2003 年 10 月 12 日 星期日 【晴】

早o左返學，仲要早o左兩個字呀!!!o係樓下見到Kenneth，就一齊行上o來，而o係不遠處就見到Leo同露比~~~
不過最估唔到o既都係Kenneth自己都話「返早唔遲到，兼且仲要早到囉!」
出o左走廊，突然聽到有人o係樓梯度講o野，終於知係邊個，咪就係阿基同埋佢o個班蝴蝶囉，佢見到我都有打招呼，之後就繼續講「我好急屎呀!!」班女仔就話「急咪去廁所囉!」
『一早』就聽埋屎尿屁呢o的o野……<見到係有「」o架!!晏o的先講我絕對覺得無乜問題o架o下!!>

貝琪揀o左坐門口第一行，而我就坐最近門口o個個位，今次堂Purchasing，好努力咁抄功課~~~之後o個o的FIFO同LIFO都明少少o既~~
訓訓o下覺o既時候俾露比叫醒o左，只係為o左問我「梅開二度」點解!!聽完之後超無奈!!!艾美麗又無訓度，再隔離貝琪佢o地都無訓，但係點解就係要嗌醒我~!?解o左一次佢仲唔明，我已經無心情再繼續解o架啦!!但係佢仲繼續問「即係點解呀?」我都只係知點用，你叫我解我都唔肯定會解得明o架啦!!!咪求期講完咪繼續訓囉……無啦~都已經俾佢攪到醒晒囉，仲點訓!?

後面係Mouse佢o地，再後面係Kenneth，我o地就係咁傾耳洞，仲要係撐大o左o既o野耳洞!!
蘇菲亞今日無返。
Alex幫我改o左名，叫我做「日本人」，我都係因為記得晒o個50個讀音o者……唔係咩特別勁……
日文默書終於要用返日文字啦~~~不過對我o來講完全無影響~~~~但係班o的人o個個就係咁溫書……
Recess完之後就問David「器用」點解，原來係「有用」!!!仲教埋「不器用」就係「無鬼用」咁解，班o的人聽到「不器用」係咁解時都大笑，最記得係Steven笑得最開心啦……不過佢都有肉o的問中文時突然唔記得o個字點寫o個o的咁啦~~~
咁o既話，窪塚寫自己o既特技係「器用貧乏!?」，咁咪即係「缺乏有用性」!?

Lunch Time去o左露比好想去o既茶餐廳，近信和o個邊啦~~行過o的整錶o既，就問o下隻錶點，結果o個阿伯話隻錶唔係無電，而係入面有o的油，要拎去大整……
好快就食完o野，仲要同露比Share一份油多~~~好好味~~~~而且仲要食o左好耐都無食過o既沙爹牛肉麵!!!
食完o野，貝琪話要去中銀交學費，我就順便買埋「新Monday」俾L~ o係中銀出面見到檣賣錶o既，想睇o下，但係露比話夠鐘，唔俾我o地睇呀……-_-;;

返到上去，Leo佢o地都差唔多返齊，又係坐晒o係樓梯度。Alex又叫我「日本人」，吹o左陣水，Leo想講「You’re Welcome」，但就講o左「ようこそ」，我係解釋兩個意思唔一樣，即係「Welcome」同「You’re Welcome」係唔同o既<雖則我第一次都係同Leo一樣咁用……;P>，但係唔知係Eric定係Ricky就插把口落o來，截住我講o野，係咁話「得o架喇~得o架喇!!」有無o的Gentleman風度呀……??

行o左去801門口等，C班好快就出o來。今次阿基無戴眼鏡啦~就企o左o係門口等人咁，佢見到我，但係佢班o的人就係咁行出o來，攪到我o地好似隔o左成條河咁……
好彩佢睇到我咀形，就叫我俾o個電話佢，係隔住成條河俾!!!不過佢夠高，o個電話都唔會跌o左落條河度~~~佢睇住電話按o左o的制一陣，就俾返o個電話我，話唔記得o個Icq號碼，聽日俾我喎~

Computer堂Test倉頡，結果當然係好多唔識啦!!!Fini話就話份卷唔一樣，但係唔一樣o既地方咪只係得o個次序~!?我o既第一題，即係Queenie同Angela o既第50題之嘛!!
放o左學之後，艾美麗同貝琪就陪我去睇o下邊度可以整錶，上o左去潮流特區，行o左一層之後，有人提議去女人街，真係去o左行，仲要直落埋花園街!!

女人街竟然有日劇VCD賣呀!!!$110，平$10囉……艾美麗見到有套Nagase o既，就話係「女婿大人」，點知一拎上手，原來係「Big Money」……又有阿翔o個套啦、瀧澤o個套、松潤o個套啦~~~~仲有「Stand Up!!」……
成條女人街，度度都賣梗LV……想死!!偏偏無乜Hermes……而且仲要係雜誌講過o個o的方法：係咁擺晒o的日文雜誌出o來，你要邊款佢先去拎；而且宜家呢個方法仲用到去其他物品，包括錶……
見到有Rolex隻綠圈Submarine，一檔就賣$350，另一檔就賣$400……睇睇o下，都覺得隻錶幾靚……原價都好似要幾萬蚊……-__-;;

然後見到有VCD舖，就入o左去睇，想買好多VCD呀!!!首選當然係窪塚o架啦!!!最後o係「Ping Pong」、「超時空要塞」、「妙手情真」同「GO」之間揀o左「GO」，同埋「Laundry」~~~~~不過佢o個o的度o的VCD都真係算平~~~~
o個度係Espirt附近，認o左一陣，都記得o既，門口上面幅牆掛住勁大張「雙雄」Poster o既~~~~
過o左對面馬路，又有一間分店，有Neway人o係度派傳單，一反轉，係克勤o來o架!!!即係行去叫佢俾我張我!!!貝琪知我鐘意克勤之後，o係度同我講佢去o左睇「左鄰右李」囉!!!
一路行落花園街，覺得有o的口渴，所以入o左7-11買水，但係我竟然買o左枝1500mL o既大水!!!一路棒住枝o野係咁用飲管飲，唔知點解覺得好開心……我另外都睇會到L o既缺水同狂飲水o既情況喇……

行o左半條街，我已經差唔多飲完枝水，貝琪佢o地開頭見到以後係我飲唔晒，就停o左唔飲；但係我仲有o的口渴o架!!!
想扮o下孝順去買o的豆沙餅俾阿媽食，但又唔記得阿媽食唔食，所以都係無買到~~~就係o個o的「乾穌餅」好出名o個間~~~原來除o左獅子老虎之外，都係人o係會考時係拎住成個「乾穌餅」o係度食……
行到差唔多5點就走，陪o左艾美麗去搭巴士之後，就各散東西lu~~~

我就好姿遊咁搭倒頭車，返到屋企6點幾，急不及待就出廳睇VCD!!!
睇o左隻「GO」先，窪塚簡直就係型爆!!!單係開場佢打完籃球之後起腳踢人o個幕我至少都睇o左兩、三次!!!佢食煙o個幕又睇o左兩、三次~~~
食完飯就入房繼續睇，コウ主動錫佢o個幕同之後佢同コウo係女方屋企做梗o個幕又係，因為窪塚真係好型而且後者又好笑~~~~~但係睇o來コウ真係上身無著衫，鏡頭影佢背脊，都差唔多影到落尾龍骨喇，都係一片滑溜o既背脊~~~~~~我之前愛埋佢真係有理由~~~

Disc 3開頭有幕係佢o地去o左賓館度做，重睇o既時候阿媽突然衝o左入o來，我就扮冷靜，乜都無做過，連Stop又無、Pause又無，阿媽問完我o野之後就朦起埋對眼o來睇我電腦播梗乜，仲問我係咩o來o既，我咪照話「VCD囉~」播梗o既咪就係窪塚解開梗コウo個胸圍o個時囉!!!佢明明睇到，但又無咩先出奇喎!!!

>>February 28, 2004 at 9:27:25 AM GMT+8

2003 年 10 月 9 日 星期四 【晴】

心情突然之間Down o左……佢同尋日完全係兩個人!!!之後o既普通話堂，我就好似一個未訓醒o既人咁……Down爆!!!
Recess o既時候o係廁所出o來見到佢，就攤隻手出o來，點知佢問返我「做咩?」我話埋「你尋日講o個o的呀!」佢又問「我講咩呀?」「Icq呀!」「我唔記得喎」不過佢o個樣都好似係o的唔願意o既樣……

『魔法並不是萬能的，
要加上自己些許的勇氣…才算得上是真正的魔法﹗』

不過，原來還要看對方的心情…

尋日o既勇氣、今日o既理所當然：無奈!!
好彩蘇菲亞話會幫我……
放學後陪蘇菲亞去Peoples交Orange賬單，之後再陪佢去花園街買裙!!我都係第一次陪人買o野o乍~~~~但其實有o的裙又真係幾靚o架!!
兼且佢o的觀察力真係好!!而且記性又好~~~佢都好似只係見過一、兩次之嘛，就竟然知道o的我唔知道/留意o既o野囉!!!
開頭我咪話18歲要剪Subaru o個個前面同上面都短、但係又留長髮腳o個個頭o既，宜家又要去做Trainee，都唔可以整個咁過份o既頭o架嘛~所以，我諗過喇，我都係剪!!不過接近條頸o個度要剷青，仲要剪短o的頭髮，睇落蓬鬆o的 --->即係蘇菲亞所講睇落好似好少頭髮咁~~
呵呵~~~~蘇菲亞睇到o既都應該知咩事啦~~~~~

夜晚我又囉喇……以為阿Ling俾o既係新Icq No.，點知原來係手提……真係囉爆!!!我仲係咁Search人囉!!!
但係之後都開心o左o的，因為同Leo、蘇菲亞同貝琪Icq，而且對落o個個仲無嘈我添呀!!!宜家已經超時用梗喇!!!
不．過．
蘇菲亞見唔到佢o個friend，問唔到……
而且，佢都可以做我社工添呀!!因為之前聽o左o的類似阿蘇哥o既說話，都明白佢o既意思<不過，對唔住，蘇菲亞，我做唔到o架。上上o下堂我都可以神遊o左去o個o的場景度咯!!咁更何況係如果我有o既時候!?>，佢又話睇過o的心理學o既書，有咩都可以搵佢傾~~咁總比我兩年換三個o既好啦~!?

下午想Down阿Pi o既薯片廣告<應該係Pringles o個個>，不過因為Hang機，所以又無o左……






轉o左Info，所以之前o的o野o係度寫住先~

愛一個人，是你必須有一點兒恨他，恨他令你離不開他

喜歡被人揹著的希美；在地鐵內遇上『他』的希實
經歷阪神大地震後患上『幽閉恐懼症』的瞳；視調酒為愛人的清音
身為Cronus的Rapper & Dancer的千影
出賣肉體後愛上『顧主』的貴美
曾經死過一次、現在又面臨第二次死亡的千夏
喜愛鞦韆、在校很受歡迎的槻御

將以上六句o野轉o左做「Torn」o既歌詞，因為聽o既時候真係好有今日o既Feel……


>>October 18, 2003 at 12:26:45 PM GMT+8

2003 年 10 月 8 日 星期三 【晴】

今日係返學以o來最開心一日~~~其實都係承接住上星期五啦~~~~~呵呵!!
我宜家更愛返學lu~~~
更加期待聽日!!!^^

不過臨完場前俾阿Ling撞破o左……=_=;
唔知佢聽唔聽到o架……
聽到o既都死!!<宜家諗返>

>>October 10, 2003 at 4:57:02 PM GMT+8

2003 年 10 月 7 日 星期二 【晴】

終於的起心肝Up Info，都係我最鐘意o既o野啦~~~~~呵呵~^0^

天秤女的表演舞台：床
．在床上演戲、充滿冒險精神
．肉體方面的自戀狂
．視性愛為藝術、遊戲之一種
．享受的事：做愛的過程中，從鏡的反映中觀看
．傾向雙性戀、享樂主義者
．豪放的程度：在沙灘上檢回來的上身泳衣，大部份的失主都是天秤座
．唯一有對我有分別的是：我不介意於汽車內、浴室裡、飛機的洗手間或者沙灘上!!

有人反對嗎?<笑>

>>October 8, 2003 at 3:03:13 AM GMT+8

2003 年 10 月 5 日 星期日 【晴】

今日上Purchasing堂時，發現好多人都無返……而另外有返o個o的—都o係度訓覺<我>……除o左某小陪份外<露比佢o地>
轉堂時又要調返位，而Wallace同Ricky就等梗我o地執o野走，而Wallace就o係呢個我拎住好多o野o既時候先俾返$2我……無奈!!佢仲要同Ricky講，如果星期四o個日無o左我o個$2，佢就返唔到屋企喎……Ricky就問佢「你唔入八達通o架咩?」佢就答「我唔會入o架喎!」
之後上Japanese堂，又默書，我都係寫平假名啦~，而Kenneth咪就係係咁左望右望之嘛!!!仲o係度問我要寫呢o的字o架咩?<平假名>，Departure又唔識串，David講o既英文佢又唔明，係咁問我……唉~

Recess佢就又去煲煙啦~不過我之前又好囉，講o左紅色o個隻萬保路係「原味」，佢聽到就係咁笑住話「仲有紫菜味、BBQ味、Wasabi味……佢<大家姐>食BBQ味，咁你呢?」開頭都唔知自己囉，但係佢係咁講先知咩事……原來應該係叫「純味」……佢仲要o係落堂之前勁大聲咁話「去食福祿壽」，阿Ling聽到之後就話「食香啦你!!」
到真正完晒今日之堂之前，我又同佢係咁摺飛機飛，不過佢摺o個隻真係未見過；而佢就唔記得點摺最原始o個隻，所以之後就輪到我摺，仲係Alex同Angel話我……因為之前Kenneth玩梗佢o個隻o既時候，俾David捉到，話佢好悶……我呢隻飛到出去就撞板啦……之後再叫佢摺多一隻，o係走廊隻窗度放出去，不過唔知飛o左去邊lu~~~~~
佢仲可以大膽到David o係度時仲大大聲咁話佢似河馬、廢柴咁……佢把聲咁沉咁大，無理由聽唔到o架……定係乍唔知~!?上星期二Simone o個堂又係咁，無理由聽唔到佢問佢幾多歲o架~!?
Break o既時候講o左自己另一樣好囉o既俾Steven聽：我當o左佢o個Steven係Stephen，係咁嗌佢「Step Hen」，佢又笑o左好耐……仲係咁話我好囉……不過我話你唔係Boy’z呀!!!

去完中華訂書，就打俾阿Ling同Leo睇o下佢o地o係邊，我以為係TCBY啦~就好開心咁過去，點知原來係隔離間茶餐廳，即係o係英皇o個時同阿羊&阿Yen去食Lunch o個間，食完之後佢o地仲去金聲睇Twins o既戲~~~不過我o地去到，佢o地都已經食完o野lu~~~~之後就一齊行o下咁囉~~

食完飯上801，真係C班用梗電腦室啦~~~~~~又見到蕃茄<佢見唔到我>，之後仲見到阿基!!哈哈~~~依然仲係咁似窪塚!!!但係佢戴o左副黑框眼鏡!!!得．意．佢撥梗頭髮o既時候見到我就o係度抬一抬高頭o個o的打招呼，之後我就問佢做咩戴眼鏡，佢竟然話「好”支力”呀」……有關係o架咩……!?
一路上返去o既時候同露比講，佢竟然認得阿基，但係佢就叫佢做「Tall Man」，因為佢真係好高，仲高我1.5個頭有多!!!<窪塚邊有咁高丫~~~>佢話都係因為o個日見到我同佢o係台上面係咁傾計+佢o個o的「出位」o既言論喎……兼且佢真係好高、好易認……

P.S. Angel真係好似有o的驚Kenneth咁……唔知點解……
P.P.S.宜家都開始慣o左o的人嗌我做「Kimi」……反應快o左o的啦……

>>October 18, 2003 at 8:52:54 AM GMT+8

2003 年 10 月 4 日 星期六 【晴】

星期六做「阿虎」呀……實又喊死啦!!!~><~不過貴子姐姐o個o的對白唔會有人配音o架呵~!?
睇o左o個唔差o既廣告~睇落以為係o的M巾廣告，不過原來係講乳癌o既，講得幾好丫~有個女人背住其他兩個女人o係度換衫，之後其中一個就講「做乜成日收收埋埋o者~!?」之後o個背住佢o地o既女人就話「我邊似得你o地丫~你o地有丫嘛!」「你估真係咁自在咩~!」「咁又係…起碼我敢跳繩呀!」不過最後o個Shot佢o地三個可唔可以唔好笑到咁……佢o地都唔後生o架啦…………

>>October 10, 2003 at 8:35:43 AM GMT+8

2003 年 10 月 1 日 星期三 【晴】

又多一件唔開心o既事!!!!全班哄動!!!我o地成班都無Christmas假放囉!!!爆嬲!!!好做唔做，偏偏我o地班就係12月22號開始去酒店度做實習，一直做到1月18號，之後o既農曆新年仲可能俾酒店要求去「炒散」……農曆新年o個個唔係一個問題，因為點都會有錢收，兼且對於我o來講仲可以有個藉口唔駛返大陸，但係無o左o個Christmas假就真係好唔開心!!!同L講，佢竟然可以話佢覺得年年聖誕都一樣囉……仲話我咁樣好囉……咁佢又出o來玩~!?
班o的人有o的就話無得Countdown、有o的就話無得陪男/女朋友……總之就有好多不滿啦!!!而且如果SARS宜家返轉頭o既話，咁我o地成班就無得畢業!!!可能連C班都係……
11月17號就要去驗身，而且又要出到中環!!!如果唔係露比佢o地四個都揀中環o既話，我一定會去旺角o個個!!!雖則Robeta都俾我去旺角o個個，不過算啦~有o的人又唔係住得遠又死擺住o個旺角，大把人住新界o架嘛!!!又死都唔肯讓個位出o來喎!!!!無奈

睇到Kenneth o的英文水準，真係好似佢講咁啦~「絕」!!!七彩o既燈泡就係「Seven Rainbow Colour Lights」……超想改晒佢成篇o野!!!
原來聽日o既學生會選舉只係一個系與系之爭o既選舉，Miss Kwok仲叫我o地就算唔投自己班，都要投o的讀Hospitality o既候選人!!!佢都只係想o係o個10個學生會職位入面有o的HM o既人o者~!?不過o除o左我o地HB o既人之外，仲可以揀投TB/ADHM o既人囉!!!超無奈!!!

今日見唔到隻貓，但係阿貓就打o左o來搵我!!佢都係跟返o個十．一黃金周o架啦~!?

>>October 10, 2003 at 4:23:42 PM GMT+8

2003 年 9 月 30 日 星期二 【晴】

好討厭!!好討厭!!好討厭呀!!!今日轉台去ATV o既時候做梗兒童台，入面o個個咩「非典型遊戲迷」竟然係玩「Drag-On-Dragoon」囉!!!新Game囉!!!超無奈!!!而且o個Screen勁大，睇到o的細路玩o既時候+佢o個Battle場面，真係勁想玩!!!可惜，又係PS2 Game……不過佢o地用Arioch o既時候，佢應該又再次精神失常梗……但係佢出o個o的魔法係火+水咁，勁靚!!!

譚校長竟然唄唔掂「Victory」!!!唉~~~~有幾難唄o者~!?

今日做o左……點知又係咁……爆無奈啦已經……除o左又抹落我隻腳之外，咪又係上兩個禮拜六o個o的o野之嘛……就咁插完就算……佢自己Satisfy o左就得，我呢??不嬲High唔到頂我都已經算啦、佢High o左我都好少要繼續啦，咁但係俾返少少感覺我都好o卦~!?佢都唔係唔知我一路都係High唔到頂o架啦~!?之後已經好無奈，但係又俾佢話，宜家我唔o岩咩!?我之後先講返都無用啦!!!就算講o左咁又點!?都唔係佢自己記得，兼且佢又實會用o個o的好唔願意o既樣o來補返，咁不如唔好補返啦!!!佢Satisfy o左梗係可以無o野啦，咁但係又唔駛諗o下我o既!?不過反正High唔到頂o既話，不如唔好做啦!!!High又無喇、少少Feel又無喇……刺激?更加唔會有啦!!!再唔係，等佢記得要做o的咩先至再做返啦!!!宜家根本就似係佢想我Satisfy佢多o的，佢有對我做過o的咩!?!?佢成日不滿我唔主動，我今次都唔再訓o係度啦!!!佢摸o左一陣我都已經主動啦!!!咁佢呢??咪又係就咁插完就算~!?

一路返屋，越諗就越唔開心，連埋10月o個o的囉!!!枉佢星期一仲o係電話度問佢係咪要送足18份禮物我先開心……我夠想啦!!!有邊個唔想收到好多禮物先得o架!?咁但係佢有錢買咩!?又話要開戶口喇、又話要返工喇，咁仲邊有多餘錢去買禮物呀??兼且o個日都唔去得邊o架啦……佢之前又無儲錢喇……之後又要用o的零用錢去返工、食飯喇…………仲買乜o野呀~!?
至於Tiffany所講o既其他朋友……我唔知佢o地o個日諗住點啦~!?之不過，Apple又話宜家要返學，都唔夠錢用囉……更何況佢o個日!?女班長可能又話因為第二日要返工，又唔玩得夜喇……阿Yen、阿羊同Fion我又唔知佢o地得唔得閒喇……所以，都無一個人過o架喇……梁韻然??我夠想佢會出現啦……
宜家學校呢班，我又唔知佢o地會唔會陪我喇……應該係話連我生日係幾時都知唔知……

我夠想唔駛我出聲，就有人問我o個日得唔得閒同我出去慶祝生日啦……咁但係有咩~!?

>>October 10, 2003 at 4:25:52 PM GMT+8

2003 年 9 月 27 日 星期六 【晴】

今年會無10月16號，15號第二日就會係阿翼o既生日……除o左16號o個日放6.20p.m.已經唔開心之外，由星期四晚開始嘈o既o野，到尋日終於知道結果，L繼續做埋o個10月去，即係我想o係生日o個日去海洋公園已經無可能，兼且呢個係佢一早話我會考考得好就可以去，咁既然成個暑假都無去到，我自然就想o係生日o個日去o架啦……有幾何會有人係因為我生日、我想去而帶我去海洋公園丫!?無呀嘛!!差唔多次次我都係搭單去埋o既，都知無人會知道我想咁樣，所以同L講，但係佢聽完咪又係好不滿咁囉!!!都夠無奈啦……

宜家佢又話要將下個月頭o個o的錢去開戶口，都買唔到禮物o架啦……佢又唔會好似我咁，o係一、兩個月前就開始買定禮物，而且佢都唔會好似我咁，o係佢18歲生日o個年買o左同佢歲數一樣o既禮物<好似係>，而佢更加唔會好似當年佢18歲生日咁，我專登唔返學一早入佢屋，陪佢，因為我知佢唔會俾呢o的Surprise我、佢唔會咁細心……
而且，15號o個日，都唔知佢駛唔駛OT，都整唔到蛋糕俾我o架啦~!?開頭又話我生日一定記得整俾我……但係宜家都無o架啦~!?
另外上年無寫話有我出現o既Mystic……佢宜家都要返工、又話諗唔到故仔…….咁到今年都應該無o架啦~!?L問我10月有無人生日要Up網，佢都只係講o左阿翼……睇o仔都無無o架啦~!?
o個日放得咁晏，去得邊!?開頭仲諗住可以放十一點幾，都可以去小熊國、踩冰、海洋公園、之後去食甜品自助餐/Haagen-Dazs雪糕、再上山頂，最後去唄夜晚K……如果仲一梗o既話，我仲想去銅鑼灣o個間賓館度訓一晚添……
呢o的o野，有邊個會得閒同我去丫!?又貴又遠、可能又曬添……所以我先至會o係生日先提出o的咁o既要求之嘛!!!咁但係宜家點o者!?我又無儲錢陪我去呢o的地方……都應該淨係得我自己一個人去o架o者!?如果要遲一、兩日先去o既話，咁不如唔好去啦!!!去o個o的時間都唔係我生日o既……都無o左o個種Feel啦!!!
我真係好唔開心呀嘛!!!我夠有扭曲自己o既想法去令自己開心o的啦!!!咁但係真係說服唔到自己呀嘛!!!真係唔開心到喊，我都想有人”乙水”我!!!同L講又點!?佢咪又淨係識話我煩!?我都已經俾佢潑夠冷水啦!!!又話宜家未到10月，叫我唔好諗住喎……咁但係我宜家都已經差唔多知道o個日會點o架啦，唔開心又唔得o既!?!?佢就淨係識話佢都唔想咁，但係我又唔覺得囉!!開頭又話已經諗好o個日點慶，但肯定會一樣會係我上面提過o個o的啦~!?<只係一樣o乍!!肯定都無呀!!>況且宜家咁樣，點諗好都無用啦~!!!

最期待o既18歲生日，諗住可以開心咁過，點知o個日咪要返屋企食飯囉!!!咁o既話，我咁辛苦咁慳錢要o係生日前有張提款咭、趕得切o的暗瘡好返o的<連平時唔覺o既L都咁講!!>，都無用啦!?今次，都真係要自己一個去小熊國o架喇……

小田和正做乜要o係16號o來香港開Con丫!?「戀之風景」做咩要o係16號上畫丫!?我點解要o係16號出世丫!?!?

………………………………………………………………………………………………………………………………………

另．外．
L o個頭髮易長，但係都唔會o係三個月之內就可以長到好似宜家咁長呀嘛~!?咁o個時4月佢剪完，7月o既時候又唔見佢o係度呻頭髮長得滯好熱~!?
不過，佢都已經話o左會o係Christmas前後再同我去剪頭髮，o個時，唔會有o的咩人突然之間又話想一齊去剪o架嘛~!?我唔俾o架喎!!!宜家o係度講定先，費事到時俾人話我老吹或者話無件咁o既事!!!
兼且，佢一早諗住o係Christmas去剪頭髮o既時候，我都已經講o左一、兩次話我去埋電髮，佢都有應我o既!!咁我都當o左口頭上答應會一齊去o架啦!!但係o個時佢阿媽講完，佢都無問我一唔一齊去，咁即係佢又當我o個時同佢講o既係廢話啦~!?佢一路都無問過我一唔一齊去，但係今日就同Apple一齊去剪頭髮囉!!!夠唔夠無奈呀??

…………………………………………………………………………………………………………………………………………

今朝一早，連我自己都未訓醒，就已經係咁喊……喊o左個幾鐘，就打俾L……諗住搵個人傾o下……扭曲埋思想都仲唔開心……但係佢之後咪又o係度嫌煩~!?
之後o個下午，咪琅扮無o野~!?
o個胃就係咁痛<因為今日喊o既時候曾經抽住o個胃>、對眼又係咁痛……不過我唔係L、佢唔係我，所以佢無"乙水"過我…………仲踩多幾腳囉!!!
一路都唔鐘意佢話我喊o既時候係用「喊苦喊忽」呢個詞語o架啦!!但係今日佢咪又係咁用o來話我~!?都無諗過我o架啦!!
而且，我覺得佢潑我冷水多過我潑佢o架啦!!o個次佢話想玩「講咩話」，我咁樣應完佢之後，我都無再咁潑佢冷水啦!!!又幾時有經常呀!?!?好心幫佢都俾佢話啦!!!尋日提佢Interview要講咩、人o地有機會問咩，咪又係叫我唔好嘈囉……但係之後又問返我囉……都好夠無奈啦…………

>>September 28, 2003 at 3:07:41 PM GMT+8

2003 年 9 月 26 日 星期五 【晴】

o係Page One等L o既時候，差唔多睇晒本「香港震驚案件」，比較入神o既都係o的強姦案啦~
最後，睇佢o的附錄，我應該都係「All Or None」<精神科名詞>o既人o來o既~~~遲o的可能會因為咁而犯案添……

>>September 28, 2003 at 2:55:07 PM GMT+8