2003 年 11 月 13 日 星期四 【晴】

返到去，竟然見到余文詩同佢個「男朋友」耶~~~~我只係做口形咁問「點解佢o地會o係度o既~!?」露比就睇唔明，但係大家姐睇o左兩、三次度明，仲大大聲講添啦!!!不過露比話佢o地都考唔到試o架啦……
Mandy坐o左o係露比隔離，佢竟然買o左今期「忽然一周」，o係報紙檔都見到入面係講「魔法廚師」，咪叫佢借o來睇o下o岩唔o岩睇囉，點知，佢又係講極都唔明，只係俾封面同前一頁我睇，要露比幫手先得……入面有講法國菜廚師啦!!!即係要買~~~~~~

上Michael堂Break o既時候，見到佢行過耶~~~~~~~佢都有望入o來，o係後面開o左o個個特大窗，但係佢應該望o左窗口o個邊……所以見唔到我……兼且竟然唔見到佢行返班房啦!!!!
飲晒成枝土服苓耶……
最好笑係細家姐問Michael，四「兩」即係有幾多，佢唔明，我話「十進制對返即係幾多?」佢諗o左好耐，又話唔好叫佢咁早計數，最後佢o既答案係「四兩咪就係四兩囉」……好答案!!!我地勁無奈啦……
呢班真係有好多接收能力慢o既人……阿娜、Mandy、露比、蘇菲亞……露比就唔識聽完之後記o左先至再寫返落張紙度o既……係咁問返我轉頭……一個唔聽書o既人都答到佢……
蘇菲亞遲o左成堂返，不過一睇佢對鞋，就知佢無帶衫啦!!!睇o來佢以後都唔諗住做o架喇……貝琪仲提我話要「XY佢Z」囉……<因為係我之前講過o既>

之後Jette堂起身Greet佢o既時候又見到佢行過……佢今次o係第一隻窗度望入o來，終於見到啦……不過o個時我笑梗啦……
仲有一次都係咁行過，好似都有望到耶~~~
部手機俾我掛電話繩o個個位終於斷埋最後o個條啦……無奈爆!!!
唔記得講開咩，Jette話要整返o個「東京大屠殺」<好似係報復返南京大屠殺喎>又話伊拉克係應該整o個核彈落日本囉!!!聽完之後心諗「你敢丫喇~!?我仲唔即刻同你死過~!?」之後又話要歧視日本人、又話其他o野，蘇菲亞即刻同我講「你仲話要嫁個日本老公o架喎……」只有苦笑啦……好彩當時Alex佢o地聽到要歧視日本人o既時候應該無望過o來喇<因為佢係嗌我日本人>……不過我想話：我嫁唔嫁日本老公都無所謂o架!!!我只係想住o係日本o乍!!!
Recess o既時候唔見佢出o來，但就聽到佢班o的人係咁拎住Check In張紙o係度讀「いらっしゃいませ」，佢o地今日先Test啦……
放學o既時候行過佢o地班，點知只係企o係度Goodbye，佢有望到出o來，不過我無戴眼鏡，所以睇唔清楚佢啦……相反今日佢就有戴眼鏡啦~~~~
今日係咁同露比&蘇菲亞講佢Interview得o左，佢o地都替佢開心啦~~~~~~
終於知道次次我豎起中指時，貝琪都拎o來擋住我o既o個兩隻手指尾，原來一隻係解「だめ」囉……兩隻咪就係加倍之嘛……聽完之後我同艾美麗都o係度笑……

o係樓下轉彎位度，又見到兩位俊男，太郎行過我o既時候o係度問我係咪去Camp囉……我都只係揹o左o個背包o者……又邊忽似去Camp呢~!?不過我都同佢玩，話o係飛鵝山見囉~~~~
陪蘇菲亞去o左漢陽苑訂位，Lunch都叫平啦~~~~~夜晚9.30p.m.之後去都平~~~~攪到我勁想去食啦……
講開佢去做Trainee會做邊個Pose，做Waiter o既就好喇~~~~~我一定會去食o野~~~~~但係睇到o既應該係佢整扁o左o既頭……我o地都覺得佢似係做Waiter，因為佢夠高~~~^^
之後去到金聲戲院o個間小食店，諗梗買咩o既時候，竟然見到班o個個玩空手道o既女仔啦!!!佢又o係度買o左o野食，傾o左一、兩句之後都分道揚鑣lu~~~~~
行多陣就返屋~~~~~不過搭倒頭車o既時候勁囉，o係紅磡o既時候諗住架火車係去羅湖，頭先去到九龍塘先知係去大埔墟!!!扮晒淡定咁落車，再過對面真搭過囉~因為九龍塘站都開始多人返大陸啦……

收到o個Toro墊板同散子包喇~~~~~~~~勁得意~~~~~~~~^^
諗住開返自己o個Yahoo!相簿，點知唔記得自己o個Log-in Name，唯有開返我同L o既Icq History睇囉……然後又o係肥明o個相簿度擺o左o的英皇o既相落去~~~~
終於答o岩Sina o個尋寶問題喇~~~~~有一條銀鎖匙耶~~~~~~~

玩o左阿羊Forward過o來o既測驗，其實呢個之前都玩過o架喇~~~~但係睇到篇文章o既時候又忍唔住笑o左出o來，但我竟然「發雞盲」，將第二個異性名填o左「露比」啦……真係對佢唔住……不過歌o個方面就好似矛盾o左少少啦……我對佢應該係「決定愛你」o架喎!!!唔……我先唔會愛露比啦!!!>.<
『佢佔據著最重要的位置，你對佢的感覺用 一支煙的時間 這首歌來形容再好不過了。你相信這是上天安排的緣分，因為你深深的愛著佢。 對於 露比 ，也許是宿命吧，雖然你也喜歡 露比 ，但是你們註定不可能在一起，就象 決定愛你 中唱的一樣。
一起去看日出 這首歌最能代表你現在的想法。 Journey 這首歌代表你對生活的感受。』
Forward o左出去俾24人以上，願望係咪真係會實現先~!?之前玩o既另一個，都開始有少少準~~~~可能因為真係最近自己都「盡量」保持住開心o既心境~~~~~~

睇報紙，「凶氣の櫻」o既廣告都仲係咁細張……不過有講菜菜子姐姐大肚o既o野，究竟佢係咪真係大肚o架~!?而且張相係用我最鐘意o個個「生茶夏之限定篇」o既相~~~~~~好o野~~^^
o係百佳買3盒家庭裝Haagen-Dazs，寄返收據去，就可以有一對聖誕熊Bear Bear囉~~~~~超想要!!!><但係要$100……而且又限量100名……講開，我今年又想去食佢o個朱古力火鍋喇……唔知今年有無呢~!?再唔係去Rosedale都好~~~~;p不過Christmas都輪到我去做Trainee啦~~~~~
阿媽同o個兩件差唔多成4點幾先返，原來去o左拎回鄉證啦……
原來石仔唄o個首兒歌叫「一點一點愛」，不過o係WinMX無得Down喎!!!我都為o左L，而Delete o左我o既瀧澤以前上o既MS去俾位Down啦!!!><點知，竟然無人有「Message」囉……算!!!Delete咪當拎返o的位出o來囉!!!
打o左成個下午先打完尋日o既日記……期間當然有時去o左做其他o野啦~~~~~~
o個4LyRic終於Up o左o的歌詞上去喇~~~~~~有「Me Against the Music」~~~~然後見到有「Fighting Temptation」，Down埋返o來聽~~~~~~~不過Beyonce唄o來唄去都係o個段……有o的無奈o者……
順便Down埋「Lose Yourself」，真係唔係成日跟到……
阿細突然慘喊，真係喊得好悽涼o個隻，但係阿大又話無打佢喎，最後阿媽出到籐條趕佢入房，阿細係咁喊住話「唔好打」，佢喊完之後出o來……不過聽到阿細咁，就諗起以前o既自己都係咁……俾阿媽用籐條打……
6點幾就落o左去買外賣，原來尋晚食o個o的京都骨係o係村o個邊o個間買o架啦……

食飯o既時候，阿媽同我講，今日佢兩個要見家長，佢o地o既英文評估只係得D!!!叫我多o的同佢o地講英文喎……不過，佢o地宜家先低班o乍喎……咁快學Autumn、Table、Pillow好似快o左好多喎……
阿媽問我邊間o的京都骨好味o的，我話兩間各有各好啦……彩星o既咪o的汁好味，村o個間咪因為用豬扒，咪多o的肉、少o的骨囉~~~~
佢兩個o係度爭菜食，阿媽咪o係對落o個件度拎返一、兩條俾佢o地食囉，點知佢即刻黑面囉……講真，你食少一、兩條又唔會即刻變醜o既，駛唔駛咁呀!?
阿Da終於記得我係邊個啦……心淡耶……

沖涼o既時候諗到有咩方法可以問佢而且又會知道o個答案喇~~~~等我聽日或者後日試o下先~~~~~:p

諗住Delete返上過自己日記o的紀錄，點知俾我發現一樣o野喎!!就係對落o個件竟然上過一個叫做「Sex in War」o既網，見佢無Delete到o個Record，咪上去睇o下囉……簡直就似以前日軍進駐中國時咁啦!!!!哼~但願佢真係唔覺意上o左o的會出o的咁o既廣告o既網啦~如果係轉登上o既話佢仲唔死~!?佢都已經唔係第一次俾我發現到佢上呢o的網!!

成日都唔見佢Online，諗住問佢o野o架嘛!!!但就上o左Rosedale o個網~~~~^^

>>November 24, 2003 at 1:52:36 AM GMT+8

2003 年 11 月 12 日 星期三 【晴】

尋晚發夢，佢竟然上o左o來801同我o地一齊上Winnie Leung o既Computer堂!!開頭都好似平時咁o既，不過我出完去，同佢傾完計，佢就跟o左我一齊上電腦堂耶~~~~仲坐o左o係我隔離<阿娜被逼坐o左o係後面啦>用同一部電腦!!!好明顯o係咁o既情況之下我就已經無心機上堂啦!!兩個咪係咁細細聲細細聲耳邊傾計囉~蘇菲亞佢o地見到都忍唔住笑!!!><問o左佢鐘意咩顏色，佢又話唔答我住，落堂前答我。所以都無o野咁繼續傾計，不過到落堂o既時候，一齊出班房，問多佢一次，佢竟然唔講俾我聽!!!之後就醒o左喇……=_=;;點解要發o的咁o既夢~!?

斷o左o既水晶只係袋晒落裙袋就算，點都要拎o來傍身o既~~~
執o左尋日收到o既窪塚DoCoMo宣傳冊子o係File第一頁度~~~~費事整皺啦~~~~^^
都算準時咁返到去，買o左本「新少年」，今期o個「魔法老師」封面我幾鐘耶~~~~~
o係地鐵度見到Yuki同佢o個Friend，想開口問佢男朋友尋日Interview成點啦……
去o左萬寧買彩虹糖，不過得返Sour o個隻，都算喇，照買!!
上樓梯途中，Yuki佢o地見到我o係佢o地後面，都好Surprise!!!

行過Tracy部機，我叫佢「Reception姐姐」啦~~~~~佢就即刻坐到勁好、勁有禮貌咁同我打招呼啦~~~哈哈~~~~~
部電腦唔知做咩事死o左，所以就調o左去Alex隔離再隔離部機度~不過o個Space Bar制都有少少問題啦……已經凹晒落去……好彩都仲叫打到……
Sakura又帶o左魚仔餅~~~~食o左一粒~~~
Kenneth想調過o來o架，不過因為我隔離部機據Alex所講係Print唔到同埋入唔到Floppy，所以佢只有死死地氣咁用住阿Ling o個部~
但係原來連我o個部都Link唔到去Printer o個度，所以又要麻煩哥哥幫我攪攪~~~~
派Test測驗，講一次o係扣5分囉~但係我仲好遊閒咁食糖~~~同睇o下擺o左o係地下o既窪塚~~~~~~不過見到第一題要Intended Paragraph，唔明，諗住問Alex，但係佢唔應我耶……所以唔理，照打!!!
打打o下，o個Space Bar真係死o左!!好彩Winnie Leung肯幫我整o乍!!原來入面黏住成舊香口膠囉!!!要出到士巴拿去撬走舊膠，都算有返o的反應啦~~~
Leo第一個打完~我差唔多第三、四個度打完，但又要等埋露比，兼且又唔想俾Winnie捉住默Purchasing，所以就拿拿聲出o左班房先算!!!因為當時佢已經開始捉住o的打完o既問佢o地駛唔駛默囉……
聽到好多人話可唔可以做埋o的功課，我都其實有諗過自己駛唔駛，因為我交過o既功課真係少到爆……但係最後都係算!!
同露比出o左班房，佢問我o地宜家去邊喎……諗住打俾Leo o既時候，就俾我見到佢同Ricky一齊坐o左o係人o地「立入禁止」o既地方度，所以我o地就走埋去吹o下水~~~
測完個驗，都唔駛用Floppy o既~~~~~不過聽小明話佢實行Save起自己o的答案，成隻Floppy俾o左Kenneth囉……掂!!

落到樓下等蘇菲亞仨，一路行就諗去邊度食飯，最後決定我、露比同蘇菲亞就去食車仔麵，佢o地就去食雲吞麵~~~~~去o左有新鮮果汁賣間o野威度食，我都只係食o左矮瓜同埋煙肉腸、露比竟然會食車仔麵啦!!!而蘇菲亞就嗌o左<好粉o既>小丸子食~佢o地兩個仲嗌埋芒果汁啦~~
食完o野只係抄o左少少，蘇菲亞就提議走，話o的人都唔係咁鐘意……話早o的返上去繼續抄喎，反正都係擺o係膝蓋度抄……
去o左HSBC叫蘇菲亞幫我用轉賬o既方法入錢~~~~第一次見o乍!!!*0*因為旺角o既HSBC有櫃檯服務o既少之由少，只係得太子o個邊o個一大間，兼且又唔知金聲前面開o個間有無櫃檯服務，又唔想去排隊喎~~~~所以呢個係最好o既方法~~~~但又唔記得我o地應該係揀要有通知書喎……
今日都真係開始暖返o的~~~~~~件衫都只係一路掛住o係書包度就得~~~~
過馬路o既時候，蘇菲亞見到我仲貼住佢當時寫俾我o既「隨緣而安吧!」Memo，就o係度話我做咩唔Throw it Away，然後露比問咩事，蘇菲亞就解釋俾佢聽囉~~~
上埋11樓影印，兩個人影4份16張都只係$2.3 o乍!!!超平!!搭o個部(車立)我又當然有玩啦~~o係o個度o既電視見到竟然亞視做「Pokemon」囉!!!我同露比都唔太鐘意啦~~~~~至少亞視o的配音無TVB咁好……

爆爆爆開心~~~~~~~~今日佢要去Interview，已經諗住見唔到佢o架啦。點知返梗上去時，佢竟然只係o係前面!!都係因為蘇菲亞同我講話見到前面o個人好似佢，所以就o係地下跑樓梯都要跑上去啦……結果o係2樓樓梯o既轉角位度見到真係佢!!但係佢望唔到我，只係佢旁邊o個女仔望住我。不過都無講咩，我就只係o係度等返蘇菲亞同露比。我就同蘇菲亞講真係見到佢，但係蘇菲亞就話見到佢身邊o個個好似就係上次o個個，仲話佢撓住佢條頸囉~不過我唔介意~~~~~^^佢今日無戴眼鏡耶~

上到去，擺底晒o的o野o係樓梯度，就開始唔想做改正lu……所以決定去行陣先~點知一行到出去，佢咁o岩就o係班房度出o來，不過左手就拎住枝o野，右手就拎住其他o野，佢擰轉頭，見到我，打o左招呼，我就問佢幾時Interview，佢係話「今日」，我咪即刻話「我夠知啦!廢話!」見佢上o左去，我都算，繼續去Toilet行返轉。返返去樓梯口，我都仲係繼續o係度hea，o係度玩梗把掛牆風扇，見到佢同班女同學傾傾o下計突然蹲o左o係地下度，之後班女仔就o係度攪佢o個頭，即刻見到都當見唔到繼續擰把風扇。
點知佢o係度「喂」o左一聲，之後繼續行過o來囉!!我就對住把風扇明話「無名你嗌o架?」佢行到o來我前面，係咁攪住自己o個頭問我係邊班o既學生會代表，不過聽完o個答案之後佢好似有o的唔知點咁……之後佢就問我o個頭掂唔掂，我一句就話「唔得啦!」佢就話「我專登整平晒喎，佢話要扁o架嘛!」「我知呀~你之前o個頭係專登剪到鬆起晒o架嘛!」「係呀~宜家唔得咩?但係Miss話掂喎……」「梗係唔得啦!!個頭呢度要……」就o係我想伸手整佢o個頭o既時候，佢就想縮「咪郁啦!!幫你整呀!!」佢唔掂都係因為o個分界，所以就幫佢執返一、兩條頭髮落o來，佢又以為我o係度整返鬆佢o個頭，又o係度還原返o個頭。問佢去邊度In，佢竟然去珀麗啦!!不過之後佢問我「知唔知o係邊o架?」「Rosedale on the Park丫嘛!咪o係中央圖書館、大球場o個邊囉~」「銅鑼灣?」「上次Walkathon行過見到o個間，出面有勁大隻字寫住”Rosedale” o架!!好易搵!!」
不過露比就話唔係大球場，o個個係Victoria Park，一時講錯o者……之後都幫佢整o左一、兩次，但都俾佢還原，我咪直情話佢囉「你唔好攪啦!!好好地幫你整好o左，你又攪……」「要平o架!!」「我知呀!!咁但係你分界唔掂呀嘛!!咪郁啦!!」聽到之後就乖乖地俾我整返好去~整完之後再問我「得呀嘛~!?」「得呀!!你唔好再攪呀o下!」之後佢就返返班房lu~~~~~
蘇菲亞就即刻問我「開心死啦~!?」「係呀~」然後又俾露比話「你快o的抄o野啦!!!又咩都未做……」

抄完o野，因為露比話凍，所以我就係咁跳高去拍歪把風扇，拍o左幾o下之後就開始驚自己o的手指會斷o係入面啦……但係拍完之後，手臂又扯親、o的手指又係黑色o既……所以就去洗手~蘇菲亞要抄4次竟然都快過我呢個只係要抄兩次o既人……唉~~~係咁俾艾美麗佢o地話……
講開隔離班o的o野，睇o來我o地都唔似最嘈o個班啦……成績都可能會係我o地好o的添呀……
o的人都陸續咁返o來，見到Steven好舒服咁攤o左o係樓梯度，就問佢聽梗咩，竟然係Eminem啦!!!所以就借o左一邊耳仔o來聽~~~~~~佢之後仲叫我成部拎去聽，問佢係咪Eminem Show，佢就話係雜錦，8 Mile o既都有，聽到之後雙眼發晒光啦!!!即刻梗係問「Lose Yourself」o係邊，知道之後就梗係即刻按去聽啦~~~~~~~呵呵~~~~聽到超開心!!!好耐無聽過耶~~~~~
拎住部機去買o野飲，買o左包大o既Lemon Tea~~~~~~佢應該見到我聽住o野啦~~~~不過硬係覺得拎住部機o係手怪怪地咁……返到去，只係擺o左o係地下，蘇菲亞就問我係咩o來o既，我話「做Gym o岩晒o既歌」，佢聽o左一陣都係「話喎」，聽o左兩次「Lose Yourself」+半首Track 2，就俾返部機佢~~見佢好似好悶咁……
蘇菲亞見我買o左包o野咁耐都唔飲，就問我，講完俾佢聽之後佢話唔駛Waste錢o架!!!所以我就硬拉o左佢同我行一趟~~~~~扮去到702同阿娜佢o地傾o左陣計，但見唔到佢~;p不過我o岩o岩又蠢o左，唔記得問佢……但係蘇菲亞話我唔應該問呢個問題，應該問佢隔離o個女仔囉!!!唉~~~~~算啦~我成日都係咁o架啦……要問o既o野，到當時就會唔記得o架喇……佢都講中o左啦……我的確係唔識把握時機o既……不過對於我o來講，我都係覺得我個問題重要o的o者~~~~佢係咪都無所謂啦!!!

入得班房，見到Sakura係咁望住樓下o的細路，個個都叫佢生返個囉~~
班房勁污糟啦!!!特別係我o地o個行啦!!!攪到我o的潔癖都開始出返晒o來……
因為仲未入到去坐，所以就拜託Leo幫我拎擺o係入面o個櫃上面o個份報紙，拎o左o來之後我就講o左句「唔該」，佢竟然係伸塊面過o來，不斷咁用隻手指住自己塊面喎~所以我就扮錫o左就算~~但係佢收到之後o係度打冷顫囉!!!都唔知咩意思~!?雖則我真係有諗過用手貼上去就算，好彩我無咁做o者!!!
上o左一堂英文堂之後，就見到佢同班o的女仔一齊走，佢o地宜家先去In啦~~~~~資詢過蘇菲亞之後決定Send Message俾佢，都係講返o的o岩o岩無講o既o野啦~~~
睇報紙，呵呵~~~~~~~~竟然有講「凶氣の櫻」耶~~~~~~~~~而且仲有窪塚個樣睇添呀~~~~^^開心死~~~~~雖然佢呢個Skin Head Look係我唔Buy之一，不過有戲o係香港上，點都要睇o下o既~~~~~~~
Alex突然問我屋企養唔養得貓，我o個度都只係唔俾養狗o者<廢o既，都無人理!>，佢話今日去食o野o既時候o係靈格風o個條後巷度見到一隻好細隻o既貓仔，好細隻，話佢好慘喎……不過最好笑係佢話「連13哥都覺得慘呀……」咁咪即係話平時Ricky份人好冷血~!?我話「你又唔執返o來?」既然佢都話可以o係o的報紙檔度執o的紙箱返o來俾我袋起佢……最多都係唔知點上堂同埋點搭火車o者……但係佢o地又話有o個盒，唔梗要喎……Leo仲叫我俾隻貓訓我張床囉!!訓唔係一個問題，但要明白：我訓o既係上格床!!我驚隻貓會跌落o來o乍!!!
同Alex &阿娜用普通話講「我今天很開心耶~~~」佢o地就問我做咩咁開心，我就用答「ひみつ~」阿娜就問「即係點解呀?」「秘密!」之後Alex就好似話「人逢喜事精神爽」
最近o既David堂都上得好開心~~~~~因為有阿娜俾我同Alex笑~~~~~~~今日阿娜見我o地唔答佢問題，所以就問大家姐，我就叫大家姐唔好理佢，點知阿娜講完之後，大家姐都唔知佢講乜，即刻笑到我同Alex死o左~~~~
同Alex兩個突然變o左Rapper~~~~Alex Rap o既係中文啦~~我Rap o既係英文~~~~~
之後仲作o左兩句英文Rap俾阿娜，不過佢o地睇唔明啦……心傷死……

上上o下堂o既時候收到L o既電話，打o來竟然係叫我打去搵Apple囉……聽完之後幾無奈……佢去銀行得閒唔係打我，而只係打o來叫我搵人……不過想到佢把聲都估到大概係咩事啦~~收到線咪打去Apple度囉，又唔聽電話，再打返去俾L，俾佢話我Send Message俾佢就得……無奈!!!無幾耐之後Apple打返o來，佢聽到係L搵佢之後都變o左少少聲啦……咁就更加知道發生o左咩事!!
咁多電話，我仲以為係佢Send返Message或者係打俾我添……害我空歡喜咁多次……
Kenneth上堂時問大家姐知唔知「男性性器官叫賓周」、「西點解係叫西」囉……見大家姐好似有答案咪問Kenneth，點知原來佢都有唔知o既……
之後o既默書會改o係逢星期四囉!!!又係時候轉Timetable喇~~~~~~~~
Ricky問我係咪有隻碟o係我度，叫我燒完之後俾返佢，我都真係唔記得o左耶……
Rosa突然叫我，話同我調時間喎，不過唔知之後Momo佢o地同佢講o左o的咩之後就算lu~~~~問o左有o的咩人都會係C o個段時間先返，聽完之後，Kenneth就話「你一定會好辛苦o架!」我就問點解啦，佢就話因為佢、Momo同Kaka都唔會做o野，廢人咁喎……

Recess o既時候見到Yuki o既男朋友，就問佢In成點啦~佢都得o左耶~~~~~~~做廚師都幾襯佢啦~~~~~咪叫佢俾心機囉~~~~
上Roberta堂，今次就講o下o的恐怖o野啦~~~~~~雖則都唔算好恐……不過Ricky同Leo就好似聽上癮咁啦~~~~~係咁問仲有無……不過我都係唔明點解係要夜晚先派Fax……
講開Miss o個阿哥，Yuki就突然o係度問佢阿哥幾歲，我就話「你對Miss阿哥有興趣呀?我話俾你男朋友聽o架!!」佢聽到之後即刻笑住咁話唔係佢有興趣，而係Leo囉!!!但Leo又指去隔離同前面話係Ricky同佢隔離o個女仔有興趣~~Roberta知道之後又問多次邊個有興趣，佢o地都係咁指o來指去啦……
Roberta竟然o係度爆David Chu o的核突o野啦!!!話佢咩用手指「了」完耳仔之後擺落o個口度喎……聽完都覺得恐怖……之後露比問我，David Chu同Social Ethics o個Sir，揀邊個喎……我話，我寧願要Roberta好過……露比都同意!!
上上o下堂，唔記得同Leo講o左o的咩，佢又伸塊面過o的，又指住自己塊面啦……不過我無理佢喎~~~
隔離班放學之後有o的o係我o地班房門口等啦……Roberta之後同返我o地講，竟然有個女仔In都未In就已經喊定咁話唔想落樓下賓館做囉……聽完之後都好無奈……佢仲話因為佢知道酒店o既要求，所以都大概知道酒店會唔會請o個個人，勁想問佢我得唔得啦……
考完試之後就開始上四星期o既Tutorial Lesson，應該連日文o個o的都會少o的堂啦……終於可以上Wine & Bar同Cookery，但係煮o左o既o野俾唔到佢食……有少少唔開心啦~
講埋o的Tips就走得~放早o左5分鐘!!

行落去旺角搭火車~~都只係用o左20-25分鐘之嘛~~~~
入到自己間房，勁臭啦!!!我都頂唔順呀!!都唔知佢o的同學點頂!!!有止汗劑o既o係屋企都噴o下啦!!!影響市容……
食完飯，L就打電話o來，佢竟然出o左去沙田啦!!
終於有得用電腦，但都已經係8.45p.m.o既事!!!頂!!佢平時每晚都已經對住部電腦4個鐘啦!!!我只係得1個鐘至個半鐘o乍!!!咪o係度嘈佢囉，佢竟然係話「我今日6點幾先返o來o乍喎」
上o左陣網，就o係度睇「Animatrix」，今次播o既係咪「攻殼機動隊」o個畫家&Director負責o架!?o的畫風同埋背景&表達方法都好似……特別係o的人樣啦~~~~
見到佢On o左，就梗係問佢In成點啦~佢都得o左耶~~~~~~~雖然會見唔到，但都唔算唔好o既~~~~~不過佢都只係知道會o係西廚o個邊做，但唔知係廚師定係Waiter~~~不過佢咁高，都似係Waiter o架啦~~~傾傾o下，佢問我想做邊個Pose，我咪話「廚房囉~最好係餅房啦~」佢睇完之後係話「你就想啦」，越講越開心啦~~~今次傾得都算耐~~~~~
多謝佢o個句「so what」，雖然o個”what”字打錯o左，但係睇完之後好開心……唔知點講……

我沖完涼出o來，對落o個件竟然仲修o係電腦前面唔諗住走囉!!!要我企到咁上o下，佢先話「等多陣，好快o架o乍!」聽完之後勁想串佢「等得你o來，都已經夠鐘熄機啦!!」
夜晚睇埋「Monk」就去訓lu~~~~~~~
P.S.睇到佢Info，佢竟然會話食唔到煙係正o既……睇o來佢都真係好似戒到喇喎……希望係啦~

>>November 24, 2003 at 1:51:20 AM GMT+8

2003 年 11 月 11 日 星期二 【晴】

今日要返去補課，阿媽都奇怪我點解咁早出門口，無啦~0940就要上普通話喇喎……買o左本「3周刊」，結果入面唔係講織o野……無奈!!20分o既時候露比打電話o來，聽把聲我仲以為係阿Yen啦~講o左勁耐我先問佢係邊個。佢又係o既，駛唔駛咁早就返到呀~!?宜家咪o係度問我o地o係邊度上堂囉……又話學校一個人都無……叫佢落樓下等，佢又唔肯……
竟然仲有報紙拎!!!而且今日o個份仲有華仔interview耶~~~~~~~~好鐘意佢o個句『跑最後的人如果仍努力完成比賽，觀眾就會向他鼓掌。』
我同佢o個星座運程，都差唔多啦~~~~~^^
o係地鐵度見到C班o既女仔，即刻問露比見唔見到佢，不過佢話見唔到……
o係斑馬線度撞到Wallace，佢以為今日只係得我o地要返……

上到去，一路行過701 o既時候，諗住望o下佢返o左o來未，點知竟然俾我見到Leo件好搶眼o既白色Real Madrid o既褸，再睇清楚o的，我o地班o的人都o係入面!!但係Wallace已經打開o左702度門囉……望都無望佢返o左o來未，就拿拿聲拉住佢!!
入到去，坐o左o係門口前面第二行，去o左Toilet，返o來o既時候都見到好多我o地班o既人去o左702啦……仲有個諗住入埋去添!!!同露比佢o地傾o左陣計，一路望住o個窗口，終於俾我見到佢行過!!都係同個女仔啦~佢今日有戴眼鏡耶~~~佢明明已經o係門口隔離隻窗度見到我，但都仲要開門入o來，哈哈~~~不過佢一開門，見到我o地，就定o左o係度，我就話「你入錯班房喇!!囉爆!!」佢無講咩就走o左，阿娜見到就問我識佢o架咩!?

阿Ling返到o來，就同我一齊行去買o野飲，佢同我講話今日見到佢o係地鐵度等梗人咁樣，所以就走埋去打招呼，仲夠膽問佢係咪等梗女朋友囉!!不過佢就話唔係，只係等Friend o乍喎~~然之後阿Ling又話「我班o的男仔都覺得你好高」佢竟然話「我有o的Friend仲高!」又話自己打排球同籃球……o係廁所出o來o既時候阿Ling，阿Ling話要同我講樣Bad News，唔知點解o個刻我會估到係咩事!佢話佢唔知我叫咩名囉!!真係同我估o既一樣!!我咪話「我知丫~」其實都估到佢會唔記得o既~~阿Ling話又問佢係咪成日同我傾計，不過佢唔知我叫Kimi，所以阿Ling就話D班o個班代表呀!佢聽完之後話「乜佢叫Kimi呀……」「係呀!」「都有一、兩句o啦~」

測測o下驗o既時候，竟然見到佢經701行返去702囉……測驗o既時候仲係咁睇露比份卷囉~兩個都o係度笑……
考埋o個口試，都只係1100，諗住去McDonald’s買o野食，不過買之前都o燧出面走廊hea o左陣先~但係都見唔到佢坐邊……
落到樓下，見到兩位俊男，佢o地竟然去海皇食粥囉!!
跑落去旺角，竟然咩都無得換囉!!好彩o個阿姐一早同我講聲o乍!!慢慢行返上去，因為無帶手機，所以唔知時間，雖然之後只係阿May堂，但都費事遲，所以無過埋佐敦o個間，o係加油站買o左吞拿魚蛋沙律三文治就算，o係門口仲見到o個男仔幫手搬o野，佢見到我都好Surprise啦~~~~
行過報紙檔，見到今期「一本便利」，佢封面竟然寫住「潮女興著Boxer」!!!我心諗：我上兩年都已經開始著Boxer喇喎……宜家先興~!?遲唔遲o的呀~!?
上到去，佢o地都好Surprise我咁快返啦!!
食之前同阿Ling &子瑜出o左走廊傾o左陣~
睇住Kenneth讀，簡直就係爆笑啦：讀”N”音要按住o個鼻囉……!!
o係佢上日文堂會坐o個張檯度寫o左o的歌詞，都覺得自己癲o左o的啦……
食梗o野o既時候，佢o地就落堂，見到佢行過，但無直接望過去……

過返702上堂，不過好多人都落o左去食o野，只有幾丁友，阿May就派Notes俾在場人士，我咪順便幫佢派埋俾班o的人囉~
出到門口派Notes，見一個就派一個，自覺同一個派梗街招o既人無分別，所以就索性扮o係潮流特區出面o個o的成日見到o既阿太咁，見人就派<班o的人>，仲要話「歡迎光臨，示範單位o係樓上~」再唔係就「隨便睇丫~」大家姐佢o地開頭聽到都o係度笑，仲問我收幾多錢囉……露比仲要同我爭派添啦，都係我贏o左!!但係收o個o的人之中，只有太郎肯同我玩……入到702，環視四周，問我有幾多尺~我係答3千尺!!<笑>
派派o下o既時候，見到有個高高地o既人o係汽水機前面，而且手袖仲要係灰綠色，都估到係佢o架喇，之後佢拎o野o既時候係咁望過o來，我咪仲同露比係咁玩日文對話囉~係咁講「いらっしゃいませ」，佢一路行過o來一路插梗o個大盒Lemon Tea飲管問「普通話o個條撚樣呢?」「你再大聲o的呀!!o係度o乍!!」「有乜所謂~!?」佢見到阿May o既時候都有嗌「Miss」~
終於都見到佢件衫係Mizuno o來o架!!

上堂，阿May都俾o左好多Tips，但都仲要溫好多o野……想死!!而我都係得閒寫o下一、兩句咁啦~~
再直踩去Fini o個堂，開頭仲以為可以唔去海洋公園，不過最後證實係唔得，Steven同Leo見我未俾錢，就以為我話唔去囉，超無奈……但有5個人堅決話唔去啦……攪到Michael想鬧人咁滯……Fini仲以佢o既「第三者」身份去睇件事囉……
上完之後Shift o左去隔離802上，我o地一打開o個櫃桶，入面勁多垃圾囉!!!聽到佢o地o個個咁講，自己o個個都唔敢打開……
等o左三、四個字，湯Sir先o來囉!!!係咁食盒麥提莎~大家姐又爭埋一份啦~~~
咁o岩一擰轉頭，見到Tracy講o野o既時候勁似一個Reception姐姐，所以就同佢講啦~佢話「唔係呀嘛~!?」我o地叫佢扮多次，其他人都覺得似啦!!!
上到1615，就走得，但係行晒7樓同8樓，都唔見C班o的人，佢o地唔係要考普通話o架咩~!?
陪蘇菲亞去o左買凍小食，期間見到貝琪啦同Mandy啦~~~~又睇o左o的快譯通，部V Learning真係唔差o架~~~有埋日文、法文、西班牙文字典!!!但都要$3000……
又去o左實惠睇o下同一部o野會唔會Discount，終於俾我見到L講o個部Sony Ericsson新出o個部機啦……但係外形根本唔討好!!!!

落o左旺角同太子，只係為o左搵一間有新幹線換o既McDonald’s……行晒沿Nathan Road見到o既，都係無。之後諗住走，但係諗諗o下，都係再落過佐敦同埋去先達附近o個間睇埋，但點知o係Delifrance出面去火車站天橋條馬路度，俾o個打對面行o既阿叔撞跌o左條水晶!!!已經閃梗燈，我行左邊，佢又同我一樣，咁我咪唯有縮起手護住自己心口囉，點知就係咁俾佢撞跌o左!!!又唔講唔好意思喎!!!而且仲要o係已經轉o左紅燈，o的車都就駛出o來!!!我都唔知執邊粒先好……好彩有位男士幫我用腳頂住一粒就跌落坑渠o既，開頭佢都幫我頂o左一、兩粒，而且仲有猶豫過用唔用手執，結果佢只係幫我用腳頂住，而我都唔理走光，蹲o係地下度執o左先，但係o係坑渠o個粒最後都係跌o左落去……因為我同佢o既Timing唔o岩……睇住佢跌，都救唔到……數o下得返幾多粒，又少一粒……o個刻超想喊……
去完先達o個間McDonald's，o係o的巴士站o既廣告牌見到有窪塚「凶氣の櫻」o既Poster囉!!!而且仲要係得一張o乍!!!睇到佢話聽日上囉!!!超想去睇!!!Send o左Message同L講~仲講埋跌斷o左條水晶啦……
o係對面馬路行過「Cheapy」門口，一抬頭見到佢門外面掛住張有竹內結子同埋Goro o既電影Poster囉!!!即刻望多幾眼~~~~~不過你唔覺o係香港突然有竹內結子同埋有SMAP成員o既Poster佢好突兀o架咩~!?
落到油麻地入面o的屋村，就得返Hello Kitty囉~無奈……佐敦o個間都係，兼且見肚餓，所以就買o左o的o野食啦~但係竟然俾我見到有個細路拎住一個未開o既新幹線，超想問佢係咪頭先先換返o來!!!最後都係打俾蘇菲亞，叫佢幫我睇o下長洲仲有無~

買o左「新假期」，但係條海豚都唔靚o既~~~都係上個星期拎o個「招職」入面影o個條靚o的，得意o的~~~~~~入面o個星座，天秤座講o既，同今日o係報紙睇o既差唔多，仲要係對應o架囉!!我同佢o個星座講o既o野……但係我會唔會真係約佢呀~!?唔好玩啦!!雖則佢o個個都有o的準~~~~~~
行返落旺角搭火車，途中蘇菲亞打o來，長洲有囉!!!而且仲可以淨買玩具，所以就叫佢幫我買，早知就唔駛咁行o來行去啦……而且仲唔駛跌少粒水晶……=_=;;

哈哈~~~~~~~~~~~俾我估中o左喎!!!
原來o係拍賣場除o左可以買o野賣o野之外，仲可以撞返o的舊同學耶~~~~~~~~
因為我o係拍賣場買o左條Roxy頸鍊，o個賣家Send返E-mail俾我時見到佢o個名竟然係"Rhoda Sin"!!!已經心諗唔係咁o岩呀嘛~!?之後再睇清楚佢o個E-mail Address，有"Da"呢個字，仲唔係佢~!?
所以覆佢o既時候都係問佢係咪Hoper，o岩o岩Check E-mail o既時候，係真o架囉!!!佢都問我係咪Ex-hoper~~~~^^

俾人問o左一個好變態o既問題，真係變態到我都接受唔到!!!個個都知我思想開放o架啦!!但係都接受唔到!!!其實都唔算真係接受唔到o既……係因為知道會好痛囉……太痛o既M我唔得o架!!!你話打o下Pat pat都ok……佢仲話要「捏下面」、「用力拉/捏下面粒o野」喎!!!仲唔痛死~!?輕輕力咁拉一拉下面、仲要拉住Hold一段時間都痛啦!!!更何況係佢話o既「用力」喎!!!所以叫佢呢o的o野搵SM女皇啦!!!!男朋友要求o既話都會要佢細力o的o既……但係陌生人又點會就住呀!?!?

遇到一個勁白痴，勁無Common Sense o既人!!A約o左人o係紅勵等，A就一定係住o係紅磡囉!!原來約人要約返o係同一區等，咁如果A住天水圍、我住粉嶺o既話，咁我o地應該約o係邊度等!?天水圍?我唔係住o係天水圍喎；咁但係佢又唔可以過o來粉嶺等我丫……即係個個都唔可以跨區拍拖啦~!?兼且住o係紅磡o既只可以約返o的同區o既出o來玩~!?係o既話就真係慘囉……咁返學駛唔駛返返同一區呀??仲要俾人串梗都唔知，以為自己估中A真係住o係紅磡囉……真係唔知佢點去酒店度做Placement囉……咁自大，咁死蠢!!!只係講o左句「你覺得係咪係囉」，就真係以為A住o係紅磡……小學生咩~!?小學生都唔信啦!!

>>February 28, 2004 at 9:53:43 AM GMT+8

2003 年 11 月 10 日 星期一 【晴】

又係時候要換04年Pizza Card喇~~~~~~~不過未有得睇o的咭係點……但係都會死去換o架喇!!!今年生日都無去Pizza Hut食啦!!!開頭又係話會去食……

返到班房，見到Wallace o係度抄Purchasing，先醒起今日要默Purchasing，仲要抄10次呀!!!露比佢o地聽到我咩都未做就o係度拍晒手囉……
而露比仲問我做乜揹背包，話唔好睇喎……我都係費事o的o野要搬o來搬去之嘛，而且又方便我掛衫~~~~~
之後Kenneth返o來，就即刻問佢抄o左o野未，佢都未抄啦~咁都好o的，最後兩個都決定唔抄!!!
再派過一份新o既考試時間表，都係因為之前o個份打錯o左時間o者……

上Social Ethics前，去完Toilet返o來，見到有人o係後樓梯度鬼鬼祟祟，所以就行過去睇o下啦~原來係Tracy同埋大家姐啦~~~~o係度幫大家姐條頸巾收冷~~~不過真係估唔到大家姐會織頸巾囉……Tracy話尋日食飯o既時候o個個見到大家姐o係度織頸巾都嚇o左一跳!!!所以我就決定去幫手~~~~又幫佢o地同自己去點名、又要睇o下到Tracy o個組Present未，o係701至702度行o左無所咁多次啦!!!點名就o係窗口度叫Sakura幫手，幾鬼祟啦真係~~~~有次行返去樓梯o既時候，都專登蹲低o個身，費事俾David Chu見到我唔駛上堂咁行o來行去……其中一次又笑住行返去702，佢又見到；有次佢Scratch住右邊眼附近，望o左出o來，咁o岩我又行返去班房，終於都打o左招呼啦~呵呵~佢有戴眼鏡耶~~~~~~而且仲著風褸啦!!!我都有著~~^^
但係條頸巾真係短o左o的囉……我同Tracy都覺得長o的好睇o的~~而且仲為o左打咩結而煩惱o左好耐……最後由我操刀啦……真係好大壓力o架!!!大家姐織o個條又係勁大o個窒o個o的喎，但係一個死結又驚o個結會穿過o的冷而走位，所以都打多o左兩個……

期間又見到有班o的人喎，我企o個度o岩o岩對住度門，我o地即刻遮住繼續整囉~~Tracy仲話我o地唔可以俾人見到……見到Steven、阿Ling同子瑜啦，好彩佢o地都無行過o來!!!
過o左差唔多半堂先返去~不過都好開心啦~~~~^^

夜晚收到Kore o既Message，開頭仲o係度諗究竟邊個叫「Yuya」，諗諗o下，可能係NewS o個個手越啦……因為之前睇過佢Info，佢都好似迷上此人也……

>>December 12, 2003 at 1:13:39 PM GMT+8

2003 年 11 月 9 日 星期日 【微冷】

o係地鐵度見到Steven同埋阿Ling，但係阿Ling就話要等埋子瑜先，所以我同Steven就兩個行先~佢今日件衫終於都o岩返佢身形啦~~~~o係斑馬線度撞到太郎，佢o地兩位男士就係咁傾計啦……
一返到去，見到露比揀o左門口o個邊o來坐，所以我就照坐返走廊位~~不過今次貝琪同艾美麗都照跟我o地坐啦~~~~~~
蘇菲亞真係無帶衫啦……佢仲造尋晚有打俾我，不過係打去我屋囉……應該偽我沖梗涼o既時候啦……o個o的時候就算有人搵我，阿媽都唔會同我講返o架!!有手機又唔打……Send o個Message o來都好啦……

訓o左都差唔多成堂，但就俾蘇菲亞睇到我訓覺流口水耶……訓得熟就係咁o架喇……所以我先會次次o係L屋訓都會係咁之嘛~~~不過好似係張紙濕過……明明我用件風褸墊住o架喎……唔通「過底」~!?
派返上個禮拜o既Test，得5分o乍!!!o的Short Questions一題都無答過耶~~~~~~所以就俾Winnie Leung叫抄Periodic Ordering Method同埋Perpetual Ordering Method 10次!!!我仲話「抄夠20次豪埋俾你又點話~!?」而且聽日仲要默埋佢囉……無聊!!我o地<都有幾多人係咁>先唔會早返只係為o左默你o的o野啦!!!
Send Message同L講，無幾耐就收到佢o既回覆，當然係俾佢話啦……話我無溫書呀……
不過再睇清楚份卷，原來第3題我識做少少o架!!!但係唔知點解當然睇唔到……

臨完堂Purchasing，Winnie Leung先話隔離班測梗驗，仲話之後就到我o地囉!!!個個都好似無o左件事咁……但無幾耐之後，又開始有o的人話「係呀……David話過呢個禮拜有兩日會測驗o架」……死啦!!宜家先講……又唔早o的諗起喎!!!Winnie又問我o地唔覺隔離班好靜咩?我心諗：佢o地上親David堂都靜o架啦……係其他堂會勁嘈o者……<除o左Jette同埋湯Sir o個堂都比較好o的之外……>
Winnie仲話今日早o的放我o地，等David可以即刻入o來，唔俾我o地同隔離班o既通水囉……不過我想話呢個世界有樣o野叫電話囉……唔見面，都可以打電話通水o架o者……要打通一個電話有幾慢~!?
David一入o來，就真係要測驗……仲要英文同埋日本一齊測，兩份卷o岩o岩好一堂做完……
好好人咁俾o左份日本卷阿娜同Leo睇……不過只限五十音圖o個Part，因為我只有o個Part最有信心……費事教錯人啦……見到阿娜o係度猶豫梗「hu」點寫，佢o個答案多o左一點，但係佢諗梗時寫出o來o個個答案係o岩o既，所以都專登寫紙同佢講後者係o岩o既~
但係唔知點解，佢打<可能係>份卷o既Cover o既時候，Bianchi係用片假名，但係Caritas就用平假名囉……超想舉手問佢點解……
而「1-year Certificate in Hotel Business」o係日文就變o左做「一年制ホテル經營學專攻課程」，o個名聽落勁幾多呀……「專攻」喎!!Pro爆啦~~~~~~哈哈!!

佢行過我o地班房兩、三次，不過有兩次都由o個開o左o既窗度裝o左入o來，阿Ling同埋蘇菲亞都見到啦……兩次都係去廁所o個邊o既時候望啦……而有一次佢行返班房時都有望，不過係望o個白板囉~呵呵~~~~~佢今日戴眼鏡耶~~~~~~~~
最後o個次連Kenneth都見到……佢係叫佢「高佬泉」囉……<但好明顯佢o個名係無”泉”呢個字啦!!>之後見到阿Ling同佢係咁傾，真係好想知佢o地講咩……<應該係講佢o的o野>

Recess時出o左走廊，見Steven咁悶就同佢傾o左陣計~之後見到阿Ling同埋子瑜應該係去完Toilet返o來，阿Ling一危到我o係度大嗌「Kimi」，仲要撲過o來攪住我喎，咁o岩我隻手墊o左o係佢o個胸下面，咪「順便」渣o左o下囉，佢即刻大嗌仲彈開，同Steven講我渣佢，又同子瑜講喎，不過我都係咁啦~~~~~~~佢就伏o左o係子瑜度，阿基同佢班o的同學行過，聽到阿Ling話我渣佢，佢竟然o係度話「渣佢!」咁囉……不過我o地無人理佢……
玩玩o下，子瑜又咬o左我條頸，Steven見到我o地咁，就即刻笠返頂帽，話驚我o地會咬佢喎，但係我就同子瑜都話「我o地只係咬女仔o架o乍!!」<當然，手臂呢o的地方例外啦~>
成個Recess都雙手插袋<我呀~>
上堂前，阿Ling仲周圍同人講我渣佢o個胸囉，但係講講o下，我話「你個鐵絲好硬喎」，佢又話「係囉……好辛苦呀!」但係佢o個胸真係好軟~~~:p

David o係度講文化革命時o的o野……o係度話江青同美國人o既對話：
A「You are so beautiful」
J「哪裡~」 翻譯「Where?」
A「Your Eyes」
J「不見得」 翻譯「I Can’t See」
A「Oh…I see」
不過聽完之後無人識笑，最多都係聽到Kaka o係度話「痴線~」
之後又o係度講「再見」同Goodbye & じゃね + さよなら +失禮しますo既分別~又o係度講有個人o岩o岩出獄，o的人同佢講「再見」，佢就話「我先唔會再入o來!」所以o個個人就同佢講「Goodbye」

Lunch o既時候佢o地去o左吉野家先，露比陪我去完中銀入錢就去返，真的覺得佢有的似Ceci啦……
因為唔太肚餓，兼且唔係咁想食吉野家，所以就咩都無食。出奇地係露比竟然會食o野，而且貝琪同艾美麗都係!!!結果就俾佢o地話我同佢o地作對：佢o地食o野o既時候我先唔食……
30分，我同露比走先，去o左7-11，「子犬物語」竟然出o左Part II!!!!o的狗都仲係咁得意~~~~~但都係無雪橇……咁就諗起讀英皇o既時候叫洪德健幫我買盒「子犬物語」~~~
行過報紙檔，見到「東Touch」封面講3位靚仔Bartender，我就o係度同露比用Roberta o個o的語氣o係度玩：「um……唔該，我想知點解可以溝到一杯有Rum同Tequila o既酒呀……」「但係又唔想咁難入口喎……」「um，最好可以加o的蜜瓜汁啦~無咁難入口~」「不過我唔識溝呀，你可唔可以教我呀~!?」「最好可以教埋我點溝你啦~因為我都唔識o架~」
講完之後兩個都笑死o左~~~~~~
去o左惠康，買o左一個Medium Size o既Doritos，原價$6.3，特價到$4 o乍!!!超開心~~~而露比買o左枝水同埋爆啦~~~~~
兩個慢步返上去，坐o左o係樓梯度傾計~~~~~期間L打o來，同佢講o左特價o既o野~亦都聽o左佢o既「了能」食Doritos法……

C班放學，佢同o個Friend最後先出o來<唔計o係入面問o野o個兩位同學>，佢一出o來就用右手扯起自己件恤衫後面，佢入面著o左件黑色底衫啦……不過扯起件衫o既時候見到佢背脊~>///<

o係Yahoo!度見到有Now.com.hk o既廣告，今次有Emme同埋2R啦~~~~~叫「是像愛人2之扮公少女」，但係Emme o個男相都唔討好~~~~而且好似Rosanna多o的相睇咁o既……我要Race呀!!
睇MSN o既新聞，真係開拍「頭文字D」真人版耶~~~~~~~藤原拓海由阿Jay做，而高橋涼介就由Edison做囉!!睇完之後爆開心~~~~~~~~~岩城清次就由馮德倫做。不過原來開頭係由天幕開拍，Edison做主角，而華仔就做佢阿爸囉~不過最後好似係因為成本太貴所以放棄o左……如果真係o既話你話幾好~!?出年暑假有得睇喇~~~~~~~~

聽開Lady Marmalade，就想Down返Pink o個首曾經好出名o既歌，咪就係我Repeat o個年o個o的歌唄比賽，唔知邊個F.6拎住呢隻歌o來跳啦啦隊舞o個首囉……最後憑感覺同埋歌詞，Down o左「Get The Party Started」，呵呵~~~~~~~中o左!!!
原來諗住Down阿Pi o的o野，點知Down返o來o既o野，主角都唔係佢……首先一個係Toma高中畢業!!不過都睇到好開心~~~~~~另一個咪就係瀧澤o既Words of Love之嘛……咪又只係同Toma出o來伴一伴舞咁囉……但係睇到瀧澤o個頭就唔知可以講咩……成個Nagase咁款……都唔知係幾時o既事……而且講唔出同佢宜家有咩唔同<除o左頭髮顏色之外>
同時我終於都明白點解L同Aoyi一直都咁Buy MA喇……因為睇完呢段o野之後真係覺得MA同埋未組成o既KAT-TUN+Jr. o既分別……特別係睇到中丸跳o既時候，真係差好遠……
佢o個Pringles薯片廣告，由開頭6點o既110，排到9點，先去到46 o乍!!!
睇埋佢彈琴o個個少年俱樂部，係阿翔之前o係Radio度彈過o個首啦~~~但係只係彈o左頭o個8、9個音……佢隻右手似痙攣啦……佢真係唔襯彈琴……o的反應同瀧澤無咩分別，而且o的戲有o的假……真係唔咁話佢都唔得!!!

訓之前，L都仲係要我諗我有咩要同佢講，但真係諗唔到……一諗就頭暈……

>>February 28, 2004 at 9:54:56 AM GMT+8

2003 年 11 月 8 日 星期六 【陰】

11點幾起身，呵呵~~~~~~~~~竟然見到佢Online耶~~~~不過Away o左，唔知係咪仲訓梗呢~!?:p

套戲根本就係24號先上，又會有幾快落畫呀!?!?根本就係藉口……

阿大阿細去o左o個三胞貽o既McDonald's生日會……真係好……我第一次同唯一一次被邀請o既都係小學一、二年班o既事……更何況係o係McDonald's開生日會呢……!?o係校車開生日會就試過……
o係拍賣場見到有日本人賣o的山手線o既車站襟針，原來係同o個山手線占卜有關o架~~~~所以就Link o左過去玩~~~~~玩完知道自己同埋佢o既，但係o個位日本人無得賣我o地兩個o個款啦……無奈!!!><
兼且都唔知o個Yahoo!想點……Load返前一頁同後一頁o既時間用o左勁多囉!!!超無奈……

上o左Leo日記，幾鐘意佢尋日o既日記歌詞，特別係最後o個段，但歌名係咪打錯字呢~!?
『跟他開心幾次只求望見你心虛
我便會隱退 埋頭獨個睡
明知這樣極勞累
無奈得不到但更陶醉』

再上拍賣場搵「Guilty Gear」o既o野，竟然有人賣佢XX同埋XX #Reload PS2 Game $20同$30囉!!!應該正版喎!!應該有埋盒喎!!!你信唔信喇~!?
擺o左o係電腦就o來成年o既兩張Laputa o既圖終於都Send埋俾L喇……

開返手機就收到Message，佢竟然咁講囉!!咁但係又唔見佢o地等埋我先~!?淨係佢o地三個想去睇就可以唔理我，自己去o左睇先；我夠想去睇啦!!又唔見你早o的約我!?一早同我講我咪同到我阿媽講囉……宜家佢o地開心梗就可以唔梗理我……屌!!!對於Apple佢o地o來講，佢o地最想見o既都只係L之嘛，就佢一個咪得囉!!!我出唔出現都得o架啦~!?套戲上個月25號先上，我唔知佢o地咁o既理由係大話定係藉口，25號先上，點都上一個月，又點會咁快落畫呀??咁又駛唔駛咁急一定要今日去睇呀??下個禮拜佢o地唔得閒o既，咪等多一個禮拜囉!!都未落畫o架啦!?係睇o下佢o地肯唔肯等o架o者……基本上又好次上次「咒怨」咁之嘛……咪又係我無得去睇~!?

「執法群英II」，佢成日係咁提住「潘朵拉的盒子」，佢唔係真係想話Tiffany就係潘朵拉呀嘛……!?唔好玩啦……
原來有人o係星期三幫我Down埋亂馬1/2隻OP啦!!所以今日就開返o來聽~~~~好懷念以前亞視播o既時候耶~~~~~~不過中文歌詞又有o的好笑o既~~咩「小茜愛我 美女和妒忌 最XX<唔記得> 有武功 實在未……」

今日係第一次o係星期日見到佢Online耶~~~~~~~而且2點幾又見到、5點幾又見到、8點幾又見到……但係都有一個共通點：消失得快!!

>>November 10, 2003 at 9:14:02 AM GMT+8

2003 年 11 月 7 日 星期五 【雷雨】

因為阿Yan o既歧視，所以我o地係無得去Les. Bar!!!攪到我同Fion係咁俾阿Yan歧視……真係要去平機會告佢!!<笑>
落o左猩猩吧，飲o左杯「猩猩王」<同阿羊一樣~~內有Rum、Tequila、青檸汁、蜜瓜汁等>，再煲o左飛煙~
不過煲完o既時候先知死!!無膠o係身!!梗係唔可以俾阿媽聞到o架啦!!!但又的而且確聞到自己有陣煙味o係身同o個口度喎，身o既都易攪啦……係口o個度o者，飲埋枝水，都係唔得，最後飲o左大半枝Pocari先得……但係一路飲o既時候就好似人o地嗽口咁……
所以我寧願帶住陣煙味返學，都唔會揀帶住煙味返屋企!!!

另外，多謝各位o係不同地方o既包底~~~~
最後，Fion，你真係似有心事呢……咁多人都覺，你就下次唔好隱瞞喇!!!

>>November 9, 2003 at 12:32:26 PM GMT+8

2003 年 11 月 6 日 星期四 【晴】

諗住用風筒吹返尋晚訓之前覺得唔差o既頭，但係吹極都唔得，最後放棄o左……唔通真係要我次次要用洗頭水洗完o個頭先咩~!?
買o左兩個飽食，好開心~~~~~~~^^都係一個菠蘿飽、一個雞尾飽o者~~~~~~

Recess o既時候，阿Ling過o左o來，傾傾o下計咁o岩o係開o左o既窗度見到佢同佢班o的人行過，因為阿Ling企o左o係度，所以佢就望一望住佢，阿Ling又望返佢。望完之後，阿Ling問我「呢o的咁o既菠蘿釘有咩好呀!?」無奈……

放學o既時候好有禮貌咁敲一敲佢o個窗<因為咁o岩見到佢已經調o左位>，佢就真係開返o個鎖，拉開隻窗、我就同o左佢講Bye bye耶~~~佢都點一點頭好有禮貌咁回應返我，之後就再Close返o隻窗。唔知點解，覺得係一個非常得意o既情景~~~~

Steven走o既時候同佢Say Bye，佢擺o左一個幾型o既Pose，呵呵~~~~~~~~同佢講，佢係話「唔係呀嘛~!?」我仲話下次帶相機返o來時要佢再做過個Pose俾我影，佢又唔願意囉~~

被逼去「非禮」Leo，唔係啦~~~係就到佢o既時候佢係咁話自己o個心跳得好快，之後就捉住o的女仔/男仔隻手去擺落自己心口度……我係其中一個啦……不過真係一摸落去，已經Feel得好清楚囉!!!真係跳得好犀厲!!!唔通佢o個心係生o係接近表皮o既地方~!?
同時，當到佢o既時候，我o地都好驚佢會o係入面對住David吐血而死……

>>November 18, 2003 at 4:45:14 AM GMT+8

2003 年 11 月 5 日 星期三 【晴】

今日完全係少出聲啦~~~上Word Processing時只係用速成係咁同人傾計~~~~~
不過Lunch o既時候開返少少聲，都可以鬧到人o既~<開聲只係為o左鬧人~!第一句講到o既係”X你老母!”>
開頭Alex見到我咁，仲話終於o係日文堂聽唔到我講o野，只係見到我o係度抄o野。但係之後佢竟然明我o的唇語喎!!!連佢都話自己做o左「翻譯王」~~~又話日本人除o左日文之外，仲識讀唇囉……讀唇o個個唔係我，而係你o地o者……所以我識唔識讀唇都唔係一個問題，係你o地識唔識睇之嘛……又係一個解錯題目o既例子……

出奇地見到佢勁多次!!o係短短o既10分鐘都已經見到4-5次!!而且有幾次仲要係大家都o係班房門口，見到勁耐囉……
1)英文堂Break o既時候，原本好好地訓梗覺，但俾阿Ling摷醒o左，叫我陪佢去廁所喎……我問點解，佢話叫得我出去梗係有o野啦~所以就半昏睡咁行o左出去，佢同子瑜就一齊去廁所，我就只係企o左o係樓梯度挨住訓，突然聽到有人「喂」我，醒一醒，就見到佢o係上面落o來囉……真係如我所料咁……不過望住佢時，諗到o的o野，同平時有o的唔一樣……只係呆o左o係度<因為真係未訓醒>好似覺得佢矮o左咁……

2)Recess時同蘇菲亞一齊落去，咁o岩佢就o係對面行過o來，死人蘇菲亞係咁逼我埋去喎!!!好彩無撞到~
不過之前就見到佢同Momoka & Kaka佢o地講o野，但係蘇菲亞見到Momo佢o地之前o個堂係咁問「點呀?一陣講丫嘛」etc o既o野，然後o岩o岩又見到Momo佢o地對住佢做晒粗口手勢，又講晒粗口咁……蘇菲亞仲問我佢o地有咩「深仇大恨」，咁我咪話「仲粗口手勢同講粗口都唔代表o的咩o架啦……我夠成日對住你o地講、對住你o地做啦!!」佢之後就話「咁又係……」不過其實最估唔到o既都係佢o地竟然會識啦……雖則我都好想知佢o地究竟係咪真係有o的咩深仇大恨……加埋尋日聽到同今日睇到o既……不過都係啦~Leo同學唔好多口去問耶~~~~~~~Momo把口我真係驚o架!!

3)只係陪o左蘇菲亞落到去，交低o左錢俾佢買o野我就返上去，佢企o左o係佢班房前食梗o野啦……又係雞翼……入返班房之後又再出返o來，都係落去睇o下蘇菲亞點啦……

4)同佢一齊上返o來，佢都仲o係班房門口。我同蘇菲亞就企o左o係班房前面傾計，咁o岩阿Ling叫人抽籤抽到出o來，我就八o下我仲係咪暫時抽到前頭o個個啦~~~真係仲係我耶~~~~
之後我o地就一直咁企o左o係班房前……

5)佢返o左班房，我同蘇菲亞繼續傾計，佢竟然都發現到啦!!!><不過o的雞翼又真係幾好味o既~~~~無幾耐之後佢又出返o來，不過係因為「班房好撚嘈，出o來靜o下」，我同蘇菲亞聽到都忍唔住笑o左出o來!!!

>>November 6, 2003 at 1:30:07 PM GMT+8

2003 年 11 月 4 日 星期二 【晴】

o係火車度見到隔離o個男人睇梗份報紙有「Beauty & The Beast」耶~~~~~~原來今次Disney On Ice係佢o地啦……
o係旺角行返學校，去完恆生存錢就去McDonald's買Double Cheese Burger，我仲以為一個只係$7，點知係$12囉!!!原來我上次嗌o個個係Cheese Burger……差咁遠o既~!?
再買多杯西米露返學校，我竟係第一個返到啦!!!我仲以為要罰企，好彩有隻窗無鎖，咁o岩係門隔離o個隻!!!所以就開o左隻窗，開埋o個門鎖，第一個入o左班房耶~~~~仲要幫手較凍o個冷氣<費事o個個返到o來o係度嗌熱>，仲擦埋黑板~~~~~~露比同蘇菲亞都讚我乖耶~~~~~^^
蘇菲亞揀o左坐門口o個排，我就坐o左o個走廊位，但係貝琪同艾美麗就坐返原本o個行囉……
連都市日報都有Disney On Ice「Beauty & The Beast」o既廣告，所以就整o左出o來~~~~~不過露比話人扮o既一定唔靚囉……咁呢個我都知……咁但係真係好想去睇丫嘛……

Break o既時候見到佢o係走廊，食梗佢班o的人o既o野，我就梗係望到晒啦。但係佢每食一舊o野o既時候就睇到Momoka同Kaka o係度話佢，差唔多食一次就話佢囉，真係似係話梗佢咁……不過麻煩Leo唔好走去問Momoka佢o地任何o野~!!>< (因為我知道你實會咁做o架o下!!)
今日兩班o既Break o既時間有o的相差……攪到唔係一齊Break……再唔係就唔知佢去o左邊啦!!?

Recess o既時候落o左6樓，呵呵~~~~~~~~連露比都落埋耶~~~~~落到去，有勁多雞塊囉!!!超想食!!!但係露比唔俾我食耶……佢仲話一係食飽、一係珍珠雞囉……唔……都唔知o的飽咩餡o既……可能係人肉都未定!!兼且o係學校買呢o的飽，硬係覺得怪怪o地咁……所以只係睇住佢o地食囉~~~~多謝露比肯坐o係度食埋先啦~~~~走過去同大家姐、Alice同埋阿娜一齊坐o係最近買o野食o個度o個張長檯度，係得我一個無買o野食啦……好彩當時都唔係好肚餓o者~~~~~

一路睇住大家姐同埋阿娜佢o地食薯條，不過阿娜竟然用隻膠匙點茄汁囉!!!睇到o既時候係話佢唔環保囉!!!但係Alice又叫我唔好用o的咁o既聲講環保，我咪即刻沉返把聲再講過囉!!!笑死佢o地~~~~~~講講o下，又覺得自己把聲好死高音，咁o岩又諗起「你講你愛我」，所以就好o岩音咁唄o左首歌~~佢o地聽到都係笑o架啦~~~~
過兩張檯就見到Bathalie o係度食雞脾，不過佢食得好斯文耶……同上次貝琪o個o的咁o既行為相比……我o地又拎返o來笑啦……

無幾耐之後開始見到C班o的人落o來買o野食，只見o的人係咁落o來，佢今次真係落埋o來啦!!!佢竟然著返上次福傳行對Adidas囉!!!第一次見o乍!!!學生會選舉o個日至之後見親佢都係著黑鞋o既!!!不過都係著波鞋襯佢o個人多o的~~~~^^然之後蘇菲亞又認得出上次十指緊扣o個個人喎，我咪即刻拍檯起身望清楚o個個人囉，大家姐佢o地仲以為我做咩添~~~~o個女仔都係同o個個好似軒軒o既人同埋o的女仔一齊講o野<擠梗茄汁>，我o地前面o個自助檯上面枝茄汁已經無晒，咁o岩佢o地見到我o地張檯有枝，所以就走過o來，而我都好有禮貌咁俾o左枝茄汁o個女仔……

而佢o地擠完都俾返枝茄汁我o地，然後就應該坐o左o係我o地後面，而佢買完o野企o係度食o左陣之後就同佢o地同學坐o左o係兩張檯，佢都有去o左張自助檯，呵呵~~~~見到佢掛住張學生證耶~~~但係睇唔清楚……無戴眼鏡……佢同o個男同學一張，另外o個兩、三個女同學隔離檯，其中一個肥肥地o既女仔o係度話不滿上堂成日俾佢整蠱，不過佢就整係識o係度笑，然後聽到晒o既我o地，蘇菲亞就問我係咪好妒忌，我無答，只係話估唔到o個女仔把聲係咁唔襯佢!!!<真係相差好遠!!>不過佢坐，都要對住我o地呢邊o來坐!!遠一遠咁兩個見到對方，咪打o左招呼囉~之後繼續同佢o地講笑，等阿娜食完之後我就逼佢食埋隻膠匙上面o的茄汁先俾佢走~~~~玩o左一陣，露比就叫我算囉……所以我就算，放佢一馬!!!之後佢又去搵廁紙，我就話俾佢聽上次貝琪o係隔離o的櫃度拎o左o的廁紙，就叫佢話去拎，點知o個餐廳o既男人見到佢行埋去，佢竟然係護住o的廁紙囉!!!最後要阿娜出到聲佢先肯俾，但係我已經笑到死o左……笑到出到去都仲笑梗……真係第一次笑到咁開心~~~~阿娜話我老點佢喎，不過上次貝琪真係o係o個度自己拎丫嘛!!!

上到去，諗住再落多次，所以今次就搵Jenny，點知落到去，兩個都無帶錢囉!!!佢仲話去買o野食，但係都唔帶錢囉……我諗住佢話買o野食，我先順便一齊落去之嘛!!!傾o左陣，最後都係算，唔買，就返上去，咁o岩佢同o個男同學都走，擰轉頭，就o係正我o地後面，對望o左一陣，都有打招呼~~~呵呵~~~~~~好開心耶~~~^^
想再落返去o既時候湯Sir已經走走進迫，所以就算!!!

返到去，聽完阿Ling o個句說話之後有o的迷茫……阿Ling話佢Recess o既時候開o左我o地班房度門裝囉……應該係裝完先落去6樓……佢又話自己除o左我之外唔識我班o的人，而我又的確未見過佢同我班o的人傾過計，咁佢究竟打開度門裝o的乜!?雖然只係齋聽係真係好開心~~~~但係我都話阿Ling點解唔問佢有咩事!?佢又話因為佢只係裝，裝完就閂門走o左，所以無問喎……

之後蘇菲亞用佢o個o的Memo紙寫o左o野俾我，我睇完之後忍唔住笑啦……如果真係o既話，我咪日日都落去6樓囉~~~~~~~~咁簡單!!哈哈~~~~~~~~~

宜家個個都鐘意我首歌--> 一支煙的時間，好討厭呀!!!><
先有Kenneth o係尋日o既英文堂唄、繼而尋晚睇到阿基o既Info又係、o岩o岩阿Ling o個Info又係……
原來我同L唔止吸人入去Joey o係度o既宇宙船、令到好多人鐘意我o地一早鐘意o左o既o野之外，連我鐘意o既歌都係吸到人去鐘意埋!!!
悲爆……

夜晚收到阿羊o既Message，佢問星期六得唔得閒出去聚聚啦~~~~係阿羊第一次Send Message俾我耶~~~咪打電話覆返佢囉~~~~~~我就當然得啦~~^^

>>December 5, 2003 at 12:59:31 PM GMT+8