2007 年 7 月 13 日 星期五 【清涼】

經過左兩日一夜的長州之旅後，個人都好似病病地咁，好冇精神，年紀大左，捱一晚夜都唔得。不過呢兩日天公做美，風和日麗，又曬到一身古銅色的肌膚，不過０的海水和沙比起大浪灣真係差好遠。呢排愛上燒烤活動，兩星期燒左兩次，我最鐘意開爐和加炭，睇住０的炭慢慢燒起來，個感覺真係好過癮。不過都係百佳０的炭精夠勁，一點就著。得到阿洋和阿婷的強勢加盟，令到我得缺少左咀先生的旅程都仍然有十人參與，近來愛上了玩ｋｉｌｌｅｒ，唔錯唔錯，不過０的粉皮成日殺死我實在無癮。

今日訓到十一點幾起身，琴晚有少少失眠。起身之後個人都係好累咁，之後司徒立中打電話來，佢終於都收到ＩＡ　ｖｅｔｔｉｎｇ信，佢顯得好開心，我諗如果最後我知道ｉｏ有得ｖｅｔｔｉｎｇ都會咁開心。唉．．．仲要等起碼一個月先知道結果，時間真係會令人淡忘所有０野，當日ｉｎ完之後我真係信心爆棚，但係一日一日咁等落去，不知不覺有一種好似衰左０既感覺，但係我又明明覺得係冇問題，算啦，暫且放低呢件事先，反正我都完成所有考核程序，接下來０既０野都唔到我控制，我都係時候可以去一去旅行了。我當初選擇唔去旅行住呢個決定係明智的。

前日ｍａｄａｍ打電話來，佢知道我有得ｆｉｎａｌ－ｉｎ，都知道我會放棄ｐｃ仔的職位，跟住仲祝我前程似錦，希望我會考到ＰＩ，我真係好感激呢位咁好人的ＭＡＤＡＭ，我更加希望我放棄ＰＣ仔呢個決定係冇錯，一定冇錯的，相信自己！！雖然學警出更大左結局，但我希望自己有得參與入境出更～

下午食完食物之後係屋企打左陣機，跟住就出去做ＧＹＭ，其實都知自己冇態做ＧＹＭ，不過我志在去焗下沖個涼。之後想買０的ＴＥＥ，真係諗住是但買件著，因為覺得自己冇衫襯短褲，不過去到ＤＯＵＢＬＥ－ＰＡＲＫ真係買唔落手．．．．都唔靚０既，都係１９號睇完哈利波波去銅鑼灣買０個件黑色迷彩ＡＰＥ，＄５８０當獎勵一下自己麻，反正呢期出左０的糧都冇咩買過０野。

番左屋企之後食粥，因為我今日想清一清腸胃，加上舌頭生左粒野好痛。唔知係咪晒得太強，呢兩日０的皮膚都係好熱的。今日天氣報告話係全年最熱一日，上水更錄得３６度！！！我都唔覺０既？？？～可能我係屋企開住冷氣喇掛～～不過今日睇電視有笑料，日本有種新浸浴係以拉面為題材，０的人浸係個沿盤到，個盤係拉面碗，裡面就真係有晒拉面０的料和湯，超好笑，真係可以飲的。




將所有賭注都放晒落入境事務主任，又再一次有訓身的感覺，不過今次係為正義而訓，我想上天會眷顧的，一定會的！！！

>>July 14, 2007 at 3:57:26 PM GMT+8

2007 年 7 月 10 日 星期二 【晴】

終於完結了，今日終於完成埋最後的一關。老實說，我實在好滿意今日自己的表現。由我讀書到中學，由中學讀到去大學，都冇一刻覺得自己英文係勁，但係今日我真係覺得原來自己係可以咁強，加埋一向引以為傲的中文能力，我覺得我今日打贏左漂亮的一仗，ｉｎ左大約三十分鐘多少少，個感覺係好滿足，就好似剛剛ｆｉｒｓｔ－ｉｎ完一樣，完全沒有掛慮，我真心感恩。今日我入到好淡定，一０的都冇緊張到，因為我知道一切都要定，跟本就冇野可以ｐｒｅｐａｒｅ，佢問我好多政府問題，全部都係一０的俾意見０既問題，絕對係冇對與錯，我覺得自己不論表達能力和說話技巧都做得好好，最重要係最後０個段超必我諗已經攻陷左佢地０既心。雖然面對膊頭有幾粒花的大粒野，但其實都係普通人一個。

ｉｎ完之後好開心，周圍打電話報喜，唔知仲以為請左ｔｉｍ。不過姑勿論結果點樣都好，我覺得自己今日經已表現得好好好好，如果佢咁都唔請我，我只怪其他人比我更強，更好，咁我都輸得心服口服，不過我真係覺得呢個可能性好低，希望我真係可以成為紀律部隊的管理級，咁樣距離我的心願就真真正正咁拉近左一大部，加油呀阿騰！～！～

明天去ｃａｍｐ玩番一晚先，陽光與海灘正呀！！！詛咒梁沛恒爛咀，因為佢放飛機，咒咒咒咒咒咒咒咒咒咒咒咒咒咒咒咒咒咒咒咒咒咒咒咒咒～～～～



感恩

>>July 11, 2007 at 4:11:13 PM GMT+8

2007 年 7 月 9 日 星期一 【晴】

　　　　　　　　　無論明天如何都好，我經已很了不起了！加油！！！最後一關！









　　　　　　　　　　　　「最困難的時候，便是最接近成功的時候。」

>>July 10, 2007 at 4:14:24 PM GMT+8

2007 年 7 月 5 日 星期四 【晴】

　　　　　　　　　　　

　　　　　　　　　　　



　　　　　　　　　　　　我想相信　我做得對　想到人極疲累

　　　　　　　　　　我自信　有日如願　縱使天高地厚　仍被我逆轉

　　　　　　　　　　　假使　一生會沒了沒完　總有日會如願

　　　　　　　　　　　　　　　　　當結局未揭穿










＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>July 7, 2007 at 5:58:39 AM GMT+8

2007 年 7 月 3 日 星期二 【晴】

四年前，仲係讀緊中六定中七０既時候，好記得有一次歐聯賽事，我訓身千幾蚊買左一條三串一，當時已經過左兩關，只剩下ａｃ米蘭主場迎戰布魯日。當時ＡＣ贏０既賠率係１．２，我就係差呢一關，只要ＡＣ米蘭主場正路地贏波，咁我就可以贏千幾蚊，否則我一蚊都冇。就係呢個大家眾望所歸０既時候，ＡＣ米蘭最後大熱倒灶，輸左０：１，０個場波令我一無所有，我真真正正咁訓身，最後我真係一個仙都冇，唔上ＣＡＳＨ，連銀行都冇錢，０個次係我第一次訓身，亦都係最後一次，之後０個０的都只不過係假訓身。

今朝我迫自己十點半起身，但最後都係十一點先起到。起左身之後又好似前幾日咁徬徨地等下午三點，因為郵差叔叔會派信，但係已經失望左幾日。之後十二點幾一點左右，阿ＭＡＹ番左來，仲帶埋一大埋師奶兵團番來打麻雀．．．．．仲有一個叫我舅父的豆丁來左。一間豆腐咁細０既屋，已經有７個人一隻貓，我決定離開。我見天氣唔錯，於是去左泳池曬太陽。雖然學生證過左期，但係我都照當學生俾＄８入場。

入到去之後曬左唔夠十五分鐘，忽然間風雲變色，唔知道邊條粉皮集齊左七粒龍珠叫神龍出來，於是我就坐左係個ＣＯＶＥＲ下面避雨，我心想，０的雲好薄０者，好快冇事的。點知等等下越落越大，我望住０的雨無情地打落泳池水中，個心有一份莫名其妙的悲涼。於是等等０下訓著左。起身之後三點幾，個天好陰，雖然冇雨，我諗住四點鐘如果再冇太陽就走人，結果．．．．．１５：５７，千真萬確．．．．泳池顯示１５：５７，太陽就出來了。

「回首向來蕭瑟處，歸去，也無風雨也無晴。」

跟住我就係到曝曬，曬到夠晒皮走去副池游水，游游下有個０靚妹大叫：「黃ＳＩＲ～」，我頂，原來係之前育賢０個個０靚妹，感覺好尷尬．．．之後五點幾走人，去左沙田健美。由於明天要考救護體能，所以今日只係小做，推胸、手臂ＯＮＬＹ。做完之後七點幾番屋企。番到屋企我就走左去信箱睇信，我見到有一封信，不過我冇ＫＥＹ，但係我知道係入境處寄來的，跟住我番屋企拎ＫＥＹ，我個心好似飛左出離咁，係架升降機到不停打圈．．．．最後．．．我真係收到ＩＯ　ＦＩＮＡＬ－ＩＮＴＥＲＶＩＥＷ封信．．．．有少少喜出望外，０個一刻真係好想仰天長嘯！！！！！我竟然．．．真係．．．．可以．．．去到．．．．最後．．面試．．．．由最初一萬六千幾個考生考筆試，去到最後面試得番四五百人．．．我竟然會係其中一個．．．我擊敗左萬幾個大學生．．．．．我真係覺得好似發夢一樣。由筆試、體能、初步面試、延續面試．．．．．．．到呢個最後面試，我真係覺得自己超額完成。呢一刻心情好矛盾，一方面覺得自己去到ＦＩＮＡＬ已經係好好，另一方面又覺得咁難得離到呢一關，運氣又好，實力又好，差一步就可以成功，如果最後失敗又好唔抵。

係等待呢封信期間，我真係渡日如年，我答應左肥彭如果收到信會肩負籌備預科燒烤事宜、答應左阿狗和ＥＳＴＨＥＲ請佢地食飯、答應左請司徒立中食味千拉面、仲有．．．．答應左ＳＨＡＮＮＩＥ和女友星期日會番教會．．．．．．男子漢講得出就要做得到，所以我都會一一履行。之後我第一個打去報喜的是司徒立中，其實我都好想佢收到ＩＡ的ＶＥＴＴＩＮＧ信，不過佢仲未收到，之後我打俾女友、跟住係ＥＳＴＨＥＲ、然後係潘ＳＩＲ，跟住係肥彭、最後係ＡＮＧＥＬ，因為佢係Ａ字頭～　食完飯之後番屋企，潘ＳＩＲ打電話來，佢永遠都係我的天使，佢俾左個電話我，叫我打去搵呢個人，佢話係佢以前０的學生，做左ＩＯ五年有多，叫我打去問下有咩可以預備，睇下會大約問０的咩。呢個真係一個好好的消息，因為我對最後面試真係一籌莫展，ＴＨＸ！！！！！

四年之後，我諗我要再一次訓身，就係訓身去預備最後面試，我會用一個最愚蠢但又最直接和有效的方法去預備。明天就要收拾興奮的心情，因為仲有一關，最難的一關，所有人都絕非泛泛之輩。無論再精彩的一場世界杯或歐聯決賽，人們記得的只有勝利的一方，因此，如果最後考唔到的話，係ＦＩＮＡＬ－ＩＮＴＥＲＶＩＥＷ到衰和係筆試ＦＡＩＬ其實冇分別的。


今次都應該要多謝耶穌，喃嘸喃嘸喃嘸喃嘸喃嘸，唔係唔係，阿們阿們阿們阿們阿們先０岩～


「最困難的時候，便是最接近成功的時候。」

　　　　　　　　　　　　　　　　　　　　－－－　拿破崙

>>July 4, 2007 at 4:42:22 PM GMT+8

2007 年 7 月 1 日 星期日 【乍寒還暖】

........明天.............

>>July 2, 2007 at 4:58:03 PM GMT+8

2007 年 7 月 1 日 星期日 【乍寒還暖】

........明天.............

>>July 2, 2007 at 4:57:56 PM GMT+8

2007 年 6 月 28 日 星期四 【雨】

今朝十一點幾先起身，琴日辛勞左成日。今朝起身見到電視係到報導胡錦濤來港，曾蔭權頓時變左個跟班，好似隻狗咁跟住主人走，好不威風。０個班嘜嘜局長，麥麥署長全部變晒０的二打六咁排排企聽訓話，十足十小學生開早會咁，真係好鬼頂癮。但係我覺得最無聊就係去訪問嘜尻家庭，白痴都知道係ｓｅｔ定晒啦，又唔見佢離我屋企訪問我，我一定將我施針方針和理念話晒俾國家主席知，然後將擬定一張我心目中的三司十二局名單。政治遊戲就係咁複雜，不過國家的而且確係愛我們的，我最憎０既就係民主黨班撚樣成日係到抹黑中國大陸，胡亂狗吠咩普選，有冇見過上海人要普選？有冇見過北京人要普選？有冇見過廣州人要普選？市長全部都係中央任命嫁啦，香港只係中國的其中一個省（特別行政區）而已，攪攪下遲０的咪要獨立埋，醒未呀戇尻仔，呃到無知婦孺，呃唔到我的！

今日起身之後就係到睇ｆｏｒｕｍ，睇０下其他人０既ｉｎｔｅｒｖｉｅｗ表演，基本上個個都話覺得自己麻麻地，其實好認真咁講，除左有一兩個真係特別ｓｈａｒｐ之外，其他人都係好平均的，所以我都仲有一絲希望，論相貌，我應該比其他人優勝的～～雖然如此，但係我覺得原來要考到一個紀律部隊的管理級並不是遙不可及的事，但當然係有難度，現在先將目標放係海關督察，跟住就到消防隊長、救護主任，今次入境去唔到ｆｉｎａｌ－ｉｎ的話，海關要去到。海關去到ｆｉｎａｌ－ｉｎ衰左的話，消防、救謢都要成功！！加油，努力超人！～！
最終目標就係！！！！！！！！！！！！！！！！警務署長，唔係，係保安局局長先０岩～～

下午係屋企自炒公仔面，秘訣就係０的面千萬不可以滾到食得先拎佢炒，要以最快速度將０的面係熱水中攪散，然後拎番上來，咁０的面就會硬身，但係又分開晒。咁樣拎去炒就唔會痴底。不過唔知點解都唔好味，到底仲差０的咩呢？今日都市閒情教炒蟹，攪到我又想試，不過買隻蟹好貴，都係算數。跟住就打久違了的ｗｉｎｎｉｎｇ，近期愛上了聽林子祥的歌，佢獨特的唱腔真係好正，佢唔知點解可以唱到明明就離唔得，但係又會去到０個個音，沙得離好有ｓｔｙｌｅ，真係好正，特別係＜千憶個夜晚＞和＜海市蜃樓＞正呀！

之後去左健美，今日我赫然發現背部似番一個人０既背部，斜方肌和背闊肌差生了共鳴，不過仍然未夠。今日主要鍛鍊下身，因為下星期四要考救護體能，估唔到救護員做深蹲仲多個消防員一下，頂！！不過救護員我唔會做的就算考到都，我只係諗住今次ｐａｓｓ左體能，之後個救護主任就唔洗考體能，如果今次唔ｐａｓｓ，都仲有一次機會考，阿騰你果然有好好０既計劃。不過月尾０既消防員如果考到可以做，因為０時間上許可，假如考到的話，入班的時候都大約知道Ａ２和其他０野得唔得，如果有一樣得左固然好，但如果衰左都可以做消防員，最重要係ＴＲＡＩＮＩＮＧ期間都可以照考消防隊長，所以絕對係可行的。暫時訂立了我的前進路線圖。

做完ＧＹＭ之後係沙田行左一陣，跟住番屋企，然後再落街買０野食。呢排下巴附近不斷生０的「曇花瘡」，即係來得快，去得快０既暗瘡，真係唔知點解，玩咩！！！！！下星期要籌辦燒烤同樂日，七月三日又要睇變形金鋼，呢排唔知點解好多活動，雖然兩袖尻風，但係又唔覺得好悶，其實我諗到百年歸老，兒孫滿堂的時候，０個種生活同我而家０既生活應該相差不遠，咁到底生存為咩呢？就算我做左保安局局長，同我係街邊賣炸大腸，到七八十歲時，可能最想要０既，只係搵個老友去茶樓飲杯茶，食個包．．．．．．．．．．．


萬般皆下品　唯有讀書高

>>June 29, 2007 at 5:00:00 PM GMT+8

2007 年 6 月 26 日 星期二 【晴】

琴晚成晚訓唔著，為的就是今朝０既ｉｎｔｅｒｖｉｅｗ，其實都知道自己機會唔大，不過都秉承著盡人事，安天命的心態去做。今朝六點四十五分起床，跟住慢慢梳洗，然後就出發去屯門。昂首闊步踏入入境處總部，如果未開始就打定輸數咁就一定會失敗，所以自信心一定要有。今日分左兩部份，小組討論和即席演講，其實我一路擔心的都是後者。今日有１３個人一齊小組，題目係唔識解的，euthanasia (mercy killing)　should be legalised,我估到係安樂死，不過唔ｓｕｒｅ，所以唔敢第一講舉手，最後好彩冇錯到。頭一分鐘發言有少少未ｗａｒｍ－ｕｐ，不過之後我豁出去，就算我英文唔係好強，但係唔講野就一定仆街，所以老西都狂舉手，之後０既表現都算滿意。完左第一部份都成個鐘頭，跟住就係即席演講，仆佢個街，抽中個題目係「ｏｆｆ」．．．．．．．．．．．諗廿秒，跟住講三分鐘．．．．雖然都講到，但係感覺麻麻地，不過其他人都唔係話好好，不相伯仲，都係尻講。總括而言，我覺得有兩個男人係真係ｏｋ冇問題，應該可以過關，有兩個女仔就削少少，其他０個０的都好平均，因此我都係諗住隨遇而安，當然，如果兩個星期內收到信０既話固然係好啦。

考完之後就番屋企，跟住下午三點左右和表妹、女友再次去街，首先去左中環ｈ＆ｍ買０野，買左兩件衫仔，原來都好平，不過人地話ｈ＆ｍ即係美國佐丹奴。之後去左老銅行街，行到八點幾就去沙田南山谷食韓國野，好味道～今日真係好累，今次的ｅｘｔｅｎｄｅｄ　ｉｎｔｅｒｖｉｅｗ係一個好好好好的經驗，為我日後更多的考驗提供了寶貴的參考價值，如果有幸去到ｆｉｎａｌ－ｉｎｔｅｒｖｉｅｗ，我一定會出超必．．．．．終極一擊。

超累

>>June 27, 2007 at 3:45:44 PM GMT+8

2007 年 6 月 23 日 星期六 【晴】

前幾日和女友、表妹去左香港一日遊。首先去左山頂睇香港景色，時間較得剛剛好，因為五點左右去到，可以睇到日景，然後再參觀ｗａｘ　ｍｕｓｅｕｍ，影左好多相，不過＄１１０就貴左０的，不過算啦，反正自己又未去過，又可以帶表妹周圍行下。跟住七點幾天黑，可以睇夜景，雖然係星期五，但係好多人，一天黑勁撚多人，痴線！不過又真係幾靚０既，之後一路企係一對情侶後面，俾佢地擋住晒睇唔到，最後原來係細抆，真係好ｑ！～睇住之後冇坐覽車走，轉坐小巴去中環天星碼頭，跟住坐船去飽覽維港夜景，然後係海旁影左張相，＄２０，平左好多，生意難做，以前要成幾十蚊的。最後去左佐敦食日本０野。

今日係星期日，又要番教會．．．．看來呢個星期我都要番．．．．算啦，可能係天意，過埋８／７就冇事嫁喇。今日番到十二點左右我走先，表妹留底參與小組，因為我要去踢波。番到屋企電視播唐伯虎，好撚好笑，呢期星期日成日都播星爺０的戲～今日又和肥華、阿狗等地去左踢波，先去紅場，俾人ｂｏｏｋ撚晒，有時候真係覺得康文署都唔知點攪，星期六日其實唔應該俾人ｂｏｏｋ場啦，咁其他人唔識玩咩，俾晒０的團體ｂｏｏｋ場，佢地平日夜晚ｂｏｏｋ都算啦，星期六日０的人放假都ｂｏｏｋ，咁人地點做運動？足球場已經唔算多嫁啦！！！

之後去左聯和墟踢，今日原本好似好有力，但最後都係風燭殘年咁。踢到七點左右走人，要係聯和墟行番屋企真係想死，最諷刺係之後又要去番球場０個到食食物，番到屋企沖完涼又出過去食。明天的陽光沙灘同樂日，地利、人和都準備好，唯獨是天時有問題，睇左衛星雲圖，不過完全唔知聽日會唔會落雨，不過天文台都話得幾陣驟雨，就算唔係好猛太陽，都應該會好熱，希望如此，唯有掛個晴天公仔係窗啦～

夜晚收到女友的第一手消息，ｙｕｍｉｋｏ係溫哥華的新秀歌唱比賽直播中露點成分鐘，佢聽日肯定又上ｃ１頭條，有時候我覺得佢係有心囉，搏晒出位，邊有可能咁呀？！不過真係不得不慨嘆科技的發達。

希望馬英九可以選到總統，台灣０的人到底係唔係盲嫁？邊個係人邊個係鬼，一眼就睇得出啦！！！馬英九真係好好人，好清廉，但係佢缺乏一樣０野，就係唔夠奸！做貪官要奸，做清官要更奸，唔係點騎住０的奸人，佢講０野又唔夠ｃｈａｒｍ，佢冇ｈｉｔｌｅｒ、毛澤東、陳水西０個種ｓｐｅｅｃｈ　ｓｋｉｌｌ，不過都希望佢ｗｉｎ！　（施明德上年年尾仲好撚勁，而家唔知死左去邊）




>>June 24, 2007 at 4:29:03 PM GMT+8