2006 年 1 月 5 日 星期四 【乍雨乍晴】

琴晚訓左一個好教，今朝一早七點鐘就起身，跟住八點鐘去左食早餐。但係０的早餐得粥，一碟燒賣同腸粉，實在太少。跟住買左一個三文治準備一陣上路食。然後九點半拎齊晒所有０野就出發上山。我同阿心交換左個背囊，因為佢拎左０的罐頭，加上佢個腰扣係爛的。沿路一路行一路厄遊戲，仲有影０下相。今日天氣凍左好多好多，但係都唔知幾多度。

開頭行左一陣間馬路，之後正式上山，開頭都幾易行，但係越來越斜，之後行行０下又出汗要剝衫。不過其實都唔算太難行。跟住一路行到上雷打石，０個度超級大風，吹到勁凍。沿路食左０的朱古力、香蕉、包當午餐。上到雷打石之後又要落山，俗語話「上山容易落山難」的確冇錯，落山條路好斜，我真係擔心有人會跌落山收皮。由於真係太斜，所以機動力好慢，條路又窄，要一個跟一個咁慢慢行。之後我同阿鈞、阿洋、ｗｉｎｎｉｅ一直線咁坐左係０的石到傾暗瘡。試過搽０野、試過洗面、戒口、飲涼茶，但係成效不大．．．．基本上咩都試過．．．但唯獨是就係未試過早訓．．．．呢一點真係最難做到，就算我肯，我身邊０既人都唔肯．．．．．．

之後終於落到平地，跟住再行多一個鐘左右就到達障上。其實沿路０既風景都好靚，０的山山水水真係好靚。去到障上就紮營，跟住開始煮飯食。天氣進一步下降，對水掂親水都赤赤痛。晚飯整得好豐富，有沙爹粉絲金姑肥牛煲、煎豬扒、銀雪魚、咖哩雞柳、火腿炒蛋、雜菜煲、粟米炒百合等等，仲有個熱紅紅０既臘腸飯，真係好好味。食飽之後就執０野，然後攪左一陣間就入營訓教。起初飲左少少紅酒，跟住個人勁熱，熱到剝左件衫就咁著住件爛鬼ｓｏｃ　ｔｅｅ訓教。地面溫度係８度，我諗我地營外只得３至４度左右。開頭訓得好好。跟住一小時後突然有０的唔舒服，驚醒左坐係到，失憶左半分鐘左右，諗唔起自己係邊到，加上周圍黑媽媽，跟住好用力咁諗先諗番起，然後再訓，但係個身開始發冷，下身係咁係到震，震得好厲害，跟住著左件圍衣，但係都仲震緊。一個營０既兩邊真係好凍，雖然我地六個人，但係都好凍，０的風係咁吹。好彩肥坦未訓，拎左支白花油同曖包來，之後再同ｃｅａｚａｒ換位，訓左係中間，開始復元，寒氣入侵．．．０個一刻先知道自己原來都有可能會死亡。之後訓訓０下，ｃｅａｓａｒ話好凍，對腳挾住我訓，就係咁樣渡過一個寒夜，但係訓得好差，訓０下醒０下，個枕頭又漏氣，雖然個身凍，但係個心都好ｗａｒｍ。

>>January 7, 2006 at 4:07:51 PM GMT+8

2006 年 1 月 4 日 星期三 【颳風】

今朝一早六點幾就起左身，不過冇沖涼洗頭，執好晒０的背囊準時七點鐘係樓下等劉國恆。第一次咁重裝咁出街，雖然個背囊好多０野，但其實唔算太重，因為條腰個扣可以卸左好多力落去條腰。五個人上左車之後就出發去西貢巴士總站。沿途傾番一下大家０既近況，第時搬ｈａｌｌ有幫手了。

一個鐘頭唔洗就到左，跟住去ｍ記買早餐食，然後就集合。今日天氣並未如期咁寒冷。係巴士站等左一陣間就上車，去番ｏ’ｃａｍｐ去０個個西貢嘜撚訓練營。之後放低晒０野換衫就立刻進行ｏｕｔｄｏｏｒ第一個挑戰，就係獨木舟。換左條冰褲、底衫加一件風縷就出去。雖然第一次划，但係感覺幾好，開頭划得幾舒服，又唔凍，諗住一路都會係咁。之後划左一段又停０下，影０下相。但係跟住越划越凍，又俾ｃｅａｓａｒ潑濕晒，超凍，個個都凍到震晒。之後唔知過左幾耐終於到達第一個目的地，就係一個魚排，上到去０的風吹到個人都彊晒，係咁係到震，一壺又一壺０既熱水拎出來好似寶咁！之後就食食物，炒左幾碟０野食，０個係飢寒交迫，真係屎都覺得好味！！食完之後發覺有隻超級大狗係到，真係好大隻，不過好溫馴，又識得ｓｉｔ同俾手。

食飽之後又再次出發，一路划呀划，划到去唔知０的小島嶼去左痾尿，０的腳踩晒落水，我ｆｅｅｌ到如果一跌落水肯定會奶０野。跟住一路划呀划呀，划到一個地方超級大風，划得更加辛苦。我地上午九點幾划到下午四點幾，其實累又唔算太累，不過係凍左少少０者．．．．．之後仲要反艇洗艇，真係手都軟埋。攪掂晒就分配房間，有５間２人房同埋２間２人房，我地四個組長每人搵個ｐａｒｔｎｅｒ訓兩人房，之後全部訓１２人房。兩人房真係幾正，又靚～不過都係住一晚０者～

沖完一個熱水涼，成個人散晒，好想訓教。跟住六點鐘落左去飯堂開飯，食完飯之後番到房玩左一陣。玩左０的遊戲，都幾開心，跟住九點幾就訓教．．．．一訓訓到第二朝，真係唔記得對上一次咁早訓教０既幾時，不過真係訓得好好～

>>January 7, 2006 at 3:25:28 PM GMT+8

2006 年 1 月 1 日 星期日 【晴】

琴晚番左大陸ｒｅｌａｘ，一路腳板按摩一路睇ｘ吒，真係幾爽，不過已經厭倦左呢０的頒獎典禮。之後三點幾番到屋企訓教，訓到今日點幾鐘先醒，跟住起身睇埋最後０既魔戒，兩日睇晒三集真係好顛，不過咁樣幾好，唔會唔知講到邊，亞拉岡真係好撚型。０的場景同規模都好大，呢０的先可以叫做戲，就算貴０的都值得入戲院睇。

四點鐘左右先落街食食物，食完之後去左睇玩具，睇中左個變形金剛，＄１６９可以變形同合體，真係幾好玩，不過最後都係買左槍玩，我買左把＄１８的，翔就買左支＄１６ｘ入電０既。之後見到０的槍都唔係好貴，萌生起整槍架０既意念！跟住係樓下射左一陣，開頭係到射貓，不過俾我阻止左，小動物真係好可愛，我地應該保護佢地，睇新聞見到有貓貓俾人虐待，真係好想以同樣方法對付番０的施暴者，「己所不欲，勿施於人」，雖然老土，但係卻是至理明言，孔子好撚０野！！！！

之後玩到七點鐘番屋企，食左０野海鮮宴，有薑蔥蠔、泥猛、蟹，全部都係我至愛！！！食飽之後賭波，不過輸晒，輸左＄８０，但冇咩感覺。跟住執埋０野番ｈａｌｌ。去左又一城反斗一下，睇左陣玩具，又買左兩個ｍａｇｉｃ。希望可以永遠都玩玩具，咁樣第時買玩具俾個仔就會好樂意，因為自己都可以玩埋一份！！！番到ｈａｌｌ之後係咁玩射槍，原來＄１８都好痛。用紙畫靶係咁射，真係好好玩，等我買埋支紅外線苗準槍先！！

跟住十二點幾去左食甜湯，ａｎｇｅｌ最後一晚住ｈａｌｌ，唔知點解又好似唔係好捨得，攪到好似永別咁。叫０野食叫三杯紅豆冰但係由於加雪糕同涼粉的關係係，擾攘左成五分鐘先叫到。之後行番來，偷左阿競個ｃａｒｄ套佢都唔知，走先發覺，跟住差唔多到ｈａｌｌ放左係地下扮佢跌左。

番到ｈａｌｌ之後落左去ａｎｄｒｅｗ到拎ｏｕｔｄｏｏｒ０的０野，有０的咁０既師兄真係好，又主動又熱心，我都要做個好師兄。之後ｔ＆ｐ出左成績，我同阿沛都得個ｂ仔，肥華有ｂ＋，完全唔妥，佢ｌｏｎｇ　ｑｕｅｓｔｉｏｎ冇睇ｉｎｔｒｏ答左兩題都可以有ｂ＋，冇天理呀！不過算啦。．．．．「以有涯隨無涯，殆矣」．．．．ｓｅｃｏｎｄ　ｌｏｗｅｒ。

>>January 2, 2006 at 8:31:41 PM GMT+8

2005 年 12 月 30 日 星期五 【晴】

琴晚係百佳買左面粉同即沖芝麻糊一心諗住整湯圓食．．．．．但係．．．．唉．．．．０的皮一係就簿到穿晒，一係就太厚，最後整左六粒，我食左一啖最靚０個粒，然後將全部放晒落垃圾桶．．．．原來唔係想像中咁容易，好多０野都唔係想像中咁容易．．．我諗難食０既程度同阿旺開頭整０個０的有得ｆｉｇｈｔ，仲教到成個廚房都係粉，黏到死．．．．．．．．

今朝十一點幾起左身，跟住落左樓下到排隊睇醫生。佢話叫我一點十五分前番番去，結果我就係上水行左一陣，去左上水廣場間ｍｉｒａｂｅｌｌｅ試０下我對新寵兒，試完唔買，但係呢條友串串地，之後我條氣好唔順，打去１０８３到諗住問佢ｏｆｆｉｃｅ幾多號諗住投訴佢老味！！但可惜查唔到。之後係彩園村好無聊咁行來行去，係屈臣氏買左＄６．９的玩具。

之後等到成一點半先有得睇。我講完俾醫生聽，之後佢話我冇事，可能之前病講攪到０的淋巴腺漲左，遲０的應該冇事，話唔洗食藥。跟住叫我出去等一陣。我出左去之後即刻走人，因為我驚要俾錢，食霸王餐就聽過，睇醫生唔俾錢我都算係第一次，跟住好驚，女朋友話就算冇藥都要俾診金．．．．跟住個個都咁講，但係算啦，斷估佢都唔會報警拉我掛～

跟住同阿ｂｉ去左美食中心間唔知咩到食食物，我見到一個餐真係好好好抵，雖然我明知一定唔方會係好０野，仲可能好難食，但係好奇心驅使底下我終於都去左，結果．．．．如我所料，難食到震，０的叉燒飯好難食，０的米好似未熟咁．．．跟住個蓮蓉包又凍凍地．．．唉．．灰晒．．．

跟住番屋企睇魔戒，我一口氣借晒三部曲番離睇，呢０的咁好０既戲我真係好後悔冇入到場睇．．．．．同埋我發覺係屋企睇係冇咁好睇，特別係電視機。之後入左房用電腦睇好睇好多。睇八點左右就沖涼換衫出去食食物，先去左鴻福堂食龜靈膏，原來熱係難食好多的。食完之後就去左食飯，表演左個新魔術出來。之後就番屋企，諗入門口拎ｋｅｙ出離一刻見到電話震緊，原來係女朋友，如果我入左屋，我就唔會再出番來，但係個天偏偏注定我要再出去，真係差少少，如果佢早左一秒收線我都見唔到佢。之後係樓下倒數完之後就番屋企。

番到屋企再睇魔戒，終於睇到最後一部曲，真係幾好睇～聽日終於要番工，好耐都冇番過工了～

>>January 7, 2006 at 4:07:29 PM GMT+8

2005 年 12 月 28 日 星期三 【暴雨】

今日係最後一天係台灣，原本打算九點半集合一齊去書城，但係由於係自願性質，結果我八點四十五分起身時決定唔去，諗住去番魔術店到買０野，結果．．．．．．．．．．．我地一訓就訓到十二點半先起身．．．．．執埋０野飯都冇得食咁就要係樓下集合．．．真係浪費晒０的時間，你老味訓訓訓，成撚日訓，去到台灣都訓，咁不如唔好去啦！！ｓｈｉｔ！

一點半集合完之後就上車走人，最後係旅遊巴到每個人都發表對今次交流團０既感想，大致上講０既０野都係一樣，都係覺得開頭真係好差，俾「棟人」係咁棟，不過臨時０既改變都令到交流團有個美好的結局，算係錯誤中學習。其實問題所有只在於溝通不足，我地同台灣大學溝通唔夠，好似籃球比賽咁，我地都冇諗過係要上堂先，令人感覺好似好冇預備咁，加上好流程都ｒｕｎ得唔ｓｍｏｏｔｈ，加上同原先出發前講０既唔同。雖然唔應該比較，但係如果同上年比較的話，真係略遜一籌。ａｎｙｗａｙ，希望下年０既交流團會給收今次０既經驗做得更好，據知情人士報到，ｐｅｒｍ０既交流團係一年好一年差的，希望可以打破呢個定律，年年都咁好。

去到機場之後好快就入閘登機，快過出境時好多陪。來台灣幾日都未見過有傳說中０既鴨舌買，真係有點兒失望。上到機之後終於有０野食。回程呢班機更左少少，有電視睇，我睇左套「千杯不醉」，香港片真係垃圾到唔可能入場睇，我都唔明白０的撚樣有咩資格話我地ｂｔ下載，如果套套港產片都好似哈利波特咁我都入場睇啦，講起就火滾，套嘜撚０野「情顛大聖」，你老味真係睇完故事大綱都屌晒老母，你仲想叫我入場睇，我連ｂｔ都懶得下載呀你老味，仲話用左一億制作．．．．唉．．．０的人係咪戇尻嫁．．．．．唔好抆唔好抆．．．

落機之後發現行李輸送帶原來好厲害，佢可以自動感應０的行李跌落離０既時候有冇０野係到，即時話如果前面有件行李係到，佢就識得停左條帶，等０的行李走左再送出離，避免０的行李撞爛，香港真係香港。拎住行李之後就搭Ａ４３回程，見到「ＣＯＡＣＨ旅遊巴」又諗起耀揚，唔知佢地佢北京好唔好玩啦，早知我都跟埋去啦，千幾蚊去九日，咩都包晒，又可以凍餐死！～～！

番到屋企之後就食飯，跟住安排０下０的行李，然後就食晚飯。夜晚一點幾就訓教，聽日要去睇醫生先得，我諗我身體有０的毛病。

>>December 30, 2005 at 4:46:44 PM GMT+8

2005 年 12 月 27 日 星期二 【暴雨】

今朝八點四十五分起身，因為九點半先集合。今日都係冇洗頭，個頭完全唔掂。之後又去番ｈａｌｌ　ｃａｎ食早飯，然後就搭車去故宮參觀。今日好明顯著錯衫，雖然入面著左件短袖ｎｉｋｅ，但出面著左件聖衣，台灣天氣同香港差唔多，女朋友仲俾左０的暖包我，但我一包都冇用過，真係誇張。

去到故宮參觀左好多古董，不過呢個故宮同北京０個個真係差好遠，但係當我睇不同朝代０既文物０既時候，我腦海覺得好混亂，台灣歷史又係唐宋元明清，中國又係，兩邊都好想證明自己先至係正宗，但係其實大家都係正宗，好地地兩兄弟打咩交呢？？之後係到買左個清朝玉白菜０既風鈴。

之後係出面影相，０的人勁派「九評共產黨」，係咁講共產黨０既不是，又有法輪功。之後走０既時候，阿ｒｏｙ俾一大班台灣妹圍住影相，唔知佢地係咪真係以為佢係小豬，當幾個影完之後，後面成班女好似發顛咁擁埋去影相，真係型到爆！！之後再搭個幾鐘頭車去左漁人碼頭，我一直唔明白點解每個地方都有漁人碼頭，點解每個地方都要用「漁人」離作旅遊景點，到底有咩含意，澳門又有，台灣又有，加拿大又有，仲有好多國家都有！！今日天氣唔係咁好，細雨綿綿，好辛苦。跟住見到好多白鴿，當自己去左巴黎，然後同阿沛一齊撲白鴒。後買左一罐魚乾做手信。

之後搭左一陣車去淡水買手信。首先坐底左係一間舖頭食０野，我地坐左係一０的日本式要屈埋隻腳坐０既位置。之後０的食物來到，都真係幾好味，好有台灣ｆｅｅｌ。之後就見到我鐘意食０既鐵蛋，買左買包阿婆鐵蛋，兩包大兩包細，正！！！之後係間舖頭到買左兩件低能玩具，一樣係要來嚇黑炭的。跟住再買多個陶笛，呢到０個０的靚好多，琴日俾蔣介石坤左，頂佢個肺！！！！然後玩左０的地攤射氣槍遊戲，我十槍中左九槍，其實我再玩多次一定可以全中。

跟住再搭車諗住去陽明山，搭左好耐好耐，上到山之後發覺天氣勁差，又勁大霧，咩都望唔到，所以決定唔去再番番去浸溫泉。最後坐左兩個幾三個鐘去到個溫泉。沿路有好大陣屎味，同小矮人０個０的同出一轍！！！入到溫泉廿幾個男人玉帛相見，先浸４７度０既熱水，然後再浸１９度０既凍水，係咁反覆咁浸真係超爽，雖然係大陸都成日浸，不過呢個係溫泉，感覺唔同０的同埋有ｆｅｅｌ０的，如果自己再來的話一定要浸耐０的。

浸完之後全身散晒，跟住就去左市林夜市行街，見到好多波鞋都幾平，不過對籃球鞋冇咩興趣，加上剛剛先買左對潮爆ａｄｄｉｄａｓ，好多人都話靚，ｙｅａｈ！！跟住買左個鋼線扭字俾女朋友，用鋼線扭左個騰「心」盈，肥華同阿釗都有買。之後去左個食物集中地食食物。食完之後天氣好差，係咁落住細雨，攪到冇咩ｍｏｏｄ行街，唯有走入去射籃球，射到隻手超累，我都幾厲害，最高分有２８３分！！！

跟住就番番宿舍訓教，我０既大頸泡好似好嚴重，成日頂住個喉嚨，真係要睇睇醫生先得了，今日改善左好多，過得幾開心，浸溫泉真係唔錯，好彩最後都有得浸，開頭又未ｃｏｎｆｉｒｍ，ａｎｙｗａｙ，今日都算幾好。

>>December 30, 2005 at 4:27:43 PM GMT+8

2005 年 12 月 26 日 星期一 【陰】

今日又係八點幾起身，日日我都係最早起身，跟住到肥華，最遲係阿釗。呢幾日我地都用０個隻士多啤梨味形膏，刷都個口都好甜，刷完好似冇刷到咁．．．．毛巾、洗頭水全部都要自己買，因為呢到咩都冇。起身之後食左同琴日一模一樣０既早飯，不過多左０的包食。食完之後就去左踢波。著左阿沛對鞋去踢，大左成個碼，踢左一陣隻腳已經好痛，又起水晒泡。呢到個足球場同以前心誠塊蕃薯田一樣咁爛。

踢完波之後就冇沖涼咁去食午飯，食物都係同琴日差不多，不過今台多左個台灣妹一齊食，但係佢唔靚。係台灣幾日，普遍人都認同台灣女仔係ＯＫ０既，白白淨淨，所謂一白遮三醜真係冇錯０既。食完飯之後有四十五分鐘沖涼，終於可以洗個頭，然後細心咁ＳＥＴ番個型頭出去。之後去左遊泳館，人地個遊泳館好大，好多條線。跟住我地玩水球比賽，但係我冇玩，一來冇泳褲，二來唔想游水。不過見到佢地玩都覺得幾開心。

玩完之後人沖完涼就出發去中正紀念堂，去睇０下０的０野，感覺真係好奇怪，台灣同中國其實都係住中國人，點解要攪到水火不容，中華五千年，每次都係自己人打自己人，我真係唔明白，如果中國、香港、台灣三個地方根本都係同根生，根本就係一個地方，點解寧願要俾錢外國人去買武器，都唔可以團結起來？如果中港台三地聯合起來，中國０既勢力一定會倍增，到時仲洗咩咁辛苦去學英文？！？係中正紀念堂買左０的手信，買左個陶笛同埋兩碌雙截棍，每碌都係港紙＄３Ｘ！！！

之後我地又番番去「酒店」後面０個到掃街，食左燒墨魚丸，雖然香港都有，但係今次覺得呢０的好味好多，食完之後都唔會覺得好飽好滯。之後見到個賣金桔檸檬０既女仔，真係好靚女，個個都係到喪昅，痴線嫁！！！食左少少０野打抵之後就去左個咩湯圓會。我地全部分成三個人一組，之後分別坐落０的台灣人到，然後睇表演。有好多０野食，呢０的應該係佢地一年一度０既晚會，有好多表演，唔知係我多心定還是有寓意，我仲係覺第一個表演講兩條龍係到互鬥係講緊兩岸局勢。跟住之後有一幕真係好好好好難忙，就係佢地扮周星馳拍左賭聖入面－既一段情節，真係好好好正，跟到足晒，好好笑！！！！然後又玩左０的遊戲，一路到九點半就完。

然後去左參觀佢地個體操館，真係ＰＲＯ！！有勁多０野，有吊環、彈床、平衡木等等，呢０的先叫做體操堂麻．．．我地０個０的就．．．．．．ＳＨＩＴ．．．．．．．．．．．．．玩左好耐，玩到成十一點先走，跟住又番「酒店」休息。今日個感覺好左好多，行程上改善左好多，避孕丸都有事前同事後，既然事前冇做好，事後補救都唔遲，都避到孕的～

>>December 29, 2005 at 5:25:59 PM GMT+8

2005 年 12 月 25 日 星期日 【晴】

今朝早八點鐘起身，不過冇得沖涼，剩係洗面。０的暗瘡熟左，不過反而更加大粒，仲有燶。冇洗到頭咁ｓｅｔ頭真係差好遠，根本就塑造唔到一個理想０既髮形。九點鐘就係樓下ｌｏｂｂｙ集合，跟住去左人地０既ｈａｌｌ　ｃａｎ食食物，食左白粥同埋好多由豆腐造成０既食物，之後飲豆奶，用膠袋裝豆奶飲都係第一次，幾特別。

食完早飯之後就去左上堂，同０的台灣朋友一齊上堂，不過今堂係佢地０既ｐｒｅｓｅｎｔ，我睇左頭兩個ｐｏｗｅｒｐｏｉｎｔ就訓著左，因為０個０的係ｐｏｗｅｒ　ｅｓｓａｙ，全部都係字．．．訓到天昏地暗，個頭ｆｉｎｇ到好似啪左丸咁．．．聽完ｐｒｅｓｅｎｔ之後又去番ｈａｌｌ　ｃａｎ食食物，都唔記得左食左０的咩，雖然唔係咁０岩胃口，但係都可以體驗一下人地食０既０野，感受一下人地０既生活．．．．．

食完飯之後就搭ＭＴＲ去咩１０１大樓同咩華納影城．．．其實．．．係冇０野睇０既．．．仲要搭左一個鐘頭車，來回兩個鐘頭去睇四十分鐘０既０野．．．．真係有點兒不妥．．．．之後又搭ＭＴＲ回程，係地鐵到玩遊戲，輸左做掌上壓。番到去之後換衫有場籃球友誼賽，不過我冇打到。開頭又話係友誼賽，但係去到冇啦啦又上左一個鐘頭堂先開始。我地有譚偉洋在鎮應該冇輸０既理由，再加埋曹潔盈０既屈機，最後都贏波。打完波之後０的人換衫沖涼，跟住係ＬＯＢＢＹ再集合。

係ＬＯＢＢＹ等到成幾個字「棟人」最後先作出一個好好笑０既結論，但最後都冇人聽佢講，照原定計劃去番饒河街。去到０個到自己食０野，嘗試一下台灣０既地道美食。離到台灣又點可以唔飲珍珠奶茶，雖然０的味同香港差唔多，但係台灣真係有好多特色小色，０的臭豆腐同香港０個０的唔同，但我都鐘意香港０個０的。之後食左０的咩藥燉排骨，都唔係幾好味。然後食左咩炸牛奶、牛肉面等等，原來香港有好多好多台灣０野食。

食完之後買左０的０野，之後就番去間「酒店」。沖完涼之後去左０的ＹＥＡＲ　１課到傾左一陣計，佢地都頗有怨言，事實上的確係有點不是味兒，特別係「棟人」０既表現令到全部人都唔妥佢。之後出左去抽獎，大家都唔想抽中佢份０野，但係做到出晒面又唔係咁好０既，雖然佢廢，但係都係有心幫我地０既。抽完之後都好早訓，冇同其他人玩，因為我需要休息，條偏桃線定甲狀線好脹，我諗番到香港我要睇醫生，好可能係遺傳病。

>>December 29, 2005 at 4:19:58 PM GMT+8

2005 年 12 月 24 日 星期六 【晴】

琴晚平安夜同女朋友去左尖沙咀睇哈利波特。七點鐘我已經出左去攞飛等食位食飯，之後去左新港打機。等到八點幾先有位。食完飯之後行左一陣就去睇戲，老尖真係好多人，都唔明白０的人擁出去托咩，至憎咁多人０既地方，迫餐死！雖然已經早左兩日去買飛，但係都要坐第二行，但發覺０的戲院第一行同個ｍｏｎ都唔係好相近，都可以接受。係戲院入面交換左禮物，我豪擲千金送左對鑽石耳環，呢份禮物要當三年０既聖誕禮物。睇完戲之後就番屋企，女朋友將另外一隻俾我戴，攪到原本０個隻黯然失色，然後用相機開閃光燈影落去，一睇就知邊隻係勁０野！！！

番到屋企沖完涼都成三點幾四點，之後訓左個幾鐘就起身換衫出門去去機場。出發前父親放左封老毛係我銀包。係巴士站等埋肥華上車，見到阿樂。去到機場之後剛剛八點半，真係幾眼訓。ｃｈｅｃｋ　ｉｎ完之後去左ｍ記買早飯食，然後就等上機。經過一輪程序終於到達台灣，見到好多清天白日滿地紅旗，感覺好奇怪，因為真係好似番左大陸。之後上左旅遊巴，搭左個幾鐘頭車就去到我地交流０既地方，國立台北師範大學。去到ｃｈｅｃｋ　ｉｎ住處，跟住上房，一開門真是兩腔熱淚，居住環境唔係咁理想，冇電視、雪櫃．．．．個廁所又唔靚．．．．．可能係上年去過上海，少不免會有所比較，真係有０的唔開心。台灣一０的聖誕氣氛都冇，因為呢度唔興聖誕節，連假都冇得放。見到周圍環境同澳門都好相似，但係唔知點解台灣０的女仔真係正０的，行街成日都見到好多ｏｋ０既女仔～

安頓好之後就落去集合食食物，當地導遊「棟人」帶左我地去一間餐廳．．．三十幾人去一間小餐廳，得一個ｗａｉｔｅｒ同一個廚子．．．．之後等左好耐好耐好耐先有食物食．．．．「棟人」又同阿沛阿信去左幫我地全部人唱錢．．．．結果我地全部係到等左成兩個幾鐘頭先走得．．．最後仲要冇錢唱，因為今日係假期唔開．．．唉．．．．．頓時惹來一陣鼓譟。之後去左西門丁行街．．．．買左杯好長０既雪糕，又買左個魔術牌，計番都係港幣＄３ｘ～台幣＄４先等於港幣＄１～來到台灣一定要食０野，係街到見到好多小食，不過冇買，因為未係時候，呢到０的人好興玩一隻射籃球機，０的人射到超快，真係好好笑！！！！然後係街頭影左０的相～

八點幾鐘要去打邊爐，其實真係唔係咁想去，因為右邊臉爆左幾粒毒瘡好大粒好唔開心．．．唉．．．．真係唔想再生暗瘡，又唔係要求又白又滑．．．唉．．．．而家開始耍戒食牛，因為原來牛係有好多毒素，係屋企不嬲都唔煮牛食，但係番親ｈａｌｌ都成日去ｋｉｎｇ’ｓ食牛扒，我諗呢個就係番親ｈａｌｌ皮膚都好差０既原因。打完邊爐之後就番番去０個間「酒店」．．．．唉．．．．．．．好掛住屋企張床．．．．不過算啦，明天會更好．．．．．

>>December 29, 2005 at 2:25:14 PM GMT+8

2005 年 12 月 21 日 星期三 【乍雨乍晴】

這幾天真是發生左好多事情，冇打日記有好多事都好似ｍｉｓｓ左咁，不過算啦，既然過去左，就冇謂強求，有０的０野過去左就係過去左，就算點樣著墨去描述，都只不過是一個回億而已。做人係應該向前望，所以人的眼睛生在前見面。考試終於完結了，成績都係其次，最緊要係盡左力。琴日雖然考完試，但係要交ｐｏｒｔｆｏｌｉｏ，加上又要番工，最後做到成五點幾先完成，真係好辛苦。

今朝仲要十點半去到偉衝到開ｏｕｔｄｏｏｒ　ｂｒｉｅｆｉｎｇ，拎左０的營同埋煮食用具，我諗到時一定會係一個難忘的經歷，讀ｐｅ真係幾好玩，咁樣去戶外玩幾日就係兩個ｃｒｅｄｉｔ。之後十二點幾番ｈａｌｌ，食完飯之後就睇左一陣殺破浪，雖然睇左十幾分鐘，但我已經ｆｅｅｌ到好好睇。前日睇左鋼煉０既電影版，原來遲０的香港戲院有得做，劇場版０既內容有少少分別，中心思想好似唔再ｆｏｃｕｓ係等價交換，但我就ｆｅｅｌ到有好強烈０既反種族歧視同反戰思想，劇場版係延續電視版，希望交代一個更完美０既結局，都算ｏｋ０既，但我覺得佢越講越離題，唔知係我睇唔明定還是根本係亂來。

之後午睡左一陣，真係好耐都冇試過午睡，訓到五點鐘左右房間聚集左一批人馬。之後起身沖涼出街。聖誕節又到，雖然而家考完試，但係個感覺好似好唔知點咁，覺得好煩好多０野安排唔到，真你好想長眠一下。跟住出左去旺角會合女朋友，今日決定左一齊去ｓｈｏｐｐｉｎｇ，去左ｆｃｋ到買０野，買左兩件衫加一件縷，不過件縷要聽日再去拎。然後再去尖咀買飛平安夜睇咕利波特，但係只買到最前一行．．．．．．．．．．．．．

跟住去左ａｄｄｉｄａｓ搵阿ｌａｖｅｎ，買左對跑鞋，折左之後＄４８３，都幾抵，我覺得好型又夠輕～～然後又去元綠食食物，食食０下我個仆你個街ｓｍｓ提示聲響起，勁多人望過來，我覺得好尷尬，我冇ｅｘｐｅｃｔ會係咁樣樣。食完飯之後去左影貼紙相，完全失敗，因為唔識用．．．．攪到冇背景．．．ｓｈｉｔ．．．跟住搭火車番九龍塘，個肚超攪，有一百隻大笨象係到奔馳，一路忍到番ｈａｌｌ先解放，真係好辛苦，仲要係痾屎水。

之後夜晚係房到開啤酒會議，飲左一大支酒，講是講非，交換情報。

>>December 22, 2005 at 7:23:07 PM GMT+8