2007 年 4 月 23 日 星期一 【乍寒還暖】

終於完結上星期艱苦的一周，本應好得閒的最後一個ｓｅｍ就因為科一個ｃｒｅｄｉｔ０既ｄａｎｃｅ攪到日日都要番去排舞，如果只係計時間，我諗呢拜所付出的時間和精神，甚至力氣都比任何一科還要多，但係最後成功排左隻舞出離都好有成功感，雖然辛苦，但正正感覺到自己的存在，這就是老師所說的存在主義。雖然琴日係考ｃｒｅａｔｉｖｅ　ｄａｎｃｅ，但都唔覺得係考試，只當係一場表演，係演出之前屌屌０下老母忽然見到志雄和阿澤係到口ｕｐ　ｕｐ咁好似落降頭咁，正想屌０下佢兩個之際就發現唔對路，因為我０既第六感感應到佢地身邊有一股力量，又係ＪＥＳＵＳ０的手下．．．．．於是就過去切磋一下，雖然我唔係基督徒，但係我都唔惹少，我都有０的料，大家交流交流～

自從星期六我表弟和姨丈番左離之後，屋企多左兩個人住，間屋已經細，再加多兩個人真係熱鬧非常。佢地番來兩星期，不過五月尾又到阿姨和表妹番來，呢兩個月真係熱鬧。ＡＤＲＩＡＮ打羽毛球看來有一手，佢ＣＬＡＩＭ自己有番兩度，番左來香港買左塊＄１３００的最新攻擊型ＹＹ，雖然我完全唔知係咩．．．但係我決定用我塊小三時的ＹＡＳＡＫＩ同佢比一比。
呢幾日天氣都唔好，我發現左黑炭有一個特性，佢平時係唔會去我地下張床到訓教，只會上家姐張床和阿ＭＡＹ張床，但係每當行雷落大雨，佢就會驚，唔知點解佢就會入我張床，呢０的咪叫做安全感，當有危難０既時候，邊個有救國救民０既風範經已好清楚。仲有一樣０野，每當我表弟或者姨丈嘗試企圖意圖打算想進入我間房時，黑炭就會好惡咁吠佢地，其實貓都好忠心，雖然平時佢好臭串。

今日又落大雨，起身之後痾屎，呢幾日都訓得唔好，因為天氣熱，但係又未至於要開冷氣。近來痾０的屎好似冇左以前０既氣派和攝人的魅力，由以往排山倒海式變左好似關唔實水喉咁，一定係食得唔夠炭水化合物所致。一路痾屎一路玩ＮＯＴＥＢＯＯＫ，之後出離０既時候俾姨丈發現左，點解痾屎玩ＮＯＴＥＢＯＯＫ好咁奇怪？外國人唔興嫁咩？之後落左去大快活食食物，然後沖涼換衫番學。今日落大雨，其實幾鐘意下雨天，當然要躲在室內，望住０的雨不停咁落，覺得好有一種味道，同一個窗子、同一個景色、不同的感覺。

番到學校上ＲＰ，最後派番份功課。我記得之前我冧屌過個ＰＲＯＦ，但係當我收番份０野之後，我覺得有少少慚愧，唔係因為個分數。話說每堂我地都要做一份小問卷當ＡＴＴＥＮＤＥＮＣＥ，跟住每次ＴＵＴＯＲＩＡＬ都要交功課，ＰＲＯＦ派番份０野來係張我地０既ＢＯＯＫ　ＲＥＰＯＰＲＴ、問卷和ＴＵＴＯＲＩＡＬ功課釘好晒，入面仲係全部睇過，每ＰＡＲＴ都會ＨＩＧＨ　ＬＩＧＨＴ俾ＣＯＭＭＥＮＴ，０個種認真我真係ABSOULTELY APPRECIATE，雖然佢係ＳＥＲＩＯＵＳ，但係唔但知對人，連對自己都係咁認真，我決定ＥＶＡＬＵＡＴＩＯＮ高度讚揚。

上完ＲＰ再上歌詞，呢個ＰＲＯＦ又係經典，佢同ＲＰ０個個相反，唔可以話佢ＨＥＡ，只可以話佢ＮＩＣＥ，ＷＯＲＫＬＯＡＤ少，聽佢講書有時都幾好，不過上完今個ＣＯＵＲＳＥ令我對香港流行曲更加悲觀，老實講，我而家開千千靜聽真係唔知可以聽咩歌，有時候真係連ＤＯＷＮＬＯＡＤ都唔想。上次睇左篇專欄真係好發人心醒。當０的人講緊翻版會嚴重打擊娛樂事業、電腦軟件等銷售，其實我地真係要認真咁諗清楚，冇翻版冇ＢＴ０既幫助，微軟仲會唔會有今時今日０既財雄勢大？冇錯，軟件可能真係賣得少左，但係正正因為有老翻０既出現，電腦先可以普及得咁快速，如果電腦科技唔普及，微軟仲有冇機會出咁多軟件？試問仲有幾多個歌手真係仲夠唱片為生？個個都係夠廣告，夠ＳＰＯＮＳＯＲ，如果冇左ＢＴ，冇左老翻０既宣傳，呢０的「歌手」仲有冇咁賣座，咁有吸引力？

原本今日六點鐘要踢波，但係落雨取消左，於是去左沙田食上海０野，跟住諗住做ＧＹＭ，不過都係算數，休息一天吧，肌肉需要休息先至會生長。番到屋企拎左副魔術ＣＡＲＤ和表弟玩，跟住佢出左去走廊對住牆練習羽毛球．．．．．．．．．．．然後我俾左我地排隻舞佢睇，話說我地隻舞有好多都係跟一套日本卡通片０既主題曲，我完全唔知０個套係咩，但係佢一睇完就知我地跟套０野，原來套０野係溫哥華都幾ＨＥＡＴ，世界真係細少。之後研究左一陣英文，介紹左個路透社網可以聽英文新聞，其實我最想睇明珠台新聞，因為有英文字幕，但係無線個網好仆街，剩係有得重溫翡翠台。

話說前幾日阿ＭＡＹ同表弟係crocodile買左件衫七折，之後唔知點解知道左係荃灣０個間因為新開，全店五折一星期。我老母於是番去理論，然後爆珠出波攻擊，據我表弟份供，當時全店都望住佢，跟住又投訴呢樣０個樣，最後今日crocodile有人打回來，但係阿ＭＡＹ唔係到聽唔到，唔知最後會點呢？不過我覺得一定會回水啦，佢唔回水我老母一定告到上消委會，話晒我表弟都算ＴＯＵＲＩＳＴ，到時香港購物天堂又再蒙羞，又話半年回水保證，而家一星期都唔夠，玩呀！！話時話，點解０的遊客買完０野半年之內可以ＲＥＦＵＮＤ，香港人反而冇？公唔公平呀？係美國０個時買咩都可以ＲＥＦＵＮＤ啦，最撚經典係我買錯０左的牛肉，跟住食完之後屈尻話唔乾淨食到我肚痛，然後都可以ＲＥＦＵＮＤ．．．．．．．．．．．．．．

p.s. 大佬唔見左部電話，都幾悲，我都記得我初中第一次出電話，當時部ＮＥＣ鐵面王子真係好型，用唔夠一個月就唔見左。不過算啦，佢部機咁鬼舊，但係時候換嫁喇，塞翁失馬，焉知非福呢？如果龔如心分一億丁屎咁多多俾我，我會送全ＰＥＲＭ一人一部ＰＤＡ。



今晚歐聯，曼聯　　２　ＶＳ　１　ＡＣ　　　１２．００
明晚歐聯　車路士　０　ＶＳ　０　利物浦　　　５．５０

２串１　每注　＄１０　





>>April 24, 2007 at 6:21:31 PM GMT+8

2007 年 4 月 19 日 星期四 【晴】

呢幾日真係好忙，ｈｏｎ　ｐｒｏ交左但係都好似好多０野做咁，日日都要番去練舞。前日雖然係ｄａｙ－ｏｆｆ，但係十一點番到ｂｕ練舞，跟住兩點幾去左葵興拎張支票出糧，跟住再落灣仔補領兩張會考證書，要＄６３０。跟住夜晚再番學校踢波。琴日就走堂，朝早十點幾起身先番心誠拎番張成績表，之後下午再去長沙灣教班，然後五點半去左金鐘審查加落口供，攪到成八點鐘先走得。之後和女友去左尖咀食食物，食到十點幾走人，見到條街好撚多人追星，原來係潘龍海去ｈａｒｄ－ｒｏｃｋ到做ｓｈｏｗ，０的追星隊勁顛，幾十架貨ｖａｎ咁跟蹤，真係好白痴，但係我都好白痴咁被迫企係到等左成半個鐘，最後毛都見唔到。

今朝八點起身去天平教珠心算，我又病倒了，起初只係喉嚨痛，跟住有鼻水，然後有咳，真係好春煩！！！教完班之後我去左入支票，跟住買ｍ記食，買左一個熱香餅唔要豬柳加豬柳漢堡拎走，只需＄１６！！！番到屋企繼續睇死亡筆記，睇左兩日都未睇完，因為上下集都成四個幾鐘，不過最後都睇完，雖然同漫畫有少少唔同，但係我都覺得好撚好睇，Ｌ真係扮得好似，好正，但係如果被我選，我諗我都會做夜神月。

之後和女友一齊搭火車，唔知係咪病左，覺得火車０的冷氣好凍。番到ＨＡＬＬ跳舞，今日真係好病，全身乏力，可能食左０的藥，所以我下午都冇食到。跳到六點鐘到就上左１４樓打機，我都好想買ＪＯＲＤＡＮ　３，好靚，不過我覺得我對ＪＯＲＤＡＮ　４　都好靚。之後八點鐘踢波，今日苦戰中研，最後０：０，射十二碼勝出。雖然贏得唔算清脆，但係有競爭先好玩的，正如我地要求有競爭的特首選舉一樣。

踢完波之後去左樂富食食物，今日又冇得睇大鮑，溏心風暴真係好好睇，又好好笑，大鮑和細鮑好正，但係我唔想佢地爭產，我唔想見到佢地鬧交。話說琴日終於攪掂晒所有０既審查文件，佢話如無意外都唔會再打俾我直到有通知，誰不知事隔不足２４小時佢就打離，話漏左０的０野叫我聽朝上一上去１５分鐘．．．．．．你老母，上一上來十五分鐘唔緊要呀，但係你知唔知我住邊呀老味，我係上水出離要幾耐呀？！完全唔理人幾咁難受，聽朝我仲要去青衣教奧數，即係話我要先去金鐘，再去青衣，原本我係上水搭巴士就可以去到嫁喇，ＳＨＩＴ！！

我發覺自己有預知能力，因為成日都應驗。

聽晚溫哥華表弟和姑丈又番來香港兩個星期，表弟又會係到訓兩個星期，我決定唔同佢講中文，然後俾晒０的Ａ－ＬＥＶＥＬ　ＰＡＳＴ　ＰＡＰＥＲ佢做，睇０下佢係咪識晒先！不過間屋咁細，冇啦啦多左個人，我的私人時間又會減少，阿ＭＡＹ肯定要我勁陪佢去玩啦，玩唔係問題呀，最緊要唔好我俾錢咋！！！

>>April 20, 2007 at 4:25:34 PM GMT+8

2007 年 4 月 14 日 星期六 【晴】

偉大的國家總理溫家寶結束融冰之旅，憑著出色的演講令日本人報以十五次出聲。東海油田，有得傾、經貿合作，有得傾、北韓問題，有得傾，唯獨是兩樣０野冇得傾。歷史問題，冇得傾、台灣問題，冇得傾。六十幾年之前，日本人做過０既０野老一輩人到而家仲未忘記，作為泱泱大國，我地唔係要求割地賠款、唔係要求不平等條約、唔係要求退還日軍軍票，只係簡單地要求正視歷史問題而已，嚴格離講呢個唔算係要求，因為歷史係發生左０既事，根本就不容改寫，係呢一方面我國海量汪海涵，你道歉，你應錯，你正視歷史，溫總理就ａｐｐｒｅｃｉａｔｅ你。台灣，係ｐａｒｔ　ｏｆ　ｃｈｉｎａ，中國人最忌就係分裂，由幾千年前至今，都係鬼打鬼，自己人打自己人先至到今時今日先叫做崛起。只要你能做到呢兩點，我地就當你係朋友，好簡單。

呢幾日唔知點解冇咩胃口，食唔落０野，可能係放假後遺症，個人都瘦左，早睡早起真係唔同０的，下星期要恢復番正常生活先得。琴日去做考入境主任筆試，你老味咁大個仔第一次出香港仔．．．嘩．．．原來冇地鐵火車沿線０既地方係咁唔方便，去左旺角再轉小巴，雖然唔係好耐，但係個感覺好似好遠咁。考完之後又覺得ｍｃ好冇安全感，不過好彩佢唔同考ｐｉ時中、英、ａｐｔｉｔｕｔｕｅ各佔一份，而係ｇｒｏｕｐ埋一份，咁都好０的，英文唔好都可以寄望其他拉番。作文又係中英一齊作，兩個小時。我自知英文唔係咁好，所以兩份卷都係用多０的時間係英文到，然後用中文０個ｐａｒｔ追番，策略都算成功。英文作文唔算太好，因為一向都唔係咁好，中文０個份就幾好，問左幾個人都話奶０野，今次個ｔｏｐｉｃ幾鐘意，因為夠官腔，ｉ　ｌｉｋｅ　ｉｔ。希望可以合格再過關玩，ｉｎｔｅｒｖｉｅｗ衰好過筆試衰，感覺冇咁悲。

今日冇啦啦走左去拜山，一早九點幾起身飲茶，然後出又一城搭小巴上慈雲山拜阿公，今次拜呢個識得的，都算ｆｒｉｅｎｄ底，仲好過清明拜０個０的唔知邊位來得算係有意義。但係好景不常．．．今日多人都仆街，迫撚到合家產．．．．又大煙．．．唯有極速拜，跟住燒晒０的０野就走人．．．．．之後番大陸，一心諗住去玩小型賽車，結果上到去泡湯，唯有去ｒｅｌａｘ。之後夜晚去左樂園路食海鮮，６隻豉汁蒸鮑魚、６隻炭燒蠔、４隻粉絲蒜蓉蒜帶子、椒絲腐乳通菜、生炒骨、揚州炒飯、黃老吉等，都係＄１２０，今次人少，食得冇咁開心。

夜晚番到屋企．．．．．你老母劉青雲拎影帝．．．．食撚屎，＜父子＞拎左勁多獎，但係城城就拎唔到男主角．．．．有冇攪錯，ｄａｍｎ！！！之後睇波，車仔又係臨尾先入波，咁樣攪法，隨時歐聯決賽，ｆａ　ｃｕｐ決賽都係車仔對曼聯，好悶０者．．．．．兩對都有機會做三冠王，真係爭崩頭。今日最矚目莫過於旺角場繼１９９１年再次爆滿人睇波，唔通香港球壇再現曙光，唔會掛．．．．．．．．．．．．．．．

我的電影庫再增添多名成員，分別係＜死亡筆記＞上下集、＜至尊無賴＞、＜雀聖２＞。好戲連場，陸續有來，期待＜太陽倒數＞，希望快０的有得ｄｌ～

>>April 15, 2007 at 6:24:48 PM GMT+8

2007 年 4 月 9 日 星期一 【晴】

四月十五日係金象獎頒獎典禮，我首先想叫鄭嘉穎去含撚先，因為佢不撚知所謂咁係到賣廣告，嘜撚０野城城演活左一個衰老豆，嘜撚０野偉仔０個份陰沈、０個份滄桑，滄桑你講嫁咩，我講嫁麻，至撚憎鄭嘉穎，都唔知憑嘜撚０野拎我最喜愛男主角，含撚啦，夠關係，死仆街，佢做戲一０的都唔好睇，０個套寫意人生真係悲撚到反艇。根據我專業０既演技評審，今次偉仔冇份嫁喇，＜傷城＞入面冇咩大特破，佢唔係好適合做反派，俾唔到奸０既感覺我。青雲今次都冇份，因為佢套戲我冇睇過，完全唔知係咩，好極有限。城城呢次好大機會，因為真係好大突破，佢真係演活左一個怕事０既衰老豆，原本今屆佢都十拿九穩，不過今次佢唔好彩，有發哥。大佬，有名你叫發哥，唔係發仔，要俾面嫁。但係其實＜黃金甲＞真係唔到，頂盡都只係俾最佳服裝設計，但係０個個係發哥，所以好難講。

琴晚留夜收到ｄｏｃｔｏｒ　ｋｏｎｇ０既ｕｒｇｅｎｔ　ｅ－ｍａｉｌ話叫我今日番去搵佢，又唔撚講咩事，咁好啦，咪番囉。但係今朝佢又ｓｅｎｄ左ｅ－ｍａｉｌ話因為朝早見我唔到，所以叫我跟住佢ｅ－ｍａｉｌ去做。首先，你冇叫我幾點番去，你ｏｎｌｙ話１０／４，咁我緊係以為１７００前嫁啦，其次，你ｓｅｎｄ到俾我就一早ｓｅｎｄ啦，做咩叫我番去。不過算啦，反正今日六點踢波，都番一番去。

番到去見完佢又叫我ｒｅ－ｗｒｉｔｅ，有邊次交０野俾佢唔係叫我ｒｅ－ｗｒｉｔｅ呀其實，不過算啦，其實我都預左，所以先咁早交０者，都係ｒｅ－ｗｒｉｔｅ　ｄｉｓｃｕｓｓｉｏｎ。無可否認佢係一個盡責０既ｄｏｃｔｏｒ，希望其他人交完仆晒街就好喇，最好佢做晒所有人０既ｓｅｃｏｎｄ　ｒｅａｄｅｒ，咁就真係天有眼，不過係冇可能。黃昏踢波，琴日踢完今日又踢，腳板生左水泡，要貼膠布保護腳板。今日大勝１１：１，不過一球都冇入球，可惡！！！！！好耐冇試過踢波冇入波，呢種感覺都幾差，不過都唔撚夠ｒｅ－ｗｒｉｔｅ０既感覺差。

曾蔭權條撚樣成撚日得把死人口，根本就冇料，無撚端端俾佢做左特首，仲要一做做兩屆，根本就係蜀中無大將０既情況底下佢先有機會上位，當年老董落台，陳太又莫彊，俾佢撞屎撞尿做左個特首。唉．．．．香港政壇而家想搵個有料０既做特首都冇，不過田北俊俾我０既感覺唔錯，雖然佢都係心懷鬼胎，但至少俾到成熟穩重０既感覺人。溫家寶就真係有料，我絕對ａｐｐｒｅｃｉａｔｅ佢，佢真係顛，滿肚墨水，次次講咩都引經據典，可能會話佢一早準備好，但係早排人大會議答問大會，親眼睇住佢答ｌｉｖｅ問題引左一大堆唔知咩０既０野出離，傻嫁～！

夜晚番到屋企之後繼續修改ｈｏｎ　ｐｒｏ，好彩聽日放假，可以用一日離爆番個ｄｉｓｃｕｓｓｉｏｎ，但係仲有好多零碎野要執，唔撚理了，星期五交撚完要解放，解放就會聯想起解放軍，解放軍就會聯想起大陸，所以要番大陸，幾日諗住訓醒上去飲茶都泡湯，就係因為呢份ｈｏｎ　ｐｒｏ。

>>April 10, 2007 at 6:35:10 PM GMT+8

2007 年 4 月 4 日 星期三 【颳風】

琴日朝早被迫去左羅湖拜山，首次和祖國距離這麼近。因為我身處地仍然是屬於香港，但係隔左唔夠５０ｍ的一條河，就係高樓臨立的琛圳市，咁樣望過去琛圳同平時番上去真係別有一番風味。琴日一家四口，加阿叔一家三口再加伯娘一家三口一齊去拜山。其實數數手指都有好幾年冇去了。仲記得中七０個年我就去左自修室溫書，跟住ｙｅａｒ　１　２都係係ｈａｌｌ避拜，今年走唔甩了．．．．．

九點半出發，攪呢攪路最後三點左右番到屋企。其實我已經好過好多人嫁喇，０的人係出面去羅湖定必要坐火車，睇電視見到個羅湖站擠得水洩不通，仲要拎埋一袋二袋，真係想死。好彩可以係上水廣場搭巴士去，原來拜山０個到係鳳溪再入０的就係，亦即係之前渣車誤闖入去０既禁區。今年拜山多了一位小成員，應該讀緊一二年班，就係堂姐個仔。細個０既時候永遠都唔俾人走去０的樹林到玩，而家牛高馬大冇人再理會，我亦都將呢份喜悅送埋俾呢個小朋友。我以舅父０既身份帶佢去踢石頭，踢到佢對新白色鞋變晒黑色，跟住佢就俾人鬧，要罰企，哈哈！！＠！＠！！＠！＠！

拜完山番屋企，大人係到打麻雀，我就同我個堂細佬打ｗｉｎｎｉｎｇ，第一舖輸８：７，跟住輸７：６，我唔知點解可以有咁大比數，最後先發覺原來較左１５分鐘一場，但係打左成兩個鐘頭，我全部輸晒．．．．一ｒｏｕｎｄ都冇贏過．．．．．．．拜山時阿嬸問我地買唔買ｇｒｅｇｏｒｙ０野，佢話一定係真０野同埋ａｔ　ｌｅａｓｔ五折，問左幾次都唔明佢講咩，大概意思係識人係入面做而又用批發價錢拎掛，咁我見到佢個乖仔都用緊個，大家又係親戚，加上我一向都鐘意相信別人，反正又於我百利而無一害，因此我都搵日去睇睇抄低０的ｃｏｄｅ先。之後我酷愛ｌｅｖｉｓ新０個條ｃａｒｒｏｔ　ｆｉｔ，好靚，抄低左個ｃｏｄｅ叫孖歡做０野，仲有幾日出糧，要一次過用晒０的錢去彌補近來做功課０既壓力。

今朝訓到成十二點先起身，感覺勁差，我唔容許自己咁晏先起身。起身之後睇左＜神經俠侶＞，近期我轉攻電影市場，瘋狂下載電影，兩日已經睇左＜色狼３００＞，＜雙子神偷＞，＜神經俠侶＞同埋＜傷城＞，仲有＜ａｉ人工智能＞、＜大丈夫２＞和＜忍者龜＞未睇，原來享受極速下載和免費電影個感覺係咁ｆｅｅｌ的。前日ｓｅｎｄ左ｃｈａｐｔｅｒ４俾ｄｏｃｔｏｒ　Ｋｏｎｇ，原來ｅｌｌａ都唔洗做ｔｅｓｔ，連ｓｐｓｓ都唔洗用剩係用ｅｘｃｅｌ，跟ｄｏｃｔｏｒ　Ｋｏｎｇ睇離果然係有０的與別不同。剩番做後ｃｈａｐｔｅｒ５，完成左ｃｏｎｃｌｕｓｉｏｎ，仲欠兩ｐａｒｔ，聽朝一０野爆埋佢收工等ｒｅｐｌｙ再講然後再ｆｉｎａｌ交，ｙｅａｈ！！！！！！～！！～！～！～

由於琴日連續打左兩小時ｗｉｎｎｉｎｇ，左手手指公指甲側邊按得太耐個十字鍵，攪到有少少痛．．．跟住安仔師兄打來話星期六開工去唔去，要入到去唔知梅窩唔去啦，加上唔得閒所以婉拒，下次再有筍０野先去，反正都冇咩幾何再有得去了。夜晚睇＜向世界出發＞，梁詠琪真係好悶，講來講去都係三篤屁，無線搵錯人喇真係，佢又喊得太多，冇晒期待，真係唔到。聽日開始有阿燦睇，正呀！！！！！

點解四月都仲可以咁清涼，東京仲夠膽死落雪，我諗終有一日會出現六月飛霜呢個情景。






>>April 6, 2007 at 5:01:51 PM GMT+8

2007 年 4 月 1 日 星期日 【雷雨】

琴晚明珠台播智能叛變，其實以前戲院做我已經好想睇嫁喇，但係到今時今日都未睇，對於呢類題材０既作品特別有興趣。始終電視睇係冇咁好睇，因為又有廣告，又ｃｕｔ左０的咁，不過總括而言都算唔錯，好想睇ＡＩ人工智能，又係未睇過。今朝又係八點起身，自從剪左新髮型之後我幾滿意，第一，容易打理，第二，配合番夏天，唔洗咁熱，第三轉變一下。起身之後又去教記憶法，仲有一堂就完結。一小時落堂又番屋企，今日買左個早晨套餐食。食完之後整理番０的資料再ＳＥＮＤ俾ＭＡＤＡＭ　ＣＨＡＮ。話說之前上左去第一次會面，我要補領番兩張會考證書＄３１５ＥＡＣＨ，４個月銀行記錄＄５０ＥＡＣＨ．．．．．．仲要申請張ＣＩＴＩＢＡＮＫ０既無簽賬聲明，唔知要幾錢，加加埋埋都成千蚊．．．呢０的真係未見官先打三十大板喇，仆街！！！！！！！！！仲要番學校補領番０１／０２年張成績表，煩撚到爆袋呀！！！！！！！！！！！！

之後唔小心訓著左，唔知點解冇啦啦好眼訓。今日兩點半上跳舞堂，其實都幾好玩，嘻嘻哈哈又一堂，一個ＣＲＥＤＩＴ豪俾佢啦，開心快活讀完算了。之後又話鐵定聽晚睇魔疾，我就放長雙眼睇０下係咪睇得成！！！落堂之後我去左睇醫生，因為鼻敏感又復發，自從之前潮濕天氣出現之後，個鼻又打噴嚏又流鼻水，真係好辛苦，點解我要有鼻敏感，你老母臭西！！！！睇完之後得兩包藥，一包係維他命Ｃ，一包係抗敏收鼻水，好彩係＄２０，如果唔係死俾佢睇。之後食左個四寶飯，然後去做ＧＹＭ，由於今日ＭＡＴＨＳ阿ＳＩＲ又收左皮，結果唔洗上堂。

１８００到達ＰＨＹＳＩＣＡＬ，起初狂打呵欠，但最後都被意志戰勝一切。今日用左一個鐘頭練習背部，一個鐘頭練習胸部，半小時練習手臂，１６分鐘曬太陽燈。其實唔需要太黑，如果好似０岩０岩去完美國番來咁就太黑了，我只要古銅色就可以了。２１００見到中仔，跟住２１３０沖涼焗桑拿離開。其實我覺得焗桑拿真係會令皮膚好０的。出汗其實係將皮膚０既污物排出體外，加上毛孔擴張就可以令到０的毛孔暢通番，之後再即刻用凍水沖涼，收番緊０的毛孔，ＦＡＮＴＡＳＴＩＣ～～

做完ＧＹＭ之後番屋企，係天橋到買左短牛扒炒公仔面、一串魷魚、一串豬頸肉和一串雞翼，總其＄３３。食完飯之後又做左少少ＨＯＮ　ＰＲＯ。忽然間ＨＯＮ　ＰＲＯ好似好順利咁，因為ＤＯＣＴＯＲ　ＫＯＮＧ鞋墊俾左好多ＲＥＣＯＭＭＡＮＤＡＴＩＯＮ，或者我開始明白，０的人以為有個嘜尻都唔理０既ＭＥＮＴＯＲ係好事呢個諗法係錯的，到時俾分都係兩個人俾分跟住再拎個ＭＥＡＮ，希望０的人全部仆街啦。之後睇睇０下電視，原來魔疾星期四先上畫，我屌！！！！！咁聽晚睇嘜春呀，我地成班傻西今日係到約人睇，真係好ＫＩＮＤ！！

聽晚又話番大陸，我屌，雖然冇啦啦屋企有廿幾張車票０者，但都唔撚係成日番麻？你估真係當出旺角咩，不過上去食個飯番落離都好０既，又或者飲個茶行０下街都唔錯。

看中了ＤＯＵＢＬＥ　ＰＡＲＫ入面兩條同款的短褲，一條係綠色迷彩，一條係米色迷彩，但係＄４ＸＸ一條，好似好撚貴，都係去軍舖買了，順便重組ＷＡＲ　ＧＡＭＥ團先＠！＠！聽番女友的戰況好似幾好玩咁，真係可惜冇得去。


話說之前報導徐步高係左右手都可以開槍。經過我親身試驗之後，其實一０的都唔出奇。如果一個人係用右手的話，佢用左手拎筷子或者寫字可能會好似ＨＡＮＤＩＣＡＰ咁，但係其實用左手開槍個感覺冇咩分別的，可能只係用右手拎杯飲同左手拎杯飲０既分別。之後好似前日報紙有條唔知嘜尻射擊隊０既撚樣出離講左同我差唔多０既０野，所以左右手開槍根本就係好平常。

貓和狗的分別：




>>April 2, 2007 at 4:35:34 PM GMT+8

2007 年 3 月 31 日 星期六 【晴】

４小時內，雙料冠軍的美夢幻滅，最後又係四大皆空。睇足三年，輸足三年，ｉｖｅ真係屈機，都唔明大學生比賽關ｉｖｅ咩事，明明就係八大院校比賽，冇啦啦又變左做大專。

>>April 1, 2007 at 4:45:46 PM GMT+8

2007 年 3 月 27 日 星期二 【晴】

天氣真係反覆無常，前幾日明明都仲係好潮濕咁令人發抆，今日又清涼番少少。唔經唔覺又就快要交ｈｏｎ　ｐｒｏ了，４月１３日就要交，但係ｄｏｃｔｏｒ　Ｋｏｎｇ鞋墊話２／４交俾佢睇下最好，咁我都盡力交俾佢啦。不過ｓｐｓｓ真係好撚七煩，三年的大學生活中，ｃｅａｓａｒ對我學術上作出第一次的貢獻，就係ｓｅｎｄ左個ｓｐｓｓ來。我唔知點解ｆｏｘｙ冇ｓｅｅｄ，一定係０的撚樣ｄｌ完之後又即刻ｃｌｏｓｅ左去，咁咪冇品囉。得到左ｓｐｓｓ之後都唔見得有咩大進展，最後都係做ｒｐ的功課，因為聽日又要上ｔｕｔｏｒｉａｌ，又要舌戰群儒。

下午四點鐘出左去銀龍同肥華食ｔｅａ。歌詞堂個阿ｓｉｒ成日將ｔｗｉｎｓ０既女校男生改來改去，「插班生甲，動作很黎明／成龍」，其實我覺得點改，都唔夠「插班生甲，動作很肥華，我真是好奇」咁撚好笑。食完０野之後去左做ｇｙｍ，由於前日推胸真係太過離譜，闊平胸、闊上胸、闊下胸、窄平胸、窄上胸、窄下胸、夾胸，每樣五組，每組八下，總共推左二百八十下。雖然休息左一日，但係今日都係唔夠力，差０的壓死。今日我終於見到傳說中兩個瘦骨嶙峋的男子，佢地用每邊１００磅的啞鈴舉肩膀，但係俾人狂暗串，根本就唔夠力舉，後面幫０個個仲出力過前面做０個個．．．．死傻西。

做完ｇｙｍ之後番左屋企，收到ｍａｄａｍ　ｃｈａｎ電話，佢話要開始審查．．．其實我知道如無意外六月四日就要入班，但係我唔想．．．．．．好似來得好突然咁，又打斷晒我的佈署．．唉．．．點算好呢．．．忽然間有０的間入學堂，半年其實都好長，一個星期先放出來一日半，同坐監有咩分別？．．．
．．．．夜晚係到入ｄａｔａ，入左個幾鐘先入晒，但係入完都唔知可以點，雖然ｄｃｏｔｏｒ　ｋｏｎｇ鞋墊係好認真，但係佢都係一個好人，呢幾日要加工先！！！！


之前做花展ｈｅｌｐｅｒ，我地就同ｗｉｎｎｉｅ講，如果佢同阿沛拍拖，阿沛就會好撚慘，因為佢要送完佢番屋企後，．由柴灣再番番荃灣。亦即係地鐵站兩個最篤篤位．．．其實呢條係一個ｉｑ題，可以估一首歌名，不過好多人都唔識嫁喇，原著就應該會多人識，因為其實係ｅａｓｏｎ０既＜貝多芬與我＞，改寫後再次發現填詞有趣之處：












《當荃灣愛上柴灣》 Eric Kwok　填詞: 陳少琪

習慣保護 你歸家 來送你
車廂裡 太好味 貼緊著 鼻和眉
但你東面 我西邊 頭到尾
偏選中你 甜蜜的 每程費用 太犀利

由荃灣 直入柴灣終站 坐冷板 捱成晚
不休息的壯男
由柴灣 返番荃灣終站 付了車資 歸家太晏
我訓到忘記何站

為你保護 這開資 如重擔
深深慨嘆 能力只會能應付 太子站

由荃灣 直入柴灣終站 坐冷板 捱成晚
不休息的壯男
由柴灣 返番荃灣終站 付了車資 歸家太晏
我 訓到又要上班

由柴灣 返番荃灣終站 付了車資 歸家太晏
我 訓到忘記何站 反白眼



ｐ．ｓ．不過咁遠可以搵個籍口留宿，唔錯唔錯～

>>March 29, 2007 at 3:58:05 AM GMT+8

2007 年 3 月 26 日 星期一 【炎熱】

對上兩個星期六日都要做花展ｈｅｌｐｅｒ，攪到我兩個星期都冇得好好咁休息。星期六日都要老練咁早六點起身，跟住星期一二四五都要八點起身，我真係覺得好辛苦，鐵人也有倒下的時候。不過終於都完結，總共合計四日賺左＄２１５０，都算唔錯。不過好撚唔妥ｍｙ　ｇｉｒｌ　－ｆｒｉｅｎｄ，點解佢可以搵到份ｎｅｗ　ｂａｌａｎｃｅ有＄２５０一粒鐘．．．．仲要番親都番成七、八個鐘．．．．ｓｈｉｔ．．．呢壇０野真係有０的唔妥佢！其實頭三日都真係好撚七ｈｅａ，不過最後０個日更加ｈｅａ到飛天。可能因為個個都係ｙｅａｒ３，４，所以大家都係大哥大姐，肆無忌憚咁係到訓教，我同ｃｏｎｍａｎ係草地舖晒０野訓教，然後搵０野遮住，好似流浪漢咁，之後俾人發現左，ｗｉｎｎｉｅ、肥坦、就連最大粒０既安師兄都走埋離ｈｅａ，咁冇計啦，想唔ｈｅａ都唔撚得。不過講真，最後０個日０既夜晚真係有０野做，我、華ｄ和ｃｏｎｍａｎ要係維園搬晒０的０野上車，然後跟車去觀塘ｉｖｅ，再搬晒０的０野上樓，我仲整親隻手指公，淤晒，不過算啦，都唔夠某０的地方留下永不磨滅的烙印！！
搬完之後再跟車番維園，然後再搬晒所有０野上車，跟住再去順利村、彩虹、黃大仙，先走人，最後０個日由朝早七點做到夜晚十點幾！！！！不過唔知點解好似有少少唔捨得花卉展，其實如果個個星期都有得做的話，同學之間彼此的感情應該會提升，因為實在太ｈｅａ，連續咁樣日日對住十個鐘，咩是非都講晒！～

呢兩日天氣開始潮濕，我真係好撚憎呢種天氣，一到呢０的天氣我個人就會火，因為真係好撚唔舒服，又悶熱又痴淋淋，剩係想講屌你老母臭西，其他咩都唔想講真係。攪到我呢排都唔算打扮，求尻其著運動衫出街就算，因為通風舒服，遲早變阿伯！！！如果我係ｋ隆星人就好了，係潮濕０既環境底下可以發揮出最大的能量！～！～！講開ｋｅｒｏｒｏ．．．．我隻ｋｅｒｏｒｏ和ｋｕｒｕｒｕ唔撚見左．．．．．．．唔知係咪俾人偷左．．．剩番隻ｇｉｒｏｒｏ係到孤獨終老，真係可憐！！！

今日上ｒｐ，上完之後再上歌詞，ｒｐ琴日終於交左功課，咁樣的話呢排真係咩都唔洗做，可以專心做ｈｏｎ　ｐｒｏ，我用左兩日花卉展收左６０份ｄａｔａ，早知一早就派，可以有１２０份啦！！交埋ｈｏｎ　ｐｒｏ之後要積極咁預備去玩，不過我仲有好多正經事去做。今日放學之後番左屋企，跟住就番大陸食味千拉面，叫左兩碗面、餃子、串燒雞翼、炸豆腐，每人都係＄３０．．．．唔錯唔錯。之後鬆左一陣骨就半夜係黃崗番屋企。其實我諗過，我就算夜晚番一番去食完飯番落離都係好快捷和經濟０既事情，加上搭火車又唔洗錢，最令我ｃｏｎｆｕｓｅ０既事都ｓｏｌｖｅ埋，有時候下午上去飲個下午茶咁又得，唔錯唔錯～

>>March 27, 2007 at 7:13:41 PM GMT+8

2007 年 3 月 20 日 星期二 【晴】

　　　　　　　　　
　　　　　　　　　「現在我未成年～讓我膚淺～～只知戀愛大過天～」

廿三歲的我，沒有資格再唱這種歌，但總有緬懷過去的權利吧。歲月不留人，星期六日見到的ｉｖｅ仔，真的是十八廿二，在我眼中他們總是很年輕、幼稚，總覺得自己十八歲的那年比他們成熟和有味道。奈何這只是一廂情願的想法，大概十八歲的那年，比起他們還來得天真、來得任性、來得無知。也許數年後回首現在，這個準大學畢業生亦是溫室裡的小花、乳臭未乾的黃毛小子。

生日的那天，我和女朋友到了尖沙咀看了一齣頗有口碑但熱潮大減的電影－－THE NIGHT OF MUSEUM。和傳聞相比，我覺得外界評價略為有點水漲船高，人云亦云。但相比一些港產爛片，這亦算得上是稍勝一籌。在片中，我得到的訊息是歷史並不是透過書本或課堂上可以理解，而是要用心去感受。睇完戲之後就去左食食物，走左去諾士彿臺食西班牙０野，環境唔錯，幾浪漫，不過個景就有少少問題。叫左一個西班牙焗海鮮飯、鐵板燒、青口，但係都食唔晒，個焗飯幾好味，唔錯。不過唔知點解飲水都要錢，要飲一樽樽０個０的水，即刻勾番起係MIAMI的回憶。

食完飯之後就行左一陣間，去左一陣間回家。今年的生日禮物有份，三樣之中最愛的是那仔自製的ｇｉｒｏｒｏ玻璃杯，畫得好靚，唔似係自己整，加埋後面個名，絕對是獨一無二的佳作。加上隻杯比較簿身，飲水時特別易飲，唔錯唔錯。第二就係ｃｈｅｖｉｇｎｏｎ最新款牛仔褲。外表平平無奇，但係話明乾坤燒鵝，當然內有乾坤啦！～！！條褲以迷彩為ｔｈｅｍｅ，腰圍和褲袋內布都係迷彩，亦是第一條ｌｅｖｉｓ以外的牛仔褲，別具意義。第三係本書．．．．．．．．．．．標杆人生．．．．．．．詳細資料欠奉，好似要做讀書報告咁．．

呢兩日都係八點起身去教班，教完班之後想買美津龍褲，有時候世事真係好奇怪，之前日撚日都見到檔０野係到，好啦，以為琴日落雨所以佢冇開，點不知今日都係冇開，你話係咪天意弄人？？今日原本約左周記和阿文去睇色狼３００，但係我發覺太早，所以改左星期三或四晚去睇。最鐘意睇呢０的咁熱血０既打仗片，最０岩我呢０的軍人。

之後兩點半上堂，今日和女朋友一齊出門口，佢去彩虹上中國畫。我越來越唔妥ｒｐ呢個阿ｓｉｒ，佢真係有少少問題，佢係以小學生老師的模式來對我地，例如邊有人係到屌尻人地上堂傾計，一粒聲都唔俾出，跟住又話明唔俾人中途去廁所，但係佢又唔俾ｂｒｅａｋ喎，叫我地痾晒尿先好入去，痴撚線，邊有０的咁０既七０既大學老師嫁，大學生呀而家，仲係小學咩！？之後上歌詞堂，呢個阿ｓｉｒ又同佢剛剛相反，ｈｅａ到爆，又好人，一路食雞脾薯條一路上堂都可以～今日講ｔｗｉｎｓ，其實好多人批評佢地係一件商品，唔識唱歌，但係由我中五第一年佢地開始出道，到今時今日都依然可以屹立不倒，點解０的人又唔諗０下佢地有咩個人之處呢？期間有好多挑戰者，好似２ｒ、ｃｏｏｋｉｅｓ、ｂ２、ｂｏｙｚ、ａｔ１７等等等，冇一個組合可以取而代之，甚至乎只是曇花一現。今堂仲回顧左好多ｌｅｏｎ的歌曲，當年的和記廣告一一露於腦海之中，０的經典對白一句句浮現，好撚好笑。

上完堂之後去左假補祝生日，走左去旺角食大九保，叫做可以接受啦，０係０的三文魚廢左０的同埋九點半就趕我地走，不過有間房仔個感覺都ｆｒｅｅ０的０既。之後玩ＩＱ題，震西和ＣＥＡＳＡＲ應該係冇童年，又或者係一個坎坷的童年，連最基本的ＩＱ題如「點解擒入去海洋公園唔洗錢，今日要？」、「點解我ＬＯＯＫ落山唔死得？」、「點解獵人射極都射唔到０的星星」等．．．．．．真係好可憐。之後玩估歌仔，小弟大比數勝出，承讓承讓～話說今日係小矮人出面執左０的大石頭，然後放落肥坦個袋到，第一次放完去到ＭＴＲ先知，加埋ＣＥＡＳＡＲ０個舊前後放左兩舊，全晚就以呢舊可頭為題，食完飯之後嘗試再放番落去，但不得要領，結果係旺角街頭撞到阿鈞，之後放左落佢個袋到，唔知佢番到屋企發現多左舊石頭會點呢？！？！？！？哈哈！！！！








>>March 20, 2007 at 5:36:29 PM GMT+8