2009 年 10 月 1 日 星期四 【晴】

琴晚睇國慶, 令我最難忘的就是四架大型花車, 載住四代國家領導人的巨大照片, 每個出場時都播放原聲經典對白, 見證住國家一代一代的變化。能夠成為十二億人民的領袖, 當中背負著的使命和壓力是不為人所知的。論軍力和國力, 中國可能已經大大拉近與西方國家的差距, 但論文明程度, 中國人還有一段很長的道路。

呢排成日係到諗, 到底民主制度與強勢政府的關係。以前我一直都認為, 只要一個國家有民主, 政府就必定是弱勢政府, 無牙老虎。中國五千年內無民主, 但可以肯定的是五千年內不論是君主帝制或近代人民政府, 中國的政治體系從來都是強勢政府。九七之前香港是英國殖民地, 香港之所以有今天, 大英帝國功不可沒, 英人治港, 從來都是強勢領導, 那時何來有黃毓民立法會扔蕉? 何來有咁多垃撚圾議員係到亂尻咁吠。今日香港, 自由之都, 國際大都會, 咩都要話民主, 咩都話大眾利益, 特區政府做咩都俾人爛, 俾人轟, 每個月拎五皮幾六皮野0既垃撚圾議員就一味反對, 一味就係到搏出位, 無論咩事只要有得出位都會去做, 視與政府作對為己任。所以以前我以為民主就等於弱勢政府。

直到約兩年前, 我見到台灣陳水扁政府。無可否認, 台灣的民主制度比香港走得更前, 作為一個民主制度底下誕生的總統, 由頭到尾都俾人一種強而有力的感覺, 是典型的領導者。要麼十萬紅軍上街要求下台、要麼北京政府多次屌佢老母, 佢睬你都有味, 話拆你中正紀念堂就拆你, 話收你蔣介石皮就收你皮, 冇人反對咩? SO WHAT? 今日馬英九, 當初超高票當選, 百姓希望, 但由此至終我都覺得佢玩唔起政治, 佢應該去大學做教授會好0的, 同樣的民主制度下選出來的總統, 見證了台灣政府由強轉弱, 由此可見, 一個國家的政治體系與政府的領導能力是不掛勾的。

因此,我們需要的是一個有遠見, 有承擔, 敢作敢為的領導人。

兩年前, 陳水扁日日都係到攪台獨, 0個時我真係好撚憎北京, 點解日日都剩係識得係到講三篤屁, 又唔ACTION, 我成日都想出兵攻陷台灣, 生擒陳水扁。但有時候, 領導人的智慧唔係我地0的凡夫俗子所能猜到, 從頭到尾, 北京其實都唔需要有咩實際行動, 可能當時中南海大人已經看透了這個貪婪者的下場, 何需動氣, 時間會把他收拾。當時就算係街邊掃地0個阿嬸都知道, 馬英九一定會選贏陳水扁, 而大家都知道, 馬英九根本就冇政治智慧, 根本就只係一隻綿羊, 北京不廢一兵一卒就解決了台獨危機。如果當日北京有行動, 攻打台灣, 就正中下懷, 陳水今天可能不在牢中。

有人講過, 要睇一個地方的文明程度, 去一去了解一下當地監房的文化就知道。我剩係知道, 如果我係中國大陸坐監, 我就真係一個犯人, 永遠冇要求冇投訴。香港坐監係客人, 出面做乞兒, 入到離做紳士, 一蚊都唔撚值0既垃撚圾。我唔知邊條撚樣提出反對死刑, 我剩係知道提出0既呢條丙強一定唔係撈監房, 一定又係0個0的社會上嘜撚野關注呢樣0個樣0既一班撚樣。垃圾就應該要放入垃圾桶, 然後火化, 或者拎去填海。你可能會鐘意集郵, 但你唔會儲垃圾, 一張廢紙都嫌多, 紙就可以再造, 人都可以, 近年內我地社會上多左一個名詞, 叫做更生。一個人坐完監係咪就可以當償還左佢以往0既所作所謂。殺完人係咪坐三四十碌出番來就可以當無事? 無人可以操控一個人生死, 咁俾人死0個個向邊個申訴? 殺人填命就係天公地道嫁啦, 垃圾永遠都係垃撚圾。

今日有一個出冊, 坐左十七碌。每個人都會做錯事, 我成日都諗, 坐得監0既唔係因為佢地特別衰, 而係佢地比較西黑。社會上有好多撚樣, 做左好撚多壞事, 但依然逍遙法外, 唔係佢地唔抵拉, 而係佢地好彩。

同樣是垃圾, 有人認為應該循環再造, 我沒有這份閒情, 反正都是要與垃圾為件, 我好想做一個街邊掃地的清潔工人。

>>October 2, 2009 at 3:36:18 PM GMT+8

2009 年 6 月 21 日 星期日 【晴】

出班之後接近兩個月, 經過了一段短時間的適應期, 叫做見得下人, 當然有好多野都要時間去建立, 最重要都係同伙計的關係, 因為好多時都要佢地去幫手, 一個人永遠都唔可以踢一場波。0的人成日問番工到底做0的咩野, 或者係我表達能力差左, 因為我都唔撚知可以點樣講, 唔係行來人係唔會感受得到, 你可以話冇野做, 但又可以話危機四服。0的打壞個個坐幾廿碌, 佢冇野輸, 有時候都要取得平衡, 唔似0靚仔監房可以任屌任鬧冇仇報。

未出班之前成日都想係市區番工, 覺得方便0的, 但係我問心而家好鐘意石壁, 管理得好好, 你同其他橫頭伙計講個飯堂0的犯食煙個個都要入吸煙房食都冇人信, 三首房DO唔俾食煙, 對於我呢0的非吸煙者離講實在是十分幸福。雖然隔日番屋企, 但係對我離講反而係好事, 其實人點解要番屋企? 日日都番屋企咪仲悶, 我而家有間屋係石壁, 車位任泊, 又可以拎條水喉唔洗擔心俾人告咁洗車, 不知幾快樂。講起車, 都真係大把野講, 用四個字「有驚無險」, 而家日日出出入入多數都渣車, 感覺十分好, 好討厭0的公共交通工具, 冷氣又大, 又唔舒服, 就因為咁樣, 坐火車霸位的技倆生疏了。

上星期有個同期去左考PI FINAL INTERVIEW, 結果敗北而回, 俾個CHAIRMAN針住一樣野, 因為佢係前PC, 跟住考左CSD幫辦, 而家再考PI, 個CHAIRMAN質疑佢INTEGRITY的問題, 不斷CHALLENGE點解要棄警投懲, TRAIN完CSD幫辦26星期, 做左兩個月唔夠又考PI, 浪費了人家的時間。呢個問題的確幾難拆, 不過我都諗到0的0野。不過, 其實POLICE真係好好忙, 佢地真係做大左, 而我地份糧某程度上係因為地方偏遠和厭惡性, 呢個係不爭的事實。如果之前投考POLICE的熱誠度係10的話, 唔知點解而家好似得番8。

近來懲教幫辦FINAL IN又進行, 好多人都打電話來問, 問心講, 我都覺得幾煩, 頭幾個問都仲有少少HEART去答, 之後都唔係幾想答, 不過算啦, 回想起我第一次考的時候, 都係咁樣樣, 每個人都會經過呢個階段, 但今次真係好難, 因為經濟唔好, $30280,公務員, 剛畢業, 做雞都冇唔知有冇, 所以僧多粥少。唔知有幾多個會堅持到底呢? 永遠都係時勢做英雄


「我地冇智擒桿匪, 冇英勇救人, 亦都冇破獲歷來最大毒品走私, 我地有0既只係負面新聞, 如果你要追求頭先0個0的榮譽感, 我諗你揀錯部門, 但假如你係實事求是, 想有一份唔錯0既收入, 頂薪唔升職都有五皮野, 準時收工永不OT, 懲教署可以俾到你。」

>>June 22, 2009 at 1:32:19 PM GMT+8

2009 年 5 月 22 日 星期五 【雨】

自從4/5和5/5放完假之後, 終於等到22/5, 23/5先可以再放假。今個月雖然有3日公眾假期, 但全部未放, 唔知幾時可以補番呢。話說兩星期前出左去馬鞍山踢波, 踢左唔夠十分鐘就拗柴, 今次真係嚴重, 腫撚晒。之後睇過兩次跌打, 而家雖然都仲有腫, 但已經見步如飛。不過好可惜, 敷左兩次藥之後, 隻腳出現皮膚敏感, 又紅又癢, 今日仲生埋個水泡, 真係好撚七煩。個個月都仲有0的西野纏身。今個月出現入不敷支的情況, 但係我已經嘜尻都冇買過, 我真係覺得好唔撚抵, 我唔撚想俾家用, 好撚煩, 如果唔俾就可以儲番一大筆, 好唔甘心。越諗越唔順, 明明咩都冇買過, 但係都可以冇晒0的錢, 錢從何來?

差唔多番左一個月工, 已經開始覺得有0的無聊, 每日番工都係困住四面牆, 呢份工真係得出糧一刻令人雀躍。呢份工唔會有任何成功感, 但係我都係有出糧, 所以我都要做番我應該做0既事, 咁樣就不拖不欠。有時候見到0的撚樣都覺得幾感慨, 見到0的垃圾係咁易都坐十幾廿碌, 咁就一世, 人生有幾多個十年? 有時候都會幻想一下如果我同佢地角色調換, 我可能會選擇自殺, 不過所有撚樣都係罪有應得, 因此我幾時都支持恢復死刑, 將呢0的垃圾全部拉去打靶。慳番唔少納稅人錢去養呢班社會的渣滓。

琴日放假去左匯豐銀行打算申請張白金卡, 因為我實在再頂唔順BU張信用卡, 每次拎出來我都覺得好似著左條有屎積0既底褲俾人發現一樣, 成個傻仔咁, 不撚知所謂, 最慘而家唔係讀緊書, 張信用卡又有間死人學校係上面, 假假地都係阿SIR, 成何體統。去到匯豐見到肥華官仔骨骨, 西裝筆挺咁棟左係到開工, 寒暄左幾句, 再開多個匯豐銀行戶口, 不過要每個月最少有5000, 否則就收錢, 於是就一炮過入一皮野落去, 反正呢個戶口打算每個月出糧都入一皮野落去, 然後到山窮水盡先拎番出來。

近日想買條EVISU牛仔褲, 不過要$1790, 0個日係上水廣場間D-MOP睇完, 出門後之際個SALE無啦啦同我講話而家係STAFF SALE PERIOD, PRODUCT有6折, 之後我都係冇買, 因為我半信半疑, 間舖又冇貼任何野, STAFF SALE係有可能, 但係佢做咩咁好死話我之, 如果屬實的話就正LU。今日起身上網睇, 之後SEARCH到D-MOP真係做緊STAFF SALE 六折, 於是我去左旺角朗豪坊間d-mop, 記得係forum俾的staff code, 於是去到就問下係咪有六折, 點知真係, 最後就買鬼左, 六折後都要$1074, 不過都平左好多, 好彩0個日冇係沙田買, 如果唔係真係爆春袋, 都係全靠上水個好人sale, 不過其實佢都可能係唔夠數, 所以先主動approach想我買野, $1790就真係有0的肉痛喇。夜晚係ua睇左翻生朱羅館2, 同第一集比真係差好遠, 呢集好悶好無聊, 完全唔掂, 真係破壞晒之前咁好的口碑。




飄飄何所似? 天地一沙鷗。

>>May 23, 2009 at 3:22:20 PM GMT+8

2009 年 5 月 7 日 星期四 【晴】

post out 後的兩星期, 被調派到大嶼山石壁監獄。我發覺自己跟天涯海角永遠都有一段緣。住在最北--上水, 第一份工係最東-- 西貢小島, 學堂TRAINING係最南 --- 赤柱 (呢個都算最撚經典, 係正香港島隻青蛙腳到, 係房望出口仲見到第二隻青蛙腳) 而家番工就係最西北0既石壁。

A: 0645 -1345
P: 1315 - 2015

由於發工的PATTERN是APAPAPAPAPAP如此類推, 換言之我收P (2015), 第二日就要番A(0645), 所以收P都唔會番屋企, 留係石壁訓, 隔日回家。過左兩個星期, 工作上開始掌握到小小頭緒, 真係小小, 但係要有幫辦0既台型容易, 最低限度我要了解個日常運作, 好撚簡單, 官階俾人高, 但係嘜撚都唔識0既時候, 口服心不服, 幫辦唔夠做, 咁就肉酸啦, 雖然話就話新豬, 但係我都想係短時間內上手, 說實在, 我係學堂就真係HEA, 屌你老味, 都唔知係入面做嘜撚野, 但係出到來唔同, 晚晚做功課, 去計野, 去PREPARE第日要做咩, 大佬呀, 話就話打工0者, 番工嘜尻都唔識, 成碌撚咁, 人唔笑, 狗都吠啦。

離島有離島0既好, 自從去到石壁之後, 晚晚收P都有野玩, 一0的都唔悶, 打波, 食飯, 打邊爐, 今日去左踢波。番完P之後明天番A, 我最鐘意收A, 因為1345就放工, 個個都仲番緊工, 好似放左一日假咁, 之後又番P (1315), 夜晚仲可以出去玩, 都唔錯。可能仲係起步, 懲教署呢份工都算係可以接受, 不過, 有時候做人真係要固執一下, 要有少少原則。上星期拎番份PI ASSESSMENT report, 第一次FINAL-IN差一分就PASS, 有時候真係差之毫釐, 謬之千里, 不過算啦, 到今時今日, 都睇化左好多野, 有時候都想學柴九大聲講一句:「人生到底有幾多個十年?!」,對於我來說呢個唔係知唔知足0既問題, 亦都唔係甘唔甘心問題, 順其自然吧



「流水下灘非有意，白雲出岫本無心」

>>May 8, 2009 at 3:55:30 PM GMT+8

2009 年 3 月 14 日 星期六 【晴】

小時候, 每逢差唔多到自己生日, 總係會異常興奮, 覺得係國慶咁大件事, 想告諸天下, 想所有人都知道自己生日, 其實最重要都係可以買玩具。唔知幾時開始, 已經冇左呢種感覺, 生日已經唔再重要, 亦都過得好平凡。生日0個晚係星期五, 係個宿舍到做清潔, 自己都唔記得自己生日。星期六係正日, 不過因為學堂有個燒槍比賽, 所以冇得一早走, 要等到下午先放。見到台面有張簡單的字條寫上生日快樂的祝福語句, 原來係同房留俾我, 有時候好簡單一句說話已經令人好窩心。

下午一點幾放人, 我冇打的番上水, 我去左沙田, 因為我要拎我自己送俾自己的生日禮物, 還記得我去完迪士尼實習之後, 一路都好想買車, 今日我終於都憑自己0既實力, 買到一架非廢鐵0既車, 實在是不可思議。我係新城市拎左車之後, 去左沙田火車站等父親大人, 因為我唔敢一個人駛番去上水。番到上水之後泊左係樓下的爛地停車場, 因為屋邨停車場冇晒位, 要等四月。感覺真係好特別, 好似多左一個仔咁, 又多左筆開支, $84,000, 供三年, 月供$28XX, 停車場$1200, 油錢當$4000, 一個月應該要預五至六千蚊去養佢, 不過真係好好玩。

泊好車之後番屋企換衫, 跟住又心癢癢去左玩車, 同IA中一齊, 起碼多個人幫手睇位。我一直最擔心都係泊位, 但SO FAR都OK, 只要冇其他車俾壓力我的話。之後擺好架車, 就同阿玖和IA中北上食飯和MASSAGE, 每年生日我都係咁過, 漸漸地成為傳統。食完飯之後睇曼聯VS利物浦, 你又點會諗到利物浦作客會炒曼聯1:4, 不過算啦, 自從中七輸過一鑊甘之後, 我都好似冇再賭波, 我成日都話, 有好多唔好0既事情早0的發生, 未必係一件壞事, 如果我今日先開始賭, 我真係會夠膽死成皮野買一場主主客和。

半夜12點番番香港, 之後再去渣下車, 不過今次真有好多驚險野, 首先, 架車冇油, 要去入油, 行到去油站出面條路分唔到邊到係出口和入口, 行錯線, 單程路遇到倒頭車, 好彩夜晚晚又開得慢, 如果唔係都不堪設想, 之後行行下架車又唔知點解塊擋風玻璃出晒霧氣, 好似帶眼鏡飲熱湯咁, 完全睇唔到前面, 我幾撚驚會撞死, 好彩最後開晒窗先冇事, 不過所有事都係一個過程, 起步總係困難的, 但有樂趣。

今年我25歲, 唔知呢一年會有咩新挑戰, 上年其實都有好多考驗, 算係幾唔開心0既一年, 不過我成日都話, 先苦後甜永遠都係最開心, 雖然而家我粒花品種上有少少出錯, 但其實我都好PROUD OF自己的, 永遠都要有一團火咁先會繼續向前衝, 就好似如果我滿足於而家呢架HONDA JAZZ的話, 咁我就唔會有進步, 我打算三年後CONFIRM兩粒花之後再換一部新車~

唔知點解覺得自己好幸福, 事業未算有成, 但起碼方向明確清晰; 雖然未結婚, 但起碼有個好的女朋友; 家庭方面亦都齊齊整整, 唔算好有錢, 但至少衣食無憂。但我相信人唔會永遠都咁順利, 個天一定會再給予我考驗和挑戰, 所以我要居安思危, 兩手準備, 為未來而戰~下個月出班, 真正的考驗應該就快來。

P.S. 多謝所有記得我生日的人, 簡單一句說話已經好WARM, THX~


黃SIR, 生日快樂~





>>March 15, 2009 at 3:25:08 PM GMT+8

2009 年 2 月 28 日 星期六 【晴】

暫別

>>February 28, 2009 at 4:46:19 PM GMT+8

2009 年 2 月 2 日 星期一 【陰晴不定】

兩個星期不知不覺地過去, 明晚又要番去赤柱繼續我的學仔生涯。做左兩個星期阿SIR, 忽然間又要番番去做個學仔, 又要叫一0的不知所謂的老散和沙展做阿SIR, 完全違反了中國儒家制度中的「君君臣臣父父子子」,不過冇辦法, 學仔永遠都係最細, 唔慣都要慣。其實呢兩個星期都幾深刻, 不過番工始終都係冇時間, 加上有好多敏感0野又不便透露。轉眼間又過埋個農曆新年, 今年唔知點解提左好多關於「死」的問題, 新年流流其實唔應該死死聲, 但係其實死一0的都唔可怕, 我從來都唔怕死, 亦都唔怕鬼。唔知點解0的撚樣成日都話唔好唔信邪。

年初二食開年飯, 0的姑姐阿麻0的老餅又係到講野, 咁0岩得咁Q又講埋0的靈異野, 有個姑姐話自己細個唔知生咩血癌, 醫生都話冇得醫, 跟住阿麻帶佢去唔知邊撚到, 飲左幾包符水, 到而家仲生OUTOUT咁係到, 跟住又話試過問米呢樣0個樣。另外個姑姐又講番0的陳年往事, 其實我都有印象, 記得係好細個時發生的, 以前都有0的驚。佢話間屋入面有鬼仔, 成日整蠱佢, 收埋佢0的拖鞋, 又關佢水喉大制云云, 有個仲撚離譜, 話坐係個廳到同隻鬼飲茶傾計。最撚好笑係我阿麻以專家姿態, 好認真咁解釋俾人知點樣請走0的鬼, 咩投胎云云, 但最後資料來源係收音機。我覺得自己好似生於民國初年, 0個班就係民智未開0既中國人, I-PHONE都出埋3G啦, 匯豐都跌穿$60, 你仲係到講鬼, 你話係咪有病, 我又唔知係咪真係有鬼, 但係最好俾我見到, 屌都屌撚到佢化, 痴撚線, 鬼喎, 我係人呀!!!懲教幫辦呀, 死人犯,強姦犯都唔撚驚呀!!!!!鬼, 我鬼你老母!!! 成日都想玩碟仙, 但個個都莫彊, 冇撚用, 但我又唔識玩, 如果真係有鬼, 俾我見到就好, 你話到時係一個幾咁震撼的大發現呢?~? 如果真係有鬼, 咁又可能真係有神, 到時仲撚好玩, 好似睇緊聖鬥士星矢咁, 神都打撚死埋~

但係人總會一死, 所以我早幾日買左份保險, 有時候雖然好土氣, 但係真係生死有命, 點撚知聽日坐lift會唔會下墜死撚左, 又點知會唔會坐小巴番工都會俾條撚樣醉酒駕駛累撚死, 上次0個單0野0個五個紮鐵工人都係去羅湖懲教所開工嫁咋。所以都係買番份保險, 死撚左都可以益下人麻, 又唔算得上係0的咩錢。早兩年新年我都好重視0的利是錢, 用個excel入晒邊個俾幾多錢, 不過今年我睬佢都有味, 唔撚想去拜年, 有時間休息一下好撚過。

最後一晚, 每次有0的咩最後咩咩都會諗起楊千嬅首「最後的歌」, 雖然唔係好關事。近排開始留意車, 原本打算用六皮左右買架jazz, 但係諗諗下第一架車又唔好買咁鬼, 以我0既技術唔撚死已經好慶幸, 所以我車牌都有左三年, 但係加埋都唔知有冇渣過三個鐘頭, 所以都係買架平0的算數。今日睇新聞0的新牌仔要掛住個P字係架車到, 好彩我唔係0者~~


好耐冇影過相, 好想出去影0下野。






不得不讚揚一下GLORIA的小畫家功力

>>February 3, 2009 at 4:37:58 PM GMT+8

2009 年 1 月 25 日 星期日 【乍雨乍晴】

自從19號開始試更之後, 覺得自己又好似踏入左另一個階段。雖然唔洗番番入學堂, 但係其實都唔係話想像之中過得咁輕鬆。例如今日番完0645-1345, 跟住明天再番1315-2015, 固然正啦, 因為好似多左一日假咁樣。不過之後又要番0645-1345, 變相放完工番屋企一訓醒就要番工, 交通方便都叫做可以訓多0的, 如果番到老蓮咁遠0既, 就真係攞命。番左差唔多一個星期工, 我發覺粗口係必需的, 雖然唔知由幾時開始我就唔係幾鐘意講粗口, 就連而家打都唔想打粗口, 唔知係咪因為考到個懲教幫辦, 我自已都覺得以往0個團火好似弱左, 咁都係人之常情0既, 但係而家好似冇咩目標咁。

眨下眼又一年, 有時候都有少少莫彊, 時間好似過得越來越快, 廿歲的關口已經打破了, 過多幾年就接近三十大關, 反觀自己仍然好似係一事無成, 真係希望時間可以過得慢0的。上年其實係幾特別的一年, 做了一份不平凡的工作, 亦都經歷了很多起伏, 到最後都唔知是成還是敗。早排和小學同學聚會, 個個都係屬鼠, 原來我地上年犯太歲, 雖然係有不如意事, 但我又唔覺得運氣特別差。今朝起身睇電視, 屬鼠0既朋友今年會幾好, 特別係財運方面, 咁都幾準0既, 經濟雖然差, 但係我串0的講句跟本就冇任何壓力。

琴晚食完團年飯, 和女友去左維園行年宵, 唔知點解香港會咁撚多人咁撚得閒, 仆街嚴格來說就唔撚係行, 得個迫字, 你老母0的攤位係兩邊, 中間全撚部都係人, 你行兩邊睇野又唔可以前進, 你係中間又睇唔撚到野, 我屌佢老母, 迫到好似條撚咁, 開始都覺得幾熱鬧0既, 迫下迫下, 之後都有少少火滾, 十分希望用縮小電筒將所有人變細, 然後再困在膠袋內。

之後0020hrs去左又一城的amc睇電影--<奇幻逆緣>, 睇左166分鐘, 節奏比較慢, 但真係好有意思, 引人反思。睇完之後我都覺得自己好似渡過了一個「人生」, 其實做人有好多0野都係注定左, 不過又唔代表要消極面對, 好多時候我地想追求一0的0野, 可能到最後都係得一場空, 但至少都努力過, 印證了自己曾經活過。平時我地會有好多「如果」, 如果咁咁咁, 就唔會咁咁咁, 我相信每一個人都會試過咁諗, 所以去到撞車0個場戲我覺得真係好有共鳴, 好簡單, 但好具體咁將抽象的想法表達出來。所以我相信有好多野真係命中注定, 有0的人一生出來就注定係做總統, 做偉人, 改變世界, 有0的人注定係潦倒人生, 有0的人注定係藝術家, 有0的人注定係生意人、有錢佬。


膊頭越多野, 要撐的東西就越多。


早幾日將部i-phone format, 然後升級做version 2.2, 跟住再破解, 而家擁有3G的下載功能, 基本上我覺得係用緊一部3G I-PHONE, 勁多野下載, 令我重新愛上I-PHONE, 早排仲有0的厭倦, IPHONE真係永遠都有驚喜, 前陣子仲懊惱緊可以換咩電話, 價錢唔係一個大問題, 但我想要0的新0野, 傳統0個0的磚頭電話我真係接受唔到, 就算咩影相MP30個0的死人野咪又係舊調重彈, 唔重要, 不過有0的撚樣剩係用來打電話打出打入咁就冇咩所謂0既, 雖然我有時候都剩係打出打入, 但係個電話有時就好似件衫咁, 你去女人街買件西野幾十蚊都好撚保暖, 咁你做嘜撚野要去BAUHAUS買件千尻幾蚊0既縷呢? 一樣道理~~

>>January 26, 2009 at 6:42:18 PM GMT+8

2009 年 1 月 20 日 星期二 【晴】

壁屋試更第三天, 終於印證了學堂所學的理想主義是一派胡言, 嚴格來說是天方夜譚, 但係唔可以具體透露太多, 作為一個紀律人員, 已經唔可以再好似以前咁暢所欲言, 所有事情都要過濾, 否則後果可以好嚴重, 這一點我再狂妄還是明白的。壁屋我其實係頗鐘意, 亦都有一種既親切又陌生的感覺, 因為之前係童軍做左差唔多一年, 考懲教時日日番工都經過璧屋, 0個時成日幻想自己可以考到懲教主任, 然後係璧屋番工作, 今日真係咁Q派番去試更, 所以都有少少百感交雜。

人就係咁嫁喇, 當你未考到任何公職前, 你就會想考到是但一個OFFICER, 到你考到喇, 又會想轉去其他部門的OFFICER, 當你TRAINING時就想番屋企, 就想落橫頭, 但係唔知點解而家去到橫頭, 我又有少少想番番去學堂呢個受保護的世界, 雖然一向都有個PICTURE真實情況唔會係學堂咁完美, 但係當0的SITUATION活生生咁呈現眼前, 都咪話唔窒一窒, 今日我都有少少不知所措, 幸好只是個OBSERVER..

頭三日都係番中班, 朝九晚五, 但明天開始要入夜, 有一日假假, 今天放1700, 明天番凌晨0115, 即係變相好似多左一日假, 呢個就係番SHIFT的好處~今日放工去左旺角, 買左隻白色G-SHOCK, 原本諗住去時間廊買, 但係係旺角信和買水貨平差唔多一半, 咁老西都買水貨啦, 幾佰蚊貨仔, 帶番兩個星期都抵~ 今日出左大糧, 因為過年, 政府預支多左約六千蚊, 跟住還多萬八就還晒學費, 下個月開始我就真真正正咁擁有自己的薪酬, 然後就可以儲錢買我架JAZZ, 呢鑊唔係講笑, 出班之後真係可以買架車, 原來呢個世界錢真係可以解決很多問題。雖然唔迫買股票, 但係見到匯控咁低, 我諗我係時候入番兩手試下個金魚缸, 但係我又好撚開心, 希望經濟繼續持續不振, 股市繼續下跌, 但係人工不變~



BOSCO真係好樣衰



1. 琴晚見到隻流浪貓, 有黑炭咁大隻, 但係就不停向途人撤嬌, 好可愛, 但懷疑係被遺棄, 正常街貓唔會咁親近人, 二來佢應該好肚餓, 有少少衝動想拎番屋企, 不過其實可以拎得幾多隻?隻隻都咁可憐, 希望唔撚係養0既就咪撚養啦0的撚樣, 真係好撚仆街。

2. 上星期小學同學團年飯, 有個讀緊博士...........

3. 前鋒永遠都係最受歡迎和搶鏡, 但一隊球隊永遠都唔可以冇左個守門員, 偏偏懲教署的角色就是KEEPER.

>>January 21, 2009 at 4:24:45 PM GMT+8

2009 年 1 月 9 日 星期五 【晴】

上個星期有一日進行了直昇機訓練, 飛行服務隊駛左架直昇機來赤柱, 0的機師和空勤主任真係好撚有型, 睇住架直昇機飛過來, 氣勢磅礡, 一個字, 型!!之後上左去兜左赤柱一帶, 個感覺真係好free, 好自由~不過咁樣就叫做上完直昇機訓練就好似hea左丁點兒。

琴晚放學之後和阿康兩條友坐的士, 實在太撚型, 由赤柱坐到去大埔火車站折左後$235, 我都廢事坐到番上水, 好似真係好奢侈咁。之後和女友去左元朗B仔涼粉隔離食壽司。話說0的壽司就舊舊八吋長, 咁其中一舊三文魚就好明顯地係長, 但係超簿, 其他都OK, 我好言相告, 個仆街侍應話:「好似真係簿左少少~」跟住當冇事走左, 耍尻我。之後過多五分鐘左右, 火火地話要取消0個舊三文魚壽司, 但不得要領, 佢0既理據係舊壽司係八吋長, 但係冇講明係幾厚, 都算佢講得通, 但係隔離台真係好明顯係厚好撚多, 即係當我KIND子, 之後佢話:「冇計嫁喇, 真係足八吋長~」, 咁樣擺到明係黎我野, 我屌佢老母, 如果我咁樣就俾你贏, 我仲洗撈0既, 我一句:「你同我拎把呎離, 我就度下係咪八吋長!!!」, 屌你老母, 你短一納米我都同你死過, 你長一毫米我都唔撚要, 吹呀, 你話八吋長呀麻, 你長一條毛我都唔撚要, 你吹呀!!! 最係咁就緊係我贏啦, 佢夠膽拎把呎離度我就度撚晒全場0的壽司, 你老母邊個長過我我就反尻佢台。又過了一星期, 今個星期懲教知識係零進度, 但係就做左好多0野。因為有好多活動, 16號係passing out parade, 有好多野要準備, 跟住剛剛的星期五又要攪一個幾百人的飯局, 祈求16號一切順順行。

今日雖然係放假, 但係七點鐘就去到大美督的水壩跑10km, 跟住明天0800hrs就要去銅鑼灣參加公益金百萬行。換言之, 今個星期雖然星期五晚可以回家, 但卻是自入班後最慘烈的一個星期, 因為連續七日都係五點幾起身, 沒有一日係可以訓到自然醒.....

今日五點半就起身, 跟住食個辛辣面, 誰不知食食下有舊辣椒卡住係喉嚨, 又辣又辛苦, 狂咳。跟住覺得個喉嚨好唔舒服, 知道有0的0野頂住左。一路行出火車站, 跟住連打十個噴嚏, 然後成個鼻都係鼻水, 但係又冇紙巾, 一個好似阿呆咁行到去火車站廁所, 今朝又撚凍, 個感覺好似<風雪中的北平>課書一樣。去到廁所拎廁紙釋放鼻孔, woowowow~~成大塊辣椒嘖番出來!~!~!~!~今朝跑十公里, 用左43分鐘左右, 我仲記得最FIT0個時三十幾分鐘就攪掂, 俱往矣~ 跑完之後食左4條蕉, 跟住急屎急到仆街, 好似有100隻大象想係個屎眼到衝出來~

過多一個星期就去璧屋試更, TRAINING又去到一個新階段, 終於都可以去去真實世界。好明顯好多時學堂學0既0野和現實係有一大截距離。所以呢兩個幾星期唔係蜜月期, 要咩都睇下咩都八下, 免得到時PASSING OUT之後去到橫頭成個七頭咁七下七下, 幫辦唔可以七的~!~!

>>January 10, 2009 at 3:42:44 PM GMT+8