2006 年 2 月 10 日 星期五 【晴】

琴晚番左大陸桑拿按摩，真係好ｒｅｌａｘ，呢排身體實在太過疲累了。焗桑拿焗到唔願走人。最後十一點左右番香港，因為要趕火車番宿舍。自從司徒立中入左去ＫＣＲ做之後，我就不斷研制有咩方法可以搭霸王車，開頭我想叫佢幫我無限增值八達通，但係又唔得，因為有數睇。於是今日終於俾我諗到超必，再加埋內部運作０既資料提供，我由羅湖坐到去九龍塘都只係＄５．５！！！！！！！！慳左成＄２０幾蚊！！！！呢招就係江湖俗稱０既「ＡＢ咭」！！勁呀！！！！！

原本我將呢個偉大０既發現話俾女朋友知，但係佢唔領情，係到扮正義，我以後有咩新發現都唔會教佢，哼！番到宿舍之後就好疲累，但係又要ＰＲＥＰＡＲＥ迪士尼，於是就上網搵資料，攪到成三點鐘先訓得。額頭０既傷勢未到七日已經有明顯０既改善，真係好開心，＄６２０都係值得的。

今朝八點鐘起身，之後沖涼洗頭，然後著左阿沛套西裝去ＩＮＴＥＲＶＩＥＷ，好彩有預備到０的０野，如果唔係肯定雞手鴨腳，希望有得ＳＥＣＯＮＤ　ＩＮ！ＩＮ完之後去左食早餐，之後又番工。我又再次使用超必，由九龍塘去銅鑼灣只需＄２．４！！！！！！呢０的灰色地帶足以反映八達通０既不完善，真係一個超大０既漏洞！！！由於今日嚴重唔夠訓，所以就好冇心機咁企係到開工，又唔撚理０的人，由得佢地自己睇，企係到聽左成日收音機同埋歌。

四點鐘去左食食物，食完之後諗住行街，去左ＳＯＧＯ諗住睇ＧＵＣＣＩ同埋ＴＩＦＦＡＮＹ，但係．．．．０的人多到呢，真係痴撚線嫁，我見到有人係到排隊，我仲以為有咩排，原來係入去ＧＵＣＣＩ到睇０野都要排隊，０的保安逐少逐少咁放人入去，我真係睬佢都撚傻，痴撚線，香港人係咪咁撚有錢呀，洗唔洗咁大牌睇０下０野都要等！！！！真係好黑人憎，加上今日空氣好差，攪到冇咩心機。

之後又繼續工作，今日生意好差，係我０既生意好差，因為我唔落力，攪到全日只係賣左一隻機．．．．．．．．．．．．．不過算啦，今晚早０的訓聽日努力０的。幾經辛苦先至放工，之後再去ＳＯＧＯ．．．．．．你老母臭西．．．．真係臭西，仲係咁多人，仲係要排隊，真係痴撚線呀！！！！！！！！！！！！！！！！！！！！！！！！！！！！！！！！！！！！
跟住去左米蘭站、巴黎站、法國站睇袋，＄５９００．．．．．．．．．．．．．．．．．．好貴．．．．．但係有０的衝動想買．．．．．．．唯有賣屎忽．．．．

之後又用超必番番去九龍塘，兩次轉車我都霸到位坐，前面有個師奶好撚ＣＨＥＡＰ咁係到扮老，想人讓座俾佢，我睬佢都生飛滋，即刻合埋眼扮訓教！！！番到宿舍之後買番食，夜晚有糖水送。一路食飯一路睇鋼煉，真係好好睇！！！今晚都係早點兒訓了。

>>February 11, 2006 at 4:05:58 PM GMT+8

2006 年 2 月 7 日 星期二 【颳風】

琴日放學後終於去左砲台山睇醫生。醫生話俾左３支藥水、一小樽藥膏、七包即沖苦茶、一包藥丸。佢話中藥會比較慢，我幾驚佢話要一年半載，不過好彩佢話有信心一星期內就會好轉，又話咩油肢線塞左，算喇，一星期真係好轉就可以喇。由於０個堆藥水要順次序搽，今朝提早八點鐘起身。攪掂晒之後就去上堂。

琴晚打完波之後勁累，又要為個ｐｒｅｓｅｎｔ煩惱，早知道就唔猜啦，唉．．．．．今日上ｒｅｓｅａｒｃｈ　ｍｅｔｈｏｄ，雖然搵番個ｆｉｌｅ，但係我又再次帶錯左，真係好抆，加上唔夠訓對眼好乾。落堂之後去左食早飯，之後就上ｄｏｃｔｏｒ西堂。今次０既ｐｒｅｓｅｎｔ係感覺最差０既一次，不過算，大家都有責任，可能大家同番原本０既組合效果都會好好。

跟住番左房打機，今日保持不敗，氣走阿沛。然後又上普通話堂，今日都好累，上上０下堂訓著左。之後落堂去左上左足球，兩隻腳板底都起晒水泡，都唔知點解會咁，次次打完籃球都會咁，攪到好痛。落堂之後就去左食ｔｅａ，跟住洗衫，好耐冇洗過衫了。洗完之後番上水剪頭髮，係九龍塘站等左三班先上到車，你老母臭西真係好撚火滾！！！！！０的人多到呢，迫撚到呀，之後發惡屌尻０的撚樣唔撚行入０的，痴撚線，０的仆街合家產全部係大圍站落，阻撚住晒你老父母，真係想打尻０的人！！

剪完頭髮去左食面，之後番ｈａｌｌ，係火車到訓到超熟，突然間抽蓄左一下，好淤呀！！勁多人望住！！之後差０的就坐過龍！！番到ｈａｌｌ之後又食藥飲苦茶，真係好好好好好好好好好好好苦．．．．．唉．．．．．．．．．．．不過算啦，仲有６日．．．．

>>February 8, 2006 at 4:38:27 PM GMT+8

2006 年 2 月 5 日 星期日 【晴】

今日係星期一，又要上八點半０既中史堂。起身之後就沖涼洗頭，今日係我、釗和馮恆都要上八半，不過最乖都係我。之後落左ｈａｌｌ　ｃａｎ買即制三文治，唔錯唔錯。上堂時講呢個歷代女主。唉．．．上上０下堂電話又發作，有一個不明來歷０既電話狂轟炸我，雖然有來電，但係我每次聽親都係得０的怪聲，佢係咁打左成十幾廿次來，我打番去又係聽到０的怪聲．．．我諗電話中左病毒喇，之前又係呢個號碼，我關左電話之後佢都繼續打來，仲留左成２０個留言，全部係０的怪聲．．．．

落堂之後去左銀行入＄１０００利是錢，加上出埋馬會０的糧，戶口又開始漲起來了。之後番左宿舍打機，打打０下又俾人攻佔。琴晚我冇意中係個神秘位到搵番個鋼煉ｆｉｌｅ，一定係唔知邊個係到整左入去，失而復得真係好好。跟住十二點半上堂。落堂之後去左食食物，食左個滿漢三寶飯，唉．．．額頭０既暗瘡令我好煩惱，而家將希望全部寄望晒聽日０既神醫身上了．．．．．

四點半上網球，都真係幾難打，我發覺我反手係勁過正手。之後番左宿舍，見到肥豬同西孤男寡女咁係張床到唔知做咩。之後來左隻戒指玩左個完全唔知係咩０既玩意。之後再沖涼，今日豬豬．．．．豬豬．．．．俾人．．．．．．．夜晚去左春茗，都算食得飽０既，不過抽唔中利是就有０的失色，雷博士同ｄｏｃｔｏｒ周拎左０的利是出來抽，有好多＄１００同＄５０呀！！！如果抽中今餐就免費嫁喇！！！！

食完飯之後番ｈａｌｌ，原本諗住今日做ｇｙｍ，不過冇時間，聽日一定要做喇真係，如果唔係就宿水了。期待明天的來臨。

>>February 6, 2006 at 5:04:31 PM GMT+8

2006 年 2 月 3 日 星期五 【晴】

今日十點鐘起身，跟住沖涼洗頭，然後就換衫出去番工。琴日番完第一日０既駕駛學院，我覺得感覺唔係幾好，因為每個月要番６０個鐘，雖然ｔｉｍｅ－ｔａｂｌｅ都可以ａｆｆｏｒｄ到，但係我覺得唔應該咁發錢寒，而家又唔係好等錢用，加上星期六日又有工番，反正第時都會大把錢，所以我今日好型咁打去辭職，番左一日就辭職，真係有０的唔好意思。之後個心洪洪地，打埋番去馬會辭職，我一口氣連炒兩份工，條氣真係順晒。

番到百老匯又再次搭起我個小台，今日唔記得叉電，攪到部打火機冇電，幸好有超必叉三分鐘聽三個鐘，原來真係可以的。今日著左對有ａｉｒ０既鞋番去企，如果唔係腳跟肯定會好痛。番呢份０野真係幾好，間舖爆場我又唔會辛苦，又可以係咁聽歌，不過最慘都係要企．．．但只要企慣左就冇０野，今日都冇之前咁累了。年初一落左去樓下到開工，識埋下面０的人，感覺唔錯唔錯。

之後三點半去左食飯，我已經認得０的路，其實銅鑼灣都唔係好０大者。食完飯之後去左舅父到拎利是，一拎完就走，佢俾埋家姐０個封我，有０的衝動想據為己有！！跟住行左一陣街，我計劃好下次要買０既勁０野係咩了。跟住番左去恒隆中心痾屎。今年０既利是得＄９ｘｘ，一千都唔過，真係令人心酸。假姑姐俾得最多，俾左兩封，每封＄１００，同阿ｍａｙ一樣。
原本加拿大姨媽係最多．．．．但係佢今年冇俾．．．．．因為佢下個月番離，我諗佢到時先俾喇．．．屋企又會熱鬧好多了．．．．

之後一路企一路單耳聽收音機，原來周未雷霆８８１都會有節目專講波，跟住一路聽一路向外吠，扮晒ｓａｌｅ機，之後見到ｊｏｈｎｎｙ仔，佢而家係西灣河到教書，好似撈得唔錯咁。之後九點鐘放工，今日有６隻機，連全百老匯０既１９分店都只係賣得６部，我諗呢部０野都係興唔起嫁喇，不過如果有佣金分都唔錯～之後就搭ｍｔｒ番ｈａｌｌ，踩單車去牛津道間惠康，佢老味十點鐘未夠就關門，佢都真係痴撚線．．．．跟住勁肚餓，一心諗住番去食面，誰不知ｈａｌｌｃａｎ仲開緊，入到去冇晒客人，得０的人等收工，見到西臉姐姐拎左部手提ｄｖｄ機出離睇戲，我又見到佢笑，今次仲好燦爛，我真係好想同佢講叫佢平時笑多０的，雖然唔係好靚，但係真係靚左。跟住買左兩餱飯，諗收工迫佢俾多幾條菜我。

番到一路食飯一路睇少林足球，宿舍好寧靜，好有讀書氣氛。昨晚看報紙，見到個小晴妹妹失去父母、弟弟，一路睇落去，我差點流淚，天何太忍？到底點解會有０的咁慘絕人寰０既事情發生．．．唉．．．．．人命真係好兒戲，開快車司機竟然唔死得，其他人就死０既死傷０既傷，呢個到底係咩世界，根本做壞事同做好事都冇分別，如果我幫人拎一包雪芳蛋糕咁上下０大既粉過一過關，我諗我到畢業都唔洗再企係百老匯門口叫買。點解會咁樣？唔想做０的工可以好型咁話唔做就唔做，係我唔做，唔係你唔俾我做．．．．但係想做０個０的又唔俾我做，冇得做警察了．．．不過算啦，唔開心０既事情唔撚提，反正仲有將來，比起死左０既人好得多．．．．只要不死，什麼都可以再來．．．．．．．除了肉體不死，精神都要不死，信心、決心都要不死，那樣才是真不死神童。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

瑪斯坦上校：「從那時起我發誓，即使是命令，也不應遵從有違天理的事。因此我不斷向上爬，要站上不必遵從那種無理命令的位置．．．．．」

　　　　　　　　　　　　　　　　　　　　　　　　　　　　　　　　－－鋼之煉金術師

>>February 4, 2006 at 5:07:20 PM GMT+8

2006 年 2 月 1 日 星期三 【晴】

屈原、李白、杜甫、陳子昂、蘇軾、曹丕．．．．．．等等．．．．．．．．．．

　　　　　　　　　　　　　　　　
　　　　　　　　　　　　　　　　｜
　　　　　　　　　　　　　　　　｜
　　　　　　　　　　　　　　　　｜
　　　　　　　　　　　　　　　　｜
　　　　　　　　　　　　　　　　｜
　　　　　　　　　　　　　　　　｜
　　　　　　　　　　　　　　　　﹀


　　　　　　　　　　　　　　懷才不遇

>>February 2, 2006 at 5:51:27 PM GMT+8

2006 年 2 月 1 日 星期三 【晴】

當生命變得軟弱無力時，可會無助？
當周邊生命逐漸消失時，可會絕望？

>>February 2, 2006 at 5:42:44 AM GMT+8

2006 年 1 月 30 日 星期一 【晴】

年初三．．．．天氣同節日不成正比．．．唉．．．唔凍０既聖誕都算喇，唔凍０既新年真係有０的令人失望，氣氛都少０的．．．香港就離冇冬天了．．．．唔知點解塊面生左兩粒勁暗瘡，其實之前呢兩個位已經癮癮咁隆起左少少，但係又無色無痛，一直維持左成兩個禮拜，今日今終於狼狼咁爆出來，一發不可失拾，不過我鐘意呢類型，因為來得勁，但去得快。但係我都決定左２月６日去搵一搵ｗｉｎｎｉｅ口中０既神醫。琴晚我再次站起來整湯圓，今次有正確０既糯米粉，再加埋正宗０既芝麻蓉，結果．．．．．．．．．．．．．．．．．好味！！成功了！！！！

今朝十一點幾起身，之後踢拖上左女朋友屋企煮面食，然後做左個護膚，坐到三點幾番屋企，呢排成日花左好多時間對住塊鏡，其實如果遮住０個兩粒大０野，同埋額頭，都冇咩０野０者。跟住番到屋企訓左一陣教，之後孖歡幫我聯絡左駕駛學院，聽日又要去ｉｎｔｅｒｖｉｅｗ，諗諗０下唔係咁想做，攪到好似好忙咁，不過都係ｉｎ左先算爆一個月錢然後唔撈。阿ｍａｙ見我成日唔番工，佢叫我唔好做，打番去辭職，免得俾人炒，佢咁樣做實在是正中下懷。之後起身打左陣機，我打造了一支前無古人０既強隊．．．但係戰績竟然不及之前好．．．到底點解會咁？！可能係我唔夠集中０者！！！

跟住就沖涼出去阿麻到食飯，唉．．．今年０的利是錢得好少好少，唔知點解會咁，我驚ｔｏｔａｌ連一千蚊都唔過咋．．．．．．．去到馬鞍山之後收左五封利是，竟然會有人俾＄１０，真係好失望囉，頂．．．．．心灰意冷了．．．．．今日又見到陳詠欣，佢識得行來行去，但係又唔敢跟人，但係又想撩人玩。九點幾我番左ｈａｌｌ拎０的ｃｅｒｔ，拎左家姐張全月通，搭馬鐵再係大圍番九龍塘。之後等２５ｍ，我真係．．．．新精頭唔想爆粗，我排隊數到我剛剛第１６個，誰不知個死０靚妹居然唔係坐阿媽大脾，人仔細細好咩人坐位，結果我眼白白望住華ｄ走左．．．．就係因為個死０靚妹，害我由第１６變左做１７．．．．

之後番到宿舍，我入番晒０的歌落部肥皂到，然後去左痾屎，一路痾屎一路開左到門射槍。其實我一路都唔係咁鐘意部肥皂，一路又重，二來聲音唔夠大聲。但係竟然唔洗錢又最新，點都要用０下，於是我就ｅｘｃｈａｎｇｅ左部打火機，袋左舊肥皂出去。其實ｓｏｎｙ呢個做法係好明智，要熟悉一部機０既優劣同功能唔係單單背熟０的宣傳單張就可以，而係要真係用一排先發覺到。

係火車上，我再次用我對鷹眼看準三個估計會係大圍站落車０既人，結果．．．．如果買波有咁準就好喇！！！連續三次都係大圍站成功搶灘！！！！番到屋企就打左陣機然後沖涼．．．之後熄晒燈聽歌．．．原來熄晒燈之後部肥皂係好靚的，獨特０既螢幕設計令我對佢０既分數提升了。

夜晚玩ｉｃｑ，崩牙狗冇啦啦同我講新年快樂．．．．之後問候一下．．．原來佢下個月入學堂受訓了．．．又多一個警察朋友．．．．唉．．．幾時先可以輪到我．．．？．．．聽佢分析之後，原來有個學位真係好好多，我開始鐘意番呢個大學生銜頭。

>>January 31, 2006 at 5:46:14 PM GMT+8

2006 年 1 月 27 日 星期五 【暴雨】

今日十點鐘就起身，唔知點解每次星期六日係宿舍出發番工都要攪好耐好耐先出到門口，已經預左成個鐘整理都可以攪到０的時間好緊迫，平時上堂都係用四十五分鐘就完成，真是百思不得其解。今日換完衫出發上班，個天落住綿綿細雨，又係我最討厭０既天氣，出門口一開部ＭＰ３機個ＭＯＮ就話沒有歌曲，你老味之前借左俾肥坦用佢同我洗晒０的歌，ＳＨＩＴ！部機入面冇歌咁同冇機有咩分別？！就等於買電話唔可以試打出打入一樣道理，即時著火，想即刻入番又冇時間，頂！！！！

雖然落住雨，但係都照踩單車，真係好討厭呢種天氣。早幾日ＤＯＷＮＬＯＡＤ左幾隻新ＧＡＭＥ落電話，而家０的ＧＡＭＥ真係好厲害，０的畫面靚到好似遊戲機咁，沉迷了。之後去到老銅，０的人多到呢，真係痴撚線，火都離埋，如果有拎把槍出離真係想逐個屎眼射爆！！！
番到去之後又搭番個台仔出離賣，今日開始有廣告ＭＯＤＥＬ著住０的ＴＥＥ送，之前兩日唔記得左ＭＡＲＫ低賣左幾多部，今日開始就統計番。店長今日走過來稱讚我話上人個星期賣得唔錯，心裡沾沾自喜。

今日企得冇咁辛苦，痴上我用個ＤＪ耳筒掛係頸然後開到最大聲咁聽歌，今日多左人離買，不過最後我都會交俾百老匯０的人處理，我係唔會接觸到金錢到客人部機，咁樣實在太爽。今日開始每人買一部過離填張ＦＯＲＭ就可以加送型人ＴＥＥ一件，有兩個女士寧願唔要ＴＥＥ都要兩條ＳＮＯＯＰＹ電話繩，結果我好心送埋件ＴＥＥ俾佢，但係佢竟然話唔要，所以我決定幫佢填然後將件衫收歸己用，嘿嘿！！～！～！～

企到三點十五分就死左去食食物，原來呢到過條馬路後面條街就係之前上急救食０野０個度，我又發現原來香港係好細少，開始認得老銅一部份０既路，等我背熟成個銅鑼灣０的路先！！食左飯之後去左痾屎，痾完之後去左銀行＄５００出來代阿根俾阿勝，不過有得ＲＥＦＵＮＤ，如果唔係我睬佢都有味！！之後又繼續企企企，今日個ＦＥＥＬ多左好多人買呢部肥皂。放工前Ａ－ＳＥＲＩＥＳ系列總共賣左８部，但係得３個人離左拎ＴＥＥ，換句話說即是有５件可以收歸己用，不過都係唔好咁貪心，拎一件算了。

聽日樓上百老匯關門，我要落樓下，仲要企入ＣＯＵＮＴＥＲ，換句話說即是好似番百老匯一樣，不過只是剩係賣ＳＯＮＹ，實在太好了～放工時有人問我係咪係上水過，識唔識阿揚，我０既身份終於暴光了。之後九點鐘番屋企，你老味臭西勁撚多人，痴撚線，Ｅ出口剩係俾出唔俾入，要去Ｆ出口。之後係ＳＯＧＯ條馬路見到阿ＣＨＲＩＳ扮警察係到維持緊秩序，睇離佢當緊更，我都唔敢叫佢，不過唔知點解佢著住件衫好長好似條裙咁。

之後搭ＭＴＲ去ＴＳＴ再搭ＫＣＲ番上水，隔離件豬扒係到訓教，訓到釣晒魚咁，勁驚佢乘機侵犯我。之後番到上水，多左個新出口，真係好潮又好靚，可以容納大量雞虫番大陸。今日原本都番去慶祝，但係好可惜要番工聽日．．．．番到屋企就食飯，阿ＭＡＹ係阿麻屋企拎左飯俾我食，有好多佳餚，首先有鮑魚雞湯，０個種甜味用糖係冇可能整到出來！！！！！！！食完飯之後好飽，跟住睇報紙沖涼。話說琴日女友食完叉燒之後就被病菌技術性擊倒，今日睇醫生就話係感冒菌入胃、血壓低、抵抗力弱，睇離下次做ＧＹＭ要叫埋佢，一齊推爆０下肌增強體質。

今日睇報紙見到有條仆街因為隻狗噪住佢睇電視而俾佢踢死左，隻狗仲要係佢個好友，呢個仆街除左係仆街真係唔知用咩形容詞離形容，報紙仲影埋隻西施塊面勁多血．．．．真係好殘忍，除左禽獸唔會有第二種生物做得出呢０的行為，真係好想打尻佢！！！搭火車時睇電視又睇到有人關注中國內地食狗肉０既問題，見到影住一車又一車０既狗準備被烹殺時，心入面不敢有點不是味兒，下意識覺得佢地好有問題．．．．．之後有個外國０既唔知嘜春組織話人類已經有很多食糧，唔應該將狗放入食物鍊之中．．．．唉．．．雖然我都好唔想０的人食狗，但係我知道我地唔可能亦都冇道理去阻止．．．因為早在幾千年前，孟子已經借齊宣王以羊易牛０既故事，已經教曉我地「見其生，不忍見其死」０既道理．．．我地同情一隻狗，但係就不停食雞、鴨、牛、豬，我好０的，我冇食牛（琴晚家怡話冇飲到啤酒，唔夾錢，我而家先記得我冇食牛，下次見面叫佢地回水先，仆街）．．．．所以，竟然我地有食肉，就唔應該亦冇說服力阻止人食狗．．．．．．．．弱肉強食０既世界依然存在．．．

夜晚沖涼被迫用柚子葉沖涼，每年我都好想問，到底點樣可以用呢幾塊樹葉沖涼，佢又唔係沐浴露，唔通叫我係咁卒個身呀，每年都係拎住成抽葉唔知做嘜春．．．．．

人類，始終是自私的動物，就算是對待自己的同類也是如此。

>>January 28, 2006 at 5:14:17 PM GMT+8

2006 年 1 月 26 日 星期四 【微冷】

琴晚訓教發左一個好得意０既夢，我一早起身就係咁用個腦記住，因為驚到夜晚唔記得，但最後都唔係好記得，剩係記得去左太空，好驚好驚，但係又唔係惡夢，我不斷咁掙扎番去地球，最衰俾電話噪醒左，如果唔係我真係好想知個結局會係點。起身之後又沖涼洗頭，之後著住件底衫，就咁加多件ＮＩＫＥ就去上堂。

今堂上ＤＯＣＴＯＲ西，講左一堂書之後就用左一堂離傾個咩ＰＲＯＪＥＣＴ，全班人去做一個ＰＲＯＪＥＣＴ，我相信效果一定唔理想，其實最好真係自己一個人一組，咁就可以做得好好，咩都可以自己決定自己諗自己著緊。上上下堂唔見左個銀包，俾人偷左，真係好危險，俾人拎左都唔知，如果真係有小偷都唔知點算，真係要好小心了。落堂之後番左房打機，計埋琴日跨日五場都贏阿釗３－０，但係我發覺一個陣克一個陣。之後玩到一點左右落左去桃源食食物，０的鹵肉肥撚到仆街！！

跟住又番番上房玩，然後落左去幫女友燒碟。之後四半就上中史堂。其實呢科真係冇咩０野做，第一個ＰＲＥＳＥＮＴ，好好彩咁我可以自己一個一組，做「明成祖始用宦官說平議」，都幾好玩，等我用全力去讀呢科先，希望可以快０的教到傳統社會的兒童生活啦，好想聽。落堂之後去左圖書館拎左份ＲＥＳＥＡＲＣＨ睇，個ＰＲＥＳＥＮＴ只需要影印左０的資料然後ＰＲＥＳＥＮＴ番出來就可以，但係要２個鐘頭後還，所以我決定遲０的先攪。

之後又番左房間打機，打到差唔多七點鐘就出去老銅拎０野，順便同女朋友一起行去火車站。兩個鐘頭前見佢仲好地地，誰不知佢食左ＨＡＬＬ　ＣＡＮ０既叉燒就唔舒服，仲差點兒暈倒，真係好恐怖，好彩我識急救０者！！！去到老銅皇室堡，上左去拎０的ＳＯＮＹ　ＴＥＥ，買機送ＴＥＥ都唔關事０既，等我問０下ＡＬＥＸ可唔可以自己拎番件先～～

拎完之後去左旺角ＢＯＤＹ　ＳＨＯＰ買左支０野，０的皮膚真係好好好好乾，成塊面都好緊，太乾同太油都會生暗瘡呀原來！！！！！！今日駕駛學院有音訊，不過打番去時條友做緊０野唔得閒聽，都係聽日再打。今日係我們０既團年飯，去左標記樂園，實在好鐘意呢個名。一路食飯飲左少少啤酒．．．．．．．．．．．．．之後．．．．．

（．．．．．．．．．．．．．．．下刪萬字．．．．．．．．．．．．．．．）

食食０下飯馬會打離問我聽日得唔得閒番工，我話唔得閒，佢居然仲叫我番工，不過我認為呢個係加班０個０的，可能佢地唔知我俾人停職，過多幾日打番問０下點先。趁住學期初，搵多０的錢先。食完飯之後就番ＨＡＬＬ，係旺角百老匯見到條友用咪係到ＳＥＬＬ０野，佢把西聲真係笑到我仆街，但係百老匯點解會做埋０的咁０既０野，好似０的拍賣佬咁，真係俾佢映衰晒！！！番到ＨＡＬＬ就住沖涼，聽日又要做稻草人了．．．．．．．．．．新年都要開工，雖然係屋企都冇０野做，又好悶，全家都係屋企，但係總是覺得唔知點咁．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

明教四大護法金毛獅王謝遜偷回來的崆峒派不外傳武功秘笈－－「七傷拳」


謝遜搖頭道：「這‘七傷拳’不練也罷！每人體內，均有陰陽二氣，金木水火土五行。心屬火、肺屬金、腎屬水、脾屬土、肝屬木，一練七傷，七者皆傷。這七傷拳的拳功每練一次，自身內臟便受一次損害，所謂七傷，實則是先傷己，再傷敵。我若不是在練七傷拳時傷了心脈，也不致有時狂性大發、無法抑制了。」

>>January 27, 2006 at 5:31:53 PM GMT+8

2006 年 1 月 24 日 星期二 【晴】

琴晚發左個夢，但係已經唔記得左，剩係記得自己做警察救人。明明好精彩，但偏偏記唔起，ｓｈｉｔ！今朝０８３０起床，之後沖涼洗頭，然後換衫就去上ｄｏｃｔｏｒ西堂。但係帶錯左ｎｏｔｅｓ，原來係上ｄｏｃｔｏｒ　ｃｈｏｗ堂先真。上完堂之後去左食早飯，之後番左上房打左一舖機再上堂，星期三係最西０既一日，因為上一個鐘堂隔一個鐘，再上一個鐘，再隔一個鐘，再上一個鐘。

之後真係上ｄｏｃｔｏｒ西堂，落堂之後番左房間，我發現我個ｒｅｓｅａｒｃｈ　ｍｅｔｈｏｄ科０既ｆｉｌｅ唔見左，不翼而飛，被人偷左呀仆街，痴撚線，好撚麻煩，肯定唔知邊個拎左又周圍放，仆街，０的ｎｏｔｅｓ事少，個ｆｉｌｅ事大，貴０野離嫁仆街。跟住換埋衫去上普通話堂。今堂係第五堂，但係係我０既第一堂，真係有點兒過份，好彩進度唔太快，仲係教緊四聲調。今日又多埋堅仔一齊上堂，有５個ｐｅ人了。

落堂之後去左上足球堂，一直以來都斬唔到波，今日我終於知道竅門所在，跛腳沛講左一句唔好剩係用腳指公斬，用腳面斬，加上我天賦０既足球智慧，就立竿見影！！！跟住又玩埋０的鬥波但唔准帶波，結果俾人炒３－０．．．．．．．．．．．．．．．踢完之後番左房沖涼，沖完之後就打機，今日玩ｍａｓｔｅｒ　ｌｅａｕｇｅ玩到好緊張，因為歐冠杯首回合俾皇馬贏１－０，次回合我打到最後一分鐘先憑１２碼贏２－０晉級，不過就算我事左都會ｌｏａｄ番ｓａｖｅ～一路打到七點鐘落左去洗衫，之後番上來再打，掠衫０既時候又發現早前買０既衣架冇左一大截，你老味又俾人偷０野，仆街，借左又唔講，唔講又唔還，之後又發現件黑色ＬＥＶＩＳ衫唔撚見左，最後查出係ＣＥＡＺＡＲ偷左去跳舞，又係借左唔講，唔講又唔還，我決定以後冇人係房時鎖門。

之後番左屋企，然後好遊閒咁睇報紙，但係我忽略左一樣０野．．．．．．．．．．．．．．就係今日星期三．．．．．．．．．．．．．．我唔應該會出現．．．．．．結果我講大話話有０野做唔得閒。然後睇左一陣亞視套楚漢風流，呢套歷史性強０的，唔似無線０個套咁差，不過就悶好撚多。十一點左右去左隔離座到玩ＯＳＩＭ腳板按摩，超正，如果早幾日放工之後有得咁樣ＲＥＬＡＸ一定好舒服。兩隻腳都有０的頑疾，左腳腳碗永遠一扭就痛，右腳腳碗條唔知咩肌今日又拉傷少少，腳爭又痛到而家，遲早要搵把刀斬左對腳去。之後落左公園仔扮０下夜青，然後番屋企。

>>January 25, 2006 at 5:33:50 PM GMT+8