2006 年 5 月 7 日 星期日 【清涼】

今日訓到十一點幾就起身，跟住落左去買食物，買左個扒餐之後就食左好少就冇食到，跟住就開始假溫書，唔小心開左個ｐｐｌｉｖｅ，今次播緊食神，我諗住睇一陣，點不知又好似著左魔咁．．．．之後兩點幾三點去左打ｔｅｎｎｉｓ，今日要考網球，天氣好熱，好猛太陽，咁好０既天氣應該係要去游水曬太陽，曬黑０的。

今日打網球不過不失，不過我一向都冇咩期望，劉松仁而家俾我０既感覺唔係咁好，我唔係咁鐘意佢唔知點解。一考就考左成兩個鐘頭先考完。之後就立刻去左做ｇｙｍ，接近一星期冇做，成個人都好冇自信、好似迷失左自己咁。做左個幾鐘之後就番房到沖涼，番到去部電腦唔知做咩撚０野壞左，一開機唔知點解就長「咇」，攪左一陣間先攪番好，天氣又熱，好撚憎間房，仲熱過條街，痴撚線，天氣熱個人都會抆０的，真係好仆街，沖完涼之後又成身汗，正一仆街合家產，燥到我一腳踢落到門到出氣！！！！！

之後番屋企，係大圍站又擺到位，之後番到上水去左食食物，食左個飯，飽到胃痛。番到屋企之後沖完涼即刻開冷氣，跟住就痾屎，個胃有少少唔舒服，躺左一陣間就冇事了。痾屎時睇報紙見到林子玲會造小橋，真係好正～個造型好０岩佢我覺得～不過我完全唔明白點解要搵周潤發做周瑜，而家唔係話姓周就得嫁，佢個ｆｅｅｌ完全唔似，周瑜咁撚型仔靚仔，點解要俾佢沾污，梁朝偉又走去做諸葛亮，佢做周瑜就差唔多，諸葛亮呢個角色我諗左好耐都諗唔到邊個做先０岩，佢實在是一個神一樣的男人。

夜晚係到少真溫習，又播緊鹿鼎記，真係唔明白點解套套都咁撚好笑的，溫左唔係好耐就唔想溫，因為眼訓，不過ｒｅｓｅａｒｃｈ　ｍｅｔｈｏｄ好似唔係咁難咁，可能之前做功課做過，加上諗尾０個０的計數上堂都幾留心，所以唔係太擔心，仲有足夠時間可以溫其他科目。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

凌凌漆：我仲以為國家經已忘記左我！
司令：傻啦～就算係一條底褲一張廢紙，都有佢本身０既用處～
凌凌漆：你呢個比喻真係一流！～

>>May 8, 2006 at 6:11:12 PM GMT+8

2006 年 5 月 6 日 星期六 【晴】

呢兩日又係到練罰企，放工好累，好早就訓教，不過自從發現左個周星馳ｃｈａｎｎｅｌ之後睇左好多套戲，真係好好笑，睇極都咁好笑，雖然睇過九千幾次，逃學威龍、行運一條龍、算死草、國產００７、唐伯虎點秋香，咁落去我唔洗溫書。１２號先考第一科，不過咩都冇溫過，但係睇落又好似冇咩０野溫咁。聽日要考網球ｓｋｉｌｌ，之後打算做ｇｙｍ然後番屋企。腳板底好累，好想番大陸腳板按摩。傳聞呢兩日天氣都好熱，但係我企０個到就真係鬼死咁凍，完全ｆｅｅｌ唔到出面０既天氣。自從０個日和同學吹完水攪到喉嚨發炎之後，得到碟谷醫仙胡青牛送贈靈藥，今日已經康復，不過把聲仲怪怪地，所以呢兩三日唔可以講咁多０野。夜晚番到宿舍係ｈａｌｌ買左腸蛋面，叫條仆街俾多碗湯我飲都唔撚制，正一仆街。食完好似冇食咁，之後師姐送贈ｐｉｚｚａ，噹嗱屋０既ｐｉｚｚａ真係抵到我唔信，又大件又平，真係好恐怖。

呢兩晚訓教冇得攬阿寶，原來係宿舍自己一個人訓教個感覺係咁奇怪的。聽晚番到屋企要好認真咁溫一溫書先。

琴晚係ｙａｈｏｏ留言板到有條友留言話自己都有出到貓，呢條仆街真係博屌，俾人炮轟佢祖宗十八代。不過其實我真係幾佩服呢０的出貓０既人，一來佢夠彊，二來係咁緊張０既情況都有心情諗出貓方法，三來佢有ｐｄａ　ｐｈｏｎｅ上網，好波好波，不過真係希望捉撚晒呢０的仆街，人地都話可以去網絡供應商ｃｈｅｃｋ番之０個段時間睇個ｗｅｂ　ｓｉｔｅ０既用戶，冇法庭批准又唔撚去申請，你荒法庭唔撚批咩，真係好撚廢，打撚七出卷班仆街，正一垃圾、廢物、精虫！！






不開心的人，送你一個憂鬱小王子　　http://www.depression.edu.hk/

>>May 7, 2006 at 6:00:05 PM GMT+8

2006 年 5 月 3 日 星期三 【晴】

今朝十一點鐘就起身，之後就溫左半個鐘頭就玩完網球，跟住就換衫番學校。係火車到諗住溫多一陣，誰不知都係訓著左。番到學校之後測左半個鐘頭就做完，但係俾電車華快一步做左最快出來的人。之後去左食下午茶，食完就番左上ｈａｌｌ等運到，因為５：５０就去睇黑社會２。

去到旺角朗豪坊睇，０的座位真係幾舒服，又唔會俾之前遮到。今集都係唔滿意，我想睇０既係陳浩南式黑社會，唔係呢０的懶係有意思０既。睇完戲之後公左食食物，不過我要去一去開奧數例會。今日拎左三本課本係要俾０個三條仆街插班生的。跟住又講番暑假合約０既０野，真係幾吸引，有成萬蚊，只係番１０００至１８００，有班教就出去教，冇就係公司坐，真係幾正，不過可惜我要去美國。

之後我扮要上ｃｏｕｒｓｅ提早走左，其實我只係去會合番０的同學去食食物。我地去左爺林閣食，食左個唔係太飽０既羊脾。之後傾左好耐計。然後肥坦同部長哥哥去左玩，於是我同電車華搭電車番上水。

今日好累，傾完計之後喉嚨有少少發炎，可能係講得太多０野．．．．番到屋企諗住１ｐｐｌｉｖｅ上網睇波，但係睇唔到，不過就發現左０的同星馳台同番晒廣東話，係到播緊國產００７，真係睇十次十次都咁撚好笑，係咁坐係到睇，好彩突然斷一斷線我有機會抽身，如果唔係又唔知睇到幾點了。

如果凡是識得ｍｏｖｅ０既就係動物，咁即係一隻蟻、一隻虫都係動物．．．咁點解我地唔可以虐殺０的貓貓狗狗，但係又可以毫不猶豫咁兜腳踩死隻蟑螂、甚至乎一日行街都唔知踩死幾多隻蟻。咁如果虐待小動物最高罰款係＄５０００或監禁六個月０既時候，我報警話有人踩死左隻蟻又會唔會有人理我呢？以前ＩＴ堂時候用白老鼠解剖，強行地用毒氣整死０的老鼠，咁樣點睇都叫做虐待啦，但係有好似好合情合理咁，但如果將０的老鼠換晒做貓０既時候，咁就一定會俾人炮轟了。如果咁講，所謂０既愛護動物協會其實都唔係好有愛心０者，應該改名做愛護貓狗協會就差唔多。所有同「人」有親密接觸、或者有感情建立０既０野都會受到保護，你唔會同隻豬有感情，但你會同隻狗有感情，所以０的人覺得狗唔食得豬就食得。咁如果我地唔可以虐殺０的狗，咁點解可以大量屠宰０的豬、牛、雞、鴨．．．．食佢地０既頭、手、腳、舌頭、骨頭、內臟，甚至乎連血都唔放過！！！！！因為我地自私！！！我地一廂情願地以為自己係神！主觀地操縱所有其他比我們低等０既生物。如果有一日地球上出現左一種比我們更強０既生物，我相信我地０既頭、手、腳、舌頭、骨頭、內臟、血、甚至乎條撚，都會俾人食晒。希望Ｋ隆星人快０的離侵略地球，讓我們接受慘痛的教訓。


根據官方消息，ｅｓｔｈｅｒ師姐和德師弟正式拍拖，我謹代表全體同學祝福他倆。

>>May 5, 2006 at 7:12:53 AM GMT+8

2006 年 5 月 2 日 星期二 【乍寒還暖】

前日考普通話，感覺良好，０的詞語識晒，老師話我：「挺不錯，很大的進步，可以看得出黃志騰是個有心人」，嘿嘿．．．．．有機會Ｂ－了。今朝十一點起身諗住去考網球，可是天公不做美，又下雨了，結果順延至下星期一，真係好撚七煩，諗住快快手手考完就算撚數，而家又要拖。今日有兩個任務要做，分別同網上行和ｐｅｏｐｌｅｓ續約，首先打左去網上行，原來十一月已經到左期，等我仲而家先去傾，而家用緊３ｍ寬頻每個月＄１４Ｘ，加到６Ｍ要＄１５Ｘ，你老味決定解除合約轉去和記１０Ｍ上網，學生優惠都係平均＄１２４一個月，要用１８個月不過。跟住ＰＥＯＰＬＥＳ好撚賤格，佢０個０的所謂０既優惠根本就同而家新客戶冇咩分別，我緊係同佢舌戰啦，你估我唔知你０的西０野呀，最後我決定用一個＄５０　＄５５０分鐘０既ＰＬＡＮ，不過爆左都係２仙一分鐘，就算我爆到１０００分鐘都係夕俾＄９，根據過往月費都冇超過１０００分鐘，所以呢個優惠係最化算。

一點左右拎埋阿寶番屋企，首先去左Ｒ７　ＰＲＩＮＴ　網球ＮＯＴＥ，幸好見到至靚的ＷＩＮＮＩＥ，如果唔係就要溫４０幾頁的ＮＯＴＥＳ，好彩好彩，所以阿寶代我錫左佢一啖。之後搭火車番上水，係大圍站又成功有位坐，不過呢段時間根本就冇咩人搭車，所以唔係我０既實力。去到上水站之後，我發現唔記得拎遮，我行番入去再出來都來得及。之後番屋企放低晒０的行李，以後打左一陣機之後就唔小心訓著左。我發覺我打ＷＩＮＮＩＮＧ１０好強，場場都可以怒炒電腦，上集都冇０的０既情況發生。跟住出左去龍豐扭蛋，從電車華口中得知ＫＥＲＯＲＯ應該係出左新扭蛋，於是我就去見證，結果真係，今次係大頭版隻腳可以縮入個頭到，真係幾得意，不過有過問題，就係部機係空的，我以為俾人扭晒，於是入去舖頭買，我要０個隻西裝伍長要＄２０，足足貴左一倍，都算啦，鬼叫冇晒咩，誰不知我一話要，佢老味臭西成大袋咁拎出來，佢根本就冇放０的蛋入去部機到！！！！！好賤呀！！！！！！！！！

之後係間模型店見到好多好多各式各樣御宅族玩意，下個ＳＥＭ間房要整得靚０的先。之後去左買條短迷彩褲。間０野入面有條友打緊ＷＩＮＮＩＮＧ　１０，之後傾左兩句，然後佢話我好面善，問我係咪踢波，我話可能見過掛，上水咁細，之後講多兩句先發現原來兩三年前同佢噪過交，真係不打不相識，咁都認得，之後買左條褲，佢話下次離買０野話識得佢就可以了，咁樣係上水又多間ＳＰＯＮＳＯＲ，唔錯唔錯。

跟住又去左馬拉松試ＪＯＲＤＡＮ７，不過我又唔買，吹波咩～～然後番屋企打左陣機就出左去食食物慶祝生日，今日係肥中的生日，點都要食餐飯。食完飯之後番屋企，今日全日都冇溫過書，我仲發覺我財政狀況出現赤字。今日珠算教室打來話想暑假同我簽約做全職，但係我要去美國，ＳＯＮＹ又話聽日有個ＲＯＡＤＳＨＯＷ，不過咁０岩聽日又要考試，真係好倒楣！！！見財化水，希望去到迪士尼可以搵得番啦。

聽日約左肥坦和電車華睇黑社會２，上次一齊睇黑社會１，不過今次缺少了爛咀，真係可惜。夜晚睇睇０下電視忽然有特別新聞報導，我仲以為又有恐怖襲擊，原來係海龍王又發嬲，有可能引發海嘯！！！好驚呀！！！！！！！唔知會唔會又有天災呢？

見到屋企隻貓剩係識食和訓，我有時都想知道佢到底覺唔覺得悶，但係睇佢個樣又好似好享受咁，可能佢真係好ＥＮＪＯＹ呢種生活，其實佢遇上我真係好幸運，如果唔係佢就只是一隻普通流浪貓，每日都日曬雨淋，冇啖好食，仲要驚俾人打，俾人恰。不過我唔可以容許佢過０的咁頹廢０既生活，所以我迫佢做運動，同佢踢波，如果唔係佢會變左做咖啡貓。

掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛掛
住住住住住住住住住住住住住住住住住住住住住住住住住住住住住住住住住住住住住住住住

>>May 3, 2006 at 5:47:24 PM GMT+8

2006 年 4 月 30 日 星期日 【晴】

呢兩日俾我個感覺好似暑假時番百老匯一樣，因為我冇番ｈａｌｌ，放工就番屋企，雖然只係番九個鐘，但係路程遠左，番到屋企時間和以前好吻合，連食飯和疲累０既感覺都好相似，其實我都唔明白點解我企係到個肩膀會又累又痛，我真係好想知點解。今朝十點起身，跟住沖涼洗頭，而後又著番同一套衫，已經連續第三日著了。今日帶左普通話上車溫，其實由上水出尖東站＄１２我覺得唔算太貴，都接受到，點講都算幾遠，時間又只需４５分鐘，相比五分鐘左右就去到０既羅湖真係合理好多，羅湖站真係正仆街合家產，痴撚線，唔知道以為老練咁遠，完全係好似上ｅｘｅｒｃｉｓｅ　ｐｈｙｓｉ咁樣俾人屈機。

今日十二點又番到去做ＲＰＧ　ＧＡＭＥ入面０既電腦人物，不停咁等待主角來ＣＬＩＣＫ我問問題。琴日能夠成功賣到一部機我已經覺得係恩賜，講到尾呢０的咁貴０既０野真係好少人會冇啦啦去買。今日我一路拎住份宣傳單張扮睇，其實入面就放左張普通話紙係到溫習。一路係到四點三十五分我先出去食食物。今日我冇去乳癌茶餐廳食食物，但係我知道就算佢少左我一個客人，佢都唔會受影響，唉．．．．再次發現自己的渺少。食完０野之後行左陣間，去左睇０的ＰＯＲＴＥＲ袋，有一隻好細個０既斜咩袋幾鐘意，不過冇咩用。之後去左痾屎，然後又再投入角色。

一如以往，最多人問０既都係廁所係邊，有普通話，有英文、有中文，所以我已經精通三種語言講出廁所所在。下半場我有大轉變，我用自己個腦同自己玩，個腦好似變左一部電腦咁，係咁ＣＵＴ０的片出來，我諗番好多中學時期的趣事，有０的係真，有０的係假，我自己係到幻想左好多攪笑０野，忍唔住笑左出來，唔知有冇人見到，如果見到一定以為我企到衰撚左，不過真係幾好笑，仲笑左好耐．．．．．．．今日全日去左四次廁所，差唔多啦，平均兩個鐘去一次，客人好多，不過唔係過來找我，下星期我一定要強烈要求去番沙田，近好撚多，放工又可以行陣商場先走。

今日九點放工，我扮電車男掛左隻ＫＥＲＯＲＯ係背包到番屋企。今日兩程我都用左超必，但係都要成＄８．５，好傷．．．．．係尖東站買左個電動火車玩具，琴晚已經諗住買，但係冇錢，我話過如果今日再見到一定買，點不知真係見到，我最佩服佢就係係火車範圍內都夠彊開檔，仲要冇人趕佢走，就憑佢呢份勇氣就值得我幫佢買呢套電動火車連路軌！！上車後就訓教，一路訓到粉嶺，原來係上水終點站，好彩有一話好心小姐叫醒我，如果唔係我就會去左唔知邊到了．．．．．．．．．．．．
番到屋企又食飯，聽日終於可以訓晏０的，不過一定要溫習，我真係好驚會打機打到天昏地暗，為左防止呢件事發生，我決定今晚打到飽為上先訓！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

在真實的世界受苦，不如在假的世界追尋快樂，如果我是ＭＡＴＲＩＸ的ＮＥＯ，我會替他選，吃下籃色的藥丸。

>>April 30, 2006 at 6:16:46 PM GMT+8

2006 年 4 月 28 日 星期五 【晴】

今日十點鐘起身沖涼，然後番工。拎左普通話紙諗住上車溫，誰不知未上車就跌左係街，上到車先知，白白浪費左成個鐘溫習機會。

今日賣呢隻價值＄１０９８０的ｈａｎｄｙｃａｍ比之前更難，不過可能休戰左一段日子，所以感覺冇咁難捱。係恆陸見番０的人，佢地仲認得我係ｗａｌｋｍａｎ　ｐｒｏｍｏｔｏｒ。之後ｓｏｎｙ琪打電話來，再次重覆一次話：「我真係好鐘意你個鈴聲。」能夠於打俾我時送上歡樂的一刻，我感到今次０既接駁鈴聲好成功，最整都係０個次個ｐｅｏｐｌｅｓ服務員打來時０既笑聲～

食飯時個死八婆找少左十蚊俾我，我出門口先知，番入去問佢拎番，雖然佢有俾，但係好似我坤佢咁，祝佢生乳癌死，怇老公死睪丸癌，仔女生血癌，老豆老母生肺癌。

放工之後番屋企，睇左少少電車男，不過打算下載。夜晚普通話老師打電話俾我，我一聽佢就用普通話叫我「黃志騰」，只有小堅和曹潔瑩會咁樣叫我，我緊係以為係曹小姐啦，佢第一句就問我首歌係咪我唱，原來佢又話我首林海峰，佢應該聽得明首歌啦，都係普通話０者。之後係咁講普通話，我先知道係閻老師咋！！！！！！嚇撚到我呀，我仲好撚輕挑咁答佢ｔｉｍ．．．．今次又多架私家車了．．．．．．

星期二三四都好多０野要考，星期一要溫晒足球和ｏｕｔｄｏｏｒ，兩科都係ｎｏｂｌｅ，兩科都係講晒考咩，咁都唔溫一定死亡。











不死神童看死亡筆記，唱不死傳說，高呼死神來臨了！然後繼續玩他的死亡遊戲，最後發覺忘了做死亡習作。

>>April 29, 2006 at 6:00:25 PM GMT+8

2006 年 4 月 27 日 星期四 【乍寒還暖】

琴晚冇啦啦走左去同學弟們小酌，走左去新主席房間，仲有少露面的兆麟。原來佢地今日剩係上ｓｋｉｌｌ堂，仲要係下午先上，但係我同阿釗就要上０９３０，不過算啦，０５／０６學年的最後一晚。正當大家都係到趕功課時，好意外我地好得閒，因為已經一早完成，之前咁得閒唔係唔做麻。男人的煩惱永遠都離不開錢銀和女人，呢個係不變的定律。每個人都要溝女０既，溝唔到好過冇去溝．．．．不過好意外地原來阿邊個竟然同過阿邊個一齊，正喎！！！
飲到三點幾又變身關雲長，跟住番左房昏迷。

今朝一又要上０９３０，知醒不過唔精神，但係見最後一日上埋去啦，但係最後都係冇咩驚喜。今日吹水松又係到寵幸肥華，寵到出晒面，兜口兜面讚佢乖呀仆街！！小學生呀而家？！？乖？？中學老師都唔會讚學生乖啦，毛管棟呀真係，佢兩個斷背呀遲早，痴線嫁，去左林子豐就話乖「阿華都真係幾乖０既～～～」，個「０既」字姣到呢～～～落堂之後就去左食早飯，之後番左房打機。跟住訓左一陣教就起身沖涼執０野番上水。拎左個ｏｋａｙ袋裝晒ｐｓ２同０的ｎｏｔｅｓ番屋企，因為下星期有好多三科ｓｋｉｌｌ的ｅｘａｍ同埋普通話口試。個背包超重，再拎埋部ｎｏｔｅｂｏｏｋ番家，背到我條頸勁痛不過咁樣唔知練唔練到肌肉。首先去Ｇ４交左ＲＴ張ＦＯＲＭ，雖然機會好渺茫，不過都係０個句，有試好過冇試，如果我真係成功的話，我一定要集合所有ＷＩＮＮＩＮＧ人係同一層，全撚部自己友，可以尻撚ＦＩＮＧ　ＦＩＮＧ咁係走廊行。

今日落住雨，又重裝行去火車站，真係有０的火滾。係火車到可能天雨關係，少左人，所以有位坐。跟住一如以往咁係火車備課，今日應該係教時鐘問題。去到後一切都好如意．．．．不過上左一陣之後，忽然個阿ＳＩＲ拎左三個學生離話插班，都算啦，７個人０者．．．．．誰不知其中一個男仔頑皮到不得了，佢老母臭西又係到講淫０野，又講粗口，屌佢老母死人四眼仔，仆街，原本我０個班不知幾聽教聽話，佢條仆街係到又噪又煩，就係想打尻佢，麥慕天，我屌你老母！！！又係到攪我隻軍曹，唔撚識０野又話我隻軍曹係兵長，兵你老母，兵長籃色嫁！！！我下次一定大聲屌尻佢，再唔係踢佢張台嚇尻佢，仆佢個街，講粗口呀等你，放學後伏尻你打你老母！！！

１５３０番到屋企，跟住食左個面就訓教。訓到七點幾食飯，好唔習慣咁早食食物。食完之後打ＷＩＮＮＩＮＧ　１０。之後就同ＳＥＮＤ　電郵俾石內卜問口試０既０野，然後作晒五篇短文然後ＳＥＮＤ俾女友幫我加發音，咁就可以溫習了。原來聽日要番工，原本番沙田，誰不知又要番恒隆中心．．．唉．．．唔想番咁遠呀頂．．．．．．．好唔開心，雖然係上水出發同係ＨＡＬＬ出發時間差唔多，雖然幾難相信，但係真係差唔多，因為由宿舍去地鐵站都要兩三個字．．．．．．唉．．．．．唔制呀，不過算啦，累？！搵食呀大佬！！！

今日是ＹＥＡＲ　２最後的上課天，尻撚ＦＩＮＧ　ＦＩＮＧ又ＹＥＡＲ３了，咁就快要畢業了，咁就係大學生．．．．．呢一年到底做過０的咩呢？？除了打造了一隊無敵的ＭＡＳＴＥＲ　ＬＥＡＧＵＥ　ＴＥＡＭ之外，仲有不停享用健身設備和ＢＴ下載，不過，呢０的０野一個普通人都可以做到，除左上一０的所謂０既大學課堂外，咩都冇得著，但係呢０的所謂０既課堂，於我地範疇而言，唔可以話冇用，只可以話冇咩用，真係冇咩用，最後都只是為了一張畢業證書，唔好再呃自己諗住張學到０既０野應用喇，唔好咁天真了，只少我們是這樣的。

>>April 28, 2006 at 6:26:00 PM GMT+8

2006 年 4 月 26 日 星期三 【酷熱】

呢兩日都要睇波，但係好遺憾地兩日都係悶和０：０．．．．．今日訓到十一點就起身，因為要去領事館到見領事。一早就被震西噪撚醒左，佢又俾人坤左一早番來。起身之後沖完涼換左套西裝，終於有機會可以拆招牌，不過條褲好似吊吊地腳，０個日番屋企先叫阿ｍａｙ過短左，而家又要放番長少少，實俾佢小。換好衫之後同競哥、阿婷、女友等五個人一齊搭的士去，有八折優惠。

今日天氣頗熱，仲要著住套衫，真係感受到０的西裝佬０既苦況。去到領事館喚醒了小時候係到等０既情況，咁多年咩都冇變到。係門外等左一陣就入左去入面，即是話已經踏足了美國領土。我真是有點兒後悔著左西裝，大把人都係ｃａｓｕａｌ　ｗｅａｒ咁去，根本就唔需要咩ｆｏｒｍａｌ　ｄｒｅｓｓｉｎｇ，仲有叫我地帶０既０野咩都冇睇過，行到埋ｃｏｕｎｔｅｒ剩係叫我申出左手手指，然後右手手指，咩都冇問就走得．．．．．．ｈｅａ到爆炸，好彩日前問左０蔥哥，叫我咩都唔好準備，好彩我真係咩都冇準備，如果唔係就七頭喇，不過我著左西裝去已經好七頭。

見完之後就番宿舍，係ｍｔｒ到我好撚型咁讓座俾一個企係到震到好似食左ｆｉｎｇ頭０既阿伯坐，其實我都好有愛心，雖然成日同０的師奶爭位坐，但係我識分邊０的係到扮撚晒有需要而邊０的係真係有需要。三點半要上普通話，不過我三點半先食食物，食完就慢慢咁走去上堂。由於咁難得著左西裝，所以就著埋上普通話堂。今日好眼訓，冇咩聽到書，堅仔連續兩日都冇來，老師話佢冇當日醫生證明就唔俾佢考試！！今堂最後老師播左隻普通話歌連歌詞，叫大家一齊跟住唱，最後一堂播隻祝福０既歌，原來石內卜老師唱歌都幾好聽，攪到有０的感動ｔｉｍ．．．

落堂之後番左房，好眼訓，但係睡眠質素好差，我發覺只要出完汗之後，無論等幾耐都好，都係有一層膜咁包住，攪到個人好唔舒服，訓到八點鐘個人仲累。之後起身去左做ｇｙｍ，今釗去左又一城三ｓｐｒｉｔ到剪頭髮，好撚有米，不過其實都唔算太貴，搵日我都要去試試先。今日健身到九點半上左去射籃球，未段掌握到射三分０既力水，連續入左成四五球，好撚勁秋！！！之後去左小島食日本食物，而家就番ｈａｌｌ。由於天氣太熱，我決定開冷氣。

由於ｗｉｎｎｉｎｇ　１０的出現，令到曾經被寵愛的ｗｉｎｎｉｎｇ９被打入冷宮，一切又要重新適應，就好似改朝換代一樣．．．．不過考試將近，我諗我都係拎番屋企先生玩好了。下星期２號３號和４號都好撚多０野要做．．．不過過埋４號就有成個星期溫書，咁多時間，如果真係好好咁努力溫習，應該唔會太差，所以我要加油！！！

>>April 27, 2006 at 4:46:45 PM GMT+8

2006 年 4 月 23 日 星期日 【暴雨】

琴晚半夜忽然間雷電交間，勁好恐怖，我隻貓最怕行雷。今朝早八點就起床迎接最後一堂的八點半，亦都是最後一個上課周。梳洗完之後就出發，今次幾滿意新髮型，簿左之後冇咁熱，又快乾，個人都精神０的，對住塊鏡掙扎左五分鐘，決定唔剃鬚，因為好唔鐘意剃左之後咩都冇晒０既感覺。第時有錢去做激光脫毛，永遠都唔洗剃鬚。

今日上中史堂時老師講考試題目，四選二但係已經講左一條係咩，就係我地ｐｒｓｅｎｔ個題目．．．即是話，只要肯溫習個個都會識．．．今次觸礁了．．．．．．．．．．．．．．．其實都唔明白點解浸大係都要規定要有２５％人拎Ｃ，如果真是好差咁冇０野好講啦，但係有時候只係差好少分數，咁就強行送架Ｃ＋車俾人，真係好冇陰公。人地中大都冇人拎Ｃ，除非真係ＨＥＡ到爆炸，我地咁樣都有好處０既，起碼０的ＦＩＲＳＴ　ＯＮ真係優秀中的優秀，但係又有冇諗過普通學生，咁樣唔係阻止濫發ＦＩＲＳＴ　ＨＯＮ，而係大量製造ＴＨＩＲＤ　ＨＯＮ！！！浸雞大學出到離已經俾人覺得廢廢地，仲要係ＴＨＩＲＤ　ＨＯＮ的話真係雪上加霜．．．．

落堂之後拎番０的ＤＩＳＮＥＹ　ＦＯＲＭ就去交，簽左０的唔知咩０野後就番房間休息睇軍曹。而家有兩部電腦，不過可惜唔可以同時上網，因為我拎漏左隻ＤＲＩＶＥＲ碟，不過等多幾日就有個ＷＩＲＥＬＥＳＳ可以上網，到時一路痾屎一路上網都幾過癮～！～！～！～！之後上假ＲＥＳＥＡＲＣＨ　ＭＥＴＨＯＤ，其實今堂真係可以唔番，不過唔番個感覺又好似有０的罪惡感，但係番左去又係到聽０的人ＰＲＳＥＮＴ，跟住仲訓埋教ＴＩＭ．．．咁其實同唔番有咩分別，係有的，個心會安樂０的。落堂之後去左桃源食食物，然後番上ＨＡＬＬ，原本諗住去游水曬太陽，誰不知一番房就變左烏雲密佈，講起太陽，呢排都黑左好多，又去泳池又打活木球，講起活木球，又係好悲，今年個比賽好冇ＦＥＥＬ，但係平時練習又好有ＨＥＡＲＴ，可能八點半去到ＵＳＴ加上冇食早餐總要係烈日當空係到乾蒸，曬到隻手又手錶印又手鍊印。

之後係床玩玩０下電腦訓著左，起身之後上ＴＥＮＮＩＳ，今堂又係最後一次練習。ＤＯＣＴＯＲ　ＬＡＵ成撚日係到讚肥華，ＳＯＣＩ又係咁，佢擺到明係寵臣，成日話佢打得好，我夠打得好啦，係開波冇咁強勁０者！！！！！打完之後番左ＨＡＬＬ沖涼，然後換衫去左做ＧＹＭ，大部份人去左就職典禮，呢０的場合都係不適宜我０既存在，都係做ＧＹＭ好。

做完之後番ＨＡＬＬ換衫執０野番屋企，因為聽日有突如其來的ＤＡＹ－ＯＦＦ，加上我要拎番條西褲去ＩＮＴＥＲＶＩＥＷ，最重要係我想拎番隻ＤＲＩＶＥＲ，同埋我想去扭ＤＯＲＯＲＯ，仲要買條電腦線過番晒０的０野落ＮＯＴＥＢＯＯＫ，真係好撚忙碌！！！！！！！！
今日下著綿綿細雨，唔知點解對０的死物會有一份情，行到火車站見到朋友號咁樣淋雨，我又覺得佢好慘，於是就推左去地盤到有蓋遮頭０既地方等佢避雨，最多行遠少少拎０既０者番離。

上到火車呢幾次都好失敗，因為完全估計曾錯誤，一路企到粉嶺先有位坐．．．燥晒，但係我覺得ＫＣＲ個有線電視真係好好０既設施。番到上水我去左馬拉松睇ＪＯＲＤＡＮ７，跟住仲試埋，差０的我又買埋，好似冇俾個ＳＡＬＥＳ逗落搭，我假假地都係半個售貨員，不過真係好吸引，九折左之後都係＄８９９．．．．．．．之後買左豆豉排骨炒面番屋企食。一路食一路睇電視。一路以來我都唔明白點解０的會相信有神０既存在，點解會有咁多人去相信一０的完全冇科學根據０既０野。但係當有成十億０既人都抱住同一個信念，去相信教宗、相信天主教．．．．全球十億天主教徒．．．．一個人傻，冇理由十億人傻．．．．唔通傻０個個係我？但係０個個咁０既教宗咪又係人一個，冇啦啦又變左做神唔神，人唔人咁，我都摸不著頭腦。

>>April 24, 2006 at 5:43:55 PM GMT+8

2006 年 4 月 20 日 星期四 【晴】

呢兩日真是覺得很大壓力，完全感受到咩叫做香港式生活，琴晚我超抆和燥。六點幾去ｔｒａｉｎ　ｓｏｎｙ最新０既高清攝錄機，開頭又話去到十點鐘，結果攪攪０下去到成十一點半先係老銅番來，我仲要冇錢，但係其他賣開ｃａｍ的ｐｒｏｍｏｔｏｒ就有，喂大佬！！而家我唔撚係ｓｏｎｙ　ｐｒｏｍｏｔｏｒ呀，雖然賣　ｗａｌｋｍａｎ０者，我唔係新人喎，不過我冇同佢爭論，我會搵我０既經理人公司同佢傾。番到宿舍諗住去打迪士尼０的ｆｏｒｍ，攪到成兩點鐘係ｒ７都未整好，有好多０野唔識墳，最撚仆街０既係打好晒先講話部ｐｒｉｎｔｅｒ壞左ｐｒｉｎｔ唔到０野，我由心而發出一聲你老母臭西！！！！之後番到上課又面對好多功課壓力，最後我發嬲，我真係發嬲，沖涼唔洗頭極速上床訓教，開始明白點解會有人想自殺，真係一念天堂一念地獄，我選擇癩皮咩都唔理係消極中帶積極。

今朝九點起身，心情好番少少，個頭勁痕，沖完涼之後上社會堂。之後落堂後和震西一起去打ＦＯＲＭ，有人陪個感覺冇咁淒涼，最後我快過去打完，心情好番好多。不過之後又俾人搵出好多錯處，跟住呢個又話咩唔塗得，又咩唔畫得花，攪到又抆晒，又要落堂去打過。落堂十二點半，但係兩點半又要去到上水補習，最後心情好煩燥咁打，我覺得時間唔係好夠用，打完之後成點鐘，叫左肥坦幫我交，但係唔知點解總是有不詳預感。跟住極速踩單車出去九龍塘，點半鐘咩都冇食過，剩係得包餅係到，上火車又驚俾人拉食食物，痴撚線真係，唉．．．．之後我唔撚理照食，佢試０下捉我我真係變超西俾佢睇！！跟住訓左一陣教，起身個人ＣＯＯＬ　ＤＯＷＮ左少少。

去到學校又見到班小朋友，心情出奇地好番０的。今堂教佢地湊合法同埋個條咩ａ２　－ｂ２＝　（ａ＋ｂ）（ａ－ｂ）．．．．．最蠢個小女孩識得答我
ａ２　－ｂ２＝　（ａ＋ｂ）（ａ－ｂ），但係佢又唔識得４二次方－３二次方＝
（４＋３）（４－３）．．．．．．唉．．．．不過我都冇燥，剩係覺得好好笑。最後佢地叫我講課外０野，我就問左佢地條ＩＱ題：

一個煎ＰＡＮ只可以煎兩隻蛋，每隻蛋每面要煎一分鐘先熟，咁煎三隻蛋最快要幾耐時間呢？？


教完數之後三點半，去左上水廣場睇波鞋，收到消息出左對ＪＯＲＤＡＮ７新色，真係幾靚，又想買ＴＩＭ～～之後一條友去左食食物，然後就去左行街。行到去龍豐買番髮泥，阿沛都買左我０個隻髮泥，果然識貨！！之後我行入龍豐．．．我．．．我．．見到有得扭軍曹變眼扭蛋，跟住就即係唱錢，第一隻係他媽媽二等兵，跟住再抽係ＫＵＲＵＲＵ曹長，之後係我至愛ＫＩＲＯＲＯ伍長，我超級好運，連續扭三隻都係唔同的！！！加埋家姐俾我隻軍曹，我至係差ＤＵＲＯＲＯ兵長，不過我冇扭到，因為我知道一定冇咁好彩的，所以放棄了，但都好開心。之後就去左剪頭髮，剪短左０的陰，唔想次次都好似冇咩改變咁。剪完頭髮我就番屋企小休，就係咁一條友係上水遊樂左三個鐘頭。番到屋企姨媽姨丈０的行李冇晒，屋企又打回原形，之後我就訓左一陣教。七點半左右出左去百老匯到買ｎｏｔｅｂｏｏｋ，其實六點幾我已經叫左佢地幫我開始攪，但係由於我太麻煩，要佢地裝晒０的ｓｏｆｔｗａｒｅ，又防毒又ｏｆｆｉｃｅ又呢樣０個樣，攪左成個鐘先得。雄爺好豪咁送左好多０野俾我，經理果然係唔同０的。不過其實都好感激大家幫忙，熱情好客，如果再有一部的話一樣照留俾豬豬。跟住過左去我即將要賣０既高清攝錄機，於是過去舌戰，唔錯，佢地都背熟晒０的資料。

跟住拎左好多０野去食食物，然後番屋企執一執０野。跟住拆晒０的盒拎個ＮＯＴＥＢＯＯＫ袋番ＨＡＬＬ。為左慶祝我今日買左新電腦，所以我決定用正當手法搭火車。係火車到我拎左部機出來打日記，我真係覺得感覺好特別，今日日記就係用ＮＯＴＥＢＯＯＫ打成，字裡行間散發出陣陣手提電腦的味道。抑鬱的心情得到解放。


番到ＨＡＬＬ之後，我入都未入放就收到不利消息，原來活木球唔係星期六比賽，係星期日，我記錯左日子，我調左星期日要番工但係星期六就唔洗，今次真係仆街，唉．．．．．成個人即刻ＤＯＷＮ撚晒，真係好鬼死麻煩，點解好似過山車咁嫁０的情節。

>>April 22, 2006 at 7:47:09 AM GMT+8