2008 年 10 月 11 日 星期六 【晴】

昨晚又去石硤尾踢波, 一如以往踢完之後今日好似劈完友一樣, 由背開始痛到落腳指尾, 每一處肌肉都好像撕裂一樣。雖然係咁, 但其實我已經好克制地踢三四個字, 跟住就換一換人, 之後再休息幾個字, 再踢, 但係都逃不過風觸殘年的命運, 歲月不留人, 今日行路和起身坐底都有困難。昨日收到電話, 話我拯溺合格左, 我都唔撚記得呢單野, 不過唔緊要, 呵呵, 咁都合格, 其實我好撚勁嫁喇考0個日, 不過係橫胸拖0個到奶撚晒野, 都唔撚係拖救, 自己和patient都潛撚晒落水, 差點兒死亡, 唔知以為學緊潛水, 不過算啦, 又多張certificate~

今日訓到點幾先起身, 呢幾日都習慣左午睡, 唔知點解起住身之後都仲係好眼訓, 要短時間內再訓然後再醒先可以真正甦醒, 呢種感覺就好似大學時期sem break一樣, 十分糜爛, 不過呢種退休式的生活好快就會結束, 到底監獄和地獄有幾大分別, 就快會知~掌管地獄的男人!

今日下午三點幾先去食食物, 去左食粥, 前日我全日食齋, 清下腸胃, 第二日痾0的屎都冇咁臭, 食肉就係好多毒素, 如果可以每星期搵一日全日食素, 應該會健康0的, 原來食素都可以好飽~上星期和豪仔傾開暗瘡的問題, 情緒真係有咁大影響? 答案極可能是。因為自從上星期尾開始, 我盡量壓抑自己的情緒, 所有要燥底的位置我都微笑, 盡量make a smile on my face, 平時真係太容易發火, 以後當我想講「屌你老母臭西」的時候要轉成「請你好好放低」, 結果兩邊側額持續左兩個幾月的暗瘡忽然係幾日之間有好轉, 有時候真係唔到你唔信, 我自問飲足夠開水, 護膚有道, 飲食尚算清淡, 所以情緒有可能影響我, 「請你好好放低」, 冇問題~!~

瑞士之旅安排得七七白白, 行程表都出埋, 今次應該準備充足, 不錯不錯, 就用我部450D來把瑞士的動人景色帶回上水!!! 不過兩條友去始終同一條友去唔同, 到時我能會互屌, 一條友鐘意點行就點行, 鐘意企係條街到kind都冇人屌你, 但兩條友就要妥協, 所以亦都係一個挑戰。但最重要係「請你好好放低」~~

黃子華, 我愛你! 唔太鐘意林海峰, 佢0的是但嗡都唔好笑, 又成日抄黃子華0的pattern, 「超低能 勁攪笑」人地唔知90年代尾已經用過, 跟住佢0個0的改歌詞唱歌又係抄尻人, 加上佢本身0的內容都唔好笑同埋佢唔冇企係台上的吸引力, 身體語言和facial expression都唔好, 但係佢紅, 因為佢本身個background好, 多fans, 多藝人朋友, 但問心佢0個0的騷都唔好笑, 又唔夠深層意義, 詹瑞文就非常出色, 但佢唔係走棟篤笑條line, 佢絕對有個人風格, 應該係舞台劇, 不過太深, 我都睇唔明, 但佢絕對是一個表演者, 藝術人。總結, 林海峰含撚。




>>October 12, 2008 at 4:12:06 PM GMT+8

2008 年 10 月 8 日 星期三 【晴】

自從10月5日last day之後, 唔知點解日日都有活動, 又落bar飲野, 又北上, 又食晚飯, 又打邊爐, 又慶祝生日, 攪到我超出了預算, 財政拮据, 要預鬆少少去瑞士。經過多日的鐨鑽研, 行程終於成了雛型, 唔錯唔錯, 期待瑞士美麗的風景。而家每日起身之後就係睇楚漢驕雄, 超好睇, 係呢個時候重播真係fit到爆, yeah!!!!!! 琴日又跌穿16000點, 真係好開心, 開心到死, 雖然就算跌到幾多都唔關我事, 因為我都冇錢入貨, 而最關鍵係我唔志在發達, 我只係想睇0的人死, 睇0個0的倚賴投機0個班人死, 咁我就最開心喇。

呢排見到0個班所謂的雷曼苦主, 我覺得佢地一0的都唔苦, 佢地只不過係到發窮惡。而家佢地係噪, 冇飛都係噪幾樣野。第一, 話銀行將高風險的迷你債券包裝成無風險然後推銷。第二, 話銀行推銷時冇講清楚雷曼係最後大老闆, 如果雷曼收皮, 佢地就會收皮。首先, 作為一個SALES, 係咁嫁啦, 係咁SALE野嫁啦, 你戇尻嫁, 你投資咩都有風險嫁啦, 你自己信人關人鬼事!!!即係你去馬會買波, 巴西主場對中國, 你原本想買巴西, 不過冇肉食, 但係你知道穩陣, 跟住馬會條友同你講, 「中國撚勁嫁, 巴西一定出副選啦, 中國十三億人, 搵十一個勁人出來有幾難呀, 買中國啦, 高賠率呀!~」, 跟住你自己走撚左去買中國, 輸撚左, 怨邊個0者?你冇腦嫁?? 第二, 真人真事, 昨晚打晚爐, 阿玖話佢個同事走左去遊行, 又係買左債券, 但係佢話銀行係有同佢個雷曼, 不過講到好穩陣。咁仲戇尻, 同樣情況, 巴西對中國, 你走去買, 馬會0的人叫你買巴西, 咁係好撚穩陣喎, 冇坤你喎, 但點不知最後原來冇左朗拿甸奴、卡卡、羅賓奴, 仲要全部出副選, 最後輸左, 怨邊個?!? 有爆冷嫁麻。一句講晒, 投資有風險呢, 你唔撚識又想搵多0的錢, 個市好0個時又唔見你地個個讚0的銀行幫你地理財有道, 一出事就係到要生要死, 戇尻的。仲痴心妄想地話要求政府包底, 你有冇病呀?! 你投資包底, 要我地納稅人包底, 你訓醒未呀? 痴撚左呀? 咁我去馬會訓身買曼聯啦今個星期六, 輸左我又示威話馬會呃尻我啦, 整到個賠率咁低, 引我落搭。0個班所謂政黨, 全部都係到撈政治油水, 搏出位, 跟住0個班苦主又發窮惡, 香港咁多間銀行, 咁多SALES, 我死唔想個個都係講大話呃你買咁統一呀, 有好多人一定係唔知頭唔知路, 買撚左輸撚晒, 跟住見到人地示威, 自己又出埋你搏分豬肉, 我覺得佢地有得拎番六成都好啦, 如果曾俊華真係KIND撚到包底, 我真係叫阿釗去做Financial Secretary好過喇。

今日下午出去, 打算食素, 我決定每個月都要有一日食素, 行過商場見到交通銀行門口有一大班師奶聚集係到望住個電視, 一睇就知係典型師奶買完餸, 成日睇報紙訪問0個0的所謂散戶我真係好想笑, 都唔知佢地識唔識, 佢地同賭大細有咩分別? 買啦買啦, 輸死你地!!~!~!~做人都係腳踏實地0的好, 投機短炒必定死亡。

>>October 9, 2008 at 6:32:08 PM GMT+8

2008 年 10 月 5 日 星期日 【微冷】

承蒙李小姐周遊列國, 助我搜羅世界各地的可口可樂
我鐘意日本這三種獨特的設計




今日...........香港居然是秋天

>>October 6, 2008 at 7:02:51 PM GMT+8

2008 年 10 月 4 日 星期六 【晴】

天下無不散之延席, 終於我都要出關了, 被困桃花島接近十個月, 雖然未至於德道升仙, 但亦百感交雜。不過我要處理埋最後的一項任務, 就係接待一個3日2夜的旅團, 提供場地ONLY, 最爽就係呢0的, 但係我好擔心, 因為今次係0的鬼佬旅團, 我驚唔識講夜市, 而唯一真正要做的是幫佢地帶HIGH EVENT兩粒鐘。琴日番到來之後, 隔左一陣間見到地下有條血路, 之後見到兩隻狗好似敗軍咁垂頭喪氣咁番來, 原來佢地衝左上山和野狗打交, 結果打敗仗番來, 傷亡慘重。咀咀的後腳被咬了一大忽, 傷口好深, 見佢只係用三隻腳走路, 傷腳就拐下拐下。黃色0個隻身上有多處血跡, 但係佢慘勢唔重, 真係好鬼可憐, 要幫佢地療傷, 之後兩隻全日都冇晒心機。

琴晚我始終都係訓唔到教, 我幾乎差在未試過訓廁所, 每個地方都試過, 不過真係冇一個可以訓得好, 到底點解? 我已經冇咩要求嫁啦, 一定係有鬼, 不過算啦, 訓多兩晚以後都唔洗再訓了。我作為一個OFFICER, 又點可以唔識英文, 今朝0800-1000帶HIGH EVENT, 豁出去啦, 佢地明我講咩就得啦, 冇咩所謂, 其實我係頗強的。下午頂唔順, 走左去訓教, 不過都係訓得唔太好。琴晚又冇啦啦用左$810食飯, 痴撚線, 雖然話要千金散盡, 但係要用得其所。今日PLAN緊18/10去瑞士, 好似好鬼難PLAN咁, 點解東京好似易咁多.....好簡單......原因係......當時勢成騎虎, 如箭在弦, 因此我必須要重蹈覆轍!!!!!!!!!!!!!!!!!!!!!!!明天去買機票, 唔買機票係唔會認真計劃的, 自己一個永遠最易攪, 訓街都仲可以, 不過今次要配合埋女友, 咁又要多左顧慮。

俗語話:「鳥之將死, 其鳴也哀; 人之將死, 其言也善」, 童軍會其實有好多人都是披著羊皮的狼, 係喇喎, 真係有咁多個人願意無條件付出, 到頭來都係搵著數, 撈油水, 呢個世界都係有陰謀論, 雖然我憤世疾俗, 但我從來都冇總會裡面0的人有直接衝突, EVEN有0的人真係想晨早流流同佢講句:「屌你老母, 你仲未撚死得呀, 仆街」 不過我呢0的係無聲狗, 唔撚洗同你講咁撚多野, 我唔撚撈, 講撚完!!!!!贏晒~~~自從請辭之後, 成個月都贏晒, 不過就難為左其他人LU~~~個TOWER COLLAPSED, 條浮橋又爛Q埋, 真係恕我冒犯咁問一句阿香港總監, 你覺得你4年任期內真係可以將呢個咁0既地方, 勁得過outward bound? ha, i don't think so law~過左一年喇, 嘜尻都爛晒, 交俾你受罪喇, 哈利~~







見過咁多支旅團, 呢個銀禧旅團真係最似樣, 有時候真係明白點解讀國際學校0的小朋友同普通小朋友會有分野。

>>October 4, 2008 at 4:35:22 PM GMT+8

2008 年 9 月 30 日 星期二 【陰】

奶晒野呀阿騰, 今日原本打算去築地魚市場, 較左鬧鐘0700, 誰不知一路訓, 覺得唔撚對路, 醒一醒之後望下個鐘已經0735, 原來我較左晚上七點鐘, 仆街, 算啦, 唯有繼續奶皮係張床上, 明早再去啦。一路訓到十點半先起身, 可能係昨晚太過relax了~起身之後就洗面然後出發, 我赫然發現我只係得番2000日元, 即係$200都唔夠, 咁就仆街, 於是去銀行兌換, 點知係日本兌錢都係咁撚貴, 11.21, 咪即係同機場一撚樣, 我唔做kind子呀, 最後好彩有本書, 原來EPS 如果後面有個PLUS字, 係可以係外地拎錢的, RATE會同銀行當日一樣, 咁我就好型咁係日本ATM拎左兩萬~個戶口有廿幾萬, 不過可惜係日元~

拎完錢之後復活, 第一日去涉谷, 每次聽涉谷都會想起電車男0個幕 「涉谷~!~~~~~~~~~~~~~」, 今日又去左涉谷間porter, 算喇算喇, 買番個玩下啦仆街, 我唯有出超必!!!!信!!!!用!!!!!卡!!!!!!!!!!!!!!!!!仲要免稅, 一萬八千日元, 都唔知係咪平過香港, 是撚但啦, 唔撚理喇, 反正碌卡都唔覺要錢~~~買完之後去左beams買tee, 其實我都唔知beams係嘜q, 但我剩係知潮野, 買番兩件玩下啦又, 都係碌卡0者~~唔知我會唔會仆街呢~~之後去左「一蘭」食拉面, 由買票至食完走人都見唔到侍應個樣, 一格格咁隔開晒所有人, 好有私人空間, 最0岩我呢0的浪人, 唔錯, 幾特別~ 跟住去左下北澤行下, 靜靜地。然後早少少番去淺草, 因為今晚仲要執行李, 仆街, 有0的後悔扮狼用背囊, 好撚重呀屌!!!!

晚上去左三定食天婦羅, 又係講到唔食唔撚得咁, 不過我叫得太多, 食到超飽, 同埋唔知係我俾人呃定還是真正的天婦羅係咁, 林0既, 都唔係脆0既, 我覺得唔好食囉, 妖, 之後買左好多食物做手信, 有當叫龜十, 買左6個豆沙包, 都幾貴, 每個差唔多要$21, 痴撚線的, 不過好香好鬆軟~~

明天下午五點機番香港, 朝早仲可以去築地和東京屎塔, 一定要起到身呀阿騰, 呢兩個係去東京好重要的地方呀!!!!!!!!!!!!!!!!!!!!!



越來越愛新的相機, 雖然佢係好大舊, 攜大唔方便, 但係佢真係可以暫時滿足到我攝影的需要, 白天影相用DC仔都還算可以, 但一到室內或夜晚就真係完全收皮, 大機真係大機, 不過呢兩日我都冇帶佢出街, 因為落雨, 但唔知點解部DC仔又冇啦啦好似勁左咁, 定還是係我攝影技術勁左呢?!?!





我成日都覺得咁樣有架火車經過, 然後有條欄擋住0的人係日本好有代表性的民間體驗。

>>October 1, 2008 at 2:01:36 PM GMT+8

2008 年 9 月 29 日 星期一 【雨】

今日訓到安樂甦先出發, 雖然係懶左少少, 十一點先出門口, 但係咁樣先係真正的優閒, 難得放假去到外地都點能夠好似番工咁倒屎咁早起身 (雖然我番工都唔係好早起身)。起身之後去左淺草寺行, 自己住係呢個景點隔離都冇真正咁去行過, 因為成日恃住近而打算最後先行。今日買左0的手信, 大多數都係食物。睇住本書話去到個寺0的人會求簽, 求到大凶就會掛晒係個架上面。之後又會用0的香灰撤落自己個身上, 喻意是淨化身心, 去到真係有人咁樣做, 不過佢地剩係著0的煙整落個身到, 冇用0的灰咁瘋狂, 我睬佢都有味啦, 整到dirty晒!!~~之後食左好多特色小食, 串燒三兄弟的甜丸子, 其實唔好食, 好撚甜, 仲有燒餅和豆沙餅。

下午去了池袋, 首先去左食拉面, 本書話如果十粒星係滿分, 呢間無敵家拉面就有九粒星咁撚誇張, 講到咁樣樣點可以唔去試下。日本人真係好奇怪, 我發覺左好耐, 好多舖都係好細間, 但係0的人好願意等, 因為0的人真係食完就會走, 其實食碗面都係食十幾分鐘就食完, 間舖得十幾個位, 但係等左一陣就有得食, 味道又真係唔錯, 0的湯真係好豬骨湯, 但其實好有0的似出前一丁的豬骨湯公仔面~唔知點解去到邊到食野都總會有冰水供應, 正, 我鐘意, 最憎熱到爆0的茶和唔熱唔凍的暖水。

食完之後行街, 去了granpih買了三件tee, 跟住見到PORTER, 其實來之前都冇諗過買, 但睇睇下又開始想買, 冇理由因為平幾百蚊就去買嫁阿騰~~之後落左原宿, 琴日行過一次, 開頭唔熟路,所以有少少火, 不過今日已經摸熟晒, 買了一件縷和格仔恤衫, 然後再去APE買了一件TEE, 入面個SALE原來是上海人, 但係佢識講廣東話唔識講國語。行到六點左右, 個天已經黑晒, 之後去左日本的吉野家食食物, 有少少唔同, 最大分別應該係冇人玩強暴~

食完之後坐左大約半小時有多車去了台場浸溫泉, 真係唔係講笑, 二百蚊都唔洗, 仲平過番大陸, 但係就真係誠意推介。環境一流, 舒適。入到去先搵個LOCKER放底對鞋, 之後全程都唔會著鞋, 然後先俾錢, 2000日元有找, 跟住選一套自己鐘意的公仔和服, 要Y字型左搭右咁著, 如果唔係就代表死人。換完衫一出去超靚, 係一條室內大街, 全部都係日本風味, 有食店、手信等等, 行左一陣終於去到戲肉。入到去要赤裸裸, 先沖一沖身, 之後去浸, WOWOWO, 以前以為溫泉就等於好熱的水, 但係係錯的。有唔同的浴池, 係室內浸左0的好有鹽味的溫泉, 跟住再出去室外, 今日落住雨, 夜晚又涼, 咁樣係戶外浸真係一流的享受~完全忘記我是來自那裡。之後我見到有個冰之湯.......係冰水.....冇錯....唔係凍水,係冰水, 我猶豫左好耐, 最後我係溫泉浸到出晒煙, 然後一野浸落去冰水..........WOWOWOOWO...............其實只係凍一野, 之後開始都幾舒服, 你FEEL到0的全身所有毛孔係一秒之間完全收縮, 跟住真係冇誇張, 我FEEL到喉嚨係好似有粒冰咁樣, 成條喉嚨都係凍冰冰, 一0的都冇誇張!!!!! 玩左粒幾鐘, 之後出去飲番樽咖啡, 爽呀~~人生如此, 夫復可求呢~~

夜晚上網, RYAN同我講豪仔又係東京, 佢29/10 - 2/10, 仆街, 冇溝通呀!!!!!!!!!!!!屌你, 冇溝通呀真係, 佢住係池袋, 但係我又冇電話, 我有我諗佢都冇, 冇緣呀屌你, 冇陰公呀!!!!做咩講我知呀, 唔講咪好地地囉, 不過算啦, 妖!!!!!! 明天去築地, 要老蓮咁早起身~~



>>October 1, 2008 at 10:50:59 AM GMT+8

2008 年 9 月 27 日 星期六 【晴】

琴晚太早就訓教, 今朝晨咁早七點鐘起身, 之後就出發去我的第一站 - 宮崎俊藝術館。昨晚訓得相當之好, 我諗沙咀都要引入番幾個呢0的咁0既睡眠膠囊~~坐左一個小時左右車就到達, 但原來十點先開門, 於是係隔離個井之頭公園行左陣, 由於今日係星期日, 見到好多日本人係公園運動。十點鐘一開門, 見到好多人, 大多數都係日本人~~我入到去第一件事就係衝上最高影天空之城個機械人, 去到已經見到0的人好守秩序咁一個個排直線等影相, 但係衰在今朝個位係背光, 所以影得唔係太好。影完之後行左一陣, 全部都係日文, 不過應該將會有一套新的電影上映, 但係我唔明白點解係寫 8. 2唔通日本人係用舊曆????

睇完之後徒步去到吉祥寺, 見到有一間比較舊的店舖, 但係就排晒長龍買串燒, 我就堂食唔洗企啦, 叫左幾串食, 唔算特別好味, 不過好有風味, 再叫多杯梅酒飲下, 我又日光日白面紅紅~~~之後跟住書話要食德國香腸王熱狗, 又真係幾好味, 一個人坐係到, 天氣又舒服, 望住陌生但有風格的環境, 真係完全唔記得晒係香港的煩惱~~之後行左一陣, 本書話去到吉祥寺, 不能不吃當地最出名的免治牛肉洋蔥球, 仲話平均每日每人購買20個, 有冇咁撚誇呀心諗。去到之後見到冇咩人0者, 之後諗住買, 個店員唔知點解手指指, 最後回頭一望, 條龍長到仆街, 要分流買, 之後我排左差唔多廿五分鐘買左兩個食, 又真係唔錯, 不過好濟~~

食完之後已經勁累, 跟住去新宿, 東京0的地鐵就係好撚亂, 又複雜, 去到新宿又累, 真係腳都跛, 但係時間尚早, 因為今日太早出發了。行左一陣頂唔住, 要番一番去我隻潛艇休息一下, 訓番一粒鐘先。訓醒之後八點幾, 0的舖頭都開始關晒, 明天要變一變plan, 唔可以太早出門口, 如果唔係夜晚就仆街。



>>September 28, 2008 at 3:16:16 PM GMT+8

2008 年 9 月 26 日 星期五 【晴】

終於到了東京, 今朝晨咁早六點半起身, 但都攪到趕頭趕命咁, 最後去到機場仲唔夠時間兌錢, 一心諗住去到日本先兌, 點知就奶野。飛左大約三個小時就到達東京成田機場, 之後出境都好快, 半粒鐘左右就攪掂晒。然後去兌錢, 用$5000港紙只換來五萬六千幾日元, 11.21 屌呀, 7.x 咋麻應該, 我諗我蝕左千幾蚊, 仆街, 俾阿媽知道肯定鬧到飛天, 不過算啦, 唔好為左千幾蚊唔開心, 不過我發現我現金唔係好夠用, 應該有機會用信用卡都要用~

短短幾個鐘頭, 我已經感受到日本人是很有禮貌的, 我真係有少少慚愧.......輾轉用左差唔多兩粒鐘先由機場去到我的淺草膠囊酒店, 入到去真係覺得好正, 呢個真係似潛艇多過似棺材, 入面仲有埋燈、電視、電話、收音機等東西, $182一晚呢個價錢真係超值!!!

之後放下行裝, 然後拎埋部cannon 450D出去影相, 但好鬼肚餓, 跟住本書所指去了一間食吉列豬扒飯, 唔錯唔錯, 咁又用左1850, 睇離五萬六千幾好快用完, 唔知點算!~!~!~食飽之後去左痾屎, 之後諗住浸溫泉, 不過關左門, 由於今朝太早起身的關係, 好眼訓, 所以決定第一日早點休息, 明天一早出發去找尋宮崎俊~

番到去沖涼, 要用公共浴室, 不過間0野好似得我一條友咁, 都冇人係到住, 之後見到有好多咸書俾顧客享用, 唔知日本咸書係咪等於我地普通雜誌咁睇嫁呢!??!?!


天氣清涼, 超正, 真正的秋天


>>September 28, 2008 at 2:52:01 PM GMT+8

2008 年 9 月 25 日 星期四 【晴】

原諒我的瘋狂和撤野, 昨天豪花了一皮野, 先去銀行中心買張去東京的機票, 我實在是太誇張, 昨天買, 明天出發, 因為太急, 冇晒西北航空, 原本只需要$34XX, 結果我以錢解決問題, 去坐國泰, $47XX, 太狂妄了。之後再一鼓作氣番去上水百老匯買我部450D, 一入去唔講野就大叫拎部新出來, 因為平時成日玩野, 0的人唔信我真係買, 分期都唔要, 一炮過, 快!!!!!!! 唔撚試, 有咩問題我會番落離處理!!!!!!!!!!!型呀!!!!!!!!老瀟呀!!!!!!!!!!!!!!! $6080

今日再把握時間殺去尖沙咀買埋宮崎俊藝術館門票, 之後再BOOK晒棺材作住宿, 實在太0岩我喇, 我最鐘意訓係一個長方形的地方, 就好似屋企個洞一模一樣, 正, 又平!!!!!!!!我要攻陷東京, 狂掃潮物, 不過要保留一部份金錢準備辭職後的旅行!!!!!!!!!!!!!!

夜晚去佐敦和同事食食物, 我請, 豪呀!!!!!!!!$9XX!!!!!!!!好憎0的錢呀!~!~!~!用呀用呀~!!~!~!~千金散盡還復來!!~!~!~買呀買呀~!~!~!~!~!~!~進入瘋狂狀態, 我驚我會學JOKER咁燒晒0的錢~!~!~!~


青春就是不妥協!!!!!!!!!!!!!!!!!!!!!!!!!!!!!!!!!!!

>>September 26, 2008 at 6:08:28 PM GMT+8

2008 年 9 月 23 日 星期二 【乍寒還暖】

屌你老母, 又病撚左, 痴撚線, 呢個世界真係好唔公平, 我生活習慣正常, 唔食煙唔飲酒, 又有充足0既運動, 而家呢兩個月仲學埋拯溺, 一星期三晚帶氧, 又有充足睡眠, 點解我好似女人M到咁一個月就病一次, 係咪痴撚線, 今個九月我好似病左兩次, 係咪玩尻野, 上次病我就係考PI前一晚, 我發燒, 今日考拯溺, 我又病, 又有燒, 係咪想整撚死我先安樂, 仆街, 我不死的!!!!!!!!

琴日打完八號風球, 大家仲記得上次的十號風球, 我的小島受到徹底的摧殘, 所以今次我都好擔心....兩隻狗~~ 今日三號風球都唔可以開船, 最後一點鐘左右番到入去, 條浮橋終於都吹爛左喇!!!!佢終於爛左喇!!!!!!!!!!!!!!!!!仲有一截唔知飄左去邊, 呢到遲早會滅亡嫁喇咁樣攪法。今日郭總監入左來係到扮指揮, 最憎0的人平時唔知頭唔知路, 跟住就走入來阿支阿左, 所有野都係佢地自己起出來, 而家所有野都COLLAPSE, 責任就係起0個個啦, 我都廢撚事睬佢, 一點鐘不停咁講到五點鐘, 到底係咪童軍會0的總監都以為自己有特異功能或者超能力嫁呢? 我攞正牌唔撚理佢啦, 傻0既都, 睬佢都有味, 攪到個個都勁噪, 講埋一大堆垃圾, 又呢樣0個樣, 仲記得我地個塔麻? 佢要我地自己清左去喎, 你話佢係咪有病, 佢唔單止覺得自己有超能力, 佢以為我地都有超能力。

放工之後去左考拯溺, 計時拖應該冇問題, 不過橫胸拖應該奶晒野, 不過算, I really don't care it~ 之後去左睇醫生, 真係要睇了, 睇左$250, 好貴, 又肉赤, 夜診要貴0的!!! 番到屋企食完飯之後食藥, 我唔係病得嚴重掛, 醫生呀醫生, 你洗唔洗咁誇張, 俾咁撚多藥我呀? 每次都要食8粒藥, 仲要飲咳水, 絕症呀而家?!??!?痴線!!!!!全部人都痴線的

下星期一決定去東京, 不過嘜尻都未book, 明天要果斷咁book左機票先得~~



溫家寶真係好型

>>September 24, 2008 at 3:50:46 PM GMT+8