2006 年 4 月 17 日 星期一 【晴】

今朝十一點起身，之後沖涼換衫。起身望一望部電腦，雖然琴晚壞左，但係個感覺乾淨左好多，清晒０的垃圾，其實都係一件好事來０既，不過要ｄｏｗｎｌｏａｄ番晒０的ｋｅｒｏｒｏ，下載左成晚都係得５０％唔夠，唉．．．．好悲。今日天氣唔錯，又有太陽，但係又唔算熱，著長衫和短衫都可以，如果個天可以永遠都恩賜我呢種天氣就好了～跟住換衫出左去旺角大新銀行交錢，咁又交左＄８００．．．．之後又去左標記樂園食大大碗雲吞面。食完之後去左睇０下ｎｏｔｅｂｏｏｋ，不過九成九都會番上水買嫁喇，點講都真係好抵，雖然唔係好識。不過如果買左部ＮＯＴＥＢＯＯＫ，而家呢部電腦又唔知點處理了，但係可以關晒燈係床上睇網頁或者睇軍曹真係好令我著迷，仲有大量產品拎埋走，實在搵唔到抗拒的理由。

跟住兩點幾番ｈａｌｌ　ｕｐｄａｔｅ番ｗｉｎｄｏｗ，然後做社會。呢０的所謂０既功課，根本就係一個堆砌遊戲，邊個砌得靚就係高分，你估ｌｅｇｏ咩而家玩，不過大勢所趨，我就唔知有人自己寫扮撚晒勁呀！ｒｅｓｅａｒｃｈ　ｍｅｔｈｏｄ咪又係尻抄！！！之後打左陣機六點幾去做ｇｙｍ。今日收到電話有新ｊｏｂ做，今次賣ｓｏｎｙ　ｈｄｖ，呢鑊０野好長，長到暑假尾，不過我六月中都要去美國了，唔知番來佢仲記唔記得我呢。今日ＳＯＮＹ聯絡人打來的時候第一句就係話好鐘意我個接駁鈴聲～哈

琴日做ｇｙｍ係咁推胸以為冇事，今朝起身先知奶０野，又變番得六成，所以今日要戒推胸，改為夾胸，專注練二頭和三頭。做左個幾鐘之後上左去打籃球，不過事先冇通知，冇得著新鞋子打。打完之後去左ｋｉｎｇ’ｓ食食物，肥華堍Ｔ骨扒大得過份，痴撚線，差唔多有成隻碟咁大，真係好抵好吸引，不過呢０的毒物係唔可以食的，我要將行動進一步升級，連鵝和鴨都要少食，雖然近期情況得到好轉，但係不能輕敵，因為敵人隨時都會來襲！！！！

食完飯番ＨＡＬＬ，跟住同曹潔瑩傾普通話話劇，諗左一個頗有趣的故事，總算叫做做完。考試快到，雖然我好憎考試，我覺得入到大學都要為考試而感到壓力真是很討厭，但係係呢個弱肉強食０既世界之中，高低優劣點都要分別，所以迫不得而都要維持呢種咁０既制度，而往往犠牲的都是我們這類人，看來今個ＳＥＭ真係要俾人祭旗了．．．．ＥＶＡＬＵＡＴＩＯＮ出左，今次我決定豪不留情地將我對教學上的不滿化成文字表達出來．．．．．．．．

我一直以為只有去香港迪士尼要做足準備，但係原來去美國迪士尼都要好撚多準備。

>>April 18, 2006 at 5:39:55 PM GMT+8

2006 年 4 月 16 日 星期日 【晴】

今日偉衡同個打蠟佬噪，佢老母臭西講粗口鬧我，俾我屌撚到佢一篤都冇，不過我一句粗口都冇講到，我實在太強，如果用正當手法對付壞人，比起以暴易暴來得更有型。夜晚番左屋企食飯，因為要和姨媽姨丈餞行。之後ｗｉｌｓｏｎ打來話有筍ｎｏｔｅｂｏｏｋ，真係一個月唔洗就有，跟住就走過去睇睇，一部陳列機，平左＄４０００幾蚊，總勁過我而家部ｄｅｓｔｏｐ，賽在太好了，咁我就可以係床上上網了！！！不過都要＄６２８０，我決定和阿ｍａｙ一人一半。之後去左ｍ－１６飲酒，睇左半場車仔，然後再去公園仔飲。

夜晚搭火車番ｈａｌｌ，塊面紅卜卜咁，０的人係咁望住我以為我係酒鬼，但係我只不過飲左兩支ｏｎｌｙ。番到ｈａｌｌ之後開著部電腦唔夠一分鐘佢就壞左，我網都未上佢就壞左，悲撚到仆街，之後又要ｆｏｒｍａｔ，我０的ｋｅｒｏｒｏ冇撚晒，唉．．．．好撚唔開心，唔同部電腦都有性，知道我唔要佢所以自爆！！最後攪到三點鐘先康復，又要ｄｏｗｌｏａｄ過０的ｓｏｆｔｗａｒｅ，真係麻撚煩。呢幾日好撚多人打離話買南韓波衫，早知我就唔換０野住啦，ｓｈｉｔ！！！！！！自從轉左接駁鈴聲之後，好多人打來都係到笑，連０的電話公司和訪問人都係到笑，我都覺得好好笑，林海峰真係強！

>>April 18, 2006 at 7:40:21 AM GMT+8

2006 年 4 月 15 日 星期六 【微冷】

感謝上天賜我涼快的天氣，個人心情都好０的。

今日一點幾起身跟住去左打活木球。首先係桃源集合，之後就坐的士出發。係桃源門口遇上戰士最大的敵人－－蟑螂，嚇撚到仆街，差點兒俾佢爬上隻腳，最後用紙巾蓋住佢，然後拎師姐支洞木球桿兜鎚鐘落去，成將紙多左ｐａｔ０野．．．．．如果佢係一隻蟻我唔會咁做，但係要怪就怪佢係一隻蟑螂。跟住打的去彩虹地鐵站，諗住轉小巴上ＵＳＴ，但係個的士婆撩尻我地坐埋上去話收我地八折，去到折左後＄６４，其實計落都有著數，以後都咁樣做先！

琴日一朝早八點幾起身遵守男子漢的承諾，打得好好。今日就差０的，琴日差點兒就可以突破６０大關，不過算啦，今日唔係咁好，不過都６６桿，算係咁了。草地隔離個ＧＯＬＦ練習場用來練長波真是最好不過了。打到大約五點左右我就離開，前往旺角拍拖。係彩虹地鐵站買左西龍飯團，平時鬼影都冇隻，今日其實都冇鬼，只不過係我買之前有一個仆街買左４舊，害我要等！！

去到旺角先去朗豪坊買飛睇冰河世紀，之後行街，諗住搵我隻伍長變眼鎖匙扣，但係不得要領。之後發現左唔知點解地下下面開左間Ｅ－ＳＰＩＲＴ　ＯＵＴＬＥＴ，不過睇睇唔０岩。今日係朗豪坊到見到間唔知係咪運動家定唔知咩，ＡＤＤＩＤＡＳ連字波衫都係＄５４９！！跟住英格蘭呢排好似完全冇人睇咁，可能平時英格蘭見得太濫了，世界杯來臨緊係買０下其他國家啦，英格蘭波衫賤價＄４９９連字！！！！！！！之後行過地庫百老匯，終於見到西聲人又係到拎住支咪ｓｅｌｌ０野，笑撚到仆街佢把西聲，又講埋０的ｇａｐ０野：「超抵數碼相機ｓｏｎｙ個ｆｒｉｅｎｄ　ｓａｍｓｕｎｇ～～～」哈哈！！！！

跟住去左食元祿，食完之後就睇戲。套戲其實故事無聊，但係０的卡通人物加配音換來不少歡笑聲。睇完戲十一點半我就番左ＨＡＬＬ，跟住休息了一會兒睇軍曹，好想快０的可以睇電車男，因為琴日真係太好睇了，原本我都冇諗住睇，但係開住部電視之後，望０下望０下就睇埋一份！！！！

姨媽１８號就番番去溫哥華，咁我又可以回復正常生活了，這陣子變了沒有根的男人，聽日要去做一做健身先番屋企食飯，琴晚係房到舉啞鈴和做掌上壓，左手康復左七成，我諗過多兩日就應該完全康復了。唔知點解做掌上理個胸係會大０的，０的線條爆晒出離，但明明推胸係應該勁０的，不過可能平時係ＧＹＭ　ＲＯＯＭ唔會剝晒，睇唔清楚。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

對與錯並不是由自己的準則來評核。當一個人認為你不是的時候，你可能堅持自己的原則，但當十個、百個、千個、甚至乎全世界的人都說你不是的時候，你便開始會懷疑到底自己一直所堅持的理念是否有問題，能夠從一而終堅持自己的價值觀的人才是真正的男人，否則的話我們不會知道地球是圓的、月球是沒有嫦娥和玉兔的。當全世界倒過來向你認錯的時候，便是叫批評者收口和含撚的時候了。

>>April 16, 2006 at 6:47:08 PM GMT+8

2006 年 4 月 15 日 星期六 【颳風】

１．起身履行男人的承諾打活木球。
２．與一眾一年級學弟學妹去打活木球，還有阿ｍａｙ。
３．拜阿公
４．志蓮靜苑
５．番ｈａｌｌ訓教
６．電車男好撚好睇
７．和一年級去九龍城食甜湯。
８．繼續男人的決鬥。

>>April 15, 2006 at 7:27:12 PM GMT+8

2006 年 4 月 13 日 星期四 【微冷】

琴晚係房間和阿釗仲有學弟們把酒問青天，攪到成四點幾五點先訓，今朝一起身天氣真係涼左好多，老天爺真是懂事。今朝訓到十點左右，個廁所傳出連綿不絕０既尖叫聲，噪撚到仆街，前幾日已經久唔久有０的怪聲，但係今次真係好嚴重，係咁係到發出剌耳聲音，我已經忍左好耐，諗住佢識趣停止就算，最後我忍唔撚住開廁所門入去，開左門仲撚剌耳，原來係個抽氣扇係到壞０野，我火撚到一拳打佢老母臭西，跟住全世界變得清靜晒，但係我要去Ｇ４報維修。

訓到點幾兩點先起身，跟住好混亂，好多０野要做，ＤＩＳＮＥＹ勁撚多好撚煩０既ＦＯＲＭ要攪，又咩要上網填嘜柒０野，普通話下星期又要有嘜撚０野報告，跟住ＳＯＣ又要交功課，但係冇一樣０野可以完成，放假咩都唔撚開，正一仆街！！！之後係到做左一陣普通話功課，然後阿文入來話幫佢拍片，行到去偉衡之後又話唔洗，於是就番上水。０的車票剩番四張，看來要補給一下先得。琴日得到最新消息關於ＡＢ被ＢＬＯＣＫ之謎，終於解開所有疑團，咁樣侵略九廣鐵路又踏前一大步。

番到上水之後第一時間去左六福整耳環，０個日踢波被ＧＡＲＹ一腳射左落隻耳隻到，攪到隻耳骨訓教都痛痛地，耳洞又流血，最慘係就鑽耳環不似人形，所以要拎去修理，好似整得番０者，不過隻耳仔仲未好番，但係都要強行帶住先，唔帶耳環仲覺得七左好撚多。之後同中哥去左食食物，計劃考完試之後再去澳門一趟，今次是男人的約定！！！！

之後番左屋企，出奇地屋企冇人，黑炭０的指甲好Ｑ長，佢唔出爪０的指甲都露左出離，係時候要同佢剪一剪。跟住唔小心訓左個教，一訓就訓到九點半。起身之後得阿ＭＡＹ一個，原來個個都去晒街，於是我就翻熱０的０野食。我一直虎視眈眈家姐隻伍長鎖匙扣，按一下制對眼識得轉換，但係佢唔係俾我，枉我俾個ＰＡＴＲＩＣＫ　ＣＯＸ銀包佢用，之後佢係暗處拎左隻軍曹俾我，但係我鐘意伍長多０的，不過照殺！！當我差唔多出門口時大軍壓境，轉眼間又變得熱熱鬧鬧。

明天約左阿ＭＡＹ和李展打活木球，這是男人的承諾！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

阿公教落：「登山難，求人更難；黃蓮苦，貧窮更苦；冰霜簿，人情更簿；江湖險，人心更險。」

>>April 14, 2006 at 6:07:42 PM GMT+8

2006 年 4 月 11 日 星期二 【酷熱】

呢幾日係咁做ｇｙｍ，今朝起身一伸懶腰，發覺唔對路，左手一舉起就好撚痛，一ｆｅｅｌ就知道唔係做完ｇｙｍ之後０個種令人興奮０既痛，肯定係琴日唔小心拉傷左，隻手舉唔起，著衫除衫洗頭都成問題。今朝上呢個ｒｅｓｅａｒｃｈ　ｍｅｔｈｏｄ，有點兒無聊。上完堂之後就去左食早飯，今日天氣都是很熱，熱到令人想死，成身都好唔舒服，幾時都係鐘意冬天多０的。

食完早飯之後番左ｈａｌｌ，呢幾日排泄系統出現左問題，我唔知發生咩事，冇咩屎痾，有都係好敷衍咁好小，早兩日仲拉肚子ｔｉｍ，可能係天氣影響左我。不過好在天文台話聽日會轉涼，咁都好０的。之後又要上ｐｒｏｇｒａｍｍｉｎｇ，今堂評估番上次個ｅｖｅｎｔ，其實都算ｒｕｎ得幾好嫁喇，雖然冇咩做過０野，問心係自己冇積極參與，但課程又的確係出現左問題，不過如果主動０的就算冇０野做都會理解一下ｅｖｅｎｔ０既運作，冇做到０野唔緊要，但唔可以死撐搵籍口，咁樣一定會令人討厭的。之後上次重造個ｇａｍｅ，你老味我ｈｅａ撚到爆咁交佢就話我ｇｏｏｄ　ｇａｍｅ！！我真係唔知應該嬲定開心，不過重造最多都係得一半分，點讚都冇撚用。

落堂之後休息左一會兒上普通話堂，最後十分鐘又唔小心訓著左，真係好好訓。之後上足球堂，拎番件黃色戰衣出來，著埋條籃褲，成套假巴西呈現了出來。今日係最後一堂，下個ｓｅｍ繼續ｓｉｔ　堂踢波先。落堂之後番左房間，沖完涼之後出左ｃｏｍｍｏｎ　ｒｏｏｍ涼冷氣食杯面，跟住同震西打高達，然後又有０的學弟過來，天氣太熱了，好多件肉彈出現係房間，最後一場炒阿樂６－０，唔錯唔錯，默示錄攻擊掌握得越來越好。

之後同ｃｅａｓａｒ、堅仔一齊去左地鐵站交易ｊｏｒｄａｎ，然後去１左ｉｋｅ弓ｈｏｐ換貨，我拎番上次買０既所有衫去話唔鐘意要換過其他，佢真係俾我換，放棄件南韓，換左一件背心加三件ｔｅｅ，其實我都唔係好鐘意０的ｔｅｅ，不過算啦，唉．．．．唔知點解次次去親ｎｉｋｅ　ｓｈｏｐ都係買左０的唔鐘意０既０野番來．．．．．

番到ｈａｌｌ之後訓左一陣，唔知點解好眼訓，跟住睇左兩集ｋｅｒｏｒｏ，然後對住０的新鞋新衫都冇咩衝動去理，最鐘意都係對鞋。夜晚落左ｈａｌｌ　ｃａｎ買飯食，之後一個人係房間享受難得的寧靜，屋企又冇得番，我開始變成無家可歸的人，上年我仲覺得０的人一個星期唔番屋企訓好誇張，但係我發覺我而家可以一個月都唔番屋企，特別係夏天更加唔想，唉．．．點解上帝要製造夏天呢．．．．香港０的天氣真係好黑人憎！！

呢排接收左好多新訊息，唔知係咪春天和夏天交替影響之下，出現左好多情花，有真、有假、有枯、有開、有合襯、有錯配、百花齊放，最恐怖就是全部都係出現在ｐｅｒｍ之中，這就是青春了。＞．＜

>>April 12, 2006 at 5:29:48 PM GMT+8

2006 年 4 月 9 日 星期日 【酷熱】

琴日全日去左睇大專籃球決賽，ＢＵ最後加時飲恨輸波，不過最後二十幾秒內連入８分真係進入高潮，０個一刻真是覺得會嬴，不過算啦，勝方始終只得一邊，人地個個都係甲一球員，根本就係屈機。不過見到肥倫冇啦啦係ＩＶＥ隊有點意外，原來佢打籃球真係幾勁，以前都唔覺得。天氣真係好撚熱，后羿當年射左九個太陽落離，佢留番一個雖然係明智，但係佢應該射傷埋最後呢個，咁佢就唔會咁撚熱，而我地又有陽光

夜晚ＢＩＤ左件南韓波衫，我真是很後悔買左，＄３３５，燙字要加成＄３００，加埋仲貴撚過就咁買一件連字波衫，今次真是觸礁！！！夜晚去左打籃球，打到超累，訓教時又超熱，訓得唔係咁好。今朝八點鐘起身，跟住去左上中史堂。今日講左最悶０既ＴＯＰＩＣ，就係歷代知識份子。原來不知不覺就快放復活節假，即是話就離要考試了．．．．．．落堂之後第一時間番左去房間訓教，由於攪左震機，所以ＭＩＳＳ左兩個電話，一個係對我件波衫有興趣，另一個係ＧＯ２ＴＵＴＯＲ打來話有補習。之前已經講左係觀塘，一星期三日，但得＄６０，我都算，今日打離家長話希望＄５０，過左復活節假先＄６０，我唔撚理啦，我話一定要＄６０先補，戇撚尻，唔自在啦！！！！

訓甦之後起身上ＲＥＳＥＡＲＣＨ　ＭＥＴＨＯＤ，跟住發覺未寫ＲＥＦＥＲＥＮＣＥ，落堂之後再做，但係個網勁撚慢，最後三點半先完成。交完之後番左去ＨＡＬＬ，打左一陣機就出發去打網球，見到樓下有得做手蠟，諗住和女朋友整一個十指緊扣手蠟。今日上網球堂，有電視台拍ＤＯＣＴＯＲ　ＬＡＵ，唉．．．．有時覺得佢真係好扮０野，不過算啦，鬼叫又有錢，又算靚仔，又唔太老。今日下半節開波明顯改善左，距離考試仲有兩星期，要加緊練習呢０的唔洗溫到溫到想死０既科目。

落堂之後番左ＨＡＬＬ，休息左一陣間七點半去左做ＧＹＭ，ＰＥＲＭ０的人又係隔離課室開ＡＧＭ大會。由於ＧＹＭ　ＲＯＯＭ復活節期間唔開，所以呢兩日要填滿０的肌肉，如果唔係後果不堪設想。一做做到成九點幾十點，之後上左去打籃球，每次做完ＧＹＭ打籃球都係射唔到波的。打完之後去左ＫＩＮＧ’Ｓ　ＡＲＭ食食物，女朋友機票上出現左問題，希望可以同我地一齊起飛，唔洗買貴０野。

>>April 10, 2006 at 4:24:01 PM GMT+8

2006 年 4 月 6 日 星期四 【晴】

唉．．．我仲旨意尼維特去羸波．．．結果佢被人趕埋出場．．．．．．．．．．．．．．．
琴晚去左ＮＩＫＥ買０野，因為有七折，買左件韓國波衫，一件ＴＥＥ和幾對襪，原本係六折的，但係因為屈太係到攪事，最後得番七折！！之後人家去左開唔知Ａ定ＥＧＭ，我去左做ＧＹＭ，ＦＲＡＮＫＩＥ去左考督察，希望佢快０的考，然後話番俾我知係咩一會事，但係佢話佢兩個ＦＲＩＥＮＤ係ＢＵ讀一考就考到，其實邊有咁容易，佢兩個ＦＲＩＥＮＤ一定係好勁．．．．夜晚唔知發嘜撚０野神經，冇啦啦傾計傾到四點幾，展開第一次跨年級是非分享研討會，由浸大料神主持，事緣由上期忽然一周開始，大家交換了不少情報，難得過氣主席訓左教都起身旁聽。偶然開一次例會其實都不錯，可以增進各年級同學０既溝通和了解。為左保障會員０既人生安全，所有議題將會保密，又或者扮傻扮否認，如有違反者世世為娼、代代為奴！！

今朝九點起身，好耐都未試過有呢種唔願起床０既感覺，又變身ＦＩＧＯ咁去上堂，果然節省很多時間。上社會堂時都有少少眼訓仔，不過好彩一個鐘而已。跟住去左食早餐，我話要粥加伊面佢話冇伊面，我話要蘿蔔糕佢又話冇，佢老味我最後要糯米雞佢都話冇，佢睇得麥兜太多喇我諗，我明撚明見到有隻糯米雞係到，最後我都買到。

之後上ＰＲＯＧＲＡＭＭＩＮＧ，ＤＯＣＴＯＲ西又唔來，姑勿論我地做成點都好，最大得益其實都係西博士，成日都唔洗離，我真係唔知佢去左邊，好波！！開到差唔多十二點拎左隻ＣＤ去許士芬播唔播到，跟住番房立刻諗住睡眠，但係見到有件肉彈係我張床到，於是我趕左佢去阿釗張床，然後變身肉彈訓教。一訓訓到兩點鐘，靈魂和肉體終於結合，跟住兩半就去開ＩＮＴＥＲＳＨＩＰ會議。說真的，我覺得好麻煩，好混亂，到而家連機票係點都唔係好清楚．．．唉．．．．．．又要保險又ＶＩＳＡ呢樣０個樣，煩到西咁撚樣真係。

之後四點半終於開始攪我地個ＰＲＯＧＲＡＭＭＥ，不過我去上堂，我以為今堂係講考試，但最後唔係，所以我走番去許士芬。都算幾成功，女朋友都有參加。七點幾番到ＨＡＬＬ跟住就去左ＡＣ　ＨＡＬＬ睇魔術匯演，都算唔錯０既，不過來來去去都係０個０的，學生表演都幾勁，不過唔夠校外０個０的勁，有條友表演左馮德倫撕報紙個魔術，睇ＬＩＶＥ令我更覺得驚訝！！但係有一個其通點，竟係佢地兩個都要故意扮跌紙碎落地．．．．．．．應該有問題．

睇完之後去左九龍城打冷，ＭＹ　ＲＥＧＩＮＥ話無線廿幾號會有個節目叫「老馮日記」，由馮德倫做，真是笑撚到仆街，一定要睇０下係咩來～！食完之後行番ＨＡＬＬ，番到去食衫，然後再做ＲＥＳＥＡＲＣＨ　ＭＥＴＨＯＤ．．．．讀書真是令人煩惱，不過算啦，唔煩都煩左咁撚多年，唔讀唔讀都讀左十幾年書，雖然都係讀條毛，但都讀多年幾就收皮，好好享受吧，阿騰～～

>>April 7, 2006 at 6:26:54 PM GMT+8

2006 年 4 月 4 日 星期二 【酷熱】

　　　　　　　　　　　．．．．．最討厭的夏天終於來臨了．．．．．

琴晚番左大陸睇歐聯，最令我難忘的是俾錢０既時候，我一直都以為自己有兩張１００元人民幣未用，於是我就順理成章咁用來俾錢．．．．．誰不知條友一接到之後呆撚左，佢好懊惱咁望住張銀紙，我都好疑惑咁以為張１００紙係假，條友周圍問人呢張係咩，最後我先醒覺．．．銀紙上０個個唔係毛澤東哥哥．．．．．而係．．．．偉大０既國父－－孫中山．．．我居然係中華人民共和國０既領土上斗膽行洗中華民國０既貨幣，差點兒就俾人冠以分裂國家０既罪名．．．．ｓｈｉｔ．．．．兩張台幣去邊到可以兌換番港紙？

今朝飲埋茶成四點先番到宿舍，假如係琛圳食一頓大餐要每人＄４０，但係加埋來回車費＄６６，即是用左成＄１０６，計落都唔係太化算，但係當減少＄６６之後情況就完全不同。今次係我行騙得最多車費０既一次。

番到ｈａｌｌ之後我就繼續做我０既ｒｅｓｅａｒｃｈ　ｍｅｔｈｏｄ，經過上次慘痛一役後，我今次認真地去完成。做到七點鐘出左去和女朋友吃飯，去左金鳳鋸扒，破戒食左牛肉，咁耐先食一次，應該冇咩大問題０既，牛肉真係好好味～食完之後落左旺角睇鞋子，我決定了和堅仔一齊買ｊｏｒｄａｎ，我要ｊｏｒｄａｎ４佢要ｊｏｒｄａｎ７。跟住又番ｈａｌｌ，番到去繼續完成我０既工作，然後去左堅仔房試碼。

一路做到一點左右，落左ｒ７，因為上網快０的，最後終於俾我搵到份問卷，已經完成左９０％，聽日如無意外可以完工做第二份，其實做得快和慢都係咁０既分數，不如早０的做完可以輕輕鬆鬆咁玩。

今晚又要睇波，尼維特，靠晒你了！！！！！！！！！！！

>>April 5, 2006 at 6:15:59 PM GMT+8

2006 年 3 月 30 日 星期四 【晴】

今朝八點半起床，跟住剃晒０的鬚，成個人靚晒，然後沖涼洗頭。廁所ｗａｌｌ發毛，有好多蚊滋起到滋生，真係好嘔心。今日一早上社會堂，我遲左差唔多五分鐘先入到去，但係好意外地我竟然係第一個到達．．．．今日０的人全部遲到，有０的人冇番，ｄｏｃｔｏｒ　ｌａｕ有點兒不滿，於是我同佢單獨相處左五至十分鐘先開始有人入離．．．．．．

上完堂之後又要上ｄｏｃｔｏｒ西的堂。今日上堂開左個早餐會，五個人一字形排開咁放晒０的早餐起台到食，今堂又係極之無聊０既一堂，完全冇講過書，剩係傾０個個所謂０既歷奇，不過算啦，下星期五就係了，過埋就唔洗煩，希望佢真係永遠都唔教書，咁到時ｆｉｎａｌ就可以唔洗溫咁多了。考試時間表已經出左，我係時侯要準備我應該要溫０個科！！

十二點落堂之後超級急屎，我真係好清楚知道自己點樣先會痾屎，咁有規律有時都未必係一件好事惰。跟住預備左一陣間補習的東西。之前寫地址俾人時唔記得左寫南座，今次真係大撚鑊了。一點左右出發番上水補習，上星期白行一趟，今次唔會了。搭火車時訓覺，之後唔知係埋太睏，好似頂頭鎚咁兜０野頂左落牆，全部人望實我，我真係淤到震！！

去到之後又對住四仔０野，有兩個係起哄份子，成撚日係到認叻，又話好撚淺又話做晒，頂佢個肺，不過都算係乖小朋友０既。由於得４條友，所以教得好輕鬆，又可以佢地全部出黑板做數，小學生好鐘刷黑板同埋係黑板寫字，我細個時都好鐘意。今日教０既就係拆括號，嘿嘿嘿嘿，咁就教左一堂，不過我好認真教的！！！

落左堂之後去左百老匯睇ｎｏｔｅｂｏｏｋ，我遲左一部來，之前清陳列機有好撚多筍０野，ｓｈｉｔ！！下次可能要個幾月後先有，遲０的先買，反正又唔趕住用．．．．．不過好浪費，買左之後我番到香港都冇用，唔知有冇得租用呢。然後番左屋企，番到去姨媽姨丈姑姐係到打麻雀，姨媽唔知點解好鐘意俾０野我食，當我小朋友咁，我明明有豬腸粉食，又係都要俾０的魚蛋粉我。跟住我躲係房間，黑炭同我一齊係間房到躲藏，然後我就訓教，一訓訓到八點，逢星期五我都有一個好好的午睡，ｎｉｃｅ！！！訓醒之後ｍａｙ和根都番來，間屋有七人一貓．．．．．

食完飯之後我發覺不妙，我番到屋企其實係冇意思的，佢地又不停咁打麻雀，我困係一間ｈａｌｌ廁所咁上下大０既房，對住一部冇ｋｅｒｏｒｏ０既電腦，又冇ｐｓ２打，我快要發炮，之後家姐番埋離爭電腦．．．我決定退出．．．．．我毅然係十一點十五分作出一個決定，就是扮去唱通宵ｋ，黯然地離開家，獨個兒回宿舍．．．．．番到宿舍之後沖完涼打機，女朋友跟風睇軍曹，０的女仔好鐘意笑一０的好無聊０既笑話。明天唔洗番工，可以休息，又可以健身，不過都係要番屋企食飯。

>>March 31, 2006 at 6:00:24 PM GMT+8