2004 年 2 月 26 日 星期四 【晴】

又再因為趕得滯，無做到Sit-Up……我唔係話過要以Sarah Jessica Parker為目標o架咩~!?唔……我希望之後唔會再係咁~
今日扎起晒o的頭髮，只係留返兩邊o的頭髮，正面睇唔太覺後面係扎起晒~
開住部電腦由得佢執機~
拎o左份「都市日報」，華仔又同海豚影相~~~~我又想去!!><佢o個髮型睇落以係以前o既佢囉~
星座仲話我『戀愛運勢上升，因為某些事情而拉近彼此的距離。』唔知會係咩事呢~!?;p
o係地鐵站度撞到阿敏，但我唔知佢見唔見到係我……<不過我o係佢前面行過，無理由見唔到呀嘛……?但佢又唔理我o既招呼喎……>
之後就o係度等……佢應該係搭之後o個班地鐵!!!佢仲要係一路睇住報紙一路行~佢出o左閘，見到o係我隔離o既佢班同學，就做o左一個頗騎呢o既姿勢……
跟住佢行，同L傾住電話~
又再講部電腦，L係咁話部電腦已經唔得……
終於見到佢睇梗咩睇到咁入神，原來係清心寫o既o野!!我o係地鐵睇時都就o來睇到喊……
不過好奇怪……阿敏就o係佢隔離，但係佢o地都無點……佢班o的人都知晒o架啦~!?

好彩o係加油站o個度見到露比!!!佢同我講後面就係佢……我知呀……但係已經唔敢擰返轉頭望!!=_=;;
佢都扎o左o個唔同o既辮，就只係兩條辮~
上到5樓度，我就望返下面，睇o下佢上到o來未，等o左一陣，就已經見到佢，都仲係自己一個……
諗住入702 o既時候，見到有阿姐o係入面掃梗地，而且門口仲有o的F.6 o既人，好彩無衝入去o者，先至醒起原來今日我o地要去705上堂~
返到705，入面得三個人度……好似好耐無見過Dam Dam咁……
出去睇o下有無人入錯班房，等o左一輪，都唔見人返，所以就返去705，我咁都同佢o係汽水機前面打對面咁行過，但係兩個都無打招呼……

諗住叫蘇菲亞幫我買三文治，但又係唔聽電話……
只係得Steven一個返o左o來，阿Ling仲訓梗覺……
Leo一個未訓醒o既樣返到o來，好少見佢咁o架喎……Steven唔講，我都唔知Leo換o左眼鏡!!佢仲同我講話尋日見到佢打波……我咪就話「我尋日就係想同你講!!你又掛住傾電話!!」
好似聽到大家姐問我做咩扎辮……
Leo拎o左份籃球比賽o既Form返o來，攪o左一輪，Leo、Alex、Eric、Ricky一組，而Steven就同4號仔、Kenneth、Wallace<點都唔會落場打>一組~Steven仲要我呢個”經理人”幫佢o地諗隊名~~~最後就幫佢o地諗o左”Shoot the Scoop”呢個名，我仲要指名簡稱係”SOS”!!!不過o個名感覺又好似女仔o左o的……
而Alex o個隊，開頭話要叫「處男隊」~~~之後就決定係「魚腩戰隊」~
最好笑係連o個日期都未定好，就咁話三月中，地點係京士柏籃球場~但張Form仲要係上年o架囉……唔好咁慳啦……
Rosa又話想玩，於是我同Steven就話拉埋阿Ling落o來，湊夠三個就算~而且Steven都話阿Ling識射籃，咁佢就專負責射籃、我就負責跑同傳波、而Rosa就負責搶籃板~~~~

Jette堂，Yuki幫我過去C班借書，我之後都跟埋去~o個死o野幫我問佢借書，仲俾佢o個本我~真係衰!!><
佢本書仲有我上次寫俾佢o既字，唔知係咪未睇到呢~!?不過見到佢又寫「肥妹」o的o野……究竟係邊個~!?
上上o下堂，阿Ling就返到~叫佢參加籃球比賽，佢又話唔好……
睇o左o個「奇洛李維斯回信」o既歌詞，俾我聽埋o既話會好o的~
Steven癲到o係新鞋或度聽o左Eminem同埋Korn o既歌詞!!!阿Ling當然唔鐘意啦……原來對鞋係阿Ling買o架!!
Recess o既時候，我、Yuki同Maggie分o左Steven o個六件三文治，Steven最後得返三件食~
去完Toilet出o來，見到阿敏排梗隊，佢突然問我「做咩咁o既樣?」不過我當時真係無o野，唔明點解佢會咁問，所以就咁答佢「無咩呀~」就算……
見到Lily落樓梯，就問o下佢點啦~考試梗就可以著便服o架喇咩~!?
返到班房同露比講返，我應該話係因為你同o左佢一齊囉!!!

Lunch Time，露比跟Eva、蘇菲亞跟Queenie佢o地，而我就跟o左阿Ling佢o地~
最後阿Ling都肯參加~~~~~
過去還書o既時候，見到佢同阿敏坐o左o係門口後面o個行~
講o左籃球比賽o的o野，就開始同佢傾起計o來~佢話3 on 3就食正佢o個行喎!!但係佢o地班仲未有Form，而且仲拎o左我o地班o個份o來睇~之後佢叫我幫佢拎多份返o來~
連C Cup都見到佢啦!!!阿Ling仲問C Cup佢o個髮型似唔似菠蘿，連C Cup都話似先無奈……
不過Yuki仲佢o個佬話佢企o係班房門口，真係好惡……
一路行去旺角，就講返o岩o岩o的o野，Maggie問我做咩佢睇完之後唔即刻拎返……
而且又多個唔開心o既人……唔知Steven同阿Ling又做咩o來啦……
去Pie & Tart買o左Yuki同Maggie想食o既奶撻、我就o係隔離間小食店買o左$5 o野食，阿Ling就只係o係許留山買o左杯o野飲~
行過Pizza Hut，阿Ling同o個同事傾o左陣、不過佢話無錢，所以就無買到o野~
行返學校o既時候，見到Steven自己一個o係不遠處，不過費事好似上星期四咁，所以就無行上去叫佢……
阿Ling入o左去萬寧買o野，我o地都諗梗等唔等佢好……露比打電話o來，問我o係邊，講完之後我就叫佢去睇o下Steven點~之後咁o岩見到Eva，俾佢同露比傾o左陣電話，嘻嘻~~~~佢真係好軟啦~~~~~~~

Yuki打電話問佢o個佬會o係邊條樓梯落o來，知道係前梯就由o個邊上~
o係樓下o個幾層，有個智障人士伸隻手出o來想同Yuki握手!!!嚇到佢唔知點好~~~~原來有個人仲識問候人o地阿媽o架囉……
真係撞到佢班o的人!!而且仲見到佢添……
終於有人o來整好我部打字機，唔駛再搵部電話頂住喇~~~~~~~
上堂o既時候就係咁打返o的功課~~~~~~~~差唔多全班都係~除o左Alex o係度hea之外~
同Alex講呢班淨係得佢會同我講o下o的三級o野，點知佢就話其他男仔都會講囉~但真係唔覺嘛……
好好地打梗篇Letter o既時候，就話放學，難得我咁有心機去打……4份功課只係打漏一份，都算喇~
叫Yuki幫我問佢拎o左Form未，已經拎o左啦~
佢班o的人入o來，我都仲未走，要幫Queenie嘛~~~<奸笑>
同Yuki佢o地一齊走，但係落o左幾層之後，先醒起我o地o個隊仲未有名，於是就返上去寫返~
諗o左一輪，決定將”Shoot the Scoop”轉去我o地o個隊、而Steven o個隊就叫”SLAM”喎~而我o地o個後備就係子瑜，不過佢o個電話已經停止服務，我o地都係照寫落去……
見到佢份Form，o的字好明顯係佢寫o架啦!!!而佢o地o個組就叫「龍隊」~~~~~
阿Ling幫我問o左佢食咩煙，佢係答「Lucky」，唔知點解，o個一刻係有o的開心~^^
睇o左佢上堂前o的o野，攪掂就走~不過出到去唔見阿Ling，我就自己落去先~佢之後打電話o來，問我o係邊喎!!之後我咪o係4樓等佢囉~
L打電話o來，就同佢謂我參加o左籃球比賽o的o野，佢聽到之後話「唔係呀嘛~!?」……
等o左好耐都唔見人，阿Ling就打俾我，佢已經落o左去地下!!!原來佢所謂o既後樓梯係我叫o既前梯!!!無奈爆……
落到去，當然係要搵人o來話啦!!!

同阿Ling & Steven行o左陣街，去o左通達，買o左o的o野食，一路係咁講埋o的「小便刺痛」o既o野……<阿Ling話食得多煎炸o野會o架喎>Steven仲要扮埋o個樣出o來，不過好彩，我未有咁o既經歷~
佢o地陪我去搵o個間藥房，話對住旺中，仲會見到好多人排隊喎!!!根本就無間咁o既o野!!之後直情打電話去間藥房，先至知道原來係對面馬路囉!!!咁就已經唔係叫做旺中對面啦……好取巧o者……
去到間藥房，o個o的人話呢隻藥唔會再出、兼且無貨，於是就打去問阿媽，佢就話算喎~
同佢o地行o左陣新世紀，係咁同Steven講o下o的好正經o既三級o野~不過唔可以俾阿Ling知~~~~但真係睇得出Steven o的性知識真係。。。
阿Ling俾Strawberry Forever o的o野吸引住~上o左去Quiksilver，Steven唔入去睇~得我同阿Ling入去，第一次入Quiksilver~佢話見到一個藍色大袋就諗起我喎，但o個袋都要四百蚊……睇o左o的Boxer，都幾鐘意~~~^^百幾蚊啦~Roxy o既~
之後再行Catalogue，搵唔到L話o個對二百幾蚊o既Adidas跑鞋~阿Ling想買o個le coq o既護腕俾Steven~
佢o地再入o左間好女仔o既時裝店睇o野，我o係出面坐o左陣，就決定走先~
又見到佢o地o係度嘈……送o左我去火車站，Steven又問我點解唔用八達通……

返到屋企就上網，有個極度重犯o係囚室吊頸死……佢咁都諗到，真係勁啦……打直張床囉係……
之後睇埋o個白沙村兇手同星島日報o既記者見面時o的o野，佢講o的o野都好一時一樣，究竟佢有無後悔o架??一時又話o個女仔抵死、一時又話欠兩條命，點都還唔起……佢講o的o野真係好矛盾……!!
Up o左上星期五o既日記~~~~~
終於都Down晒o個「誰最適合名牌」，睇埋o個少少，Ohno著完之後簡直就係爆笑啦!!!松潤會著好睇o的~~~~~
有得Down「新嵐」入面o既大宮SK o既片段，但係最後都係Down唔到……
麻煩Vivian幫我解壓o左o的日記~終於可以睇返自己打過o的咩啦~~~~~
又講o下獨唔獨身o的o野~~~~~有o的咁o既妹真係好煩!!!所以先攪到我有咩唔可以俾屋企人知o既o野都要Zip晒!!!
不過最好笑係佢同Apple六隻眼，都睇唔到Arashi o個Con囉……所以佢就買o左「PIKA☆☆NCHI Double」先……但佢未開隻CD，所以俾唔到隻「五里霧中」我……
同時間同Frankie Icq o左一陣，講o左Calendar o的o野啦~~~~~

8點幾o既時候L o係火車站月台打電話o來，佢今晚出去同Christy食飯，講o左好多o野，講到部電腦，佢都話一係要拎去Format o個C Drive，就好似平時佢阿爸整o個o的，聽完之後我都係諗住星期日捧部電腦過去佢屋~
沖涼o既時候，覺得自己真係有咩未試過……除o左殺人放火吸毒賭錢之外……最壞o既都試過o勒……咁就18歲……唉~~~~~~~~~~~~~
11點幾o既時候，就收到L o既電話，佢仲食梗飯，叫我唔駛等佢電話，想訓就去訓喎，收o左線之後，尋晚沖涼諗o的o野又全部浮晒上o來……真係爭在未講出口!!!都係啦~人o地約佢就可以早放囉……而且仲可以一早就知道自己o個日得唔得唔得囉~佢對我o地都幾好啦……

☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★
諗返，今日同佢真係拉近o左少少~^^

>>March 8, 2004 at 11:05:27 AM GMT+8

2004 年 2 月 25 日 星期三 【微冷】

8點幾就起o左身，上網睇o下晨早新聞，頭條竟然係白沙村o個兇手聽到要終生監禁o既時候”咧嘴笑”囉……仲要睇o個張電腦整o既相就更加覺得恐怖~~~~~~
原來單案係零二年年尾發生o既，咁即係我睇過報紙報導喇……o個時就係話o係沙井同埋睡房衣櫃搵到兩個女童o既屍體……
Down o左o個「Stand Up!!」演員假冒Arashi成員宣傳新Single，不過某o的人o的戲真係好假囉~~~~~小栗旬做阿翔、o個闊櫃就做Ohno、阿杏就係Aiba、阿Pi就係二宮、而o個某o的人就係松潤~
10點幾o既時候就好努力咁去o係拍賣場睇嵐o的o野，Total有千三件貨囉……到最後都已經無咩心機去睇……
上o左Sho Time同全日風，前者有好詳盡o既Profile同埋Work，3月1又出寫真集喇……仲睇o左新Calendar阿翔o個Part，型爆~~~~~~~~~~~~~>///<
後者就睇到佢o地又上Utaban，Ohno同中居又打過……2樓出精選碟應該會有嘛~!?再Down過TT上「Hey! Hey! Hey!」時o既片段，但o個Winzip又開唔到……
上埋J-Storm同「PIKA☆☆NCHI 2」o既Official Site，o的Wallpaper唔太感興趣o者~

因為今日睇「至Net小人類」o既時候，睇到李天翔哥哥教做正確o既Sit-Up姿勢，所以就跟住佢o個Steps o來做~<雖然同我平時做開o個隻無分別>
有諗過今朝就搬返部電視機走，但係我今朝仲會o係間房度，搬走o左我咪無電視睇~!?今晚返o來先算啦~~~~~
抄o左「PIKA☆☆NCHI Double」o的歌詞出o來~~~~~呵呵!!
扎起晒打算剷走o既頭髮，感覺都幾好~~~~~
又再好趕咁出門口，o係斑馬線度撞到Sakura、之後仲見到細家姐~
o係度斜路度見到有o個阿伯o係度賣棉花糖，好想買!!!之但係俾佢o地禁o左……
上樓梯o既時候見到有C班o既人落去~
上到去，David Chu仲未o來……講返o個賣棉花糖o既阿伯，Sakura同細家姐話係阿婆o來o架喎!!!我咁都認錯……
俾阿娜話我又飲朱古力奶，飲完之後擺o係檯面，Alex見到就o係度唄返隻以前朱古力奶廣告歌!!佢咁都記得真係勁~~~~~~
露比話我o的頭髮直o左囉~~~~~唔係啦~~~~~只係得佢覺得我o的頭髮唔同o左……
Kenneth、Rosa同Kaka買o左棉花糖返o來，$6 o乍!!!唔買真係後悔——而且返學咁耐幾時有見到有人賣棉花糖o者~!?
阿Ling搵到有地方有得賣隻Levi’s錶，但都要$100!!!我只係用o左佢十分一o既價錢就買o左~~~~佢又再向我隻錶打主意……だめだめ!!
佢推介本睇梗o既漫畫俾我，話入面o的o野好Mystery，不過入面無三級o野唔睇!!!<笑>再推介埋薜凱琪o既「奇洛李維斯回信」俾我，因為入面有「K先生」……
Kenneth話佢訓歪o左條頸，仲要擰去我o地o個邊<左邊>時就好痛，但係另一邊就無事~

上堂，就係咁嗌肚餓，之後仲o係阿娜份Notes度係咁寫~~~~~~~~
繼續講o的日文字o既解釋，”sukiyaki”究竟係咩呢~!?係咩咩燒呀嘛~!?
係咁抄o的刺身同生果名~
Break o既時候o係走廊度望，已經唔見到o個婆婆……諗住落去6樓睇o下有無得賣o野食，未夠鐘都竟然開o左!!而且仲俾我見到Lily!!!諗住問佢有無o野食，點知佢話無……
同珊姐傾o左陣計，佢問我4號仔去o左邊，講完佢o的o野之後連珊姐都問咁佢返o來做咩……
返到上去，要食埋o野先入得返班房，David Chu竟然o係度玩電話!!!
見到蘇菲亞同露比o係度講秘密o野，我又走去八o下!!露比話之後同我講喎~~~~
David Chu見到大家姐o個枝伸縮棒，就話好o岩佢用，大家姐話俾o左佢，但係佢又要俾返錢大家姐，最後就叫Leo買枝，又係搵Leo o來攪~~~
突然唄起靜心口服液o既主題曲<阿女版>，Alex之後唄o左一個仲好笑o既燒炭版，佢話返去搵返Send俾我~~~~~~~
繼續上堂，解釋到其中一個字o既時候，David Chu望住我o來講，露比都話佢望住我，我諗係想我俾Respond佢o卦，但係連我都唔知佢講梗o的咩日本o野，可以俾o的咩反應佢~!?
講到「自家製」，估唔到10年前o既佢都收到自家製o既信封，我就同露比講寫情信俾佢o既時候駛唔駛加多個「自家製」o既信封~!?
最估唔到o既係David Chu o係白板度寫o左蘇軾o既<<江城子>>出o來!!!「十年生死兩茫茫，不思量，自難忘。」
走o既時候，行過白板，Alex就o係度對對~「十年生死兩茫茫」之後就自己作o野上去……

返去702，擺低晒o的o野，就拎o左部Polaroid出o來，因為咁o岩見到大隻佬同Raymond o係班房度傾梗計~
大隻佬話知道唔係阿Ling鐘意佢，就係咁問邊個……
於是我o地自己過去搵佢，佢著住窗訓覺啦~~~~超得意~~^///^
不過Yuki同阿Ling叫醒o左佢，佢知道咩事之後就閂o左隻窗——應該o係叫醒佢之前影o左張相先嘛~
之後o個o的我就唔理，同Steven落去加油站買o野食~
佢真係好乞人憎啦!!!食薯餅都無o野!!
突然醒起今日約o左人交收，差o的唔記得o左……
一路行返去時就講o左o的o野，佢真係好有自信啦~~~~係件好事o來o既~不過之後o個o的說話就……同宜家o既佢有少少矛盾囉……

返到上去，就見到部相機擺o左o係檯面，而且仲有張相!!!嗯~雖然係黑o左o的，但係都見到佢o個樣~唔該晒!!<鞠躬>
原來張相係大隻佬幫我o地去影~都要講聲唔該~^^
之後我o地就話其實拉開o左度屏風就已經影得~真係拉開o左，隔離班o的人係咁望過o來，開頭仲閂返埋o個屏風添!!
俾大家姐見到張相，就話我咁揚做咩……唔係啦……
露比講返o岩o岩o的o野俾我聽，原來唔止蘇菲亞一個問過!!!
Wendy宜家先返，而且仲拎住成袋KFC返o來，呵呵~~~~有葡撻食~~~~~不過我開頭仲諗住返到去就問佢見唔見到佢o係籃球場度打波添~
同Maggie講返尋晚o係火車度撞到o的o野，可能係因為我搭倒頭車o卦~:p
我仲同Yuki講笑話拎住o的o野食過去搵佢，叫佢俾我o地影相!!!實行用o野食o來引誘佢XDD
執乾淨o的o野，專登拎出去出面Throw Away~~~~~仲以為Mandy會返，點知佢又唔返喎……

上Front Office，o的人都係未返齊~
開頭仲以為Kaka佢o地唔會返o來，但係最後都係出現o左~
露比幫Queenie鍊骨，Queenie話好舒服，已經唔想走咁啦~仲話點解露比會知道係o個個度有o的痛……唔……我係諗起o的o野啦。。。。。。
大家姐拎o左好多奇趣圈返o來，o個個就係咁玩~以前我都有儲，但係唔知去晒邊lu~~~~
今堂就係睇返o的考試分o既~竟然話我o地100分滿分o既平時分，最高分只係得17分囉!!唔好玩啦~~~~Roberta唔係咁憎我o地呀嘛~!?所以我o地都覺得係錯o既!!
Alan、Bethany同Yanki o係7-11買o左兩枝酒同埋o的雪條先返，o個兩枝KGB竟然唔知只係$7定係$11!!!Alan話係7-11清倉減價喎~~~~~~咁真係好抵bor~~~~
Raymond叫o左Kenneth做「梁繼璋」，笑死我o地~~~~~~佢真係咁都叫得出囉……
睇埋自己o個分就落去地鐵站交收~好準時~~~~~~~~
再o係萬寧買o左萬樂珠同Dark Chocolate就返上去，不過我首先係拉開o左Wendy隔離隻窗，擺低袋o野先入返去~
俾Wendy話我o岩o岩咁樣嚇死佢~
過o左去同Alex坐，俾Alex話我做咩唔拎打西餅出o來，原來露比同佢講o左我落去地鐵站……
之後又再Break，同Alex落去加油站，佢知道今次o個賣家係女仔之後就俾佢話我唔帶埋佢落去……
佢今晚又要返工，又o係度諗食咩，佢想食咩就無咩~~只係要o左粉果就算~~~~
o係樓下見到超哥，俾佢話我做咩上去又落o來，仲話我咁樣咩都消耗晒……佢見到~!?*0*
上去o既時候，再傾o左o下佢o的o野~佢又係答「如果係咁o既話，咁我咪好唔得閒~!?」，兼且講笑話我鐘意佢，佢有o的o野想講又唔講，之後逼佢講，佢竟然係話「俾隔離班o個個聽到就死喇……」又俾佢話我點解咁都會”中”o個頭埋去……

返班房，Raymond仲未返，露比知道之後又好八卦咁問我，都係咁之嘛~~~~
諗住遲o的先去Toilet，但係Wendy話Raymond話o左陣間唔俾去Toilet，於是就梗係去o左先啦!!!
出到去，露比同蘇菲亞返o來，不過因為前面係某o的人，唔想去住，就同佢o地o係門口傾o左陣計，聽o左o的好Cheap o既o野……呢o的男仔，又係拎去打就差唔多，咁小氣o既!!
見到C班放o左學，當然企o左o係走廊度睇o下佢啦~~~~~~
結果，俾我見到佢o係樓下打o左陣波!!!!型死~~~~~~>///<跟住就見到佢同兩個同學過o左去花園酒家o個邊，而且仲係拎住o個籃球，咁就有可能係去打波啦~~~~~~呵呵~~~^^
佢今日戴o左眼鏡~~~~而且無著到褸~^^

原來o岩o岩Raymond打o左去問Roberta，o的分真係30分滿分~而且佢仲好快就計過晒o的成績表分，我變o左做全班第二!!!!<第一o既係Sakura~>小二之後都未試過啦~~~~~~而且仲話o個成績表會出A3喎……”A”呢個字離我張成績表幾遠呀不嬲~~~~~~~竟然會到宜家先有o個”A”出現~~~*0*
同Leo互相恭喜o左o下啦~~~~~~
之後佢坐o左過o來，o係我書包拎部相機出o來o既時候竟然按o左快門!!!我又多一張「黑色處女膜」啦……
教o左陣書~好快又放得學~~~而且又講到去帝京 / 帝都炒散或者做長工，不過知道見工o既時候係見謝小姐o既時候，我同蘇菲亞都即刻話唔去做!!!

走o既時候又「耶」過~結果大家姐就係咁話「你嗌丫!!」「你再嗌丫!!!」聽落好似人o地o的強姦犯先會講o既o野……
好趕咁跑o左過去花園酒家o個邊，真係見到佢!!!!打電話同露比講o左~~~~o係斑馬線度好彩搵到Wendy陪我~~~~
於是就行落去，佢係見到我o地o架!!但係我又o係度猶豫喎，攪到仲唔自然添……><”
行o左去鐵絲網前面”sip”佢，佢第一句係「yo! man」……佢又o來喇……傾o左少少o野，睇唔到佢打添~因為佢o地宜家跟梗隊……
連Wendy都話佢o岩o岩係見到我o地……送o左Wendy過馬路，佢竟然o係馬路中間”dup”低我唔理!!!!
之後一路行o既時候見到Leo，仲諗住可以搵佢陪o下我添~點知佢又掛住傾電話唔理我……
終於可以睇到佢打波時o個樣啦~~~~但就鬼祟o左少少;p

見到Edison張新Album Poster，真係好想要!!!好型o架o者!!!>///<不過佢唔係蕭正楠，o的Poster全部已經釘晒窿……=_=;;
伴住兩個好Satisfy o既原因行去火車站~~~~~~~~~~~
其實o係月台度已經見到Maggie，但係見到佢好專心咁整梗手上面o個膠袋，而且我又費事陣間叫o左佢之後掛住睇漫畫，所以就無叫到。到o左粉嶺站先叫佢~不過佢專注o左o係o個膠袋好耐……
睇多次o個「夢物語」PV，就Delete o左佢~反而可以o係2樓買星期日見到o個隻精華片段碟~兼且都因為我搵到另一個「Touch Me Now」片段可以Down~~~~~
無打過日記，因為部電腦已經死o左……IE開唔到、Icq開唔到、Winword開唔到、Winzip開唔到、Windows Media Player之後都死埋……淨係得Winamp同埋Win MX開到……咁部電腦真係用o來做咩~!?Restart過幾多次都係咁先激死呀嘛!!!
而且仲試過Hang機Hang到Winamp o的歌就可以繼續播、但係Winamp o個畫面就定o左o係「Touch Me Now」，後面諗住Close File都Hang o左定o左o係度!!!連電腦o個時鐘都停o左o係「PM 8:40」，攪到我仲以為咁早，唔去沖涼住!!
最後都係Down唔到o個「Touch Me Now」，雖然已經排到3，但係我真係頂唔順部機，要Restart過!!!
呢段時間，我就睇埋本「新少年」同埋搬走埋部電視機~

沖涼o既時候，電話又再響過，都知係邊個打o來。諗到o的o野……或者我應該同L講囉……因為我真係再頂唔順……沖涼都沖到唔開心喊o既……Tiffany或者係Apple / Aoyi，我需要意見!!!而o的o野都係類似14號o個日同Aoyi講o個o的…………

睇「Monk」，今集都係o的好普通o既兇殺案，都係話o個女仔見到男朋友中o左頭獎之後就唔想俾佢知道自己原來中o左，而拿拿聲同佢結婚，之後就殺o左o個同謀~而之前就已經殺o左o個派報紙o既細路，因為o個女仔以為o的報紙係俾佢男朋友，所以就偷走o的報紙，點知o的報紙只係俾Monk o架o者~o個細路發現有人偷報紙就同佢打起上o來，最後就俾o個女仔推o左出去跌死o左……
廣告時睇到3月1號朝早播「The 76th Annual Academy Awards」囉!!!而之後夜晚好似仲有得播~~~~~~好想睇朝早o個Live!!!
做完「Monk」，竟然又做「Lost in Translation Behind the Scenes」，之前唔係做o左咩~!?但係我都照睇多次~~~~~~

Eric今日生日，所以唔返學，真係好~~~~~~~~

>>March 7, 2004 at 10:44:44 AM GMT+8

2004 年 2 月 24 日 星期二 【晴】

一早開Win MX Down o野，今次都係「Honey」Soundtrack，Down o左「React」同埋Tweet ft. Missy o既「Thug Man」~~~~~
再Down o左KinKi隻「Solitude」~~~~~都仲係Down唔到「永遠のBLOODS」……
好鐘意今集「ドラえもん」o個「情緒預告機」~~~~~~~以前我會係等到自己出門口之前先問返阿媽拎錢，咁佢就點都唔會問咁多都俾o左我先~~~:p
有個上「至Net小人類」o既細路叫「高智聰」，幫佢改名o個個真係勁~!!
同阿媽講o個袋一人一半，就俾佢問我係咪用晒o的新年錢，咪要死撐話唔係囉~點知阿媽話俾本存摺佢睇，都唔可以俾佢見到o架啦，咪話呢個戶口只係得提款咭~阿媽又以為我係用o左o的咩銀行貸款服務，我先唔會用o的咁複雜o既o野啦……
最後阿媽就話幫我出$100~~~~~~~

因為趕住出門口，所以暫停無做Sit-Up~
行梗去火車站o既時候，見到有阿Ling o既Miss Call，於是就打返俾佢問佢咩事，原來只係問我繼唔繼續睇埋本漫畫，但係佢已經出o左門口，所以就算喇~
睇埋本「Eye Shield 21」#3，好鐘意入面o個美式足球教練講o個番說話!!!估唔到前美國總統<好似係林肯>都係一個經歷過好多失敗o既人!!
期間收到阿Ling o既求救電話，以為係佢同Steven o的o野，之後佢話有電話入，叫我等等，但係等o左好耐佢都唔返o來，我就例牌係會收線o架!!
之後就輪到Steven打o來，佢又係o的求救咁o既語氣，聽佢講先知咩事，呢o的電話真係好煩囉，所以就教o左阿Ling一o的方法，熄聲、再唔係熄機、再唔係就好似我上次咁話叫佢搵過第二個客!!!
最後都攪掂o左，就聽阿Ling講o左另外一o的好煩o既o野，o個男仔又唔好做到咁……不過o係世貿Starbucks做o既話，我都想見o下囉~~~~我仲講笑咁話同o個男仔講o的阿Ling o既o野，叫佢請o野我飲!!混血兒o既話都好易認o者~~~就一於上去搵佢!!!XDDDD

傾到我去地鐵站買飛先收線，佢o地已經去到太子lu~
交收埋，就o係萬寧買o左麥提莎先返去，點知一開門，o個個都同我講「Kimi呀，你遲o左一步喇」，聽完之後都大約估到係咩事，就開始掟o野<笑>
阿Ling同我講返，原來阿Ling同佢一齊上o來，而且係佢叫阿Ling先，仲叫阿Ling陪佢煲埋煙先返o來……聽完之後只有無盡o既無奈—————————
我當然就要問最緊要o個樣o野：佢食邊隻煙啦~阿Ling話睇唔到，但係好似係YSL囉~
佢自己又話戒煙，都話佢唔得o架啦!!!
阿Ling問佢同阿敏o的o野，而且仲問埋「如果有個人介入你同佢之間o野你會點?」佢係問返阿Ling會點，最後都係無答到……我同Steven都覺得阿Ling咁問，佢實知咩事……
仲話佢對眼好靚，佢戴o左Con之嘛，俾Steven話覺得靚o既話就整到對眼好似之前Tommy咁發晒炎就得喇喎~

Accommodation堂，係咁同露比睇o岩o岩買返o來o既雜誌，佢竟然夠膽講「剪草剛」<草(弓剪)剛>囉!!!笑死~~~~~~~~而且佢都認得瀧澤同埋松潤<-- o係有線播「ごくせん」o既時候睇過o下喎~佢仲問我Arashi中係鐘意邊個~~~~~
Alex同大家姐未返，俾Eric話佢o地肯定係去o左私奔，但我同露比都話「私奔都唔會話俾你聽啦!!」
無幾耐之後Alex就返到，然之後大家姐都返到，我o地就話佢o地「前後腳」~
蘇菲亞宜家先返，係咁問返我o地發生咩事，講到「前後腳」都估唔到係邊個~!?
睇返o的考試分，合格就算~~~~~~~
阿May講話今年有籃球比賽，我就講笑話要參加，Steven當真啦……唔會啦~最多我只係做經理人o者~~~哈哈!!!因為我仲要做「攝影社」~~~~~就好似星期日L講咁~~~「麻煩你幫我影隔離學校o個男仔丫~~」<爆>
阿Ling見到我隻Levi’s錶，就開o左o來睇，佢話好得意，仲話想要，叫我賣俾佢，但係我都未換電，更加係未用過……我都唔捨得~
同Yuki佢o地係咁睇漫畫，睇返尋日睇到o個本「戀愛至上主義」#5，阿Ling見到我睇到o的三級情節，就話「唔好淨係掛住睇啦，做o的實際行動」，我就問返佢「捉住佢o來姦呀~!?」
露比聽到都o係度笑話無可能~
Yuki仲話本「Complex 代理偶像」好睇，不過我都係無興趣，雖則L都話過好睇~只係睇o左o的前情提要同埋人物介紹就算~
Momoka返o左o來，而Kenneth食麵o既時候，因為跌o左隻筷子，就講o左o的比較粗俗o既字……
阿May派隔離班o個Quiz叫我o地計分，Leo行到埋o來，就麻煩Leo幫我佢搵o個份~
好彩無派到俾人o乍~唔該晒!!^^
拎到佢o個份o既時候超開心，一睇佢o的字，又係撩草……係咪人馬座o既都鐘意寫撩草!?!?
咁我駛唔駛學返~!?
計完分，真係唔想俾返Leo，可唔可以過埋Break先俾返佢，我陣間拎落去影印呀??Leo都無我咁好氣話如果係o既就自己親手交返俾佢囉~
隔離班Break，阿Ling咁o岩出開去傾電話，明明o係前面o架喇，都唔記得去問佢食咩煙囉……仲話幫我問喎……超想開窗提佢!!!返到o來先話唔記得……
之後阿Ling借o左Cherry部手機，幫我去影佢喎~但係又好似無USB線o既……咁影完都無用，部相機又唔係我o既……=_=;;

Recess o既時候，Sakura同小明問我知唔知幾時放Easter假，我都仲幾得o既，佢o地就即刻拎個月曆咭出o來俾我，感覺有o的似見到Fans o既時候啦~~<爆>講完之後原來佢o地想去旅行，但又話唔夠錢，於是我又講o左o個份好好賺o既工俾佢o地，連Yuki都過埋o來聽~而且仲話我o個樣好認真，又話我咁清楚，係咪做過~不過o的人真係言出必行o既，唔會做o的犯法o野~~~
落o左6樓買o野食，o係o個度竟然見到露比同Wendy!!同佢o地講o左o個「制服下的黑色lace胸圍」事件~
返到上去，就要將o的檯圍成半圓形~
阿Ling同Steven為o左去科學館而唔上湯Sir堂……

上堂，繼續Present，Sakura同小明過o來問Mandy返KFC o的o野，期間又聽到一o的好無奈o既o野……
唔……講錢，或者我都係時候搵返o的窿路先得~~~~
Yuki同Maggie就因為子瑜無返，係咁問o的o係帝都做過實習o既人有關資料~
到佢o地Present o既時候，大隻佬同佢就o係出面行o來行去，大隻佬o係後面開o左o個隻窗度望過，我就指俾佢睇Yuki o係度Present梗，之後佢o地又o係門塊玻璃度望，我真係想打俾Yuki同佢講「你o個佬o係出面望梗你……」期間唔知佢做咩事，突然用隻手把門隔離o個塊玻璃，佢又唔係企定定咁拍，而係一路行梗o既時候拍，Wendy問我佢做咩事發脾氣，我都唔知o架……~><~
佢今日無著褸同戴o左Con~
貝琪佢o地Present，o個網o個幅相係影得好靚~~~o個間好似係Grand Hyatt o來~
俾湯Sir話o左我o地班一陣，之後就帶我o地衝出香港，去o左睇杜拜o既7星級酒店，搵o左o的同學出去講~露比覺得o的套房價錢ok……真係有錢~~~
Mandy同我講過o係我o個Share File度Down o左兩首瀧澤o既歌，但係諗o來諗去我都唔知係咩，佢又無整落MP3度喎~
不過佢就整o左上次我同佢講o個隻歌，佢俾o左我聽，原來係「言葉より大切なもの」，聽到o既時候又係超開心~~~~~~~~^^

又早o左放學，搬返好o的檯凳就走得~
行過C班，見隻窗開o左，就同阿May講「Bye bye」~
落樓梯o既時候，Leo問我o個袋買o左幾多錢，佢聽完o個價錢之後係Unbelievable!!
行落旺角，o係天橋度見到有個Hoper，拖住o個TB，唔知點解我覺得我係識o個TB o架囉，行前去，望一望返轉頭，原來係Repeat o個年同過我一班o既同學!!!佢認得我，叫我o左一聲，我再望返轉頭，不過我唔記得佢叫咩名，打o左招呼之後就繼續行去火車站~
佢矮矮地戴眼鏡，又係打排球o個班、同Yvoone、Dada好熟o既~
o係火車站度做o左一樣俾著係以前我實會覺得囉死o既o野，係因為我用o左第二種諗法先唔覺得囉o者~
搭o左倒頭車，落車o既時候上完電梯咁o岩見到Maggie，就摸佢~~~佢嚇o左一跳啦!!我諗應該大部份人都會諗點解有人會咁大膽咁摸法，真係唔好意思啦~;p
佢陪Yuki等埋大隻佬放學，又係行去火車站，都同我一樣時間返到o來粉嶺!!!我就話聽日要詳細研究研究~~~~

部電腦又係咁，解壓唔到Winzip，仲要係一轉去用速成o既時候，就一定話內部有問題要Close o左Winword或者係IE……而且又重新開機先可以用返o個IE……基本上宜家部電除o左Win MX同埋Winamp之外，其他功能都係可以隨時頂唔順就話要Close Function……咁部電腦我要o來做咩~!?雖則o個Winamp對我都好重要…………
好辛苦先Up到星期四o既日記……
終於有回覆~~~~~本「Kiss & Tell」要到3月2號先有貨，唔梗要，我等!!
收到Repeat o個年班主任o既Icq Message，原來阿Yen Send過o來o既網，係要o來偷Icq#同埋Password!!!唔通阿Yen已經中o左招~!?於是就照o個Message咁即刻改Icq Password!!而且都Send o左俾其他人，之後收到Maggie W. o既Message，問我點樣改Password，原來連佢都中埋招!!!
佢又改o左Info，肥妹……係咩意思……??阿敏唔肥丫……

好無聊咁用阿翔o係Wink Up 電台訪問o個動作寫o左o的o野出o來~
『<拿著手機並指著螢幕>「我、沒有遲到吧...!?」
「沒有~今日是你的生日，就原諒你!......生日快樂~」<在臉頰上親了一下>
「不是應該在這裡的嗎?」<用手指著自己的嘴唇>
「唔......讓我考慮一下吧~」
<展露了笑容，一蹦一跳地走了數步，回頭問>「你想去哪裡?」』

沖涼o既時候，就執o左陣機~都只係等三十幾%……期間聽到有好短o既電話聲，都估到係邊個打o來~
同L傾o左電話，明知o個手機無電就用屋電打o來啦……攪到Cut o左兩次線……

o係房睇o左少少「Without A Trace」，之後出廳睇，半個鐘之後入返房睇，已經落埋帳幕，但都俾對落o個件話……咪入o左阿媽房囉……o個刻已經喊梗……
同阿媽講，佢叫我聽日自己搬返部電視過o來……咁但係我宜家都無得睇o架啦!!!
見差唔多時間，就入返房睇埋o個結局，唔知搵唔搵得返o個男仔，淨係睇到有個女仔鍚o左其中一個探員，o個女仔今集先出現，但係點諗都諗唔到佢係邊個……
咁樣都仲嘈醒對落o個件，好彩都已經做完，熄電視訓覺!!!
L打電話o來，都唔聽得，由得佢繼續響……

>>March 5, 2004 at 10:37:04 AM GMT+8

2004 年 2 月 23 日 星期一 【晴】

打電話叫L起身，佢好似問我駛唔駛叫我起身，但我今日返1600，都唔駛啦~
訓醒就用電腦，睇o左陣「ドラえもん」~~~~~~
阿媽買o左o的叉燒飽俾我食~其實係我同阿爸Share~佢一個，我兩個~~~~不過阿媽買o個o的好似好味o的咁……我次次買親o的飽都好似好易爛咁……
開Win MX，終於都Down 到Jadakiss & Sheek o既「J.a.d.a.」~超鐘意句「D Block」啦~~哈哈!!
o係Yahoo! News睇到頭條係話深圳有5萬個假醫生……我覺得如果係退休o既都還可以，但係o的江湖術士就免喇……
再Down o左Southern All Stars o既「淚のキッス」，Search多幾次就有~~~~一開o來聽，真係想噴飲梗o既豆漿!!!竟然…竟然係……許志安o既「喜歡你是你」!!!點解會係首咁o既歌o既o架……!?接受唔到啦…………
上o左拍賣場搵o下阿翔o的o野~
睇返o的舊報紙，反町竟然仲係咁開o的聯誼派對，真係一個正宗人馬!!!而且仲話菜菜子姐姐最近係咁煮o野食，最拿手o既係中華冷麵同埋煎奄列~~~~~^^

轉台睇o下教育電視，輪到明珠台做o既時候，有得睇「生活逼人來」，今次訪問o個四個人，都係經驗過一o的低潮或者係唔愉意o既事，當中有妻離子散o既裁縫、因為整親腰骨而做唔到o野，要靠綜援去養活一家，但o個宗教又規定一定要用自己賺返o來o既錢先得o既巴基斯坦籍男子、經歷過香港最差時期o既婆婆<呢個無睇少少，大約係咁>、曾經訓過街o既露宿者~
之後就播上個禮拜都有播o既「愛港愛講普通話」，今次依然都係要帶班自由行周圍去，佢o地去o左彭定康去過o既o既麵包舖食蛋撻，無抄低間o野叫咩添~因為我都想去o下~^^
跟住就做「英語工場」同埋「中文1分鐘」，又學o左好多o野~~~「英語工場」教接線生講o既英文~”In”係解o個人未返到、”Back”係解o個人出o左去，但未返到~另外學o左好多其他o既：例如點叫人Hold住條線，或者同客人講o個個人未得閒接聽電話，當時仲記得o既，但係無抄低，又唔記得晒lu~~~~~~
終於上到教育電視o個網，都係為o左睇返「英語工場」o的o野~

遲o左o的出門口，仲要係David Chu堂!!因為我今次係o係電視機隔離o個三棟o野度搵本默書簿，最後都係無，就拎住L俾我o個本Muji先~
不遠處見到Sakura，不過因為我要入OK買o野，所以無打電話俾佢或者係叫佢……
公園要整路，兜o左少少路……
睇梗「Game Next」o既時候收到露比o既電話，佢同我Live轉播Jenny同阿輝o既情形俾我聽啦~~~~~~但係佢o地兩個又會一齊行o既~!?照計阿輝已經放o左工o架喇喎……
o係地鐵站度撞到子瑜，聽o左o的佢要我轉告俾學生會o既o野，但係我連o個會長係邊個同咩班都唔知，所以或者佢同Winnie Leung講會好o的~
兩個慢慢行上去，聽佢講o左o的算係讀書o既o野，天秤座o既人果然係鐘意Design~~
返到702，David Chu竟然未到!!早知買埋o野食啦……好肚餓呀~~~~~~~~
Sakura竟然仲遲過我返，佢去o左邊o來~!?
出奇地我、阿娜同Alex會坐o左o係門口o個邊，而Alex o個書包更加俾「害怕寂寞」o既Wendy拎去陪佢!!!最後Alex都係要過去陪坐，而我同阿娜當然都跟住啦~一拖二o既組合!!哈哈~~~~
俾阿娜話我又飲朱古力奶，咁我係鐘意飲丫嘛……但係最衰佢又唔可以頂肚餓o既……
Kenneth返o來，剪o左頭髮，Alex即刻話Simon返o左o來……真係有o的似~
好彩Queenie俾o左o個雞尾飽我食~~~~~~我唔明佢話o個飽入面無餡係咩意思，雞尾飽入面都唔會有o的咩，都只係o個食完好飽o既o野之嘛~不過都要多謝佢啦~^^

上堂教Hospitality Japanese，成堂就係咁聽David Chu用佢o個把好沉o既聲讀o個64個字，當佢重複第三次o既時候，我已經頂唔順!!!
David Chu仲攪埋o的好無聊o既o野，不過都係辛苦Leo o者……要寫班o的人o既日文拼音o係白板度做值日，轉英文堂o既話又要重新寫過……不過「樣」唔係"sama"咩~!?點解會係"san"o既~!?而且「君」係"kun"咩??唔係"kimi"咩~!?仲好笑o既係前者用o係女仔身上、後者用o係男仔身上……David Chu之後擦o左白板，要Leo再寫過，我就幫佢拼返o的名出o來啦~佢仲話其他o的同學名靠我喎……
Break o既時候隔離班返o來，返o來o既時候就見到佢企o左o係防煙門隔離，但係我無戴眼鏡，唔知佢係咪望住我……開門o既時候我係諗起「sawarenai」o架o下……唔知點解……
之後就執埋阿Ling，陪我出去行o左陣~~~~~
上堂，咁o岩Wendy包彩虹糖o係我手上，又俾David Chu見到，又係要Alex提我先知，咪扮晒無o野咁收埋囉~
Alex一路食彩虹糖o既時候係咁話食彩虹仔……見到我同Sakura食o既時候又問佢……

Social Ethics堂，Alex要我同阿娜走，我o地兩個走都話唔肯定，最後佢就話「好!!我走!!」
睇o左今日份「都市日報」，Carrie真係同返Mr. Big一齊!!!真係太好喇~~~~~~~露比竟然話佢已經知……Sarah Jessica Parker都透露過Paris o既生活唔適合Carrie啦~~~~~^^但係我唔記得撕o個頁報紙出o來……希望東方o個o的有講啦~~~~~
Prince仲未入o來，就出去同L傾o左陣電話，返到屋要幫佢買「Stand Up!!」，我呢度買都係$70之嘛~~~~~
問L收唔收到我o個Message，佢問我點解會知~睇咪知囉!!!佢都同我講，當年係因為呢隻歌而鐘意許志安囉……唔好玩啦……
咁o岩佢o係班房出o來，見我傾梗電話，就用拳頭輕輕力咁打我手臂，而我都有還手，但係我打中佢Pat pat至大脾o個個位……>///<
不過佢駛唔駛用埋呢o的咁Rapper式o既打招呼方法呢~!?

返到去，即刻同露比佢o地講啦~但係我摸唔到佢係咪著Boxer o既……;p今次真係唔好洗手!!XD
o係阿Ling o個位見到有「戀愛至上主義」#5，都係有咁多三級場面~~~~~大約睇過o下有咩咁囉~之後阿Ling借o左本一期完o既漫畫我睇，好似係叫「Hug」<唔知咩料理>，不過我無興趣——
繼續同露比講尋日知道o既話題~~~~
俾Prince叫我同蘇菲亞除衫，我就好簡單咁就ok，但係蘇菲亞就要去Toilet除~
今堂講「人類胚胎」，每人派o左一份Note，但係講講o左少少，就講o左去世界各國o既風俗……
蘇菲亞話我肯定好鐘意俄羅斯o個「溫存」~~~唔……但我就覺得麻麻地囉~o個名係特別……
又講o下o的唔要女仔BB o既國家、人柱呢o的o野，o個「人類胚胎」，其實都無講過，因為佢一講，就已經問我o地會唔會搵人代生BB同領養，但係我都睇o左份Note~
早o左放學，但係我去o左搭地鐵……同Yanki一齊搭~佢就要去返工~
原來我都佢都好驚要諗話題，特別係搭火車o個半個鐘車程……於是就同佢係扮諗話題講，來來去去都係o個o的o野之嘛……
講o左o的佢o既o野，俾佢問我點解會鐘意佢……又話佢「玩弄感情」，仲話之前係見到佢拖住個校外o既女仔……
返屋o既時候，條路又行得返喇喎……舖o左o的木板膠板o係面~但條路都仲係爛o既……

終於Down完o個阿翔VS Guest o既打字比賽喇……等o左差唔多一個月先ok……但仲未睇~
o係MSN睇到話3月4號上「座頭市」囉!!!我想睇北野武耶~~~~~~~~~~~><不過真係唔知原來係日本家喻戶曉o既故事~~~~~~
同L講開阿翔，佢聽完阿翔鐘意o的歌就o燧度笑啦~不過佢估錯o左佢失戀時聽o既歌，係「Back To Your Heart」~但其實阿翔鐘意o既某o的歌，真係唔係首首都o岩我聽……就好次唯一一隻唔o岩o既係MC AT o既「Bomb A Head」……
o係Win MX度搵到有「How’s it Going」阿翔唄「Touch Me Now」o既片段~梗係要Down啦!!!排極都未到我……枉我仲Delete o的o野去俾位出o來……
而且仲搵到阿翔+Ohno o個Coca Cola廣告~~~~~~~~~~~~但係Down唔到……
講埋我睇o左「戀愛至上主義」#5，佢都只係睇到唔知2定係3 o乍!!呢本5係咪台灣版o個o的~!?
L終於都Down到隻「I'm Good」，o係電話度聽到o既~~~~~
而且仲搵到有「五里霧中」同「道 Double Version」Down，但係兩次都係排到好前，就突然排返去五十幾!!!!激死我!!!
繼續打返星期三o既日記，但唔知部電腦做咩，想開返o的日記o來睇，但竟然話我o個o的Winzip晒o既File唔係Winzip o架囉!!!解壓唔到……而且o個IE又唔知做咩，成日話內部程式有問題要Close，幾經辛苦先至可以Up到日記o乍!!!
收到Aoyi o既Message，Send o左佢o既相簿o來，只係Bookmark o左先~費事開多o野出o來又唔知邊度o既內部唔得要熄機!!!
聽日唔駛叫L起身~但係我都係要早少少起身o架啦~

>>March 2, 2004 at 5:33:33 AM GMT+8

2004 年 2 月 22 日 星期日 【微冷】

換完衫又上網，今次就上o左Chie o個網，諗住睇o下佢日記點寫~點知仲未搵到，放學返o來繼續!!
但就俾我睇到話隻「Making of PIKA☆☆NCHI Double」入面，有阿翔埋位前煲煙片段囉!!!咁都會俾出o既~!?我又想快o的買啦~~~~~~~~
行過報紙檔，見到太陽頭版，竟然有日本女優o係機場拍AV啦!!!有無Fucking場面先~!?o係機場拍喎……無人發現o架咩~!?
買o左本中文版「Wink Up」o來睇~~~~~搵o左好多地方都無，最後要行到去最盡頭間地利店先有……而o係我落去粉嶺中心o既時候，就同Maggie打對面咁行，佢係咁玩電話~佢見到我o既時候都好出奇啦~不過因為我未買到「Wink Up」，所以就叫佢行先~
Arashi輯相，我始終都係覺得日本版o個輯更加表達到「童真」呢樣o野o者!!!只係大約睇過o下o個內容就算，o係咁多人之下睇「Wink Up」硬係覺得有o的尷尬……唔知點解……只係睇o左Arashi o個Part……

睇「都市日報」，入面有講「Sex & the City」o既，原來美國今日播大結局啦!!!因為有Sarah Jessica Parker o個樣，所以就拎多兩份返o來剪，但唔小心，拎o左3份返o來……
返到去，就同露比講想飛去美國睇o個結局啦!!!~><~同佢講埋亞基Info o的o野，佢聽完之後都出奇佢會咁寫!!!
點搵都搵唔到太陽頭版講o既o野……
o係加油站見到Steven，我諗住跑過去o既時候，佢竟然又跑!!!太差喇~~~o的人!!
露比竟然未返，而蘇菲亞又同o左Queenie佢o地坐，我只好坐o係阿娜隔離，露比之後返o來就坐o係我後面o個行，到Mouse佢o地返o來，就坐o左o係我前面~我o地都覺得蘇菲亞只係訓o既話真係好阻住人o地囉……而且佢仲要坐o係佢o地中間~
報紙o個星座運程話天秤座『戀愛運上升，適合向心儀對象表白，成功機率特別高。』於是就叫阿娜試o下同Alex表白<講笑o者>，俾佢叫我試o左先~咁我梗係諗住佢得o既話咁我就同佢講呀嘛……

Winnie堂，又係訓覺，訓到落堂為止——
日文堂，調位同默書，都係唔識!!
蘇菲亞都睇o左陣「Wink Up」，佢都問我堂本剛o個頭想點!?我只係覺得佢o個Feel有o的似哥哥囉……
開o左盒Pocky食，點知只係擺o左o係檯面，都係David Chu望住，要Alex提我「百力滋だめ」先知~;p
再叫阿娜試o下，Alex唔知我o地講梗咩，就一路望住我，而我都望返佢，結果係我避開佢眼神先……嗯~有人話過「當你好鐘意一個人o既時候，你會望住佢對眼，因為就算佢唔o係度，你都會記得佢o個樣。」我幾鐘意呢句o野o架~因為每次我同親亞基講o野o既時候，係我唯一唔會避開眼神接觸o既時候，而我就真係會望住佢對眼o來講o野~平時我係唔敢望住人o地對眼o架……>///<
好努力咁寫返「Touch Me Now」入面o的英文歌詞，但係成日都唔記得句「Gimme A Body & Soul」係咩音……
Kenneth睇報紙時突然擰轉問我咩係「檳榔」，之後我同Alex就o係度解釋咩係「檳榔」，聽到呢個名，只會諗起台灣o的「檳榔三級女郎」……「檳榔汁」咪應該係入面o的汁囉~之後問Cherry，原來佢食過，仲話好難食o架添!!!
之後David Chu又要我o地分組，究竟係Total六組，定係三個人一組呀??呢個重任又交o左俾Leo，辛苦佢啦~
佢要o的Group Leader企起身，得我一個企o左o係度……樣衰!
最後我o地就三個人一組，Leo佢o地就煩到要抽籤先要打散到自己o的人，三個男仔+Sakura，俾我o地話係同班禽獸 / 猛男一組~
因為隔離就係Alex，所以就借o來俟o左一陣，但係俾蘇菲亞叫我快o的起返身，話有人會妒忌呷醋o架喎!!!雖然唔知咩事，但係都拿拿聲起返身先~
分晒組，David Chu就要我o地揀一樣中國點心去寫，50個字，今日之後要交!!!我o地就揀o左蝦餃~

Lunch Time時，諗住叫Alex快o的出，點知佢都係要慢慢o來，仲話係俾機會我囉!!!
出到去，隔離班都走晒啦!!!>.<
跟大隊一齊行，落o左旺角，露比期間係咁話想食牛肉飯、牛腩麵……
而且我都知道o岩o岩蘇菲亞點解叫我唔好俟落Alex度啦~~~~我就講笑話我都鐘意Alex o既，佢就當真啦……露比都知我講笑~
同露比&蘇菲亞講Aoyi話我似佢o的o野，露比反而係同我講話Eva話我同Leo好似樣囉!!之後就即刻拉佢過o來俾佢o地睇，根本就唔似!!!Leo問我o地咩事，講完之後佢有o的激動咁……究竟即係Leo o個樣似女仔定係我o個樣似男仔~!?
最後我話食Haagen-Dazs，露比都贊成就去o左食啦~不過西洋菜間Haagen-Dazs無廚房，所以應該無佢想食o既窩夫~
佢買o左o個Strawberry o既，而我就買o左o個Rocky Road，但佢呢款係無棉花糖o既……

已經跟甩o左大隊，打電話俾佢o地又無人聽，所以我o地就自己搵地方坐~
去o左許留山，嗌o左都算多o野食~兩碟蘿蔔糕、一碟西米粉果、一個咖哩什錦、一個椰汁鮮果撈o野、一杯蜜瓜汁，露比都嗌o左杯o野，好似有蜂蜜o係入面o既……
其實我都有o的想嗌o個「燕窩燉蛋」o架，而且今日特價~但係最後都係要o左蘿蔔糕~
等o的o野食o來o既時候，我o地又繼續講o岩o岩o的話題~我真係留意唔到喎……而且有o的事發時，我都唔o係度~呢間學校真係多戀愛事o架o者!!!上年都無咁多o既~~~~^///^
o的o野食一路o來，我o地又繼續o個話題，之後講到Sex同埋結婚o的o野~~~~到時真係叫阿媽唔好俾o的金飾我戴!!!
我同露比都話會買o左套婚紗返屋企~~但係蘇菲亞就問買返o來做咩，咁可以得閒拎出o來著o下呀嘛~~~^///^
到時我生o左BB o既o野，我都唔會俾阿媽湊，因為我唔想佢由細到大都接受呢o的教育……露比聽完我阿媽咁教之後，都覺得唔太好，但無辦法，阿媽o的思想就係咁~
o個咖哩什錦真係好辣!!!只係食o左一啖，就已經頂唔順，露比雖然都話好辣，但都仲可以繼續，最勁o既係蘇菲亞啦……食晒~
再聽o左o的某o的人o既o野，聽完之後就覺得真係好似佢……^^
至於David Chu o個份功課，最後都係話返到上去先做~
一路行返去，就講o下初夜、初吻、初戀o既o野~~不過，唔好意思，我o個個係「初日」o來o既~
蘇菲亞聽完我o個個「初戀」解釋之後，先至知道點樣先為之「初戀」，佢o個死o野，又係一腳踏兩船咁啦!!!真係妒忌死人!!
為o左o個頭版，露比真係去買太陽報!!!

上到去8樓，C班仲未放學，就派人去睇o下佢坐o係邊~不過佢o岩o岩坐正o係門o個邊，所以睇唔到~
之後David Chu行過o來，俾o左疊C班o既默書露比，然之後叫o左蘇菲亞跟佢拎返我o地班o的默書簿~
於是我就拎o左拎佢o地班疊默書簿，係咁搵佢o個本，但係無，咁即係代表呢個人都係用紙o來默書o架啦~!?
C班出o來，好彩o係o的人出o來之前記得俾疊o野佢o地o者~再講埋David Chu o個句說話~
有人問返我係咪無簿唔駛搵佢~咁就當然啦~
Leo見到佢o係度o係近門口搵默書簿，又開始叫我，之後仲有其他人叫啦~我o的Call機又響過喇~<笑>應該要好似Leo日記咁話「低調o的…低調o的好…」
一路都扮無o野咁，Feel到佢有望過o來囉~見到佢著o個件褸係咩牌子，係DC o架!!!^^唔知網上面有無得賣呢~!?
佢走o左之後，我竟然無落去睇佢……

入o左班房，部機都仲係開唔到，而阿娜部機就得，所以淨係得我一個坐o左o係Alex隔離~
順便開佢幫埋機~~~~
係咁睇份報紙，都只係o的露出畫面~咁好易o者……套o野叫「露出旅行in香港」，日本賣六百幾蚊，好彩隻VCD信和都已經有得賣!!$25 o者~我就話一陣間過信和搵o下先~~~~<笑>我比較想知佢o地係去o左邊間酒店拍Fucking場面囉……但入面話有幕係o個AV蹲o係地下玩性玩具，咁都無人見到~!?!?
俾Alex睇個報紙~佢都出奇啦~
睇完之後就繼續學用Excel，露比之後俾o左份月亮我睇，佢話入面教按摩o個度o岩我睇喎……Alex見我拎o左份報紙過o來，就睇o下係咩，而我大約睇過o下係o的咩按摩，但係我都唔會做o架啦~所以就轉去睇o個心理測驗：可唔可以共富貴，我仲叫埋Alex睇~但俾佢話我係第二個o係佢面前睇呢o的報紙o既人……仲話我叫埋佢一齊睇囉，咁我都只係叫佢睇o個心理測驗之嘛!!!
我話我一定唔會揀Alex做我老公，佢都話佢唔會揀我做老婆，仲話咩揀o左o既眼都突晒!!之後我即刻同露比投訴啦……不過其實Alex會係一個好男朋友同好老公，只不過佢唔係My Cup of Tea o者……都唔可以話唔係o既，或者有一日，當我想要一個平淡o的o既生活，Alex呢一類型就o岩囉~~如果有女仔俾佢揀到o既話其實係會好幸福~
唔記得講開o的咩，我就同佢講佢真係一個乖仔，佢就即刻好似一個細路咁啦~而當佢講「Sorry」o既時候，又_____________，不愧係人馬~;p 不過呢個人馬同亞基o個款又唔同……我會覺得亞基係一個花心o既人，但係o係Alex身上係搵唔到呢點……

露比寫好o的Points俾我，我就要張佢o地變做Sentences，一路諗o既時候，唔覺意將對腳擺o左o係凳底條柱上面，就俾Alex話我係女仔o來，要我斯文o的……
放學o既時候，Alex話返屋企玩「捉馬騮」喎~無辦法啦~我童年悲慘，唔知係咩o來……
但係當見到Alex好興奮咁講o個Game o既時候，我就好似見到某個人咁……o個刻係有o的想喊……而且佢真係好似一個細路仔~
打o左俾Emme，約埋時間~~~
交o左o個功課俾David Chu，俾佢問我夠唔夠50個字，梗係夠啦!!有多添!!!
一路落樓梯，因為班男仔話聽日去睇「拳霸」，我o地就話要睇「玩轉男人心」，從中學o野喎~
落到地下，等o左一陣，傾o左陣計，有o的大風o既感覺……
大家姐原來梳o左o個「騎樓裝」!!!以前因為o的瀏海唔夠長，所以梳唔到……好羨慕呀~~~
大家姐o係度學夾腳，但係佢仲做得核突過我……
見到阿Ling同Steven落到o來，就問佢o地如果我將o的頭髮剷走會點，佢o地都話好~而且佢o地仲話我去剷o既時候叫埋佢o地去睇~
去到中電o個度，大家姐突然o係前面揭起我條裙!!!隔離有其他學生o係度!!不過我無咩特別反應，反而俾佢話我變態囉……
一齊行o既時候，我又o係度「耶」佢o地，佢o地都仲係頂唔順~~~攪到我呢招好似人o地o的必殺絕技咁……

陪蘇菲亞慢慢行去旺角警署o個遊樂會，一路行，又講o下星座、佢o既戀愛狀況咁，好心就快o的同人講啦……
講到結婚o的o野，如果係同佢o既話，佢o既禮服褲頭唔會吊起o架呵~!?蘇菲亞聽完之後就o係度笑話唔會啦~可以訂做o架嘛……係喎……我都唔記得o左添~
行返去聯合，都差唔多1600，打俾Emme，佢叫我再等多一、兩個字~所以入o左去聯合行~
又再睇到o個段o野，真係好想抄底!!!好Man o個度有點：「他，不善分享。」
落返門口等，有個著到好Hip Hop o既男仔又o係度等人，佢已經等o左好耐o架喇喎!!!我陪蘇菲亞行落地鐵站o既時候就已經見到佢……
見到Emme，佢真係好靚女，而且有少少得意~~做酒店o既真係要咁~!?佢又要去開會o既，都做到好高級~而佢o既衣著我又覺得佢係似賣房o既……
拎埋o的雜誌，就返屋企，o係火車度好努力咁睇o的雜誌~阿翔鐘意「淚のキッス」，要Down o來聽聽啦~

因為有o的肚餓，所以就o係華潤買o左包Calbee蝦條返屋企~~~~~~
返到屋企就上網打星期二o既日記~
搵到Chie話拎到阿翔電話o個日o既日記…………
之後上o左Sho Time，睇o左陣o野~~~~~o係留言版度見到o的人話「五里霧中」o個Rap超強勢喎……仲話連Ohno都好似跟o左阿翔咁……我要聽~~~~~
o個背景音樂係「道Double Version」，估唔到o係留言版有日文歌詞、拼音同埋中文解釋啦~~~
Down o左「Honey」Soundtrack入面o的歌，有好多Result出~~~揀o左一陣，就Down o左第一首歌，睇到係Missy o既，即刻按「Download」!!之後俾L隔住o個電話聽，佢話唔係Missy o架喎……明明寫係第一首o架，於是就再Down過~~~~原來首歌係「I Believe」……寫清楚o的先得o架~~~~~但係L話好鐘意呢類動感+鼓勵Feel o既歌……但係我開頭聽o既時候都諗返起o的片段~~
終於Down返首o岩o既，Missy o個首係叫「Hurt Sumthin」~~~~~~
講開班o的同學對我剷頭髮o既意見，L就話叫我直情剪頭髮之前問阿Jan o既意見，仲俾佢話我o的頭髮硬……不過我真係唔知原來只有我o的頭髮生到呢個長度時係會自動撓起，我仲以為個個留長頭時一定會經歷過呢個階段!!!咁即係我又要再修o下o個髮尾啦~!?而且都唔駛旨意我可以留長頭髮啦~!?

屋企突然間無o左o個洗衣機，真係唔覺眼!!!
收到阿Yen Send o來o既Message，以為係笑話o個o的網，仲要連續兩個喎，點知一開o既時候只係見到佢好似Download o左o的o野返o來咁，而個網就咩都無……唔會係中毒呀嘛~!?
見到有Nike o既廣告，就Click o左入去睇，唔……不過我唔記得o個Password，所以玩唔到~
阿媽見到o個Calbee空袋，以為我拎o左阿大阿細o個包o來食，我先唔會做呢o的o野啦!!!
同Frankie Icq o左一陣，佢宜家上梗堂啦~幾耐無用過全英文同人Icq呀~!!俾佢問我幾時會有新故仔睇……點答佢呢~!?剪剪埋埋o既都會有o既~但都要有時間去整理返先得……
佢仲睇o左我本相簿，話阿細好得意啦~~~但係宜家已經係一個惡魔o來喇……!!<-- L講o既~
Up o左佢o個Info，佢又話要戒煙……唔，戒到先算啦!!

2130明珠台播「Smallpox 2002 Silent Weapon」<天花危機>，我都好想睇……但係想比起「CSI」，我就選擇o左後者……都睇o左少少前者~~~~~
開頭o個半個鐘，就o係自己間房睇，之後o既就出廳睇~好彩阿爸仲未要睇電視o者!!
睇住o個法醫官剪o左o個已經燒死o既魔術師o既手指，仲要近鏡去影佢扯走條手指骨，再將塊皮套o係手套度去拎指模就覺得好恐怖~~~=___=;;而且塊皮都好真囉……
仲有幕係講o個魔術師吸入o的火，o個鏡頭就影住o個燒焦o既口同喉嚨，一路咁伸延落去，雖然學識o左o的o野，但係都有o的核突……
今集就講o個魔術設計者o係上台表演時死o左，之後連o個魔術師都o係表演中燒死埋!!!
之後先發現原來後者只係o個替身燒死o左，拘捕o左o個魔術師~o係警車度，連魔術師都會有條後路o既……

>>March 2, 2004 at 5:38:14 AM GMT+8

2004 年 2 月 21 日 星期六 【晴】

發o左一個好想死o既夢……地點係舊樓我媽間房，我竟然同Bonnie做囉……係佢挑逗我先o既……之後佢就一路錫，詳細o個o的唔講喇~最好笑係佢問我「點解仲未硬o既~!?」而我就係答「就得o架喇~」今次兩個都係女仔o來，點解咁問自己知啦~~~但真係都唔知點解自己會咁樣點……Tiffany睇完唔好同Bonnie講!!
之後俾阿媽撞破o左某o的o野……我唔肯定佢係咪見到，不過佢一入o來o既時候見到我，就用o左一個頗為厭惡o既眼神望住我，而我都要扮到好無o野咁拉返高張被……我唔知佢係咪見到係因為我o個張厚o的o既被o岩o岩擺o左o係床o既邊邊，我落返床睇，照計應該睇唔太清楚o既……不過算啦~由細到大都唔知俾佢撞破幾多次啦……

L尋晚就o來兩點o既時候先話搭梗車……
睇o下今日幾點有場「Honey」，同尋日一樣，都係1600，於是就打o左俾L~
講都講到我就o來”火文”……
約o左o係火車站等就算~
留言版都只係得一個留言，佢話套o野幾好睇，但就短o左o的喎~
o係Yahoo!旅遊見到話「和歌山興鯨魚共舞」，雖然未睇清楚，但係都Bookmark o左先!!!
阿媽竟然好無o野問我飲完o的o野有無覺得o的暗瘡好o左，呢排我都已經無出暗瘡啦~所以答唔到佢，阿媽仲話對落o個件話有好到囉，我心諗：佢根本都無暗瘡o既，俾佢飲簡直就係浪費!!!而且如果真係兩日就見效o既話，咁應該無人再因為暗瘡而去睇西醫!!!
俾著係以前，佢一定唔會同我講o野o架……但係呢次同埋對上次佢都無o野咁……係咪因為佢o既思想終於開通~!?我將來都唔會咁教我o的仔女!!

終於Down到「Shut Up」MV，有得睇喇~~~~~~~
真係好鐘意呢個舞台劇形式~~~但係有o的歌詞唔同o左……而且o個女主音抽褲襠o個動作做得唔好睇……但係點解要Fade Out「Bull Shit」o個”Shit”字呢??反而”Damn”呢o的就無事喎……
成首歌都好好睇啦~~~~^^講一對戀人由相愛到分手o既o野~~~
o係Icq度，有個外國人「hi」我，佢竟然話我IN LOVE囉!!!我o個Info邊忽似一個In Love o既人寫呀??
想Down KinKi隻「永遠のBLOODS」，但係Down極都Down唔到，最後竟然Down o左「金田一」隻「從接吻開始的神秘」……而且仲Down o左コウ隻「いくつかの空」~
Up o左星期一o既日記，差唔多時候就換衫出門口~用o左o個Nike袋~~~有諗過用唔用o個File夾住o的Game書出去，但係拎埋o個File o既話又會好重喎……

o係OK度買o左包朱古力奶~見到Counter度貼o左一張叫「戀愛盒子」o既Online Game，o個女仔都畫得唔差~有o的想玩添~:p
出門口先至發現o的Game書已經皺o左少少，所以就拿拿聲將o的書打直擺~
遲o左少少先去到大學站，上到車，L就用o的火酒去抹對鞋面，而且仲幫我抹o左書包帶o的黑色位，甩o左少少色~
L買o左o個貓貓o既公仔同洗面盤俾Aoyi，但係後面o的膠紙就真係……
佢都話我又買袋啦……我再重申：我好耐都無買過袋喇!!!佢仲話我應該較長o的條帶o來揹，但我覺得呢個位o岩o岩好~~~~
有位坐，俾o左o的Game書同埋本「血冷式內燃機關室」佢睇~佢係咁話「Biohazard 4」o的畫面的確靚好多~而且佢都睇o左本漫畫一陣，佢梗係可以好無o野咁睇啦!!佢坐邊邊位，隔離o個個又係識o既人!!!連佢都話本漫畫$35，而且仲有咁多彩頁o既話都抵!!但佢就唔太鐘意o個警告字條係用螢光黃色……我覺得似金色囉……而我就睇「Eye Shield 21」，L睇完o個個尊尼事務所o既櫻庭之後，只係無奈……不過我覺得呢個櫻庭都唔差丫~

出到去，都要行快兩步，因為都就o來45分~
「Big Fish」同埋「Harry Potter」都就o來上，前者係因為見到有大Poster、後者就因為見到o個老師廣告~
我係同賣飛o個個人講「唔該，兩張蜜糖兒o既飛丫~」<爆>終於都買到o的中間o既位，而且竟然有其他人o來睇!!
買完飛就即刻上去，我就同L講o岩o岩唔記得拎張學生證出o來，但係L就問返我轉頭星期日有優惠o架咩~!?而我又問返佢「無o架咩?」
上到去，仲未入得，於是就買o左o的小食，買爆谷o既時候o個姐姐問我要咩味，原味定係焦糖味，聽完之後想問佢「有無得兩溝o架?」；而且L買燒賣，又有得揀要邊款，L之後問我係咪好想死，聽到咩都有得揀要咩味……直情無奈啦!!!o個姐姐話加$8可以要o野飲，我就問L要唔要，係佢自己話要o既，但係叫我嗌o野飲囉……咁明明係佢要飲，又做咩問我o者~!?
不過無嗌到o個冬日套餐，送Haagen-Dazs雪糕喎，四十幾蚊兩杯o野飲加爆谷，仲抵啦!!!

睇o左其他戲o既廣告，睇完之後兩套都想睇，「Stuck on You」<孖住你>3月就上!!!
另外一套就講生o左12個仔女o既家庭，都係笑片~~~而且o個男主角都係o的出名o既演員~
L同我講套o野入面有Missy同埋Jay-Z囉!!!
然之後我又問L：究竟同場o既人係因為咩而睇呢套o野呢~!?我宜家就肯定因為Missy啦~~~用$50去睇Missy喎，我仲唔算忠實Fans!?<爆>坐我隔幾個位o既就係一個三十幾歲o既男人、後面就兩個十幾歲o既o靚妹……
連L都諗唔到呢個問題o既答案~~~~~~~
套o野都唔差~但L話飾演Benny o既係一個歌手囉，咁細個~!?
等到差唔多尾o既時候先見到Missy~~~~~~~~佢學返o個女仔跳舞o既時候超好笑~~~~~
最後仲有幕佢話o個司機唔識路，又係笑o既~~~~~佢都比較提住Michael Jackson啦~
完場o既時候仲有得睇「I’m Good」o既MV，都話係有Missy o架啦!!!同L講又唔信我喎……
至於Opening o個個女仔係咪Jessica，我就唔知喇~~~~~~不過o個字幕有個名係真係叫「Honey」，係咪真係有呢個人先~!?
第一次全場人都睇埋工作人員List先走~~~~^^但係睇Channel V o既時候，最後好似無Missy o個打橫V字手勢o架喎……L就係咁話有……
都差唔多6點幾，都唔算短啦套片~~~~~出到去，o的爆谷都差唔多食晒~~~而且又係咁「I’m Good」上腦~~~~~L竟然唔知Missy減肥o既時候係「One cracker a day」!!!<雖然唔知係咪真>佢真係唔會去睇o下o的歌詞o架囉……套戲o既都算瘦o左啦~~~~至少比起「Lady Marmalade」o既時候……

打o左俾Apple問佢點，點知仲未走得……於是我同L就行住旺角先~
睇完套o野之後，L就係咁話要搵隻Soundtrack o來買~好明顯就係要去到HMV先有啦……
同L講我Down o左o個「Shut Up」o來睇，點知佢話o個MV唔好睇……都有講埋今朝俾阿媽撞破o既o野，俾佢話我白痴啦……咁阿媽又無著拖鞋、入o來之前又唔會敲門o既，我都防不勝防o架……算啦~連對落o個件都唔係未撞破過啦~L就話可能佢同阿媽已經講o左添呀~
o係L耳邊吹o左啖氣，俾佢頂我啦…………
上o左Red Focus，天空之城又出o左新o野，魔女宅急便o既都係……另外仲見到對落o個件o係情人節o個日拎返o來仲拎出o來Show o既冒牌金莎花……係粒"金莎"叫CHERIR囉……好明顯係買返o來o既，連有效日期都有o係度……而間o野就有得買一盒四粒裝o既CHERIR…………
行過旺角Boardway，L就話好多人都想睇「拳霸」，我就話我都聽睇，L頓時無奈啦~
之後去o左信和，o係地面間漫畫舖見到第四期「ツバサ」，o個Postcard好靚啦~~~另外全女仔o個張就o係「xxxHolic」o個度~~~~~
落o左去地庫，L終於睇到新Single封面，但係張大Poster就俾Speed o個張遮住o左……
過去Joey o個度，已經有Arashi o個Calendar!!!不過宜家有o既只係飛機版，都要一百八十幾，所以Joey話等船o既好o的，一百四十幾~平o左成四十幾蚊呀!!!呢個禮拜尾就返~
另外仲見到有兩本有「PIKANCHI」連載o既TV雜誌~~~~~~~一定要買!!^^又多樣連載要理喇……
o係精品店對面間Online Game舖，見到有「戀愛盒子」，就同L講~~~~佢都覺得ok~而間精品店度見到將會有「天廣直人畫集2」賣，千影做封面、拉梗小提琴耶~~~~~~~~~~~L仲話佢好似大個o左~
上o左去12樓，終於有得拎隻VCD喇……
而L就係咁搵Gackt o的VCD~Arashi又連續兩個禮拜上「少年俱樂部」……仲有一隻「PIKA☆☆NCHI Double」o既o野，仲以為咁快出o左VCD添~之後睇到DVD o個隻，原來只係Making o者~~~~
再見到一件Arashi o既衫，原來佢o地o個Con名係「Live is HardだからHappy」，係呢個"Live"呀~!?我仲以為好似戲名咁係呢個"Life"添~件衫都幾想要啦~但係唔知幾錢，而o個護腕L就問o左價，都好似要一百蚊……咁件衫會係幾多呢~!?
之後落2樓，呢度仲多Gackt o既VCD啦~所以L又買o左隻~好彩前日無應承幫佢買VCD o者~~~佢自己o來買仲好啦!!!又唔知佢已經買o左邊隻!!
已經行到無咩地方好行，去o左兆萬，同佢講o左o個夢，佢聽完之後o係度爆笑啦!!!
睇o左好多Figure~
o係「どこでもいっしょ」間o野o個電視機依然都係播梗トロo個o的片段，於是就同L企o左o係度睇，有個係佢「回眸一望」，點知後面無人o架囉!!!
真係好想要o個Copy!!!~><~
同L講開頭髮o的o野，佢提議我一係將o個頭底部o既頭髮都剷走~~~聽完之後即刻話好啦~~~~因為第一刻就係諗起佢o個頭，佢o個頭底下o的頭髮都係剷短晒~~~嗯!!聽日問o下同學仔o既意見先~~~^^
不過應該唔會影響到時Interview o架呵~!?

Apple都出到o來，過o左去櫻井睇o下o的價錢~
L就負責攸聽o個個，而我就o係後面配音~哈哈~~~~「你想要櫻井餐廳定係櫻井公子呢?如果係櫻井餐廳o既話就唔駛等~」「唔……我都係想要櫻井公子丫，唔該」「好呀~咁麻煩你等一等先啦~」「請問櫻井公子大約會幾點返o架?」「唔……大約9點度啦~」「唔該你~~」但之後到o左9點「唔好意思呀，請問櫻井公子o係邊呀?」「er……佢宜家練梗琴喎!!」
另外仲有一個：「你可以揀二宮o的衫再配櫻井o的鞋囉~」
再同返L講，佢o既反應係無奈……
上o左去坐低等Aoyi放工，o個走廊o個o的真係令人覺得係有個樓梯位啦!!!<因為地板設計>坐之前都以為有，仲舉高o的隻腳~白痴o左……
等L去埋Toilet之後，我就同Apple過對面o既恆生拎錢~
我又以為有級樓梯o係走廊度……
佢拎完之後到我拎，首先真係要Check o下戶口先~真係得返百幾蚊……拎埋出o來之後，戶口就得返$18.7!!!!我同Apple又o係度爆笑……不過o的錢都係要拎o架~

返去o既時候同Apple講話夢到Bonnie，當然無講晒詳情啦~反正佢都唔明o既~
俾o左佢張相Apple睇，佢又問我上面o個張相o個個係邊個o來o既，咪就係窪塚之嘛，佢竟然話兩個比o既話，佢型o的囉!!!雖然佢係型o既，但都唔可以話窪塚差o架喎!!!係佢整o個鬼樣出o來之嘛!!!><
睇陣有咩食，之後就o個個o係度刨書!!!而我條頸又繼續癢，俾L叫住我唔准再攪，但係真係好癢丫嘛……
講o左戶口o既結餘俾L聽，Apple就o係度笑，L就當然係無奈啦!!仲係佢問我買o左o的咩o來……最貴o既咪都係本「Sex & the City」o既「Kiss & Tell Book」囉~Apple仲問我真係買o左~~~~梗係啦!!!
Aoyi終於o來到，我o地就各自嗌o野食~
佢仲拎o左銅鑼灣o個架通宵小巴o既行車路線俾我睇，不過唔經我o個度啦，最近都係祥華村，又要我好似生日o個次咁行到盪失路咩……再唔係就一係和合石落，更加無可能會返到屋企啦……
佢仲俾o左o的尋日佢同L見到o既裝飾品，o的翼係用真o既蝴蝶翼做o既!!!有一個我都覺得幾靚~~~~而且都唔貴!!仲要係o個老闆自己整o既~~~~~~
講到o個情人節Special，3月14號先Up……早知我都唔駛咁講住答啦!!!
Apple竟然買o左「Stand Up!!」囉……好似係信和版本~
等o左無幾耐，o的o野食就o來到，o個鰻魚飯好好味啦~~~~~^^我係最快o個個食完!!

食完之後就講o下o的夢o既o野，個個聽完我o個夢之後都o係度爆笑……Aoyi仲話似係我係男仔o個方，o個女仔用口幫我咁耐都未硬就o係度問點解咁耐都未硬咁……最白痴o既都係點解會咁答o架呢~!?
而L o個個夢就係Mix埋「xxxHolic」入面o的鬼故~
講o左o的三級o野，不過唔好再俾我聽到有人講Cybersex係咩「電腦性愛」先得o架……
連佢o地都覺得Cybersex係滿足唔到我……不過其實問題係男女協調唔到o者……女o既打梗字o既同時，男o既已經有下一步喇……咁不如俾篇三級文章我睇仲好啦……玩過一、兩次之後就覺得唔好玩所以無玩lu~
之後佢o地又講o下o的唔關我事o既o野<毅進>……好悶……
L就同我講叫我諗定讀完呢個Course之後o的o野，好明顯我又係唔到最後關頭都唔會去諗o架啦!!!
Aoyi就同我o地講話Chie有阿翔o個電話!!!有人聽完之後唔開心啦……原來之前o係留言版話o個日本朋友幫佢拎o既o野就係呢樣，仲要好有信心咁話「Get You!」……佢o地聽到之後問我Chie o係留言版點寫~不過真係希望佢唔好將現實同半現實o既情況混為一談就得喇……Aoyi仲話係Frankie同佢講o既，唔通之前有次佢「Hi」我都係想同我講呢樣o野~!?Aoyi仲話如果連Frankie都知o既話，咁一定仲有好多人知囉~寫o係日記喎……佢日記又唔係無人睇o既……
hea多陣就走~o個度o的人竟然俾每人一張o既櫻井咭我o地啦~但係o個日期就因為係印仔o來o既，所以就係咁甩色……

擺o左張咭入銀包時，佢o地又再睇o下佢o個樣，Aoyi仲話我同佢有o的似樣囉……而佢都話Apple有乜理由話窪塚唔型先得o架~!?之後就o係度研究「夫婦相」究竟係咪兩公婆互相似樣定唔係，但我記得露比佢o地話夫婦相係兩公婆似樣o架嘛!!!
o係地鐵站度同Apple & L分開之後，Aoyi就帶我行返落去地鐵站，佢話呢條路行o的喎~
咁o岩Apple同L o岩o岩買完飛o來~
講開「Dick」呢個名，原來o個個人知，不過Aoyi就話因為佢o個名有個”迪”字，所以o的人先咁嗌佢~
行o左去火車站，去信和o既時候我就試過咁行囉~咁樣行返去火車站都好似快o的~
Aoyi問我聽日陪唔陪到佢去染髮，不過我聽日都唔知要幾點先攪掂Emme o的o野，所以都陪唔到~
o係火車度聽o左Aoyi訴苦，之後又知道原來佢同L尋晚係落o左Bar，佢仲推介o左兩間俾我，可以唄埋K添喎!!!而且都真係幾平o既~~~~~~
不過我覺得Aoyi o既問題，都係自己開心就得……雖然其他人可能覺得自私o左o的，但始終做到自己鐘意o既工作o既機會係難得o既，而且既然都做得開心o既話，咁就更加唔應該放棄囉~至於其他事項，佢o地都唔受o既話，我都諗唔到有咩方法……

>>March 21, 2004 at 8:31:54 AM GMT+8

2004 年 2 月 20 日 星期五 【晴】

Aoyi生日快樂~~~~~~~~~~~~~~祝你今年開心死~~~~~~~~~^^<呀!!唔好意思，生日唔可以講o個”死”字o架呵~!?，咁我就祝你快樂到上天堂啦~~~~係咪好o的先~!?>

起身上網例牌工作~
開電視，睇o左陣「棋靈王」，佐為終於走o左喇~~~~~但係我都Miss o左呢Part……o岩o岩就睇到ヒカル復出第一戰囉~
o係全日風Down o左TT o個「One Day, One Dream」MV，點知開唔到……之後就再Down埋佢o地上「Hey! Hey! Hey!」o既片段，又係開唔到……<悲>

成個下午好努力咁打日記~
突然收到Ceci o既Icq Message，竟係同我講我o個E-mail就o來爆，即刻上去睇o下咩事，原來佢係Send爆我o個E-mail啦……11封E-mail入面，只係Delete o左o的2封無o野睇o既E-mail，再Delete o左o的舊o既拍賣場E-mail，先至去返93% o乍……我或者真係要開過另一個Account……諗o左一輪，不如叫「kforkimi」或者係調返轉丫~~我覺得ok o架~~~~~~:P
打打o下，當然會去做其他o野啦~~~~~
今次就係上o左4Lyric o個網，睇o下Black Eyed Peas隻「Elephunk」有咩歌，就Down返o來聽~
Total Down o左4首歌，兩隻碟o既，另外兩隻就係唔o係度碟度~前者o既有「Sexy」、「The Boogie That Be」；後者o既有「Complete Beloved」同埋「Request Line」。但係開o來聽o既時候，只係得「The Boogie That Be」有埋女主音把聲~而且o的音樂特別o的~~~「Complete Beloved」入面只係女仔French Singing，但都唔係女主音把聲~~「Request Line」就因為Featuring o左Macy Gray，所以就無o左……我始終都係鐘意有埋女主音把聲o既Black Eyed Peas~^^
最後都只係留底o左「The Boogie That Be」~~~~

阿爸返o左o來。
今晚我o既私家(食送)係豬扒~~~~~
Fax機突然響，阿媽就話唔駛理，因為最近部Fax機都係咁，之後阿爸入o左去聽，竟然係搵我!!!!
原來係阿娜~點解艾美麗會俾o個Fax機電話佢o架??我一定會寫埋屋企電話o架喎!!!唔通佢連Fax機o個Logo都分唔到……??
好彩之前o個o的電話唔係阿娜打o來o者~不過我都話「我唔係你~你有咩事係應該打o來我手機o架!!」哈哈~~~~~~
佢問我日文，我當然要拎返自己o個份Notes o來睇返~
教佢讀返o的片假名~原來班o的人抄埋抄埋o的拼音真係會越o來越唔準o架!!!阿娜話因為o的拼音係只係自己先識睇o既，咁一個傳一個之後，o的音都開始唔準~情形就好似「獎門人」玩o個o的外國人講中文o既遊戲咁~
之後就輪到我o個手機響，今次係L啦……佢已經放得工，話過o來聯和墟同我食o野喎……係都早o的講啦……咁我唔食飯呀嘛……
佢又要限我時間去火車站喎，咁我話我都要教埋阿娜先o架，佢又話「咁宜家你教人重要o的，定係我重要o的?」……其實兩者都差唔多o者，之不過係阿娜搵我先o既，咁我都要教埋佢o架~唔通由得佢咩……?兼且宜家佢又唔係我愛人……

最後好無奈咁同阿娜講轉頭打返俾佢，而我就要拿拿聲換衫拎o野出門口、仲要Zip晒開晒o既Files、閂埋日記、Delete埋o個Record、閂埋Icq，佢仲叫我帶埋阿大阿細其中一個，咁o既話佢實有排等，所以就唔帶喇~
係咁跑去火車站，點知去到o既時候佢都未到!!!我覺得佢係上遲o左一、兩班車囉~咁就早響啦!!
趁佢未o來o既時候，我又拎錢~
最想睇今集o既「Queer Eye for the Straight Guy」，好明顯都睇唔到啦……難得有部電視o係房……
等o左一陣，L就o來到，等佢拎埋錢之後就搭小巴過聯和墟，俾條頸巾佢o既時候又俾佢話我唔理佢感受啦……咁我點知佢o個袋會袋唔到o架o者~!?兼且佢俾我o既時候都無俾紙袋我，咁我就更加唔會專登去搵o個紙袋俾佢啦~佢又唔早響!我都係咁拎過o來之嘛~都無咩人望我~

o係小巴度繼續教埋阿娜，唔……不過我都係大約咁由英文度拼o的音出o來~希望無教錯佢啦!!><
落車之後就一路行，去o左我以前話想去o個間由日本人開o既麵舖，點知入面Full晒，而且出面都有人等梗，而且又唔坐得耐，所以就去o左圖書館o個邊~
發現自己拎漏o左本「血冷式內燃機關室」俾L睇~不過原來佢師兄都買o左本大暮維人o既漫畫，最好笑係話一睇先發現原來係咸書……如果本o野係「鐵屑物語」就好喇~
去o左上次有諗過入去食o野間日本料理，o的o野原來都算平!!而且仲有雪印o既o野食~好想買返屋企~唔知俾唔俾拎走o架呢~!?
叫o左o野食之後，L就教埋我點收冷，我都只係唔識點收最後o個針之嘛!!
同L講o左尋日阿媽煲俾我飲o的o野，佢聽完之後係咁笑~
o的o野食o來晒，一路都無人話過「瑞士雞翼」係炸/煎o架喎!!!上次露比已經中o左招啦~只係普通o既豉油雞翼之嘛!!!
o個燒餅同o的牛肉飯都幾好味~~~~杯朱古力仲要係波叔沖o個o的味~~~~有好多Syrup o係底o既~~~~~^^
聽o左L講o左o的o野，咁我又真係唔覺眼喎……難怪上次Apple聽到o既時候都無咩特別反應~
講開日記，佢話佢都有睇我日記，但就只係會大約咁睇o下囉……因為多字得滯喎……
食完，坐o左陣，L決定都係出去陪Aoyi~
講開佢想睇o個套「Honey」，我竟然會話陪佢去睇囉……算啦~反正「Cold Mountain」o岩o岩先上，唔會咁快落o既~
走o既時候都差唔多2115，出到去九龍塘都差唔多十點幾啦~
o係小巴度同L講o左Ceci Send o來o既E-mail入面一個叫「攪笑的經歷」俾佢聽，因為最好笑o既係小巴o個則，同L講完之後，佢都o係度笑~~~~~~~

返到屋，沖埋涼，就Up日記，今日總共Up o左星期五、六、日o既日記!!!係咪好勁先~!?
上Yahoo! Movies，「凶氣之櫻」出o左VCD，但係當我睇到o個語言竟然係「日文、國語」o既時候，又係無盡o既無奈———————————香港無出到咩~!?
宜家只係得返GH旺角上「Honey」，仲要只係得1600一場!!!不過唔知o個時間表係咪聽日o既，所以聽日都要再睇多次~

對落o個件入o左o來睇「熱烈的中華飯店」，要我聽住o的配音就想死!!!
o係Win MX度Down o左コウ o既「Sayonara」，但唔知係咩歌o來……只係略略咁聽o左o的~
翡翠台播「明珠台非常廣告雜誌」，原來o個「24 Season III」o係14號播o個個係2小時版!!之後就會係逢星期二2230做~~~~~真係好Biohazard啦~~~~
而且4月4號做新一輯「The America’s Next Top Model」!!!但我覺得今期o的女仔唔太靚囉……咁係咪會無o左「Queer Eye for the Straight Guy」???
有一套叫「偽行者」o既o野，入面就要o的普通人「強充勁人」囉~睇o左少少片段，都覺得會幾好笑~
星期一3月8號2230就播「Las Vegas」，睇落都覺得會幾好睇~咁到時我應該睇呢個定係「CSI」???
然之後好似二月尾三月頭就播「The 76th Annual Academy Awards」!!!

對落o個件要訓覺，所以就熄機，出廳睇o左陣新聞~
不過「Sex & the City」要25分先做，而且我又眼訓喎，咁就o係廳訓o左一陣，好彩醒返o既時候只係做o左一陣o者!!!
一開始，就睇到Samantha同Richard做o既鏡頭，阿媽就o係飯廳o個邊睇梗報紙囉!!!而且又無任何遮掩，係睇到佢兩個做咩……而且Samantha o的呻吟聲，又大喎，又唔可以即刻較細聲……幾驚阿媽會話我睇埋o的咁o既o野，但佢竟然又無o野喎!!
Charlotte同Trey分居……不過最後Trey出現幫Charlotte影o個相夫妻相，有o的感人囉~
而Samantha都開始有少少鐘意Richard~
今集好似追唔上o的字幕咁……
廣告時轉台睇Channel V，竟然播「Me Against the Music」!!
睇完就打俾L，佢o地竟然仲未飲完o野啦……駛唔駛飲三個幾鐘呀??仲話飲多陣就走囉~所以同佢講埋幾時做「The America’s Next Top Model」就走去訓，訓之前都Send o左Message俾佢。
算啦，有o的人講o既同做o既係兩回事o來o既~

>>March 5, 2004 at 10:24:11 AM GMT+8

2004 年 2 月 19 日 星期四 【晴】

尋晚發夢……見到一段好短o既片段：我、Alex同Kenneth o係旺角行梗街，o個時都應該係黃昏o來o架喇，之後佢o地兩個就話要返朗廷，得Alex一個陪我搭火車去大學，佢陪埋我出閘，佢先同我講原來佢返1900，當時都已經1840，我就話佢一早唔駛陪我，更加唔駛出閘!!
唔……點解o個感覺咁似人o地o的情侶o既……?

睇o左陣「小小大丈夫」，入面竟然有黃秋生!!!所以就繼續睇落去~~~~~~
換完衫執晒o野見仲有時間就開電腦，先至醒起尋晚Down o左Arashi o個Live，於是就開o來睇~~~~~~
睇完之後我只可以講：點解唄歌難聽o左咁多o既~!?係連Ohno唄歌都難聽先驚!!!二宮把聲，依照都係咁……咁出；阿翔把聲比MV難聽，而所謂o既無氣情況都唔知佢想點!?唄「Touch Me Now」時仲跳得舞多啦!!又唔見把聲係咁~!?；Aiba o個段Solo，又追唔上o個音樂，比較無乜問題o既係松潤囉……不過可以睇到字幕~

o係加油站買完三文治，咁o岩就見到阿娜自己一個行梗斜路，於是就跑過去嚇佢!!出奇地，佢竟然唔大嗌喎!!!真係少有……佢o既解釋只係話因為未訓醒~嗯~不過我都係會宣揚開去o架喇~
返到去，條頸唔知做咩事，好癢!!!o岩o岩喉嚨位同埋頸去兩邊膊頭o個個位都好癢……無理由係條鍊事o架喎，戴o左咁耐都無o野……

拋o左盒Pocky俾Alex，其實係諗住俾佢o既，點知佢係咁踩呢款百力滋囉……又話係Cheap o野、又咩唔夠朱古力味、又咩食到o個尾o既時候唔夠朱古力味……好煩好煩咁~真係想喊~><~
不過都同佢講o左我係想要呢款Pocky~但佢都仲係要繼續踩……兼且我醒唔起佢係唔食朱古力o既……所以我都話咁我買白朱古力o個款俾佢~出開去Sogo或者係西田先算啦~
雖然Alex唔食，但對於其他人o來講係受歡迎……<其實係因為呢班o的人都係”禽獸”~哈哈~>
Michael堂，o個個都好努力咁做普通話o的功課~我都唔例外~
而且我仲幫Leo做埋書o個兩篇翻譯!!<由之前拋Pocky到之後拋o左兩本普通話書，嗯~學識o左點樣拋o野先係最好o架啦~~~~By Leo>
4號仔返o左o來，仲剪短o左頭髮而且仲帶埋籃球返o來~之後就係咁同Kenneth傾計~
好頭暈……好辛苦……唔關o的功課事~係我一返到o來就已經係咁……所以之後都訓o左一陣~訓完，舒服少少啦~
隻介指跌o左落地下，碌o左去前面，Kenneth幫我執返，4號仔就話我隻介指係貴o野，跌落地o個o下咁響……唔係啦~係一個鑊跌o左落地下之嘛~~~:p

上完Michael堂，又係要借書，Yuki唔見o左，過隔離班搵佢，又唔見人，而且又唔見大隻佬，咁o岩見到佢o係後樓梯返o來，唯有問佢借，呵呵~~~~~佢親自借書俾我耶~~~~^^原來我之前用o個本唔係佢o既，佢o個本係影印返o來o既~
返到去，開心到即刻同佢o地講~~~~~~拿拿聲睇o下佢o的字~露比見到第一頁佢o個名，只係話「咁核突o既~!?」，咁佢o的中文字我都知係咁o既……唉~入面又有o的女仔o既字~
睇o左一陣，先發現佢o地班教書真係教得好慢!!!o個翻譯都未做，好彩我仲趕得切做好!!
兩堂都好開心咁用佢本書~~~~

Jette o係度講自己以前做讀書報告o的o野，竟然連讀書報告都可以抄……仲要抄完仲高分過自己做o既先衰!!!其實「集百家之大成」我o地都識，之不過有時唔夠時間去"集"之嘛!!!佢又問我o地有無睇過一本叫「棋王」o既書，但係我o地就話「棋靈王」或者係「棋魂」就聽過睇過，「棋王」就無喇~但係我諗諗o下，以前德望中文閱讀計劃都有本叫「棋王、樹王、XX王」o既o野，<-- 入面o個XX好似係「孩子」，但我唔記得清楚~不過Jette o個時都應該未有呢本o野~
講開英文名，每個名都有自己o既來源~~~~~
Jette仲話男仔唔好叫「Dick」、女仔唔好叫「Fanny」囉~男仔o既話我知道點解，但原來「Fanny」係解做Pat pat……咁我就問Jette：咁叫「Dickson」得唔得?班o的人聽完都o係度笑~~~

Recess o既時候，阿Ling就借o左Maggie借數碼相機幫我去影佢，期間幫大隻佬同Yuki o係汽水機前面影o左張相~
開頭係想叫大隻佬幫我o地影，但係佢又係咁問點解，阿Ling就話係佢鐘意佢，唔……只有唔係真正鐘意佢o個個先可以光明正大咁話鐘意一個人~
而且阿Ling都同o左佢講係佢o既Fans，仲叫佢影相，但佢都係話無梳頭所以唔影……
擾攘o左一輪，阿Ling只可以隔住門o個塊玻璃幫我影佢~
同o左Yuki & Maggie講。
落堂之前就o係翻譯o個兩頁寫o左o的o野俾佢，仲畫埋公仔，不過Wendy話唔好咁揚，所以最後都係擦o左——o個公仔!!
再睇多佢本書一次，真係好想拎去影印!!!><反正宜家我都唔知自己本書去o左邊~:p
行過佢班房，佢已經坐o左o係窗口位，「sip」o左佢一聲，俾佢話嚇親佢……之後就俾返本書佢o勒~

落到樓下，Eva已經o來o左，「耶」o左聲俾佢聽~連佢都頂唔順!!!
一路行落旺角方向，見到Leo佢o地竟然會分開o左，之後露比收到Leo電話，叫我o地話去春和樓搵佢!!!有無攪錯呀……要四個女仔去搵佢……唔係應該佢o來接我o地o架咩??
原來在場無人知道春和樓o係邊，好彩我知……
同Alex講，佢都覺得阿娜好勁~~~~~
我o地嗌晒o野食，等o左一陣，o的o野終於都o來，但係我o個個沙爹牛肉餃子麵仲未o來!!蘇菲亞、Alex、Leo同細家姐都已經換過晒o的米線，但係我o既都仲未o來，於是就問佢，點知佢話無落到單囉!!!唔好玩啦!!o個一刻又係想喊……等o左咁耐，而且我係第一個叫o既，竟然會落單!!超無奈!!餓o左咁耐，原來都係白等!!所以就過o左去加油站，買o左盒雞便當，返o左上去學校食先~間o野應該要Blacklist!!
擺底o左o個書包o係Typing Room，坐o左o係後樓梯食，都唔差，幾好味!!!
聽到Alex佢o地把聲，已經係咁話「你o地搵人理o下我好喎!!」但係都無人應我……<泣>

佢o地上到o來，就叫佢o地幫我點名，再唔係就叫我返入去點o左名先~
點知Winnie Leung要見到個人先肯點名……
今堂又繼續打字同講笑，我話Alex好硬，佢就話「你又知~!?」，然後就o係度講膝頭好硬、手肘好硬呢o的無聊o野……
落堂出o左去o既時候就見到佢o係廁所o個邊行梗過o來，見佢一路係咁攪住自己o個頭，就問佢「唔影相?」，之後佢o既答案係「今日無Gel頭~」，原來佢o既「無梳頭」=「無Gel頭」……哦~~~~咁完全明白晒啦!!
大家姐話佢漏o左枝筆，話要入去拎返，但係其他人都話算，我就問佢枝筆係咪Hi-Tec C o來o既，係o既話就入去拎!!!
佢o地o個班都o係樓梯o個度，準備拎o野入班房，Yanki出到去見到佢，就o係度嗌我，其他人見到，又o係度嗌我，感覺就好似Call機咁……-____-;;
而我見到咁，就話自己去漏o左枝筆，要入去拎返~:p咁o岩佢就o係隔離推門入，閂門o個聲真係好大~「o彭!」一聲……仲要o係我耳邊……
佢揹返o個「The North Face」o既書包~始終都係覺得揹書包襯佢多o的~^^
見到大隻佬仲坐o左o係樓梯度，落多幾層之後就打俾Yuki，同佢講佢o個佬搵佢~~~~而且都同佢講o左千祈唔好俾大隻佬知道係我!!!~><~
一路落樓梯，又講俾細調教o的o野，佢叫我唔好咁粗魯，於是我就話「你o地呢班三八!!」<笑>

陪Wendy落去地鐵站攪埋八達通o的o野，而且仲同Alex & Eric企o係人o地o個客務中心前面傾計<佢o地已經入o左閘>，再陪埋佢去等巴士，見到o個五、六十歲o既婆婆o係架巴士隔離嘔……睇住佢嘔，再望一望佢o的嘔吐物，真係連我都想嘔!!!
去o左拎錢，之後就過去恆生入錢，為o左本「Kiss & Tell Book」，唔可以用轉賬，費事去錯Account我就死!!!Leo打電話o來，問我分組o的o野點，我就叫佢搵露比，但係佢話打唔到俾露比，咁我就話我搵到佢之後打返俾Leo~
Leo突然問我「高佬o係邊?」佢o的語氣講到佢係我男朋友咁囉……佢覺得我會過銅鑼灣搵佢~我會o架~如果佢宜家係落場o既話!!;p但係佢宜家o係9樓上梗堂o者~
收到Emme o既電話，好彩佢今日唔得閒，星期一先交收~
攪掂呢度之後，就坐o左o係公園度hea，繼續睇埋o個「Eye Shield 21」，睇落都覺得唔差~
但o個公園就……有明愛o既學生、有喊梗o既女生<好似係因為Mock o的o野+男朋友o的o野，o個男朋友就好努力咁”乙水”返佢，但個女仔又死都要咁樣諗o的o野……>、有阿伯、有無聊中o既飛仔……

差唔多時間就行返去學校o個邊，睇o下撞唔撞到都好丫嘛~:p
o係o個條小巷一路傾住電話行，收o左線無幾耐就見到C班o的人，早o左放學喎!!!
無幾耐之後，真係見到佢!!!不過我首先係見到阿敏，之後先見到隔離o既佢!!!佢一路望住我，一路「Oooooo~」咁樣……真係唔知佢咩意思~
而且佢都仲係要聽住MP3 o來行街……
上o左地鐵，搭地去調景嶺，o係大堂等o左一陣，睇o左一個Shine o係地鐵拍o既MV，係咪「東涌日和」o來o架~!?拍得唔差~~~~~^^但有少少似Boy'z o個o的咁囉……o係o個度o的地產Sales真係呢……人o地o岩o岩出閘就一鍋蜂咁擁埋去……最後要o的職員出廣播幾次佢o地先肯走~
買o左o個Nike袋，就好滿足咁返屋企~^^

返到屋企，阿媽見到o個袋，係話「你又買袋呀??」咩”又”o者~!?我對上一個書包都係搬o左o來無幾耐o既時候o係上水買o架o乍……
o係拍賣場搵o下「North Face」o既書包，見唔到佢o個款，但就見到一個橙色幾靚o既~而且都係$150之嘛~~~~~100%New o既話算平啦~
阿媽話煲o左靚o野俾我飲，今次唔係土菔苓，而係o係上水山上某條村度擲返o來o既”草”<類似啦~>聽完之後只係無盡o既無奈……飲落…都ok o既~阿媽仲話因為見到有人買，而且都話好有效所以先買，咁我就問佢幾時見效，阿媽重複返o個個人話「兩日」!!!係咪呀……係清晒o的暗瘡喎……不過我覺得如果真係咁有效o既話，應該唔會有人再因為暗瘡而去睇西醫囉……

好努力咁打日記~~~~~~~又搵o左o的「霸王愛人」o既網，有個網有好多黑龍o既圖片<漫畫>但係我點都搵唔返o個張俾露比話似佢o既o個張……如果俾露比搵會好o的囉~
Down o左Arashi o的歌，仲要係「How's it Going?」入面佢o地o既Solo，但就無Aiba首「夜風」~~~~呵呵~~~~~~~Down到lu~~~~~聽聽o下，都覺得二宮首「夢」幾好聽~~~~~~~<睇o既時候只係睇o左一次>但係當我俾L聽o既時候，佢竟然聽唔出阿翔首Solo!!!宜家連o個Winamp入面，我都連續整o左二宮首歌三次，同阿翔首歌四次~~~~哈哈!!
L同我講：深田恭子竟然鐘意內博貴囉!!!聽完之後只有無盡o既無奈————————————
佢係咪真係要同邊個拍劇就鐘意邊個呀!?!?最後L問我駛唔駛整返個「內博貴拯救大行動」，真情要啦!!!

香港學生要做最長o既牙線……我自己一個始終都唔敢用~
o係日本Yahoo!新聞睇到段新聞，都係話日本國民唔滿意政府派自衛隊去伊拉克……之後就睇到有講「黃色いハンカチ」o既o野，原來係「兵士の無事願うことと違う」~我都想睇呢套戲~
又見到有講「黃色いリボン」，原來黃色o係美國係解「愛する人の戰場での無事を祈り歸還を願う」，而世界就普遍認為係「命にかかわる大切な色」、「愛と信賴と尊敬」~
嗯~睇多o左好多o野~~^^
去返目標地方：Yahoo!揭示版，搵o左貴子姐姐、菜菜子姐姐、嵐、窪塚同埋Johnny’s Jr.~
都有人話阿翔同菜菜子姐姐性格差……
至於Johnny’s Jr o個度就無咩負面o野啦~多數都係應援o既~

☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★
多謝班上面各位同學對我o既好~
更加要多謝各位「線人」~<爆>

>>March 16, 2004 at 12:38:02 PM GMT+8

2004 年 2 月 18 日 星期三 【晴】

睇「至Net小人類」，聽到Purple姐姐o既一首新歌，勁鐘意啦~~~~~~~~~~~~哈哈!!!仲有「至Net小人類」o的男主持扮唔同國家o既人教講「你好嗎」~~~~~~~~~~~
收到L o既Message，佢尋晚11點幾先返屋企……
上コウo係Universal Music o個網，點解一隻Album仲貴過DVD Clips o既……??Link o左去Excite Music o個網，睇o左佢o既Interview~~~~~仲可以睇佢o既Video囉~~~~
o係Yahoo! News睇到新聞「真假暴力玩殘校園」，今次竟然輪到隔離粉嶺官立中學囉……o個女仔話俾同學報仇，俾o個個女仔用界刀o係手臂狂界18下，但係報案時同上報紙時o的傷痕唔同先至發現佢講大話，仲話呢o個女仔o的情緒控制得唔好，人緣唔太好，而且仲有前科……
係咁打日記~~~~~~~~~~~
o係Yahoo! Movies度睇o左「Something’s Gotta Give」同埋「Lost In Translation」o既介紹~~~
阿媽俾返洗頭水o的錢我，但係佢俾o個張$50紙好恐怖……令我諗起Prince講o個o的o野……不過阿媽就話只係好耐無拎出o來用所以先會咁……<類似發霉咁>一路都係擺o係檯，想都唔想用手去拎!!!

差唔多時間就出門口，但係都遲o左兩個字度……見到粉官o的學生，個個都好似無乜o野咁~
今期「新少年」先做到我Training o個排出o既「少年マガジン」，都好耐o下喎……
出到灣仔，都已經1340，o個賣家仲要宜家先過o來囉!!!我o係九龍塘o既時候已經同o左佢講大約幾時會到o架啦，但都唔係咁呀嘛~!?收到電話先過o來，如果我到o左無打俾佢o既話，咁我咪有排等!?!?
突然見到一個白英奇o既學生行過，原來係Alex啦!!!<其實應該係佢見到我先~>
見到佢+佢行埋o來o既時候，我竟然不自覺咁做o左一個好女仔o既動作!!雖然唔知Alex覺唔覺得，但我自己就咁覺得……就係一個雙手掩口o個o的o係漫畫成日見到o既動作……多數都係感動o既時候就會見到，但我唔知點解見到Alex我會感動囉……L送禮物俾我o既時候又唔見我做呢個動作~!?<爆>

佢問我o係度做咩……我咪話等人囉~一早都諗住過開o來，就約埋Alex一齊返學，不過又唔知佢駛唔駛返去Part-time喎……Alex就話如果今日要返去o既話就返唔到學~
而且仲麻煩佢幫我去OK買百力滋，真係唔該晒~
就o係Alex行開o左o既時候，o個賣家都o來到，我仲以為係差唔多年紀，點知……唉~
仲以為會o係Alex買完o野o既時候攪點，點知就係找錢o個度有問題，佢話$50有得找，點知唔夠，最後要我再找俾佢啦……Alex就o係隔離睇住……硬係有o的唔好意思咁……而且我之前又要佢等埋我喎……真係唔好意思啦……~><~
Alex竟然係買o左沙律味o既百力滋俾我……佢仲認為百力滋係呢隻……不過算啦~Alex買o既話我係唔會食o架~!<其實邊個買俾我o既o野我都唔會食，L、Apple同Ceci都應該好清楚>另外又要多謝佢真係”送”o左盒o野俾我!!~>///<~
o個賣家都唔夠爽快，我就咁拎走佢手上面要俾我o既錢就走~
點知我同Alex條路唔同，而我又唔熟地形喎……落o左一層，周圍望o下Alex o係邊……唔見人，就落多一層，咁o岩見到有班就o來開o既地鐵，幾驚Alex會上o左去唔等我丫……
好彩之後o係月台度見返佢~~~唔見o左佢o既話我真係喊得出……<笑>

不過，咁樣攪一攪，真係會遲到，所以Alex就行前去，仲話係一出就係電梯~但佢死都話自己45分就到o左，咩呀!係50分先o來到!!我仲記得自己睇過地鐵o個鐘o來o架!!
L打電話o來，傾o左一陣，佢終於Down o左o個MV啦~而且仲Down埋MS o個Live，不過佢叫我唔好Down，阿翔唄歌無氣……
佢仲話今日最快都要到1800先知道幾點走得……如果去睇「Cold Mountain」o既話，我要等到唔知幾時囉……上個星期五佢又知道星期三可以出到去同班同學食飯，但係同我o既話就話唔知……幾好丫…………
因為同L傾電話，攪到Alex自己一個，又有o的唔好意思啦……係我要佢等埋我o既，但宜家又唔理佢<一陣>……
連地鐵都要等好耐先有一班!!!
上到地鐵，傾o左佢返工o的o野，俾o左佢張相Alex睇，佢問我「終於影到佢張相喇~!?」呀~~~~~~點解Alex會知係佢o架~!?><
之後就講o下佢啦~~~~~~~~唔~佢o既高度真係一個好”話題”<笑>我反而唔覺Alex會打籃球~

出o左地鐵，就開始趕返去，Alex話唔會競步，因為要扭Pat pat……
上到地面，就見到Mouse，過埋馬路，我就見到小明，小明要嚇Alex啦……再o係萬寧見到要等Mouse o既Maggie~
之後小明問Alex點解會同我一齊，Alex話o係地鐵站度撞到我，仲撞跌o左我啦，又o係度話自己原本會準時返到o來，就因為撞跌o左我，要扶埋我起身所以遲到……
上梗樓梯o既時候竟然見到阿敏同o個同學一齊落樓梯，連佢o地都會落街買o野食~Raymond堂o者~~~
好彩David Chu無話我o地遲到~
同Alex好努力咁抄阿娜扮Notes~~~~
露比o係Mrs. Fields買o左o野，仲有o個盒啦……原來要買四塊大o既曲奇先有囉……咁都好唔Make Sense o者……
Alex又同其他人講o係地鐵度撞跌我o既事，係呀，仲俾佢睇埋全相丫嘛!XD
諗諗o下，o岩o岩我找多o左錢俾o個賣家啦……o係咁趕o既時間下叫我計數更加唔掂……
Alex就問我買o左o的咩，我就話係「男仕用品」，仲話佢睇到o既話可能會尷尬~佢聽到之後就話咁就唔好俾佢睇~「G-taste」喎，仲唔係「男仕用品」??由姬o個姿勢唔會有少少尷尬~!?
對答案o既時候，阿娜同我講Alex份o野勁花，於是就幫佢擦過再寫過答案，不好唔好意思，我唔鐘意寫Alex o的字!!

估唔到連Alex都會拎自己o的畢業相返o來……佢班o的女仔麻麻地啦~Sakura話靚o個個都唔靚o既~~~我同露比都覺得佢班o個TB靚o的囉~
之後當然都有玩「o係級相入面搵返當事人」啦……阿娜搵到先~我開頭仲指o左一個企o係邊邊o既男仔……
而Sakura又係咁話自己最靚……之後輪到佢猜班相喎~我F.5都無呢o的相……<悲>
David Chu突然揀人出班房，有Queenie、Dam Dam、Alex同埋露比~仲有一個唔記得係邊個;p
佢o地要負責o係7月o個個咩HD Day啦~講英文同日文喎~David Chu話因為佢o地o的成績唔差，所以就揀佢o地；普通話o既話露比話一定有蘇菲亞份!!佢o地仲要返o來類似綵排~咦~~~~咁HB Day係咪全部HB學生都要返o架~!?<笑>
我o地要介紹一o下自己揀o既o野食係咩Taste，教o左Leo點讀我幫佢揀o既o野食，仲教o左好多次點讀「Chewy」呢個字~到我講o既時候，David Chu睇錯其他行，話我讀o既同寫o既唔一樣，講好耐佢先睇返o岩……之後佢仲要我o地介紹o岩o岩講o個碟o野係點整，我就叫Alex返去o既時候幫我睇o下啦~~~
又要分組介紹o的中式點心，用50個字去介紹喎~麻煩!!!
由下星期二開始，終於上Hospitality Japanese，終於都教返o的實用少少o既o野!!!萬歲~~~~
David Chu見Alex拎o左o的畢業相返o來，就o係白板寫o左o個日本名「卒業寫真」，之後我同Alex o係度笑話係o的AV水著唔做之前影o個輯相啦~咁點解美穗姐姐無o既~!?唔通o係「Playboy」入面??

露比同Alex向Prince打招呼，Alex係話「Prince Sir」o架o下!!
去到7樓o既時候，露比突然同我講o個菠蘿o係度，我一望，真係佢囉……!但係當刻我係想走……
返702擺底o的o野hea o左陣之後，同阿Ling & Steven落6樓，咁o岩見到David Chu買麵食~阿Ling就要佢請食o野……David Chu走o左之後佢就同我講David Chu無老婆啦~但係明明聽到o既係佢有老婆同埋女o架喇喎!!!我仲問埋A班o的Trainee，但係佢o地都唔知點應我好，珊姐就o係度笑啦~
無o野o岩食就返上去，之後同Alex落樓下，就o來落到樓下o既時候又見到佢囉……佢又係一路行一路食o野，我咪拍一拍佢膊頭囉~嗯~~~~~^^
o係加油站見到貝琪、艾美麗同埋Jenny，我問貝琪見唔見到o岩o岩佢買o左o的咩，點知佢話見唔到……
Alex買o左粉果又買珍珠雞，竟然宜家就已經食定夜晚o個餐，o岩o岩o個電話就係叫佢返工啦……我就叫佢應該放學先買，佢就話到時先買o既話會唔夠時間，但都唔係宜家咁早食呀嘛~!?佢又話得返$20，我就問佢駛唔駛俾返o的錢佢，佢又話唔駛喎……
我就當然買o左佢鐘意食o既o野啦~宜家好似連我都有o的鐘意食添……;p
之後阿Ling同Steven都落埋o來，佢o地都買o左好多o野~
點解4粒魚蛋都可以等咁耐o既~!?
一齊返上去~阿Ling問我屋企係咪有好多三級VCD，其實我先唔會o係屋企擺埋呢o的咁危險o既o野啦……叫我借俾Steven睇喎~~~~Steven終於想”進修”喇~~~~但係Steven唔認，話係阿Ling想”進修”~嗯~其實最好係一齊”進修”啦~一齊睇，到時就兩方都會有Improve啦~~~~~期間記住有咩事都唔可以遮眼或者打人!!
Alice宜家先返……過o左6樓，因為阿Ling要拎茄汁~阿Ling仲同我講佢著咩底衫啦……~>///<~

返班房，Steven竟然由得o的豬扒浸o係o的麵度，就教佢要拿拿聲拎出o來先唔會變軟~
露比拎o左o個「街のデザード2」返o來，話係Alice幫佢買，原來佢宜家o係Trendy Land度做，有開o左o既可以揀，但宜家只係得返好少~露比o個個係有o個架o個個High Tea~原來我同佢想要o既都差唔多~而我都拎o左今日買o個o的「G Taste」出o來，佢o地見到o個盒就o係度講o的女仔o既身材……
o係汽水機前見到Alex，拍一拍背脊，就俾佢話我摸佢啦……
Raymond堂，都係無o野o野做，再睇o下Report，蘇菲亞、Queenie同埋Kalily o係惠度買o左好多o野先返o來，不過o個豆腐花係有薑味，露比同阿娜試完之後都話唔重薑味，係入口o個o下有少少，就叫我試o下，點知，我都係接受唔到，要拿拿聲飲Cream Soda!!!
Leo佢o地就買o左雪米滋返o來，o係惠康撞到Kalily佢o地~~~~
Ricky借o左「魔法老師」第一期俾我睇，真係唔該晒啦~~~~~~~終於都知道涅吉入o左去之後點喇~^^「新少年」o岩o岩買o左一本之後就斷o左一排無買~如果係o既話我都要睇埋「xxxHolic」第一集~
估唔到連阿Ling都會想睇~
Break o既時候就同Yuki、Maggie同阿Ling落o左去惠康，我同Yuki都覺得過份啦~~~宜家返學都係玩咁~
佢竟然會將o個袋擺o係o個櫃上面……
阿Ling就係咁搵Kalily買o個隻珍珍筒裝薯片，同埋o的Sales，佢都話無，搵多陣，打埋俾Kalily問，最後o係一個隱蔽o既地方搵到~而我同Yuki就買o左甜筒~^^
我同Yuki返去先~一路行就o係度笑話Raymond問我o地去邊o既話我o地就話Yuki M Come，要去買衛生巾~~~~~~<爆>
o岩o岩Leo佢o地竟然係搭(車立)上o來囉!!!不過我o地上去o既時候，o個看更o係度……
應該都走o左至少15分鐘，返到上去o既時候見到有塊衛生巾o係地下……諗住問咩事o既時候，露比叫我細聲o的，原來俾隔離班o既Miss投訴……但其實當時最嘈o既係玩梗「唔出聲+1-1襟綿胎」o個班……而且佢o地又o岩o岩坐正屏風前面，隔離聽得最清楚~
露比同我講話佢o係我走o左o既時候係咁行o來行去……仲要至少四、五次囉……
之後Wendy又同我講話今日返o來o既時候見到佢o係花園酒家隔離o個籃球場打梗籃球……佢咁樣係咪仲過份呢~!?不過我想睇!!!>< o個日睇完之後都”好耐”無睇過!!
我之後就同佢o地講如果下次見到佢o既時候就要即刻打電話俾我~~~~露比就話唔想o係度Waste o的電話費喎……咁都只係一句o者……
露比都同意宜家我同佢o係班度已經係一個「Open Secret」，不過算啦~都係o個句o者：唔好俾某人知道就得喇!!

Alex o係度同露比講今日o係地鐵度見到o既o野……話見到我同o個中年男人交易……又話係找返尋晚o既數……
露比就係咁話Alex偏心淨係買百力滋俾我……
繼續上堂，但都無乜點聽書，飲完罐Cream Soda，諗住踩罐，點知一踩，o個罐彈o左去露比o個度，Raymond即刻問露比有無事囉!!笑死我o地……露比話Raymond一定見到我o係度做咩，所以就淨係問佢~
Raymond收起o左Cherry睇梗o既雜誌，俾我o地話佢係想睇封面o既余安安著泳衣所以先收起~~~~
阿Ling又係咁打Steven，今次係用水樽打……簡直就好似見到Lulu同Juno啦……女o既又係成日打o個男o既，不過Juno無嘈過……不過佢o地係同類o來o既……兩個都鐘意玩埋o的變態o野……
放學o既時候終於踩得扁o個罐!!

一齊行去斑馬線，見到淨係得Steven一個，所以就行前去問佢咩事啦，結果……
都係同返Eric佢o地一齊行~
趕上o左地鐵，同o岩見到Rosa同埋Kaka，之後仲見到David Chu添啦……
Rosa嗌o左「せんせい」，先，之後我同Kaka都一齊嗌埋「せんせ」，我o地講完先問點解宜家仲要嗌「せんせ」……
Eric問David Chu住邊，佢只肯講自己住沙田……不過佢講中文o既時候都夾雜o左o的日文……
L打電話o來，問我o係邊，我咪照話返梗屋企囉，佢又問我今日唔係去睇戲咩，我就話今日都收唔到佢電話，鬼知佢放幾點呀!?之後都係話返梗屋企，費事再轉o來轉去……
之後4個就係咁講笑~Kaka問我講日文再見應該點講，話要o係David Chu走o既時候講~我o地仲話要讓佢出先~Kaka仲話我自學日文好勁……先唔係啦……如果唔係因為鐘意日本偶像我先唔會”學”日文啦~~~~~我o的日文只係幼稚園程度o架o乍!!!
同Eric出o左地鐵，佢仲話要睇o下佢搭咩啦~巴士o既就由佢跟，火車o既話就由我跟，聽日要返o個Report俾Rosa~~~
用o左新o個部售票機買飛，真係見到David Chu啦!!!而且部機都幾好玩~~~~~

阿大突然入o來同我講o左o的我都聽唔明o既o野，於是就出去睇o下咩事，原來佢想要阿細本簿o的紙，我就拎o左阿細本簿，問阿大想要幾多張，阿大話5張，咁我都已經數好5張，但就聽到阿細好似想喊咁，就問佢係咪唔想俾阿大，佢點一點頭，我就問阿大唔要得唔得，阿大又話想要，之後阿細都話俾阿大，雖然把聲係聽得出佢唔想俾……俾o左之後阿大話唔該我，而我都要”乙水”埋阿細，我仲叫阿大唔該埋細細~
究竟有無人見到我Info張相係咩??因為次次o係第二個Account睇返，都仲係瀧澤o個樣!!!張相好緊要o架嘛!!!無人覺得張相入面o個人同-->佢<--好似咩~!?:p

Down o左今日L提到o既Live，一路Down住o來沖涼~
o岩o岩好時間睇「Monk」，Monk o個哥哥唔講我都唔知「挖苦」同埋「諷刺」係有分別，記唔切o個解釋……
今集講Monk o個哥哥o既隔離屋o個老公殺o左o個老婆，其中一粒o的字彈殼彈o左落o個Cherry Pie度，所以o個老公就好努力咁去贏o的批返o來，明明贏到冠軍都要專登跌一跌，去得o個亞軍……而其中一個贏o左o個批o既女人因為唔肯俾o個批佢，所以就俾佢殺o左……
最後案件重組，先至知道原來o個殼o係Monk哥哥袋麵粉度!!!所以就走過去拎返袋麵粉，但因為Monk哥哥一早已經搵到o個彈殼，所以就唔俾佢入屋，o個男人之後就燒佢間屋!!!
好彩Monk及時趕到，將佢o個哥哥救o左出o來!!
廣告時轉台睇Channel V，竟然播Exile隻「O’ver」，都幾好聽~~~~~但真係可唔可以唔好再叫「放浪兄弟」囉……「流浪」o既都好丫……第二次睇到Exile o的歌，上一次又係咁轉台時睇到佢播「Choo Choo Train」，勁鐘意跳舞班細路~~~~好正!!^^o個次仲要一睇就估到係Exile，但我明明係唔認得o的人同歌o架嘛……

沖涼o既時候突然諗起「三國誌」……究竟會唔會發生o係我身上……?如果我真係同佢一o左o既話…………不過我鐘意佢o既時候佢o地都未一…………以前o的人問我，我一定答「唔會」，仲要好肯定o個隻…………唔知……好亂…………

>>March 1, 2004 at 9:24:19 AM GMT+8

2004 年 2 月 17 日 星期二 【晴】

尋晚發夢……同Alex & Simon去o左一間類似韓燒o既地方食o野，食完o野之後我就訓o左o住張凳度，對腳擺o左o係Alex大脾度啦……嗯~可能係我太想訓o係佢大脾度啦!!<笑>
之後唔知點解就變o左去o左我阿婆屋企度，o個日係Sports Day，我就由阿婆屋企出發，o係後樓梯見到有Arashi o既報紙俾人攤o左出o來，梗係拿拿聲拎起走人啦!!!
去o左一個好似香港大球場o既地方<但觀眾席細一半度，o個球場依然咁大~>，o係觀眾席度已經好多人，我仲見到Good Hope o個蘇晴曦啦……好辛苦先搵到個班o既人，又係Alex!!!問佢我o地班o的人o係邊，佢竟然同我講o係對面觀眾席囉!!!中間隔o左成個球場!!!行死……去o左擺底o的o野，點知漏拎o左o的o野，我又要行返轉頭出返去!!!
o係門口同佢講我拎漏o野，佢就話幫我拎返，出o左o個碼頭度，叫我o係度等佢，佢竟然跳o左落海!!!但係唔知點解，會係我o係個海度、反而係佢o係o個碼頭度!!!之後佢就撕開自己塊面，竟然係窪塚洋介囉……
o個夢咁就完o左喇……好無聊……

起身之後諗住用兩個鐘就要打好星期三o既日記，其實都o岩o岩好，已經Up埋添~不過之後因為想睇埋「One Day, One Dream」同埋「PIKA☆☆NCHI Double」MV，兼且又係阿May堂，開頭都只係諗住遲兩個字，但係睇睇o下，就遲o左成半個鐘先返學~~~~
收信，三封都俾我o既，其中一封係紅十字會寄o來o既，見到o既時候幾驚係佢話「潘小姐，我o地o係你上次捐血o既樣本入面驗到有愛滋病病毒……」突然之間寄信o來喎!!!驚都正常啦~!?另外o個兩封，一封係錢，另一封就係想睇好耐o既三級漫畫!!!哈哈~~~~~~~
o係遠處見到阿大阿細o係車仔麵檔出面玩，於是就跑過去啦~~~~~佢o地見到我都好興奮!!之後阿媽俾完錢出o來，我就拖住佢兩個過馬路，我都話o左我要返學，但係佢兩個係都要跟住我……阿媽就o係度等佢兩個，我一路行到華潤，佢兩個都仲跟住我……我就同佢o地講話「咪咪等梗你o地呀!!返去啦~」佢o地先肯返去……有個男人望住我添啦……唔知因咩事……係咪奇怪我會有兩個年紀相差咁大o既妹~!?
確定阿媽已經走o左就去買「Game Next」，竟然會「戰國無雙」Poster啦~~~

日間行條行人天橋，同尋日行o既唔同，條路好似窄o左……係咪因為多o左好多條柱o既關係??
火車去到大圍o既時候收到露比o既電話，專登遲到o既，都唔趕得幾多啦~~~又唔係我渣架火車o既……佢同蘇菲亞叫我買o的o野上o來，不過都係例牌叫我求其執……
之後就收到阿Ling o既電話，我第一句就叫佢唔好叫我幫佢買o野食!!!
呵~原來係佢拎o左「Eye Shield 21」俾我睇，咁佢都拎o左o來，我唔會唔睇o既~~~
打電話俾蘇菲亞問佢o地要買咩，佢o地話唔駛，叫我早o的返喎……
o係萬寧買o左包Dark Chocolate先返上去~
阿May問我做咩咁遲，我就係答佢「遲o左出門口」就算~最簡單o既解釋!佢都只係話下次早o的~仲問我交o左功課未，好彩有帶o者~之不過係唔記得帶返份考試卷之嘛~聽露比講，仲以為Alex都無帶，點知佢叫係無改正……講開Alex，就同露比講尋晚o個夢，佢聽完就話要同Alex講啦……
Steven竟然自己一個人，而阿Ling就同o左Maggie佢o地坐最前面o個行，問o下佢咩事囉~
唔……已經想自己一個坐……嗯~<有含義的說>

露比同我講話o岩o岩等入班房o既時候，見到佢o係廁所o個邊行o來，但就俾湯Sir話佢未整好件衫啦~~~~~^^
拆o左紅十字會封信，好彩唔係我諗o個o的o野o者!!而係俾過另一張捐血咭~~~~~於是就Send Message同L講~~~
開埋本「血冷式內燃機關室」睇，係有平時多o既彩頁囉~而且都真係睇親o既都係三級場面……唔係暴力吸毒o個o的啦……
阿Ling俾o左頭三期漫畫我睇，而我都俾o左o個本漫畫佢睇~~~
拎o左本「Game Next」，菜菜子真係宣佈話大肚!!!6個月喇……但係露比話如果生o左仔o既話會似媽媽~反而o個女會似爸爸囉~
開o左包Dark Chocolate同露比佢o地食，o個有效日期都係到12月7!!!所以就剪o左出o來~
再飲o左包朱古力奶，又一餐朱古力餐~^^剪埋o個有效日期出o來~~~

Kenneth、Rosa同Kaka坐o左o係我o地後面，Rosa同Kaka竟然睇少爺占o的書!!!就係「萬世巨星」同埋「落雨路」啦~
而Kenneth宜家先做o個份功課，仲係咁問我應該寫咩~
Break o既時候就同露比&蘇菲亞落樓下買o野食，Steven都有落~所以就銀包就擺o左o係佢件褸帽入面~~~~~
行過阿Ling面前，佢同我講本漫畫好咸濕，正常丫~~~~大暮維人o岩o岩出道o既時候就係畫呢o的漫畫o既~~~~宜家只係收歛o左少少~
落到樓下，Steven就幫阿Ling買埋o野食，而我只係買o左雞串~~~~佢o地兩個就係咁買o野食返上去~
露比佢o地買埋o的o野食，勁大陣味囉!!!
搵唔到o個日期!!!可能吹走o左……好彩屋企仲有一個空袋~~~~~
阿May派返份功課俾我o地交換改，我改正Jenny o個份!!!所以就俾o左蘇菲亞幫我改……不過連蘇菲亞原有o個份我都無改，露比幫我~~~~唔該晒!!!不過改o既話真係好麻煩!!!

1510 o既時候，見到C班o的人係咁由班房出o來，仲以為佢o地都係Break啦，但係個個都拎晒袋o架喎!!
所以就問露比飲唔飲o野，佢就話要檸檬茶啦~於是就跑o左出去買~
咁o岩佢過o左702，算係等梗班同學啦~又係明明互相見到，我都扮見唔到，同佢班同學講o左聲「唔該借借」就去o左汽水機買o野飲，諗住偷偷地睇o下佢點，點知又同佢四目交投!!
諗住自己係買汽水，但係緊張得滯，已經入o左錢買紙包飲品……其實當時塊面又已經開始熱……
俾o左包o野飲露比就企o左o係走廊繼續望~
佢o地成班同埋湯Sir o係樓下傾o左一陣就走啦~返到去，Yuki同大隻佬傾電話，所以就知道咩事啦~

Recess，同Steven落o左6樓，其實都有少少逼o既成份~;p
不過都唔多o野食~買o左魚蛋o者~
我同Steven、阿Ling & Yanki坐o左o係2號檯，Yanki今日唔舒服~~之後就坐o左去1號檯，反而係Tommy坐o左o係度，Momoka落o左o來買水啦……佢竟然返o左o來!!
Steven同我講話佢落o左o來，見到佢啦~但係佢無買到o野食，就咁同其他兩個同學坐o左o係21同22號檯~
見到12號檯o既Alice Kam話唔夠茄汁，所以就問佢駛唔駛去幫佢拎枝茄汁o來啦~~~
之後Steven就同阿Ling講佢，Tommy聽聽o下都知咩事，所以就拜託佢唔好俾Momoka佢o地知……
阿Ling就話要幫我影佢相，問Yanki借o左部手機，但之後就諗要點樣先可以得返佢一個，最後都只係影o左佢o個背影+少少側面……
Yanki之後都知咩事，差唔多時間返上去，o係佢o地前面行過，Yanki同我一路睇住部手機佢張相，Yanki就問我佢有咩好，話佢淨係得個”高”字……
上梗樓梯o既時候Steven同我講話o岩o岩o係佢面前行過o既時候佢一路望住我囉……
聽完之後……雖然係<心>，但其實都有少少矛盾啦……

露比佢o地坐o左o係隔離o個行，因為Momoka返o左o來……順便同佢講今次又有邊個知道~佢開頭都覺得一定死，不過都係啦~我覺得呢班知道晒都唔梗要，但一定唔可以俾Momoka + Rosa + Kaka + Kenneth知道囉……而且我信Yanki佢o地唔會周圍唄~
問Yanki可唔可以Send張相過o來，不過佢話佢無USB線~佢問我識唔識佢，我話「梗係識啦~」佢問點解，我就話「學生會選舉」o個日囉~個個都好似好出奇我會識佢咁~
Yanki仲話見過佢o係後樓梯食煙，呢個我都知~^^
露比已經同Alex講o左我o個夢，Alex話我發「綺夢」……邊忽係呀??
蘇菲亞仲話我條手鍊好靚……唔…多謝啦~

湯Sir堂，逐組逐組Present，開頭湯Sir話身份證最後數字係8 o既就出去先，其實我係啦……但無舉到手……最後就由佢抽學號~
係咁叫露比寫Points俾我講~因為JW Marriott Cafe只係佢做過!!
湯Sir又講o左o的Sports Day o個4*100M餐盤比賽，叫我o地諗o下o的詳情~
好彩枝水係密封o左o架o者~而我o地都覺得跌o左落地o既話原地再開始會好o的，DQ o既話太殘忍啦~
而且又要分組，5個人一組，一個做後備，幫Leo刪o左o的唔會出現o既人之後，就o岩o岩好夠分~但係Yanki佢o地o個組寫埋4號仔囉……又唔夠分喇……
到我同露比o既時候，先至知道原來蘇菲亞都係同我o地一組!!!
坐o左前面o既Tommy & Alan &佢o地o既經理人係咁支持我，但係我忍唔住笑~
我就負責講o的Opening Hours同埋收費，另外仲負責上網~~~~哈哈~~
好彩叫Leo計我o地短o的時間，但就攪到我o地過o左時仲未講完!!
係咁聽Leo佢o地點分組……真係有o的煩~~~~Alex過o左去Kenneth o個組，仲話唔好指意佢會跑，因為「我咁o既身形」佢講~

最後我話不如我過隔離班睇o下有無人少o左組啦~~~~佢o地聽到都話好~~~
露比問湯Sir Book o左場未，佢竟然話Book o左黃克競囉!!!長沙灣呀!!!唔去得唔得??><
而且又問o左到時會係點比賽，佢就話會之前搵人抽場抽組~露比就話有可能會同佢同一場囉……有o既……四分一機會囉……但我唔想同佢同一場……咁就睇唔到佢點跑~^^
睇返張分組名單，我o地都好出奇點解Jenny已經入o左Alice o個組!!!
放學o既時候，就捉o左貝琪傾o左陣，但係佢都好似唔明……
有人以為我講真過去C班~只係講o下笑o者……露比話如果係真o既話就唔知點打氣~
俾細家姐”調教”我做女人啦~~~~Ricky聽到呢兩個字，就話只會o係o的英文字母Game先會見到呢兩個字~~~~~~哈哈!!我就係o係o的漫畫先見到呢兩個字啦~<爆>

見今日早放學，就行去火車站，都係同蘇菲亞一齊啦~
o係潮流特區就分道揚鑣，行到差唔多好景商場o既時候突然有人拍我，原來係Leo!!!
佢隻腳拉親都專登跑o來追我，好感動啦~~~~~~所以都特別o係度提o下，表揚佢!!^^
佢去好景，佢唔講，我都唔知邊度係好景~不過因為我趕時間，所以陪唔到佢~
火車站終於有得用新o個部售票機，有職員企o左o係隔離睇住~唔……我幾感興趣!!
o係火車度睇本「血冷式內燃機關室」，不過唔知點睇好……最後就將本漫畫舉高到同對眼成一眼視o既地方睇~費事俾隔離o的人睇到啦~~~~~

終於有錢買洗頭水<爆>，咁就梗係買Vidal Sassoon啦~~~~~特價o左$30，之後仲特價到$24!!!佢又無貼紙出o來喎，出門口o既時候見到佢擺o左幾箱洗頭水，寫明係$24，咁擺另一邊o既又唔寫明~!?連阿媽都話平!!!
8點幾o既時候L打電話o來，佢已經出梗去會佢o的同學~
佢仲問我平時聽o個隻「Toxic」係Britney邊隻碟o既，佢話問佢師兄借o來Dup落MD，佢話要Dup晒一隻係英文歌o既~佢都鐘意聽「Toxic」咩~!?
問L阿翔係咪玩「美式足球」，佢諗o左陣，都話好似係~嗯咁我就更加要快o的睇本「Eye Shield 21」先得~ <--( 現實!! )佢問我做咩，無呀~都係阿Ling借o左1-3俾我睇之嘛~~~~同佢大約講o左o個內容，咁都係呢o的弱者主角點變強者，之後仲講到係七七地o既主角……;p 唔似「傳說頭目．翔」咩~!?差唔多o者~之不過係佢o地「變強」o既方面唔同之嘛~!
o係拍賣場見到有個頗吸引我o既Heading：制服下的黑色lace胸圍，諗住睇o下係咩制服，Click o左入去睇，竟然係白英奇酒店學系o既校服囉!!!o的相就係佢除晒衫鈕，露出o個Bra o來影o既，佢話自己有34C，但o個Bra係全杯形，而且佢戴埋上身o既時候，根本都唔似有C Cup!!唔好玩啦……而佢o既其他拍賣，都係o的絲襪啦~睇返其他買家俾佢o既評語，話佢係靚女喎~但其實o的人留問題，都唔一定係想買佢o的o野，都只係問身材之嘛~~雖則有個客話用$1000買晒9對絲襪，但最後咪都係無件咁o既事~!?佢o的答覆又真係好有禮貌o架喎!!!客人前、客人後……最唔知想點o既係佢o個名「lonely_wantu」……

今集「Without A Trace」，係講一個代母因為自己o個BB無o左，所以就捉o左曾經幫一對夫婦生o既細路女Abby<好得意o架佢!!>，不過其實佢捉錯o左人，因為當時Abby同另一個成日玩o既細路女著到差唔多，而且o個樣都差唔多，所以就捉o左一個檢察官o既女Abby~
最後都救返Abby，但o個代母就自殺死o左……
2300 o既時候打電話俾L，仲未走得囉~之後就同佢講話聽日去睇「Cold Mountain」!!o岩o岩聽日上~
廣告o既時候竟然話3月14號做「24 Season III」囉!!!太好喇~~~~但係14號唔係星期日o來o架咩~!?佢諗住逢星期日做??睇片段，似玩「Biohazard」囉……雖則無喪屍……但都係「生化危機」!!!

仲係諗梗Steven講o個句說話。。。

>>March 6, 2004 at 5:24:00 AM GMT+8