2003 年 12 月 17 日 星期三 【乍雨乍晴】

原來．．．神話係唔可能打破．．．見到肥滔．．真係會奶０野．．．五粒星推介．．都．．．．唉．．．．．

今日一早係空堂，去左痾一痾屎先，跟住就去圖書館玩玩，見到６Ａ　ＰＲＥＳＥＮＴ，新潘屬木，我都屬木，崩牙屬金，金苗唔知屬咩呢？！哈哈！～係圖書館睇書，偷左本地下鐵出離睇，成本睇完都唔知講咩，咁都可以拎離做電影，我真係想見識一下！！文學堂變左做講座，不過都係咁無聊，最後大家都好似上文學堂咁係到訓教！！　中史堂上左一堂就教晒書，出左去玩羽毛球，打到鬼死咁熱，件羊毛老底都濕埋．．．

ＬＵＮＣＨ番屋企，再次一去冇回頭，不過今次好甦，專登放晒０的０野同書包係桌面，再搵人同ＭＩＳＳ講我去左痾屎，嘿嘿嘿嘿～～～～～～～～～～～～～～～～～
甦呀！！！！　之後４點幾番左學校踢波，順便拎番０的０野，見到６Ａ０既同學們係到佈置．．行左入去睇一睇，又真係幾靚喎衰鬼，不過攪足成日為左一日，值得咩？值得０既．．．．桃花島０既人做事係唔需要原因，但求開心！～！～！～！

番左屋企，見到桌面又有張聖誕ＣＡＲＤ，我覺得好奇怪，同琴日０個張個信封一模一樣，但係琴日０個張仲係書包．．呢張係？？．．邊位雌性俾我呢？一睇．．毛管棟，堅毛管棟．．．係一位雄性．．．我好多謝你俾張聖誕ＣＡＲＤ我，但係我想同你講清楚，我鐘意０既係女性．．．你死心吧啦！～！～！～！～！～！～！～！～＼

夜晚，好累，食完飯訓左一陣，訓左４個字，但係好似訓左好耐咁，之後起身睇波，無敵祖記主場再勝，雖然係意大利杯，都全部賴皮，仲要係副選上陣，星期日作客廢物，可以喪煲！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

黃蓉起先覺得好笑，聽到後來，不禁十分感動，輕聲道：“靖哥哥，你師父他們恨死
了我，你多說也沒用。別回去吧！我跟你到深山裡、海島上，到他們永遠找不到的地方去
過一輩子。”郭靖心中一動，隨即正色道：“蓉兒，咱們非回去不可。”黃蓉叫道：“他
們一定會生生拆開咱們。咱倆以後可不能再見面啦。”郭靖道：“咱倆死也不分開。”

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

好一個戇９仔，不過傻得可愛！

>>December 18, 2003 at 3:25:32 PM GMT+8

2003 年 12 月 16 日 星期二 【乍雨乍晴】

琴日好Ｑ早就訓左教，起身見到個電話有一個未接來電，有人十二點幾好鬼崇咁打離響左一下就收線～！！～起身睇賽果，單雙小神童奶左０野！！
番到學校，頭兩堂仍然係空堂，眾朋黨又排排坐討論球賽，清談之風極盛！！！文學堂，玩光射黑板，好有小學ＦＥＥＬ，記起ＬＵＧＥ條仆街小學時告我玩光！！！

文學過後係小息，係露台到賞景，肥文拎埋把遮來遮太陽，之後甜筒輝過埋來，就像夏日的麼麼茶一樣，大叫撩女～～～～～～～～～～～～～～～～～～～～～～～～～～～～～～～～～～～～～～～～～
原本大舊只係叫大舊，但係唔知點解冇啦啦叫左佢做大大舊，可能升左級勁左！！！！！！！

ＬＵＮＣＨ番左屋企，一去冇回頭，區小姐打來，我撩鬼佢，一０的都唔驚佢！之後係屋企鑽研球賽，東方日報用五粒星推介車路士，實屬奇聞，我睇咁耐都剩係見過最多四粒星，所以我有０的衝動變身單ＷＩＮ小神童，但為確保穩陣，我出去打左舖ＷＩＮＮＩＮＧ，大炒４球，結果就．．．．．．．

４點許，出了去陪肥中買聖誕禮物，之後去左食下午茶餐，見到肥威，肥坤，肥聰．．同埋．．．．．肥滔．．．．．係統計學上來說，見親佢０既日子不論大賭還是小賭．．熱門還是大熱門．．．．．．．結果都係一樣．．．．．．．．．．．．．．．．．．．．．．．．我頓時蒙出冷汗．．．我諗今晚車路士會有０的不測．．．．．．．．唉．．．．．．．．．

入夜後，得我同父親大人兩個吃飯，食完飯，係到睇射鵰，前排要考試，好耐都冇睇過，一睇就睇左幾個鐘，越睇越緊張．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝


郭靖道：“嗯。我要牽著你的手，對六位師父與馬道長他 們說道：蓉兒不是妖女……”一面說，一面拉著黃蓉的小手， 昂起了頭，斬釘截鐵般說著，似乎柯鎮惡、馬鈺等就在他眼 前：“師父對我恩重如山，弟子粉身難報，但是，但是，蓉兒 ……蓉兒可不是小妖女，她是很好很好的姑娘……很好很好 的……”他心中有無數言辭要為黃蓉辯護，但話到口頭，卻 除了說她“很好很好”之外，更無別語


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果你夠彊學佢咁，我就話你型！！！型過韓小瑩！！！！！



ＡＥＫ心誠　（主）　Ｖ．Ｓ．　格拉斯哥慈航　（客）
主：２.７５　　　和：３　　　　客：２．２５

>>December 18, 2003 at 5:15:04 AM GMT+8

2003 年 12 月 15 日 星期一 【乍雨乍晴】

１．）晨早收到張叮噹聖誕ｃａｒｄ
２．）兩堂空堂討論球賽
３．）文學堂再測，唔撚識，吹呀！
４．）ｌｕｎｃｈ破例外出食飯
５．）文化派卷全班之冠．．．．（全班之定義是肥州，肥文，肥騰）
６．）放學練波唔練跑
７．）打阿ｂｉ電話再次打錯（故意的，唔得咩～）
８．）晚上玩單雙遊戲
９．）搜尋叮噹積木匙扣不遂
１０．）體力透支，及早睡教

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　　　邊個話傷心就會去旅行？！？？？其實去旅行都可以好開心０者！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

賽事：ＡＥＫ心誠　（主）　Ｖ．Ｓ．　格拉斯哥慈航　（客）
地點：北區大球場
日期：１２月２１日
時間：上午九點三十分

　　　　主：２.４５　　　和：３.２　　　　客：２.１

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 17, 2003 at 10:22:08 AM GMT+8

2003 年 12 月 14 日 星期日 【乍雨乍晴】

今日一早起身就要番學，好耐都冇番過正常學，所以都好開心．．．．．．．不過好差凍，著左件羊毛老或番學，０個日行過石湖墟見到件羊毛底底好靚，不過冇買～

ＰＥ堂之後拎左人地部電話玩，有得影相，又係部電話到攪左０的０野～當堂成部機靚晒！～！呢排冇飲奶，攪到０的腸胃唔係咁好，冇左以前種順暢．．ＬＵＮＣＨ番屋企，換左條底褲，因為上完ＰＥ堂濕左，又冇拎多條番學換，咁樣攪法好易生０野！！

最後兩堂英文堂，ＤＯＲＡ播戲俾我地睇，都唔知套０野講咩，剩係知條友痾尿會痛．．．．
結果今日全日剩係派左文化一份，高過肥州！

肥騰：你改左文學卷未呀？
肥張：未喎～
肥騰：一份都未過？？？！！！！
肥張：係喎～
肥騰：攪Ｘ錯呀，我地第一日考嫁喎，你咁Ｘ懶０既？！
肥張：唔得咩，你地夠唔讀書啦！！
肥騰：！＠＃＄％＾＆

放左學之後就去左自修室做中史同埋溫文學，由於測完驗，我決定要放浪形駭一星期，所以六點幾就走左喇．．番到家中，空無一人．．．爹娘去打邊爐，我唔去，一條友食隔夜飯．．．
九點正，ＮＯＷ寬頻電影台啟播！做暗戰２，好有捉智相雄ＦＥＥＬ，睇睇０下原來有條友叫勁威！！即係笑左出離，不過一條友係到笑，成個ＫＩＮＤ子咁．．

九點半到，我又落左街奔馳，今日係寒風之下，環繞上水跑左兩次，好爽～跑到去太平村０個頭，有人放係隻狗叫我，原來係ＬＵＬＵ，佢晚晚都落街放狗，咁都見到，勁！！！！

夜晚阿媽番左離，我同佢噪交，佢問我撕左佢張信用卡單離做咩，我冇做過！！佢冤枉我！！
但係我見到張單的確係好整齊咁有人撕左上半部，但係真係唔係我！！！！可惡！！！！！

尋日睇無間道有我個名呀！！成套戲出左一次咁多咋！～！！～曾志偉叫阿騰開車呀！

今日冇時間！聽晚要再去７仔掃叮噹積木公仔，今次我要抽中大雄！！！！！！！！！！啊呀！！！！！！！！！！！！！！！！！！！！！！！！！

Ｐ．Ｓ．你老味，個日記版最勁都係得寒冷，我想寫好撚寒冷呀！！！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
你愛舒夫真高咪買番離囉，不過一離唔知人地肯唔肯轉會，二離就算轉左會，呢０的咁仆街０既球員好有可能見錢開眼，轉投其他球隊，所以買個實而不華０既最穩陣！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 15, 2003 at 5:28:10 PM GMT+8

2003 年 12 月 13 日 星期六 【乍雨乍晴】

今朝九點幾先番到屋企，訓到５點幾甦左，但總係好累．．．跟住睇報紙，買左條３串１，輸左２００，ＡＣ米蘭果然係一支仆街０既球隊，毫無安全感，又唔撚穩定，贏又贏得唔夠霸氣，你老味祖記又炒對手，今次我都冇動搖，我都有買，但係誤信讒言，拖埋ＡＣ，如果一陣皇馬贏埋，我以後都唔會再理舒夫真高，真係燥撚晒！！！！

夜晚去左沙田睇左場無間道３，理解唔到，到底黎明係忠定奸嫁，第二集仲好睇過第三集．．
睇戲去左食飯，近排我對於食物方面好重視，我唔奢求美食，但我只希望能填飽肚子，再加上我唔容許有食物剩係我面前，所以人地食唔晒０既０野，我都會盡力食完，因為飽到上心口０個０野實在太爽！

記得唔知幾時開始，我好鐘意虐待０的煙，因為我唔鐘意食煙．．．我每次見到人地食煙，都會順勢拎一支，起初大家都好樂意俾我，但係我拎左唔係食，而係拎來玩，一時點著吸一兩啖就拋落地，一時點著扮型，一時又點著之後斬斷一半，有時更加連點都唔點就撕爛晒玩煙絲．．．結果大家都唔再肯俾煙我．．．但係，今日我食完飯之後，食左一支煙，一支可以話係呢幾個月來食得最認真０既一支煙，我食到去差唔多到萬寶路個英文字先拋落天橋，一呼一吸，好像將千千萬萬０既煩惱吸入身體，然後又釋放出來．．．．打通了任篤二脈．．．

其實，一直以來都認為人地要睇係人地０既事，放係到又唔代表叫你睇．．．但係，人就係咁，換轉係我都會咁做，加上又係我自己公開給別人看．．．如果每次我打０既時候，都要顧慮咁多０野，我寕願唔再寫算了．．．我由此至終都承認我係衰格，但係我唔認為我有做錯．．．況且竹林７賢根本就唔在乎人地點睇．．．所以，對於你０既看法和想法係不敢苟同．．或者我唔再放係ＩＣＱ到會比較好．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
大雄有了叮噹，以為很幸運，所有事情都可以解決．但是，自從叮噹來了之後，他仍然是一個懶惰得要命的學生，每天都給技安欺負．．叮噹根本冇幫到佢，改變佢，甚至可能只係害緊佢．．．．直到有一日，叮噹冇晒電，唔再係大雄身邊．．．大雄反而懂得振作起來．．．成為偉大０既科學家．．．很諷刺地，叮噹一心由未來回到過去想改造大雄，但卻成為大雄獨立和成長的重大絆腳石．．．．
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

>>December 14, 2003 at 5:56:24 PM GMT+8

2003 年 12 月 12 日 星期五 【乍雨乍晴】

今日踢完波，贏左１－０，又係辛坦拿入波！！果然有０的料到！賽後仲有東方報到，聽日一定要買報紙睇先！！

今朝一早朝阿媽出左門口，即係諗方法爆破佢櫃筒，最後終於俾我搵到條鎖匙，成功盜取回鄉ｃａｒｄ！！之後係屋企睇左無間道二！！哼～！我有喇～唔洗跟隊咁慘～！！～！傻強好叉攪０野！～～之後又打ｗｉｎｎｉｎｇ，６點到有個人上左離我家．．成為我生命裡面第一個同我一齊訓我張床０既．．．．．．．．．．男人．．．．．．．．．．．．．．．．．．．人家係被子裡取暖，你老味又要踩入離，萬一我阿媽突然回來，我真係唔知點解釋．．．．．

到７點鐘出發，肥文突然打來話去佢屋企作客火鍋，得悉佢父母遠行，一冇人係屋企就造反！但有約在先，下次早０的講聲！！我第一次從落馬州番大陸，快好多，又方便，唔洗排餐死！！過晒關先答車去水庳食飯，終於食到一餐飽飯，據資料統計，我夜晚番親大陸從未試過一餐溫飽！！

夜晚十點幾，去左ｄｉｓｃｏ，係房入面對酒，０的低音炮好叉噪．我好安份咁飲酒同食０野，一方面要管理同行伙伴０既秩序，另一方面又要照顧入景０既朋友．．．我一根煙都沒有抽，但所吸０既二手煙可能多於一條！！！！之後４點幾，我０既肚子又餓起上離，再次狂食，之後去左做泰式按摩．．完事後．．幾個麻甩佬迫埋係一張死人床到訓教，成何體統？！！？！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

陳永仁：『我想做好人呀！！！』

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 14, 2003 at 1:23:18 AM GMT+8

2003 年 12 月 11 日 星期四 【乍雨乍晴】

今日係最後一日0既考試，終於考完可以輕鬆一下！！
好撚凍，九點測到十二點，一點半測到四點半，跟住仲要去補習，五點半到十點，完全係體力透支．．ｌｕｎｃｈ去左Ｍ記食０野，之後幫利詩雅買外賣，番到學校去左痾屎，一路痾一路溫史通，今日０的大便唔係咁暢通，可能係壓力太大，坐係馬桶上冇左以前種感覺，可惡！！
中史唔係咁識，希望合格啦，不過都考完！！～

夜晚番左屋企再出去，去肥熙屋企，佢幫我燒ＷＩＮＮＩＮＧ　７新版，同埋無間道二，出去０既時候冇留意衣著，件衫同條褲撞到好７，好彩冇俾人見到，實在可惡！！一點幾番到屋企，發覺阿媽鎖左個櫃筒，今次仆街，張回鄉ＣＡＲＤ俾阿媽鎖左，大撚鑊，聽日要盡量試０下開鎖，希望佢條ＫＥＹ唔會隨身攜帶啦，唔係就仆街嫁喇！！！！！！！

聽日天文台話會好撚凍，叫０的人唔好出街，唔係會凍親！但係聽朝仲要一早起身去睇波，因為今次要做後備，頂你個肺！居然將迪比阿騰放做後備，可惡！～～！
既然冇得踢，都係去跑步啦，星期四就係４Ｘ４００初賽，不過呢排考試冇練過，生疏晒，實仆街啦，夠你喇肥淦！！！！！！！！

肥州唔記得拎部電話番屋企，放左係學校櫃筒，我而家決定狂打佢個電話，希望可以將佢震到落地下！！嘿嘿嘿嘿！！！！！！！！！！！！！！！！！

你老味，睇左咁耐，黃蓉終於肯死出離喇！！～！～！～！～！～！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
黃蓉慢慢伸出手去，握住了郭靖的手掌，低聲 道：“現今我甚么都不怕啦。”郭靖道：“怎么？”黃蓉道：“就 算爸爸不要我，你也會要我跟著你的，是不是？”郭靖道： “那當然。蓉兒，我跟你在一起，真是……真是……真是歡喜。”
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
靖哥哥～～～～～～～～～～～～哎喲～～～～～～～～～～～～～～

>>December 12, 2003 at 6:29:02 PM GMT+8

2003 年 12 月 10 日 星期三 【乍雨乍晴】

500 X 1.4 X 1.35 + 20 X 3.6 X 2.1 X 1.95 - 500 + 20
=945 + 287 - 520
=712

幾多激心的賽果～我亦捱得過～來搶攻～來險阻～就擊倒我麼？
誰賭博就多意外～死性我不想改～
如我沒有買祖記～我沒法活得來～～～～～～

嘿嘿嘿嘿！！！嘩嘩嘩嘩！！！哈哈哈哈！！！！祖記萬歲！！！！！！！

今朝一起身就收到喜訊～～我好慶幸，我冇動搖到係馬桶上面０既信念～但係都係要番學．．
今日好凍，著左件衛衣當底衫，攪到好大舊好唔舒服．．．ＧＰＡ．．．全軍覆沒．．．訓０既訓，死０既死．．．唉．．．早知唔修好過啦，其實我都想訓，不過坐個位靠牆，頂住左隻手訓唔到．．．如果識０既話３個鐘都唔係好耐．．最慘係唔識．．．

好不容易就考完，仲有一科中史．．．雖然聽日就測，但係完全唔想溫，番到屋企打電話騷擾人地．．．之後打左陣機，訓左陣教，到６點幾先睇左一陣．．．今日基本上都冇溫過．．．考完之後我諗要定時溫書，唔係積得太多就仆街！！！！看來，我排益力多凍過水．．．

記得上年我原本諗住去湖南闖一闖，但係ＳＡＲＳ關係，阿媽唔俾去，估唔到，有人俾我更厲害，聖誕節走去湖南！！佩服！！仲要係一名女子！！勁呀！！！！買手信呀，頂你！！！
我都想睇０下湖南有咩手信！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

真正黃勁威：你對住個海嗌, 講反話,你老公就會返黎啦。
何麗珠：老公,我唔掛住你啦, 你唔駛返黎啦,我呢幾年好開心呀, 你唔駛擔心,我搞得掂呀, 我會照顧奶奶同天娜, 仲會搞好公司,老公, 我唔想再見你啦, 一眼都唔想, 抱一下都唔想, 你聽唔聽到呀?你真係聽唔到呀?我唔愛你啦...我唔愛你啦．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
湯婆婆說：曾經發生過的事情是不會忘記，只是想不起來罷了




補充：日期：星期六
　　　時間：十一點正
　　　地點：北區運動場
　　　對賽：ＡＥＫ心誠　Ｖ．Ｓ．　加拉喇沙雷

>>December 11, 2003 at 5:14:21 PM GMT+8

2003 年 12 月 9 日 星期二 【微冷】

嘩哈哈！～琴晚眼訓唔想打日記，亂９咁打左０的０野～而家補番先！！！
今日考英文，考到十點九就放，跟住番屋企ｋｉｎｄ，琴晚輸左＄１００，所以今日要報仇，愛隊祖雲達斯雖然連輸３場，但依然要捧，因為強者終歸係強者！！！於是打去問肥文意見，佢老味竟然動搖！！算！！我問佢去唔去溫書，佢居然話要休息一日．．．．你老味，好忙碌咩呢排！！

於是我係屋企攪到４點到先去溫書，溫左一陣司徒無懼落左來，係到騷擾我，攪到我今日溫唔到書，仆街！聽日考ｇｐａ，但係完全冇放在眼內，剩係溫中史，但係溫極都唔識．．．溫到無ＭＯＯＤ，８點幾提早走人，又見到肥彭，又問我拎錢，睬佢都有味，布置班房洗唔洗咁多錢呀，肯定拎晒去買格仔餅多糖多奶多花生醬啦！！！

於是我番到屋企，食過晚飯，係我最愛０既馬桶上沉思了一會兒．．．『就算全世界話你輸，我都話你會贏！』，於是我毅然拿起叮噹籃筆，畫好彩票，填好金額，就出發！！
盧大膽又唔抵得，驚我中左自己冇得中，於是係猶豫０既情況底下同我一齊買！！我兩以閃電式打飛，因為驚會動搖，但係我堅定０既信念始終冇變！！！ｗｉｎ呀！！！！！！！！

阿嬌叫我地到時演唱會要著紅色或紫色衫來配合聖誕氣氛，攪錯呀嬌嬌～，好人好者，男人老狗，唔好話紫色啦，紅色都冇啦．．．．．．除非係．．．．．

夜晚溫溫０下書，跟住分左心一會兒，之後就溫唔到喇．．．．．我呢排鐘意左盧巧音，不斷重擋逆插玫瑰，同人講，個個話我ｏｕｔ左，你老味，好聽就得嫁啦！！！
琴晚半夜聽到首新歌，我終於聽到０的人地唔識０既歌，覺得好型！原本我訓唔著，好多０野諗，之後聽到最尾０個句：

　　　　　　　　　　　　　　　『忘記智商去做人都願意』

之後就訓著左ｌｕ，０岩０既，反正我智商都係唔高得去邊嫁喇
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果有一本日記，放在桌子上，沒有人在旁，你拿起就看，這樣子，你認為做得對嗎？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 11, 2003 at 4:58:41 PM GMT+8

2003 年 12 月 8 日 星期一 【微冷】

今日同琴日一樣，一心諗住要溫書．．較左鬧鐘十點，但最後十二點先起身．．．一起身，係屎塔到溫張騫班超，感覺很特別～　之後阿媽打來，一齊落百佳掃貨．．回想起數日前，有朋友上來作客，熱情０既蒙古人定必將屋企所有０野拎出離作客，奈何屋企缺糧，只剩下一頭野生黑貓，情況尷尬．．．．．．

今日我剃左鬚．．．其實成日唔剃鬚係有段故，絕唔係大家所想係到扮滄桑．扮浪子，雖然我想～　其實每次剃親鬚，人中同塊面都會敏感，又痕又痛，有時仲會紅左好似俾蚊針咁，次次剃完都好唔舒服，所以唔係去到ｂｅｇｇａｒ　０既地步，我都唔會剃！！

食完飯，唔想去自修室，所以係屋企溫習，但係發覺集中唔到所以周圍打俾人騷擾佢地溫書．．肥彭溫左成兩日都仲係溫緊班超同張騫，仲要係簡略版，我不禁心裡冷笑一下，不過可能係佢想令我輕敵之計，不可盡信！！４點鐘，我去左江南７怪之首，飛天蝙蝠柯震強屋企，幫佢整電腦，攪左我個幾鐘，留左個電話係佢屋企，肥彭打過來，以為係我老豆！！嘩哈哈！低ｂ！！！！！之後我就去左自修室．．已經５點半．．．．

幸好今日溫得算ｏｋ，起碼唔會心不在焉啦，終於到九點鐘，番屋企前去左馬會，魯莽地買左＄１００三串一．．之後番屋企食飯．．食完飯又去馬會，跟住去左石湖墟７仔，去買叮噹積木匙扣．．．你老味去到居然賣晒，當堂嚇左一跳，之後去另一間睇，好彩仲有，我第一盒一開．．．．．．．仆街．．係靜兒．．．．．你老味．．於是屈司徒無懼買一盒俾我．．．呢次我好想要技安．．一開！！！真係技安！！！跟住盧大膽亦履行諾言，再買一盒．．．今次一開！！！！係叮噹！！！！！！而家仲差大雄同阿福！！！！！

番屋企，再溫左一陣書，決定唔沖涼．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

令狐沖道：「人生在世，會當暢情適意，連酒也不能喝，女人不能想，人家欺到頭上不能還手，還做什麼人？不如及早死了，來得爽快。」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
你老味！！！講得好！！！呀呵！！！！！！！！！！！！！！！！！！！！！！！！！！

>>December 9, 2003 at 5:50:31 PM GMT+8