2003 年 12 月 27 日 星期六 【乍雨乍晴】

今日是星期日，要做ＯＲＡＬ去安格靈，一點幾起身跟住落左馬王食０野，三點鐘去到元朗，琴晚飲到咁大，今朝出奇地冇咩唔妥．．．去到練ＯＲＡＬ，ＴＵＴＯＲ話我ＰＲＥＳＥＮＴＡＴＩＯＮ唔錯，但係ＤＩＳＣＵＳＳＩＯＮ就差０的，同埋叫我要剃鬚，嘩哈哈！！！！！！

之後番左上水，同肥中攪左０的０野，跟住五點幾出左旺角購物，今次我自己認路，雖然冇迷路，但係都係撞０下撞０下咁．．．到夜晚先知道原來琴晚走左之後發生左０的唔係咁開心０既事，一時都唔知點咁．．．番番上水，去左食飯，今日買左條６串６同埋３串１，原本想老訓曼聯，車路士加格拉斯哥流浪，但係都忍住，買左４０蚊ＯＮＬＹ，我話過，我一定會再訓一次，我要證明俾你地睇波係有方形的！！！風水佬坤你十年八年，我最多令你地奶一次０野！！！因為一句波係方的，連累大家咁落魄，真係有０的過意唔去～～

呢排發現左原來呢個世界真係好復雜，好多０野都可以發生，唔到你唔信，為左一０的利益，真係可以咩都做得出，君子有黨，小人無黨原來係對的，我冇啦啦拎左本書，睇番朋黨論，越睇越有感受，原來呢個係千古不變０既定律，呢個世界，真心真意對你的可能只係得自己一人，問你死未？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

消失了的第三天，星星不願再露於人前．．．．

談戀愛就像賭博一樣，當你訓身落一條３串１時，只有兩個可能性，一是豐衣足食，二是兩袖清風，同樣地，當你將所有感情放落一個人身上，亦只有兩個可能性，一是美滿終老，二是傷心欲絕．．．．．．．．

>>December 28, 2003 at 2:50:14 PM GMT+8

2003 年 12 月 26 日 星期五 【乍雨乍晴】

今日要番十一點，十點幾肥坤打來，話個仆街仔又番來攪事，今次搵佢老豆，因為佢老豆係報警０個個，我見形勢危急，就拿拿聲起身換衫番去．．．去到見到個仆街仔好狼咁真係番左離，經理已經躲藏左，條友好變態，拎住把超大０既神兵，堅係神兵，並冇誇張，我一睇就認得係早幾年書展賣０個０的神兵，好撚大把，嚇到０的人死，之後有人報警，條友好甦咁收埋左把０野，差人離到都奈佢唔何，我係燒味部都拎定把燒味刀以防個傻佬亂咁斬人！～！

今日雖然係星期六，但係可能俾個傻佬攪過之後，好淡，我係燒味部不斷偷食，食左成隻鵝，油雞，手撕雞，乳豬，嘜叉都俾我食雲晒，攪到連晚飯都唔想食，到晚市仲淡，冇０野做就學０下斬燒味，平時係學校成日扮斬，今次拎起把刀原來一０的都唔昜，不過都幾過隠，但係隻手指尾受傷．．．．．今日係最後一天，出左八百蚊俾我，好開心．．

夜晚放左工，金香後面開左間ｂａｒ仔，全部都係圍內０個班人睇，超過隠，以後有落腳點，我當然要去湊湊熱鬧，雖然幾細間，但係氣氛幾好，飲左好多，暈到仆街，之後仲要渣車番屋企，起初以為冇事，點知原來真係唔掂．．．架車係咁Ｓ型行，行行０下終於抄埋路邊，唉．．．０岩０岩先整過部車，今鑊又唔知洗唔洗錢，好彩冇咩大損傷．．．．番到屋企都仲好差暈．．．蒙０下蒙０下亂咁來．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
消失了的第二天，星星也不再睡眠．．．
記得金城武有套戲０既對白：『如果記憶係一罐罐頭，我希望佢永遠都唔會過期，假如係都要加一個限期，我希望係一萬年』．．其實，罐頭始終是會過期，就算真的有一萬年的期限，過了一萬年終歸是過了期．．．與其這樣，何不趁著到期前把它吃了呢？那麼，這罐罐頭就永遠都在肚子裡，被身體吸收．．．．．

>>December 28, 2003 at 2:23:15 PM GMT+8

2003 年 12 月 25 日 星期四 【颳風】

今日終於可以休息一下，因為要去補習．．．一早有一個無來電０既電話打來，因為太眼訓，所以冇聽到，跟住過多一陣又打來，聽左．一個朋友打來，講左一０的０野，雖然我好眼訓，但係我都估到係因為佢睇過我琴日的日記，原來佢日日都偷睇．．．雖然好眼訓，不過都甦左一甦，對於佢０既問題，我唔知點答，每次佢問親我都唔想答，只限於佢．．．我都唔知係咩心態．．．不過其實０個答案大家都好清楚．．．．

起左身，周身不自然，煎左０的蘿蔔糕食，２點幾落左街鬆０下圈．．．之後番屋企沖淡換衫．．．父親打來問我琴日酒樓係咪打交，話報紙有寫，問我有冇多事幹，我話我好驚咁躲藏起來，佢讚我醒目．．．．其實我係好八咁係側邊行來行去睇０野．．．之後要去補習，上左馬會小注．．．好彩冇亂來．．．０的波真係痴撚線．．．諗９０幾分鐘俾我贏番條３串４，中左兩關都收番百幾蚊．．．我以後會聽你講，以後我想怒訓０既時候．．就會減少一個單位．．．原本想買車路士，曼聯，阿仙奴．．３串１兩舊水玩０下，好彩記得訓勉，減少左一個零．．．．

夜晚番到上水十點幾，酒樓一族又未放工，於是買ｍ記番屋企食．．．食食０下有人打來屋企，好意外，又開心．．．真係估唔到

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

消失了的第一天，星星也變得不自然．．．偶然也會想想，寒冷的天氣，無情的山路，沉重的背包，會否把妳擊倒？或許是擔心妳，或許是想保護妳，或許是有點兒掛念妳．．．但我清楚知道．．．妳有足夠能力去面對，去解決，去承受所有困難．．．妳不需要人擔心，更不需要人保護．．．但．．．我不知道你需不需要人掛念．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

如果我們都有魔力,能看透對方的思想,我想最先發生的就是友情的消失。　　　-------- 羅素

>>December 26, 2003 at 5:28:06 PM GMT+8

2003 年 12 月 24 日 星期三 【颳風】

我在酒樓的第四天，今日負責拎點心，平時去飲茶隨手就叫一籠，但係其實唔係咁容易．．．０的蒸氣整到對手好痛，有幾次仲差０的打爛晒．．．十隻手指頭都好陰公．．．肥州依舊任職二師兄，最悲慘０既一個岡位，企到腳板都累埋．．．

到三點幾，酒樓有事發生．．．一個傳菜阿姐個仔問阿姐拎錢，但係阿姐唔係俾，個仆街仔就反左張桌子，好似拍戲咁，老闆追出去，俾佢打到豬頭咁，據聞膝頭碎左，唔知有冇誇張到．．．之後條仆街仔過左個幾鐘仲夠謄死番轉頭，坐低講數，又話ｃａｌｌ人呢樣０個樣，我同肥中肥坤都係到睇戲唔做０野，肥州就７０下７０下咁繼續洗．．．之後風回路轉，有人ｃａｌｌ左酒樓睇場離，隱約間聽到０的人０既名字，不過都未撚聽過，於是致電去江湖資料詢問處，所以疑團都解開，但個仆街仔最後都俾警方拎走左，但就累到阿媽冇左份工．．．．

夜晚冇咁旺，不過企都企到腳痛，但我好好多，可以成日走出去蛇王，肥州就真係慘０的．．．從來都唔會諗過，原來係垃圾房隔離食一０的送頭送尾係會咁開心，咁滿足．．．．
以前番工０既回憶一下子係腦海中浮現出來，次次番親工都好感足，都會覺得還是讀書好，但係，往往都俾豐足０既日子蒙蔽左，今次．．．我又感覺到．．．原來知識真係可以改變命運．．．．當真係夠自己雙手來填飽自己肚子時，並不是一件容易的事．．．原來錢真係可以渣出血和汗．．．．從今日起，要珍惜現在的所有東西，特別是身邊的人．．．．不過．．．明天就要走了．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

其實，只要食得開心，就算係一隻芝士餃子，都可以好味過扒王之王０既厚身窄切，係咪？？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 25, 2003 at 4:49:23 PM GMT+8

2003 年 12 月 23 日 星期二 【颳風】

十點鐘，起身要番工．．．今日我升左職，唔再做二師兄！！加入左燒味行列，平時成日扮斬叉燒，今日試過原來唔係想像中咁容易．．．係燒味部到幫０下手，同肥坤拍住上，偷食左唔少燒味，閒日原來好Ｑ遊閒，完全係優差～但係做做０下潘健侶打來，條八公又唔知係邊到收到風，又講一大論道理．．．

由於我一句『波係方形０既』，連累左不少朋友，於是我就引薦左肥州入來，佢加入左二師兄０既行列，同肥中管理部門，風頭一時無兩！！今日又學識蛇王之道，時間過得特別快．．．到夜晚，我又轉左做送菜，成間酒樓０既位置我都差唔多做過晒，問你服未！誰不知送菜仲遊閒，係廚房又狂食，簡直係一流！！

到左收工０既時候，都唔甦係今晚原來係平安夜，原本冇諗過去邊到玩，但係最後都約左人．．番左心誠行０下，有人係到燒０野食，夜晚０既學校別有一番風味，好靜，係草場樓梯到坐左一陣，個天好靚，有好多星星，好寧靜，好舒服，成個人都鬆馳～不過最後俾人發現左，破壞晒０的氣氛！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

同是一對鞋子，不同的鞋底．．．同是一對手，不同的感覺．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

好掛住蓉兒同靖哥哥，好耐冇搵佢地喇

>>December 24, 2003 at 6:14:17 PM GMT+8

2003 年 12 月 22 日 星期一 【颳風】

人衰行路打倒ｘ呢句說話一０的都冇錯．．．凡係有關賭博０既０野，我都唔會再羸到，今日．．．我連雙腿都輸埋．．．．．．．但其實我已經好強，不過佢仲強，好０野！！
今日係陸運會０既第二日，跑完８００ｍ已經想死，之後仲要跑４ｘ４００，原本我地係羸緊的，但係無能０既信社體育幹事搵左個殘疾人仕跑第一棒，結果導致．．．．．．

今日小弟去左翟鐵餅，完全格格不入．．．．肥倫根本就係屈機，我都唔知點解會報左鐵餅，如果我跳遠，點都有個第四啦！！！　不過ＭＡＶＩＳ都走左去飛鐵餅，傳聞話仲飛得勁過大大舊，好嚇人啊，臂力原來咁驚人！！！

ＬＵＮＣＨ之後，肥寶幫我同肥寶影左張相，但係佢冇上過網，冇ＳＥＮＤ番過離．．．之後因為一班粉腸一個『型』字，就７０下７０下咁走左去跑咩畢業班接力，你老味，明明我地皇家ＳＥＶＥＮ　Ａ　羸左　ＳＥＶＥＮ　Ｂ體育會，但唔知點解變左做相季軍．．．季軍都要雙．．．．．

最後頒獎，信社依然擺脫唔到魔咒．．．．年年都係咁撚樣，入左離咁多年就衰足咁多年．．．真係垃圾，悲到暈！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

今日，我成功地跟碗筷做左好朋友，佢地唔再難為我，人始終都係惡過０的死物的

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 23, 2003 at 5:41:25 PM GMT+8

2003 年 12 月 22 日 星期一 【乍雨乍晴】

今天是陸運會的第一天，起初我堅諗過唔番，但係做人０既０野，應承得人０既就要做到，所以番左．．．對於惡運纏身，我仍然是緊緊於懷．．．最早０個項竟然係１５００Ｍ，死灰意冷咁去迎接，反而個效果幾好，時間雖然冇最ＦＩＴ０個時咁狼，但亦算見得０下人，有０的意外，可能就係冇壓力情況底下０既結果．．．明天要跑８００Ｍ，我同廢人淦ＳＩＤＥ　ＢＥＴ左對腳，如果我輸俾佢，我就要自斷雙腿．．．．．

雖然今日好多人冇番，但係我都玩得好開心，我拎住個大聲公周圍走，維持同學們０既秩序，又周圍撩鬼．．．今日有條友打交，打到人地入左廠，但係兩個都係ＫＩＮＤ子，由早上俾人罰企企到放學，真抵死．．．肥強突然打來，話我地開陸運會噪得制，叫我地檢討０下聲浪，笑爆，跟住同我相約決鬥１００Ｍ！！　最衰我冇數碼相機，唔係就可以周圍影，但係今日我都拎左人地０個部偷拍，不過最後都俾人發現左！

原本我想報跳遠，但係按錯制變左鐵餅．．．肥文條仆街都跳到第四名，真係天冇眼．．．朱朱拎住部機係咁影，０的人跑到反白眼佢都係到影．．．又放部０野係沙池到影人跳遠，誰不知人地飛錘落池，佢即係食沙．．笑到我爆！！！

肥張肥膏上腦，真係派測驗卷，結果我又左輸．．．．呢排我都咩都輸，連益力多我都輸左一排．．．唉．．．人地話，賭場失意就情場得意，但係我唔覺喎，今次真係天道周星，物極不反！！！！！！

呢幾日其實我都過得幾開心，雖然輸錢，不過我知道有０的０野係幾多錢都買唔到０既


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

媽媽，呢十九年來，我都冇幫你洗過一次碗筷．．．．但係．．．今日我一次過還清晒俾你喇．．．．．而家我見到碟都驚喇．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>December 22, 2003 at 4:22:17 PM GMT+8

2003 年 12 月 20 日 星期六 【乍雨乍晴】

人若然窮到當0野


賴你阿媽係姓鄭 定我本身係咁邪
屋企冇0野 周身去抄雲晒得豆零點到我唔信邪

#人若然窮到當0野 冇謂同朋友講0野
朋友唔會講錢唔興呢家0野 借錢點樣借 至0岩佢何"些"
要用人格擔保至借

就算有心亂咁射 撞正咁0岩係阿蛇
點樣買0野 都黑到冇有人舖舖衰點到我唔信邪

*人若然窮到當0野 成日隨時會奶0野
行0下行0下街都撞見污糟0野
阿哥都生0野 細佬變鹽蛇 去著個公"次"都臭0既 #

玩嘜鬼玩得咁鬼夜 第二日做0野會烏sir sir
同人唔同遮 你個柄咪對住我好邪*

>>December 21, 2003 at 4:07:07 PM GMT+8

2003 年 12 月 19 日 星期五 【乍雨乍晴】

今日係學界接力初賽，我地順利進入決賽，但係我發覺自己已經不復當年勇，可能今年真係懶左０的，加上之前考試又停左一排！！女甲４ｘ１００俾人ｆｏｕｌ左，實在太可惜，跑第一嫁麻！！！頂！！！

跑完番左屋企，之後去左樓下食食物．．．．今天，我作了一個重大的決定，我絕不是魯莽，我是絕對的充滿信心，我知道今次０既決定將會係我人生０既一個轉捩點，但係我沒有動搖．．亦沒有半點猶豫，動用了所有流動資金去馬會，今次我堅有信心，以前０的人成日話波係圓０既．．．．

　　　　　　　　『但係．．我可以大膽講句，今日個波係方形的！』

如果個天要我死，我都唔會死，因為我深信我一定會贏，係必勝！！！！因為我係不死神童，我係無敵０既！！！我係黃勁威！！！！！！！！！！！！！！！！！！！！！

訓完身之後一蚊都冇，番左屋企休息，訓左陣教，之後係到睇射鵰，唔覺唔覺又睇左一章，好快就可以睇晒了．．夜晚，得番我一個係屋企，阿爸阿媽同家姐都出左街，我係屋企食飯，因為出面實在太凍喇，聽日就要踢決賽，加油！！！！晚上州打來，得知佢隻貓失手跌ｑ左落泥水到，成隻凍到打冷震，好笑又可憐，佢隻貓可以開放識出外玩耍，又識得番屋企，我諗佢隻０野應該強過我０個隻，黑炭應該唔夠佢打．．．．．．．　　　　　　　　　　　

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　　　　　　　　ＡＥＫ心誠　　　Ｖ．Ｓ．　　格拉斯哥慈航

　　　　　　主（１．２０）　　　和（５．２５）　　　　客（１０．００）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
我要保護我身邊的每個人，我唔容許任何人欺負我的朋友．．．雖然能力有限，但亦會歇盡所能去做到！
　　　　　　　　　　　　　　　　　　　　　　　　　　　　　　　　　　　　

>>December 20, 2003 at 3:03:35 PM GMT+8

2003 年 12 月 18 日 星期四 【乍雨乍晴】

昨晚夜訓，今朝唔願起身，所以冇番到學校．．．跟住區小姐打來，我又撩鬼佢，佢問我做咩唔番，我話唔知甦，跟住佢話：０下？你叫我點寫呀？　之後又提我星期一記住戴個套同埋學生證～～～

我訓到十二點幾先起身，跟住打左個電話．．之後食完飯，係屋企打機，要補習，提早左出門口，因為要幫人俾０野人．．．終於拎左地鐵乘車證．去到巴士站，上左巴士，到落車先叫到肥州原來坐最後，我問佢做咩唔叫我，佢話以為我見到，但有心事所以自己一個坐．．頂．．．．我地商量好終極訓身０既對策，抱著必勝０既決心迎接星期六０既來臨！！！

去到補習，今日放早，九點半就走得，一放冇周街去，因為好凍，即係番左屋企．．食公仔面，跟住阿媽回來時，拎左一條好好好好好好好好大０既三文魚番離，有成一個半階專咁長．超正！！！連黑炭都過離想食！！隻死０野今朝張我唯一一舊蛋糕撥左落地，然後咬左幾點，我起身先見到，可惡！！！！！之後傾左陣電話，知道今日有人喊，真係冇陰公，可惡！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

風清揚道：“獨孤九劍，有進無退！招招都是進攻，攻敵之不得不守，自己當然不用守了。創制這套劍法的獨孤求敗前輩，名字叫做‘求敗’，他老人家畢生想求一敗而不可得，這劍法施展出來，天下無敵，又何必守？如果有人攻得他老人家回劍自守，他老人家真要心花怒放，喜不自勝了。”令狐沖喃喃的道：“獨孤求敗，獨孤求敗。”

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
如果呢個世界上有人咁狼，到底應該開心定唔開心呢？

>>December 19, 2003 at 5:23:51 PM GMT+8