2004 年 2 月 24 日 星期二 【陰晴不定】

琴晚睇波睇到五點幾先訓，今朝就十一點幾起身，因為我要有精神去溫書，唔可以訓到咁晏，加上又要番學校睇答問大會．．起左身，睇左一大半拳霸，好撚勁，我嘗試模仿佢０既招式．．跟住食左個包就番學

番到學校已經開始左，不過只係兩個主席係到互屌．．跟住見到ｐａｕｌ同ｊｏｅ佢地，商量點樣屌狗佢地好，跟住ｐａｕｌ有一條問題係內定質問對方的，原本叫我問，但係ｊｏｅ俾左一個好好０既靈感我，係佢地０既政綱廿三條話會轉播ＮＢＡ及各國精彩足球賽事，最後經我地一番草率０既商討就決定屌狗佢！！「各位老師同學你地好，我係７Ａ０既黃志騰．．我想問０下鳥托邦０既主席關於你地政綱廿三條話會轉播ＮＢＡ及各國精彩足球賽事，但據我所知呢０的賽事全部都係深夜進行，如果你地錄左係學校公開播放，請問你地有冇買版櫂？你有冇去到英格蘭或者西班牙得到授權？？如果冇，你咁撚樣做係犯法嫁喎！！＠＃＄％＾＆」之後換來一片歡呼聲，我就俾番支咪傲拜．．吉鋂回答我０既問題，佢話會只係錄影免費電影，死傻仔，任何電視台不論收費與否都要買版權呀七頭！！跟住佢又話問過阿ＳＩＲ話可以，我諗個阿ＳＩＲ係話俾佢地播放，但係當中就冇考慮過合法與否０既問題，雖然可以播，但唔等於你係合法！！不過好可惜支咪已經唔係我到，如果唔係一定屌到佢撻皮！！支後ＰＡＵＬ又問左一條問題，好明顯每個人發問都係針對人地，攪到話每邊最多被問五條，我地已經問晒！！！
之後完左．．．收到線報話人地喊．．好傷心咩？

之後兩點鐘就去左溫書，今日精神好過琴日，又０拍左４粒喇叭牌正露丸！！跟住就開始溫，溫溫０下梅度打離，一出去聽成十幾隻龜係到做演習，嚇撚到仆街，琴晚番屋企又俾龜逗，有０的陰影．．之後溫到成五點先食飯，好撚陰公．．．食完之後番去溫，但係急屎．．一食完就急．．．加上精神已經散左，所以就六點半到番屋企．．．番到去一開門．．．情境又係黑孖孖．．．今次連黑炭都冇叫，一片淒寂．．．跟住即刻爆石，然後睇埋拳一霸．．ＦＩＲＥ同ＭＡＹ相繼回來．．睇睇０下聽到鐵閘聲，平時黑炭偷走出街就係咁０既聲，跟住ＦＩＲＥ怒吼叫佢番離．．之後又聽到一聲，ＦＩＲＥ就走出去睇０下咩事，然後高呼我０既名字，我以為嘜撚０野事，原來有隻大白兔係到！！！黑炭同佢噪緊！！條尾鬆到好似雞毛掃咁！！！進入左作戰狀態！！！隻白兔唔係平時童話故事好得意０個０的，佢有黑炭咁大隻，不過冇咁肥，對耳仔好長好瘦，上身係純白色，下身就有０的一達達０既０野，好似加德畦奧咁，總之好撚似一隻ＥＴ！！！！！！！佢嘗試入離我家，我即刻關門，跟住過左一陣再開門，唔見左，我著拖鞋行出少少望，見到訓左係地下，跟住ＭＡＹ沖完涼出離八，隻ＥＴ突然間飛奔過來我倆到！！嚇撚到我地尖叫飛番屋企關門！！！！黑炭已經笠水唔知去左邊，今次係佢俾我執番屋企以來第一次接觸其他小動物！！！到差唔多八點半，去左踢波，不過唔見左隻白兔，唔知係咪有人執左．．

夜晚又踢波，不過好太平，由於紅場有人ＢＯＯＫ左場，於是去左天神村五人場，ＫＥＮＮＥＤＹ同ＣＨＡＲＬＥＳ同埋肥威肥滔都係到踢，好奇怪．．．之後十點又番番去紅場踢，踢到十一點番屋企，落左一陣雨，攪到個人凍凍地．．去到華姐屈左ＪＯＥ一支寶磺力，基本上次次踢完波佢都請我飲０野，冇計啦，佢有貨麻！！！！！！

番到屋企等沖涼，肥紅打離傾左一陣就收線．．沖完涼落街送ＭＡＶＩＳ番屋企，不過俾ＭＡＹ怒屌，我坤佢話去食宵夜，我五點鐘食完０野都十二點幾都冇食過０野！！！之後送左好耐好耐先送到佢番屋企，由於好累踢完波，所以我好型咁飛的番屋企！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

至尊寶：出離呀菩提子．．．．．．．．
菩提子：我唔係想監視你,我只不過想研究一下人與人之間0既一0的微妙感情0者．．．
至尊寶：賊離0者你．．．．大佬，唔好學人研究0野喇．．．
菩提子：賊都有好學0既．．．
至尊寶：坑0的啦你，訓啦．．．
菩提子：紫霞係你心目中係咪一個感嘆號抑或係一個句號,你腦海裡係咪充滿問號呢?
至尊寶：紫霞只不過係一個我識得0既人！！我以前講過一個大話呃佢我而家心裡面有
　　　　多少內疚咁解0者！！我越離越討厭佢！！我聽日結婚喇!!想點0者而家！？！
菩提子：有一日當你發覺你愛上一個你討厭0既人，呢段感情先至係最裸膽！
至尊寶：但我點會愛上一個我討厭0既人0者，你俾個理由我啦唔該！！！！
菩提子：愛一個人要理由嫁咩？
至尊寶：唔洗嫁咩？
菩提子：要嫁咩？
至尊寶：唔洗嫁咩？
菩提子：要嫁咩？
至尊寶：唔洗嫁咩！！！！！！！！！！！！！！！！
菩提子：唏～～我同你研究0下0者，唔洗咁認真0既～嘜要嫁咩？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 26, 2004 at 2:33:17 PM GMT+8

2004 年 2 月 24 日 星期二 【陰晴不定】

我真係好撚好撚好撚好撚好撚燥底！！！！！！！！！！！！！！你母西，我原本打左好撚長篇０野，因為禁錯制冇晒！！！！！！！！！！！！！！我唔撚打呀！！！！！！！！我眼訓呀！！！！！！！！！！！！頂！！！！！！！！！！！！！！！！！！！！！！！！！

>>February 25, 2004 at 6:55:07 PM GMT+8

2004 年 2 月 23 日 星期一 【陰晴不定】

今朝較左鬧鐘十點起身，但係唔願起身，攪到成十二點幾先起身，跟住食完０野就溫書．．．係屋企溫得唔係咁好，就沖涼去自修室到溫．．次次一訓到好晏個肚就會好唔舒服，有０的攪０下攪０下咁．．．差唔多出去時ｓｅｎｄ左個ｏｆｆｌｉｎｅ　ｍｅｓｓａｇｅ俾肥熙，叫佢幫我熄電腦，因為我差少少就ｄｏｗｎｌｏａｄ晒拳霸同忘不了！！！

去到自修室已經係三點幾，跟住一路都唔能夠集中，我知道係因為訓得太多，所以平日要番學係好好的，強逼地早起身，個人都精神０的．．．個肚又係咁唔舒服，係自修室個馬桶嘗試痾屎，但係又唔成功．．．之後行出去０既時候唔小心一０野撞左埋條女張台到，產生左一聲小巨響！之後佢啤實我，我好唔好意思咁同佢講唔好意思．．．出左去見到肥文，陪佢去左七仔買媽媽奶飲，我就係到睇便利同埋一本唔知咩０既周刊，兩本都係阿嬌做封面，發現有首神秘歌叫「人比人」，完全未聽過～之後又係到講同方力申０的０野，好悶囉！！

６點開始精神番左離，情況好轉左，但係越係認真溫先發覺越係冇可能溫晒．．．心情好矛盾．．．．之後出左去打俾阿媽，打完之後個電話係咁係到震，有好多個信息同埋留言，個電話原來痴左線，今日全日都收唔到０野，但係明明顯示收爆，我都覺得奇怪點解冇人ｓｅｎｄ０的奇怪ｍｅｓｓａｇｅ過來．．．之後見到有個ｍｅｓｓａｇｅ係肥文ｓｅｎｄ過來：你在那？　我以為有０的咩緊要事，原來佢已經走左，去左睇鞋，話叫我一陣睇０下邊隊靚０的！！到九點走人，我偷左自修室份東方去馬會睇，跟住買左＄６０就番屋企．．

番到屋企居然黑孖孖，鬼影都冇，黑炭就係到慘叫肚餓．．．阿ｍａｙ番左琛圳聽朝先番，我唯有等一家之主買０野番來俾我食，沖沖０下涼電話響，攪到我冇著衫咁走出去聽，成地濕晒！！十二點幾打左去問ｌｕｇｅ０的ｗｉｎｎｉｎｇ０野，傾左成個鐘，好彩及時自拔收線，如果唔係又會傾到第二朝！！！！！！！！！！今晚要睇拜仁　ｖ．ｓ．皇馬，拜仁必勝！！！！！！！！！！！！！！！！！！！！！！！！！！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

１．）一個普通的朋友在吵架後就認為友誼已經結束。一個真正的朋友明白當你們還沒打過架　　　就不叫真正的友誼。
２．）一個普通的朋友在拜訪時，像一個客人一樣。一個真正的朋友會打開冰箱自己拿東　　　　　西！！！！！！！！！！！！！！！！！！！！！！！！！！！！！！！！！

咁樣我絕對有一個真正的朋友啦！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 24, 2004 at 6:12:06 PM GMT+8

2004 年 2 月 22 日 星期日 【陰晴不定】

今朝原本諗住早０的番學校到睇０下佢地宣傳，點不知都係早得０個一兩個字，但係都睇到一半．．．講完之後居然有人拍手，我都有０的驚訝！～之後肥文話楊ｓｉｒ話好左好多～～

番到去測英文ｃｏｍｐ，作左條關於賭波的，但係唔知點解好似係安格靈到做得好０的，可能冇咁大壓力．．．休息期間我同肥文去左圖書館撩鬼，係到偷望０的人上堂～～玩得好ｈａｐｐｙ，布歐就走過來，話肥文上次街外０既模擬試測得好，改卷老師讚佢．．我打死都唔撚信！！原來布歐都冇睇過份０野，條仆街根本就唔識答，寫得０個兩版仔都有１４分，仲要唔係平時做功課０的紙！！係考試０的紙！！！都唔知０的人點改卷，攪到條仆街好似好勁咁！！

之後測ｓｅｃｔｉｏｎ　ｅ，我諗唔係咁好，雖然最尾０個ｐａｒｔ係ｆｏｒ　殘疾人仕做，但係之前０個０的做得幾差！～～考完之後，肥彭表揚我０既電腦智識，我好開心！！ｔｈｅｎ我們浩浩蕩蕩一干人馬走去玩熱血閃避球，用意在做大個勢，起初由於場地方面有０的爭執，但最後都成功解決．．我地按自己０既規則玩，係到自得其樂．．．之後越來越多人圍觀，到最後差唔多０走廊都企滿晒人，相反對家就係校務處出面玩野外定向，係到拍「污英」，小妖好賤咁話見到佢地神色凝重～！～～～～～～～

之後我見到雀巢好大膽咁同個朋友掛住個對家黃色０既牌，我就沒收左佢地０既牌然後俾左我地０既貼紙俾佢～跟住突然係一群中出現一個小肥仔，佢好得意咁企左係到，但係就掛住個黃色排．．個個都好興奮咁圍住佢，肥州仲係咁磋佢塊面～～玩左咁上下我走左去玩鼓，阿妖捉住我隻手教我打左一下，攪到我個心卜卜卜卜咁跳～～～衰鬼～～～雖然未必個個圍觀０既人都支持我地，但係最起碼今日都好有氣勢！！！！

佢地放完ｌｕｎｃｈ，到我地去食ｌｕｎｃｈ，我地去金香飲茶，我番屋企拎左０的文學０野再出過去，順便去埋溫書．．．途經單車店，諗住幫朋友號打氣．．．點知打打０下氣條ｔｉｅ俾我攪到放晒０的氣．．．攪左一輪先入滿～～　飲飲０下茶，阿ｂｉ自爆曾經生過袋癬！！仲話係男人必經０既階段．．我仲未經過，所以我只係男仔～由於食到好飽，點都要做番０的例行公事，我同阿ｂｉ去左上水中心樓下個馬桶爆左一陣，就去溫書．．．我都係ｐｒｅｆｅｒ一個人痾屎０個種無拘無束０既感覺．．．接著去左自修室溫習．．．溫左差唔多３個鐘就番左屋企食飯．．．諗走時，阿ｂｉ好吞吞吐吐咁問我－－－－－－－－－－－

ｂｉ：喂．．我想問你一個問題．．．
志騰：問啦！
ｂｉ：．．．ｕｍ．．．呢．．．
志騰：問啦！！！！走喇！！
ｂｉ：如果我話我有ｃａｎｃｅｒ，你信唔信呀．．．．．．．．．
志騰：！＠＃＄％＾

．．．．．．．．．．．．．．．．．．．．．．．．．．．．．．．．．．．．．．．．．

番到屋企食完飯，出左去同肥潘，孖歡，曹操飲０野．．．原來潘潘跟本唔知我０既秘密，係我作賊心墟．．．．但最後我地都好交心咁分享一切，佢講左佢０既情史我知，同埋好多好感性０既道理，使我對愛情有另一番看法．．佢話每個人都會去到一個階段係想定落離，到時就會睇化晒．．．唔知我幾時先睇得化呢？！

之後去左天神村搵拳霸，佢話琴日扮拳霸係到踢法保膠拉親大腿後肌．．．．ｓｈｉｔ！之後係六樓后座玩樂咆哮！！！我地將肥坤個仔個名來講笑，不過我認為最好係叫李維特！！！
肥翔自己話第時個仔叫盧力士，而我就諗住個女叫黃蓉．．但係個仔就諗唔到．．．到我番到屋企，睇完報紙，我決定叫佢做！！黃興貴！！！！！！！！！！！！！！

由於近來阿妖好忙，所以我唔打俾佢！！反正佢都唔得閒應酬我！！！！！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

傻翔：相士話，我呢條命係一舖輸清無番身．．．但係我唔同意！條路點行，應該係自己捒　　　　０既！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 23, 2004 at 6:36:55 PM GMT+8

2004 年 2 月 21 日 星期六 【陰晴不定】

琴晚打完日記，同小妖傾電話，由於新ｐｌａｎ已經實施，我串到直情有得用屋企電話都唔撚用，因為可以用ｈａｎｄ　ｆｒｅｅ，好舒服，一路打ｗｉｎｎｉｎｇ一路傾，傾到成四點幾先收線，跟住仲要沖涼先訓得，攪到五點先訓．．．頭都冇洗．．．小妖仲要七點鐘去到上水．．跟住我扮狼話約佢６點鐘食早餐，好彩佢笠水０者～～～

今朝十一點幾好矇矓咁甦左一陣，跟住又訓到成點幾兩點先起身．．．一起身覺得個頭好臭，不過都冇去洗，因為我想頹廢０的．．．跟住小妖買左兩碗牛腩河上離食，佢著左一件長袖衫加一件外套，但係今日都唔凍，仲有０的熱．．．叫佢剝左件外套去又扭扭另另，原來件長袖衫．．．．．係露背的．．．．．．．．．．．．．．．．．．由於佢琴日基本上都冇嘜訓過，係到攬住我個阿寶恰左一陣．．．．

食完０野佢就走左，之後我係屋企打機彈琴，冇出過街．．．敗家翔拎左阿媽＄１４００交學費，但最後原來唔洗交，跟住佢就中飽私囊．．唔制呀！！我想要脅佢一半！！之後肥中打來，我想用ｈａｎｄ　ｆｒｅｅ，所以就用手提同佢傾，我咁做實在太過窮奢極侈了，如果今個月尾奶０野都係自作孽．．佢央求我俾阿嬌icq佢，不過我冇咁做到．差唔多六點幾，肥彭打來問我燒碟０既０野，從來只有我問人電腦０野，今日竟然有人問番我，我緊係扮狼咁教佢啦，奈何佢悟性比較低，要耐少少先教識！！！

跟住上網狂摷阿如嬌０既ｗａｌｌｐａｐｅｒ，我嫌而家呢張唔夠好，我想要０的相０既，最後俾我係英皇個官方網到搵到一張好好好好好好好迷人０既，但係最美中不足０既就係．．．隔離有個豬仔包係到．．．．．．．．．．．．

我０既家姐由琴晚九點幾出左去到今日七點幾都未番，我有少少報警０既衝動．．．父母唔煮飯，佢地買左肯德基俾我食，我好鐘意食葡撻，但係成日都唔知邊到有得買，肯德基又貴喎！！食完之後玩ｉｃｑ，周圍ｓｅｎｄ「九」猴獻歲俾人～～跟住ｄｌ拳霸睇，如果我有佢一半咁好打我諗都足以稱霸北區！！！！！之後落左去馬會投注，買左＄１０　波謄２串１，但係畫錯飛，好彩唔中，如果唔係一定上演大暴走！！！敗家翔買左＄ｘｘｘ利物浦，原本２．０５倍，落飛落到１．８．．．我都覺得幾有機會．．．但係．．我地忘記左賠率係人做出來的．．．．．．．佢仲諗住贏左買件Ａ米印個舒夫真高．．．攪到我都想買件粉紅色尼維特ＴＩＭ～～～

夜晚，電視做左套咩紅杏劫，幾好睇，想教訓０的人唔好攪婚外情，否則後果可以好嚴重．．套０野唐文龍有份做，睇來睇去除左佢０既身型，我都唔覺佢有咩可取０既地方，我真係唔明點解會有人話我似佢！！！！！

最後．．．我輸左＄３０．．不過都好開心，祖記作客贏波～～但係尼維特下屆可能會被賣走，所以都係唔好印佢名．「即使身邊賽事再毫無道理～永遠與尼維特連在一起～」
．．．．但係．．．利物浦．．．奶左０野．．．．．．．我即時諗起阿ＢＩ大約一年前，個頭係到搖０下搖０下，奸到出汁咁０既樣話：「若要生活好，咪買利物浦～～」．．．．．．奧雲條撚樣仲要係６０分鐘０－０時射失十二碼．．．跟住７２分鐘人地就偷雞得手．．．．．．唉．．．．．之後十二點幾打左俾敗家翔．．．我地今次又違反左訓身秘笈３條．．但之後經我睇番．．．原來頭四條都違反晒！！！ＧＯＤ　ＤＡＭＮ　ＩＴ！！！！！！！！！！！！！！！！！！！！！！！！！！！！！！！！！！！！！
訓身秘笈唔係流嫁！！！！！！至尊寶，你唔好犯埋第十條呀！！！！！！！！！！！！

跟住係ＩＣＱ到見到家寶珠，佢話好眼訓唔打俾我，擺就！！！！！

原來每日日記版０既主頁都話隨意咁登會員０既一日日記，唔知幾時會登到我０個０的呢！？！！？！？！？？！？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

今晚我０既豬朋　又訓身　偏偏我夠好運　沒有份
而他此際可能　在床頭激憤
人在訓教佢卻箭穿心

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 22, 2004 at 5:47:23 PM GMT+8

2004 年 2 月 20 日 星期五 【陰晴不定】

琴晚諗訓前肥文ｓｅｎｄ左段英超聯賽精華過來，兩個主持係到講粗口，嘩哈哈！！！！好撚攪笑！！！！之後崩崩叫我打俾佢，傾左２０分鐘心事就訓教～～我電話終於復活！！而家有１０００基本分鐘同埋８００網內，不死電話！！！！！！！！！！！！！！！

今朝十點幾甦左，但係一路係張床到冥想到十二點幾先起身，一起身就好膨拜咁坐左係馬桶上，跟住好無聊咁係到打左ｗｉｎｎｉｎｇ，打打０下肥中打來話兩點半食食物．．．跟住打呀打呀，打到差唔多兩點就ｃａｌｌ小妖，佢今朝九點鐘一早就番左學校整０野！！！佢成日叫我溫書，仲煩過大張！！！！

唔覺意睇左體育世界，五千米世界記錄被破！！１２’４９’６０好似係．．好撚快啊！！！！！！離到馬王洞呀，食嘜撚０野好呀！蛋牛面呀蛋牛面！！豬柳包呀豬柳包！！　今日抽左兩根煙，因為覺得好型．．．之後我知道左一個關於肥中０既消息，我感到無比０既驚訝同埋震撼！！！！！！！！之後佢話歷史上冇薛丁山呢個人，等到四點半，去左馬會拎左０的飛番屋企．．．

番到屋企又打ｗｉｎｎｉｎｇ，贏左聯賽冠軍，而家隊波有享利，列高巴，龍格保，尼維特，ｃ．朗拿度，卡卡，尼斯達，保方！！！！！好撚強啊，如果真實在隊咁０既波唔知會點呢？！？！？！？！！之後係到沉思，我戰勝左自己，冇訓到身，只係買左小小，但係輸左，不過輸得好高興！！！因為曼聯奶左０野！！！我冇奶０野，曼聯好波！！！！！阿仙奴今年仲唔拎聯賽冠軍？？！！！

今晚阿烈去唱ｋ唔番，父母去左飲，我去左買ｍ記番屋企食，排緊隊隔離有個廿幾歲０既人撩我傾計，問我部電話幾錢，又話自己賣左電話．．．．不過好似唔係本地人！！　行緊番屋企小妖打來，話又要食，不過我冇ｓｈｏｗ佢，一來我剩係戴左＄２５出街，二來已經行到番屋企．．．佢今日係學校走左之後又去左旭蒲范攪０野，原本諗住買０野上離食，點知又冇，因為要搬去天平村繼續做０野，可憐佢成晚剩係食左個包！！成晚就咁係屋企ｋｉｎｄ，好彩呢個世界有衛視電影台，睇完愛君如夢，就睇無間道！！！第二次睇，我專登將全屋０既燈熄晒，好好睇，真係好好睇，不過比第二集同第三集破壞晒！！睇完之後好想搵阿仁試音０個首歌．．．最後俾我搵到．．叫做「被遺忘的時光」，我頭我仲以為係法文離ｔｉｍ！！呢０的歌都唔知係邊到跳出離０既！～～

睇完戲都成一點，條友仲未番屋企！！！由九點做到夜晚一點呀！雖然唔知做得好唔好，但係點都講得上認真喇掛！！！！不過著住套校服去到咁夜．．．會俾人誤會係０的咩咩．．．．．．．見佢地咁認真，我同肥文決定要去玩閃避球，盡量叫埋自己班０的同學去！！！

差唔多兩點，肥翔訓身衰左．．．．．．不過．．．佢話係論壇有人ｓｈｏｗ左阿嬌個ｉｃｑ出離！！！之後我即係ａｄｄ左！！！！鍾嘉勵！！！係阿嬌個真名呀！！！跟住我靈機一觸，係到ｓｅａｒｃｈ阿嬌，有兩個，ａｄｄ晒．．．跟住其中一個上網！！！好緊張，好耐未試過玩ｉｃｑ咁緊張，但係肥翔話阿嬌係雲南拍緊千機變．．．．睇清楚０的得１６歲，即刻ｄｅｌｅｔｅ左！！跟住睇番最可信０個個ｉｎｆｏ．．．

1.不要問我是不是阿嬌(以免被搔擾)
2.不希望被問及有關工作的問題(以免行程外傳)

我希望大家把我看作一個ICQ的朋友，
因為我的工作已經很累，
不想再被問到有關工作的問題了~~~~~~

如果佢真係阿嬌，首先問佢拎阿ｓａ個ｉｃｑ俾左把撚翔先！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

風清揚道：“獨孤九劍，有進無退！招招都是進攻，攻敵之不得不守，自己當然不用守了。創制這套劍法的獨孤求敗前輩，名字叫做‘求敗’，他老人家畢生想求一敗而不可得，這劍法施展出來，天下無敵，又何必守？如果有人攻得他老人家回劍自守，他老人家真要心花怒放，喜不自勝了

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 21, 2004 at 6:41:15 PM GMT+8

2004 年 2 月 20 日 星期五 【陰晴不定】

琴日打完日記，溫多半個鐘頭就訓教．．．跟住較左今朝６點幾起身．．．點不知鬧鐘響到八點先起身．．．冇得溫．．番到學，經過禮堂，見到吉鋂係台上到宣傳，於是八掛咁企左係到睇左一陣，雖然睇左一陣，但係．．．好似好有內容．．．．好有準備咁喎．．．不過可能係幻覺離嫁０者！！！

差唔多要測中史，諗測前去左痾尿，見到肥潘，同佢一齊痾尿好尷尬，我唯有走左去第二格痾，避開佢．．．佢係到問我有冇睇到人地宣傳，我話冇，因為我地要考試．．．跟住佢話人地幾好．．．．話得幾好咁真係幾好嫁喇我咁．．．於是我就多口問句覺得６Ａ點．．佢就好失望咁搖頭（雖然我睇唔到，但係以我同佢相處０既日子，佢多數係呢個動作）話：緊係唔好，班友仔懶到死！！　之後我就好無聊咁番左去考試！　曾經我地所有題目都好熟悉．．．．．測得唔係咁好，不過我依然好有信心，因為我真係會去溫書喇！！！測完３個鐘，就番屋企．．．番到去一個人都冇，咩都冇得食，剩係得疏蕉，於是就食左一條蕉，跟住想溫０下書，但係又冇ｍｏｏｄ，於是又番番學校，買左０的０野食，係羽毛球場見到佢地係到玩閃避球做宣傳，不過反應好似唔係咁理想．．睇左一陣有人從高處呼喚我０既名字，原來係小魚，佢係到屌鬼我！～！叫我快０的走～～平時見到０的人叫我，我對會唔係好理佢地，因為好多時我都唔知佢地叫咩名，但係今日見親都叫佢地拉票，跟住跟ｔｏｉｌｅｔ到見到成班踢完波，即刻過去叫佢地支持，大傻佢地好中肯咁話：人地真係好似好０的喎．．跟住我就話：我地重情嫁麻！！！　

之後係露台到望到好多人都貼左對家０既貼紙．．．我好記得我叫其中一個人投票０既時侯，佢問我邊派．．我話源首，佢一臉疑惑咁話：源首？？即係邊班？？　難怪０既，我都係今日靠我部下載王先知都個英文點讀．．．宣傳真係唔多夠．．．．．

之後又測３個鐘頭中史，中途有幾個字進入左半休克狀態．．．終於完全６小時０既長征，諗走去左痾尿，痾痾０下隔離條友係到講０野，完全冇理佢．．．再講多一陣原來係同緊我講０野！係朱ｓｉｒ！！！好尷尬啊！！！！！！！！佢問我如果有得選我會選邊個，我就話：我呢０的好感情用事嫁喎～　之後就校服都冇換死左去補習．．．．

今次真係緊辛苦，測到５點，去到成６點，遲左半個鐘，上次做ｏｒａｌ有Ｃ！！！！好勁啊十騰！！！！！！！！！！！！！ＳＥＣＴＩＯＮ　Ｃ有５５分！！！！！但係今日真係好累，作文係到９作！！！好辛苦咁先捱到十點鐘．．肥州話今日雷超係到發窮惡唔還錢，都話左呢個世上最惡０既人就係窮人！！！！！．今日６個小時考試，４個小時補習．．．我已經精神崩潰．．．．番到屋企剝校服，將張貼紙ｌｏｇｏ撕出離，貼左係部手提到，好諷刺地，係一個中四學生俾我的．．．

差唔多訓傾左陣電話，６Ａ０的人睇完人地今日０既表現好ＤＯＷＮ．．．我總係覺得而家好似古惑仔４山雞選做渣ＦＩＴ人咁．．．．．夜晚玩ＩＣＱ，叫晒０的人投ＧＥＮＥＳＩＳ．．．點知．．．好多個都話：我冇讀心誠啦！！！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

這世上　除了我　誰人撐你？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 20, 2004 at 5:13:37 PM GMT+8

2004 年 2 月 18 日 星期三 【陰晴不定】

今日番九點鐘，第一日考試，飛車去到門口，見到學生會０既橫額，對家０個個０的顏色好似搶眼０的．．不過我地０個個有深度多０的．．．．．終於見到我琴日０既膠紙．．．原來用離貼左係塊橫額到，因為申訴寫左做「伸訴」，所以要用黑色膠紙貼住個企人邊．．但係好遺憾．．．盲０既都睇到寫錯字．．．番到班課，隱約咁聽到６Ａ係早會到宣傳緊，但係我地睇唔到，因為要考文化．．

肥寶買左部新電話，係胡杏兒０個部，頂佢個肺，幾日前我係到睇緊影相電話０的雜誌，佢條友係到話：「手提電話愛離講０既，咁貴買部離影相不如買部數碼相機啦！！」，唔夠一星期，佢自己就買左喇！！！！！頭一份考作文，差唔多個個都答第二題，但肥州就係到標奇立異，答左另外０個０的．．之後又考速讀理解，難撚到仆街，成篇做唔晒，不過好彩個個都係咁．．之後ＬＵＮＣＨ，有成兩個鐘頭咁長，番左屋企食完飯就係咁聽ＴＷＩＮＳ，唔知點解越聽越好聽，跟住又ＤＬ左陳小春０既相依為命同埋絕種鐵金鋼，好攪笑～～

之後考埋今日最後一份０既文化問答就收工，諗走時同肥文去左６Ａ睇０下咩環境，見到手球場呢個重地居然俾對家霸左離貼橫額，仲鬼死咁搶眼，而係男女ＴＯＩＬＥＴ就見到我地０既Ａ４紙宣傳單張．．．．．．．．．．．．．．．．．．．．．．．．．．．．．．張漢堅同學同肥文係到申訴，話叫佢幫０下手，又話咩俾人撕左０的唔知嘜０野！其實我都好想幫手，但係除左撕番人０地的０野，我又冇咩可以幫到手～～～之後串左阿毛幾句，就走左，佢好似有０的唔妥我．．．．諗走時．．．我始終都未識得讀我地個候選學生會名字．．．．．

之後去左自修室溫習，雖然呢幾日進度唔錯，如果係遲幾日測就好喇，但偏偏就要聽日測，有０的都仲未溫熟，不過唔緊要，ＫＥＥＰ住呢個進度，去到Ａ－ＬＥＶＥＬ我諗會ＯＫ的！！
之後我突然諗番起我都應該略盡綿力去０拉下票．．．．差唔多７點，出去食食物，突然有個異性高呼我０既名字，由於我擁有蝙蝠０既眼睛，要行到好埋先見到係ＨＥＬＥＮ！！跟住就記起堅堅話中四冇人支持，就即刻兇佢支持，但係唔知點解佢咁甦隻手已經紋左我地個ＬＯＧＯ，仲話會吹雞支持！！！！之後我又食左兩隻連尖的雞翼和一塊格仔餅，之後再溫！我係肥彭本記事簿到寫低左我寫生日，然後再用螢光筆畫到好揚眼，肥文見到又唔執輸寫埋一份．．之後俾番佢繼續溫，點知肥彭發現左，仲ＳＥＮＤ左個ＳＭＳ同我講生日快樂，人家都未到，原本我想ＳＥＮＤ番俾佢，但係因為我太度，所以唔想浪費＄２．．

之後８點鐘走左，番到屋企食ＰＩＺＺＡ～～然後沖左個一小時０既涼～～之後上網，凡係我識得０既人都叫佢支持，我嘗試呼籲一０的低年級０既妹妹仔，因為佢地大多數無知兼曾經一齊練過田徑一段日子，所以我盡量叫晒０的識跑步同埋識踢波０既人去支持！！！！ＬＵＬＵ好正經咁話要睇０下６Ａ好唔好先選，但一定唔會選６Ｂ～好朋友！　之後心誠阿ＭＡＹ拍晒心口咁應承！！好安答！！　之後又叫個田徑少女幫手．．．．．誰不知．．．．佢係６Ｂ．．．．．好尷尬．．．．．跟住阿毛打來訴苦，鬧鬼我連個學生會名都串錯，又話死人大雄話人地成績差，上堂訓教，叫人唔好投票！！ＭＩＳＳ廖又話佢地唔認真冇風範，仲講到喊．．．．唉．．．．．．我都有心冇力了．．．．唯有周圍兇０下人啦！點幾鐘玩ＩＣＱ，見到小魚，原來佢又係對家．．．．．之後扮蒙問左佢地０的軍情．．．佢地做到０岩０岩十一點先離開學校，跟住又講左０的ＦＵＣＮＴＩＯＮ出來，的確好似實際０的．．．最後．．．．佢仲叫我．．．．拉票．．．．．之後我唔忍心欺騙佢，就話左俾佢知我係簡諜，佢好ＮＩＣＥ咁話冇咩所謂．．．．好大方．．．．．．但係我地ＧＥＮ嘜叉已經作出檢討，第二回合一定會拎番個勢！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

！！！！！！！！！！！！７Ａ６Ａ一條心　打到理科一鑊金！！！！！！！！！！！

　　　　　　　　　　　　請各位鬼鼠睇日記０既朋友多多支持

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 19, 2004 at 5:36:49 PM GMT+8

2004 年 2 月 17 日 星期二 【陰晴不定】

今日唔洗番學，十一點幾起左身．．．食左個豆沙餅，之後就出左去剪頭髮．．．今次我話俾自己聽如果再奶０野就鏟走晒０的頭髮去！！我去左搵阿ｌａｍ，係基斯普介紹的．去到見到佢訓緊教．．．已經唔係好想搵佢剪．．．跟住佢起左身，嗚０下嗚０下咁，連問都唔問我０野就剪！！我冇理佢，由得佢，佢一剪錯我肯定小到佢仆街，等你係到扮狼！！！但我始終有點怯，話晒個頭都係我．．．我吸收左以往０既教訓，兩邊唔好剪咁薄，免得好似好短咁，中間就薄０的都冇所謂，最緊要係剪完好似冇剪咁！！！最後，真係好似冇剪過咁，但係我自己係ｆｅｅｌ到薄左好多，不過對於條友０既態度就有所保留！！

跟住番屋企食食物，之後同梅度傾左一陣電話，佢問我校長會唔會推薦我，我話唔會，因為我冇咩值得佢推薦，加上我冇領導力，又唔係品學兼優，只有破壞能力～～～～嘿～～跟住溫書．．．完全集中唔到，可能因為唔洗早起，個人好呆．．都係平時早起身番學好．．．一路係到ｋｉｎｄ到差唔多五點，去左自修室溫習，終於可以認真起來！！一去到就見到基斯普，佢條仆街係到行出行入，來來回回都唔知幾多次！！見到肥文，好開心，因為佢完全唔覺得我剪左頭髮！！！！！之後溫到六點幾，出左去食食物，佢又請左我食兩串牛肉加一串雞翼，我自己又買多串腸食，好好味啊～因為唔洗錢麻～～～～～～～～佢同我講原來要係原校升讀先可以推鷹～～～咁就算我係權臣定宧官都冇用啦～～～～～～～～由於肥坤身體出現左毛病，所以要戒煙，派晒０的煙俾佢地班仆街！！！！！！！！

之後再溫書，溫到差唔多八點幾，肥彭走過來，我好認真咁問佢一０的學術性０既問題，但係佢就係咁叫我食餅食餅食餅！！！！！！！跟住想搵肥文，但係搵極都搵唔到，不過見到一個更似阿ｊｏｅ０既物體，於是就行埋去．．．但係發覺係認錯人．．．．．．．個背影超似囉！！！！！！！！！！我臨走時係到拎張證，發覺阿ｊｏｅ真係係到．．．我滿腦子都是問號！！！！！！！

番到屋企九點幾，睇左陣報紙，近排成日報導阿嬌同方力申有路，實在好撚可惡！！！０的人成日亂作０野！！阿嬌又點會睇中個ｋｉｎｄ子呀！！！！！！阿嬌唔係游水人，人地跑短跑，係田徑人離嫁！！！！！ｔｈｅｎ食食物，之後沖個涼，沖完之後阿毛係旭蒲苑打來，佢係個男仔屋企攪緊０野，學生會０的０野～哈哈！！！！！！！！！！！！！！！！！！！！話要黑色貼電線０既膠紙，於是我就拎落樓下俾佢，跟住又話要鍚紙同埋黑色線，攪到又行番上屋企拎，阿ｍａｙ問我要錫紙離整咩，我已經話左唔係整食物，佢仲係到問焗咩！！我冇佢咁好氣，叫阿毛自己解釋！！！於是又陪佢行去旭蒲．．．麻鬼煩，人家諗住溫書嫁麻！！好耐冇著過對人字拖，攪到０的腳指鬼死咁痛！！！但係佢好強，佢一睇就睇得出我剪左頭髮！！！！！！！！！！

之後番到屋企，阿ｍａｙ就係到問三問四，我都廢事睬佢，諗住溫文化，睇左一陣課文已經唔知ｕｐ緊咩．肥文話阿ｓｉｒ叫我地唔洗溫，咁緊係老西都唔溫啦！！！．基斯普打來話粒暗瘡生左成兩個月都未好番，我同佢講要有心理準備，因為０個粒隨時可能係．．．．．．．．．．．瘤．．．．．．．．．．．．．

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

從前我日記，頁頁都是妳。
現在我日記，頁頁都是我地。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 18, 2004 at 4:48:11 PM GMT+8

2004 年 2 月 16 日 星期一 【陰晴不定】

今日番學，冇戴校縷，亦唔敢著風縷闖關．．．於是就放左係書包．．朝早點名時，大張責備我琴日下午不辭而別．．．頭兩堂係空堂，我死左去圖書館到溫習，重新去做琴日條比較題，果然效果係相當顯著．．．之後肥潘入左來，詢問左一０的問題後，發現原來佢知道左我０既秘密！！我覺得自己好型，因為個個都趴晒係到訓教，特別係隔離條茂利，打鼻寒打到激大聲！！！而我就有如一顆出於泥而不染０既蓮花．嘿嘿嘿嘿嘿！！！！！！！！！！

之後係文學堂，大張終於都冇０野可以俾我地做，於是我地就走左去第二個課室，我繼續完成埋剛才條題目！！跟住小息，走左落去踢波，踢到成身臭汗，諗住逃跑英文堂，誰不知踢踢０下見到上面有個龐然大物．．原來係大張，佢發現左我地．．．於是就死死氣去左更衣室梳洗０下．．．番到課室，好撚辛苦！！又熱，係咁出汗，成身都好唔舒服，特別個屎忽，條底褲濕晒，ＵＰ住好辛苦．．．．

好不容易番到屋企食飯，諗住沖個靚涼，換條新底底．．．．．點不知．．．．．．．．停水．．．．．．．．．．你老母，分明就係作弄我．．．但係基於我係不死，我就將０的食用水濕０下條毛巾抹身，見到有樽水，倒出離抹臉．．．突然覺得甜甜地．．．仆你個街，原來個支係堅柚子檸檬！！！我一廂情願咁以為係清水！！！最後我用熱水壺０的水抹身．．．．攪左好耐先有得痾屎．．．但係．．．．．．．．冇水洗手．．．．．．．．．．．．．．．

番到學校，即刻去洗手，洗完手就俾人拉走左去走堂．．．去左６Ａ個課室．．．見到有支士巴拿，唔小心拎起左，跟住唔小心打爛左個牆角少少，跟住又唔覺意整爛左人地個櫃筒．．．肥州又唔知點解整斷左人地一個吊波．．．真係唔係幾好意思．．．．跟住見到有堆ＣＤ，就開離聽，搵到最後先搵到ＴＷＩＮＳ！！！！！！！！！！！！！！！！！！！！！！！！！

放學，走左去玩欖球．．．好撚累，又攪到成身汗，原本諗住放學去溫書，但係屋企冇水，冇得沖涼，要６點先有番．．．於是走左去打兵兵球，想當年我係惠州係數一數二０既高手，但係已經好耐冇打．．．最後又踢左一陣波．．．由於成身汗，我就咁暮住見背心底衫踩番屋企．．．．．

番到屋企，沖完涼，今日換左兩條底褲．．食埋飯，８點幾就訓，訓到差唔多十一點就起左身．．．跟住就溫書，但係又俾蔡蘭騷擾我！！！最後我溫到差唔多兩點！！！！！！！！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

訓身秘笈：

一．寧羸莫貪：不訓高風險賠率之球賽。
二．寧主莫客：不訓作客球隊，強隊亦然！！！！！！
三．杯仔莫貪：小型杯賽球隊戰意往往成疑。
四．大賽不訓：大型杯賽前不易怒博，強隊往往留力備戰。
五．志在必得：必需對賽事充滿信心，不能為訓身而訓身。
六．窮寇莫追：兩隊實力極為懸殊之對賽不易出擊，強隊往往無故失準！！！！！
七．穩陣至上：必勝賽事易訓標準盤，強隊往往羸波輸盤。
八．數據莫理：數據往往誤導賭徒，易緊記數據是用來打破的。
九．單打獨鬥：訓身只易單場賽事，盡量避免串連數場
十．順應天命：不幸訓身奶０野，切記保持冷靜，以免為了回本而一輸再輸。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

>>February 17, 2004 at 6:33:28 PM GMT+8