2005 年 11 月 25 日 星期五 【晴】

昨晚終於渡過了第一次女朋友的生日會。預先將禮物交左俾餐廳０既朋友仔，然後扮冇禮物。我知道佢一定好想收禮物嫁喇。七點半去左沙田食食物，都係第一次來Ａ－１，唔係大時大節都唔會冇啦啦走入去食。一食就食左成兩個鐘頭，超耐，唔知係咪特式係咁嫁呢？之後有生日蛋糕同禮物，仲影左一張即影即有照，最衰肥韻放假，如果唔係可以更好。

食完飯之後就去左睇戲，一早買左九點半，時間較得０岩０岩好，仲係扭蛋機到執左＄５，真係好ＬＵＣＫＹ！！睇左成兩個鐘頭０既翩翩喜歡你，都幾好睇，睇完出離又見到佢喊到豬頭咁．．．．．．．真係好好笑．．．由於食得太飽，所以決定拎個蛋糕番ｈａｌｌ食。番到去沖完涼搽左支新買０既茶樹滋潤霜，細細支成＄１３９，我就快儲齊晒成套茶樹油系列了。原來一直以來都誤將０的ｌｏｔｉｏｎ搽落面到，攪到好油，原來搽面唔同搽ｂｏｄｙ的。

之後同女朋友一齊係到食蛋糕，然後玩左一陣就訓教。一路訓到十二點幾，就俾女朋友０既電話噪醒左，買左肉繙意粉上來俾我食，結果被迫起左身。一起身鼻水係咁流，唉．．．琴晚訓教唔記得關風扇又唔記得著衫，攪到著涼了．．．大傷風．．．．跟住一路食一路睇阿旺，佢又睇到想喊了．．．．．．．．．．．．．．．．．．．．．之後我就沖涼，原本以為星期日做ｈｅｌｐｅｒ，攪到同馬會請左假，但係原來下星期先真，唉．．．打番去馬會話想ｃａｎｃｅｌｌ番都唔得．．．．真係好唔開心，白白搵少日錢．．．．．之後換衫番上水，全身乏力，好似中左毒咁，又一路咁流鼻水，真係好辛苦．．．唉．．．個天真係好唔公平，我個人咁健康，但係就成日中招，真係食撚屎，唔撚講粗口屌尻佢都唔撚得０既！！！！！

係火車到俾我霸到個位，然後訓左一陣，番到屋企又好唔舒服。訓到八點鐘去左太和阿叔到食食物。佢信０個０的唔知咩宗教，聽都未聽過，知道我病左就同我做左０的唔知咩類似法事０既０野．．．．我又冇咩所謂０既，真係咁勁醫得好我我咪信囉。跟住阿嬸又同我刮痧，又係ｓｈｏｗ肌０既好時機．．．刮到背同頸都好似損晒咁，但係其實又唔痛的。

夜晚番屋企，係火車站等埋女朋友，之後行左去諗住飲感冒茶，但係成十二點鐘都關成舖啦。佢有好多生日禮物，全部都經我過目。今日佢又喊，因為睇左我同佢同學一早鬼鬼鼠鼠預備左０既恭祝生日快樂片段！

>>November 26, 2005 at 5:41:15 PM GMT+8

2005 年 11 月 22 日 星期二 【微冷】

昨晚係房到睇左半場曼聯，跟住睇睇０下訓著左。今朝早冇上中醫堂，我唔會再上堂嫁喇，橫點都係訓，點解唔係張床到訓呢？？我有好女友幫我點名，所以我十二點鐘先起身。跟住ｗｅａｒ　ｈａｔ去上ｔ＆ｍ聽ｐｒｅｓｅｎｔ。最後一組冇人出去ｐｒｅｓｅｎｔ，原來０個組就係我地，我地一直以為自己係第四組，原來我地係第六組先０岩。好彩滑０都０都好人０者，如果係ｄｏｃｔｏｒ西，肯定不堪設想了。

上完堂之後去左買食物，買左意大利粉食，之後番房一路食一路睇阿旺。兩點半去左考１００ｍ，之後跳左一陣高就番去沖涼洗頭。之後去裝水見到阿ｘｘ去左阿邊個邊個到ｘｘｘ。今日唔知點解番六點十五分咁遲，著左件新衫踩單車出去～

今日番工坐左個好位，又有好組長，天時地利人和齊晒，冇法冇天，今日有條友收唔到線，我足足聽左佢電視機０的聲聽左成場馬，真係好爽。放工之後同肥坦一齊行去火車站，佢又唔見左＄１００，成日都唔見錢，一定係有鬼，一係內鬼，一係真鬼。之後買左個波仔飯番去食。

番到九龍塘又飛車，雖然出去時好爽，但回程時就好仆街．．．．要踩番上０的斜路．．．
番到去之後食飯，然後開始做ｇｒｏｕｐ　ｒｅｐｏｒｔ，做左個幾鐘就ｆｉｎｉｓｈ，高效率！！琴晚曼駢成班含撚，輸左＄１００，今日再買左＄２００，但係斷左利物浦，全隊同我含！！！！！！！！！！！！！！！！！！！！！！好抆呀！！！！！！！！！

>>November 23, 2005 at 9:41:07 PM GMT+8

2005 年 11 月 21 日 星期一 【微冷】

１．）起身假洗頭
２．）ＲＰ問問題問到阿ＳＩＲ讚
３．）音樂堂好悶
４．）測量站內鬨
４．）去ＮＩＫＥ買左＄７００，七折
５．）夜晚係肥競房打邊爐（連續四三晚）
６．）俾女朋友做訪問，換背心ＳＨＯＷ肌
７．）打機
８．）糖水會
９．）學會拋三個豆袋
１０．）消夜又係休息室打邊爐
１１．）買波
１２．）在房睇波
１３．）阿沛好似唔開心．．．．．．．．＞．＜

>>November 22, 2005 at 7:37:33 PM GMT+8

2005 年 11 月 19 日 星期六 【乍雨乍晴】

琴晚睇左皇馬對巴塞，你老味真係好撚憎皇馬，唉．．．．我真係覺得巴塞會贏的，但係聽到個個都用０的冇理由０既數據去支持，結果就動搖左．．．．你老味真係好好好好好好好好撚屎，成隊都要去含！！痴撚線，條後防俾一個朗拿甸奴玩撚到殘，話過就過，真係痴撚線，主場俾人炒３球，我屌！！成班撚樣人工又出得多過人，又唔係踢得好，成日掛住去叫雞，攪到冇力踢波，老喇，施丹真係ｏｕｔ左喇，歲月不留人，施丹轉身唔會再係球場上出現嫁喇，朗拿度個仆街以４年前真係好撚勁，而家．．．．ｓｈｉｔ，成個肥仔咁！！！火呀！！！！雖然只係輸左＄２０，但真係好抆！！

今朝起身番工沖涼，天氣好凍，如我所料。係街市好醒目咁買左盒叉雞飯番去食。搭火車居然有好多位任坐，之後係火車電視到又播番場波，屌你老味！！！！皇馬跪底含！！！！！！！
番到去唔知點解冇得同魚翅坐，佢張紙有個ｆｉｘ字。之後係到食飯，有好多人成日企係人後面等位，真係好撚討厭，你老味行幾個圈就搵到位啦，企係我後面想我走呀！？！？我專登逐粒逐粒飯慢動作咁食，吹波呀！！！！之後又展開工作，今日真係好眼訓，不過坐番０的好位，又遇到０的ｋｉｎｄ子坐隔離。係咁ｃｕｔ０的ｃａｌｌ今日。唔知點解今日０的人好有禮拜，好多都係咁講唔該，攪到我都客氣左。番工真係好無聊，今日係到摺０下飛機，雖然番六個鐘，但個感覺好度日如年。

放工之後搭火車，你老味０的大陸哩真係想死，迫爆架車，痴撚線，成架手推車推入車，仲要全部都係貨，迫撚到我呢，去到粉嶺都仲係咁撚多人，我心想如果一陣到上水０的人阻住我出我就即刻出十字旋風拳打撚走晒０的人，但係好好彩好多人出。番到去之後第一時間去左買髮泥，ｈａｌｌ０個樽用後一點一滴都俾我用盡，今日都係搵第二０的頂住，攪到個頭好膠。買完之後又整番碗廿四味，其實我諗緊係咪飲錯０野，天氣咁凍應該唔會熱氣，不過綽號西毒歐陽鋒點都要飲番碗解一解毒，個人太毒喇因為。之後去左百老匯擾攘一輪又番去屋企。

今日屋企打邊爐，感覺好好。自己買０野打邊爐永遠都係好味０的，０的肥牛唔會係九龍城馳名０既像筋肥牛，又有新鮮生蠔食，正呀！！！！今日買左六盒裝蒙牛拎番ｈａｌｌ，拎撚到我呢，超重。仲有嘉樂氏香甜玉米片同可可米，ｙｅａｈ！！！！！！！！！！！！！！！！
番到九龍塘終於要搭小巴，好唔願意咁俾左＄３．３。我坐係阿旺平時坐開０個個位，不過我一向都係坐０個個位，係佢跟我風！！！

番到ｈａｌｌ之後就做中醫，做左三千字之後又受到打擊，頂．．．好悲。今日夜晚冇人離玩，同阿釗打左三盤，１勝２和，成績唔算ｏｋ，但總算叫做不敗。

今日ｘｘ係到係咁講阿ｘｘｘｘｘ，我就係咁叫佢ａｄｄ佢ｉｃｑ，之後佢真係ａｄｄ左，但係咁做又好似攪到佢地展開爭奪戰，今次我真係覺得個天係到玩０野，擺到明想考驗我個口，事實上兩邊都係咁重，呢個天平係平衡的．．．．．希望兩個都失敗啦．．．我諗呢個都會係最終結果。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

人生就像大便，往往努力了半天卻只迸出幾個屁 。

>>November 20, 2005 at 7:32:51 PM GMT+8

2005 年 11 月 18 日 星期五 【颳風】

琴晚自己係房到玩到四點鐘先訓，訓時靈機一動咁整左個小帳篷來訓，咁樣之後就算開住燈都可以訓到教，唔怕殘眼～今朝早唔知幾多點女朋友打來，我都唔記得左佢講咩，我剩係知道咩都話好實冇死。跟住佢上左來放低支記憶條叫我幫佢過相，仲偷吻左我一啖以為我唔知！！一路訓到十二點半又俾佢電話ｍｏｒｎｉｎｇ　ｃａｌｌ，我答應左同佢一齊番上水，焗住一早起身。攪掂晒所有０野之後佢又話要開會，等到成兩點鐘先可以食食物。今日肥華．．．．嘿嘿嘿嘿．．．．．．．

兩點鐘係桃源食食物，今次又好似好番少少，０的０野食似番少少樣，可能因為冇咩客仔，呢間西０野一忙起上離就亂來嫁喇！之後番房再拎番０的０野就番屋企。唔知點解三點幾下午０既星期六火車都咁撚多人，冇位坐０既感覺好差，原本我有機會霸到位的，但係兩個位就好難，仲要兩個位連住就簡直係「挾泰山以超北海，不能也，非不為也」。企到番上水忽然有陣寒意．．．真係凍０的喎。之後番左屋企，然後女朋友上左來一會兒，佢練習緊觸摸黑炭，我首先捉住佢隻手再掂落黑頭到，效果唔錯。忽然間覺得間屋有兩隻貓。

之後我出左去火車站拎中醫資料。然後去左上水廣場打個白鴿傳，見到六福入面有百人一朱，入左去敍一敍舊，然後打番圓隻戒指。之後拎左條白金練出來帶，標價＄６ｘｘｘ，但如果買就＄２ｘｘｘ，如果唔知道的話就咁走離買，人地打過九折就以為筍即刻買，買０野真係好奇妙。其實買親咩都係俾人搵緊笨，希望多０的朋友做ｓａｌｅｓ，咁就可以著數０的～

之後上左百老匯巡視，然後去左飲廿四味。之前係到怪鴻福堂０的蛋貴．．．但係我要同佢道歉．．．其實真是一分錢一分貨，佢０的蛋真係好味好多，又香又熱．．．．＄２隻０個０的真係好難食．．．又硬又冇香味，同普通滾蛋差唔多．．．．．飲完廿四味再買豆腐花番屋企食，之後就開始做中醫，我０既題目係類風濕關節炎．．．做做０下又度０下波，個戶口已經暴升到七字頭，目標係一千蚊。

做做０下覺得呢個題目有０的問題，太過專業喇，０的ｔｅｒｍ真係好醫學，我自己睇左都唔明，但照打０的ｎｏｔｅｓ落去啦唯有。七點左右就去左悅來好棧食食物，呢間新０野已經成為佢地０既新寵兒。食完之後又提早走番屋企。夜晚真係凍左好多，個天成日都玩０野，叫佢凍少少就係咁凍，一０的都唔識得調節，好彩我係北方人０者！！做做０下上網搵資料，發覺唔對路．．．．見到有「香港浸會大學中醫學院」出０既一份關於類風濕關節炎０既報告．．．．頂．．．．咁我點可以再做呀，實輸俾０的教授啦．．．ｆｕｃｋ，０的內容仲要同我差唔多，一陣以為我抄佢咪死．．．．唉．．．．唯有再搵過個啦，反正我都覺得太過嚴重喇呢個病．．．．

跟住夜晚做台庱，０的頒獎真係好無聊，你老味阿姐拎獎．．．做馬做到呢．．．．．之後阿旺拎左獎，我同女朋友打賭話一定係佢贏，果然真係，所以我有神秘禮物一份，嘿嘿嘿！！！
之後繼續做０野，諗住做月經失調，但發覺冇咩書借到，最後我就沉思有咩病係簡單０的又有興趣，最後俾我諗到－－－便秘，於是上網ｓｅａｒｃｈ左好多資料，再去ｓｅａｒｃｈ　０的書，星期一要即刻去借先～

夜晚條４串５斷一關，你老味，如果唔係贏＄８ｘｘ呀陰公！！！不過唔緊要，要幾十都係好事，好過冇。聽日天文台話得１６度，聽朝又要起身番工，而家身處北方，我今日都係著中袖衫，聽日可能會變雪條．．．．．．．．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

人生就像大便，有時拉得好舒暢，有時拉得很辛苦。

>>November 19, 2005 at 7:18:00 PM GMT+8

2005 年 11 月 17 日 星期四 【晴】

呢兩日冇打到日記，好似有好多事情都冇記低到，不過算啦，人生就是這樣子，過去冇把握到０既０野就唔好回頭望，既然係自己選擇左放棄唔打呢兩日０既日記，咁就無謂第三日又講番前兩日０既０野，人０既眼睛生係前面，係因為要向前看。琴晚同阿釗打機打到四點鐘，狀態又番番來，狀態時有時冇，但實力係不變的。雖然好夜先訓教，但係今朝好奇怪，唔知點解一早就安樂醒，仲要冇鬧鐘噪，起身之後又唔係好辛苦，唔知我係咪０個頭近，回光反照呢？？

起身之後就去左沖涼洗頭，我開始擔心再凍０的唔知點算，因為１４樓個花洒０的水力好差，０的水一係就凍到仆街，一係就熱到灼傷條０野，真係好難攪．．．今日ｓｅｔ好晒先出門口。琴晚兩點幾同震西、ｃａｅｓａｒ去踩單車，但係攪左一大輪之後都唔成功，仲整唔見左人地條車匙，真係好唔好意思，唔知我地三個琴晚係咪撞到０的污糟０野，條鎖匙真係不翼而飛．．．．．．．今日上左兩個鐘頭ｔ＆ｐ，落堂之後去左ｈａｌｌ　ｃａｎ食辣肉螺絲粉，食飽之後又番左房到睇阿旺，近排成日扮阿旺講０野，但係開始發覺原來阿旺同「朋友」把聲係好相近，有時扮扮０下都唔知自己扮緊邊個。

琴晚去左做ｇｙｍ，終於都完成一星期兩次０既目標，琴日爆腹同胸，今日對住塊鏡都覺得好實，不過個腹爆傷左，超痛。今日馮恆借部電腦俾個ｆｒｉｅｎｄ用然後自己走左，得阿沛一個係房，情況好尷尬，原本打算走過去ｓｈｏｗ肌，不過算啦，廢時嚇親人，風涼水冷係到赤裸。睇完阿旺之後同阿沛打機，持續有態，３戰兩勝一負，強呀！！！！！！打完之後就係房到個人報告，近來個心情好忐忑不安，總覺得有好多０野要做，但係就咩都無從入手，中醫０個個千字文已經搵左外援幫手，只要番上水就可以開始做。

之後老婆仔上左離打蠆，之後我就繼續做個人報告，之後佢冇啦啦訓著左，然後我就係到練習ｗｉｎｎｉｎｇ。玩到七點幾就出左去九龍城食食物。去左食咩大婆牛肉面，個門口棟左塊牌ｓｈｏｗ左之前ｔｖｂ個飲食節目０既相，原來呢間０野上左電視，咁緊係要試０下啦。食完之後去左食甜品，今日我冇食到老朋友，我食左蛋白燉鮮奶，好好味，＄１２又飽飽地，正！
之後行番去宿舍，天氣稍涼，感覺唔錯，如果再凍０的就應該會冇咁好。

番到ｈａｌｌ之後第一時間去廁所爆一爆石，然後就睇阿旺，而家講到阿旺阻住人拍拖，我都開始覺得佢好撚煩，阻撚住晒，有０的憎佢ｔｉｍ。跟住無無聊聊訓係到睇佛山贊師父，０個招「破碑手」個名真係幾型！！！！跟住賣廣告諗住合一合眼，唔知點解一醒就已經十二點幾，之後同震西打左三ｒｏｕｎｄ，全勝，不過屠宰唔到佢，而家震西都有進步了。

打完之後就沖涼，然後熄晒０的燈同電視，開住書台燈，播住柔和０既非法下載音樂，擰一擰個頭向左方就望到迷人０既夜景，真係好有氣氛咁打日記。今日老婆仔係到兇我，佢話唔知咩政府又唔知咩，總之就話有人會拉我如果再非法下載．．．．．攪到我有０的驚ｔｉｍ．．．不過我嚇大０既！！！！拜得關二哥唔驚得咁多嫁喇！！

人類真是一種莫名其妙的生物。當你愛上一個人的時候，身體不會產生任何變化，如果這是一種病毒倒是一件好事，因為當你感覺到單戀的滋味不好受時，便可以看醫生吃藥，然後痊癒。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
人生就像大便 ，就算點綴得再漂亮，其本質還是一樣。

>>November 18, 2005 at 7:11:00 PM GMT+8

2005 年 11 月 14 日 星期一 【晴】

琴晚同阿釗打機打到四點左右先訓教，休息左一日之後又回復不死本色。今朝九點鐘起身，跟住又冇洗頭沖涼就出去上ｒｐ，個天終於都轉涼，天文台冇再呃大家，今日真係好涼，長袖都著得了。九點半去左舊校上堂，今日我地要ｐｒｅｓｅｎｔ　亂倫，之前０個組題目都差唔多，用左套＜晚孃＞離謂家庭倫理，攪到我都好想睇呢套戲。之後到我地ｐｒｅｓｅｎｔ，咱們以畫劇形式，０的人唔知點解覺得好好笑咁，但其實係好爛的。完成ｐｒｅｓｅｎｔ後又完成一樣０野，跟住就去左食食物，食完之後就去左中醫大樓到借書做中醫功課，唉．．．不過唔係好成功．．．

跟住番左房間到ｋｉｎｄ左一陣就去上Ｔ＆Ｐ，肥坦冇啦啦話要ＳＨＡＲＥ　ＦＥＥＤＢＡＣＫ幾分鐘，好彩用中文講，係咁意諗左一陣間就出去講，仲要係第一組呢！之後就係到溫ＭＵＳＩＣ，今日要ＱＵＩＺ，其實都溫得七七八八，去到ＬＴ３坐左後面諗住可以出貓，誰不知０的人坐得仲後過我地，唔知阿ＳＩＲ會唔會察覺到呢？其實阿ＳＩＲ都真係幾好人，佢驚０的人冇離ＱＵＩＺ，故意第二堂先開始。ＱＵＩＺ０既時候真係有０的突然，居然要聽歌然後答問題，好彩同周圍商量，之後用腳板踩住份ＮＯＴＥＳ係到睇，總算都叫做完成，咁又了結左一件事情。今日財務部又打離問我咩景況，我真係覺得佢地好負責任，唔錯唔錯，如果每個人都好似佢地咁，呢個世界一定會更完美。

ＱＵＩＺ完之後就番房，獨個兒打完機就訓左一陣間，訓到六點半就沖涼洗頭扮靚去街，著左兩件新衫，０的衫買埋買埋都冇咩機會著咁，ＳＨＩＴ！！今日去左尖沙咀假行街，天氣比較涼，所以行得幾舒服，但係迷失左路搵唔到ＡＤＤＩＤＡＳ　ＳＨＯＰ。今日我終於變到魔術俾女友睇，然後送埋鍊俾佢。夜晚去左食元綠，有張會員ＣＡＲＤ有八折，都係坐迴轉位好０的，可以自己選。見到好大個阿嬌，佢好似大過女左好多。食飽之後去左打機，玩左媾女必玩０既拍拍機同篤篤機就番ＨＡＬＬ～～

番到ＨＡＬＬ之後見到耀揚係到打機，佢真係勁左，不過我都會炒佢！！然後就睇左一集阿旺，希望大家可以快０的跟番個進度，咁就可以一齊睇有氣氛０的。今日問症ＤＯＣＴＯＲ　ＬＡＵ關於ＩＮＴＥＲＮ０既０野，唉．．．．睇離做唔到輔警了．．．．．．．．．．．．

每個家族都唔會係天生就有財有勢，總要由一個人建立起來，慶幸身於一個平凡家庭，咁就可以成為奠基者，從來只有人讚李嘉誠叻，冇人會話李澤階醒的。

>>November 15, 2005 at 7:57:26 PM GMT+8

2005 年 11 月 13 日 星期日 【晴】

琴晚十點幾十一點就死左上床訓教，一路訓到十二點幾起身，然後一點左右再訓。一直訓到今朝十一點鐘，儲番不少能量，應該可以繼續同周公抗衡。嘗試在健力士世界記錄大全中搵出最長唔訓教０既人類，但係冇，剩係搵到０的最長命、最長昏迷時間等等。起身之後就刷牙見面，感染左少少傷寒，之後落左一樓開左個小小會議，然後上左肥ｍａｙ房到演習一次ｒｐ　ｐｒｅｓｅｎｔ。跟住就番落房叮飯食。

自從冇左天線之後有少少唔習慣，呢０的時間應該有０的電視聲咁先有０的家庭ｆｅｅｌ。食完之後沖左個涼然後就出去上堂。天氣開始涼涼地，期待明天的來臨。今日上左一堂多少少就落堂，實在太高興，之後去Ｒ仔殘廁痾尿，發覺全部超大卷廁紙都係放晒係入面，於是就成卷放落袋走人。我諗呢卷都夠用一個月時間，遲０的要拎多卷放係廁所，成鬼日痾完屎都冇得抆！！攪到要．．．．．．．．．．．出去拎～

跟住行左個ＧＡＲＢＡＧＥ　ＳＡＬＥＳ，好多ＧＡＲＢＡＧＥ賣，真係好失望。然後去左聯福食食物，等左好耐先有西多士，不過熱辣辣又幾好味，衰鬼～食完之後番左房間，有好強烈０既睡意，但係堅持係到假溫ＭＵＳＩＣ，一點都唔有效率，然後七點左右女朋友上左來拎相機，之後去左佢房間玩，聽日就可以去街，加上轉涼，一定別有一番風味。

八點左右就去左同阿釗做ＧＹＭ，每星期最少最少都要兩次，今日大隻佬先生教左我新推胸方法，每次一拍埋去就好似一條冬瓜同一條芝士腸０既分別．．．．．做到九點鐘就去左ＫＩＮＧ’Ｓ食食物，我發覺坐入面０的台好０的，因為可以一次過偷六塊杯墊。原來之前ＳＥＮＤ０個個唔係真輔警，都唔知係嘜撚０野ＰＯＬＩＣＥ　ＭＥＮＴＯＲ，今次呢個先係真，但係有好大０既阻滯，聽日要去問０下ＤＯＣＴＯＲ　ＬＡＵ先得。

然後番到房溫左一陣ＭＵＳＩＣ，其實係好小０野，只要集中少少唔洗一個鐘就溫晒，早知下午就來一個午睡啦。之後係到睇阿旺，耀揚又學人睇，拎部死人ＮＡＮＯ落離偷。之後佢地打左一陣機，噪撚到拆天，其實我諗緊其他宿生會唔會係我地背後落降頭．．．．．．．之後睇阿旺，好好睇，雖然係咁，問親個個話如果第時佢個仔係咁會點就耍手寧頭，其實我地只不過當０的弱智人士來做笑柄，如果真弱智人士知道一定會好唔開心。

夜晚一點幾落左去ＰＲＩＮＴ０野，然後番上來。近日來身邊的人紛紛咁找到新目標，可能係天氣轉變有關，天氣凍好自然就想拍拖，特別係聖誕節０既來臨。洋溢住一片戀愛的氣氛，有０的人一見鍾情，有０的人明目張膽，有０的人似是而非，希望邱比特可以射中佢地啦，但係最多最多都只可以射中兩個．．．．就算月老出離幫拖都只可以是兩個．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

他們彼此深信，是瞬間迸發的熱情讓他們相遇，這樣的確定是美麗的，但變幻無常更為美麗，他們素未謀面，所以他們確定彼此並無任何瓜葛。但是自街道，樓梯，大堂，傳來的話語‧‧‧他們也許擦肩而過，一百萬次了吧，我想問他們是否記得在旋轉門面對面那一剎。或是在人群中喃喃道出的「不好意思」，或是在電話的另一端道出的「打錯了」。但是，我早知道答案。是的，他們並不記得。他們會很訝異，原來緣份早已戲弄他們多年。時機尚未成熟，變成他們的命運，緣份將他們推近，驅離。阻擋他們的去路，忍住笑聲，然後閃到一旁。

　　　　　　　　　　　　　　　　　　　　　　　　　　　　－－－－　六樓後座

>>November 14, 2005 at 6:35:12 PM GMT+8

2005 年 11 月 12 日 星期六 【晴】

琴晚睇埋捷克對挪威先訓教，成四點半先訓，跟住今朝六點半就起身。呢一刻我發現，原來呢個世界真係有可能有錢冇命使，我感覺到自己身體就好似隨時會停止運作。起身之後我係馬桶到合埋眼刷牙刷左成三個字，我真係想就咁坐係到訓著。之後好難先搵到一條短褲同一件ｔ－ｓｈｉｒｔ，再拎埋阿ｍａｙ頂邪流丸帽就出發，我真係覺得呢個造型好七好七。

去到太和等埋ｅｓｔｈｅｒ一齊過去。去到大埔運動場之後就分配工作，今日負責疉球同標槍，係到幫０的人ｍａｒｋ距離。今日原本要番馬會，但係我唔番離左呢到做０野，錢又多０的又冇咁悶，我０既選擇係正確的。今日天氣好彩唔算太晒，如果唔係就仆街了。度左成個上午，之後十二點半就食食物，食完之後就係到攤屍一個鐘，跟住又工作。

下午負責標槍，危險性增加左好多，所以帶左頂安全帽，加埋見工作人員背心，真係好似地盤工人。工作到四點左右完成全日工作，之後出糧有＄３８７，跟住就去左大家樂食食物。食完之後用手上戒指表演俾０的觀眾睇，見到佢地咁渴望知道方法的樣子真是很開心。然後就番屋企訓教。

番到屋企第一時間沖涼，然後訓教。我發覺我到左極限，之前所有唔夠訓好似一次過爆晒出離，訓左兩個鐘頭之後勉強起身食飯。原本打算唔番ｈａｌｌ，但係冇左阿寶又訓得唔好，所以我決定頂住提早番ｈａｌｌ，等左一班火車先有位，真係好撚辛苦．．．．．．．．．．．
原來人類是不能不睡眠的。

>>November 13, 2005 at 2:37:44 PM GMT+8

2005 年 11 月 12 日 星期六 【晴】

琴晚一點幾我只不過係咁意ｓｅｎｄ左個ｅ－ｍａｉｌ去ｂｕ財務署到話「多次致電沒人接聽，望盡快回覆」，雖然我誇張左少少，事實上我只係打過一次去，但係就攪到佢地大為緊張。晨咁早唔知幾多點就打離俾我，問我有咩問題，於是我就問佢關於免入息０既事，佢話呢方面唔係佢處理，話交俾其他同事遲０的再打俾我，收線前又問我打邊個電話冇人聽。之後我又繼續訓，訓到唔知八點鐘又打離，講左一陣原來佢負責ｓｔｕｆｆ．．．．之後又話叫第二個ｈａｎｄｌｅ，收線前又問我打邊個電話冇人聽．．．．跟住訓到十點幾又俾人噪醒，今次呢條友真係答左我問題，但係收線前都係問我打邊個電話冇人聽．．．．雖然好煩，但係我對佢地０既態度表示加許。

如是者我就好似一條巨龍一路沉睡到三點幾先甦醒。一起身個感覺好差，成個人好呆滯，仲慘過唔夠訓，真係好累．．．之後沖左個涼就出去同肥坦去百老匯買電話。去到上水賡場見到佢全家，嚇到標屎。入到去見番０的朋友仔感覺好親切，今日係星期六比較多人，所以都係自己試，最後都買左部ＶＳ６，Ｒ左隻大貓公仔，同埋平左少少。原本想要多一隻，但係由於我曝左光俾經理見到，所以冇得送，但阿欣都幫我內部訂左一隻，＄４９。

買完之後同朋友去左呢個又一城睇一球成名，好彩ＡＭＣ仲未落畫，如果唔係真係走寶。幾時都覺得西片係最抵睇的，又長又好睇，兩個鐘頭片長，真係好好睇，差０的睇到我喊，期待來年０既第二集。仲有即將來臨０既哈利波波都好想睇。睇完之後番左上水食食物，去左十字路口食羊腩煲，飲左兩支啤酒，之後突然間好唔舒服，個頭好多星星，跟住就嘔左出離．．．然後四肢乏力．．．．我都唔知係咪中左毒，０個頭食完０野０個頭就嘔晒出離，真係浪費。

跟住去左買支寶礦力同能量朱古力食，然後就番屋企。番到去家姐冇番，實在太好，唔洗俾人佔領電腦。之後係咁睇波，原本買左＄２０支持我老友尼維特復出，不過最後再加多＄７０，撐你呀！！！聽日要做ＨＥＬＰＥＲ，０７４５去到大埔，我諗聽日都一定會累死．．．．．

天文台話下周天氣轉涼，跌至１９度，真係一個好消息～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

兩個秘密，兩個相同的秘密。

>>November 12, 2005 at 7:35:31 PM GMT+8