2003 年 11 月 27 日 星期四 【微冷】

－－－－－－－－－－不死神童黃勁威再創奇蹟，連續訓身三天均報捷－－－－－－－－－－
琴日買左條利物浦＋巴塞隆納２串１　＄５００，今早起身都唔敢開電腦睇結果，最後有人ｓｅｎｄ信息俾我，得知再建奇功，一份無形的興奮湧上心頭～～～～～

今日係學校０既假期，原本諗住溫書，但結果都係得個講字，係屋企睇左ｍａｔｒｉｘ第一集，幾好睇，但係唔太明．．．不過好佩服個編劇可以諗到０的咁０既題材！！睇左成２個鐘，之後要去補習，今日星期一班０的人轉晒來星期五，同州兒一齊去搭巴士．．有時諗，去遵理可能冇咁辛苦，長毛成日教埋Ｄ唔關事０既０野，今日又冇啦啦係到講蔬菜０既生字．．．都唔知有咩用．．．．成十點先走得．．好熱鬧咁搭巴士番上水．．番到上水．．．諗住去食飯．．．唔記得今日冇波踢，馬會關左門，我身上剩係得張現金卷，一蚊都冇．．．
好彩肥中同肥翔請客，加埋肥強肥婷．．一行人在十字路行食醉雞煲．．．．跟住再去食糖水，然後１點幾番到屋企．．．．

聽到電話鈴聲響起＜明年今日＞一曲，立刻從褲袋拿出電話看看．．．原來是別人電話在響，
某君道：你一向都是用防盜器鈴聲，何以這麼大反應？
小騰子：你知個屁，我喜歡這首歌曲鈴聲．．．
某君追問：那麼為何不設定為手機鈴聲？
小騰子：．．．．我有．．．只是不常聽到．．．．．＞＿＜

－－－－－－－－－－－－－－－－－－－－－－－－－－－－－－－－－－－－－－－－－
假如讓我選，我會吞下籃色的藥丸，有時候，知道得太多反而不是一件好事，生活在幻想的世界裡可能是最好不過的．．．
－－－－－－－－－－－－－－－－－－－－－－－－－－－－－－－－－－－－－－－－－

>>November 28, 2003 at 6:40:50 PM GMT+8

2003 年 11 月 26 日 星期三 【颳風】

訓身第二撃---------史特加+曼聯 2串1 中!!!!!!!! 但係我劃錯飛,攪到原本贏$400,變左贏$80，不過算，有得贏總好過冇得贏．．．琴日４點幾起左身睇波，跟住番學．．．踩到一半路程．．朋友號突然發生故障．．．不能繼續行駛，我迫於無奈將他泊在一旁，步行回校，結果遲到．．
ＰＯＬＬＹ今朝又冇番，累我又登記，我又冇拎體溫表落去．．．．　

放學去左睇歌唱比賽，我地係到胡亂咆哮，最正都係ＴＷＩＮＳ０既演唱，拍爛手掌，好笑到極點．．不過之後有０的悶．．隊ＢＡＮＤ唱埋０的冇人識０既歌，０的司儀講０野又聽唔到佢地講咩．．攪到好冇隱．．不過從佢地０既對白同埋造型可以看得出，其實佢地都花左唔少心機落去０既，第一次攪呢０的活動，其實都算唔錯嫁喇．．．．

之後，我去接回朋友號．．．我發覺原來佢憔悴左好多，平時都唔多覺，原來佢好多地方都殘舊了．．．見到佢好孤獨咁泊係路邊，在蛋黃紅的太陽襯托底下．．更加了點愁緒．．我二話不說，用有限度的力量把他抱起．．．一步一步的走向石湖墟．．．．．雙臂累得連舉手的力氣也沒有．．但也是值得的．．．

６點鐘再番學校練跑，諗住會見到歌唱比賽０的人員執拾場地，但是原來已經人去樓空．．學校只剩下漆黑一片．．與之前的熱鬧氣氛成了一大對比．．跑完後，細細粒又係到苦苦哀求朋友號載佢一程．．．在一路上．．．．．．．．．．
她告訴我：明天家長日派成績表．　
我問她：如果你考十名內，你媽媽會否送玩具給你？　
她答道：你傻嫁，仲玩玩具？！　　
我鄂然問：你中一咋喎，唔玩玩具玩咩呀？
她高聲說：玩ＩＣＱ囉！
我：．．．．．．．．．．．．


－－－－－－－－－－－－－－－－－－－－－－－－－－－－－－－－－－－－－－－－－

以前我以為有一種鳥一開始飛就會飛到死亡的那一天才落地。其實它什么地方
也没去過，那鳥一開始就已經死了．．．．．．．．．

－－－－－－－－－－－－－－－－－－－－－－－－－－－－－－－－－－－－－－－－－

>>November 27, 2003 at 4:32:37 PM GMT+8

2003 年 11 月 26 日 星期三 【晴】

訓身第一擊-------怒煲拉科魯尼亞上盤順利收錢，神童再下一城！！

今日一早番學頭兩堂就係ＰＥ，如我印象中冇記錯，今日０既ＰＥ堂係我３年來第一次穿著信社ＰＥ衫上堂，大家都略有微言．．其實因為要俾番見衫崩牙仔，所以就．．嘿～ＳＯＲＲＹ傻淦～～鬼叫你成日懶惰，攪到我呂呂唔開心！！　上完體育堂，原來變左中史堂，之後文學堂，ＭＩＳＳ派之前０既ＴＥＳＴ，我有１８分，原本好高興，但係班粉皮唔服輸，話我係寵幸兒，實在可惡，雖然我都唔係好相信，但係我有溫書嫁！！

英文堂知道左ＰＯＬＬＹ係黃親國戚，唔怪得成日維護多啦Ａ夢啦，原來都係想奪權～～～～

放學番左屋企，諗住溫書，點知又訓著左．．．夜晚十一點幾睇左套我要上學去，忽然好感觸．．驀然拿起文學書．．．翻開第一頁．．．電話就響起．．．喪中說：十騰，同人噪呀，２７０巴士站呀，火車站０個個．　我感到奇怪，但亦沒有深思，拿起外套，袋好電話，勃勃頭髮，踢拖就走～去到現場．．你老味．．．以為咩事．．．．原來又係一個情字．．．呢派０的人真係中晒情花毒．．．

．．之後番屋係，行行０下火車站天橋，後面傳來隆隆巨響，在噪吵聲音中有人怒吼：借開！！！　我心想：嚇鬼咩大笨象，借你老味．．　回頭一看，不是大笨象，但我也即刻彈開，只見一架木頭車．．不是一架．．而是一架接一架木頭車從後衝上．．你老味．．走鬼就叫走鬼啦，叫嘜叉借開呀！！！！！

明天係歌唱比賽，今年唔係係聖誕聯歡會開，但我都會去睇的～～～

Ｐ．Ｓ．今日係彩園村被保皇黨統治０既第三日，不知為何多了很多烏龜．．．短短一個鐘被逗兩鑊．．　　
甲龜：職業是甚麼？　　
勁威：預科生！！　　
乙龜：你講呀？！　　
勁威：學生證在此！
甲龜：係到做咩呀？
勁威：等人！
甲龜：去邊呀？
勁威：馬會買波
乙龜：有咩心水呀．．．
勁威：史特加．．．
BOTH OF 龜：ＣＨＥＲ！鬼唔知！
勁威心想：咁你又問！！＠＃＄＃＄％＃＠＄＃％＄

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
　　　　　　　　科妮生日快樂！我冇記錯喇掛今次！～！～！～！～！～！～
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>November 26, 2003 at 4:54:55 PM GMT+8

2003 年 11 月 24 日 星期一 【晴】

琴日由於病魔纏身,所以好早就訓左,今朝亦早左起身,但係0的藥力未散晒,個人仲飄0下飄0下咁..
最後都遲左出門口，我發覺自己踩單車０既速度越離越快，作為一個飛車手，我絕對唔可以俾個咪標嚇親自己，亦都唔可以咁輕易剎制！！！！！琴晚同ｐｏｌｌｙ傾左陣電話，得知州州暗戀左人，於是今日決定查明真相．．．

番到學校，經黃勁威一問之下．．．原來０個個人就係．．．（唔講得）．．．我當堂嚇左一跳，然後得啖笑．．．．去馬啦，你又未到要唱爛泥０既地步，頂盡咪唱垃圾！！！　

　－　－　－這一刻我忽然感覺到，在十一月時份，春天竟然降臨到７Ａ班上－　－　－　－　
ＬＵＮＣＨ同阿ＢＩ一齊踩單車番屋企，佢好平靜，反應比我預料的要好，沒有大哭大笑，沒有仰天長嘯，只是報以無奈的微笑，一個與他多麼不合襯的微笑，我亦不禁黯然起來．．．
．．別人叫我安慰他，看著他．．我說一句：好的．．．老實說，越是安慰，他越感到可憐，悲觀．．看著他？我憑甚麼看著他？他需要的人又不是我．．但他依然沒有對任何人產生怨恨，雖不知這是不是心底話，但我亦十分佩服他，不只我，同學們都衷心叫我問侯你，是真的．

放學去左嘜撚０野誓師大會．．．我慶幸同學們放晒飛機，要不是我真係難辭其咎．．．因為實在太戇９．．．中途我都著左草．．．但阿狗遭殃，對唔住．．．

５點去左區場．．．呂呂唔係咁開心．．．


－－－－－－－－－－－－－－－－－－－－－－－－－－－－－－－－－－－－－－－－－
我承認我覺得阿嬌好靚女，但係我唔認為因為佢靚女我先至鐘意佢．．無可否認第一眼的感覺很重要，但是，樣貌並不是一切．．假若報章日日報導她是一個亂搞男女關係，晚晚蒲夜店至天光的人，你認為我還會鐘意她嗎？再說，世上有很多人也很漂亮很迷人，為何又不見我喜歡她們？這就證明了靚女也不一定是我所愛的．．．你說要是她的樣貌轉變了就不喜歡，這是事實，因為轉變了就不再是她，如果你說我是喜歡她的面具，勉強上也說得通，不過是一個獨一無二的面具，一個不可取替的面具，一個我寄託了感情的面具．．．．相信了嗎？

>>November 25, 2003 at 4:54:21 PM GMT+8

2003 年 11 月 23 日 星期日 【微雨】

彩園村黃成智落敗，從此我就要係民建聯０既統治底下過活．．．前途一片黑暗，我後悔冇親身投票．．．

．．不死神童黃勁威大戰傷風小子，終於不敵病魔倒下．．其實琴晚訓教已經一路大病，大傷風，仲要唔夠訓，攪到病情加深．．今日上學完全係捱落去，不過都幾開心．．但係我ｌｕｎｃｈ之後最終都頂唔住，真真正正要早退，番屋企休息．．．
小息０既時候，諗住俾０的０野人，點知冇番，交低左俾人．廁所見到阿水同崩牙，我地３個迫左入一格傾０野，阿水條仆街好狼，話示愛就示愛，不過就衰左，但係個樣都仲係咁傻０下傻０下，好攪笑．．．

琴晚有個人，唔知點解好抗拒阿嬌，佢話最憎０的人冇實力，討厭偶像派歌手，仲話我鐘意佢係因為佢個樣．．．雖然我好氣憤，但係又一時間諗唔到理據支持自己，有少少動搖到底樣貌係咪真係咁重要呢？．．但係好奇怪地佢自己又超愛ｅｄｉｓｏｎ．．．．ｅｄｉｓｏｎ唔通係實力派咩？？咪又係因為靚仔．．根本就係自打咀巴．．但係諗深一層，就算真係因為佢靚女先鐘意又點？？鐘意就係鐘意嫁啦，唔需要任何理由嫁？～係咪先～？～～

－－－－－－－－－－－－－－－－－－－－－－－－－－－－－－－－－－－－－－－－－
柏拉圖有一天問老師蘇格拉底甚麼是愛情？
蘇格拉底叫他到麥田走一次, 不能回頭走, 並且要在途中要摘一棵最大最好的麥穗, 但只可以摘一次, 柏拉圖覺得很容易, 充滿信心地出去, 誰知過了半天他仍沒有回去, 最後, 他垂頭喪氣出現在老師跟前, 訴說空手而回的原因：
『很難得看見一株看似不錯的, 卻不知是不是最好, 不得已...因為只
可以摘一株, 只好放棄, 再看看有沒有更好的, 到發現已經走到盡
頭時, 才驚覺手上一棵麥穗也沒有...』
這時, 蘇格拉底告訴他：那就是愛情！

>>November 24, 2003 at 12:30:46 PM GMT+8

2003 年 11 月 22 日 星期六 【晴】

今日心誠贏左1－0．．．殺入4強，陳融方面擺出９－０－１死守戰術，我軍陷於膠狀．．幸而最終險勝一球．反觀４強對手喇沙以強者姿態殺入，６：１　６：０大炒對手．．．心誠中學面對今年學界最大挑戰．．．但．．在這關鍵時刻，隊長馬甸ｂｉ累積黃牌停賽，面對強勁之攻力，後防出現嚴重問題，心誠中學正面對內憂外患的情況出戰．．．

踢完波之後，我地去左大家樂食０野，阿ｂｉ冇去到，佢唔開心，因為俾人串加上知道
左一０的唔應該知０既事，不過其實知道真相咪好囉，唔洗估估０下．．．學黃興貴話齋，溝女呢家０野，一係就得，一係就唔得！雖然佢口中話冇０野，但係人非草木，誰ｘ無情．．．加上又停賽，可謂心情陷入谷底．．看見佢　狂笑－－＞喊－－＞微笑－－＞狂笑，我都覺得佢有ｄ可憐，但又唔可以怪任何人，應該係冇得怪任何人，０個份愁緒又可以向那兒發洩？？
可能佢唔係咁受歡迎，所以有０的人覺得佢自討苦吃，認為根本唔關佢事．．．．．．．．．不過，針唔吉到肉唔知痛，試問如果發生係自己身上，仲會唔會咁輕鬆自如，仲會唔會咁瀟洒豁達？仲會唔會理直氣壯說一聲事不關己？　

誰不知道愛情這東西好苦，得不到時就應該放棄．但是談何容易？愛一個人係需要膽量，愛一個唔愛自己的人需要勇氣．．暗戀是懦弱．喜歡是勇敢．．．愛一個人是沒罪的，也是避無可避的．雖然有時我也會對他的行為有所保留，但今次我覺得他真的很可憐．．．

某人問我：你覺得怎樣？　　　　我只是說一句：見慣不怪，時常發生，但我不會這樣做．

後記：唔記得幾時，有人同我講我日記０的０野，我感到不是味兒．現在清楚說明，日記是我的，我從來沒有像一些人，send給人叫人看自己的日記．我放在icq上,只是希望某些人看..我愛寫什麼是我的事，不喜歡看就別看，橫直我也沒叫大家看．當然，我歡迎任何人觀看，姑勿論是真誠的出至關心，還是八掛．

>>November 23, 2003 at 2:46:48 PM GMT+8

2003 年 11 月 17 日 星期一 【晴】

今日頭兩堂就要補測文學，我自己走左上去問搵ｍｉｓｓ先，拎完題目就去左食物部．．．肥彭同州一齊測，３個都唔識，係都一邊抄邊測．．肥彭自己唔俾心機溫書，係到誣陷我同肥媚有路，仲係到四圍張揚我係寵臣，實在可惡，我決定話俾肥媚知，等佢受罰！！！
今日０的堂都幾好過，不過文學就係好辛苦，捱眼訓真係好辛苦，佢一話休息０既時候，我知道我真係訓著左，雖然好短暫，但係我真係訓著左！！放學要入去禮堂彩排，見到０的傻仔走上台逐個拎獎（其中一個例外），悶到抽根．．好彩聽日去跑越野，唔洗番０者～～

放學番到屋企，睇完叮噹，今集技安要選班長，好彩我唔洗選０者～　之後去左自修室，好耐都未試過溫到關門，溫晒＜史通＞算係咁啦，見到阿ｂｉ，佢話一點鐘已經開始係到，不愧為自修室王子，佩服佩服．．．

由放學開始，電話不停響，不過我冇聽，因為唔想聽，唔想同人講０野，唔想見到任何人，容許我自閉幾日．．．．．．．就讓我做一隻未破殼０既雞仔．．慢慢地脬化．．待我破殼而出時，突必是一個全新的我．．．．

－－－－－－－－－－－－－－－－－－－－－－－－－－－－－－－－－－－－－－－－－

忽聽滅絕師太厲聲喝道：“芷若，一劍將他殺了！”

張無忌卻決計不信她竟會向自己下手，全沒閃避，一霎之間，劍尖已抵胸口，他一驚之下，待要躲讓，卻已不及。周芷若手腕發抖，心想：“難道我便刺死了他？”迷迷糊糊之中手腕微側，長劍略偏，嗤的一聲輕響，倚天劍已從張無忌右胸透入。

－－－－－－－－－－－－－－－－－－－－－－－－－－－－－－－－－－－－－－－－－

張無忌連挫崆峒，昆倫，華山，少林四大派之高手，武高之強大家心中有數，面對一個柔弱女子，簡單的一劍偏偏避不過．．．可笑．．．．英雄果然難過美人關．．．對嗎？

>>November 18, 2003 at 3:18:05 PM GMT+8

2003 年 11 月 16 日 星期日 【雷雨】

－－－－－－－－－－不死神童又一鉅作，累積黃牌突然消失，免除停賽危機－－－－－－－
由於行政上０既混亂，令神童好大機會可以於周六披甲上陣，實在係一大喜事，不死神童始於不易被打倒！！！！

琴晚好夜先訓，訓得幾個鐘頭，攪到好冇精神．．．今朝又冇食到早餐，全日都好唔自在．．今日基本上係一堂都冇上過，頭兩堂空堂，跟住兩堂ｑｕｉｚ，但因為冇溫到，所以聽日補測，之後又兩堂空堂，跟住文化阿ｓｉｒ冇番，最後周會．．．完全係呃波鐘今日．．

由於賞鱷魚一事，大家對我０既行為都議論紛紛，一向行事異於常人，能人所不能的黃勁威都習以為常．．回想當日攪緊ｊｕｐａｓ都可以冇啦啦去睇鱷魚，都難怪別人報以歧視眼光．．
不過一向不堊世俗０既黃老邪係唔會理會人地０既睇法，離緊０既兩日假期，決定再計劃賞鱷行動！

放左學番屋企訓左一陣，去左自修室，唔夠一粒鐘就走左，因為太冇ｍｏｏｄ了，番到屋企，打俾阿媽，落左百佳大掃貨！！夜晚，屋企有一名成員離開左我地．．．．鼠鼠由於年邁，所以過左身，但係冇人感到哀傷，頂！！！　整左個新居俾黑炭，廢事佢冬天又凍死．．．
聽日要補測文學，點都要巡例上溫０下，又要３點先訓．．．唉．．．．．．

－－－－－－－－－－－－－－－－－－－－－－－－－－－－－－－－－－－－－－－－－

『 靖哥哥，我懂啦，她和你是一路人。你們倆是大漠上的一對白雕，我只是江南柳枝底下的一隻燕兒罷啦。』

『 蓉兒，我不知道你說得對不對，我心中卻只有你，你是明白的。不管旁人說該是不該，就算把我身子燒成了飛灰，我心中仍是只有你。』

『 那麼為甚麼你說要娶她？』

『 我是個蠢人，甚麼事理都不明白。我只知道答允過的話，決不能反悔。可是我也不打誑，不 管怎樣，我心中只有你。』
－－－－－－－－－－－－－－－－－－－－－－－－－－－－－－－－－－－－－－－－－

大俠就是這樣,為了維護那無價值的道義而委屈了自己．．亦委屈了她．．．


>>November 18, 2003 at 2:30:55 PM GMT+8

2003 年 11 月 15 日 星期六 【陰】

你老味!!!!!!!!!!!!!!!!!真係上電視呀!!!!!!!!!!!有線新聞一台真係播左段片離,簡直笑料!!!!
今日一起身,4點鐘就要去poly到同表姐影畢業相,鬼死咁煩,又悶,影完又要去食飯...原本約左肥豬去旺角,但因為時間問題改期...但食完晚飯之後冇0野做,去左旺角shopping,之後番上水為食館食羊腩煲,靚姐問我地係咪去左睇鱷魚,話係電視認得我地,超級開心!!!!!!
食完0野去左五人場,有幾個新離0既靚仔要教育一下,想番屋企但係又叫左個比鱷魚更恐怖0既人落離,所以唔走得,攪到成兩點先到屋企,同阿媽又吵,佢唔知點解好似知道左我今日0既行踪,我一講大話就俾佢小到上天,真係好撚煩,遲0的真係要搬出去住,仆街,不過冇錢...........

>>November 16, 2003 at 6:27:16 PM GMT+8

2003 年 11 月 14 日 星期五 【微冷】

！！！！！！！！！！！！！！不死神童黃勁威大戰巨鱷！！！！！！！！！！！！！！
今日同朋友們忽發奇想,決意一睹鱷魚風采,於是坐言起行,上齊嫁餐出發. 經過明查暗訪,由石湖墟上小巴,到達終點站.落車發覺地方熟口熟面,原來係補習0個到!!頂,條鱷魚原來係我附近...但落車後仍要走一段路,係不知目標0既情況底下,我們向途人不恥下問,終於找到目的地.只見離遠已有大群市民圍觀,議論紛紛,黃某第一時間飛奔上前,就係呢個時候,Mr Lever 出現,我第一時間涉左個靚位,狼影佢0既容貌,本以為赤手捉鱷魚定必有關羽身形,張飛臀力,但眼前的人似是人到中年,頭如暮雪...不能想像他會否被鱷魚吞噬...只見他拿著一根長竹....竹頭竹尾綁了橡根,一舉一動令人費解,就懶懶閒咁出發.... 期間突然有線新聞台訪問,我對鱷魚大師的不滿毫無保留地作出批評,唔知會唔會播出街呢?
雖然睇唔到鱷魚,但係都幾開心,番到上水去左打邊爐,打打0下加多左個人,0的部長都唔知,正一白痴!~!~!~

－－－－－－－－－－－－－－－－－－－－－－－－－－－－－－－－－－－－－－－－－

『靖哥哥要聚別人，蓉兒也會嫁給別人。靖哥哥心裡只得蓉兒，蓉兒的心裡亦只會得靖哥哥』

－－－－－－－－－－－－－－－－－－－－－－－－－－－－－－－－－－－－－－－－－

>>November 15, 2003 at 7:03:26 PM GMT+8