2008 年 1 月 13 日 星期日 【乍雨乍晴】

更愛吳雨霏~

>>January 16, 2008 at 2:39:19 PM GMT+8

2008 年 1 月 11 日 星期五 【晴】

琴晚凌晨兩點幾，雖然我未訓教，但係唔知樓上定樓下發出噪音。我聽唔清楚佢地講咩，不過我知道應該係有班朋友去左某個人屋企玩，所以講野大聲左。我已經俾左好多次機會佢地，我係窗口殊佢地細聲０的，但不得要領，因此我打算報警，我最鐘意就係報警。不過今次我諗諗下又唔想玩差佬，應該測試一下樓下０的保安的效率。於是打左去管理處投訴，然後開住個閉露等個看更上來，大約十至十五分鐘，個看更先上來，跟住班傻仔就靜晒。再一次證明正義必勝，同我鬥？你地仲未夠班！！！我不死嫁！！

今日訓到十點幾十一點起身，前幾日阿ｍａｙ話潘健呂又上電視，之後我就幾經辛苦下載番星期二檔案，原來係講蘇華偉。回想起幾年前，係潘健呂屋企跟蘇華偉打ｗｉｎｎｉｎｇ，佢俾我個感覺真係好好，雖然佢身體有缺憾，但係反而令我對我更加憐愛，不過我唔應該有呢種諗法，因為咁樣變相就是有歧視的成份，應該要當佢係普通人一個。短短廿幾分鐘的星期二檔案，我邊睇邊熱淚盈眶，感受好深，見到好多熟悉的人。幾時都覺得，潘ｓｉｒ對我的影響是很深遠的。早幾日跟餿ｍａｓｔｅｒ傾開計，講起潘健呂，佢都讚不絕口，估唔到佢都ｋｉｎｄ唔晒，不過講真，的確是值得尊敬的。

今日下午再次上去警察總部，大大話話都上過來五六次，今次的目的很簡單，就是再戰ＰＩ。挾著ＣＲＥ中英ＬＥＶＥＬ２和能力傾向測試合格，加埋第一次考過的中文作文，今次只需要考番一科英文作文。今次只要英文合格，咁永遠再報ＰＩ都唔需要考筆試，加油！！雖然真係好難，不過作為一個健全的人，經已比其他人有更得天獨厚的優勢，如其不斷怨天怨地說難考，倒不如積極裝備自己！這邊廂３０號考筆試，那邊廂２２號考懲教主任的體能測試，其實２２號我真係唔可以請假，因為有野做，不過冇辦法，就算要裝病我都要去考，身在曹營心在漢，我永遠都不會甘心做一個教練，有時候金錢真的不是最重要，成就感、使命感來得更實在、更滿足，可能是因為我現在薪酬不俗吧。

去完金鐘之後番上水，今日唔知點解病病地，番到屋企訓左一陣教，原本今日相約了阿ＢＩ北上，誰不知又俾佢放飛機，以後要叫佢做飛機仔先得。跟住係屋企好撚悶，無線又做頒獎典禮，我經已對樂壇沒有留戀，覺得真係好假。這邊廂農夫可以拎組合金獎，那邊廂卻食白果，有時候真係覺得好無聊。之後出左去石湖墟機舖打機，玩龍珠，用斯路，居然打輸左俾支支，真係諷刺。之後打麻雀，仆街，玩左十蚊一舖都食唔到，ＳＨＩＴ！！之後十一點和ＣＬＵＢ　ＨＯＵＳＥ華去左強記食宵夜飲兩杯。就快要改口唔可以叫ＣＬＵＢ　ＨＯＵＳＥ華了，不過番六日真係好甘，想當日番百老匯真係有想死的感覺。







希望希拉里和小馬九都可以成功當上總統寶座。假如最後結果不是這樣，我真的不能接受。前者是從政三十五年的女性政治明星，最重要是背後有前總統兼丈夫克林頓的支持。克林頓創造了美國戰後經濟最強的七年，希拉里當總統，變相是買一送一，絕對是物超所值。後者矛人清廉正直的感覺，在台灣這個貪污腐敗的地方，假苦這次民進黨還能斧底抽薪，我對台灣人民感到絕對的失望，根本冇可能唔投馬英九、國民黨。除非台灣人全是瞎子。





任憑弱水三千，我只取一瓢飲

（就算河水有三千里長，水雖多，但解渴的話只需取一瓢。）

>>January 12, 2008 at 6:36:05 PM GMT+8

2008 年 1 月 4 日 星期五 【晴】

勸君莫惜金縷衣，勸君惜取少年時。
花開堪折直須折，莫待無花空折枝。



語譯:

勸你不要只憐惜那華麗的金縷衣，還是要多多珍惜眼前的青
春時光，花兒盛開到能折的時候，就不要猶豫地把它折下來，
別等到花謝了，才去攀折那空無一物的枝枒。

人應把握時光。青春一去不復返，應該好好把握，努力充實。
詩人以花作為譬喻，花兒盛開時，就要攀折，莫要等到花謝空
折枝，人生不也和花一樣嗎？錯過機會，就只有徒然悲傷。

>>January 5, 2008 at 4:30:17 PM GMT+8

2007 年 12 月 28 日 星期五 【颳風】

當一個人殺害或傷害另一個人時，總會有原因的。也許是因為對方欠債不還、也許是因為對方橫刀奪愛、也許是因為對方出言不遂，人總會因受到對方刺激而作出侵略性行為。基於這個定律，我終於明白，原來是因為小貓咪們借了人錢唔還、又或者係小貓咪們溝左人條女、抑或係小貓咪們行過人身旁唔小心撞到人冇ｓａｙ　ｓｏｒｒｙ就走，以招致殺生之禍。否則我唔知道小貓咪們到底做錯左０的咩，有人會如此心狼手辣、對手無寸鐵的小貓咪下手。中國內地雖然仍然有人吃貓肉和狗肉，但相比冷血狂魔的所作所為，我認為更顯得光明磊落。你要食佢地，所以要殺佢地，ｏｋ，接受，起碼叫做有動機，合情、合理、合法，我唔反對人食貓狗，因為如果這邊廂高呼不文明，那邊廂自己又大魚大肉吃雞牛鴨羊，是何等的諷刺？但問題是你為何要漫無目的地去殘害小動物？這是百思不得其解的事情，想不通．．．想不通。當各大報章和自願團體炮轟警方助視不理之際，我倒認為這是不合理的。小動物不會說話，發現動物屍體後，警方不可能確定其身份、不可能問牠身邊的朋友：「佢有冇仇家呀？有冇欠債呀？」，叫人點查？不過，我相信警方其實暗地裡已經展開行動，假如你係冷血狂魔，你見到軍裝行咇，你都唔會落手啦！！！暗地裡應該會有便衣做緊野０既，姑且俾多少少時間，天有眼的。
如果個天唔做野，咁唯有要我出手了。

今日九點去了白沙灣碼頭，跟住坐船入沙咀上歷奇教練班。今日爬個ｈｉｇｈ　ｅｖｅｎｔ時真係唔好講笑，有少少拗底，好撚高，不過好快就克服左，其實最驚都係跌下來，但當我真係跌下來時，我發現原來最正的也是跌下來的一刻。今日見到兩個ｐｅｒｍ人，一個係師弟阿蘇，另外一個係．．．．．哈利．．．．雖然只不過係爬左一次ｈｉｇｈ　ｅｖｅｎｔ，但都差唔多要成粒鐘，真係有少少累。


好好笑，人大投票．．．鑊鑊都係百幾票一致通過，一係就得一兩票棄權，超假，不過我鐘意。

>>December 29, 2007 at 4:03:17 PM GMT+8

2007 年 12 月 27 日 星期四 【晴】

當我剛才打了一大篇文章，未ｓａｖｅ之際，ＩＥ突然ｈａｎｇ左，我可以點？你教我，我可以點？原來去到一個位最無助的時候，我係連粗口都不能爆出口，啞忍．．．．．．默默地承受．．．．．．好無奈．．．太多意料之外．．．真係好撚野．．．．你好撚野！！！！




「便縱有千種風情，天與誰人說？」

>>December 28, 2007 at 4:47:53 PM GMT+8

2007 年 12 月 26 日 星期三 【晴】

東方日報頭版 27/12/2007


變 態 「 貓 殺 手 」 心 狠 手 辣 ， 市 民 雖 群 起 聲 討 ， 奈 何 警 方 對 虐 畜 執 法 不 力 ， 令 「 貓 殺 手 」 繼 續 有 恃 無 恐 肆 虐 全 港 。 近 兩 年 曝 光 的 虐 殺 流 浪 貓 事 件 愈 來 愈 多 ， 重 災 區 包 括 旺 角 、 深 水 、 灣 仔 及 新 界 北 等 多 處 舊 區 後 巷 ， 而 且 虐 貓 手 法 愈 趨 兇 殘 兼 毒 辣 ， 令 人 慘 不 忍 睹 。 專 門 為 動 物 爭 取 權 益 的 非 牟 利 組 織 「 動 物 地 球 」 估 計 ， 單 是 今 年 便 最 少 有 二 百 隻 流 浪 小 貓 在 街 頭 遇 害 ， 較 去 年 飆 升 逾 倍 。

該 組 織 又 炮 轟 警 方 多 番 刁 難 及 冷 待 舉 報 虐 畜 事 件 的 市 民 ， 對 待 虐 畜 者 則 執 法 不 力 ， 要 求 警 方 盡 快 與 愛 護 動 物 團 體 會 面 商 討 對 策 ， 否 則 不 排 除 將 抗 議 警 方 的 行 動 升 級 。

有 立 法 會 議 員 狠 批 ， 去 年 剛 通 過 的 《 防 止 殘 酷 虐 待 動 物 （ 修 訂 ） 條 例 草 案 》 雖 已 加 重 罰 則 ， 但 猶 如 文 明 社 會 的 花 瓶 ， 若 警 方 拒 絕 加 強 執 法 ， 只 會 助 長 虐 畜 風 氣 。

執 法 敷 衍 助 長 虐 畜
一 隻 四 個 月 大 的 流 浪 小 貓 「 東 東 」 ， 本 周 日 於 旺 角 山 東 街 及 砵 蘭 街 交 界 ， 被 發 現 倒 臥 街 頭 ， 身 體 腹 部 嚴 重 潰 爛 及 凹 陷 ， 疑 遭 人 長 期 用 橡 筋 圈 勒 住 腰 部 所 致 ， 這 已 是 本 月 內 第 三 宗 發 生 於 旺 角 的 虐 殺 流 浪 貓 事 件 ， 而 拾 獲 「 東 東 」 的 義 工 昨 午 亦 親 自 前 往 報 案 。

動 物 地 球 總 幹 事 黃 繼 仁 又 指 出 ， 今 年 平 均 每 月 接 收 到 十 至 二 十 宗 有 關 在 街 頭 檢 獲 被 虐 待 後 遭 遺 棄 或 殺 掉 的 貓 狗 個 案 ， 較 去 年 每 月 只 收 到 五 至 十 宗 個 案 高 出 一 倍 ， 當 中 以 貓 隻 居 多 ， 但 至 今 一 切 虐 貓 事 件 仍 是 無 頭 公 案 。

拯 救 流 浪 動 物 的 非 牟 利 組 織 Hong Kong Alley Cat Watch 總 幹 事 鍾 晚 霞 亦 指 出 ， 本 月 內 頻 頻 在 旺 角 發 現 虐 貓 事 件 ， 而 且 虐 貓 手 法 由 以 往 的 綁 手 綁 腳 ， 演 變 成 以 橡 筋 圈 勒 緊 腰 部 ， 「 虐 待 完 隻 貓 之 後 將 佢 遺 棄 在 街 頭 ， 既 然 無 人 拉 ， 就 會 覺 得 自 己 天 下 無 敵 。 相 反 熱 心 報 警 市 民 就 會 好 沮 喪 ， 所 以 警 方 根 本 就 係 助 長 虐 畜 風 氣 ！ 」

由 今 年 十 月 底 至 今 已 發 生 超 過 六 宗 嚴 重 虐 殺 流 浪 貓 的 事 件 。 其 中 本 月 二 十 日 ， 一 隻 小 貓 被 市 民 發 現 身 體 被 撕 斷 成 兩 截 ， 上 半 身 不 知 所 終 ， 腳 趾 也 被 利 器 齊 口 剁 斷 ， 但 警 方 只 稱 沒 有 證 據 顯 示 是 人 為 ， 拒 絕 調 查 。 其 後 議 員 接 獲 愛 護 動 物 組 織 投 訴 後 ， 直 接 與 深 水 警 方 高 層 理 論 ， 警 方 迫 於 無 奈 下 才 首 次 為 發 現 虐 貓 的 報 案 人 落 口 供 ， 案 件 已 交 由 深 水 分 區 雜 項 調 查 隊 接 手 跟 進 ， 但 至 今 仍 未 收 到 回 覆 。

加 重 罰 則 形 同 虛 設
立 法 會 議 員 張 文 光 指 出 ， 《 防 止 殘 酷 虐 待 動 物 （ 修 訂 ） 條 例 草 案 》 將 虐 待 動 物 人 士 的 最 高 刑 罰 由 以 往 的 五 千 元 及 監 禁 六 個 月 ， 提 高 至 二 十 萬 元 及 監 禁 三 年 ， 但 每 當 市 民 發 現 被 虐 流 浪 貓 後 報 警 ， 都 會 遭 警 方 刁 難 ， 警 方 更 會 告 知 報 案 者 ， 因 難 以 找 尋 證 據 捉 拿 兇 手 ， 故 拒 絕 跟 進 事 件 。

有 立 法 會 議 員 將 於 下 月 十 六 日 就 維 護 動 物 權 益 提 出 議 案 ， 促 請 政 府 改 善 寵 物 售 賣 與 繁 殖 的 發 牌 及 監 管 制 度 ， 以 及 倣 效 外 國 成 立 「 動 物 警 察 」 ， 專 責 調 查 動 物 受 虐 待 案 件 。

警 方 發 言 人 回 應 指 ， 已 將 昨 日 接 獲 的 案 件 交 由 旺 角 警 區 刑 事 調 查 隊 一 隊 跟 進 。 警 方 重 申 對 任 何 虐 待 動 物 案 件 ， 必 定 會 認 真 、 嚴 肅 及 依 法 處 理 ， 不 會 容 忍 任 何 違 法 行 為 。




　　我一直都堅信．．．這個世界．．．有些人，是應該要死的。因此，奇拿是必需的。









孟子曰:「見其生，不忍見其死；聞其聲，不忍食其肉．．．」

>>December 27, 2007 at 4:07:53 PM GMT+8

2007 年 12 月 25 日 星期二 【晴】

琴晚去左玩痛宵，係外頭過了一晚夜，今日下午先回家。番到屋企先痾左一篤屎，之後我剪指甲和腳甲。我知道自己應該先沖廁，然後再剪指甲，但我一心打算儲晒０的指甲碎先一次過沖。剪完手指都安然無恙．．．誰不知跟住剪腳甲，剪剪下終於都出意外。意外就是意料之外．．．．試問又有誰會想到，剪甲器會跌來馬桶中．．．而又有誰會估到，馬桶裡儲滿的會是自己的糞便和指甲碎。雖然寡人自問處理廁所危機亦有一定的經驗，但這一趟確實鎮定中帶點茫然．．．這也是不無道理的。但幸好身經百戰，很快就定了神處理。首先拎左個渠鉗，鼓起最大的勇氣深入虎穴。一片深啡色的汪洋大海，猶如大海撈針，因我根本看不到剪甲器在那，只是在不斷攪動那堆不知是液體還是固體的東西．．．．最後我決定將性命作為最後賭注。（當然我不會打算用玉手親吻我的糞便），經過我不斷的咀嚼和推敲，我決定先沖廁，因為我認為剪甲器咁重，理應不會被沖入。最後，我是對的，終於看見剪甲器，徒手便把它拿起來，然後用ｓｏａｐ洗一洗，跟住再繼續剪腳甲。原來，除了食卡樂ｂ薯片，千期唔好問幾點之外，還有剪手指腳指甲，千期唔好去痾屎～～～我諗大學要成立一個廁所危機管理學士課程(Bachelor of Toilet's crisis Management)　

沖完涼之後出了去石湖墟搵膠片舖，因為想整番個模型架，ｓｈｏｗ番晒我０的精品，另外亦都要整個透明罩罩住我個小食店，如果唔係俾黑炭一野都唔知掃左去邊到。夜晚去了太和食食物，因為是阿爺生日。又要聽０的老人係到講古，聽下黃氏家族的歷史都唔錯，我諗我要草擬番一份族譜先可以，我讀小學的時候好鐘意寫族譜，好好玩，而家科技咁先進，等我用ｏｆｆｉｃｅ整番個族譜，再ｓｅｎｄ番俾咁多人先，一定係一個好龐大的族譜，我有兩個阿麻、四個阿叔、四個姑姐，剩係父系已經夠亂，看來要花一段時間。

食完食物之後回上水許留山跟ｐｏｌｌｙ和ｂｏｗｉｅ閒聊，之後十一點幾回家，自己係彩園邨巡邏，睇下０的流浪貓有冇俾人襲擊，點樣先可以俾我見到貓殺手？如果見到佢，我應該打尻完佢先報警，定係報完警先打尻佢？不過係我未見到貓殺手之前，唔知點解我有個預感我會被誤認為係貓殺手．．．意外０既０野，真係好難講，因為意外．．．．係意料之外．．．．






哈哈.....NGONG PIN 三碌玲...唐唐,你係得0既~~







真係冇諗過陶傑原來除左中文勁之外，英文都咁勁，原來才子真係唔係浪得虛名的。黃成智就．．．．．好似我考會考時的水平．．．．ｓｈｉｔ．．．．

>>December 26, 2007 at 5:45:49 PM GMT+8

2007 年 12 月 21 日 星期五 【晴】

今日原本報了獨木舟一星，但係自己唔爭氣，冇起身去，白白浪費了＄４０。不過都唔怪得自己，因為身體有少少不適，作感冒，都係不去為妙，免得弄壞了身體，聖誕節便完蛋了。十點鐘起床後，就好似啪左幾粒ｆｉｎｇ頭咁，個人飄飄地，跟住又渾身泛力．．．．於是我就出左去石湖墟，用＄１２飲左碗感冒茶。真係唔明白，廿四味、雞骨草等涼茶一律＄５，唯獨是感冒茶特別貴，仲要唔係一間係咁，間間都係咁。一飲．．．嘩．．．點解會咁薄荷嫁？真係好薄荷，都唔知係咪堅有效。飲完之後去左機舖打機，輸尻晒，不過有人食煙，想屌佢老母，但係又拗底，想報警，但係等得０的龜來人都走左，冇意思，這就是草率立法的後果，雖然明顯地以前機舖有十個食煙，而家只剩番三至四個，成效一定有，但總覺得怪怪的。

係上水逛完一輪就回家，起床的時候全家得我一個人，估唔到一番去就全部人番晒來，唉．．．我希望擁有私人空間。阿媽仲要係到大掃除，又唔係年廿八，都唔知係到攪咩，用漂白水整到成個廁所都有陣怪味．．．．之後我覺得自己好累好累．．．．很不尋常的累，於是再訓教，對抗感冒最佳的方法就是休息。訓到五點幾起身，跟住換衫準備去祖母家食飯，因為今日是冬至。出發前見到電視播緊卡通版神鵰，未睇過，因為那時在美國，如果係香港一定會追。回想當年我可以睇晒成套共四本的＜射鵰英雄傳＞及上下集兩本＜連城訣＞，本本都好似牛津大字典咁厚，真係好佩服自己，不過真係好好睇，但係又唔記得晒。

去到恒安邨，有一種似曾相識的感覺，從少到大，一年仲會來一至兩次，熟悉中帶點陌生的地方。今日晚餐相當豐富，有我至愛的美極大頭蝦、雞、生菜鮑魚片、燒肉、咕嚕肉、魚、蠔屎冬姑等，不錯不錯。第一個月的人工我決定瘋狂購物。
食完飯之後去左新地市行左一陣，諗住先洗未來錢，但唔知係咪有點累，冇咩購物欲，見到０的大縷又唔想買，香港都冇冬天，一年先著得一兩次，最凍０個幾日我唔出街已經可以豁免左．．．．真係好慘．．．．永遠冬裝都係靚０的，因為可以多層次。

夜晚十一點左右回上水，之後和阿ｂｉ北上ｒｅｌａｘ，去到骨場一路按腳一路用部私人電視睇波，不錯不錯。由於港琛有廿四小時通關這個偉大的政策，下午四時左右經皇岡回港，不過就貴０的。琛圳打的去皇崗＄３０，之後黃巴＄７，然後落馬州回上水＄３６．５，每人共＄４０。番到屋企四點幾，之後訓教，明天踢足球。

下星期可以放２５、２６、２７號，再下星期又放三日，ｙｅａｈ！～忽然好多假放，萬歲～～！～～！～！～！～！～！～！～！

>>December 23, 2007 at 6:34:27 AM GMT+8

2007 年 12 月 20 日 星期四 【晴】

原來....世界上仍有路不拾遺的人....失而復得的LV銀包....原本因為爆了線而打算更換,但經此一役,更是珍惜。短短的十多分鐘,絕對是來回地獄又折返人間....好驚....

>>December 22, 2007 at 5:06:35 AM GMT+8

2007 年 12 月 7 日 星期五 【微冷】

自從開始工作後，每晚都訓得好好，十二點前就訓教，一訓落床就訓得著，唔錯唔錯。但係有幾件事情實在令我不吐不快。第一，記得中學時期，老師教寫實用文，每次教親新聞稿時，都係話千萬唔可以加「我」、「你」等第一人稱身份，更加唔可以有任何個人立場，要純粹報導事件，讓讀者自行判斷。但係原來現實唔係咁樣，我諗如果將香港０的報紙頭版拎晒會考／高考評核，一定全部拎Ｕ。上星期港島區補選，陳太大熱勝出，蘋果日報係投票當日，頭版雞乸咁大隻字寫住「民住差你一票」咁上下，一份絕對右派的報紙，不知所謂地幫手拉票，夜晚仲夠膽出埋號外．．．．天呀．．．呢０的係咩傳媒呀？呢個社會有好多游離選民，佢地極容易受到呢０的０野所影響。

第二，前幾日陳太首日出席立法會．佢話：「民主與民生不能分割，沒有民主就沒有公義；沒有民主，市民的權益也不能得到保障。」表面上冇問題，但深層反思之後，實在差之毫釐，謬之千里。一向予人沉默寡言的民政事務局局長曾德成一反常態：「佢話無民主就無民主，但佢曾經在英國殖民地統治下，主持過經濟同福利工作，除非佢認為殖民地統治就係民主，否則我唔知佢當時所做究竟係民生，抑或係官生工作，定係安生工作？」續說：「佢仲話競選期間知道咩叫民間疾苦，原來除左忽然民主之外，仲會有忽然民生。」一個稍為有智慧０既人都會懂得判斷誰是誰非，偏偏呢份爛果日報又雞乸咁大隻字做頭版：「曾德成左毒發作！！」。琴日睇左偏文章，寫得好好。中國漢唐盛世人所皆知，文景之治、貞觀之治、開元之治，百姓豐衣足食，天下太平，沒有戰爭、沒有黨爭，一片繁華盛世，眾所周知。但驀然一想，那時有民主嗎？沒有，絕對專制的君權統治，民主和民生根本是沒有掛鉤的東西，沒有民主，亦可以有民生，曾德成按奈不住的就是要告訴我們，不要被「民主」二字利用。司馬昭之心，路人皆知，如果陳太真係咁為民主，點解上年係泛民全力支持下都唔肯出來選特首？而家反而甘心紓尊降貴來做一個小小的議員？短短的一星期唔夠的選舉拉票活動就話明白左民間疾苦？有腦的不妨自我思考一番這個「香港良心」是英美的還是黃皮膚的。

第三，今日我知道係警察學院的畢業典禮，因為呂沅華都出監，但係我睇左新聞好唔開心。鄧竟成個仔考到督察時我都覺得酸一酸．．．．係人都知咩事啦，不過都算喇，又唔係０的咩天大難事，不過就一定有老豆幫手先咁順啦，其實老豆唔出手０的考官都識做啦，佢只需要係「有否親屬為現任警務人員？」一欄中填左鄧竟成三個字，我唔相信有人會肥佢，應該話有人敢肥佢。一切都算喇，畢業典禮仲要俾埋個銀雞頭、又最佳督察，又嘜嘜七七三個獎佢，講到佢百年難得一見０既奇才咁，我唔多講了，我只想用一個比喻來表達我０既心情，就係上年萬千星輝賀台慶中，鄭嘉穎憑「天幕下的戀人」拎左視帝．．．．．原來，識人真係好過識字。





琴日去左沙咀到修理個人工碼頭，因為被大浪沖擊斷左舊木．．．令我最震撼的是０的總監話水警打電話俾佢地話我地個碼頭就離沖走．．．．．．．．好似誇左少少。琴日先去白沙灣，我唔知點解有個人冇啦啦問我第幾屆，原來係第十屆０既師兄，但個問題係我個頭冇刻住ｐｅｒｍ四個字呀？之後原來有好多浸會幫。琴日只需要番半日，就係去個島到整下野，跟住今日又係番半日，就係係個島到沿山路行番出去西貢。其實真係唔錯，咁都當ｗｏｒｋｉｎｇ　ｈｏｕｒ。下星期二就要入番去，因為有班消防佬入離做訓練，星期六就應該要過夜，好緊張。今日和兩頭狗建立了初步感情，其實我都幾鐘意狗，又忠心，不過係唔識得痾屎０個到麻煩。今日拎左一大叠自己的名片，有埋我張相係到，型就型喇，有鬼用咩，都唔知０的人派來做咩．．．收左勁多人地的名片，不過個個都係猛人，又ｐｏｌｙ副教授、又ｈｋｕｓｐａｃｅ總監、嘜嘜大袋、嘜嘜食屎咁上下啦，我都唔知有咩用。

下午兩點番到屋企，和女朋友會面及述職。之後和ｉａ中食食物，轉眼間就三個月，佢都出班了，時間就係快，佢又話左一個好消息我聽，不過我都係當聽下算了，一切只有上天安排，不敢多想。其實兩個月前我都仲好憎個天，好想打七佢，不過而家都諗通左，至少而家都好
ｓａｔｉｓｆｉｅｄ，慢慢來，童軍總會絕對是一個好好裝備自己的地方。食完飯之後訓左一陣，跟住八點鐘去了東海食大閘蟹。一人兩隻，姨媽第二隻剩係食左０的腳，俾晒我食，食左差唔多三隻我真係想死，我完全唔知肥肥點樣鯨吞六隻大閘蟹，佢真係玩命。之後再有彿跳牆、蟹粉小籠包兩個、炸蟹粉蘿蔔球一個、一條小魚、糯米飯、壽包、薑汁湯圓、紹興酒～ｗｏｏ，＄３８ｘｘ，八個人食，假姑丈請，好型！～！～

夜晚ｓｅｎｄ左ｙｅａｒ１　體操考試段片俾梁沛，我睇番真係毛管都棟埋，痴撚線，呢０的０野邊係人諗出來嫁，點解會ｋｉｎｄ到咁０既地步，好撚廢真係，完全係地質、劣貨、膺品．．．好恐怖．．．．相比ｙｅａｒ　３上ｄａｎｃｅ０個隻舞就真係好好多了。

>>December 8, 2007 at 5:57:10 PM GMT+8