2007 年 1 月 26 日 星期五 【晴】

五樣０野想講：

第一，今日又唔撚知醒起身，一點十五分先起床。
第二，今日又去左ｐｈｙｓｉｃａｌ做ｇｙｍ，同埋阿中。
第三，夜晚去左行樂軒打邊爐，番到屋企先知聽晚又要打邊爐，又變左做阿榮。
第四，阿沛死撚左，聽日好大機會去唔到行山，咁樣會變左張ｃｅｒｔ
第五，亦都係最撚吊鬼。話說星矢冥王篇分上下兩輯，第１－１３集係頭一輯，之後０個０的我都ｄｌ唔到，無線播左差唔多一個月已經播到第１３集，咁我就同競哥講：「睇個勢無線有機會播晒全套。」說時遲那時快．．．講完一陣間，咁０岩就做完，之後個旁白話：「聖鬥士星矢冥王十二宮經已全部播影完畢，下星期同樣時間請收睇火影忍者。」我屌佢老母，即係叫做玩尻我呀而家！！不過又嬲又好笑～！～

放心啦阿沛，就算你聽日真係病死左，我都會嘗試幫你點名的。

>>January 27, 2007 at 6:02:50 PM GMT+8

2007 年 1 月 25 日 星期四 【微冷】

終於．．．．我失敗左．．．．今日要一點鐘先起身．．．．唉．．．點解會咁？？假如明天要行山，又或者要去教班，又或者要番學，我都會起到身，點解偏偏連續幾日都係失敗！！點解！！！！！！？＞？？？？？？？？？意志力薄弱！！！！！！！！！！！

起身之後想痾屎但係冇痾，因為要等食埋飯先痾。今日冇飯食，叫左阿ｍａｙ買飯俾我食，其實而家日日屋企日頭都冇人，個感覺都唔題，跟住我呢排又十一點十二點先番到屋企，番到去０的人又訓教，所以近來我都有番好多私人空間。食完飯之間我就拎埋部ｎｏｔｅｂｏｏｋ入去排洪，一路爆石一路睇爭霸。我對於所有香港演員都好失敗，係「國」，唔係「角」呀！！個個都讀左懶音，好失望，相反所有配內地演員音０個０的個個都讀得好準，馬德鐘班仆街成日係到「角」、「角」、「角」，都唔知「角」嘜春，真係好廢呀！！！！！

之後想做畢業論文，但係今天不是用功天，因為我發現左一個寶藏，話說一向ｃｈｅｃｋ－ｅｍａｉｌ都唔會睇０個０的ｅ－ａｎｎｏｕｎｃｅｍｅｎｔ，但今日彷彿有神明庇佑，俾我見到入面冇啦啦有ｐｈｙｓｉｃａｌ個字，咁咪ｃｌｉｃｋ入去睇０下。三年了．．．．足足三年了．．．．學生會終於．．．．終於．．．終於都做到０野喇．．．．．所有浸會大學學生可以去ｐｈｙｓｉｃａｌ以激筍價＄６０任玩一個月．．．．．．仲包埋一次美容療程。唔單止咁，仲可以帶所有親朋戚友去，享有同等待遇！！之前其實都想入會嫁喇，不過除番開都要成＄２００一個月，仲要一次過俾一年年費，所以要三思。起初我都以為邊有咁ｓｏ，之後打過去查詢之後又講到真係咁ｓｏ，反正都諗住做ｇｙｍ，咁咪出去沙田搏一搏啦，又快過番ｂｕ～

之後去到真係咁ｓｏ，俾左＄６０就入左去，好彩我之前去過一次，如果唔係盲宗宗咁就七喇，換完衫之後就舉０野，上次離都冇睇清楚原來有咁多機．．．．個感覺真係好好，舉得好有勁，周圍都有好多肌肉人，咁先似一個健身中心嫁麻。之前我一直都認為無論靚唔靚，多唔多機都好，只要有基本設備都可以變大隻，咁講雖然係０岩，但係點解０的人有公屋唔住，要搬去奕翠園呢？不如訓街啦？訓教０既時候個人都係佔大約２ｍｘ１ｍ咁上下０者？！？今日做左三個鐘，真係好累，我ｆｅｅｌ到聽日一定會散晒。之後我去焗桑拿，乾蒸完再濕蒸，正呀～冇諗過唔洗番大陸都可以焗桑拿呀！～！～！～＄６０除番３０日，每日都係＄２咋！！去龍琛路到做都要＄７一個鐘啦，所以今次我不得不向學生會講一句，ｉ　ａｐｐｒｅｃｉａｔｅ　ｉｔ。

之後換番晒走人，咁我都估佢一定會係到游說我入會，糾纏一大餐先俾我走，誰不知佢二話不說俾張證我，然後再俾多張單我話可以去做一次免費美容療程，自己唔做仲可以張張０野轉俾其他人做．．．ｗｗｏｏｗｏｗｏｗｏｗｏｗｏｗｏｗ，如果全校學生都去報，雖然佢地唔做ｇｙｍ，但係都可以俾個美容療程我呀～！～！～！～！～好ａｍａｚｉｎｇ呀今日真係！！

今日獨自深入敵陣刺探虛實，結果證實屬實，聽晚再去過先～之後今完ｍ記行左一陣就番屋企。講起來都失禮，我發現我冇晒０的長運動褲．．．得番一條行兩步都會甩０既ａｄｄｉｄａｓ，唉．．．．好後悔扔晒０的ｓｏｃ褲．．．．．攪到行山冇褲著喇，遲０的攀０野又要著住呢條西０野，我頂唔順喇！！！！！

>>January 26, 2007 at 5:45:27 PM GMT+8

2007 年 1 月 24 日 星期三 【微冷】

今朝起身一張開眼禁不住從心而發講左一聲：「屌你老母臭西」。因為忘了較鬧鐘，有知覺時經已係一點半．．．唉．．．．好撚悲．．．．成日咁遲起身，攪到０的時間好撚唔見洗，正一仆街。起身之後身體有少少疲勞，特別係胸部和三頭肌。狼來了的故事再次發生，一開水喉，川流不息的食水源源不絕的供應，你真係當我係故事入面個ｋｉｎｄ子呀！！之後又叮番０的飯離食，然後睇甜孫爺爺，石修個仔做戲好撚差，又浮誇，好廢呀真係，成日想博出位，最終而家咪消失左囉。

下午係到聽歌，話說自從買左部ｎｏｔｅｂｏｏｋ之後，咁我就再冇用過屋企部座台式電腦。但係由於ｎｏｔｅｂｏｏｋ個所謂喇叭０的聲真係好撚屎，根本上可以話係有旋律的噪音。今日我再次用番個靚喇叭，配合埋重ｂａｓｓ去聽歌，０的音符好似浮晒出離一樣，就係咁樣自娛左一個鐘頭。之後差唔多四點幾就沖涼換衫準備出老銅上一級山藝證書課程。

沖涼時候先發現，個花洒０的水力好似冬天痾尿咁，軟弱無力，我幾撚驚沖沖０下佢會冇啦啦冇水呀，之後沖沖０下，佢突然好似人嘔咁，係咁噴０野，時大時細，幾鬼徬徨呀真係，痴撚線，沖個涼０者，嚇鬼咩！！！有鑒於上星期四出去０既時候，金鐘站擠得水洩不通，令我心有餘悸，所以提早出門口。雖然只是早了十五分鐘，但人流真係有明顯的分別。之後會合阿沛和阿競就去ｍ記買飽食，然後再行上去奧運大樓。

今日唔知點解時間過得快好多，雖然都係冇咩講到０野，我覺得指南針呢個發明好厲害，但係最厲害都係發明將地圖和指南針配合一齊用０既人，真係好強。不過其實呢兩堂學０既都係中三地理０既０野，勾起了寡人很多不愉快的經歷。最後十幾分鐘係到畫地圖，阿ｍａｙ突然好撚惡咁屌尻佢條仔，我諗係佢條仔唔知點樣整痛佢，我真係好想笑，不過強忍住！！！！！

落堂之後去左小巴黎食食物，今餐感覺都唔係咁好，好撚賤，明明小巴黎就係好味加抵食，點解銅鑼灣呢間好似貴０的！！食完之後十一點幾番屋企。如果我連尖東站上車都冇位坐，我死不足惜、死有餘辜、死不冥目！！！！！！！！！咁當然，呢件事係冇發生到啦。番到屋企之後做緊隔世追兇，我開始有０的不滿囉，就算你係懸疑片都要適可而止啦，０個部咁０既大哥大次次都可以打通去廿年前都接受到，但係據我所知，一部大哥大電話０既用電量極高，充滿一舊電最多只可以維持半日，所以０個時０的人都要帶幾舊電出街。你套０野部機用咁撚耐都唔洗充電，大佬呀，係唔係咁馬虎呀編劇！！！

之後心血來潮幫黑炭剪指甲，合我和阿ｍａｙ兩人之力自幫佢剪到兩隻腳，不過我相信加多一個人應該可以完全制服到佢，畢竟佢都係一隻恐武有力的貓王，我幫佢剪指甲佢就爪到我紅晒，頂！！！

呢排電視成日賣廣告，有首英文歌記得中學音樂堂唱歌唱過，唔知咩「....listen to the radio.......
」次次都想唔起，好痛苦，邊個記得話我知唔該，重酬。

I swear that i must wake up before 1200pm tomorrow!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

>>January 25, 2007 at 7:10:22 PM GMT+8

2007 年 1 月 23 日 星期二 【微冷】

終於，所有０野都叫做ｓｅｔｔｌｅ　ｄｏｗｎ。首先，時間表方面，由於選科０既問題，最後我都放棄左連續四日的美譽，但係依然都有兩日ｄａｙ－ｏｆｆ，分別係星期三和五。已選科目包括有：　ｒｅｃｒｅａｔｉｏｎ　ｍａｔｈｓ，上堂剩係玩０的數學０既題目，挺有趣，又冇功課，ｇｏｏｄ！跟住仲有一科中文流行曲歌詞概論，阿ｓｉｒ好正，又攪笑，最緊要佢夠ｉｎ，而家０的歌又識，唔錯唔錯。兩科都要對住肥西華，遲早要斷背。最後一科係Ｒ．Ｐ．，雖然暫時一科都未上過，但係女友之前上過話冇０野做，考試又唔洗點溫，ｂａｎｇｏ！！！不過今個星期都仲未正式上課，星期三四五都係ｄａｙ－ｏｆｆ，真係有０的覺得而家番學等於冇番學，番工又唔係番工，感覺好徬徨。不過我相信下星期一開始就會好繁忙。因為每逢星期一、二、五都要九點鐘去天平教數，星期四五六下午又要去其他學校。加上星期四夜晚又要上理論課程、星期日又要去實習課程，好忙呀～！～！～

今日我終於有所進步，迫到自己十二點就起身，個一刻真係好有成功感，不過我其實係較左十點半．．．．．起身之後就叮番熱０的飯食，跟住就繼續我的畢業論文。呢排愛上了一首歌，就係ｋａｒｙ的座右銘，真係好好聽，其實ｋａｒｙ把聲好正，又夠淫，對腿又長又白超索，不過最致命就係佢個樣．．．．．算啦，人係冇完美０既，人地做歌手，唔係做雞呀！！！！！為左表示我對佢呢份誠意，我決定轉左佢首歌做鈴聲。

琴晚上完堂之後終於都買左我想買０既０野，但係有意外收獲。原本想買０個件迷彩大縷原價＄８９９，上次睇要＄７２０，今次＄６３０咋！！！！！！之後仲要買滿三樣０野，全單８折，咁緊係老西都買啦，ｙｅａｈ！！！！！！！！
但係咁又冇啦啦用左筆錢，ｆｕｃｋ　ｏｆｆ，ｍａｎ！！！！六點鐘番學校做ｇｙｍ，因為夜晚要踢波，所以決定順路番學校做ｇｙｍ。今日我襯得好型，著左件黑白間中袖衫加一件羽絨背心，全個ｌｏｏｋ最精髓０既地方就係頂祖記冷帽，黑白間冷帽撞落件中袖衫到，成個造型配合得天衣無縫，但呢個ｌｏｏｋ係有ｒｅｑｕｉｒｅｍｅｎｔ，就係氣溫要介乎１３－１７度，因為太熱唔得，太凍對手又會凍。

好耐冇試過夜晚做ｇｙｍ，見到文哥、勇哥、ａｎｄｙ哥，仲有．．．．．．．ｄｏｃｔｏｒ　ｔｏｎｇ．．．．．有熟悉０既人一齊做ｇｙｍ個ｆｅｅｌ都好好多。今個ｓｅｍ定立左主要鍛鍊部位，就係一直被人詬病多時的背部，唔可以再前重後輕，咁樣會好核突，仲有潛在危機就係行行０下路向前仆，所以必須鍛鍊。之後見到ｄｏｃｔｏｒ　ｔｏｎｇ同佢爹左幾句，其實佢係一個好人，我唔憎佢了，其實佢都冇咩得罪過我０者，諗落佢都冇咩０野，係我尻撚屎屌尻佢迫我到做功課０者，咁其實佢都係為我地好，如果０個時我聽佢講，而家可能已經做晒ｌｕ．．．．．我原諒你喇，Ｄｒ．ｋｏｎｇ鞋墊。

ｐ．ｓ．有樣０野真係不吐不快，當我每次睇到十大中文金曲個預告，劉德華隻手好似抽根咁一路轉一路講：「究竟曾經有幾多人為十大中文金曲頒獎典禮鼓過掌０既，我希望而家可以俾我聽下」，嘩．．．大佬呀，我真係叫你聲大佬喇，你真係當自己係大佬咩，究竟你今年有咩歌咁撚巴閉呀？我諗極都諗唔明到底有咩理由你可以拎到１２個獎咁多，有冇天理嫁真係？！？你仲好意思覺得自己好撚型咁係到講多令人毛管都棟０既說話，我真係想死呀！！






>>January 24, 2007 at 6:05:26 PM GMT+8

2007 年 1 月 18 日 星期四 【晴】

唔知係咪上次篇日記爆得太強.....攪到幾日都唔想打........可能係一次過用得太多元氣............


sem break後遺症．．．．．近日患上一個怪病．．．．夜晚要四五點先訓得著，但係日頭就訓到成兩點先起身，起身個人真係好冇精神。以前上八半雖然朝朝起身都係到大叫屌老母，但係無可否認個人真係醒神０的，雖然都係好眼訓。我已經日日都較鬧鐘起身，但係每次都不得要領．．．今個ｓｅｍ開始左以為會好０的，但係都冇咩改變。今個ｓｅｍ終於都脫離了ｐｅｒｍ的魔掌，起初ａｄｄ晒ｈｉｓｔ０的科去讀，諗住會係我杯茶，但卻事與願違．．．．上堂０既時候人地個個都係歷史系，個個都係朋友仔，我就變左做ｋｉｎｄ子．．．感覺好孤獨。平時上ｅｌｅｃｔｉｖｅ個個人都互不相識，但係問題就係呢到，全班人都唔識就唔會有呢種被杯０既感覺。

於是就唯有轉做ｐｌａｎ　Ｂ，ａｄｄ左科Ｒ．Ｐ．老莊人生哲學，再加多科中文流行歌詞概論，然後再打算ＡＤＤ科ＰＡＩＮＴＩＮＧ，都仲有兩日ＤＡＹ－ＯＦＦ，仲可以去到４日３夜旅行～不過咁樣好撚型咩？！一個星期番得０個三日學覺得好威咩？！唔撚好讀啦臭撚，簡直不撚知所謂！！起身之後攪完ＡＤＤ科０的０野就換衫番學校做ＧＹＭ，久違了的偉衡ＧＹＭ　ＲＯＯＭ，雖然呢一個月來都有去龍琛路做ＧＹＭ，但係０個到冇部推胸機，所以只有做摺胸，但係問題出現了，原來做摺胸和推胸係兩回事，今日推胸發覺細力左．．．．所以要加強番訓練先得了。

做完ＧＹＭ之後八點鐘又去踢波，繼星期二ＰＥＲＭ大勝４－０一洗頹風之後，今場更加以９－１無敵姿態勝出．．．．雖然我地贏左９－１，但係被我地炒９球０既ＳＯＣＩ反而因為入左一球而勁開心，唔知以為係佢地贏左波ＴＩＭ．．不過ＨＯＮＥＳＴＬＹ，雖然大炒９球，但係個ＦＥＥＬ真係唔係咁好，真係唔知點解，完全冇興奮０既感覺，可能係對住０的咁廢０既隊冇咩戰意，反而頭兩場個感覺係投入好多．．．．．

之後沖完涼去左旺角食食物，入左間黑炭．．．．我一向都ＡＰＰＲＥＣＩＡＴＥ０既標記樂園令我去ｄｅｓｐａｉｒ，我和阿沛阿釗三條友叫左碟椒鹽中蝦＄４５，佢老味全部係死蝦，又樣衰，完全唔撚掂囉，跟住個仆街鹵水併盤＄６５，痴撚線，一舊鵝片都冇囉，又細碟，你老母佢連最ｂａｓｉｃ用豆腐墊底都冇囉，勁撚唔開心，跟住再叫多鍋蠔仔粥又係＄６５．．．．仲有煲冇肉０既０者０者排骨．．．．．最後每人都要成＄７３．．．．痴撚線，去打邊爐冇咁嬲啦仆街！！！講開打邊爐真係不得不提行樂軒，九半後每碟＄９．８，足料，仲要免湯底，０的０野又好食，０的丸又係手打丸，痴撚線，點解旺角０的人咁撚賤，雖然我係鄉下仔，但係都唔好咁呃尻我，好嬲呀仆街！！！！！琴晚同競哥食煲仔飯好過呀！！！

講起琴晚不得不提琴晚上第一堂０既山藝，巧遇小白。ｃｅｓａｒ真係慘，個個人都抽中係佢抽唔中，不過唔緊要啦，其他兩樣佢都有，不過係冇得行山０者。阿ｍａｙ同條仔一齊離上堂，佢條仔一定好撚悲，一定係被迫要陪佢離啦！！
星期日上山！！！！！！！ｙｅａｈ！！！！！！

話說我幫黑炭整左間叫做係屋，用塊紙皮做頂，下面整個紅Ａ膠盤，跟住再放個墊係入面，呀～～佢真係走入去訓喎，ＹＥＡＨ！！！！琴日上左去公司拎埋０的錢，跟住ＴＲＡＩＮ左兩個鐘珠心算，拎左兩個算盤番屋企練習．．．因為星期二、五朝早要去教珠心算，都好，可以迫自己早起，正～！～～！～！～加埋阿沛還錢，銀包冇啦啦多左＄１０００，我要去ＩＺＺＵＥＳ買迷彩大縷，ＹＥＡＨ！！！


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　　　　　　　　　　　　　　　　呼籲

基於友人開辦的狗場倒閉在即，大量純種狗ＢＢ廉價出售。價錢大約是＄２００－＄３００。倘若在倒閉前仍沒有愛心之士伸出援手，所有小狗將要人道毀滅。假如你是有愛心、有承擔和有能力的話，懇請伸出仁愛之手、打開慈愛的心扉、喚醒潛在的惻隱之心聯絡小弟。

>>January 19, 2007 at 5:39:01 PM GMT+8

2007 年 1 月 17 日 星期三 【晴】

　　　　　　　　　　　　　　　　　　屌你老母臭西

>>January 19, 2007 at 6:54:00 AM GMT+8

2007 年 1 月 12 日 星期五 【陰】

蒼．．．天．．．．何．．．．．太．．．．．忍．．．．．．？．．．．．．．
到底我地做錯左０的咩？？點．．．．．解？．．．．．．點．．．．解．．．．點解．．．．．一次又一次咁對我地．．．無論我地計劃點樣周詳，預備係幾咁充足．．．．唔通真係．．．彊．．．係越老越辣．．．我輸左．．．我認輸了．．．．劏水魚晚餐大會宣佈全面失敗．．．唔好諗報仇了．．．我地贏唔到的。

琴晚原先諗住去海港打邊爐，我經已好有良心咁醒覺到九點前去打係會貴好撚多，於是就約齊人馬轉左去行樂軒．．．連埋兩名目標人物在內總共有９人．．．每碟＄１１．８，其實真係幾抵，我都係比較鐘意食逐碟計０個０的，一來食物新鮮０的，二來價錢其實埋單計數係差無幾的。由於要遷就０的老師，所以我地提早到六點半就食．．．「無所謂」．．．心想．．但．．．．琴日起身到打邊爐我咩都冇食過，因為諗住留肚夜晚食餐勁！！！！！！！！！

由六點半食到差唔多九點鐘．．．．全晚都食得好滿足，毫無保留咁狂食食物，狂飲汽水。誰不知天命難為，難道時機尚未成熟？抑或是我們的歷練不足．．．最後一步再次慘遭滑鐵盧。當我地知道肥張要求埋單０既時候，大家可能經驗唔夠，可以有０的緊張，小動作亦都增加，甚至乎抵受不住壓力走去廁所、扮有電話、扮ｓｅｎｄ　ｓｍｓ、扮同隔離有０野講，係埋單俾錢成個過程我地冇人理過肥張和布歐，就連少少ｅｙｅ－ｃｏｎｔａｃｔ都唔敢有．．．．之後侍應生好理所當然咁拎張單俾肥張，之後隱約知道佢兩個係到咬二仔，最後肥張好豪氣咁俾左錢．．．咱們以為計劃成功．．．．就坐係到等最後一個離席去左廁所０既同伴番離，諗住即刻逃走．．．．．誰不知．．．誰不知．．．．佢竟然．．．竟然．．．．肥張本來諗住請我地，但係布歐又話要夾番一份，但係竟然唔係除二，係除埋我地！！！！！佢好過份，竟然同我地講：「每人＄８８」．．．．．．．係呢一刻，我好清楚感覺到大家心裡都有說不出的失望和憤怒，但係又要裝著若無其事，０個種內心掙扎和矛盾不斷煎熬著我．．．．好慘，真係好慘．．．．．佢竟然真係會叫我地夾番．．．．我真係唔敢相信．．．．最辛苦係我地要繼續扮無野。之後佢兩個話走，我地就話坐多陣傾多陣計先，然後仲好有禮貌、好好笑容咁道別．．．．睇住佢兩個背影慢慢消失於視線範圍之內．．．然後．．．終於爆發了．．．
屌你老母、西、尻、撚、仆街等等聲音瀰漫於空氣之中．．．．大家都按耐不住．．．係撚咁屌．．．．之後種互相指責，有人認為佢一俾左錢我地就應該有人識講：「多謝，ｍｉｓｓ」，咁佢就唔好意思叫我地夾番，有人就認為呢個係佢兩個人０既陰謀，根本佢地就係到扯貓尾．．．．．但係講咩都冇用．．．．原本諗住＄０．．．．而家冇左＄８８．．．大家個心都好難過．．．．唉．．．．

之後我地離開行樂軒，去左阿ｂｉ係石湖墟間屋到一心借酒消愁．．．誰不知第二件經典絕倫０既事居然發生，今個晚上真係經歷左好多好多．．．．．呢件事我真係唔可以唔記載。

我地買左一支ｖｏｄｋａ，一支綠茶，一支利賓納，一樽果汁先生上去對。話說阿ｂｉ係石湖墟間屋只係一間舊式唐樓，用來放雜物，唔係要離住，所以個ｆｅｅｌ名乎其實係傾大茶飯０既地方。當我地拎住一袋二袋，行左成６層樓梯，去到門口開門．．．．開唔到．．．再開．．都係開唔到．．．但係入面有燈，咁就奇怪啦，阿ｂｉ話除非入面有人，如果唔係無可能反鎖到的。於是佢就打俾阿哥、阿爸、阿媽問０下係咪佢地０的ｆｒｉｅｎｄ上左去玩啦，但係佢地又話冇。於是我地拍門又冇人應，冇人開門．．．．．跟住佢阿哥打番俾佢話有個ｆｒｉｅｎｄ係入面．．．．溫．．．．．．書．．．．．．．．．．．．．．．．．．．
唔好玩我地啦．．．．係人都知做緊咩事啦．．．溫書就冇可能嫁喇，恐怕係同條女．．．．算喇，知道就算喇，咁佢話１５分鐘咪１５分鐘囉，我地就坐晒係樓梯口，斜對住間屋，諗住等佢地係屋出離然後笑尻佢地，等佢到尷尬。時間一分一秒過去，我地拍門，但佢始終沒有任何回應，又唔開門，之後又打俾佢阿哥再打俾條友，條友話唔見左張證，所以搵緊．．．．．
跟住我地又拍門，係門口話：「係咪唔見左０野呀？我地幫你搵啦。」但係屋入面始終冇人回應。由於呢０的舊唐樓，結構簡單，所以我地係門口講０野其實屋入面係聽到好清楚，我地知道佢一定係驚見到我地所以唔敢出離。於是我地唯有用計．．．係到話：「咁我地落去等０下先啦！～」以後原地踏步扮落樓梯，跟住一粒聲都唔出．．．．．真係連呼吸都聽到，之後唔洗５分鐘．．．．佢果然有動靜，到門好慢好慢咁打開．．．先開左好少好少，因為我地係斜對面，所以佢開少少見到冇０野以為我地真係走晒，跟住再開大０的，再０大的，然後我地見到佢個死人龜頭慢慢咁探出離，最後見到我地，然後即刻ｈｏｌｄ住到門，剩係伸個頭出離話：「我唔見左張證，你地不如落下面等等」然後即刻關門。嘩哈哈！！！！！！嘩哈哈！！
真係笑撚到我呀！！！！仆街，有冇咁撚好笑呀真係？？！？我地緊係唔會咁易讓步啦，但我地知道佢唔會再中計，於是我地真係上左一層，然後係到等，等佢開左門都唔落去，等到佢行左出離先衝入去。結果，唔夠十分鐘，佢真係開門，然後見唔到我地真係出左離！！！！！之後我呢０的攪事份子即刻現身，然後召集大家：「入得喇，幫手拎０野啦～」之後７條友浩浩蕩蕩殺入間屋。係門口黑暗暗睇唔清條仔，入到屋先見到佢塊面青晒．．．佢一定真係好撚驚。但我都唔夠我地驚．．．．因為．．．因為入到間屋到．．．入面一個人都冇！！！！０個一刻我覺得只有兩個可能性，一係佢自己係到打飛機，一係佢真係溫緊書，但係溫緊書冇理由唔肯開門，但係打飛機又冇理由要探頭出離。我百思不得其解，但奇怪在佢竟然唔走，佢一直都唔肯走係到話唔見左張證，係到搵，仲講到話可能要報警，咁我就開始覺得奇怪。間屋兩房一廳，一眼睇晒，我開左廁所門冇人，之後開第一間房，亂撚到仆街，但總算有張發晒霉０既床，第二間房鎖左開唔到。之後０個位飛機男就話：「係囉，唔知點解鎖左」，之後我地唔撚理佢，係到ｓｅｔ晒０野諗住開ｐ，最後打發佢走，話搵到俾番佢。

佢一走左，我地即刻開會，諗極都諗唔明到底係咩一回事！！大家打死都唔相信佢真係溫書！
其實我一入間屋時，我聽到開唔到０個間房有０的聲，但我以為係風聲，所以冇理會。但係原來州和輝都聽到，再加上我係咁意扭一扭個門鎖飛機男就走過來話：「係囉，唔知點解鎖左。」，我即刻覺得此地無銀，然後立刻向ｂｉ哥進諫，要求開門查個明白。之後．．．．我地去開門．．．．結果．．．結果．．．．．．開唔到！！！！！！到門開唔到，又鎖左！！
之後阿ｂｉ向住唔知有冇靈異物體０既房間話：「呢到門只有入面先可以鎖到，裡面係咪有人呀，係就出離啦。」．．．．．．唔夠１０秒．．．．．．有一把女聲話．．．．「係呀，唔好意思，可唔可以俾左ｃｈａｉｒ仔我呀，我出唔到離呀。」嘩！！～～０個一刻先係有少少驚，大佬呀，夜晚晚有把咁陰０既女聲突然出現都咪話唔驚，但之後我地已經笑撚到仆街，真係仆街。一路期待條女出離，點知佢攪左成鐘，係入面又傳出好多聲音先慢慢開門。

一開門．．．．我地都期待緊係一條索女，起碼可以養０下眼，或者自己有０的幻想空間。誰不知．．．．．係我地面出現０既係一頭希臘神話之中０既怪獸－－欣宜．．．．．．嘩，０個一刻咱們真係忍笑忍撚到呢，以前我以為尿可忍，屎不可忍，原來笑仲難忍．．．．條女真係同一隻豬冇分別，我真係唔係想咁衰話佢，但佢真係連豬都不如．．．．．．之後佢仲話：「對唔住，唔好意思，希望你地當咩事都冇發生過」，然後走左，佢一走．．．．．就好似十日十夜冇痾到屎咁，五條友一次過釋放，嘩哈哈！！！！！！！！！！！！！！嘩哈哈！！！
真係好撚好撚好撚經典，最撚好賤係佢條仔竟然會自己走左去，留低條女係間房到，嘩，如果我地蠢０的，以為佢真係係到溫書，咁條女真係諗住係間房成晚唔出離？？！？？！然後，我再查看間房．．．我知道前者是沒有可能的．．．因為．．．因為．．．．更令人吃驚０既事情再次出現．．．０個間房係同阿富做隱青時間屋有過之而無不及．．．．我可以大膽講句，我入都入唔到去．．．我係呢到要向呢位豬小姐道歉，因為佢竟然可以入到去躲藏．．．佢真係付出左好大０既努力．．．．亦都明白點解佢出離要用ｃｈａｉｒ同埋咁耐．．．．．．不過真係好彩我地發現左佢，如果唔係我地飲到ｈｉｇｈ　ｈｉｇｈ地佢先忍唔住突然出離我地真係會俾佢嚇到賓州都扯唔起．．．．

假如而家仲係２００６年．．．．呢壇０野必定會成為０６十大經典頭三甲，嘩哈哈！！！！
！！！！！！！！！！！！嘩哈哈！！！！！！！！！！

>>January 13, 2007 at 6:03:54 PM GMT+8

2007 年 1 月 9 日 星期二 【微冷】

傳說話今日會停水，於是我琴晚用盤裝左好多水諗住今日用，仲打算去北區運動場沖涼洗頭。但係今日兩點鐘起身．．．．一開水喉，依舊係川流不息．．．．已經唔係第一次放流料，成撚日貼０的通告出離話冇水，仆街，冇次係真０既，次撚次都係咁，不過唔信佢又唔得，萬一真係冇水就真係仆街。起身之後我第一時間沖涼洗頭，廢時晏０的真係冇水，之後煮左個餐蛋面食。拎包出前一丁出離，不禁想起前幾日去世０既「即食面之父」，原來出前一丁已經有幾廿年歷史，真係好老實咁講，出前一丁係最好味０既即食面，呢樣０野真係無從置疑的。剩係睇０的茶餐廳如果食出前一丁要加＄２就知咩事啦。但係我真係唔明，點解市面上有咁多種面，偏偏真係冇出前一丁咁好味，點解！？？！！？？！杯面都話有好多可以較量，但問心講句，出前一丁真係無敵。多謝你，安藤百福，如果冇你，後果真係不堪設想．．．．ａｐｐｒｅｃｉａｔｅ　ｉｔ．．．．

食完面之後就痾屎，冬天痾屎有一０野真係好爽，就係坐落板０個０野，個屎忽凍撚到仆街，每次坐落去都要氣聚丹田，所以真係好佩服０的女人痾屎痾尿都係咁坐，佢地個屎忽可能已經唔怕凍。之後我睇ｋｅｒｏｒｏ軍曹，睇到第１０１集，真情都係做到１００集，估唔到一套卡通片可以有百尻幾集。第１０１集－１０３集戲路大轉，大家都知道ｋｅｒｏｒｏ小隊係來侵略地球，但係佢地就成撚日做埋０的ｋｉｎｄ０野，冇次認真，仲漸漸鐘意左地球，有見及此，ｋ隆星派左ＧＩＲＯＲＯ０既哥哥ＧＡＲＵＲＵ小隊來取代ＫＥＲＯＲＯ小隊，結果佢地由於沉醉於藍星０既安逸生活，所以俾人打敗晒，呢幾集真係好好睇，同之前０既完全唔同，睇到我都差０的想喊。

睇完之後五點鐘出左去觀塘拎番０的尾糧，話說流動資金戶口得番＄３ｘｘｘ，但係ｃａｒｄ數欠＄３０００．．．．即係話宣佈破產，好彩之前０的錢仲未拎，又有番＄２６８０，不過唔緊要，基於寡人出色的教學態度，導致時薪得已上調至＄１２５，加上今個ｓｅｍ鐵定有４班，如果時間表許可的話可以去到６班，我終於證明我這個高時薪，低總薪計劃係冇錯的。

１２５ｘ４ｘ４＝　＄２０００
４５ｘ１６ｘ４＝　＄２８８０

之前番６４個鐘先得＄２８８０，而家番１６個鐘就有＄２０００，咁緊係而家化算０的啦，話晒都似番個大學生啦，唔通仲得０個＄４５一個鐘企係個商場到ＫＩＮＤ咩？！？！？？！

拎完錢就去左旺角同ＯＲＬＡＮＤＯ朋友聚舊，番左離ＨＫ都冇見過面，話晒大家都住埋三個月～話說ＫＥＮＮＴＨ遲我地離開一星期，咁我地走晒佢就要搬去同０的鬼佬住，跟住佢話０個一個星期，隔離床個鬼仔夜晚訓教係到打飛機，真係好撚恐撚佈～咱們去左食沙爹王，食到好撚七飽，飽到胃痛，之後去左金雞篤波，然後再落ＢＡＲ飲酒，飲到醉醺醺，最慘０既係仲要搭火車番屋企，差０的係架火車到嘔，咁就真係肉撚醉喇。

番到上水我買左舊燴蕃薯食，係紫色的，我冇飲大！！！好撚七耐冇食過紫色喇，真係好撚開心。番到屋企沖左個涼，跟住睇埋個ＫＥＲＯＲＯ，睇０下點收科。聽日十二點十五分潘ＳＩＲ請飲茶，我都唔知起唔起到身。琴晚十一點幾出左去又係潘ＳＩＲ請食糖水，俾老母屌，話我成日夜晚晚先出街，群埋晒０的唔三唔四０既人，如果我話俾佢知我係同阿ＳＩＲ去唔知會點呢，一定好撚攪笑！！！！！！！！！不過都唔夠佢老婆攪笑，買左三張阿ＲＡＩＮ演唱會飛，每張＄１２８０．．．．．．．．．．．．．．．．．．．．．．．好恐怖．．．．．．

>>January 10, 2007 at 7:21:53 PM GMT+8

2007 年 1 月 8 日 星期一 【晴】

自從台灣地震之後，佢老母條電欖仲未整番好，死仆街ｍｓｎ成撚日ｓｅｎｄ唔到０野俾人，最大問題係佢明明ｓｈｏｗ左係ｓｅｎｔ，但係人地係會收唔到，有時候ｓｅｎｄ完一句０野，隔左一陣佢先話俾你知ｓｅｎｄ唔撚到。跟住睇網頁又慢撚到仆街，開個ｗｉｓｅｎｅｗｓ要開成九千幾年先開到，真係火都離撚埋，仆街！！！！！！！！！今朝八點半起身，真係好撚七凍，所以我都冇沖涼洗頭，帶左頂冷帽加背心羽絨，當天氣凍到一個地步０既時候，人類就會反璞歸真，明白到穿衣服最主要的用途是保護身體和保暖。之前報紙登左一則小新聞，有變態虐待動物狂徒，有隻小花貓俾佢拗斷左隻腳，骨頭都外露。最令人感動０既係隻街貓係有名的，有熱心人士晚晚都會餵佢地，如果俾我見到呢一個人呢，我會將佢條賓州弄到全勃狀態，然後再好似琴晚踢波咁一腳抽落佢條撚到，應該唔會斷的，因為常識話俾我地知道，陽具係無骨的，所以佢還未得到應有的懲罰，希望佢真係會仆街合家產，下世投胎做一隻過街老鼠，讓貓兒可以報仇！！！！！！！！！！！！！！

今日要開始繼續教授記憶法，呢班要教到四月三十日，即是話來緊呢個ｓｅｍ都要繼續教，但最大問題係本書簿到仆街，而家第五堂已經教晒，仲有成十一堂，都唔知點算。教完之後十點鐘去左買ｍ記食，次次都係食ｍ記早餐，其實都冇咩幾何可以食到早餐，所以我都故意接呢一份ｊｏｂ，因為可以強迫自己早點起身。番到屋企食完之後睇左陣ｅｔｖ，冇錯，係ｅｔｖ．．．．仲記得小學０既時候日日一起身就係睇ｅｔｖ．．．估唔到今日睇呢一套居然仲係細個時候睇０個套，真係好有ｆｅｅｌ，好似變番小時候一樣。

之後十一點鐘頂唔順去左訓教，我唔明白點解每次都係係我訓教０既時候０的人先會打來，到底係我有問題定係０的人有問題？真係次次訓親教都會有人打來噪醒，由十一點至三點呢個時候，就有四個電話打來噪醒，我剩係接左張燕妙，因為我知道呢一個人來者不善。原來佢打來報分，ＮＵＴＲＩＴＩＯＮ我有Ｃ，好錯唔係ｃ－或者唔合格，今個ｓｅｍ只要過２就可以了，所以都算唔錯。之後三點鐘起身食午餐，食完之後四點半去左做ｇｙｍ。

今日又見到大隻佬葉偉康，如果佢可以曬黑０的，唔好好似舊白朱古力波咁一定會兇好多。每次我都故意係六點前入去，因為可以有半價，今日我買左一個鐘頭，但係就由四點四十五分至到七點正，賺左呀！！！！！之後番屋企，行過ｍ記再買蘋果批。之後去左上水廣場，星期五０個日係內地買左條純銀頸鍊，價值＄５０，但係我又覺得唔係真，所以我去查問，聽日拎條０野去驗下先。

番到屋企睇＜爭霸＞，話說我部電腦有個大ｐｒｏｊｅｃｔ，已經捱左兩個通宵去ｄｌ＜爭霸＞全集，但係都只係得４９％．．．．全套有８．ｘ　ｇｂ，今次真係難為了部機，加油呀，我諗要捱多兩晚通頂先得呀要！！！今日東方報導左有條友飲醉酒番屋企上床訓教失足跌左落街死左，原來０個個係ｅｓｔｈｅｒ個妹個男朋友個ｆｒｉｅｎｄ來的，原來飲醉酒會咁恐怖，我都要小心０的，不過唔緊要，我訓地下的，至少唔會跌出窗。


＝＝＝＝＝＝＝＝＝＝＝＝＝　嚴正聲明　＝＝＝＝＝＝＝＝＝＝＝＝＝＝＝＝＝

本王今日聯絡眾諸侯舉辦第二次「劏水魚晚餐大聚會」，假定於本星期五晚上七時三十分。鑒於上屆中途殺出程咬金，我軍慘遭滑鐵盧，有如田北俊倒戈推翻廿三條立法。前事雖可不計，但前車不可不鑑，是次大會絕不容許再有任何人士作出逞強、逞英雄及除褲放屁等損害諸侯利益之行為。有見及此，呼籲各路人馬隨身只能攜帶不超過港幣五十元正並希望盡可能不要將錢包外路，以免招致不必要的損失。

>>January 8, 2007 at 6:41:15 PM GMT+8

2007 年 1 月 5 日 星期五 【乍雨乍晴】

琴日下午一點半係上水火車站集合，然後展開琛圳一天遊。雖然成日都會番上來，但係白天回國都忘了對上一次是何年何日。上到去第一時間醫肚，平時番學放學經過泮溪就多，但係去飲茶就一次都冇，難得番到去咁勁係去間勁０的０既飲啦。最開心０既係無論人民幣同港幣０既兌換率係幾多都好，消費指數都係冇變到。飲完茶就去左ｍａｓｓａｇｅ，焗一焗桑拿蒸一蒸個人，之後就去腳底按摩。夜晚就去左東門行街，我國的模仿技術真是令人嘆為觀止。冒，並不難，但冒得來似是其一難得，其二是冒得來廣．．．．ＬＶ、ＧＵＣＣＩ、ＲＯＬＥＸ這些司空見慣，老翻ＰＳ２　ＧＡＭＥ，ＶＣＤ、ＤＶＤ亦是見慣不怪，但連高達模型、搖控直昇機、衫褲鞋襪都可以以假亂真，這種真是我國引以為傲的國粹也．．．我諗如果番多幾次，我真係唔會再買真０野．．．．夜晚去左食味千拉面，加左少少價，但都無損我地０既意欲，食完之後見到東門開左間ＳＴＡＲＢＵＣＫＳ，連內地人都識得享受，於是我亦緬懷一下在美國優遊自在的生活。

今朝十點鐘就起身，我差０的想死，因為要開始工作，完成埋最後一堂。雖然我內心唔算係太認真去教導佢地，但說實在佢地都係興趣班０者，點解要真係好嚴肅咁對佢地呢，俾佢地輕輕鬆鬆咁番離坐０下聽０下０野咁咪幾好，何必太執著太嚴苛？攪對佢地又驚我又唔鐘意我咁又有咩為呢？今日係最後一堂，要派好多０野，又要派番０的成績表又要派番０的試卷又要派禮物，所以都好輕鬆。下個ＳＥＭ如無意外會比今個ＳＥＭ更多班教，星期一、三、四、六都有，我都唔係咁想去做，輕輕鬆鬆過埋下半世咪幾好。一講番大學就有頭兒令人頭痛．．．份畢業論文應該會真仆街合家產，下星期一真係要好好咁認真去諗一諗我應該點做。第二樣０野就係個死人時間表，０個種七和西的程度應該比起我０個日著對橙色襪去踢波有過之而無不及．．．．．所以要調科．．．．．

下午兩點半番到上水，我去左百老匯幫手做探子去國美ＣＨＥＣＫ價，之後買左一個孖寶、豬堡和蘋果批番屋企食，食完之後就出左去和女友睇緣份精華遊。首先就出左去沙田ＵＡ．．．誰不知去到原來呢間無上畫．．．．ＳＨＩＴ！！！沙田ＵＡ而家係到ＢＵＩＬＤ緊唔知０的咩，好撚七煩，之後去左又一城ＡＭＣ，對又一城冇咩好感，因為總係覺得番學先會去。呢套戲都幾好睇，雖然唔係０的咩大製作，但浪漫得來都幾攪笑，最重要係冇港產片０個種爛法，兩個半鐘都算值０既。

睇完之後番左上水，有時候我真係好佩服我國的古代文明，今日係農曆的小寒，天氣真係好撚寒．．．點解可以咁準確，古時０的人真係比而家０的人更聰明。雖然我著左件大縷，但係都好凍，剛剛先病好唔可以亂來。之後去左強記小吃然後快～回～家～～～話說昨晚番左大陸，睇唔到賭場風雲大結局，但係由於科技的發達，呢個年頭邊有人仲用錄影帶嫁，會俾人笑嫁真係，係都用ＤＶＤ　ＯＲ　ＨＡＲＤＤＩＳＫ　ＲＥＣＯＲＤＥＲ啦，其實我都想買番部，不過講真又冇咩節目會錄，加上ＢＴ的發明解決左人類好多問題。永遠都係０個句，大結局前一集永遠都係好睇過大結局，永遠大結局都俾我一種趕收工０既感覺，今次都唔例外，有點兒失望囉。之後我發嬲一次過ＤＬ晒＜爭霸＞全集，真係好好睇，首主題曲又好好聽，唔錯唔錯，咁就唔洗成日追電視虛度光陰。

我部ＨＰ　６８２８安裝了速成輸入法，令我更加如履平地，仲有一個嶄新的功能，我唔需要再拎隔夜報紙上火車睇，只需要每日ＣＬＩＣＫ幾下就可以將成份報紙ＤＬ左落部機到，然後係車睇，真係好令人興奮，唔錯唔錯，仲可以夜晚訓教時係到睇報紙，人生如此，夫復何求！～！～？？嘩哈哈！！！！！！！！！！！！！！！！！！！！！！！！！！！！！！！！！

>>January 6, 2007 at 6:48:50 PM GMT+8