2007 年 1 月 5 日 星期五 【乍雨乍晴】

琴日下午一點半係上水火車站集合，然後展開琛圳一天遊。雖然成日都會番上來，但係白天回國都忘了對上一次是何年何日。上到去第一時間醫肚，平時番學放學經過泮溪就多，但係去飲茶就一次都冇，難得番到去咁勁係去間勁０的０既飲啦。最開心０既係無論人民幣同港幣０既兌換率係幾多都好，消費指數都係冇變到。飲完茶就去左ｍａｓｓａｇｅ，焗一焗桑拿蒸一蒸個人，之後就去腳底按摩。夜晚就去左東門行街，我國的模仿技術真是令人嘆為觀止。冒，並不難，但冒得來似是其一難得，其二是冒得來廣．．．．ＬＶ、ＧＵＣＣＩ、ＲＯＬＥＸ這些司空見慣，老翻ＰＳ２　ＧＡＭＥ，ＶＣＤ、ＤＶＤ亦是見慣不怪，但連高達模型、搖控直昇機、衫褲鞋襪都可以以假亂真，這種真是我國引以為傲的國粹也．．．我諗如果番多幾次，我真係唔會再買真０野．．．．夜晚去左食味千拉面，加左少少價，但都無損我地０既意欲，食完之後見到東門開左間ＳＴＡＲＢＵＣＫＳ，連內地人都識得享受，於是我亦緬懷一下在美國優遊自在的生活。

今朝十點鐘就起身，我差０的想死，因為要開始工作，完成埋最後一堂。雖然我內心唔算係太認真去教導佢地，但說實在佢地都係興趣班０者，點解要真係好嚴肅咁對佢地呢，俾佢地輕輕鬆鬆咁番離坐０下聽０下０野咁咪幾好，何必太執著太嚴苛？攪對佢地又驚我又唔鐘意我咁又有咩為呢？今日係最後一堂，要派好多０野，又要派番０的成績表又要派番０的試卷又要派禮物，所以都好輕鬆。下個ＳＥＭ如無意外會比今個ＳＥＭ更多班教，星期一、三、四、六都有，我都唔係咁想去做，輕輕鬆鬆過埋下半世咪幾好。一講番大學就有頭兒令人頭痛．．．份畢業論文應該會真仆街合家產，下星期一真係要好好咁認真去諗一諗我應該點做。第二樣０野就係個死人時間表，０個種七和西的程度應該比起我０個日著對橙色襪去踢波有過之而無不及．．．．．所以要調科．．．．．

下午兩點半番到上水，我去左百老匯幫手做探子去國美ＣＨＥＣＫ價，之後買左一個孖寶、豬堡和蘋果批番屋企食，食完之後就出左去和女友睇緣份精華遊。首先就出左去沙田ＵＡ．．．誰不知去到原來呢間無上畫．．．．ＳＨＩＴ！！！沙田ＵＡ而家係到ＢＵＩＬＤ緊唔知０的咩，好撚七煩，之後去左又一城ＡＭＣ，對又一城冇咩好感，因為總係覺得番學先會去。呢套戲都幾好睇，雖然唔係０的咩大製作，但浪漫得來都幾攪笑，最重要係冇港產片０個種爛法，兩個半鐘都算值０既。

睇完之後番左上水，有時候我真係好佩服我國的古代文明，今日係農曆的小寒，天氣真係好撚寒．．．點解可以咁準確，古時０的人真係比而家０的人更聰明。雖然我著左件大縷，但係都好凍，剛剛先病好唔可以亂來。之後去左強記小吃然後快～回～家～～～話說昨晚番左大陸，睇唔到賭場風雲大結局，但係由於科技的發達，呢個年頭邊有人仲用錄影帶嫁，會俾人笑嫁真係，係都用ＤＶＤ　ＯＲ　ＨＡＲＤＤＩＳＫ　ＲＥＣＯＲＤＥＲ啦，其實我都想買番部，不過講真又冇咩節目會錄，加上ＢＴ的發明解決左人類好多問題。永遠都係０個句，大結局前一集永遠都係好睇過大結局，永遠大結局都俾我一種趕收工０既感覺，今次都唔例外，有點兒失望囉。之後我發嬲一次過ＤＬ晒＜爭霸＞全集，真係好好睇，首主題曲又好好聽，唔錯唔錯，咁就唔洗成日追電視虛度光陰。

我部ＨＰ　６８２８安裝了速成輸入法，令我更加如履平地，仲有一個嶄新的功能，我唔需要再拎隔夜報紙上火車睇，只需要每日ＣＬＩＣＫ幾下就可以將成份報紙ＤＬ左落部機到，然後係車睇，真係好令人興奮，唔錯唔錯，仲可以夜晚訓教時係到睇報紙，人生如此，夫復何求！～！～？？嘩哈哈！！！！！！！！！！！！！！！！！！！！！！！！！！！！！！！！！

>>January 6, 2007 at 6:48:01 PM GMT+8

2007 年 1 月 2 日 星期二 【陰】

琴晚唔知點解好早就眼訓，未夠兩點就訓左。今朝鬧鐘九點四十五分響起，不過我最後一點鐘先起身。珠算教室陳小姐打來噪撚醒左，不過我冇聽到就飛左去留言。今日約左三點半係九龍仔踢波，雖然今次係我發起，但係勇哥好強咁搵左５個人，於是我先搵多幾個，咁就有１２條友去踢波。琴日做ＧＹＭ０既時候，一如平日咁力谷胸和臂，但係之後做多一樣０野，就係小腿，琴晚做完都冇咩０野，今朝一起身痛到０的企唔到係到，好０野～

今日首先出左去旺角，陳小姐屌尻我０的錢咁耐都唔拎，再唔拎我驚冇得拎，來緊呢個ＳＥＭ好似有好多班教咁，都好０既，反正而家又冇工番，但係０的錢就越用越多，不過我諗都係因為聖誕所以先玩大左０者，開學之後應該會好好多。去到首先拎左支票，跟住拎番個新印仔，然後拎埋１４張成績表，準備派俾星期六青衣班仆街，因為係最後一堂。

拎好晒０的０野之後就番九龍仔踢波，首先去左薯哥秀換衫，今日拎左對橙色波襪，跟住真係覺得七得有點兒過份，最後連薯哥都睇唔過眼拎左對白色俾我換。今日踢波腳風唔錯，不過始終下身０既力好似唔係好夠，始終心肺功力同三年前比真係差好遠，如果可以回復番三年前０既心肺加而家０既體形，應該會係一件挺具破壞力的一粒小彗星。由於早排０既感冒始終未斷尾，成日都有０的鼻涕塞住個鼻，開頭以為得小小，於是用件衫當廁紙去抹，誰不知噴出來多到連我自己都驚，又多又長．．．好撚ＤＩＲＴＹ，最後索性裸踢。

踢左兩個幾鐘走人，左腳十字韌帶有少少痛，不過應該冇咩事，但係兩隻小腿所承受０既苦就真係百上加斤了。踢完波之後番番去１４樓沖涼，之後打左陣機就番屋企，超級肚餓。由於久疏戰陣，全程火車都冇位坐，要去到粉嶺先有位坐．．．．咩呀而家！！！一個站都要照坐！坐左唔夠三分鐘就起身落車，之後去左ＰＡＳＳＷＯＲＤ幫阿ＭＡＹ買條褲，因為要我出碼先有個靚價，其實呢間０野我覺得０的衫褲唔算係太靚，如果係以正常價去買我諗唔會係０個到買０野，寧願去５ＣＭ或者Ｋ２好過，不過打左個六折又唔係咁講，可以買離普普通通咁粗著都唔錯，有時用離當襯衫都係唔錯０既選擇。

買完之後去左大快活買個咖哩牛腩飯多飯番屋企食，之後睇電視，呢排愛上了看高朋滿座、爭霸、賭場風雲。我覺得馬德鐘做得唔錯，同０個時江華做項羽０個個ｆｅｅｌ好似，０個個做范蠡０既內地演唱唔知叫咩名，越來越覺得佢有型，ｇｏｏｄ！～！～睇完之後已經有點兒眼訓，我老味話條褲太細要換中碼，頂你，我都問清楚佢係咪要細碼嫁啦，又話係！！凡人用肉眼都可以清楚咁分辯出這並不是事實啦．．．．又要勞煩我聽日出去換，好彩係上水０者，如果唔係我自刎！！！！！

夜晚震西話警察部打來話俾多次機會佢ｉｎ多次，我打左個突，前所未聞呀真係，都唔知係咪俾人整蠱，如果唔係的話咁就有兩個可能性，第一，而家真係好好好好等人用。第二，大學生真係冇冇冇冇可能考唔到囉，換住一個凡人真係絕對冇可能有個咁０既機會，呢件事我一定要話俾我０的朋友仔知道，我諗佢地一定會有和我一樣的反應，真係要好好珍惜喇。

>>January 3, 2007 at 4:51:32 PM GMT+8

2006 年 12 月 31 日 星期日 【晴】

２００７年一月一日，人類居然可以生存到呢一個時候，唔知道係人類０既歷史中有冇可能記載到３００７年一月一日呢？到時個世界又唔知會變成點？仲洗唔洗溫書考ａ－ｌｅｖｅｌ？仲洗唔洗打工？仲洗唔洗攪示威遊行選特首呢？

琴日係２００６年最後一日，我起身時發覺身體已經好番好多，可以落到床行行走走冇頭暈，於是就出左去作０６年最後一ｇｙｍ。好遺憾，今日係公眾假期，就算六點前都冇半價優惠，不過算啦。接近一星期缺席，特別好力，轉眼間線條又出番晒離。我幾時都相信一句說話，我依稀記得係好耐之前係成熙ｉｃｑ　ｉｎｆｏ打過：「狀態時有時冇，但實力卻是永恆」。之後我上磅一磅，我駭然發現輕左３大磅，我終於體驗到ｎｕｔｒｉｔｉｏｎ所學０既０野，呢幾日我不停痾水，就好似食左市面上聲稱可以極速減磅０既減肥藥，但其實我所失去０既只係水份，估唔到我痾左三磅水出離．．．．．．

琴晚九點幾十點出左去蘭桂坊倒數，真係人山人海，好有氣氛，其實幾萬人迫係條街到，為０既都只不過係最後倒數０個十秒。其實我都唔係咁醉心於熱鬧的環境，但我認為作為一個年青人，畢竟要嘗一嘗年青人該做的事情，好讓老來也能跟子子孫孫話當年。係９７門口我見到一名女子，好好好熟口面，但係我諗極都諗唔到佢係邊個，最後原來係普通話堂０既同學，估唔到咁都撞到佢。

「十、九、八、七、六、五、四、三、二、一～～～～～ｈａｐｐｙ　ｎｅｗ　ｙｅａｒ！」

２００７年一月一日的來臨，回首０６年，都算過得好幾開心，可能是因為仍然沉溺於教育制度提供的溫室。倒數完之後，人流漸漸散去，之後轉場去左灣仔ｔｒｉｂｅｃａ玩，ｊｏｉｎ埋梁家豪同佢地０的ｆｒｉｅｎｄ，做百記０個時都冇同佢出過來玩，估唔到而家陰差陽錯之下又可以一齊去蒲。原本入場費要＄２８０，但因為我地ｂｉ哥０既威力，今次佢終於都做番場好戲，識到個鬼佬ｍａｎａｇｅｒ，好讓我們免費入場。

>>January 1, 2007 at 5:23:04 PM GMT+8

2006 年 12 月 28 日 星期四 【晴】

今日係我病倒的第三日，琴晚睇完醫生之後，今日已經康復左好多。今日亦都係台灣地震之後０既第三日。第三日上唔到ｍｓｎ先發覺原來今次０既「無網之災」真係影響左好多人。但係回想番細個０時候，冇電腦、冇手提都一樣係可以生存，０個時唔覺會有０的咩問題，而家只係某０的網上唔到同埋用唔到就已經咁唔方便，如果有一日連ｉｎｔｅｒｎｅｔ都災難性失效，可能世界就因為咁而滅亡。琴日恒生指數升破二萬點心理關口，我好唔開心，老天爺，你幾時先肯開眼，幾時先肯將股災降臨香港？！我等呢一日等得好苦，我好想見到０的人個個變晒大閘蟹，好想睇到０的人喊苦喊忽，我一見到新聞報導訪問０個０的散戶就火滾，佢０的阿叔成撚日扮撚晒勁，個市升到咁買條撚都賺錢啦，我真係好想見到０的人傾家蕩產，最重要就係只要股災一來臨，我就有發大達的機會。

每日食四次，每四小時一次．．．藥就係咁食．．．食完就會好。十二點幾起身，食完飯食完藥兩點幾又訓，訓到五點幾起身，終於真真正正咁係電視機到睇到ｋｅｒｏｒｏ軍曹，聽慣左日文覺得中文好難聽．．．．原本想去做ｇｙｍ，都係都冇咩力，都係聽朝先去。食完藥０的時間唔知點解過得好慢，坐左係到好耐其實只係過左幾分鐘。之後打左陣機。今日終於都有機會宣佈．．．．珠珠已經離開左無線．．．．傳說話轉行去左做銀行．．．．以後都應該冇咩機會再見到佢了。只從裝左金山詞霸之後，睇南華早報真係方便左好多，只要個字一唔識就可以移隻ｍｏｕｓｅ過去有解釋，仲有埋發音，真係好方便，大大增加左閱讀０既樂趣。

夜晚只係食左碗雲吞面，原本諗住睇住爭霸去做ｇｙｍ，但係最後都冇去。呢兩日病左係屋企，咩都冇得做，唯有睇電視，原來冇左ｍｓｎ和ｉｃｑ，人與人之間的關係好像疏離了很多。聽日應該會康復七成，要ｐｌａｎ一ｐｌａｎ三十一號晚有咩攪作先。

>>December 29, 2006 at 3:37:12 PM GMT+8

2006 年 12 月 27 日 星期三 【晴】

前晚突然間右邊鼻孔好似水喉壞了開關一樣，鼻水如泉湧出，我都知奶０野，之後喉嚨又有０的痛，呢個病真係來得好突然。好有可能係因為連二來的周居勞頓所致。今日一起身全身乏力，我知道唔掂，所以硬著頭皮去睇醫生。但係好可惜，落到去０既時候醫生居然放飯，要成四點先開。於是我諗住慳番０的錢，去左百佳買特強幸福傷風咳素，之後番屋企食。食完之後又訓．．．．訓到五點幾六點起身食藥跟住又訓．．．原本今日約左ｋｅｎｎｅＴＨ等地出去食食物，不過身體不適要取消。最後七點幾都係決定落街睇醫生，好彩唔洗自己俾錢０者。醫生開左好撚多藥俾我食，原來醫生０的藥真係勁０的，不過食完個人都係好累。今日訓左成日，好似變左做黑炭咁，訓到條腰都累埋。原本諗住呢兩日日頭去做ＧＹＭ的，但係病左都冇辦法，成四日冇做ＧＹＭ了，有點兒周身唔自在。希望快０的好番，如果唔係除夕夜就慘了。

>>December 29, 2006 at 5:48:53 AM GMT+8

2006 年 12 月 23 日 星期六 【晴】

２１／１２　　ＦＡＣＩＬＩＴＹ之死．．．．．踢波踢左一陣就扭親隻右腳，但我諗傷勢不大。踢完波打機打到八半去開聖誕聯歡會。之後夜晚再去ｎｅｗａｙ唱ｋ，間房超大超靚啊～

２２／１２　　訓醒之後係屋企食埋飯，睇完爭霸再出動去沙田睇＜黃金甲＞，唔好睇！之後番左上水，再經黃崗口岸過關番大陸。

２３／１２　　下午兩點幾回家，訓左一陣。夜晚出左去食元祿。之後夜晚去左石湖墟阿ｂｉ間唐樓對酒。間屋亂亂地，細細間，一張傳統大排檔方形摺台．．．．上面舖左報紙，報紙上再有好多花生殼．．．花生殼隔離有副亂七八糟的ｐａｉｒ牌，然後再加上幾支空０既玻璃樽，幾支企係到，幾支訓係到．．．．再配合埋黑沉沉的燈光．．．．加埋０的麻甩佬坐晒係到．．．．．呢個場景絕對係電視劇入面傾大茶飯０既佈景．．．．今晚買左支＄２ｘｘ的芝華士，係到溝０的可樂和綠茶，溝綠茶我幾鐘意飲。

２４／１２　玩到六點幾先番屋企，之後就訓教．．．．經過三晚的煎熬，我真係有點兒吃不消。雖然今晚係平安夜，但係冇去到街，女友要去報佳音，我就可以休息一下，事關明天又要再出戰，仲要係長征！！！一早要去海洋公園扮愛斯基摩人，跟住夜晚要去狂歡派對～～～所以我必須要趁著今日好好休息。加上俾老母鬧撚左幾鑊，係到屌鬼話我晚晚去街．．．．．．仲有半年就番工喇，而家仲俾人管真係肉酸。

>>December 24, 2006 at 3:42:38 PM GMT+8

2006 年 12 月 17 日 星期日 【乍雨乍晴】

今朝八點鐘起身，琴晚唔知係咪因為冇沖涼訓教，所以成晚輾轉反側失眠．．．．今朝傳說話會好凍，但係我唔覺，因為有太陽伯伯照住，所以都冇想像中咁凍。今日又要去教記憶法，由於係聖誕節，我就忽發奇想，我決定同佢地玩遊戲，咁緊係要同記憶有關０既遊戲啦，所以我就選擇左超級無敵馬拉松簡化版。每人講一樣關於聖誕節０既物件，跟住下個就重覆一路講．．．．輸左０個個要罰唱歌。班中有個女仔叫孔嘉明，應該係被人杯０個咋，０的人係咁叫佢孔雀屎，又係咁串尻佢，佢都幾慘，不過我都覺得佢好撚廢，又唔撚識玩，有咩理由第二個接都錯嫁，佢真係ｋｉｎｄｋｉｎｄ地，唱撚左唔洗佢唱歌，剩係罰佢原地跳３０下，跳完之後０的人就笑尻佢，跟住佢就係到喊，痴撚線！！唔撚輸得就唔好玩啦仆街。即時令我想起叱吒風雲的人物「一蚊男」，「一蚊男」呢個名真係改得好撚好撚好撚抵死，話說琴日條傻西上一擇千金０既時候，原本可以得到３９萬，但就係因為佢０既戇撚尻，另佢搖身一變成為「一蚊男」，佢個樣真係悲撚到好似死老豆咁，原本３９萬供樓咪好囉，最撚好笑係佢老母，燥撚到屌尻佢：「頭先３９萬叫你賣你又唔賣，而家你自己諗啦，唔好問我。」，嘩哈哈！！！～人地話七到冇朋友，呢句說話係真嫁，佢０的ｆｒｉｅｎｄ勁撚西，衰撚左即刻話：「都去到呢個地步，你自己決定啦！」，嘩哈哈！！！！！死傻仔，嘜撚０野ｎｅｖｅｒ　ｇｉｖｅ　ｕｐ，而家叫你去做電波少年咩！！？貪字得個貧呀真係，抵你嫁，最後有萬幾蚊拎左咪算，仲要賴型係到ｎｅｖｅｒ　ｇｉｖｅ　ｕｐ，咁最後咪變身「一蚊男」囉，仲要係到喊，幾百萬市民睇住你喊，你都算威洛，俾我唔喊喇，跳樓死撚左去，又或者衝上去打尻志雲仔，死傻西，反省一下啦自己，我決定去買ｔｖｂ周刊，寫信上去玩先～～

十點鐘補完買左大快活番屋企食，食完之後番ｂｕ「溫習」．．．．係圖書館見到阿釗．．．我好清楚知道，我完完全全係冇ｍｏｏｄ溫．．．．坐係到望住０的無靈魂０既紙張．．．．唉．．．可悲．．．人生真係好可悲．．．我唔理喇，算喇，考完就算喇，真係唔撚好再攪我呀，今個ｓｅｍ算喇，宣佈被ｋ隆星人入侵，無條件投降，冇所謂喇，唔想再係到沉淪於唔屬於我０既世界。之後交埋ｄｒ．ｌａｕ功課，五點十五分去考試，一如所料，ｔｒｕｅ　ｏｒ　ｆａｌｓｅ幾乎全部寫ｔｒｕｅ，ｌｏｎｇ　ｑｕｅｓｔｉｏｎ其實都幾好睇０既０個樣，叫做寫得滿滿好多字咁，雖然寫０的０野應該唔關事，但係都叫做有０的誠意啦，ｃ＋完結啦呢科，唔撚好煩喇，拿，最盡都係ｃ好呀，你咪ｃ－我我真係嬲你嫁ＤＲ．　ＣＨＯＷ。

測到六點四十五分，阿鈞係後面蠢蠢欲動同我對答案，唉．．．算喇，我連出貓０既意欲都冇埋，早走早著，去東海食大餐好撚過啦～走左之後就去尖東東海食飯，上年姑姐生日又係係到食大餐，今年又係，不過都咪話唔邪，我好記得上年我係同一個位置生左一粒大瘡，不過我又冇唔開心０既，因為我呢０的癑瘡就好似陳曉東首歌咁：「來得快～離得快～」，幾日就好番～～今餐真係唔錯，每人兩隻大閘蟹，跟住蟹粉魚翅、蟹粉蝸貼、蟹粉酥、東星斑、焗蟹粉磨花姑，最後仲有大大個壽包和湯丸，ＷＯＷＯＷＯＷＯ，好撚飽呀！！！！正呀！！！！！！
相比之下，你叫我點出席你個生果宴呀，ＤＲ．ＣＨＯＷ？？？原諒我係咁直呀，ＳＯＲＲＹ，ＭＡＮ～～呢一餐都食左好耐，剩係兩隻大閘蟹已經食左兩個鐘頭．．．．．最後由七點半食到十一點先走．．．．

番屋企仲有順風車搭，ＷＯＷ～～～今日女朋友去左迪士尼玩，我都話會悶嫁啦，有咩好玩呀，仲未去夠咩，不過唔洗錢入去咁都好０既，懷念一下ＩＮＴＥＲＳＨＩＰ的日子，其實講真係美國０既時光真係幾開心，其實都唔係幾嫁喇，係好開心．．．好好玩．．．如果去完之後問我冇去０既話會有咩感覺，我一定會搭係一個損失，ＲＥＡＬＬＹ！！！！唔好撚理學唔學到０野喇真係，去啦你地班仆街合家產，至少英文真係會有進步的，連我ＩＥＬＴＳ　ＯＲＡＬ都可以有７你就知咩啦！！

番到屋企之後又打機，係時候準備買ＰＳ３，＄２０００我先會買不過。之後又睇到政府宣傳短片，防止虐畜，次次睇到呢個廣告都有少少酸，拍得幾好，唔錯，仲記得唔知幾時屌撚到佢化，短片拍得咁好，最後居然話：「虐待動物　可判罰款五千及監禁半年」，而家就變左：「虐待動物　可判罰款二十萬及監禁三年」，咁都算合理，但係三年同廿萬好似唔係好０岩比例，如果十年就好喇～

夜闌人靜時，我係到打緊日記，黑炭明明係我隔離捲成一ＰＡＴ０野咁訓緊，之後冇啦啦砰一聲，嚇到我個心肝都飛左一小飛，之後望過去．．．我都唔知點形容，以人０既角度離講．．佢應該係訓訓０下教碌左落床０個類．．．．．頂．．．．．丟臉呀，醒０的啦，訓到碌落床，有冇攪錯呀？！？！？

http://www.isd.gov.hk/chi/tvapi/06_ag21.html　　　






>>December 19, 2006 at 5:50:57 AM GMT+8

2006 年 12 月 16 日 星期六 【乍雨乍晴】

1.) 十點起身出去教班,今日要測驗,所以好撚輕鬆
2.)番到屋企諗住溫習,但不得要領,打左好耐機
3.)最緊要正字好撚好睇,期待<爭霸>0既播放,不過好撚憎郭羨妮,敢問佢憑嘜撚0野做西施?又冇波又冇law樣又衰,西施喎大佬....唔好玩啦無線
4.)夜晚十點半和肥華、釗食飯,有隻好撚0既狗,企起身應該高過競哥,係隔離想食我地個醉雞煲。
5.)超撚凍
6.)督察Aptitude test, 合格左,但估唔到英文肥撚左......唉.....悲......0岩0岩先知ielts有6.5, 點解那邊廂又會肥左.......不過唔緊要啦,俾我選我寧願要aptitude test合格,下年再來,只要我唔死,我都仲有機會。
7.)半夜發現自己有預知能力,因為下星期六開始夜晚12:15分會無線會播聖鬥士星矢冥王篇.....係毫無先兆之下,我竟然會咁0岩溫習番,我諗我真係有第6感。我一見到個廣告雙手不由自主咁舉起左,真係覺得有0的邪.......不過點都好,卡通界應該會繼鋼煉之後再軒起另一肢熱潮,闊別左16年0既星矢.........終於番來了。

>>December 16, 2006 at 5:27:08 PM GMT+8

2006 年 12 月 14 日 星期四 【乍雨乍晴】

今日較左鬧鐘九點鐘起身，但最後癩皮到十點先起身。之後沖涼換衫出去郵局拎番封ｉｅｌｔｓ成績，最後都係得６．５，ＳＨＩＴ，我都話左ＯＲＡＬ　ＡＴ　ＬＥＡＳＴ　７，最後真係只係得７．．．．算啦，當前首要係快撚０的考完試，呢種感覺真係好差，明明係唔撚溫習，但係又唔可以放開懷抱去玩，仲下心掛掛咁，就好似就離射精硬生生死忍一樣，好難受。跟住去左吉野家食食物，呢一個星期已經連續食左三次吉野家同一個５號餐，每次食完都肚痛．．．．肯定係上水呢間０野有問題。最撚恐怖０既就係點解入親去同走０的人都會缺乏靈魂咁講：「歡迎光臨」，「多謝晒，８８」，我食食０下飯掃地０個個阿姐望住個地下講「多謝晒．．．歡迎下次再光臨」，嘩！！你撞鬼呀？？！？！原來只要一個人講，就會好似骨排效應咁全部講．．．．我都知唔係佢地０既意思．．．真係慘．．．．．不如夜部錄音機或者紅外線感應器係到好過啦，人地一入離就唔係「叮噹」，而係「歡迎光臨」

番到學校１２點半左右，跟住就係圖書館假溫書。我真係好撚憎０的撚樣係圖書館講０野，佢地成日以為自己好撚細聲，係到竊竊私語，又唔知其實係好撚七ＤＩＳＴＵＲＢＩＮＧ，最撚憎係０的一男一女，你老母你離卜０野定溫書呀？！卜野就番屋企或者宿舍啦仆街，玩玩玩，你老母臭西，鬼唔望你唔撚過二。之後溫０下訓０下咁就去左痾屎，果然係痾爛屎，０的飯真係有問題。

之後兩點半和釗、肥華一齊去考試。考松哥其實唔係好驚，因為都係吹水０者。其實我欣賞佢，講堅，你俾Ｃ＋我冇所謂，你份卷唔好係到難就得啦，好似ＤＲ．ＣＨＯＷ同ＮＯＢＬＥ０個０的，喂大佬呀，你出到咁撚難我又係唔撚識，你一離改得又冇癮啦，全撚部打交叉（如果真係有改），二來又摧毀我自信心，松哥好呀，佢出左我冇咩溫到都識，起碼有得吹啦，唔洗早走，又寫左好多０野，你咪理我０岩唔０岩，我個ＦＥＥＬ好就得啦，分數０既０野就冇咩所謂，咁當然最少都有個Ｃ＋啦要。

考完之後同大佬和競哥攪埋０的ＦＯＲＭ，你老母梁沛恆就正啦，嘜撚都幫佢整晒，拎埋佢地址身份證號碼，放火燒佢屋企再鎖佢鐵閘定佢冇得考Ｎｕｔｒｉｔｉｏｎ！～！～～！～！～之後番左屋企，因為要趕功課。趙海珠真係唔見左，唔係真係轉左工麻？！？！不過我懷疑佢又調番去朝早，因為我而家唔洗早起，根本睇唔到香港早晨，應該係咁。之後又見到ＮＯＢＬＥ上電視，有個中一生跑完４Ｘ１００死左．．．．．．．．．嘩．．．．．好恐怖．．．有冇咁誇呀？？奧運咩而家叫你去跑？唔洗咁博呀？！不過都幾可憐，你老母又話做運動強身健體！！！＞＞＞呃尻人嫁而家，解釋啦雷博士！！！

之後食左個蠔油撈面，九點鐘出去踢波。我終於感受到點解踢歐聯作客去莫斯科中央陸軍會叫做地獄主場．．．你老母今日十幾度去踢波都凍撚到我仆街，更何況０個到零下唔知幾多度？以後買中央陸軍呀，唔撚理對咩都係咁話。不過又唔係咁講，踢耐左之後就溫晒，跟住就好似冇０野咁，所以如果我係佢地，取勝關鍵就係開波頭三十分鐘，狂攻！！！！！！！！！！！
踢完波番離之後好似夏天咁，沖完涼赤裸裸咁做功課，一０的都唔凍。之後上網睇高琳琳日記，之前睇報紙提過，遲遲都未睇。其實０個日係報紙到睇左少少都有少少感動．．．．俗語話：「看出師表不哭者，此人必不忠」．．．咁可能係文言文０既關係，當年教０既時候全班都冇喊．．．．但係我睇完呢九天簡而精０既日記．．．．咁又冇喊咁撚誇張，鐵漢來麻話晒，不過講堅喉嚨有少少咽．．．所以去左食枇杷膏．．．．．

「殺人放火金腰帶，修橋補路無屍骸」，點解做黑社會可以嘜尻都唔洗做個個月都可以月皮幾兩皮０野．．．．．有０的甚至有幾皮０野。用６年時間讀小學、７年時間讀中學、再用３年時間讀大學，ＴＯＴＡＬ１６年０既時間去讀書，最後出離月入可能都唔過萬．．．．到底係番體育及管理上發展係咪就等於向閻王爺問路－－死路一條？



有樣０野想屌好撚耐，幾個月前寄左封信去愛護動物協會諗住做義工，你老母臭西音訊全無．．．大哥呀！！！義工喎！！義工咋喎！！！！！！係咪唔撚請呀咁都？！？？！我屌你老母，義工喎！！！冇錢收嫁喎我！！！！你話你見完我個樣覺得我似虐畜都話０者，你老母！！

>>December 15, 2006 at 6:04:55 PM GMT+8

2006 年 12 月 9 日 星期六 【微冷】

今日係星期日，我覺得自己好似一舊垃圾，全日都冇做過一樣有意義０既事情。原本打算係到溫習同埋做功課，但結果都不得要領，下午又係到睇電視，因為無線播鹿鼎記。睇完之後又出左去食下午茶，生活真係好靡難．．．．夜晚黑我再報警，因為樓下０的死０靚仔真係好撚煩，你做童黨就做童黨啦，你係到叫嘜春０者，噪怨巴閉，人地聽日仲要番工嫁！！！又係到扮打交，火鬼滾報警，我當然唔會打９９９啦，呢０的咁０既少事，直接打去上水警署報案室。打完之後走出去ＬＩＰ口等睇戲，過左唔夠十分鐘就有前後兩架龜車來到，０個位差人叔叔好撚型咁拎住支警棍落車，超撚兇，好似想斬人咁．．．．大佬呀，唔洗立晒０野咁誇呀？小朋友離０者，不如蚊鎗啦阿ｓｉｒ～～之後十一個青少年俾人罰企，一字形企晒係條石春路到．．．笑撚到我仆街～！～仲好笑過ｙｕｍｉｋｏ甩褲。講起甩褲，仲頂癮，放左上網唔夠２４小時，瀏覽人數竟然去到差唔多九千，仲有ｍｓｎ朋友發現係我放上去，因為認得個ｅ－ｍａｉｌ，好撚好笑呀真係！！！！黃志騰同學，請問你係到做嘜撚０野，你知唔知而家係考試周，你書又唔撚溫係到做埋０的咁撚無聊０既０野托七呀？！

講得０岩，我唔應該咁無所事事，於是我溫番＜庖丁解牛＞和＜出師表＞，兩課都係咁正，如果可以俾個機會我考多次我好有信心拎Ａ。溫完＜出師表＞之後我領悟番我不能夠妄自菲薄，雖然我地個系係垃圾，不過都要好好咁裝備自己。有時候都覺得幾慚愧，同人講自己讀體育，但係除左０個兩舊爛尻胸肌就嘜尻都冇，所以我突然間想去充實一下。於是我就決定係ＳＥＭ－ＢＲＥＡＫ考呢個一級運動攀登、攀岩和山藝，然後打俾阿ＭＡＹ問一問詳情，結果佢又有興趣。講講原來珠珠係佢家姐０既小學同學，不過冇聯絡，ＳＨＩＴ，打探一下佢去左邊麻！！之後咪順手通知一下其他人啦，我０的同學好撚七煩嫁啦，一陣又話叫一個唔撚七叫一個，通知左就算，得阿沛一個好撚爽快咁話去，做過主席係唔同０的０既。通常我一係唔撚做，一做就好撚積極去做，所謂「悟已往之不諫，知來者之可追。」雖然荒廢左兩年，但係仲好過荒廢三年，如果ＹＥＡＲ１就去裝備，而家就唔只係一級啦．．．教練牌都離ＬＵ．．．．．ＳＨＩＴ．．．不過算啦，就算ＹＥＡＲ１有人同我講我都係唔撚理佢嫁啦，人就係咁嫁啦，人地講咩都冇用，要自己領悟真締先係王道。夜晚問０下競哥考拯溺詳情，不過都係曖０的先去考喇，唔係冬撚到仆街合家產，有曖水都係咁話啦。之後佢又好撚爽快咁話一齊玩攀攀，唔．．．．做過福利．．．．係唔同０的０既．．．．．．．．．．

講左咁撚耐，好似做番好人，但其實咪又係唔撚溫書．．．唔溫書唔緊要呀，仲有份功課未交先死．．．．唉．．．．溫書可以唔溫，功課再ＨＥＡ都要做嫁．．．．屌你老母！！！！！
夜晚睇ＨＡＲＲＹ　ＰＯＴＴＥＲ，都幾好睇，今日全日都對住０的ＭＯＮ，我人都顛。之後夜晚十二點睇車仔對阿仙奴，超好睇，ＥＳＰＥＣＩＡＬＬＹ最後十二點分鐘，勁正，不過最後都係打和１：１，ＳＨＩＴ！！！





平時我地用倉頡或者速成打完一個字之後，佢就會自動彈左一０的綠色字出離，綠色字係我地打０個個字０既詞語，你按ＳＨＩＦＴ再按ＮＯ．就可以用。今日我發現原來打個「星」字，第五個綠色字就係個「馳」字，即係話「星馳」原來係一個詞語，但係都未聽過。於是我再試０下打個「志」字，我發現！！！！！！！我發現！！！！原來係冇個「騰」字嫁！！！！！

>>December 11, 2006 at 5:01:14 AM GMT+8