2006 年 3 月 4 日 星期六 【微冷】

自從ｐｒｅｓｅｎｔ完之後，喉嚨就發炎．．．．．．．痴撚線．．．．．．．賠保險呀ｂｕ！！！！！琴晚番左屋企，搭火車時真是風回路轉，係大圍站一條仆街都唔落車，以為沮喪之際，離開０的人前面，倚住塊玻璃諗住企，誰不知係沙田站，玻璃隔離個仆街竟然落車，你老母學嘜撚０野人係沙田落車呀合家產，早就係大圍落啦仆街。沙田站勁多人上車，好在我快手快腳，一個轉身就坐左落去！！！！夜晚十二點幾忽然想落街，於是同個朋友落左樓下，去天橋買食物，見到餃子叔叔，＄１０六隻，我每次都叫佢俾多隻，但今次我冇咁做，因為我叫佢俾多幾隻，結果佢一如以往唔答我但係又真係俾多幾隻我，＄１０有十隻呀！！！！之後買左兩隻大啤係公園仔聊左一聊，原本諗住溫ｍｉｄ－ｔｅｒｍ，結果溫條毛。父母都番左大陸ｈａｐｐｙ，仲諗住番到屋企會受到熱烈０既招待，早知唔番來啦！！

今朝十二點起身，跟住一飲水個喉嚨痛到仆街，又乾又痛，一定係發炎啦。睇醫生又唔想用錢，加上上次又俾人ｂｌａｃｋ　ｌｉｓｔ左。於是我去左藥房，鬼鬼鼠鼠以為我買事後避孕丸。買完之後去左買雲吞面，跟住番屋企，諗住食完就溫習，誰不知天意弄人，電視又播九品芝麻官，呢０的戲睇十之十次都咁好笑，所以我又被勾引了。睇完成三點幾四點，跟住沖個涼，然後就溫書。話說０個包藥我一放落口好似放左條辣椒一樣，我唔知點解０的藥丸會係辣椒味，不過我都照食，反正有咩差池都可以好方便咁落樓下劈七個老細然後再去北區醫院。

溫書溫到好唔想溫，基本上由出世至今都未試過想溫書．．．．傻０下傻０下咁溫到六點幾兩老終於捨得番離，於是我就唔溫書，換左衫出去行左一陣又番屋企。食完飯之後佢兩個又去左街，於是我就番ｈａｌｌ，首先係樓下買左高鈣低脂蒙牛六盒裝，＄４９！！百佳賣三盒裝都要＄３５！！之後買左生菜、蘋果、面包、鍊奶！！拎住好撚多０野上火車。如果係上水站都唔能夠霸到位，我實在唔可以原諒自己。

番到ｈａｌｌ之後就上左１９樓假溫書，但係不得要領。之後番落離整三文治食。喉嚨發炎有好轉，但係佢只不過是由嚴重去到中級，去唔到痊癒呢個階段，點算呢？！？？唯有明天去睇一睇獸醫，之前試過佢醫喉嚨都ｏｋ的！！！

>>March 5, 2006 at 5:01:40 PM GMT+8

2006 年 3 月 4 日 星期六 【微冷】

自從ｐｒｅｓｅｎｔ完之後，喉嚨就發炎．．．．．．．痴撚線．．．．．．．賠保險呀ｂｕ！！！！！琴晚番左屋企，搭火車時真是風回路轉，係大圍站一條仆街都唔落車，以為沮喪之際，離開０的人前面，倚住塊玻璃諗住企，誰不知係沙田站，玻璃隔離個仆街竟然落車，你老母學嘜撚０野人係沙田落車呀合家產，早就係大圍落啦仆街。沙田站勁多人上車，好在我快手快腳，一個轉身就坐左落去！！！！夜晚十二點幾忽然想落街，於是同個朋友落左樓下，去天橋買食物，見到餃子叔叔，＄１０六隻，我每次都叫佢俾多隻，但今次我冇咁做，因為我叫佢俾多幾隻，結果佢一如以往唔答我但係又真係俾多幾隻我，＄１０有十隻呀！！！！之後買左兩隻大啤係公園仔聊左一聊，原本諗住溫ｍｉｄ－ｔｅｒｍ，結果溫條毛。父母都番左大陸ｈａｐｐｙ，仲諗住番到屋企會受到熱烈０既招待，早知唔番來啦！！

今朝十二點起身，跟住一飲水個喉嚨痛到仆街，又乾又痛，一定係發炎啦。睇醫生又唔想用錢，加上上次又俾人ｂｌａｃｋ　ｌｉｓｔ左。於是我去左藥房，鬼鬼鼠鼠以為我買事後避孕丸。買完之後去左買雲吞面，跟住番屋企，諗住食完就溫習，誰不知天意弄人，電視又播九品芝麻官，呢０的戲睇十之十次都咁好笑，所以我又被勾引了。睇完成三點幾四點，跟住沖個涼，然後就溫書。話說０個包藥我一放落口好似放左條辣椒一樣，我唔知點解０的藥丸會係辣椒味，不過我都照食，反正有咩差池都可以好方便咁落樓下劈七個老細然後再去北區醫院。

溫書溫到好唔想溫，基本上由出世至今都未試過想溫書．．．．傻０下傻０下咁溫到六點幾兩老終於捨得番離，於是我就唔溫書，換左衫出去行左一陣又番屋企。食完飯之後佢兩個又去左街，於是我就番ｈａｌｌ，首先係樓下買左高鈣低脂蒙牛六盒裝，＄４９！！百佳賣三盒裝都要＄３５！！之後買左生菜、蘋果、面包、鍊奶！！拎住好撚多０野上火車。如果係上水站都唔能夠霸到位，我實在唔可以原諒自己。

番到ｈａｌｌ之後就上左１９樓假溫書，但係不得要領。之後番落離整三文治食。喉嚨發炎有好轉，但係佢只不過是由嚴重去到中級，去唔到痊癒呢個階段，點算呢？！？？唯有明天去睇一睇獸醫，之前試過佢醫喉嚨都ｏｋ的！！！

>>March 5, 2006 at 5:01:03 PM GMT+8

2006 年 3 月 2 日 星期四 【微冷】

不經不覺連續做左成四日個中史ｐｒｅｓｅｎｔ，我承認有點兒低估左，不過幸好都可以完成。從來未試過要ｐｒｅｓｅｎｔ成４０分鐘！！今日九點起身，好睏，之後沖涼洗頭，其實最辛苦唔係起身０既一刻，而係沖緊涼關水製０既一剎那，因為真是要好大勇氣先可以關到。
今日九點半上社會堂，今堂只係睇片，唔洗聽書真係好。之後落堂去左上ｄｏｃｔｏｒ西堂，今日佢要早走，所以好開心。上左一個鐘頭佢走左，咁佢走我緊係又走啦。

之後買左十蚊飯番ｈａｌｌ食，好耐都未試過捱十蚊飯，其實如果午餐日日都食十仔，咁樣就可以節省唔少金錢。番到房一路食一路繼續做中史ｐｒｅｓｅｎｔ，我已經係圖書館搵左成大埋明朝書番來參考參考研究研究，但係我都係未試過ｐｒｅ一次，試問我點能夠用４０分鐘去練一次呢！！！不過算啦，用中文ｐｒｅｓｅｎｔ又唔係英文，唔洗寫稿應該唔難應付，加上我都有基本０既知識。

三點鐘去左洗衫，跟住掠完衫就四點幾去左準備ｐｒｅｓｅｎｔ。完成左之後喉嚨都有點乾，原來做老師真係唔容易。老師和同學都讚我一個人做都可以做到咁好，事實上我真係好勁，人地幾個人一組做４０分鐘，我一個人就做４０分鐘，老師話好滿意我０既表現，仲問我係咪讀歷史系，嘿嘿嘿！！！！！！

ｐｒｅｓｅｎｔ完之後五點幾番房，跟住就訂票去睇斷背山。今日係三月三日，係拍拖０既一周年，所以要去一去街，加上上兩個星期太忙都冇出過街。首先搭火車去沙田ＵＡ，上左火車我地一人估一個人會係大圍站落車．．．結果我輸左．．．．竟然輸左．．．．ＳＨＩ睇Ｔ．．．．．．．去到ＵＡ見到好撚多人係到排隊買飛，好彩精明０既我一早係網上訂左飛，只需用將ＣＡＲＤ碌一碌就有得拎，強呀！！！！

成套片片長兩個幾鐘，其實．．．．我覺得好悶．．．．．永遠０的咩拎好多獎０既戲都係好悶，可能好有深度好有意思，但係我唔鐘意睇，仲釣左幾下魚，早知睇阿嬌算啦，ＳＨＩＴ！！睇完之後去左ＪＯＲＤＡＮ食日本食物，又可以食大大件壽司，最抵食真係鰻魚壽司，兩條超長０既鰻魚，係桃源叫碗鰻魚飯都要＄３０，仲要只得半條鰻魚！！食到飽之後就番ＨＡＬＬ。今日有補習打來話係粉嶺＄１００一個鐘補中英，其實人工唔錯，衰就衰在佢要聽日開始，但係聽日我都唔得閒，算啦，家陣係我唔做，唔係冇得做，所以我才是最終勝利者！！

>>March 3, 2006 at 5:20:44 PM GMT+8

2006 年 2 月 27 日 星期一 【乍雨乍晴】

琴晚七點半去左尖沙咀新世界中心到ＩＮ一間叫ＴＨＥ　ＬＩＴＴＬＥ　ＧＹＭ０既ＢＩＲＴＨＤＡＴ　ＰＡＲＴＹ　ＩＮＳＴＵＲＣＴＯＲ。去到見到間０野原來係勁０野，好似一個小朋友０既體操場地，都幾大，我終於明白點解佢叫我帶襪，原來係要除鞋先可以進入呢個小朋友天地。今次ＩＮＴＥＲＶＩＥＷ同以往好唔同，我從未試過呢個形式，冇得準備０既情況底下要我地每人諗一個ＦＯＲ幾歲小朋友玩０既ＧＡＭＥ係個生日會到，仲要用英文講．．．．
今次我終於覺得我係大學學０既０野係有用，我用左之前體操堂傳波波個ＧＡＭＥ，其他面試人就扮小朋友，好彩我英文一向強勁。

琴晚做完ＧＹＭ之後番到房忽然開鋤Ｄ，賭到成四點，最後同肥華兩份０野左＄４Ｘ，阿釗一個輸三家．．．．今朝十二點起身，跟住假做中史ＰＲＥＳＥＮＴＡＴＩＯＮ，然後沖涼換衫去食食物。落到ＨＡＬＬ　ＣＡＮ見到阿樂等小師弟妹，當我坐落去０既時候佢地好奸咁係到笑．．．食左兩啖有條友坐左係我對面．．．原來係ＤＯＣＴＯＲ　ＣＨＯＩ，佢地０岩０岩落堂．．．ＳＨＩＴ．．．之後俾佢發現左我個鋼之煉ＦＩＬＥ，然後佢就話佢都有睇，同個仔入戲院睇，佢個仔一路解釋佢知，所以佢都識少少。講ＥＸＥＲＣＩＳＥ　ＰＨＹＳＩＯ你就勁０者，講煉金術就到我教番你啦，之後同佢分享左少少心得，交流一下咁啦，不過佢都係唔識嫁喇，剩係識等價交換呢０的咁根本０既０野邊得嫁。

之後上社會堂，上上下上星期間補習社請左我，叫我星期六去ＴＲＡＩＮＩＮＧ，其實諗諗下過多兩個月都要去ＩＮＴＥＲＮ，而家０的工搵來都好似好無謂咁，不過算啦，又轉工了。真係要多謝馬會班合家產街坊，如果唔係我都冇咁多機會去見識下咁多唔同０既工作。落堂之後番左房間，之後五點幾六點搭火車番屋企。我好似好耐冇番過屋企，亦都係連續咁可以係大圍搵到位坐，仲要係一坐坐三個位，我對眼唔知點解真係可以ＭＡＲＫ到邊個會落車，我０既第七感真係好強，不過今日好樣衰，我聽歌訓教，跟住冇啦啦大抽蓄左一下．．．．真係淤撚到反肚，即刻合埋眼掩耳盜鈴．．．．

番到上水天氣好似凍左好多，廿度同十度我著０的衫都係一樣，真係有０的出錯。今日拎埋個睡袋番上水俾女友。番到屋企有一大堆信，我一路痾屎一路睇，之前ＡＰＰＬＹ康文署個大型活動組工作人員叫我面試，個名就好勁喇，不過咪即是ＨＥＬＰＥＲ！！跟住ＰＥＯＰＬＥＳ有張刷刷ＣＡＲＤ，我作為鑽石ＶＩＰ會員可以刷三格，中左一個月月免費月費同埋接駁鈴聲。食完飯之後又番番ＨＡＬＬ，天氣真係好凍．．．

番到九龍塘被迫搭２５Ｍ，我見到朋友號係到受盡風吹雨打，真係有０的心痛．．．．．．番到ＨＡＬＬ之後就真做中史ＰＲＥＳＥＮＴＡＴＩＯＮ．．．我發現左原來係ＰＥＲＭ入面有個同學仔個名同明代一個宦官係一模一樣．．．．．．．．．巧合０者，巧合０者．．．．．夜晚睇難兄難弟，然後食蘋果、車哩茄．．．．

>>February 28, 2006 at 5:58:36 PM GMT+8

2006 年 2 月 25 日 星期六 【晴】

今日十點鐘起身番工，起身之後就沖涼洗頭，昨天和今日都係要番太古城中心間百老匯，之後我同佢講我下星期唔番咁遠，痴撚線，越來越離普！！不過其實番落原來同番銅鑼灣差唔多，仲快左少少，因為我搭往調頸嶺方向再轉車。呢兩日都係企係舖入面，唔再係好似之前咁一條友企係門口，呢間舖０的字典機ｐｒｏｍｏｔｅｒ好強勁，加上地形０既問題，間舖門口有個樽頸位，０的人一入離就被４個字典機ｐｒｏｍｏｔｅｒ重重包圍住。

呢兩日都有好多人可以傾計，因為企左入去有好多ｐｒｏｍｏｔｅｒ，其中一個係同一個堂口０既兄弟，佢係到賣ｌｃｄ　ｍｏｎ。好彩有人可以傾計，因為太古城呢到唔知點解收唔到收音機！！！！！！！害我冇得聽暗瘡終點站！！！！ｓｈｉｔ我生多一粒就入去數！！！呢兩日係ｍｐ３　ｐｒｏｍｏｔｅ最後兩日，我超級ｈｅａ，根本就係企係到罰企。原本我唔洗離太古城，原來之後個ｐｒｏｍｏｔｅｒ唔見晒兩部機，就咁放係台到根住行開左，抵佢死，不過佢要賠番＄３７９６．．．．諗起都覺得佢慘．．．．

今日同人傾計多過同客，有條友係魔術愛好者，佢學０個０的唔係玩道具而係掩眼法，ｉ　ｌｉｋｅ　ｉｔ，佢教左我幾個玩銀仔，不過要練習多０的先得。今日著左對好厚０既襪，企得冇咁痛。下午四點鐘去食飯，我都唔明白點解０的陌生人咁鐘意約人食飯，一個人食飯咪幾好，不過人地叫到又冇理由拒絕，唯有去左食。食完飯之後去左痾屎，唔知係咪今朝痾左一條好似蛇咁長又幼０既屎，下午冇屎痾。

五點鐘又開始工作，之後突然間有電話打來，仲要係鬼佬！！佢搵ｃｉｔ　ｔａｎg 　ｗｏｎｇ！！！原來係之前係大學生兼職網搵０個個ｂｉｒｔｈｄａｙ　ｉｎｓｔｒｕｃｔｏｒ叫我ｉｎｔｅｒｖｉｅｗ，好彩我聽得明，不過最後我問佢ｗｈａｔ　ｓｈｏｕｌｄ　ｉ　ｂｒｉｎｇ０既時候，佢係咁話ｓｏｃｋ，講左好耐先知佢講咩，但係點解要帶對襪去呢，我到底有冇理解錯誤！？！上星期五見完補習社，聽日又可以再見，連續兩份高薪ｐａｒｔ－ｔｉｍｅ，希望是但一份請我啦！！

夜晚六點幾七點０既時候，我去左痾尿，跟住頸上０既耳筒唔知係咪口渴，插水式跳落馬桶，耳筒和馬桶相處左大約兩秒鐘，我好似釣魚咁拎番個耳筒上來，我都唔知應該點做，我強行咁試０下聽唔聽到．．．聲就有．．．不過勁撚細聲．．．．．ｓｈｉｔ．．．．．．之後我唔敢再帶上耳，但係就不斷俾人試．．．．嘿嘿嘿．．．．．．不過好彩最後乾晒就冇事，一場虛驚。九點鐘放工之後番番去九龍塘同阿舌去左ｔａｓｔｅ買０野，我買左車哩茄、蘋果和吞拿魚罐頭，好味道又健康！！！

之後一齊踩單車番ｈａｌｌ，係走廊一望嚇左一跳，全部０野係晒走廊，電視、鞋架、ｃｈａｉｒ．．．．．原來阿釗又大掃除，跟住我發覺可以係走廊打ｗｉｎｎｉｎｇ，因為有插頭，咁樣就可以慳番０的位了。夜晚食完面睇林狗，跟住有好多人過左來搗蛋。處理左少少政務之下發覺有個問題，如果去左美國冇得做ｇｙｍ咁點算？．．．．呢個真係好大問題．．．．到時又宿晒水點見人？！？？

>>February 26, 2006 at 5:14:21 PM GMT+8

2006 年 2 月 22 日 星期三 【晴】

琴晚起身睇歐冠杯，巴塞隆納ｖｓ車路士，結果巴塞落後一球下反勝１：２。今朝十一點起身，跟住沖涼洗頭，然後去左銅鑼灣拎百老匯拎番０的０野，講起來真是一匹布咁長。拎完０野之後就食住個勢去埋長沙灣政府合署還錢，要還六萬幾蚊，兩千幾蚊利息。攪掂晒０的０野之後就番宿舍。今日出來０既時候，我見到朋友號訓左係條街到，我仲以為俾架小巴撞倒，之後佢俾人刻意破壞，將佢個頭塞落水龍頭，一定係０的看更所為，之前貼左紙係到警告我，我將將紙掛係樹上，今日張紙就冇左，架車就攪成咁，我一定唔會就咁算數，我要捕佢老母臭西，然後打尻佢，再將佢個頭塞番落水龍頭！！

今日出去著錯衫，著左短袖，誰不知今日都幾涼，番到ＨＡＬＬ換衫之後就去上普通話堂。上左咁耐我每次都好想講，但次次都講唔到，今日我終於都記得記低，個老師真係真係好似石內卜，個髮型完全係一撚模樣～～今日又要上兩個鐘頭，好撚眼訓，訓左幾個字，今日讀到喉嚨都痛埋，ａｉ　ｅｉ　ａｏ　ｏｕ　ａｎ　ｅｎ　ａｎｇ　ｅｎｇ　！！！！

落堂之後去左圖書館搵０野做功課，攪左一個鐘到再去ｒ７，之後拎住成大堆０野番ｈａｌｌ做。真係唔係咁想做，做左幾個鐘頭終於寫左三版，仲差三版，進度尚算滿意，不過都係ｈｅａ做，有得交就算，但係聽日一定要完成，否則就仆街合家產。做到差唔多十一點出去食飯。ｃｅａｓａｒ買左部新電話，佢話如果我識得用佢部機用籃芽ｓｅｎｄ０野俾人就俾五千蚊我，我試左一分鐘就成功，但係唔知點解佢部０野咁奇怪，我真係好勁～！～

之後去左金城道等埋肥華同阿釗去ｋｉｎｇ’ｓ食飯，我０個個最後先來，食完之後番到ｈａｌｌ都十一點鐘，好在一早做好ｐｒｏｇｒａｍｍｉｎｇ。跟住睇難兄難弟，今集好好笑，我發覺多０的人睇係會好笑０的。

>>February 23, 2006 at 6:10:25 PM GMT+8

2006 年 2 月 20 日 星期一 【炎熱】

今朝十點半起身，跟住去左尖沙咀到見工。誰不知昨晚睇地圖時犯下大忌，我一廂情願地以為尖沙咀一定係尖沙咀站出，誰不知係佐敦．．．．真是老貓燒鬚，不過都趕得切。上到去之後其實真係好ｈｅａ，不過都算啦，最後對左時間表，好多班都補唔到，佢夠膽死叫我教小朋友急救，又有咩魔術跳繩，不過都係唔０岩時間。

之後又番番ｈａｌｌ，今日真係好熱，熱到出晒汗，番到ｈａｌｌ買左隻燒春雞食，都唔好食０既。之後上網搵補習班，如果搵到咁就可以唔做而家呢份，我要不斷轉工，成為兼職浪子，我唔可以係任何一份工落地生根。兩點鐘落左去ｐｒｉｎｔ　ｎｏｔｅｓ，但係又ｐｒｉｎｔ錯，仆你個街，好耐都未試過有ｎｏｔｅｓ上堂了，仆街！！上完兩個鐘頭後就去左圖書館諗住做ｒｅｓｅａｒｃｈ　ｍｅｔｈｏｄ，但係冇咩心機做，好憎做一０的自己冇興趣０既０野，於是就做中史，阿ｓｉｒ話只需要ｐｒｅｓｅｎｔ圖書館ｎｏｔｅｓ份０野，不過份０野都好厚，影印左我成廿蚊呀！！！！！

跟住番左ｈａｌｌ，唔小心訓左教，呢排真係好苦澀，精神上得不到解放，實在太多無形０既壓力，明明想番大陸，但係又有一０的功課束縛住，做極都做唔完，點解今日中三千幾百萬０個個唔係我？如果我真係中左，咁我會損一萬蚊咁多去慈善機構，再俾一千萬屋企分，跟住自己慢慢用兩千萬買０野，放一千萬落銀行做定期，再拎十萬蚊賭波，然後就好好咁享受人生．．．．．．．．．．．．．．．．．

一訓就訓到八點幾九點，起身之後一度好集中咁諗０下ｐｒｏｇｒａｍｍｅ個老人遊戲，但係不得要領，之後阿ｃａ問我ＡＢ　ＣＡＲＤ，佢話佢英文同學笑佢唔識，佢問過好多人都唔知，好彩佢問左我！！今次我諗到一個終極０既賤招．．．真係好賤．．．我真係好賤，用呢招而家好慳，我仲要．．．．．．．．．我真係好勁，唔撈偏門真係浪費左。

十點幾去左樂富五條友食食物，又叫多左餸。塊面雖然好左好多，但係唔知點解總是有一兩粒死唔去，永遠都唔可以變成雪白０既肌膚，睇離要做換皮手術又或者打支女性荷爾蒙針。諗諗０下古時０的宦官真係幾夠彊，夠膽自已剪左自己條０野，仲要唔死得，真係幾恐怖，但係就算冇左條０野都應該會咸濕，咁唔知佢地又有咩感覺呢！

食完飯之後番左ＨＡＬＬ到睇電視，難兄難弟每次第一個廣告都會有當代書院個廣告，，，「三個字！！！我幫你，攞高分！！」！！！！！！如果我係呢三條友０既學生，一定會指撚住佢地離笑，點解真係會拍０的咁０既廣告，點解！！！！！？？？？？睇十次十次都會笑。


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果每個人都是一顆星，有些人可能是太陽，太接近時會被他灼傷，離太遠時又會失去溫暖；有些人可能是流星，在你生命中佔了重要的地位，時間很短，但卻刻骨銘心；有些人可能是衛星，他們不會離開你，永遠在你的身邊，但千篇一律的轉動卻使你厭倦。

>>February 21, 2006 at 5:36:09 PM GMT+8

2006 年 2 月 17 日 星期五 【微冷】

琴晚番左屋企，其實唔番都得，不過我都好耐冇番過去，所以決定番去訓一晚。原本打算九點鐘去跑步，誰不知食完飯八點幾一訓就訓到十二點，之後諗住起身睇難兄難弟都起唔到，起身刷完牙又上床訓過，訓到今朝八點鐘起身，鬧鐘雖然較左九點四十五分，但係唔知點解自己好似夢遊咁樣，八點鐘起左身，跟住企係到呆左一陣先知未夠鐘又番番入房。就係呢個時候我發現全地都係藥材．．．．開頭我仲以為係粟米片，又係黑炭０既傑作，抓爛晒包中藥，於是我拎掃把掃埋一堆但又冇扔，因為我唔知可唔可以再用，我亦都冇鬧佢，因為佢將會受到懲罰！

於是訓到九點左右就聽到阿ｍａｙ怒吼，一如我所料，佢受到應有０既處分。九點四十五分終於起身，我發左好多個夢，其中一個係到劈友，呢一教真係訓左好耐，差唔多十二小時，精神飽滿咁起身沖涼，我一照鏡發現額頭好番左好多好多，唔知係咪訓左十二個鐘０既功效！！！黑炭唔知係咪唔甘心被鬧，佢將阿ｍａｙ裝底褲０既櫃頭開左，然後抓晒０的底褲出離，我又冇理佢，亦都冇幫佢執番．．．今晚佢可能會俾人煲左離食．．．．．．．

今日係上水去銅鑼灣，其實唔係差好多時間，都係十五分鐘左右。我首先用超必去左尖東站，然後再轉ＭＴＲ。十點三十五分出發，十一點四十五分到達。跟住買左兩個包食。今日我充滿力量，好有熱誠咁係到ＳＡＬＥ，但係．．．．我諗呢個ＭＡＲＫＥＴ已經飽和了，除左個ＭＯＮ稍為有少少吸引力之外，我諗唔到有咩理由０的人會來買．．．．．儘管我冇貪懶，但係都冇人吼．．．．雖然賣唔賣到都唔關我事，不過我都想型０的。而家番工一邊耳仔聽銀收音機，我發覺聽收音機真係可以知多好多０野，好多平時唔會有可能聽到０既０野。

四點半食食物，我和新朋友一齊食飯，雖然佢成個阿旺咁，但係都係一個好人，不過其實我鐘意自己一個人多０的，ＢＵＴ冇理由咁樣拒絕人地．．．．食完之後又開工。夜晚都係冇咩起色，聽收音機聽到ＥＡＳＯＮ０的新歌，好鐘意首想聽，好耐都冇試過咁期待去ＤＯＷＮＬＯＡＤ歌了。九點鐘終於放工，今日０既成績應該係一隻都冇．．．．．．．放工之後行左一陣街，去左ＳＯＧＯ，我再次嘗試殺入ＧＵＣＣＩ，結果都是不得要領，我而家冇再燥底，因為０的人係戇尻的，我作為一個正常人，又點會同０的戇尻０既人計較呢？之後行左一陣間就番宿舍。

番到去冇買０野食，因為諗住煮忌廉麻姑湯公仔面，但係發覺冇煲冇爐冇面，得罐湯，於是阿欣俾左意大利粉我，再搵爐搵煲煮．．．．都幾好味，不過０的湯太多水，因為收番乾身０的。下星期被迫要煮０野食俾１４樓０的粉皮．．．．．．「手磋湯圓」．．．．．．．．．
跟住一路食意大利粉一路睇鋼煉，又有另一番體會，好有意思嫁個故事其實，０的蛋散肯定唔知啦，正一垃圾。跟住同阿俊打左兩舖ＷＩＮＮＩＮＧ，全部輸撚晒，作客真係唔掂，不過佢部電視唔知點解咁撚清，ＦＵＣＫ＠！

呢排好有無形壓力，我諗我有病，所以我決定下星期番大陸，希望星期一晚或者星期三晚，咁樣就唔洗趕番落離，可以終極ＲＥＬＡＸ，我要濕蒸乾蒸蒸到熟為至！！！我０既計劃終於成功．．．．．嘿．．．阿ｍａｙ真係唔記得左問我拎番回鄉ｃａｒｄ．．．．嘿嘿．．．．．

肥坦生日快樂～

>>February 18, 2006 at 6:11:35 PM GMT+8

2006 年 2 月 15 日 星期三 【晴】

琴晚去左踢波，殘陣之下仍然輕取３－０，強！之後夜晚係房到飲酒，傾０下０的心事，交換一下資料，差０的爆左人地０的秘密出離。夜晚睇難兄難弟時成日都會睇到當代書院個廣告，真係睇十次十次都會笑，真係好撚戅尻！～！～！～！～點解會有人肯拍０的咁０既廣告？？！「會考？！冇難度！」嘩哈哈！！！！

今日十二點幾先起身，一起身就痾左篤屎。跟住沖涼洗頭，然後落左去同肥華食食物，食左個垃圾就番上房間。番左房之後就俾人包紮，今日佢地四條粉皮去考急救，作為前輩當然要俾０的寶貴０既意見，不過正常人都應該會合格嫁喇，不過肥坦就令人擔心少少。跟住三點半又要去上普通話堂，每逢普通話堂都會異常眼訓，今日又再釣魚，個感覺真係好難受，好似０個日係ｄｉｓｎｅｙ睇表演咁～

落堂之後就番ｈａｌｌ，傳說話今晚回突然由２５度急降至１５度，不過夜晚仍然好熱。番到房之後佢地係到練習ＣＰＲ。跟住打左一陣機，七點左右出左去做ＧＹＭ，由於情人節０既關係，暫停左一日鍛鍊，所以今日要努力一點。好似好耐都冇番到屋企，其實我有個計劃進行中，就係要將張回鄉ＣＡＲＤ從此收歸我擁有，唔可以再俾阿ＭＡＹ操控，每次番到離佢都勒令我交出，但係今次我醒，我番左ＨＡＬＬ，冇俾番佢，希望隔左咁耐佢會唔記得，嘿嘿！

做到九點鐘同阿釗、ＣＥＡＳＡＲ去左樂富食食物，三個人食左三味餸，每人＄５０，今日個火腩大鱔唔到！！之後番左房間做ＬＯＢ　ＢＯＯＫ，呢排夜晚係到睇難兄難弟，攪到０的時間唔夠用，真係好唔抵。夜晚賣廣告時睇到阿嬌犀照個廣告，真係有０的心寒，睇離要入場睇睇了～

>>February 16, 2006 at 5:10:33 PM GMT+8

2006 年 2 月 13 日 星期一 【乍寒還暖】

琴晚去左睇ｅａｓｏｎ演唱會，雖然一向都知，但係都要講一句ｅａｓｏｎ唱歌真係好勁．．．．我都唔明白點解佢唱成晚都唔會喉嚨痛，仲要連續唱咁多場。唯一美中不足就係佢全程都冇同我地講過０野，剩係掛住唱歌，咁樣都算係落力０既，加上好有心思，個台好多佈置，好多效果，又有好多設計，呢＄２００都算值得。好中肯咁講一句，如果呢張飛值＄２００，咁樣上次ｌｅｏｎ真係只值＄２．．．．．．．．．．．

今朝七點半起身，連續兩日都係咁，不過今日唔同，今日我要走堂去迪士尼玩！！！八點半係ｈａｌｌ　ｃａｎ食左一個超飽０既早餐。之後就行去九龍塘搭車，我用超必去左迪士尼站。迪士尼車都幾有氣氛，加埋０的死人廣播都真係幾有奇幻旅程。出到去之後有少少雨，之後係大門影左張相，今日得好少人，唔洗爬入去。係門口見到個保安員檢查行李，原來係以前坐前面０既同學仔，估唔到佢都可以入到離做。入到去之後就去左玩機動遊戲，不過一０的都唔驚，全部都係ｆｏｒ小朋友玩的。然後玩左個巴斯光年，我做左一級戰士，而女朋友只係一名太空偵察兵。之後玩左個咩飛越太空山，係全樂園最刺激的一個遊戲，不過都唔係好驚。

之後個天係到落雨，破壞晒０的氣氛，真係好仆街，不過都唔理照玩。見到巴斯光年出來，第一個同佢影相唔洗排隊，之後排隊同米奇、店老鴨、米妮、高飛、跳跳虎等等影相，平均每個都係等十分鐘左右，都幾快，入離呢０的地方玩最怕就係人多。０的公仔真係好得意，０的動作好抵死，不過可能入面個人係到屌晒老母又西口西面我地都唔知。之後睇左一個３Ｄ劇場，呢個係我最鐘意０既一環，雖然唔係刺激０既機動遊戲，但係３Ｄ效果好正，仲真係有風同有水潑濕身，超正！！！！！

玩到咁上下去左食食物，貴唔算太貴，但係唔抵食囉，預左俾人屈錢嫁喇。之後就去左睇個咩劇場，睇到一半訓著左，係咁係到釣魚，好撚辛苦呀真係！！！！跟住玩晒所所有機動遊戲，咖啡杯、旋轉木馬等等。三點三去左睇芯車表演，影左好多相。香港迪士尼樂園真係好細，我都冇諗過咁細．．．．．仲細過ＢＵ分分中．．．不過個城堡真係幾正，印象中好似係喔一一個背後有座山做背景，剛剛城堡後面有座山係到，真係好似身在童話世界之中。之後去左探險世界到玩船仔，仆街俾大象嘖到濕撚晒！！！！！

去到邊到都有好多店舖屈錢，但係我地入去破壞為多，拎晒０的帽同０的公仔係到影相，ＤＩＳＮＥＹ工作人員都ＳＡＬＥＳ都好ＮＩＣＥ，好主動咁幫我地影相，真係唔錯。不過最令我失望都係個廁所，我一入到樂園就去廁所睇睇，我一心諗住會有好多卡通人物陪伴爆石，但係好失望，好平凡。六點鐘去左探險世界到又睇ＳＨＯＷ．．．睇睇０下又釣魚．．．仆街，真係好似上堂咁悶，幾想訓．．．．．．．．

之後等到七點鐘有煙花睇，係個背山０既城堡到放煙火，個城堡又有好多好靚０既燈光變來變去，加埋０的音樂同煙花，真係超級迷人。晚晚咁樣放煙火都幾係０野，都幾破費，不過其實＄２９０全球最低票價來講都算值得０既。

七點鐘關門就離開，之後去左佐敦食超抵食壽司，拎左位成一個鐘後先有位。０的壽司真係好抵食，條鰻魚有成隻手掌咁長，真係食到好飽，仲剩左０的０野食唔晒～然後就回程番ｈａｌｌ，玩左成日真係有點兒疲累，仲要番去做功課，好彩不消一會就做完，有０野交就算了。

今日經過地鐵，又有少少靈感．．．嘿．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

就算生，就算死，為遠在一起；
就算悲，就算喜，我心只有你。

>>February 14, 2006 at 5:49:43 PM GMT+8