2004 年 3 月 26 日 星期五 【颳風】

今年o既運動會係最開心o既一年~~~~~
第一次o個人比賽項目拎到獎!!!哈哈~~~~~~~~~~~~~~


研究邊個トロ飯盒大o的，原來都係一層o個個啦~~~~~於是就帶呢個去L屋~~~
睇完VCD，就照入房擺返隻VCD，反正對落o個件8點幾就起身話用電腦o既~~~~~
差唔多時間就出門口……都驚會好似星期一咁地鐵咁多人……
去到，佢又已經到o左~~~不過今次佢著長褲同揹黑色Puma斜揹袋仔囉……件外套就係o個Hard Rock Cafe……耳環就都係星期一o個隻~~~~~藍色尖長形o既~~~
但係今次輪到我著短褲o來……
Daddy竟然著便服o來!!!!*0*
露比真係帶o左兩件Blueberry Cheese Cake返o來，其中一件差唔多俾我食晒~~~~~最鐘意就係o個餅低!!!!好Crispy~~~~~問露比係咩o來，點知原來係麥維他消化餅 + 糖……=_=;;雖則兩者我都好鐘意食……但聽到答案時真係……而且o的Blueberry又好味喎~~~~Cheese味唔濃先至最好!!!
睇o左今日o個Timetable，第一項目係跳高，有咩都搵埋大家姐就o岩~~~~~~但係o個跑路濕o既……無問題呀嘛~!?
個個都o係度溫F & B……駛唔駛咁勤力呀……!?
大隻佬仲叫我夾口供話Yuki只係去o左Toilet，點知最後都係計遲到……

好快就去到1500M同跳高第二次招集，拿拿聲同大家姐去換衫，點知正中o個條路唔俾入!!!要兜大圈……
竟然見到有人著Lace裙o來囉!!!!仲要一個白色、一個粉紅色!!!!三層Lace短裙!!!真係唔知想點!!
o係更衣室度見到兩個都係1500M o既跑手，傾o左陣啦~~~~~但應該唔會太勁……
上返看台擺低o野、即刻同露比講o岩o岩見到o既o野!!!
只係拎o左件褸就即刻去跳高處報到，點知話無我o個名!!!反而Rosa就有!!!!所以就算~~~~
有個男仔仲講笑話一跳落個軟墊度，o的水就會o係左右兩邊標出o來!!!
偷偷地試跳o左一次，110cm，都跳唔過，撞跌碌o野，再撞落o的肋骨度……手指手臂就擦損晒……期間又同個同學傾o左陣計，我真係諗住幫佢拎住件衫拎成場o架~~~~~~~~
但唔係好多人跳得過呢個高度囉……

攪掂同時舉行o既1500M同跳高o既比賽先後就過去1500M報到……呢度就竟然有我個名!!
真係唔知邊個咁好人，明明報High Jump，但就幫我報1500M囉……
大家姐都無號碼布，最後要臨時臨急寫一張俾佢……
叫Leo接住我同大家姐o係樓下拋上去o既衫，但係我o個件就拋到直上直落……要大家姐幫我先ok……
陪大家姐跑1500M，o係咩熱身都無做過之下就跑，十幾o個人跑，只有一個攏明車馬話自己係Athletic……著住件Athletic衫又突點、On Mark時又對住大家姐繞蘿……係咪想”色誘”大家姐先~!?
Fini o係度講o左陣規矩，仲教o左我o地應該點跑，當佢話到唔好咁快跑頭o既時候，我地o個個都話係咁讓人跑先~~~~~~~見到一個o個頭Highlight o左o既女仔…..其實我唔太記得o係邊度識佢，應該都係Friend疊Friend咁識……但最記得o既都係阿Dam o個Friend o者……
起跑之後一路都Keep住同大家姐同步，因為跑到200M時佢突然同我講話小腿抽筋……但係到最後o個400M度就開始發力，o係最後100M爬頭，搶o左o個第四返o來，不過同第三o個個都有50M距離，追唔到就算!!!

好彩蘇菲亞同Uncle Eric拎o左水落o來救我同大家姐……點解會唔俾佢o地入o來o架~!?
大家姐係咁倒水……攪到地下濕晒……最好笑係佢起身時，地下有佢o個Pat pat印!!!
o岩o岩o的水溝我照踩……俾大家姐話……
抖o左陣，陪大家姐過去High Jump~~~~~~~只係得兩個跳到囉……大家姐就有時係o個Hip位提唔起撞跌碌o野……
輪到男仔跑1500M，今次Fini真係落埋場跑……但係跑最尾……
連看台都無返到就話要跑800M!!!!就咁著住短衫短褲真係覺得有o的凍囉……
Uncle Eric就教我o地點跑800M，話頭尾200M放喎……做到先啦~~~~o個胃都開始痛……點知Uncle Eric話到時跑o既就唔會痛……係咪真o架~!?
我同大家姐都話輸o左o既唔緊要!!因為我o地o岩o岩跑完1500M!!<一個好好o既藉口>大家姐同我講話因為係最後一年，所以先至玩o下1500M……咁其實我都係同一理由o既，玩埋o的以前唔報o既o野~~~~
見到C班o的同學~~~~~~~一個33號、另一個就係戴眼鏡o既男仔~~~~~~~
女仔100M Final，貝琪竟然唔落o來跑!!!!
男仔100M Final，隔離班o個戴眼鏡男仔一枝箭咁跑到去終點，超快囉……但係佢件衫係寫住o個「跑」字……

開頭有人話係男女一齊跑，點知最後確定話係女仔跑先……見到Wendy o係Toilet行返上去，就同佢傾o左陣計，我話贏o左o既話要佢俾我攬，點知佢就話我跑贏先算……=_=;;
去到起跑點，竟然俾人話我同大家姐似樣!!!!唔好玩啦……擺低o左枝水o係終點位度~~~~
Fini又再出o來教我o地點跑……好彩可以Cut線o者!!!
以為自己會唔掂，點知完全無抖唔到氣o既情況出現!!o岩o岩起跑o既時候，好多人o係前面阻住晒，又無理由踩去Lane 4爬頭咁樣衰o架~!?所以就由得佢o地Cut線入o來，反正要爬頭o既都好易~~~~兩個圈，真係好快就跑完，最後200M發力，好似聽到有人嗌我o個名啦……係咁追……終於有第二名!!!!哈哈~~~~~因為我真係好想試o下自己企上o個頒獎台度拎獎!!就係呢個信念令我要係咁追……第1名o既都係o個個Athletic……

跑完之後，對腳都開始抽住痛，俾人問我叫咩名喎……要我講我最唔想講o既中文名……
坐o左o係草地度，o個姿勢就好似人o地生仔咁……都唔知點解自己會坐到咁……
睇埋男子800M，就返上看台，好多人都讚我勁……我都估唔到自己仲有氣跑到咁快……見到Wendy就當然叫佢俾o個獎品我啦~~~~點知佢話要第一名先有……之前佢都無講過!!但係我都聽o左一個好開心o既情報……唔止一個人見到喎!!!原來佢真係會睇住……仲要話一路睇到我返上o來看台為止……*///*
個個都唔肯幫我搽按摩膏，我就因為唔識搽，蘇菲亞就話因為無手套、露比就話唔掂呢o的o野、o的男仔就話唔好意思……最後搵到Leo幫我搽按摩膏~其實我大脾都有痛，不過費事尷尬，所以就叫佢幫我搽小腿就算……搽完之後，真係好返o的~~~~唔該晒!!v_v

真真正正咁抖o左陣，露比又借佢o既大睥俾我訓~~~~~我就同蘇菲亞講想飲奶，佢問我想飲男仔o個邊定女仔o個邊，我係答佢「一邊用口飲、另一邊就用手飲」露比聽完之後即刻話我好核突~~
David Chu係咁同Kalily傾計，聽講好似影到Maggie同子瑜o係鐵閘外面o個樣……仲周圍俾人睇……
露比同我講返o個兩個Lace裙o既o野，佢o地著High Heels、戴o的好假好膠o既鍊……
Leo跑200M Final，但係Uncle Eric話佢跑跑o下時突然抽筋……
Michael坐o左上o來……俾Daddy話佢似人o地修頓o個o的露宿者~~最後就係4*400M，係咁搵人跑，搵o左阿娜同蘇菲亞，我就落去報到先，點知佢話唔可以換人跑囉……
Queenie話無衫褲，我就話褲o既話我可以除我o個條俾佢，我著Boxer落場，但係佢話自己o個Hip位大，費事整爛我條褲喎……
開頭大家姐搵佢o地時佢o地又落o左o來，總之都係一頭一尾o個o的啦~~~~
好彩搵到Queenie同Kalily，佢o地換晒衫，Queenie仲要著晒蘇菲亞o的衫先好笑……

一路等佢o地o既時候，Michael都落埋o來話跑埋一份~~不過佢落o來做咩~!?
聽到男仔組o既一Team講，佢o地都覺得o的比賽咁編排好有問題……我想話我都同意囉……差唔多Semi-Final o既都有我份……
見到其他隊伍，最後女仔o既有4組……
Kalily話我o地應該一早叫佢跑，咁佢就唔去食麵喎……
Leo俾o左o的Suggestion我o地應該邊個跑第幾棒，然後我o地自己再傾，最後o個次序決定係Kalily、Queenie、大家姐同我~
行去起跑點，好無聊咁同大家姐鬥小腿，Queenie就話我同佢o既差唔多，但係我o既就好似結實o的喎……
又聽Fini講規矩，到Queenie時就已經可以Cut線~大家姐就走過去同佢講聲~~~一路都已經o係度講梗之後可以點，佢話會交晒俾我喎……唔好玩啦!!!到Queenie時就嗌佢要Cut線~
Kalily同Queenie已經盡晒力跑~之後到大家姐，佢都已經開始”支力”，仲係第四，佢真係交晒俾我，到我時就開始係咁追……一路追到第二名，200M時開始聽到好多人嗌我o個名，大家姐佢o地都o係隔離嗌我；看台o既叫聲都比之前o既大聲……o係同前面o個個只係幾步距離之中，我就覺得唔可以輸咁少!!嬲嬲地於是就踩過Lane 2，o係終點前同佢一齊壓線，但真係唔知係第一定第二名……

又再一次俾人問我名……
俾大家姐話我「真人不露相」，我都係第一次跑咁多o乍……2700M……兼且成兩年無跑過20Laps，我都更加估唔到!!!咁如果我之前無跑1500M，係咪會仲快o的呢~!?
Kalily係咁同我講「唔好意思」，聽到時我都唔知可以點講……我真係無介意過囉……
但對腳真係好痛好痛，由大脾痛到落小腿，要即刻返上看台，佢地扶o左我一段路，之後我自己行返……上到去，坐低o左即刻痛到喊……
露比同蘇菲亞即刻幫我一人一邊搽按摩膏……我知道佢都望o左過o來呀……>///<
Daddy都讚我，我就叫佢”Give me a hug”，點知佢就聽到係”Hut”……
高大o既女仔要運動叻，咁我宜家都算啦~!? =v= <--「Seventeen」做o既Research講o既~~~~

又再o係露比o個大脾度hea o左陣~~~~~~~~~~睇埋o個Waiter Race同4*100M，一路睇，我同姑媽都話o的人好慢……係真係慢o左好多!!!!點解咁麵入到Final o架~!?完全唔好睇囉!!!
聽到Announcement話得獎者都即刻落去頒獎，咁就梗係要換返o的衫啦~~~~~~就o係我除梗褲o既時候，佢咁o岩就望o左過o來囉!!!!都即刻拎返轉頭……;p
搵返件褸，戴返晒o的o野，露比幫我手戴o個Tommy手鍊，俾Daddy笑住咁話我……
等埋Queenie 同大家姐o個Waiter Race就落去，因為o個4*400M一定拎到獎~~~~~~~~最後都係佢o地兩個鬥，但係唔知點解Queenie突然Cut線過o左去大家姐o個邊囉……
攪掂好o個問題之後就玩o左陣，Queenie撻o左Leo落地，俾Fini話……<但淨係話Leo一個>
見到Michael，就問佢4*400M o個Result係點，點知話宜家仲”度”梗……唔係諗住作出o來呀嘛~!?總之唔好之後先話Disqualified我就得!!!
等o左陣，先至話時間趕得滯，其餘o既獎返學先頒囉……我就係為o左企上台一刻先咁搏o架bor!!!!宜家竟然同我講我無得企~!?唔係呀嘛~!?

返上去執o野，不過要等埋Michael點名先走得……
Leo拎o左好多獎啦……仲以為佢唔知從咩特別途徑拎到添，點知o的獎唔係佢o既!!!
C班o係度影班相，但係大隻佬唔去影……之後唔知邊個都提議影相……但係我o地班實在太少人在場，根本都唔似班相o既……
Michael o係下面叫我o地落去，我最先落到，點知佢係叫我o地快o的走，唔好阻住佢食飯囉……無奈!!!咩班主任o來o架~!?
於是就等埋露比佢o地，而Steven就已經落o左o來搵David Chu背書，之後C班o的人都落o來背書，o係佢面前排隊~~~~~~~唔怪之得今日佢會同Steven係咁傾計啦~~~~~~
但係佢只係陪阿敏背，阿敏背梗書o既時候，佢就走過o來同我傾計，原來佢真係唔背囉……
見到Winnie Leung，連佢都話我好勁~~~~~~哈哈~~~咁就梗係叫佢加我分啦~~~點知佢就話我應該係叫Michael加分，而唔係佢囉……
見到Yuki同大隻佬，大隻佬聽到佢問我食無煙，就問我食邊隻，佢擔住幫我答、仲要笑住咁V埋手勢話係Lucky……大隻佬聽到之後就叫我俾佢，拎o左盒煙出o來好耐，佢都唔理我，到佢見到o既時候，就話我咁揚……無人見到咪得囉!!!之後佢仲好唔客氣咁伸手入我o個袋度拎盒煙，不過我第一日識佢時都係好唔客氣咁拎佢o的o野~~~~同佢行o左出去煲，但係呢個人竟然無帶火機，就借埋o個Asahi俾佢……
露比佢o地都o來到，咁就同佢o地走啦~~~~~

一路行梗出o個公園o既時候，聽到後面有人話Hello Kitty喊o既時候會有口，聽完之後即刻拎轉頭話「唔係呀嘛~!?」但係後面o既人係唔識o架囉……囉爆呀!!!兜都兜唔切!!!o個女仔已經用o的歧視o既眼光望住我……咁我諗住講得呢o的o既都係Sakura之嘛……
出到去，就即刻搵人俾我遮住，露比佢講o左俾其他人聽咩事，笑死啦……~><~
傾o左之後去邊，就一齊行去地鐵站。原來佢就o係我Daddy隔離o乍!!!!嗯~~~再問清楚Wendy佢係幾時望過o來……
o岩o岩傾計時，佢無讚我耶……但係之後o既情報話連佢都有話我跑得好快~~~^0^ <滿足>

不過之後佢同阿敏唔係搭地鐵~見唔到lu~~~~~~~
原本只係得我同露比，佢都陪我等o左陣~~~~之後唔知點解，話去食o野o既蘇菲亞佢o地都落o左o來，然後仲有我Daddy!!!
原來蘇菲亞佢o地過西九龍o個邊食o野……唔……咁我就更加唔會去!!!
o係旺角出，因為要”唄”散紙所以就逼於無奈咁o係信和買o左$5燒賣食，都ok喎~~~~
買埋o個兩本「Myojo」之後就過去對面等巴士~
等o左勁耐都無車!!!!

上華潤買埋沙律醬<其實應該係蛋黃醬o既，但係L又唔記得佢樓下間華潤係無o既!!攪到要食一個差o的o既蛋沙律……>再買o左包薯片食住上去~
Hea o左陣，就嗌o野食，唔知點解今次o的o野食好快就送到上o來……
食完再食o左少少蛋沙律，就拎o個トロ飯盒出o來倒起淨低o個o的~~~~~夠裝喎!!!然後L再o係上面加o的沙律醬~~~~~~~
睇Channel V，聽o左森山直太朗首「夏日終章」，後面o既Live Band仲要係中西合壁啦~~~~~超勁!!!L仲話Arashi班人都好鐘意聽佢o的歌囉!!!!
上o左陣網，用L o個Account睇返Stop At Here要有積分先睇到o既o野~~~~~天秤座o既染髮選擇係淺栗色~~~~~呵呵~~~正是我最鐘意o既顏色~~~^^
睇o左o個咩「間諜少女組」，真係好美或卡通……<雖則套o野真係美國o既……>之後就入房~
收音機無o野聽，就開MD o來聽，聰聽o下真係訓著o左——

7點幾先起身，L再幫我搽o左o的按摩膏再扎埋辮就出去食飯~
但係仲有o的飽，所以都食少o左好多o野……
一路食飯就睇亞視o個咩「攪笑快閃黨」……o的片係唔差，但係o的主持可唔可以唔好咁無聊呢~!?而且「快閃」同入面o既內容完全無關!!!!
L話想去唄K，因為見到Neway o的廣告，聽到之後勁無奈……佢好似幾個禮拜之前先唄完o來o乍喎!!!!我o個次都無去，係咪應該係我講先o岩~!?
食o左o的地門菠蘿，幾甜喎~~~~~~~~~~
L買o左o個Grapefruit Juice，仲要話好味飲，好明顯我係點都唔會買西柚咪o架啦!!!
食完飯，再幫L睇o下佢份履歷表，只係大約記得有o的咩，最正確o既都要返屋企搵返自己o個份o來睇~~~~~~~
無o野做，就入返房~佢俾o左隻Chrome Hearts耳環我啦~~~~~~~~~~開頭都唔知係咩o來，原來係個心形o來……佢仲俾o左o個禮頓山室內設計特輯、今日家居同埋Muji o既朱古力Catalogue……見到入面一條條o個o的就好無奈……應該唔好整o個咁o既形出o來呀嘛……L仲話o係沙田o個間仲要係擺到高一高囉……
同L講o左對落o個件o的日記……
又係咁用腳攪佢o的衫~~~~呵呵~~我掂到丫~~~~~
L問我頭先係咪訓到好舒服，我又再次有鼻鼾啦!!!!佢話我訓先至到佢訓，聽得好清楚喎……咁我應該淨係去佢度訓先會有喇……如果o係屋o既話對落o個件一定會同阿媽講!!!但係一路都無……唔……咁都好o的~~~~亦都證明L張床係好訓o的o架啦~~~~~~~

返到屋，都就o來11點，阿爸返o左o來……開Icq用o左陣就去沖涼~
阿媽見到我由房行去廁所時好”支力”咁，就問我做咩，我就講o左今日去跑步，仲講埋拎o左獎，但係我只係講o左800M……只係800M o既話係唔足以令我咁”支力”……係2700M先o岩……
入到廁所，聽到阿媽同對落o個件講我跑到拎獎，佢竟然係話「唔係咁攪笑呀嘛~!?」係指咩先~!?我拎獎出奇定係白英奇都會有Sports Day出奇呀???
沖完涼，覺得對腳好似仲有o的按摩膏o係度……
o岩o岩好睇「Six Feet Under」，但係對落o個件又o係廳聽「森美移動」，阿媽又淨係叫我將o個電視機細聲o的……但係我想話最大聲o既係o個收音機囉!!!
好彩對落o個件好快就入房訓~
入面有埋之前睇電視時播o既產品廣告，用途真係同我估o既一樣!!!
廣告時，見到話4月8號做「ER」，咁「Monk」咪下個禮拜就完囉~!?
仲以為做半個鐘，點知做o左成個鐘有多!!!!好彩我唔太眼訓o者……但就好肚餓囉!!!真係想拎o的沙律出o來食o架……
睇完，要自己熄燈，真係有o的驚……特別係睇完呢o的o野之後……

☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★
其實今日成日跑o既時候都係諗住「Lucky Man」段Rap~係咪有o的幫助呢~!?

>>April 25, 2004 at 6:45:49 AM GMT+8

2004 年 3 月 25 日 星期四 【暴雨】

今朝無乜點嘈醒對落o個件，出到廳就開隻「ハダシの未來」精選碟o來睇~~~~~~~~~~
但係俾我見到o個電視機頂擺o左隻CD，係對落o個件o既，竟然會有「Toxic」同埋「Shut Up」囉!!!佢竟然會聽英文歌……不過都已經Out o左啦……
o係火車度好快就已經背好兩篇英文同日文~~~~~~~~
上Michael堂前已經o係度食o個砵仔糕，但係佢竟然唔俾我食喎!!!!平時都係咁食o野o架啦!!不過之後我都繼續食，佢又無話喎……問我好唔好味o個句只係用o的好普通語氣問o乍嘛~!?
露比食o左啖就o係度唔唔好味……想點~!?
做o左o個Open Notes o既Test，但係我只係得一份Notes，都做到好多!!!反正有o的只係Common Sense~~~~~~~~~~
之後再講o左o的考試範圍，我都只係陪聽o架之嘛~~~~o係度好努力咁抄考試時間落Schedule度~~~~

Yuki竟然已經拎o左本普通話書!!!唯有死死地氣咁過去問佢借啦……
唔知佢同班o的人o係度傾梗o的咩，不過佢好快就見到我，但係Michael已經o係入面，又唔想開門大大聲咁問佢借書喎，最後就決定用腳撐住度門o來同佢傾!!!
呵呵~~~佢今日竟然著o左件Fresh Jive當外套啦~~~~~~
佢好順便咁就應承o左喇~~~~~因為Kalily都要借，所以就問佢有無多一本，就好快就拎o左大隻佬o個本俾我……大隻佬好似唔知o架呵~!?
另一個難題就o來：Jette已經o係入面，應該點拎本書入去呢~!?佢o個本又大喎……開窗擺入去o既Jette又好似會見到，最後就麻煩唔記得係Alice定Wendy幫一幫我~xie xie啦~~~~~^^
埋到位，就即刻睇o下佢有無擦到我寫俾佢o既o野，仲o係度耶!!!!!!!!!!!!!超開心~~~<轉>
但係上堂都無用到本書，派o下功課、對o下答案、又再做o左o個Test~~~~~~~

Recess o既時候過去同我Daddy傾計，點知Leo突然拎起我擺o係檯o既手，想錫手背喎!!!
嚇到即刻縮手!!!!紳士風度都唔係宜家呢o的時候表現出o來o架嘛……~!?
另外又係咁同阿娜爭到妹~~~~~無辦法啦~~~現實生活中兩個都係家姐o來……
露比同我講，Alice應該係我姑媽，唔係姨媽，嗯~咁就改叫啦!!!

一路上堂時已經o係度講陣間Lunch去邊度食，唔知點解我突然之間好想去食雞扒飯~~~而蘇菲亞就話想去加油站試o下，蘇菲亞上次已經就o左我，咁今次就就佢啦~~~~^^
放學時行過C班，佢隻窗又開o左，但係佢o個人就走o左去後面，叫又叫唔到佢，唯有擺低本書o係佢張檯度，然後再叫坐佢後面o既同學幫我單聲還o左本書俾佢，但係佢o的同學都好似懵懵地……
落o左幾級樓梯之後，大隻佬就出o左o來，問我本書o係邊!!!我就即刻嗌Kalily問佢啦~佢就話還o左，回覆返佢之後我都唔理lu~~~~~雖則有諗過會唔會係佢問o既……
於是就去o左加油站食飯，見到Leo同Daddy佢o地分o左兩批人食飯……
同蘇菲亞一樣嗌o左o個雞扒便當，佢整梗o既時候先見到原來有雞扒飯嗌，真係好想轉……
講o左某S君o既o野……同蘇菲亞講埋尋日睇到o個個好狠毒o既星座性格，佢聽完之後……
食完見仲有o的時間，就過去7-11食雪糕~~~~~~~~順便搵o下我Daddy 去o左邊食飯~
o係7-11門口見到Kalily佢o地~~~~~~宜家買雪糕就有張擦擦咭，獎品係PS2，但係我同蘇菲亞都覺得要中o既話真係好難……結果我就中o左o個以優惠價買朱古力奶~~~

Cherry佢o地唔去長洲……唔記得講開咩，我即刻話如果去到係打麻雀o既話我真係唔去!!!!
一路行返上去，就講開畢業之後我o地仲會唔會見……我覺得我o地呢班同Daddy佢o地o既咪會囉~至於其他人就唔知喇~~~~~~~~~~
Typing堂，坐o左o係Daddy隔離~~~~~但係佢o地班人俾Winnie計遲到……
大細家姐背完書上o來，之後就輪到我落去背，樓下有三、四個C班o既女仔，但係好快就到我!!!入到去，Jette又幫梗人背書……好彩都叫好順利咁背完，日文100分、英文98分~~~~~
而Daddy就話聽日先背喎……
露比突然話Daddy o個女婿會係佢囉……我都想~^^
Eric已經變o左我口中o既「Uncle Eric」，一個同我Daddy生意上有來往o既人~~~~~~~而Leo就變做「Uncle Leo」，角色未明……
教完點打Menu之後又Test……今日三科全部都有Test……想點~!?但係o岩o岩想打o既時候就Test，我都唔理，照打埋先~~~~~~~
因為之前用o左好多時間o係教打Menu度，攪到C班o來晒都仲未上得堂……
打完就當然係拿拿聲執o野走人!!!
出到去先至慢慢執好o的o野，然後就o係度等埋露比佢o地~~~~~~~
睇o左佢o地班一o的好笑o既角色扮演~~~~~
佢突然之間行過o來，問我仲有無食煙，答o左佢之後問我有無煙o係度，我都係話有，佢就笑住咁話咁我”八厭”，仲話要收o左我盒煙，之後就當然叫我俾佢，話宜家即刻去煲喎……咪俾佢囉~~~~再問我Test咩，我就照講~~~~我最後仲加多句「你係就宜家睇o下o的格式啦!!」
但係佢拎o左枝煙，返去係同o的同學繼續傾計……唔係去煲煙o架咩~!?
之後諗返同佢傾計o既時候，感覺有o的似發梗夢咁……好似唔係真o既……

等齊人出o來就走~~~~~~開頭仲爭Daddy未出o來o架，所以就o係後門嗌佢，點知隔離班好似阿謙o個男仔就即刻望住我……=_=;;
落o左幾層樓梯之後，Mandy就收到阿娜電話，話Sports Day o個Result出o左，問極阿娜都講唔到係貼o左o係邊一層……於是我同姑媽就飛快咁跑返上8樓~~~~~
我o地4*100M竟然俾人Disqualified!!!!明明係最快，1分04……同第2o既只係爭半秒……但係點解宜家先話我o地俾人Disqualified!?!?!?點解唔當時即刻講!?!?攪到我o地個個都好嬲!!!!商量o左一陣，就決定問o的先生係邊個負責呢份o野o既，o個先生竟然o係新校o個邊囉!!!即刻搵電話打去問!!!問完o個答案竟然係「人手唔夠」!!!聽完幾想打人~!?人手唔夠o既話就唔好攪o個Sports Day啦!!!!男仔組o既就可以即刻舉手話Disqualified，點解女仔組無~!?同埋有乜理由就算真係出o左界，o個個監察員都淨係同返司令台講而唔同返參加者講呀!?!?咁你點講點屈都得o架啦!!!!
到今朝起身大脾都仲有痛呀!!!!竟然話Disqualified!!!!好嬲!!!真係咁搏做咩~!?
搵到阿May，仲以為佢有幫手o既，點知只係去Toilet……
落到地下，打俾Jette，佢就一把好唔關事o既聲話自己只係負責跳遠，仲要好開心咁同我講Bye bye……Wendy幫我留埋言俾Michael……
同阿娜& Wendy落旺角，佢o地聽日約8點幾囉……唔……睇o下跟唔跟佢o地先~~

好嬲好嬲咁返到屋企，返到屋都差唔多1630……
上網睇新聞，頭條係「西九淫業王國一夜覆滅」~~~~~~真係好~~~~不過係咪真係救到o的未成年少女~!?佢o地都已經放晒工……
之後就打星期六、日o既日記~~~~咁都可以打到兩篇喎……
聽阿媽講，阿爸整親手入o左醫院……所以好早就食晒飯，然後佢就執o左o的日用品飛的去醫院搵阿爸……其實我想叫阿媽同阿爸講聲叫佢「小心o的」，但係到最後都搵唔到機會講……
阿大阿細走入o來，坐住對落o個烘煨麵包公仔唄「戀愛大過天」俾我聽……
見無聊，就俾佢o地玩o下o個Keyboard，一路都好好地，但係之後就出現爭玩o既情況……而我都覺得佢o地玩夠，就叫佢o地出返去，點知佢o地走之前仲要亂拍一通先肯走……走之前仲要一個同我講「八婆」、另一個就講「死八婆」……
開o左對落o個日記o來睇……佢又學人寫日記……但係多數都係o的Chinlish……睇o左2月28一句好好笑o既o野：
『睇完一集二宮，隔無耐又睇第二集la…一個禮拜不知不覺就溜走了…Li個月就係好快gum過左la…日子過得真快~』
佢已經知道邊個係二宮囉~~~~~但係最唔明係點解要用二宮o來做標準……!?!?
繼續睇佢o的日記……唔係有人鐘意佢呀嘛~!?但係佢好唔唔多鐘意佢咁囉……另外佢又好似對一個o係火車站會見到o既一個樣似周杰倫但扼聲似鴨仔o既男仔有o的o野咁……
2月26號先發現話有一首有好意思ge歌：「Where’s the Love?」……人o地都Plug o左半年咁滯啦!!!!Outdated!!!仲要話成日bo英文歌……佢夠我~!?

阿媽好快就返o左o來~對落o個件即刻問阿爸點……有時o的o野……在心中咪得囉……阿媽仲要同阿爸講係佢提阿媽拎收音機俾阿爸……攪到我真係好似好廢咁……我都幫阿媽搵o左o個水樽同餵佢兩個食飯o架……咁又點!?!?
睇「Faking It」”Ballet Dancer to Wrestler”，Kasper其實都幾靚仔o架~~~~~~最好笑係佢教o的摔角手跳Ballet~~~~~~~但係真係想知o個Danny係咩人……只係負責俾人打~!?而且o個老師攸示範時都真係好大力囉……雖然係輸o左，但係無人睇得出佢係Fake o架囉!!!!
下一集係一個Rock友變指揮家~~~~~~

沖完涼就繼續上網，o係「トロと流れ星」度見到出埋最後一個Character，就係o個隻彈結他o既黑貓!!!!但係詳細o既仲未睇……
之後就上Sho Time，o係留言版度只係見到好多人打E-mail出o來叫人Send o個份Report……
但係都估到係關於阿翔畢業禮時發生o既事……大約都估到係點啦……而Akane已經話o左唔會Send，要睇o既自己上KKF論壇喎……但係我覺得係o既話都俾埋網均人o地囉……好多人都問咩係KKF論壇……我都有去搵過，但係o的Result多到根本就唔知邊個先係……再唔係就出埋o的無關痛癢o既網……
Link o左去「無止盡溺愛相葉雅紀」，阿翔真係去o左上海!!!!但係佢o既第二日出發未免真係好笑o左o的呀嘛……!?再睇o左o個「Dの嵐」o既外景……而且仲有「JOYFUL」o既中文歌詞~~~~~~~~~~~~~~~~~^0^
一路上網就一路同L傾電話~~~~~~
連Icq都即刻改Info!!!『私に今は話しかけません!!』另外某人o既就係『私があなたに會うごとに、私の心わ苦痛を感じます。』唔知點解……見到就有呢種感覺……
之後都去訓lu~~~~~因為聽日仲要早起~~~~但係唔知o個充電器做咩，係咁話充電中……攪到個電話係咁”Pi”……

>>April 8, 2004 at 8:37:39 AM GMT+8

2004 年 3 月 24 日 星期三 【暴雨】

尋晚發夢，不過今次係我同L去睇香港o的Live Show，我o地都算坐得前~~~~~之後o個場響起「A．RA．SHI」o既音樂，有五個男人就出o來跟住音樂唄，佢o地o的日文又好準喎!!!<好過E-kids唄o個個>，不過o個五個男人唔係大野佢o地，而係由明星扮：其他o既唔記得喇，最記得o既係Vanessa扮Aiba~~~~~另外仲有劉青雲、古天樂同張家輝……佢o地唄完呢首之後就即刻唄「台風Generation」……唄完之後我仲要同L走去後台搵佢o地……見到佢o地五個o既時候都唔知幾開心……但有一偶像比較怕羞，係咁搵劉青雲遮住……

上網睇新聞，都繼續係台灣選擇o既o野~然之後就去o左投票「你贊成宣布是次選舉無效嗎?」，九成都贊成!!!真係好想知另外o個一成係點諗!!!
去拍賣場搵o野：Mannish、Toto、TV Kids、Sony貓~~~~
Up o左星期五o既日記~~~~~~~
收到Ceci o既E-mail，竟然係有關孔慶翔o架喎!!!當然拿拿聲Click入去睇，係蘋果日報o來o既，仲要佢o既片段!!!!的確係「美國版張如成」呀o下……佢仲要o係o的評判面前唄 + 跳Ricky Martin o既「She Bangs」囉!!!首歌我都聽過o既……佢咁樣都叫「香港版Ricky Martin」就真係有點兒那個……最好笑係o的評判聽到佢o的歌 + 舞時o既反應……
只係一句好普通o既說話就成名o既話，真係好兒戲囉……句”I already gave my best. I have no regrets at all”我都識講啦!!!
Log out之後就o係MSN度睇到有測驗係睇戀愛求生指數，結果係：戀愛敗北型
『你的戀愛逆境求生指數相當低，既不夠率直，又沒有持久的戰鬥力，以為心上人有別人喜歡，因而放棄就算了，然後又把視線轉移到別的對象身上。像你這種見異思遷的人，既不能討好別人，更會因此喪失許多戀愛機會。』

又再憑記憶上「Stop At Here」，首先上o左推理台、之後就係星座台，最後就係靈異驚嚇台~係搵到o個個「誰養魚」，但係仲未有答案……
o係星座台睇o左好多o野，但係有o的就要有積分先睇得……我想睇o個染髮選擇o架!!!但係我都睇o左一個好開心o既o野：不同星座接吻形態 <射手座：他會藉著裝睡或裝死，引來你的靠近，而後給你一個淘氣的吻。>，睇完之後就o係度暴走~~~~~~~~~開心死~~~~~同我估完之後o係故仔寫o既一樣!!!!
o係入面見到L Post o既o野啦~~~~~
至於另一個測「你會不會撒嬌」o既Test結果就係
『你並不會想要一直纏著他，就算兩個人在一起的時候，你也覺得只要在他的身邊，就很滿足了。 這種類型的你，可以利用一此撒嬌的小技巧，來拉近你們的距離，或許因為撒嬌，可以讓你們的關係更加地親密喔!』
「你有放電能力」o既結果就係『你喜歡得到異性的關愛，所以只要在喜歡的人面前，就會有不一樣的表現。無論是靜是動，都會達到效果，讓對方注意到你的存在。有時你的表現實在太明顯了，身邊的人沒有一個看不出你的心意。大家也會在一旁幫你敲邊鼓，有了眾人的激勵，你更像是蓄滿電力的鹼性電池，用盡全力放電。』我宜家算唔算??
有個係講殘忍星座，但我覺得o個標題寫錯……寫佢寫咩就明：
『天秤座
你是藝術家那一型對於現實很難自處。如果你是男性，你可能是同性戀者。對於工作和金錢獲得的機會是零。大部份天秤座的女人是妓女。所有天秤座的人皆死於性病。』
上返Death Clock，我會o係2064年12月28號(日)死……不過Smoker同Non Smoker o既分別唔大……

去到靈異驚嚇台，有好多o野都唔太敢睇……
不過我就睇o左以前日軍侵華時先設o既十大酷刑……我真係好想知o個「極樂椅」係點囉……點解唔講埋o者~!?估到都係玩殘女仔下面o既o野……但即刻點~!?其他核突o既都講……
再睇o左o的講「剖腹」、日本鬼故、至今仍未破o既十宗謀殺案、一幅好恐怖o既女人圖，睇到o的人o既評語，已經唔敢Click張相出o來睇、空氣o既壓力把頭擠爆<但我無睇o個片段>、香港凶宅、攝走o左人o地靈魂o既相、一個好核突o既頭……
想Log in埋，但係要諗我係o來自邊度，所以就遲o的先算~~~~~結果睇到唔捨得Off……

買o左「新少年」~~~~亦o係加油站買o左包蜜瓜奶~
同L嘈……咁我真係想睇埋本漫畫嘛!!!
同小明一齊返班房。
上David Chu堂，又再講o左o的考試範圍，阿娜一邊聽我講o既一邊抄~~~~~
同露比Argue究竟係背晒兩篇日文同英文、定係只係背一英一日，最後要我舉手問David Chu……大家姐仲話唔係「We」，只係得我一個想問囉……
最後係我贏o左啦~~~~~~~~~~~只係一英一日，明明已經聽o左David Chu重申o左幾次係咁，無理由咁都聽錯~~~~
又再係咁聽CD……但係無星期二咁悶啦~~~~因為已經有Notes~
最後對埋o個Listening Test，早放我o地~~~

點知原來David Chu早放我o地o既原因只係為o左落6樓買o野食!!!難為我o地要企足20分鐘……
點解會知~!?咁o岩我o地諗住落去買o野食時就見到David Chu好鬼祟咁收埋隻雞脾行上o來!!
見到Steven o係度問阿娜o岩o岩David Chu講o既考試範圍，我就好不留情面就問佢o岩o岩無聽書o架咩~!?之後佢仲要好理所當然咁話只係Confirm一o下囉……不過連阿娜都好唔肯定咁答佢……係我同佢講o架喎!!!咁都可以唔肯定~!?
轉個頭就輪到Leo問返同我o既o野，態度真係好緊要啦……所以我都好唔介意咁同佢講返~~~反正我就係記得~~~~~
落到6樓，又擺位，今次仲要擺晒全場……
o的o野食都就o來清晒……而且竟然有雞翼賣耶~~~~~~~~~~~~^^開頭只係買o左一包o者，但係之後唔知點解又買多一包……有o的係想拎俾佢食啦……露比就出奇地買o左雞脾囉!!
返到上去就開餐，俾細家姐叫我小心爆瘡……我唔會點理o既~~~~~~
突然之間好多人都買o左雞脾返o來……Maggie仲倒o左o的汁落地下添……
見到Leo食雞脾o個樣，露比就解釋點解唔宜家食……的確唔太有儀態o既……

入到班房，坐o左Kalily佢o地平時坐o個行~因為佢o地想同Alex佢o地傾計喎……
收到Wendy o既電話，就落o左去萬寧接Alice，點知落到去，人都無個!!!又打唔返電話俾Wendy喎……最重要o既係：原來我係無Alice電話o既……=_=;;
所以就返返上去~
坐低無幾耐，就收到Wendy o既電話，托佢幫我買三文治~<但係o岩o岩先食飽……>
Alex買o左盒Ritz o來食，係Hot & Spices味，但係食落……完全接受唔到!!!!好多人食過都覺唔掂，淨係得Cherry一個仲話好味……
Raymond o來到，要順學號坐返o來Test……
蘇菲亞坐o左Queenie隔離，但係我同佢都淨係得最新o個份Notes，而阿娜同Alex就有帶晒返o來，於是蘇菲亞就提議拎Alex o個份o來，兩個人睇一份~
份卷其實真係好易，特別係可以Open Notes……早知就問佢借Notes啦!!!
一路做o既時候就見到Alex好苦惱o既樣子，但係蘇菲亞未用完Alex份Notes，所以就叫佢用完就拿拿聲俾返Alex~

考完，Alex繼續用埋o個盒Ritz，我同阿娜就問佢點解會買呢隻味，佢話睇外表喎……之後就o係度同我o地講道理，話唔可以淨係睇外表……
最後話收埋我o地做女……
當然即刻問佢邊個係媽咪，點知佢話我o地係試管嬰兒……我就同阿娜都話單親家庭o既細路會有o的缺憾，點知Daddy就話我係缺乏性愛囉!!!!哈哈~~~~~雖則係o者，但係講到我好似好大食咁……我其實好細食o架o乍!!!!;p
唔記得講開咩，阿娜話Alex可以去做笑劇，仲要叫佢去做「Mr. Bean」，Alex聽到之後唔開心啦~~~~~~~但係我同阿娜都覺得做到「Mr. Bean」唔差丫~~~~~~
Break完之後，又調返做之前坐o個個位~
收到L o既Message，佢搵到「Love Actually」o個Boxset啦……不過$70，我覺得有o的貴囉……
收到阿Yen o既電話，知道Fion係4月3號生日，專登打o來叫我儲定錢話一定要去唄K……
Daddy話介紹一個日本男仔俾我識耶~~~~~~~~~~~~~~~~~
原來我o地新媽咪有可能係Auntie小明!!!!
突然有人o係我o地班房出面行過，仲係咁望入o來，以為係捉人啦，點知係搵人影相喎!!!仲話係要登上少年警訊度，有人叫o左Leo出去，於是Raymond就話男女班長o岩o岩好~~~~
我就問Raymond點解要揀我o地班，佢就話只係o個個人咁o岩行過我o地班喎……
隔離班放學，佢竟然揹返o個斜揹袋喎!!!*0*
Ricky o係度睇「Love Hina」，仲要係我上次睇完o個第13期!!!梗係繼續睇埋落去啦~~~~

放學，死唔斷氣o左好耐先走得……
叫子瑜做「子瑜豬」，佢叫返我做「Kimi豬」啦~~~~~~但係之後唔知點解叫o左做「Kimi”也母”」……
因為要過尖沙咀，所以就同我Daddy、蘇菲亞再加偶然先搭一次地鐵o既露比同車~~~~~~
企o係大堂度等埋Daddy~~~~~~之後見到佢竟然同隔離班o個粉紅色蝴蝶一齊行!!!!唔通佢就係新媽咪~!?
o係度嗌Daddy，點知o的人真係望住!!!<好彩我係背住o的人o者~~~>
搭地鐵時，再加埋Alice，Daddy就話佢係失散o左好耐o既家姐……
車卡入面有o個叫「櫻の花嫁」o既電腦Game，o的人設都唔差咁~~~~~~
交收埋，就搭返地鐵走，尖沙咀o個站有賣樓盤啦!!!勁想行埋去拎o的Catalogue o來睇，點知原來仲有人企o係度……
L打o來，問我一唔一齊食飯，仲問我o的咁o既o野~!?好明顯就唔會有錢o架啦!!!食Lunch o既都話仲得……晚餐就唔好預我喇……
猶豫o左陣就決定買砵仔糕聽日返學校食~~~~~~~今晚就唯有收埋o係o個袋入面啦~

食完飯，開Icq，同Daddy傾o左陣~~~~~連佢都話聽日先背英文日文~~~~~我仲話不愧係兩父女~~~~~^0^
睇o左Moongee o個Info，原來佢都鐘意窪塚!!!!由細玩到大o既的確係唔同~~~^3^
同樣都係早o左去沖涼，不過都係見唔到佢……之後就去睇「Monk」~~~
阿媽同我講對落o個件聽日真係唔駛返學……Shit!!!!仲要連放4日……

>>April 9, 2004 at 3:03:13 AM GMT+8

2004 年 3 月 23 日 星期二 【微冷】

又發夢，今次就見晒我o地班o的人……
宜家呢間學校某一層o既前梯出去係另一間課室，有日，我o地o係呢間課室外面排梗隊，唔知邊個踩o左落擺o係地下o既一隻有辣醬o係入面o既醬汁碟，係腳掙踩到<無著鞋>，本人唔知，仲印開晒。Raymond見到，靈機一動，就要教我o地抹o野!!!幾個幾個咁輪住抹間課室o既外圍同地下!!!Michael都走過o來睇我o地點抹……最記得係Rosa抹完之後要即刻去洗手~
今日就輪到大脾上面痛……

好想．好想．好想．好想要一張好靚o既鞦韆圖擺o係日記度……所以就用o左o個圖片搜尋，不過出o來o既……唔係o的BB相，就係一o的毫無關係o既o野……
但係其中一個，就係「おねがい テぃーチャー」入面出現過o既地方!!!網主真係去晒!!!而且仲同卡通入面出現過o既好似!!!佢仲話下次要去「朝霧の巫女」o既廣島縣三次市~但係可唔可以唔好叫做「星空的邂逅」……?其實真係唔太Match o架……開頭L同我講呢個名，我都唔明點解佢要咁講!!!
諗住再搵o下「Blow My Whistle」o既歌詞，點知又係無……
收到Yahoo!拍賣場o既一位買家o既”問題”，明明係佢自己獅子開大口，叫我減價一半有多賣俾佢，講價唔係講到咁過份呀嘛~!?如果我可以$30賣出去o既話，我點解唔一早Set呢個價呀??宜家就問我買o野時唔會講價o既，不過真係唔好意思，我就係一個好憎講價o既人!!!我面皮無咁厚、兼且我又唔想人o地難做，更加係我唔鐘意人o地同我講價所以我更加唔會同人講價!!!

換完衫都12noon，阿媽仲未起身，於是就入房嗌佢，佢真係返訓啦……俾我叫醒之後就拿拿聲換衫落街接阿大阿細~
買o左「Game Next」~~~~邊行去火車站邊煲煙。
入萬寧買o野時，咁o岩就見到佢拖住阿敏o係入面出o來，打o左招呼就算~佢今日竟然揹書包!!!而且又著埋褸~~~~買o左包麥提莎，佢o地仲o係我前面，o係中電時見到露比同蘇菲亞o係加油站見到佢o地都o係度指手劃腳，我叫佢o地，但係佢o地聽唔到……好彩o係前面橫鋼度見到阿娜同貝琪，阿娜明我意思，就過o左o來同我一齊行上去，但係佢真係好危險啦……o岩o岩有車駛過……
一路行就趕到去佢o地後面，我就講返o岩o岩只係「拿……」咁o者~~~~
咁o岩見到超哥傾住電話落去，係佢叫我先o既，一路行傾o左陣，佢都有望落o來~~~~
上到5、6樓o既時候，阿娜問我背唔背日文，我明明聽到呢個禮拜只係要背1英1日，唔駛背晒4篇呀!!!之後佢聽到，就同我一齊講~~~~_(^0^)_ 佢同我講話唔諗住背，我問佢點解，佢就話好忙，唔想背，我聽完之後我係想問佢「你忙住開房呀?」，但好明顯我唔會咁問啦~~~~我只係問返佢好忙咩~!?佢竟然答我「係呀，你宜家見唔到我行梗路o架咩~!?」，聽完就當然係話佢「屌你丫!!你去死啦!!」唔好意思，我o係佢面前都係做唔到女仔o架喇……

未入得班房，o係走廊度係度嘈……細家姐就叫我直接拖佢左手邊……
o的檯o既位又唔同晒……每行長o左，但係少o左一兩行咁囉……
阿May話帶我o地去賓館睇房，搵我出去寫紙俾同學揀日子，但係好多人都話如果只係專登返o來睇一睇房o既話就唔好，於是就揀o左o的放學後o既選擇，亦都因為仲未有Tutor o既Timetable，所以其實係幾時去睇都未定到……
同Wendy去買o左o野飲，不過我無散子，就叫佢幫我出住先……我都係宜家先知汽水機係可以用一、兩毫o乍!!!呵呵~~~~我就買o左罐Fanta~~~~~~
原來尋日露比去食刨冰、蘇菲亞就去打邊爐、而我就去BBQ，o個個都好開心咁~~~~~~
Leo佢返o來就o係度派糖水……
好努力咁去抄Housekeeping份功課~~~~~
收David Chu o的影印錢~~~~~
阿May講o左o的考試範圍，不過我都帶唔齊o的Notes~~~~~~
露比同我講o左o的o野……的確係越講越唔妥丫……另外又講o左另一個人……面皮呢樣o野，都係生活逼人磨出o來o既……<-- 張小嫻講o既~我o既就反而點都磨唔厚~係因為我好少會做呢o的o野……我會覺得唔好意思~
Break o既時候首先同o左阿娜 & Alice搵o下o個份Sports Day Result，點知無!!!之後過佐敦間McDonald’s，好彩Yuki、Maggie同Ricky未走o者!!!
McDonald’s竟然新出o左三款o野：麥樂豬柳、麥樂蝦同麥樂三文魚，都有o的想試o下o個豬柳，但又驚其實唔抵食，所以就嗌o左杯朱古力新地就算~~~~~~~
行過巴士站，見到尋晚見到o個張Poster喇!!!原來係「House of the Dead」!!!!即刻Send Message同L講~~~~~~
Maggie話想食麵包，於是就帶佢o地入附近o既一個屋院，呵呵~~~~都話有o架啦!!!一路行o既時候個個都叫我唔好老點……
行樓梯時，Yuki嗌”支力”，又o係度話我杯新地溶晒好核突……
返到上去，俾阿May問我o地想計遲到定Absent，我就由得佢點寫都好~~~~~

Recess時就落6樓，呀~竟然又係炸豬柳食喎!!!我就講o岩o岩o係McDonald’s見到新出o既，點知o個Trainee就話係McDonald’s跟佢o地~~~~~不過都買o左$5試o下~~~還可以啦~
成個小息都o係度出出入入~~^^

Leo幫我o地影印o左份日文Notes~~~~~~
問Alex佢o地「珍寶腸」同「法蘭克福腸」有咩分別，原來前者係粗o的、後者係長o的囉……咁究竟邊種腸會好o的呢~!?;p
湯Sir堂，一邊輪住擺位一邊做6條Classwork，露比同蘇菲亞因為要同Alex講秘密<都係o岩o岩同我講o個o的>，所以就淨返我一個o係門口o個行……最後攪攪o下，就變o左我同Alex坐o係門口o個行，佢o地兩個就o係另一邊講~
講到o個兩個人煩惱o既o野，Alex好絕咁話「坐佢大脾，除佢衫囉!!」其實呢個都係一個方法……Alex仲要講明佢o係呢方面無經驗……
好努力咁去做Classwork，子瑜坐o左過o來同我一齊做~~~~
露比佢o地o個邊唔知講開o的咩，話Alex o個對象係我……唔好玩啦……Alex即刻瞪大對眼望住我……我根本咩都唔知，都係之後露比同我講返先知……
到我o地出去Set位，蘇菲亞坐落o來o既時候就係Alex去Set位，我o地都o係度投訴o的服務態度唔好啦~~~~~
到我時，擺錯o左先後次序……連湯Sir都話睇得出我係想將o的刀叉頭尾對齊，係丫……你有咁o既Request，我就一定會盡量做到，兼且天秤座係力求完美o既人呀嘛~~~~<爆>
抄完一大輪o野，終於都交得!!!不過手都痛埋……

o係火車睇埋本副刊，Macross套新Figure 4月出!!!唔知網上面會唔會有得散買呢~!?
開Icq，收到L o個個「Dawn of the Dead」o既網址，但係一開，內部程式又有問題，Restart o左部機之後，就憑記憶打o個網址出o來，o個網本身太唔恐怖，係佢Loading o既時候影出o來o個個o的人o係度拍玻璃o個個驚o的……
之後再上埋「House of the Dead」o既Official Site，原來兩套戲唔同o既……前者仲未o係香港上~~~~~~有得Link去美國「Biohazard Outbreak」o個網，好似好睇o的咁啦~~~~~
睇「House of the Dead」o的妖怪造型，真係夠核突!!!街機o個個都無咁核突!!!但佢就話係Base on街機o個故仔囉~~~~再上埋Sega同Silent Hill 4 o個網~~~~
o係拍賣場係咁搵o野~~~~~G Taste終於出o左Figure Part5看護婦o個套!!!網上面都有得散賣!!!但係我只係想要蓮見蓮、瀨能明日香同埋相澤早苗o個個!!!~^^~
再搵「天上天下」、「大薯維人」、「Tsubasa」同「Macross」，後者仲未有Part 2出，不過有人賣Part 1 o既Mylene!!!!太好喇~~~~~~~~~~~^^只要買埋Part 2 o既Basara，就可以砌返o個場景出o來!!

收到Vivian o個Icq Message，好彩佢有Copy o左o乍~~~~~就叫佢Send俾我~~~太好喇~愛死你啦~~~~~~~~~~~~^3^
沖埋涼就睇「Without A Trace」”Underground Railroad”，一位就有8個月身孕o既太太失蹤，原來係o個老公一直都有打佢，所以o個老婆就去搵o的保護婦女o既組織諗住去第二度重新過新生活!!之後o個老公搵到上門，好彩Jack佢o地都及時趕到!!!
終於睇到「Six Feet Under」o既電視廣告!!!就係由劇集入面Cut出o來o個o的!!!好期待!!
之後o既「MPU」，就講一個03年12月失蹤o既15歲正常少女，睇到呢o的我就最驚o架喇……

>>April 3, 2004 at 1:46:51 PM GMT+8

2004 年 3 月 22 日 星期一 【微冷】

發夢時又見到佢~~~~~
地點都係同上次一樣o既學校，不過今次我就要拎返佢平時著開o個件黑色褸俾佢，一路上去o既時候，我就一路攬住件衫o係度暖~~~~~件衫有佢陣味啦……所以我都唔想俾返佢……
上到閣樓，見到C班o的人坐晒o係地，見到阿敏但係見唔到佢，所以就落去男廁搵佢，終於見到佢啦~~~~~~
俾返件衫佢之後，我就同露比返班房上堂，但係o個班房只係有o的Design o既學生o係度畫梗o的屏風……而佢o地見到我o地要上堂，就麻煩我o地幫手搬開攤開晒o來等吹乾o既屏風!!

對腳開始痛……但我竟然係大脾內側o係度痛……第一次係內側痛囉……
上網睇o左陣新聞~~~~~
Check完E-mail之後就o係日本MSN度見到有「無料占」，於是就Click o左入去睇，點知只係o的交友o既o野……咁唔駛喇……
o係拍賣場搵o下D N Angel、Fresh Jive、Cova、Haagen-Dazs、Love Actually同「真的戀愛了」o既o野，但係後者竟然係出o左黎瑞恩o既「我不是真的戀愛了」……
上o左TVB o個網，今晚2130做套叫「Body Hits」<快樂重傷>o既o野，今集”Sensory Overload”，講o既係人o既感官!!!好想睇!!!~><~
再睇埋之後o個幾集，都好想繼續睇，但係真係唔應該叫「快樂重傷」囉……雖然o個名係吸引，但係同套o野唔太Match……
見得閒就執o下o個File，原來我之前玩o個個「誰養魚?」問題就o係o個File度……不過我o既答案係德國人囉……

L打o來，不過我個人真係唔鐘意傾電話丫嘛……所以就收o左線……
好趕急咁打埋星期四o個兩篇日記先換衫出門口~其實我都有諗過打唔打埋o個篇小說，反正又唔急還返俾L，但係最後都係打埋~~~~~
出門口前都同阿媽講今晚唔返去食飯，佢問我幾點返，我就話12點前啦~佢就話預我12點後先返……
落到街，有o的涼，好彩有帶到褸o者~~~~~~
o係OK買o左本「Fashion & Beauty」，封面o個個竟然係Joey!!!我仲以為係陳松齡添~~~~
火車上當然係睇本雜誌啦~~~~~~~天秤座，係要戴心形頸飾同銀鏈……我宜家頸上面兩樣都有晒喎~~~~~係咁會掂o的先~!?^///^
Delete o左o的舊o既Message，先睇到新o既……俾我話我唔同佢傾電話啦……另外再收埋星期六o既Message~~~~~

同貝琪一齊上o來，連佢都有腳痛，仲話我痛o既地方好奇怪……
Ricky好精神咁返o來~~~~~~見佢話打爆o左「鬼武者3」，當然要問o下佢之後o既進度~~
露比叫我快o的睇埋o個星座運程，因為佢要前面o個頁教整o既熱香餅~~~~~
蘇菲亞過o來，佢o地唔知因咩事o係度「鬥氣」，蘇菲亞就話整糯米滋俾我食~~~~我問佢可唔可以要蜜瓜糯米滋~~~;p

上David Chu堂，Leo、阿Ling同子瑜無一個返到，企晒起身但無人做Greeting，所以就由我做……感覺有o的怪……
我o地呢邊o的人大部份返晒，隔離就只係得o個幾個~
阿娜竟然遲返!!!
David Chu講o左日文會考o的咩，今次就考Katagana囉~~~~~~其他人聽到都「o下」咁o既聲……但係我覺得最易o既係呢個喎……
竟然係我同Queenie On-Duty!?明明係我同阿娜o架嘛……兼且Alex都未做!!!
派考試時間表~
Sakura無帶鎖匙，我就話借住我o個條俾佢，叫佢上我屋，但係佢又話唔鐘意喎~~~~
上堂就係咁聽CD，但係我o地無人有o個份Notes，得Leo自己一個有!!!我o地後面幾個就係咁嗌悶……係無Notes所以更加悶!!!
再對埋上次Listening o既答案~~~~~
Winnie Leung 係隔離班，細家姐又會咁清楚隔離係補課o既~!?
Break o既時候，因為好想飲蜜瓜奶所以就落去加油站買，我就係咁o架啦~~~想做就要做~~~
開頭其實有諗過叫佢幫我買o架，但係之後都聽到佢返o左o來……
俾o左o的阿娜飲~~~~~~~尋日o係7-11先見到有蜜瓜奶，應該o個時先買嘛……
Sakura o個度就好大陣花生醬味，我呢度就好大陣蜜瓜味~~~~~^^
Alex就o係度話好彩唔係阿娜o個老公，如果唔係肯定會俾佢o的傻氣激死……之後阿娜就一輪咀咁話返佢……真係估唔到!!!我同Alex都聽到眼突!!!

轉堂時同Maggie傾，佢尋晚竟然同到佢Icq囉!!!真係我沖梗涼o既時候!!!Maggie就講返俾我聽佢o地傾過o的咩……佢又係自爆自己o的戀情啦……仲話只係真心鐘意過兩個人，一個叫阿”金”、另一個就係阿敏……咁即係係男追女啦……不過呢o的情況，就好似係o個男o既要玩o個女o既所以先追佢咁……Yuki都有話可能驚Maggie會同Yuki講，之後一路傳會傳返去阿敏俾佢聽到，所以先話最鐘意o既係佢……
o係度話Maggie點解唔繼續問，原來佢已經去o左另一個話題……又係排球……
我就叫Maggie下次見到佢Online，就一定要問佢有無同阿敏做過!!!!!Maggie都話一定會問，但唔會係我呢個問題……
再講o下我Info~~~~~我先唔會俾佢睇到我呢個Info啦……
之後Yuki又話要從佢o個佬度八o下喎……宜家先八，遲唔遲o的~!?
原本想同Maggie繼續傾，不過要教大家姐日文，所以都係歸返位~~~
Prince堂，講自殺，講講o下，又講o左去佢見鬼o既事情……
好快就放學，露比同蘇菲亞好快就走o左，好彩打電話叫住蘇菲亞!!!如果唔係都俾唔返本書佢!!!
o係樓下，Leo問o左我一個問題：「你係咪對性呢樣o野好好奇?」<類似啦~>我聽完之後我問返佢想我講真話定係講假，然後佢就話係睇完我日記之後覺得o既~但因為Alex o係隔離，所以佢就用其他o野代替o左”日記”呢兩個字~我都好直接咁答佢「係」~
講開，我就話反正我日記已經Up o左上Info，唔駛再講得咁鬼祟，原來佢同Alex都唔會Update人o地Info o架囉……

過o左去廟街繼續搵煙，認唔到之前買煙o個個人啦……俾張跌落o來o既摺檯拍到隻腳……超痛!!!o個人就淨係執返起張檯就算!!!
諗o左陣就決定買，不過今次呢檔$18……
L打o來，叫我幫佢買黃藥水，於是就o係萬寧買埋就過鑽石山~
我竟然係最早o個個到……一路睇住「招職」一路等；Aoyi就去o左冒險樂園等啦……
會埋佢，L入o左去Adidas度睇o野，而我同Aoyi就拎人o地o既新Promotion：「Impossible is Nothing」，當然係佢o既一系列Postcard啦!!!!但係只係拎o左5張度……拎唔晒……
o係百佳買埋o野就去搭的士過啟德，百佳竟然會有酸乳酪味o既Doritos同蕃茄沙沙醬o既賣!!!但係全部都有大包囉……
行去搭的士之前，見到有個細路女跌晒o的糖……真係好想買過包俾佢……
o係的士度係咁講話o的o野食係聽日o既早餐，唔係拎去o個度食~~~~

落車行o左一小段路就去到，每人$65四個鐘，開爐費另計，都ok o既~~~~~~~
揀o左o個唔大風o既位，o的人係用火槍o來開爐!!!但就俾我見到o的唔應該見o既o野……就係o個個男人o既股隙……Touchwood!!!!!
首先去拎o野飲~~~~~~~再去拎o野食~~~
一路燒o野食一路講笑~~~~~不過o的腸仔好快俾Apple拎晒o來食……而我就轉食o的一路以o來人人都話有排熟o既o野，唔知呀~可能係傾住計燒o卦~所以好快就熟o左!!!
講o下Vivian o的爆笑o野~~~~原來Apple唔知佢整o個個相架囉!!!
阿Mil打俾Aoyi，我就o係後面係咁嘈~~~~Vivian打俾Apple，我又o係後面嘈~~~~之後Apple同我講返Vivian o既說話，話我情緒High到好似係我生日囉……我自己生日o的情緒先唔會咁High啦……係人o地生日我先會咁~!!!
o的牛排雞扒都好好味~~~~~~~^^兼且我真係唔識叉呢o的o野食……;p
得閒又o係度玩o下炭~~~~~得一隻勞工手套，掂落o的炭度，好快就Feel到熱……兼且好似燻黑o左條手鍊……=_=;;

夠鐘睇我o的電視，真係想問佢可唔可以俾我轉台~!?
俾L睇o下o個粒實驗暗瘡o既效果，我自己都幾滿意啦~~~~~三日就ok~~~
係咁唄「飛女正傳」……唔知喎，諗到就唄，都唔知首歌係邊個o既~~~~
因為隻手掂到o的蜜糖，一定一定要去洗手先安樂!!!所以就同埋想去Toilet o既Aoyi一齊去~
o個Toilet都算乾淨~~~~而且仲有廁紙供應，但係我都係唔會去!!!最好笑係有o個牌o係男廁出面，上面寫住「男廁小便」……咁係咪指叫o的男士o係o個個牌前面小便呢~!?
同L講講o下，就講o左二宮o既下面……原來小瞳仲勁過我……我先唔會望佢o地o既下面啦……因為都唔會望到o的咩……~.~
成場係咁走~~~~不過走得好核突……無法啦~腳痛嘛……
見到有機打，點知係翻版o既KOF 2002……另外仲俾我見到有紙尿片賣!!!其實只係我睇錯o者……將濕紙巾同另一樣o野一齊睇……
Apple問我做咩條水晶好似少o左，我就答佢「俾人撞跌囉……仆街!!!」<前者好無奈，後者激動>佢o地聽到我咁答o既時候都o係度爆笑……話要寫低去……不過唔可以寫仆街，就改寫做「王八蛋」喎……唔……感覺就更加粗魯……
同L佢o地講法蘭克福腸o的o野，俾L問我點解唔叫「珍寶腸」喎……不過我真係唔知兩者有咩分別……
而Aoyi仲話點解細家姐會將Vacant聽做Bacon、走過變走光，係因為凡有我o既地方，所以有o野唔咸濕都變晒做咸濕o野!!!!唔係呀嘛……??
送禮物俾Apple~~~~~我仲話條頸鍊有三日保養，我可以”咬”返好佢~~~~點知佢就話要o係三日內點都要整一整，最後仲唔知話要點，我就話佢咁樣等於整唔見部CD機，但係得返o的電，就拎住兩粒電去CD舖叫人整過部機俾佢……

第二輪就拎多o左我o地鐘意食o既o野~~~~~~~原來o的蒜蓉要加錢買……仲送埋o的飽……攪到檯面上有兩種飽……
L就o係度整蜜糖包，都ok啦~~~~~
同Apple傾o左o的o野之後，佢就話我講o野多數第一句係假o架囉!!!!邊度係呀~!?如果係o既都應該淨係對住佢o者……唔好講到好似人o地o的IQ題：「某一個部族o的人第一句係講假話，有o個外國人迷路，問o左當地人點樣出返去，究竟邊個講假話??」咁先得o架……
越夜就越多人o來~~~~~~
最後點都要淨係拎6條腸o來燒~~~~哈哈~~~
同場都有人生日，咩歌都播一輪……
玩「七級豬」，就o係我仲係一級豬o既時候阿媽就打o來話我……我夜返唔代表我無用o架嘛~!?兼且我有幾何會夜到咁呀???最嬲係到我咁大過仲o係度話我無用嘛!!!已經俾佢由細話到大o架啦!!!宜家仲要咁樣只係因為我仲未返屋就話我!!!又話我沖涼時o的聲嘈到佢無得訓……
最後L就拎o左張生日咭周圍去叫人簽，簽完再執埋o野就走……
俾返錢Aoyi先，L o個o的就唯有遲o的先俾……

搭的士落旺角，搭o既時候就望o下街景，俾我o係o的巴士站廣告牌度見到一幅頗恐怖o既Poster!!!係一個鎖匙洞入面見到一隻眼o個o的……唔通就係L今日講o個套外國恐怖片~!?
0130就返到屋，好慢兼用最弱o既水o來沖涼……攪掂晒都已經0300，之後就去訓~~~

>>April 2, 2004 at 10:41:16 AM GMT+8

2004 年 3 月 21 日 星期日 【晴】

o係阿Dee起身前就霸o左o個廁所~
攪掂晒，就開電腦聽o左陣歌，終於聽晒成首「Blow My Whistle」，又好好聽喎~~~~
睇到新聞「100萬藍軍困阿扁」。再睇o下今日會咩天氣~
長褲同短褲都帶晒去~~~~
開o左包新o既橡筋o來扎辮~~~~~~~深藍色o既~
諗住倒Evian o的水，點知開o來開去都開唔到……
o係火車度睇o下「新假期」~~~o係九龍塘等o左好耐先上到地鐵……仲逼過平時o既~!?
去到荔枝角，A出口前見到Emily同Jenny，Jenny條辮好樣o左喎!!!上到地面就打俾露比問佢o地o係邊，原來佢o地只係o係我前面無幾遠……蘇菲亞仲幫我八到佢有參加o野喎!!*0*

去到深水(土步)運動場o個看台，o個個都叫我望前面……我都見到……仲問我駛唔駛調位……但係之後佢o地都唔知做咩越坐越過啦……
終於睇到今日o個Schedule，我o的項目大部份都唔o係上面!!!淨係得4*100M同100M~!!!
俾佢o地睇我條鍊，有o的都話ok~~~~~~~^^
大隻佬上o左o來同Yuki坐，係咁講o的說話o來激我，不過我無事!!!佢o個死o野仲專登錫Yuki，問佢敢唔敢錫佢條女，好彩無o係我面前做到o者……
同蘇菲亞去Toilet，o個Toilet真係好乾淨啦~~~~而且仲有人o係入面負責清潔工作，好過灣仔Sport Ground o個個!!!
原來呢個學校係有Prefect o架!!!*0*真係唔知喎……而且o的老師又o係度收o野……David Chu就過o來收o左本雜誌、之前有o個Prefect就收o左一本小說……
蘇菲亞識o左C班33號o個個男仔，所以就知道佢有無參加比賽~~~~之後講o下佢o的o野，原來佢對女朋友唔太好o架喎……咁我都會講粗口……
湯Sir o係樓下用咪叫o的學生唔好o係看台度食煙……駛唔駛咁High呀~!?
o的比賽到10點先開始……

佢耐唔耐上o來坐，佢今日著o左條短褲、上身係o個件Fresh Jive啦~~~~~~同佢、大隻佬&Steven玩o左舖鋤D，只係輸一隻o者~~~~佢開頭係叫我坐佢隔離玩o架……宜家諗返，好似又有o的錯失機會Feel添……但係當時我就係費事做到咁揚，兼且坐o係自己o個位都可以玩到，所以先唔上去之嘛~~
之後我就話去買o野飲，佢叫我幫佢買埋，我就當然Keep起佢俾o個個$5啦~^^
無蜜瓜奶買，所以就買o左朱古力奶，另外幫佢買o左包大o既檸檬茶~~~~
返去時見到Sam Sir同湯Sir o係度收o左副啤牌再捉人o來鬧，返到去就即刻同佢o地講!!!
包朱古力奶就俾o左阿娜飲~~~~~~見到o個日期係我生日前一日，爭o的添……:p
佢就同阿Ling o係度玩o的硬幣魔術，男仔的確要識o的魔術會好o的~~~^^
我就Steven就o係度玩啤牌魔術，不過Steven o的技術未夠，唔係要練好晒先可以表現o架咩~!?佢就話呢個唔算係魔術，只係涉及到計數o既o野，呢個魔術我都唔係唔知，不過都係魔術o既一種，唔該尊重一下丫!!
問Steven識唔識掃牌，連佢都唔得!!!於是就問佢，佢竟然以為係用拳頭”卒”o個o的……

Maggie同佢影o左相~~~~~我當然會叫佢Send返俾我啦~~~
見到C Cup姐姐，胸襲o左佢!!!真係好似阿Ling所講咁……而佢都驚o左我啦~~~~佢今日M Come，見我講話佢好想訓o係度!!!
我o地o係度講話唔駛尊重呢個Sports Day……因為o的o野真係好唔Pro……所以我o地都唔駛著晒釘鞋跑~~~~~~
見到佢o個頭灰灰地色，問佢係咪染o左髮，佢就話係o的Gel攪到咁……之前都好似聽過……
Eric跑完o個1500M之後，訓o左o係地，我同蘇菲亞就即刻衝落去救佢!!!落到佢，佢就話要水，我又即刻跑返上看台拎水俾佢，落返去o既時候，蘇菲亞都已經扶梗佢返o來。見到Winnie Leung，講o下佢最鐘意嗌學號o既o野，佢竟然記得我係33號……
陪Yuki去Toilet，咁o岩佢同大隻佬就行o左去看台盡頭，我o地同佢o地咁o岩o係對面條樓梯落，目的地係男廁同女廁!!!
我就o係門口等Yuki，咁o岩有o的Prefect o既人入o來睇o下有無人食煙，但唔知點解用o的好奇怪o既眼光o來望住我……o係出面就見到有o的男Prefect想入男廁Check，我都驚佢o地兩個會俾人捉，o個Prefect入o左去好耐又未出o來喎!!!
好彩之後見到佢出o來，同我講話好想煲煙~
返到上去，先至知道100M原來已經招集o左!!!於是就走過去問貝琪佢o地叫佢o地幫我問可唔可以宜家落去，答案係唔得囉……但我真係o係Toilet度聽唔到嗌招集喎……
100M Leo有份，佢跑步時會縮膊o既~!?不過我都唔知自己o個跑姿o岩唔o岩……

大家姐突然o係我領位扯開件衫睇我o個胸!!!之後連露比都睇埋一份，但係大家姐反而話返我變態，話我無反應……但係當時佢好似坐o係我上面o架o乍……
之後就好無聊咁同大家姐鬥胸細，露比佢o地將我件衫左右兩邊o的位向後收，突出o個胸形，仲話我真係好細囉~~~~著o左兩件衫喎……咩都平o的啦!!
佢見到，就話我o地o係度選平胸小姐~
露比突然問我係咪燙過件衫o來……T-shirt唔駛燙o架嘛~!?
Yanki坐o左落o來，傾o左陣佢o的o野啦~~~~~~
原來佢真係覺得Wallace靚仔!!!我o地聽到都即刻否定!!!!如果係o既話我會揀Alan囉……
佢坐o左我對上o個行，摸住我條辮，竟然話我似Juno囉!!!髮型o乍嘛~!?
直接問佢有無參加比賽，佢用o個o的好奇怪o既聲音o來答「無!」
拎o個手機出o來睇幾點，收埋之後佢突然捉住我隻手，o個下係好痛……佢原本應該只係想捉住我件衫，點知……
問我幾點，我就拎返部手機出o來俾佢睇，我話就o來1點，佢就問我唔係2點咩~!?我就解釋返俾佢聰係日本時間2點啦……

食飯前發生o左一o的事：Yuki同大家姐玩互揹，點知Yuki條褲又係低腰，露晒出o來……大隻佬見到就係咁鬧佢……小明好努力咁叫大隻佬唔好嬲……Maggie佢o地就去陪Yuki……而佢
就坐o係大隻佬隔離，耐唔耐叫佢唔好咁囉……但係我o地都覺得唔駛鬧到咁盡呀嘛……
1300 o既時候就放Lunch~~~~~~
佢大家姐佢o地搵地方食飯，大家姐唔太開心啦……
行過長沙灣天主教中學，o個次同L行過都唔係咁o架……
去o左食車仔麵，原來連Alex都食油麵o架!!!飲o左杯唔差o既奶茶~~~~~~~~
開頭我o地想食炒米，點知無、Leo想食燒賣，點知又無……
Leo同Ricky就話想食蛋撻，我o地聽到之後都想食!!!於是食完就去搵麵包舖，但係Alex見到o的蛋撻o個樣就叫唔好買……
入o左惠康同7-11~o係7-11，我同露比&蘇菲亞就o係度扭蛋~~~~~
Leo話去打機，但最後入o左間買限食零食o既舖頭，見到有L想要o個隻懶熊，於是就打俾佢問佢想要邊款，但係o個度無……而我竟見到有Twin Stars o既鎖匙扣賣!!!有好多我都想要，但係o個度無，最後就買o左o個沖涼o既~~~~

返去運動場，都覺得有o的飽……
睇o左C班o既Waiter Race~~~佢同大隻佬o係度鬥啦~~~之後就o係度玩碌盤~
4*100M招集，唔~我同Alice都著長褲~~~~露比叫我唔好摺褲腳，但係唔摺又唔得，所以都係摺o左有得摺o個隻~~~~~落到去，係咁問人我塊號碼布去o左邊，最後先發現原來上一Heat o個女仔拎o左!!!!咁都有o既……明明係跟張紙拎o架嘛，咁都會俾錯人……
之前聽完蘇菲亞講，攪到我都有o的擔心跑跑o下隻鞋會飛o左出o來……因為都係第一年著呢對鞋o來跑……
最後分配o左我第一棒、貝琪第二棒、Alice第三棒、阿娜第四棒，同第五線o個女仔傾o左陣計~~~~Lane 7 o個女仔去到起跑點先壓腿，好彩佢都唔係勁人!!!一開始我就已經跑出~~~~~到交棒，之後所有o野都好順利，我o地班仲係第一名添!!!!超開心~~~~~~~
跑完仲周圍係咁跑跑跳跳~~~~~
Alice同我講返，原來有o的人o係度話我o地著長褲……但係我o地跑第一呀!!!
一路o係Sport Ground度等班o的人落o來，睇o左男子4*100M，Lane 8o個男仔o係我o地面前直剷落地啦!!!我即刻問Alice佢o地：佢下面痛唔痛!?
見到Michael，就即刻叫佢請食o野，點知佢扮聽唔到!!!
麻煩露比佢o地幫我拎我o個袋落o來，真係唔該晒啦~~~~~~~
等o左一輪，又笑o左一陣，到我o地班o既男子4*100M，Ricky接棒時跌o左落地，但係佢都即刻起身繼續跑!!!
之後到男女混合，一擰轉頭，就見到有o個女仔跑到面容扭曲咁o係我o地前面跑過!!!仲要唔止我一個見到……佢基本上係一隻面容扭曲o既八爪魚……

同Sakura o係度唄「我太強」，點知唄完一句之後就有分歧……佢話佢係原唄，所以佢先o岩……
佢又係咁同班o的人影相，我當然係咁攝鏡，最後佢講到好無奈咁話同我影張相我呢個Fans先會心息~~~~~~~~~
抱起o左露比o係度飛，嚇死佢啦~~~~~~~~~~~~
之後阿Ling抱起我，竟然連佢都抱到起我!!!我唔係咁輕o架bor……另外又揹起我，不過佢膊頭o個位o岩o岩頂住我手臂，整返好之後就終於揹得起!!!係L之外揹得起我o既人!!
不過佢睇住囉……>///<
Yuki玩玩o下，又露股隙……不過今次係對住Alex，佢應該都見到啦……之後佢就好無奈……
Ricky因為整親所以可以唔駛參加，之後Alex講o左o的o野，責任心太強o既話始終都唔係咁好……但係都俾我o地成班女仔圍住話佢!!!
o個托盤比賽我唔快啦~~~~~~~
攪掂晒就可以返上去，睇埋其他比賽~~~~Ricky訓o左，Yuki又訓o左o係佢o個佬大脾度……攪到我又想搵人俾我訓……~><~
訓o左o係露比o個大脾度，露比仲俾o左佢件褸我做被~~~~~~~
期間就見到佢同阿敏坐o左o係我o地o個行o既盡頭度”乙水”返女方……
其實都無訓到，只係想有o個大脾俾我訓o下~~~但係越訓就越”支力”……
同露比傾o下計，我見最親密o既行為都只係拎阿敏隻手o來咬o乍喎……
5點幾就可以走，L打o來，傾o左陣啦~~~~
一大班人去搭車，o係月台度見到有人拉筋囉……o個Sports Day都完o左，係都唔係o係度做呀嘛~!?超異相!!!
Leo問我邊個係佢女朋友，我講完之後佢o個反應同今朝露比o個個一樣!!!即刻個個見到係阿敏o既時候都係同一反應啦……Unbelievable!!!
我同Eric & Mandy o係太子落，但我就行去火車站囉~

返到屋，上網搵o下o的英日字典，呵呵~~~~~竟然俾我搵返以前Frankie Send o來o個個可以譯晒成篇文章o個個網!!!宜家仲可以中文查日文添~~~~~~~
於是就將今日o既o野譯做日文Up上Info~~~~
『走って4*100Mリレーの試合に勝って、その上また第1位~~~氣持ちを得てたいへん興奮するが、しかしついてきたのは疲れる。
おやすみなさーい~』
見有o個咁好用o既幫手，就上FM Fuji o個網，睇返首「JOYFUL」，譯返做中文都好，點知已經無o左!!!駛唔駛咁快呀~!?即刻向Vivian求救!!!
好彩都有o個句「動き續けた長針と短針は 振り返ってみるといやに短期間だった……」，睇o下譯做英文會係點，結果就變o左” The long needle and short needle which continued moving When turned round, it was a short period of time strangely....”無奈———
而且因為打落去o既只可以用返日文字，所以就o係日本拍賣場係咁Copy o的字粒出o來~

L打o來，傾o左陣，佢聽到「Change My Mind」時都話估唔到押尾學係咁o既聲!!!
連佢都話「Love Actually」好睇!!!佢尋日o係佢舅父屋企睇o左……我一早都話去戲院睇o架啦!!!~><~
突然改o左聽日Apple生日去BBQ，好彩我今日都唔係用o左好多錢o者……
過o左時間睇「The Genuine Article」，反正講車，唔太吸引就算!!
收到L Send o來o個個「Stop At Here」o既網頁，但係一開就內部有問題……
o係Icq同Maggie傾o左陣，佢仲未整o的相上去啦……
之後又俾o左佢o個Icq佢~原來Maggie之前都係去Rosedale Training o架喎!!!咁我真係唔知~~~~~~
再傾o下o的佢o既o野同我部電腦o的o野……
沖完涼，收到蘇菲亞o既Miss Call，於是就打返俾佢，我當然記得拎返本書俾佢啦~~~~~~
熄機睇「Las Vegas」” Donny, We hardly Knew Ye”，真係好鐘意佢o個Opening o架o者~~~~~~~^^
原來o個個唔係Sarah Jessica Parker o來……

睇完，臨上床前L打o來，企o係度傾o左陣，咁就嘈醒o左對落o個件……最後佢出o左去，但係無人入o來話我喎……12點幾時佢先入返o來訓……其實只要平心靜氣o的，就可以訓到啦……而我都要陪佢唔訓住……

>>April 4, 2004 at 6:33:57 AM GMT+8

2004 年 3 月 20 日 星期六 【晴】

尋晚發夢，見到佢啦……
同Alex佢o地去一個商場o既地庫食飯，見到佢同阿敏o係電梯隔離o既一間日或餐廳食梗o野……而我o地就直行直過~
之後就上o左去一間學校o既閣樓上堂，之前o個班就係C班，不過上去o既時候，就o係樓梯o既窗度望到佢o地o係另一條樓梯落o左操場……<類似Good Hope o個o的樓梯咁啦~>
然後又再返去o個個商場食o野，不過今次佢同阿敏就o係我o地後面落電梯，佢拍一拍我，遞o左部電話俾我，問我螢幕上面顯示o個地址係o係邊，佢話Training去o個度喎~我拎o左部電話o來睇，好似係紅梅谷路o個o的o係大圍o既地方囉~佢話因為知道我以前住o係大圍，所以先問我~~~~~~~
但係之後唔知點解，佢部電話會o係我手上，望住部電話，就好Sweet咁係咁睇o個一個Message~>///<

睇新聞，今日頭條係「連宋帶隊　包圍總統府」，我實撐連戰!!!!!!
對落o個件一早就上o左大陸整牙~~~~仲發生o左阿Dee 0800先起身o既事件……
再上o左「Silent Hill 4 – The Room」o個網，一開，就俾首頁o個個怪物嚇o左一嚇啦……好彩唔係o個o的一掂佢就識郁o個o的o野o者……睇o左另一個Movie，但就有o的窒，兼且成個場都好黑……算係怪物Movie咁啦~~~~~~
係咁打日記~~~~~~~

2點幾o既時候，L就趁出門口去佢阿姨度之前過o來俾o的皮繩我~
去到火車站會佢，阿媽打o來問我食咩，我就話宜家o係火車站，陣間我自己去買……<但係我身上無錢>
見到佢尋日買o左o個個袋啦~~~~真係唔會撞袋~!?<懷疑>而且佢仲掛o左o個風之谷o既鎖匙扣o係袋，唔好跌就得喇!!!
同佢研究o左陣應該點整條鍊先好~~~~~
同佢講阿大阿細就o係McDonald’s食梗o野，於是佢就叫我拎阿細過o來，去到，佢o地o係度飲梗奶昔，而我就唔理，拎o左阿細出o來~~~~~
阿細o的情緒好High啦……去到，見到L，好明顯都唔會認得佢啦~~~~~
L係咁同佢傾計，佢o地兩個就係咁隔住塊玻璃o係度跳舞……

我拎返阿細返去，L都搭返車出去~
咁o岩阿媽都行梗o來，就同佢o地一齊行返屋~~~~~~~阿大係咁話我行錯路……又話我唔等埋佢……但係佢又係咁話要斬我喎……唔走就奇啦!!!
原來佢o地要行入碧湖……阿大係咁跑，跑到唔見人!!!轉彎就見到佢坐o左o係人o地酒樓出面o的凳度!!!!哈哈~~~~~我同阿媽話呢o的凳要入去飲茶先坐得o既時候，佢又即刻落返o來……仲有o的以笑遮醜添~^^
阿媽俾o左錢我去買墨魚丸，佢o地返上去先~~~~~~
等梗之前o個個人買完o既時候，o來o左對情侶，原本到我o既時候，點知o個男o既就打尖!!!好心o係女朋友面前就唔好做埋o的咁o既啦!!!!無o的Gentleman風度……點做男人呀???好彩都係我買到先，但就要等囉~咁都好過俾o的咁o既男人打尖成功丫……

返到上去，又有薯條食~^^~
見到阿大阿細有Barbie玩!!!當然唔會係真o既Barbie啦~~~~~~~
出面又播Twins o個Con，咁o岩聽到唄「你講你愛我」，就出去睇o左陣……諗返起露比o的說話，就會心微笑~~~~~
上o左「どこでもいっしょ」o個網，o個「トロと流れ星」又Up o左啦~~~~~~^^多o左本身トロ同佢o的朋友，原來佢本身都有o的咸濕o架!!>///<不過男仔咸濕o既我唔介意~~~^0^睇埋o個CM Movie，不過就窒o左o的……而且都有入面o的畫面耶~~~~~~~^^
阿爸同對落o個件一齊返o來~又再一次的討厭……
之後去o左Sho Time，又Up o左網喇~~~~~~~今次o既BGM係Luv & Soul o既「Change My Mind」，唄o既正是押尾學!!!!估唔到佢會係呢把聲喎……聽落又係唔差~~~~^^
o係留言版睇到o的新o既項目~~~~於是就上o左應慶o個網，都話會有畢業生o既專頁，但全部都係o的學號……根本唔知邊個先係阿翔o既……~><~
另外仲上o左FM Fuji，真係有「Joyful」o既歌詞!!!仲要係寫住「SHO BEAT櫻井翔からのプレゼント」!!!
因為Copy唔到，所以就諗住聽日直情Print出o來~~~~;p

食完飯，就上o左Milky Anime兜o左o個圈~~~~~
阿媽同我講話阿Dee竟然賴我今朝唔叫佢起身囉!!!我幾耐無叫過佢起身呀???兼且今日係星期日，我點解要專登0700起身去叫佢起身先~!?唔Make Sense o架喎!!!平時佢都係自己0700起身o架啦，有乜理由賴我呀???自己懶就算啦……見我o地唔會有人早起身，就訓遲多一個鐘……
今朝對落o個件坐o係廳度，見到佢咁遲起身，佢都嚇o左一嚇，對落o個件當然即刻審佢啦……之後仲貼住張紙叫阿媽留意呢件事!!!
阿媽都話佢o個人係古惑，但好彩佢唔係醒o個隻~~~~
抽o左o的時間回埋Vivian o個言~~~~~~日記都唔打住!!!
終於Up o左星期一至三o既日記，但係o個日記連登入人數只係得9個人，都話伺服器繁忙，咁我就真係有o的無奈囉……順便改埋o個日記名~~~~~「どこでもいっしょ」……因為我真的希望是這樣~^^
熄機後就去阿媽房睇「Bean」，笑o左一輪~~~~~~
之後打埋俾L就去訓~但係有o的緊張……聽日o既關係~;p

>>March 26, 2004 at 3:14:23 PM GMT+8

2004 年 3 月 19 日 星期五 【晴】

打電話俾L，不過聽到阿媽o係出面好趕咁催佢兩個出門口，唔知去邊呢~!?
上網起身睇新聞，阿扁竟然中槍!!!!*0*唔……不過之後睇埋其他人o既留言，更加知道件事o既來龍去脈，真係有o的怪啦……
o係拍賣場搵o左o的阿翔o既o野~~~~~
差唔多時間就換衫，一路咁用電腦、一路等阿媽返，點知等o左好耐都唔見人，於是就直悵打電話搵佢!!
咁急o既情況下要我做決定……真係好難啦……但係我都揀o左出去會阿媽~
行到去火車站就見到佢o地，俾o左張車飛阿大，阿媽就俾埋錢我~~~~阿大仲話要俾張o岩o岩抹完鼻涕o既紙巾我添……
去世昌搵o下會唔會有「新少年」，點知都係無!!!唔通要我返轉頭返屋樓下買咩~!?所以就打o左俾L叫佢幫我搵o下~

繼續睇本小說~~~~o係沙田出火車等埋L~
呵呵~~~~佢幫我買到啦~~~~而且仲話o個人已經收埋晒，但都專登拎返出o來賣俾佢耶~~~~o個個人仲要話「睇少一期就唔好啦~」真係好!!^^
佢仲買o左傳聞中o個枝「T水」俾我~原來都要八十幾蚊!!!
L係咁肚餓，揀o左o係新世紀食o野，原本話去味千食，點知好多人排隊，之後就去o左櫻庭食o野~~~~入到去，o的侍應o既日文發音又唔準……o的Set Lunch又唔太o岩我食……
最後就散叫o左o的o野食……吉列豬扒反卷、蟹子沙律冷麵、雞翼串燒同埋軟殼蟹天婦羅~~~
o的o野都ok o既~~~~~o個反卷好味，所以就嗌多份~
但係o的侍應o既服務態度就真係差囉……只係叫加水，但係加幾耐都未有人o來……真係好想寫紙Complain~!!!而且仲發現原來我同L一齊去食飯o既話，就隨時會俾人Blacklist……因為我o地太麻煩!!!<其實只係佢o地o的服務太差o者~>
今餐L請~食完就落旺中，途中阿Yen打o來，傾o左陣Fion生日o的o野~又再講o下佢o的飯票o既最新情況~

旺中勁多人啦……行到我都”火文”!!!見到o的唔應該見o既o野……無辦法，個o靚妹又矮過我，又學人著Tube Top喎……
最後都係o係地下o個層買o左一包全藍色o既橡筋就算~~~~L叫我遲o的陪佢出o來買袋~
期間都買o左隻耳環同Apple生日份禮物o既……
L宜家先同我講話搵唔到條褲俾我……咁我星期一著咩跑~!?
落地鐵站會Apple同Sandy，只係見到Apple o者~L就去中銀拎錢，而我就話過廟街買煙~
分開o左之後，行o左無幾耐，L就打電話o來，佢又同Apple嘈……
見到朗豪坊，又起多o左啦……不過真係同附近o既街道好唔Match囉……
o係o個公園前面等L，期間見到三個身材好好o既姐姐入o左一間夜總會度……都係第一次見有人入去o乍!!!!小背心 + 短裙 + High Heels涼鞋~~~~不過佢o地同一個地方o來，係咪一間收舖、就話另一間開舖~!?定抑或佢o地只係住埋一齊??間o野仲要寫明話「大波東北妹、香港OL、金髮俄羅斯妹、坐廳任睇」但係我真係好想知係咪真係有俄羅斯妹o係入面…………

去到廟街搵，只係開o左一檔……但係話未有綠色o既返……
過去附近茶餐廳坐，電視就播梗「SMS話點就點」，嘉賓係Boy’z耶~~~~~~~~~o係度估梗係咪Plug「少年成熟記事簿」，真係喎!!!睇到佢o地唄Live~~~~L無奈死啦~~~~~Steven真係Rap泰文o架喎……而且今次o的舞都只係來來去去o個兩款，又唔需要大活動量喎~~~好易學~~~~~~~~~<爆>
o個碟炸雞翼真係大碟啦~~~抵到爆~~~~而我份鮮油多，每邊有兩塊牛油o架!!!^0^
L問我知唔知邊個叫「孔慶翔」William Hung，俾人話佢係「香港版Ricky Martin」、「美國版張如成」……仲要有美國女仔話要嫁俾佢!!!真係好想知道佢係點o既樣!!!係佢唄歌跳舞似前者定係o個樣 / 才華(!?)似後者~!?
Kore話尖東有間K，有得唄「ハダシの未來」囉!!!咁我知係邊間啦~~~~但係o個MV係咪佢o地先~!?最緊要呢樣o野都唔問!!!
電視上o既嘉賓仲有Juno，佢o個Look真係……

食飽就再行過廟街搵煙，點知都係無……
行返落旺角，o係通達前面間銀行度見到有人擺檔扭鐵線，見到佢整得都ok，而且價錢更加ok，所以就同L整o左個~~~~~~我o既就當然係要Kimi啦~~~~仲要整做頸鍊，咁就可以好似Carrie咁戴o係條頸度~~~^^
佢擺出o來o係o既製成品仲有一個琴，o個頂仲要打得開o架!!!寄俾石垣好唔好呢~!?>3<
諗諗o下，就決定以後邊個生日就整o個名送俾佢啦~~~~~哈哈!!!第一個就係Apple!!!開頭o個個人係諗住用o個蘋果圈住o個字，不過我o地都係覺得翼會比較襯佢多o的~~~
問埋佢平時會o係邊度擺檔就走~~~~~
過到去廁所公園，搵唔到Apple，而L就嫌多人所以唔去Toilet……忍喎……希望佢忍到啦~
佢就話去茶餐廳搵Apple、而我就返屋~~~~~

o係火車度L打o來，都仲係咁啦……
返到屋，就周圍搵皮繩，點知無一間有!!!早知就o係旺中買埋先返屋啦……旺中實有o既……
好不滿咁就返到屋……上Yahoo!搵o下星期一會係幾多度……好似今日咁囉……咁一定唔著得條長褲跑……
將o的不滿Send o左Message俾L!!!!
阿爸唔o係度，我先至會咁想o係屋食飯……原來今朝阿媽帶佢兩個去母嬰健康院o個o的，o個醫生問佢o地「家姐錫唔錫佢o地」，點知佢兩個係話唔錫，淨係得爸爸媽媽錫……之後阿細都有話大家姐都有錫少少o既……宜家先講囉!!!好過無丫~
食完飯，又再上網搵o下歌詞~俾我搵到「All or Nothing」o既中日歌詞耶~~~~~~~呵呵~~^^
L聽o左Cream隻「Super Super Fans」，於是我都Down o來聽，聽完之後只係想話：想．點!?
無線就做梗「博愛歡樂傳萬家」，唔知會唔會影到露比呢~!?:p

沖涼o既時候諗到o的o野：原來「將自己把Ruler放o係人o地身上」同「我點對人，人o地點對我」只係一線之差……你點都係有個Request o係人o地身上……不過一個聽落好聽o的，另一個就多數係同人嘈o既時候就會講…………
研究枝「T水」，全英文說明書!!!好彩都仲睇得明~~~~~開埋枝o野，就更加明白要點用!!但真係好大陣消毒藥水隻味……搵o左粒今日先發出o來o既暗瘡o來做實驗~~~~攪到自己都以為食o左o的落o個口度……

出廳睇「The Sixth Sense」<鬼眼>，睇唔到最經典o個Part：”I see dead people……”不過上次就睇到~~~~~一睇，就已經係Cole o係學校見到三個上吊o既人o既時候……
o個細路係咪都係做「A.I.」o個個o來o架~!?
諗住轉台睇o下「熱烈的中華飯店」，點知做梗台灣選舉o的o野……我支持連戰!!!
等多陣就睇「Sex & the City」~~~~~~~Miranda生o左o個仔喇~~~~但係o個過程都有o的好笑……Carrie搵返Mr. Big，一齊遊馬車河之後，第二日Mr. Big就走o左……Samantha就同Richard分開o左……
我係最想睇做完之後、字幕之前o個段字!!!睇唔切!!~><~
之後真係無「Sex & the City」做!!!真係好想知幾時會有Season 5~~~~~取而代之o既係「Six Feet Under」!!!竟然係宜家呢個時候做!!咁我星期六仲有o野睇喇~~~~~今次就睇到另一個廣告：就係話一樣o野，搽o左落死人度之後，佢就會仲好似Living Person咁~~~~

>>March 28, 2004 at 6:07:34 AM GMT+8

2004 年 3 月 18 日 星期四 【晴】

今次發夢，就見到我同大隻佬講返我尋晚夢到佢時o既o野囉~咁真係好似同尋晚o個夢有o的關連喎……

照平時咁起身，攪掂晒就用陣電腦，入o左「Sakura Drops」o既鈴聲~~~~
因為o係「Fashion & Beauty」編輯版度睇到介紹陳百強o既「幾分鐘的約會」係暗戀者o既心聲時，就即刻去Down返o來聽~~~~一開之下，原來就係阿Yen上年成日唄俾我聽o個首!!不過陳百強o的震音真係好厲害!!!而且都係第一次聽晒成首歌~~~~~唔……今年o既話就唔太o岩我啦首歌~~~~我都唔會同佢搭到同一班地鐵o既~反而上年同阿謙就差唔多日日都會o係地鐵度撞到~^^
既然聽開歌，就Load埋隻「Blow My Whistle」o來歌，不過只係聽o左少少，就再開返隻「Lucky Man」o來睇~~~~~

搭289K o既時候，睇到佢o係度播Ayu o個Con~~~~仲要係唄梗「Dearest」o既時候，Ayu仲坐o左o係一個半空o既圓圈入面!!!
去到L屋都已經8點幾，o係張床度hea o左陣就已經訓著o左——
11點幾起身，諗o左陣o野……條腰又開始痛……
開o左L部Hi-Fi o來聽歌，又俾佢Random o左……按o左好耐都去唔返平時咁順住播……
最後L醒o左，幫我搽o左o的安美露先叫好返少少~
問埋佢點樣取消o個Random，原來o的字o既對應鍵係下面o個個囉!!!多數唔係寫o係上面o架咩~!?攪掂o左，就當然要聽「Lucky Man」啦~~~~~~~哈哈~~問佢有無歌詞，先醒起佢都係o係Apple o個隻碟度燒o既~
佢嗌肚餓，拎埋錢就落街食飯~
揀o左食餈飯o個間~所謂o既菜飯，就只係菜 + 飯……
而我就嗌返o個雞扒蛋~~~~~~
講o左o的L申請公屋o的o野~

一路行返去，就講o下我將來間屋一定要有o既鞦韆~~~~~~~~不過究竟要o岩o岩睇到Ayu o個隻圓圈好，定係有塊木版o個o的好……?如果係前者o既話，坐o個個位一定要扁返，唔係會坐得好辛苦兼唔坐得耐~
L教埋應該點整先唔會令到o個天花板負荷唔到……佢仲話一定會有好多上o來到訪o既人會爭住坐，我就話無諗住擺o係房o架喎……佢都話一定會有人坐囉!!
之後就講到天秤座o既「天生麗質敗家子」呢樣o野~~~~~~都話天秤座o既就係咁o架啦~~~雖然我未去到為o左食一餐早餐要用o左我一半o既身家~但其他o既o野話我會囉~~~
返到上去，就玩o個個我之前玩過o既「誰養魚」問題~~~~~之前我都玩過o架!!!但係L就死都唔信我有咁好o既理解能力……
用o左4個字，我就解到係挪威人養魚~~~~L叫我再做一次俾佢睇……我都唔知點寫好!!!
期間露比打過電話o來，原來食梗飯o既時候蘇菲亞打電話o來啦~~~~~
差唔多時間就幫L落街還埋o的漫畫同返學~~~

出去搭87D，等o左一陣就有車o來~~~~~~~上到車，無位坐，但就聽到又播Ayu o個Con……
繼續睇埋本「不如，你送我一場春雨」~~
返到去，仲未夠1400，見到班o的人好努力咁打梗字，自己就o係窗度睇，真係好寫意~~~
擺低o個書包，然後就同Steven o係窗度傾計，我問佢今日佢有無o的咩特別o野發生，佢就話o係佢o地放Lunch o既時時候，佢伸o左o個頭出o來望囉……佢話係望我喎……咪玩啦!!
過晒鐘都仲未放學，又見唔到佢返……再傾o左o的Steven籃球比賽o既o野~
阿Ling同Steven就話去開房喎~~~我就話佢o地一定唔夠時間!!!
同露比&蘇菲亞落去o既時候就睇到同阿敏一齊返~o岩o岩佢望上o來，見到我……之後佢o地就o係7樓出o左——

蘇菲亞佢o地宜家先去食飯，我就過去影埋印，跟住出北角~
Yuki打o來問我o係邊，佢o個佬今日去萬豪Interview啦~~~~~所以宜家得返佢一個~於是我就叫佢打去俾露比~~~
o係個華匯中心等o左好耐(車立)，先有部落o來……原來9樓係「新Monday」o既~~~我就上到15樓，拎埋枝水~~~~呢一層都係「More」拎禮物o既地方~
但係o個個人咁就拎o左我封信走喇……俾都唔俾返我……~><~仲唔駛身份證添呀……
返學校，阿Ling打電話o來，但就係Steven把聲囉……唔該可唔可以用返自己o個電話呀??你話係途中換人都算啦……叫我等埋佢o地!?唔好玩啦……
o係斑馬線就見到佢o地打對面咁行……入萬寧買埋麥提莎就走~

上到去，見到門口好多TB o既人……
個個都問我拎住o的咩……蘇菲亞就掛住問，又唔俾我入去喎……
開o左枝水，好多人都話靚啦~~~~多謝!^^
都係無乜上過堂~食o下o野，寫o下長洲通告咁啦~~~~阿娜”終於”都食到食Dark Chocolate係咩味啦~!?
張檯俾人寫o左Flame o既「Fundamental Loop」o既歌詞，都解到少少啦~~~~~
阿娜幫我搵o左流星點解喇!!!佢仲要同我講話「搵到流星」，Alex聽到仲以為佢搵到佢添~~~
真係唔該晒阿娜啦~~~~~
「將會受惠於突如奇來的幸運，而變得受歡迎的預兆。由於這一切將會以讓你驚訝的速度發展，讓你覺得好像只是順其自然，卻被推上恰巧有利的位置。」
真的嗎???我就問阿娜如果睇到兩粒o既話係咪會更加好，佢就話唔知喎~~~~
嗌Yuki做「由紀」，哈哈~~~~~~~~佢終於認啦~~~~~^0^
無啦~只係諗住睇o下佢睇咩小說，點知係梁芷姍o既……我同露比都即刻話唔好睇!!!
講開運動場o的o野，先知原來露比以前都係去灣仔運動場!!!!不過佢就話o個廁所好乾淨……咁多年o來我都唔覺……有咩事一定係去酒店o個Toilet!!!而且佢o地仲要係開o左三個廁所!!以前我o地只係開o左頭尾兩個之嘛……
得閒又講o下法蘭克福腸同埋芝士腸，我同蘇菲亞都覺得用太多芝士腸會好”漏”……而Steven就走去問阿May覺得邊隻腸好味o的~~~~~~
原來班都仲有人未背普通話，阿May就耐唔耐睇o下出面仲係咪咁多人~~~最後佢知道係我o地”犯賤”之後就話唔幫我o地……
露比問我o地知唔知聽晚o既「博愛歡樂傳萬家」會有o的咩嘉賓……佢阿姨有飛喎~~~~
問o左好耐，都好似無咩人知……淨係知有克勤同林子祥……於是就好無聊咁同露比唄阿Lam o的歌……無奈死蘇菲亞……
繼續攪埋o個「誰養魚?」問題，另一個方法o既話根本就攪唔掂……
成堂都o係度講o的化學清潔劑……理科生先會讀o既o野……
不過睇得出原來蘇菲亞先至係文盲!!!

早o左o的放學，o係樓下傾o下長洲之旅o的o野~
叫Alex幫我拎住枝水，真係唔該晒啦~v_v
見到好多Design o既人拎住部自製相機o來影相，仲見到o的衣著好奪命o既”三姑”……
耐唔耐又拉開話題……
Alex話”支力”得滯可以坐o係枝水上面，露比就話枝水o個頂係尖o既，咁咪……??<爆>

傾完就行落火車站，途中L打o來，佢宜家出北角囉……真係唔知佢究竟今日係點o既……不過算啦~枝水咁重，費事~
返到屋，就見到播梗Twins o個零4好玩Con……仲要係Deep做嘉賓o既時候……話究竟要幾多次「是我做錯」~~~
好努力咁搵返o的「新假期」出o來，點知都係無呢個問題o既答案!!!咁我o個時究竟係o係邊度睇到o個答案呢~!?
順便就玩埋o的IQ題~~~~~~原來我o的IQ都唔差o架喎!!!121-134!!智力比一般人高耶~~~~但o的觀察力就弱o左o的咁囉……同之前Ceci Send o來o個網o既Result一樣~~~~~呵呵~~~
同埋o個九型人格，我係第二同第四類囉~
見到仲有好多其他未問過o既IQ題，星期一可以拎o來問人啦~~~~~~所以就擺晒o的有「Q Time」o既「新假期」o係面~~~~
夜晚食完飯就直情Down隻「Lucky Man」返o來係咁聽~~~~~L打o來，講開「Lucky Man」，就開o左隻「少年成熟記事簿」俾佢聽~~~~~~哈哈!!
掛住同佢傾電話，都唔記得睇「Faking It」!!!好失敗……
同Alex Icq o左一陣，佢回言速度都唔係好慢o者~~~~~~
上網係咁搵Arashi o的網，點都想要o個歌詞!!!
收到Aoyi Send o來o既URL，講中國人o既稱呼喎~只係Bookmark o左先~
好無聊咁開o左o的片段o來睇~~~~仲要係瀧澤o個o的……

唔理眼訓，都去睇「America’s Next Top Model」，反正佢2340就做~~~~
睇完再同L傾o左陣電話就真係要去訓喇……
佢話同Apple出去買PS2，咁見我都要去買o的橡筋同煙，所以都或者會出一出去囉~

>>March 28, 2004 at 5:07:58 AM GMT+8

2004 年 3 月 17 日 星期三 【晴】

吃不到的醋

你以為最酸的感覺是吃醋嗎?
不是的，最酸溜溜的感覺是沒權吃醋。
根本就輪不到你吃醋，那是最酸最酸的。
你暗戀的那個人，你能吃他的醋嗎?眼看著他跟情人甜甜蜜蜜，眼看著他對其他人好，你就是沒資格吃醋。你的喉嚨，酸得差點兒冒出泡沫來。
你喜歡那個人，他也知道，但他不喜歡你。他跟誰來往，跟誰戀愛，也不到你吃醋。他對某人特別好，你恨得牙癢癢，好想走到他面前，質問他：
「你幹嗎跟她這樣好?」
然而，你是誰?
即使望著她和他手牽手，她替他整理衣服的領口，甚至坐在他的大腿上，你也無權說些甚麼，你只能在心裡恨她。
舊情人的醋，你也無權再吃。大家已經分手了，他跟誰一起，不關你的事。他說過會永遠懷念你，永遠保護你，那又怎樣?他可沒說過永遠不愛其他人。
他有了新的對象，他投入一段新的戀情，你從來沒見過他對一個人這麼好。
你很想跟他說：「我討厭你跟她一起!」但你們不是已經分手了嗎?吃醋也要講名分。

╞ 吃不到的醋，是最酸的。很想吃你的醋，但我是你甚麼人呢? ╡

>>March 28, 2004 at 5:09:20 AM GMT+8