2003 年 9 月 25 日 星期四 【晴】

唔知點解，今日係咁請人食Pizza味o既百力滋，但係都無個肯食……攪到好唔開心……連平時最為食o既Kenneth都話唔食，不過好彩最後同班入面一個女仔交換o左o來食：佢請可樂糖我食，我再請返佢食百力滋~

上普通話堂，Jette要o的無帶書o既人解釋點解無帶，差唔多個個都問晒o架喇，到我講o既時候仍仲話因為我講得唔差，所以就算喎~~~呵呵~~~之後到Wallace同+A，Jette問到佢o地o既時候，佢o地兩個先o係書包度好姿柔咁拎本書出o來，而且+A拎o既時候仲要加埋「歡樂滿東華」o的音樂，笑死全班!!
之後用o左堂幾要我o地逐個講「ma」in五個聲調，嘩，到艾美麗佢o地o既時候突然去得勁快，好快就到我啦!!!連後面Stephen都話駛唔駛咁快囉!!!好彩我都讀得掂~~~~但係睇Wallace讀係最好笑~~~~~講唔掂!!仲要雙手插袋+細細聲咁講!!

夜晚就上網係咁搵o的酒店o既資料，睇到張List，宜家先知原來香港係有咁多酒店&賓館……-_-;;不過List上面o的酒店名全部都係英文，要Click埋入去公司網先知道中文係咩酒店，睇o來背定都差唔多時候o架喇~仲要背埋係邊間公司o既分店!!費事到時俾人問到口啞啞啦~~最清楚o既只係Marriott中國分店係「中國大酒店」囉!!<睇「Alias」知道o架!!>不過o的酒店房都真係好貴，枉我仲想入去住返一、兩晚添!!唔知入J.W. Marriott Hotel會唔會有Discount呢~!?:p

>>September 26, 2003 at 3:53:43 PM GMT+8

2003 年 9 月 24 日 星期三 【晴】

今日同-A講o左好多o野，不過都係佢同我講先o既~而且佢仲請o左粒Chelsea俾我食，嘩~好耐都無食過呢隻糖啦!!!上Word Processing o既時候，佢部機o既Mouse唔郁得，之後就o係度攪笑話係輕觸式Screen，仲要係咁扮!!
嗯……睇o來今年同班男仔快熟o的啦~~上年都差唔多要到10月中度先開始有一、兩句……

>>September 26, 2003 at 3:05:24 PM GMT+8

2003 年 9 月 23 日 星期二 【晴】

Aiba又拍劇……不過真係好似好耐都無見佢拍劇~叫咩「回到熱血高校」喎……

今集「Comic Party」，又係Full晒「To Heart」o既主角……特別都係o個機械人……當時「To Heart」原來係叫做「青春萬歲」……聽返真係好悲哀…………

一返去就上Accommodation Operation，o個Miss都叫靚啦~但係都有三十幾歲女人o既煩惱—肚腩……我o地照五個人坐埋一齊，但係前面就俾三人組<兩個Kenneth+一個Wallace>，三個都高我三分之二個頭o既，攪到睇白板勁難!!
因為上兩個禮拜三都放o左假，所以阿May要我o地作自我介紹，仲要介紹埋隔離o個個叫咩名，原來o個兩個Kenneth，淺啡色頭髮o個個叫-A<負A>，坐佢隔離o個個叫+A<正A>，而周杰倫就叫Wallace啦~~~不過+A話佢叫Christin……之後Wallace要介紹我，不過就俾阿May知道我o地班好多人都唔識隔離o個個，佢要Wallace問我叫咩名，佢開頭仲諗住我份Notes會有我o個名，點知只係得o個公仔樣o乍~~~攪/笑o左勁耐，佢先問我「What’s Your Name?」囉，講完之後阿May問佢我份人點囉，佢就話唔知……到我介紹露比o既時候，就直接話「佢叫露比~」之後+A就摸住自己背脊話「我叫露背」……無奈!!
之後有個叫「陳君霆」o既男仔介紹自己時，就俾阿Ling插口一句話「佢叫『韓君婷』!!」即刻笑到全班死o左!!!連Miss都笑埋~~~~仲話佢瘦得幾好~

蘇菲亞o個男朋友就真係呢……可以好o的囉我覺得!!不過佢兩個都係基督教教徒，所以唔可以成日做囉，不過佢男朋友又係下唇厚o既，都因為呢個原因而攪到唔可以成日做、又唔可以咸濕……真係有o的悲哀……好彩我無入教o者，如果唔係，一早已經犯o左十誡lu~~~~~而且蘇菲亞俾我o地寫完地址之後就俾Wallace寫囉!!佢話傾o左一、兩句就會俾人寫o架喇……好明顯我就唔會咁做啦!!上年我都好似無俾過人寫地址呢o的o野!!!原來Wallace叫鄭民輝囉~佢又係85年1月15號出世o既~睇o來班男仔多數都係85年o架喇~~~~~之後蘇菲亞都叫o左另一個男仔寫~佢o地仲好過阿謙啦~~

Recess o既時候都想落街買小食，不過蘇菲亞佢o地話唔夠時間所以唔落喎……不過陳君霆佢o地一袋二袋咁返上o來囉……而Momoka就拎住個萬寧袋囉!!!

之後上湯Sir個Food & Beverage，首先都係要執正返我o地o個Look先囉……不愧係訓導主任!!!之後就教我o地中西式用兩隻Spoon/Fork去夾o野，我o地五個都學得好快~中式真係易上手o的!!!不過Wallace就好似抽筋咁，教極都唔掂!!!最後都要三個女仔一齊去教，仲要教o左好耐先OK!!!仲俾+A問佢駛唔駛去睇o下醫生!!!
然後就要我o地好似行Catwalk咁，拎住個銀盤行兩次，我同Wallace一組，睇到佢點行就真係好想成個銀盤車埋去!!!佢仲可以問返我點解囉!!!不過首先行o既係Simon同另一個女仔，Wallace就好賤咁話人o地係情侶檔<佢o地o個身高同外形都有o的似啦~>，我就叫佢講大聲o的，人o地行到埋o來，佢都唔敢大聲o的……有o的人就頂睇o下我同艾美麗枝水邊枝好o的先決定拎邊個盤囉……o個盤都唔算好重，但一定要左手拎!!!所以都有o的手震……上面除o左水之外都仲有好多刀叉同Spoon，真係如果要時要拎o的重o野/熱o野，就真係唔知可以點!!!
最後湯Sir話考慮梗o係Sports Day加個拎銀盤200M比賽<上面有枝水o個o的咁啦~>，仲要話有分加，個個就係咁話要參加!!!

-A o個Feel有o的似洪德健啦~Wallace咪就係Edison之嘛!!而+A我覺得似E-kids o個Alan/Tim囉……另外有個叫Rosa o既都好似Cathy Hung咁……而且今日上F & B，要人拎銀盤時聽到+A同Wallace講「關心研」囉!!原來係我o地班又有個似阿Jade囉……我之後睇o下佢咩樣，都有少少似啦~~
不過唔知點解-A次次望到我o既時候，次次o既反應都唔同!!一時就好無o野咁望完就算，一時就同我講o野……今日就係咁喇…………

今日蕃茄同我打o左兩次招呼，超驚!!!開學禮o個日拍佢佢都好似唔想應我咁……咪當唔識囉~~~點知今日等入702 o既時候佢見到我、之後去廁所又見到佢，兩次都係佢叫我o既……無奈!!
放學要去地鐵買飛，同蘇菲亞一齊，但係佢就俾o的北京旅行團o既人捉o左幫手買飛，之後連我都俾o的手拉住o左，叫我幫手囉!!! 蘇菲亞真係好好人，而且o的普通話都好掂!!!

夜晚同L傾電，佢話我係最唔悲哀o個個囉……咁睇o既話我都覺~^^

>>November 30, 2003 at 9:51:59 AM GMT+8

2003 年 9 月 22 日 星期一 【晴】

TVB竟然播「Comic Party」!!!開頭仲出埋「To Heart」o既人物囉~我仲以為TVB又改人o地o的片名叫「漫畫同人幫」囉……而且開頭睇報紙時仲以為呢套o野係教人畫漫畫添!!不過「To Heart」同同人誌無關係o架嘛~!?所以都估到應該係類似有人Cosplay o個o的o野啦~~~兼且o個男主角o的眼同樣都同「To Heart」o既有o的似，可能係同一公司啦~~~之後聽主題曲，真係「Comic Party」呀!!呵呵~~~~~好彩今日播第一集，我就睇到o者~~~~而且兩套o野都一樣係「Aquaplus」出o既~~~~漫畫好似有出過，宜家又有o的想睇~~~:p入面有o個畫漫畫o既女仔o既同人誌叫「Heartdates」<類似啦~>，而o的主角就係「To Heart」o架啦!!佢即場畫人物俾Fans都係畫「To Heart」入面o既機械人!!

>>September 24, 2003 at 2:16:25 AM GMT+8

2003 年 9 月 21 日 星期日 【暴雨】

班上面有o個男仔好似周杰倫o架!!!特別係佢對眼!!!最似!!!而且身形又差唔多、背影又似、面形都似、頭髮爭少少、側面仲似!!但就唔知點解成日「雙手插袋」……佢o個Feel都有o的Cool啦!!!咪即係Edison翻版~!?不過Edison就真係本身o個人都Cool o既<佢之後解釋>，希望呢個阿Jay唔會係我諗o個o的人啦~~~~

放學之後就同蘇菲亞去搭MTR，不過佢長洲人，搭去港島線，而我只係去太子，所以落多一層，但就俾我見到兩個班o既男仔!!首先就係Simon啦~之後再行落一卡，就見到周杰倫啦~~~~原本我仲諗住o係呢卡就坐低o架啦嘛!!但又無晒o的邊邊位，雖然周杰倫o個行仲有一個<佢又坐邊邊位>，但係都費事啦~咪再行落一卡囉~~佢見到我，仲對我笑笑o下咁<笑o個時得6成似周杰倫o架o乍!>，咁我都只係點o下頭笑返就算~但估唔到佢會認得我同佢同班!!因為Simon係唔理我o架!!<雖然我唔知係佢見唔到我定咩啦~~~~>

>>October 10, 2003 at 4:31:54 PM GMT+8

2003 年 9 月 20 日 星期六 【溫暖】

Down o左「言葉より大切なもの」o既MV，好鐘!!我鐘意呢個多過「ハダシの未來」o個MV!!!睇完之後，想放低都唔得!!!Ohno仲要拎住向日葵!!!佢仲要將枝向日葵伸向鏡頭度囉!!真係放唔低……唉~

>>September 21, 2003 at 6:55:08 AM GMT+8

2003 年 9 月 16 日 星期二 【晴】

阿媽真係以為係我嘈住對落o個件，不過我就話o左唔係我，阿媽聽完之後就話佢囉~~~呵呵~~都話得o架啦!!!

今日同阿媽一齊去接阿大阿細放學，原來要證o架!!!o的家長排梗隊o既時候，阿媽就叫我o係班長後面度門度望阿細，因為佢就係坐o係門隔離，我敲o左陣窗，阿細望過o來，不過係定o左咁望住我，最後仲要側埋o個頭，我即刻同阿媽講「佢肯定諗梗點解會係大家姐o來接我!」諗o左十幾秒，佢先行埋o來同我揮手，仲介紹我俾佢o的同學識，不過都係好無禮貌咁話「呢個係Emily!!」到我去接o既時候，佢兩個都出o左o來，阿大見到我o既時候行o左一陣，又行返轉頭，原來係要推返埋張凳，真係好得意!!!<佢係宜家先得意>^^出到o來，先生問佢o地我係邊個，阿細依然都係o個句「呢個係Emily!!」真係好無禮貌!!!><要阿媽解釋係大家姐佢o地先話返我係「大家姐Emily」……好無奈!!!
今日阿大返學又喊啦……而且差唔多全校o的先生連校長都知!!!最唔明係點解o的先生都要著埋套加大o左o既PE衫，又係同學生著梗o個o的一樣!!!咁平時學生著裙/褲o既時候，佢o地著咩o架呢~!?
不過去到幼稚園o既時候，我都好開心~~~~真不愧係無返過幼稚園o既學歷F.5以上香港學生!!!哈哈~~~

諗住去買返o的Under，點知門口o個個阿姐勁大聲咁嗌「隨便睇丫，阿哥!」已經無奈o架啦……入到去，有個Sales就幫駛一個師奶試梗/帶梗o個Bra<有著衫>，兩個一望到我，就真係好似當我係男仔咁，用o的好奇怪o既目光望住我，仲停晒手添!!!真係好唔開心!!!攪到我好似成個變態咁!!我只係著T-shirt+長褲o乍喎!!!又邊弗似男仔呀??我就算真係要買Bra/Under俾女朋友，我都唔會揀o係呢o的咁o既屋村商場買啦!!!係都去女人街、再唔係去o的名牌店度買啦!!!我真係受夠喇!!!反而宜家唔係L男朋友就成日俾我話我係男仔，有咩唔同呀!?咪又係我~!?最多都係o個時o的暗瘡多過宜家、頭髮長少少、"hiu"晒出o來之嘛!!!我就係唔想著住校服入去買Under呀!!宜家就差唔多每個禮拜一單，想點呀??之前就連著住校服裙得上半身都俾人跇我「哥仔」呀……都夠無奈啦…………

今日「都市閒情」，E-kids上o左去，以為係唄「玩玩具」啦~點知竟然係「青春火花」囉!!!

到宜家都仲未諗好份講稿、助選Poster又未攪掂……真係好想同Michael講唔做Class Representive!!!一早都話o左我唔做o架啦!!但又係例牌無人自願!!!助選團要3個人，仲要o個3個真係可以諗到o野去駁返其他人添o架!!!不過我都諗住第3個係搵Ruby o架喇……講稿，無人同我講要講幾耐、內容係乜都無，只係好空泛咁話學校要改善o既地方、可以幫o的學生做o的o野，我入o左o來一個禮拜多o的o乍!!我點知有咩要改善呀??助選團又無幫我度橋、Michael又無……輪到張Poster，又肯定係話要我自己諗o架啦……!?連要咩Size都無講過!!!如果係咁，我寧願做Banner好過!!!超嬲!!超唔開心!!!

以為由星期一晚開始偷用阿爸o的牙膏，隻敏感性牙齒會好o的……因為今日飲o左3杯豆漿o既時候都無問題，但係o岩o岩同L傾電話時，笑o左，o的風凍到隻牙，又痺過……無奈爆……

我今日都好眼訓o架!!!zzZ

>>October 10, 2003 at 4:34:12 PM GMT+8

2003 年 9 月 15 日 星期一 【綿綿細雨】

真係俾我搵到「Mambo #5」o既歌詞!!!!!呵呵~~~~~~~~~我仲要跟住一齊唄~!!真係好開心~~~~但係阿Lou Bega都淨係得呢首歌咁……第一次o係電視度睇到o個MV之後已經好鐘，又係Chorus o個段上晒腦~~~~~
今次都唔例外!!!因為下午行街時唄完俾L聽~~~~~^^但係佢究竟話呢首歌好嘈……好唔開心……<蹲在沙地上用手指轉轉>
宜家就Pose o左我上腦o個段先啦!!!哈哈~~~~~~~今日同之前o既日記，遲o的再補返!!!
『A little bit of Monica in my life
A little bit of Erica by my side
A little bit of Rita is all I need
A little bit of Tina is what I see
A little bit of Sandra in the sun
A little bit of Mary all night long
A little bit of Jessica here I am
A little bit of you makes me your man』

之後又去睇返Christina Aguilera o既歌詞，去o左睇「Dirrty」o既歌詞，但係我竟然唔記得佢點唄囉!!!於是拿拿聲Down返首MP3返o來!!!不過第一次Down o個個係無Redman Rap o既版本，而有把DJ聲介紹隻歌……咁就梗係要Down返o個o岩o既返o來啦!!!都仲有有兩個版本，唔理，照Down!!!不過，聽唔到……睇完歌詞先知佢唄咩……入面有句係咁「Ring the alarm (and I'm throwin' elbows) [x7]」之前睇佢MV o既時候又唔覺佢唄足7次喎……呢o個版本都好似唔夠7次，難怪分鐘少得咁多啦!!!

想搵埋「Macalina」，但應該係因為我打錯字<我當時就係打呢個，想知係咩歌，照拼音讀啦!>，所以乜o野Results都無出……無奈——

夜晚，對落o個件又發癲!!!攪到我要坐o係張床度訓……成兩個鐘都訓唔到就賴我嘈住佢，佢連自己都唔幫，咁仲好意思話人!?o的醫生都話過一個人"火文"o既話係訓唔到o架啦!!!又成日睇o個手機幾點喎，醫生都有話太在意時間o既話又係訓唔到o既!!!出去飲完水，以為佢會好o的啦，點知都仲係咁，連教都費事教佢丫!!!訓唔著，大不了咪出去睇電視囉!!我真係唔信佢睇埋粵語長片都唔眼訓!!!佢呢兩個幾鐘係咁發脾氣、又喊，都唔幫自己Clam Down自己o的情緒，最後連我都頂唔順，就咁將o的o野「輕輕」咁擺埋一邊，調返平時o個人咁縮埋一舊o來、再用被蓋過頭o來訓就算喇!!!有時等佢3、4個字、唔見佢發脾氣，以為佢訓o左，點知原來係未o既!!!無奈爆……我o係書包度執o野出o來，又樽又膠袋，都已經出o左走廊度執啦!!我攪掂晒，刷埋牙諗住上床睇雜誌o既時候佢就醒喇……咁o既話應該係度門嘈醒佢o者~!?就算原先係諗住等我o係床睇漫畫時唔駛嘈住對落o個件o既床頭燈我都唔開得啦!!!仲想點呀!?我o野都未執好呀!!!平時佢嘈我、我就即刻熄燈……想點呀!?宜家唔係全家都要就佢一個o架!!!佢訓覺、就要廳o個電視較細聲o的、又唔俾佢兩個玩…咁根本就係佢訓唔著，搵人嘈o者!!!佢同阿媽都唔係見唔到我坐o係度訓o架啦!?佢仲要開大燈，見到我訓著o左，都唔熄o左去，咁我下次床頭燈阻住佢訓係咪都可以唔駛熄先~!?係o既我當然歡迎啦!!!不過我無嘈佢喎，費事俾o的賤人報完仇仲去同阿爸告狀啦~!?我宜家忍一忍，到時俾人話o既都唔會係我啦!!!

L o個3個Miss Call+1 Message，我都好想覆o架，但係費事o的人又發癲啦!!!雖然我已經較o左無鈴聲、無Message聲、無按鍵音量、無震機、連手機o的燈我都已經用張被遮住喇!!!但係都費事——忍你一晚!!
不過唔知我訓著o左之後，佢仲要幾耐先訓到喎!!!基本上我坐o係度訓/發呆o既時候都已經係一粒聲都無o架啦!!!

>>September 17, 2003 at 12:58:20 PM GMT+8

2003 年 9 月 9 日 星期二 【晴】

今日終於都放假~~~~好開心~可以訓晏o的~~~~~^^
一上網，就繼續搵「Beauty & The Beast」o既o野，不過都仲係搵唔到o的有詳盡介紹o既網，反而o係最後一個出o既Result度，見到佢係打「美女與野獸」，o個分類仲要係「日本電視劇」!!咁咪即刻入去睇囉，呵呵~~~~~真係菜菜子姐姐o個套!!!去o左BBS度，好多人都搵梗「銀河與迷路」o既MP3……我都一路搵梗丫……咪又係點都無o個o的囉……然後有人推介一個好正o既菜菜子姐姐o既網，Click o左入去睇，有菜菜子姐姐打招呼添呀~~~雖然聽唔到佢係介紹自己As「松島」定係其他o野……入面就真係超詳盡!!!由菜菜子姐姐出世到年頭o既所有o野都有齊!!!連佢娘家以前係點o既都有!!!之後去睇佢一路演出過o既廣告，全部都可以Download，仲要齊晒o個o下先勁!!!一路Down o既時候就諗：「如果有個咁o既Arashi網就好喇……唔駛搵o個『營火篇』搵得咁辛苦……」連一o的廣告o既Making都有得Down埋!!!超開心~~~~^^
o的廣告又Down得快喎!!!係爭佢幫慎原敬之拍o個個MV我費事要合拼所以先無Down……連隻歌o個兩個CM都Down唔到…………-_-;;

終於睇到Kirin生茶!!就係佢同o個細路「間接接吻」o個個同埋最新o個個!!!睇到好開心~~~~~最鐘意菜菜子姐姐手上o個個熊貓手偶!!!><呢兩個廣告都有出現過~~~~~最新o個個佢就俾o個細路「蝦」返，o個棒球掟中佢背脊——不過好好笑~^^而之前o個個就似真係一腳伸o左o個細路落地下!!!
又聽到菜菜子姐姐唄歌!!!唔差o架!!不過Spitz o個首係咩歌真係搵唔到……
為o左o的廣告，同時都要Delete好多o野……都係二宮o個o的啦~~~~專登打去問Send o左俾L未，Confirm晒之後就好安心咁Delete~~~~~~
好想睇菜菜子姐姐今年新年上o既o個集「SMAP x SMAP」，唔知12樓仲有無呢~!?

例牌一定要睇「都市閒情」，竟然有吳浩康!!不過都係唄佢隻「先入為主」啦~~~~而且o個主持人仲好例牌咁問佢隻歌講o的咩，聽完之後就覺得好o岩~~~~~~唄K又係必唄!!
『拜託你不要數我 從前是若你要數 太多污點讓你數不盡
你看我今次多守信 難道我後悔已經沒有用

是我做錯 是我做錯 是我做錯 你要什麼
縱費用昂貴 在所不計 只想洗去舊過失 累積一貨櫃
恨也恨過 鬧也鬧過 罰也罰過 還求什麼
我縱使無法被你抱住 都起碼讓我停住跌勢

你記住我當初不忠誠 不相信今天我愛上安定
我對著你怎保證 至夠力證明我 已是定了性

是我做錯 是我做錯 是我做錯 你要什麼
縱費用昂貴 在所不計 只想洗去舊過失 累積一貨櫃
恨也恨過 鬧也鬧過 罰也罰過 還求什麼
過去事何以尚要多提 圍繞這討厭主題發揮

你記住我當初不忠誠 不相信今天我愛上安定
我對著你怎保證 至夠力證明我 已是定了性

Woo~ 你看著我眼睛
*何以你會待我這麼不公平* 不相信今天我愛上安定
那印象你可否抹清 我再讓你難過 我願受報應』

不過聽完之後就越諗越唔開心……係咩~!?見歌詞啦!!!* o左o個句呀!!不過佢咪都係唔認囉……又係咁o岩我次次要Interview o既時候佢都有o野做囉……而Apple唔識路佢就走去陪佢囉!!佢唔識極，都可以問人；我呢兩年In o左三次，我夠驚啦!!!我可以問邊個，可以搵邊個o來陪我呀??白英奇呢次，佢咪就係o係屋企訓梗囉……咁都叫有o野做呀??佢今日都比平時早o左起身出去陪佢啦!!!我就唔得o既……仲唔係唔公平!?又係淨係對我一個係咁囉……

好彩阿大阿細聽日唔駛返學，可以入阿媽房睇「Alias」~~~~開頭o個電視仲要係乜都睇唔到，得o個藍色畫面o架o乍，之後Call o左阿媽o來，原來係唔知邊個插錯線囉!!!整完之後，都仲係有雪花+黑白灰色……都算啦……今集好重要，睇到字幕都得o架喇!!!
睇睇o下，L打o來，我真係有聽佢講o野o架!!只係答佢o既o野短o左o的o者……但係佢不滿……應該係不滿我一心幾樣o卦、或者係我要睇完先打到俾佢o卦~!?之後我就諗：「佢其實唔一定要同我傾o架o者~!?一定仲有好多人可以同佢傾電話o架，但係點解一定要我呢……」最後都係諗唔通，睇完就打俾佢~

夜晚，咪又嘈過囉……而且佢又將不滿Apple o個o的，同埋我o個o的一齊講囉……x2囉……話o左我有改到，佢就只係話我做得唔明顯囉……夠唔夠無奈!?嘈到兩點幾先收線……但就好似嘈o左好耐咁……

．．．今日都淨係得菜菜子姐姐令我開心……不過我無同L講我Down到好多廣告，只係話睇梗佢o既網……就算話o左，佢會替我高興咩~!?睇到最想睇o個個廣告……．．．
今日Down晒Kirin、Lotte、Max Factor、Nikon、明治製果廣告+「美女か野獸」o既DVD特典~~~

>>September 17, 2003 at 12:32:27 PM GMT+8

2003 年 9 月 7 日 星期日 【晴】

愛一個人！要了解，也要開解；要道歉，也要道謝；要認錯，也要改錯；要體貼，也要體諒。是接受，而不是忍受；是寬容，而不是縱容；是支持，而不是支配；是慰問，而不是質問；是傾訴，而不是控訴；是難忘，而不是遺忘；是彼此交流，而不是凡事交代；是為對方默默祈求；而不是向對方諸多要求。可以浪漫，但不要浪費；可以隨時牽手，但不要隨便分手。如果你都做到了，即使你不再愛一個人，也只有懷念，而不會懷恨。
……………………………………………………………………………………………………………………………………
人生就是為找尋愛的過程，
每人的人生都要找到四個人。
第一個是自己，
第二個是你最愛的人，
第三個是最愛你的人，
第四個是共度一生的人。

>>September 8, 2003 at 12:46:38 AM GMT+8