2007 年 5 月 21 日 星期一 【雨】

今日係遊船河的日子，但係天公不造美，其實上星期已經睇左天氣報告話今個星期日日都會落雨，亦都建議過改期，但最後都係照原定計劃出發。今朝七點十五分起身，跟住搭火車出九龍塘再去彩虹，然後會合團友一同上車去西貢。遊船河．．．．冇太陽都已經係不能容忍．．．仲要落住狗屎就更加係聞所未聞．．．．上到船之後係就食左粒暈浪丸。說實話真係唔係咁想來，最主要原因都係天氣極差，不過既然俾左錢又應承左，加上大家都覺得應該去，咁就去啦，反正係屋企都係悶加七，咁不如一班人悶，總好過自己一個悶。

上到船第一樣０野係玩ｕｎｏ，跟住玩踩波，不過冇人理會，係個咁細０既船艙其實係玩唔到踩波的。跟住上左上層打左陣麻雀，天氣仍然係好壞，但都照出左去沙灘玩閃避球，跟住又玩扔沙球，猜輸左俾人狂扔，超痛，開頭有少少凍，不過濕濕下又唔係好凍，既然洗濕左個頭，咁就豁出去啦。玩完一輪之後就游番埋船，差０的游到斷氣，中途仲要打雷，幾撚驚俾雷劈死。上到船之後，躉家佬燒０野食俾我地，我見到好多０野食，但係其實係錯覺，因為有廿幾三十人，其實係唔多夠食，不過有大量零食和飲料仲算可以接受。

食完少少０野之後又打左幾舖麻雀，打出左隻紅中俾ｅｌｌａ食左舖十三么，好彩唔玩錢，如果唔係就仆街了。跟住出左去玩香蕉船，我都係第一次玩香蕉船，冇咩速度感就抄左，隻船充氣唔夠，所以好易炒．．．．講左咁耐要特別鳴謝ｇａｒｙ哥借左條波褲俾我，因為我冇打算會落水或濕身，所以毛巾拖鞋泳褲嘜尻都冇帶，拖鞋上船前買左對＄１０七到冇朋友的紅色人字拖。玩完之後又係到跳水，雖然二樓唔係幾高，但係都有少少拗．．．但係唔輸得嫁麻，老西都跳啦，不過跳完一次又覺得幾過癮，再跳。之後和ｗｉｎｎｉｅ、沛、心、競出去玩踩水，完全起唔到囉，拉住跳繩真係背都俾佢扯爆，但係競哥好撚型，型晒！！玩完一輪之後又食食物，跟住玩０下ｃａｒｄ，天氣唔好就真係冇咁開心，不過落左半日雨之後都停左半日，都好過冇啦其實。之後就玩０下抽獎、唱０下ｋ，其實比預期玩得開心０既真係。

五點幾番番去西貢碼頭，跟住去左運動場沖涼，我唔知點解有帶地褲，真係奇怪。之後大伙兒去左旺角食沙爹王，其實唔係好肚餓。今日好似冇咩玩到，但係就好累，真係好奇怪，如果有埋太陽就一定更累。對於今日０既船河之旅，其實都有頗多不滿，不過主要都係針對個別人，但我有冇咩呢種感覺，我不滿的只有個天，成撚日玩尻七０野，始早劈撚死佢，係我劈尻佢唔係佢劈尻我，最多互劈你老母！！！！另外我地都有人冇來，其實我都明白落雨唔想來係常理，但係如果琴晚拍晒心口話離，今日又話落狗屎姨媽到嘜嘜七七咁就值得相榷喇，係人都知今日落狗屎嫁啦會，咁好唔ｍａｋｅ　ｓｅｎｓｅ，ａｎｙｗａｙ，ｔｅｌｌ　ｔｈｅ　ｄｏｇ，話尻之，我總算叫做玩開心，起碼唔會噓鬼先～～



出發時悉破左姦情，呢到唔係法庭，唔需要證據！！！！大契呢句話真係無敵！！！！！！

越是掩飾，越是著跡，偷偷摸摸，更無出色！

>>May 22, 2007 at 4:39:09 PM GMT+8

2007 年 5 月 17 日 星期四 【晴】

琴日考完性與基督價值觀，又係吹水題，今個ＳＥＭ真係好輕鬆，見到０的人係到死溫書，自己就可以尻擘擘真係好過癮。考完之後和肥華、沛、大佬和ＡＮＧＥＬ去左唱卡拉ＯＫ。都唔知幾耐冇唱過Ｋ。係九龍城唱Ｋ真係幾好，十一點幾十二點去到，唱到三點都唔趕我地走，最後我地唱到唔到自己走左。臨尾我地靜靜地排排坐係到聽學友唱歌，友仔真係好好好好好好撚勁，我地點番佢以前ＬＩＶＥ唱李香蘭，嘩．．．．．真係好撚勁．．．．假音唔覺得係假音，把聲又夠厚，真係好撚勁呀！！！！ＥＡＳＯＮ我諗都要行埋一邊。

今朝十點起身溫習ＭＡＴＨＳ，亦都係我今個ＳＥＭ首次的溫習，但係我完全唔識，佢０的ＮＯＴＥＳ真係超難，但係唔知點解我一０的都唔驚，因為個阿ＳＩＲ超好人，點都唔會肥掛，不過都有溫習。之後兩點幾出發番學校，因為要去分享一下ＤＩＳＮＥＹ的體驗。我準備左一０的係ＤＩＳＮＥＹ０既相和ＤＩＳＮＥＹ以外的遊歷照。今日ＤＯＣＴＯＲ　ＬＡＵ又係到，佢又係到講話會學到０野．．．．唉算喇，我都唔想再同佢爭論呢個問題。「就算掃地都要做掃得最乾淨０個個！」．．．．．上年又係講呢句，咁係咪就算食屎都要做食得最多同最快０個個呀？

之後我教左大家如果入到去屋首先要霸左間套房先，咁樣以後０既生活就會好正！！ＤＯＣＴＯＲ　ＬＡＵ０的相ＳＨＯＷ左個好靚好整齊０既屋和房間，仲有廚房廁所，而我就擺到明同佢對抗，咁０岩我有段最後一星期拍的短片，於是我就俾大家睇０下經過戰火洗禮後間屋會變成點．．．．．由於短片有好多人講「陷家產」呢三個字，所以我要關聲．．．．之後ＤＯＣＴＯＲ　ＬＡＵ話呢段片幾好，叫我俾佢，將來可以播俾其他人睇．．．．．我好尷尬咁拒絕左．．．．因為唔出得街的．．．．．．．

分享完之後和阿沛肥華食ＴＥＡ，準備考ＭＡＴＨＳ，大家都諗住死亡。不過出乎意料之外，份卷幾好做，仲要係同ＮＯＴＥＳ０的題目一樣，有６條數，有４條一定０岩，跟住兩題會錯，唔緊要啦，夠啦，平時我又冇走堂，合格有突啦，再加上ＡＮＧＥＬ報來喜訊，ＤＡＮＣＥ全班第７，咁樣Ｂ或Ｂ＋啦實有～～ＹＥＡＨ！～考完之後去左健美，但係今日好似有少少唔舒服，飛完膀就走人。

番到屋企有喜訊，呢個星期日日走落去望個信箱希望有信，琴晚阿沛又話收到信，雖然如果合格的話係會順ＡＰＰＬＹ　ＮＯ．派的，但係都好擔心。一番到屋企阿媽就話有信，跟住我已經ＦＥＥＬ到中喇，結果真係！！！！！！！！！！！！！！我終於有信了，２８號考體能，ＹＥＡＨ～！～！～！好彩ＰＡＳＳ０者，如果唔係就悲了，督察又肥，主任又肥～不過心情好快就平伏，因為仲有好多關，聽日開始要熟讀入境處網站英文版，希望有個ＡＷＡＩＴＩＮＧ　ＬＩＳＴ～～

夜晚收到內幕情報話會係凌晨出海關督察個ＰＯＳＴ，之後話左俾阿沛知，諗住爭做第一個報，咁個ＮＯ．就會係００１，不過可惜我慢左一步輸左．．．．不過應該都係頭１０名，最早好過做遲啦，起碼得０既話就最早知，唔得０既話又一早知，唔洗心掛掛麻～





>>May 18, 2007 at 4:38:37 PM GMT+8

2007 年 5 月 16 日 星期三 【晴】

　　　　　　　　　　　　　　棄我去者　昨日之日不可留
　　　　　　　　　
　　　　　　　　　　　　　　亂我心者　今日之日多煩憂

>>May 17, 2007 at 5:15:01 PM GMT+8

2007 年 5 月 12 日 星期六 【晴】

今日有一件事好想講：

今日去左石硤尾做ｈｅｌｐｅｒ，同對上０次相比真係天淵之別。好老實講，呢次真三年來最不愉快的工作經驗。我真係好後悔唔做小網走左來呢到。今日有ａｎｇｅｌ、ｍａｇ哥、大佬、阿盈、我和阿信，我們一致認為要屌尻一個人，呢個人叫做ｇａｒｙ，雖然今日係母親節，但係我真係好衷心咁屌佢老母臭西！！呢條撚樣琴日ｂｒｉｅｆｉｎｇ時已經串撚七七，雖然我冇去，但係ｍａｇ哥和ａｎｇｅｌ都認為佢係一個西佬，我唔撚知道今次個ｆｕｎｃｔｉｏｎ出左咩問題，係一個師兄師姐都冇，有一個Ａ２，另外有個直屬佢０既女人，簡稱為Ｍ君，呢個Ｍ君就搵左四個ＨＥＬＰＥＲ，現掛名為ＨＥＬＰＥＲ　ＬＥＡＤＥＲ，而呢４個ＨＥＬＰＥＲ　ＬＥＡＤＥＲ就再搵其他ＨＥＬＰＥＲ，亦即係我地．．．．．以安師兄為例，平時佢係直屬Ａ２，咁我地名義上係跟阿安，但其實都算直屬Ａ２。如果簡單０的以黑社會職級來解說，平時我地係第二輩，但係今次應該算係第４輩。

咁都算喇，冇咩所謂，反正做０既０野都係一尻樣。０個個Ｍ君佢雖然個人冇問題，仲好ＮＩＣＥ，但係佢搵番來０既ＨＥＬＰＥＲ就好有問題，先唔講個主角，有幾個一睇就知係師奶０既物體，唔洗問直覺話俾我知一定係佢自己０的ＦＲＩＥＮＤ，都算！！！冇所謂，大家一齊ＨＥＡ，算。之後０個幾個所謂０既ＨＥＬＰＥＲ　ＬＥＡＤＥＲＳ係ＩＶＥ仔！

我！地！要！聽！命！於！ＩＶＥ！仔！

都算！！！都真係算，我講真的，我份人一向冇咩架子，呀，我屌你老母臭西，其中０個個叫ＧＡＲＹ０既二打六、廢物、性無能，佢老母串撚到呀，佢真係以為自己好撚有料，仆佢個街，係咁指指點點我們，說實在，唔係介意你叫我地做０野，你老母０的死人態度囂張氣焰，不可一世，直頭可以用司祺姐０既「未登天子位，先置殺人刀」來形容，「渣住雞毛當令箭」！！開頭都算撚數，搬０下０野，跟住我已經好撚唔妥，一點鐘０的攤位開始，我地分散晒每人企係一個總會到ＫＩＮＤ，仆街，我真係覺得好撚ＫＩＮＤ囉，平時係０的ＩＶＥ仔企係到，而家我地企係到，條臭撚係到行來行去扮睇場，我屌你老母，遊蕩呢０的０野我做開嫁喎一向，仆街！跟住一點幾０個時我０岩０岩搬完０野俾人，佢仲同我講：「你企邊到嫁？快０的番埋去，快快快！」我快你老母呀，我知你夠快，你早洩嫁麻，陷家產你話。都算喇，以上０既事都算喇，真係的，我講真的，都算！

之後我行左埋去一陣，成個棒球總會勁多人，根本我就唔需要出現，不過都係意料中事，康文署係咁嫁啦。原本離０既時候就話剩係負責蓋印仔俾０的小朋友，好啦，我去到已經有兩個人係到蓋，我都坐係隔離，跟住條臭撚見到我坐佢即刻叫我去幫手排隊，但係０個時毛都冇條，算！！跟住我見到細ＣＡＲ係隔離，我諗住行去阿盈到問０下我個袋係邊，跟住再搵細ＣＡＲ傾兩個。你老味，我一行出去咋，我真係一行出去咋！！！條臭能就行過離問我去邊，跟住我話去隔離搵個同學，之後佢話

臭撚：「你負責企呢到嫁喎。」
ＭＥ：「我去隔離搵一搵個同學。」
臭撚：「你走左呢到少左個人喎。」
ＭＥ：「大把人喎呢到。」
臭撚：「你要負責幫０的人排隊喎！」
ＭＥ：「一個人都冇喎而家！」
ＭＥ：「你點稱呼呀？！！你邊位呀！！？」
臭撚：「我叫ＧＡＲＹ！」
ＭＥ：「ＧＡＲＹ呀？！你咩ＰＯＳＴ呀？ＨＥＬＰＥＲ　ＬＥＡＤＥＲ呀？」
臭撚：「．．．．．．（唔知佢講嘜撚，應該唔敢ＣＬＡＩＭ係）」
ＭＥ：「你係咪ＨＥＬＰＥＲ　ＬＥＡＤＥＲ呀＠！！！」
臭撚：「係．．．．．．．我係呢到０既ＯＲＧＡＮＩＺＥＲ！」
ＭＥ：「ＯＲＧＡＮＩＺＥＲ？！咁又點呀？！我做ＨＥＬＰＥＲ多過你啦，洗唔洗你教我呀
　　　　而家，呢到個個總會我都有師兄師姐，係咪傾兩句都唔得呀！！！」

之後佢仲講唔知咩少左個人，我冇理佢走左，我真係好嬲好嬲，佢又係唔俾阿信坐，叫佢幫手排隊。我真係好嬲，之後佢再冇行過來我到，我好嬲，一來真係好撚無癮，二來根本唔係咁樣的，痴撚線，佢真係食屎大。你真係當自己係咩呀？你識唔識咩叫做禮貌呀？你嘜撚０野態度呀，興過火屎呀真係。之後我完全冇撚理過佢，我真係好想打七佢老母！！！三點半完結之後開始執０野，佢冇咁氣焰，因為我們團結起來，佢應該知道我地屌尻佢。我思疑佢開頭佢當我地係ＩＶＥ仔，呢０的咁０既撚樣真係食撚屎，之後搬０野時佢客氣番少少，但係咁又點？我就係唔撚妥佢，我同阿信推０的鐵柱，我地係個Ａ點拎左去Ｂ點放低，跟住再去Ａ點拎，再放係Ｂ點，因為我根本唔知原來要拎去Ｃ點，跟住佢過來話：

「其實可以直接推到去個Ｃ點，跟住先番去Ａ點拎，咁就唔洗搬上搬落，不過唔緊要啦，你地自己決定啦。」其實佢呢個建議係好的，但係我地一致認為就因為佢提出，所以我們唔遵從，跟住我就大聲同阿信講：「是但啦！！！！我地自己搬０者麻！！！」，唔知條撚樣係咪拗底，跟住都有幫手推！！！

跟住女方又有一個西婆，今日唔知行咩衰運，勁多西人，大佬話０個條西婆係臭撚０既黨羽，我地搬鐵柱，女人就摺旗，０個條死肥西，塊面又好似泥菩薩咁，對波但又好大，我望多一陣都好想嘔！！！佢就咁坐係到，佢真係以為自己係慈禧，一樣咁樣衰。之後ＡＮＧＥＬ唔撚妥，就同０個個ＧＡＲＹ噓鬼，之後條臭撚都有叫西婆摺旗。如是者話說其實仲有十幾個工作人員，０個０的就真係ＩＶＥ仔，咁佢地０的袋就分別放左係兩個箱到，咁其實我一早就知最後全部人都會去ＣＯＮＦＥＲＥＮＣＥ　ＲＯＯＭ到出糧，填ＦＯＲＭ，點解？經驗囉呢０的咪，係臭撚和肥西缺少０既０野。於是我地就諗住推晒兩箱０野入去啦，我地先拎左一箱上車，期間０個個肥西一腳將另一箱踢埋去ＣＨＡＩＲ到，佢話要自己看管。咁好啦，你咁撚串，我就推架車過去，指住車上０個箱，我問：

「你個袋係咪係到？！」（因為如果佢話係，我會立刻叫佢拎走），誰不知佢話冇，跟住
我問：「你０個箱０的袋係咪你０的ＦＲＩＥＮＤ的？」
佢發我圍：「我係呢到唔識任何人嫁喎？！！」
佢以為咁樣賴皮就大到我，佢真係好天真，肥西即係肥西，波大冇腦，我伸手一指就屌埋去：
「你一個人都唔識咁你ＫＥＥＰ住晒人地０的袋做咩！！！！！！？」，佢即刻語結，我們絕對勝利，但係我都係唔知佢講咩，一個人舌戰輸左通常都會語無倫次，我剩係聽到佢話佢係到看住０的袋，咁其實個問題係，你話你一個人都唔識，咁你看咩袋呀？做賊呀！！！！！？

之後我都係唔妥，咁我推完自己０個箱之後，我就故意問個臭撚，我話：「一陣間係咪係ＣＯＮＦＥＲＥＮＣＥ　ＲＯＯＭ到出糧填０野？（其實佢唔知的，佢好唔ＦＩＲＭ）」我係佢未答之前就話：「因為我諗住拎晒大家０的袋入去」，佢即刻話：「好好」，佢中計喇！！！！

之後我番轉頭，我同個西婆講：「你個袋係咪係呢到？請你拎番住，因為我要拎晒呢０的袋入去！」，跟住佢死氣氣咁拎住自己個袋，然後我就推住其他人０既袋入去，最好笑０既就係佢一路跟住後面同樣地係行入去ＣＯＮＦＥＲＥＮＣＥ　ＲＯＯＭ！！！仆街！！！！！！！！
！！！！！！！！！！！！！！！！！！！！！！！！！！！！！！！！！！！！！！！之後出糧，人地個Ｍ君和Ａ２都識做啦，十幾廿人佢俾晒ＦＯＲＭ我地先，跟住快手出錢俾我地第一批走，痴撚線，我真係火呀。我真係唔係想話自己好ＰＲＯ好有經驗，亦都唔係想話讀ＤＥＧＲＥＥ係勁過你ＩＶＥ仔（雖然呢個係事實），我唔滿意係佢個死人態度０者，ＥＶＥＮ我地都唔會咁撚尻咁點人地做０野啦，你憑咩呀？！？知唔撚知成個康文署有幾撚多Ａ２係我地０的人呀仆街，Ａ１都開始有喇，你老母我決定去應徵Ａ２！

好撚火呀！！！好後悔呀！！！！！早知佢網總搵家寶好過離呢到呀！！！！我今日最懷念兩個人，一個係阿安，一個係ＣＥＳＡＲ，因為都係無賴族族長，咁樣一定屌撚到班仆街化蝶！我真係好撚嬲今日！！！

Ｐ．Ｓ．今日我女朋友係街到暈左，跟住入左醫院，不過無咩事好快出院，佢話可能係天氣太熱所以暈。都叫左唔好太掛住我嫁啦，掛到暈左了～買番支小顏福偉俾佢旁０下身先。

燥呀！！！噴火呀！！！呀！！！！！呀！！！！！呀！！！！！！！呀！！！！！！！

>>May 13, 2007 at 5:22:29 PM GMT+8

2007 年 5 月 10 日 星期四 【晴】

臨近小學考試，我教０既教亦都相繼步入尾聲。呢排成日都要寫成績表，一班十幾人，最撚慘就係寫０的評語同埋俾ＧＲＡＤＥ，就算幾頑皮０既學生都唔可以俾Ｃ．．．．以免傷害佢地咁話．．．．頂．．．算啦，反正都只不過係少少的興趣班，亂俾，最煩０既就係要寫評語．．．．勁官腔囉，咩天資聰敏，不資不俗，勤奮上進，不過我作左句勁０野，「有可造之才，無振奮之志」，型呀！！

今朝八點起身，跟住出左去天平，雖然今日最後一堂，不過唔記得帶禮物．．失策！唯有死地地答應佢地下星期再派，每人額外多一份，多十份都得啦，又唔係我０既，我都中飽私囊左唔少野，呵呵！～～

教完之後十點鐘走人，去左成記買車仔面番屋企食，近期愛上成記車仔面，料夠足，價錢平，唔錯。番到屋企食完之後超ＨＥＡ做跳舞份ＲＥＰＯＲＴ，然後唔小心訓左半小時，之後睇完午間新聞打ＷＩＮＮＩＮＧ。今日都市閒情請左大細契，阿歡和阿欣上去訪問。陳法拉完全係假大空囉，雷聲大雨點少，我完全唔覺得佢有咩咁索，樣又唔靚，條又瘦又黑，到底社會的審美標準出現左咩問題？之後關菊英演唱主題曲，自從之前０個套郭晉安、佘詩曼、阿姐做０個套０野之後，我都幾鐘意聽關菊英唱歌，因為佢真係識唱，把聲都幾好聽，誰不知佢今日竟然咪咀，你老味佢首歌第一句我就聽得出唔係ＬＩＶＥ，同電視一撚模樣，佢又夾口形夾得差，嘩，好失望！！

之後打打０下機有條女叫ＢＯＮＮＩＥ打離，佢話係ＤＯＣＴＯＲ　ＬＡＵ叫佢搵我分享ＤＩＳＮＥＹ心得，你老母三年來就送三架私家車俾我，而家有事就識搵我，陷你個家祥，不過算，反正又唔係第一次，０岩０岩番０個時都試過，加上１８號我都要考試，咁就順便分享一下。收左線之後發覺唔對路．．．．．同ＰＥＲＭ０的人咪講過一次囉．．．．．又講？．．．．之後先知原來今次係全敕去ＤＩＳＮＥＹ０的人．．．．．．．．．仆街了．．．．．好撚多人啦一定，有０的拗底ＴＩＭ．．．．

打左成個下午機，跟住四點鐘出左去食ＴＥＡ，食完之後係上水遊蕩，吹左陣水番屋企。番左屋企休息一陣之後又再出去幫黑炭買貓糧，黑炭原來不經不覺係老貓，七歲或以上，要食低脂低蛋白的貓糧．．．．點解冇啦啦會變左老貓嫁．．．講起黑炭，就諗番起琴晚，話說０的貓要俾０野佢地抓，舊０個塊佢已經抓到爛晒，阿ＭＡＹ就買左塊靚０野，絨毛俾佢抓，而我就咁拎左塊爛紙皮俾佢，誰不知佢超鐘意張爛紙皮，ＳＨＯＷ都唔ＳＨＯＷ塊絨０野，全晚訓左係塊紙皮到，細個流浪漢咁！！

夜晚食完飯睇溏心，常在心真係好撚戇尻，又蠢又煩，我都有０的唔妥佢，邊有女人咁撚七戇尻，成尻日係到發顛，唔知仲以為佢更年期．．．．．不過最驚訝的係鍾嘉欣原來係表弟係溫哥華０的校友．．．．．不過都唔出奇，０個時表妹本校刊都有ＥＤＩＳＯＮ個光頭ＫＩＮＤ樣，超好笑～

夜晚睇完一生為奴之後，冇啦啦話以後轉去星期六日先播，我屌呀，邊有得咁樣播播下調時間嫁，完全唔尊重觀眾呀！！！抗議呀！！！即係叫人唔好睇０者，星期六日下午先做，頂呀！


明天０９３０－１１３０到荃灣，１２１５－１３３０到青衣

>>May 12, 2007 at 3:36:39 PM GMT+8

2007 年 5 月 8 日 星期二 【晴】

琴晚訓得唔係咁好，今朝六點幾就醒左一醒，之後再番訓到十一點起身。琴晚話九點至一點將會冇水，雖然次次都係吹水，不過今次係真的，起身之後真係冇水，好彩漏夜入定兩大樽水，起碼可以刷牙，然後痾左篤屎，我發覺如果自己係大約十一點半前起身的話，一定會痾早屎，如果係十二點後的話，咁篤屎會唔知點解自己消失，要等到食完ｌｕｎｃｈ先出現，真係好奇妙，點解人會急尿急到醒左，但係又唔會急屎急到醒左，到底屎和尿之間存在著甚麼樣的關係？

之後嘗試去溫習歌詞，因為下午要考試，但最後睇左十五分鐘ｎｏｔｅｓ毅然站起來開機打ｗｉｎｎｉｎｇ，溫條毛咩，阿ｓｉｒ都差０的講到明叫我地唔好溫，又ｏｐｅｎ　ｂｏｏｋ，逢係ｏｐｅｎ　ｂｏｏｋ０既測驗都一定係唔洗溫嫁啦，於是打機打到四點鐘出發。開始考試時拎晒０的ｎｏｔｅｓ，有０的人仲借左０的書入去，唔好戅撚尻啦，你搵得離都唔夠時間做啦，我做完份卷都唔基乎冇睇過一張ｎｏｔｅｓ，０的人拎晒０的０野入去都唔知做嘜春，不過好耐未試過可以做足兩個鐘頭，又咁少人早走，之後派番份報告有Ｂ，掂檔，Ｂ－夠喇呢科。

考完之後去左沙田會合女友，去左南山谷食韓國食物。叫左兩個石頭飯，一個炒粉絲和一個海鮮燒餅，ＴＯＴＡＬ＄２５４，好撚貴，不過好撚飽，算係有餐飽飯食。食完之後行到九點四十分去睇蜘蛛俠３。坐後面個阿叔一家大細離睇，帶埋兩個女，睇到半路，佢勁叫個女唔好訓，佢都有病，帶個豆丁去睇西片，仲要兩個幾鐘咁長，唔訓有鬼啦，冇撚病，又係到戅尻大聲講０野，冇啦啦話：「呢個人仲未死嫁咩？！？」，佢咁撚戅尻我唔知點解仲會有不少人係到笑囉，俾反應佢囉，０的人係唔撚係ＫＩＮＤ嫁，ＢＵＬＬ　ＳＨＩＴ！！！！不過整套ＳＰＩＤＥＲＭＡＮ都算唔錯０既，又係ＮＥＷ　ＹＯＲＫ拍，有少少似曾相識的感覺。

睇完戲之後番屋企，星期六上午接到新工作，好忙碌，九點三十分至十一點三十分要去荃灣教班，跟住十二點十五要去到青衣，仲話可以打的ＣＡＭ錢，ＮＩＣＥ！！！三粒鐘已經相等於做一日ＨＥＬＰＥＲ，所以我星期六放棄左小型網球。跟住星期日原本做小網，但係最後決定去石硤尾做，因為有ＭＡＧ哥、大佬和ＡＮＧＥＬ等地，可以玩得開心０的。

>>May 9, 2007 at 6:02:46 PM GMT+8

2007 年 5 月 6 日 星期日 【晴】

今日八點鐘起身要去教班，今堂係記憶法的最後一堂，按傳統要大派禮物。全班有１５個人，原本我袋禮物係預埋晒俾其他班的，不過俾佢地輪姦晒，算啦，反正都唔洗我出錢買，番去公司要拎過，有０的筆和橡皮膠都幾靚。教完班之後我代收左由學校出的支票，有＄１０３８０，１６堂有＄１０３８０，每堂即是大約＄６８ｘ，減番我０既人工，即係話每堂剩袋＄５６ｘ，一個ｃｏｕｒｓｅ即係賺八千幾，其實都幾好搵。跟住去左創興銀行入票，點解呢恆生匯豐、渣打以外０既銀行都好似好殘舊咁，個門口好似好靚，入到就好似０的押舖咁．．．．

跟住和女友去左上水廣場ｄｅｌｉｆｒａｎｃｅ食早餐，之後番屋企睇溏心。我真係好撚想打撚爆細契，真係好撚憎佢，成個潑婦咁，不撚知所謂，真係好黑人憎呀！！！！！！之後一點鐘訓左一陣教，然後三點鐘和細鮑出左去健美。首先係祿食下午茶，真係好撚憎０的食店成撚日呃錢，係咪大碗０的會清盤呀，有時我真係覺得好過份囉，越係出名０既就越離譜，最慘又唔係好食過人，不撚知所謂，去茶餐廳冇咁嬲呀真係！！！食完之後健美，好撚憎其中一個廢柴健身教練，又唔係大咪過人、又唔係做得耐，仲要得０個廿歲，係到扮撚晒叉燒，佢剩係鐘意睇人做，跟住就話人錯，然後講一大輪官腔，跟住就迫人地買堂，其他人都唔會咁樣，最後知道左佢係ｃａｌｉｆｏｒｎｉａ轉過來的就知咩事．．．．真係想打七佢。

做完ｇｙｍ之後番屋企，由於今日早左做ｇｙｍ，於是係上水兜左個圈，結果撞到阿玖，自從佢調左去旺角番工都好少見，於是相約晚飯後其聚。食完飯之後睇溏心風暴，終於睇到ｌｉｖｅ了，今集大媽超級型，簡直係大快人心，個顛婆好撚樣衰，正一食屎狗，廢物都不如。夜晚落左樓下飲酒，行左去條高速公路隔音板下面坐，一路食芝士波，別有一番風味。

>>May 8, 2007 at 4:24:09 AM GMT+8

2007 年 5 月 4 日 星期五 【晴】

琴日係第一日的考試，基本上冇溫過書，但係都算得得地，因為只不過是一個ｃｒｅｄｉｔ的ｄａｎｃｅ。考試之前番左去又一城ｄｏｕｂｌｅ－ｐａｒｋ買０野，買左兩頂帽加一件ｔｅｅ，全部都係Ｘ－ＬＡＲＧＥ　ＣＲＯＳＳＯＶＥＲ　ＦＩＮＧＥＲＣＯＸＸ的特別版，不過我只佔一頂帽，其他都係表弟的。（３９９＋３５９＋３５９）ｘ　０．７＝＄７８１。買完之後先恐怖，三樣０野分別用一個鬼練咁大０既膠箱裝住．．．．只不過係買左兩頂帽加一件ｔｅｅ，但係都拎到我死死下，再加上落雨，真係好狼狽。

兩星期轉眼就過去，表弟和姨丈咁就走左，屋企又回復寧靜，不過好快又會再熱鬧過，因為五月尾到阿姨和表妹番來，到時仲噪，因為阿姨太多０野講了。等我考埋試，安頓晒０的０野都考慮下過溫哥華住番一頭半個月先。今朝十點鐘起身，跟住就沖涼換衫去青衣教班。我發覺我唔係好識盈虧問題呢個ｔｏｐｉｃ，攪到有少少不知所措。教完之後又番番上水，跟住去左新街市食食物，食完之後即刻肚痛兼痾屎水，所以我發誓唔會再去的。話說琴日考試前我就用部ｐｄａ篤計數機諗住評估０下今個ｓｅｍ０既ｇｐａ，誰不知篤篤０下支筆斷左，你話幾咁大吉利是呢．．．．所以要買過支，但係周圍都冇，頂，扭支ＮＤＳ孖竇兄弟筆算數。

今日睇ｍｏｎｄａｙ見到ｎｉｋｅ　ｃｒｏｓｓｏｖｅｒ　變形金鋼，真係超酷，＄７９９一對表面上係ｎｉｋｅ的波鞋，有埋鞋盒裝，但其實一隻可以變柯柏文，一隻可以變麥嘉登，超型呀真係，不過＄７９９太貴喇．．．．．如果＄５００我都買，以前細個玩０的玩具而家全部變晒古董，升價十倍。番到屋企睇溏心，越來越鍾意大鮑，真係好好笑，不過就好撚憎舅父波，係咪所有舅父都係咁衰嫁呢？

話說數日前司徒立中收到入境ＩＡ的信話可以去面試，咁即係話ＩＯ都差唔多係時候。咁我今日出去的時候就望一望個信箱，真係有封信，但係又冇ＫＥＹ開，剩係見到係香港政府公函，唯有等夜晚先睇啦。跟住去左做ＧＹＭ，今日有少少眼訓，所以剩係少鍛鍊胸和手臀，然後就番屋企。近來體重徘徊在１３３－１３８ＬＢＳ，我諗係呢排食得飯少，加上又焗得太多，身體冇咩水份，都係一件好事。

番到屋企終於見到封信，諗住係嫁啦，誰不知又係康文署０的仆街陷家產，都唔撚知佢呢排做嘜撚０野成撚日寄埋０的糧單０既物體來，煩撚到仆街，無撚聊聊，空歡喜一場，ＳＨＩＴ！不過之後睇番ＦＯＲＵＭ，原來都仲未開始寄ＩＯ信，頂，不過我諗都快嫁喇，ＩＡ　８／５開始就ＦＩＴＮＥＳＳ－ＴＥＳＴ，緊張！～！～

夜晚有好餸食，有大眼雞、蟹、沙嗲串燒和苦瓜排骨，講起個苦字，就諗起「甜的吃，苦的也吃」，我覺得好有意思，好顯淺，但係意思可以好深遠。明天又要做小網，又要早起，不過算，反正星期日係我至憎的一日，因為屋企太多人，又冇電視睇，番工搵０下錢好過ＬＵ～







>>May 5, 2007 at 4:07:35 PM GMT+8

2007 年 4 月 30 日 星期一 【晴】

今朝八點起身，然後梳洗出發去海洋公園。首先去左沙田會合家組個ｆｒｉｅｎｄ，然後食左個大快活，之後就係沙田直接搭巴士去到海洋公園門口。雖然今日係勞動節，但係唔算太多人。入到去之後首先坐欖車上去山上機動城，跟住玩左個垃圾過山車ｗａｒｍ－ｕｐ一下，之後就玩海盜船。今日終於克服左海盜船的陰影，我已經變得天下無敵，不過都係好驚，但係就係因為驚先好玩，唔驚玩離做咩。之後玩跳樓機，略厭太快，嚴格來說係來唔切驚就玩完，不過都算唔錯，相比聖誕０個時同女友去，多人到咩都冇得玩。玩完跳樓機去左睇個狗仔教室，好廢，０的狗做埋０的廢表演，雖然好得意，但係真係唔到囉。跟住去左玩越礦飛ｂａｒ，我幾鐘意玩呢個，亦都係上次來唯一玩到０既機動遊戲。不過玩海盜船玩上癮，坐最後玩真係唔同０的，但係唔明白點解向前衝去先有離心力，向後衝沒有。

玩完飛ｂａｒ之後就玩太空摩天輪，轉撚到頭都暈埋，跟住玩滑浪飛船，好差囉，太短喇衝落離０個到，仲短過ｄｉｓｎｅｙ０個條，唔合格呀，不過回想番個跳樓機真係幾好玩，好玩過ｕｎｉｖｅｒｓａｌ　０個個，向下０既時候真係有少少ｓｋｙ　ｄｉｖｉｎｇ０既感覺，雖然未玩過。玩完飛船濕撚晒去玩多次海盜船，跟住就去睇海威劇場。０的海豚又做埋０的廢表演，點解全世界０既表演都好似一尻樣？係咪呢０的就係動物的極限？

睇完之後落番去山下，諗住坐氫氣球，但係已經截左隊，之後影左０的相就走人。首先搭巴士番去沙田，然後上左去ｄｏｕｂｌｅ－ｐａｒｋ睇０野，之前睇ｍｏｎｄａｙ見到０的Ｘ　ｌａｒｇｅ　ｃｒｏｓｓ－ｏｖｅｒ　ｆｉｎｇｅｒｃｏｘｘ　帽和ｔｅｅ幾型，不過幾貴，於是叫呂沅樺幫忙，但係表弟星期六就要走，唔知趕唔趕得切買到，邊有話新貨要七日後先可以拎到ｓｔａｆｆ咁尻嫁，都未聽過的。跟住仲有ｌｅｖｉｓ隻錶，叫左ｊｏｅｊｏｅ幫手買，之前已經買左條ｃｏｐｐｅｒ獎勵自己連日來的ｈｅｌｐｅｒ工作，我又要買番件ｃｒｏｓｓ－ｏｖｅｒ先，攬住一大堆錢係冇用０既，又帶唔到落棺材，廢時死人俾０的仔女爭家產，好似鮑鮑咁。

之後番到上水，由朝早十點幾食完個大快活到夜晚九點幾都未食過０野，頂。跟住係上水行左陣，去左ｂｏａｒｄｗａｙ攪攪我部機，唔知ｃｌｉｃｋ錯咩ｂｕｔｔｏｎ，攪到個桌面冇左０的０野，好煩，但係又冇人識整。打算換部ｄｏｐｏｄ８１０，正呀，影相又靚，又有ｇｐｓ，又快過而家呢部，唔錯唔錯，不過未夠一年就換機好似有點兒過份。之後表弟話買左條鍊送俾阿ｍａｙ．．．．．佢居然去左ｉｃｅ買．．．．．．．ｏｈ　ｍｙ　ｇｏｄ，實在太天意弄人，最吊鬼就係行行０下見到江敏婷，佢先知原來佢係我表弟，算啦，世是豈能盡如人意，人生變幻無常，一切也是緣。

之後九點九先去海港食食物，老豆老母和姨丈、姑丈今日去左ｍａｃａｕ，所以咁夜先食食物，我唔明白點解次次去都唔買豬肉乾番來，成日買埋０的廢０野．．．ｓｈｉｔ！！今晚歐聯，好矛盾，中立０既感覺好差，車仔同利物浦邊隊贏都冇咩所謂，但係又想聽晚最聯贏，不過如果曼聯一贏決賽就一定係英超ｖｓ英超，咁就好悶了．．．．

明天回校看醫生＋影印，跟住要做ｇｙｍ，今個ｗｅｅｋ實在太懶散了。



>>May 1, 2007 at 6:21:39 PM GMT+8

2007 年 4 月 29 日 星期日 【晴】

連續做左幾日ｈｅｌｐｅｒ，個人真係累得要命，因為真係太早起身了。今個星期做左四日ｈｅｌｐｅｒ，ｈｅａ係我系ｈｅｌｐｅｒ０既本色，但係我真係感到終極一ｈｅａ。每次跟住安仔都有意外收獲，第一日星期五都叫做有少少０野做，ｓｅｔ左少少０野同埋幾廿條友一齊貼膠紙，但係大部份時間都係係會議室休息。星期六我覺得唔可以接受，原本星期六我去唔到因為１２１５－１３３０要去青衣補習，但係阿安話照去．．．．．星期六原本七點鐘要去到石硤尾運動場，但係我遲左半個鐘，不過大把人遲過我。之後十一點鐘我離開去青衣補習，之後補完習食埋飯先番去，番到去都三點鐘。但係番到去見到０的手足係到訓緊教．．．．．早知就遲０的先番．．．．．．．我真係想像唔到點解做ｈｅｌｐｅｒ會做到咁樣。不過唔需要有任何內疚之心，因為唔係我地唔做０野，而係根本冇０野俾我地做，我地０既存在只不過係幫康文署浪費公帑。星期日八點半去到官涌體育館做小型網球，其實都係好ｈｅａ，不過唔可以離開，同埋ｋｅｅｐ住要做少少０野，雖然係好ｈｅａ，但係起碼有少少存在感，我諗之前兩日０既ｈｅｌｐｅｒ唔可以用ｈｅａ來形容，要昇華到另一個層次，最頂隱就係要即時出糧．．真係夫復何求？不過可能有報應，呢個ｗｅｅｋ病得好辛苦，喉嚨由發炎痛變為腫痛，而家又有少少咳，但係又好似好番咁．．．．想番學校睇醫生，但係又唔洗番學，又唔想用＄１５０係樓下睇醫生，咁「辛苦」做ｈｅｌｐｅｒ０的錢就拎左去睇醫生真係唔抵。今日終於可以訓餐飽，多點休息就係康復的捷徑。

琴晚去左屯門超級漁港打邊爐，師姐闔家都係到，真係巧合。聽日要同表弟去海洋公園玩，可惜睇唔到樂樂和盈盈，但係聽日係五一黃金周，應該會多人到仆街．．．．．

>>April 30, 2007 at 3:52:41 PM GMT+8