2006 年 9 月 26 日 星期二 【晴】

呢幾日香港的濕度低左好多，太陽伯伯亦展露笑容，我亦都再次感受到和暖的天氣，實在令人高興。呢幾日係咁曬日光浴，我又變黑左好多，但係呢隻黑就真係黑，唔係古銅色，唔通係同一天空下，個太陽真係有分別？？？琴晚夜晚去左龍琛路做ｇｙｍ，講起康文署就真係唔知好嬲定好笑。話說每個鐘頭非繁忙時段要＄１４，我去到九點十分，俾左錢之後佢話我蝕左十分鐘，因為買鐘係要搭正，即是係買九點至十點，如是者我冇撚理佢就上左去樓上做。當我做到十點鐘，響撚晒音樂咁通知人夠鐘，咁好啦，我諗住有人離趕我就走啦．．．誰不知．．．我一路做一路做，我終於明白，無論我做幾耐都唔會有人離趕我走，換句話說如果我買兩個鐘頭就真係超撚白痴．．．．．呢０的就係康文署的工作效率，每日都唔知因為咁樣少收左幾多錢．．．．所以我就算凌遲處死我都唔會入康文署到做０野。

今日係屋企冇人的第二天，感覺真係好好，有時候唔明點解０的阿媽會咁煩，佢咩都可以係到噪，０的鞋放得唔好又要噪、個背囊放係廳又要噪、０的衫著左一日唔著又要噪，我真係覺得好煩，呢兩日我真係覺得好撚ｆｒｅｅ，間屋得番我同家姐，我真係覺得好都私人空間，呢兩日我都炒飯食，我老母成日驚冇左佢我會餓死咁，大佬呀！！！我係美國三個月唔係自己煮自食咩，咪又係食到而家黑黑實實！！！更何況我而家係自己陀地呀！！！今朝唔洗上八半，原本諗住唔番，但係我計劃了一個豐富的行程。話說琴晚做ｇｙｍ拉傷左個左背肌，不過唔算太嚴重。今朝１０３０去打壁球，不過我同肥坦遲到。原來ｃｅｓａｒ打壁球都有０的料到，我鐘意發現原來佢係識得玩球類的。

打完波之後我和ｃｅｓａｒ去左ｋｉｎｇｓ食食物，食完之後我去曬太陽，曬到四點鐘先走人，一路曬一路睇報紙，超滿足！！！跟住四點鐘去洗牙，都有點兒緊張，仲有少少痛，不過個感覺好清潔。洗完牙之後趕住去思齊樓捐血，好彩剛剛好五點鐘趕到去，成為最後一個！！正！！！捐完血之後六點幾我就落旺角去珠算教室，十月開始每個星期有兩班教，今次教記憶法，超正！！由於今個ｓｅｍ時間表較靚，所以可以多０的時間，我希望一星期有四班咁就差唔多喇，我記得寫約時佢話每年加＄２０的，咁樣而家即是＄１００　ｐｈ，一星期有四班的話，每個月就有１００ｘ４ｘ４＝１６００再加２８８０＝４４８０！！！！正呀！！！希望有呢一日啦，快嫁喇！！但係諗諗０下都畢業啦，搵兼職勁有條春用咩，搵定長工啦，好彩我有個小小的理想，第一步我希望下星期可以成功過關面試，之後再年年考埋個幫板仔，可能短期內未必成功，但我覺得終有一日做到。但係當然我０既目標唔係咁少啦．．．．．．．

講起督察就火，上星期六去交資料，佢要我拎張大學證明去，我都未畢業點拎呀，跟住佢話校務署到有得拎，之後仲話如果以中七身份去考連第一關筆試都冇得考．．．．喂，大佬呀！咁你唔好寫最低要求係中七啦仆街，最串０個句係佢話：「唔該你假如有得面試的話，剪０下個頭，唔好帶耳環同埋剃埋０的鬚，我地而家係選警察，唔係搵卧底呀！！」，我尻唔撚知咩！！我來交資料０者！！我鬼唔知ｉｎｔｅｒｖｉｅｗ要執好０的咩！！！！不過我鐘意你夠串，終有一日我可以咁樣串人！！！！唉．．．星期一我會剪一個七頭．．．．．．．

八點鐘之後坐火車番屋企，係大圍站成功霸佔座位！唉．．．．呢排我已經學識左只要夠狠！！夠狼！！！！就可以有位坐，每朝早我唔撚理，我要厚住面皮一開門就跑入去同人爭、同人撞、同人搶！！！！！！琴晚番屋企．．．我同個阿伯搶，結果我搶贏左！！我同佢面對面咁企左係個位前面，佢又係衰０既，個位明明係我的，佢老練咁衰衝過來想坐，我就緊係唔撚妥啦，最後我冇讓佢，佢好兇咁望住我，但係冇鬧我．．．．．．但係我個心有０的唔舒服．．．．．

番到上水去左上水廣場陪人買ｂｅｒｂｕｒｒｙ手袋，跟住我去左百老匯，我等唔撚切喇，聽日放學鐵定買手機呀你老母臭西，等張死人信用卡都唔知等到幾時呀！！！！！之後約左女朋友係樓下食食物。聽晚要同潘健侶聚會。原來聽日要去大尾督水上中心，我差０的唔撚記得左，你話呀，冇部ｐｏｃｋｅｔ　ｐｃ點做大學生呀？

>>September 28, 2006 at 4:32:45 PM GMT+8

2006 年 9 月 25 日 星期一 【晴】

我不去想是否能夠成功，既然選擇了遠方，便只顧風雨兼程；我不去想身後會不會襲來寒風冷雨，既然目標是地平線，留給世界的只能是背影。

>>September 26, 2006 at 5:01:18 PM GMT+8

2006 年 9 月 22 日 星期五 【晴】

琴日下午走左普通話堂，因為我要去ｊｏｉｎ　ｏｕｔｄｏｏｒ　ｒｅｃｒｅａｔｉｏｎ的行山。其實我都好想修ｏｕｔｄｏｏｒ，不過我又要讀普通話，唯有放棄呢科，反正我都只係喜歡出ｔｒｉｐ，唔係上堂。今次去行獅子山俾之前ｏｕｔｄｏｏｒ　ｐｕｒｓｕｉｔ容易得多，一來道路冇咁崎嶇，二來冇拎重型行李，但係我地沿路猜情尋，輸左要幫人拎晒０的背囊，想不到我係第一個輸，原來一個人拎買個背囊真係有０的累，我仲要上斜，超悲。之後第二個輸係阿沛，佢最撚慘，０個段路係最撚斜，我就係行都覺得有點兒辛苦。之後到ｃｅｓａｒ輸，佢最撚舒服，但偏偏肥華和阿ｍａｙ冇輸到，真係天冇眼。行左大約一小時唔夠就上到山頂，感覺好舒服，不過可惜大霧，睇得唔清楚，之後影左０的相，但係ｃｅｓａｒ幫我影０個０的全部都食屎，完全唔到，唉．．．．．

落左山之後大約五點幾，都有少少累，之後搭火車番屋企，沖完涼之後又出去上琛圳食食物。今次再去食味千拉面，食左個三文魚蟹子炒飯、鹵肉面、金姑牛肉卷、餃子．．．．埋單都係＄６８．．．．．．．人越多越抵食，真係超正。食飽飽之後去左腳底按摩，０岩晒～之後夜晚經黃岡口岸番番香港，番到屋企超撚眼訓。

今日冇番到工，因為兩點鐘要去金鐘警察總部交０野對資料，去到之後對番會考和ａ－ｌｅｖｅｌ０的成績，跟住佢話要我拎學位證明，我都未畢業點有證明０者，之後佢話俾六星期我叫我番學校校務署到問佢地拎。去完之後去左沙田ｐｈｙｓｉｃａｌ免費做一次ｇｙｍ，呢到都幾大，同埋有好多機，有好多都未見過，真係想練咩都有，不過都係舉啞鈴最實際，最正０既係佢個地板望落去同偉衡係一撚樣，但係一炸個啞鈴落地時個分別就大了，就算７０ｌｂｓ炸落地都一粒聲都冇！！！！

做左兩個鐘之後去沖涼，然後又焗桑拿，連續兩日都焗，超正～雖然平均每個月唔算太貴，但係我唔鐘意一次過要俾一年錢咁多，不過如果可以得閒走上離焗個桑拿都唔錯～～焗完之後出左去食物，今日係沙田見到師弟做ｐｒｏｍｏｔｅｒ賣ａｓｕｓ新０個部ｐｏｃｋｅｔ　ｐｃ，呢部都唔錯，大大部又有按鍵，鈴聲又夠大，不過我係唔鐘意個ｂｒａｎｄ同埋唔知會唔會易壞，雖然我信佢唔會呃我，但我都係要等張ｉｔ信月卡離左先買。之後我又見到ｅｒｉｃｓｏｏｎ部ｐ９９０ｉ，正呀！～不過佢又唔係行ｗｉｎｄｏｗ　ｍｏｂｉｌｅ，我又唔想玩ｓｙｍｂｉａｎ，但係Ｐ系列我鐘意呀～～

之後和女朋友去左食元綠，每次去食我都好想食完將個碟放番上去個迴轉到，我成日都好質疑０的人係咪真係會防止到～食左＄１６８都唔算太貴，真係好懷念係ＵＳ豪食的日子，不過可能因為而家冇穩定收入，第時畢業後幾萬蚊一個月咁就可以豪食嫁喇，快嫁喇，呢０的日子就快到嫁喇．．．．．．．．．．．．食完飯之後番屋企，聽日要番工了，我發覺有好多事情要做，又要記低提自己，部手機個行事曆又唔想用，因為太廢，係呢個科技發達０既時代更加唔想用手寫記事簿咁ＫＩＮＤ，加上用左呢部電話超過一年，綜合以上種種原因，只可以得出一個結論．．．．．．．．．．

夜晚睇報紙體育版，戇尻到爆炸，嘜撚０野校園皇馬ｖｓ學界車路士呀？！冇撚０野呀記者仔，跟住又嘜尻大埔卡斯拿斯、潮版簡拿華路、學界雲佬、董之英羅賓奴、元朗波歷克、遵理林柏特、校園舒夫真高．．．．．．．你係咪寫到冇０野好寫呀仆街．．．．咁撚多勁人係香港，人地唔撚洗申請有線啦，去現場睇啦！！痴撚線，又唔見你寫０下我彩園村金童迪比阿騰！！！！！




>>September 23, 2006 at 5:07:50 PM GMT+8

2006 年 9 月 20 日 星期三 【晴】

原來阿沛細過時有一味０野，就係鐘意成日單眼咁行去開著０既電視前面，然後貼隻眼埋去望個電視，佢話咁樣做會有一個好奇怪的現象出現，就係隻眼只會見到紅綠籃三隻色，亦即是我地所講的三原色。咩原理我就冇咩興趣去研究，我反而有興趣去研究一下點會佢到今時今日都仲未盲～之後我番到屋企心思思又想試０下，但係又莫薑．．．．我真係唔明白佢咁細個點解會識得咁樣做。琴晚去左ｏ’ｎｉｇｈｔ，跟住打籃球，攪到好撚七夜先番屋企，番到去都成１２點，係美食天橋買左食物，我又見到餃子叔叔，我再次恰尻佢，十蚊六隻平時我會屈撚到佢八隻，但係日我得＄８，所以我剩係俾＄８就算～

今朝又係八半，起身０個一刻真係好撚辛苦，完全唔明白自己點解會起到身。今日和女朋友一齊番學，我覺得每個星期三和四番學都好大壓力，因為入火車霸位真係氣氛好緊張，仲會有少少心跳加速，０的人一開門真係會飛入去，跑入去，腳步聲「砰砰砰」咁，個個都想霸位，真係好撚死黑人憎，每次都要等多一班車先有位坐，點解香港每日都冇人死？但係就有人出生，咁攪法，遲早連上水上車都冇位坐嫁喇．．．．．希望香港可以死多０的人啦，如果每日都有一萬人死咁就好喇，搵工又易０的，搵位又易０的，空氣都好０的啦～～

今朝番到去一個鐘頭八半，訓左半個鐘，ｄｏｃｔｏｒ梁唔知係咪老到懵左，佢唔俾ｐｏｗｅｒｐｏｉｎｔ我地，又要我地抄，又多，一路抄又係撚咁講０野，我做得０的咩，最後忍唔撚住問佢做嘜尻唔撚放上ｗｅｂ　ｃｔ，佢冇直接回答到，但最後佢都話ｓｅｎｄ俾阿沛再ｓｅｎｄ俾我地，咁即刻點呀？！？咁做咩唔ｐｏｓｔ上ｗｅｂ　ｃｔ０者，唔通．．．．佢唔識得用？．．．．．．．．．．．？．．．．．．．．．？

落堂之後去左歌和路街上堂，肥豬和震西琴日已經拍拖，原來真係會拍拖．．．理應就可喜可賀，但唔知點解感覺好似怪怪地咁。其實有０的咩問題呢？點解我地會有０的咁奇怪０既感覺，仲要係有０的ｎｅｇａｔｉｖｅ，不過又唔撚關我地事，但係唔知點解又成日係到討論，最奇怪０既就係大家都有共同的感覺，咁即係點呀？！？！？！？咩事呀到底？？唔撚理喇都係，話之去啦，講到尾又真係唔關我地事喎。

今日上壁球堂時ｃｅａｓａｒ交左佢份ｕｎｄｅｒ　ｅｘｐｅｃｔａｔｉｏｎ的ｅｖａｌｕａｔｉｏｎ　ｒｅｐｏｒｔ俾大波林，之後佢同震西俾人拉埋一邊，然後震西好撚型咁話：「兩個ｃｒｅｄｉｔ０者」，其實一０的都唔型，如果０個個唔係大波林換左第二個睇０下佢夠唔夠ｐｏｐ咁樣講０野，雖然大波林流流地，但係佢咁好人我都唔會串尻佢。落堂之後諗住去唱ｋ，但係由於九龍城淪陷，太多學生去食ｋ－ｌｕｎｃｈ了，之後去左又一城ｆｏｏｄ　ｃｏｕｒｔ食０野．．．嘩．．．．你老味．．．．痴撚線，你話呀，點可以唔每日死一萬人呢？
其實真係好嫁，每日死一萬人對大家都有好處，有０的人係應該要死嫁真係，因為好多人都係唔死都冇用，例如番左學等於冇番學，摺到爆０既人就係最適合０既人選，可能遲０的我都係其中一個。

食完飯之後番屋企，真係好撚累又眼訓，之後和肥坦阿釗一齊行，與其成日係到不滿，倒不如開門見山、三口六面、四四六六折掂去啦，拆嘜尻０者，關你地春事咩！！！係０既係０既，ｓｏｒｒｙ～ｓ～ｏｒｒｙ～～係九龍塘上車原本有位坐，我已經霸到個位，點不知架重型坦克唔撚移動，俾個０靚仔搶０野左！！！！但我都有一個位坐，不過．．．．．．當我想坐落去０既時候，有個阿婆用渴望的眼神叫我讓位俾佢．．．．唉．．．你老母見你幾廿歲０個頭近俾你坐喇仆街，唔好用埋０的咁撚哀怨０既眼神望撚住我呀真係！！！

番到屋企之後就訓教，訓左三幾個鐘就起身，好耐未訓過午睡，攪到唔係好識訓，訓得唔係咁好。訓醒之後ｈｅａ左一陣，寫左今日食過０既餐單，然後去左北區醫院急症室影左張視力測試０既相，之後有人來話俾蛇咬，仲捉埋條蛇離．．．．我唔明白點解夜晚晚個急症室會有咁撚多人坐係到等睇病囉，大佬呀，個個「急症病人」０的臉色仲好過我咁坐係到睇鳳凰四重奏，我屌你老母咩真係，急症室係咪俾你地咁用呀，有時候真係噪嫁見到０的咁０既人，呢０的人又係應該要死啦，唔死都冇用啦。

原本諗住買ｈｐ６８２８，但係上網睇過０的討論區又好壞參半，不過我諗我都會買的，但係我有個小計劃，就係先申請ＩＴ信用ＣＡＲＤ，因為首三個用簽夠＄１８００就可以免費拎到ｉｓｓｕｅ＄３００現今卷！！！唔需要買滿幾多先用得０既現今卷！！！！所以我決定明天就去申請！！！！！！ｙｅａｈ！！！！！！！之後番左屋企諗住打ｗｉｎｎｉｎｇ，誰不知ｌｏａｄ唔撚到隻碟，激撚死我！！！！要ｄｌ過隻燒出離！！！！夜晚阿姨打電話來找阿ｍａｙ，佢２６／９離開香港，原來我係美國時阿姨諗住俾錢我過去探佢，早知就打俾佢啦，不過其實我都冇時間啦～～

呢排愛上了看棟篤神探，黃子華真係我的至愛，我覺得棟篤笑都係佢最好睇。明天打算走堂，都唔係打算嫁喇，都決定左走一堂一個鐘０既普通話，因為我要去ｊｏｉｎ　ｏｕｔｄｏｏｒ０的人行獅子山，咁難得０既機會緊係一齊去玩啦～ｆｉｎａｌ　ｙｅａｒ喎你老母臭西～

>>September 21, 2006 at 5:36:03 PM GMT+8

2006 年 9 月 18 日 星期一 【晴】

「倒後車殺人，無辜添冤魂」，點解近期咁多呢０的慘劇發生，係咪真係巧合咁簡單？咁就不得而知。死０既人當然無辜，但有時候司機都好無奈，試問大家無仇無怨，又點會冇啦啦有心撞死你呢？唔好話０的中型貨車，好多時就算係普通貨ｖａｎ倒後泊位都睇得唔係好清楚，特別當一０的比較矮細０既人係後面同你鬥快時就更加危險，不過我又唔明白，咁大架車向後行緊，就算冇聲都冇理由睇唔到掛？我又唔信個司機倒後車時都俾盡油呀？所以我都唔係好明白。

今日番０９３０，我八點先起身，跟住梳梳洗洗之後攪到八點四十五分先出門口，又要遲到。唔知點解朝朝早洗完頭吹頭都覺得０的頭髮好差，永遠都ｓｅｔ唔到一個滿意０既頭出門口，我開始懷疑屋企０的水質比較差，次次洗完頭０的頭髮都係好旱好硬，我真係唔知點解！！好黑人憎！！去到九龍塘差唔多０９３０，跟住行到番去都係０９４０左右，其實都唔係好遲０者。今日上力學去左許士芬做ｌａｂ，雷博士０的科真係好難捉摸，又唔會有ｎｏｔｅｓ，堂堂都係好虛，捉不到的課程，考試一定仆街，不過我鐘意，咁樣我反而覺得好輕鬆快活。今日係到度關節，不知不覺就過左兩個鐘頭。

之後去番ｒ４上營養學，今堂都算唔錯，唔算太悶，不過佢成日講書就令到我唔高興，因為我地個個都買書，你講書做嘜春０者，今日肥坦又再次打扮，今日比起上次好好多，真係好好多．．．．之後去左桃源食食物，異地亂情出現了色機，唔到一個月就開始情海翻波，不過完全係掌握之內，問題就係快左少少，我預期應該都會捱到一頭半個月的，不過其實都算係一件好事，冇結果０既事情做離做咩？既然而家可以抽身，咁就立刻懸崖勒馬，我地而家唔係係美國嫁喇，美國的三個月只會永遠成為回憶，所以我都接受左雙腿伸唔直０既床，一字馬都做唔到０既房間，細得可憐的活動範圍．．．．．．

食完桃園之後唔小心去左搵ｄｏｃｔｏｒ　ｔｏｎｇ，唔係咁妥佢，因為佢一０的都唔似ｄｏｃｔｏｒ囉，有咩理由著到成個大波ｓｉｒ咁嫁，自己已經地位唔高嫁啦，好心就執番好個ｌｏｏｋ，你估你自己係雷博士咩？講０野又死０下死０下咁，唉．．．．成個屋企樓下０的阿伯咁．．．痴線，冇野呀真係？我真係廢尻事睬佢。之後約左佢聽日下午會談，然後我去左假做ｇｙｍ，真曬太陽～個太陽好廢，完全好似唔夠ｗ數０既風筒一樣，一０的令我變黑０既能力我都ｆｅｅｌ唔到，曬左成個幾鐘都冇咩料到，係美國０個邊我已經變左古天樂啦，頂！！
聽日再去晒過啦唯有！！！

曬完之後去左ｒ５交番ｄｉｓｎｅｙ份ｅｖｌａｕａｔｉｏｎ俾大波，跟住去左ｐｒｉｎｔ　ｎｏｔｅｓ，ｃｈｅｃｋ　ｅｍａｉｌ時發現前日ａｐｐｌｙ０既警員６／１０就要考，超快，好彩我之前都做左準備，體能一定冇問題，但呢排要煲多０的報紙，ｅｓｐｅｃｉａｌｌｙ係０的時事評論．．．最大的考驗就係我打算剪短個頭，吸取多方面經驗之後，我知道如果我個頭咁去係等同跑向懸崖邊．．．所以唯有作出重大犧牲．．．番到上水六點幾，去左睇ｐｏｃｋｅｔ　ｐｃ，差點兒買左，不過價錢方面未妥協，今次應該唔會去百老匯買了，因為佢地平左都貴，我諗我會去萬成買。

唉．．．．．走的終需走．．．．差點兒被這三個月的擁有權蒙蔽了．．．．唔係你０既始終都唔係你的．．．．陪伴了我三個月晚上的ｐｓｐ．．．終於都完壁歸趙了．．．．真係有０的唔捨得，不過算啦，話時話，自從打慣左ＰＳＰ隻ＷＩＮＮＩＮＧ之後，打番ＰＳ２有０的唔慣個手制，雖然都係狂炒電腦，但係．．．唉．．．無敵是最寂寞，就算我幾勁都好，都只不過係自己同自己打．．．唉．．．．．．之後仲俾左好多ＤＩＳＮＥＹ手信阿叔，我發覺真係有好多迪士尼垃圾，間屋已經細啦，仲要放咁多０野係到．．．唉．．．冇得住ＨＡＬＬ之後，我冇左地方放我０的精品，攪到我０的ＫＥＲＯＲＯ公仔全部都冇得ＳＨＯＷ出離，全部放晒係個盒到．．．．ＳＨＩＴ．．．．

七點半又睇新聞，真係估唔到原來馬英九都識得講英文的，仲要講得幾好，開頭仲以為０的中國人英文一定好屎，睇香港０的高官講英文真係好好笑，０的口音完全係好似我地咁樣，不過佢地都答到０野都算ＡＣＣＥＰＴＡＢＬＥ嫁喇，但係我覺得佢地係背定答案啦，睇得出都唔係自己講０既。之後睇睇０下係咁講咩ｆｌｕｓｈｉｎｇ　ｗａｔｅｒ，又影住０的魚檔，我ｒ撚晒頭，之後睇番中文版先知原來係「廁所水養魚，慘過食老鼠」


原來做老師有＄１６０００一個月．．．．．．．雖然好多錢，但係對教書真係冇咩興趣。

>>September 19, 2006 at 3:33:40 PM GMT+8

2006 年 9 月 15 日 星期五 【晴】

所謂七撚蒙蒙食甜筒，今朝十點鐘鬧鐘響起，但係我耍賴皮，攪到成十點四十五分先起身，跟住仲賴賴閒咁沖涼，我低估了由上水去旺角的時間，因為以前要去老銅，而家只係去旺角，結果就觸礁了。上到火車十一點半，去到旺角十二點零五分，之後番到去差唔多搭三，不過唔緊要，根本就冇人會理會我０既存在，我就算遲一個鐘佢地都未必知。番到去又展開我的工作，由於上兩個星期都落大雨，所以今個星期０的人迫晒來，加上又有新相機到，０的人就擁晒離睇和買，攪到間舖都幾旺場，而我都冇咁悶，起碼都有人來問津～

下午我發放的消息終於有回音了，肥平幫我搵左兩架車，不過都過萬，但條件都幾乎合我的要求。於是就盤算中．．．．食飯之前竟然．．．．賣左一部高清攝錄機．．．．．好耐都未有呢種咁成功的感覺，真係令人好雀躍，食飯都食得高興０的，雖然賣唔賣到都係咁，但係起碼唔洗咁樣衰麻～

食完飯之後又再繼續工作，今日有個ｃａｎｏｎ　ｐｒｏｍｏｔｅｒ來賣隻４００ｄ，之後吹開水發覺原來佢地好好搵，雖然得＄３０底薪，但係全間舖的ｃａｎｏｎ　ｄｖ、相機都可以抽ｃｏｍｍｉｓｉｏｎ，仲要番２－７，月入都多過我地呀陰公，上個月都有＄４０００，我屌呀，火都離埋，即刻叫佢安排我過檔，唔撚做ｓｏｎｙ呀，好撚ｃｈｅａｐ呀，做ｃａｎｎｏｎ有ｓｏ呀，痴撚線的。之後企到九點鐘放工，然後搭倒頭車番屋企，誰不知倒完頭番到旺角都仲有位坐，真係激撚死．．．．．．琴日係圖書館借左本三國人物傳說，超好睇，最鐘意睇０的野史，好鬼死正真係～～

番到屋企食食物，跟住叫老豆聽晚去試車．．．佢兩個一直都反對我買車，係咁勸我．．我都知自己係好鬼死硬頸，但有時候總要去現實低頭．．．．我其實真係心大心細，有時候我係到諗，我明知道自己唔應該係呢個時候去買，但係我又真是很渴望尋求速度的快感，雖然而家有幾萬蚊，但係老母又唔再俾錢我，而家月入又只得＄２８８０而已，雖然都可以買車，亦都可以勉勉強強養到佢畢業，但係又可能會好辛苦，冇得買０野，冇得豪食．．．．冇得買ｔｉｆｆａｎｙ手鍊、冇得買ｈｐ　ｐｏｃｋｅｔ　ｐｃ、冇得做激光去考消防員．．．．．．唉．．．．．有時候真係好想任性點不顧一切咁買左先算．．．．不過我又真係無能為力，或者真係時機未到．．．．兩個夢想，一個都未實現到．．．．．．「我自信，有日如願，縱使天荒天老，仍被我逆轉，假使，一生會沒了沒完，總有日會如願．．．」

夜晚，終於有人識得欣賞我的沒有煙抽的日子，好波，不過都只係得我的女朋友知道這首歌的來歷，其他人都未聽過，真係好廢。琴晚上堂上到六點幾，又要去老銅開埋０的西會，錯過左好多０野，不過有時候都真係好撚抆，唔知點解似似都咁撚抆，如果得我一個抆就係我有問題，但係各各都抆就唔係我有問題啦，我覺得大家都有問題，係好有問題，鐘意人係咪真係會咁呀？我就唔信喇老老實實，即刻唔好話拉埋人落水咁講啦，反正係呢個版面一向都係有０野就講，有屁就放，個個都唔撚信啦根本就，呢點先係令人最抆啦，不過我地始早會俾人嗡鬧．．

「關你地嘜撚０野事０者，你地咁八做嘜撚０野事０者，我地鐘意點咪點囉，洗唔洗要你地批准呀，你地當自己係邊個，根本就係多撚魚，食屎啦，多管閒事！！」


ｄｏｗｎｌｏａｄ緊王傑全集．．．ｄｏｗｎｌｏａｄ左幾日都只係得８％．．．．都冇人放ｓｅｅｄ，ｓｈｉｔ．．．．．．．．



＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

．．．手裡沒有煙那就劃一根火柴吧．．．去抽你的無奈．．．去抽那永遠無法再來的一樓雨絲．．．．

>>September 16, 2006 at 6:42:53 PM GMT+8

2006 年 9 月 13 日 星期三 【乍寒還暖】

今日又係要上八半的日子，又要晨咁早就起身番學。仲記得第一個星期的八半我老練咁早就訓左教，因為仲有時差，但係今時已經唔同往日，我開始故態復萌。今朝一早起身開電視，驚見我至愛的新聞主播珠珠竟然剪左個七頭，我唔知佢剪左幾耐，不過真係好七好七，點解佢要剪到咁七嫁．．．．我即刻唔再鐘意佢喇。之後又落大雨，係上水火車站第一卡遇上ｐｏｌｏ華，之後等左一班車先至上車有位坐，然後係大埔再巧遇ｊｏｒｄａｎ。去到九龍塘之後仲要行番學校，差少少我地就遲到入唔到門口，不過好彩最後都冇事。今日上完一個鐘八半之後就要上ｓｑｕａｓｈ，比起剩係番離上一個鐘頭八半之後就冇堂上０既人來的英明呀真係！！！

上完ｄｏｃｔｏｒ　ｌｅｕｎｇ堂之後去左食食物，一落堂就唔見左震西和肥豬，佢地而家關係撲朔迷離，事實上已經成為左一對情侶，但名義上又只不過係朋友，但係朋友又點會一出相入對、形影不離、攬攬錫錫、渣渣摷摷呢，不過又唔係０既，朋友都可以打友誼波，咁其實都唔係好出奇０者。回想起係美國時我都係隨便講０下０者，我地都成日話肥華同阿競有路，又唔見佢地真係有路，真係估唔到今次開口中。一路食食物一路開研討會，最後都係好似政府開會咁開完等於冇開到。之後就死左去上ｓｑｕａｓｈ。話說我地份ｉｎｔｅｒｎｓｈｉｐ功課到呢一個ｍｏｍｅｎｔ都未交，看來今次都真係仆街了。唔知點解今個ｓｅｍ我好想反抗傳統禮教對我帶來的束縛，我唔鐘意浸會大學，今個ｓｅｍ我想作出無聲的抗議，就係嘜尻都唔理，ｄｏｃｔｏｒ　ｔｏｎｇ叫我做ｈｏｎ　ｐｒｏ我到而家連ｐｌａｎｎｉｎｇ都未交，我唔理喇！！！

今堂上ｓｑｕａｓｈ都幾好玩，偉衡個璧球場分開左兩個地方，大波ｓｉｒ叫我地做０既練習我地並沒有言聽計從，佢一走左我地係到亂尻咁打，之後五個人係到鬥波，超好玩，打璧球好玩過打網球，容易０的上手！～！～打完之後落堂諗住去食食物，誰不知又落大雨，落到超大，痴撚線，跟住拎住把縮骨傘番屋企。琴晚睇勁歌見到梁漢文唱ｌｉｖｅ，佢真係唱得好差好差，係到大叫，同我地唱ｋ冇咩分別，肥坦仲話佢唱得好聽，佢都唔ｑ識得分咩叫好聽唔好聽。我唔明白點解三點三下午茶時間都可以冇位坐囉係九龍塘，不過算，最後我係大圍站都搶灘成功。而家成日都要霸位坐，我覺得壓力好大，番學又要搶，放學又要搶，真係少０的心血都唔得。當我坐底左之後發覺隔離０既係外國人，我終於可以再同人講英文了，原來佢係美國交換生，最型０既就係佢搭火車番琛圳ｖｉｓｉｔ，仲要係一條友，跟住原來佢最終目的地係桂林，好型呀！～！～最後我落車前再次叮囑佢叫佢小心銀包～

番到屋企之後就整ｎｏｔｅｂｏｏｋ，呢兩日我都為左電腦０野攪到一頭煙，真係好抆，但係我最後發覺我蠢左，我部電腦流０既係百老匯０既血，打番去問咪得囉．．．果然一問之下就冇事，我真係好戇尻，點解唔一早問，咁就唔洗又拎去尖沙咀放低幾日，跟住又要ｆｏｒｍａｎｔ，跟住又．．．好多好多唔想講，不過算啦，而家冇事就算喇。之後就ｄｏｗｎｌｏａｄ番我的王傑全集，王傑真係好有型好浪子，不過而家好似收左皮。

之後五點鐘就訓教，因為八半真係好難頂，一訓就訓到七點半，又要起身睇新聞，原來唔先睇中文版，就咁睇英文版係會冇咁明白的。自從幾日前阿ｍａｙ俾熱水燙傷之後，呢兩晚我都肩負起煮飯的責任。佢同我講叫我學０下煮飯，我心理，大佬呀！！你真係當我係美國三個月日日出街買０野食呀？！我唔識煮我餓死左啦，我都廢事睬佢。不過我煎０既雞翼唔係好熟，攪到好難食．．．．．之後偷聽到佢地２８／１０先回來，但未知幾多號出發，我真係好期待佢地快０的走，咁到時我就可以做間屋０既霸主！！！！！大醉七日七夜！！！！

夜晚冇啦啦話聽晚要去銅鑼灣開會，頂，不過算啦，反正有錢收，咁就冇所謂啦，但傳說話聽晚有ｃｅｓａｒ家有活動，我諗都可以去到０既。

>>September 14, 2006 at 5:06:24 PM GMT+8

2006 年 9 月 10 日 星期日 【微冷】

所謂陰陰涼涼冇太陽，原本今日諗住去晒太陽跑步，涼就涼喇，不過衰在冇太陽呢。今朝十點鐘起身，跟住女朋友上左來幫我括耳屎，產量真係好豐富，多到唔到你唔信，我見到都覺得好恐怖，我唔明白點解自己仲會聽到人地講０野。之後我地幫黑炭拍片做研究，原來０的貓真係好敏捷，我將佢調轉身肚向天咁抱，跟住突然間放手，佢會係空中以極速回復原狀然後安全落地，不過黑炭可能過肥，第一次落地唔成功，滑左一滑，要第二次先成功。跟住十二點鐘落左街和阿ｍａｙ食食物，然後去左惠康掃貨，間惠康０的設計我以前已經批評過有問題，又窄又難行，正一仆街。之後諗住買ｔｒｏｐｉｃａｎａ，比美國貴左十幾蚊，最大０個隻要四十幾蚊，跟住再去買６盒大裝蒙牛。

番到屋企即刻爆石，之後就做份死人ｉｎｔｅｒｎｓｈｉｐ功課，雖然我好鐘意係美國呢三個月的日子，但每當我想起我係用２個ｃｒｅｄｉｔ的時候我都會火滾，唔鬧喇，冇咩火氣鬧喇今日。之後做做０下又想訓教，但係唔訓教，好耐都冇試過用ｂａｓｅ加正喇叭去聽歌，係美國剩係用部ｎｏｔｅｂｏｏｋ個喇叭，０的聲真係好差好噪音，聽番０的靚０野隻耳都舒服０的。之後ｋｅｎｎｔｈ打長途俾我，佢仲係ｎｅｗ　ｙｏｒｋ，一條友去玩，完全唔似佢囉，佢最怕悶，所以我都ｒ晒頭。但我好羨慕佢囉，一個星期後就會番美國，跟住再去ｐａｒｉｓ同巴塞隆納，之後又番英國再番香港．．．．．．．嘩．．．．．係咪咁撚多錢呀仆街！！！

之後諗住睇ｋｅｒｏｒｏ軍曹，番左離成個星期，我都仲未知係邊到有得播，真失敗！之後六點幾落左街，因為成日屈係間屋到個人都呆呆地，出到去天氣好秋涼ｆｅｅｌ，又有一種離愁別緒０既感覺，再凍０的然後ｋｅｅｐ住呢個濕度就正喇，真係好有憂愁ｆｅｅｌ，好黯然、好沮喪，呢種意景如果配合埋一把又長又亂０既頭髮，再加一支燒到一半０既香煙咁就真係型到爆！！！！！落街後首先去拎＄４００，跟住去左買剃鬚膏，原本０個支仲有好多，但係去ｎｅｗ　ｙｏｒｋ俾機場人員收撚左．．．唔知佢地收左之後會點處置，我覺得佢地會自己用囉！！！我去左藥房買，我拎起手見到一支紅色同一支籃色，兩支都係吉列，我咪問佢有咩分別囉，我ｅｘｐｅｃｔ佢識麻，你去買手機都ｅｘｐｅｃｔ條友係知有咩功能有咩ｆｕｎｃｔｉｏｎ嫁啦。呀！！誰不知佢話：「等我睇睇～」，之後拎左上手反轉睇０的英文，嘩！！！我屌你個老母臭你個西，俾你個藥房仔係到睇英文然後解釋番俾我知咁我仲有面０既？咁仲得了０既？你真係當我流嫁，雖然我成個０野人咁，但假假地都去過美國深造三個月０既大學生呀！！你個藥房仔係到扮狼，係有料就唔係我問你係你問我啦！！！！不過算啦阿騰，人地都係出於好心０者，你又唔好講到咁刻薄，人地都有阿媽生０既，分分鐘可能人地係港大生做ｐａｒｔ－ｔｉｍｅ呢。

之後去左買６個ｆｉｌｅｓ，然後買左條＄５５泳褲，我好想晒太陽，我唔想再變番做白白豬，所謂黑黑實實唔核突麻。之後再番屋企睇新聞，我發覺對住０的字幕又會明講咩，但唔睇又唔明，即刻話我地根本就係成日聽左一０的唔正宗０既英文，攪到聽壞耳。之後０８３０睇左個叫９／１１的節目。為時兩小時，唔錯唔錯，佢綜合番９１１當日０既現場情況，錄音，同埋０的倖存者提供０既資料，拍番當時大廈入面發生０既事，講番當時０的人點樣跳樓落街，消防員點樣接到命令話要上樓救人，個個都知道上得去就冇命番落離，但仍然照上去。當北座大樓被客機撞擊時，南座０的人其實已經走緊，但係由於救護人員驚太多人湧係大堂會阻礙搶救，加上當時南座真係安全，所以有好多走緊０既人都被叫番番去．．．如果唔係就唔洗死咁多人，不過冇人會知道係１７分鐘後南座都奶０野．．．．最後南座最倒塌先．．．．．
唔知係咪去過現場，事發時係電視機睇只係覺得一個節目，冇咩感覺，好似唔關我事咁，但係而家再睇就真係有一種不安，覺得有０的唔舒服。

夜晚唔知點解ｍｓｎ全世界都上唔到，之後就有好多自以為是０既人，以為自己電腦好撚勁０既人就周圍發放解夠０既方法，之後ｊｏｒｄａｎ　ｓｅｎｄ過來教我，我睇左半妙理都冇理到，又唔知點樣開個咩ｆｉｌｅ又過咩ｉｐ又唔知嘜尻，我心諗冇撚０野呀？！攪咁撚多０野做咩？而家唔玩ｍｓｎ一陣洗唔洗死先？人地ｍｓｎ咁撚大個集團係咪會攪唔掂，要你地呢０的咁０既嘍囉去諗方法解決咁人地仲有面０既？咁仲得了０既？？跟住做０個０的仲傻，過晒ｉｐ又唔知整左０的落自己部電腦到，我問個個跟住做０的人冇一個話知道係咩離，即係等同你患左不治之症，人地叫你飲香爐灰你都照飲，拎住支蘿蔔你就當人參，唉．．．．我０個頭講完話聽朝或者一陣就會冇事，唔夠半個鐘就真係冇事入得番喇，我問你地整左０的咩落自己部電腦到？！？可能冇事０既，都係０個句，你執地下舊屎吞落肚都唔會死嫁，有時肚痾都唔會ｔｉｍ，不過我唔會食屎囉。



>>September 11, 2006 at 5:14:11 PM GMT+8

2006 年 9 月 9 日 星期六 【微冷】

不知道是否上蒼憐憫我這個可憐虫，天氣忽然轉涼了，這一個早上，我終於感覺得到自己的存在。這兩天我再次披上那件背部印有ｈａｎｄｙｃａｍ的風縷，但今次的地點卻有所改變。經過強烈的訴求之後，我被調往旺角一間憐近先達廣場的電子產品公司上班。起初去到呢間仆街店覺得佢係０個０的呃尻人０既舖頭，地點又僻，個名又尻，「萬成」。但係．．．原來孤陋寡聞０既係我．．．．．原來呢間０野賣相機賣到起晒躲，咁緊係唔係我地０個０的當尻傻西機，而後最ｐｒｏ最高級０既攝影器材。玩相機同記者都十居其九係到買０野，我心諗有冇咁撚七誇張呀？！？！行入少少望住個廚櫃啞撚左，成個櫃都係幾廿支唔同種類０既鏡頭，有長有短，咩牌子都有，另一邊廂又係０的幾千蚊０既腳架同埋機袋，緊唔小得有各式各樣０既單鏡反光機．．．．．睇離真係有０的料．．．雖然位置偏僻，間舖除左相機部之外，全部都係水靜河飛，但係見到個個客都真係拎住一舊二舊牛龜咁大部相機同埋炮離買０野，一眼就睇得出係專業人士．．．嘩．．．我真係好撚廢囉，咁出名我都唔識，我仲學左好多關於相機０既基本知識，對於攝影白痴０既我真係好有得著。

係呢間舖唔同百老匯，因為唔需要有０的咩形象可言，個個人都好是但，冇啦啦又可以大叫利物浦輸緊兩粒咁樣，之後０的人冇０野做又聚埋一齊吹水，其實佢地０的服務態度就真係麻麻，又悔氣，不過你咬佢食，係人都要離買鏡，因為真係好齊，百老匯豐澤０個０的得幾支鏡賣咋陰公，仲要成日冇貨，又貴，個阿叔仲話去百老匯買相機係戇尻呀．．．．其實佢真係講得０岩嫁．．．．．今日得閒冇事就行來行去，學人望住０的鏡頭，支支都幾千甚至過萬，都唔明點解０的人會玩得起。

今日終於再有機會講英文，遇到兩個外國人，感覺唔錯，仲差０的呃到佢地買機。忽然間有超多０野想買，睇中左ｈｐ部ｐｏｃｋｅｔ　ｐｃ，真係唔錯，四千幾蚊，比起部ｍ６００ｉ好得多，ｍ６００ｉ　ｌｏａｄ得真係太慢喇，不過用ｐｏｃｋｅｔ　ｐｃ最大弱點就係舊電好快會冇．．．．放左工之後去左朗豪坊，買左支＄１６０的保濕，皮膚太油原因就係本身唔夠水份，唔夠水份佢就要出油去滋潤，而油份過多就係形成男士暗瘡最重要成因，所以我地要解決皮膚唔夠水份呢個問題，一般洗完面之後拍左爽膚水後應該搽番０的水狀的保濕液體，油脂過承的男士切記勿用ｃｒｅａｍ狀的潤膚面霜，原因是ｃｒｅａｍ狀的潤膚面霜帶有強烈的油份，一般男性其實很少機會用到，除非是季節性的天氣轉變，例如冬天時天氣比較乾燥時我們可適量地塗搽，對於皮膚不健康的人來說，挑選合適的保濕產品是令肌膚再現光澤的重要一步。

唉．．．都唔知自己打緊嘜，仆街．．．．冇晒靈感，一下子好似咩都冇晒咁．．．．

>>September 10, 2006 at 5:21:20 PM GMT+8

2006 年 9 月 4 日 星期一 【晴】

氣溫　２７－３１度
濕度　７５％

今日終於都冇咁辛苦，濕度冇之前咁高。番左離香港雖然一個星期都唔夠，但係就有好多好多事情發生，奈何我都冇咩心機將佢地一一紀錄下來，事關我呢幾日都行屍走肉，但係又唔知悲嘜撚０野。隔左咁多日，都唔知應該由邊日講起好，就講琴日。琴日出左去觀塘拎番０的糧，有兩個幾月糧，去到三點半管數條友唔見左，話落左銀行未番，四點前先番，咁我就去左ＡＰＭ到行０下，我故意去左ＳＴＡＲＢＵＣＫ飲ＭＯＣＡ，懷念一下係美國的日子，但係個感覺真係好唔同囉，賣０野條仆街又趕撚住投胎咁，俾唔到一種ＲＥＬＡＸ０既感覺我，望住０的ＣＡＫＥ＄２５一件又覺得好撚貴唔捨得買，其實價錢差唔多，但我唔知點解０個時會好撚豪咁買離食．．．．．四點鐘番番上去條友仲未番，等左一陣先番，見到一個女性原來係我中學同學，佢話我個樣踏實左好多，我好唔開心，踏嘜撚０野實０者，我落機幾日仲悲緊個樣就緊係呆呆滯滯嫁啦，加上天口咁熱，你當我ＫＩＮＤ子咩，我都廢撚事睬佢。

係觀塘拎完之後就去左旺角再拎，唉．．．．個感覺好繁忙，冇啦啦兩份工作都話要開會，仲要係今個星期四同五．．．係咪咁撚０岩呀．．．唉．．．真係唔想做，唔做又冇錢．．．．之後係朗豪坊行左一陣間。我對於香港０既零售風氣感到極度反感。喂，講堅，我行親入間舖，十間有九間０的ｓａｌｅｓ就行過來係你隔離，講一０的垃圾，我想自己睇０下０野得唔撚得０者，係唔撚係要我講到明唔撚買你先安樂，你係我隔離企係到驚我偷尻你條牛仔褲咩仆街，成撚日叫人試試試，鬼唔知試０下唔緊要咩，試完唔買你打我呀唔通，我都唔撚鐘意試嘜ｑ０者，試試試，你唔撚試０下跪低幫你老豆含撚，真係博屌係到。賣衫係咁．賣電子０野又係咁，０岩０岩番離睇０下有咩新款係咪又關你事呀仆街？係咪下下都要答你想搵０的咩呀？我自己都唔知自己想搵０的咩又點答你呀？你有冇病呀老味！？我係咪冇眼嫁？我自己係咪唔識睇呀？你係咪好得閒呀其實？你自己做自己０野啦仆街，我有０野問自然會問你嫁啦，好喇好喇，到我問你你又唔撚識答我，我問你部ｍ６００ｉ係咪ｌｏａｄ得唔快，你又係到尻答喇，我尻唔撚知唔夠ｐｄａ快咩，問你０野你又唔撚識答，你又係撚咁煩尻住我，你做咩要挑釁我呀！！！！！！

唉．．．真係冇咁好氣．．．最舒服都係行ｄｏｕｂｌｅ　ｐａｒｋ，ｋ２，ｉｚｚｕｅｓ，最開心當然係見到自己件ＴＥＥ買平左４．５倍，講左唔講。之後搭車番上水．．．唉．．．好辛苦好擠迫，我又唔明，你係上水站爭先恐後我都明白呀，有位坐，你老母因嘜解究係九龍塘站都要咁做先？？俾個理由我唔該！！！人地都未出你就入，你老母屌西都要一出一入啦，你地係咪咁簡單既道理都唔撚明白呀！？！去到大圍站，心臟又跳得特別快，見到０的人０既樣個個都扮唔係望緊有邊個企起身，收皮啦，真係好撚樣衰，香港狗真係好撚唔得體，包括我自己．．．結果．．．．經過三個月的生疏．．．我輸左．．．．．好黯然咁躲在角落．．．番到屋企又成身都係不知名都體液，汗應該係一滴一滴咁，但係又唔係一滴滴，總之全身都好唔舒服，沖涼又唔係，唔沖涼又唔係，我都唔知自己想點．．．．

唉．．．．呢排有好多０野煩，好多０野都處理唔到，報左去考消防和督察，對眼又有近視，又要去做激光或者帶嬌型眼鏡，考督察又一地衰緊，不過叫做拎個經驗，消防明明有信心但係又要攪隻眼．．．煩．．．老豆老母和姑姐姑丈下個月．．．．下個月．．．．下個月居然．．．居然去．．．．去．．．去．．．溫哥華玩一個月．．．．我頂，我都十級想去呀探姨媽、兩個姨丈、阿姨、表弟、兩個表妹、仲有舅母．．．．點解要咁？？？點解要係我最想番番去外國０既時候話我知？！？！點解！！！！！！！！！！！！？？？？！？！？！？！

其次，我又要學人買車，真係好麻煩，放晒風出去，阿狗老豆搵到架，但我有想要ＭＴ，老母又話識得人做買車車輛，咁我都明白，我又唔係買法拉利，點都要等待時機搵架平靚正０既，但係我真係覺得好苦惱，點解唔可以好似去七仔買支寶磺力咁方便呢？？

講完琴日又係時候講番今日，話說呢幾日我都老練咁早起身，亦都十二點就訓教，不知幾咁健康，仲晚晚諗訓前都睇明珠台０既新聞報告，有英文字幕麻，英文唔好咪練囉你老母臭西，唔大咪咪做ＧＹＭ囉仆街，冇人會唔做ＧＹＭ就大咪呀？？雖然震西成日都話自己唔做ＧＹＭ，合撚啦，咪成撚日係到做引體谷到差０的爆！！！起左身之後九點幾，查實今日係要番學，但我無語問蒼天，你忍心讓我在烈日之下，由上水站到九龍塘站，再步行一條完全沒有遮頭，暴露於無情的太陽光地下的道路嗎？我知道你唔忍心，所以我都唔作出無謂的犧牲，我決定唔番學，同阿媽出去大快活食早餐。食完之後番番屋企處理政務，我又要ＡＰＰＬＹ　ＫＣＲ兼職，今次唔可以再遲交，免費搭火車對我來說已經變得十分非常重要！！！

番左離香港咁耐，我黑色的肌膚受到高度讚揚，連上星期六番大陸按摩條女都話我型，好似古天樂．．．０的皮膚．．．．．好撚彩０者，幾驚話我個樣似佢，我型咁撚多！！而家再冇露兩點走出泳池曬太陽呢支歌仔唱，我唯有係烈日之下落街裸體跑步，希望可以ＫＥＥＰ到古銅色，跑左大約三十至四十五分鐘後我就再跑樓梯番２４樓．．．．結果跑到十樓我就止步．．有少少暈眩．．．．差點兒倒下來．．．之後慢慢行番上去．．．．原來跑樓梯係咁辛苦．．不過可能係我缺水．．．．番到屋企０的汗多到真係講都冇人信．．．．

沖完涼之後就坐係到玩電腦，之後又食飯，然後等到三點幾四點去左北區醫院試０下對眼，去望０的Ｅ字，要隔６米望第六行０既Ｅ字，你老母痴撚線，帶眼鏡都唔知睇唔睇到啦痴線，第五行我都勉強睇到，第６行就真係唔得喇．．．．．之後又食左碗雲吞面，唔知點解番左離咁耐都唔係咁開心，雖然嘜撚都冇做到都覺得壓力好大，我都唔明點解係美國個感覺係咁ＲＥＬＡＸ的．．．我想移民了．．．．

番到香港之後ＰＰＬＩＶＥ又可以再用番，周星馳又再次復活，呢種係一種病毒，當你開住左之後你會自自然然咁坐係到睇，無論係邊套，無論你睇過幾多次，我一定要抽離，否則會浪費好多時間．．．．．．

我要堅強活下去，再難過．．．．始終會過．．．．．．

>>September 5, 2006 at 12:51:57 PM GMT+8