2008 年 3 月 8 日 星期六 【晴】

今日下午一點鐘去了石硤尾踢波，我一早都問清楚馮錦州條撚樣佢０的ｆｒｉｅｎｄ勁唔勁，佢條仆街就話ｏｋ，我問佢ｋｉｎｄ唔ｋｉｎｄ，佢就話少少，不過識得踢波，都算喇，咁咪去玩下啦。去到同班阿叔踢波，佢話上次佢地嬴波，佢仲入左三球，我心諗你都入三球咁呢班阿叔都好波極有個限度。你老母臭西，佢０個班ｆｒｉｅｎｄ．．．．我真係屌又唔係，痴撚線，我地俾班阿叔輪姦，都唔知俾人入左幾多球，痴撚線，好撚樣衰，簡直係丟架，我以後都唔同佢０的ｆｒｉｅｎｄ踢波，我假假都係彩園邨金童迪比阿騰，俾人炒十幾球我都係第一次。不過我係劣勢之後都入左三球，我都寶刀未老，不過幾乎斷腳，踢完之後膝蓋不能屈曲。

踢完波之後去左城大個sport centre沖涼，佢條仆街同班ｆｒｉｅｎｄ入左去先，話轉頭拎番張證出來俾我入就ｏｋ。咁我就等啦，佢又真係拎番出來，咁我咪真係入去囉。誰不知係個閘門到奶撚晒野，我好似０的大陸仔唔識用八達通咁，係撚咁張張八達通隊落個入票位到，最撚ｋｉｎｄ０既我係個出口到係撚咁隊，之後個阿姐話：「唔係放０個到嫁喎．．．０都嫁喎．．．」，我都知奶野，諗住爆入去就算，點知個阿姐叫我交出學生證，然後要我講出姓名和學生證ｎｏ．我講條撚咩，咪死狗認錯話唔撚係我囉．．．

Ａ：「我想入離沖個涼０者，０岩０岩同０的朋友踢完波。」
Ｂ：「你知唔知唔可以借人學生證嫁呢到！」
Ａ：「我知，我想借０的水沖個涼０者，佢地係我０的同學．．．」
Ｂ：「你係咪呢到０既學生？」
Ａ：「唔係，我浸大０既，不過想借０的水沖個涼０者，唔好意思，我都知唔可以．．．我學校都係咁，不過我都係想借０的水沖個涼０者」
Ｂ：「我今次俾你，你下次唔可以再咁做」
Ａ：「唔該．．．」


你老母真係ＫＩＮＤ中之爆，痴撚線．．．借水０者，又唔撚係借錢，我真係覺得自己七爆．．．．點可能七到唔識０都．．．．唉．．．真係好撚淤，不過個阿姐俾我入去又真係好撚意外，如果係ｂｕ一定唔撚俾，分分鐘俾人記缺點都似。不過城大０的設備真係靚好多，又新，點解人地冇體育讀個體育館都咁撚靚，我地個偉衡好似就離倒塌咁．．．．真係好撚廢，第時我要出錢起番個黃志騰體育中心係浸大，ｓｈｉｔ，一個字「七爆」！！

沖完涼之後係食食物，之後ｍａｘ打來，我１４號要過夜，因為真係遷就唔到，唉．．．雖然我都唔係好重視生日呢０的女人先會著緊的日子，但係要自己一個係個荒島上渡過真係有點不是味兒．．．算啦．．．我唯一的要求就是今個星期要放番三日假，明天不用上班，離緊15、16、17、18號都要放假，好野～最好笑０既就係如果明天冇人發現我係放假，佢會照寫我有番到工，彌補我弱小的心靈。

下午六點鐘係ｃｉｔｙ出席ＰＩ　ｓｔｕｄｙ　ｇｒｏｕｐ，我唔明點解ｃｉｔｙ０的課室可以自出自入．．．．我都真係鐘意ｃｉｔｙ多過ｂｕ，ｂｕ諗諗下真係好撚七廢。今日練習了中英impromptu talk, management exercise, summary presentation,我的信心又提升了,或許有一秒鐘曾經在腦海浮現了一個想法,我可能真的有機會可以做到ＰＯＬＩＣＥ　ＩＮＳＰＥＣＴＯＲ。

練到九點左右就回家，一路落樓梯覺得自己好個跛子，落左勁耐先落到，痛到我仆街，痴撚線。之後上火車，我都冇諗過係九龍塘呢個兵家必爭之地可以輕而易舉地有位坐，實在幸運。番到屋企買糯米飯食，之後去了百老匯，約了朋友明天下午兩點先達等。朋友價　i-phone 8GB 軟改 $3980!!!!!! WOWOWO期待明天的來臨~~


「人如果不作出犧牲就不會有所收鑊，要得到一樣野必須要付出對等的代價，這一點便是煉金術最基本的原則　──　等價交換」
　　　　　　　　　　　　　　　　　　　　　　　　＜鋼之煉金術師＞










Thx Ryan, I do like this song~



昂然踏著前路去　追趕理想旅途上
前行步步懷自信　風吹雨打不退讓
無論我去到那方　心裡夢想不變樣
是新生　是醒覺　夢想永遠在世上

前路那怕遠　祇要自強
我繼續獨自尋路向
常為以往夢想發狂 耐心摸索路途上
懷自信我永不怕夜航 到困倦我自彈自唱
掌聲我向夢想裡尋 儘管一切是狂想＊

途人路上回望我　祇因我的怪模樣
途人誰能明白我　今天眼睛多雪亮
人是各有各理想　奔向目標不退讓
用歌聲　用歡笑　來搏知音的讚賞

>>March 9, 2008 at 4:21:02 PM GMT+8

2008 年 3 月 7 日 星期五 【晴】

昨日收到消防處信件，１７／３消防隊長final interview (part1). 我in完 preliminary interview之後其實都胸有成竹嫁喇，所以收到呢封信都唔算太特別開心～今日又收到懲教主任筆試信，今個月又大把野攪了，有時候可能真係「整定」，如果唔係撈看更，我又邊有可能可以ｉｎ咁撚多野都唔洗請假～加油！


1. 我見到謝長廷,連講粗口都想慳番,不知所謂,屌尻佢都嫌浪費精子,成個潮州怒漢咁,台灣人如果仲有腦的話,佢地應該懂得投票。

2. 由此至終我都冇對希拉莉有所動搖,但奧巴馬的強勢的確令人刮目相看。

3. 曾蔭權.....唉....見到人地0的政治家咁有charm,真係唔明點解香港0個0的咁撚kind。之前有「建華之亂」,以為換左個老曾會好0的,都係咁撚kind,不過算啦,人地0個0的係總統,我地0個個只係特首,係差幾廿皮嫁喇。如果皇帝和縣官同屬一個level,咁咪仲得人驚。










Month of Discipline :

17 / 3 Fire Services Department - Station officer final interview (Part 1)
18 / 3 Hong Kong Police Force - Police inspector extended interview
24 / 3 Hong Kong Correctional Services - Written test

Great power comes with great responsiblity!!!!!!!

>>March 8, 2008 at 4:06:37 PM GMT+8

2008 年 3 月 5 日 星期三 【晴】

我真係好意外，居然有人未聽過「打掉門牙和血吞」呢句野。點解個個都問我係咪同人打交？係咪爆咀？之如此類０既問題。我真係好意外，好意外．．．．．．




【打掉門牙和血吞】意思是受了委屈，不想事件惡化，忍辱負重。亦作【打了牙肚裡嚥】。



典故 :

據說當年菩提達摩從印度乘船來到中國，在廣州登陸 ，先到金陵(現南京)。經過神光法師講經的地方，進去問神光：「你在這裏做什麼？神光說：「我在講經。」達摩又問：「講經做什麼？」神光說：「為了生死。」達摩說：「法本來不可說，無法可說。你講的黑是字、白是紙，怎能了生死？」神光一聽，大怒的說：「你這個摩羅剎！敢來謗佛謗法謗僧，豈有此理！」說完之後，便用鐵念珠朝達摩祖師的面上猛力打去！達摩在沒有防備的情形下，被打掉兩顆門牙。

達摩祖師一想：如果把牙吐在地上，那麼，這地方要大旱三年(因為證果聖人的牙落地，諸天降罪，此處人會受到不下雨的懲罰)。達摩不忍心，令這地方的人受荒旱之苦，乃將兩顆牙吞到肚中。所謂「打落門牙和血吞」，留下這個典故。







另一說法 :

清朝的中興名將曾國籓 ， 在打敗太平天國之前，他卻是一個名幅其實的常敗將軍，但他從不以失敗為恥，更不氣餒，反而在失敗中取得經驗。他最有名的話就是：「屢敗屢戰」以及「打落牙齒和血吞、打斷手骨顛倒勇」。

>>March 5, 2008 at 4:49:11 PM GMT+8

2008 年 3 月 3 日 星期一 【晴】

打掉門牙和血吞

>>March 4, 2008 at 3:40:48 PM GMT+8

2008 年 2 月 27 日 星期三 【晴】

Written test of police inspector ----- passed!!!!!!!!!!!!! 18/3 extended interview!

０６年尾第一次去考ｐｉ，結果筆試五份卷只得三份合格。那時當然不是味兒，但畢竟仍是讀書時期。０８年一月尾再去挑戰，雖然我寫錯左一個好關鍵的字眼，但天祐阿騰，最後一個月後收到通知合格，五份都合格晒，以後都唔洗再受呢個折磨。實在是令人振奮的消息，不過只可以開心一天，因為接下來才是真正的考驗，無論如何，總算行前了一步，終有一天會到終點的。

我已經對呢份工作萌生去意，有時候我真係好想屌尻個總監，佢都痴撚線，雖然係人都知佢係痴撚線，但又可以點？其實根本上每日番工都唔會見到佢，但係佢真係好撚變態，每日都會有奪命追魂ｃａｌｌ，次次都係到講最少半個鐘頭，有佢講，冇你講，屌佢老母。其實我係鐘意呢份工的，不論工作環境、性質、人事都冇問題，但就係呢個死變態婆，仆街！！所以我要學希拉利一樣告急，決定改變策略，轉ｃａｍｐ－ｓｉｔｅ，原本諗住一路做呢份直至考到ｏｆｆｉｃｅｒ先走人，但係咁玩落去真係唔係辦法，會死人的，都係提前走人，開荒牛真係唔易做，終於明白師兄的微言大義，我真係好天真好傻。

前晚放工前，有隻野鴿飛左入禮堂，ｎａｎｃｙ姐好似如獲至寶咁捉左，跟住話劏來食，我都以為佢講笑。今日ｌｕｎｃｈ入廚房煮飯食，見到煲湯好香．．．有隻乳鴿係到．．．．佢真係煲左離飲．．．．開頭我都好撚驚．．．但最後真係覺得好吸引，話晒都係野味，有錢都食唔到，結果飲左兩碗．．．．我可能會患禽流感．．．．我好可會會死．．．．．．．．．．



十大令人反感的行為：

１．無中生有　－　責怪同事沒有完成一個從來沒有被要求要做的事情
２．吹毛求疵　－　無論你怎樣依她的方法來做事，她總有挑剔的理由
３．牝雞司晨　－　永遠叫同事們去幹一些不是職責範圍來的事情ｅｇ整碼頭、洗青苔、通渠
４．自吹自擂　－　經常把自己的adventure經驗掛在口邊並要求同事們引以為傲並效法之。
５．思覺失調　－　明確地告訴同事不用完成某件事情，但最終責怪同事們不上心和沒效率。
６．多此一舉　－　電郵給她後，需要再用電話通知她要發了電郵給她。表面上並無不妥，但　　　　　　　　　她會告訴你：「我收到，但我係故意唔覆的，你做咩唔俾電話我跟進，
你send完e-mail唔係就等於完成,你要再打電話俾我話你send左e-mail？」
７．口若懸河　－　自已去看周星馳＜西遊記＞中的唐三藏吧
８．笑裡藏刀　－　昨天才說：「我最唔鐘意炒人，你睇下白沙灣個陳小姐做左廿年，錯唔緊　　　　　　　　　要！最重要係到去做！」．．雙丸米．．．原來係因為你ｋｉｎｄ．．．
９．未諗到
１０．未諗到






當日唔做保總就係驚撚左馮太，我估唔到呢件更加惡哽．．．．到底係咪個個老闆都係ｋｉｎｄ子？點解ｋｉｎｄ子永遠都可以做老闆，咁我點算？我咪一世都唔可以做老闆？

>>June 18, 2008 at 9:06:42 AM GMT+8

2008 年 2 月 24 日 星期日 【微冷】

自從上年七月經歷了難忘的面試後，今天再次重整旗鼓，挑戰主任級。經驗永遠都是累積的，正如當女人被破處之後，就不再害怕做愛所帶來的痛楚一樣。今天我absolutely滿意自已的表現，上次的失敗的而已確帶來了巨大的貢獻。今天面試理應３０分鐘，因為我下午兩點見，跟我０個個就兩點半，但係最後我１４４５先出來。４５分鐘全程使用英文對答，這一刻，我再次再次發現原來自己是可以這麼強。當上一次ｆｉｎａｌ－ｉｎｔｅｒｖｉｅｗ時我自以為自己是天下無敵，今天我才驀然發現，「沒有最好，只有更好」的道理。今天面試是一貫紀律部隊式的面試，有三部份明顯地是故意留難我，舌戰是在所難免的。然而堅持自己的立場卻是致勝之道，儘管對方如何動搖，也要泰山崩於前而色不變。能否再踏前一步雖是未知之數，但我的確滿意自己的表現，所謂：「君子病無能焉，不病人之不己知也」（君子害怕自己的能力不足，不擔心別人不了解自己的能力）


明天又要工作，士氣低落．．．．．．．．．．．．．．

周融（我都唔知佢嘜水），學人ａｐｐｌｙ廣播處處長，扮撚晒冬瓜豆腐痴撚線，冇大學學位都想做處長？有冇０的咁撚荒天下之大謬呀？做ｓｈｏｗ咩開晒記者會。明明開頭話要有學位，跟住轉個頭又再出ｐｏｓｔ話冇學位都可以，有冇攪撚錯，香港真係一日唔死一日都有笑料。處長冇學位，笑都笑撚死人啦，冇撚野麻，收皮啦去，含撚啦去。








十分慶幸自己曾經將四大本，每本有如牛津字典般厚的＜射鵰英雄傳＞看畢，永遠佩服金庸老師筆下的武俠小說，最令我嘆為觀止的是他將歷史融入武俠世界的神乎奇技，不少人仍誤以為郭靖曾經助守襄陽、清朝真的有個韋小寶。但於我而言，說到印象最深刻的，莫過於＜神鵰俠侶＞中，郭靖向楊過說的一段話中的八個字。

郭靖向楊過道：「我輩練功學武，所為何事？行俠仗義、濟人困卮固然乃是本份，但這只是俠之小者。江湖上所以尊稱我一聲郭大俠，實因敬我為國為民、奮不顧身的助守襄贊。然我才力有限，不能為民解困，實在愧當大俠兩字。你聰明智慧過我十倍，將來成就定然遠勝於我，這是不消說的。只盼你心頭牢牢記著「為國為民，俠之大者」這八個字，日後名揚天下，成為受萬民敬仰的真正大俠。」

>>February 25, 2008 at 3:39:57 PM GMT+8

2008 年 2 月 19 日 星期二 【晴】

SHOWHAPPY: 「還是覺得你最好~」










25/2/08 Preliminary interview of Station Officer

>>February 20, 2008 at 4:30:08 PM GMT+8

2008 年 2 月 17 日 星期日 【晴】

...................再見showhappy............




http://hk.myblog.yahoo.com/tentang-tentang

>>February 18, 2008 at 11:33:52 AM GMT+8

2008 年 2 月 6 日 星期三 【乍雨乍晴】

祝大家新年快樂、財源廣進，但最重要都係身體健康，錢唔係最重要，做人做緊要開心，所以最後祝各位笑口常開，恭喜恭喜～～～～～～～～～～～～～～～～～～～～～～～～～～～

>>February 7, 2008 at 6:04:30 PM GMT+8

2008 年 1 月 31 日 星期四 【乍雨乍晴】

鄧竟成條仆街合家產，合撚大，我唔撚信佢個仔冇上網睇過咸片，冇ｄｏｗｎｌｏａｄ過ＡＶ，就算真係有人發佈裸照又點撚樣？你是撚但去一個論壇０既成人討論區全撚部都係四仔和不雅照片啦，又唔撚見佢地拉人，ＳＨＩＴ！而家０個十幾張相就係到勞師動眾，班撚樣仲要口口聲聲話０的相片係假，唔係自己，收撚皮啦，係咪自己心撚照啦，洗唔洗新聞報告又要交「疑似」兩個字呀，食撚屎啦，既然班藝人報左警，佢地一定知道０的相係咪佢地自己啦，咁樣班差佬一問佢地就知啦，如果班藝人講大話即係阻差辦公啦，所以根本班差佬就係到幫有錢人，而家名人大撚晒咩，洗唔洗咁撚誇張要拉人呀？ＵＰＬＯＡＤ張相洗唔洗死呀？問心啦，件事唔係好大嫁咋，除非係真啦０的相，否則呢０的惡作劇成日都有嫁啦，就因為０的相係真０的人先至咁緊張０者麻。最撚無辜係個地盤佬，痴撚線，ＵＰＬＯＡＤ一張相俾人拉左，仲要唔俾保釋，痴尻線，唔知以為佢殺撚左人，個狗官仲撚好笑，話「案情十分嚴重！」，人地ＵＰＬＯＡＤ一張「疑似」藝人的裸照就十分嚴重，咁０個０的日日ＵＰＬＯＡＤ日本ＡＶ百分百真人０既人就嘜事都冇，簡直係荒天下之大謬，有錢人真係大撚晒，狗官！！！！

班差佬仲撚好笑，以為自己咁快拉到人會有人認同，有人話佢地效率高，你地係拉就拉個主腦啦，你拉個唔關事０既番來，公唔公平呀？！全世界都屌尻你地班差佬啦，鄧竟成一心諗住自己邀功，結果適得其反，佢兩仔爺都係垃圾。成班裸照主角全部唔撚敢回應事件，司馬昭之心啦，如果０的相唔係堅０既，咁又洗咩咁驚呀？香港法治的悲哀啦！發佈０個條友係衰格，但今次事件正好反映出法治的矛盾，我真係諗爆頭都唔明點解藏有或發佈「疑似」（我真係好撚真呢兩個字）藝人裸照係犯法先／？佢地咁快拉到人，就證明香港地，差佬要拉０既人冇話拉唔到，如果佢地要拉上載ＡＶ０既人一定拉到啦，咁佢地又唔拉，死差佬，食屎狗，幫０的名人就咁撚落力，又唔見佢地捉個殺貓狂徒番來，正一仆街，令我感到絕對失望囉！！！！！

你試下如果我個樣俾人ＫＥＹ左落張合成照到，跟住我去報警睇下有冇人會睬尻我？！唔會有囉！！同人唔同命，今次事件我唔覺得阿嬌、張柏芝、ＢＯＢＯ慘囉，出得離行，預左要還！０的相係真只怪佢地戇尻，ｅｄｉｓｏｎ都信得過，如果０的相係假，佢地更加唔慘，年中都唔知有幾多人拎住佢地張相打飛機嫁啦，而家係到扮淑女呀？最慘係俾人拉左０個條友，要係監獄過年，警方好明顯係想殺一儆百，等０的人唔敢再亂來啦，咁條友咪慘被祭旗囉！（其實最慘０個個係謝霆鋒，因為個仔可能唔係佢的～）香港各大論壇驚死到即刻刪除晒所有「疑似」藝人裸照，最撚諷刺０既係係成人討論區依然係多姿多采，有四仔下載、有三點盡露的露骨相片、不同國籍的美女裸照、甚至乎有偷拍的相片，天何太忍？最撚好笑０既就係俾班大陸仔串尻我地香港人，話我地冇言論自由，你話幾咁諷刺？？咁又係０既，中央政府係做大事的，唔通會理埋呢０的鼻屎咁少事咩？！係香港待區政府班庸官、肉食者先至咁撚得閒嫁０者，好撚火囉真係，藝人就巴閉０的呀？！？？
收皮啦唔該！！！！




還有王法嗎?










上水氣溫6.9度


CSD Fitness Test - passed
PI written test - N/A (should be failed, fuck)
SO fitness Test - passed

>>February 2, 2008 at 11:20:17 AM GMT+8