢慢咁暢遊都唔錯，今日係星期日，到到都勁撚多人，入左ｒｙｏａｌ係咁拎０的衫試，由於太多人，０的ｓａｌｅｓ都唔撚得閒理我，試得好開心。之後周圍行，新建後０既新城市俾我一個唔錯０既感覺，又多０野睇又方便，遲０的全部開晒應該會仲正，成為新界區０既新地標。

行左好多間０野，最後去左ｋ２買左件衫仔，平平地叫做唔洗兩手空空。跟住六點左右番屋企，又買左支寶磺力飲。番到上水去左買貓沙俾黑炭，成＄６８一包陰公．．．不過我問根仔拎左＄１００去買，嘿嘿．．．．．．．番到屋企之後整埋網上投注。之後陪女朋友出左去買食物，然後行左一陣街，攪到我好多０野想買！！然後番左屋企，跟住出左去行樂軒食食物。有我至愛０既酥炸生蠔，正！！不過今日冇咩胃口。

之後約左阿釗係大埔站等，但係我去左太和站，白等左幾個字。然後我地一齊去佢個ｆｒｉｅｎｄ到拎小電視機。拎左架車仔去推，實在太過興奮，可以係房打機了！！！！之後幾經辛苦先推到番九龍塘，然後搭小巴番ｈａｌｌ。跟住就ｓｅｔ好部電視就開始打機！！！過多幾日買埋條魚骨天線就可以睇埋電視，咁就可以唔洗咁孤陋寡聞！！！！！

唉．．．唔見左件黑色ａｄｄｉｄａｓ　ｔｅｅ．．．．．之前已經唔見左好耐搵番．．．．而家又唔見．．．．好冇緣呀真係．．．．．．．．．．

>>September 25, 2005 at 6:32:46 PM GMT+8

2005 年 9 月 22 日 星期四 【寒冷】

今日訓到十點幾先起身，差點兒唔知醒起身番學。結果冇沖涼洗頭，開學以來第一次ｗｅａｒ帽上堂。今日上ｔ＆ｐ，我同阿信坐左係前面原來坐前０的真係會集中點同埋留心好多。今日我同佢撞褲，一齊著左條ｎｉｋｅ黑色短褲。上完兩個鐘頭堂之後去左飲茶，號召左１３個人一齊去，但係好多男仔。

飲完茶食到好飽，但係最尾發現壺菊普有好多隻眼係到，個ｗａｉｔｅｒ話係０的菊花放得太耐所以係咁，佢完全冇免茶介俾我地０既意思，仲話食我地唔死，咁又係０既邊有咁易死呀！之後埋單只需＄３９．５，超抵啦咁多０野食。然後番左ｈａｌｌ到休息，逢星期五都係到午睡，不過真係好春熱，攪到我訓得唔熟，訓訓０下仲有阿姐入離清潔，仆街，之後俾阿ｍａｙ整一整張被又醒左，然後又訓唔番，ｓｈｉｔ！！！

跟住唯有起身自己打機，諗住試０下陣，但係都俾人發現左。之後同阿沛打左１：１被迫和，然後同震西一隊打世界杯，最後小組都出唔到線．．．一玩就玩左幾個鐘頭，玩到肥華訓醒，跟住六點許我又訓教，我覺得生活好糜爛。跟住七點左右又起身整電腦，整左幾隻ｇａｍｅ落電話到玩，跟住阿釗同肥華又打機。如果人生以打ｗｉｎｎｉｎｇ為主，打得好就等於讀書讀得好咁就好ｌｕ，我諗我一定會好努力咁練習～～

八點鐘左右我地去左偉衡玩，原本諗住做完ｇｙｍ先打網球，不過佢兩條仆街打機打到過時，所以冇做ｇｙｍ就去左打ｔｅｎｎｉｓ。今日同肥華隻揪，打到局數７比７都分唔到勝負，但係已經夠鐘。如果開波開得好根本就贏，所以我要訓練開波！！但係隻手碗打到好痛，你老味ｏｃａｍｐ到而家都仲未好番，痴撚線嫁，真係最討厭扭傷，我鐘意刀傷多０的，寧願俾人斬傷都唔好扭傷～～

打完波之後阿沛同阿信番左房先，我同阿華去左小島０既酒吧食晚飯，叫左個ａ餐超好味道，又夠大份，食到好飽，佢又叫左個廢０野。飲緊湯０既時候發現唔係好對路，兩個餐加埋＄７６，肥華身上得＄２６，我有＄５０，真係剛剛好＄７６！！！多一毛錢我地都仆街，個天真係仁慈呀！！！！！！！！！！食完之後行番ｈａｌｌ，今日唔知做咩春係到勁講「死」０既問題，成日問死左係點，睇離佢真係有０的想死，好彩我對呢方面都有０的心得，所以交流左一陣。但我一直堅持死左０既感覺就等於訓著左之後冇發夢一樣，係唔會有感覺，到你第二朝起身０既時候你唔會諗得起訓著左０既時候係點，所以其實死並冇不妥。人生就好似打機咁，你鐘意０既時候可以開機打，打得好開心，到你唔鐘意咪熄機囉，冇０野嫁，鐘意死咪去死囉，都係得一下痛楚０既０者。不過最重要都係顧及身邊０既人的感受。你唔開心０既時候，可能身邊０既人都因為咁而唔開心呢．．．．．．

之後番左ｈａｌｌ，聽日要番ｈａｌｌ，今晚要早訓呀～

>>September 23, 2005 at 5:08:35 PM GMT+8

2005 年 9 月 18 日 星期日 【酷熱】

琴晚莒ｂａｒ賜皇馬ｖｓ愛斯賓奴，但係好黑仔咁因為泰星電視台唔知做嘜撚０野係到播網球攪到冇得睇上半場，好彩下半場都有得睇番。皇馬班合家產都唔撚知係咪路，用咁撚多錢買人番離都係輸，都唔知係咪晚晚集體去叫雞攪到冇力踢波，由賭波合法化之後開始，每逢皇馬作客愛斯賓奴都係奶０野，都咪話唔信邪！

今日訓到成兩點先起身，之後就沖涼洗頭，剪左個新髮型感覺輕鬆好多，冇之後咁熱，不過依然係咁型。跟住同朋友去左廣成冰室，你老味臭西，我從來未見過要輪籌０既茶餐廳，實在玩到太串喇，原來今日係公眾假期，好多人離食，迫爆場，一睇０的撚樣就知係外省人，你老味真係發火．．．．跟住等左一陣有位，仲要係同一對小情侶搭台，佢地就慘洛，四人座位，兩人同來，要同我地ｓｈａｒｅ，又怕羞又唔敢講０野，又講得細聲驚俾我地聽到，我地就係撚咁講粗口同戇尻０野，真係替佢可憐，我諗佢一定好後悔離左食０野。

之後食左馳名－既牛肉通粉，然後望到隔離台條仔唔知係咪食左春藥，係間茶餐廳到係咁愛撫自己條女背部，又摸手臂，我地一齊望左好耐，最後正義０既ｗ８００ｉ忍唔住，張開佢２００萬象素的眼睛牢記呢個情景，但係好可惜，佢地食物來到，停止一齊活動．．．．．食完之後係石湖墟行左陣，見到間０野有好多鋼之煉東西，有個潮爆ｆｉｌｅ我堅想買，仲有相簿！！不過趕時間走左。然後去左陪朋友仔出部６６８０，出左色新０既白色，不過我都係覺得藍色靚０的。原來上台出機都幾抵屌。係電話鋪見到ｎｏｋｉａ　ｎ９０出左，諗住去百老匯玩兩手，不過百老匯仲未有，加上爆緊場冇入到去。

然後同阿翔去左ｂａｕｈａｕｓ，佢又買左條５２３，不過係普通藍色，之後落左ｂｅｌａｎｏ到買左對姣婆紫間條襪著，然後仲買左樣神秘禮物逗女朋友。跟住就番屋企玩，整左好多０野落電話到。阿ｍａｙ成日係到扭計，學人要張大０的０既ｄｕｏ　ｃａｒｄ！今日黑炭好乖，冇咩發顛，其實佢外表都幾可愛，不過係心理有少少問題，但係我唔會介意。今晚阿根煮飯，佢用手打魚肉，跟住煎魚餅，雖然唔算太好味，但係見到佢整到身水身汗我都覺得好滿足仲即刻開冷氣俾佢ｔｉｍ～因為我好熱～～～～～

食完飯之後執左少少０野又番ｈａｌｌ，拎左個飯盒，唉．．．冇啦啦又用左多＄４００喇呢個星期，真係好浪費呀，而家冇水喉射住要慳０的先得喇。番到來開雪櫃，發現兩個蒙牛可以用來殺人，因為硬撚到仆街，變晒冰．．．．你老味，嘜撚０野雪櫃離嫁！！！由於又熱又燥０既關係，我開始鍛鍊鬆弛了的肌肉，ｓｅｔ左一個循環訓練，每隻手先舉１５啞鈐，然後做３０下掌上壓，再做ｓｉｔ－ｕｐ，做左三組就收皮，不過做完望住塊鏡０既感覺好好，今日開始要ｋｅｅｐ番住，唔可以再瘦落去，靠到奶搵食嫁陰公～

夜晚因為一時０既衝動ｆｏｒｍａｔ部機，結果攪出意外，０個時我真係好驚我原本ｄ：／的東西會冇晒，因為真係實在有太多０野，有回憶、有感情、有工作、有學業．．．．．我真係有０的驚到想喊，不過最後憑我一人之力戰勝機哥，成功ｆｏｒｍａｔ左部機！！但係過幾日又要再ｆｏｒｍａｔ多一次．．．．．

聽日同女朋友去街，實在太耐冇去過拍拖，睇場戲先～好撚熱呀！！！！！！！！！！！

>>September 19, 2005 at 7:34:59 PM GMT+8

2005 年 9 月 16 日 星期五 【酷熱】

今朝九點四十五分就起身，然後就去左沖涼洗頭，頭髮好似長左少少，加上天生頭髮濃密，看來又係剪頭０既時候了。ｓｅｔ完頭之後就執齊０野又迎接周公０既挑戰。有時候都幾憎ｂｕ０既地段，特別係宿舍，有咩可能四周圍都冇便利店之類０既０野，最近都要落到九龍城，行出行入都一身汗，ｓｈｉｔ！！由宿舍行去火車站呢一段路係最痛苦，尤其是窩打老道個棧死人仆街ｘ家產紅綠燈，要等勁撚耐，行到去０個個位已經出撚晒汗，仲要企係到等佢條撚樣轉燈，大熱天時都咪話唔燥底！！

今日番十一點十五分，番到去又要即刻食飯。我在垃圾桶中選了一樣最美味的垃圾來吃。食完之後又要工作。我真係唔明白點解會咁眼訓，上堂都冇咁辛苦！０個種想訓但係又唔可以訓０既感覺真係好難受，０的冷氣仲要鬼死咁撚凍，我於是起身較細０的，但係個死西婆係到話：「同事，唔可以自己較細嫁！」於是我就話：「啊，咁你幫我較細囉，我好凍！」，佢又真係幫我較細，你話係咪無撚聊，我自己較細同你幫我較細有嘜撚０野分別？？我真係覺得好沮喪。

話說第一日番工佢就話由三個一組去廁所變為六個一組去廁所，但係由我第一日番到而家，我都冇理過佢條仆街，根本就唔可行，點樣可以六個先去一個呀？？完全唔合乎物理。０的無能０既組長見撚到擺到明六個裡面有三個都唔係到，但係佢地都冇０的咩表示．．．．ｓｈｉｔ．．．設立制度０既目的就係要其他人依循，一個制度如果設立左但係冇人尊從，只會反映出機構０既無能，與其係駕馭唔住，根本就唔應該胡亂推出新措施，我諗我係時候要會一會０的高層！！

今日有十場賽事，一如以往由第一場開始我就覺得自己係冇可能捱到去尾，但係一次又一次咁證明左呢個世界只要係捱就會有光明０既一刻。放工之後六點鐘就去左Ｗ倒轉０既地方食食物，食左個麥香雞，但係原來我鐘意食０個個唔係叫麥香雞，而係香辣雞腿包．．．仲飲左杯奶昔。之後肥膏華同大咪出左來，我地一齊行左陣ＲＯＹＡＬ，但係冇０野睇得上眼，之後大咪試左一件英格蘭，雖然係Ｓ碼，但著左上身之後仲大咪左．．．．．．．

然後落左ＴＡＳＴＥ到買食物燒烤，買左成＄５７４，然後坐ＣＡＥＳＡＲ車番ＨＡＬＬ執０的０野。買完０野成架手推車推埋落停車場，跟住仲將架車偷埋上車，偷手推車都係第一次。番ＨＡＬＬ拎左廿幾支啤酒同埋ＰＳ２，跟住去左ＣＡＥＳＡＲ屋企。原來佢屋企真係好撚大，我諗差唔多有二千呎，仲有隻大狗，不過隻狗好似唔識得移動，我地玩成晚佢都係伏係地下．．．．九點幾未燒得住，係房到玩大富翁，根本上我係唔記得點樣玩，不過最鐘意玩以前電腦０個隻大富翁～佢間房望住條紅隨，雖然唔係０的咩靚景，但係唔知點解覺得好壯闊。

十一點鐘係露台燒烤，燒烤呢個活動其實唔錯，不過我比較喜歡冬天進行，但係唔知點解永遠都係夏天燒０野食。燒到半路打ＷＩＮＮＩＮＧ，一勝三負０既劣績令我鬱鬱寡歡。一玩玩左幾個鐘，然後四點幾開始玩左一陣酒，跟住玩ＴＲＵＥ　ＯＲ　ＤＡＲＥ，由於ＤＡＲＥ實在太變態，大家都甘願伸出腳趾俾人啜，所以個個都係ＴＲＵＥ。呢個ＧＡＭＥ有個好處，就係可以加深了解，撕開對方０既面具，令人赤裸裸咁暴露於人前，咁當然可以講大話０既，不過後世子女男０既代代為奴，女既世世為昌，全家生睪丸癌，紅毛泥封ＸＸ，都真係幾毒，希望有人講大話啦，是但應驗一個都幾過癮～～嘿嘿嘿～～

>>September 18, 2005 at 9:10:09 AM GMT+8

2005 年 9 月 14 日 星期三 【酷熱】

琴晚係到睇歐聯，睇到成四點幾五點先訓教。入ｈａｌｌ以來第一晚冇開冷氣訓教，夜晚都還可以，但係一見到陽光之後真係好唔舒服，唉．．．其實個冷氣開左又唔涼，又貴，都唔知想點撚樣，仆街，邊有冷氣機要俾錢咁撚仆街嫁！！！！之後好辛苦咁訓到十二點幾一點先起身。

起身之後好熱，雖然用風扇吹住，但係都是很辛苦，下次番到屋企一定要怒開冷氣機先～然後同阿沛落左ｈａｌｌ　ｃａｎ食食物，今日食左今季０既第一次兩餸飯，近期人氣最盛０既餸莫過於階專肉餅。今日試食過都唔錯．．．．唉．．．．飲食好冇選擇呀而家．．．．食食０下大王同洋蔥等人都過左離，大王真係好好笑，不過今日先知道佢有個細佬，０的鬚仲長過佢，真係好想見０下佢真人～

之後番左ｈａｌｌ，原本今日星期四係要做ｇｙｍ，但係都係得個講字．．．唉．．．冇左上年０個種雄心壯志，唯有用房間０的器材好好頂住先啦．．．．之後因為太熱，唯一０既選擇只有出ｃｏｍｍｏｎ　ｒｏｏｍ．．．最好０既活動莫過於打電視遊戲機。ＰＳＰ出左ＷＩＮＮＩＮＧ，而家可以考慮一下買唔買ＰＳＰ，不過咁樣做好似好唔明智同埋好浪費．．．．．打到五點幾鐘就執０野出去踢友誼賽。今日我要約埋０的鬼佬係ＢＵ一齊出發，下午個鬼仔打電話俾我，我以流利０既英語同佢交談，最後成功咁約左佢地係ＨＡＬＬ樓下等，我實在太強。

然後搭巴士去馬鞍山踢波，今日都算係ＴＲＹ－ＯＵＴ０既一部份，但係陣容太多缺憾，加上人腳唔齊，潰不成軍．．．慘死３－０定４－０都唔記得，踢左半場０既一半，實在唔夠脾，不過冇辦法，因為太多人了。聽日就係最後一日，一定要以實力去證明俾阿ＳＩＲ睇！！！踢完波之後去左食大家樂，食左一哥焗豬扒飯。然後又搭巴士番ＢＵ，番到ＨＡＬＬ又有糖水會，叫左個芝麻糊混紅豆沙加湯丸，ＭＹ　ＦＡＶＯＵＲ～～

食完之後番左房捱熱。馮恆今日自己係房到砌電腦，我侯住左佢隻正版ＷＩＮＤＯＷ　　ＸＰ，部電腦實在太多問題，我諗係時候要大傷一下，ＦＯＲＭＡＴ左部機再裝過。跟住落左去ＰＲＩＮＴ　ＮＯＴＥＳ，馮穎華唔肯幫我ＰＲＩＮＴ埋，一定要我落埋去，於是我地同埋阿沛三個一齊去ＰＲＩＮＴ，但係佢接到ＡＮＧＥＬ電話後，人地叫佢ＰＲＩＮＴ埋佢就即刻幫人ＰＲＩＮＴ埋，擺到明大細超啦，不過算啦，人地係女仔，女仔永遠都係著數０的嫁喇～下次叫大咪咪一干人叫佢ＰＲＩＮＴ睇０下佢ＰＲＩＮＴ唔ＰＲＩＮＴ先！

然後番左上房，今日記得貼日曆，好叻仔，不過都係ＡＮＧＥＬ提我。好耐都冇去過拍拖了，再咁落去我會唔道得左點樣同異性去街，不過今個星期晚晚都有０野做，實在冇時間，下個星期我諗會好０的嫁喇．．．．．．夜晚係到睇鋼之煉，學校個死人ＩＮＴＥＲＮＥＴ真係慢得令人發嬲，又成日短線，點解ＢＵ咁廢嫁，連宿生想租個雪櫃用都話唔夠，你老味好心你買多幾部啦仆街，吳清輝條撚樣買少樣０野都係番到啦條數死仆街，０的冷氣費又貴過人，生活係窮學校真係唔好受，開頭仲傻０下傻０下以為間０野好正．．．．不過算～～我申請到雪櫃～～～～呵呵！～～

>>September 15, 2005 at 6:37:10 PM GMT+8

2005 年 9 月 13 日 星期二 【酷熱】

今朝一早八點半起身上中醫堂，如果十級係眼訓的話，我諗我有９級。沖完涼ｓｅｔ完頭就係樓下等埋女朋友一齊去上堂。原來佢上堂都會訓教，仲好鬼死多０野講，一０的都唔專心。連續上三個鐘頭堂，但係我諗有一個鐘頭係訓左教，原本想好似上次咁係第二個ｂｒｅａｋ逃走，誰不知佢竟然冇放到，要等到十二點十五分先走得．．．．

跟住就去左Ｒ７　ＰＲＩＮＴ０野，然後上滑０都０都堂。今堂又唔知講左０的咩，不過剩係知道下星期三要ＱＵＩＺ．．．大鑊喇．．．落堂之後就買左光雞脾飯食，我覺得真係好慘，係ＢＵ冇一０的稍為好味０既食物，就連以前０既滑蛋飯都不復再．．．．唉．．．好悲哀呀真係．．．．．買左番上ＨＡＬＬ食食物，食完之後就即刻去痾屎，一路痾屎一路睇諸葛亮～今日炸物堆左係間房到，三間房可以打通咁走來走去真係幾過癮，到冬天０既時候我諗一定會仲好ＦＥＥＬ，因為而家天氣實在太熱了～～

兩點半去左上田徑堂，雖然唔洗做０的好辛苦０既０野，但係都出晒汗。做左好多以前成日都做０既０野，感覺好特別，不過其實玩田徑真係好鬼悶．．．．好難找到成功感同埋興奮，都係踢波好玩０的。上完堂之後就番左房到沖涼換衫再番工。剛剛沖完涼又出晒汗，真係好鬼抆！！今日我將個日曆較前左一日，咁樣放工番離就唔洗再貼，ＹＥＡＨ～

今日提早左出門口，番到去之後食左個飯。我總是覺得馬會０的水同飯都係食完令人好唔舒服。０的水越飲越口喉，０的飯食完又好似冇食到咁。今日番工真係好撚辛苦，眼訓隨仆街，真係唔講粗口都唔撚得，頭兩場我真係鐘眼訓眼到呢，嘩．．．．幾時都話，肉體上０既折磨永遠都唔及精神上０既折磨，我幾次接左電話之後休克左幾秒先知道自己做緊咩。今日又見到小可愛，不過越睇佢越覺得佢唔到，塊面好似個豬油包咁！！

幾經辛苦先蹲到十一點走人，之後番宿舍。係７仔買左個飯番ＨＡＬＬ丁來食。原本諗住洗衫先，但係落到去爆撚晒棚，０的撚樣洗撚完又唔撚拎出離，霸撚住晒０的洗衣機，正一仆街黨！！！！！食完飯之後又落多去一次，之後上左ＣＡＥＳＡＲ到坐按摩倚，真係好舒服，坐左成半個鐘頭，之後大佬又入離，跟住阿洋、阿欣、阿婷、鄭競、阿均都入晒離，我覺得佢１ＲＯＯＭＡＴＥ真係好可憐，已經山長水遠咁離到ＢＵ，但係又遇著我地．．．．．

之後傾到兩點四十五分就睇波，今晚０的波正路過琴晚，但係而家好眼訓，都係訓教先～～

>>September 14, 2005 at 8:48:11 PM GMT+8

2005 年 9 月 11 日 星期日 【酷熱】

今朝十一點收到女朋友０既ＳＭＳ，佢話拎左好多好重０既０野番緊ＨＡＬＬ，於是我就打電話俾佢，但係講講０下就斷左線，之後訓多五分鐘從床上掙扎起身，然後牙都冇刷就出左去火車站諗住幫佢拎０野。一路行出去０既時候打俾佢又唔通，之後行到火車站勁熱，出晒汗。但係等唔到佢，最後ＳＥＮＤ　ＳＭＳ俾佢，佢先打番離話係ＨＡＬＬ，嬲都我呀，超級抆呀真係，之後唯有搭小巴番ＨＡＬ。

番到ＨＡＬＬ食左之前係屋企拎番離０既飯盒，然後就再訓教。諗訓前ＳＥＮＤ左個ＳＭＳ鬧佢，之後佢勁打來我都唔聽，但係個電話又鬼剎咁噪，決定較震機。然後聽左佢留言又好唔忍心，於是又打番俾佢逗番佢，冇辦法啦，佢可以出超必我唔可以，不過我都係一個好人，雖然開頭真係好火滾，好想變身暴力熊，但係其實都知道係一場誤會０者。

兩點半鐘上ＴＥＳＴ　＆　ＭＥＡＳＵＲＥＭＥＮＴ堂，又係唔知係到做嘜春，巨咪電左曲髮，俾我想像中好好多，可以佢紮起左０既關係。落堂之後去左觀塘倉到買０野，肥坦係到發脾氣話我地冇叫佢，但係其實我地都只不過剛剛先出發。唔知點解次次去親都係滿腔熱血，但係番離就垂頭喪氣．．．唉．．．．最後空手而回咁番學校。六點幾就食左個＄１０飯去踢波。

今日係第二日選拔，阿ＳＩＲ分左幾隊，咁多場賽事都冇入球，全部都係悶戰，不過今次個感覺好好多，踢完之後成功進入最後一ＲＯＵＮＤ，只要過埋星期五０既ＦＩＮＡＬ就可以了，加油呀，阿騰！！！！！踢完波之後就番左去ＨＡＬＬ　ＣＡＮ食左個面，然後番房沖涼。跟住攪個ＰＥＥＲＭ聯層ＷＩＮＮＩＮＧ聯賽冠軍杯。然後女朋友偷偷地上左離，０個時係十二點十五分，我仲未換日曆，又俾佢捉到正ＴＩＭ．．．之後護送佢落番三樓，然後傾左一陣又番上來～

>>September 12, 2005 at 5:36:22 PM GMT+8