2003 年 10 月 22 日 星期三 【晴】

尋晚又發o左另一個好唔真實o既夢，今次我上o左C班，佢o地上梗電腦堂啦~~~派o野俾佢o地班o的人，派完o既時候，佢竟然叫住o左我耶……講o左陣o野，我就落返自己o個班，不過佢居然追o左落o來!!!

上堂o既時候見到佢行過，o的頭髮好似短o左……叫蘇菲亞望，佢又話唔覺喎……
之後Recess o既時候，我買完o野，返o左走廊，咁o岩佢開o左701度門，我望到佢，打o左招呼，我仲繼續望住佢o個頭「剪o左頭髮呀?」「係呀」「唔差丫~」「妖~」不過之後o既對話我都係望住佢對眼……硬係有o的怪怪地咁……佢好似戴o左Con……對眼灰色o既……不過隻色唔襯佢!!

但係佢究竟係尋晚放學之後去剪、定係今朝返學前去剪o架啦……!?呢個問題諗o左好耐都唔知……

>>November 10, 2003 at 9:45:37 AM GMT+8

2003 年 10 月 21 日 星期二 【晴】

尋晚發o左o個好夢耶~~~~~~~~~Lunch Time o既時候落到差唔多聯合o個邊食飯，然後竟然o係o個度見到梁韻然佢o地喎，不過佢o地只係行過，叫唔切。返到7樓，我o地又要等入班房，咁o岩又見到梁韻然!!!呵呵~~~~咁就當然要第一時候撲上去佢背脊o架啦~~~~佢又拖住我o來行，原來佢讀梗HBC啦!!!，行到佢班房701，基本上就係見返中學時期o既3D!!連Tiffany都o係度!!!不過又唔係全班3D o既，只係經常見到o個班啦~~~~另外仲有就係原本HBC o既人，包括阿基喇~~~~
呵呵~~~~~~~又多一個好唔真實o既夢喇~~~~~不過係咪第一次夢見梁韻然呢~!?:p

Print o左o的好型o既窪塚出o來，睇返，原來有o的係「溺れる魚」o既劇照!!!而且仲o係其中一幅寫真度發現佢都係食醇薄萬囉!!!
因為俾阿媽霸o左我o個邊o個廁所，攪到我遲o左o的先出到門口，好彩今次記得要拆o左本F & B出o來o者!!!佢就可以準時落街，我落到去，咁o岩見到佢，都已經急急腳想避o架喇，但佢係都係要叫住我，仲指住一架小型校巴，同我講呢架就係阿大阿細搭o既校巴，叫我認住囉……聽完之後勁無奈……都無應過佢就就走o左喇……
好彩返到去無遲到，仲要早o左o的添呀!!!可能係因為火車o個度唔駛等o卦~!

上阿May堂，睇o左陣帶啦~~~~期間有Break，原來701又係睇梗帶!!之後上上o下堂，我o地隔離o既兩個班房都o係度睇梗o野，有時仲聽到有人唄歌添!!!
但我都係無乜點上過佢堂~~o係度好努力咁界靚張窪塚o既圖，再擺o係銀包度~~~~呵呵!!

Recess o既時候落o左6樓買o野食，仲坐埋o係o個度食添!!不過點等，都等唔到C班o既人落o來……不過最估唔到係露比都會落埋o來買o野食耶~~~~~~~
今日都買o左好多o野食，因為真係好肚餓!!!開頭得我同露比落o左o來先，買o左一袋雞塊、一袋麥樂雞同一袋雞翼，買晒o野，o岩o岩轉身走，蘇菲亞先話買魚蛋，我咪再排過隊囉~就見到Wallace，好多人都話我蠢喎，唔駛再排過……不過前面o個o的又唔係自己班o的人，費事啦~~~~見到Wallace就好想咬佢，不過佢聽到之後就好驚，仲同太郎講，不過太郎好似無乜o野咁~~~

見到A班o既Trainee<聽講A班同B班係同一期做Trainee喎……>，我o地都諗梗如果自己Interview唔掂，要o係度做o既話會點……-_-;;而且又話我o地o個期o的位少呀嘛……即係大部份人都會o係返呢度或者去太子o個邊做……講到呢度已經好無奈……食完之後，都仲好肚餓，兼且o的雞塊真係好好味，所以就再買過o野，拎上班房食。但係o的雞塊已經無晒lu……買o左一袋麥樂雞同一袋雞翼同蘇菲亞Share食~~~食埋先覺飽~~~~

湯Sir又叫我o地拎住拓盤行Catwalk，不過今次要o係走廊度行囉!!!好彩佢始學號，我係第二批~~~~出到去，又要跟高度排，我都算後o的~~~~不過睇住o的人一路行，Kenneth又係咁講笑，真係想死!!湯Sir話人o地酒店o個o的食要睇排最後o個個阿Head做o野，Kenneth聽完之後又係咁講笑……但真係好曬耶……

教完o的o野之後就睇「The Restaurant」，我同Steven同阿Ling o係度研究究竟係第一集定第二集。但係o係廣告o既時候睇到佢播「24」o既預告片時，就好肯定係第一集!!!因為o個集「24」我有好留心咁睇!!:p只係睇o左一半就落堂lu~~~~~o個廚師都唔靚仔o既，點解會話佢係Jamie Oliver o既競敵呢~!?兩個比o既話，我係覺得Jamie靚仔o的o架喎!!!兼且套o野都好似之前星期六o係L屋睇到國際台播o個套o野咁，又係講一段時間內要開一間食店……

今日C班竟然早放過我o地!!!落到去仲見到阿基!!!不過o係就o來落到地下o既時候竟然見到佢口度擔住枝煙，而且仲由o個女仔幫佢點煙添!!夠大排啦~!?都真係第一次見o乍!!不過我就等埋蘇菲亞落o來，過o左佢之後，諗住行先，不過擰轉頭，就見到露比慢慢行，仲要邊行邊打呵欠……有夠姿遊啦~!?所以都係同埋佢一齊行，我行返上去，就拉住露比落o來<經過佢o既時候又係大家見到對方o架o下!>。三個人一齊行到去紅綠燈o個度先分開，蘇菲亞仲問我駛乜行得咁快喎……不過佢之後都行到落o來，同蘇菲亞講，但係竟然話佢一早知道囉!!!即刻勁無奈咁送o左樣o野俾佢!!

落到地鐵，佢都無落o來，但就見到一大班地鐵職員圍住個男人，我o地都只係望o左一陣就算，點知去買飛o既時候，Momoka就行o來同Kaka佢o地講原來係個男人無買飛囉!!!佢咁都聽到……我o地真係好佩服佢啦……再望，o個男人已經俾班職員帶o左去控制室~
蘇菲亞話會幫我問喎~~~呵呵~~~唔該晒啦~~~^^

放學行過九龍塘o既地利店就買o左本「東Touch」，都係為o左睇「Sex & The City」5 o者~~~
睇o左自己想睇o個o的先，Cube 2就o來o係香港上喇!!!26號係優先場囉!!!超想去睇!!!但其實同第一集有無關o架呢~!?
之後就諗o左好多o野，原來我o係阿媽心目中都幾壞o下……之後就係咁一路數晒出o來……

返到屋，都成8點，對落o個件仲霸住部電腦，咪同阿媽講我有功課要做囉!!!不過都差唔多到8點半佢先肯出o來……佢5點度已經返o左o來，肯定又上o左陣網先肯去做Research啦!!!如果唔係，我真係唔信有咩Research要做足3個幾鐘!!!之後我去沖涼，佢都仲有一個鐘可以做啦!!不過之後L打o來，傾完電話出去擺返好電話o既時候，阿媽問我聽唔聽到阿爸話我o的咩，我聽到呢句已經變晒語氣，阿爸竟然係話我一返o來就要個妹俾部機我玩，即係咩呀??話我霸道呀!?仲話我係o既話就唔好行街行到8點幾先返囉!!!聽完超嬲!!!我幾時有行街呀??我夠想放o左學可以去行o下街啦!!!我宜家放6.20p.m.，有時遲o左少少放，火車又會有時塞o既，返到屋7點尾8點都差唔多啦!!!佢竟然係話我去行街囉!!!兼且我覺得就算我早唔早返，佢都係要擺到8點幾先俾我用o架啦!!完全唔關事o架喎!!而且，係咪我可以唔駛交功課先~!?係o既話出句聲，我咪以後有咩功課都唔做囉!!!滿意未呀!?!?

好嬲……好想喊……

今集「Alias」，Sydney同Michael終於一o左喇~~~~~~~~哈哈~~太好喇!!^^

>>November 10, 2003 at 12:22:57 PM GMT+8

2003 年 10 月 20 日 星期一 【晴】

起身睇埋套「溺れる魚」，出工作人員名單o既時候就見到有「成宮寬貴」o個名!!原來佢就係o個個超Artisic o個個男仔啦~~~~~難怪佢出場時都覺得佢有o的面善~~~~
不過呢套戲o的人都係怪怪地o架喇~~~~基本上呢套係一套笑片……o的血腥場面都係好笑o既……

但係唔知香港會唔會有得賣窪塚之後o個套「凶氣の櫻」呢~!?
『窪塚洋介貧乏症候群』耶~~~~~~~~~

又去o左McDonald’s食，因為要換多個Simba印仔~~~~~~呵呵!!
上堂，David提出o左一個問題，開頭都只係佢自己o係度自言自語，係咁話「Momoka?」「Momoka。」之後就問我o地「もも」點解，我咪答最正常o個個囉：「A Peach」，不過佢就話有另一個Meaning，叫我o地即刻查字典，我同Angela就拿拿聲去搵，原來都可以解「大腿」啦!!!無奈爆Momoka……

上完兩堂日文，就出o左走廊，之後就見到阿基o係佢班房門口裝裝o下咁，又行過o來702裝，咪問佢「你搵人呀?」佢就問我班入面有無David Chu部Cassette機，佢今日都無帶過機入o來，又點會有呢~!?又問David走o左未，咁就梗係走o左啦!!佢o岩o岩咁裝，都無理由唔見佢o架嘛~!?原來David叫佢拎部機啦~~~最後問我佢去o左邊喎，我咪話可能o係8樓囉~之後佢就一枝箭咁衝走o左喇~~~

我o地之後上堂，望返出去，結果佢手上o既唔係Cassette機，只係一疊默書簿……
但係貝琪就話佢「屎橋喎」……

Social Ethics堂o既時候，我同貝琪講開今日又去o左換印仔o的o野，之後就好順口咁唄o左句「Hakuna Matata」，估唔到露比會跟我一齊唄呀~~~~不過我o地唄o既係中文版~~~~~但係蘇菲亞就唔知我o地做梗乜~~~

返到屋，竟然一個人都無……<除o左阿Dee同埋對落o個件>得返o的雞翼同我最憎食o既黃芽白，見到廚房有蒸蛋，但唔係係咪留返俾阿大阿細，所以一啖都無食到~一路睇住Channel V一路食飯，其實我係想開VCD啦……但係都係費事……聽o左Lee Hom版o既「I’m Loving It」……又係Sell McDonald’s……咁都可以播到出o來~!?
8點度，對落o個件用完電腦出o來，見唔係睇梗臺一台就入返去睇電視，我就食得好慢咁，係咁睇Channel V，之後佢應該聽到o個廳o的電視聲一樣就出返o來，我就用電腦lu~~~
8點幾度，佢o地先返o來，阿媽問我做乜唔食蛋囉!!!如果係俾我食o既話，擺o係度都係凍o架啦，點解唔擺出廳o者~!?

夜晚就同L o係度嘈……又嘈返生日o的o野啦……生日o個日我開心咩!?我講o左好多次，我生日想去邊!!日記都寫過!!!我生日，係想去「玩」!!!只係出晒o來，食餐飯o既話，咁平時呢o的o野都做到啦~~有咩特別o者!?一時又話邊個邊個第二日要返學，唔可以去到咁夜，咁o既話就唔好出o來啦!!!根本就唔知我想點!!!講o左好多次啦~又話自己唔係我肚裡面條蟲，我唔講我想點係無人知；但係到生日呢筆，又叫我唔好理，佢o地會攪掂。咁但係佢o地又唔係我肚裡面條肚丫嘛，我唔講，佢o地又點知我想去邊呀!?然而佢o地又叫我唔好理喎!!!咁係咪出得o來唔開心佢o地負責先~!?做唔到我想做o既o野佢o地負責先~!?o個生日攪得唔開心係咪佢o地會自動自覺補返日俾我呀!?根本就係o係度自相矛盾!!!我夠想我唔出聲都會有個合我心意o既生日啦!!!但係我唔出聲佢o地又話唔知我想點丫嘛，而佢o地又叫我唔好理，佢o地講晒啦!?!?!?由Repeat o個年佢o地幫我慶生日o既時候，都只係一路去食o野、飲o野、食o野……三年都係咁……係除o左上年咪同L上o左世貿打o下機、影o下貼紙相之嘛……我夠想好似L生日咁可以一大班人去唄K、我夠想好似Apple生日咁，一班人去放風箏啦!!!佢o地o既生日就可以去玩，我o既就只係年年去食o野、飲o野……連阿Yen聽到我今年生日又o係Starbucks飲o野時都話「你又去Starbucks呀!?」我聽到夠無奈啦!!!咁但係點o者!?我o既生日就只可以食o野同飲o野o架啦……話補返日出o來玩喎……咪又係得L一個會出o來~!?又何來「一班人」呀??我已經唔期望「一大班人」啦，但點解就唔可以同我生日去玩~!?好多o野都會開得夜：Victoria Park o個個咩美國侏羅紀、小熊國、山頂、世貿機舖，我放6點幾，呢o的o野最遲都開到11、12點，除o左o個山頂地點有o的「了能」之外，其他地方都可以玩到4、5個鐘啦!!!都係o係地鐵站附近之嘛，夠晒方便啦!!!咁點解都唔會帶我去玩~!?原來佢o地o既Planning只係Plan去邊度食o野飲o野……咁我都好無奈啦…………18歲o既生日，同16歲、17歲o既生日根本就無分別!!!兼且L係咪真係會記得補返一日陪我去玩都係一個問題…………佢幾個月前都話我生日一定會有一個佢整o既蛋糕俾我啦……又係咪會補返呀!?!?

最近自己o既容忍力的確低o左好多<即係唔煩得>……因為o係呢間學校無論係咩時候都可以有人問你o野……連訓梗覺o既時候都唔例外……再唔係就有o的「不能預計o既騷擾」……以前就只有我問人，絕對未試過好似宜家咁，阿Sir o岩o岩講完o既o野，轉個頭就問返你佢講咩……成日咁樣唔留心o既人，我真係點都忍受唔到……唔好意思!!
總之好多好多o野，攪到宜家咁……無奈……其實首當其衝o既應該係Angela或者係蘇菲亞……所以有時都寧願唔答或者叫佢o地問過第二個……
應該話，呢樣o野基本上上個禮拜開始已經係咁，之不過係宜家先發覺係咩一回事……都要同所有受害者講返聲Sorry!!宜家Angela佢都唔會揀問我o野，而去問Alex同Leo，可能係佢都知咩事o卦~!?

>>November 2, 2003 at 4:22:21 AM GMT+8

2003 年 10 月 19 日 星期日 【晴】

返到學校，仲未夠鐘上堂。出o左去走廊吹水，咁o岩o係就想返班房o既時候，見到太郎，我就企o左o係面向出面o既門笑住咁頂住度門俾佢入，咁o岩就見到戴住眼鏡o既阿基o係後樓梯o個邊返o來~~~~佢應該見到我o卦~!?
等到貝琪返o來，佢同我講竟然見到佢囉!!!係佢同貝琪一齊跑上o來呀!!!討厭!!早知我唔咁早返啦!!!我寧願同佢一齊跑呀!!><
好唔開心咁出o左去買o野飲，竟然見到阿基耶~~~~~~~~~~~見佢o個樣死o下死o下，就問佢「好”支力”呀?」佢就一邊行一邊講「係好撚”支力”呀!」拎完包o野飲，就拿拿聲行返班房，邊行邊研究佢o個頭~~~仲o係返班房前拍o左佢o個頭一下~~呵呵呵呵~~^0^

今日竟然要默書!!!但係我無帶默書簿……
我o地同一時間出班房，想叫住佢，但係都隔o左好多人……而且，佢上，我落……
落到地下，我o地邊行邊諗去邊度食好，期間想食埋o個飛煙啦……但係貝琪叫我唔好食喎……咪算囉~~
開頭話去大快活，但係行行o下，好似露同蘇菲亞就話想去KFC，結果我o地就轉o左去KFC~期間仲撞到Leo佢o地兩次!!!KFC竟然有學生餐食耶~~~~~~~仲要係我最鐘意o既磨姑飯!!!大盒喎!!但係貝琪同艾美麗就只係食葡撻囉……之後聽返蘇菲亞佢講，當貝琪同艾美麗聽到去KFC食o既時候，都好似有o的唔滿意喎……<因為我自己一個人行，只係掛住行o既時候見o下o的Sony Ericsson T610，同埋拎人o地o的Catalogue~~>
件住我o地食飯o既係Sammi o的舊歌……仲要有o的跳線o既情況出現……
食完o野，行去落去太子，搵Aoyi拎返條水晶~~~等o左一陣就得喇~~但係條水晶串得有o的長耶……我隻手唔係咁粗嘛~!?不過都要Thanx Aoyi啦~~~~<宜家多o左o既橡筋，就係成日俾我用o來拉o下扭o下再o係手腕度繞多個圈都得……>
行返去新天地對面o個間大書局，竟然見到上次Sell California o個個男仔同Jasmine啦~~~~~今次佢o地就係移o左去書局出面，我同蘇菲亞就投訴話俾人踢入會，都係講笑咁講啦~~~之後仲用o左日文溝通添~~~同o個男仔講o野真係好好笑~~~~

上到去，咁o岩L打o來，於是就o係度傾計~~~
C班上完堂，我咁o岩企o個位對住門口，阿基一出o來見到我就竟然係講「Hi」!!但係我都o來唔切反應佢已經走lu~~~~
派返上次o個Test，只係o岩得19個字……問我速成都好啦……不過Fini就解釋o左所謂o既「唔同o既地方」，仲話可能有o的同學已經留意到，好明顯o個o的同學就係睇過隔離份卷!!<我咪就係其中一個囉~>

放o左學就同蘇菲亞一齊行落去California，不過因為o個入會o的o野未攪掂，所以我無帶衫去做Gym……似係陪蘇菲亞做囉~~~
o係報紙檔度見到今期「東Touch」封面一格仔寫住「Sex & The City 5」囉!!!咦~~~~唔買唔得啦~!?
去到，問o左入會o個度可唔可以取消先，但係Reception o個人態度勁差囉，一句「唔得!」撻埋o來囉，我同蘇菲亞咪行埋一邊傾o下囉~~之後又有另一個o個樣唔差o既走埋o來問我o地咩事，我咪又講返同一樣o野俾佢聽，呢個人態度好好多啦~~~~~~~
咁o岩L打o來，佢話會幫我諗o下計喎~~
呢個人照俾我o地入去做Gym啦!!仲俾o左兩張毛巾咭我o地~~但係佢無問蘇菲亞任何o野就俾佢入去做Gym，佢勁出奇啦!!即係基本上只係就咁講o下佢都可以入去做Gym o架喇喎!!!連一份Form都無填過!!!

一路陪蘇菲亞做，我就睇住佢做，有時就教o下佢點做，都有幾多奇異眼光望住我啦~~~~其實我覺得著裙做唔係一個問題o架~~~做o個o的擰左擰右絕對唔係一個問題!!!反正我入面有著褲~~~~~
睇住佢做全身運動o既時候，俾我見到一個印有Carrie o個樣o既巴士!!!o下!?咩呀??「Sex & The City」星期二晚做!?!?想睇清楚時，架巴士已經走o左lu……

做完就出去銅鑼灣，因為想買o個個Dream Catcher~~~~出到去，見到幾大班人圍觀梗o的o野，我咪邊行邊睇o下咩事囉，竟然係Sammi同言成旭o係度拍戲耶!!!!我見到Sammi耶~~~~不過言生真係好高大……佢o地企o左o係Sogo出面<面對住Trendy Land>o個邊，唔知點解，有一邊o既一班女仔係咁嗌「言成旭~~~~」再加埋o的尖叫聲<但係佢無行過去o架喎!!>，反而聽唔到有Sammi Fans o係度嗌……而且我都聽到有班類似工友o既粗獷型男士o係度用粗口鬧……話點解要o係度拍戲、又要封路，阻住晒……咁的確又真係逼o左好多o既……而且o係L-Turn o左之後，就o來到過馬路到正門時，聽到有兩個男人o係度嘈…..都係o的你撞親我o個o的o者……
上o左Sogo 10樓行o左陣，「周刊Magazine」封面係小櫻+林樆囉!!!而且仲話呢兩個都係彩色版頭耶!!!!但係最後都係無買到……因為要留錢買Dream Catcher~~~~~雖然只係廿幾蚊~~~
行o左Trendy Land隔離間VCD舖，竟然有「溺れる魚」!!!但係睇o左封面同封底，我考慮o左好耐究竟買唔買好……特別係見到o個封底……窪塚o個樣真係「慘不忍睹」!!!但係最後都係買o左……俾錢o既時候，我行到去o個Counter，先有o個女仔返埋位收錢，但係唔知點解，我同佢兩個都係咁笑，佢似係新手啦……所以有o的驚同唔好意思~~~出到舖，行o左幾步，已經唔夠錢買o個Dream Catcher，所以就放棄o左~~~~順便買多隻「大逃殺」囉~~門口o個男仔認得我，話「又係你~!?」，俾錢時，我同o個女仔又係咁笑住……不過佢真係好得意~~~^^
宜家已經有「一起喝采」VCD賣~~~~都係十幾蚊一隻，Total好似有5隻……o岩晒L啦~!?

返屋企途中，o係公園條路度俾個細路戴住阿插o既面具嚇親囉!!!頂佢!!話說當時我一路行，開始聽到o的「kok kok」聲，我就諗「係邊個行得咁衰」啦?微微抬高頭，就見到o個細路行到我斜左手邊囉!!!超近o乍!!一望到佢o個阿插面具，我仲以為自己會變係「Scream 4」o既受害人!!!佢仲要停o左一陣先行喎!!就好似知道我嚇親咁囉!!!頂~~~~~~~~~~~~~~~~~~~~o個刻真係好想大嗌!!條街已經黑o架啦!!!仲走埋o個咁o既人出o來喎!!!

返到屋，就開隻「溺れる魚」o來睇，點知阿媽見到o個封面，問我係咪鬼片o來o架囉!!!聽完之後超無奈……連阿大阿細都跟住咁講「睇鬼片~~」
睇o既時候，又唔覺得入面o既窪塚係封底o個樣喎……入面o既，都唔差丫~~~
夜o的就同L講呢套有Owner份~~~佢果然係鐘意Owner o架o下!!!

>>November 1, 2003 at 1:36:54 AM GMT+8

2003 年 10 月 18 日 星期六 【晴】

今日要去尖沙咀飲囉……因為阿公生日……而且仲要幫阿大去Trendy Land買埋奶咀……

約o左貝琪佢o地12.30p.m.o係金鐘等，呵呵~~~~我好準時咁到o左啦~~~一去到就已經見到貝琪耶~~~~今日o既貝琪唔同o左~~~~~放晒o的頭髮落o來~~~
但係艾美麗同雲迪就遲到囉!!!仲要遲o左15分鐘佢o地兩個先到!!!艾美麗仲問邊度係往柴灣車尾囉……佢搭地鐵o來都可以唔知囉!!!聽完呢個問題我已經超無奈啦，好彩唔係我同佢講o者，如果唔係我真係唔知要鬧佢幾耐!!!

o係天后出，露比就打o來問我o地o係邊喎，佢話o係圖書館對面，咁我o地咪行梗去Victoria Park囉，又係咁話唔係我o地行梗o個邊喎，咩又話佢o地o係公園對住o個巴士站，我o地咪都係行梗過去囉!!!係咪話我o地行錯喎……都唔知想點!?我o地最多都係唔知咁多個球場邊個係3號球場o者……Victoria Park我點會唔識去呀!?
最後o係公園門口見到佢o地，一入到去，就見到David喇……但係聽佢講中文，真係好唔慣……都係因為平時聽o既都係佢講日文同英文……我o地竟然係最早到啦……之後佢叫我去點名，但就俾o左張C班o既我o地，我見到即刻叫貝琪唔好俾返佢住，睇o下佢o個學號同埋英文名點寫，但係都係俾David換o左……之後見到佢有張List，寫晒我o地兩班有咩人今日會出現，仲有電話號碼，就拿拿聲叫貝琪幫我睇，呵呵~~~~~知道喇~~~~^^佢今日都會出現o耶~~~好彩今日有o來o者~~~~~~

之後我o地就跟住Michael行o左入去球場度，聽到羅蘭姐把聲呀!!!佢都o係度!!
hea o左一陣，交埋份Form，拎埋o的帽、襟章同貼紙，我o地就繼續hea~~~~
見到其他人都o係度，我o地就轉o左o係場中間hea，然後一擰轉o個頭就見到佢喇!!!佢著o左便服真係型好多~~~~~~~~~連貝琪都同意耶~~~~~~~~~不過佢全身黑色……好熱呀……上身係中間有Hard Rock Cafe Logo o既長袖衫，下身就係黑色牛仔褲，再加對Adidas波鞋，型爆!!!佢又戴返耳環、加手又有串應該係水晶啦~深色o既，左手食指又戴o左介指~~~~
佢就同佢班o的人傾計，我就繼續同佢o地玩o下、hea o下，但係好明顯我又過份活躍啦……不過講開曬得滯，我就Hide o左o係Steven前面，佢有件褸，加上佢個人又夠高，所以擋o左好多陽光耶~~~~~~^^兼且我同佢兩個都見到對方啦，但唔知點解就係無打招呼……不過Steven見到我著成咁，就問我係咪去打波、我話唔係；佢之後又問「之後去打波?」我都係話唔係，但佢就話我著到咁好似係囉……我平時都係咁著o架啦!!!都只係一件Polo衫再加條Enyce褲之嘛，又有幾似呀!?之後都好似有人又問埋我同樣問題……

Michael叫我o地<包括隔離班>去鐵絲網後面等，同Sakura &佢男朋友吹o左陣水之後，我就跑o左出去台o個邊，睇o下睇唔睇到羅蘭姐~~~但係跳都跳埋，都睇唔到……唔知係前面o的人高得滯、定係羅蘭姐矮得滯呢……!?<苦笑>睇唔到，就返返去~~~
佢竟然隨便拎起o個籃球就同o個Friend o係度打囉……見到又覺得型~~~~~但係打打o下，就變o左打排球：打o左一、兩o下，o個Friend已經話唔得，好痛，但係佢仲可以o係度打囉……嗯~~~~~~~睇足全場，真係由頭到尾都咁型!!^^

再等多陣，我o地就行返前去，去返屬於我o地o既Banner前面，但係Michael同David成日講o的o野都唔同囉……我o地決定跟David!!!差o的就由我o地去拎Banner o架喇……
等齊人，我o地就開始行，不過行到公園門口o既時候，一抬高頭，就見到有幾丁友企o左o係電梯頂度望我o地囉!!!然之後又要等前面o的人行梗o的先，我o地企o個度又有太陽曬住，所以佢o地就半蹲o係Banner後面……而我都係久唔久就幫人撥涼啦……

一路行，都無乜o野，但係行到馬路o既時候，見到電車上面有外國人同我o地揮手啦!!!而且仲見到TVB o既攝製隊!!!好彩露比拉走o左我o乍!!!如果唔係今晚六點半新聞阿媽就會見到我，以為我去倒董!!!<我之前一路都話我o地宜家就好似去倒董，連青少年都參與!!>但係過o左條馬路之後，我同露比就同班o的人斷開晒……咪唯有我o地跟住前面o的人行住先囉~
途中見到好多人入o左7-11買o野啦……露比又叫我幫佢Throw Away頂帽……無幾耐之後，都見返班o的人~~~~但就唔見o左佢!!!!之前過第一條馬路o既時候都仲見到佢，但係之後見到TVB o的人之後就唔見佢喇!!!!我仲以為佢點完名就走添!!!好彩之後行到去大球場，見到佢喇~~~^^

我o地到o左大球場，等o左一陣先見到班o的人，我o地就坐o左o係出面o的花槽度，再等多陣，就見到佢耶~~~~~~~~呵呵~~~不過佢o地坐o左o係我o地遠少少o既花槽度……我又專登行落去樓梯底度Throw垃圾~~~~~佢同我都一樣，都係會行o來行去啦~~~~之後有班人o係我o地行面影團體相，Leo佢o地係咪輪流幫人o地拎Banner啦……
之後竟然見到Kenneth!!!佢竟然會o來耶~~~~~~~
再吹多陣水，我o地要入去大球場度坐啦……David俾o野我派<其實係我唔知點解派派o下會係由我o來派……>，呵呵~~~行到佢身邊派耶~~~~~~~佢都只係講o左要幾多張咁……

但係入到去，又要俾返David喎……咁o岩佢企o左o係我隔離，隻腳仲踩到我右邊鞋凸o左出o來o個o的地方，佢先低一低頭望住，之後就問我生日走o左邊，我就話「唔好提喇……」佢就話「無去飲酒咩~!?」「無飲呀~但就食o左煙囉~」「哦~四分一支煙呀!?」「係呀」「咦!?住和合石o個個就係你呀!?」「係呀」「嘩~好撚遠喎……」「係呀」好順口咁就答o左……之後就跟住David佢o地行走，又係俾阿Ling見到!!!又係問同一個問題，我都係答「係」……傾計o既時候我都係一路望住佢對耳環~~~~諗住認到o個款就去買返一模一樣o架嘛!!!><佢手上隻介指我就記得~~~~

但係之後又發現自己答蠢o左……唉~開始o係度發脾氣……貝琪只可以不斷咁安慰我「唔好咁啦……」但係估唔到係佢咁都會記得!!
兼且又未有位喎，我o地成班就企o左o係度，問Michael我o地坐邊佢又答唔到……叫我o地等o下……
企o左好耐，有人o來管我o地走，Michael佢o地先好無奈咁帶我o地行到遠一遠咁<係有瓦遮頭o既盡頭咁滯!!>，先叫我o地坐住!!!
坐低o左，又係聽埋o的唔好帶乜o野入場o個o的無聊Announcement……佢就坐o左前兩行o既頭，我o地就坐o左後兩行o既尾……但都見到佢~~~~我只係向後跨多兩行，就已經可以走到lu~~~~真係方便~~~~~~~

悶得滯，就周圍搵地方去煲煙，行o左一陣，就入o左其中一條後樓梯煲，都係貪o個度無乜大人行過<但就勁多細路仔囉……唔知點解>食o左第一啖之後，突然有人推門入o來!!嚇到死，即刻收埋枝煙，點知原來係佢囉!!頂佢~~~~仲以為係Michael或者David，再唔係係其他人見到我一個人行o左入o來所以入o來睇o下我做咩囉……真係頂佢~!!呵呵~~~~原來佢都係入o來煲煙~~~~~咁o岩見到我行o左過o來就真係入o來睇o下我做咩囉……之後就兩個人坐o左o係樓梯度煲煙~~大球場大，連o個後樓梯都大過人……原來一枝煙都真係好快食完，難怪平時見到Kenneth只係出一出去，就已經成身煙味~~~~再唔係就Break o左5分鐘，都已經夠佢食完一枝煙……
o個1/4枝煙，就「好似」係我o地兩個o既秘密咁~~~~~只有我o地兩個先知道咩事~~~>///<
出返去o既時候都好小心，無人見到我o地o係入面出o來~~~~~返到去，我就坐返後面，佢就坐返佢班Friend度，之後我就拎埋銀包，去McDonald’s買Fanta，順便幫露比買薯條，行到過去，貝琪同艾美麗已經買完o野返埋位囉!!

買完o野，返到去，阿基竟然坐o左o係我o地前兩行!!!而且仲不斷咁同佢隔離o個女仔影相……咁o岩有o個攝影師，佢同o個女仔又伸前去影相……都唔知佢o地想點……
坐多陣，3點幾度，貝琪佢o地突然話走，咁我o地聽到就梗係問「走得喇咩~!?」佢係話連Michael同David都已經走o左囉!!!聽完之後超無奈囉……咁o既阿Sir……所以我o地成日就一齊走lu~~~但係佢o地仲坐o係前面玩梗……

出到去，決定o左去邊之後，我就打電話俾佢，同佢講我o地走晒喇~佢就好有禮貌咁話「唔該晒」耶~~~~
落到去，竟然見到Michael同David o係一間茶餐廳入面食o野囉!!佢o地仲要蠢到坐o係門口位，一行過就見到佢o地喇……之後仲有人行落o來，都唔知會俾幾多人唾罵!!!
終於見到間「寫樂堂」喇!!!原來只係o係皇后餅店前o的!!!
露比走先，我、貝琪、雲迪同埋艾英麗就o係銅鑼灣行，佢o地竟然無乜點行過銅鑼灣囉……所以去o左Sogo地庫行o左陣，之後就上o左RBT飲o野食o野，之前仲o係o個層行o左陣，不過佢話因為今日係星期日，所以每人最少都要點一樣o野囉……而我就o係嗌o野之前o係對面間o野行o左陣，佢o的Dream Catcher原來好平o架o乍!!$68一個，大o個o的o既都只係$98!!!不過因為之後仲要幫阿大買奶咀，所以都係無買到……俾完錢之後，貝琪折o左一對心俾我，但係兩個心係一高一低，我即刻話「作死你呀!?咁樣代表我同佢呀!?」不過我都係擺o左落銀包度~~~

食完o野之後，艾美麗同埋雲迪就走，而貝琪就陪我上o左世貿打機~~~~~佢會打機，但係唔知點解上到去佢又唔打囉……同佢一齊玩，幫佢俾埋錢，佢死都話唔玩囉……只係肯陪我擲彩虹再唔係就幫o下手拍停o個o的升升降降o既遊戲機……又玩o左「House of The Daed I」同埋平到爛o既「Biohazard」，之後又出返去，玩o個o的升升降降o既，有部獎品係Sony Ericsson T610，但係估唔到佢係用$10銀玩囉……枉我仲換o左o的金幣……o係o個度都玩o左$70幾蚊耶~~~~~

玩完諗住再行o下Trendy Land o既時候，竟然見到Leo佢o地，而且仲見到子瑜啦!!!佢o地問我o岩o岩去o左邊，我講完之後阿Ling又話想去玩囉~所以最後又上返去……睇佢o地玩囉~~~之後Kenneth佢o地又出現埋，一班人一齊玩完之後就各散東西咁走lu~~~~~最好笑係睇Leo同埋Maggie佢兩個玩拉狗行街o個個Game啦……我o地差唔多要幫晒手先得~~~一個就行得快得滯、另一個就行唔郁，攪到隻狗勁無癮；另外Steven去玩「Time Crisis 3」，佢都玩到好掂啦~~~~係咪男仔玩呢o的會好o的o架呢~!?
阿Ling仲自認同Steven同「居」啦~~~~~~~~~大新聞!!!

去o左Trendy Land，都係無，所以就去搭地鐵~~~~不過都兜o左陣先啦~~~~
出到去，仲要搵路，原來係近科學館囉!!!最知搭火車啦!!!
食o左件半黑森林蛋糕，今次呢o的有晒朱古力，好味好多~~~~~~阿媽都當呢o的係俾我o既生日蛋糕~~~打o左電話俾佢，傾o左陣啦~~~佢就話有o野做，轉頭打返俾我，但咪都係會無o左件事~!?
成餐飯都只可以睇波……無奈爆……而o的大人就講返上次去飲表嫂o個女滿月o個餐時o的o野，都係唔滿意o既多啦……<表嫂坐o左o係隔離檯>

宜家先知道原來阿爸o係大陸仲開多兩間舖囉……都係o係o的好常聽到o既地方度~~~難怪佢差唔多一個月返三個禮拜大陸啦……不過佢話o個兩間舖一年都賺唔夠o係大瀝三個月o既錢~~咁即係都已經開o左一年有多啦~!?咁亦都即係我屋企中下極都有限啦~!?兼且我都唔駛同佢慳住駛啦~!?<講笑o者>

>>February 5, 2004 at 12:46:00 PM GMT+8

2003 年 10 月 17 日 星期五 【晴】

因為聽日要去o個福傳行，兼且連L都叫我留o係屋，所以今日就反常咁留o左o係屋，但就成日覺得今日係星期日……因為我只係星期日先會留o係屋、成日對住部電腦……
好難得咁食o左車仔麵~~~~~~~因為檔賣腸粉o既無開~~~~

睇「America’s Next Top Model」，點解要係Kesse走喎!?根本就連o的Judges都唔捨得佢!!!
今晚係「神鵰俠侶」大結局耶~~~~~~一定要睇!!!好彩佢係話「第一部完結，咁即係遲o的會繼續做啦~~~~~~~~~
下個禮拜無「Sex & The City」做耶……唔開心……=_=;;

>>November 9, 2003 at 9:16:27 AM GMT+8

2003 年 10 月 16 日 星期四 【晴】

阿翼同埋Mandy生日快樂啦~~~~~~唔知阿翼幾多歲，但係都請繼續努力!!

o遲左成個鐘先起身!!!都話4點幾先訓，要我5點幾起身係無可能o既事啦!!!我知道o個鬧鐘有響過，但因為要Charge電，所以擺o左o係枕頭上面，佢一響完，按熄o左就繼續訓喇，之後起返身，見到o個鬧鐘7點幾<日本時間>，我仲以為自己眼花，再睇多兩、三次先知自己遲到!!!猶豫o左好耐，最後決定o的速度同平時都差唔多~~~~
見到對落o個件呢個時間仲訓梗，又唔見佢擺o的襪o係度，都應該係唔駛返o架喇，所以都無叫佢起身~~~
斷o左條月亮石，今日唯有戴返以前o個條水晶啦~~~突然o的o野就差晒……

返到去，坐窗口第三行，仲要係最入o個個位，抖o左一陣，蘇菲亞就同我講o左樣Bad News，應該要怨邊個呢~!?佢?定係佢o個Friend??希望佢真係咩都唔知啦~尋晚又咁問喎……所以今日我都係做一個透明人好喇……不過聽蘇菲亞講o既時候，佢o的語氣都真係好普通，係咪因為已經慣o左??
問埋蘇菲亞有無帶o個張California o個張咭，開頭佢聽極都唔明，幾驚佢無帶呀!!佢無帶，除o左係我唔知放o左學之後做乜好之外、仲有我袋入面o的o野就係白帶o架喇!!!

我對住o個窗原本係閂o左o既，只係後面o個兩隻開晒。不過轉頭又閂o左一隻，我就開返我對住o個隻啦~~~開完o既時候就唄o左「晨早空氣清迎開朗~~~」Angela佢o地仲以為我傻o左……
一路上堂，一路食L尋日俾o個盒麥拉莎~~~~~~真係好肚餓!!!
之後o既普通話堂，Jette教日文啦~~~~今次教o既係「默る」，不過佢唔寫寫o個「る」，所以只係寫o左拼音出o來~~~另外仲講o左句「你呢班死仔」o既日文，我都唔記得係點lu~~~~佢同David又真係幾好笑o架喎，普通話堂用日文o來話人；英文堂又用普通話o個四聲調去教Stress……
Recess o既時候出去o左買o野飲，望o左一陣都係返去咨詢意見，露比佢o地話飲檸檬茶喎~~但最後我都係買o左維他奶~~~咁o岩就見到Kenneth一路行梗o來、幾個身位之後就係阿基!!o個時我拎梗o野飲，見Kenneth伸梗懶腰就問佢點，佢都係擰頭啦~好明顯o個刻阿基係見到我、而我都見到佢o架o下!!!但係都無打招呼~
Kenneth就跟住買o野飲，阿基就o係前面，不過趕住返班房，所以就跑返去，咩都無講過呀~
返到去露比佢o地見到我拎住維他奶，就話我~>.<~

上普通話堂o既時候，Lily突然出現囉……仲要o係正我o個窗出面同Jette講o野囉……最記得佢係問「有無一條校規係規定學生一定要坐o係度上堂o架?」我開頭仲以為係佢攪事，不過之後Jette都話佢o個班都係麻煩o既，落o左堂之後要過去睇情況囉……又講話咩要保護o個老師、又話咩老師都可能控制唔到而講粗口或者係o的傷害到學生o既說話、又其他o野咁……之後佢都仲有兩、三次過o左o來，話搵唔到o的老師…...佢仲話唔好意思，阻住我o地上堂囉~~~班o的人以為佢係男仔囉!!!仲有o的人以為佢係老師<以為佢著便服>……不過佢都著到套校服好衰……至少無o左條呔!!波鞋+風褸!!期間我裝過出去睇，原來佢o地o係隔離班上堂!!!但係點解咁耐都未見過佢o架啦~!?Jette話Lily o個班係F.6 F.7，但係點解佢係著藍色格仔裙o既~!?究竟呢間學校o的校服係點o架~!?

放o左學，同貝琪、艾美麗、Angela同Wendy企o左o係小食店出面傾計，不過唔知點解，企o左o係度咁耐，都唔見佢出o來!!!
企o左差唔多30mins，就同貝琪去買鎖，真係有日本城o架啦!!行買邊傾計~~~買完之後，就去o左圖書館，見到艾美麗佢o地啦~~~~~無幾耐佢o地就走，得我同貝琪就o係度睇書，咁o岩見到o的星座書，就拎晒o來睇，原來貝琪都係人馬o架!!!呵呵~~~~一個好顧問啦~~~但係佢唔認!!!
睇到一本專講天秤座o既書，好鐘意佢o個句『愛在曖昧不明時最美麗』~~~~我o的故仔入面都有好多差唔多o既o野~~~~呵呵~~真係準!!!

睇完o野，貝琪就陪我落佐敦間McDonald’s，可以換o個Simba印仔喇!!!食o左o個麥樂雞開心樂園餐+Cheese Burger，睇一個Hamburger o既價錢，我確信McDonald’s係加o左價o架o下!!!原本都只係$5之嘛，之後變o左$5.1<最記得!!因為o個次只係拎o左o個$5落街，但係睇清楚o個牌時先發覺自己唔夠錢!!>，宜家就$6囉!!!而貝琪就用o個o的Coupon食o野<上一檯人留低，我唔捨得整爛自己o個張>，但要等到2.00p.m.先可以用~~~好彩都只係等10mins o者~~~~期間佢話想要可以揀o個個，但最後原來係要買o左o野先可以有o個張紙囉!!!無奈爆佢!!
食完o野，傾o左陣先，好彩最後都有個結論同方法出o來o者!!!不過都仲有o的擔心……估到都死!!
我就問貝琪如果剪o左o個蓬鬆o既髮型會點，佢反應都好大啦，又話想像唔到喎……但係佢同蘇菲亞一樣，仲清楚過我囉!!!連耳環係咩款佢都畫到出o來……我都真係有o的慚愧……不過原來佢宜家o個頭係已經剪短o左!!!

佢就繼續落佐敦，我就行返去旺角，阿媽打o來，問我知唔知阿大o個奶咀可以o係邊度買，答度之後問我o係邊，應該今晚真係出街食飯同我慶祝啦~~~~~
終於知道雅蘭中心o係邊!!!都要唔該貝琪同佢o的朋友啦~~~~~入到去，唔係俾張咭我，而係叫我填o野，之後有o個幾似EO2 o個Otto o既人o來o左，佢叫Spencer喎~~填完o的資料之後就問我點解想做Gym o的咁o既o野，仲叫我入會，聽佢咁講o個學生Plan真係平好多!!!只係每個月俾$288就得!!不過宜家就要俾o左$588<3期，宜家呢個月o既係免費，因為o個咭寫明6星期免費任玩>先囉……手續費o個o的咩都唔駛俾!!!我都要可以問完之後下次再o來先算o架，但係佢又話只限首次入場，我咁樣未上到Gym Room都算叫入o左場喎，而且又唔「可以玩完先決定」<---Waterfall Golf Gym~ o係問唔到人o既情形下我就決定o左入會，兼且真係睇唔到話只限首次入場先可以有優惠囉!!!但係好明顯我就唔會有咁多錢o係身啦!!!!佢只係叫我俾o左$20先囉~另外，佢仲寫o左張唔知咩，心諗「駛唔駛咁誇張呀?」<張紙上面o個Heading名>
其實之後我都係諗過阿媽肯唔肯Sponsor呢$500……之後o個o的我當然可以Afford到啦!!!不過佢就收o左我張咭，我諗梗星期一蘇菲亞o來o既時候會點……上到1/F介紹o的o野，都好多人望住我……但係Spencer又叫我星期二先o來俾埋o的錢，真係唔知星期一蘇菲亞o來o既時候點!!!

都有諗過一走了之就算，但係佢影印o左我張學生證，搵到上o來學校 / 向學校投訴都死!!!我覺得抵都係因為佢有Kick Boxing學，o係我樓下會所學，4堂就$340，我宜家咁樣3個月，o的堂都隨時多過佢啦，兼且又可以做埋Gym，圍起條數o來點都平過o係會所o既~~~不過11月-12月要去酒店度做Training + Mid-term Exam，可能o來唔到之嘛!!!
上到2/F，仲多人望住!!!勁驚……
o係2/F再算幫蘇菲亞問清楚先俾佢走，不過我宜家想問o既係「如果唔入會，係咪都仲可以有6星期任玩先~!?」
換好衫都係因為多人望，所以唔敢周圍行，一出去就去o左跑步機o個度，我就只可以急步囉……成日話我心跳高得滯，焗住要我行……玩o左45mins，消耗o左192Calories……不過o的人o既態度都唔係咁好……而且隔兩部o個女仔仲有專人問佢同睇佢玩成點o架!!!
玩o既時候真係乜都唔記得晒~~~
之後玩完，再落返地o個o下，真係腳步浮浮!!!之後去o左玩o個部算叫「踩上踩落」+「手腳協調」o既o野，又可以睇埋電視~~~~~「金曲挑戰站」竟然播「玩玩具」!!!即刻唔知想點!!!
不過呢部機好玩o的，而且好快<15mins>就消耗o左100Calories，可能係因為o係跑步機上面我只係急步o卦~!?隔離o個女仔就消耗o左三百幾……兩部機都成日要測我Heart Rate，但又唔見其他人要……
想玩o個部「坐o係度擰左擰右」，但係兩次都見到有女仔玩梗……收腰最好工具!!!
去o左玩一個類似Sit Up o既o野，但就要用手去推上身訓梗o個塊板去令自己起身，好吃力……

之後就換埋衫走，反正只係流o左少少汗。都係第二部機先可以令我出汗之嘛!!!無得拎下星期o的Activities時間表，拎o左一張呢個星期o既o來睇，但係都無Kick Boxing!!!得兩日有Hip Hop學，仲要係夜晚!!!落到樓下，抵受唔住引誘而買o左一枝Pocari，一睇，死得!!!100mL有二百幾Calories!!!枝o野有500mL，真係都唔夠抵銷!!!
好”支力”咁行去火車站，搭倒頭車走。收到阿Yen電話，佢以為我搵佢啦~~~傾o左一陣，就決定o係火炭等。我坐o左o係度，但係佢見唔到我囉，最後要行近門口佢先見到。佢真係靚o左啦~~~對眼大o左o的~~不過佢除o左條褲同o個Angel Blue袋之外，成身都係「It’s Mickey」!!!佢仲話份糧都差唔多用晒o來買衫!!!
阿Yen話我仲係似出街劈友囉<邊忽似呀!?>……又問我做咩帶返呢條水晶……
佢都話我塊臉o的暗瘡好o左呀~~~~呵呵~~~連佢都覺得自己對眼大o左同埋多o左o的眼水，佢話呢個係代表有人鐘意自己或者係自己鐘意o左人喎……但係點解一路以o來我都唔覺o既~!?
佢聽到我話去做Gym，都問我可唔可以加埋佢o個名~~~
不過佢o個度新請返o來o既人真係好唔掂……佢唔激死都算好!!但係佢升o左職，壓力仲大，又話成日喊……都算辛苦啦~~不過佢都話不日之內會炒o左o個個男仔~~~~
o係公園度吹o左陣水，呵呵~~~連阿Yen都話去唄通宵K呀!!!太好喇~~~~有人陪我去!!!不過佢呢個月好忙，而我下個中又唔得閒，所以話月頭/底去喎~~~~~~~
壞o左第N次—食o左1/4枝煙~:p感覺都無乜特別……不過隻手好大陣煙味，拿拿聲去洗手，又拎枝Spray出o來全身噴!!o個公廁都幾乾淨喎~~~我仲以為好Dirty o架添!!阿媽又係咁打o來問我o係邊、想去邊度食飯，我話打邊爐，但係之後又話人頭o個度計埋阿大阿細唔抵，所以都只係過o左對面屋村o個度食飯，我去到，阿媽都問我做乜咁耐，咪照話見到英皇o的Friend去o左吹水囉~~~

另外，都要多謝阿Yen o個兩枝煙啦~~~~佢問我打算擺o係邊，我就擺o左落裙袋先，之後就擺住o係紙巾袋度~
食o既時候，係咁諗返窪塚係點拎枝煙o既，最後都搵到方法既可以Hold實枝煙，又可以整走o的灰燼啦~~~~<雖則都摸索o左好耐>第二啖o既時候一次過吸得大啖得滯，有少少Chok住o既感覺<就係o的第一次食煙o既人會咳o既原因!!>但係食完都唔會話有Addicted o既感覺~又唔會話令原來好眼訓o既我即刻醒晒……都係拎o來扮o下o野o架o者……暫時仲未知道佢可唔可以令我忘記唔開心o既o野……
俾完我之後，阿Yen問我「你有打火機呀嘛~!?」我就話「梗係有啦!!再唔係咪用火柴囉~<笑>」，佢聽完都o係度笑，仲叫我如果係用o既話一定要俾其他人見到!!!等佢o地都覺得我型囉~~~

阿爸阿媽叫o左好多食品，又牛又豬又蛋又魚囉……不過o的中式牛柳唔夠諗，所以食得唔多~~反而係o個京都骨超好味~~~最鐘意係佢o的汁!!!想飲酒，但係都係唔好意思……v.v兼且阿爸係飲梗一隻叫「Macau Beer」o既o野!!!

返到屋，On o左一陣就去沖涼，拎o左o個紙巾袋出o來，真係好大陣煙草味!!!但又幾香~~~
夜晚Online，同阿基Icq o左一陣，然後佢就突然之間消失o左喇……逢星期五用電腦，基本上用到幾多點對落o個件都唔會嘈我o既~~~真係好~佢就只係得呢樣o野好!!!
11點幾，都唔見L打o來，就係咁打去，除o左第一次接通埋但除後Cut o左線之外，其他o既一係唔聽、一係打唔通……
o係張床呆坐，阿媽仲以為我o係度祈禱!!!
等到就訓著o既時候，L就打o來，但都已經12點幾，做到宜家先走得囉!!!好似又話整多鑊要揹囉……講o左一陣，佢都知我眼訓，就話會Send我，我就都去訓返好個人lu~

>>October 18, 2003 at 12:28:07 PM GMT+8

2003 年 10 月 15 日 星期三 【晴】

我不會唱歌 李克勤

像 並未太像
但落力發亮
當 一分鐘偶像
但 練習半生 給你熱唱
怎麼竟會 使你著涼
*情話 要是沉住氣 唱不上
高八度也許 太誇張
我淚流但你 懶得拍掌
你若 要是其實渴望聽他唱
恐怕任我聲線 再鏗鏘
你亦無視我在 投入演唱
他漂亮這麼多 他偉大這麼多
平凡像我 無強項 亦未會唱歌
嗓子太壞但全情為你 落力發揮過
琴聲那樣的淒楚
恐怕是 鍵琴手 慷慨為我
點首歌 點出你讓我
賣力到 感情用錯*
但我 仍繼續 能頑強地錯

他 很叫座 卻不會
為你唱一首歌
連自尊 都賣給你 像我
你又 何曾望過
REPEAT *

但你 仍會話
他漂亮這麼多 他偉大這麼多
平庸像我 留留力 別亂唱情歌
他的愛慕 又何曾為你
落力獻出過
琴聲那樣的淒楚
很配合 被彈的主角是我
一開口 怎麼唱亦錯
我依然 願錯
讓你 難愛慕 仍然能恨我

>>October 16, 2003 at 12:15:31 AM GMT+8

2003 年 10 月 14 日 星期二 【晴】

一早起身，諗住睇「至Net小人類」，點知做梗「中國人上太空」囉!!!原來9.00a.m.已經射o左喇……諗住轉台睇o下其他台啦，點知一至三都係做梗同樣o既o野，淨係得第四台做梗教育電視!!!第一台仲要用返CCTV 1 & 4 o既畫面!!!仲要無字幕同配音!!!想死……
究竟係「楊利偉」定係「楊立偉」呀??雖然o係普通話發音係一樣……

Agatha同男班長生日快樂啦~~~~~兩個同年同月同日生o既人~~~~~^^
不過o係我Icq入面仲有一個又係今日生日o既人~~好似係阿傑，但佢就係79年出世~都生日快樂啦~~~

o係Icq同Tiffany講呢件事~~~佢係話「好勁喎!!」---> 唔知有無諷刺成份……

睇o左陣VCD，早o左好多出門口，連阿媽都問我做咩咁早出門口，咪話約o左班o的人食Lunch囉~拎住好多o野出去新城市，仲要拎埋o的書去還。出o左門口先發覺自己蠢o左，點解本F & B我唔拆o左o的會教o架呢~!?成本帶晒返去，咪重死o左囉!!!不過無法啦~趕住出門口呀嘛……o係火車度睇「東Touch」，都睇得好辛苦……
去o左McDonald’s食o野~~返到學校樓下，撞到Wallace，就一齊行返去學校~

一返到去，講完尋日開心o既，蘇菲亞就同我講o左o個Bad News!!!仲要係我未返o來前發生o既……聽完都真係覺得自己悲爆……早知我都早o的返啦!!!十指緊扣喎~~~開心啦~!?但係連蘇菲亞都估唔到!!!當時好似係佢o地坐o係樓梯度見到o架喎……不過身高差咁多……
之後成堂唉聲歎氣~~~~~~反正不嬲佢堂我都唔點上o既~~~而蘇菲亞就用佢o的Memo紙送o左句o野俾我「隨緣而安吧!」我一睇到，就即刻問佢「你信佛o架~!?講埋o的咁o既o野o既~!?」成日就咁由得張紙貼住o係檯面~~走o既時候仲將佢轉貼o左落o個File入面。我都俾o左上年阿Yen寫俾我o個段o野俾佢睇，但佢就唔同意囉~~因為佢未試過喎……咁又係，佢咁幸福~~~~我到宜家為止都仲覺得係咁~~^^
今日o既座位有o的特別啦~~~由走廊開始：貝琪、艾美麗、露比、我、蘇菲亞，都係因為蘇菲亞肯坐入去啦~~~~

Recess o既時候就同蘇菲亞落去買o野食~~~~~我o地班最早啦~~~~呵呵!!所以就有雞翼同雞塊食喇~~~~開頭露比都叫我o地買o的o野俾佢食，但係佢又唔講想食咩，所以都只係買o左我o地想食o既o野上去~~~買o左好多o野：麥樂雞、雞翼、雞塊同炸帶子~~~差唔多同雞有關~
Kenneth一早就買o左o野食，仲坐埋一邊食梗添，於是我就拎住o岩o岩拎o既叉，同埋o的o野食走埋去，佢竟然食梗魚蛋啦!!!所以就好順理成章咁拎o左一粒o來食，不過一擺入口，即刻後悔到死!!!勁熱、勁辣囉!!拎返出o來又唔係，好彩我隻叉未拎返出o來o架o者，仲叉住粒魚蛋，所以粒魚蛋都辣唔到條俐~~~~<只係用牙咬住隻叉>

一轉身諗住去搵返蘇菲亞o既時候，阿基同佢班蝴蝶都落o左o來。佢咁o岩行上o來，而我就走，佢一行近我o既時候就拎走我隻叉囉!!<粒魚蛋仲o係o個口度>我擰返轉頭，佢就笑笑口咁俾返隻叉我，不過粒魚蛋已經辣到我條俐啦……

上梗去o既時候，蘇菲亞先醒起露比話過想食魚蛋，不過都上到去lu~~~~我o地三個就坐o係度食o野。食完o野，都差唔多上堂，我行出去，貝琪就行返班房，佢問我做咩唔落去買o野食，我話「已經買o左，仲食完啦~!」佢就同我講話佢宜家o係樓下食梗o野，我咪就話「我知呀!見到啦~~」佢就話我做乜唔坐o係下面食，我就話「露比等梗我o地o的o野食嘛!!」不過就算坐o係樓下又點~!?

食完o野，出o左去傾o左電話，咁o岩o係收線o既時候見到阿基自己一個返上o來。我就問佢「尋晚做咩唔打o來!?」佢就話「我唔見o左o個電話」<聽到呢度已經好無奈……>佢行到o來，就伸o左隻手出o來，我就俾o左部電話佢，佢就按o左自己o個電話號碼o係我部手機度，俾返部電話我之後佢就返o左班房lu~~~~而我就梗係按埋o個「撥電話」先啦~~~費弭好似佢咁，按完又Delete o左……

走o既時候順便問埋Kenneth拎電話，佢開頭仲玩我o地添，行行o下落樓梯突然熄我o地燈，攪到班女仔o係度尖叫!!佢只係就咁打o左落螢幕上面，我咪按「撥電話」囉，響o左一陣我先收線，佢之後就打返o來，以為有人搵佢，佢聽到我電話o係度響先知原來係我打俾佢!!仲好出奇咁問我~

夜晚Apple打o來，勁囉啦佢~~~~「盤谷銀行」變o左「盤骨銀行」!!係呀，一入到去，o的小姐就問你「請問你想要邊款盤骨呀??我o地有豬啦、雞啦、貓啦、狗啦、人o既都有，人o既仲有分大、中、細，請問你想要邊款呢?」
佢仲要講完囉完都唔認數!!!話係我唔誤導佢囉!!!呵呵~~~所以我就要o係呢度講佢o的囉o野出o來!!!死未!?

因為要等蘇菲亞Online，問埋佢原本話幫我o既o野，不過都係未拎到……同埋部Polaroid o的o野，所以遲o左少少睇「Alias」”The Lover’s Mission”!!好彩都睇到好精彩o既部份~~~~~~~~呵呵~~宜家又覺得Michael幾型~~~~^^
鑑於要Offline o既關係，所以就轉o左打電話俾蘇菲亞，傾o左陣啦~~~聽日有Polaroid用喇~~
呵呵~~~而且佢算係最早同我講「生日快樂」啦~

睇完就打俾L，到o左12點佢都無同我講「生日快樂」，因為之前算叫做嘈完o來喎……而且佢o既12點唔同我o既12點，即係我手機到o左12點，但係佢o個邊o個鐘仲未到……最後都係過o左先講，但o的語氣都係差唔多……

>>November 1, 2003 at 2:18:20 AM GMT+8

2003 年 10 月 13 日 星期一 【晴】

一早起身，睇埋隻「Laundry」，真係好鐘窪塚~~~~~~~~~>///< o係入面佢喝啤酒時勁得意~~~要用兩隻手一齊拎起o個樽o來飲~~~~如果有個同佢一樣咁型o既智障人士，同佢一又點話~!?<諷刺度：0%>
再睇返隻「GO」，佢同コウ o個幕床上戲就出門口~~~~

整完o個頭去廁所洗手o既時候，唔知點解突然覺得今日會有好事發生，真係一種感覺，而唔係自己諗出o來o既……o的體占唔係進化到呢個地步呀嘛~!?不過都無去諗會發生咩事，費事都到最想發生o既o野會唔發生啦~~~~
出到街，有o的涼，但我依然咁壯~~~~~<爆>咁先似返o個秋天o架嘛!!!所以出到街都好開心~~~~^^停車場o個Seciutry就著多o左件風褸囉……

今日又早o左返學，早到Recess已經返到去!!我仲以為自己係最早啦~~點知已經見到露比喇……
之後C Cup姐姐見到我就叫我，都係問我阿Ling返o左o來未啦~又問我佢點、返學同o的咩人……答o左佢之後佢就好激動咁話阿Ling唔同佢一齊返!!之後仲問我同佢點~都幾好啦~~坐o係附近，都有傾計~~~陪佢企o係Corridor等阿Ling返，而我就打o下俾L，點知兩次都係一位好嬌悄o既女生聽電話，例牌Cut線啦~~~
C Cup姐姐其實都幾好人~~~~~~^^第一個TB班o既朋友~~佢塊面成日都咁紅，唔知係咪化o左妝呢??所以宜家都認得佢喇~~~~

期間可以入班房，入到去都奇怪o架喇：點解Sakura同露比會坐埋同一行??不過我見露比坐邊，我就行埋去，點知露比問我「做乜坐呢行呀，宜家係英文堂喎!!」我先醒起!!
打埋鐘，都未見佢返……有o的無奈啦……不過見到阿Ling同Steven一齊返，而且唔知點解Steven要企o係樓梯位度唔入o來……!?

原來Sakura都係住o係牽晴間o架!!!不過佢住第10座，我就住第7座囉~~~佢都好Surprise呀!!
我都係第一次有個住得仲近過阿Yen<隔一條馬路>o既同學!!!但係佢話尋日見唔到我，我咪話「梗係啦~我行得快嘛!!你仲要拖住個人慢慢行~」宜家仲爭41號同學唔知佢住粉嶺邊度……尋日見到佢，佢都話自己係住o係粉嶺~~但係Sakura話尋日見唔到佢囉!!!佢明明有擰轉o個頭望到佢o架!?我企佢隔離都望到……

上堂時都無乜心機……Alex都仲係叫我「日本人」……而Kenneth都係「阿青」/「青青」啦……無奈爆!!!佢都係第一個咁樣叫我而又唔係義工班Friend o既人……
蘇菲亞都仲係無返……
上上o下Japanese堂，David話有Special Event，仲叫我o地等佢5分鐘，等「WE」返o來，但唔知點解，好多人問我佢講咩……
見到Kenneth o係度玩梗頭髮，係咁問人如果扎o左辮o既話會點，我咪幫佢擰左邊o的頭髮囉，佢又話「真係好~有專人幫我」，之後係咁問人有無橡筋，最後小明拎o左一條，但係都係o的扎到鬆晒o既，試過扎起，但又好鬆，最後都係一開二，整o左勁耐我先可以綁返好，但係Angela都係唔掂，要我整埋……幫佢扎o左左邊囉~~真係唔差~!!突然又有多一條橡筋，呢條好o的啦~~~~咪幫佢扎埋右邊囉~~~Kenneth仲話我「好手勢，扎辮唔會痛」，好明顯右邊條辮好o的啦~但係佢又話擰去左邊o既時候o的頭髮扯到有o的痛，我咪幫佢拉返少少出o來囉!!
呵呵~~~~勁嬌悄啦佢~~~~~~俾阿Ling叫o左做「梁”偉章”子」~~~Kaka問佢想點喎……露比都問我~我咪又話我「入錯行」囉……
之後有人拉開702同701中間o個門，打通o左兩個班房，然後就有班人入701，我就仲幫Kenneth整梗佢o個頭，忽然阿Ling同我講「喂~Kimi，你o個菠蘿釘同學~」我聽到o既時候都唔知佢講梗邊個，一抬高頭，就見到阿基喇!!!佢都真係有幾多名啦~~~『菠蘿釘』、『Tall Man』、『學生會同學』……

佢都係坐o左o係靠窗o個排啦~不過隔離竟然係我o地班o個女仔o既打拳男朋友!!!基本上佢o地似係男o既一邊、女o既一邊啦~~~David o係我o地呢度講o野，C班o既人就擰晒過o來聽佢講o野。佢應該見到我呀嘛~!?之後輪到Simone同一個女人係咁o係701講o野，不過我仲幫Kenneth整梗佢o個頭，都無乜點聽，咪都好似係要呢個我o地呢個星期日去步行籌款囉~~~~~去o左當做o左義工服務、而且每年都要至少參加一次，咁咪即係之後仲好好多次~!?問o左露比佢o地，佢o地都話去喎~~~咁咪去囉!!!
原來佢都係o的上堂訓覺o既人o來o既!!!
之後度門就拉返埋，班都好似好多人去~~~
而且突然傳出要做F & B份功課，好多人都唔知要寫咩……係咁問，我講完之後佢o地都仲好似有o的迷茫……

換埋堂，坐o左o係貝琪隔離，但係艾美麗就無位坐，於是坐o左去Angela隔離~~~Wallace見到Kenneth o個頭，就想攪條辮，好彩俾我見到，大叫住佢o乍!!!但係條辮最後俾Kaka佢o地拆o左……
艾美麗叫我Sponsor佢，見到好多人都寫$1、$2……實在係唔忍心寫呢o的價錢落去，所以我就做o左暫時最豪o個個—$10!!因為真係太豪，所以頓時都有人叫我Sponsor佢o地……佢話加多個「0」落去喎~我就話「你自己俾呀o下!!」另外都仲有一個人叫我Sponsor佢，不過因為唔係太圍內o既人，所以只係$5，都係最豪o個個，貝琪都有叫我Sponsor，不過o個刻無散紙，所以就叫佢到星期日先問我拎返~~而露比就同我講「Kimi，我係咪好乖呢~!?我無問你Sponsor呀!!」我就話「係呀~我都好乖呀!」其他人都係「你Sponsor我、我Sponsor同等價錢」咁啦~~~都係$1、$2……

Raymond都o來埋，今次要我o地分組，攪o左勁耐先OK啦!!都係因為艾美麗佢o地反應遲鈍啦!!!
自己一個去Toilet，出到o來竟然見到阿基!!佢就梗係由上面落o來啦~!佢都係打完例牌o個o的招呼後第一句就係話「我都係唔記得o個Icq……」一齊行返班房，佢問我拎o左電話，佢部電話係Sony Ericsson T610囉!!超想要!!!不過好似好貴……而且又無人Sponsor……
佢o既聽力都應該係有o的問題，應該係睇唔到「1」字o既……講o左幾次都係Skip o左o個「1」字!!!接住又係一句好行o既說話「今晚打俾你!」
問佢，原來佢今日返兩點幾囉!!!行到去702門口，我都已經打開o左度門，但係我o地o既對話都仲未完，聽日都係一樣時間o架啦~~~對佢o來講，返得晏係一種悲哀……

但係，今次就俾貝琪見到……
坐坐o下覺得有o的凍，就請纓出去走廊閂窗~~~~~不過出到去，閂到第二隻o既時候，唔知點解突然好想笑<唔係因為佢地叫我『阿嬸』>，就係咁笑住o來閂窗，Sakura佢o地仲以為我傻o左!!!返到去，都仲係好想笑!!
同佢講開日記呢樣o野，先至醒起要改返Leo o係我日記o既留言，不過我唔記得唔可以講咁大聲，好彩有佢「shu」我……真係唔該晒啦~
但係就唔知Eric定Ricky想點，又插把口落o來———

放o左學，就陪貝琪去買燒賣，之後佢又陪埋我行落旺角繼續買VCD，期間見到Mandy，佢竟然做好F & B份功課!!!不過對於我o來講，我都係唔會做o既……o係家樂o個邊行o左兩間，不過都無「Ping Pong」，只係買o左隻只值$10 o既「A Fighter's Blues」<無奈……>
去返尋日o個間買，多謝貝琪陪我行落多一個街口先走啦~~~所以我都陪o左佢等紅綠燈先走~~~~

夜晚只係睇o左「Ping Pong」一隻碟，可能因為我眼訓得滯，都無乜心機睇……但好鐘意佢講o個句「I．Can．Fly!」同埋o個警察應佢o個句「Yes，You Can Fly!!」o的音係好得意o架~~~
另外隻「A Fighter's Blues」我都應該唔會睇o架喇，費事自己又喊死……

>>February 28, 2004 at 9:31:43 AM GMT+8