2007 年 3 月 16 日 星期五 【暴雨】

　　　　　　　　　　　　　　　　「你估你仲係十八廿二呀！？」

經過左２００７年３月１４日之後，這句說話就名正言順地套用於我身中。唉．．．越來越老了．．．．２３歲．．．唔覺唔覺就咁老了．．．我真係好驚３０歲的來臨，原來歲月不留人的感覺是這樣。初中時我睇＜幽遊白書＞，我唔明白點解戶禺呂要為左長生不老而將自己變做妖怪，我諗我而家有另一種睇法。雖然生老病死係人必經階段，但係如果可以選擇的話，或許每個人都會是戶禺呂。亦都可以明白點解秦始皇、明成祖都要追求長生不老藥，或者當權者比起凡夫俗子更能感受到這種轉變。１３號晚番左大陸食小肥羊，我有少少失望，因為我原本抱有好大期望，但結果卻未如人意。對上幾年生日都係番大陸，呢個傳統我都唔知會ｋｅｅｐ幾耐，不過番大陸真係幾好，又有ｆｒｅｅ　ｔｉｃｋｅｔ，已經慳番＄４０，跟住上去飲茶又平又好味，仲要係去大酒樓。簡單０的講，大酒樓０既質素，聯福樓０既價錢。

琴晚去左行樂軒食飯，今次聚會係小學同學聚會。自從我小學畢業後，除左ｌｕｇｉ、阿ｂｉ、謝萬和ｂｏｂｂｙ之外，其他同學我可以話係十幾年都冇見過。今次見番真係好特別，講番好多好多小學經典之中經典０既事，最經經經經典莫過於有人癩屎．．．．成條底褲都係屎，呢一件事都而家都係長留於我們心中。由七點幾食，一路坐到十二點關門。真係好難忘。

今朝早我可以用「老練咁早」四個字來形容自己起床０既時間，因為要八點鐘出到去維園做ｈｅｌｐｅｒ．．．．嘩．．．．．老天爺都仲未起身我已經起身了．．．．．天黑黑、地黑黑．．．．琴日係上水買左條法國雞長運動褲，因為我覺得我有需要擁有一條長運動，雖然係遲左０的。但係我又唔甘心去用百幾二百蚊買條。話說係上水朝早都會有一個大小販賣運動褲、運動衫、跑衫，所以我每日教完班都會經過，咁我琴日就停低左，我見到美津龍、法國雞０的褲，＄４９．．．．．．．．買，唔諗，仿真到極高，我仲見到ｄｏｃｔｏｒ　ｌａｕ見瑩光黃美津龍背心，０個時佢話＄５０．．．．我而家有０的驚佢會唔會係係到買。今日我就著左去做ｈｅｌｐｅｒ，我話左俾０的同學聽，結果惹來極大迴響，全民跪拜，哭求我幫佢地買褲，又要我影相又呢樣０個樣，不過講真，唔講真係唔會有人知囉，ｓｕｒｅ！

琴日好撚七熱，但係唔知點解今日好撚七凍，結果我奶０野．．．．因為我剩係著左件短袖衫．．．．好彩有ｗｉｎｎｉｅ，佢永遠都有驚喜，冇啦啦袋住左ａｎｇｅｌ個ｓｏｃ縷，結果救左我一命，如果唔係一定病，又落雨，又大風．．．．．ａｐｐｅｃｉａｔｅ！！！！！
今日做ｈｅｌｐｅｒ，我地７個ｐｅｒｍ人只係負責ｌｅａｄ住０的ｉｖｅ仔．．．．我地係嘜尻都唔洗做的．．．．．我和大熊和ｊｙ負責馬會０個到，真係有隻真馬仔係到俾人影相．．．其實我地已經算好好嫁喇，親力親為同ｉｖｅ仔一齊做，其他人一早就躲藏起來閒聊，剩低０的ｉｖｅ仔係到做。不過食完飯之後我地都開始癩皮，搵個角落坐左係到幾個鐘，係到玩四字詞接龍和ｐｄａ。ｉｖｅ仔其實好慘，佢地做全日只係得＄１２０．．．．．時薪同ｍ記差唔多，不過我問過佢地，原來佢地讀ｌｅｉｓｕｒｅ　ｓｔｕｄｙ，佢地坐呢０的會落ｃｅｒｔ有ｒｅｃｏｒｄ，第時搵工會好０的。大家睇０下．．．．幾咁可悲，竟然將呢０的爛尻ｈｅｌｐｅｒ視為第時為工的ｒｅｆｅｒｅｎｃｅ．．．．．唉．．．．要怪就怪佢地廢，升唔到大學，呢０的工你試０下俾低過＄３０睇０下我地有冇人會來做？！

原本七點鐘先走得，不過我地去左ｐｏｌｙ睇ｂｕ打大專，男女子再次殺入決賽，猶記得上年飲恨ｉｖｅ．．．．．我真係好想見到ｂｕ男女子一齊封王．．．話晒都係ｌａｓｔ一年．．不過．．．我發現大鑊０野，原來大專決賽０個日係四月一日！！！！！！！要去打ｗａｒ　ｇａｍｅ呀！！！！！點撚樣算呀？！？？！？！？！？！？？！

你老味聽日唔係八點去到維園．．．係七點．．．．ｏｈ　ｍｙ　ｇｏｄ！！！！

>>March 17, 2007 at 2:48:07 PM GMT+8

2007 年 3 月 10 日 星期六 【暴雨】

近日台灣組合飛輪海戈氣爆登，但係，我每次一聽到飛輪海，只會諗起我地偉大０既上屆學生會主席潘龍海，個音太似了。我都唔明吳尊有咩咁吸引，０的人誇張到呢．．．佢個樣係青靚白淨，高高大大，但係好ｓｉｍｐｌｅ０者，旺角爆炸死唔知幾多件啦，如果我揀我會要阿ｒａｉｎ多０的囉，起碼阿ｒａｉｎ夠型，跳舞又夠勁。今朝九點十五分起身，跟住又去鳳溪做ｈｅｌｐｅｒ，今日全日都淫雨霏霏，好討厭。今日得買個ｈｅｌｐｅｒ，對住一０的由將軍澳坐地鐵再轉火車入到來０既同學，我係好ａｐｐｒｅｃｉａｔｅ佢對呢份工作０既熱誠。

今日原本有６個人，但係最多剩係得４個人幫手。又係做番之前０既０野，首先係３０米分段跑，跟住係跳高，然後ｙｏｙｏ－ｔｅｓｔ。今日要做至撚麻撚煩０既帶波１０分鐘，ｓｅｔ個場都ｓｅｔ成世，真係好撚七難。然後有個好好玩０既測球速，我輸左俾兩個初中生．．．
．．．佢地球速可以去到８１ｍｐｈ．．．．．．我最勁都係得７１．．．．．．有冇可能呀你老母．．．．．．做完之後三點左右有飯食．．．０個個咩ｄｏｃｔｏｒ陸．．．見都未見過，傳聞係教ｃｉｅ　ｐｅ的．．．０的飯佢買來，凍晒．．．．０的汁由液體變為固體，仲要一路做０野一路食．．．勁可憐囉．．．不過勁好笑有個０靚仔冇啦啦問：「個阿伯去左邊？」，我以為佢問邊個，原來係ｄｏｃｔｏｒ陸．．．．．．．．．．哈哈．．．不過如果係街見到佢一定唔會覺得佢係一個博士囉，頂盡都只係一個地盤管工。

今日做到四點鐘走人，不過超正，我地十點做到四點，但係佢當我地九點至六點，多左三個鐘。但係是合理的，因為我地四個人做左六個人０既０野，佢咁樣做我覺得佢好識做人，唔錯唔錯，咁樣先可以提升員工士氣．．．但問題係你幾撚時先肯出糧呀你老母臭西！！！！！做完之後行番屋企，跟住痾左篤屎去左做ｇｙｍ。琴日開始展開左針對性訓練，琴日背休息左，今日到胸。練左一個半鐘就走人番屋企食飯，今餐有好餸食，所以食左兩碗半飯。好期待聽晚０既＜向世界出發＞，睇０的預告覺得好好睇，０的人個個都喊晒，好似好ｔｏｕｃｈｉｎｇ咁，正呀，至０岩呀呢０的感性的小雙魚。

日本狗今日又肯就慰安婦事件道歉，有時真係好撚七憎０的日本狗，成撚日唔撚認錯，又企圖竄改歷史，簡直係不撚知所謂。打輸仗割地賠款係好正常，亦都好合理，要怪就只怪自己技不如人。但係就不能夠話傷害平民、濫殺無辜、草菅人命，作出禽獸不如的行為，呢０的獸兵所做的一切，永遠都會記載於歷史當中。其實距離我地唔係好遠，只係７０幾年前０既事，有好多受難者依然在生，呢０的全部都係活生生的歷史、鐵一般的事實，是無容置疑的。或者有好多日本年輕一般根本就唔清楚發生過咩事，甚至乎反過來說我們是野人，佢地咁無知０既想法只係因為接受了低等的思想改造。但係你唔同，你係代表日本，你係代表著一個國家、一個民族，就算你冇份參與，但你有責任去承擔、去背負呢個罪名。今日你肯再次道歉，我是絕對欣賞的。

>>March 11, 2007 at 3:32:36 PM GMT+8

2007 年 3 月 8 日 星期四 【微冷】

今日雖然係ｄａｙ－ｏｆｆ，不過一樣要朝早八點起身。不過好彩琴晚十一點幾就訓教，所以都冇咩事。今日教珠心算，星期五呢班最好，因為得幾條友。其實我幾鐘意呢一間育賢小學，因為呢間學校同普通唔同，佢好似０的鄉村小學，全校都只係得４００幾個學生，一至六年級都係得一班。雖然係咁，但係反而有一份莫名其妙的親切感。今日我同佢地玩魔術，將我係ｒｅｃｒｅａｔｉｏｎ　ｍａｔｈｓ學０既０野簡化版ｓｈｏｗ俾佢地睇。之後再用我副ｍａｇｉｃ　ｃａｒｄ教佢地點玩，佢地不知幾咁雀躍，ｙｅａｈ～！～～！～！～

上完堂之後去左買ｍ記食，今日又用超必，但係觸礁，因為我買魚柳包唔係豬柳漢堡，結果貴左兩蚊要＄２２，任何食物唔知點解一超過廿蚊就覺得貴左好多．．．就算係＄２１同＄２０都好似差好遠咁．．．．番到屋企食完之後又好撚飽，跟住睇左集ｋｅｒｏｒｏ，其實我真係唔明點解會有人話鐘意ｄｕｒｏｒｏ同ｋｕｒｕｒｕ，鐘意ｄｕｒｏｒｏ０既人一定係心靈好脆弱又自閉又冇朋友好寂寞好孤獨，鐘意ｋｕｒｏｒｏ一定係０的陰陰濕濕，笑裡藏刀０既人。

之後一點左右訓左一會兒，兩點幾出左去做ｇｙｍ。今日有充沛的精力，感覺唔錯，之後見到大隻康，我的肌肉得到進一步認同，看來真係進步左少少，但唔可以鬆懈。做左兩個鐘頭後去左曬燈，我今次著住底褲，因為我思疑我個屎忽係敏感，因為上次好番之後去曬，結果又惡化，雖然唔知係敏感支黑鬼油定係０的燈，但為左屎忽著想，都係著番條老底算了。今日照一照個背，終於似番個背了，有少少肌肉，但仲未夠好，我未夠好～～～～～～～～～～～～～

焗完桑拿之後去左沙田溫女，去左食小巴黎．．．．間０野好多人，好迫，不過好底食。頓時令我回想起同競哥和阿沛係銅鑼灣０個間小巴黎，你老母我唔明點解同係小巴黎，老銅會貴咁多囉仆街，今日食左一個香茅豬扒飯、生牛肉粉、蝦餅、通菜，都係＄８２，超飽又好味，第一次食得咁滿足，銅鑼灣含撚啦。

食完之後行左一陣番屋企，家姐呢排成日帶０個個男朋友番屋企，成日問我幾點番來。我越睇越覺得佢好似好細個咁，不過佢個樣都真係幾爽品，算啦，希望佢地快快結婚，咁我就可以攻佔間房，將間房改裝成軍火庫，藍圖都有嫁喇，首先拆左家姐張床同埋書台，我張床就照舊係地下，但係要學ｇｉｒｏｒｏ咁加個帳蓬係上面，係住係牆到鑽番個槍架，到時就可大量添置勁槍，再用埋迷彩牆紙，咁樣就可以每晚都置身於槍林彈雨之中了。

星期三晚ａｌａｎ係ｂｕ開論壇，不過ｄｏｎａｌｄ唔出席，但係我都好想睇，不過０個日要去街唔得閒，ｓｈｉｔ～不過好彩星期四又有得睇，最重要睇人辯論，到時唐老鴨又唔知會俾人串成點呢？

夜晚十二點左右，樓下又有班社會０既渣滓係到噪，係到尖叫，你老母你當自己係狼咩，夜晚晚係到叫，仆你個街，你係到聚集、劈友我都唔撚理你啦，你唔撚好係到咆哮啦仆街，幾點呀！！！於是我又報警，但係我一報警，講晒地址，留埋電話後，班撚樣好似知道咁即係散晒，你老母，於是我就指揮我ｔｅａｍ人叫佢地ｈｏｌｄ住唔晒行動，再有異樣先再ｒｅ－ｃａｌｌ，你老母臭西，遲０的我衝落去ｓｈｏｗ　ｗａｒｒａｎｔ屌尻佢老母臭西。


看完片後，小弟甘拜下風．．．．．



>>March 9, 2007 at 4:17:36 PM GMT+8

2007 年 3 月 6 日 星期二 【微冷】

今個星期又恢復教班，經過左晒太陽燈和星期六日做ｈｅｌｐｅｒ的暴晒，結果小學生們都主動問我做咩事幹黑撚左咁多，ｇｏｏｄ，仲問我係咪去晒燈，估唔到而家０的豆丁都識咁多０野，我緊係話冇，如果唔係有排俾佢地唱。琴日上歌詞堂，阿ｓｉｒ跟我風講０野，佢舉出左一個例子，就係馬致遠的＜天淨沙＞：

枯藤老樹昏鴉，小橋流水人家，古道西風瘦馬。夕陽西下，斷腸人在天涯

如果譯英文，可能會變左做：「ｗｉｔｈｅｒｅｄ　ｂｉｎｅ　ｏｌｄ　ｔｒｅｅ，ｅｖｅｎｉｎｇ　ｃｒｏｗ，ｓｍａｌｌ　ｂｒｉｄｇｅ　ｆｌｏｗｉｎｇ　ｗａｔｅｒ　ｍｅｎ’ｓ　ｈｏｕｓｅ．．．．．．．．．．」

完全唔知變左做嘜．．．．．．冇晒意境，意境．．．．．意境呀！！！！

珠珠終於番來了，琴晚冇意中睇睇０下電視，聽到把似曾相識的聲音，跟住一望原來係珠珠。每晚係晚間新聞前的＜窩輪一脈通＞做主持，唔洗報新聞而家佢四萬咁口，笑容勁多。每次節目完之前都有個位扮佢放電扮可愛，超好笑，大頭ｚｏｏｍ埋去跟住佢係到報以燦爛笑容咁就完，都真係幾靚。之後女友話有人話佢似麥玲玲，之後原來係雜誌講，真係好好笑，不過睇真０的又真係有幾分似．．．．哈哈～不過都係咁靚，唔錯唔錯。

無線將會有新劇推出，繼＜爭霸＞後又一套令我心動的電視劇＜亂世佳人＞，睇個故事背景就真係幾吸引，希望唔好令我失望啦。

今日ｄａｙ－ｏｆｆ，琴晚半夜三點四十五分較左鬧鐘一心諗住睇波，不過最後都起唔到。今朝十一點起身，之後睇賽果，唉．．．．巴塞贏波出局，原來要衛冕歐聯冠軍真係咁難０既事。呢兩日天氣唔知點解凍番好多，我都幾開心，又可以再過寒冷的日子。下午買左碗粥食，食完之後再午睡，因為琴晚做ｇｙｍ乏力，所以今日趁ｄａｙ－ｏｆｆ休息多０的再去搏殺！
起身三點半做功課，要做ｒｐ ，＜裸體與藝術＞。之後六點左右出發做ｇｙｍ，今日體力充沛，今個月的健身目標是：

平胸：１３０ｌｂ　
上胸：１００ｌｂ　
下胭：１４０ｌｂ

全部最少５下

口號是「我會推好呢個胸～」

做完ｇｙｍ焗完桑拿番上水食飯，食左個雜扒飯加飯。跟住又見到珠珠，又係用同一個大頭笑容結束，ｇｏｏｄ，唔錯唔錯～

>>March 7, 2007 at 4:56:40 PM GMT+8

2007 年 3 月 5 日 星期一 【微冷】



>>March 6, 2007 at 4:22:40 PM GMT+8

2007 年 3 月 1 日 星期四 【晴】

琴日，香港舉行了第一次的特首候選人答問大會，我睇足全場。或者可以明白點解曾先生死都唔肯同梁大狀作質詢，因為你同一個大律師辯論，唔俾人串到爆至奇。琴日我睇完之後，第一個感覺覺得梁家傑表現好好，佢言鋒銳利，口才了得，說話時抑揚頓挫，不失大律師風範，相反煲呔就比下去了。不過諗深一層，我地唔係要一個能言善辯０既人，否則的話崔建邦都可以去選特首啦，所謂「為政不在多言」，做到０野先係最重要。ａｌａｎ其實係完全唔夠班的，就算今次係普選佢都冇可能贏，不過呢個參選角色佢絕對係最大得益者。天知地知，佢自己都知，今次係點都冇可能贏，但係透過今次選舉，佢本人０既知名度已經大大提昇，公民黨亦都得到好多社會地位，咁樣對下屆立法會選肇有莫大幫助，再講，從政經驗係累積番來，佢今日唔得，但係五年、十年後佢可能真係有能力選到。不過，全晚最撚好笑真係一開始，長毛又跑出離發顛，范太又好似鬧仔咁鬧，真係好好笑。

今日同琴日都展開教班工作，講番琴日，上ｒｅｃｒｅａｔｉｏｎ　ｍａｔｈｓ，我作為一個ｍａｇｉｃｉｃａｎ，當然隨身攜帶ｃａｒｄ牌啦，琴日就大派用場。今朝八點起身教珠心算，放左成個新年假，有少少唔慣咁早起身。話說上回有教統局人監堂，今日有ｆｅｅｄｂａｃｋ，得到衷心的ａｐｐｒｅｃｉａｔｉｏｎ，被讚為好有經驗，唔係有經驗，係好有經驗！！即係咁，我講過嫁喇經已，我並唔係浪得虛名的，雖然小學０野係易，但唔代表你識教，你識教唔代表你教得好，你教得好唔代表你有經驗，你有經驗唔代表你好有經驗～～～
十點鐘走人，去左ｍ記獎賞自己，我更創出一個新招。話說想食熱香餅，但係又唔夠飽，再加多個餐又貴，我突然靈機一觸，要一個熱香餅加一個豬柳漢堡，全部單上唔要餐，剛剛＄２０，呵呵！～

番屋企食完之後我一路恰眼訓到三點幾。我再煮０野食，我用一罐金寶忌廉湯做底，跟住煮公仔面，最後煮到０的面痴撚晒底．．．．．食完之後三點半先番ｂｕ跳ｃｈａｃｈａ～因為星期一要考試。之後六點半就去左ｐｈｙｓｉｃａｌ做ｇｙｍ。今日有點兒乏力，因為唔夠訓，不過意志戰勝一切，我仲曬左兩節太陽燈，不知不覺黑左喇，點解咁講？好簡單，因為一向底褲位都係白色的，但係而家冇左喇，證明晒黑左了。做完ｇｙｍ焗一焗桑拿，出番身汗，真係好爽。三月的健身口號是「我會推好呢個胸」。

之後番到上水先後俾人讚大咪，０個種感覺難以形容。然後去左強記食飯，飲左一支啤酒。番到屋企俾阿ｍａｙ屌鬼，佢次次以為我飲左好多，佢唔知道我飲一滴酒都會紅卜卜，我都廢事理佢，反正又唔係第一次，再噪我即刻剝晒兇佢，反正０岩０岩做完ｇｙｍ！～～！～！～

聽日要八點中去到中大，傳說話要著ｓｐｏｒｔ　ｌｏｏｋ，我都冇長褲，著迷彩ｌｏｏｋ去囉，ｗａｒ　ｇａｍｅ唔係ｓｐｏｒｔ咩？都係ｓｐｏｒｔ　ｌｏｏｋ０者，除非ｗａｒ　ｇａｍｅ唔係運動啦，咁ｗａｒ　ｇａｍｅ唔係，賽車都唔係啦，舒密加又點解可以入到０６年最佳運動員選舉？～

>>March 2, 2007 at 5:17:33 PM GMT+8

2007 年 2 月 26 日 星期一 【陰晴不定】

２００１年３月１４日，係我六年前的生日。原來，六年前呢一日，就係梁成恩案發當日。點解當年我好似冇咩印象咁？？從此我生日的「當年今日」事件簿將會變左兩件大事，第一係愛恩斯坦出世，第二係梁成恩槍殺案。將會有第三件事，就係偉人黃志騰出世～

屁股仔經過兩日的調理之後，得到改善，但係個ｏｕｔｌｏｏｋ就ｈｏｎｅｓｔｌｙ講句係不堪入目了．．．．如果用月球表面來形象而家個屎忽可謂形神俱備。搽左０的藥膏雖然冇咁癢，但係就勁甩皮，甩到一個個坑咁，睇見都嘔，仲要紅卜卜，名乎其實的馬騮屎忽。琴晚去左ｐｈｙｓｉｃａｌ做ｇｙｍ，壯闊的胸膛終於回來，琴日真係好出力，我覺得好有滿足感，最重要係有人一齊做，咁就可以舉得更加重，效果更好，今朝一醒就肩膀痛到落背再上番個胸０個種感覺真係令人回味無窮。起身之後做左一陣ｈｏｎ　ｐｒｏ，之後就炒飯食，唔錯唔錯。食完之後一點半出發上堂。

呢科ＲＰ個阿ｓｉｒ真係低低地，連續兩個鐘頭係咁係到講０野又冇ｂｒｅａｋ，講０的０野又唔係ｎｏｔｅｓ０既０野，自己係到吹水，真係有０的火佢。不過算啦，反正考試係吹水，加上又唔洗ｐｒｅｓｅｎｔ，剩係自己做功課，對於一個人上０既我係最好不過的了。上完堂之後就去左上歌詞概論，肥華隻眼腫到仆街，點解過完年好似個個都得到奇難雜症，最重要係成因不明。今堂講林夕和黃偉文，其實嘜尻都係假，如果首歌係唔好聽，你０的歌詞寫得幾好都冇用啦，有好多爛歌ｋ歌０的歌詞咪又係行貨，到最後都成為頒獎禮的常客。不過阿ｓｉｒ真係好得，我諗佢真係被迫要聽晒所有九屎垃圾０既歌，佢連李彩樺「你唔愛我喇～」咁都識，真係寫個服字俾佢。好波好波。

１８３０放學之後，先去攪攪個ｈｏｎ　ｐｒｏ，誰不知一攪攪到九點，太夜去到ｐｈｙｓｉｃａｌ做得一粒鐘好無癮，所以今日ｄａｙ－ｏｆｆ，聽日先做。之後去左又一城打個白鴿轉，去左ｌｅｖｉｓ睇褲，最貴０個條係＄１９９９，但係我覺得一０的都唔靚，我鐘意淺色有蝦鬚得，但係靚０個０的又好似同條５２３差唔多咁，都係唔好貪折了，俾多少少買０的新意先。番到屋企之後我好想屌ｍｓｎ老母，其實應該屌０既係網上行，俾我屌左佢先：「網止行，我屌你老母！！！！！！臭西！！！！！撚樣！！！！！！！！」，自從條海底電覽斷撚左，佢就廢到而家，我連係屋企ｃｈｅｃｋ學校個ｅ－ｍａｉｌ都要ｌｏａｄ幾百次先ｌｏａｄ到，ｄｌ０野０個方面我真係變身做噴火龍，你老母，我都俾你呃得透喇，十年喇，自從我學識上網到而家，我都係用網上行，大大話話都有十年，你老母原來我一直被蒙在鼓裡！！之前ｄｏｗｎｌｏａｄ０野ｄｌ幾日幾夜，原來人地每秒幾百ｋ，成ｍｂ都離，我呢，我見到有幾十ｋ而家還神喇！！！我唔會再俾機會你，十年的賓主關係要結束了！！！唔好再阻我ｄｌ　ｋｅｒｏｒｏ！！！！！！！！！！！！！！！！！！！！！！！！！

夜晚想試首歌俾ｍａｇ哥０者，ｓｅｎｄ左幾日我都未ｓｅｎｄ到俾佢，最後仲要放上ｆｔｐ．．．．．．．．ｓｅｎｄ首歌０者大佬．．．．．洗唔洗陰公成咁呀撚樣？！？！答我呀！！！！

之後十二點左右落樓下飲０下啤酒吹０下水，係樓下同個嘍囉發生口角，推左佢一下，差少少出手打七佢，不過都冇，我唔可以咁衝動，需知道我係接受過高等教育０既人，唔可以成日恃住有少少肌肉就當自己泰臣，要改下喇，都有少少後悔ｔｉｍ，唔知點解今日冇啦啦咁火爆。之後兩點幾番左屋企，執埋ｈｏｎ　ｐｒｏ０的手尾就訓教，雖然聽日ｄａｙ－ｏｆｆ，但係全靠競哥的仗義相助，咁就唔洗專登死番去Ｒ５交份西０野，晚安。

>>February 27, 2007 at 6:55:32 PM GMT+8

2007 年 2 月 24 日 星期六 【陰晴不定】

．．．屁股的深處，其癢無比．．．．琴日朝早六點鐘痕癢難頂，起左身，唉．．原本打算放下男性的尊嚴，番學校用＄２０睇醫生，但係由於事態刻不容緩，再遲恐怕要動手術切除左邊屎忽，於是今朝一早十點半就去睇醫生，除條褲俾個醫生睇，之後用左＄１７０，拎左０的藥就去剪頭髮．．．唉．．．咁又用左＄１７０。呢兩日雖然有去做ｇｙｍ，但係個感覺差到冇人有，全身乏力，點解會咁嫁，我諗要休息多一兩日，定完全恢復先舉番一鑊甘，呢種感覺好差。剪完頭髮之後就和女友去左食午餐，係商場廁所搽左０的藥膏，我最憎０的０野搽左又唔涼又唔痛，搽左好似冇搽咁，都唔知有冇效用。

食完０野屋企，我知道身體仲冇好番，所以訓教，訓多０的教咁就會快０的好番。晚上去左潘ｓｉｒ屋企食飯，順便拎埋封利是。我徹徹底底咁明白到維基網頁的宗旨：「海納百川，有容乃大」，中國人０的死人成語和典故真係好正，英文就真係冇呢種味道。是但拎一句出離都玩晒０的鬼佬，例如「掩耳盜鈴」、「神來之筆」咁，可能可以解釋到俾佢地知，但佢地永遠都領會唔到０個種意境，真係替佢地可憐。今餐佢老婆煮飯，開左支紅酒飲，飲完又有啤酒，紅酒撞啤酒就好大鑊０既，不過都頂得順，仲坐左係張按摩椅到鬚下骨。孖歡冇見一排又多左好０野醒我，話幫我買ｌｅｖｉｓ有３０％　ｏｆｆ，攪到我又唔想買ｄ－ｍｏｐ，諗住去ｌｅｖｉｓ買條至貴過千０既老牛，不過定０的先啦，有錢你方冇０野買咩。

今日十點半起身，屁股仔有少少改善，ａｔ　ｌｅａｓｔ冇癢醒先啦。之後就換衫出去摩士做ｈｅｌｐｅｒ。話時話，上次幫阿松係鳳溪做ｒｅｓｅａｒｃｈ到而家０的錢都未收到，我真係好撚七憎要等九世先有錢收０既ｈｅｌｐｅｒ，仆佢個街，由冇錢等到有錢０的錢都未出，不過傳說話下個月就有，朕姑且就等多一個月。今日幫０的老人家量度，唉．．．．頭半個鐘都幾有積極性０既，之後講０野都講到喉嚨痛，幾撚驚又因為唔識發聲而喉嚨痛呀，好彩最後都冇事。我鐘意即ｐａｙ０既工作，咁有拎番＄１７２，琴日睇醫生條數又番番來。

之後食左０野去左ｐｈｙｓｉｃａｌ做ｇｙｍ，有喜有悲，喜０既係我強而有力０既肌肉終於歸位，身體又可以再次接受挑戰。但係悲０既就係唔知今日做嘜尻０野八點鐘關門，攪到我只可以推胸和舉手臂，不過唔緊要，聽日放學要爆番一鑊甘先。之後出左中環去睇ａｐｅ，點不知關左門，今日咩事，八點幾就關門，係咪傻撚左呀！！！然後落左旺角睇水貨，點解一件衛衣會兩千幾蚊，係唔撚係有病．．．．．燒錢咩大佬，不過衛衣抵過ｔｅｅ０既感覺上。然後買左條迷彩長褲，又可以來一個軍人打扮了，配合埋成套０既迷彩床單，我訓教０既時候就彷如置身於槍林彈雨之中。講開訓教，我已經差唔多有一個月晚晚訓教都發夢，仲要係發兇夢，自從我去左ｐｈｙｓｉｃａｌ之後就係咁，應該話只從早訓左之後就係咁，訓教發夢代表身體腦細胞仲未休息，我以前都唔會發夢，呢排都唔知攪嘜鬼。

點解人踢波我踢波，碧咸可以踢到一個星期有七百萬港紙．．．．當我廢好味．．．但係強如朗拿甸奴都只係得碧咸０既大約七分之一．．．．．點解．．．．點解０的人可以咁有錢，有錢真係可以玩晒，我幾時先可以咁有錢，如果碧咸肯俾一個星期０既人工我就好了，佢都唔志在嫁啦

>>February 25, 2007 at 3:35:37 PM GMT+8

2007 年 2 月 21 日 星期三 【陰晴不定】

今年的利是錢總收益，就好似香港的外匯儲備一樣，比預期還要理想。係呢到要特別鳴謝唔知係唔小心封多左定係真係封多左０既阿麻，俾左一封＄５００。另外不得不提的就是溫哥華姨媽遲來的利是，一樣係＄５００。現在利是錢總收益已經突破往年紀錄，亦都超過賽前目標＄１５００，希望係星期一之前仲有機會執尾彩，拎得一封得一封，一封都要殺！！！！！！
自從去完ｆａｔ　ａｎｇｅｌｏｕｓ之後，喉嚨就痛到而家，我真係唔撚明白，喉嚨痛咪喉嚨痛囉，你做嘜春次次一痛就例牌要起感冒呢？好撚ｆｒｉｅｎｄ呀你地而家？！！？

今日訓到十一點幾起身，之後就睇林海峰噴飯，今次冇之前咁好睇，不過都睇得過０既。但係真係令我好失望囉，枉佢自稱係潮人佢連ｂａｔｈｉｎｇ都讀錯，唔通呢個世界得我一個人讀０岩？！不過錯錯０下就會變成真，唉．．．當全世界都相信一樣錯０野０既時候，相信真０野０既人就會反而變成錯，慢慢地是非得以顛倒，ｔｒｕｔｈ都會有所動搖。睇完之後食左個餐蛋水餃面，結果冇胃口食，塊午餐肉扔左落廁所沖。經過左唔知幾多次又痾尿又沖廁之後，我駭然發現塊午餐肉仲係到．．．．於是我唯有鼓起最大勇氣，徒手係屎坑拎番舊午餐肉出離．．．．．好想嘔呀真係．．．０個一刻，我好想玩平時玩開０既遊戲，就係猜輸唔該食左去．．．．．．．．．

兩點幾出左去ｐｈｙｓｉｃａｌ，好悲．．．．我全身乏力，完全欠缺狀態．．．．．手震震腳震震咁．．．唉．．．一場小病會唔會令我之前建立０既０野冇晒．．．．希望過兩日會回復狀態啦～雖然冇咩狀態，但都做左兩粒鐘，做輕０的囉唯有。跟住去左晒太陽燈，今日買左支晒黑太陽油，應該晒多幾次會變黑了，但係太黑又唔好０既，唔白就得啦～～之後焗番個桑拿，感冒出身汗就最好嫁喇，焗桑拿就最好不過啦。之後發現一個問題，左邊屎忽患左皮膚病，其實之前已經成日覺得癢癢痛痛咁，以為係因為天氣乾燥所以咁，但係今日一模一照鏡發現紅晒，跟住好多好粒粒０野，好似起晒雞皮咁，但就剩係左屎忽．．．死喇．．．．．．

番到屋企是但搵０的ｌｏｔｉｏｎ搽，又搽０的薄荷膏．．．再唔得要搽０下０的暗瘡藥膏喇。今日家姐男朋友又上左離食飯，唉．．．．我都覺得好悶，我老豆老母又唔多鐘意同陌生人講０野，全餐飯就係到睇十兄弟，唔知佢會唔會唔開心呢，不過佢又好似好開心咁。新年冇剪過頭髮，今日平來想去剪，但係又冇得剪，個頭好似個屎塔蓋咁，又厚又長，真係好撚麻煩。

>>February 22, 2007 at 1:48:34 PM GMT+8

2007 年 2 月 18 日 星期日 【陰晴不定】

恭喜發財～～春節是中國人最重視的節日，係呢到祝我自己財源廣進，豬籠入水，萬事如意，出入平安，飛黃騰達，身體健康和波大如牛。今年的新年比以往任何一年我都重視，因為正正遇上財政周轉問題，鑒於以往經驗，利是錢都係一千左右，唔會太多，因此今年我定立目標為＄１５００，雖然調高左，但我希望可以達標。以往我用紙筆記錄每個人俾我０既利是同埋幾多錢，但由於科技的進步，時代的轉變，今年我首創利用ｅｘｃｅｌ以電腦式記錄利是錢，我仲係大年初一評估晒所有會俾利是我０既人同埋金錢，看看實際有幾大出入。

一如以往，老豆老母每人都係俾得一百，所以冇咩期望。今日係年初二，要去馬安山開年，我好樂意咁做，因為我預計ａｔ　ｌｅａｓｔ會有＄２００進賬。一點鐘去到馬鞍山，如我所料得到好多利是，但價值有特評估。食完飯之後去左慈氏護老院探阿婆，之後又多一封。跟住我自己先回家，番到屋企我開利是。０的姑姐和阿叔照例俾標準價每封＄２０，但係．．．但係．．．阿麻．．．阿麻竟然俾＄５００．．．．．．．．．．我ｗａ左兩秒鐘，一個人係屋企ｗａ左兩秒鐘，因為以往咁多年阿麻都只係封＄５０，今年唔知咩事，我真係喜出望外，多謝你，祖母，ｉ　ｌｏｖｅ　ｕ～～～之後阿ｍａｙ回來，我話左俾佢知，佢又即刻拆阿麻０個封，但係佢得＄５０，因此佢懷疑阿麻俾錯左，所以要等家姐０個封睇０下係咪同我一樣，但係又唔可以事先俾家姐知道我係５００，因為假如佢唔係的話會怕佢唔開心投井自盡，ａｎｙｗａｙ，我話之你九七～～～就算點都好，呢５００我要硬嫁喇！！！ｙｅａｈ！！！！！

之後夜晚係屋企，我故意唔出去住，因為今晚假姑姐和笑蛋姨媽會來打通宵。假姑姐每年都有大０野俾我，今年亦唔例外，一封１００，一封５０，ｎｉｃｅ～～而出人意表０既事再次發生，笑蛋姨媽封左兩封＄５０！！！！！評估表佢只係屬標準級。ｙｅａｈ！！收好晒利是之後我就出發去迪迪屋企玩。係太和會合大佬、ｗｉｎｎｉｅ和阿釗行過去。ｅｌｌａ帶左佢隻金毛尋回犬去，阿心又拎左兩隻大狗，全部都大咪過阿競。之後阿ｍａｙ帶埋佢０個隻，佢０個隻最廢，同黑炭差唔多大。入到去好似去左動物園咁，０的狗係走來走去，不過好大隻好靚，兩隻金毛真係好得意。不過仲有一隻勁０野，就係主人家隻狗，黑色又大又兇，俾人困住左，因為佢係咁吠０的狗！！！！

之後打麻雀，事實上我真係唔識打，今次係我正式自己打０既第二次，唔知係咪有０的ｂｅｇｉｎｎｅｒ　ｌｕｃｋ，我變身做「自模騰」，成日都自模，雖然打得勁細都贏左＄４６～！
不過當ｅｌｌａ和阿心走左之後，隻黑色大狗放番出離，起初都唔關我事，點不知佢出左來一陣間之後，突然我感覺到右邊褲熱熱地，跟住一起身，佢拎高隻腳向住我射尿，頂，好變態呀，俾狗尿淋呀，痴線嫁～！～～！～！～！都唔知係好彩定唔好彩呀！！～～！～！之後３點鐘去左ｍ記食０野，然後傾左一陣間，最後搭小巴番上水。係余迪君屋企亦都有３封利是進賬，ｙｅａｈ～～

利是總收入已經突破＄１２００！！！！！看來今次真係有機會達到＄１５００心理關口，咁我就可以用＄７９０去ｄ－ｍｏｐ買條老牛，再用＄？？？去買件ａｐｅ了～～～加油呀阿騰！！！大小通吃呀～！～！～！

>>February 19, 2007 at 9:30:58 PM GMT+8