2003 年 11 月 3 日 星期一 【晴】

一早起身，訓足12個鐘耶~~~~~~~~~~~~不過都仲係咁唔舒服……o個頭仲好痛……而且條頸真係腫o左少少出o來咁……喉嚨發炎又勁o左……只係覺得o個人精神返少少，睇o來今日都係要少出聲喇……
阿媽入o來換衫，換完之後伸o個頭過o來望我，問我o的暗瘡係咪好o左，我就駛係話係啦!!!咁o的暗瘡的確係出少o左丫嘛!!!
砌返好o個Guilty Gear X o個公仔，件衫終於整掂o左喇!!!呵呵~~~~~~~~~~~~~~

刷牙o既時候聽到樣幾好笑o既o野：
佢兩個o岩o岩放學返o來，突然之間聽到阿大喊喎，阿媽聽到之後又例牌會問咩事o架啦~~~但係阿大係喊住答「妹妹整親隻腳……」聽落唔覺有問題o架咩~!?既然係阿細整親隻腳，點解係阿大喊o架呢~!?<我就當然知佢講漏o左o個『我』字啦!>除非係阿大聽到驚得滯驚到喊o者……但都無理由啦……

>>November 4, 2003 at 5:30:13 AM GMT+8

2003 年 11 月 2 日 星期日 【晴】

今日佢無返學……因為放o左學之後唔見佢，兼且唔見佢o係走廊度行o來行去……咁但係點解我今朝會左眼眼尾眺o架呢~!?
都話o左唔好睇我日記o架啦~~~~~Leo同學終於有投訴喇~~~佢o係度嫌我o的日記長得滯囉……但係我想話有o的已經好長o既，其實我仲未寫晒o架!!!
上日文堂o既時候，耐唔耐就有o的涼風吹埋o來我對腳度囉……但係之後就有陣熱風o架喇喎!!!開頭Angela佢o地唔覺o架!!!但係之後連Leo都覺~~~~~不過佢o地男仔有褲著，凍極有限啦~~~~

返到屋企，上唔到網，咁o岩佢理就係o係粉嶺整囉……我開頭聽，仲以為只限於地鐵觀塘線沿途各站……係咁話九龍灣、九龍塘、鑽石山、彩虹、九龍城、樂富，都係最後先講到粉嶺同上水……
所以最後都係決定上床訓覺，開住音樂~~~~但係起初都係訓o下醒o下，因為o個喇叭o既Bass真係好勁，震到我張床都有聲……但係之後就慣o左lu~~~~期間仲有California o既人打o來、同埋L啦……點解佢收到我Message，知我條頭腫o左都唔問候o下我~!?~><~
o係o個口噴出o來o既氣都好熱……睇o來有o的似發燒耶~~~~~~~
訓到5點幾，o個人都仲好”支力”，俾阿媽見到就問我o野啦……但我就揀落街睇o下有無我o的信先~~~~順便睇埋Channel V，又係倖田來未隻「Come With Me」啦……兼且仲要係無聲版……
終於收到o個Toro電話繩耶~~~~~~~~係我最鐘意o既飲酒造型，但係L就話好衰喎……佢o個樣……
好彩聽日o既無(車立)搭，只係3部(車立)輪流整o者~~~~~~~即係我聽日唔駛晨早就出街啦~!?
阿大阿細見到我探熱，就o係度話「我幫你探Pat pat~~~」無奈……

邊探熱邊睇報紙，呵呵~~~~~~~~~~~~阿Pi入o左明治大學啦!!!!!佢仲話唔會放棄學業o架~~~~~~~好開心~~^^

之後L打o來，我仲o係醫務所外面傾埋先入去啦~
去o左睇醫生，醫生話我有發燒、流鼻水、喉嚨發炎、頭暈頭痛，不過最驚o既都係佢話我條頸腫o左係因為我喉嚨發炎所以攪到o個扁桃腺都發炎囉……而且腫o既程度仲有一隻白鴿蛋咁大……我聽完都唔知白鴿蛋有幾大，醫生原來除o左醫學要叻之外，原來連師奶會知道o既o野佢都要知埋!!!不過其實我講o左幾次佢先至理我條頸o個度……唔通開頭佢都覺得我條頸腫o左係無關痛癢~!?
佢仲話我出o左兩智慧齒啦……其實應該係三隻，因為有一隻o係上邊，不過點解我o的智慧齒完全唔痛o既~!?我仲以為只係由乳齒轉做恆齒時會生多o左出o來o既牙<如果唔係又點解恆齒會比乳齒多呢~!?>早知叫佢幫我睇埋我上面隻牙究竟係咪蛀牙啦……
又問我返工定讀書，又問我呢套係邊間學校o既校服，又問我讀F.6定係F.7……
睇完醫生出去等拎藥o既時候先醒起唔記得同醫生我仲有鼻骨痛同埋對眼好酸酸澀澀……失敗o左……
兼且醫生話仲要覆診，睇o下粒o野有無細到囉……

對落o個件宜家F.3，星期六o個日見完家長今日阿媽就o係度講，差唔多佢班o的人Maths都有A或者B，但係佢就C囉!!!Mrs. Fielder仲話有一個人有D，陪佢囉!!!阿媽聽完就係咁話佢……我F.3時o的數都仲可以o既~~~~~~
佢兩個宜家仲學埋人玩夾攻啦~~~~係咁同阿媽講阿Dee扯佢o地o的頭髮囉……真係衰!!!

宜家o個鼻骨仲痛梗……希望食完o的止痛藥之後會好o的啦……
好悲……連打個呵欠，o個扁桃腺都會痛o既……

P.S.最近唔知點解自己咁鐘意用o個「耶」字~~~~講我就真係好少講，但係日記同SMS就多啦~~~

>>November 3, 2003 at 12:24:20 PM GMT+8

2003 年 11 月 1 日 星期六 【晴】

上拍賣場係咁睇o的「扭蛋」，勁多啦……真係睇死o左……之後又搵o左「美少女戰士」、「亂馬1/2」、「機頭紙」、「Tales of」系列、「御魂~忍~」、「新世紀福音戰士」、「邪流丸」等等……睇o來我真係會繼續沉迷o係扭蛋Figure食玩之中……不過成日經過信和宇宙船時，o係後面o既櫥窗度見到一套三級o既Figure，入面有o的靚妹o來o架，係得其中一個半蹲o左o係度而且仲要拉高條裙，見到o個胸，旁邊仲要有枝生得好高o既向日葵o既公仔，原來係「水夏」囉~如果係咁o既話我o係「電擊G’s Magazine」度見到好多次囉!!!我比較有興趣o既係佢o個三隻VCD啦……嘻嘻~~~~~~~
點解咁多女角都要鐘意向日葵~!?水夏o既さやか又係、Air o既觀玲又係……

之後o係美少女度又見到樣唔同o既o野，見到一個封面幾靚o既動畫版VCD，真係靚過o係電視播過o個o的!!!睇清楚賣家o既描述，原來係「原裝美國正版」囉……美國o既Sailormoon真係靚爆……
另外仲有個賣佢Part 3 o既Figure o既賣家，竟然寫真琴係「椰子水著少女」……無奈……

睇開亂馬，想聽返佢隻OP，然後就去Down，不過Down到好慢，我就Stop o左……

睇o左好耐，有可能之前我係咁抽o既Capcom Figure，L屋o個個有可能係part 3，而我o個個係Version 3.5囉……雖則我唔知係o既αVersion係點分……
o係搵「Guilty Gear」o既時候，竟然有人賣我尋日買o左o個Part o既烏龍茶姐姐耶~~~~~~~呵呵~~~~~~~~~~~~~~~~~
o係拍賣場仲見到有人賣尋日L o係信和度話有個女仔戴皇冠o既好靚o個套公仔，套o野叫TPW囉……
又見到有「邪流丸」o既扭蛋，係上次Aoyi o係日本扭俾L o個套o既其他公仔!!!$20一個……不過都幾得意~

5點幾o既時候收到Message，以為係L啦，原來係音樂鈴聲耶~~~~~~~
To唔知邊個~

喂~多謝你Send o左「一枝煙的時間」o既鈴聲俾我喎~~~~~~~好正耶~~~~~~~~因為聽完費事自己亂按會Delete o左o個鈴聲，所以就無搵到係邊個Send俾我耶~~~~~~~~~~
你肯定有睇我日記o架啦~!?雖然唔知你係邊個，但真係非常多謝你ね~~~~~~~~~^^

食晚飯o既時候，屋企變o左做o個o的英國高級餐廳—係咁播住o的幾年o既英文歌……
今次o既「執法群英II」做「歡場三狼」耶~~~~~~~我有睇過!!就係o係o個本講全港震撼案件o個本!!!不過其實o個故仔都有o的好笑……o個歡場女人話自己仲有子女，o個賊就真係放o左佢……
睇返Shine o的歌，就o係度諗：唔知阿謙宜家點呢~!?<笑>唔該見字請回覆!!

夜o的就將o的一直Save o左o係電腦o既圖、同埋o岩o岩o係拍賣場見到o既圖係咁Send係人……終於都Send o左o個兩張o係Hunter入面Scan出o來講武內直子o個兩頁Send o左俾Laven喇!!!連同o係拍賣場見到o既直子老新作彩頁~~~~~~^^Apple o既都係o個ツバサ墊板、L o既咪就係Princess系列o既圖囉~不過呢套真係整到好靚，特別係連Jasmine都靚先難得嘛~~~同埋佢同Aoyi都鐘意o個個貓貓o既機頭紙啦~~~
不過唔知佢o地會唔會睇……=_=;;反正係o的咁無聊o既o野……

>>November 9, 2003 at 12:38:26 PM GMT+8

2003 年 10 月 30 日 星期四 【晴】

終於搵到一個完整o既歌詞喇~~~~~~~呵呵~~Up o左上尋日o既日記度~~~而且仲入埋「決定愛你」o既鈴聲~~~~~好鐘~^^
對住部電腦差唔多成個下午，都夜晚臨沖涼之前就唔知點解開始眼訓，仲有o的頭暈頭痛添呀……可能仲要係我不斷咁打返之前o的日記o卦……好”支力”……

>>November 2, 2003 at 4:47:26 AM GMT+8

2003 年 10 月 29 日 星期三 【晴】

一早起身就Down返「決定愛你」，再搵埋歌詞~~~~o係Coolman度搵到，但係好似短o左o的，但都已經俾我Print o左出o來，所以都算……呢隻應該會好o的啦……連續幾日係咁聽「一枝煙的時間」……都係時間聽返o的開心少少o架喇~~~
『愛你　不需要原因
只要有一顆真心　分隔兩地也可以傳給你
愛你　不會有距離
只要你在我心裡　隨時隨地　我也可以感覺得到你
小時候　常常擔心一個問題
男人結婚之後　到底會不會外遇
我的爸爸媽媽在我小學三年級
他們離婚了　其實我非常地傷心
長大後　覺得沒什麼了不起
愛情並不是生活裡全部的事情
只要此時此刻　我們愛得很用心
就足夠我一輩子去回憶

愛你　不需要原因
只要有一顆真心　分隔兩地也可以傳給你
愛你　不會有距離
只要你在我心裡　隨時隨地　我也可以感覺得到你

有時候　我也會碰到不如意
寧願哈哈大笑　也不要哭哭啼啼
付出去的感情　就算都沒有回應
可以碰到你　已經覺得非常幸運
失敗做錯了　也沒什麼關係
換個髮型或是唱唱歌發洩情緒
不要浪費時間　一直躲在後悔裡
要找回那顆不認輸的心

決定要做的事情　不要輕易受打擊
今天不行還有明天可以
決定要談的愛情　不要隨便就放棄
幸福全部要靠自己努力去爭取

有天我一定會等到　生命裡那位英雄
有天我一定會找到　被我的愛　感動的人
喜歡　賴在你身旁
看你說話的模樣　就算我們不能地久天長
喜歡　為了你而忙
看你開心的模樣　就算沒有我想要的答案
愛你　不需要原因
只要有一顆真心　分隔兩地也可以傳給你
愛你　不會有距離
只要你在我心裡　隨時隨地　我也可以感覺得到你』

>>October 31, 2003 at 10:13:55 AM GMT+8

2003 年 10 月 28 日 星期二 【晴】

Check E-mail o既時候，竟然收到"佢"o既E-mail……雖然只係短短一句，不過真係諗返好多o野……點解要宜家先Send封E-mail俾我!?!?忘記o左9個月+4日+12Hrs o既o野……原來封E-mail我應該尋晚就要Check囉……因為為尋晚Send o既…………

因為再頂唔順自己成日坐入面+無乜人同我講o野，所以今日就同o左Jenny一齊坐~~~但係我o地又要罰企先啦……都好多人做晒F & B份功課啦……但係我就例牌無做o架啦~~~~就算係，都係諗住o係阿May呢堂先做o架啦~~~~~~
見到Jenny返o左o來，我都走o左過去同佢傾計~~~~之後入得班房，同o左露比佢o地單聲先~~~~~~
坐o左o係門口o個排最尾同最入o個位，窗口位o耶~~~~兼且張檯好大耶~~~~~~呵呵~~~~因為班o的人都嗌熱，所以就順便開o左隻窗~~~不過之後俾阿May話開隻窗o來做乜囉……又話班o的人好熱咩!?但我想話就真因為班熱得滯，所以我先順便開個窗o乍!!!最後都係閂o左……<當然留返o的空隙>
一路都望住出面走廊，Jenny問我「(目及)仔定(目及)女」囉，我話「(目及)女呀!」。不過佢之後都問o左幾次~~~
坐o左Mandy o個位，真係唔好意思啦~~~~~~~:p

見到佢行過，即刻打開隻窗嗌佢，佢擰返轉頭望住我啦~~~~我竟然係同佢揮手喎，而佢都有同我打招呼~~~~呵呵~~~佢今日有戴眼鏡耶~~~~~~~~~^^
等o左一陣，就同阿May講出去開o的窗，順便又等佢返o來~~~~不過都唔知點解自己忍唔住係咁笑……因為佢o地見到我係咁笑，都o係個空隙問我做咩，所以o個人都側o左過汽水機o個邊，亦因為咁而見到佢返o來!!佢都見到我耶~~~~~
之後就繼續好「專心」咁閂窗，佢行過o既時候竟然篤一篤我左邊膊頭囉!!!我擰返轉頭佢都仲係繼續行，所以我就「喂」o左佢一聲，佢邊行邊擰返轉頭<不過係一副未訓醒o既樣>「未訓醒呀?」「嗯。」「你o地今日都要交F & B份功課呀呵!?」「係呀。」「做o左未?」「嗯。」
返返班房，就好開心咁同蘇菲亞同貝琪講，佢o地都替我開心耶~~~~~~~~~~~

Recess o既時候硬拉埋蘇菲亞落去，不過今日見唔到佢落來……
第一次見到有男仔o係6樓做Trainee o乍!!!!Roberta開頭話男仔易俾酒店請……但都仲o係度見到個Trainee……咁到我o地o個期點算~!?而且o個男仔硬係有o的熟口面……
之後貝琪同艾美麗都落o左o來，佢o地就搭我o地檯，一班女仔勁嘈啦……貝琪食雞脾竟然要成塊皮去o左先食囉!!!而塊皮仲o係個膠袋入面，我o地睇到都話核突!!!就好似o的脂肪咁……拋o下拋o下咁……
仲笑o左好多o野添……
食完o野返上去，貝琪竟然可以好無o野咁過o左隔離o個邊o既Preparation櫃度拎人o地o的廁紙囉!!!!見到我o地眼都突!!

因為無做F & B份功課，所以就扮無帶。湯Sir算「好人」咁叫我o地聽日12noon前交到佢檯面囉……好彩佢之後都有叫人出去講返自己份功課，所以我都好努力咁抄o左~~~~~
訓o左o係Jenny大脾，嚇見自己o個檯底好恐怖!!有3舊香口膠囉!!!之後Jenny同雲迪每人再搵多舊囉……好彩Jenny肯同我調位……對於我呢個有85%潔癖o既人……

返梗屋企o既時候L打電話o來，佢竟然勁早就走得囉!!!不過我點都要返屋企食埋飯先出得o來……所以就等佢過o左o來再打俾我。o岩o岩好勁趕咁食飯同飲埋碗湯佢就打o來，拎好晒o的o野就出去火車站，出到，佢竟然都未到!!!早知就唔咁趕啦……期間竟然見到o個又係白英奇o既，不過係讀TB o既男仔，佢入閘去上水o既時候用o左o的奇異o既眼光望住我，我心諗「仆街!你都係讀白英奇o架o乍!!望咩呀!?」
L終於到o左，打o來問我o係邊，我就話o係東海堂，但其實我只係企o左o係東海堂對面……而佢都竟然o係車頭o個邊行過o來，佢一路行過o來我一路望住佢，佢應該係見唔到我，所以就打電話俾我，佢真係行o左去東海堂門口啦!!!佢仲話見唔到我喎，我一話「但係我見到你喎」佢先識擰返轉o個頭!!
一見到，又俾佢咬o左我膊頭啦……佢最近一見到都比較鐘意咬人…..
去o左搵地方食飯，雖然佢話想食湯飯，但係最後都係去o左「新大眾樂」食佢覺得好抵o既鐵板餐……<佢一聽到o個名已經係咁話啦……>

佢俾o左兩個扭蛋我耶~~~~~~~~一個就係Capcom 15th o個春麗，另一個就係Namco o個長髮女仔~~~~
一邊睇電視一邊食飯，我仲幫佢食o左個粟米啦……不過o的魚柳就麻麻地~~~
睇o左少少「皆大歡喜」先走，又話要返屋企睇「衝上雲霄」，但食完o野又要o係度hea，又話眼訓又話剩……
之後陪佢行埋萬寧、同埋類似日本城o既o野先走~~~~~佢話要買杯，但又搵唔o岩款，但又唔捨得買宜家o既返公司用……真係麻鬼煩!!!入埋零食物語行o左陣，佢o個盒百力滋都未開啦~~~~~又激死佢~~~~

買完飛，佢都仲係唔肯俾我咬o個鼻，一時又話唔得、一時我話「算喇~」佢又話「點呀?」，最後都係佢話「下次儲埋一次過……」只係o岩o岩咬o左佢面……但又整親佢……
行梗返屋企o既時候，佢打o來，原來佢都有買今期Wink Up囉……仲以為佢無買添~~~~

夜晚出o左廳，無聊就轉台去Channel V，咁o岩播梗Vivian隻「決定愛你」，不過開頭睇佢o個MV，我仲諗梗究竟係Jolin定係Vivian o來o既……不過一路睇，都覺得似Vivian多o的……o岩o岩睇到o既都算係差唔多唄完首歌o既時候，睇o左佢MV同埋歌詞，就好鐘喇~~~~~~~~~~~~~~~^^
睇完，都去訓lu~~~~

>>November 10, 2003 at 12:42:23 PM GMT+8

2003 年 10 月 27 日 星期一 【晴】

睇o左「The Texas Chainsaw Massacre」<舊片名：慘無人道；現譯：德州電鋸大屠殺>o既Trailer，超想去睇!!

夜晚真係收到露比o既E-mail，不過呢個咁o既Marriott Hotel Powerpoint就霸o左我6% o既Inbox!!!兼且見佢好似Down咁耐都未郁到o的，所以就決定聽日先算~

>>November 10, 2003 at 12:35:35 PM GMT+8

2003 年 10 月 26 日 星期日 【晴】

堂Purchasing都係o係度訓，訓訓o下仲拎o左件衫出o來墊住訓，真係舒服好多~~~
無聊就拎o個鎖出o來油，油到黑金咁，都幾靚呀~~~而且仲寫o左o的名，不過頭兩個就寫得麻麻地，之後又係咁補……早知就唔補啦!!!補完仲衰!!><先有蘇菲亞話我無聊、之後問Alex靚唔靚，佢就話我呢個鎖肯定係o個o的一條鎖匙就可以開晒全部鎖o個o的Cheap鎖!!!我咪話「你搵到有o的咁o既鎖匙就拎o來!!」
玩完就開始睇報紙，睇到David o來都未睇完，因為當然睇梗清心寫o既文章，感動梗，所以就無Greet David，然後就俾佢話啦~~~~人o地感動梗o架嘛!!!攪到無晒Mood……
睇到最後，真係喊出o來o架啦~~~~~佢篇o野叫「真的好想放下你」，佢真係寫得好好~入面仲講到一首叫「一枝煙的時間」，睇完佢咁講，就好想Down o來聽~~~連o個「大隻佬」我都好想睇!!
睇到自己張檯上面有人寫o左「獻世」o既歌詞
『寧願失戀亦不想失禮　難道要對著你力歇聲嘶』，睇完之後，就係咁上腦喇~~~~~~而且諗諗o下，都駛唔駛咁……!?

口痕痕趁Recess落o左6樓買o野食~~~但係見唔到耶~~~~~~~~
而且之後我o地竟然會遲o左少少落堂啦，隔離班都走o左喇!!

Lunch o既時候同o左阿Ling兩條友一齊周圍行，露比同蘇菲亞竟然可以好狠心咁讓o左我俾阿Ling啦!!><因為阿Ling話唔想食飯，咪同佢一齊行o下囉~不過最好笑係我行先，落到樓下等埋露比同蘇菲亞，傾好大約點<行完打電話>，再等埋阿Ling，但就唔知點解要攬囉……我都係見佢攬我先攬o既……佢仲話我o個胸頂到佢囉!!!點會頂到呀~!?我平o架嘛!!<笑>
開頭佢話帶我去佢平時去開o個間漫畫Cafe，但係上到去，未開!!!所以就去o左附近隔離o既Boardway睇MP3機同手機~~~佢睇中o左部好細、正方型o既MP3啦~~~戶口o既錢只係爭少少就夠~~~~同時，講開我同阿爸o的o野，佢又做埋社工啦……要溝通喎……我會踏出呢一步咩~!?
不過佢陪我落到信和o個邊，真係唔該晒啦~~~~~~因為要去東亞入錢~
入完錢，佢就話想去飲o野，我o地就去o左許留山度飲o野~我將我o既「第一次」奉獻o左俾佢啦~~~佢聽到都好Surprise!!
我o地Share o左o個蜜瓜糰米滋，而我就要o左o個椰汁西米露，佢就好似要o左另一款o野飲，o個糰米滋勁好味啦~~~~~入面有成粒蜜瓜o架!!!超甜~~~~^^我o個椰汁西米露都幾大碗，而且仲有四粒西瓜+一粒蜜瓜~~~~呵呵~~~但係阿Ling就謀o左我碗o野入面粒蜜瓜，就俾最後o個蜜瓜糰米滋我食，o的西瓜都好甜~~~~好Satisfy~~~~$12碗之嘛~~~~~但係之後都要忍住牙痛，快o的食埋佢……><
呵呵~~~多謝佢讚我「五官端正」啦……雖然我真係唔覺……但係我都話o左佢好多次「幸福o既人」~~~佢另外講o既都有道理o既~~~~~
一路行兩個都講o左好多o野，佢竟然會將佢自己o的秘密講俾我聽<其實係佢o個人守唔到自己o的o野~>
阿Ling估到佢o既時候又係好Surprise啦……但係佢竟然話星期六見過佢同o個女仔囉!!!又話o係學校都係咁……但係如果佢講o個次唔係蘇菲亞見到o個次o既話，咁咪即係有兩次囉~!?我都真係未見過喎……
講講o下講o左去Sex o個o的話題，佢對於我o的態度只係得一個反應：O字口!!
講開絕種處女o的o野時，哈哈~~~~好鐘意自己講o個句「睇o下對住邊個掰大對腳」~~~~~~兩個聽完之後都笑得好開心~~~~

開o左機，就落o左7樓。見到佢，落到樓下真係又食煙!!但係今次就係自己點煙啦~唔知點解，要將隻左手「咬」後去擺返落揹o係右邊o既袋……
下個禮拜堂Computer會無o左，又放勁早啦……不過會改時間，應該係學校Holiday都返去啦……即係12號喎……但係我o地會同C班一樣~但佢o地就照返時間上，早我o地兩堂啦~~~呵呵~~又可以見到佢囉~~~~^^
食完o野，又好眼訓，所以都係訓o左一陣……

放o左學，就去銅鑼灣~~~~繼續買窪塚洋介o既雜誌!!之前問露比，買o野應該去Sogo定係City Super，佢o既答案都令到我好無奈：Sogo有o既o野，City Super可能會無；City Super有o既o野，Sogo可能會無……
o係月台時見到Alex，呵呵~~佢話我o地同「居」啦~~~之後再加埋子瑜，不過子瑜唔明同居o既意思，我就話「3個人o既生治太擠迫喇……」要Alex解釋佢先明啦~~~~
不過Alex住灣仔，點解轉車時唔同我o地一齊o既~!?

首先去o左Times Square，當然係City Super啦~~~有Eddy’s Magic擺o既攤位賣Halloween o既o野囉!!!行到入去，見到o的o野食，真係好想食o架……
而且仲俾我搵到窪塚賣廣告o個隻Calorie Mate Jelly耶~~~~~當然要即刻買啦~~~o係臨俾錢前先見到Block o個款，諗都唔諗就拎埋先~~~~開頭仲以為只有Jelly款賣添~
Heidi又出o左新Figure喇!!!$24盒，而且今次o個5款真係唔差!!!好似係彩色復刻喎~~~而姆明o個o的都有得買，但要抽囉……

買完o野，就去o左寫樂堂，不過今次只係買o左一本Junon同一本えみ做封面o既「Seventeen」~~~~
搭返車去旺角，又食o左好好味o既煙肉腸~~~~專登空肚等食o架!!!但係之後仲買o左6件麥樂雞<即係Total 12件>同埋5件矮瓜，坐o左o係洗衣街公園度食~~~~~有o個玩梗搖搖板o既靚女係咁望坐我啦~~~~~只係食o左一位麥樂雞，另外o個盒就拎返去俾阿大阿細食~~~反正阿媽肯定唔會買麥樂雞俾佢兩個食!!

但係我仲要去搭倒頭車……開始睇我o的雜誌，點解可以有人咁睇書o架~!?好彩封面皺唔到えみo者!!!而且入面仲無o左o個East Boy Sticker + 爛o左少少，點解封面無寫明o既~!?<天生殘缺o既我都可以忍受到，但係如果係後天o既話，我一定會斬死整皺o個個人!!二手o既，我都當天生啦……>
返到去，就o來6點，兩個仲訓梗，對落o個件竟然o係廳度!!
不過阿媽就請o左一、兩件俾對落o個件食!!!
上網搵「一枝煙的時間」o來Down同歌詞，聽完更加鐘!!又係咁搵鈴聲o來入，但係唔係要俾錢就係去唔到o個Server……無奈!!

『每當點起一支煙 便想起你
把煙頭彈向夜空中 沒有絲毫留戀
用你不經心表情 望著我一笑
那一刻 我知道註定難避過一劫

若你點起一支煙會否想誰
是我吧
在兩個空間 做著這相同動作
共你竟可這麼近 同時那麼遠
你走後我只有 這樣懷念你的手

用了一支煙的時間掛念誰 浪費了幾分鐘的感情
計算得到還未算太累 而你似看穿我扮強悍
笑我姿勢未純熟 吸了煙呼出眼淚

用那火機噠的一聲把快樂燃點
隨著風中翻飛煙圈消散 我亦明白應怎打算

若你此刻點起煙會否想誰
是我吧
在兩個空間 做著這相同動作
共你竟可這麼近 同時那麼遠
你走後我只有 這樣懷念你的手

用了一支煙的時間掛念誰 浪費了幾分鐘的感情
計算得到還未算太累 而你似看穿我扮強悍
笑我姿勢未純熟 吸了煙呼出眼淚

用那火機噠的一聲把快樂燃點
隨著風中翻飛煙圈消散
我亦明白應該走了』

Up埋網，為o左唔會俾對落o個件偷隻歌，所以聽完都要擺過o係第二度……煩!!
呵呵~~~Info o個度我Scan o左一幅窪塚拍「GO」時o既劇照，其實想揀其他，但又驚縮細o左之後會睇唔清楚……
上到拍賣場，見到一位賣家o係人o地o既評語度寫「Toro會係11月中出一套水杯，一套26隻，由A至Z，每隻都唔同款，每隻杯只賣HK$38」見到之後勁想上去佢間舖度落訂啦!!!

>>November 9, 2003 at 8:33:37 AM GMT+8

2003 年 10 月 25 日 星期六 【晴】

Fion姐姐生日快樂啦~~~~~~~~^^

睇睇o下電視見到佢播Twins首「亂世佳人」，o的歌詞都唔差o既~~~所以就上網搵o下歌詞啦~~~~結果睇埋另一首「朋友的愛」o既歌詞~~~呵呵~~兩首都好鐘~~~~~唄K一定要去唄~~~但．係．我係唔會因為咁而鐘意Twins o架!!!不過都Up埋Info~~~~用o左兩款朱古力做Nickname~^^
之後又睇到Twins o既LG手機廣告……首歌想點~!?咩「你講你愛我」喎……
『陶瓷上的睡蓮　提琴下的纏綿
和奇勒基寶接吻　至夠經典
原來又幾十年　情迷舊片　顛倒我媽媽的童年
怎麼我都　被劇情逐秒感染

古老得很性感　妝太舊卻動人
亂世裡擁抱更深
然而就算我夠專一　不夠狠
縱使他跟我很合襯　但我於昨日未誕生

想跟偶像談戀愛　要為萬人迷喝采
可惜我這個世代　很懂吻別很快放開
當天壯烈原來不再　只因我只愛墮入愛海
誰人都可以愛　男孩亦只喜歡接力賽

無論是苦是甜　懷舊亦很自然
和奇勒基寶接吻　才算畫面
情迷木村不變　原來亦想　分享我媽媽的童年
這種美感　五十年沒有改變

古老得很性感　妝太舊卻動人
亂世裡擁抱更深
然而就算我夠專一　不夠狠
縱使他跟我很合襯　但我於昨日未誕生

想跟偶像談戀愛　要為萬人迷喝采
可惜我這個世代　很懂吻別很快放開
當天壯烈原來不再　只因我只愛墮入愛海
誰人都可以愛　男孩亦只喜歡接力賽

想跟偶像談戀愛　要為萬人迷喝采
可惜我這個世代　很懂吻別很快放開
當天壯烈原來不再　只因我只愛墮入愛海
誰人都可以愛　男孩亦只喜歡接力賽

無緣和最喜愛一吻　有幸　有不幸
也許從沒認識當天這撮人　便覺得很吸引』

『相識　交往　如果
很順利前行　是情人
相識　交往　如果
彼此也等多一等　逐漸變熟人

當初一衝動下　若果與你試著熱吻
今天應該不難和你　備受看好
就結婚　但是　此際
終於做了熟人　而我卻又等它發生

為甚麼只可跟你　維持朋友的愛
無人知偷偷約會　也會覺得不該
為甚麼只可給我　純情神聖的愛
為甚麼她比我遲到　卻勝出比賽

招呼　擁抱　明知
這擁抱出於好心　但亦算動人
必須等生日吧　或者你會送贈熱吻
空出一張嘴唇而你　在面頰邊　共我親
現在　的你
心中另有別人　而我卻是死不了心

為甚麼只可跟你　維持朋友的愛
無人知偷偷約會　也會覺得不該
為甚麼只可給我　純情神聖的愛
為甚麼她比我遲到　卻勝出比賽

為甚麼只可跟你　維持朋友的愛
言談間彼此對望　也會覺得不該
為甚麼相親相愛　仍然無法戀愛
為甚麼她不算朋友　卻更加可愛』

睇到新一個McDonald’s廣告，嘩~~~~~~~o的麥樂雞勁抵啦!!!星期一去食，買6送6囉!!!星期三就係Double Cheese Burger買一送一!!!真係平死!!!攪到星期一好想去食添~~~:p

o個「衝上雲霄」睇落就覺得好似「Good Luck!!」……
想Down返一個唔會「Pi」走晒o的粗口o既「Son Of A Gun (Remix)」，今次Down o左o個多o左P.Diddy o既版本，但都仲有「Pi」走晒……雖然o個Melody又唔同原本o個Remix……連歌詞又有o的唔同……但我都係鐘意原本o個Remix~~~~

>>November 2, 2003 at 4:36:31 AM GMT+8

2003 年 10 月 24 日 星期五 【晴】

o係屋企hea到12點度先出門口，臨出門口之前俾阿媽捉住問我尋日o係(車立)度見到阿爸有無叫佢，我無答，佢等o左陣就話「無答呀?」我又唔應佢，繼續我o既著鞋動作，佢就話「你唔識你老豆o架?見到阿爸都唔會打聲招呼……」咪又肯定係阿爸又同阿媽嘈呢o的o野啦!!!星期三o個鑊我唔嬲o架~!?佢咁話我都得!?你又有無同返佢講事實唔係咁呀!?淨係識o係度嘈我!!佢嬲就得，咁我唔嬲得o架~!?佢又有無諗過我會點o架!?!?

之後去o左McDonald’s，打算換埋最後o個個玩具，但係最後我竟然要o左o個同魚柳飽Happy Meal一樣價錢o既Big Mac餐……
食飽就出聯合先~都差唔多兩點幾三點~俾Casy發現o左我添!!!
見到有本「髮之男」o既日本雜誌，封面o既瀧澤超型!!!而且仲有講二宮、阿Pi同埋寬櫃等等o個髮型!!!o底仲要係窪塚o來o架!!!!型爆!!!但係都要六十幾蚊呀……都係放返低先~反正只係o岩o岩出o既Air Mail版~~
睇到新一期「新少年」，o個「純愛塗鴉」已經改o左名叫「當四葉草碰上塗鴉時」啦~~~~~~哈哈~~
o係聯合行晒o的日劇舖，都唔見有「No.1」賣….…我唔想要拍賣場o個CD-R Version呀!!!><
行到去2樓o個間o既時候，俾我聽到「NewS」首新歌耶~~~~~~~~仲見到o個唔差o既阿Pi!!呵呵~~~~終於以Group o既名義上MS啦~~~~~~~

一路行落去信和，「G-Taste」出o左新Figure喇~~Vol.4!!同樣都係12種，加埋o的咩透明版同特別色……不過我只係識兩個……就係O孃<黃色人子>同埋o個宇宙警察，其餘o個兩個o既故事都未睇過……睇o下砌o左出o來會點喇，都係咁靚~~~~~~而且覺得比之前出o個o的，進步o左好多啦<樣+動作>~~~~有個紅色頭髮o既兔女郎耶~~~~~~叫澤渡美華~~~另外一個著晒成套紅色皮衫o既叫八王寺京子~~~~
我都想買返一隻，但係砌o左又係唔可以擺出o來……<除非係透明版或者係宇宙警察o個款啦~~>兼且我買o既話都好奇怪o架呵~!?
不過，點解仲未有真行寺由奈o架~!?而且可唔可以再出過神園史華o個款~!?

o係斜對面間精品店見到Studio Chibiri出o左一套新o既鎖匙扣，一個係幽靈公主、一個係龍貓入面o既次子、一個係Kiki、最後係ナウシカ，o個個都係一粒眼，L肯定會鐘啦~~~~連我都鐘意Kiki o個個!!!每個$69，都合理啦~~~~
順便行埋潮流特區，上o左3樓，姆明出o左套好靚o既Figure啦!!!有款史力奇吹口琴o架!!!但係o個度拆晒出o來o既款都無……只係有佢釣魚o個個……
o係新天地附近間小食店，買晒鐘意食o既小食撈~~~~o岩o岩好Total $10，4樣o野，好Satisfy~~~~^^
繼續行落去油麻地，o係o個間有新鮮果汁飲o個間買o左杯西米露，勉強都可以啦~~~夠甜，只係o的西米細粒o左o的o者，$5 o既都算啦~

出o左銅鑼灣，行o下上次見到o既寫樂堂啦~~~~不過諗o左好耐先記得o個度點去……
落到地庫，點解同佢網頁有o的出入o既~!?不過o的雜誌真係好平啦~~~~~~~有好多18禁o既雜誌，Playboy o個類~~~~搵o左好多雜誌~~~連瀧澤最新上封面o個期「BUKKA」都有!!!
o係o個度搵雜誌就好似尋寶咁啦~~~~~好彩唔多人o者!!但都見到有個女士蹲o係地下睇漫畫……仲要睇o左好耐……
一路搵，就聽到「森美小儀」，不過今日係星期六喎，點解都會有o既~!?之後終於知道答案：原來係播帶o既o既!!!因為同一段o野，我都已經聽o左兩、三次!!!佢地竟然搵Leo去排t.A.T.u.+Twins o個場維港巨星匯啦~~~但係最後Leo一張飛都拎唔到返o來!!!佢仲問排梗隊o既人知唔知仲係咩人表演，有o的唔識，知o個o的再問佢o地想睇佢o地表演o的咩，有o地答睇佢o地「互咀」、有o的就話聽佢o地出名o個兩首歌、最後一個俾森美讚佢識貨o既係答「想睇佢地唄歌可以去到幾高音。」佢咁講完我先覺得都係咁~~~
之後佢o地播「All The Things She Said」，但係森美唔知講o的咩，話同阿成「我o地對住錫~」，我o地聽到o既時候都忍唔住笑o左出o來!!!

竟然俾我搵到我後悔當時見到無買o個期貴子姐姐封面o既「an an」!!!梗係拎起先啦!!!再見到好多「女性自身」，有本有窪塚封面o架!!!但係入面o既窪塚係咪彩頁又係一個問題……另外一本係菜菜子姐姐攬住隻狗，封底又係「生茶」廣告~~~所以就揀呢本買o左先~
o係就俾錢o既時候先發現原來仲有三個雙層櫃俾專擺三劍俠、Junon、ポポロ同TV Kids!!!開頭仲已經砌好要買o的咩，但係見到呢幾個櫃之後，又要重新諗過!!!買o左兩本先，然後就再返轉頭買本寫明係拍梗「GO」o既窪塚，呵呵~~~~最鐘意佢入面o個Look啦~~~~
買完之後再出返o來，o個天都已經黑晒喇……然後就行去中央圖書館搵o下F & B o的資料，期間有o的口渴，就入o左惠康，買o左枝750mL之中最平o既水~~~~

o係地下o個層Search梗書o既時候，L打o來，同o左佢講「G Taste」出o左新Figure，好靚。佢只係話「咪又係o的大胸女仔~!?」咁但係佢o地大胸得o來靚呀嘛!!而且唔係o個個都大胸露點o架!!!><
之後上到參考圖書館，都唔見有，咁o岩見到o的電腦無咩人用，所以就用o來上網搵o下資料l~~~~
L走得，打電話o來，但係我仲未搵完，咁o岩有o個管理人叫我出去聽電話囉，無奈爆……嘈o左陣，但係最後都係唔見啦~L又唔等，要趕返去睇「America's Next Top Model」……我又趕唔切去火車站喇……又唔想專登入去半個鐘度就走……

順便去o左MSN度玩塔羅占卜，出o來o個結果都唔差丫~~~~都幾準~~~最開心係佢最後o個句「繼續向前就有機會成真」~~~~~!!而且，宜家咁同L嘈完算唔算「人際關係出現壓力」呀~!?

上到Sogo 10樓，第一眼就係望到一張「xxxHolic」同「ツバサ」o既細Poster喇!!!<大過A4>不過佢畫郁子同四月一日o既皮膚都係用o的綠綠地色o既，而小櫻同小狼就用返肉色，張o野真係好靚，好想要!!!郁子同小櫻就坐o係Sofa，而四月一日同小狼就企o係佢o地後面囉~而且小櫻同小狼件衫上面都有翼o架~~~~<平面o架o乍>原來「ツバサ」同「xxxHolic」都出第二期喇!!!「ツバサ」當然都有豪華版啦!!!入面已經有得賣喇!!!仲有一個兜擺住「xxxHolic」同「ツバサ」<普通版>添~~~上面o個圖案都係一樣o既~~~
不過估唔到係「xxxHolic」竟然會用紅色紙囉!!邊邊睇就覺得勁似一本Bible……
睇過本豪華版喇，1200Yen，但佢就賣到$148.6囉……又無奈……所以我都諗住出o左旺角/太子睇o下有無先~~~咁o岩又有對情侶拎起o左一本o來睇，o個女o既仲o係度「嘗試」解讀佢封面「明日こそ言おう、小狼に、好き……」o個句o野……睇佢應該無追開啦~~仲o係度問：「o下!?小櫻鐘意小狼o架!?」，聽完又係另一個無奈……
仲可以寄去日本抽獎添呀!!!就係上面講o個張Poster喇!!，但要買埋「xxxHolic」o個本先得~~~11月30先截止，都寄得切啦~!?「xxxHolic」o個本，封面o既郁子小姐都好靚~~~~兼且因為用紅色紙，幾特別，所以都會買~~~~< ---$50.4
想等都其他地方都有/船版<佢呢個係Air Mail>，但又驚好似第一期咁，等等o下又無晒……應該點呢~!?

行完就返屋，又再搭倒頭車啦~~~~
不過o係火車度都算叫嘈o左啦……
返到去，就沖o左涼先~~之後就睇「Meet Joe Black」，原來就係呢套o野攪到無「Sex & The City」做!!不過都真係幾好睇~~~o個Ending都幾感人，但係估唔到o個阿爸竟然係安東尼鶴健士!!!應該都會買返VCD o來睇o架喇~~~期間又睇o左陣「鱷魚先生」，宜家都有少少鐘意睇~~~

>>November 2, 2003 at 3:59:42 AM GMT+8