2007 年 6 月 19 日 星期二 【晴】

琴晚好似俾人廢左武功咁，夜晚訓教雖然開左冷氣，但係個人仲不斷出汗，我諗我係輕度高溫症，之後要開埋風扇先得。今朝訓醒之後好番好多，其實前幾日做ｇｙｍ時鍛鍊下身，之後第二日已經勁痛，但係照去踢波。不過今日起身好番好多，可能係琴日踢完跑帶走晒０的乳酸。今日起身之後，我決定去泳池曬太陽，原本諗住自己去，不過最後都有個又係悶到抽根０既ｒａｙ　ｆｕｎｇ一齊去。學生價＄８．．．．．唉．．．仆街喇，過多幾個月就唔可以再學生價，最大問題係搭ｍｔｒ．．．．出一出老銅仲慘過去羅湖．．．唉．．．．點算？？？？

曬左兩個鐘頭到走人，琴日加埋今日我０既膚色已經變番古銅，好野！！～！！游完之後去左食車仔面，跟住番屋企睇火影。我為左同我志同道合的人分享，我將我ｄｏｗｎｌｏａｄ下來的珍藏放係ｓｈａｒｅ　ｆｉｌｅ和ｍａｇ哥分享。之後一路無聊到七點幾，阿ｍａｙ回來派信，我收到入境主任ｅｘｔｅｎｄｅｄ　ｉｎｔｅｒｖｉｅｗ的信，我無之前收到ｐａｓｓ左筆試咁開心，因為我ｅｘｐｅｃｔｅｄ的，我其實真係好有信心ｐａｓｓ　ｆｉｒｓｔ－ｉｎ的，因為我真係覺得自己好好，所以有點意料之內。而家目標就係有得ＦＩＮＡＬ－ＩＮ，ＥＸＴＥＮＥＤ　ＩＮＴＥＲＶＩＥＷ係三個最難的一關，我知道自己好大機會會卻步，但係都唔緊要，最重要係我發揮出自己所有力量就可以了。我一直相信，只要有實力就一定做到，不過我知道現階段未夠。

夜晚十點先食飯，約左潘ＳＩＲ去陳六記食食物，又飲啤酒，吹下水，之後見到ＢＯＢＢＹ，佢話阿基下星期一結婚．．．．．．．．．．．．．第四個．．．．我第四個ＦＲＩＥＮＤ結婚，全撚部奉子承婚．．．．．．．．唉．．．又一個受害的新生命，我都唔明點解唔落左去，諗清楚啦，生出離唔代表係負責任嫁，你對個小朋友係咪負責任？一男一女根本仲未定性就做父母，只會禍及下一代，再加上拍左拖又唔係好耐，咪遲早離婚，剩係叫你拍幾年拖都冇可能啦而家，更何況要娶個老婆一生一世？到時離婚咪又係害人害己．．．唉．．好多人以為生出離就係負責任，諗清楚「責任」０既定義再講啦。

夜晚番到屋企約人去沙灘，原本好地地約左下星期二，跟住呢個又話要ＩＮＴＥＲＶＩＥＷ，星期三我又要ＩＮＴＥＲＶＩＥＷ，咁好啦，咪星期一囉，你老味個天都唔知係咪玩０野，星期二原來係ＲＡＩＮ，星期三係ＳＴＯＲＭ，星期一係ＳＵＮ＋ＲＡＩＮ，咁即係點呀？！？游個水０早！！！俾下面好喎！！！！！！！！

>>June 20, 2007 at 5:14:59 PM GMT+8

2007 年 6 月 18 日 星期一 【晴】

今朝一早去左划龍舟，下午又和肥華、阿狗、成熙等地去左踢波，曬左全日，而家唔係咁舒服，行路和就坐都好痛，仲有０的肚瀉．．．．．放０的屁係有少少液體狀，仲係超撚臭．．．今次大鑊了．．．．







>>June 19, 2007 at 2:50:32 PM GMT+8

2007 年 6 月 15 日 星期五 【晴】

始終我都係唔夠個天玩，話說琴晚去食自助餐時，阿姨見到女友ｐｒａｙｉｎｇ，咁就出事了。結果就一拍即合，其實表妹一早就講過話想番教會，不過佢係話要去英文教會，所以基本上我係冇隱瞞到的，但係始終唔夠個天玩，結果終於都出事。原本表妹跟埋去就冇問題０既，但係．．．．我都要一齊去，因為我要照顧佢．．．結果，聽日又要番去教會，估唔到都有呢一日，原來真係唔夠個天玩的，我認輸了。

今日十一點鐘起身，跟住同阿姨、表妹、假姑姐去左探阿婆，其實我覺得應該去多０的探佢，我真係好不考，佢日日都只可以訓係張床到，其實真係好悶，有時候我唔係黑心，我覺得如果可以俾佢無痛苦咁離開呢個世界，或者對佢係一件好事。不過可能呢個只係我一廂情願０既想法，做人最忌就係將自己０既想法強加別人身上，雖然好多時我地都會認為自己是對的。

探完阿婆之後就再和家姐、表姐ｘ２、表哥個女、姨丈、姨媽飲茶，因為阿姨聽日先番溫哥華，所以今日特別多人來。不得不提係０個個只得兩歲半０既０靚妹，佢把口勁到真係諗都諗唔到，超級老積，講０的０野完全唔係一個兩歲半０既人講，而家０的小朋友真係越來越恐怖。飲完茶之後去左５ｃｍ和ｄｏｕｂｌｅ　ｐａｒｋ，表弟打長途番來叫阿姨幫佢買ｖ領衫，結果又要我出馬。買左三件，一件係我自己的，ｙｅａｈ！～！～ｐｒｅ－ｓａｌｅ完之後０的０野幾抵買，５ｃｍ呢期０的便服我幾ｌｉｋｅ，簡簡單單ｖ領一件又易襯，最重要係又唔貴，而家唔洗用ｉｔ　ｃａｒｄ都可享有之前ｐｒｅ－ｓａｌｅ的優惠。

買完０野之後去左健美，其實呢個星期日日番工，我終於明白原來放工之後做ｇｙｍ真係幾難，以前我成日話司徒臘腸賴皮，又唔係番地盤，點會累呀？原來精神的累都會影響到ｐｈｙｓｉｃａｌ的表現．．．．因此今日我要鍛鍊一下。不過今日做ｇｙｍ時的重點全部都係最後的一ｐａｒｔ，其實我已經留意左一個人好耐，我依稀記得呢個男人係師兄來的，因為我記得有一次做ｈｅｌｐｅｒ時講起，我地話個個師兄都變晒０的阿叔阿伯咁，呢個師兄仲ｏｋ型都幾少有，所以我幾有印象。最後經我鼓起勇氣走問之際果然如此，相認之下原來佢真係係ｐｅｒｍ群組成日出ｐｏｓｔ關於Ａ２的阿ＴＩＭ，之前打過電話諗住問佢０野，但係冇人聽。之後唔洗講緊係勁索料啦，其實睇佢０的ＰＯＳＴ已經知道佢同我係同一類人，結果真人交談果然不謀而合，英雄所見略同，打倒ＩＶＥ西＠！＠！打倒副學士撚樣！！～！～我地讀三年ＤＥＧＲＥＥ又係做Ａ２，你讀個副學士和ＩＶＥ又係做Ａ２，而家仲會加到成萬八蚊，番朝九晚五，一星期五日，你地受唔受得起呀？小心爆升管死呀，其實係一種恥辱離嫁對於我地而言，體育及康樂管理系成立時原先目的係ＳＰＥＣＩＦＩＣ　ＦＯＲ　Ａ２嫁（　ＱＵＴＯＥＤ　ＢＹ　ＴＩＭ），之後先有咁多０個０的嘍囉出離，佢好語重心長咁同我講左好多往年的數據，最可悲就係我地讀ＰＥＲＭ去ＩＮ優勢並唔見好多囉，其實我地係有壓倒性優勢的，不過ＩＮＴＥＲＶＩＥＷ時就個個都係一張白紙，奉勸各位ＩＮＴＥＲＶＩＥＷ時放下門第思想，千萬唔好講出一０的類似以為自己係ＰＥＲＭ就好撚勁咁上下０既０野，否則只會自取滅亡。之後佢分享左少少叫做ｔｉｐｓ，不過其實我覺得面試真係好緊要，因為講真就算ｉｖｅ仔佢都講０野方面可能好好，所以得左都唔奇，好慶幸我都算係一個口齒伶俐，能言善辯的人。

做完ＧＹＭ之後番上水，ＣＫＬ係樓下擺ＲＯＡＤ　ＳＨＯＷ，我又要做百老匯的簡碟落去買單。其實真係好ＣＯＭＰＬＩＣＡＴＥＤ，簡單０的講，平時買Ｐｒｏｄｕｃｔ時總會係可以減一二百蚊，但係其實係有ｌｉｍｉｔ的，假如一件ｐｒｏｄｕｃｔ只可以減＄１００，但某０的公司為左搶客減＄２００，咁佢就違規，因此如果我買到呢０的違規０既單，再俾番百老匯，咁佢地就會ｃｏｍｐｌａｉｎ，之後有咩ｐｕｎｉｓｈｍｅｎｔ就不得而知，不過最後都唔成功，因為我發現人地有便衣ｓａｌｅｓ係到，可能我０既行動已經被人一早悉破．．．

夜晚番到屋企，約番０的預科同學玩，我問阿ｒａｙ幾時番大陸，佢即係苦問一句：「點解我身邊０的人個個都話番大陸，講唔夠兩句就話番大陸，係咪痴線嫁？！」，之後我就回答，因為地域問題，跟住政府調查顯示，北上濫藥的青少年全都主要集中在北區、大埔、元朗、天水圍一帶。之後隔左一陣．．．．另一個唔關事的ｆｒｉｅｎｄ叫我今晚番大陸．．．．．．我不禁笑了一聲，真係好攪０野，０個頭問完人，呢頭又俾人問，完全應驗晒。之後最恐怖係我話聽朝要番教會．．．．佢係咁問我邊間、邊到．．．．佢話之前佢個個星期日都去．．．．我有０的驚．．．．我講緊教會，唔係黑社會．．．．．唔好玩我啦．．．我都話唔夠你玩洛，老天！～！～

夜晚做火影忍者，我終於搵到知音人，佢就係ｍａｇ哥，當我同佢ｃｈａｔ緊ｍｓｎ，佢竟然話：「喂，我睇火影先」，嘩，０個一刻真係覺得耶穌顯靈，終於有人同我ｄｉｓｃｕｓｓ了，終於問到，「誰是你最喜歡的角色？」，強呀！！！！！！！！

不過呢幾日都有好多好多好巧合、但有好似冥冥之中有安排的遭遇。第一　ｉｎ　入境時佢問０個條題目　第二　好ｍａｄａｍ事件　第三　ｔｉｍ師兄事件　第四　安排ｂｕｆｆｅｔ

>>June 16, 2007 at 6:09:07 PM GMT+8

2007 年 6 月 13 日 星期三 【雨】

今朝六點半起身，懷著不安、浪蕩和忐忑的心情出發去警察總部。其實我真係好想做警察的，但係我又唔甘心未試過其他紀律部隊的幫辦就去做ｐｃ，今年如果我唔考，可能下年就唔會有咁多幫辦請人，ｐｃ可以隨時都考，所以呢排真係好ｃｏｎｆｕｅｓ，總要ｍａｄａｍ打電話來，因為八月班的限期快到，要交埋０的資料完成我份審查。去到金鐘地鐵站之後，我故意玩０野問地鐵職員借廁所，因為近日報紙好ｈｅａｔ批評地鐵冇廁所，而地鐵發言人又話歡迎乘客借用，我係到扮放蛇計時，足足等左三分鐘先有人來帶我去。去到廁所我就換西裝然後上去。

交晒０的資料後，我鼓起勇氣問ｍａｄａｍ係咪如果八月班我唔入，就會等於放棄左職位，下次就要重新考過，答案其實一早就知啦。跟住我就話有少少想讀個ｍａｓｔｅｒ先，佢出乎意料之外冇鬧我玩０野，仲同我傾計分析，之後講講下我都講埋話其實想做入境主任或者其他０既幫辦先，佢冇話我反而覺得我咁做係０岩，之但係我最想做係ｐｉ，佢話其實入邊個紀律部隊都冇關係，因為有好多現職０既人都係其他轉來警隊的，最多可能ｉｎｔｅｒｖｉｅｗ時俾人問多兩句，佢都話如果搏到其他的幫辦就做，之後再諗辦法考又好，轉又好，總可以做番警察的，ｉｆ我真係想做的話。佢仲好人到唔ｓｅｎｄ我個ｆｉｌｅ上去住，佢話原本可以今日就ｓｅｎｄ上去，不過佢俾多一個我考慮清楚先，佢叫我如果決定放棄的話就打俾佢，唔好等到人地叫我簽約先話唔做，我真係好多謝佢，好感激佢，我發覺自己成日出路遇貴人，明明個個考生都只會俾人係咁鬧和屌，我都預左俾佢屌到反艇．．．誰不知真係．．．係我醒定係我好彩，真係唔知。

見完之後，我終於知道咩叫做如釋重負，咩叫做放下心頭大石。之後就去太古工作。琴日唔知醒起身番工，所以礦工一天，其實真係幾ｆｅｅｌ，鐘意番幾點放幾點都得，番又得唔番又得～不過我覺得真係有少少０野學到，所以我都不怕山長水遠出去做。今日我終於完成左ｃｈｅｃｋ　ｓｔｏｃｋ０既工作，入好晒０的ｄａｔａ，我而家見到ｇｏｌｆ都怕．．．．不過呢排係咁接觸ｇｏｌｆ，發覺原來都唔係有錢人的專利，可以得閒去０下０的ｄｒｉｖｅ　ｒａｎｇｅ到玩下。係呢到做０野０既人來自世界各地，個個都可以用英文溝通，我都要講英文，不過好在就係當去到一０的位唔知點表達又可以用番中文，因為其實個個都識中文的～

今日做到六點半走人，原來做ｏｆｆｉｃｅ都會咁累，ｇｙｍ都唔想做，原來精神的累和肉體的累都有關係的，咁攪法我而家唔係ｐａｒｔ－ｔｉｍｅ，而家變左做ｔｅｍｐ，聽日又要番工，因為佢地有好多０野要人幫手做，我都好搶手的～夜晚係屋企食ｐｉｚｚａ，之後落左街拎左半打耳屎挖，原來耳屎挖呢樣０野看似平平無奇，但係當你想買的時候你都真係唔知係邊到可以買到，原來０的金舖係會有好多耳屎挖，我唔知點解會送耳屎挖俾０的客囉．．．．．．．

而家每晚九點十五分至九點四十五分都可以用大約五分鐘索０下學堂入面０既情況，其實都真係幾辛苦的，如果有學警出更咁開心就好喇，邊會有得同女仔講野呀？最攪笑係琴晚０個集話要叫家長一齊去審查，邊有嫁，小學見家長咩？好笑呀！！！

>>June 14, 2007 at 4:18:00 PM GMT+8

2007 年 6 月 11 日 星期一 【陰】

唉．．．琴日冇啦啦ｆｏｒｍａｔ左部ｐｐｃ，唔撚記得ｂａｃｋｕｐ０的電話，攪到冇撚晒，好撚悲，又要再逐個入番。呢幾日都要番工，好似又０的唔對路，日日都要番，係咪ｐａｒｔ－ｔｉｍｅ離嫁。琴日首先係到ｃｈｅｃｋ　ｓｔｏｃｋ入番晒落電腦，對左成半日ｇｏｌｆ桿，跟住下半晝去左灣仔到燙好０的衫今日俾ｍｏｄｅｌ影。今日十點鐘去到太古，之後十點半打的去左柴灣。如果冇記錯好似係第一次來柴灣．．．．完全唔明點解ｗｉｎｎｉｅ住柴灣囉．．．．有邊到可以住？全部都係工廠大廈．．．．．．

今日個男ｍｏｄｅｌ真係幾型，著晒０的衫勁似打ｇｏｌｆ０的ｐｒｏ友，不過條女真係有０的唔到，個屎忽大過我個胸．．．．．不過美國人ｂｕｙ呢類型，所以專登要搵個肥婆．．．
個ｓｔｕｄｉｏ其實來頭都唔少，見到好多猛人相，草猛演唱會、９０３拉闊，仲有勁多ｅｄｉｓｏｎ０的相，真係各行各業，各有出色．．．．唉．．．．呢幾日接觸到好多唔同０既行業、唔同人做唔同０既０野，發覺自己又變得好渺少．．．到底點先可以事業有成．．．成個ａｄｄｉｄａｓ入面０的人都係猛人．．．．做０既０野都好ｐｒｏ．．．．忽然覺得自己好廢。

今日影完相之後六點左右拎埋０的０野番太古，全日飲飲食食搭車一蚊都唔洗，大公司真係唔同０的，咩都可以ｃａｍ。六點半左右搭車番上水。番左幾日工又開始有番番工０既感覺，有少少唔想做０野，原來放假真係幾好ｆｅｅｌ的，不過人總需要工作．．．．但係而家真係好迷惘，我唔知自己想點，剩係知自己唔想點。番到上水八點鐘，去左海港食食物，不過好飽，因為五點鐘先食左個下午茶。原來番工唔可以隨意欲咁痾屎，真係好可憐，而家要兩日先可以痾一次，因為一過左個ｐｅｒｉｏｄ就唔會痾．．．唉．．．．．

ｅｓｔｈｅｒ妹妹入左去學堂受訓，同坐監冇咩分別．．．．頭一個星期訓得唔夠十個鐘．．．都算喇．．．．最慘係五日先痾到一次屎．．．．呢個先最大鑊，點頂呀大佬，０的阿ｓｉｒ又狂講粗口屌尻人．．．不過我又唔怕辛苦０既，但係．．．．．諗諗下都係讀多年先算，一係讀ｍａｓｔｅｒ，一係讀ｅｄｕｃａｔｉｏｎ，不過唔知仲有冇得報，點解畢業之後個感覺好似咁空虛咁。

近來電視賣廣告，ｏａｓｉｓ去溫哥華＄３０００！～不過只係ｆｏｒ　ｏｖｅｒ　５０歲，屌，仲以為咁正ｔｉｍ，即刻同阿姨一齊飛走呀～！ｋａｒｙ出左新碟，越來越鐘意ｋａｒｙ，不過今次隻碟冇上次咁正，上次０個隻真係好掂～

聽日又要番．．．．番埋聽日要放假呀！！！！抗議呀要！！！



「我欲乘風歸去，又恐瓊樓玉宇，高處不勝寒。」

>>June 12, 2007 at 4:16:03 PM GMT+8

2007 年 6 月 7 日 星期四 【雨】

前晚半夜睇英格蘭vs愛沙尼亞，我為０既係捧碧咸場。由佢出道至到早陣子，我都一路都唔妥佢，因為我覺得佢好廢，剩係識得射罰球、斬波，去埋皇馬仲越來越廢，但偏偏就越搵越多錢。但係近來真係越離越鐘意佢，完全感覺到佢０個份熱誠和體育精神，結果佢以完美的演出證明自己的實力，年過三十的他再次踏上足球生涯的第二春。下半場兩腳招牌式長傳俾高治和３６８日都未入過波０既奧雲，碧咸真係好型，第一次覺得佢咁型。

今朝七點幾就死起身，因為要去太古ａｄｄｉｄａｓ到做０野，託競哥０既鴻福，呢排可以有０的世藝，雖然太古城真係幾遠。九點半去到ａｄｄｉｄａｓ０既ｏｆｆｉｃｅ，雖然做過唔少工，但係寫字樓都係第一次。我０既工作其實只係入０下資料，執０下０的貨板咁上下，今日睇到０的０８年０既運動裝，ｃｕｔ晒０的圖片整本刊，可惜呢到只係負責ｇｏｌｆ，如果係ｓｏｃｃｅｒ就正啦！！
今日都係跟住個ＪＯＥＹ做野，原來佢之前係ＬＥＶＩＳ到做左１１年，紅透一時０既ＴＹＰＥ　１，佢都有份攪，我終於明白左少少呢０的０既運作，點解同係ＬＥＶＩＳ，有０的款某０的地區有，某０的地方冇，如果就有賴呢０的人係背後將自己想要０既０野話俾０的ＤＥＳＩＧＮＥＲ知，跟住等佢地設計０的板，最後滿意就推出市場，都幾好玩，仲要攪宣傳和ＦＵＮＣＴＩＯＮ，之前ＭＣ仁同城城幫ＬＥＶＩＳ做ＭＯＤＥＬＳ都係佢攪，勁呀！！！

做到六點鐘收工，搭地鐵勁多人，之後係尖東豪搭頭等番上水，我都唔明香港人係咪咁有錢呀？連頭等都要同人搶，仲要迫到好似普通車廂咁，痴線嫁０的人！肯定有好多人搏大霧，咁又係０既，咁繁忙０既時間，都唔會有人ＣＨＥＣＫ票啦！！番到上水今日要自己食食物，去左大家樂鋸排，我明明冇加＄４飲組豆冰，但之後好狗咁拎完杯可樂埋位，隔一陣再行番出去話我係要紅豆冰唔係要可樂，結果佢超好人咁一０野換俾我～

食完之後番屋企，今日真係有０的累，番到屋企睇左幾集火影，正呀！！！阿姨和阿ＭＡＹ去左釣墨魚．．．．．落狗屎出海，你估你係我地咩？！！女友收到通知可以做空姐，正呀，買機票超平呀，可以周圍去了遲０的！唔知係咪未出ＧＰＡ，個感覺都好似仲未畢業咁，我都係時候要諗清楚自己繼續讀定還是搵份０野做好。如果唔早０的搵０野做，有番一兩年工作經驗，咁就掂都考唔到我想考０既０野，不過我又想一開波就做到多錢０既工作，真係人心不足蛇吞象，好煩，最好不過都係做Ａ２嫁喇，個躲又勁，經理喎～又多錢～！做番一兩年再考ＰＩ，成功機會一定大增！！

>>June 8, 2007 at 3:48:12 PM GMT+8

2007 年 6 月 5 日 星期二 【晴】

　　　　　　　「我要一步一步往上爬 等待陽光靜靜看著它的臉
　　　　　　　　小小的天 有大大的夢想 我有屬於我的天
　　　　　　　　流過的淚和汗 總有一天我有屬於我的天」



今日好滿意自己的面試表現，腦海中有一瞬間認為自己可以成功，雖然機會很渺茫，但仍要繼續努力，一步一步往上爬，加油！！



我要不惜一切往上爬，因為只有站在權力的最高峰，才能改變有問題的世界。




　　　　　　　　

>>June 6, 2007 at 3:45:41 PM GMT+8

2007 年 5 月 31 日 星期四 【晴】

有時候個天真係鐘意玩０野，原本今個星期一約好晒去海灘，誰不知落個狗屎，算啦，香港天氣係咁差嫁啦。誰不知今個星期日日都陽光普照，你老味，仲要個太陽鬼死咁靚，個天鬼死咁藍，都唔知幾耐冇見過個藍天，小朋友終於可以知道天空是藍色的。天文台仲話今個星期香港的空氣質素比以往好好多，原因係上星期又風又雨，吹走晒０的原浮粒子，不過下星期又會變番污濁。琴晚阿姨和表妹番左離，我去左接機，等左成粒鐘先見到，最後佢地話住機人０的行李都冇晒．．．．．冇錯，係全機冇晒．．．．．．．有冇咁誇呀大哥，全機０的行李冇晒？ｓｈｉｔ！！算，仲好，唔洗我拎，機場０的人會送上門～

成個星期都訓到日上三竿，今朝要九半番到學校影相，真係攞我命三千。又要拎晒０的西裝番去，雖然今日熱，但係有少少美國ｆｅｅｌ，因為熱得來有風，又唔算好濕，正呀！！！！！
今日著起件袍，冇咩特別感覺，又話畢業會好開心０既？？最後買左兩張團體照，一張正經一張ｆｕｎｎｙ，加一張個人照，和一張團體個人照，合共＄１９８。其實之前女友已經叫我唔好係到買去影樓買嫁喇，不過我都中左招，唉．．．．我廢事煩麻！！

今日影相影到尾０既時候發生左一段小插曲，其實都唔算小嫁喇，大學三年都算大鑊嫁喇，勢估唔到最後會咁０既收場。事原上星期遊船河開始，話說當日落晒狗屎，又風又雨，講堅，前幾日我已經知道咁０既天氣，已經打過俾ｙｅａｒ　１要求改期，但最後都不得要領，原先我都打算唔去嫁喇，不過最後ａｎｇｅｌ、大佬、阿沛０個０的都話去，事實上大部份人都去，加上我又俾左錢，咁咪一齊去。今日影相０既時候０的ｙｅａｒ　１就離收番０個日冇去遊船河又未俾錢０既人０的錢啦，其實都收得七七八八，阿鈞阿洋０個０的一早都俾左，不過ＣＥＳＡＲ賴死唔肯，之後繼續影左一陣間。０的ｙｅａｒ　１妹妹仔又可以點，但係阿釗好型咁一０野就俾左。其實我地一早就想幫下口叫佢地俾錢，不過冇用，ｃｅａｓａｒ真係實在太賴皮，其實個個人都知道，唔俾錢０既人係睇ｃｅａｓａｒ頭０既０者，ｃｅａｓａｒ肯俾跟住佢地咪又死氣氣咁俾。

但係好可惜，ｃｅａｓａｒ最後都唔肯俾，我０岩０岩拎完錢番離，跟住同阿沛排緊隊俾錢買相，一路排都好言相勸叫佢地俾錢，之後阿沛越講越大聲，突然變超級撒亞人３，勁惡咁鬧ｃｅｓａｒ，類似話佢冇品、ｃｈｅａｐ、賴皮、為左百幾蚊冇晒人格咁上下（事後證實其實係所有人的心聲），我企係佢隔離都打左個突，之後我封印呢個失控０既人，我都好唔認同ｃｅａｓａｒ０既行為，我好認真咁同佢講：「你唔好俾，你唔好俾，你覺得自己唔應該俾你就唔好俾」，好左兩三次，好似係咁上下，唔係好記得。其間阿沛都有大罵肥華，跟住肥華即刻話：「我都冇話唔俾，你做咩鬧我」，類似係咁啦，跟住阿沛就同佢ｓａｙ　ｓｏｒｒｙ。不過我想講，其實肥華都係諗住唔俾，佢係阿沛發火之前都仲話：「點為之約定呀？！」咁上下啦都係，唔記得左，ｗｉｎｎｉｅ都話聽到，不過算，係呢個時侯我無謂火上加油，既然佢都話俾，都叫做一條好漢０既。其實我覺得ｃｅａｓａｒ好傻，擺到明個個唔想俾都唔出聲，得佢自己係到撐，人地話就剩係話佢衰，肥豬、震西都唔俾都冇出過聲，雖然佢地有個理由，我都唔係好知係咩。其實去船河當日我都覺阿ｍａｙ和家怡好衰，但最後知道原來阿ｍａｙ根本冇報到名，張紙都冇佢個名，所以我即時擁抱道歉！而家怡今日都係冇名的，所以我地都怪錯左佢。

之後阿沛降溫之後我同ｃｅａｓａｒ講，佢呢類人同佢鬥罵只會潑婦罵街，呢到唔係上水，呢到唔係心誠，再講，我都真係唔識得同相熟０既人鬧交，所以諗住動之以情，說之以理。佢同我講：「你說服到我我咪俾囉！」呢句係原錄，我冇理佢，我真係覺得好好笑，如果有一日再有機會同佢食飯，佢會唔會賴皮到同講伙計講：「你說服到我我咪埋單囉！」，你自己叫嫁喎０的０野食，「我叫０者，我冇話俾錢呀，我肚餓要食０野，０岩呀！！」。之後我問家怡，我當住ｃｅａｓａｒ同埋唔記得仲有邊０的人係隔離，我問家怡：「你覺得佢應唔應該俾呀？」，佢唔出聲，ｃｅａｓａｒ賴皮唔受歡迎其實都係公開０既秘密，家怡同ｃｅａｓａｒ咩關係我唔知，但係人都知佢地ｆｒｉｅｎｄ，佢地越來越ｆｒｉｅｎｄ，家怡就越來越似ｃｅａｓａｒ，我開頭以為只係我個人主觀感覺，但事實並非如此。我追問唔係要難為佢，因為０個一刻我真係好想知道孟子係＜告子上＞入面話人如生俱來０既四善端，仁義禮智，「是非之心，人皆有之．．．．是非之心，智也。」到底仲係唔係到，好慶幸，佢最後都話：「應該．．．．．」，ｃｅａｓａｒ即刻話：「多人話應該就應該嫁喇？！」，講得冇錯，仲非常之好ｔｉｍ，就算全宇宙０既人講０既０野都未必係０岩，以前全世界０的人都以為係天圓地方，唔知哥倫布定麥哲倫證實地球係圓，型呀！～所以只有兩個可能，一係全部人都係錯，二就係ｃｅａｓａｒ一個０岩。跟住最後家怡暗地裡幫ｃｅａｓａｒ俾左＄１６０。為左區區＄１６０，攪到咁，最後一日，姑勿論誰是誰非，值得咩，仲將人地個水晶球紀念品扔爛，的確係幾型０既，雖然我見唔到，但係其他人唔出聲唔代表認同囉，而家又唔係街市，唔係個個都識得潑婦罵街，ａｎｙｗａｙ我都覺得阿沛好有ｇｕｔ，好可能係佢個季節性孖咀的特殊技能。

之後去左聯福飲茶，成廿條友去飲茶，聯福唔知點解簡開左，攪到唔夠位，被迫ｇａｒｙ哥佢地走左。之後食左成幾個鐘，話晒都叫做最後一餐，點都要傾多０的，ｐｌａｎ左好多０野玩，但最後全部都唔成團，頂，鑊鑊都係咁。之後超累番左屋企睇番琴日集溏心風暴，因為今晚大結局。我真係覺得個溏心夜宴不知所謂，其實根據經驗所得，大結局永遠都唔好睇的，結果果然如我所料，細契變好變得太快了，現實又點會係咁，就好似ｃｅａｓａｒ一定唔會番到屋企諗清諗楚之後覺得自己唔０岩。

今日０的消息好快就傳開晒，咩叫做好事不出門，醜事傳千里呀？０的師兄弟姊姊都知道晒。龍仔話知道左，佢ｔｈｘ阿沛．．．．．仲有．．．．我．．．佢話我地好好人．．．．．其實個個都好好人，敢怒不敢言０者。我就唔好人喇，阿沛好人０的０既其實，我唔係的。如果我冇俾到錢又冇去的話，可能我都想側側膊唔多覺，不過如果今日咁０既情況我會俾囉。其實我冇ｐｅｒｍ堂，佢地見唔到我拎錢的，不過有咁０岩得咁ｑ係條街到撞到正，兜口兜面問埋離，冇理由賴皮０者，咁就俾左ｌｕ～其實船河前一晚阿沛都有諗過唔去，但係佢已經話到明唔去到會俾錢，唔會因為＄１６０冇左人格，呢句０野堅係船河前一晚講的，估唔到今日可以引用番。

雖然Ｃｅａｓａｒ一向都好多人唔鐘意，但其實我都唔係好憎佢，縱然佢前年因為大佬爆左佢秘密係ｌｏｕｎｇｅ到發晒顛扔晒０野，差０的要殺左大佬，不過大佬唔守秘密係唔０岩，縱然上年佢係我門口用粗口怒屌ａｎｇｅｌ，但之後都肯認錯，我都覺得接受到，雖然佢反應有問題，但佢都算係受害者，不過今次，我真的覺得他有點討厭了。






有一句名言好貼題的，諗左我成日都諗唔到，ｓｅａｒｃｈ到我眼都盲，最後係ｙａｈｏｏ知識到問，希望搵到，我明明記得有的。

>>June 1, 2007 at 6:21:23 PM GMT+8

2007 年 5 月 28 日 星期一 【晴】

琴日朝早考完入境體能，順利過關，但係有兩個男仔廢物居然肥左，我真係好想知道佢地係咩構造，女仔就有成一半人唔見左，好０野，希望ｆｏｕｌ撚晒０的女人，唔洗阻手阻腳。夜晚去左健美，呢排開始跑番步，目的係要燃燒脂肪，因為我要鍛鍊出完美的腹肌。今朝起身周身骨痛，又係過度運動的後遺症，真係麻煩。起身之後睇番琴日集溏心，ａｌｆｒｅｄ咁樣就瓜左，真係唔明白，我發覺資歷淺０既演員當中，林峰同鍾嘉欣係比較特出，相反歡仔真係好撚食屎，成個廢物咁，一０的都唔識做戲，阿ｇｉｌ之前睇阿旺新傳覺得佢幾好，但係呢套都好差。自從ａｌｆｒｅｄ寫日記之後，係ｆｏｒｕｍ都見到好多人話要跟風，真係好撚戇尻，不過其實我以前都有諗過ｐｒｉｎｔ番每日的日記出離，但係屋企冇ｐｒｉｎｔｅｒ，如果唔係我都會咁做，話晒網上的虛擬儲存都唔係咁穩陣。

下午兩點半有人上來整熱水爐，我著住條老孖來迎接佢，順便一展我完美的曲線兇０下佢。之後原來係０的水喉俾雜物塞左，跟本就唔關個熱水爐事，白白浪費左＄６５，不過唔洗我出，算數！～之後和女友出左去食食物，佢今日去完空姐ｂｏｄｙ　ｃｈｅｃｋ，我一直都存疑，男人驗尿可以隊條０野落個樽到痾，咁女人可以點樣瞄準呢？？？食完之後番屋企再煲火影忍者。睇左廿幾集粵語之後冇啦啦又講日文，０的字幕０的名同粵語又唔同，渦卷鳴門又變左漩渦鳴人，好唔習慣呀！！！！

今日其實係屋企真係幾悶，如果琴日好似今日咁好天就好啦，可以去左沙灘玩。之後係屋企無所事事就準備一下面試，下個星期三就要去面試，一定要好好睇睇，就算衰都要係因為人地太厲害而唔係我弱，不過琴日體能見到０的人真係好撚ｋｉｎｄ又七，我唔覺得佢地係醒目囉。最好笑係琴日測體能時見到平時係ｐｈｙｓｉｃａｌ做ｇｙｍ條友，佢咁撚大咪又高估唔到原來做入境～！

夜晚七點左右落左街尻遊，首先去左馬會馬左＄１０六合彩，之後去報紙檔搵金魚軒吹水，睇下０的雜誌，識佢咁耐佢都仲係睇報紙檔，佢唔係諗住一世都做報販麻？不過都好０既，得閒拎０的雜誌漫畫睇下，跟住第日俾番佢～然後又飲左碗廿四味，每日飲一碗廿四味，我諗一世都唔會病～跟住上左去商務睇下０的ａ－ｌｅｖｅｌ　ｐａｓｔ　ｐａｐｅｒ　０的ｇｒｏｕｐ　ｄｉｓｃｕｓｓｉｏｎ，唔知點解而家睇番覺得好似俾當年容易，咁當然啦，大學畢業喇喎，唔通仲屎過０的中七仔咩？！跟住冇啦啦又撞到潘ｓｉｒ，真係好鬼巧合，我好日都唔會去商務，仲要係呢個平時健美０既時間，仲要係今日無所事事出來尻遊，偏偏就俾我見到佢，有時０的０野真係整定的。無獨有偶，０個時差唔多八點，佢老婆八點半先補完習，跟住就捉左我去食０野飲兩杯。我一直以為我自己係上水識好多，行出行入都可以搵到個人打招呼，但我發覺一山還有一山高，上至西裝友，下至初中生，行左小小的一段路，由商務到陳六記，足足有５個人跟佢寒暄。其實我今晚係無飯食的，所以真係冥冥之中有主宰，然後又講左一大輪人生的意義，就好似打三國誌修練完畢之後，智力度又上昇。兩個人飲左兩支獅威其實唔係好多，不過塊面又紅過關公，九點幾條街咁多人我都唔敢行大路番屋企，唯有抄小路番家。

番到屋企又俾阿ｍａｙ屌，佢每次見到我變關公都屌，因為佢以為我又劈完，其實佢唔知我只係小酌。之後睇溏心風暴，唔錯唔錯，唐心出左世，不過唔知點解ｇｉｌ遲０的會變左壞人，仲有幾集就大結局了～好緊張呀～夜晚又睇火影忍者，真係好好同呢～跟住見到四眼文和李展等地上網，佢地終於去到奧蘭多了，真係話咁快就一年了，好快好快，我有種感覺覺得自己都仲係０個到，ｔｒｅｅ　ｈｏｕｓｅ都有埋ｉｎｔｅｒｎｅｔ，ｍａｇ哥如果遲一年先去就好了，希望佢地都有一段美好的回憶。


　　　　　　　　　　　　　　　　　風聲雨聲讀書聲聲聲入耳，
　　　　　　　　　　　　　　　　　
　　　　　　　　　　　　　　　　　國事家事天下事事事關心。

>>May 29, 2007 at 6:23:35 PM GMT+8

2007 年 5 月 24 日 星期四 【晴】

今日訓到差唔多一點先起身，原本打算今日０既行程就係先去葵興拎支票出一出糧，跟住左殺落銅鑼灣ｓｏｇｏ睇０下有冇筍０野買，跟住再番番入沙田健美。結果三個計劃全部泡湯。首先去葵興，屎忽癢打去問陳小姐有冇巴士可以直接到達，結果問問０下佢話唔洗我專登出來，話聽日叫李生拎去青衣俾我，第一個計劃泡湯。之後搭火車去九龍塘再轉去老銅，行左一陣ｓｏｇｏ又係廢０既，０的仆街百貨公司成撚日話大減價，其實永遠都係吹水呃人，０個０的咁０既ｌｅｖｉｓ咩低至五折，間間ｌｅｖｉｓ都有啦，好耐ｔｉｍ啦，全部都係倉底貨。跟住０個０的咩ｐｏｌｏ又係吹晒水，０的ｐｏｌｏ　ｔｅｅ得０個九折，食屎啦，仲以為有幾抵，真係冇癮，跟住又番番去沙田，浪費晒我０的時間和車費。

之後係沙田行左一陣，又想買０野，不過最後都忍手，走左上去做ｇｙｍ。唔知係咪太晏起身，個人好冇精神，做做０下冇晒ｍｏｏｄ就走左。今日原本行程好緊密，但最後全部都失敗，激死。番到屋企之後見到ＩＴ又寄０野來有ＰＲＥ－ＳＡＬＥ，好彩頭先冇買到０野０者～聽日出去掃先，我都覺得奇怪嫁喇，今日睇０的０野全部都貼晒貼紙一個個圈咁，原來２６號先開始，如果今日買左就真係七撚強喇。好耐之前已經ＤＯＷＮＬＯＡＤ左百幾集火影忍者，但係都未得閒睇，電視機已經播左好多，所以呢兩日開始喪煲，又真係幾好睇，唔錯唔錯～

夜晚睇溏心，真係好想打爆細契，佢０個副死人得戚樣真係令人作嘔，鮑鮑又廢，佢真係好廢，但係佢臨尾發惡好撚型，型到爆！！！０個０的咁０既親家真係食屎大，發錢狂到不知所謂，唔知呢個世界係唔係真係有０的咁０既人存在呢？！如果遇上都唔知點算。今日東張西望竟然話＜謎＞收線好好，係真唔係呀？我覺得好撚戇尻喎，自從麥田圈之後印象極差，而家都冇咩睇了，不過原來個謎女郎正正常常咁都真係得得地的。

勇敢的消防員殉職，生前可能做死一世消防員都升唔到職，死後唔洗一個月又咩最高榮譽又咩英勇勳章．．．．係咪要人死左先識得做呢０的０野離讚揚、離補償？其他未死０個０的就嘜尻都冇，係咪未死就唔英勇先？

>>May 25, 2007 at 3:25:52 PM GMT+8